<a href="https://kyzylorda-news.kz/">Kyzylorda-news.kz.</a> Бүгін Қызылордада бәйгеден ҚР чемпионаты аясында «Ұлттық киім – ұлт ажары» атты облыстық ұлттық киімдер байқауы ұйымдастырылды. Іс-шараға облыс әкімі Нұрлыбек Нәлібаев, ҚР Ұлттық спорт қауымдастығының президенті Исламбек Салжанов және ҚР «Бәйге» федерациясының президенті Қанат Көпбаев қатысты.Еске салсақ, ел Президенті Қасым-Жомарт Кемелұлы Ақордада өткен ауызашар дастарханында ұлттық нақыштағы киім үлгілерін күнделікті кең қолданысқа енгізудің маңызын атап өткен еді.«Халқымыздың төл мәдениеті салт-дәстүрден, әдет-ғұрыптан бастау алады. Ұлттық киімнің өзі – ұлт мәдениетінің жарқын көрінісі. Ұл-қыздарымыз ұлттық киімді Наурыз мейрамында не болмаса басқа мерекелерде ғана емес, күнделікті киіп жүрсе жарасымды болар еді», - деді Мемлекет басшысы.Байқауға 53 қыз-келіншек қатысты. Ұлттық киімдер қазақ дәстүріне сәйкестігі, дайындау шеберлігі мен шығармашылық көзқарас тұрғысынан бағаланды.Іс-шараның демеушісі 1 миллион теңге жүлде қорын ұсынды. Байқау нәтижесімен I орын алған жеңімпаз 500 000 теңге, II орын иегері 300 000 теңге, III орын жүлдегері 200 000 теңге қаржылай сыйлықтармен марапатталды.Қазылар алқасының төрайымы, Қазанғап атындағы Қызылорда жоғары музыкалық колледжі директоры Ұлжан Байбосынова жеңімпаздарды құттықтап, болашақта осындай тағылымды іс-шаралардың жиі өткізілуіне тілектестік білдірді.<img src="https://knadmin.beoblood.kz/uploads/342809139_1190146181540007_1511535892793030532_n_5ae32fba4c.jpg" alt="342809139_1190146181540007_1511535892793030532_n.jpg">

Қызылордада ұлттық киімдер байқауы өтті

<a href="https://kyzylorda-news.kz/">Kyzylorda-news.kz.</a> Бүгін Қызылордада бәйгеден ҚР чемпионатының оңтүстік аймақтық ІІ іріктеу турнирі ұйымдастырылды. Жарыстың салтанатты ашылуына Қызылорда облысының әкімі Нұрлыбек Нәлібаев, ҚР Ұлттық спорт қауымдастығының президенті Исламбек Салжанов, ҚР «Бәйге» федерациясының президенті Қанат Көпбаев арнайы қатысты.Қызылорда облысының әкімі Н. Нәлібаев жүйрік жаратып, ат баптау ұлтымыздың рухани болмысына, әдет-ғұрып мәдениеті мен өнердің тұтас бір бөлігіне айналғанын атап өтті.<blockquote>«Соңғы жылдары аймақта ұлттық спорт түрлері бұқаралық сипат алып келеді. Бүгінде облыста 16 мыңнан астам адам ұлттық спортпен шұғылданады. Спортшыларымыз өткен жылы Қазақстан Республикасы чемпионаты мен кубоктарында, Әлем және Азия чемпионаты мен кубоктарында жеңіп алған медаль санымен соңғы бес жылдықтағы рекордты жаңартты. Бүгінгі республикалық бәйге жарысы да Сыр өңірінің мерейін асырып, ұлттық спорттың өркендеуіне жаңа серпін береді деп сенемін.Төзім мен жігер, қайрат пен мінез сынға түскен бәйгеде тұлпарлардың тұяғы талмасын. Шабандоздардың тақымы тастай болсын!» — деді Нұрлыбек Мәшбекұлы.</blockquote><img src="https://knadmin.beoblood.kz/uploads/342792048_1578551365890638_4222867470260512788_n_e6db3e6f3c.jpg" alt="342792048_1578551365890638_4222867470260512788_n.jpg">Сондай-ақ, салтанатты шарада сөз сөйлеген ҚР Ұлттық спорт қауымдастығының президенті Исламбек Салжанов ұлттық спорттың өркендеп, дамуы Мемлекет басшысының тікелей бақылауында екенін жеткізді.<blockquote>«Қазір ұлттық спортты дамыту – мемлекеттік саясаттың маңызды бағыты. Оған Президент Қасым-Жомарт Кемелұлы Тоқаев ерекше көңіл бөліп отыр. Осы орайда біз ұлттық спортты кәсіби және бұқаралық бағытта дамытуды қолға алдық. Ел аумағында ұлттық спорт түрлерін жаңғырту үшін көптеген жарыстар ұйымдастырудамыз. Оның ішінде, ат спортының орны бөлек. Осы жылдан бастап көкпар ойындарын футбол тәрізді лига форматында өткіземіз, яғни, «Жоғары лига», «Бірінші лига» және «Екінші лига» форматы енгізілді. Келесі жылы V Дүниежүзілік көшпенділер ойыны Қазақстанда өтеді. Бұл – біз үшін мерейлі мәртебе әрі зор жауапкершілік. Бүгінгі жарыс – алдағы Көшпенділер ойынына дайындық іспетті», — деді Исламбек Төлеубайұлы.</blockquote><img src="https://knadmin.beoblood.kz/uploads/342820395_606001978250644_7346629942155414510_n_772a2f8e19.jpg" alt="342820395_606001978250644_7346629942155414510_n.jpg">ҚР «Бәйге» федерациясының президенті Қанат Көпбаев жарысқа қатысушыларға сәттілік тілеп, бәйгенің маңызына тоқталды.<blockquote>«Ат спорты, соның ішінде бәйге – халқымыздың ежелден келе жатқан ең қадірлі дәстүрі. Жалпы, ат баптап, аламанға қосу салты — қанымызда бар. Ата-бабамыздан мұра болып қалған мәдениеттің, спорттың, кәсіптің түрі және асыл қазынамыз. Ал, оны қолдап дамыту және насихаттау бізге парыз болып саналады. Ендеше бүгінгі жарыста бақ пен бап сынаған азаматтарға сәттілік тілеймін!»,- деді Қанат Шоқанұлы.</blockquote>Жарыстың көркін ашқан Аламан бәйгенің І орнын елордалық Алғыр есімді тұлпар жеңіп алып, бас жүлдеге тігілген автокөлікке ие болды. Қалған жүлделі орындарға қаржылай сыйлықтар табысталды.<img src="https://knadmin.beoblood.kz/uploads/342868562_775104440558388_6534638676757730625_n_2475492a86.jpg" alt="342868562_775104440558388_6534638676757730625_n.jpg">

Облыста бәйгеден ел чемпионаты өтті

<a href="https://kyzylorda-news.kz/">Kyzylorda-news.kz.</a> Өткен тәулікте 86 адамнан коронавирус анықталды, деп хабарлайды ҚР Денсаулық сақтау министрлігінің <a href="https://t.me/DenMinPR">баспасөз</a> қызметі.22 сәуірдегі мәлімет бойынша, 1 342 адам коронавирус инфекциясынан (–1 178+ және 164 КВИ-) емделіп жатыр. Олардың ішінде 164 пациент стационарда, 1 178 науқас амбулаториялық деңгейде ем қабылдауда.КВИ+, КВИ- шалдыққандардың арасында 2 адамның жағдайы ауыр.

Өткен тәулікте 86 адамнан коронавирус анықталды

<a href="https://kyzylorda-news.kz/">Kyzylorda-news.kz.</a> Бүгін облыс әкімі Нұрлыбек Нәлібаев «Гежуба Групп Цемент» компаниясының басшылығын қабылдады.Компанияның Бас директоры Ян Дан жұмыс қорытындысы мен алдағы уақытта межеленген жоспарларды баяндады. Бүгінде зауыт толық қуатымен іске қосылған, 1 млн тоннадан астам 6 түрлі өнім шығарып, аймақ экономикасының дамуына үлес қосып келеді.Аймақ басшысы кәсіпорын жұмысына сәттілік тілеп, өз тарапынан тиімді әріптестік орнатып, өндірістік жобаларға қолдау көрсетуге әзір екенін жеткізді.<img src="https://knadmin.beoblood.kz/uploads/342523775_535783415383902_2140689384013123185_n_b67dccb90e.jpg" alt="342523775_535783415383902_2140689384013123185_n.jpg">

Цемент зауытының мәселелері талқыланды

<a href="https://kyzylorda-news.kz/">Kyzylorda-news.kz.</a> Еңбек нарығында тиімді экожүйе қалыптастыру туралы Президент Жолдауында айтылған тапсырманың орындалуы қалай? Негізі экожүйені өзгертетін адамдар. &nbsp;Мәселен, республиканың оңтүстігінде халық тығыз орналасқан. Ал теріскейдегі миллиондаған гектар шұрайлы алқапты игеруге қол күші қажет болып тұр. Мұнда халық жұмыс таппай қиналса, ол жақта жұмыс күшінің тапшылығы байқалуда.Бір ғана мысал, солтүстіктегі білім ошақтары оқушы санының жетіспеуіне байланысты жабылып, уақытында дәулеті тасыған елді мекендер қаңырап бос қалып жатыр. Мәселен, былтыр Солтүстік Қазақстан облысында 7 мектеп жабылған. Түптеп келгенде, шекарадағы ауылдардың қаңырауы ел қауіпсіздігіне әсер етеді. Себебі бос жатқан ен далаға базбіреулер көз тігуі мүмкін.Кейінгі жылдары Үкімет ішкі миграцияны тиімді үйлестіріп, мәселені шешуді қолға алды. Сәл артқа шегініс жасасақ, 2017-2021 жылдары «Еңбек» бағдарламасы аясында солтүстікке көш түзеп, халқы тығыз оңтүстіктегі ағайынды орналастырды. Сөз жоқ, көшін солтүстікке түзейтін азаматтарға бірқатар жеңілдік қарастырылған. Көшудің жол шығынын өтейді, баспанамен қамтамасыз етеді, жұмысқа орналастырады, тағысын тағы. Бірақ &nbsp; кері қайтқандар да аз емес. Содан бұл бағыттағы жұмыс күшейтіле түсті.Былтыр Мемлекет басшысы халыққа Жолдауында еңбек ресурстарының тапшылығы бар өңірлерде Үкіметке көші-қон үдерісін басқару үшін пәрменді шаралар қабылдауды тапсырды. Бұл бойынша үкімет «Қуатты өңірлер – ел дамуының драйвері» ұлттық жобасын қолға алған еді. Тапсырма негізінде оңтүстік өңірдің халқын солтүстікке көшіруді қалыптастыруға бағытталған жұмыстар қарқынды жүргізілуде. Бір білеріміз, кейінгі бес жылда Сыр бойынан солтүстікке 1053 адам, яғни, 348 отбасы қоныс аударған. Оның ішінде Қостанай, Солтүстік Қазақстан, Шығыс Қазақстан, Павлодар, Қарағанды, Ұлытау және Абай облыстары бар.Көштің жайы көңіл көншіте ме?Қоныс аударғандардың көбі ауылға барып, екі қолға бір күрек тапқан. Бізге бұл туралы облыстық жұмыспен қамтуды үйлестіру және әлеуметтік бағдарламалар басқармасы басшысының орынбасары Жанар Дәулетбаева баяндап берді.<blockquote>– Облыстан солтүстік өңірге қоныс аудару басталғалы бірнеше жыл болды. Мәселен, өткен жылы 158 адам, яғни, 48 отбасы қоныс аударып, оның 221-і тұрақты жұмыспен қамтылды. Алты адам жеке кәсібін ашса, екі адам ақылы қоғамдық жұмысқа жолданды. 9 адам мемлекеттік грант алса, 1 адам қысқа мерзімді оқудан өтті. Ал биыл теріскейге 38 отбасы қоныс теуіп, оның ішінде 45 адам тұрақты жұмыспен қамтылды. Бір адам кәсіпкерлікпен айналысуда. Бұдан бөлек, 19-21 сәуір аралығында облыста Солтүстік өңірлердегі жұмыс берушілердің қатысуымен «Солтүстік өңірлердің жәрмеңкесі» атты кездесулер өтті, – деді ол.</blockquote>Бұл ақпаратты Қостанай, Павлодар, Ұлытау және Абай облыстарынан келген жұмыспен қамту басқармасының мамандары үстей түсті. Топ мүшелерінің айтуынша, солтүстік өңірлерде 3000-ға жуық экономиканың әртүрлі салалары бойынша бос жұмыс орны бар. Атап айтқанда, ауыл шаруашылығы, білім, денсаулық, зоотехник, механизатор, техника қауіпсіздігінің инженері, инженер-механик, көмір және цемент зауытының машинисі, электргазбен дәнекерлеуші, орау машинасының операторы, ағаш және жиһаз өндірісінің шебері оқытушы, құрылыс және монтаждау жұмыстарының шебері, кеңпрофильді станокшы, техник, аспаз, жүргізуші, автоэлектрик, дәнекерлеуші, іс жүргізуші, аудармашы, бухгалтер, &nbsp;ветеринарлық санитар және тағы басқа.Ақпарат көздеріне сүйенсек, солтүстік облыстарға көшіп барғандардың 60 пайызы ауылдық округтерді таңдапты, 40 пайызы аудан орталықтары мен қалаларда қоныс тепкен. Мамандардың айтуындай-ақ екен, қоныс аударушылар негізінен солтүстік аймақтардағы кәсіпорындар мен ауыл шаруашылығы, денсаулық сақтау, білім беру және қызмет көрсету ұйымдарындағы жұмыстарға орналасқан. Жасыратыны жоқ, буынып-түйініп жылы жақтан суық жаққа жолға шыққандардың бәрінің жолы болды деу қиын. Олардың арасында түрлі мәселемен қайта оралғандар бар. Қолайсыз ауа-райына үйренісе алмағандар қаншама?! Мұны Жанар Жұмабекқызы өзі айтып берді.<blockquote>– Жалпы үйренген жерден қоныс аудару оңай емес. Бұған өзге факторларды қосыңыз. Мысалы, кейінгі бірнеше жылда қоныс аударған 8 отбасы ауа райының қолайсыздығына, денсаулығына байланысты &nbsp;қайтып келді, – деді ол.</blockquote>Алайда айта кету керек, көшкендердің бәрінің хал-жағдайы анау айтқандай мүшкіл де емес. Себебі әр ауылдың әлеуметтік ахуалы, орналасқан жері алуан түрлі. Оның ішінде баспаналы болып, жұмыспен қамтамасыз етілгендердің үлесі көп.Былтыр Еңбек және халықты әлеуметтік қорғау министрлігі кейінгі бес жылда еліміздің солтүстігіне 60 мыңнан аса отбасы қоныс аударғанын хабарлаған болатын. Ондағы мамандардың болжамына сенсек, алдағы 4-5 жылда Солтүстік Қазақстан, Павлодар, Қостанай және Шығыс Қазақстан облыстарының халқы 200 мыңға жуық адамға көбейеді. Олай бола қалса, солтүстік өңір сөзсіз қазықыланар еді.Баспана жайы қалай?Әрине, солтүстікке көшкен қазақты мазалаған мәселенің бірі – баспана. Баспанасы болмаса, бейтаныс өңірге кім барсын?! Оны жоғарыда айттық. Бірақ барғандардың көпшілігі жұмыс тауып, жаңа ортаға үйренісіп кеткен. Осы ретте бағдарлама бойынша Сыр бойынан көшіп, Павлодарға қоныс тепкен жерлестеріміз, жас отбасы Қанат Сейдахметов пен Дидар Есен былай деді:<blockquote>– Біз мұнда 2021 жылы қаңтарда қоныс аудардық. Бірақ ешқандай бағдарламаны білмедік. Тек солтүстікке қоныс аударғандарға қолдау жасалатынын естіп, Павлодар облысы Ертіс ауданынан бір-ақ шықтық. Келген соң бағдарлама аясында көмек алдық. Әуелі жаңадан қосарланып салынған екі бөлмелі үйге орналастырды. Үй 5 жылсыз атыңа өтпейді. Сатып алсақ, мемлекет жарты ақшасын төлеп береді. Өйтпесек айына 7 мың теңге төлеп, қалағанымызша тұра береміз. Бұл – бір. Содан соң 204 мың теңгеден жан басына ақша берді. Әйелім және 4 балам бар. Әуелгіде жұмыс жайы кішкене қиындық тудырды. Бірақ оның бәрін еңсердік. Менің мамандығым – аспаз, келіншегім – психолог. Әуелгіде мамандыққа сай жұмыс істедік. Ал биыл мемлекет тарапынан қайтарымсыз несие алып, шағын кафе аштық. Мұнда келуіміздің тағы бір себебі осы еді. Қызылордада кафе бизнесінде бәсекелестік көп. Ал мұнда еңсерілмей жатқан сала көп. Қызылордада 10 жылда жете алмаған мақсатыма, мұнда аз уақытта жеттім. Тек мұнда 9 ай қыс болады екен. Тіпті жазда да от жағып отырамыз кейде. Қиыны сол, бұл жақта газ жоқ. Отын жарып, көмір тасып, күл шығарасыз. Тек соған төзсе, қалған жағынан мәселе жоқ. Жұмыс жетеді, кәсіп ашам деген жанға мұнда жақсы көмектеседі, – дейді Қанат.</blockquote>Облыстық жұмыспен қамтуды үйлестіру және әлеуметтік бағдарламалар басқармасының мамандары мемлекет тарапынан көрсетілетін көмектен бөлек, кейбір шаруашылықтар көшіп барғандардың қорасына мал кіргізіп, отын-су, жем-шөбін түсіріп, көмек көрсетіп жатқанын айтады. Осының арқасында оңтүстіктен көшіп барғандар солтүстікке тез сіңіп, тұрақтап қалуда.Дегенмен, қаңырап қалудың алдында тұрған ауылдарға жұмыс күшін тарту оңай болмай тұр. Осы орайда Павлодар облысының жұмыспен қамтуды үйлестіру және әлеуметтік бағдарламалар басқармасы көші-қон бөлімінің басшысы Нұрдан Әшімовті сөзге тарттық.<blockquote>– 2017 жылдан бері біздің өңірге 15 мыңға жуық адам келді. Қоныстанушылар көбіне ауылдық жерге тұрақтап жатыр. Өйткені бізде мұғалім, дәрігер, ауыл шаруашылығы мамандары тапшы. Әсіресе, ауылдардың жағдайы қиынға соғып тұр. Биыл 4 айда Павлодар облысына Сыр өңірінен 42 адам қоныстанды. Кешелі бері «Солтүстік өңірлердің жәрмеңкесі» өтуде. Қуантқаны, қазірдің өзінде 30 адам Павлодарға баруға ынта білдіріп отыр, – деді ол.</blockquote>Рас-ақ, мұнда барып тез аяқтан тұруға болады. Әсіресе, солтүстікке көшу – екі қолға бір күрек таппай жүргендер үшін таптырмас ұсыныс. Бұлай деуімізге де нақты себеп бар.<blockquote>– Мен «Серпін» бағдарламасымен 2017-2021 жылдары Павлодар педагогикалық мемлекеттік университетіне оқуға түсіп, тарих пәнінің мұғалімі мамандығын алып шықтым. Сол жылы «Еңбек» бағдарламасымен Успен ауданы Ольгино ауылында орналасқан М.Мәметова атындағы орта мектепке мамандығым бойынша жұмысқа орналастым. Араға бір жыл салып, 2022-2023 оқу жылы мектеп директорының оқу ісі жөніндегі орынбасары болып тағайындалдым. Мұндай тез нәтиже көрсетуіме еңбекпен қатар, кадр жеткіліксіздігін қосуға да болатын шығар. Қазірдің өзінде бізде бастауыш сынып және ағылшын тілі мұғалімі жеткіліксіз, – дейді жас маман.</blockquote><blockquote>Көшкен жұртқа жасалар жәрдем</blockquote>Шынында, ел билігі көшкен жұртты қолдауға барынша жағдай жасауда. Жанар Дәулетбаеваның айтуынша, әрбір отбасы мүшесіне бір рет 70 АЕК мөлшерінде көшуге материалдық көмек беріледі. Мұнан өзге, тұрғын үйді сатып алуға, салуға немесе алғашқы жарна ретінде пайдалануға тұрғын үй құнының 50 пайызын төлеп береді. Алайда алынған үй 4 миллион теңгеден аспауы қажет. Сондай-ақ, қоныс аударушының отбасына, оның ішінде жалғызбастыларға жыл бойы ай сайын тұрғын үйге және коммуналдық қызметтерге ақы төлеу бойынша шығыстарды өтеуге материалдық көмек беріледі.Бір ескерте кететін жайт, бағдарлама арқылы жұмыс күші тапшы өңірлерге қоныс аударған отбасылар жаңа мекенде кемінде 5 жыл тұруға міндетті.27 мың адам қоныс аудармақ«Еңбек» мемлекеттік бағдарламасы арқылы 2017-2021 жылдар аралығында солтүстікке қоныс аударғандарға үй алу, пәтер жалдау, субсидия бөлуге мемлекеттен 20 миллиард теңгеден астам қаржы жұмсалған.Ал былтырдан бастап «Қуатты өңірлер – ел дамуының драйвері» ұлттық жобасы қарқынды жүргізілуде. Мамандардың айтуынша, 2022-2026 жылдар аралығында солтүстікке тағы 27 мыңнан астам адам қоныс аударады.Әрине, солтүстікке көшу-көшпеу әркімнің өз еркінде. Дегенмен алыстан ат терлетіп көшке ілесіп келгендерге солтүстіктің дайындаған сыбағасы аз емес. Жайлы жағдай мен мол мүмкіндіктер есігі айқара ашылса, солтүстігің де жылы көрінбей ме? &nbsp;

Сыр елінен солтүстікке көшуде

<a href="https://kyzylorda-news.kz/">Kyzylorda-news.kz.</a> Үйлестіру кеңесі отырысында өңірлік Жастар ресурстық орталықтары жастармен жан-жақты жұмыс жүргізілу барысын, өңірлерде жастарды мемлекеттің әлеуметтік-экономикалық дамуына ықпалдастық етуге бағытталған шаралар кешені, жастармен жұмыста тиімді әдіс-тәсілдерді қолдану туралы өз тәжірибелерімен бөлісті.Атап айтқанда, Қарағанды облысының Жастар ресурстық орталығының директоры Аида Искакова орталық қызметкерлерінің жалақысын көтеру механизмдерінің өз тәжірибелеріне негізделген нұсқасын ұсынды. Бүгінгі таңда жастар ресурстық орталықтарының қызметкерлеріне 70% мөлшерінде ынталандырушы үстемақы қаражатының салынғанын және орталық қызметкерлері әртүрлі санаттағы жастарға қызмет көрсеткені үшін жалақыға қосымша ақы алуына басты негіздеме болып табылатындығына тоқталды.&nbsp;Сонымен қатар, жиын барысында қызметкерлердің біліктілігін арттыру және оқыту, жастар орталықтарының жұмысына сараптама, бағыт-бағдар беру, өзара жұмыс тиімділігін арттыру бойынша әр өңірдің жастар ресурстық орталықтары директорылары мен Жастар ісі жөніндегі басқарма басшылары өз ұсыныс-пікірлерін айтты. Түркістан облысы қоғамдық даму басқармасыныңбөлім басшысы &nbsp;Нұрлан Мыңбаев әр өңірде жұмыс жасау бағытының әртүрлі екенін айта келіп, барлық өңірдегі жұмыс бағытын, жоба, шараның өткізілу форматын біріздендіруді ұсынды.Маңғыстау облыстық ЖРО директоры Мақаш Оралбай Жастардың жалақысын көтерудегі үстемақы мәселесіне тоқталды. Жастардың репродуктивті денсаулығы мәселесіндегі шешілмей, тасада қалып жатқан, Жастар денсаулығы орталығының жүйесіз жұмысын реттеуді ұсынды. Штаттық бірлікті стандарттау мәселесін реттеуді, Жастар ресурстық орталықтарының құрылғанына 10 жылдық мерейтойы қарсаңында республикалық жастар форумын ұйымдастырып, оған мемлекет басшысының тікелей қатысып, жастармен бүгінге дейінгі мәселелерді ашық алаңда талқыласақ деген ұсынысын жеткізді.Жиын соңында Жастар ресурстық орталықтары арасында ұйымдастырылған үздік ақпараттық материалдар байқауының жеңімпаздарын марапаттау рәсімі өтті.

Үйлестіру кеңесі еркін форматта өтті

<a href="https://kyzylorda-news.kz/">Kyzylorda-news.kz.</a> Бүгінде облыс әкімінің қолдауымен аймақта жаңа жобалар жүзеге асырылып, Сыр өңірі құрылыс алаңына айналды. Соның ішінде білім беру нысандарының құрылысы ерекше қарқын алды.«Білім беру инфрақұрылымын қолдау» қоры есебінен типтік жобадағы мектептер, интернаттар және қосымша білім беру ұйымдары ғимараттарын салуға салалық министрлікке ұсыныс берілген болатын.Үкімет басшысы Әлихан Асханұлы Смайыловтың облысқа іссапары кезінде қаланың сол жағалауынан 300 орынға арналған жатақханасы бар, дарынды балаларға арналған 400 орындық физика-математика мектеп-интернатын салу ұсынысы қолдау тапты. Құрылыс мамыр айында басталмақ.Осы кезге дейін Қызылорда қаласында бір ғана Оқушылар үйі болса, енді сол жағалауда 350 орынға арналған заманауи үлгідегі екінші Оқушылар сарайының құрылысы басталуда.Сонымен қатар, биыл дарынды балаларды қолдау мақсатында Қызылорда қаласы мен Қармақшы ауданында 150 орынға арналған мамандандырылған мектеп-лицей ашылды. Оған қоса Жезқазған трассасы бойында 600 орындық, Жаңақорған ауданы, Майбекет мөлтек ауданында 300 орындық, Шиелі ауданы, Байсын ауылында 250 орындық, Қазалы ауданы, Әйтеке би кентінде 250 орындық мектептер ел игілігіне беріледі. Ал Арал ауданы Тоқабай елді мекеніндегі жеке инвестор есебінен салынып жатқан №248 апатты мектеп жаңарып, биыл пайдалануға берілмек.«Жайлы мектеп» ұлттық жобасы аясында облыста алдағы 3 жылда 15 100 орынға арналған құны 100 млрд. теңгеден асатын 21 мектеп салынады. Биыл 10 мектептің құрылысы басталады. Бұл 2025 жылы өңірдегі үш ауысымды және апатты мектептер мәселесінің толығымен шешім табуына, балалардың сапалы білім алуына берік негіз қалайды.Мұнан бөлек, Қызылорда қаласындағы үш ауысымға көшуі мүмкін мектептердің мәселесі де биыл шешімін табады. Қазір Абай атындағы мектеп жанынан 550 орындық, №101 мектеп-лицей жанынан 375 орындық, №264 мектеп-лицей жанынан 550 орындық, №3 мектеп-лицей жанынан 375 орындық қосымша оқу ғимараттары салынуда.

Аймақта заманауи білім беру нысандары салынуда

<a href="https://kyzylorda-news.kz/">Kyzylorda-news.kz.</a> Бүгінгі Үкімет отырысында Мемлекет басшысының 19 сәуірде өткен елдің әлеуметтік-экономикалық даму мәселелері туралы кеңейтілген мәжілісте айқындаған экономикалық саясаттың сегіз нақты бағыты талқыланды. Жауапты ведомство басшылары атқарылатын шаралар туралы баяндады.Үкімет отырысынан соң облыс әкімі Нұрлыбек Нәлібаев Премьер-Министр берген тапсырмаларды пысықтау мақсатында жиын өткізді. Мемлекет басшысы алға қойған міндеттерді жүзеге асырудың нақты шаралары қабылдануы қажеттігін атап өтті.<blockquote>«Барлық басқармалар салалық министрліктермен әр бағыт бойынша өз міндеттерін пысықтап, жұмыс жасауы керек. Мемлекет басшысы азық-түлік бағасының қымбаттауына тоқталып, тұрақтандыру қорлары мен азық-түлік корпорациясының жұмысын күшейтуді тапсырды. Расында, біздің өңірде агралық секторды дамытуға мол мүмкіндік бар. Дегенмен тұрғындар нанмен, күрішпен және тұзбен ғана 100 пайыз қамтамасыз етілген. Халық тұтынатын әлеуметтік маңызы бар негізгі тауарлар сырттан тасымалдануда. Оларды өндіруге толық мүмкіндігіміз болғанымен, жұмыс жолға қойылмаған. Облыстық ауыл шаруашылығы және жер қатынастары, кәсіпкерлік және өнеркәсіп басқармалары Қызылорда қаласының, барлық ауданның әкімдерімен, «Байқоңыр» әлеуметтік кәсіпкерлік корпорациясымен бірлесіп, азық-түлік қауіпсіздігін қамтамасыз ету және бағаны тұрақтандыру бойынша нақты ұсыныстар берсін», - деді аймақ басшысы.</blockquote>Мұнан бөлек, жиында инвестиция тарту, қалалардағы жағдайды жақсарту мәселелері талқыланды. Облыстық экономика және қаржы басқармасына барлық басқармалармен бірлесіп, Мемлекет басшысының тапсырмаларын жүзеге асыру бойынша Өңірлік іс-шаралар жоспарын әзірлеу жүктелді.

Мемлекет басшысының тапсырмаларын орындау барысы талқыланды

<a href="https://kyzylorda-news.kz/">Kyzylorda-news.kz.</a> &nbsp;Кейінгі уақытта Сыр өңірінде медициналық нысандар құрылысы ерекше қарқын алды. Солардың қатарында өткен жылы іргетасы қаланған, қаланың сол жағалауында орналасқан Қан орталығы бар.Нысанның жобалық құны – 2,5 млрд теңге. Бас жобалаушы – «Крез-Сервис» ЖШС. Ал мұндағы жұмыстың уақытылы әрі сапалы бітуіне жауапты – «СК Дәнекер» ЖШС. Өткен жылы құрылысты бастаған мердігер мекеме биыл жұмысты жалғастыруда.<blockquote>«Қан орталығының құрылысын былтыр тамыз айында бастадық. Қыста &nbsp;құрылыста &nbsp;30 адам &nbsp;жұмыс істеді. Ауа райының қолайсыздығына байланысты жұмыс баяулаған болатын. Күн жылынғасын қайта қарқын алды. Қазір мұнда 60 адам еңбек етуде. Барлығы – жергілікті &nbsp;тұрғындар. Айлық 130-170 мың теңге аралығында. Жаз айларында жұмысшы санын 180-200-ге дейін көбейтпекпіз», – деді «Дәнекер &nbsp;құрылыс &nbsp;компаниясы» &nbsp;ЖШС-ның &nbsp;атқарушы &nbsp;директоры &nbsp;Жоламан Спанов.&nbsp;</blockquote>Айта кету керек, жоба барысында қолданылатын құрылыс заттарының 90 пайызы – қазақстандық өнім. Мәселен, тас, гравий, щебен, цемент, кірпіш, &nbsp;жабынды &nbsp;плиталар жергілікті өндіруші &nbsp;зауыттардан алынады. Ал арматура сияқты облыста өндірілмейтін заттар &nbsp;тапсырыс &nbsp;бойынша сырттан әкелінеді. Мердігер мекеме мамандары жұмысты еңсеруге техника жеткілікті екенін айтып отыр.Үш қабатты ғимарат заманауи архитектуралық талаптарға сай салынуда. Бүгінге дейін бас корпустың (А және Б блогы) жерасты &nbsp;жұмыстары &nbsp;толық аяқталған. Қос блоктағы бөлмелердің қабырғалары темір бетоннан &nbsp;құйылып, &nbsp;жабынды плиталары монтаждалыпты. А блогындағы 1-2 қабаттың бағаны мен ригельдері бетоннан құйылса, Б блогындағы 1-2 &nbsp;қабат толық кірпіштен өріліпті. Тағы бір біткен іс – электр қуатының трансформаторлық &nbsp;подстанциясы. Ол да толық салынып, қашықтығы &nbsp;2,3 шақырым &nbsp;болатын &nbsp;жоғары &nbsp;кернеулі &nbsp;кабелі &nbsp;екі &nbsp;желімен &nbsp;жүргізілген.Құрылыс басында атқарылып жатқан қазіргі жұмыстар туралы &nbsp;учаске басшысы, Қазақстанның құрметті құрылысшысы Қалдыбек &nbsp;Әбдіреев баяндап берді.<blockquote>«Дәл қазір А блогындағы 3-қабат бағаналарының арматуралары &nbsp;тоқылуда. Б блогындағы 3-қабат қабырғаларының кірпішін қалап, терезелерін салып жатырмыз. Сонымен қатар, бес көлікке арналған гараждың &nbsp;қабырғалары қаланып, плиталары &nbsp;жабылды. Осылай өзегін тұрғызсақ, алдағы уақытта ішкі-сыртқы жұмысына кірісеміз. Сыртқы бөлігі травертинмен қапталатын болады. Жалпы барлығы талапқа сай, арнайы мекемелердің жіті қадағалауында», – деді тәжірибелі маман.</blockquote>Қан орталығы – Қызылорда облысының әлеуметтік инфрақұрылымын дамыту бағдарламасы аясында жүзеге асып жатқан кезекті жоба. Аталған нысан қолданысқа берілгенде Сыр медицинасына елеулі үлес қоспақ. &nbsp;

Сол жағалаудағы серпін: құрылыс қарқынды жүріп жатыр 

<a href="https://kyzylorda-news.kz/">Kyzylorda-news.kz.</a> Жастар ресурстық орталықтарын дамыту жөніндегі Үйлестіру кеңесінің алғаш рет көшпелі отырысы 20-21 сәуір күндері Сыр елінде өтті.&nbsp;Үйлестіру кеңесінінің алғашқы күні ҚР-ның АҚДМ Жастар және отбасы істері комитетінің ведомствоаралық үйлестіру және өңірлік өзара іс-қимыл басқармасының басшысы М.Есекеева, «Жастар» ғылыми-зерттеу орталығының жастар ресурстық орталықтарын әдістемелік қамтамасыз ету басқармасының жетекшісі А.Абенова және Қазақстанның барлық аймағынан Жастар ісі жөніндегі басқарма басшылары мен барлық облыстардағы Жастар ресурстық орталықтарының директорлары Байқоңыр қаласына сапарлап, бірқатар маңызды нысандарды аралады. Шара барысында Байқоңыр қаласының әкімшілік басшысы К.Б.Бусыгин Қазақстандық делегаттарды қабылдап, Байқоңыр қаласында Мемлекеттік жастар саясатының жүзеге асырылу барысы, жастар орталықтарының жұмысы және волонтерлік қозғалыс жөнінде айтып өтті.&nbsp;Бұдан кейін делегация «Будущее Байконура» жастар орталығының ғимаратына экскурсия жасап, орталықтың жастарға ұсынатын мүмкіндіктерімен танысты. Байқоңыр қаласындағы маңызды тарихи орын саналатын «Байқоңыр» космодромына барып, ондағы мұражайда орналасқан тарихи мұра мен жәдігерлерден мол әсер алды. &nbsp;Сонымен бірге Сыр елінің мәдени брэндіне айналған Қорқыт ата мемориалды кешенін аралап, ондағы құнды экспонаттардың тарихымен танысты.Экскурсия соңында еліміздің әр өңірінен келген қонақтарға қазақы қонақжайлылық танытып, Рамазан айының соңғы күнінде ауызашар дастарханы жайылды.

Қазақстан және Қызылорда облысының жаңалықтары