Мемлекет басшысы Қасым-Жомарт Тоқаевтың VIII сайланған Парламенттің бірінші сессиясының ашылуында сөйлеген сөзі

<a href="https://kyzylorda-news.kz/">Kyzylorda-news.kz.</a> Нартай ауылы Шиелінің тап іргесінде. Атақты ақын һәм сазгер атын иеленген елде 550-дей шаңырақ тұрады. Жергілікті халықтан бөлек, өзге де ұлт өкілдеріне құтты мекен бұл. Құжат бойынша Кердері ауылдық округі болып аталатын елді мекен халқының кәсібі – күріш егу. Әрине, атакәсіптен де қол үзбеген. Мұнда 27 ауыл шаруашылығымен айналысатын құрылым болса, соның жартысы мал өсірумен айналысады. Бұдан бөлек, балық шаруашылығын кәсіп еткен қожалық та бар.Тарихы 1928 жылдан басталатын ақын атындағы ауылдың талай дүрмекті дамуды бастан өткергені белгілі. Бірде «Коммунизм», бірде «Үлгілі» атымен аталды. Сол уақыттары алдындағы төрт түліктен бөлек, бидай, жүгері, қауын-қарбыз еккен 20-30 түтіннің бүгінде іргелі елге айналғанын бірден байқайсың. Сондай-ақ ел басқару ісінде Сыздық Боқаев, Маман Қалдыбаев, Әбен Рысдәулетов, Бәкір Мәмбетов, Ишанқұл Досымбаев, Қалжан Қоңыратбаев, Әміртай Бижанов және тағы басқа азаматтардың ауыл іргесін бүтіндеудегі еңбегі қатар айтылады.Егіннен бөлек, мал шаруашылығын өркендеткен жұрт арасынан қой мен ірі қара өсіріп, озат атанғандар бар. Бұл – енді кеңес дәуірінде болған оқиғалар. Қой шаруашылығында Баукен Бекжанов, Нартай Көкиев көш бастаса, 1940 жылдардың аяғында күріштің әр гектарынан 120 центнерден өнім алған Маман Қалдыбаев «Еңбек ері» атаныпты. Бұл атақты жалғастырып, гектарына 129 центнер күріш жиған Шырынкүл Қазанбаева, 126 центнермен Байдүйсен Оразов және 1972 жылы гектарына 109 центнер дән алған Ұлбала Алтайбаева да Шиелі мен мен облыс мәртебесін асырғаны тағы бар.<blockquote>– Ауыл жағдайы жаман емес, жыл өткен сайын қажеттілігіміз түгелденіп келеді. Әлеуметтік нысандар, атап айтсақ, Н.Бекежанов атындағы мемориалдық өнер музейі, сондай-ақ ақын атындағы мәдениет үйі мен 2012 жылы салынған мектеп, жаңа амбулатория, «Қарлығаш» бөбекжайы мен «Бал-Шырын» жеке балабақшасы және почта бөлімшесі жұмыс істейді. 2009 жылы жеке кәсіпкер Болат Сүлейменовтің демеушілігімен салынған «Арғын ата» мешіті пайдалануға берілді. Екі жыл бұрын екі қабатты, 180 орындық спорт кешенін белгілі кәсіпкер Бағлан Әшірбеков мемлекеттік-жекеменшік әріптестік аясында салып берген еді. Оған 14 адам жұмысқа кірді. Ауыл жастары кіші футбол, бокс, таэквандо, күрес, волейболмен айналысып, облыс пен республика деңгейінде жүлделілер қатарынан көрініп жүр. Қосымша спорт кешенінде фитнес залымыз да бар.</blockquote>Ал биылғы жаңалығымыз, төрт көшеге жаяу жүргіншілер жолын жоспарлап отырмыз. Сондай-ақ, жарықтандыру мәселесінде алты көшені қолға алмақпыз. Оған қатысты трансформаторларды да біртіндеп ауыстырып жатырмыз, – дейді ауыл әкімі Ғалымжан Ыханов.Нартай ауылы екі жылдан бері «көгілдір отынның» қызығын көріп отыр. Сондай-ақ, елді мекен ішіндегі 17 көше түгел асфальтталған. Ауызсу әр үй ішіне кіргізіліпті.<blockquote>– Ауылдағы қандай шара болмасын, тұрғындардың ауызбіршілігімен болып жатыр. Өзіміздігі ірі шаруашылықтың бірі – «Халық» ЖШС төрағасы Халықберді Мыхановтың демеушілігімен көп игі іс атқарылып келеді. Қызметкерлеріне баспана салып беріп, қуаныш пен қайғыда да қаржылай немесе сойысқа малын беріп жатады. Өнер не спорттық жарыстарға балаларымыз баратын болса, міндетті түрде демеушілік көрсетіп жүр. Ардагерлерге тегін шөп, ақталған күріш таратып, озат еңбеккерлеріне көлік мінгізеді. Бақша егемін дейтін ағайынға жерін жыртып, аяқсуын апарып береді. Жалпы ауыл азаматтарының көпшілігі шаруашылықта жұмыс істейді. Мың гектарға жуық күріш егіп, одан бөлек, жоңышқа, бидай, картоп пен бау-бақша өсіреді, – дейді ауыл басшысы.</blockquote>Ақын ауылында аудан мен облысқа танымал «Нартай сазы» фольклорлық ансамблі құрылғалы біраз уақыт өтіпті. Оған қосымша эстрадалық бағытта өнер көрсетіп жүрген, алты адамнан құралған «Шаттық» вокалды-аспапты тобы да бар. Әкімнің айтуынша, қос өнер ұжымына аудандық бюджеттен қаржы бөлініп, барлық керек-жарағымен, музыкалық аспаптары және әртүрлі сахналық киіммен қамтамасыз етілген. Ал мәдениет үйіндегі түрлі өнер үйірмесіне (домбыра, қобыз, баян) қатысатын нартайлық шәкірттер шетелдік байқауларда топ жарып жүр.Елді мекен бойынша кәсіпкерлік те қарқынды дамуда. Бүгінде ауылда 109 кәсіпкер бар. Оның ішінде шағын кәсіпкерлікпен айналысып жүргендер жеткілікті. 9 сауда дүкені, екі монша қызмет көрсетеді. 15 адам мал бордақылаумен айналысып, ет өнімдерімен қамтып отыр.<blockquote>– Ауылдағы кәсіпкерлікті көбейтіп, жұмыссыз азаматтардың санын азайту үшін біршама жұмыстар жүйелі атқарылып келеді. Мысалы, былтыр 7 адам арнайы бизнес курсын оқып, сертификаты мен жобаларын қорғады. Барлығы 8 млн 576 мың теңге болатын қаржымен олар өз кәсіптерін бастап кетті. Сондай-ақ «Атамекен» ҰКП-ның «Жұмыспен қамтудың жол картасы» аясында 4 азамат 19 млн теңгеден астам қаражат алып, мал басын көбейтуде. Жалпы ауылда жаңа жұмыс орындарын ашу, шағын кәсіпкерлікті дамыту бағытында кәсіпкерлер мен соған жаңадан ниет етіп отырған тұрғындарға барынша қолдау білдіріп, түсіндірме жұмыстарын жүргізіп келеміз, – дейді ауылдық округ әкімдігінің әдіскері Жанар Оралбаева.</blockquote>Мемлекеттік бағдарламаның жәрдемімен өз кәсібін ашқан ауыл тұрғынының бірі – көпбалалы ана Бақтыгүл Қабылова. Ол былтыр қараша айында «2021-2025 жылдарға арналған кәсіпкерлікті дамытудың ұлттық жобасы» аясында конкурсқа қатысып, 1 млн 225 мың теңге көлемінде қайтарымсыз грант ұтыпты. Қазір ауылды нан және кондитерлік өнімдерімен қамтып, ауылдастарының сұранысын өтеп жүр.<blockquote>– Негізгі мамандығым – технолог, яғни, тамақ өнімдерін ұйымдастыру бойынша білім алғанмын. Бұрыннан үй жағдайында тандыр нан пісіріп келдім. Ал осы мемлекеттік бағдарлама жайлы естіп, жобаға қатысқан соң оның тиімділігіне көзім жетіп отыр. Ұтқан қаржыға қажетті пеш, басқа да керектілерді түгендеп алдым. Қазір ауылдағы түрлі отбасылық мерекелерге не болмаса ас берушілерден тапсырыс алып отырмын. Мысалы, бір күнде 200 бөлке нан пісіріп, сондай-ақ түрлі тәтті, торт дайындаймын, – дейді кәсіпкер келіншек.</blockquote>Иә, көргеніміздей, жылдан-жылға ауыл ажары кіріп келеді. Ел еңсесін көтеруде мемлекеттік бағдарламалардың септігі жоқ емес. Соның арқасында қыруар жұмыс атқарылып, Сырдағы көп елді мекеннің келбеті адам сүйсінерліктей кейіпке енген. Соның бірі – біз көрген Нартай ауылы. Расымен, қаланың қажетін өтеп беріп отырған ауылдағы ағайынның жай-күйі жақсарса, одан артық қуаныш бар ма?! Ауыл көркейген сайын ондағы адамдардың да кеудесін қуаныш билейтіні анық дүние ғой…

Ауыл ажары кіріп келеді

<a href="https://kyzylorda-news.kz/">Kyzylorda-news.kz.</a> Шиелі ауданында Сыр елінің атын шығарып, туған жердің топырағынан нәр алған, Ыбырай Жақаев сияқты ел мақтаныштары болған арда азаматтар аз емес. Олар жайлы тарих қойнауын ақтарсақ, тіпті том-том кітап та жазуға болады. Қай заманда болмасын мұндай тұлғалар әрдайым елдің есінде сақталмақ. Расымен, қазірдің өзінде де Шиелінің атын шартарапқа шығарып, туған жерден түлеп ұшқан ел мақтаулылары жетерлік. Солардың бірі – Еңбекшіден шыққан еңбекқор азамат Жарылқасын Талғатұлы.Қаламымызға арқау болған біздің бүгінгі кейіпкеріміз – Жарылқасын Сақтаған ауданның абыройын асқақтатып жүрген жерлестеріміздің бірі. Үлкендердің өнегесін көріп, тәлім-тәрбиесін алған ол Еңбекшіде туып өсті. Мектепті үздік оқыған Жарылқасын 2015-2019 жылдар аралығында ­Нархоз университетінде «мемлекеттік және жергілікті басқару» мамандығы бойынша экономика және бизнес бакалавры, 2019-2021 жылдар аралығында «мемлекеттік және жергілікті басқару» мамандығы ­бойынша экономика ғылымдарының магистрі атанды. Ол сонымен қатар өзі оқыған білім ошағының ең үздік түлегі.&nbsp;Өзі жас маман болса да, көптеген шыңды бағындырып, толағай табыстарға жетіп жүрген оның жетістіктері көп-ақ. Мәселен, жерлесіміз түрлі дебаттарға қатысып, облыстық, республикалық байқаулардың жеңімпазы атанып үлгерді. Атап айтар болсақ, 2020 жылы «Біз біргеміз» жалпыұлттық акциясына белсене атсалысқаны үшін Н.Назарбаевтың алғыс хатымен марапатталса, Сәтбаев университеті республикалық пікірсайыс турнирінен І орынды иеленді. Сондай-ақ Жастар жылы аясында өткен ­«КазНМУ кап 4» республикалық турнирінен І орынды қанжығалады. Бұдан бөлек түрлі байқауларда оза шауып, ел мерейін өсірді. Жуырда ғана Алматы облысы әкімінің «Заңғар – 2022» жастар сыйлығының «Үздік жас мемлекеттік қызметшісі» номинациясын жеңіп алды. Бұл жерлесіміз үшін ғана емес, аудан үшін үлкен жеңіс. Өйткені Сыр елі, жыр елінде туып, аудан абыройын асқақтатып жүрген оның әрбір жетістігі біз үшін мақтаныш.Жоғарыда айтып кеткеніміздей, шырайлы мекенде тек өнер иелері мен мықтыларды ғана туады. Ақын-жазушыларды өмірге әкелген Шиеліде қазірдің өзінде қаламы қарымды ақындар жетерлік. Олардың дені бүгінде өз орнын тапқан жандар. Себебі қасиетті мекеннің ауасын жұтқандар, қазақтың қара өлеңін қанына сіңіреді. Жауһар жырмен сусындап өскен Жарылқасында да солай. Бүгінде ол 100-ге жуық өлеңнің авторы. Қазақ ­поэзиясына өз үлесін қосып жүрген оның қаламынан туған өлеңдері өз оқырманын тауып үлгерген. Жүрекпен жыр жазып, Абай мен Мұхтардың ізін қуып, жолын жалғаған Жарылқасынның жырлары жүрек қылын қозғамай қоймайды. Поэзияны жанына серік еткен ол жан-жақтылықты жақсы көреді. Бос уақытында кітап оқиды. Сенбі-жексенбі күндері әр түрлі пікірсайыстар мен дебаттарға қатысады. Бір сөзбен айтқанда, уақытты бос өткізбейді. Өмір жолы қарбалас пен қызыққа толы жанның жеткен жетістіктері, жас болса да өзгелерге үлгі боларлық істері көп-ақ. Атам қазақ «Болар бала он бесінде баспын дер, болмас бала отызында жаспын дер» деп бекер айтпаса керек.&nbsp;Расында, он бесінде бас болып, ел ісіне араласып жүргендерді көріп, қызығасың. Ал Жарылқасынның жас болса да, биік шыңдарды бағындырып жүргені әуелі өз қажыр-қайраты мен еңбегінің жемісі деп білеміз. Содан кейін атадан балаға берілген тектілігінен екенін аңғарамыз. Иә, кейіпкеріміз үлгендердің үлгі өнегесін көріп өскен жан. Оны бағып-қағып өсірген атасыда бүгінде ауыл ішіне сыйлы ақсақал болып, ақ батасын беріп жүрген қазыналы қария. «Алма ағашынан алысқа түспейді» демекші, ата жолын жалғаған Жарылқасын шынымен өзі секілді жастарға үлгі боларлық жан. Өзі мемлекеттік қызметкер болса да, қоғамдық шаралардан қалыспай ­жастар арасында көш ­бастап тұр. Жігері мықты, текті азамат қай жерде болмасын жетістікке жетері хақ. Ал мұндай мықтылармен аудан халқы әрқашан мақтанады. Біз де туған жерден түлеп ұшқан жерлесіміздің ендігі жолына сәттілік тілейміз!

Шиелінің тумасы жастарға үлгі болуда

<a href="https://kyzylorda-news.kz/">Kyzylorda-news.kz.</a>&nbsp; Бүгін ҚР Парламенті Мәжілістің төрағасы лауазымына Ерлан Қошанов сайланды, деп хабарлайды ҚазАқпарат.Атап айтқанда, ҚР Конституциясы 58-бабының 1-тармағына сәйкес, ҚР Парламенті Мәжілісінің төрағасы мемлекеттік тілді еркін меңгерген депутаттар арасынан Палата депутаттары жалпы санының көпшілік даусымен жасырын дауыс беру арқылы сайланады.Ерлан Қошановтың кандидатурасын Мәжіліс депутаты Бақтықожа Ізмұхамбетов ұсынды.Дауыс беру нәтижесі бойынша палата депутаттары ҚР Парламенті Мәжілісінің төрағасы қызметіне Ерлан Жақанұлы Қошановты бірауыздан сайлады.Айта кетейік, бүгін Мәжілістің бірінші отырысында палатаның депутаттары <a href="https://www.inform.kz/kz/viii-saylangan-mazhilis-deputattary-ant-berdi_a4050822">ант</a> берді.Бұдан бұрын хабарланғандай, Астанада VIII сайланған ҚР Парламентінің <a href="https://www.inform.kz/kz/astanada-viii-saylangan-kr-parlamentinin-birinshi-sessiyasy-ashyldy_a4050666">бірінші сессиясы</a> ашылды.Ерлан Жақанұлы 1962 жылы Қарағанды облысында туған. 1984 жылы – Қарағанды политехникалық институтын, 1999 жылы Қазақ мемлекеттік басқару академиясын бітірген. Институтты бітіргеннен кейін Жезқазған кен-металлургия комбинаты байыту фабрикасының слесары, шебері болып жұмыс істеген.1988-1990 жылдары – Қазақстан ЛКЖО Жезқазған облыстық комитетінің жұмысшы және ауыл жастары бөлімінің нұсқаушысы, жастардың әлеуметтік-экономикалық проблемалары бөлімінің меңгерушісі.1990-1995 жылдары – Жезқазған облыстық сыртқы экономикалық байланыстар комитетінің жетекші маманы, бөлім бастығы, төраға орынбасары, төрағасы.1995-1999 жылдары – Қазақстан Республикасы Парламенті Сенатының депутаты. 1999-2001 жылдары – Үкіметтің Қазақстан Республикасының Парламентіндегі өкілі.2001-2003 жылдары – Қазақстан Республикасы Премьер-Министрі Кеңсесі Басшысының орынбасары – Үкіметтің Қазақстан Республикасының Парламентіндегі өкілі. 2003-2006 жылдары – Қазақстан Республикасының Көлік және коммуникация вице-министрі. 2006-2007 жылдары – Қазақстан Республикасы Көлік және коммуникация министрлігі Азаматтық авиация комитетінің төрағасы. 2007-2012 жылдары – Қазақстан Республикасы Премьер-Министрі Кеңсесі Басшысының орынбасары – Үкіметтің Қазақстан Республикасының Парламентіндегі өкілі. 2012-2017 жылдары – Қазақстан Республикасы Премьер-Министрі Кеңсесінің Басшысы.2017-2019 жылдары – Қарағанды облысының әкімі. 2019-2022 жылдары – Қазақстан Республикасы Президенті Әкімшілігінің Басшысы. 2022 жылғы 1 ақпанда Қазақстан Республикасы Парламенті Мәжілісінің Төрағасы болып сайланды. «AMANAT» партиясының Қазақстан Республикасы Парламентінің Мәжілісіндегі Фракция жетекшісі. 2022 жылғы 26 сәуірде «AMANAT» партиясының төрағасы болып сайланды. І дәрежелі «Барыс» (2021), «Парасат» (2013), «Құрмет» (2007) ордендерімен және мерекелік медальдармен марапатталған. Қазақ, орыс, неміс тілдерін меңгерген.

Ерлан Қошанов ҚР Парламенті Мәжілісінің төрағасы болды

<a href="https://kyzylorda-news.kz/">Kyzylorda-news.kz.</a> «Қызылорда облыстық мүгедектер қоғамы» қоғамдық бірлестігі мемлекеттік әлеуметтік тапсырыс шеңберінде жүріп-тұруы қиын тірек-қимыл аппараты бұзылған, кресло-арбада отыратын бірінші топ мүгедектігі бар адамдар мен мүгедектігі бар балалар үшін арналған инватакси әлеуметтік қызметтерін көрсетеді. Осы аталған қызметті көрсету үшін арнайы жабдықталған 5 автокөлігі бар.Мүгедектігі бар адамдардан тапсырыс қабылдауға төмендегі телефондар арқылы жүргізіледі: &nbsp; 8 (7242) 70-86-59, 8-705-128-26-61.&nbsp;Сондай-ақ, көрсетілетін қызметтердің сапасы мен санын бақылау үшін телефон келіссөздерін жазу мүмкіндігі қамтамасыз етілген. Инватакси әлеуметтік қызметті пайдалану туралы барлық ақпаратты осы көрсетілген телефондарға хабарласу арқылы білуге болады.&nbsp;Инватакси қызметі күн сайын сағат 08.00-ден 18.00-ге дейін түскі үзіліспен жүзеге асырылады.Тәуліктің кешкі және түнгі уақытында, демалыс және мереке күндері – әуежайға, теміржол вокзалына, автовокзалға және медициналық мекемелерге (жедел медициналық көмекті көрсету жағдайларды қоспағанда) тасымалдауға кезекші таксиді қолдану көзделеді.&nbsp; &nbsp;

Инватакси – мүгедектігі бар жандарға арналған көлік

<a href="https://kyzylorda-news.kz/">Kyzylorda-news.kz.</a> Сәрсенбіде Жалағаш ауданының әкімі Асқарбек Есжанов Аққұм ауылына іс-сапармен барды. Ауылдық клубта жиналған аққұмдық ағайын ауданның биылғы әлеуметтік-экономикалық даму қорытындысы мен алдағы уақытта атқарылатын жобаларға қанықты.Айта кетейік, бүгінде Аққұм ауылы гүлденген, көркейген. Төрт жүзге жуық түтіні бар ауылда 5 бюджеттік мекеме және пошта байланыс бөлімшесі, учаскелік полиция пункті халыққа қызмет көрсетеді. &nbsp;Аудан әкімі Асқарбек Темірбекұлы аққұмдықтармен кездесу ба-рысында ауданда атқарылған іс ауқымды, кезекте тұрған мәселе де жоқ емес екенін тілге тиек етті.&nbsp;Зерттеу-зерделеу барысында ауданда ең өзекті мәселелер қатарында бірқатар ауылдарда аяқ су, жол құрылысы, көпірлерді жөндеу, Жалағаш кентіне жақын ауылдарды газдандыру, жарықтандыру мәселесі тұрғаны анықталды. Осыған орай аудан басшысы алдымен жол құрылысы мәселесінің шешілу түйінін тарқатты. Алдымен ішкі көшелерге, яғни алдағы уақытта Аққұмдағы бірнеше көшенің сапасына мән берілетін болады. Тіпті ол ауданның даму жоспарында да қамтылған. Нақтырақ айтсақ, биыл Аққұмда жалпы құны 63,8 млн теңгені құрайтын 3 көшеге күрделі жөндеу жұмыстары жүргізілетін болады. Демек бұл мәселе де шешімін тауып, халықтың талап-тілегі орындалатын күннің де ауылы алыс емес секілді.&nbsp;Ал елді мекен көшелері түнгі уақытта жап-жарық, жаяу жүргіншілердің еркін қозғалысына жағдай жасалған. Яғни былтыр демеушілер есебінен 4 көшеге жарықтандыру жұмыстары жүргізілген. Сондай-ақ елді мекенге көгілдір отын кіргізу жобасының қолға алынатыны аққұмдықтарды қуантты. Биылдың өзінде кент іргесіндегі Ақсу ауылы мен дарияның бергі бетінде орналасқан М.Шәменов ауылына газ кіргізу жобалары дайындалса, дәл осы қос елді мекен арқылы алдағы уақытта Бұқарбай батыр, Аққұм, Қаракеткен, Таң ауылдарына көгілдір отын жеткізу жоспарда бар. Аудан халқы ауыз сумен 100 пайыз қамтылғаны белгілі. Осы орайда елді мекенде өткен жылы су тарту жүйесі мен аула ішілік су тарту желісінің құрылысы жобалары қаржыландырылған.Жалпы, ауданның 3 жылдық даму жоспарында әрбір елді мекенде халықтың көкейінде жүрген мәселелердің шешімі толық қамтылған. Мәселен, біз аялдаған Аққұм елді мекенінде кәсіпкерлікті дамыту бағытындағы шараларды жүзеге асыруға бағытталған әлеуметтік-экономикалық дамуды жүзеге асыру, инженерлік және әлеуметтік инфрақұрылымдарды дамыту, көліктік қолжетімділік аумағын кеңейту, мемлекеттік және коммерциялық қызмет көрсету орталықтарын құру және дамыту, жаңа жұмыс орындарын ашу және халықты жұмыспен қамту сияқты түзілген бағдарламалар бар және олар өз кезеңімен жүзеге асуда. Кәсіппен айналысамын деген елді мекен тұрғындарына мемлекеттік қолдау тиісті орындардың өкілдері та¬рапынан толыққанды түсіндіріліп, қолдау шаралары да жүргізіліп келеді. Соның нәтижесінде ауылда кәсіппен айналысамын, өз-өзімді жұмыспен қамтамасыз етемін деген азаматтар қатары артқан.Осы тұста айта кетейік, ауылдағы «Бақдаулет» шаруа қожалығы еңбеккерлерінің атқарып жатқан жұмыстары, оның ішінде күрішті егіп, одан күзде молынан өнім жинауда табандылық танытып жүргені аққұмдық ағайынның шаруасы ширақ екенінің дәлелі. Шаруашылық қаншама ауыл тұрғынын жұмыспен қамтып отыр. Осы шаруашылықтың қолдауымен ауыл жастарына арналған күрес, ауыр атлетикадан жаттығуға арналған зал ашылған. Онымен қоса ауыл орталығынан халыққа қызмет көрсететін нау-байхана, монша нысандары жұмыс істеп тұр.Жалпы, Аққұмнан ауылда көркейту-көгалдандыру, абаттандыру жұмыстары да жыл сайын өз деңгейінде жүргізіліп келе жатқанын көруге болады. Тазалыққа басымдық берген елді мекенде кіреберіс аркалар мен Б.Ақдәулетов көшесіндегі темір қоршаулар сырланып, көшелердегі күл-қоқыстар уақытылы тазаланып тұр.&nbsp;Ел болғасын мәселе туындайды, ал сол мәселенің шешімін табу өз алдына бөлек әңгіме. Ең бастысы, Аққұмда атқарылып жатқан ауқымды істер көп-ақ. Ал ауыл халқында жарқын болашаққа деген сенім мен ынтаның &nbsp;мықты екенін байқауға болады. Әсіресе ауыл ажарының күннен-күнге артып, әлеуметтің әлеуетінің жақсарып келе жатқаны көңіл қуантады. Енді аудан әкімінің бастамасымен қолға алынып жатқан жұмыстар кезең-кезеңімен жүзеге асса, онда ауылдағы мәселелердің барлығы біртіндеп оң шешімін табады. Өзгелерге үлгі болатын аққұмдықтар ендігі жерде ауызбіршілік танытып, ауылдың берекесін келтіріп отырса, елді мекеннің талай жетістіктеріне куә боларымыз анық.Жиын соңында ауыл ақсақалы сөз алып, аудан азаматтарына ақ батасын берді. Ауыл ақсақалдары айтқандай, барлығы бірлікпен, ұйымшылдықпен бітетін жұмыс. Қай жерде де ауылмен бірге болу, бір мақсатта жұмыс істеудің маңызы зор. Біздің осындай бейбіт заманда өмір сүруіміз қазақ халқының ұйыған ауызбіршілігінің арқасында. Сондықтан осындай асыл қасиетімізден айырылмай, бірлікпен іс жүргізіп, бір-бірімізге тілеулес болсақ, талай белестерді бағындыратынымызға сенім мол.

Аққұмда 3 көшеге күрделі жөндеу жүргізілмек

<a href="https://kyzylorda-news.kz/">Kyzylorda-news.kz.</a> Алдағы екі-үш жылда ауданға қарасты елді мекендерде жарқын жобалар қолға алынып, жүйелі жұмыстар жасалмақ. Әсіресе табиғи газға қосылатын ауыл тұрғындарының қуанышында шек жоқ. Қажеттілігіне, мәселенің өзектілігіне қарай барлық ауылдық округтерде көшелер жөнделіп, жарықтандыру, абаттандыру жұмыстары кезең кезеңімен атқарылады. Аудан әкімі Асқарбек Есжанов ауылдарға сапарында осындай жақсы жаңалықпен бөлісті.&nbsp;Жалағаш ауданының әкімі Асқарбек Есжановтың ауылдық елді мекендерге жұмыс сапары Таң ауылында жалғасты. Мәдениет үйінде тұрғындармен жүздескен өңір басшысы ауданның даму жоспарын кеңінен тарқатып, оның ішінде ауылдық елді мекендер мәселесін шешу де қамтылғанын жасырмады.&nbsp;Расында Таңда айтарлықтай мәселенің жоғын кіреберістен бірден аңғардық. Айналамызға шолу жасаған әріптесім екеуміз мұнтаздай таза көшелер мен жасыл-желектің, түрлі-түсті заманауи үлгімен салынған қоғамдық маңызы бар нысандардың ауыл ажарын арттырып тұрғанына және ауыл әкімінің іскерлігін көпке үлгі қыларлықтай екен дедік.Айта кетейік, алдағы уақытта газ кіретін елді мекендер қатарында Таң да бар. Жергілікті халықты қуанышқа бөлеген басты жаңалық та осы. Бұл ауылдың халқы шынында не айтсын?! Көшелері айнадай, балабақшасы тағы бар, мектебі күрделі жөндеуден өткен. Жалпы, ауылды абаттандыру және халықтың тұрмыс сапасын арттыру мақсатында атқарылған жұмыстар легін тарқатамын десек, жазар дүние көп. Бір ғана «Таң ЛТД» ЖШС төрағасы Имамзада Шағыртаевтың туған жерді түлету мақсатында жүзеге асырған жарқын жобалары қаншама. Бастысы, ауылда береке бар. Оның да ауызбіршіліктің арқасында келгенін біз жақсы білеміз.Алдағы уақытта атқарылатын жұмыстардың қатарында ауданға қарасты 10 ауылдық округтің учаскелік полиция инспекторларын тұрғын үймен қамтамасыз ету жұмысы бар. Тәртіп сақшыларына берілетін бұл тұрғын үйлер әкімдіктің меншігінде болып, учаскелік полиция инспекторы қызмет ауыстырған жағдайда келесі келетін тәртіп сақшысының пайдасына жарайтын болады. Мұны қос қолдап қолдаған ауыл тұрғындары қатынап жұмыс жасағаннан ауылдағы ағайынмен етене араласып, бірлесіп жасалған жұмыстың нәтижесі жоғары болатынын жеткізді.&nbsp;Былтыр ел игілігіне берілген, Таң ауылының дамуына тағы бір серпін болған жарқын жоба – Таң ауылдық дәрігерлік амбулаториясы. Біршама уақыт бұрын Жалағаш ауданындағы іргелі елді мекен Таң ауылы тұрғындарының көптен күткен көкейтесті мәселелерінің бірі шешімін тауып, жаңа медициналық нысан пайдалануға берілген еді. Ауыл халқының игілігіне қызмет ететін медициналық нысан «Ауыл – ел бесігі» бағдарламасы арқылы 140 млн теңге қаржыға салынған. Жаңа нысанда 1 дәрігер, 10 орта буын қызметкері, 2 кіші буын қызметкері ауыл тұрғындарына сапалы медициналық қызмет көрсетеді.&nbsp;Айта кетейік, Таң ауылындағы №118 орта мектеп бала бойына білім дарытуда, заманның өзгерісіне бейімделе алатын, бәсекеге қабілетті тұлға қалыптастыруда бар білім-біліктерін аяған емес. Ұстаздық жолдың жауапты әрі қиын екенін жете түсінген мектеп ұжымы қай істе болсын ауызбіршілікпен жұмыс жасайды. Ал 1981 жылы пайдалануға берілген 624 орындық білім ошағы екі жыл бұрын күрделі жөндеуден өтіпті. Типтік жобадағы мектеп ғимараты қазір заманауи жабдықтармен жабдықталып, талапқа сай білім беруде еш кедергімен бетпе-бет келіп отырған жоқ.Жалпы Таң ауылының даму динамикасына келсек, тарқатып жазар дүние көп. Әсіресе бұл ауылда түрлі жарқын жобалардың жүзеге асуы жергілікті тұрғындардың тұрмыс сапасына да оң &nbsp;әсерін тигізуде. Ауыл – тынымсыз тірлік жасалып жатқан елді мекендердің бірі. Әсіресе ауылды көркейту, дамыту жолында жыл сайын жүйелі жұмыстар атқарылуда. Ал әлеуметтің әлеуетін көтеру мақсатындағы жұмыстардың бірі кәсіпкерлерге қолдау көрсету екені белгілі. Кәсіп ашып, оны дамытамын деушілерге қашанда көмек қолын созу, қайтарымсыз грантқа ие болуға және төмен пайызбен несие алу жұмыстарына да жәрдем беру де күн тәртібінде. Қашаннан берекелі тірлік бірлікпен бітетінін айтқан Асқарбек Темірбекұлы ауыл ағайындары үшін де алдағы жылдары игі істер қолға алынатынын айтып, тұрғындардың көңілін бір демдеді. Осылайша іргелес жатқан бірнеше елді мекеннің тыныс-тіршілігін бағамдап, тұрғындардың талап-тілегіне құлақ түріп, мәселенің шешімінен хабардар еткен, ауыл ақсақалдарының ақ батасын алған өңір басшысы алдағы уақытта да елдің талап-тілегі ескерілетінін жасырмады. &nbsp;Ауыл халқымен кездесу барысында аудан әкімі атқарылған және орындалуы тиіс жұмыстарды баяндады. Сондай-ақ биыл жүзеге асатын шаруаларға тоқталды, тұрғындар сауалына да жауап берді.Таң ауылында бүгінде 236 отбасы қоныстанған. Әлеуметтің әлеуетін көтеруде жүйелі жобалар қолға алынған елді мекенде жұмыссыздық мәселесі жоқтың қасы десек, артық айтқандық емес.Соңғы 2-3 жылда бұл ауылда мемлекеттік бағдарламалар аясында бірқатар жоба жүзеге асқан, бүгінде жергілікті халық оның игілігін көріп отыр. Қазіргі таңда жол сапасына қатысты мәселе жоқ. Себебі «Ауыл – ел бесігі» жобасы аясында елді мекенде бірқатар ішкі көшенің сапасына мән берілген. Аталған жоба шеңберінде жалпы құны 568,6 млн теңгеге 10-нан астам ішкі көше орташа жөндеуден өткен. Олардың қатарында Орынбай жырау, Манақ баба, Қарасу, Мүсірәлі баба, А.Мықтыбаев, Сегізбай би, Ш.Уәлиханов, С.Сейфуллин, А.Құнанбаев, Қоқыбай, Қ.Құлманов сынды бірқатар ішкі көшелер бар. Биыл қосымша елді мекеннің кіреберіс автомобиль жолын қайта жаңғыртуға жоба сметалық құжаттары жасалуда.Ауылдағы үшқабатты білім ошағы да «Ауыл – ел бесігі» жобасы аясында күрделі жөндеуден өткен. Жобаның жалпы құны 333,2 млн теңгені құрайды. Тиісті қаражатқа нысанның есік-терезелері, едені ауыстырылып, ішкі қабырғалары қайта сыланған. Ал сыртқы қабырғалар металл сайдингтерімен қапталып, су, кәріз жүйелері жүргізілген, электр жүйелері жаңартылып, қауіпсіздік үшін дабыл қондырғылары жаңартылған.&nbsp;Кез келген өңірде мәселе болатынын білеміз. Бірақ бұл ауылда мәселе жоқ сияқты. Дегенмен тіршілікті ту еткен таңдықтар бұл нәтижемен тұрақтамайтын секілді. Өйткені ауданда 2023 жылы атқарылатын жоспардың ішінде Таң ауылында да бірқатар жобалар бар екен. Мәселен, тұрмыстық қатты қалдықтарды тастайтын полигонды қоршауға 1,3 млн теңге бөлініп, жұмыс жасалуда. Оған қоса биыл балалар ойын алаңы жөндеуден өтеді. Жобаның жалпы құны 5 млн теңгені құрайды. Сонымен қатар ауылдық округ әкімі аппаратының әкімшілік ғимараты құрылысының жоба сметалық құжаттары да әзірленген. Бір сөзбен айтқанда, биыл ауылда құрылыс қарқыны күшеймесе, бәсеңдемейтін секілді.<blockquote>«Бүгінде аудан экономикасының сапалы және қарқынды дамуын күшейтуге мүмкіндік берген нақты қадамдар жасалып, ауданның әлеуметтік-экономикалық даму бағытындағы жұмыстарымыз жоспар бойынша орындалды, орындалып та жатыр. Тұрғындардың сүйікті ісімен айналысуына, жеке кәсібін ашуға мүмкіндік жасалып, аудан халқының әл-ауқатын жақсарту бағытында маңызды жобалар жүзеге асырылды. Иә, «Ауылы бірдің – ауызы бір» дегендей, «бір жағадан бас, бір жеңнен қол шығарып» аудан халқының ауызбіршілігі мен тынымсыз еңбегінің арқасында біраз жетістікке де жеттік. Дегенмен бұл атқарылған істерге тоқмейілсімей, алдағы уақытта бұдан да бетер құлшыныспен жұмыс жасауымыз керек. Иә, бақ та, береке де ынтымағы жарасқан, еңбекқор елде деген аталы сөз бар. Таң ауылының ырысы тасып, ауызбіршілігі арта берсін деймін», – деді аудан басшысы Асқарбек Темірбекұлы.</blockquote>Әрине ауыл азаматтары тек мемлекетке қол жайып отырмай, өздігінен туған жерді көркейтуге жұмыс жасауды әдетке айналдырған. Осы ретте тапқанын астына басып жемей, айналасына шашып жейтін Имамзада ағамыздың туған жерді түлетуде атқарған істерін ауыз толтырып айтуға бо-лады. Алдымен ауылдағы мешітті күрделі жөндеуден өткізді. Бұл мақсатқа атпал азамат 5 млн теңге қаражат жұмсаған. Мұнан кейін ауылда мемлекеттік жекешелік әріптестік аясында 100 орындық балабақша ғимаратын қайта жаңғыртты. 300 млн теңгеге күрделі жөндеуден өткен нысан бүгінде ауыл халқының қажетіне жарап тұр. Таңдағы спорт кешені де демеуші тарапынан салынған. Жобаның жалпы құны 56 млн теңгені құрайды. Сондай-ақ 40 млн теңгеге мәдениет үйі жанынан Ұлы Отан соғысында қаза тапқандарға арналған ескерткіш орнатты.&nbsp;<blockquote>«Ауылымызға арнайы келіп, халықпен жүздесіп, жағдайымызды біліп жатырсыздар. Істе жүрген сіздей азаматтарға алғысымыз шексіз. Көріп тұрғандарыңыздай, ауылымыз күн өткен сайын дамып келеді. Көшемізде жарық шамы жарқырап тұр, жолдарымыз теп-тегіс. Негізі біздің ауыл халқы әуелден тазалыққа қатты мән береді. Көше тазалығына әкімнен бастап әрбір ауыл тұрғыны атсалысады. Қай жерде қоқыс болса, сол жерді тазалаймыз. Содан кешке дейін тырмалап, қоқыс қоймаймыз. Қазір осыған дағдыланып қалдық», – дейді ауыл тұрғыны Жалғас Өмірбаев.</blockquote>

Тәуелсіздік жылдары түлеген Таң

<a href="https://kyzylorda-news.kz/">Kyzylorda-news.kz.</a>&nbsp;Биыл алғаш рет 45 аудан және облыстық маңызы бар қалалар әкімдерін тікелей сайлау өтеді. Бұл туралы Парламент палаталарының бірлескен отырысында Мемлекет басшысы Қасым-Жомарт Тоқаев мәлімдеді.<blockquote>«Биыл алғаш рет 45 аудан және облыстық маңызы бар қала әкімдерін тікелей сайлау өтеді. Содан кейін еліміздегі барлық аудан әкімдерін сайлайтын боламыз. Осылайша, биліктің барлық институттары жаңарып, тың қарқынмен жұмыс істей бастайды. Біз саяси үдерісті демократияландырып, азаматтардың мемлекетті басқару ісіне қатысу мүмкіндігін кеңейте береміз. Бәріміз мына бір өте маңызды нәрсені түсінуіміз керек», - деді Мемлекет басшысы.</blockquote>Президент Қазақстан – осы геосаяси аймақта түбегейлі реформа жүргізіп жатқан бірден-бір ел екендігіне назар аудартты.<blockquote>«Кейбір адамдар, солардың ішінде саясаткерлер де бар, осындай реформалар Қазақстанға қауіп төндіруі мүмкін деп айтады. Бірақ, мен осы өзгерістердің барлығы, ең алдымен ел болашағы үшін ауадай қажет деп ойлаймын. Алған бетімізден қайтуға болмайды. Керісінше, заң үстемдігі, халық бірлігі, әлеуметтік әділдік және ішкі саяси тұрақтылық секілді іргелі құндылықтарға баса мән бере отырып, реформалар жолымен алға қарай нық қадам басуымыз керек», - деді Қасым-Жомарт Тоқаев.</blockquote>

Биыл алғаш рет 45 аудан және облыстық маңызы бар қалалар әкімдерін тікелей сайлау өтеді

<a href="https://kyzylorda-news.kz/">Kyzylorda-news.kz.</a> Қазір жергілікті әкімдердің халықпен кездесу форматы өзгерген. Жергілікті халықпен кездесуде бұрынғыдай бас-аяғы жоқ баяндама оқылмайды, алдымен атқарылған жұмыстар, одан кейін алдағы міндеттер сарапталады. Сондай-ақ халықтың да талап-тілегін тыңдауға уақыт табылады. Бұлай болғаны да дұрыс, Президент Жарлығы аясында әкімдердің халықпен кездесуі ұйымдастырылғалы Жалағаш ауданының өзінде біршама тұралаған мәселелер шешімін тапқан.&nbsp;Иә, бұған дейін Жалағаш ауданының әкімі Асқарбек Есжановтың тоқсан сайын ауылдық елді мекендерге сапарында елден сүйінші сұрайтындай табысты жобалар тілге тиек етілген. Тұрғындар да ауылдардағы тұралаған мәселелерге қатысты бірқатар талап-тілегін әкім назарына салған болатын. Бір қуантарлығы, әдеттегідей «алдағы уақыттың еншісінде, барлығы қаражатқа келіп тіреледі, әуелі зерттеп алайық» дегендей жаттанды сөздер айтылмады. Себебі әкім сапарда тек бір өзі емес, ел алдында барлық бөлімнің басшылары тізіліп тұрды. Тұрғындар көтерген мәселе қандай, оның шешімі қалай? Бұл сауалдардың түйіні сол кездесуде халықтың алдында талқыланады. Бастысы, нәтиже бар.2023 жылдың бірінші тоқсанында Жалағаш ауданының әкімі Асқарбек Темірбекұлы тағы да ауылдарға сапарлады. Бұл жолы әкімнің көңілі тоқ, себебі осыған дейін жергілікті тұрғындар көтерген мәселелердің шешіміне нәтижелі жұмыс жасалған. Бастысы, Жаңадария халқы оның игілігін көріп келеді. Сәрсенбінің сәтті күні біз де тілшілік тіршілікпен шалғайдағы Жаңадария ауылына жолға шыққанбыз. Таңғы сағат 9.00-де жергілікті халық ауыл мектебінде аудан әкімімен жүздесті. Әдеттегідей алдымен атқарылған жұмыстар сараланды, алдағы мақсат-міндеттер де назардан тыс қалған жоқ. Мұнан бөлек шалғай ауылда биыл нендей жобалар жүзеге асқалы тұр, тұрғындар осы сауалдың жауабына қанықты.&nbsp;Айта кетейік, Жаңадария жұртын бұған дейін де еңбексүйгіштігімен жақсы танитынбыз. Көршілес Аламесек ауылдық округіндегідей күріш алқабы болмаса да, ауыл халқы бақша салуда алдына жан салмайды. Шалғай ауылда күтіп бапталған бақша өнімдері бүгінде аймақта үлкен сұранысқа ие екені айтпаса да белгілі. Ал кешегі кездесуде кәсіп етуге жағдай жасалса деген ұсыныстардың айтылғаны жаңадариялықтардың еңбекқорлығын тағы бір мәрте дәлелдегендей болды.Жаңадариялықтар биыл асар әдісімен бақша салатын үлкен жер ашыпты. Қазір оған аяқ су тарту мәселесін қолға алған. Енді тұрғындар жаңадан ашылған егіс алқабына су тартатын каналға шлюз салынса дейді, сондай-ақ техника мен жанармайға қатысты да мәселе жоқ емес. Мұнан бөлек маусымында үлкен жолдың бойынша өз өнімдерін сатуға жағдай жасалса деген ұсынысы бар екен.Елдің мәселесі ертеңге қалмадыТұрғындардың талап-тілегін тыңдап алған Асқарбек Темірбекұлы халықтың алдында бұл мәселелердің шешімі қайсы, әріптестерімен осы сауалдың түйінін бірге тарқатты. Нәтижесінде техника мәселесі, жанармай тапшылығы сол жерде шешімін тапты. Ал тамызға дейін жаңадариялықтардың бақша өнімдерін үлкен жолдың бойында сатуына жағдай жасалатын болды. Сондай-ақ каналға шлюз орнату да назардан тыс қалмады. Бір сөзбен айтқанда, халық көтерген мәселелердің 75-80 пайызы сол кездесуде шешімін тапты.&nbsp;<blockquote>«Еңбек етемін деген елді қашанда қолдауға дайынбыз. Сіздердің бақша өнімдерін баптауда табысты жұмыс жасап жатқандарыңызды да білемін. Сондықтан жаңағы көтерген мәселелеріңіздің ешқайсысы ескерусіз қал-майды. Техникаға қатысты мәселелеріңізді шешіп береміз. Жанармай тапшылығын да ауыл әкіміне реттеуді тапсырдым. Ал өндірілген өнімді сатуға қатысты ұсыныстарыңызды да ескеремін. Қазірден бастап оған кәсіпкерлік бөлімінің басшысы жұмыс жасайды. Сіздер көтерген әрбір мәселе мен үшін маңызды. Себебі Жаңадарияда қандай тұралаған мәселе бар, шалғай ауылдың екінші тынысын ашуға не кедергі? Бұл сауалдардың шешімін де білетін жергілікті тұрғындар. Сондықтан мен үшін сіздердің талап-тілектеріңіз бәрінен құнды. Бұған дейін көтерген мәселелеріңізді шешуге шама-шарқымызша жұмыс жасадық, бүгін де біршама мәселе осы жерде шешімін тауып жатыр. Алдағы уақытта өздеріңізбен кеңесіп, ауылдағы басқа да мәселелердің шешіміне жұмыс жасаймыз», – деді Жалағаш ауданының әкімі Асқарбек Темірбекұлы. &nbsp;</blockquote>Жалпы, бізге ауылдың екінші тынысы ашылғандай көрінді. Бұған дейін бұрқұраған шаңмен балалар доп теуіп жүретін астына ештеңе төселмеген ойын алаңына жасыл төсеніш жайылған. Орталық көшенің сапасы жоғары. Барлық көшеге 100 пайыз жарық бағаналары орнатылған, ауыз су жүйесіне 2019 жылы күрделі жөндеу жүріпті. Қазір мұнда жергілікті халықты тәулік бойы сапалы ауыз сумен қамтамасыз етуде мәселе жоқ. Электр бағаналары да 100 пайыз жаңарып, тоқ тарататын арнайы аппараттары да толықтай жаңарған. Жаңадария, Достық және Қ.Сәтбаев көшелерінің жөндеу жұмыстары да алдағы уақытта жүзеге асады. Жобаның жалпы құны 25 млн теңгені құрайды екен. Бұған дейін аудан әкімі Асқарбек Есжанов ауыл ақсақалдарымен кездескенде осы 3 көшенің сапасына қа-тысты мәселені де өңір басшысының назарына салған. Бұйыртса, халықтың талаптілегін орындайтын күннің де ауылы алыс емес секілді.Жергілікті халықтың тыныс-тіршілігі негізінен мал және егін шаруашылығына тәуелді екенін жоғарыда айттық. Ауыл шаруашылығының қос саласында табысты еңбек еткен Жаңадария жұрты елді мекеннің еңсесін тіктеуге айтарлықтай қолғабыс болып отыр.&nbsp;Шалғай ауылда соңғы жылдары кәсіпкерлік саласы да қарқынды дамып келеді. Иә, жайылымдық жері мол өңірде тек тұрғындар мал шаруашылығы саласында өз ісін өрістетіп отыр деп ойлайтын шығарсыз, алайда Жаңадария ауылдық окргінде пластик терезе шығаратын шағын цех, тігін шеберханасы секілді өндіріс орындары да жоқ емес. Міне, осылайша ауыл халқы кәсіпті түрлендіруде де толағай табысқа қол жеткізіп отыр.&nbsp;Жалпы, жергілікті халық бұрынғыдай емес, кәсіп ашуға машықтанған және одан үлкен пайда барын жақсы біледі. Былтыр ауыл тұрғындарының бірі 10 млн теңгеден астам мемлекеттік бағдарламамен несие алып, мал шаруашылығы бағытында өз ісін бастап кеткен еді. Басқа да түрлі жобалар әзірлеп жатқан тұрғындар жетерлік.&nbsp;Бағана сөз басында айттық, бұл ауылдың халқы ала жаздай бақша дақылдарын және көкөністі күтіп-баптауға машықтанған. Ал бұл бағытта кәсіп жандану үшін ауылда аяқ су мәселесі болмауы керек. Мәселен, қазір етектегі егіс алқабында бірқатар шаруашылық иелері бақша дақылдарын күтіп баптаудың қамына кіріскен. Ал былтыр қырдағы алқапқа дән салайын десе, аяқ су мәселесі қатты қолбайлау болыпты. Аудан басшысы аяқ суға қатысты елдің мәселесін шешіп беретінін айтты. Оның үстіне былтыр қырдағы алқапты аяқ сумен қамтамасыз етуге толық қауһарлы «Іңкәрдария» каналы қайта қазылған. Ұзындығы 7,9 шақырымды құрайтын бұл каналды қазу жұмыстарына қыруар қаражат бөлінген еді.&nbsp;Ауыл әкімі Рауан Ақпанбетовтың сөзіне сүйенсек, қазір жергілікті халық санында өсім бар екен. Бұрын әр жыл сайын ауылдан 4-5 отбасы басқа өңірлерге қоныс аударса, қазір керісінше ауылға көшіп келушілер көп көрінеді. Олай болатындай жөні бар, инфрақұрылымы дамыған, кәсіп ашамын дегендерге барлық жағдай қарастырылған, бұйыртса, биыл тағы бір балалар ойын алаңының құрылысы басталады. Жалпы, Жаңадарияның бүгінде екінші тынысы ашылғандай көрінді бізге.&nbsp;Елді мекендердің еңсе тіктегені кімге болса да тиімді ғой, әрине. Аудан басшысының халықпен кездесуінде айтылған талап-тілектер шешімін тауып келеді. Былтырдан бастап шалғай ауылда жол құрылысы қарқын алып, тұрғындардың талап-тілегі ескерілген. Жол сапасына қатысты басқа мәселелер бүгінде аудан басшысының назарында. Мәселен, былтыр ауылға алып келетін 17 шақырым жолдың 4,1 шақырымына асфальт төселіпті. Өткен жылдың соңында тоқтаған жол құрылысы биыл қайта қарқын алған. Яғни бұл жолдың да мәселесі толық шешімін табады. Оған қазынадан 392,1 млн теңге қаралыпты.&nbsp;Ауылда биыл басқа да бақша саламын деген тұрғындар үшін арнайы 50 гектар жер ашылады екен. Мұнан бөлек апатты жағдайдағы ауыл мектебінің ғимаратын да күрделі жөндеу жобасы қолға алынады.Өткен жылдың соңындағы есепті кездесуде жергілікті халық ауылдағы мекемелердің бірінші басшылары Жаңадарияда тұрмайтынын әкім назарына салған. Сонда Асқарбек Темірбекұлы халықпен жұмыс жасайтын кез келген басшы сол елдің ортасында болуы керектігін қатаң ескерткен. Содан бері барлығы ауылға көшіп келгенін кеше халықтың өзі айтты. Биыл ауылдағы учаскелік полиция инспекторына қызметтік үй беріледі. Оған қазынадан 10 млн теңге қаралған. Қылмыстың алдын алуда, орын алған қылмысты ізін суытпай ашуда тәртіп сақшысының сол ауылда тәулік бойы болуы маңызды ғой, әрине. Иә, Жаңадария жұрты ауданда атқарылған жұмыстарға риза. Оның ішінде шалғай ауылда да бірқатар мәселені шешуде ілкімді жобалар қолға алынған. Ауыл халқы атқарылған жұмыстарға алғыс білдірсе, ақсақалдар батасын берді.Біз есепті кездесуде шалғай ауылдардың да болашағы аудан басшысын бейжай қалдырмайтынын аңғардық. Ел көтерген барлық мәселе ескерусіз қалмады, бірқатары сол арада шешімін тапса, кейбірі назарға алынды. Әлбетте, олардың да жуық арада шешімін табатынына күмән жоқ.

Жалағаш ауданындағы шалғай ауылдардың шаруасы ширақ

<a href="https://kyzylorda-news.kz/">Kyzylorda-news.kz.</a>&nbsp; Бүгін ҚР Парламенті Мәжілістің жалпы отырысында палата Төрағасы лауазымына Ерлан Қошановтың кандидатурасы ұсынылды.Атап айтқанда, ҚР Конституциясы 58-бабының 1-тармағына сәйкес, ҚР Парламенті Мәжілісінің төрағасы мемлекеттік тілді еркін меңгерген депутаттар арасынан Палата депутаттары жалпы санының көпшілік даусымен жасырын дауыс беру арқылы сайланады.Ерлан Қошановтың кандидатурасын Мәжіліс депутаты Бақтықожа Ізмұхамбетов ұсынды.<blockquote>«Сегізінші шақырылымдағы Парламент Мәжілісінің төрағалығына Қазақстанның мемлекет әрі саяси қайраткері, «AMANAT» партиясының төрағасы Ерлан Қошановты ұсынамын», - деді Б. Ізмұхамбетов.</blockquote>

Мәжіліс төрағасы лауазымына Ерлан Қошановтың кандидатурасы ұсынылды

<a href="https://kyzylorda-news.kz/">Kyzylorda-news.kz.</a> Қызылорда облысындағы тергеу изоляторында қамауда отырған айыпталушыға жіберілмек болған ер адамның сырт киіміне есірткі жасырып өткізбекші болған.Қызылорда облысы қылмыстық-атқару жүйесіне қарасты №68 мемлекеттік мекемесінің сәлем-сауқат қабылдау бөлмесіндегі бақылаушы қызметкерлердің қырағылық танытып, өз қызметіне жауапкершілікпен қарауы нәтижиесінде тиым салынған заттың ішке кіріп кетпеуіне жол берілмеді.Сәлем сауқаттарды қабылдау бөлмесінің бақылаушы қызметкері ҚР Қылмыстық кодексінің 306-бабының 3-бөлігімен қамауда отырған айыпталушыға келген С. есімді азаматтың әкелген сәлемдемесінің арасынан шыққан күртешені өлшеу барысында салмағының тұрақсыздығынан күдіктенеді.Бірден 102-ге хабарласып, мекемеге Қызылорда қалалық полиция басқармасының жедел-тергеу тобы шақыртылды.Күмән тудырған күртешенің астарын тіліп тексеру барысында арнайы тігілген мата қалталарға салынған жасыл түстес есірткі зат табылды. Сот сараптамасының зерттеу нәтижесінде жалпы салмағы 123,13 грамм кептірілген марихуанна екендігі анықталды.Аталған дерек бойынша Қазақстан Республикасы ҚК-нің 297-бабының 1-бөлігімен (Есірткі, психотроптық заттарды, сол тектестерді өткізу мақсатында заңсыз дайындау, қайта өңдеу, иемдену, сақтау, тасымалдау, оларды жөнелту не өткізу) сотқа дейінгі тергеп-тексеру жұмыстары жүргізілуде.Динара МАХАНОВА

Қызылордада ер адамның сырт киімінен есірткі табылды

<a href="https://kyzylorda-news.kz/">Kyzylorda-news.kz.</a> Нарықта жоғары сұранысқа ие саланың бірі – сұлулық. Сәт сайын сән саласындағы жаңалықтар толысып, түрлі қызмет түрлерін өмірге әкелуде. Соңғы жылдары жастардың кәсіп бастап, кәсіпкер атануына себепші болып отырған да осы – сұлулық саласы. Аталған салада кәсібін жаңа бастап жатқан жанның бірі қармақшылық – Ақерке Сақташова. Бүгінде әйелдер арасында бизнес ашу кең таралып барады. Мемлекет тарапынан кәсіп ашамын деген жанға қолдау көп. Иә, жыл сайын Үкіметтен гранттар бөлініп, түрлі жоба лар іске асуда. Ақерке сондай бизнес-идеяларды іске асыруға арналған «Ұлттық жоба» шеңберінде грантқа қатысып, қайтарымсыз қаражат алған. Бүгінде сол қаражатқа құрал-жабдық сатып алып, косметологиялық салон ашып отыр.Әйелсіз әлем сұлу емес. Әйел бар жерде әдемілік бар. Сұлулық әлемді құтқарады дегендей, нәзікжанды қыз-келіншектер сұлулыққа құмар келеді емес пе?! Жалпы әйелдер қауымы жан сұлулығымен қоса тән сұлулығына көңіл бөліп, әрдайым әдемі болып жүруге талпынамыз. Ақеркенің де сұлулық салонын ашып, кәсіп бастауына осы бір талпыныс себепші болыпты.<blockquote>«Көптен бері өз кәсібімді ашсам деп армандайтын мын. Халықтың сұранысына сай қыз-келіншектерге косметологиялық қызмет түрін көрсететін, көптің көңілінен шығатын салон ашу ойымда жүрді. Бүгін міне, соны ашудың сәті түсіп отыр. Ауданда косметологиялық салондар жоқтың қасы деуге болады. Қыз-келіншектердің көбі осы қызмет түрі үшін қалаға қатынап жатады. Сол себепті ауданнан осындай сұлулық салонын ашқан дұрыс деген ойға келдім», – дейді жас кәсіпкер.</blockquote>Мұнда бет тазарту, массаж, пилинг, мезотерапия, ВВ glow секілді косметологиялық қызмет түрі көрсетіледі. Соны мен қатар бет, тері күтімі бойынша косметикалық өнімдер де сатылады.<blockquote>«Осы салаға келмес бұрын Қызылорда қаласынан кәсіби мамандардан арнайы сабақ алдым. Әр адам еңбектенуден танбай, ізденімпаз болуы тиіс. Себебі қазіргі қоғамда күн сайын жаңа мамандық пен қызмет түрі шығуда. Оны игеріп алу да қиын емес. Жолы мен жұмысын меңгерсеңіз болды», – дейді салон иесі.</blockquote>Бүгінгі таңда өз кәсібін ашып, еңсесін тіктеуге бет-бұрыс жасағандарға мемлекеттік қолдау көп. Бизнес негіздерін меңгеріп, кәсібін дөңгелентемін деген жанға мүмкіндік мол. Тек жаныңа жақын бағытты тауып, нақты жоспарың болса болғаны. Иә, кез келген істі кәсіпке айналдыруға болады. Бұл барлығының қолынан келеді, бастысы – ниет.

Қазақстан және Қызылорда облысының жаңалықтары