<a href="https://kyzylorda-news.kz/ru/">Kyzylorda-news.kz</a>. Бүгінде 15-28 жас аралығындағы қазақстандық жастың 6,7 проценті оқу оқымайтын, не жұмыс істемейтін санатқа жататынын білесіз бе? Әлеуметтік жіктемеде мұндай азаматтарды NEET жастар санаты деп атады. Жалпы елде 14-29 жас аралығындағы 250 мыңға жуық жас жұмыссыз.Расында, NEET санатындағы жастар саны басым болуы экономикаға ғана емес, әлеуметтік ахуалдың да нашарлауына әкелетіні анық. Мамандар оқуға, еңбектенуге, ізденуге құлықсыз белсенділігі аса төмен азаматтардың құлшынысын оятып, бейімдейді мемлекеттің басты міндеті санайды. Себебі жауапкершілікті мойнына алып, белсенді өмір сүруге ниеті жоқ жастар елдің келешек дамуын тұралатып, көптеген салада көрсеткіштің кенжелеуіне әкелуі ықтимал. осы орайда президент Қасым-Жомарт Тоқаев NEET жастар статистикасын жылына кем дегенде 1 процентке азайтуды тапсырған болатын. Ал биыл бұл көрсеткішті 6 процентке төмендетуді міндеттеген-тұғын. &nbsp;Жалпы, оқумен, жұмыспен қамтылмаған жастардың жеті түрі бар. Бірінші топтағылардың білімі мен тәжірибесі бар, бірақ ынтасы жоқ. Екінші топқа жалғызбасты аналар мен декретте отырған әйелдер кіреді. Оған қоса ерте жастан ана атанған аруларды да осы топқа жатқызамыз. Фрилансерлер болса үшінші топқа, ауыл жастары төртінші топқа жатады. Ауыл жастарының білігі мен тәжірибесі жоқ, сондықтан қара жұмысқа тартылатыны анық. Денсаулығына байланысты жұмысқа орналаса алмайтын мүмкіндігі шектеулі жандарды да NEET категориясына топтаймыз. Алтыншы топқа оқуын жалғастыруға ниеті бар, алайда мүмкіндігі жоқ мектеп түлектері мен әлеуметтік жағдайы нашар отбасы жастары кіреді. Ал жетінші топта есірткі мен ішімдікке тәуелді, бұрын түрмеде отырған бейімдеу мен оңалтудан өтіп жатқан жастар жинақталған.Мұндай жіктемеденден ұғаратынымыз, әр топқа жеке жоспар мен шешім қажет. Біріне оқу ісін жолға қоя қажет болса, енді біріне ішімдікке тәуелдіктен арылу шарасы керек. Сондықтан жастарды қолдау мақсатында жүзеге асатын бағдарламаларда NEET санаты үнемі назарда. Нәтижесінде қазіргі таңда NEET жастарды қолдау 6 бағыт бойынша жүргізілуде. Кәсіптік бағдарлау, кәсіби оқыту, жұмыспен қамтуды қамтамасыз ету, жастар кәсіпкерлігін дамыту, жастарды әлеуметтендіру мен ұйымдастыру-әдістемелік шаралар. Мысалы, «Дипломмен – ауылға!», «Серпін», «Баршаға бірдей тегін техникалық және кәсіптік білім беру», «Жас кәсіпкер» бағдарламалары – осы бағыттағы нақты қадамның жемісі.«Алғашқы жұмыс орным» бағдарламасы да осы категориядағы тұлғаларға арналған. Олар айына 20 АЕК, дәлірек айтсақ 58 мың теңге жалақы алады. Әртүрлі салықты ұстағаннан кейін есепшотына 48 мың теңге түседі. Оған қоса, жұмыс беруші тарапынан да айлық алуы мүмкін. Биыл жүзеге асқан бағдарламаға қатысуға құжаттарды оффлайн-онлайн нұсқадай тапсыруға мүмкіндік туған еді.Сондай-ақ жергілікті әкімдіктер мен оқу орындары жмыссыз жастарға ақысыз «ағылшын тілі», «жол қозғалысы ережелерін үйрену», «компьютерлік сауаттылық» (SMM) курсында білім беруді жүргізііп келеді. Тіпіт фитнес, музыка, би үйрену курстарына баруға баруға да мүмкіндік мол.Алайда аталған бағдарламалардан жүйелі өзгеріске жол алған жастардың саны артар емес. Себебі «Серпінмен» оқуға түскен студенттің басым бөлігі 4 жылдан кейін ауылына қайта оралып жатыр. Ал «Дипломмен – ауылға!» бағдарламасымен дәрігер мен мұғалім мамандығын бітірген жастардан басқасы елді мекенге келуге құлықсыз. Сонымен қатар мемлекеттік бағдарламалардың жастар арасында кеңінен насихатталуы, түсіндірме жұмысын жүргізуі кемшін түсіп жатқаны да жасарын емес. Содан болар, түрлі жобадан қалыыс қалған жастар көмекке мұқтаж күйге түсуде.<blockquote>«Бүгінгі күн тәртібіндегі негізгі мәселе – NEET санатындағы жастармен жұмысты ұйымдастырудағы жаңа әдістерін әзірлеу. Бұл – білімі бар, бірақ әртүрлі себеппен жұмысқа тұрмаған жастар. Олармен жұмыс істеуде біз өзіміз үшін негізгі бағыттарды да айқындап алдық. Сол бағыттардың ішінде NEET санатындағы жастармен жұмыс жөніндегі республикалық жобалық кеңсені, өңірлерде осы санаттағы жастармен жұмыс жөніндегі бөлімдерді ашу бар. Алға қойған міндеттерді қалай жүзеге асыратынымыз, жастар ресурстық орталықтарының өкілдері ұсынған жаңа әдістемелерді болашақта қалай қолдана алатынымызды маңызды. Жастар ресурстық орталықтары мамандарының ұсыныстарын білу мәселені шешуге мүмкіндік береді. Өйткені олар жастармен тікелей байланысқа түседі, жастармен жұмыс істейді. Сондай-ақ бізге әріптестер ретінде аталмыш бағыттағы іс-шараларды жүзеге асыруға Юнисеф қорының өкілдері көмектесетін болады», – деген еді «Жастар» ғылыми-зерттеу институтының директоры Аян Сакошев.</blockquote>Жалпы Ұлттық статистика бюросы 2010 жылдан бері NEET жастар жайында статистика жүргізеді. Биыл мұндай санаттағы жастардың ең жоғары үлесі Қарағанды облысында (9,1%) тіркелген. Одан кейін Ақмола (8,9%), Қызылорда (8,1%), Маңғыстау бар. Сондықтан NEET жастардың санын азайту негізгі міндетке айналып үлгерді.

NEET санатындағы жастарға қолдау керек

<a href="https://kyzylorda-news.kz/">Kyzylorda-news.kz.</a> Еліміздің ғылым саласында жағымды жаңалық жарияланды. 2023 жылы 27 наурызда ҚР Президенті «ҚР Ұлттық ғылым академиясының кейбір мәселелері туралы» Жарлыққа қол қойды. Сол бойынша Ұлттық Ғылым академиясына мемлекеттік мәртебе беріліп, ғылым ордасы «ҚР Президентінің жанындағы Ұлттық ғылым академиясы» деп аталды. Ұлттық ғылым академияның басшысын Президенттің өзі тағайындайды және қызметтен босатады деп көрсетілді. Соған ілесе 8-ші сайланған ҚР Парламентінің 1 сессиясының ашылуында сөйлеген сөзінде Мемлекет басшысы Қасым-Жомарт Тоқаев еліміздегі ғылымның дамуы туралыатап өтті.&nbsp;Мемлекет басшысы: &nbsp;Қазақстан экономикасы ғылыми жетістіктерді негізге алу керек, зерттеу жүргізіп, патент алу жеткіліксіз,ғылыми &nbsp;жаңалықтарды өндірісте пайдалану қажет, - деді. Экономиканы әртараптандыру ғылыми негізделуі керектігін, әсіресе өңдеу өнеркәсібін инновация мен жоғары технология арқылы дамытукеректігін атап көрсетті. Сонымен бірге, ғылымды жан-жақты дамыту үшін заң қабылдау туралы тапсырма берілді.&nbsp;Осы орайда айта кету керек, қазіргі таңда министрлік &nbsp;тарапынан ғылым мен өнеркәсіпті байланыстыру үшін үлкен жұмыстар жүргізілуде. Министрлікте жаңа заң жобасы дайындалуда. Сондай жұмыстардың &nbsp;бірқатары -Ғылым туралы заңға өзгерістер енгізу және отандық өндіріспен байланысты нығайту, ғылыми нәтижені өндіріске енгізу, өндірісте жаңа технологияларды белсенді қолдану, әсіресе экономика салалары бойынша ақпараттық технологияларды енгізу қолға алынып, үлкен жұмыстар жүргізілуі қажет. Осының бәрі отандық ғылымды дамытудың негізгі бағыттары.&nbsp;Өткенжылы ҚР Ұлттық Ғылым академиясының 75 жылдығына арналған салтанатты жиында Мемлекет басшысы Қасым-Жомарт Тоқаев ғылыми қызметпен тікелей айналысатын ғалымдарға қолдау көрсету керектігін, егер біз ғылымды таңдамасақ, ғылымды таңдаған ел бізді таңдайды деген қағиданы басшылыққа алмасақ, озық елдерге тәуелді болып өмір сүру жалғаса беретінін, Ұлттық ғылым академиясы ғылыми ой-тұжырым орталығына және сараптама жасайтын беделді мекемеге айналуға тиіс екенін айтқан болатын.&nbsp;Міне, соңғы уақыттарда еліміздің ғылымына, ғалымдарға мемлекет тарапынан жасап жатқан қолдаулар қоғамда ерекше орын алатын, ғылымның дамуына жаңа серпін әкелетін, ғалымдар көптен күткен айтулы жаңалық болып отыр.Қылышбай БИСЕНОВ, техника ғылымдарының докторы, профессор, ҚР ҰҒА академигі, Қазақстан Ұлттық құрылтайының мүшесі.

Қазақстан ғылымын дамытудағы тарихи шешім

<a href="https://kyzylorda-news.kz/">Kyzylorda-news.kz.</a> Қызылорда қаласындағы Толыбеков көшесінде (Тағзым алаңы) «Байқоңыр» ӘКК» АҚ ұйымдастыруымен өңірлік тұрақтандыру қорынан алынған әлеуметтік маңызы бар азық-түлік тауарларының жәрмеңкесі өтеді.Жәрмеңке 1 сәуір күні сағат 10:00- 13:00 аралығында болады.<figure class="image"><img src="https://knadmin.beoblood.kz/uploads/338900134_250882540623800_911413087134070304_n_0b3837e59e.jpg" alt="338900134_250882540623800_911413087134070304_n.jpg"></figure>

Қызылордада жәрмеңке өтеді

<a href="https://kyzylorda-news.kz/">Kyzylorda-news.kz.</a> Бүгінгі күннің өзекті мәселесінің бірі - сыбайлас жемқорлық. Осы мәселеге қатысты қазіргі күні барлық мекемелерде басқосулар, ұжым арасында түсіндірме жұмыстар жүргізілуде.&nbsp;Бүгін Қызылорда облысының тілдерді оқыту орталығында «Сыбайлас жемқорлыққа қарсы мәдениетті қалыптастыру» тақырыбында мекеме қызметкерлерінің қатысуымен ақпараттық-құқықтық оқыту өтті.&nbsp;Шараның негізгі мақсаты – қоғамның өзекті мәселесіне баса назар аудара отырып, ұжым арасында сыбайлас жемқорлыққа қарсы мәдениетті қалыптастыру және парасаттылық принциптерін енгізу.&nbsp;Жиында ҚР Сыбайлас жемқорлыққа қарсы іс-қимыл агенттігінің Қызылорда облысы бойынша департаменті Превенция басқармасының бас маманы Жанар Қозбағарова Орталық қызметкерлеріне сыбайлас жемқорлықтың алдын алу, оны болдырмау жолдары туралы және салалық заңнамаға енгізілген өзгерістер мен толықтырулар жөнінде жеткізді.&nbsp;Сонымен қатар, Қазақстанның сыбайлас жемқорлыққа қарсы саясатының 2022-2026 жылдарға арналған тұжырымдамасын жүзеге асыру бойынша 2023 жылы заңнамаға енгізілетін өзгерістер жобасы жөнінде түсіндірді. Шара соңында мекеме ұжымына сыбайлас жемқорлықтың алдын алу мақсатында дайындалған арнайы бейнеролик көрсетіліп, қызметкерлердің сұрақтарына жауап берілді.<figure class="image"><img src="https://knadmin.beoblood.kz/uploads/339000483_619274230042873_4375695614122412641_n_ef0f275d49.jpg" alt="339000483_619274230042873_4375695614122412641_n.jpg"></figure>

Сыбайлас жемқорлыққа қарсы мәдениетті қалыптастыру – парасаттылық

<a href="https://kyzylorda-news.kz/">Kyzylorda-news.kz.</a> Төретам кентіндегі Жанқожа батыр көшесінің бұрылысындағы «Ақсеңгір» сауда орталығының алдынан үнемі ағылған халық пен ызғыған автокөлікті көресіз. Орталыққа сауда жасаушылардың бірі кіріп, бірі шығып жатады. Бұл жерде дүкендегі заттардың бағасы басқа дүкендерге қарағанда төмен. Әрі алатын затыңды өзің таңдап алатыныңның өзі жақсы. Төретам кентіндегі жеке кәсіпкер Әкімжан Қазиев басқаратын «Ақсеңгір» сауда орталығының бірнеше бөлімі бар. Бұл сауда орталығы төретамдықтар, байқоңырлықтар және ақайлықтар үшін негізгі сауда көзіне айналған нүкте десек те болады. Қашан да «Ақсеңгір» сауда орталығының алдына жолыңыз түсіп бара қалсаңыз, қызу сауда, кезекте тұрған халықты көресіз. Бұның бір сыры – сауда орталығындағы заттың бағасы халықтың қалтасы көтеретіндей болып отырғаны.Ең алдымен осы сауда орталығының иесі Әкімжан Жұмажанұлының өмір жолына тоқтала кетейік. Қай кезде көрсеңіз де үнемі көңілді жүретін ағамыз 1962 жылы қасиетті Арал топырағындағы Құмбазар деген жерде дүниеге келген. Кеңес дәуірі кезінде үкіметтің шаруашылық қызметтерінде әртүрлі жұмыстар істейді. Еліміз егемендік алған тұстағы нарық заманының қысылтаяң кезеңінде 1994 жылы тіршілік қамымен осы Байқоңыр өңіріне көшіп келеді. Келген жылдарда қаладағы орталық базарда бизнеспен айналысқан. Екі қолға бір жұмыс табылмай, көпшілік халыққа күнделікті тұтынатын қажетті заттар жетіспей, қат болып қалған кездер есте болар. Дәл осындай кезде сауданың көзін таба білгендердің күнкөрісі жақсара түскені де анық. Қазақтың «Алла берер жағын байламасын» деген сөзі осы сауда ісін қолға алып, нәтижесінде үлкен сауда орталығын ашқан Әкімжан Жұмажанұлына арналғандай. «Кең болсаң, кем болмайсың» деген сөзді осы орталық басшысы есінен әсте шығарған емес. Біз әңгімелесіп отырғанда күнделікті сауда жайымен немесе жеке шаруамен келген адамдарды жылы қабылдап, оларға қанағаттанарлықтай жауап беріп отырды. Бәзбіреулер секілді бастықпын деп жан-жағындағылардың апшысын қуыратын жан емес. Керісінше қызметкерлерінің жағдайын жасап, шешімін таппаған мәселенің күрмеуін тарқатуға тырысатын басшыға қалайша риза болмайсыз. Қабылдауға келушілерге айтар жауабы тек «иә, жарайды, болады». Басшының қарапайым болуы көпшілік қауым үшін күтпеген жағдай. Ал, қарапайым, сөзге тоқтайтын осындай басшы жұмысының алға өрлеуінің өзі сүйегінің асылдығында деп білемін. Ол ұзын бойлы, жасы алпысты алқымдаған бидай өңді келген кісі екен. Өзіне атбасын тіреп келген жандардың айтар сөзін тыңдап, тыңғылықты жауап беріп, тез арада шешім қабылдай білетін жан.«Ақсеңгір» сауда орталығының еншісінде бірнеше дүкен бар. Бірінде күнделікті тұтынатын азық-түлік тауарлары сатылса, екіншісінде көкөністер, жемістер саудаланады. Ал тағы бірінен шаруашылыққа керекті заттың бәрі табылады. Дүкендерде 15-тей адам жұмыс істейді. Осы орайда орталық жұмысының ыстық-суығына көніп, еңбек етіп жүрген жандарды сөз ете кеткенді жөн көрдік. Бизнесменнің тікелей көмекшісі, өзінің әйелі Бибігүл Тәжімбетова болса, Жанат Дінахметова мен Жадыра Әкімжанқызы сынды ұйымдастырушылары бар. Дүкенге келген тұтынушыға жылышырай танытып, сұрағанын тауып беретін сатушылардың орны бір бөлек. Орталықта Гүлнәр Қожахметова, Гаухар Қосмамбетова, Гуля Ералиева, Алма Нақыпова, Құттыбике Төлегенова, тағы басқалары жұмыс істейді.Сатушылар 15 күндік ауысым бойынша кезектесіп тұрады. Олардың барлығы дерлік медициналық қараудан мерзімінде өтеді. Жұмысқа алған кезде талапқа сай болуына аса мән беріледі. Сауда көзі тауарды көбінесе Түркістаннан алады. «Рахат», «Баян сұлу», «Прима», «Рошен», «Grad House» секілді фирмалардың жергілікті жердегі филиалдарымен тығыз байланыста.Кәсіпкер былтыр кәсібін кеңейту мақсатында жұбайы Бибігүл Қадырқызының бастамасымен және мемлекеттік бағдарламалардың қолдауының арқасында наубайхана ашқан болатын. Бүгінде жергілікті халыққа таңертеңгі 9-дан кешкі 18-ге дейін күнделікті демалыссыз жұмыс істеп тұрған наубайханада төрт адам тұрақты жұмыспен қамтылған.Мұнда күнделікті көмеш, таба нан, бөлке және 20-дан аса нан өнімдері дайындалады. Сұранысқа сай, наубайханада күнделікті сатылатын және тапсырыспен дайындалатын той дастарқанының сәнін ашатын түрлі тәттілер эклер, дәмді рулеттер пісіріп жүрген Гүлбаршын Отыншиева, Нұргүл Есмағамбетова, Шолпан Қуанбаева мен сатушы Алтынай Баекешовалардың еңбектері елеулі.<blockquote>«Бұл біздің отбасылық кәсібіміз болғандықтан келіншегім, балаларымның көмегімен істі жүргізіп отырмыз. Мемлекет тарапынан кәсіпкерлерге берілер көмек көп. Оны тек тиімді түрде пайдалану қажет», &nbsp;дейді жеке кәсіпкер.</blockquote>Мемлекеттік бағдарламалардың игілігін көріп, жергілікті мекеннің дамуына үлес қосып жатқан осындай жандардың қатары күн санап көбейіп келе жатқаны қуантады. Одан бөлек, «Байқоңыр Әлеуметтік Кәсіпкерлік корпорациясы АҚ» арқылы кәсіпкер 20 млн теңге несие алып, әлеуметтік дүкен ашқанын да айта кеткеніміз жөн.Өмір сүріп отырған ортасының жай-жапсарымен танысып, қоғамда өз орнын білдіріп отыру, кез келген мәселеге пікір білдіру белсенді азаматтың басты қағидасы. Себебі, ол жергілікті әкімшілік тарапынан болған сұраныс, өтініштерге дер кезінде жауап беріп, қаржылай көмек қолын созып отырады. Айтпақшы, өзінің жомарттығымен еленген ағаның біз білмейтін бір құпиясы бар екен. Ол өз жанынан өлең шығаратындығы. Ой толғамдары ерекше, жазған қолжазбаларын парақтағанымызда ұмытылып бара жатқан сөздерді қолдану көптеп кездеседі екен. Жазбаларының өзіндік стилі, мазмұны, мәні бар. Ол жігіттік шағында ақынжанды ағамыз «Қара мерген» ертегісінің желісінде өлең-жыр түрінде дастан жазыпты. Өлеңге, жырға құмар Әкімжан Жұмажанұлының «Сырдың құрақ жағасы» атты кітабы жарық көрген. Оған өлеңдер мен толғау, дастандар енген.Кәсіпкер бүгінде зайыбы Бибігүл Қадырқызы екеуі Әлия, Жадыра, Бақыткүл есімді үш қыз тәрбиелеп өсіріп, олардан немере сүйіп отырған ардақты ата мен әже. «Тәрбие – отбасынан басталады» дегенді ескерсек, ағамыз немересінің сабағына көмектесіп, оқу үлгерімін қадағалайды. Бос уақытын пайдалы өткізуіне сеп болып, өз пікірін білдіріп отыратын жайы бар.

Төретамдық кәсіпкер көкжиегін кеңейтіп отыр

<a href="https://kyzylorda-news.kz/">Kyzylorda-news.kz.</a> 1 сәуірден бастап бірінші сыныпқа қабылдау үшін өтініш беру басталып, тамыздың 1-не дейін жалғасатын болады. Мемлекеттік білім беру қызметі egov.kz электрондық үкімет веб-порталы арқылы мен жергілікті атқарушы органдардың ақпараттық жүйелерінде қолжетімді.&nbsp;Балалар бірінші сыныпқа алты жастан бастап ата - анасы немесе заңды өкілінің өтініші негізінде қабылданады. Өтінішпен бірге &nbsp;№065у формасындағы денсаулық жағдайы туралы анықтама, 026/у-3 баланың денсаулық паспорты және баланың екі дана 3*4 фотосуреті болу керек. Өтініш демалыс және мереке күндерді қоспағанда, дүйсенбіден жұмаға дейін қабылданады. Сондай – ақ 1-2 сәуір демалыс күндері, демек өтініштер 3 сәуірден бастап қаралады, –деді облыстық білім басқармасының мектепке дейінгі және орта білім бөлімінің бас маманы Қарлығаш Әнуарова.Айта кетейік, облыс бойынша алдағы жаңа оқу жылында 17 543 қызылордалық бала бірінші сыныпқа барады деп күтілуде.

Қызылорда: Жаңа оқу жылында 17 мыңнан астам бала бірінші сыныпқа барады

​<a href="https://kyzylorda-news.kz/">Kyzylorda-news.kz.</a> Қызылорда қаласының әкімі Асылбек Шаменов қала тұрғындарымен кездесті. А.Тоқмағамбетов атындағы мәдениет үйінде өткен жиынға келген халыққа атқарылған жұмыстар мен алдағы жоспарлар жайы айтылды. &nbsp;​Биыл Қызылорда қаласында тұрғын үй құрылысын дамытуға, әлеуметтік және инженерлік инфрақұрылымды жақсартуға Ұлттық қордан, республикалық және облыстық бюджеттерден барлығы 53 млрд. теңге бөлініп, ірі жобалар жүзеге асуда. ​Аймақ басшысының бастамасымен облыс орталығында бір мезетте қатарынан үш бірдей ғимараттың іргетасы қаланды. Олар 1,6 млрд. теңгені құрайтын «Неке сарайы», 3,7 млрд. теңге болатын 1000 орындық «Көпфункционалды кешені» және 2,8 млрд. теңгені құрайтын «Облыстық қан орталығының» құрылыстары. Бұл ғимараттар қаламыздың сәулеттік келбетіне көрік қосып, ынтымағы жарасқан тұрғындарымызға ерекше тарту болмақ.​Сонымен қатар, белгілі кәсіпкер Марат Дүйсенбаевтың демеушілігімен құны 1,5 млрд. теңгені құрайтын «Анаға тағзым» орталығының құрылысы қарқын алды.​Инфрақұрылымдық әлеуетті дамытуда Болат Өтемұратовтың қолдауымен құны 31 млн АҚШ доллары болатын «Қорқыт ата» әуежайы жаңа терминалының құрылысы &nbsp;басталды.​«Қазгермұнай» Ұлттық компаниясы басшылығы заманауи үлгідегі «Оқушылар сарайының» жобасын қолға алды. Одан бөлек, шаһарымызда 200 төсектік жаңа перинаталдық орталықтың құрылысы басталады.​Қуаттылығы 240 мегаватты құрайтын жылу электр орталығының да іргетасы қаланды. «Акса энерджи» түрік компаниясымен бірлескен жұмыстар 2025 жылы аяқталып, жаңа нысан ел игілігіне беріледі. Бұл арқылы қала аумағы сапалы жылу және электр энергиясымен толық қамтылатын боламыз.​Бүгінде қалада бірнеше көпқабатты тұрғын үйлердің құрылыстары жүруде. Ауқымды жобаларға республикалық және облыстық бюджеттерден 27 млрд 510 млн теңге бөлінді. Осы нысандардың құрылысы аяқталысымен, баспана кезегіндегі тұрғындарға пәтер кілттері табысталады. Ескеретін жайт, құрылыстағы биылғы ерекшелік Сол жағалаудан 7 қабатты 6 үй бой көтеруде. &nbsp;​Бір ауысымда 100 келушіге арналған емханасы бар, 300 төсектік көпбейінді аурухана салуға республикалық және облыстық бюджеттерден 3 млрд. 272,4 млн. теңге бөлінді.​«Жайлы мектеп» Ұлттық жобасы аясында заманауи үлгідегі 8 мектеп салу жоспарлануда. Оның бесеуінің құрылысы биылғы жылы басталады. Сол жағалаудан 400 орындық және 300 орындық жатақханасымен физика-математикалық мектеп-интернатының құрылысы жүргізіледі.​12 көппәтерлі тұрғын үйлерге күрделі жөндеу жұмыстары жүргізу үшін 773,8 млн. теңге бөлінді. Құрылыс-монтаж жұмыстары жуық арада басталады.​Бюджеттің барлық түрлері мен мемлекеттік бағдарламалар арқылы жалпы құны 12 млрд. теңгеге қала мен оған қарасты кент және ауылдық округтердегі 238 көше жөнделеді.​Жалпы биылғы жылы басымдық қаланың шет аймақтарындағы көшелерге берілді.​Биылғы жылы жылу желілерін қайта жаңғыртуға 8 жоба әзірленді. Оған республикалық бюджеттен 8,2 млрд теңге бөлінді. Оның ішінде Сұлтан Бейбарыс көшесінің бойындағы жылу құбырларын жер астымен жүргізуге &nbsp;5,2 млрд теңгесі қаралды. Жұмыстар жақын күндері басталады.​Қала аумағындағы 17 көпқабатты тұрғын үй аулаларын күрделі жөндеу үшін облыстық бюджеттен 300,0 млн. теңге бөлініп, мемлекеттік сатып алу жұмыстары жүргізілуде.​Биыл тозығы жеткен ауыз су және кәріз су желілерін қайта жаңғыртуға республикалық және облыстық бюджеттерден барлығы 3 млрд. 791 млн. теңге қаралды. Зерделеу бойынша анықталған аумақтардағы желілер жаңаланып, қосымша жұмыстар жасалынады.​Бұл кездесуде атқарылатын жұмыстардан бөлек, өзекті &nbsp;мәселелер бүкпесіз ашық айтылды. Барлық ұсыныс хаттамаға енгізілді. Жүздесуден кейін шаһар басшысы Асылбек Шаменов тұрғындарды жеке мәселелері бойынша қабылдады. Қабылдауға келгендердің талап-тілектері тыңдалып, оларға нақты жауаптар берілді.<figure class="image"><img src="https://knadmin.beoblood.kz/uploads/339318577_711537797427953_1269479010900183407_n_d647c3f489.jpg" alt="339318577_711537797427953_1269479010900183407_n.jpg"></figure><figure class="image"><img src="https://knadmin.beoblood.kz/uploads/338417085_537944245139474_4323987490676037821_n_9aff603007.jpg" alt="338417085_537944245139474_4323987490676037821_n.jpg"></figure>

Асылбек Шаменов қала тұрғындарымен кездесті

<a href="https://kyzylorda-news.kz/">Kyzylorda-news.kz.</a> Қызылорда облыстық мемлекеттік сатып алу басқармасының ұйымдастырылуымен мемлекеттік сатып алу саласындағы өзгерістер мен өзекті мәселелерге қатысты семинар-кеңес өткізілді.Семинар-кеңеске облыс бойынша ішкі мемлекеттік аудит департаментінің, облыстық басқармалардың қызметкерлері, қала және аудан әкімдіктеріне бағынысты мекемелердің мемлекеттік сатып алуларына жауапты мамандары қатысты.Күн тәртібінде қаралған мәселелер бойынша облыстық мемлекеттік сатып алу басқармасының және ішкі мемлекеттік аудит департаментінің өкілдері 2023 жылдан бастап қолданысқа енгізілген жаңа нормаларға, мемлекеттік сатып алу заңнамаларының сақталуына және басқа да өзекті мәселелер тақырыбында хабарлама жасап, қатысушылар тарапынан қойылған бірқатар сұрақтарға жауаптар берді. &nbsp;Атап өту керек, Қаржы министрінің 2023 жылғы 1 наурыздағы №225 бұйрығымен Мемлекеттік сатып алуды жүзеге асыру қағидаларына өзгерістер, яғни конкурстық баға ұсынысына әсер ететін қосымша өлшершарттар енгізіліп, аталған норма 2023 жылдың 22 наурызынан бастап қолданысқа енгізілді. Оның біріншісі, егер әлеуетті өнім беруші облыс аумағында тіркелсе, оған веб-порталмен автоматты түрде 1,0% шартты жеңілдік қосылатын болады. Нәтижесінде, жеңімпаздарды анықтауда жергілікті кәсіпкерлерге басымдық беріледі. Бұл, басқа аймақ өнім берушілерінің жеңіске жетуін және жұмыс көлемін қосалқы мердігерге беруін азайтады, сондай-ақ өңірге салық түсімдерін көбейтеді. Аталған өлшемшарт тек сомасы 1 млрд. 380 млн. теңгеден (400 мың АЕК-тен) аспайтын құрылыс-монтаждау мен құрылыспен байланысты емес жұмыстарды (орташа жөндеу, ағымдағы жөндеу, абаттандыру т.б.) мемлекеттік сатып алуға қолданылады.Екіншісі, әлеуетті өнім берушіде ағымдағы қаржы жылында жасалған әрбір мемлекеттік сатып алу туралы шарттың орындалуында болғаны үшін жалпы шартты жеңілдіктен 0,1% шегеріледі. Нәтижесінде, өндірісінде аяқталмаған шарттары бар мердігерлердің жеңімпаз болу мүмкіндігі азаяды. Бұл, жұмыстарды немесе қызметтерді әлеуетті өнім берушілер арасында тең бөлуге және өз мерзімінде орындауға ынталандырады.<figure class="image"><img src="https://knadmin.beoblood.kz/uploads/338412417_1479630436197090_1261743872975477238_n_7764ee1ed9.jpg" alt="338412417_1479630436197090_1261743872975477238_n.jpg"></figure>

Қызылордада мемлекеттік сатып алу саласында өзекті мәселелер бойынша семинар-кеңес өткізілді

<a href="https://kyzylorda-news.kz/">Kyzylorda-news.kz.</a> 1 сәуір – Күлкі күні. Осы датаға орай бүгін Өңірлік коммуникациялар қызметінің ақпарат алаңында өткен брифингте қалалық мәдениет үйлері, клубтар және халықтық ұжымдар МКҚК директоры Эльмира Қанатбаева «Мереке-Думан» халықтық әзіл-сықақ отауының шығармашылық жұмысы туралы айтты.&nbsp;<blockquote>«Мереке-Думан» әзіл-сықақ отауы 34 жыл бұрын көркемөнерпаздардан құралған. Осы жыл аралығында үзбей халыққа өз өнерін көрсетіп жүр. Отыз жылдығы үлкен масштабта атап өтіліп, республикалық деңгейде байқау өткізілді. &nbsp;Сондай-ақ, «Мереке-Думан» әзіл-сықақ отауы жылына екі концерттік бағдарлама дайындап, халыққа ұсынады. Көркемөнерпаздардан құрылған бұл отау кәсіби театрлардан кем емес», - деді Эльмира Қожасқызы.&nbsp;</blockquote>«Мереке-Думан» халықтық әзіл-сықақ отауының әртісі Мейрамбек Нұртаза жоспарлы концерт Рамазан айынан кейін болатынын айтты.<blockquote>«Биыл Рамазан айына байланысты 1 сәуірде қойылатын концертті 22 сәуірге ауыстырдық. Дегенмен, 1 сәуір күні Мереке-Думан әзіл-сықақ отауының жаңа интермедиясы халыққа әлеуметтік желі арқылы жол тартады. Айта кететін жайт, 22 сәуірде өтетін кештегі басты интермедиямыз «Кореядағы қазақтар» жобасы. Бұған қоса, жуырда Шиелі ауданында болатын дәстүрлі әзіл-сықақ байқауына дайындығымыз қызу жүріп жатыр. Жеңіспен оралатынымызға кәміл сенемін», - деді «Мереке-Думан» халықтық әзіл-сықақ отауының әртісі Мейрамбек Нұртаза.</blockquote>«Мереке-Думан» халықтық әзіл-сықақ отауының әртісі Берік Балтабаев әзілдері шығармашыл топ өздері жазатытын жеткізді.<blockquote>«1 сәуір елімізде көңілді күн болып саналады. Біздің әзіл-сықақ отауының бір ерекшелігі ойнайтын әзіліміздің бәрін өзіміз жазамыз. Әрқашан қоғамда болып жатқан өзекті мәселелерді әзілмен жеткізуге тырысамыз. «Күлкі - өмір, күлдіре білу - өнер, күлкі болу - өлім» демекші, ортамыз әрдайым қуанышқа тола берсін», - деді «Мереке-Думан» халықтық әзіл-сықақ отауының әртісі Берік Балтабаев.</blockquote><figure class="image"><img src="https://knadmin.beoblood.kz/uploads/338861350_3401992446795287_1502632649739620082_n_65a77ac7ab.jpg" alt="338861350_3401992446795287_1502632649739620082_n.jpg"></figure>

«Мереке-думан» халықтық әзіл-сықақ отауы: Күлкі бәріне жарық сыйлайды

<a href="https://kyzylorda-news.kz/">Kyzylorda-news.kz.</a> Бүгін Қызылорда қаласындағы Евразия спорт кешенінде «Нашақорлыққа жол - ЖОҚ» «Бәріңде жарысқа» ұранымен жалпы білім беретін мектеп оқушылары арасындағы облыстық сайыс өтті.Эстафеталық жарысқа Қызылорда қаласы мен аудандардан құралған 5 команда қатысты. Қазалы ауданынан №266 мектеп-лицей, Қармақшы ауданынан №183 орта мектеп, Жалағаш ауданынан №123 мектеп-лицей, Сырдария ауданынан №137орта мектеп және Қызылорда қаласынан №23мектеп-лицей оқушылары сайыста бақ сынады.Салтанатты шараны облыстық мәдениет және спорт басқармасы бұқаралық спорт бөлімінің басшысы Ғалым Сихымов ашып, биыл дәстүрлі түрде 28-рет өткізіліп отырған жарыстың мектеп оқушылары арасында салауатты өмір салтын қалыптастырудағы рөлінің маңыздылығын айтып өтті. Сондай-ақ, Қызылорда облысы Полиция департаментінің Есірткі қылмысына қарсы іс-қимыл басқармасының аға жедел уәкілі, полициция майоры Мейрамбек Сұлтанханұлы өз құттықтау сөзінде балаларды нашақорлықтың алдын алу шараларымен таныстырып, барлығына сәттілік тіледі.&nbsp;Айта кетейік, бұл жарыс бұған дейін әр аудан және қала мектептері арасында өткізіліп, жеңімпаздар бүгін өзара сынға түсті. Әрбір команда бес эстафета бойынша спорттық дайындығын көрсетіп, белсенділік танытты.&nbsp;Сайыс қорытындысы бойынша Қызылорда қаласы мен Сырдария және Қармақшы аудандары жеңімпаз атанды.&nbsp;Динара МАХАНОВА<figure class="image"><img src="https://knadmin.beoblood.kz/uploads/339127848_129779106729338_3945026702592002702_n_642a13ca90.jpg" alt="339127848_129779106729338_3945026702592002702_n.jpg"></figure><figure class="image"><img src="https://knadmin.beoblood.kz/uploads/339126454_225166696843404_5285977749063215252_n_4f2de229ab.jpg" alt="339126454_225166696843404_5285977749063215252_n.jpg"></figure>

«Нашақорлыққа жол жоқ»: Қызылордада оқушылар арасында сайыс өтті

<a href="https://kyzylorda-news.kz/">Kyzylorda-news.kz.</a> Өзбекстан Республикасының Алматы қаласындағы Бас консулы Аброр Фатхуллаев Қызылорда облысына жұмыс сапарымен келді. Сапар барысында Аброр Джахангирұлы Қорқыт ата атындағы Қызылорда университетінің профессор-оқытушылары, білім алушыларымен кездесті.Жиында Басқарма мүшесі – Ғылыми жұмыстар және халықаралық байланыстар жөніндегі проректор Майнұр Бөрібаева Өзбекстан Республикасының жетекші университеттерімен байланыс нығая түскенін атап өтті.Университет делегациясы жуырда Өзбекстан Республикасына жұмыс сапарымен барып, жоғарғы оқу орындарымен бірлескен білім беру бағдарламасын жүзеге асыру туралы келісімге келді.&nbsp;<blockquote>«Ташкент ирригация және ауыл шаруашылығын механизацияландыру инженерлері институты» Ұлттық ғылыми-зерттеу университетімен қос дипломды/мамандарды даярлау бойынша келісім жасалды. Алдағы уақытта қос университет 7 білім беру бағдарламасы бойынша маман даярлайды. Сондай-ақ, бірқатар жоғарғы оқу орындарымен ынтымақтастық туралы меморандумға қол қойылды», – деді Майнұр Бөрібайқызы.</blockquote>Кездесу барысында Аброр Фатхуллаев екі елдің достығы жарасқан, бауырлас халықтар екенін ерекше атап өтті. Қызылорда облысында су шаруашылығы, мелиорация, аграрлық технология салалары бойынша жоғары білікті, кәсіби мамандар даярланатынына тоқталып, бірлескен жұмыс өз нәтижесін беретініне сенім білдірді.Жиында екі елдің білім саласындағы ынтымақтастығын арттыру мәселелері талқыланды.&nbsp;Айта кету керек, қазіргі уақытта Өзбекстан Республикасынан келген бірнеше студент Қорқыт ата атындағы Қызылорда университетінде білім алуда.&nbsp;<figure class="image"><img src="https://knadmin.beoblood.kz/uploads/Whats_App_Image_2023_03_30_at_18_27_09_ac923ba5a6.jpeg" alt="WhatsApp Image 2023-03-30 at 18.27.09.jpeg"></figure><figure class="image"><img src="https://knadmin.beoblood.kz/uploads/Whats_App_Image_2023_03_30_at_18_27_10_1_4145a01869.jpeg" alt="WhatsApp Image 2023-03-30 at 18.27.10 (1).jpeg"></figure>

Өзбекстан Республикасының Алматы қаласындағы Бас консулымен кездесу өтті

<a href="https://kyzylorda-news.kz/">Kyzylorda-news.kz.</a> Қызылорда қаласы Әйтеке би көшесінің соңында орналасқан бұрынғы Орталық қазақ бейітін тазарлау жұмыстары жүргізіледі.&nbsp;<blockquote>«Қызылорда қаласының тұрғындарын 2 сәуір күні сағат 11-00-де Орталық қазақ бейітін&nbsp;тазалау жұмыстарына шақырамыз. Осы бейітте жерленген ата-бабалары бар ұрпақтары сауапты істің басында болады деген үмітіміз бар», - дейді бастамашы топтың басшысы Шынжырхан Сүлейменов.</blockquote>

Қазақстан және Қызылорда облысының жаңалықтары