<a href="https://kyzylorda-news.kz/">Kyzylorda-news.kz.</a>&nbsp; Ата кәсіп десе алдымен ойымызға балық шаруашылығы оралары сөзсіз. Өйткені қазіргі аралдықтардың ата-бабасы теңіздің ақжал толқындарымен алысып, талай тар жол тайқақ кешкен. Қазіргідей моторлы қайық немесе төрт тағанды көлі жоқ. Түйеге арба жегіп, ескекпен дос болған бабалар ерлігінің лайықты жемісі бізді осы күнге жеткізді. Ол замандарда Арал теңізі кемеріне келіп, асау толқындары аласұрған шақ еді. Бүгінде сол алапат теңіздің адуын екпіні қайтып, табаны құрғап қалды.&nbsp;Нақты адамзат қолымен жасалған қиянаттың салдарынан теңізге құяр дария суы азайып, нәтижесінде суға шөліркеген Аралдың айдыны тартылып, жағалауы қаладан 100 деген шақырымға алыстап кетті. Десе де көк айдынның кіші бөлігін сақтап қалу жобасы жемісін беріп, өмірге Көкарал бөгеті келді. Содан бері Кіші Аралды сақтап қалу мүмкін болып келеді. Бұл ғасырлық жоба қайығы тұралаған балықшы қауымға қайта үміт ұшқынын сыйлап, теңізден су маржанын сүзуге мүмкіндік берді. Бүгінде сол үмітпен күн кешкен аралдықтардың ата кәсіпті жандандыруда жұмысы алға басып келеді. Десе де соңғы жылдары аймаққа айналып соққан қуаңшылықтың салдары теңізге де әсерін бермей қоймады. Сырдағы көлдер жүйесі тартылып, салдарынан Қамбаш кері шегінді. Кіші теңіздің су мөлшері де 27-ден 18 млрд текше метрге дейін азайып кеткен-ді. Қамсыз қалмайтын ел мұның да шешімін тауып, өткен жылдары көлдер жүйесінің суландырылғанына көз жеткізді. Қамбаш қайта оралды. Шөліркеген көк айдынның деңгейі 80 сантиметрге дейін көтерілді.Сең жүретін уақытты сергелдеңге санаған балықшы қауым соңғы бір ай шамасында судан ауын, теңізден қайығын жағаға шығарды. Себебі абыржының уақытында теңізге мәлім жоқ. Табанда жел соғып, күн бұзылса ұстасқан мұздар ажырап, теңіз үстіндегі балықшы жұртқа қауіп төндіреді. Сондықтан бұл маусымда балықшыға маза керек. Бүгінде айдын беті айнадай. Қайық суға түскен шақ балықшы қауым үшін берекелі маусым болмақ. Сол маусымда тұрмыз. Бүгінде ау-құралын сайлап, жылымын майлаған балықшы бабаның ұрпақтары теңіз төсінде жүр. Су маржанын сүзіп, нәпақа айыруда. Мұның барлығы айдынды Аралдың қалыпты өмірі.Өткен жылы Мемлекет басшысының тапсырмасымен Солтүстік Аралды сақтау жобасы қаржыландырылған болатын. Қазіргі таңда ғасыр жобасына айналған Көкарал бөгетінің гидроқұрылысын жөндеу жұмыстары басталып кеткен. Бұл бағытқа бүгінде 500 млн теңге қаржы бөлінген. Оған Қарашалаң көлінен 2 канал, Сарытерең көлінен 1 канал қазу жұмыстары басталып кетті. Алла сәтін салса, келер жылы жоба толықтай іске асырылады деп күтілуде. Күтілетін нәтиже де жоқ емес. Алдымен теңіздің тұздылығы төмендеп, су маржанының молаюына үлкен септігін тигізбек. Бұл – ата кәсіппен қауышқан балықшы қауымның қуанышы һәм берекесі мен мерекесі.Иә, айдынды өлкенің айбынына айналған Арал теңізінің тағдырына алаңдаулы жұрттың қолға алған қай ісі де қайырлы. Ендігі тілек сол жұмыстар нәтиже беріп, теңіз кемеріне келсе дейміз. Ата кәсіптен ажырамаған ағайынның да тілегі сол.

САРАТС қайта жанданды

<a href="https://kyzylorda-news.kz/">Kyzylorda-news.kz.</a> Қазақстан – өркениетке қарай бет бұрған жас мемлекет. Зайырлы, демократияға ұмтылған билігі, халқы бар. Салыстырмалы түрде аталған режим көбірек орныққан державалар осы жүйенің принциптерін әлем елдеріне таратуға асық. Соның әсерінен елімізде адам бостандығын шектемеуге, дін алуандығына, гендерлік теңдікке, тіпті азаматтардың сексуальдық позициясына дейін еркіндік беріліп отырғаны рас. Өткен жылы осы процесс жалғасын тауып, жануарларды қорлаудың бетін қайтарын бірқатар Заң қабылданғаны белгілі. Жаңа ереже бойынша құтырған, қаңғыбас, адам талаған иттер атылмайды. Салдарынан Қазалы ауданындағы иесіз иттер саны бірнеше есеге артты.Қазақстанда қаңғыбас жануарларды атуға жыл сайын шамамен 2,3 миллион АҚШ доллары бөлініп келді. Енді жануардың атқан немесе өлтіргені үшін адамдар 20 айлық есептік көрсеткіш көлемінде айыппұл төлейді. Егер «қылмыскер» бірнеше жануарды бір мезетте өлтірер болса бір жылға дейін бас бостандығынан айыру жазасы қарастырылған.Заң талқылауға түскен күннен бастап қоғамда қызу талқы басталды. Көпшілік алдымен дамыған елдер сияқты мәселені еңсеруге ресурсты дайындап алмай, шикі Заңды қабылдай салған Үкіметке ашулы еді. Ал заң шығарушы орган құжаттың маңызы зор екенін айтып, оның принциптерін жариялады. Өзгеріс ит иесіне жануардың өмірі, денсаулығы және амандығы үшін жеке жауапкершілік жүйктейді. Оған қатігездік танытудан қорғайды және халықты жануарларға адамгершілікпен көңіл бөлуге тәрбиелейтіні көрсетілген. Соңғы уақыттары биліктің мұндай көзқарасы бала тәрбиесінде жетіспейтіні байқалып жүргенін қайтейік?!Тақырыпқа оралайық. Соңғы кездері аудан орталығында топтасып жүретін бұралқы иттер бірнеше есеге артты. Әсіресе, кенттің сыртқы көшелерінде жиі көз шалады. Қоқыс маңын жағалайтын топтасқан жануарлар кешкілік тұрғынүй аумағына кіріп, үлкенді-кішінің үрейін тудырып жүр. Тіпті, балтырындағы бұлшық етін жұлып, көп ит талап тастаған адамдар да аз емес. Мәселен, Қазалы ауданаралық аурахананың бас дәрігерінің орынбасары Күншығар Әбіловтің айтуынша, былтыр 74 тұрғын қаңғыбас иттен зәбір көрген. Биылғы 4 айдың ішінде 17 жерлесіміз топтасқан иттерге таланып, жаны қалған. Осындайда адам жаны қымбат па, әлде, иттердің бағы асыл ма деген сауал тууы заңды. Алайда бұған жауапты жергілікті атқарушы орган өкілдері ит қамайтын орын жоқ екенін, қажетті құрылғылар қашан келетіні туралы ақпар беріп отырған жоқ. Сонда адамдар қаңбысан иттен қашанғы қашып жүреді?<blockquote>«Ең бірінші Заң шығару органдары мен оны мақұлдаған халық қалаулыларына таңым бар. «Қыстың қамын жазда ойла» деген мақал бар. Ал қаңғыбас иттерді атуға тыйым салынған екен, оларды қайда апарып асырайды? Қазіргі күні Қазалының көшелерінде жүздеген бұралқы ит жүр. Олар ауру таратса, қайда апарып залалсыздандырады? Заңның қабылданғанына 1 жылдан асып кетсе де әлі күнге дейін жануарды ұстап отыратын, залалсыздандыратын, тіпті еспе жасайтын орын жоқ. Адамдар қауіпсіздігі ең алдыңғы орынға қойылуы керек емес пе? Ақылға сыймайды», – дейді кент тұрғыны Ғабидин Шынтас.</blockquote>Статистикаға сүйенсек, 2022 жылға дейін Қазақстанда жыл сайын 350 мыңға жуық қаңғыбас ит өлтірілетін. Үйсіз жануарлардың нақты саны белгісіз. Мысалы, Грузияда панасыз жануарлардың бірыңғай мәліметтер базасы құрылған. Ал біздің өңірде тіпті мониторинг жүргізілмегені белгілі. 2018 жылы мәжіліс қабырғасында күн сайын елімізде 160 адамға қаңғыбас иттер шабуыл жасайтыны да айтылды.Ал соңғы атышулы оқиғаның бірі ит тісінің ізі қалған құрылыс алаңынан табылған 12 жастағы ақтөбелік баланың өлімі елдегі жануарлардға қатысты заң эффективті емесін көрсетті. Болжам бойынша, оған бір топ иттер шабуыл жасаған. Ал Ақтөбе облысының тұрғындары қаңғыбас иттер мен мысықтарға у қосылған тамақ беріп жатқаны туралы ақпарат тарады. Жағдай осы қалпында қала беретін болса былтыр қабылданған құжаттың құны қалмасы анық. Өйткені қаймана халық бауыр еті баласының қауіпсізідігі үшін қолға қару алып, қалтасына у қосылған сүйек салып жүрмесіне кепілдік жоқ.

Қазалыда иесіз иттер саны артты

<a href="https://kyzylorda-news.kz/">Kyzylorda-news.kz.</a> Жақында облыс әкімінің орынбасары Балмейір Сансызбайұлы жұмыс сапарымен Қазалы ауданына арнайы келіп, бірқатар нысандарды аралады. Сондай-ақ, аудандағы жолдың жайымен танысып, жаңа мектептің құрылысын көрді.Қасиетті өлкенің тыныс-тіршілігімен танысуға келген Балмейір Сансызбайұлы алдымен Әйтеке би кентіндегі салынып жатқан 250 орындық мектеп құрылысына барды.Достық көшесінің бойында бұрынғы 170 мектептің орнынан бой көтеріп жатқан білім ордасының құрылысын «SCS Инжиниринг» жауапкершілігі шектеулі серіктестік құрылысшылары жүргізуде. Облыс әкімінің орынбасары құрылыс жұмыстарының қарқынын күшейтіп, мектепті уақытылы әрі сапалы аяқтауды тапсырды.Мұнан соң Әйтеке би кентіндегі Әл-Фараби көшесіне ат басын бұрып, асфальтталып жатқан көшенің жайына қанық болды. Жоба құны - 16,2 миллион теңге болатын көшенің жұмысын мердігер мекеме «Қазалы Жолшы» ЖШС атқарып жатыр. Қазалы қаласы мен аудан орталығы Әйтеке би кенті аралығында тағы бір қарқынды құрылыс бастау алмақ. Ол - халықтық әлеуметтік осал топтарына тұрғынжай сатып алу мақсатында тұрғын үйлер салынуы. Құрылыстың жоспарымен танысып, сәттілік тілеген облыс әкімінің орынбасары Балмейір Сансызбайұлы тұрғын үйлердің алғашқы қазығын қақты.Биыл Қазалы қаласындағы 15 көшеге қайта жаңғырту жұмыстары жүретін болады. Қазір соның төртеуінде қызу құрылыс жүріп жатыр. Балмейір Сансызбайұлы жолдың сапалы болуына және уақытылы аяқталуына баса назар аудару қажет екенін айтты.Мұнан соң «Қарлаң» көпірі құрылысының басына барып, мердігермен жолықты. Негізі Қазалы қаласы мен Әйтеке би кенті аралығындағы төрт жолақты жолды жөндеп жатқан дәл осы «Қарлаң» көпірі құрылысын жасап жатқан мердігер. Облыс әкімінің орынбасары ол мәселенің жайынан да хабар алды. Мердігер мекеме басшысының айтуынша, екі аралықтағы жол биылғы жылдың шілде айының соңына дейін толық аяқталады.Аудан бойынша биылғы жылы жүргізіліп жатқан жол құрылыстары қатарында «Қазалы-Қожабақы-Бозкөл-Кәукей» аралығының орташа жөндеуіде бар. Балмейір Сансызбайұлы қызу шаруаның басына барып, жұмыс барысымен танысып қайтты.Облыс әкімі орынбасарының Қазалыға жұмыс сапары кезінде аудан әкімі Мұхтар Оразбаев, облыстық жолаушылар көлігі және автомобиль жолдары басқармасының басшысы Пахуадин Шамұратов, аудандық мәслихат төрағасы Ғазиз Әліш, аудан әкімінің орынбасары Дәурен Тілеумбетов және тиісті бөлім басшылары бірге жүрді.

Балмейір Сансызбайұлы Қазалының тыныс-тіршілігімен танысты

<a href="https://kyzylorda-news.kz/">Kyzylorda-news.kz.</a> ҚР Ауыл шаруашылығы министрлігінің gosagro.kz порталы арқылы үш айда тауарөндірушілердің субсидияға қатысты бар болғаны 20 өтінімі ғана қабылданған. Қаңтарда жұмысын бастады деген жүйе сәуірде ғана өтінім қабылдаған. Бұл туралы Қызылорда облысы кәсіпкерлер палатасының алаңында өткен кездесуде айтылды. &nbsp; Шараға ҚР Ауыл шаруашылығы министрлігінің Цифрландыру департаменті директорының орынбасары Әлем Жұмабеков, Кәсіпкерлер палатасының директоры Пірмұхаммед Сыздықов, Қызылорда қаласы мен аудан кәсіпкерлері қатысты.Кәсіпкерлер палатасының директоры Пірмұхаммед Сыздықов жыл басында іске қосылған gosagro.kz порталының жұмысына қатысты ауылшаруашылық тауар өндірушілерінен және қаржы институттарынан көптеген шағымдар түсіп жатқанын жеткізді.<blockquote>«Цифрлық жүйенің жұмыс барысында кездесетін кедергілер мен техникалық ақауларға байланысты көптеген сұрақтар туындап тұр. Соның салдарынан біраз шаруа мемлекет тарапынан берілетін пайыздық мөлшерлеменің субсидиясын жыл басынан бері ала алмай отыр. Нәтижесінде несиелерін жоғары пайызбен жабуға мәжбүр. Кей кәсіпкерлер несие тарихын бұзып алғанын да айтуда», – деді Палата директоры.</blockquote>Облыстық ауыл шаруашылығы және жер қатынастары басқармасының өкілі Лена Андакулованың &nbsp;айтуынша сәуірде тауарөндірушілердің 20 өтінімі қабылданғанын жеткізді. Кездесуде шаруалар өткен айларда кешіктіріп төлеу салдарынан несие тарихының бұзылғанын айтып, бұл мәселені үкіметтік деңгейде шешуді сұрады.Кездесуде Ауыл шаруашылығы министрлігінің Цифрландыру департаменті директорының орынбасары Әлем Жұмабеков шаруалардың көтеріп отырған мәселесі орынды екенін, сол үшін өңірлерді аралап түсіндірме жұмыстарын жүргізіп жүргенін айтты. Сондай-ақ, кәсіпкерлердің порталмен жұмыс барысында кездескен қиындықтарының себебін анықтау үшін ұсыныс-пікірлерін жинақтап, әріптестерімен жүйені жетілдіріп жатқанын атап өтті.Шарада кәсіпкерлерге порталдың жұмысы, өтінім беру тәртібі кезең-кезеңімен түсіндірілді.Кездесуде шаруалар министрлік өкілінен портал жұмысында Қызылорда облысындағы егістік жерлердің ерекшелігін ескеруді ұсынды.Аталған мәселеге қатысты сұрақ туындаған жағдайда кәсіпкерлер Қызылорда облысы кәсіпкерлер палатасына хабарласа алады. Байланыс нөмірі 8 /7242/ 40-09-81.Жауапты мамандар Алма Пірманова, Абзал Шәмшиев.<img src="https://knadmin.beoblood.kz/uploads/l_5746735fb7.jpg" alt="л.jpg">

Жыл басынан gosagro.kz порталы арқылы ауыл шаруашылығы тауарөндірушілерінің 20 өтінімі қабылданды

<a href="https://kyzylorda-news.kz/">Kyzylorda-news.kz.</a> Өткен жылдың соңында ел Президенті Қасым-Жомарт Тоқаев жол жөндеу жұмыстарын созбалаңға салуға болмайтынын және жобаларды жүзеге асыру барысын қатаң бақылауға алу қажет екенін айтқан еді. Осыған орай ауданда көптеген көшелердің жолы қайта жөнделіп, кейбір көше тұрғындары жаңа асфальттың игілігін көруде.Биыл аудан орталығы – Әйтеке би кентіндегі 7 көше асфальтталатын болады. Қазіргі таңда сол жеті көшенің бірі – Асан қайғыда жол салу жұмыстары қызу жүріп жатыр.Жуырда аудан әкімі Мұхтар Оразбаев пен аудандық мәслихат төрағасы Ғазиз Әліш аталған көшенің жұмысын жеңіп алған мердігер мекеменің жауапты қызметкерлерімен кездесіп, атқарылып жатқан жұмыстармен танысты. Мұндағы тұрғындар алғысын алып, қарамайды жылтырата төсеуді мердігер мекеме «Қазалы Жолшы» жауапкершілігі шектеулі серіктестігі атқаруда. Аталған көше құрылысына «Ауыл – ел бесігі» бағдарламасы аясында 17,5 миллион теңге бөлінген.Аудан басшысы сала мамандарына белгіленген жұмысты асқан жауапкершілікпен бақылап, сапалы аяқтау қажеттігін тапсырды.<blockquote>«Жол салу – өте маңызды істердің бірі. Сол себепті сапасына мән беріп, әрбір істі тиянақты жасауымыз қажет», – деді аудан әкімі Мұхтар Әуесұлы.</blockquote>Бүгінде Асан қайғы көшесінің жұмысын қолға алған мамандар асфальтын төсеуде. Бұған аталған көшені мекендеген ағайын да дән риза. Олардың айтуларынша, осы маң жауын жауған күні шалшыққа айналады екен. Енді, міне, көптен күткен асфальт та төселіп, тұрғындар көңілі бірлеп қалды.<blockquote>«Асан қайғы, одан әрірек жатқан көшелер жауын жауса ми батпаққа айналады. Бұл осындағы қариялардың жүріп-тұруы мен балаларымыздың мектепке немесе дүкенге қатынауына көп кедергі жасайтын. Бүгін, міне, асфальт төселіп жатыр. Бұрынғыдай күйбең тірліктегі әрлі-берлі қозғалыста еш мәселе туындамайды деп ойлаймыз. Елдің, көптің сөзін елеп, көшені қалпына келтіріп жатқан жергілікті әкімдікке көп рақмет» – деп ризашылығын жеткізді көше тұрғыны Алтынбек Қонысов.</blockquote>Бұдан бөлек құрылысы басталған көшелер қатарында 5-квартал аумағындағы Ы.Алтынсарин көшесі де бар. Құрылысы жүріп жатқан көшеге «Ауыл – ел бесігі» бағдарламасы аясында 30,5 миллион теңге бөлінген. Мердігер мекеме – «Нұрас и К» жауапкершілігі шектеулі серіктестігі.Бұл бағытта атқарылып жатқан жұмыстардың жай-күйімен танысқан аудан әкімі аудандық тұрғын үй коммуналдық шаруашылығы, жолаушылар көлігі және автомобиль жолдары бөлімінің басшысы Мұрат Әбсұлтановқа құрылыс қатаң бақылауда болуы керегін айтты.Айта кетейік, Әйтеке би кенті әкімі Қайрақбай Орынбасаровтың айтуынша, жақын арада кент ішіндегі бірқатар көшелерге қиыршық тас төселмек.

Мұхтар Оразбаев: Жол салу – өте маңызды істің бірі

<a href="https://kyzylorda-news.kz/">Kyzylorda-news.kz.</a>&nbsp; Мейірбикелік іс арнайы машықты, білімді және оны қолданудағы ептілікті қажет етеді. Науқастарды емдеуде медбикелердің орны ерекше. Яғни, ол емделушінің жай-күйін дер кезінде бағалап, жалпы жағдайын жақсартуға, асқыну қауіптерін мейлінше азайтуға септігін тигізеді. Егер дәрігер патологияны, ауруды зерттесе, мейірбике науқастың емделу барысындағы жай-күйін бақылайды. Сондықтан да мейірбикелік күтім маманның кәсіби дайындығын, оның пациентке қамқоршы болуын міндеттейді. Бір сөзбен айтқанда, мейірбике – мерейлі мамандық. &nbsp;Бүгінгі әңгімеміздің арқауы осындай мерейлі мамандықты иеленген Арал қаласындағы «А.Байтұрсынов» ауылдық емханасының қос мейірбикесі Гүлнар Бисенбаева мен Ақлима Смағұлова болмақ.Гүлнар Бисенбаева 1964 жылы 4 қазанда Арал ауданы &nbsp;Қамыстыбас елді мекенінде дүниеге келген. 1982 жылы мектепті бітірген соң, Қызылорда қаласындағы медициналық училищесіне түсіп, 1984 жылы «Балаларды емдеу және аурудың алдын алу» мамандығы бойынша бітіреді. Иә, «Армандар асқақ өмірге жетелейді» дегендей, Гүлнар келешек өміріне серік етемін деген мейірбикелік мамандығымен еңбек кітапшасының ақ парағына алғашқы жазуды салды. Сөйтіп жас маман қаладағы балалар консультациясында еңбек жолын бастайды. &nbsp;Бұл 1984 жылдың жазы еді. Міне, осы уақытқа да биыл 39 жыл толыпты. Сол жылдан бері ақ халатын бір сәтке тастамай «А.Байтұрсынов» ауылдық емханасында адал қызмет атқарып келеді.&nbsp;<blockquote>– Сырт қарағанға медбике қызметі қиын жұмыс тәрізді көрінбейді. Бірақ медбике науқастың денсаулығына дәрігерден кем жауап бермейді. Дәрігер науқасты тексеріп, тағайындауын жазып берген соң, әрі қарай бар жұмысты медбике орындайды. Егуін жасайды, дәрісін уақытылы береді, төсек-орын, ас-ауқаты, хал-ахуалын күні-түні бақылап, науқасқа қарайтын медбикелер, –дейді ол.</blockquote><figure class="image"><img src="https://knadmin.beoblood.kz/uploads/f54a4669_cb2a_423e_9ae9_099dbf2db2c8_d4680f7189.jpg" alt="f54a4669-cb2a-423e-9ae9-099dbf2db2c8.jpg"></figure>Гүлнардың ұзақ жылғы еселі еңбегінің арқасында аралдықтардың денсаулығын арттыру мақсатындағы перзенттік парызын өтеудегі міндетін абыроймен атқарып, құрметке бөленген жандар қатарында екенін оның мейірім төгіп тұрған жүзінен көруге болады.Әріптестеріне үлгі, шәкірттеріне ұстаз бола білген аялы алақан иесінің тынымсыз еңбегі еленіп, талай мақтау-марапаттар мен Алғыс хаттарға да ие болды. Өткен жылы аудан әкімінің Құрмет грамотасымен марапатталуы сол адал еңбегінің нәтижесі болар. &nbsp;Жоғары санатты медбике отбасында отағасы Үмбеталимен ұлды ұяға, қызды қияға қондырып отырған өнегелі отбасы десек жарасады. Қызы Назгүл Қызылорда қаласында мұғалім болса, ұлы Нұрлан №83 мектепте ұстаздық қызметте, келіні Фарида "Гүлдер" балабақшасында балалар бағбаны. Ал Гүлназы анасының жолын қуып Қазалы ауданында фельдшер мамандығы бойынша қызмет етуде.&nbsp;Иә, Гүлнар Еділғалиқызы қашаннан ұжымның қадірлісі. Ұжымдағы әріптестері де аудан халқының денсаулығын арттыруға сүбелі үлес қосып, ел құрметіне бөленген жандар десек артық айтқандық емес.Ал осы емхананың медбикесі Ақлима Смағұлова 1969 жылы 31 наурызда Арал қаласында өмірге келген. 1986 жылы №199 мектепті ойдағыдай бітірген соң, Екібастұз қаласындағы медициналық училищесіне мейіргер мамандығы бойынша оқуға қабылданады. Бұл оқу орнын тәмамдаған соң еңбек жолын балалар консультациясында мектеп мейіргері болып бастайды. 1994 жылы Бөген ауылының жігітімен көңіл жарастырып, отбасын құрады. Сөйтіп Бөген ауылдық ауруханасында химизатор, кезекші мейіргер, аға мейіргер болып абыройлы еңбек етеді. Кейін, 2011 жылы Арал қаласына қоныс аударып, бұрынғы қызмет жасаған жері – балалар консультациясына, қазіргі "А.Байтұрсынов" ауылдық емханасына аймақтық мейіргер болып жұмысқа орналасып, №1 аймақ ересектер мейіргері қызметін атқарады.<blockquote>&nbsp;Әріптес апайларым өзім таңдаған мамандығымды сүюге, мақтан етуге үйретті. Дәрігер Құралай Демешова, мейіргерлер Гүлнар Бисенбаева, Райкүл Баймаханова сынды ардақты абзал жандардың арқасында қызығы мен қиындығы мол мамандық арқылы үлкен жетістіктерге қол жеткіздім. Марқұм жолдасым Асқар 2004 жылы өмірден өткенімен, оның артында қалған сүйенішім, екі перзентім – көз қуанышым. Ұлым жұмыс бабымен келінім екеуі Қызылорда қаласында қызмет жасайды, қызым осы Аралда тұрмыста. 2 немеренің әжесімін,– дейді медицина майталманы, жоғары санатты медбике Ақлима Бақытқызы.</blockquote><figure class="image"><img src="https://knadmin.beoblood.kz/uploads/cfa40d15_7102_45d9_99bf_db3253e05445_9716318129.jpg" alt="cfa40d15-7102-45d9-99bf-db3253e05445.jpg"></figure>Бүгінде 30 жылға жуық бір салада еңбек етіп келе жатқан кейіпкеріміздің жетістіктері де бір төбе. Ол &nbsp;бірнеше рет салалық басшылық тарапынан және аудандық, облыстық марапаттар мен Алғыс хаттарды иеленген. Өткен жылдың желтоқсан айынын бастап физиомассаж бөлмесіне қызметін ауыстырған. Бұл қызметті де тез меңгеріп, дертіне шипа іздеп келген жандарға өз көмегін аямай жасап, алғысына бөленіп келеді.&nbsp;Біз әңгіме еткен Гүлнар мен Ақлима өз ісінің нағыз мамандары, ортасына құрметті де қадірлі жандар. &nbsp;Олар кешкісін жұмыстан шыққанында бір сәт тоқтап, өз емханасына көз тастап, аялдайды. Осы жерде оларды үміті үзілмеген науқастар күтеді, осы жерге олар керек, осы жерден олар &nbsp;өмірдегі өз орнын тапты. Мейірбике еңбегінің жемісін күнде көріп отырады. Ауруынан айығып, құлан-таза жазылған жандардың жүректен шыққан жылы сөздері мен ыстық лебіздері олар үшін кез келген марапаттан артық.

Антына адал абзал жандар

<a href="https://kyzylorda-news.kz/">Kyzylorda-news.kz.</a> Көпбейінді облыстық ауруханасында облыстық денсаулық сақтау басқармасының ұйымдастыруымен 12-13-14-ші сәуір аралығында білікті дәрігерлердің қатысуымен шеберлік сағаты өткізілді.Шеберлік сағатында Астана қаласынан арнайы шақырылған Н.Д.Батпенов атындағы ғылыми орталығының, артроскопия және спорттық жарақат бөлім меңгерушісі, жоғары санатты травматолог ортопед Балбосынов Бағдат Ерсаинұлы екі тізе буына күрделі ота жасады.Артроскопия - бұл аз инвазивті хирургиялық процедура, яғни ол бейне бақылауда (артроскоп) шағын кесулермен және арнайы құралдармен орындалады, яғни аз тыртықтармен және операциядан кейінгі қарапайым процедуралармен буындардың ішкі бөлігін бақылауға және емдеуге мүмкіндік береді. Бұл әдіс алдымен тізе, содан кейін иық, тобық және шынтақ үшін жасалған.Атроскопия - кең таралған әдіс. Көптеген ортопедиялық процедуралар артроскопиялық әдіспен орындалады. Ең жиі орындалатын артроскопиялар тізе, иық және тобық болып табылады.Тізе артроскопиясы жыртылған менискаларды емдеу алдыңғы крест тәрізді байламдардың үзілуі мен шеміршек трансплантаты жағдайларында жасалады.Зақымдалған буын шеміршектерін толтыру, кернелген байламдарды созу, буында айналатын бос бөліктерді алып тастау (сүйек сынықтары және т.б.) тізедегі синовиальды тінмен байланысты ауруларды анықтау және емдеуде артроскопиялық әдіспен өте жақсы нәтижелер алынады.

Қызылордада күрделі ота жасаудан шеберлік сағаты ұйымдастырылды

<a href="https://kyzylorda-news.kz/">Kyzylorda-news.kz.</a> Жаңақорған аудандық кітапханасында &nbsp;"Дін мен дәстүр үйлесімі-рухани келісім кепілі" тақырыбында дөңгелек үстел ұйымдастырылды. Атаулы шараға, ауданның және ауылдық округ имамдары мен өскелең жастар қатысты.Алдымен &nbsp;"Діни экстремизм-ұлттық қауіпсіздікке қауіпті" тақырыбында кітап көрмесі жасақталып, көрмемен З. Садықова өз деңгейінде таныстырды. Аудандық ішкі саясат бөлімінің дінтанушы маманы Ақерке Ерланқызы дін және діни экстремизм жайында кеңінен түсіндіріп берді.Мақсаты: Ұлт тарихын білу, ұлттық салт-дәстүрін дәріптеу. Дін мен дәстүр бірлігі-өткеніміздің тарихы, болашағымыздың кепілі екендігін жастарға түсіндіру. Бұл тақырып бүгінгі күннің өзегі. Оны кешегі қаңтар оқиғасы-ақ көрсетіп берді. Террорлық актілерге, теріс пиғылды қауымға тосқауыл жасау ең үлкен мәселеге айналды. Былтыр ауданда республикалық терроризмге қарсы оқу-жаттығу жиыны өтіп, жоғары деңгейде баға берілген болатын. Бұл дайындық пысықтау шарасы жыл сайын облыстық деңгейде ұйымдастырылады. Өткен жұма күні Манап Көкенов атындағы аудандық мәдениет үйінің аумағында терроризмнің алдын алуға және оның салдарын жоюға бағытталған жоспарлы антитеррористтік оқу-жаттығулары өткізілді.Таңғы сағат 10.00-де қоңырау орталық штабқа түсіп, тұтқында адамдар барын хабарлады. Жедел топ, құқық қорғау саласы қызметкерлері дереу әрекетке көшіп, дайындықтарын көрсетті. Терроризмге қарсы күрес жөніндегі аудандық жедел штаб іс-шараның жоспарлы сипатқа ие екенін және күрделіліктің түрлі элементтерін қолдана отырып, барынша жақындатылған оқу-жаттығу болып табылатынын хабарлады.Іс-шараның мақсаты – терроризмге қарсы күрес жөніндегі Жаңақорған ауданы жедел штабы күштері мен құралдарының өздеріне жүктелген міндеттерді орындауға дайындығын тексеру. Тұрғындарға алдын ала біле тұра жалған ақпарат тарату ҚР ҚК 274-бабымен көзделген қылмыстық жауапкершілікке әкеп соғатынын ескертті. Терроризмге қарсы оқу-жаттығу жүргізген кезде бірлесе әрекет еткен маңызды. Осы мақсатта ішкі саясат бөлімінің қызметкерлері мен тілшілер де бірігіп, тұрғындар арасында тү¬сіндірме жұмысын жүргізді. Яғни аудан тұрғындарына сабыр сақтап, үрейге бой алдырмауға кеңес берді.«Сақтансаң – сақтаймын» деген нақыл сөзді ұстанып, үнемі қоғамның қауіпсіздігі үшін күштік құрылымдардың бірлескен арнайы операциялар өткізіп, террорлық әрекеттерге қарсы дайындықты пысықтап отыруы маңызды іс. Соңғы жылдары мүдделі топтар мен діни экстримиздік ұйымдардың террорлық актілеріне қарсы күрес өзекті мәселеге айналды. Әсіресе, түрлі бағытты ұстанған діни секталар бейбіт өмірдің берекесін кетіріп, қантөгіс майдан ашуда. Радикалды діни ағымдар қатарында қазақстандықтар да бар екенін жасыра алмаймыз. Бұл радикалды топтардың әрекетіне қырағылық танытып, үнемі дайындықты шыңдау керектігін көрсетеді. 2016 жылы да осындай алдын алу іс-шарасының куәсі болған едік.– Жедел қызмет органдарының ұйымдастыруымен оқу-жаттығу шарасы өтті. Бірлесе жұмыс істегеннің нәтижесінде лаңкестер құрықталды. Тұрғындардың амандығы маңызды. Сондықтан жаттығу жиынына мән беру маңызды. Бұл ел көлемінде өткізілетін шара болған соң, әр аймақ дайындығын пысықтап алды. Лайым, ел іші тыныш болсын. Егер төтенше жағдай туындай қалса, сарбаздар іске кірісуге дайын болуы тиіс. Бұл біздің басты міндетіміз! – деді ТҚО Штабы қызметкерлері.Елімізде қоғамды дүрліктіріп, ха¬лықтың ашу-ызасына тиген, талай жазықсыз жанның өмірін жалмаған лаңкестік әрекеттердің басым бөлігі діни экстремистердің қолымен жасалғанын дәлелдеп жатудың қажеті жоқ. Президент діни экстремизмге қарсы іс-қимылды күшейтуге баса назар аудару керектігін қадап айтты.Қоғам – баршамызға ортақ. Ендеше, ондағы ауқымды мәселелерді еңсеру – тек биліктің немесе қандай да бір салалық құрылымның ғана емес, жалпыхалықтық міндет. Сондықтан міндетке ұйысқан ұлт ретінде келешектің көкжиегін кеңейту үшін терроризммен бірге күресуге тиістіміз. Бүгінгі оқу-жаттығудан түй¬геніміз осы болды.

Жаңақорғанда дөңгелек үстел өтті

<a href="https://kyzylorda-news.kz/">Kyzylorda-news.kz.</a>&nbsp;“Тазалық – табалдырықтан басталады” демекші, қоршаған ортаның тазалығына жауапкершілікпен қарау - әрбір адамның басты міндетті.&nbsp;Көктемнің шуақты күндерінен бастау алған туған мекенді қоқыстан тазарту мақсатында ұйымдастырылатын сенбілік жұмыстары жалғасын табуда.Нақтырақ айтар болсақ, Әйтеке би көшелерінде қаланы қоқыстан тазарту, көгалдандыру мақсатындағы сенбілікке әрбір мекеме бір кісідей атсалысуда. Соның бір дәлелі Қазалы ауданының дамып-өркендеуіне сүбелі үлес қосып жатқан әрбір қызметкер сенбі сайын аурухана айналасы мен қала көшелеріне тазалық жұмыстарын жүргізіп, қала тазалығына біркісідей ауызбіршілікпен атсалысып келеді.Бұл игі шара нәтижесінде атамекеніміз бұрынғысынан да әсем, көгалдандырылған шаһар болатынына сеніміміз мол. Тазалықты жанына серік еткен қазалылықтар бүгін сенбілікке шығып, аудан аумағының қоқыстан тазаруына белсене атсалысты.Соның ішінде Водокачка елді мекеніне баратын жолдың екі жағы, қазақ қорымы мен “Арзан сити” аралығы, Жанқожа баба кесенесі және тесік көпір аумағы ПМС мекемесінің жаны қоқыстан тазартылды.Аудан көлеміндегі сенбілік жұмыстарына аудан әкімі Мұхтар Оразбаев арнайы барып, туған жердің тазалығы үшін еңбек етіп жатқандарға сәттілік тіледі.Жергілікті жердің тазалық жұмыстарына барлық мекеме қызметкерлері бір кісідей атсалысып, әрбір ұжым бөлінген аумақтарда тазалық жұмыстарын қарқынды жүргізді.

Қазалылықтар сенбілікке белсенді қатысты

<a href="https://kyzylorda-news.kz/">Kyzylorda-news.kz.</a>&nbsp;«AMANAT» партиясынан аудандық партия филиалының Қоғамдық қабылдау бөлмесінде Қазалы ауданының прокуроры Дарын Әбіш бекітілген кестеге сәйкес аудан тұрғындарын жеке мәселелерімен қабылдады.Жеке қабылдау барысында тұрғындар тарапынан алимент өндіру, аудандағы букмекерлік кеңселер мен ойын орталықтарын жабу және алаяқтық істер бойынша өтініштер көптеп айтылды. Сондай-ақ, қазалылықтардың өзекті өртеп тұрған басты мәселесі – жұмыспен қамту, әлеуметтік тұрмыс жағдайлар турасындағы тақырыбында көкейде мазалаған сауалдар қойылды.Қабылдау барысында айтылған өтініштермен толықтай танысқан аудан прокуроры бірқатар түйінді қиындықтардың шешілу жолдары аясында кеңестер берді. Жауап таппай, жандарына батқан сұрақтарына түсіндірме жұмыстарын жүргізді. Сонымен қатар, бірқатар өтініштерді өз бақылауына алды. Осылайша халықты сабырлылық пен шыдамдылыққа шақырған ол алдағы уақытта тиісті жұмыстар қолға алынып, реттілігімен атқарылатындығын жеткізді.Айта кеткен жөн, жеке қабылдауда шалғай жерде орналасқан ауыл тұрғыны «ZOOM» бағдарламасымен байланысып, талап-тілектерін жеткізді.

Қазалы: Тұрғындардың талап-тілегі тыңдалды

<a href="https://kyzylorda-news.kz/">Kyzylorda-news.kz.</a> &nbsp;«Ауылдан адам көшкенімен, адамнан ауыл көшпейді» деген жақсы сөз бар. Туған жер – әр адамның түпқазығы, рухының бесігі, тамыры тереңге жайылған қазақы дәстүріміздің қаймағы бұзылмаған ордасы. Кіндік қаны тамған жерді, өскен өлкені сүю, оған құрмет таныта білу әрбір азаматқа парыз. Бірлігі бекем Жалағаштан шыққан белгілі тұлғалар да қай жерде, қандай қызметте жүрсе де, атамекен – алтын бесігін бір сәт те естен шығармай, оған мәңгілік қарыздармын деп есептейтіні сөзсіз. Өйткені, азамат бойындағы дарын, қабілет, тектілік сынды абзал қасиеттер ана сүті, әке қаны, туған жердің топырағынан дариды.Жуырда ауданда тағылымды шара өтті. Былтырдан бері Қызылорда облыстық әйелдер кеңесінің ұйымдастыруымен «Төркіндеу» жобасы бастау алған болатын. Бүгінде сол жоба дәстүрлі шараға айналып, ауданымыздан уақыт талабымен түрлі қызметтік, түрлі тұрмыстық жағдаймен сыртта жүрген ару қыздарымыз «Елге сәлем» деп туған жерге ат басын бұрып келіп отыр. Бүгін туған елге сәлем беріп келген біздің апаларымыздың, ару қыздарымыздың өзіндік салған сара жолы, өзіндік тәрбие алған мектебі бар, ол – осы туған өлкесі Жалағаш жері. Иә, ақжаулықты аналар мен апаларымыз бастаған жалағаштық арулар ең алдымен аудан орталығындағы «Иманқұл» мешітіне аялдады. Мұнда тал егуден акция ұйымдастырылып, ардақты аналардың қолымен отызға жуық көшет отырғызылды.&nbsp;Мешіт ауласындағы игі бастамаға себепкер болған аналар қауымы аудандағы сапарын мұнан соң «Өркен Әлем» тігін цехында жалғастырды. Республикадағы сұраныспен әскери құрал-жабдықтар мен киімдерді тігетін цехтың жұмысымен танысқан меймандар кәсіпорынның қарқынды жұмысына ризашылығын білдіріп, ақ батасын берді. Жалпы, «Өркен Әлем» ЖШС бірнеше жылдан бері сұранысқа сай жұмыс істеп келеді. Серіктестік директоры Жақсылық Өзденбаев жылда мемлекеттік тапсырыс шеңберінде Қазақстан Республикасы Қарулы күштерінің әскери киім жабдықтарын тігеді. Серіктестіктегі алпыс қызметкер броньды кеудеше (бронежилет), арнайы киімдер (спецодежда) тігу және әскери каска дайындау бағытында жұмыс жасайды. 2019 жылы Оңтүстік Кореядан каска дайындауға қажетті құрал-жабдықтар алынып, серіктестік әскери каска өндірісін бастады. 2020 жылы карантин кезеңінде серіктестіктің жеке қаражаты есебінен 18 500 дана медициналық бетперде тігіліп, аудан халқына тегін таратылды. Ал 2021 жылдың қорытындысымен «Өркен Әлем» ЖШС 9000 дана броньды кеудеше, 500 дана арнайы киім және 15000 дана әскери каска өндіріп, ауданға 3 562 903 теңге салық түсірді. Өндіріс орнының метал құрылымынан жасалған жалпы ауданы 2000 шаршы метрді құрайтын негізгі 2 ғимаратында 4 блок жұмыс жасап тұр. Сонымен қатар цех аймағында асхана құрылысы жүруде. Қазіргі таңда өндіріс орнында 60 адам тұрақты жұмыспен қамтылған. Әскери жабдықтарды өндірумен айналысатын цехтың қызу жұмысымен танысқан меймандар мұнан ары жуырда ғана ашылып, ел игіліне берілген «Жетіқазына» балабақшасына табан тіреді.&nbsp;Айта кету керек, жақында ауданда тағы бір жаңа балабақша, жаңа нысанның бой көтергенін айтып, сүйіншілеген едік. Дәуімбай елді мекені тұрғындарының қуанышын еселеген игі іске куә болған біз білімге құйылған инвестиция болашақтың игілігі жолындағы оң қадам екеніне қуанған болатынбыз. Осы тұрғыда білім саласына жанашырлық танытып, балабақша салған кәсіпкерге елдің алғысы да шексіз болды. «Жеті қазына» – ауданымыздағы көлемді балабақшалардың бірі. Мұнда 120 балаға дейін мектепке дейінгі тәрбиені беруге мүмкіндік бар. Аудан кәсіпкерлерінің білім саласына аса мән беріп, осындай игі істерді қолға алғаны келер ұрпақтың болашағына алаңдағаны деп түсінеміз. Бір жағынан жаңа нысандардың көптеп бой көтеруі кенттің көркеюіне септігін тигізеді. Жалағаштың өркендеуі жолында тың жобаларды жүзеге асырып жүрген жандардың игі бастамалары қашанда жалғасын тауып келеді.&nbsp;Біздің ауданда да қаншама бүлдіршінді қанатының астына алып, мектепке дейінгі білім беретін балабақшалар көп. Енді міне, осындай бөбекжайлар қатары тағы бір жаңа нысанмен толықты. Жиылған жұрт «Жеті қазына» балабақшасының әрбір бөлмесімен танысып шықты. Содан соң бүлдіршіндер дайындаған бағдарламаны тамашалап, көңіл сергітті, балалық шаққа бір саяхат жасады. Аталған жаңа нысанның құрылыс жұмыстары толықтай аяқталып, осы жылдың 1 ақпанынан бастап жұмысына кіріскен еді. Жалағаш кентіндегі Келменбет батыр көшесінде орналасқан балабақшаның сыйымдылығы – 120 орындық. Бүгінде «Жеті қазына» балабақшасында 18 қызметкер жұмыс жасайды. Оның ішінде 10 педагог, 8 техқызметкер бар. Сонымен бірге 2-6 жас аралығындағы 76 бала тәрбиеленіп отыр. «Балаларға мектепке дейінгі тәрбие беруде балабақшалардың маңызы зор екені белгілі.Мұндағы тәлімгерлердің барлығы осы бағытта аса жауапкершілікпен жұмыс істейтін болады» деген балабақша меңгерушісі Бағжан Айбекова ең бастысы дәуімбайлық ата-аналар балабақша жасындағы балаларын кенттің бергі бетіндегі бөбекжайларға тасып әуре болмайтынын айтады. Иә, елге сәлем бере келген аналар мен адақты апаларымыз ауданнан осындай жаңа нысандардың бой көтеріп, халыққа сапалы қызмет көрсетіп тұрғанына ризашылығын білдірді. Балабақша ашып, дәуімбайлық балапандарды қанатының астына алған кәсіпкерге де елдің айтар алғысын жеткізді. Әсіресе ауданда осындай заманауи типтегі жаңа нысандардың бой көтеруі, ел игілігіне жұмыс істеуі ортақ қуаныш екенін айтып, Елге сәлем берген күн Туған жерге тағзым, кіндік қаны тамған топырақты қастерлеу – қазақ халқының әлімсақтан жалғасқан салты. Ол – ұлттық санамыздағы аса қастерлі ұғым. Сол себепті туған жерге тағзым ету осы киелі мекеннен түлеп ұшқан әр азаматтың перзенттік парызы дейміз. Киелі Жалағаш жері талай текті тұлғаға қара шаңырақ, құтты мекен болды. Бүгінде ауданнан шыққан аға-әпкелеріміз республикамыздың түкпір-түкпірінде әр салада елеулі еңбек етсе, енді бірі сол еселі еңбегінің зейнетін көрер жасқа да жеткен.&nbsp;Ауданнан шыққан әрбір азамат жетістікке жетіп, ел дамуына үлес қосып жатса, ол біздің де мерейіміз, ортақ абыройымыз. Жерлестеріміздің өнегелі өмір жолдары мен қажырлы еңбегін өзгеге үлгі етіп, мақтан тұтамыз. алдағы уақытта да байыпты бастамалар мен жарқын жобалардың жүзеге асқанына куә болатынына сенім білдірді. Меймандар «Төркіндеу» жобасы аясындағы сапарларын аудандық Қ.Қазантаев атындағы мәдениет үйінде жалғастырып, жалағаштықтармен жүздесіп, елеулі еңбек жолдарын тағы бір еске алды. Шара барысында туған жеріне сәлем бере келген Қазақстан Жазушылар және Журналистер одағының мүшесі, белгілі ақын Ғазиза Әбділданың сөзіне жазылған әннің алғаш тұсауы кесіліп, Жалағаш сахнасында тыңдарманға жол тартты.&nbsp;Салтанатты жиынның маңыздылығына тоқталған аудан әкімі Асқарбек Есжанов «Бұл күнде қазақ әйелдерінің қоғамдық жұмыстарға белсене араласып, әлеуметтік мәселелердің шешімін табуға атсалысуы таңсық емес. Өйткені еліміздің даму болашағына өзіндік үлесін қосуда нәзік жандылардың орны айрықша. «Әйел – бір қолымен бесікті, екінші қолымен әлемді тербетеді» деген тұжырым да соны білдірсе керек. Бүгін ауданымызға келіп жатқан құрметті қонақтарымызға қанша алғыс айтсақ та, артық етпейді. Осы жерден түлеп ұшып, еліміздің әр өңірінде әр салада қажырлы еңбек еткен нәзікжандыларға құрмет көрсету, елге сәлем бере келгендерінде құшақ жая қарсы алу – біздің міндетіміз» деген аудан басшысы қазақта қашаннан әйелге деген құрмет бірінші орында екенін де жасырмады.&nbsp;Мұнан соң бүгінде туған жерге тағзым етіп келіп отырған жалағаштық аналарға әр салада еліміздің өсіп-өркендеуі жолында аянбай еңбек еткені үшін аудан әкімінің алғыс хаты табысталды.

Туған жерге тағзым етті

<a href="https://kyzylorda-news.kz/">Kyzylorda-news.kz.</a> &nbsp;Қармақшы ауданында алтын құрсақты батыр аналар бар. Соның бірі бүгінде 100 жастағы жосалы кентінің байырғы тұрғыны – Райхан Оспанова. өткен ғасырдың жиырмасыншы жылының ортасында қызылорда қаласында дүние дидарын ашқан Райхан Мұңтырқызының жастық шағы елдегі зұлмат, яғни репрессия, Ұлы отан соғысы жылдарымен тұспа-тұс келді. Соғыс жылдарына ол өзге замандастары сияқты майданға аттанған әкелерінің, ер-азаматтардың туған елге аман-есен оралуын тілеп, еңбек етті. Мектепте білім алды. Бірақ, соғыстың ортасында ол тылда еңбек етіп жүрген анасының кенеттен сырқаттануына байланысты 6 сыныптан кейін білімін жалғастыра алмады. Халықтың көптен зарыға күткен Ұлы Жеңісі келіп жетті. Майданнан елге ер-азаматтар да оралып, халық шаруашылығын қайта қалпына келтіруге кірісті.<blockquote>«Мен еліміздің астанасы Орынбордан Ақмешітке ауысып жатқан кезінде дүниеге келіппін. Әкем Мұңтыр мен анам Хадишаның үкілеп өсірген 6 баласының кішісімін. Балалық шағым да сол заманның балалары сияқты зұлмат жылдарда өтті. Ашаршылық, асырасілтеушілік, ұжымдастыру, репрессия, Ұлы Отан соғысы сияқты сұм жылдар менің жүрегімнің түкпірінде сақтаулы жатыр. Құдай сондай кезеңді бүгінгі ұрпақтың басына бермесін. Иә, мен өзге құрбыларым сияқты соғыс жылдарында дұрыс білім ала алмадым. 6 сыныптан кейін шешемнің қатты сырқаттауына байланысты мектептегі оқуымды доғардым. Міне, әлемді дүрліктірген сұм соғыс та аяқталып, еліміз бейбіт өмірге көшті. Көп ұзамай мен бақытымды тауып, жүрегім қалаған азаматыма тұрмысқа шықтым. Яғни 1946 жылы киелі Қармақшы өңірі, Қызылтам елді мекенінің азаматы, майдангер Әбдіхалықпен бірге шаңырақ көтердім. Өтіп жатқан қайран өмір-ай, десеңші. Оған да биыл 77 жыл болыпты. Содан біз алғашқы кезде Қызылтамда тұрғанмен, 1953 жылы аудан орталығына қоныс аудардық. Жолдасым теміржол саласында еңбек етсе, мен механикалық зауытқа бытыра қаптаушы болып жұмысқа орналастым. Жылдар өте өмірге 13 ұрпақ әкеліп, біршама жыл отбасымда бала тәрбиесімен айналыстым. Бірақ, сол ұрпақтарымның біршамасы сәби кезінде шетінеп кетті. 1969 жылы жарым соғыста алған жарақатынан бақилық болған соң мен зауытқа жұмысқа қайта кірдім», – деді өткен өмірін еске алған кейуана.</blockquote>«Өмір – өзен» демекші, арада жылдар өтті. Бүгінде жүз жасқа толған Райхан анамыз тың әрі сөзден жаңылмаған, әңгімеге де жақын. Ортаншы ұлы Ағайдардың қолында немере, шөберелердің қызығын қызықтап, ағайын-туысқа аналық батасын беріп отырған жайы бар.«Жарым өмірден өткен соң 1971 жылы зауытқа қайта жұмысқа тұрдым. Онда Сұлтанбек Айбасов деген азамат басқарған цехта Айша, Тайша, Базаркүл есімді қызкеліншектермен бірге еңбек еттім. Сол кездері біз күніне 35-40 тонна бытыра қаптап, оны вагонға тиеп, Ресейдегі зауыттарға жөнелтіп тұрдық. Қазір сол жылдардағы ауыр кезеңдерді еске алып отырсам мен бір күн жұмыстан кешігіп, не қалып көрмеппін. Ауданның мақтанышы атанған механикалық зауытта еңбек ететін мыңдаған жұмысшықызметкерлермен бірге аудан экономикасын нығайтуға қосқан үлесім мен ерен де адал еңбегім үшін көптеген мадақтама, алғысқа ие болдым. Сый-құрметпен де құрметтелдім. Суретім де таңдаулылар тақтасында ілінді. Бірақ, Алла Тағала маған берген 13 перзентінен 8 бала қалып еді. Өткен жылдарда екі үлкенімді де қайтпас сапарға шығарып салдым. Бүгінде 3 қыз, 3 ұлым жанымда. Жаратқан ием сыйға берген 8 баладан тараған 45 немерем мен 35-тен астам шөберемнің, 6 шөпшегімнің қызығын көріп отырған жайым бар. Үкімет омырауыма «Ұлы Отан соғысының аяқталғанына – 50-60-70 жыл», «Батыр ана», «Алтын алқа», «Тыл ардагері», «Социалистік жарыстың жеңімпазы», «Бесжылдықтың белсендісі», басқа да көптеген төсбелгілерді тақты. Өмірге әкелген перзенттерімнен қалған балаларымның үлкені – Әлайдарым мен Бекайдарым өмірден өтсе, Алтынкүл, Жайдар, Бақыткүл есімді қыздарым, Ағайдар, Қалдыбек, Қалберген есімді ұлдарым жанымда, қазіргі таңда Ағайдар мен келінім Ақмоншақтың қолында тұрып жатырмын. Еліміздің әр аймағында еңбек етіп жүрген ұл-қыздарыммен хабарласып тұрамын», &nbsp;деп әңгімесін тәмамдады алтын құрсақты Батыр ана, ғасыр өмір сүріп отырған Райхан Мұңтырқызы.

Қазақстан және Қызылорда облысының жаңалықтары