<a href="https://kyzylorda-news.kz/ru/">Kyzylorda-news.kz</a>. Туған жерден түлеген талай жастың тасада қалмай, «елінің елеулісі, халқының қалаулысы» болып жүргеніне сырбойылықтар дәлел. Тәуелсіздік алғаннан кейінгі жылдары да ел болашағына үлесін қосып, әкесінің емес, адамның баласы болуға ұмтылған азаматтар баршылық. Соның бірі – қазыналы Қазалы ауданының тумасы, «ҚАЗАҚ РАДИОЛАРЫ» ЖШС Стратегиялық дамыту қызметінің жетекшісі, «Мәдениет қайраткері», түрлі өнерді бір бойына жиған радиожурналист, диктор Мұхамедияр Рашаймен сұқбаттасудың реті түсті.– Бала Мұхамедияр туралы айтып өтсеңіз…– Балалық шағым ауылда өтті. Мектепке балалармен бірдей 1 қыркүйек күні бармай, 24-інде алғаш партаға отырғаным есімде. Кешігіп баруыма себеп жасымның жетпеуі болатын. Ата-анама «енді балабақшаға бармаймын» деп қиғылық салыппын.Білім ордасында гуманитарлық пәндерге жақын болдым. Қазақ әдебиетінен сабақ берген Нәзен апайымды ерекше атап өткім келеді. Менің шығармашылық қабілетімді пайымдап, болашақ мамандыққа бағыттаған сол кісі еді. Жалпы осы күнге дейін қандай да бір биік дәрежеге, абыройға ие болсам, соның бәрі ауылдағы ұстаздарымның арқасы.Қазалы ауданына ғана емес, республикаға танымал Ізеевтер әулетіндегі Айзада Шамшыраққызы. Ол кісі түрлі облыстық, республикалық байқауларға апарып, ауыл баласының жарыққа шығуына мұрындық болғанымен қоса, маған микрофон, сахнамен жұмыс істеуді үйретті. Мектептегі, өнердегі аяулы ұстаздарыма алғысым шексіз.– Тәуелсіздікке дейінгі және кейінгі Қазақстанды қалай сипаттауға болады?– Тәуелсіздіктің құрдасы болмасам да, сол тұста ес білген бала едік. Менің балалық шағымда барлық қажеттілігім қамтамасыз етіліп, керектінің бәрі бар болғанымен, еркіндігі жоқ қоғамда өмір сүрдік. Шын мәнінде сол тұста киерге киім, екі қолға бір күрек таппай қалған кездер болған. Бірақ «біз еркін елміз, тәуелсізбіз» деген ішкі тебіреніс материалдық жоқшылықты аса сездірген жоқ. Еркіндікті ес білгенде сезіндік. Сондықтан дейінгі мен кейінгінің айырмасы – еркін қоғамда, «Жаңа Қазақстанда».– Мамандық таңдауға мұрындық болған кім?– Мамандықты таңдауға белгілі бір адам әсер етті дей алмаймын. Тәуелсіздік алғаннан кейін жандана түскен телевизия саласының алғашқы қарлығаштары Дана Нұржігіт, Қымбат Досжан секілді аға буынның телеарналардан тәуелсіз жаңалық таратуы мамандығыма мұрындық болды. Сол кезден бастап журналист болуды армандадым.Бірақ алғашқы үш қызметімнің де журналистикаға қатысы жоқ. Он алты жыл өнер саласында жүріппін. Қызметім 2000 жылдары Жамбыл облыстық филармониясының «Алатау» аудандық ән-күй ансамблінен басталды. 2012 жылы 1 қараша күні «Қазақ» радиосы қазіргі Нұр-Сұлтан қаласынан алғашқы хабарын таратты. Сонда бес жылдай таңғы бағдарламаны жүргізіп, кейіннен телевизияға ауыстым. Бұл жағынан, тәжірибем болмаса да, қолыма үлкен шоқпар ұстатқан Дана Нұржігіт «Дара жол» бағдарламасын маған тапсырды. Кейіннен продюсер ретінде «Дара бала», «Баламен бетпе-бет» деген жобаларды іске асырдық. «Абай» арнасындағы «Жәдігер» деп аталатын 60 сериялық жобаны түсіріп, халыққа ұсынудамыз. Қазіргі сәтте «XXI ғасыр көшбасшысы» сынды интеллектуалдық бағдарламаға жетекшімін.– Қазақ тиран ұлт емес сияқты. Бірақ неге тұрмыстық зорлық-зомбылық, балалар, әйелдерге жәбір көрсету үдемесе, тоқтамай тұр?– Жаңа ұрпақ ақпарат айдынында өмір сүруде. Зорлық-зомбылықтың көп болып көрінуіне әлеуметтік желіде түрлі ақпараттардың жылдам тарауы да әсерін тигізуде. Сонымен бірге отбасыда «ене», «ата-ана» институтының жоғалып бара жатқаны да бір себеп. Осындай отбасылық құндылықтарды қайтармасақ, тиранға айналамыз. Ғалымдар отбасы институтын зерттеп, осы бір мәселенің шешілу жолдарын ұсынуы тиіс. Тәрбие мен отбасы құндылықтарын қайта қарауымыз қажет.– Абай сипаттаған қазақ өзгере қоймаған сияқты. Бүгінгі қазақ қоғамын бір сөзбен сипаттасаңыз…– Қазіргі қазақ қоғамы үлкен өзгерістердің үстінде. Біз дәстүрлі өмір сүру салтымызды заманауи үрдіске лайықтап, кей тұсын өзімізге сіңдіре алмай, кей тұста асып кетіп жатқанымыз жасырын емес. Қазақ қоғамы «алтын ортаны» таба алмай жатқандай боп көрінеді. Бірақ алдағы көштің дұрыс бағытқа жүретініне сенімім мол. Өйткені, тәуелсіздік алғаннан кейінгі ұрпақтың ойлауы, қабылдауы басқа. Тек аға буын соны бір қалыпқа салып жіберсе, өзгерген, сауатты, саналы қазақ қоғамы қалыптасады. Қазіргі жастардың атқарған істерін көріп, сүйсініп отырамын.«Көздерiнде от ойнар,Сөздерiнде жалын бар,Жаннан қымбат оларға ар,Мен жастарға сенемiн!» – деген Мағжанша мен жастарға сенемін. Тек тұтас мемлекет болып жастарды қолдау керек.– Қазір немен айналысып жүрсіз?– Соңғы уақытта телевизиялық жобалар, деректі фильмдермен айналысудамын. Бәсекеге қабілетті жастарды іріктейтін бағдарламаларды жасауға көңіл бөлудеміз. Осы бағытта ізденіс үстіндеміз. Тың жаңалық ашу мақсат емес, бастысы, көшке қосар толқын, жастар білімді болса, соларды ертерек көпшіліктің, қоғамның алдына алып шықсақ деген ниет бар. Талантты, білімді жастарға мүмкіндік сыйласақ, одан артық мәртебе жоқ.– Әңгімеңізге рақмет!

Мұхамедияр Рашай: Жастарға мүмкіндік сыйлау – басты мақсат

<a href="https://kyzylorda-news.kz/">Kyzylorda-news.kz.</a>Өңірде «Ауыл аманаты» жобасына биыл 3 млрд теңге қаржы қаралған. Жоба халықтың табысын арттыру, ауыл тұрғындарын аграрлық бизнеске барынша тарту, азық-түлік қауіпсіздігін және азаматтардың өмір сүру сапасын жақсартуға бағытталған.Былтыр Жамбыл облысында басталған пилоттық жоба биыл еліміздің бүкіл өңірін қамтитын бағдарламаға айналып отыр. Соған орай, ауыл халқының табысын арттыру мақсатында қазақстандықтарға микрокредит беріледі.Микрокредит мерзімі – 5 жыл, мал шаруашылығы саласындағы жобалар үшін 7 жылға дейін. Ал ең жоғары сомасы 2,5 мың АЕК немесе 8,6 млн теңге. Зәкірлік кооперацияны дамыту үшін 8 мың АЕК немесе 27,6 млн теңгеге дейін. Сыйақы мөлшерлемесі жылдық 2,5%-дан аспайды.Айта кетсек, бағдарлама әкімшісі – облыстық ауыл шаруашылығы және жер қатынастары басқармасы.Шағын несиені&nbsp;кімдер ала алады?Микрокредиттер ауылдық елді мекендерде және шағын қалаларда жүзеге асырылатын жобаларға беріледі, яғни, облыс бойынша Қызылорда қаласынан басқа елді мекендердің барлығынан азаматтар өтінім бере алады.Бұл ретте өңдеу саласына қатысты жылыжайлар, сүт, ет өндірісі, құс және балық шаруашылығы секілді жобалар, өсімдік шаруашылығын, мал шаруашылығын дамыту, ауыл шаруашылығы кооперативтерін жабдықтау және басқа бағыттағы бизнес жобаларды қаржыландыру көзделіп отыр.Шағын несие алу үшін өтінім беруші жеке кәсіпкер болып тіркелуі керек. Сондай-ақ, кепілмен қамтамасыз етудің, салық органдарында тіркеудің болуы, басқа несиелер бойынша мерзімі өткен жарнаның, мемлекеттік кірістер органдарында берешектің болмауы талап етіледі. Бұдан бөлек, несие алушы зейнеткерлік жастан аспауы тиіс.Несие алушыда ауыл шаруашылығын жүргізу үшін жер телімі, қора және басқа да қажетті жағдайлардың болуы, ауылшаруашылық өндірістік кооперативіне мүшелікке кіру және жоба аясындағы өндірген өнімін өндірістік кооперативке өткізу талап етіледі.Тағы бір айта кетерлігі, «Ауыл аманаты» аясында несие алған азаматтарға негізгі борыш пен сыйақыны өтеу бойынша 1,5-2 жыл жеңілдік кезеңі де қарастырылған.Микрокредит қай мекеме арқылы беріледі?Микрокредиттер сенім білдірілген өкіл арқылы халыққа беріледі. Облыстық ауыл шаруашылығы басқармасының мәліметінше, сенім білдірген өкіл ретінде «Байқоңыр» ӘКК» ҰК» АҚ белгіленген. Микрокредиттер әлеуметтік кәсіпкерлік корпорацияның бөлімшесі «Өңірлік инвестиция орталығы» микроқаржы ұйымы арқылы беріледі. Мекеме құжаттар, өтінім қабылдау тәртібін анықтап, микрокредит алатын үміткерлерді іріктейді.Бағдарлама аясында несие алу үшін үміткер «Өңірлік инвестиция орталығына» өтініш, жеке басты куәландыратын құжат, несие тарихы мен есеп туралы ақпаратты беруге келісімі, мемлекеттік және мемлекеттік емес органдарға, БАҚ-қа берілген микрокредит туралы ақпаратты, мәліметтерді және кредит беру туралы шарт бойынша міндеттемелердің орындалу-орындалмауы туралы барлық мәліметтерді беруге және алуға келісімі, бизнес-жоспар,&nbsp; қарыз алушының уәкілетті органының микрокредит алу, мүлікті кепілге беру жөніндегі мәмілені мақұлдау туралы шешімі, мүлікті кепілге беру жөніндегі кепіл берушілердің келісімі, қызмет көрсететін банктен шоттың бар екені туралы анықтама, несиелік берешектің болуы туралы анықтама, қарыз алушының жалақысын, өзге де кірістерін растайтын құжат, бағалау туралы есеп, кепіл беруші және кепілмен қамтамасыз ету жөніндегі құжаттарды өткізуі керек.Айта кетерлігі, сенім білдірілген өкіл үміткер ұсынған құжаттарды өтініш тіркелген күннен бастап 3 жұмыс күні ішінде қарайды. Құжаттар мен олардағы мәліметтер талапқа сай болмаған жағдайда, себебін көрсете отырып кері қайтарады. Ал несие талаптарына сәйкес құжаттар 15 жұмыс күні ішінде қаралып, микрокредитті мақұлдау не беруден бас тарту туралы шешім қабылданады. Мақұлданған жағдайда үміткермен шартқа қол қойылып, содан кейін микрокредитті оның ағымдағы шотына 3 жұмыс күні ішінде аударады.Қаржының мақсатты жұмсалуы қадағаланадыОсылайша «Ауыл аманаты» ауыл халқына жеке кәсіп ашуға немесе бұрыннан бар кәсіпті дамытуға мүмкіндік береді. Бұл үшін жеңілдетілген несие мөлшерлемесі енгізіліп, бюджеттен қомақты қаржы бөлінуде.Атап айтсақ, республикалық бюджеттен бағдарламаға биыл бөлінген қаржы 52,4 млрд теңге. Оған ел бойынша 11 мың микрокредит беру көзделіп отыр. Соның ішінде өңірге 3 млрд теңге қаржы бөлінді. Бағдарлама облыс орталығынан басқа елді мекендердің барлығын қамтитынын ескерсек, бұл аса қомақты қаржы емес. Сондықтан облыс әкімінің тапсырмасына сәйкес қаржыландыру көлемін ұлғайтуға өтінім берілуде. Бұл туралы өңірлік коммуникациялар қызметінде өткен брифингте облыстық ауыл шаруашылығы және жер қатынастары басқармасы басшысы Талғат Дүйсебаев айтты.Басқарма басшысының айтуынша, микрокредит қаржысының мақсатты жұмсалуы да қадағаланады. Сенім білдірілген өкіл ай сайын ауыл шаруашылығы мәселелері жөніндегі жергілікті атқарушы органға микрокредиттердің нысаналы пайдаланылуы туралы есеп береді.– Микрокредиттердің нысаналы пайдаланылуына үнемі мониторинг жасалады. Қарыз қаражаты мақсатты жұмсалмаған жағдайда айыппұлдар, қаржыны мерзімінен бұрын қайтару секілді шаралар қарастырылған, – деді Талғат Дүйсебаев.Қазіргі уақытта «Ауыл аманаты» жобасы бойынша дайындық жұмыстары жүруде. Ал құжат қабылдау алдағы мамыр айында басталады.&nbsp;

«Ауыл аманаты»: 2,5 пайыздық несиеге кімдер қол жеткізе алады?

<a href="https://kyzylorda-news.kz/">Kyzylorda-news.kz.</a> Бүгін «AMANAT» партиясы Жалағаш аудандық филиалының Партиялық бақылау комиссиясы аудандағы әлеуметтік маңызы бар азық-түлік өнімдеріне, дәрі-дәрмектердің жекелеген түрлері мен жанар-жағармайдың бағаларына мониторинг жұмыстарын жүргізді.Жалпы бензин – жеңіл автокөліктерде қолданылатын негізгі отын. Тауарлар мен қызметтердің бағасы да белгілі бір дәрежеде оның құнына байланысты. Тауарларды тасымалдау шығындарын кәсіпкерлер ескереді. Мамандардың айтуынша, жыл сайын тұқым себу мен егін орағы науқандары алдында жанар-жағармай бағасы қымбаттайды. Биыл да солай болды ма? Бұл мәселе бойынша жалағаштықтар мониторинг жасаған болатын.Жалағаш ауданындағы жанар-май құю бекеттерінде АИ-92 маркалы бинзин баға тұрақтылығын сақтап еркін айналымда сатылымда. Дизель отыны жалпы талонмен сатылса, ал ауданға қарасты қоғамдық көліктерге еркін айналымда берілуде.Мониторинг жұмыстары барысында Қазақстан Республикасының «Сауда қызметін реттеу туралы» Заңына сәйкес заң аясында түсіндірме жұмыстары жүргізілді.Аталған мониторинг жұмыстарына Партиялық бақылау комиссиясының мүшелері Қалдыгүл Дәулет, Прманов Уалихан, аудандық партия филиалының консультанты Асхат Ахметжамиев және аудандық ауылшаруашылығы және жер қатынастары бөлімінің арнайы маманы қатысты.&nbsp;

Жалағаш ауданында жанармайдың бағасы тұрақты

<a href="https://kyzylorda-news.kz/">Kyzylorda-news.kz.</a>&nbsp; Теміржолшылардың ардагерлер бөлмесінде «AMANAT» партиясы Теміржол филиалының «Жол бөлімішесі» &nbsp;бастауыш партия ұйымының &nbsp;ұйымдастыруымен &nbsp;«Ардагерлерді ардақтайық» партиялық жоба &nbsp;аясында сала және партия ардагері Мархабат Құлмырзаевамен &nbsp;кездесу өтті.&nbsp;Теміржол саласының &nbsp;дамуына &nbsp;35 жылдан астам &nbsp;өзіндік үлесін қосқан ардагеріміз кездесу барысында шыжығы мен қызығы мол жұмыстағы еңбек жолында кезіккен түрлі естеліктерімен бөлісті. Солардың ішінде &nbsp; қозғалыс қауіпсіздігін сақтауда &nbsp;вагонды өрттен сақтаған жайлары, жұмыс барысында заңсыздық әрекеттерден жоғары жауапкершілік пен &nbsp;біліктілігі арқасында абыроймен шыққаны таңқалдырмай, қызықтырмай қоймады. &nbsp;Әкеден &nbsp;тараған &nbsp;5 перзентен өзі ғана &nbsp;әке жолымен теміржолға келгенін естігенде үш мәрте &nbsp;«Құрмет» орденінің иегері атанған теміржолшы &nbsp; Әбдіқадіров Кәкім әкесінен &nbsp;қайсарлық, жігерлілік, бір беткейлік &nbsp;секілді &nbsp;дарыған қасиеттерді ардагер бойынан байқадық.&nbsp;Бүгінде зейнеткерлікте отырса да &nbsp;заманында тәрбие берген шәкірттері &nbsp;бағыт-бағдар берген мықты ұстаз жолымен &nbsp;теміржолдағы жауапты жұмыстарды абыроймен атқарып келеді. Жалғыз басты ана болса да &nbsp;бір қыз баладан 4 немере сүйіп отырған &nbsp;аялулы әже атанған Мархабат Кәкімқызының &nbsp;денсаулығы сыр берсе де мойымай, әріптестеріне келіп жылы лебізін білдіруде.&nbsp;<blockquote>«Иә, біз қашанда ардагерлерімізбен мақтанамыз, ардагерлеріміз аман болғай! Жас теміржолшылар тәрбиесінде осындай үлесін &nbsp;қоса білген ардагеріміздің &nbsp;өнегелі істерін кейінгі ұрпаққа үлгі ету &nbsp;және өткен 70 жылдық мерейтойымен құттықтау мақсатында кездесуді ұйымдастырып, &nbsp;деніне саулық тілеуді жөн көрдік»,- &nbsp;дейді Теміржол партия филиалының саяси кеңесінің мүшесі, кәсіподақ төрағасы Мұхтар Көпірбаев.</blockquote><figure class="image"><img src="https://knadmin.beoblood.kz/uploads/3fa3915f_7111_4d3c_8e60_b92d8c9fe919_672236882b.jpg" alt="3fa3915f-7111-4d3c-8e60-b92d8c9fe919.jpg"></figure>

«Ардагерлерді ардақтайық»: Партия ардагері Мархабат Құлмырзаевамен  кездесу өтті

<a href="https://kyzylorda-news.kz/">Kyzylorda-news.kz.</a> Қызылорда облысы бойынша ҚАЖ департаментінің бастығы әділет полковнигі Шаймерден Тәжіқұлұлы Есенкелдиев жедел кеңес өткізіп, ағымдағы жылдың 3 айын қорытындылады.&nbsp;Жедел кеңеске жеке құрам қызметкерлері, мекеме басшылары және пробация қызметінің бастықтары қатысты. Жедел кеңесті ашқан әділет полковнигі Шаймерден Тәжіқұлұлы ІІМ Алқа отырысында қойылған негізгі талаптар мен тапсырмаларды жеке құрамның назарына жеткізді. Жедел-қызметтік жұмысының қорытындылары туралы департамент бастығының орынбасары әділет полковнигі Мұрат Сабырұлы Накенов баяндама жасады. Ол өз баяндамасында ҚАЖ мекемелеріндегі сотталғандардың пайдалануы мен қолданылуына тыйым салынған заттарды өткізу дерегі, тінту жұмыстары және жазасын өтеушілермен өткізілген тәрбиелік шаралар, түзеу мекемесінен босатылған, жаза мерзімі қысқартылған сотталғандар туралы айтып өтті. Сондай-ақ департаменттің жеке құрамы арасындағы тәртіптің, заңдылықтың және сыбайлас жемқорлыққа қарсы іс-қимылдың жай-күйі, атқарылған жұмыстары &nbsp;мен ҚАЖ имиджін арттыру бағытында БАҚ беттеріне жарияланған ақпараттар жөнінде баяндады.Одан соң департамент бастығының орынбасары әділет подполковнигі Жүніс Өтегенұлы Әбдіқайыров &nbsp;сотталған азаматтардың жұмыспен қамтылуы, оларға көрсетілетін медициналық көмектің көрсетілуі және тылмен, қаржымен қамтамасыз ету және пробация қызметтері &nbsp;бойынша бірінші тоқсанда атқарылған жұмыстарды баяндады.&nbsp;Жедел кеңесті қорытындылаған департамент бастығы ҚАЖ мекемелерінде алдағы уақытта атқарылатын міндеттер бойынша мекеме басшыларына сотталғандарды жұмыспен қамту бойынша жеке кәсіпкерлермен кездесулер өткізу, сотталғандардың пайдалануы мен қолданылуына тыйым салынған заттардың жолын кесу бойынша жұмысты жандандыруды және олармен тәрбиелік жұмыстарды жиі жүргізуді, тапсырды. Аудандық және қалалық пробация қызметінің есебіндегі азаматтардың қайта қылмысқа жол бермеу мақсатында тиісті жұмыстарды атқаруды және жеке құрам арасында сыбайлас жемқорлықтың алдын алу бағытында жүйелі жұмыстардың жүргізілуіне нақты тапсырмалар берді.

ҚАЖ департаменті бірінші тоқсанды қорытындылады

<a href="https://kyzylorda-news.kz/">Kyzylorda-news.kz.</a>&nbsp; Елімізде жанармай құю бекеттерінде бензин мен дизель бағасы қымбаттады. Tengrinews.kz агенттігінің мәліметіне қарағанда Алматыдағы жанармай құю бекеттерінде АИ-92 маркалы бензиннің бағасы 205 теңге болса, АИ-95/96 маркалы бензиннің бағасы әртүрлі. Айталық Sinooil-да АИ-96-ның литрі 222, дизель бағасы 295 теңгені құрапты.Жалпы, Қазақстан жанар-жағармай бағасы жағынан ең арзан елдер тізіміне кіреді. Мысалы үшін, Ресейде дизель бағасы орташа есеппен литріне 345 теңге, біздегі нарық бағасынан 45%-ға қымбат. Қырғызстандағы баға 64%-ға жоғары, яғни литріне 390 теңге, Өзбекстандағы баға бізбен салыстырғанда екі есеге қымбат – литріне 480 теңге, айырмашылық – 101 пайыз.Астанадағы Nomad жанар-жағармай құю бекеттері желісіндегі баға да осы шамада. Мұнда да АИ-92 205, АИ-95 224 теңгеден, АИ-98 245 теңгеден, дизельдің литрі 295 теңгеден сатылуда.Ал біздің өңірдегі ахуалды облыстық кәсіпкерлік және өнеркәсіп басқармасы басшысының орынбасары Ринат Сұлтангереевтен білген едік.<blockquote>&nbsp;Ішкі нарықты әлеуметтік маңызы бар мұнай өнімдерімен қамтамасыз ету бойынша ҚР Энергетика министрінің 2015 жылғы 27 наурыздағы «Мұнай өнімдерін өндіру және өткізу мониторингін жүзеге асыру қағидалары туралы» № 236 бұйрығына сәйкес, облыс аумағында бөлшек саудадағы мұнай өнімдерінің бағаларына күнделікті мониторинг жүргізілуде. Қазір облыста 122 жанар-жағармай бекеті жұмыс жасайды. &nbsp; АИ-92 маркалы бензинінің 5 119,4 тонна, дизель отынының 3 361,4 тонна &nbsp;қоры бар. ҚР Энергетика министрінің 2015 жылғы &nbsp;19 мамырдағы №361 бұйрығына өзгерістер енгізіліп, 2023 жылғы 12 сәуірден бастап АИ-92 маркалы бензиннің бағасы &nbsp;205, дизель отынының бағасы 295 теңгені құрады. &nbsp;Сонымен қатар, жедел штаб құрылды. &nbsp;Оның құрамына қала және аудан әкімдері, мемлекеттік, құқық қорғау органдарының басшылары кіреді. Тапшылықты қолдан жасаудың алдын алу &nbsp;үшін тұрақты түрде талдау жүргізіледі. Жанар-жағармай мәселесі облыс әкімдігінің тұрақты бақылауында, – деді.</blockquote>Фототілші Нұрболат Нұржаубайдың нысанасына ілінген кадрларда қаладағы ірі жанармай құю бекеттеріндегі бағаларды көруге болады. Мәселен, Sinooil бекетінде АИ-95 маркасы 207, АИ-92 маркалы бензин 202, ал дизель 295 теңгеден сатылып жатыр. Compass жанармай бекетінде АИ-95 маркасы 212, ал АИ-92 түрі 202 теңгеге өскені байқалады. &nbsp;

Жанар-жағармай бағасы тұрақты бақылауда

<a href="https://kyzylorda-news.kz/">Kyzylorda-news.kz.</a>&nbsp; Қыстың қытымыр аязы мен аптап ыстығында әрбір тал-дарақ пен аң-құстың амандығын сақтап, өз жеріндегі экологиялық ахуалды күзеткен орманшы еңбегін біріміз білсек, біріміз білмейміз. Табиғат сақшылары жылдан-жылға орман алқаптарын көбейте отырып, экологиялық тұрақтылыққа септесіп келеді. Табиғатты, байлық пен қорды сақтап жүрген олардың еңбегі көзге көрінбесе де, құрметтеуге әбден лайық.Облыста мемлекеттік орман қоры саналатын жер 7 млн гектарды құрайды. Оның 3,8 млн гектары – орманды алқаптар. Осы алқаптың негізгі құрамын, яғни, 83 пайызын сексеуіл бұтасы құрайды. Ал аймақтағы табиғат байлығын қорғайтын 8 мекемеде 700-ге жуық қызметкер жұмыс істейді. Олардың міндеті – өңірдегі орман мен тоғайлы жерлердегі қорды мүмкіндігінше сақтау, пайдалану, өсіру.Мемлекет басшысы Қасым-Жомарт Тоқаевтың 2021-2025 жылдары Арал теңізінің құрғаған ұлтанында 1,1 млн гектар сексеуіл екпелерін егуді ұлғайту жөнінде&nbsp; тапсырмасы бар. Соған сәйкес екі жыл бұрын 101 мың гектар сексеуіл егіліп, 2022-2025 жылдар аралығында жыл сайын 250 мың гектар фитоорманмелиорациялық жұмыстар атқарылуда. Былтырғы меже – 250 гектар жер толығымен қамтылды.Биыл да 250 мың гектар жерге фитоорманмелиорациялық жұмыстарды іске асыру жоспарланған. Бүгінде орман шаруашылығы мекемелерімен бірлесіп 53 мың гектар жерге сексеуіл көшеті егілуде. Бұдан бөлек, күзде 47 мың гектарға тұқым себіліп, 141 тоннадан астам галофитті жүзгін, қарабарақ, сарысазан бұталарының тұқымы жиналады. Сонымен қатар, уақытша орман тұқымбақтары ұйымдастырылуда. Оның көлемі – 168 гектар. Мұнда жерсіндірілген әртүрлі көшет өсіріледі. Айта кетейік, теңіздің құрғаған табанындағы 150 мың гектар жердің топырағын зерттеу, жобалау жұмыстарын жүргізу үшін облыстық бюджеттен 55,9 млн теңге бөлінген.<blockquote>– Жалпы құрғаған теңіз ұлтаны қараусыз қалмайды. Ондағы тұз, құм көшкіндерін тоқтату, экологиялық ахуалды жақсартуда бүгінге дейін біраз жұмыс атқарылды. Аралдың деңгейі 1968-1990 жылдар аралығында негізгі жағалаудан 100-150 шақырымға дейін қайтқаны белгілі. Бұрынғы су жатқан ұлтан жалаңаштанып, тұзды шаң мен құм пайда болды. 1991 жылы «Арал консорциумы» деген үлкен бірлестік құрылып, құрғаған ұлтанды орманға айналдыруға өңірдегі орманшылар жұмылдырылған. Сонымен қатар «Қазақстан Республикасы аумағында ормандарды сақтау және молайту» бағдарламасына сәйкес Дүниежүзілік банктің қолдауымен 2008-2014 жылдар аралығында теңіз ұлтанына сексеуіл көшетін отырғызып қана қоймай, тұқымын себу жұмыстары жүргізілді. 2018-2020 жылдары Корея Республикасының орман қызметінің қолдауымен «Арал теңізінің құрғап қалған ұлтанында фитоорманмелиорациялық жұмыстар жүргізу» жобасы іске асып, 13 мың гектардан астам жерге сексеуіл көшеті отырғызылды, – дейді Арал орман шаруашылығы және жануарлар дүниесін қорғау жөніндегі мемлекеттік мекемесінің директоры Болат Бисенбаев.</blockquote>Басшының айтуынша, орманшылардың еңбегіне тұрарлық әрі оларды қолдауда жақсы жаңалық жоқ емес. Екі жыл бұрын Арал мен Қазалы орманшыларына су жаңа техникалар берілген еді. Облыстық бюджеттен бөлінген қаржыға 2 дана өрт сөндіру автокөлігі, 6 дана ХТЗ тракторы алынды. Ал былтыр орман шаруашылығы мекемелерінің материалдық-техникалық базасын жарақтандыру үшін облыстық бюджеттен қаржы бөлініп, 5 трактор, 6 орман отырғызу агрегаты, 2 өрт сөндіру машинасы, 2 патрульдік автокөлігі беріліпті. Бұған қосымша бірнеше қажетті жабдықтар алынған. Ал орман өртін болдырмау, алдын алу үшін тиісті мекемелерде 11 өрт сөндіру көлігі мен 53 өрт сөндіруші қызмет атқарады. Жалпы 2022-2024 жылдары теңіз ұлтанында сексеуіл егуге қажетті техника мен құрал-жабдықтар сатып алуға облыстық бюджеттен жыл сайын қаражат бөлініп тұрмақ.Сексеуілді көптеп отырғызғанмен, оның түбіне балта шауып, жеке бас пайдасына жаратып жүргендер жайлы айтпасқа болмас. Оның үстіне көмiрдiң жетiспеушiлiгi мен қымбаттауы ауылдағы ағайынға ауыр тиді. Сексеуiлдi отын ретiнде қолдана бастадық. Қазір оны ауыл іргесінен емге таппайсыз, 100-150 шақырым ұзап барып, кездестіруіңіз мүмкін. Мұнан бөлек, үлкен қалаларда кәуап пісіру орындары көптеп ашылып, сексеуiлге деген сұраныс барынша артқан. Міне, пайдаға құныққандар темір троспен сексеуілді түп-тамырымен қоса жұлып алатын болған. Бұл біздегі орман қорын азайтып тұр.Мәселені шешу үшін орман шаруашылығы және жануарлар дүниесі комитетінің бұйрығымен уран кен орындарын қазып шығаратын және мемлекеттік орман қорының құбыр желісі өтетін жерлерде жаппай кесуді қоспағанда, ағаш кесудің барлық түріне 2023 жылғы 31 желтоқсанға дейін тыйым салынды. Сонда да біздің аймақта сексеуіл шауып, заңсыз тасу әлі кездеседі. Облыстық орман шаруашылығы және жануарлар дүниесі аумақтық инспекциясының бөлім басшысы Айбек Жолақановтың айтуынша, жыл басынан бері сексеуілге зиян келтіру бойынша 1 дерек тіркеліпті. Бұған инспекция қызметкерлері хаттама толтырған. Жинақталған құжат сотқа жолданып, сексеуіл шапқан заң бұзушыға 241 мың 500 теңге айыппұл салынған. Заңсыз шабылғаннан бөлек, тасымалдау бойынша 9 іс тіркеліп, әкімшілік айыппұл салынған. Сондай-ақ шабылған және тасымалданған барлық сексеуіл мемлекет пайдасына тәркіленіпті.Адамзат тарихындағы ең ірі экологиялық апат салдарынан жерді тұз басып, шөлейтті жер аумағының көлемі көбейіп, адамзат денсаулығына, жануарлар мен өсімдіктер дүниесінің көбейіп-өсуіне кері әсерін тигізіп отырғандығын жиі айтып келеміз. Аралдың тартылуы аймақтағы экологиялық жағдайды күрт нашарлатып жібергені баршаға аян. Теңіз табанынан ұшқан құмды дауыл тонналаған уытты тұз бен шаң-тозаңды ауаға таратып, барлық тіршілікке кері әсерін тигізді. Бір ғана мысал, суы құрғаған аймақтан ұшқан құмды дауылдың ұзындығы 400, көлденеңнен 40 шақырымды алады екен. Ал радиусі 300 шақырым. Бұл – тартылған теңіздің мәселесі жалғыз Қазақстан емес, бүкіл әлемге қауіп төндіруде деген сөз. Осының салдарынан жыл сайын 75 млн тоннаға дейін шаң мен улы тұзды жел көтеріп, оның өзі Еуропа мен Антарктидадан табылған.Иә, мамандардың есебінше, теңіздің құрғаған ұлтаны 4,5 млн гектар. Осынша гектардың 2,2 миллионы Қазақстан аумағында деп көрсетілген. Аз жер емес. Құрғақ аймақтың тұз басып, шөлейт жер аумағын көбейткені былай тұрсын, ондағы тіршілік иелеріне жағымсыз әсері тіпті көп. Жануарлар мен өсімдіктердің көбеюіне қарсы мұндай факторларға бірден-бір амал – теңіз ұлтанына сексеуіл, сарысазан, қарабарақ сияқты галафитті өсімдіктерді егу екенін кейінгі 20-25 жылдың тәжірибесі дәлелдеп отыр.

Орман шаруашылығы: 53 мың гектар жерге сексеуіл көшеті егілуде

<a href="https://kyzylorda-news.kz/">Kyzylorda-news.kz.</a> Кәсіп бастаймын деп ниет еткен жан төзімді, өжет және еңбекқор болған жөн. Бүгінгі мақалаға арқау болған кейіпкер де сан кәсіптің шашауын шығармай бір арнаға тоғыстырып жүрген нағыз іскер азамат.&nbsp;Ол ата мен әке ескен қайықпен несібесін тауып келеді. Кіші Аралға биыл жылдағыдан мол су түскенін естідік. Кейінгі жылдары жағалаудан 500-700 метрге дейін алыстаған теңіз жағасындағы елге бұл көптен күткен қуаныш болып тұр. Иә, елдегі жігіттер балық аулайды. Әсіресе, теңіз маңына жақын «Қаратерең», «Жаңақұрылыс», «Бөген», «Қарашалаң», «Аманөткел», «Қамбаш» ауылдары. Қыр жақтан «Ақбасты» мен «Ақеспедегі» ағайын да мұны ұмытпады. Кәсіп қылып, пұл тауып жүр.Айтпағымыз басқа. Біздегі дария мен теңізге түсіріп жүрген қайықтың көбін ауыл жігіттері соғып келді. Қолы ұзындары ресейлік «Прогресс» темір қайығын алып мінді. Қос қолмен ескек ескеннен гөрі, моторлы әрі жылдам қозғалатынын есепке алатын.Осыдан бірнеше жыл бұрын аралдық кәсіпкер Жансерік Нысанбаевтың қайық істей бастағанын естідік. Пластиктен арнайы қалыпқа құйып шығарыпты. Металл қайықтай емес, жүзгенде қауіпсіз. Төңкерілсе де суға батпайды. Айтпақшы, Жансерік өз кәсібін алғашында жиһаз құрастырып бастаған еді. Ал &nbsp;әзірге облыста оның қайық өндірісіне бәсекелес жоқ.<blockquote>Әу баста құрылыс саласына қатты қызықтым. Кейін жоғары оқу орнында жүріп, Ақтөбе қаласында түрлі жұмыстың басын шалдық. Бір жағынан, ата-анаға салмақ салғым келмеді. Оқу ақысын өзім табам деген ниетпен қаладағы жиһаз сататын дүкенге жұмысқа орналастым. Жиһаз құрастыра жүріп, қолым әбден машықтанды. Негізінде атам Сенбі, өз әкем Темірбай да ағаш пен темірден түйін түйген ұста болған. Содан шығар, бұл өнерді үйрену қиындық тудырмады. Ақыры, ойлана келе 2009 жылы бар қаражатымды жиып, станок сатып алдым. Арал қаласынан жалға ғимарат алып, өзімізше жиһаз цехын аштық. Нәтиже жаман болған жоқ, өнімдеріміз елге ұнады. Жеке тұрғындардан бөлек, мекемелер де тапсырыс бере бастады, – &nbsp;дейді кәсіпкер.</blockquote>2012 жылы Жансерік өз күшімен бос жерге ғимарат салып, цехты үлкейтеді. Екі жылдан соң «Даму» қоры» арқылы «Халық банкінен» төмен пайызбен несие алып, жаңа әрі соңғы үлгідегі құрал-жабдықтарын түгендейді.<blockquote>Негізінен кәсіпкер жергілікті жерге нағыз қажет затты есепке алуы керек. Өзім «аралдықтардың басты тіршілігі не?» деген сұрақпен бас қатырдым. Әрине, біздің ел туралы айтсақ, алдымен еске түсетіні – балық пен тұз. Расымен, кейінгі жылдары аудан көлемінде балықшылық кәсіп жанданды. Теңізден бөлек, өзен мен көлден ауланған балықты өзіміздегі зауытта өңдеп, экспортқа шығарып жүрміз. Ал енді балықшыға суға түсіп аулау үшін қайық керек емес пе? Мұны біздің жігіттер ағаштан соғып алады немесе сырттан сатып әкеледі. Ойлана келе осы керекті дүниені өзімізден шығаруға бел будық, – &nbsp;дейді ол.</blockquote>Ақпараттық заман дамуына ілескен Жансерік қайықтың технологиясын интернет арқылы үйренген. Алғаш істеген жұмысы сәтсіз болғанмен, тыңғылықты зерттеудің арқасында жобасы сәтті шыққан.Қайық жасаудың шебері интернет арқылы бірнеше қалып үлгілерін қолдан істеп, сынақтан әбден өткізген. Әзірге ол қайықтың үш түрін шығаруда. «Прогресс-4», «Тримаран-410», «Касатка-520». Барлығы да шыныталшықты шайырдан, яғни, пластик өнімдерден құйылады. Керекті шикізатын Еуропадан алдырады. Төзімділігі темір мен алюминийден екі есе артық әрі тот баспайды, шірімейді. Сондай-ақ кәсіпкер тапсырыспен 4-5 метрлік құс қайықты да істей береді. Айына 5-6 қайық дайындалады.<blockquote>&nbsp;Бұл жоба 2016 жылы басталды. Талай сынақ пен ұйқысыз түндерді бастан кешірсек те, ең алғаш істеген қайықтың қуанышы әлі есімде. Қазір цехта тәжірибелі, өз ісіне жетік 8 адам жұмыс істейді. Барлығы – осы елдің азаматы. Айлығы да тұрақты. Ғимараттың тарлығына байланысты цехты үлкейтпекпіз. Алдағы уақытта айына 10 қайыққа дейін шығару жоспарда бар. Сондай-ақ биыл құрылыс материалдарын шығаратын цехты іске қоспақпын. Ол цехтың жұмысына қажетті құрылғыларға тапсырыс та беріп қойдым. Бүгінде кәсіп ашам десең, жобаң жаңашыл болса, мемлекеттен қолдау көп. Қайық пен жиһаз өндірісінен бөлек, енді Аралдан құрылысқа қажетті өнім шығатын күн алыс емес, – дейді аралдық кәсіпкер.</blockquote>Әдепкіде Жансеріктің қайықтары Каспий теңізі, Балқаш пен Алакөлде жүзді. Ал жергілікті балықшылар былтырдан бері қызығушылық танытып келеді. Тапсырысты да жиілеткен. Өйткені, бағасы қолжетімді. Ең қызығы, цехтағы жігіттер әр қайыққа иесінің атын әсемдеп жазып, қалауынша бояп береді. Айтпақшы, кешегі наурыз айында Шымкентте әр өңірдің өнімдері қойылған көрме өткен еді. Жергілікті өнімнің ішінде Аралдан шығатын қайыққа қызыққандар көп болған деседі. Иә, өзен мен теңізге керек өнім өзімізден болса, неге қуанбасқа?Айта кетейік, бүгінде Арал ауданында 6062 шағын және орта кәсіпкерлік жұмыс істеп тұр. Жыл басынан бері мемлекеттік бағдарламалар мен қаржы институттары арқылы барлығы 398,5 млн теңгеге 49 жоба несиелендірілген. Бұдан бөлек, 449 млн теңгеден астам қаражатқа 48 жоба іске аспақ. Ал «Кәсіпкерлікті дамытудың 2021-2025 жылдарға арналған ұлттық жобасымен 1 млн 380 мың теңге қайтарымсыз гранты 30 адамға берілген.

Аралдық кәсіпкер пластиктен қайық жасайды

<a href="https://kyzylorda-news.kz/">Kyzylorda-news.kz.</a> Жақында Қармақшы ауданы әкімі Жандос Еркінбек Тәжік-Ауған шекарасындағы әскери қақтығыстарға қатысқан аудан азаматтарын қабылдап, құрмет көрсетті.Оған Тәжік-Ауған шекарасындағы жауынгерлік қимылдарына және әскери қақтығыстарға қатысушы жерлестеріміз, аудандық мәслихат төрағасы, аудандық ардагерлер кеңесінің төрағасы, еңбек ардагерлері, үкіметтік емес ұйымдар өкілдері қатысты.Қабылдауда аудан басшысы Тәжік-Ауған шебінде бітімгершілік міндеттерін адал атқарып, көрсеткен ерен ерліктері үшін алғысын айта келе, ардагерлерге «Тәжік-Ауған шекарасындағы қызметі үшін» мерекелік медалі мен алғыс хаттар тапсырып, сый-құрмет көрсетті.Салтанатты қабылдау барысында аудандық мәслихат төрағасы Әділ Қошалақов пен аудандық ардагерлер кеңесінің төрағасы Асқар Мереков құттықтау сөз сөйлеп, жүрекжарды жылы лебіздерін білдірді.Содан соң сөз алған Тәжік-Ауған шекарасында жауынгерлік қимылдарына және әскери қақтығыстарына қатысушылардың аудандық қоғамдық бірлестігінің төрағасы Жанболат Қосқожаев осындай тағылымды іс-шараны ұйымдастырған аудан әкімдігіне алғаусыз алғысын айтып, ризашылығын білдірді.Қабылдау соңында аудандық Шәмшат Төлепова атындағы мәдениет үйінің өнерпаздары іс-шараға қатысушыларға ән мен шашу шашып, жырдан көтеріңкі көңіл-күй сыйлады.

Қармақшы ауданының әкімі Тәжік-Ауған ардагерлерін қабылдады

<a href="https://kyzylorda-news.kz/">Kyzylorda-news.kz.</a> Қорқыт ата атындағы Қызылорда университетінің бизнес-инкубаторы және Қызылорда облысының ақпараттық технологиялар орталығының базасында Kyzylorda Hub стартаптар технопаркі ашылды.Kyzylorda Hub технопаркінің басты&nbsp; мақсаты – өңірдегі&nbsp; инновациялық жобаларды дамыту, аталған бағыт бойынша кадрлар даярлау және білім беру. Орталық &nbsp;стартаптар, инвесторлар мен менторларды біріктіреді. Сондай-ақ, кәсіпкерлік саладағы білімін арттыру, жобалардың прототипін жасау, инвестиция тарту, қаржылық есеп жүргізу және PR бағыты бойынша жастарға қолдау көрсетіледі.Astana Hub технопаркімен серіктестік аясында мектеп және колледж бітіруші түлектер арасында «Startup Talapker» облыстық стартап жобалар байқауы, үздік стартап жобаларды анықтауға арналған «Idea Battle» байқауы және «Startup Joly» инкубациялық кезеңі ұйымдастырылады.Сонымен қатар, стартап жобасын бастап, білім алғысы келетін азаматтарға онлайн білім беретін&nbsp; «Startup School», кодты пайдаланбай IT өнімді әзірлеудің жаңа дағдысын көрсететін «No Code» курстарымен қатар технологиялық кәсіпкерлік бойынша «Startup Academy» бағдарламасы іске асырылады.Алдағы уақытта Қызылорда облысының ақпараттық технологиялар орталығының қолдауымен өңірде «Smart city Hackathon», «Pecha Kucha Night», «Innofest Kyzylorda – 2024» инновациялық жобаларды дамыту бағытындағы іс-шаралар да ұйымдастырылады.Айта кетейік, Қорқыт ата атындағы Қызылорда университетінде студенттер мен оқытушыларға арналған бизнес-инкубатор 2017 жылдан бастап жұмыс істейді.&nbsp; Инкубатордың жалпы жұмысына осы кезге дейін 139 резидент пен 7&nbsp;600 жас қамтылды.&nbsp;

Astana Hub халықаралық стартаптар технопаркінің Қызылорда облысы бойынша өңірлік офисі ашылды

<a href="https://kyzylorda-news.kz/">Kyzylorda-news.kz.</a> Өткен жылы Шиелі ауданында Конго-Қырым геморагиялық қызбасы ауруының эпидемиологиялық ахуалының күрделі болғандығы белгілі. Былтырғы жылы аталған диагнозбен 13 науқас ауырса, 4 науқастың диагнозы арнайы зертханалық жолмен нақтыланғаны есте. Өкінішке қарай екі адам Конго-Қырым геморагиялық қызбасы ауруынан қаза тапты. Ал биыл ­ахуал қалай?Жыл басынан бері жалпы саны 11 адамды кене шаққан. Бұл сәуір айына дейінгі көрсеткіш. Медициналық көмекке жүгінгендердің арасында тек 2 адам ғана күдікті жағдайға алынды. Алайда аталған екі күдіктінің де диагноздары зертханалық жолмен анықталмады. Бұл туралы Шиелі аудандық санитариялық-эпидемиологиялық бақылау басқармасының басшысы Гүлзада Әйтекеева мәлімдеді.&nbsp;Иә, мамандардың зерттеуі бойынша, соңғы үш жылда жүргізілген эпидемиологиялық тексеру нәтижесіне сәйкес, бұл инфекцияны жұқтыру көздерінің басым бөлігі кене шағумен, мал бағумен, сондай-ақ егін егумен байланысты болатындығы анықталды. Ал биылғы жылы Шиелі ауданында 17 елді-мекен қолайсыз аймақтар қатарына енгізілді. Соған сәйкес Конго-Қырым геморрагиялық қызбасы ауруының табиғи ошағында қоныстанған ¬аудан тұрғындары мен ауылдық округтерде санитарлық-эпидемиологиялық тазарту жұмыстарын жүргізу шаралары басталды. Сәуір және мамыр айларынан ¬бастап көктемгі кенеге қарсы дизенсекциялау жұмыстары 2 рет өз кезегімен іске асатын болады. Ал мамандар аталған жұмыстарды ҚР ДСМ СЭБК «Ұлттық сараптама орталығы» Қызылорда облысы бойынша филиалы және тендрмен жеңіп алған мекемелердің атқаратындығын мәлім етті.&nbsp;Алдағы уақытта, Шиелі аудандық санитариялық-эпидемиологиялық бақылау &nbsp; басқармасы тарапынан кенелерге қарсы дезинсекциялау жұмыстары басталғанға дейін елді мекендердегі мал шаруашылығы үй-жайларын тазалауды, және малдарды жазғы жайылымға айдаған кездегі уақытша орындарды, ашық қораларды және қоршаған ортанының санитарлық талаптарын ұйымдастыру мақсатында ауылдық округ және кент әкімдеріне қатынас хаттар жіберілді. Ал Конго-Қырым геморрагиялық қызбасының алдын алу мақсатында басқарма мамандары мен Шиелі ауданаралық ауруханасының қызметкерлерінен құрылған жұмысшы топ мониторингтік бақылау және әдістемелік көмек &nbsp;көрсету жұмыстарын жүргізді. Сондай-ақ аудан тұрғындарымен кездесулер ұйымдастырылды.

Былтыр Шиеліде 13 адам Конго-қырым геморагиялық қызбасы ауруына шалдыққан

<a href="https://kyzylorda-news.kz/">Kyzylorda-news.kz.</a> Рамазан айында садақа беріп, қайырымдылық жасау – сауапты да, қайырлы істердің бірі. Жыл айналып келетін қасиетті айда ауыз бекітіп, нәпсіні тыюмен бірге, сауапты іс жасап, шын мұқтажға көмек қолын созғанның орны бөлек.Дана халқымыз «Қайырымдылық жасасаң, қайырын өзің көресің» дейді. Осыны ескерген Ы.Жақаев ауылының тұрғындары жылдағы дәстүр бойынша қайырымдылық шарасын ұйымдастырды. Ауыл азаматтары «Жақаев ата» мешітіне жиналып, 23 тұрмысы төмен отбасына азық-түлік таратып, алғыстарын алды.<blockquote>«Рамазан – қайырымдылық айы, бұл айда игі амалдың, қайырымдылық көмектің сауабы сансыз сауапқа кенелтетіні сөзсіз. Осыған қатысты қасиетті Құран Кәрімде: «(Ей, Мұхаммед!) Оларды тура жолға салуға сен жауапты емессің. Алла қалаған пендесін өзі тура жолға салады. Қайыр-садақа ретінде не берсеңдер де өздерің үшін (жақсы болады). Не берсеңдер де, тек Алланың разылығы үшін берулерің керек. Ізгілік жолында не жұмсасаңдар да, соның бәрі өздеріңе толық қайтарылады және сендер әділетсіздікке ұшырамайсыңдар (яғни, сауаптарыңды толық аласыңдар)» делінген. Қасиетті айда қайырымдылық жасап, сауапқа кенелейік ағайын», – дейді мешіт имамы Ораз қажы Мысырханов.</blockquote>

Қазақстан және Қызылорда облысының жаңалықтары