<a href="https://kyzylorda-news.kz/">Kyzylorda-news.kz.</a> Қызылорда облысы бойынша Қылмыстық атқару жүйесі департаментінің №60 мекемесіне жыл басынан бері 70-тен астам сот үкімімен сотталғандар жаза мерзімін өтеуге жіберілген. Сотталғандар мекемеге қабылданған кейін 15 тәулікке дейін карантин бөлімінде уақыт өткізеді.Мекеменің карантин бөлімшесінде жазасын өтеушінің мінез-құлқының негізгі ерекшеліктерін, психологиялық ерекшеліктерін зерттеу, жалпы білім деңгейін анықтау, сотталғанның жаза өтеу тәртібі мен шарттарымен танысуы, сондай-ақ, денсаулық жағдайын тексеру және санитарлық-гигиеналық шараларды өткізу үшін пайдаланылады. Сонымен қатар мекеменің қызмет салалары сотталғандарды қабылдап, түсіндірме жұмыстарын жүргізеді.Бүгін осы карантин бөліміндегі сотталғандарды мекеменің арнайы есепке алу бөлімінің бастығы, әділет майоры Н.Молдағалиқызы арнайы қабылдап, жеке істері бойынша сұрақтарына жауап беріп, жаза өтеудің тәртібі мен шарттары туралы түсіндірме жұмыстарын жүргізді.<blockquote>«Жаза басып жаңылып, сотты болдым. Жаза мерзімімді өтеуге осы мекемеге жіберілдім. Мекеме қызметкерлерінің жеке қабылдауы барысында сұрақтарыма жауап алып, ішкі тәртіп пен рұқсат етілген сәлем-сауқат туралы толық ақпараттандырылдым. Карантин режимінде толық тексерістен өтіп, енді белгіленген жасаққа аттанғалы отырмын. Қылмыстың өтеуі жаза екені анық. Жасаған ағаттығым үшін өкінемін, - дейді өз сөзінде сотталған «Р» есімді азамат.</blockquote>

Сотталғандарға түсіндірме жұмыстары жүргізілді

<a href="https://kyzylorda-news.kz/">Kyzylorda-news.kz.</a> Қызылорда қалалық пробация қызметінің есебінде тұратын азаматтарға түрлі мамандардың көмегі беріледі. Оның ішінде әлеуметтік немесе құқықтық көмек, психолог мамандардың көмектері жүйелі түрде жүргізіліп отырады.Бүгін қылмыстық жазасын өтеген азаматтарды әлеуметтік бейімдеу мен оңалту орталығының психолог маманы З.Бисекова және қалалық пробация қызметінің инспектор психологы Г.Жилкаманова пробация есебіндегі 10 азаматты қабылдады. Психолог мамандар сотталғандарды қабылдау барысында олардың қайталап қылмыс жасауға жол бермеу, қоғамға бейімдеу тұрғысында сұхбат жүргізіп, психологиялық тест жұмыстарын ұйымдастырды.<blockquote>«Негізі психолог маманның қабылдауында мүмкіндігінше жиі болып тұрған дұрыс деп есептеймін. Бүгін осы себеппен мен де маманның жеке қабылдауында болдым. Психологпен сұхбаттасу барысында өзімнің жағдайымды айтып, тығырықтан шығудың дұрыс жолдарын сұрап білдім. Психолог маман менің сұрағыма «Біріншіден, өзіңіз белсенді болуыңыз қажет, сонда ғана өз-өзіңізге сенімділігіңіз артып, ойлағаныңыз орындалады», - деді. Маманның бұл ұсынысын міндетті түрде орындайтын боламын. Сонымен қатар осы шараны ұйымдастырған пробация қызметкерлеріне айтар алғысым да шексіз», - дейді есептегі азамат.</blockquote>

Пробация есебіндегілерге психологтың көмегі маңызды

Бала тәрбиесіне аса жауапкершілік керек

<a href="https://kyzylorda-news.kz/">Kyzylorda-news.kz.</a> Мемлекет басшысының Жарлығымен Олжас Абайұлы Бектенов Қазақстан Республикасы Президенті Әкімшілігінің Басшысы болып тағайындалды, ол Қазақстан Республикасының Сыбайлас жемқорлыққа қарсы іс-қимыл агенттігі төрағасы лауазымынан босатылды, деп хабарлайды <a href="https://t.me/aqorda_resmi/7706">Ақорда</a>.1980 жылы 13 желтоқсанда Алматы қаласында туған.Қазақ мемлекеттік заң академиясын (2001 ж.) үздік бітірген, мамандығы «Заңгер».ІІ дәрежелі «Айбын» (2014 ж.) және «Даңқ» (2021 ж.) ордендерімен наградталған.2002-2005 жылдары Алматы қаласы Әділет басқармасы бөлімінің бас маманы.2005-2006 жылдары ҚР Премьер-Министрі Кеңсесінің заң бөлімінің сарапшысы, бас сарапшысы.2006-2009 жылдары ҚР Президенті Әкімшілігінде жұмыс жасады.2009-2012 жылдары ҚР Әділет министрлігінің Тіркеу қызметі және құқықтық көмек көрсету комитеті төрағасының орынбасары.2012-2014 жылдары ҚР Экономикалық қылмысқа жəне сыбайлас жемқорлыққа қарсы агенттігінің (қаржы полициясы) орталық аппаратында департамент бастығы.2015-2016 жылдары Астана қаласы әкімінің аппарат басшысы, ҚР Президенті Әкімшілігі Басшысы Хатшылығының меңгерушісі.2016-2017 жылдары Сыбайлас жемқорлыққа қарсы іс-қимыл Ұлттық бюросының (Сыбайлас жемқорлыққа қарсы қызмет) Астана қаласы бойынша департаментінің басшысы.2017-2018 жылдары Ақмола облысы әкімінің орынбасары.2018-2019 жылдары Қазақстан Республикасының Мемлекеттік қызмет істері және сыбайлас жемқорлыққа қарсы іс-қимыл агенттігі Төрағасының орынбасары.2019-2022 жылдары Қазақстан Республикасының Сыбайлас жемқорлыққа қарсы іс-қимыл Агенттігі Төрағасының бірінші орынбасары.2022 жылдың ақпанынан бастап Қазақстан Республикасының Сыбайлас жемқорлыққа қарсы іс-қимыл агенттігінің төрағасы қызметін атқарды.

Президент Әкімшілігінің Басшысы тағайындалды

<a href="https://kyzylorda-news.kz/">Kyzylorda-news.kz.</a> Биыл Жалағаш ауданына қарасты көп ауылда игілікті жұмыс басталғалы тұр. Солардың бірі – Есет батыр ауылы. Аламесек ауылдық округі – аудандағы тарихи тамыры терең ауыл. Тіпті өткен ғасырдың отыз-қырықыншы жылдары Аламесек аудан орталығы болыпты. Онда орталық базар мен бірнеше әлеуметтік қызмет көрсету орындары және МТС жұмыс істегені тарихтан белгілі. Қазіргі Аламесек те көп ауылдардың ішінен халқының санымен, ауыл шаруашылығы өндірісінің қарқындылығымен ерекшеленеді.&nbsp;Егін шаруашылығын өркендетіп отырған бірнеше іргелі шаруа қожалықтары бар. Мал шаруашылығы да кеңінен қанат жайып келеді. Олардың алдағы мақсаты – аудан тұрғындарын ет-сүт өнімдерімен қамтамасыз ету. Бір айта кетерлігі, жерге дән тастап, маңдай терінің өтеміне қарай несібесін теріп отырған шаруашылық төрағалары тек қарамағындағы жұмысшыларға айлық жалақысын және науқанның қорытындысы сайын сыйақы берумен ғана шектеліп отырған жоқ. Олар ауылдағы әлеуметтік мәселелерді де үнемі назардан тыс қалдырмай, қаржылай көмек беріп, қолдау көрсетіп келеді.&nbsp;Былтыр Есет батыр ауылында бірнеше жарқын жоба жүзеге асып, ауыл тұрғындарын қуанышқа бөленген болатын. Атап айтсақ, «Нағи» шаруа қожалығының төрғасы Серік Дүйсенғазиев және «Ибраев» шаруа қожалығының төрағасы Бақыт Ибарев демеушілікпен балаларға арналған заманауи ойын алаңын салып берген. Бұл былтырғы «Балалар жылы» аясында бүлдіршіндерге жасалған кәделі тарту болды. Сонымен бірге «Нағи» шаруа қожалығы ауыл орталығындағы Өмірбай шешен көшесін абаттандыруды өз жауапкершілігіне алып, жұмысын бастап кеткен. Ал «Қарабура ата-1» шаруа қожалығының төрағасы Дастан Ержанов ауылға кіреберіс көшенің бойына электр жарығын орнатып берсе, «Жаңарық» шаруашылығының төрағасы Ғалымжан Қайырманов осы көшенің бір қапталын абаттандырып, саябақ ашуға ниетті. «Көктөбе» шаруа қожалығының төрағасы Әбдірасулла Әбдәлиев ауыл орталығынан жеке қаржысына тарихи-өлкетану мұражайын салуды жоспарлап отыр. Бұл – ауылдық округ үшін ауыз толтырып айтатын игі іс. Өйткені тарихымызды, мәдени мұраларымызды, ұлттық құндылықтарымызды танып, түгендеу жас ұрпақтың келешегіне жарық түсіреді, жалпы халықтық тәрбиеде де маңызды рөл атқарады. Бұйыртса, мұражайдың құрылысы биыл басталмақ. Ел ішінде атқарылып жатқан жұмыстар жайында баяндаған ауыл әкімі Дәулеткерей Тәжібаев көркейту-көгалдандыру жұмыстары жылда үздіксіз жүргізілетінін және оған ауыл жастары да өз үлесін қосатынын айтады.Мемлекетке халықтың денсаулығы мен өмірі аса маңызды. Сондықтан ауылдық елді мекендердің барлығында медициналық қызмет көрсетудің сапасы артып, жұмысы жүйеленуі тиіс. Бұл тұрғыда аталған ауылда биыл игі жұмыс басталғалы тұр. Айта кетейік, Аламесек ауылдық округіндегі емхана ғимараты әбден ескірген. Басы ауырып, балтыры сыздап, дәрігердің алдына баратын ауыл халқы дәлізі мен егу-емдеу бөлмелері тар емхананың жаңаруын күтіп жүргеніне көп уақыт болды. Расында тозығы жеткен ғимараттың ішінде үйлесімді қызмет көрсетіліп, жүйелі жұмыс жүрмейтіні белгілі. Өйткені біз қазір өркениетке бағыт бұрған ел ретінде цифрлы жүйеге көштік. Соның ішінде медицина саласы түгелдей сандық жүйеге өткен. Сондықтан тұрғындардың да, медицина қызметкерлерінің де жоғарыдағы талабы орынды.&nbsp;Өткен жылдың соңында ауылдарды аралап, халықпен кездескен аудан әкімі Асқарбек Есжанов, Есет батыр ауылына жасаған сапарында тұрғындарға жақсы жаңалық жеткізген. Биыл ауылда жаңа емхананың құрылысы басталады. Бұл жаңалық тұрғындарды ғана емес, тар жерде тығылысып отырған ауыл дәрігерлерін де бір серпілтті. Сонымен бірге Жалағаш-Есет батыр-Жаңадария ауданаралық автожол құрылысы биыл жалғасын тапты.Су – өмірдің өзегі. Елімізде халықты ең бірінші кезекте сапалы таза ауыз сумен қамту жұмыстары арнайы мемлекеттік бағдарламалар аясында жүзеге асып келе жатқанын білеміз. Аталған ауылда осы жылы ауыз су жүйесі кеңейтіледі. Тарқатып айтсақ, жылдан-жылға кеңейіп келе жатқан ауылдың сыртқы аймақтарына жаңадан қоныс теуіп, орналасып жатқан тұрғындар үшін ауыз су құбыры жүргізіледі. Қазірде көп ауылдарда электр желілері ескірген. Жауын-шашын болып, жел тұрса, жарық жалп ете қалады. Ал қазіргі заманда халықтың тұрмыс-тіршілігі тікелей электр қуатына тәуелді. Бірақ өз кезеңімен көп ауылдарда бұл мәселе шешімін тауып келеді. Дегенмен жарықты жаңартуды қажет ететін ауылдар бар. Биыл Аламесек ауылдық округінің электр желілері жаңартылады. Жұмыс өз деңгейінде атқарылса, бір мәселенің түйіні тарқатылғалы тұр.

Жаңа жобалар ауыл ажарын айшықтады

<a href="https://kyzylorda-news.kz/">Kyzylorda-news.kz.</a> Қорқыт ата атындағы Қызылорда университеті және Набережные Челны мемлекеттік педагогикалық университетінің ұйымдастыруымен «Педагогикалық қызметтің теория мен практикасы: білім беру жүйесіндегі заманауи инновациялық технологиялар» атты халықаралық ғылыми-тәжірибелік онлайн-конференция өтті.Жиынға Басқарма мүшесі – Ғылыми жұмыстар және халықаралық байланыстар жөніндегі проректор Майнұр Бөрібаева қатысып, Набережные Челны мемлекеттік педагогикалық университетімен өзара тәжірибе алмасу мақсатында жұмыстар жүргізілгенін атап өтті. Сондай-ақ, еліміздегі білім беру саласының дамуына, кәсіби білікті маман даярлауға қосқан үлес үшін Набережные Челны мемлекеттік педагогикалық университетінің ректоры Альфинур Галиакбероваға «Қорқыт Ата атындағы Алтын медаль» табысталатынын жеткізді.Өз кезегінде Альфинур Азатқызы Набережные Челны мемлекеттік педагогикалық университетіндегі білім беру процесі, инновациялық технологияларды қолдану бағытында атқарылған жұмыстарға тоқталды.Жиынға «Практикалық ағылшын тілі» кафедрасының меңгерушісі Ербол Бекіш модераторлық етті. Конференцияда қатысушылар білім беру процесінде инновациялық технологияларды қолдану әдістемелері бойынша тәжірибе алмасты.Халықаралық конференцияда «Тәлімгерлік және тәлімгерлік моделін жүзеге асыру тәжірибесі», «Педагогикадағы сандық білім беру ортасы, цифрлық технологиялар және цифрлық білім ортасы», «Білім беру ұйымындағы &nbsp;қауіпсіз білім беру ортасын қалыптастыру, буллингтің алдын алу: нормативтік-құқықтық және тәрбиелік аспектілер», «Заманауи оқытушы студенттердің көзқарасымен: құзыреттілік және кәсіби даму», «Қазақстан және Ресей ағартушыларының педагогикалық мұрасы» сынды бағыттар қамтылды.Шараға отандық және шетелдік ғалымдар, ғылыми ұйымдардың қызметкерлері мен ЖОО оқытушылары, докторанттар, аспиранттар және магистранттар қатысты.<figure class="image"><img src="https://knadmin.beoblood.kz/uploads/IMGL_4974_8bc0f5ec81.jpg" alt="IMGL4974.jpg"></figure>

Халықаралық ғылыми-тәжірибелік онлайн конференция өтті

<a href="https://kyzylorda-news.kz/">Kyzylorda-news.kz.</a>&nbsp; Қаланың сәулеті мен ажарын айшықтап тұратын басты бейнелі көріністі осы жолдың жайы екені жасырын емес. Сән-салтанатынан бөлек, қатынастың қолайлылығы мен тұрғындардың қауіпсіздігі және көлік қозғалысының икемділігі де жайлы жолдың көмегінен болары анық. Олай болса, аудандағы қала көшелерінің жолдары мәселесі төңірегінде істеліп жатқан жұмыстарға тоқтала өтейік.Ел көріп, біліп отыр. Тұрғындардың өтінішін орындау мақсатында биыл қала көшелерінің жолдарын жаңарту бағытындағы жұмыстар басталып кетті. Нақтырақ тоқталар болсақ, Ә.Сатаев, Төле би, С.Мұқанов, Ж.Тәжімбет, Ә.Жұбаниязов пен Б.Майлин, Ғ.Мүсірепов көшелерін асфальттау жұмыстары басталып кетті. Республикалық және облыстық бюджеттен қаржыландырылатын бұл жоба көше тұрғындарына үлкен қуаныш сыйлады. Мұны тас жол төселгелі жатқан көшелердің тұрғындарының сөзінен анық аңғарамыз.<blockquote>«Адам болған үстіне бола түссе дейді ғой. Бізде де жолы жаңарған көшелерді көргенде «бізге де осындай жол салынса» деп қызыға қарайтынбыз. Былтыр осы біз тұратын көшелер асфальтталады дегенді естігенде қуанғанымызды жасырмаймыз. Бірақ биыл қар кетіп, жер икемге келе бастағаннан көшелерді тегістеп, жұмыстың басталғаны шаттығымызды еселеп тастады. Қуануға себеп те жоқ емес. Қыс кетіп, қар ерігенде, жаңбыр көп жауған кездерде көшенің басынан аяғына қарай өту мұң болатын. Ортаға жиналған судан көлік қатынасы болмайтын. Тіпті өз көліктерін үйіне жеткізе алмай, көшеге қойып кететін кездер де болады. Енді міне осы қиындықтың бәрі артта қалды. Істеліп жатқан бұл жұмыс үшін бірінші кезекте аудан басшысына алғысымыз шексіз. Халықтың пікірімен санасып, қолайлы жағдай жасап отырған атқарушы биліктің жұмысын оң бағалаймыз», – дейді.</blockquote>Айта кетейік, «Арал жолдары» және «Арал құрылысы» мекемелеріне тапсырылған жұмыс ауқымды. Жоғарыда аталған 6 көшеге толықтай асфальт төселсе, Б.Майлин, Ғ.Мүсірепов көшелеріндегі жолдың жанынан жаяу жүргіншілер жолы да салынатын болады. Бұл жұмыстар жыл көлемінде толықтай аяқталып, халық игілігіне берілмек.&nbsp;<blockquote>«Жол – ол өмір» деген шетелдіктердің сөзін еске түсірер болсақ, біздегі сапалы жол жақсы өмірдің айғағы болмақ. Сондықтан мердігерлер де бірінші кезекте тұрғындарға жайлы өмірді қамтамасыз етуді ойлап, сапаға мән берсе дейміз.</blockquote>

Аралда 7 көше асфальтталады

<a href="https://kyzylorda-news.kz/">Kyzylorda-news.kz.</a> Өткен жылды тарихтың еншісіне қалдырып, жаңа жылға қадам басқанымызға да бір тоқсаннан асты. Жаңа жыл – адам баласы үшін өткеніңді көз алдыңа әкеліп, барлық іс-әрекетіңе, жүзеге асқан жұмыстарыңа есеп беретін уақыт. Жылды қорытындылап, өткеніңе шолу жасағаннан кейін жаңа жылға жаңа қадам басамыз. Алдағы жылда атқаратын шаруаларды тізбектеп, жоспар құрып, дамуға бетбұрасың. Барыс жылында ауданда байыпты бастамалар қолға алынды, оның жемісін қарапайым халық көрді. &nbsp;Өткен жылды табысты аяқтаған Жалағаш ауданы жаңа жылда жаңа жетістіктерге жету жолын саралап үлгерді. Биыл да жалағаштықтарды игі істер күтіп тұр.Иә, ғасырға жуық тарихы бар киелі мекенде ауқымды жұмыстардың атқарылмауы мүмкін емес. Негізгі сала ауыл шаруашылығының өзінде, оның ішінде Сыр салысын өндіруде алдыңғы шептен көрінетін ауданның былтырғы жетістігі ауыз толтырып айтарлықтай. Әсіресе елді мекендерді дамыту, қордаланған мәселелердің оң шешімін табуға жұмыс істеу күн тәртібінен түспей, бірқатары жолға қойылған. Әрине берекесі мен бірлігі жарасқан шежірелі ауданда игі бастамалар мен жарқын жобалардың көптеп қолға алынуы заңдылық.Жалағаш ауданына жұмыс сапарымызда Ақсу ауылына жолымыз түскен. Осы жылға жоспарланған жүйелі істердің ішінде ақсулықтарды қуантатын жаңалықтар легі көп екен. Тоқсан сайын елді мекендерді аралап, жергілікті халықпен кездескен Жалағаш ауданының әкімі Асқарбек Есжанов биыл да қолға алынатын жарқын жобалардан &nbsp;хабардар еткен болатын. Әркез қордаланған мәселелерді тілге тиек ететін ауыл тұрғындары аудан әкімінің ауылға жыл соңындағы сапарында ешқандай уәж айтпады. Өйткені биылдың өзінде аталған ауылда қыруар шаруаның шеті көрініп тұр. Қайта қолға алынатын жобаларды естіп қуанған ақсулықтар өңір әкімінің жұмыс жоспарына риза екенін жасырмады. Сонымен ақсулықтарды биыл қандай жаңалық күтіп тұр? Аталған елді мекенде нендей шаруалар атқарылмақ? Осы сауалдарды тарқатып көрейік…Алдымен жол жайына келсек... Иә, барды бар деп айту керек, ауданда тындырымды тірлік көп екеніне көз жеткіздік. Негізі «Ауыл – ел бесігі» жо-басы жұмысын бастағалы ауылдық елді мекендер көркейіп-көгалданып, әлеуеті артып, бірнеше нысандар бой көтерді, жол сапасына мән беріліп, ауыз су жүйелері жаңартылды. Бұдан бөлек биыл «Нұрлы жол» бағдарламасы аясында жалпы құны 1 млрд 133,5 млн теңгені құрайтын 3 елді мекеннің, яғни Жаңадария, Ақсу, Аққыр ауылдарының кіреберіс жолдарына және «Ауыл – Ел бесігі» жобасы аясында 673,5 млн теңгеге 4 елді мекеннің 8 ішкі көшесіне жөндеу жұмыстары жүргізілетін болды. Бүгінде бұл жұмыстардың бірқатары басталып кетті. Бір сөзбен айтқанда, Жалағаш ауданы құрылыс алаңына айналған. Ал биыл Ақсу ауылының ажарын арттыратын ауқымды істердің қатарында жол жайы да бар. Осыған дейін бірнеше әкімнің тұсында айтылған ауылға кіреберіс жолдың мәселесіне Асқарбек Темірбекұлы нүкте қойды. Яғни биыл Ақсу мен аудан орталығын жалғайтын жол жай жөндеуден өтіп жатыр. Оған қазынадан 76 млн теңге қаралған.Былтыр ауданда жүзеге асқан үлкен әлеуметтік жобалардың бірі Жалағаш кентін газдандыру жұмыстары болатын. Енді алдағы екі-үш жылда ауданға қарасты елді мекендерде жарқын жобалар қолға алынып, жүйелі жұмыстар жасалмақ. Әсіресе табиғи газға қосылатын ауыл тұрғындарының қуанышында шек жоқ. Қажеттілігіне, мәселенің өзектілігіне қарай барлық ауылдық округте көшелер жөнделіп, жарықтандыру, абаттандыру жұмыстары кезең-кезеңімен атқарылады. Қазіргі таңда Ақсу елді мекенін газдандыруға байланысты жоба қолдау тауып, 2023 жылдың бюджетіне қаржыландыруға енгізілген. Елді мекенде алдағы уақытта жүзеге асатын жұмыстар мұнымен шектелмейді. Ақсуда 150 орындық мәдениет үйінің іргетасы қаланады. Одан бөлек толық электр желісі жаңартылғалы тұр.Жоғарыда биыл кіреберіс жолдың күрделі жөндеуден өтетінін айттық. Бірақ Ақсуда жол құрылысы мұнымен шектелмейді. Осы жылы тағы мұнда ішкі 3 көшеге асфальт төселеді. Тіпті аудан басшысы бұған дейін ауыл әкіміне халықпен ақылдасып, тағы 2 көшені ұсынуын сұрады.&nbsp;Айта кету керек, өткен жылы Ақсу елді мекенін газдандыру жұмыстарына және елді мекеннің ішкі көшелерін жөндеу жұмыстарына аудандық бюджеттен жобасметалық құжатын әзірлеуге қаржы бөлінген. ЖСҚ әзір болған соң әрі қарай тиісті мемлекеттік органдармен жұмыс жүргізілген. Сондай-ақ ауылға аяқ су жеткізетін «Ақсу» каналының 3,2 шақырымын шаруашылықтардың демеушілігімен қазып, тоспа жүйелерін жөндеу және ауылға 150 орындық жаңа ауылдық клуб ғимаратын салу үшін жер телімін бөлу, жоба сметалық құжатын дайындау сияқты жұмыстар жемісін берді.&nbsp;Жалпы, Жалағаш ауданында жыл көлемінде қолға алынған жобалардың саны отызға жуықтаса, оның ішінде ауыз су, жол құрылысы, әлеуметтік нысандар, көпірлерді жөндеу, газдандыру, жарықтандыру, абаттандыру жұмыстары қамтылған. Ауыз су желілері бойынша 4 жоба, жол құрылысына қатысты 9 жоба, газдандыру бойынша 4 жоба, жарықтандыру бойынша 4 жоба, абаттандыруға қатысты 4 жоба жүзеге асуда. Не десек те, атқарылған жұмыс көп, атқарылар шаруа да аз емес.

Жалағашта жаңа жобалар жүзеге аспақ

<a href="https://kyzylorda-news.kz/">Kyzylorda-news.kz.</a> Мемлекет басшысының Жарлығымен Мұрат Әбуғалиұлы Нұртілеу Қазақстан Республикасы Премьер-Министрінің орынбасары – Сыртқы істер министрі болып тағайындалды, ол Қазақстан Республикасы Президенті Әкімшілігінің Басшысы лауазымынан босатылды, деп хабарлайды <a href="https://akorda.kz/kz/ma-nurtileu-turaly-335157">Ақорда</a>.1976 жылы Алматы қаласында туған.1998 жылы әл-Фараби атындағы Қазақ ұлттық университетінің Халықаралық қатынастар факультетін тәмамдаған.1998-1999 жылдары – Қазақстан Республикасының Сыртқы істер министрлігі Мемлекеттік протокол қызметінің референті, атташесі.1999-2003 жылдары – Қазақстан Республикасының Малайзиядағы атташесі.2003-2004 жылдары – Қазақстан Республикасының Сыртқы істер министрлігі Азия және Африка департаментінің екінші хатшысы.2004-2006 жылдары – Қазақстан Республикасы Сыртқы істер министрінің кеңесшісі.2007 жылы – Қазақстан Республикасы Сыртқы істер министрі хатшылығының басшысы.2007 жылы – Қазақстан Республикасының Парламенті Сенатының Аппараты басшысының орынбасары.2007-2011 жылдары – Қазақстан Республикасы Парламентінің Сенаты Аппаратының басшысы.2011 жылы – Қазақстан Республикасы Сыртқы істер министрлігінің Ерекше тапсырмалар жөніндегі елшісі.2011 жылы – Қазақстан Республикасының Сыртқы істер министрлігі Азия және Африка департаментінің директоры.2011-2014 жылдары – Қазақстан Республикасының Женевадағы (Швейцария Конфедерациясы) тұрақты өкілдігінде кеңесші-уәкіл.2014-2016 жылдары – Қазақстан Республикасының Президенті Әкімшілігінің Сыртқы саясат орталығы меңгерушісінің орынбасары.2016-2019 жылдары – Қазақстан Республикасының Финляндия Республикасындағы Төтенше және өкілетті елшісі, Қазақстан Республикасының Эстониядағы Төтенше және өкілетті елшісі қызметін қоса атқарушы.2019-2021 жылдары – Қазақстан Республикасы Президентінің көмекшісі.2021-2022 жылдары – Қазақстан Республикасы Президентінің Әкімшілігі Басшысының орынбасары.2022 жылғы қаңтар – Қазақстан Республикасы Ұлттық қауіпсіздік комитеті төрағасының бірінші орынбасары.2022 жылғы 1 ақпанда Мемлекет басшысының Жарлығымен Қазақстан Республикасы Президенті Әкімшілігінің Басшысы болып тағайындалды.Ағылшын және неміс тілдерін меңгерген.Үйленген, 4 баласы бар.

Мұрат Нұртілеу Премьер-Министрдің орынбасары – Сыртқы істер министрі болып тағайындалды

<a href="https://kyzylorda-news.kz/">Kyzylorda-news.kz.</a> Мемлекет басшысының Жарлығымен Руслан Фатихұлы Жақсылықов Қазақстан Республикасының Қорғаныс министрі лауазымына тағайындалды, деп хабарлайды <a href="https://t.me/aqorda_resmi/7704">Ақорда</a>.Руслан Фатихұлы 1966 жылы 4 наурызда Алматы облысының Қаскелең қаласында дүниеге келген. Ұлты – қазақ.I, II дәрежелі «Даңқ» орденімен, Түркия Республикасы Қарулы Күштерінің Орденімен және КСРО, ТМД, Қазақстан Республикасының 40 медалімен наградталған. Педагогика ғылымдарының кандидаты. Әскери атағы - генерал-лейтенант.1983 жылы Алматы облысы Қаскелен ауданының Киров атындағы орта мектебін бітіргеннен кейін И.С. Конев атындағы Алматы жоғары жалпы әскери командалық училищесіне командалық тактикалық басшылық мамандығы бойынша оқуға түсіп, оны 1987 жылы бітірді.1996 жылы М.В.Фрунзе атындағы Әскери академиясын командалық-штабтық жедел-тактикалық әскери барлау мамандығы бойынша тәмамдады.2004 жылы Ресей Федерациясы ҚК Бас штабы Әскери академиясында мемлекеттің әскери қауіпсіздігі мамандығы бойынша Жоғары академиялық курстарын аяқтады.2003 жылы Шымкент қаласының мәслихаты 3-ші шақырылымының депутаты болып сайланды.1987 және 2006 жылдар аралығында взвод командирінен бастап құрама командиріне дейінгі әртүрлі лауазымдарда қызмет атқарды.2006 және 2007 жылдар аралығында Қазақстан Республикасы ІІМ Ішкі әскерлері Қолбасшысының орынбасары.2007 және 2008 жылдар аралығында Қазақстан Республикасы ІІМ Ішкі әскерлері Қолбасшысының бірінші орынбасары – Қазақстан Республикасы ІІМ Ішкі әскерлер Бас штабының бастығы.2008 жылғы 4 қыркүйектен бастап Қазақстан Республикасы ІІМ Ішкі әскерлерінің Қолбасшысы.2013 жылғы 22 қантардан бастап Қазақстан Республикасы ІІМ Ішкі әскерлерінің Бас қолбасшысы.2014 жылғы 24 сәуірінен бастап Қазақстан Республикасы Ұлттық ұланынының Бас қолбасшысы.2021 жылғы 29 қыркүйектен бастап Қазақстан Республикасы Ішкі істер Министрінің орынбасары – Ұлттық ұланының Бас қолбасшысы.2022 жылдың қаңтар айынан бері ҚР Қорғаныс министрі.

Руслан Жақсылықов Қорғаныс министрі қызметіне қайта тағайындалды

<a href="https://kyzylorda-news.kz/">Kyzylorda-news.kz.</a>&nbsp; Қызылорда облысы бойынша Соттар әкімшісінің ұйымдастыруымен облыс соттары қызметкерлері арасында «Тәрбие – ұлттың қазығы» атты шығармашылық байқау өтті.Қазақ халқының ұлттық құндылықтарын насихаттау, ұлттық тәрбиені келешек ұрпақтың бойына сіңіру және сот қызметкерлерінің шығармашылық әлеуетін дамыту мақсатында өткізілген игі шараға қызмет пен өнерді қатар алып жүрген 14 қызметкер қатысты.Байқауға ардагер судья, облыстық билер кеңесінің төрағасы З.Нұрсейітов, Қызылорда облысы бойынша Соттар әкімшісінің басшысы С.Сүлеймен, Қорқыт ата атындағы Қызылорда университетінің оқытушысы, филология ғылымдарының кандидаты А.Айтбаева, «Сыр бойы» газетінің бөлім басшысы Д.Аяшұлы, ҚР Мемлекеттік қызмет істері агенттігінің облыс бойынша департаменті басшысының орынбасары М.Бибітова қазылық етті.Сайысты С.Сүлеймен ашып, бойына ұлттық құндылықтарды сіңіре білген жас қызметкерлердің мемлекетшіл, адал, әділ болатынын айтты. Мұндай қасиеттердің әсіресе, адам тағдырына билік айтатын сот қызметкерлері үшін маңызды екеніне тоқталды.&nbsp;<blockquote>«Сот саласындағы шығармашылыққа жаны жақын өнерпаз қызметкерлердің қабілетін арттыру мақсатындағы мұндай сайыстар жиі өткізіліп тұрады. Жас қызметкердің әдеті, әдебі, білімі, бейімділігі сынға түсетін байқаулардың қорытындысы олардың болашақтағы қызмет сатысында да есепке алынатын болады», – деді ол.</blockquote>Сайыстың бірінші кезеңінде қатысушылар тақырып бойынша эссе жазды. Алдын ала дайындалған шығармада қатысушылар ұлттық тәрбие хақындағы орамды ойларын бөлісті. Екінші кезеңде қатысушылар өнер көрсетті. Бірі салт-дәстүрлер бойынша көрініс қойса, енді бірі домбырамен күй шертті. Келесі бір талапты өзі жазған өлеңін оқып, бірі ледэкран арқылы ұлттық тәрбие маңызын насихаттаған бейнежазбасын көрсетті. Ал, үшінші кезеңде ұлттық құндылықтарымыз төңірегінде сұрақ қою арқылы қатысушылардың ой ұшқырлығы сыналды.Байқау қорытындысында Байқоңыр қалалық сотының бас маманы Н.Нұрбайқызы І орынға лайық деп танылды. Сырдария аудандық сотының жетекші маманы О.Дүйсенов жүлделі ІІ орынды олжаласа, облыстық соттың маманы Л.Әбдуәли ІІІ орынға ие болды.Мұнан бөлек қазылар шешімімен Қармақшы аудандық сотының жетекші маманы А.Жақыпбек «Үздік ұлттық киім үлгісі», Қызылорда қалалық сотының жетекші маманы М.Мұсабек «Үздік шығарма», облыстық соттың бас маман-сот отырысының хатшысы А.Молдаш «Үздік туынды», мамандандырылған ауданаралық экономикалық сотының маманы Б.Ердәулет «Белсенді қатысушы» номинациялары бойынша жүлдеге ие болды. Мемлекеттік қызмет істері агенттігінің облыс бойынша департаментінің арнайы «Белсенді қатысқан мемлекеттік қызметші» номинациясын Қызылорда қаласының әкімшілік құқық бұзушылықтар жөніндегі мамандандырылған сотының бас маман-сот отырысының хатшысы Д.Камзаевқа табысталды.Жарыс соңында қазылар алқасы ұйымдастырушыларға, қатысушы мамандарға ыстық ықыластарын білдіре отырып, сын-ескертпелері мен ақыл-кеңестерін айтты.&nbsp;&nbsp;

Сот қызметкерлері арасында шығармашылық байқау өтті

<a href="https://kyzylorda-news.kz/">Kyzylorda-news.kz.</a> Жаңақорған ауданының экономикалық потенциалы, әлеуметтік деңгейі өте жоғары. Соңғы жылдары Жаңақорған аймағы өзіндік даму жолын тауып, Сыр өңірінің аудандары арасында көптеген салалар бойынша көш бастап келді. Әсіресе, инвестиция тарту, мемлекеттік бағдарламаларды орындау, жастар саясатын жүргізу, кәсіпкерлік, құрылыс, ауыл шаруашылығы, спорт және т.б. салада айтарлықтай нәтиже бар. Яғни, тұрақты дамудың тиімді жолын көруге болады. Оны статистика да айғақтайды.Біріншіден, кәсіпкерлік саласын алайық. 2023 жылдың 1 қаңтарында тіркелген кәсіпкерлер 3952-ға жетіп, 2022 жылмен салыстырғанда 115,8 процентке артты. Бұл – Сыр өңірінде шағын және орта бизнес құрылымдарының сандық және сапалық даму деңгейі (белсенді кәсіпкерлер) жөнінде алдыңғы сапта екенін көрсетеді. Өзге аудандармен салыстырмалы түрде қарасақ, Жаңақорған ауданында бір жылда жаңадан ашылған кәсіпкерлік субъектісі 845-ке жетсе, екінші орындағы ауданда 788-ді құрайды. Мұнын бәрі әкімнің кәсіпкерлік саласының дамуына ерекше жағдай жасауының нәтижесінен. Яғни, апта сайын кәсіпкерлікпен айналысуға ниетті азаматтарды жеке қабылдап, ұсыныс-пікірін мұқият тыңдап, қолдаудың нақты шараларын көрсетуі оң әсерін берді. Мәселен, 2022 жылы аудандағы кәсіпкерлер 296 жобаға 2 млрд. теңге жеңілдетілген пайызбен қаржы алса, 19 жобаға 21 млн. 127 мың теңге қайтарымсыз қаржы және 2 үлкен жобаға 461 млн. теңге жеңілдетілген пайызбен несие алды. Осыдан-ақ Жаңақорған ауданының кәсіпкерлік саласындағы әлеуетін бағамдауға болатындай.Ең бастысы, кәсіпкерлік саласын дамытуда орта тапты қалыптастыруға басымдық беріл-гені қуантады. Жүгеріден «Кәусар» сусынын өндіруші Әбжаппаров Сейдмұхаммед, лего кірпіш өндірісін жолға қойған Жомарт Шәуенов сынды кәсіпкерлердің жаңа буыны шығуы соның дәлелі.Аудан әкімі Мұрат Жолкелдіұлы бірге шалғайдағы ауылдық округке барып, жастармен жүздестік. Онда Алматы қаласынан арнайы ІТ университетінің білікті мамандары шақырылып, тың идеялар талқыланды. Сарапталды. Содан кейін көзінде жалыны, бойында жігері бар жаңақорғандық жастар бағдарламаға белсенді қатысып, 160 жоба ұсынды. Нәтижесінде 69 жоба қаржылай қолдау тауып, жеңімпаз атанды. Қайтарымсыз 69 млн. теңге, оған қоса, жобаға қатысушы 247 жас 6 ай бойы 40-60 мың теңге көлемінде шәкіртақы алды. Бұл дегеніміз – аудан жастарына 149 млн. теңге инвестиция құйылды деген сөз.&nbsp;Қаржы саласында талай жылғы тәжірибемде аудан жастарына осыншалықты деңгейде инвестиция тартылғанын көрмеппін. Шыны керек, жастар корпусын дамытуға бағытталған жобаның келешегі кемел. Қызылорда облысы мемлекеттік-жекеменшік әріптестікті (МЖӘ) дамыту бойынша елдегі бес үздік аймақтың бірі десек, Жаңақорған бағдарламаға белсенді қатысқан аудандар қатарында. Мәселен, былтыр әріптестік аясында ауданда 2 ФАП, 2 медпункт салынып, 2 спорт кешені пайдалануға берілгеніне куә болдық. Биыл бағдарлама аясында 38 жобаны іске асыру жоспарланып отыр екен. Оның ішінде, энергетика саласы бойынша – 8, білім саласы бойынша – 7, спорт саласы бойынша – 12, денсаулық сақтау саласы бойынша – 4, мәдениет саласы бойынша – 5 және әлеуметтік қорғау саласы бойынша – 2 жоба. Бұл – нақты жүзеге асатын жобалар. Мұны аудан басшысы есептік кездесулерде айтқан болатын.Жалпы, Жаңақорған ауданы тұрғындары нарықтық қатынастардың заңдылықтары мен қыр-сырларын меңгеріп, біліктілігін арттыруда және қаржылық ұйымдардан қаржы тартуда белсенді екені белгілі. Нақты айтқанда, «Бастау Бизнес» және «Бизнес-кеңесші» жобасы аясында нарықтың заңдылықтарын зерделеуші тұрғындар саны артып келеді. Соның нәтижесінде, «Бизнестің жол қартасы 2020», «Өңірлік Инвестициялық Орталығы» микроқаржы» ЖШС, «Ауыл шаруашылығын қаржылай қолдау қоры» АҚ, «Байқоңыр» әлеуметтік-кәсіпкерлік корпорациясы», ұлттық компаниясы» АҚ, «Қамқоршы» және т.б. қаржы институттарынан қаржы тартуда белсенділігі артып келеді. Сонымен қатар, «Сыбаға», «Алтын асық», «Құлан» бағдарламаларының игілігін тиімді пайда¬ланудың арқасында облыста ғана емес, республика бойынша алдыңғы қатардан көрініп келеді.Ауданда атқарылып жатқан ауқымды бастамаларды ардагерлер кеңесі біліп, көріп жүр. Сондықтан өзіміздің «Ардагер мерейі» газетінде ауданның жетістіктерін арқау етіп, көпшілік жиналған жиындарда сөз етіп, елдің мерейлі мәліметтерін дәріптеп жүреміз.Бір сөзбен айтқанда, Жаңақорған ауданы әлеуметтік-экономикалық дамудың жаңа сатысына көтеріліп, еліміздің озық отыз елдің қатарына қосылуда лайықты үлес қосып келе жатқанын көрсетеді. Мұндай игілікті істе біздің азаматтардың біліктілігі де, белсенділігі де жетеді.

Қазақстан және Қызылорда облысының жаңалықтары