<a href="https://kyzylorda-news.kz/">Kyzylorda-news.kz.</a> Сүт және сүт өнімдері тағамдық құндылығы жоғары тағамдарға жатады. Олардың құрамында маңызды қоректік заттардың едәуір мөлшері бар, сіңімділігі жоғары өнім болып табылады. Диета ұстаушылар үшін жануарлар ақуызының негізгі көзі осы сүт өнімдері. Дегенмен дұрыс өндірмеген немесе сақталмаған жағдайда бұл өнімдерінің барлығы бірдей қауіпсіз бола бермейді.Қызылорда облысының санитариялық-эпидемиологиялық бақылау қызметінің мамандарымен өнімнің қауіпсіздігін мониторингілеу аясында 2022 жылы сауда орындарынан сүт және сүт өнімдерінің 192 сынамасы сатып алынып, зертханалық зерттеу жұмыстары жүргізілді. Сынамалар туралы толық мәліметті Қызылорда облысының санитариялық-эпидемиологиялық бақылау департаментінің басшысы Динара Олжабайқызы айтып берді.&nbsp;Мониторинг шеңберінде сараптама жүргізуге іріктеп алынған өнімдердің басым үлесі, яғни 63,5% – Еуразиялық Экономикалық Одаққа мүше елдерде өнірілген өнімдер, отандық өнім үлесі – 33,3 % және 3,1% өзге елдерде өндірілген. &nbsp; Алынған сынамалар «Сүт және сүт өнімдерінің қауіпсіздігі», «Тағамдық қоспалардың қауіпсіздігіне қойылатын талаптар», «Сүт және сүт өнімдері. Бұрмалауды анықтау және табу», «Сиыр сүтінің майы және майлы сықпасы. Жалпы техникалық шарттар», «Тағам өнімдерінің қауіпсіздігі туралы» техникалық регламентер бойынша зерттеп зерделенді.&nbsp;Жүргізілген зертханалық сараптамалар нәтижесімен сатып алынған барлық өнімнің 11 үлгісі, яғни 5,7 пайызы техникалық регламенттердің талаптарына сай келмей шықты. Атап айтқанда, тәтті кілегейлі май, ультрапастерленген сүт сынамаларынан физикалық-химиялық көрсеткіш бойынша-5, яғни сүт майы, май қышқылдарының массалық үлесі бойынша сәйкессіздіктер және таңбалануы бойынша – 6 сәйкессіздік анықталды. Талаптарға сай болмай шыққан өнімдердің 1 сынамасы отандық өндірушілердің өнімі болса, 10 сәйкессіздік Еуразиялық экономикалық одаққа мүше елдерде өндірілген &nbsp;өнімдер еншісінде.&nbsp;Сараптама нәтижелерімен қауіпсіздік көрсеткіштері бойынша сәйкессіздік анықталған импорттық өнімдер туралы ақпарат Комитетке тиісті елдердің өндірушілерін одан әрі хабарлауы үшін жолданды.&nbsp;Сапасыз сүт пен сүт өнімдерін тұтыну бірқатар аурулардың пайда болуына себеп болуы мүмкін. Ең алдымен-жедел ішек инфекциялары, өйткені сүт және сүт өнімдері тез бұзылатын өнімдерге жатады және патогендердің тез көбеюі үшін қолайлы орта болып табылады. Сонымен қатар ауру сиырлардың шикі сүті арқылы адамға туберкулез, бруцеллез сияқты ауыр инфекциялар берілуі мүмкін.&nbsp;Сүт және сүт өнімдері арқылы берілетін аурулардың алдын алу мақсатында:&nbsp;– өнімдерді тек рұқсат етілген орындардан сатып алу;&nbsp;– ветеринарлық-саниатриялық құжаттары жоқ, белгіленбеген орындардан кездейсоқ сататын жеке адамдардан алмау;&nbsp;– сүт және сүт өнімдерін өндірушінің ұсыныстарына сәйкес дұрыс сақтау;&nbsp;– шикі сүтті қолданар алдында міндетті түрде термиялық өңдеуден өткізу;&nbsp;– қаптамадағы сүт сатып алғанда, ең алдымен оның сыртқы түріне назар аудару. Қаптама ісінбеуі немесе зақымдалмауы керек.&nbsp;– жарамдылық мерзімі өтіп кеткен сүт және сүт өнімдерін пайдаланбау қажет.

Қызылордада сүт және сүт өнімдерінің 192 сынамасы алынды

<a href="https://kyzylorda-news.kz/">Kyzylorda-news.kz.</a> Бұл туралы облыстық мәслихат сессиясында аймақ басшысы Нұрлыбек Нәлібаев айтты.<blockquote>«Биылғы жылдың алғашқы тоқсанында өңірде әлеуметтік-экономикалық жағдай қалыпты. Негізгі макрокөрсеткіштер бойынша өсім қалыптасты. Атап айтқанда, өңдеу өнеркәсібі4,6 пайызға, ауыл шаруашылығының жалпы өнімі1,7 пайызға, инвестициялар тарту 52,2 пайызға, құрылыс жұмыстарының көлемі 38,7 пайызға, пайдалануға берілген тұрғын үйлер көлемі2,9 пайызға және сауда көлемі 2,1 пайызғаартты», – деді облыс әкімі.</blockquote>Сессияның күн тәртібіне 2023-2025 жылдарға арналған облыстық бюджетті кезекті нақтылау мәселесі ұсынылды.Облыстық бюджеттің өз кірістерін 4,5 млрд.теңгеге ұлғайту, сондай-ақ бірқатар бюджеттік бағдарлама әкімшілері үнемдеген және оңтайландырылған қаржыны 15,7 млрд. теңгеге қысқарту, 5,3 млрд. теңгежергілікті атқарушы органның мемлекеттік бағалы қағаздар шығарылымын ұлғайту жоспарлануда.Облыстық мәслихат төрағасы Наурызбай Байқадамов жергілікті бюджет нақтылау қорытындысымен 592 млрд.теңгеге жеткенін айтып, аймақ басшылығына алғыс білдірді.<blockquote>«Қазіргі таңда облыс бюджеті 592 млрд. теңгені құрап отыр. Бұл Мемлекет басшысы мен Үкімет көрсеткен қолдаудың, аймақ басшысының жүйелі жұмысының нәтижесі деп білеміз», – деді ол.</blockquote>Облыстық бюджетті 25,5 млрд. теңгеге нақтылау ұсынылды. Бұл қаржы өңірдің өзекті мәселелерін шешуге бағытталмақ. Атап айтқанда, білім беру, денсаулық сақтау, әлеуметтік қамсыздандырудың ағымдағы шығындарына және әлеуметтік нысандардың құрылысына жұмсалады. Жылу-энергетикалық жүйені жаңғырту, «Қызылорда жылу электр орталығы» мемлекеттік коммуналдық кәсіпорнының жылу энергетикалық қондырғыларын дамыту жобалары қаржыландырылады.Индустрия және инфрақұрылымдық даму министрлігі биыл облыста облигациялық қарыздар есебінен 12 әлеуметтік тұрғын үй құрылысын салу үшін мемлекеттік бағалы қағаздар шығаруға, Қызылорда қаласының сол жағалауындағы тұрғын үй құрылысына және инженерлік инфрақұрылым желілерін тартуға қосымша қаржы бағыттамақ.Мұнан бөлек, республикалық бюджетті нақтылау кезінде аймағымызға 39,9 млрд.теңге қаржы бөлінді. Нысаналы трансферттер мектепке дейінгі білім беру ұйымдары педагогтерінің жалақысын ұлғайтуға, «Ауылда денсаулық сақтау» ұлттық жобасы шеңберінде медициналық ұйымдарды материалдық-техникалық жарақтандыруға арналған. Сондай-ақ денсаулық сақтау нысандарының құрылысына, халықтың әлеуметтік жағынан осал топтарына коммуналдық тұрғын үй қорынан тұрғын үй сатып алуға, көлік инфрақұрылымын, «Ауыл – ел бесігі» жобасы шеңберінде ауылдық елді мекендерді, су және жылу желілерін дамытуға бағытталмақ.Айта кетейік, сессияның күн тәртібінде Қызылорда облысының ауыл шаруашылығы және жер қатынастары басқармасы басшысының есебі тыңдалып, Қызылорда облыстық мәслихатының 2022 жылғы 13 желтоқсандағы № 153 «2023-2025 жылдарға арналған облыстық бюджет туралы» шешіміне өзгерістер мен толықтырулар енгізу, Қызылорда облысы әкімдігі жанындағы кәсіпкерлік мәселелері жөніндегі сараптамалық кеңес құрамын бекіту және т.б. мәселелер қаралды.<figure class="image"><img src="https://knadmin.beoblood.kz/uploads/342899365_3041511892812006_4326209957738255260_n_bda4a93552.jpg" alt="342899365_3041511892812006_4326209957738255260_n.jpg"></figure>&nbsp;<figure class="image"><img src="https://knadmin.beoblood.kz/uploads/342978946_946436073049627_4552023415416321889_n_b2633c5ccc.jpg" alt="342978946_946436073049627_4552023415416321889_n.jpg"></figure>&nbsp;<figure class="image"><img src="https://knadmin.beoblood.kz/uploads/342984573_758140746018304_8736432334277183517_n_82097de7f5.jpg" alt="342984573_758140746018304_8736432334277183517_n.jpg"></figure>

Қызылорда: І тоқсан қорытындысымен инвестиция тарту көлемі 52,2 пайызға өсті

<a href="https://kyzylorda-news.kz/">Kyzylorda-news.kz.</a> Шынтуайтынында, қазақтың тіршілігі төрт түлік малмен өрістеген. Оның ішінде, атпен байланыстысы басым екені даусыз. Содан болар, халқымызда жылқы үстінде сыналар спорттық ойын түрлері де аз емес. Соның бірі – көкпар. Көкпар десе делебесі қозбайтын қазақ жоқ.Қазақ азаматтары атқа қонғанда абыройы артатыны белгілі. Түптамырдағы тектілік пен жүректегі мықтылықты еселеу үшін бейбіт күні бәйгеге түсіп, көкпар тартуды ұлттық ойын ретінде танытқан. Өзін шалқасынан құлатып кеткен асауға қуып жетіп, жалын тартып мінсе, ат астында қалып шынтақ, тобығы бірнеше жерден сынса да, салымды межесіне жеткізу қазақ жігіттерін асқан қайсарлыққа баулыған. Бүгінгі күні мұндай додаларды ұйымдастыру сиреп кетсе де, Қазалы топырағында көкпар десе, ішкен асын жерге қоятын жігіттер жеткілікті. Жексенбі күні осындай азаматтардың бастамасымен Қ. Пірімов ауылында жылқы дүбірі естілді.Құмжиектегі көкпар Қазалы ауданының 95 жылдығына орай ұйымдастырылды. Ұлттық спортқа, ауданға жанашыр азаматтар жүлде қорын тағайындап, ат жалын тартып мінетін жігіттер жарыстың жоғары деңгейде өтуіне атсалысты. Сайыс басталмас бұрын сөз алған аудан әкімінің орынбасары Дәурен Тілеуімбетов Қазалы жұртшылығын тарихи терең датаның маңыздылығына тоқталып, қазақы спортқа жанашыр жігіттерге алғысын білдірді.<blockquote>“Өткен жылы аудан орталығына жақын бірнеше ауылда бәйге беріліп, ауданның азаматтарының аты оза шапқанын білесіздер. Ұлттық идеологиямызға, таланатты спортшылардың танылуына, әрі-беріден кейін ұлттық құндылықтарымызды ұлықтауда мұндай шаралардың маңызы зор екенін білесіздер. Бұған биыл Қазалы ауданынаның құрылғанына 95 жыл толғанын қоссақ, көкпар көруге келген қаншама азаматтардың делебесі қозып, талай жеткіншектің қызығушылығы оянары сөзсіз. Сан ғасырлық тарихы бар Қазалы ауданы барлық тұрғыдан қарыштап дами берсін. Сіз бен біз осы абыройлы міндеттің толыққанды орындалуы үшін, туған жеріміздің көркін арттыру үшін аянбай күш сала береміз. Салым мол болсын!” – деді аудан әкімінің орынбасары.</blockquote>Бұдан соң көкпарға салынатын серке дайындалып, ауылдық ардагерлер кеңесінің төрағасы Төлепберген Тілеуқабыловтың батасын берді.<blockquote>“Өздеріңіз білесіздер, көкпар «көк серке» сөзінен шыққан. Бұл ойынды кез келген адамның меңгеруі қиын. Бұл үшін білекті, тақымы мықты болу шарт. Ал мұндай азаматтардың ауданымызда осыншалықты көп әрі ұлттық спортты сүйіп көретін жерлестеріміздің қарасының қалыңдығы мені ерекше қуантып отыр. Сонымен қатар игі істің, ұлттық мүденің жоғары дәрежеде өтуі үшін қалтасындағы қаржысын аямай отырған кәсіпкер бауырларымызға Алла разы болсын! Елдің ұйымшылдығы артып, ортаймаған қазаны, қасиетті Қазалымыз өркендей берсін”, – деді ақсақал.</blockquote>Айта кетейік, ойынға Әйтеке би кенті, Құмжиек, Жалаңтөс батыр, Бекарыстан би Ғ.Мұратбаев ауылдары және Қызылорда қаласынан шабандоздар келіп, 20 жылқы аспанға алып шаң көтерді. Аудан кәсіпкерлерінің демеушілігімен өткен жарыстың жүлде қоры 400 000 мың теңгені құрап, ат спортының ережесіне сәйкес жаппай салым болды. Яғни, әрбір салым 10000 мен 50000 теңгенің аралығын құрады.

Қазалылық көкпаршылар өзара бақ сынасты

Мектептегі бала тәрбиесі: Біз нені ұмыттық?

<a href="https://kyzylorda-news.kz/">Kyzylorda-news.kz.</a> Бірнеше апта бұрын редакциямызға тұрғындар тарапынан азық-түлік сапасына байланысты &nbsp;арыз-шағым келіп түсті. Дәлірек айтар болсақ, олар кейбір дүкен сөрелеріндегі мерзімі өткен азық-түліктердің сатылып жатқанын айтып, тұтынушылық құқығын қалай қорғауға болатынын анықтап беруді өтінді.Тұрғындардың талап-тілегіне біз де бей-жай қарай алмадық. «Мың рет естігенше, бір рет көр» демекші, маңызды мәселені көзбен көрмекке бекіндік. Сөйттік те, журналисттік жұмысымызға кірісіп, аудан айналасындағы бірнеше азық-түлік дүкендерін бір шолып, зерттеу жұмыстарына кірісіп кеттік. Бұл жолы тауардың бағасына емес, сапасы мен жарамдылық мерзіміне аса назар аудардық. Ең әуелі зерттеуімізді қара халықтың көп баратын көтерме (оптовый) дүкендерінен бастадық. «Арзан», «Арсен», «Нұр», «Аян» сынды ¬сауда орындарында әзірге ахуал тұрақты болып шықты. Көзбен көргеніміздей, аталған дүкендерден жарамдылық мерзімі өткен азық-түліктерді кездестірмедік. Демек, дүкен иелері азақ-түліктің сапасына да жарамдылық мерзіміне де жіті қадағалау жүргізетін болып тұр. Өйтпеске лаж жоқ. Себебі, дәл қазір азық-түлік дүкендері арасында бәсеке артып келеді. Сондықтан сапаның сын көтеруі шарт. Хош. Зерттеуді мұнымен аяқтағанымыз жарамайды. Ендігі кезек – базар маңындағы кішігірім дүкендер мен дүңгіршектерде.&nbsp;Айналадағы барлық сауда-саттық орындарына шолу жасап көрген едік, нәтижесі көңіл қуантпады. Біз барған бірнеше дүкендердің өзінде жарамдылық мерзімі өткен азық-түліктер тайға таңба басқандай менмұндалап тұрды. Әсіресе, күнделікті тұтынатын сүт, айран, йогурт, сары май сынды тауарлардың сапасы сын көтермейді. Олай деумізге таңғы асқа тұтынатын сары майдың көкшіл рең беріп тұрғаны себеп болды. Тіпті, әлгі өнімдің жарамдылық мерзімі 2022 жылы өтіп кеткендігін аңғардық. Дәл осылай оннан аса дүкенге журналисттік зерттеу жүргізіп көрген едік, көпшілігінде жағдай мәз емес болып шықты. Әсіресе, сатушылар консервідегі балық өнімдерін жарамдылық мерзімі өтсе де сата беретінге ұқсайды. Ол ол ма, тізімде қоқыс жәшігіне әлдеқашан кетуі керек тауарлар да табылды. Кешірім сұраймыз, әрине. Дегенмен, 2019 жылы жарамдылық мерзімі өтіп кеткен құрғақ сүт пен бөтелкедегі суларды көргенде тіпті жүрек айниды... Сондықтан көзімізбен көргенді дүкен иелеріне айтуды біз де өзімізге міндет деп санадық. Кейбір сатушылар ұялудың орнына өзімізге жекіп, қойған сауалымызға жауап беруден бас тартты. Ал кейбірі «Мұндай жағдай енді қайталанбайды» деп жауапкершіліктен оңай құтылудың амалын тапты. Саудагерлердің сөзінше, азық-түліктің сапасын ешкім де, тіпті ешқандай мекеме де тексермейтін көрінеді... Хош. Тексермеді делік. Бірақ олай болды екен деп сапасыз азық-түлік пен жарамдылық мерзімі өткен тауарларды сатуға бола ма? Біздің ойымызша, бұған әуелі кәсіпкердің өзі жауап беруі тиіс. Бұл нәпақасын саудадан айырып отырған саудагердің қателігі. Айналып келгенде бәрі заң мен арға келіп тіреледі.&nbsp;Қалам ұшына іліккен түйіткілді мәселеге жан-жақты жауап іздеуге тырыстық. Бұл мәселеге қатысты Шиелі аудандық санитариялық-эпидемиологиялық бақылау басқармасының мамандарымен байланысып көрген едік. Олар «бұл мәселеге біз жауап бермейміз, себебі дүкендер эпидемиологиялық мәні болмашы объектілер тізбесіне енгізілген. Сол үшін біз азық-түліктерге тексеру жүргізбейміз» деп қысқа қайырды.&nbsp;– Бізге қазіргі таңда азық-түліктің сапасын қадағалап, тексеру жұмыстарын жүргізуге мүмкіндік берілмеген. Тек өнімдердің қауіпсіздігін мониторинг шеңберінде бекітілген кестеге сәйкес ғана өнімдерді сатып алу жұмыстары жүргізіледі. Былтырғы жылы 236 сатып алу жұмыстары жүргізілді. Тұрғындарды азық-түлікті сатып алмас бұрын жарамдылық мерзіміне қарауға шақырамыз. Әрбір тұтынушының оған толықтай құқығы бар. Біз тек тамақтан, азық-түліктен уланған жағдайда ғана дүкендерге тексеру жұмыстарын жүргізе аламыз. Оның өзінде арнайы түбіртек болғаны маңызды. Біз дүкендерге кез келген уақытта кіріп бара алмаймыз, алдын ала ескертіп қана тексеру жұмыстарын жүргіземіз, – деді Шиелі аудандық санитариялық-эпидемиологиялық бақылау басқармасының мамандары.&nbsp;Иә, еліміз бойынша азық-түлік сапасы мен жарамдылық мерзімін қадағалауға Тұтынушылар құқығын қорғау комитеті тікелей жауапты. Алайда аталған комитет мамандары тұтынушылар тарапынан арыз шағым келіп түскен кезде ғана ¬жоспардан тыс тексеру жұмыстарын жүргізеді екен. Ереже солай. Біздің ойымызша, ең әуелі дам құқығы мен денсаулығы басты орында тұрғандықтан, дүкен сөрелеріндегі тағамның сапасы да жіті қадағалануы қажет.&nbsp;Денсаулық сақтау ұйымының мамандарының да айтары сол. Себебі, жарамдылық мерзімі өткен әрбір өнім адам денсаулығына аса қауіпті. Тіпті, тамақтан улану – адам өліміне әкеліп соқтыруы ғажап емес. Әсіресе қаптамадағы өнімдерді тұтыну – аса қауіпті. Мамандар жарамдылық мерзімі тіпті бір күн өткен тауарды тұтынбауға кеңес береді. Сапасы сын көтөрмейтін азық-түліктер керек десеңіз, асқазан жарасы мен түрлі ішек ауруларына душар етеді. Сол үшін әр адам тұтынатын өнімін өзі қадағалап, қаптаманың сыртын оқып, тауардың сапасына сақ болуы тиіс. Бастысы әркімнің өмірі өз қолында екенін ұғынсақ игі.

Мерзімі өткен тауар адам өміріне қауіпті

<a href="https://kyzylorda-news.kz/">Kyzylorda-news.kz.</a> Қызылорда облысының кәсіпкерлер палатасы «2021 – 2025 жылдарға арналған кәсіпкерлікті дамыту жөніндегі ұлттық жоба шеңберінде «Мен кәсіпкер» кәсіпкерлік әлеуетін дамыту» құралы бойынша Қазақстан Республикасының азаматтарынан өтінімдер және оқыту топтарына қабылдаудың басталғаны туралы хабарлайды.«Мен кәсіпкер» құралы бойынша оқыту екі бағытта жүзеге асырылады:- «Кәсіпке бағыт» ісін жаңа бастаған және жұмыс істеп жүрген кәсіпкерлердің кәсіпкерлік әлеуетін арттыру мақсатында құзыреттіліктерге оқыту мен салалық (бейіндік) оқытуды қамтиды;- «Әйелдер кәсіпкерлігін дамыту орталықтары» бағыты бойынша оқыту кәсіптік және бизнес-оқытуды, дәстүрлі қолөнер түрлеріне оқытуды, әлеуметтік кәсіпкерлікке оқытуды және кәсіпкер әйелдер мен кәсіпкерлік бастамасы бар әйелдер үшін қаржыландыру (краудинвестинг, Инвестициялар, гранттар, лизинг) тартуға үйретуді қамтиды.«Мен кәсіпкер» құралы бойынша оқыту тегін ұйымдастырылады. Оқуды аяқтағаннан кейін одан өткені туралы сертификат беріледі.Өтінімдер сенбі және жексенбіден басқа жұмыс күндері сағат 18.00-ге дейін қабылданады.Өтінім үлгісін, сондай-ақ қатысу шарттары бойынша консультацияларды Қызылорда облысы кәсіпкерлер палатасының менеджер-кеңесшілерден мына мекенжай бойынша алуға болады: Қызылорда қ., Қорқыт ата к-сі, 123.&nbsp;Жауапты: Алушаева Әсел Ғайдуллақызы – Палатаның кәсіпкерлікті қаржылық емес қолдау бөлімінің басшысы. Байланыс тел.: +7(7242) 400981 (ішкі 4319).

Қызылордалық кәсіпкерлер палатасы «Мен кәсіпкер» жобасына қатысуға шақырады

<a href="https://kyzylorda-news.kz/">Kyzylorda-news.kz.</a> Бүгінде туған жердің түрленіп, даму жолында тынбай еңбек еткен тұлғаларды көкке көтеріп, оларға «құрметті азамат» атағын беру үрдіске айналған. Жуырда дәстүрге айналған шара аясында аудан экономикасының өсіп-өркендеуіне елеулі еңбегі сіңген Нағашыбай Сахитжанов та осы атаққа лайық деп табылды.Осыған орай, Қазалы ауданының әкімі Мұхтар Оразбаев туған өлкенің әлеуметтік-экономикалық дамуына өз үлесін қосқан Нағашыбай Сахитжановты арнайы қабылдап, өткен жылы марапаттау комиссиясы және аудандық мәслихат сессиясының шешімімен берілген “Қазалы ауданының құрметті азаматы” атағын салтанатты түрде табыстады.Арнайы марапатты Қазалы ауданының әкімдігінде ұйымдастырылған ресми кездесуде аудан әкімі Мұхтар Әуесұлы құттықтау лебізбен ұсынды. Аудан басшысы Нағашыбай Сахитжановтың ауыл шаруашылығы саласындағы білігі мен бағындырған биігіне тоқталып, ел дамуы үшін атқарған еселі еңбегіне ризашылығын білдірді.<blockquote>“Төл перзенттеріміздің туған топырағы үшін жасаған қалтқысыз еңбегі келешекке өнеге. Сіздер секілді үлгі болар тұлғалы азаматтарымыз барда кейінгі толқын өз жолынан жаңылмайды деп анық айта аламын”, – деді Қазалы ауданының басшысы Мұхтар Оразбаев.</blockquote>Мұнан соң аудандық мәслихат төрағасы Ғазиз Әліш пен аудан әкімінің орынбасары Күнтілес Назымбеков те марапат иесіне жүрекжарды тілектерін жеткізді. Жиын барысында құрмет иесі Нағашыбай Сахитжанов жиналған қауымға алғысын айтып, алғаусыз алғысын білдірді.Жаңашылдыққа жаны құмар Нағашыбай Сахитжанов - 1947 жылы өмірге келген. Талапшыл азамат Алматы қаласындағы Қазақ ауылшаруашылығы институтын инженер-механик мамандығы бойынша 1964-1969 жылдары бітірген.Айта кетейік, абырой биігінен көрінген ардагер алғаш еңбек жолын сол оқу орнының жолдамасымен Қазалы ауданына қарасты Партияның ХХІІ съезі атындағы совхозда машина-трактор сақтау алаңының меңгерушісі болып бастаған. Кейін 1970 жылы сол совхоздың шеберхана меңгерушісі, 1975 жылы “Өркендеу” күріш совхозына инженер-механик, 1981 жылы аудандық партия комитетінің жолдамасымен Қазалы асыл тұқымды ақ қой совхозына директор, 1989 жылы Өркендеу ауылдық советі атқару комитетінің төрағасы атағын абыроймен адал алып жүрді.&nbsp;Сонымен қатар, 1991 жылы халық депутаттары Өркендеу ауылдық советінің төрағасы қызметтерін атқарған. Ал, 1994 жылы Өркендеу ауылының әкімі және 1997 жылы Өркендеу шаруа қожалығының басқарушысы болды. Сонымен бірге, 1998 жылы аудандық көші-қон демография бөлімінің меңгерушісі болып абыройлы қызмет атқарды. Бұдан соң, 1999 жылдан Өркендеу ауылдық округінің әкімі лауазымына тағайындалады.Осылайша, биік белестерді бағындырған азамат 2010 жылы аталмыш қызметтен зейнеткерлікке шыққан. Күн-түн деместен шаршамай-шалдықпай, еткен еңбегі үшін ҚР Конституциясының – 10 жылдығы төсбелгісімен, Ел Тәуелсіздігінің – 10 жылдығы және ҚР Тәуелсіздігінің – 20 жылдық мерекелік медальдарымен марапатталған.

Қазалы: Туған жерді түлеткен арда азамат

<a href="https://kyzylorda-news.kz/">Kyzylorda-news.kz.</a> Синоптиктер 25-27 сәуірде ауа райы қандай болатыны туралы болжам жасады.Қазгидромет мәліметінше, алдағы тәуліктерде атмосфералық фронттар өтуіне байланысты республиканың батысында, оңтүстігінде, солтүстік облыстарында жаңбыр жауады. Оңтүстік-шығыста, шығыста түнде жауын-шашын болады. Елдің қалған бөлігі батыс антициклонының ықпалында, жауын-шашын болмайды.<blockquote>"Республика бойынша тұман күтіледі. Батыста және оңтүстік облыстарда жел күшейіп, күн күркіреп шаңды дауыл тұрады. Шығыста түнде көктайғақ, күндіз оңтүстік-шығыста бұршақ жаууы мүмкін. Күндіз ауа температурасы батыс өңірлерде 23-30-ға дейін, солтүстік-батыста, солтүстікте және елдің орталығында 20-27-ге дейін, шығыста 15-23-ке дейін, оңтүстікте 25-33-ке дейін, оңтүстік-шығыста 17-25-ке дейін жылынады", - делінген хабарламада.</blockquote>&nbsp;

Алдағы күндері ауа райы қандай болады?  

<a href="https://kyzylorda-news.kz/">Kyzylorda-news.kz.</a> Жуырда Қазалы аудандық орталықтандырылған кітапханалар жүйесінің ұйымдастыруымен 23 сәуір – Халықаралық кітап және авторлық құқық күніне орай «Кіtaр Fest – 2023» кітап фестивалінің ашылу салтанаты өтті.Фестивальде аудан әкімінің орынбасары Дәурен Оңғарбайұлы алғы сөз сөйлеп, мұндай шараның өскелең ұрпаққа берері мол екендігін тілге тиек етті.«Дәстүрлі түрде ұйымдастырылатын фестиваль кітап сүйер қауымға емес, барлық қазалылықтар үшін сүйікті алаңға айналды десек жарасады. Жыл сайын ауқымды деңгейде өткізілетін тағылымды шара өткеніміздің тұңғиық тереңінен сыр шертіп қоймай, тарихымыз бен әдебиетімізді насихаттауға, жас буынның рухани орта қалыптастыруына жол ашуда. Сондықтан, мұндай алаңда жиі бой көрсетіп, белсене қатысқан дұрысырақ», – деді аудан әкімінің орынбасары.Фестиваль аясында Е.Бозғұлов атындағы №249, №266 мектеп-лицейі және Ж.Жабаев атындағы №234 орта мектебі мен М.Матаев атындағы №170 орта мектептің оқушылары қазақ қаламгерлерінің шығармаларынан жырдан шашу шашты. Мұнан соң қалың оқырман қауымға «Ғажайып – кітап әлемі» деген атаумен кең көлемді кітап көрмесі таныстырылды. Шара барысында келушілер «Умник» кітап дүкені ұйымдастырған жәрмеңкеден қалаған әдебиетті 20 проценттік жеңілдікпен сатып алу мүмкіндігіне ие болды.Аудандық балалар орталық кітапханасының ұйымдастырған «Ертегілер еліне саяхат» пен «Қуыршақтар» театрының қойылымы да келушілерге көтеріңкі көңіл-күй сыйлады. Бұдан соң «Сoworking» орталығында «Отбасы хрестоматиясы» сериясымен шыққан сары кітаптар шеруі өткізілді.Одан кейін кітапхананың оқу залында «Спорт – бақытқа бастар жол» атты спорттық сайыс ұйымдастырылып, шахмат, дойбы, тоғызқұмалақтан жарыс өтті. Жеңімпаздар мен жүлдегерлерге Алғыс хаттар мен бағалы сыйлықтар тарту етілді. Таңертеңнен бастау алған мерекелік шара кешқұрым «Жыршыл жүрек, арман кеуде» атты поэзия кешімен жалғасын тапты. Жиында Есет Табынбаев, Сағыныш Мұхитқызы, Елнұр Нұрқасым сынды ақындар, жыршы Жанболат Өмірзақ, домбырашы Тұрар Садуақас және поэзия әлеміне енді қадам басып келе жатқан жас қаламгерлер төбе көрсетті.«Кітапхана түні» аясында ұйымдастырылған кешке Қазалы ауданы әкімінің орынбасары Дәурен Оңғарбайұлы арнайы қатысып, кеш қонақтарына жылы лебізін білдірді. Сондай-ақ, кітапхана ұжымының алдағы жұмыстарына сәттілік тілеп, осындай кештер әлі де жалғасын тапса екен деген ниетін білдірді.Әсерге толы әдеби кештің соңында Қазалы аудандық орталық кітапхананың директоры Индира Әбілқасымқызы шараға атсалысқан барша қауымға және келген қонақтарға алғысын айтып, еңбектеріне толағай табыс тіледі.

Қазалыда халықаралық кітап және авторлық құқық күні аталып өтті

<a href="https://kyzylorda-news.kz/">Kyzylorda-news.kz.</a> «Евразия» спорт кешенінде Гандболдан әйелдер арасындағы Қазақстан Республикасының VI жазғы спартакиадасы аяқталып, жеңімпаздар мен жүлдегерлер марапатталды.Марапаттау рәсіміне Республикалық гандбол федерациясының вице президенті, облыстық маслихат депутаты, дзюдодан ҚР еңбек сіңірген жаттықтырушысы, ҚР еңбек сіңірген спорт қайраткері Садық Мұстафа, облыстық гандбол федерациясының президенті Наурызбай Байқадамов және облыстық мәдениет және спорт басқармасының Жоғары спорт шеберлігі мектебінің директоры Бағдат Каленов қатысты.Айта кетейік, жарыс 17 сәуір күні басталып, оған 5 команда қатысқан болатын. Кіл мықтылар жиналған спартакиада 5 күнге созылып, спортшы қыздар тартысты ойын көрсетті.Жарыс нәтижесімен Қызылорда облысының Қайсар КГУ командасы 1-орын иеленді. Астана қаласы 2-орын, Алматы облысы жүлделі 3-орындарды өзара бөлісті.Аталған спартакиада 4 жылда бір рет өткізіледі. Өңіріміздің мақтаныштары гандболдан «Қайсар КГУ» командасы намысты қолдан бермей, биыл да Спартакиада чемпионы атанды. Сондай-ақ, команда ҚР 12 дүркін чемпиондары.&nbsp;

Сыр елінің гандболшы қыздары чемпион атанды

<a href="https://kyzylorda-news.kz/">Kyzylorda-news.kz.</a>&nbsp; 23 сәуірде өткен Жалағаш ауданының Аққұм және Мырзабай ахун ауылдық округтері әкімдерінің сайлауы заң талаптарына сай ұйымдастырылып, қорытындыланды.Дауыс беруге қатысқан сайлаушылар саны - 1331 адам, оның ішінде Аққұм сайлау округінде 815 адам, Мырзабай ахун сайлау округінде 516 адам.Дауыс беру қорытындысы бойынша:&nbsp;Аққұм сайлау округінде дауыс беруге қатысқан 813 адамның кандидат Асанбеков Алтынбек Өмірбекұлына – 639, кандидат Костанбаев Нурлан Мирамбековичке – 98, Шынжыров Бауыржан Серікұлына - 76 дауыс берілді. Барлығына қарсы белгісімен дауыс бергендер жоқ.Дауыс беру қорытындысымен Аққұм ауылдық округінің әкімі болып Асанбеков Алтынбек Өмірбекұлы сайланды.1990 жылы туған, «Аққұм ауылдық округі әкімінің аппараты» КММ әкімі, ұлты қазақ, «Amanat» партиясының мүшесі, Жалағаш ауданының Аққұм ауылында тұрады.Мырзабай ахун сайлау округінде дауыс беруге қатысқан 515 адамның кандидат Әбсаттаров Жомарт Серікбайұлына - 56, кандидат Мәлік Нұржан Дәулетбекұлына – 64, Тауыпбаев Ғалым Камидиновичке – 395 дауыс берілді. Барлығына қарсы белгісімен дауыс бергендер жоқ.Дауыс беру қорытындысымен Мырзабай ахун ауылдық округінің әкімі болып Тауыпбаев Ғалым Камидинович сайланды.1976 жылы туған, «Тауыпбаев Г» шаруа қожалығының төрағасы, ұлты қазақ, Жалағаш ауданының Мырзабай ахун ауылында тұрады.

Жалағаш ауданында ауыл әкімдерінің сайлауы өтті

<a href="https://kyzylorda-news.kz/">Kyzylorda-news.kz.</a> Қазір бірен-саран ғана кездесетін аты жаман ауруларды айтпағанда, медицинаның көптеген ауруға төтеп беруге қауқары жетеді, мүмкіндік те бар. Бірақ заман дамып, жаңа медициналық құрылғылар пайда болған сайын осы сала қызметкерлеріне артылатын жүк ауырлай түсті. Өйткені денсаулық сақтау саласына келген әрбір маман тек күнкөріс қамы деп емес, адам өмірінің арашашысы екенін жете түсініп келуі керек. Ал сол ақ халаттылардың кәсіби біліктілігі дертіне дауа іздеген мыңдаған адамның салауатты өмір салтына қайта оралуына себеп болмақ.Жалағаш аудандық ауруханадағы ең күрделі бөлім – терапия бөлімі. Терапия бөлімінің бөлім меңгерушісі Әзизбек Жәмкеевтің айтуынша, &nbsp;терапия бөлімінде 2 пост бар, 3 дәрігер, 1 аға медбике, жалпы медбикелер саны 17, кіші аяжандар 14. Бөлімше 28 төсек орыннан тұрады. Оның ішінде 8 кардиологиялық, 10 &nbsp;неврологиялық, 7 терапиялық, 3 ревматологиялық төсек орын. Ал терапияның күндізгі стационарында 15 төсек орын бар. Ақылы палата 1 орын. Барлық бөлмелер кең, таза, жылы сумен қамтамасыз етілген. &nbsp;Әрбір палата 2-4 орындық. Сондай-ақ аурухана мен емхана аралығына жабық жолмен өтуге болады. Емханадан қажетті дәрігерлер ауруханаға баратын болса, айналып жүрмей-ақ жаңағы аспалы қатынас жолмен барып келе береді.&nbsp;Дені сау адам қоғамның басты байлығы деп, бұрынғы ғалымдар айтып кеткен. &nbsp;Осы жолда қазірдің өзінде дәрігерлер белсенді кірісіп жұмыс жасауда. &nbsp;Соның бірін мысалға алсақ, терапия бөлімі осы кездері халық денсаулығын сақтау және қорғау барысында айтарлықтай жақсы жұмыстар атқарып жатқаны белгілі. 2021 жылы терапия бөліміне &nbsp;1002 науқас түскен. &nbsp;Емделіп жазылып шыққан науқастар саны 969 адам болған. Ал былтырғы жылдың 5 айының өзінде осы бөлімге түскен науқас саны 611 болса, емделіп шыққаны 603 науқас болыпты. Міне көріп отырсыздар дәрігерлер мен медбикелер, медағалар, шаруашылық аяжаны, аспазшы &nbsp;және кіші аяжандарға қаншама ауырлық болған. Әсіресе кіші аяжандардың еңбектері ерекше деп айтар едік. Егде кісілердің жүріп тұру қиын болатындығы белгілі. &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp;&nbsp;<blockquote>Әсіресе қайта қалпына келтіруге жатқан нақастарға көмек өте қажет етеді. Жуындыру, әжетханаға апару, арбамен тасымалдау сияқты сан-қилы жұмыстар атқарылады. Осындай күндіз-түні еңбек еткен денсаулық сақшыларының бір жақты ғана көрінісі. Келген науқастар әртүрлі жастағы адамдар, оның ішінде егде жастағы науқастар үшін күтімі ем-домы күрделірек болады. &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp;&nbsp; «Медицина саласындағы басты мақсат – Қазақстан халқының денсаулығын сақтау, өскелең ұрпақтың саулығын қамтамасыз ету ісіне озық технологиялар енгізу, ауылдағы медициналық қызметтердің сапасын арттыру болып табылады. &nbsp;Осы бағытта халқымыздың дені сау ұлт болып өсіп-жетілуі жолындағы ақ халатты абзал жандардың еңбегі зор дер едім. Әсіресе кешегідей індет жайлағанда, ел басына күн туғанда, сын сағатта жауапкершіліктен қашпай, еш мойымай бар күш-жігерін елдің амандығы жолында жұмсаған да дәрігерлер қауымы болды. Сол сәттердегі осы терапия бөлімінің, осындағы ақ халаттылардың қалай қауырт жұмыс жасағанын мен білемін. Өзім де дәрігер деген ардақ атты арқалап жүргендіктен, жауапкершіліктің бәрінен маңызды, ал адам өмірі ең қымбат екенін жақсы түсінемін. Кәсіби біліктілікті үнемі арттырып отыру, мамандықтың қыр-сырын меңгерумен қатар жауапкершілікті үнемі сезіне білу және ең бастысы уақытпен санаспай жұмыс жасай білу маңызды. Жалпы, біздің терапия бөлімі күрделі. Мұнда көптеген диагноздағы науқастар емделеді. Мәселен, жүректің ишемиялық ауруы, артераильды гипертензия, өкпенің созылмалы обструктивті аурулары, бронх демікпесі, қант диабеті, анемияның ауыр дәрежелі түрлері, ревматологиялық аурулар, цереброваскулярлы ауру мен дисциркуляторлы энцефалопатия, ми қан айналымының жедел бұзылысының салдары, эплепсия, бел омыртқаларының остеохондрозы, протрузиясы, грыжасы және созылмалы пиелонефрит, созылмалы холецистит пен созылмалы панкреатит сияқты көптеген ауру түрлері бойынша ем-дом жасаймыз. Дегенмен бөлім күрделі болғанымен, мамандар жеткілікті деп айта аламын. Білікті дәрігерлер де, жұмысына жауапты медбикелер де бар. Осында келіп түскен әрбір науқастың аман-есен үйіне оралуына және ауруханадан шығарда тек алғыс айтып кетуіне күш саламыз, – деген терапия бөлімінің меңгерушісі Әзизбек Жәмкеев ақ халатты абзал жандар деген атқа лайықты болу әр медицина қызметкерінің міндеті екенін айтады.&nbsp;</blockquote>Осындай күрделі бөлімге меңгерушілік етіп отырған Әзизбек Смағұлұлы еңбек жолын 2009 жылы аймақтық дәрігер, бөлім меңгерушісі болудан бастапты. Одан кейін Алматыда білімін жетілдіріп, невропотолог мамандығын алып шыққан. 2016 жылдан бастап невропотолог дәрігер болса, қазіргі таңда аудандық аурухананың терапия бөлімінің меңгерушісі. Бөлімдегі 26 науқас толық әрі өз дәрежесінде ем қабылдап жатыр екен. Айта кетейік, былтыр осы терапия бөлімінен ақылы 1 орындық палата ашылған. Мұнда ерікті түрде ақылы қызмет аламын, толық ақылы тексеруден өткім келеді деген кез келген адам медициналық көмекке қол жеткізе алады. &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp;Міне 3 қабатты аурухана ғимараты осы заманға сай салынып, жабдықталған. Жоғары білімді дәрігерлер де жыл өткен сайын көптеп келуде. Түптеп келгенде біздің ең қымбат байлығымыз – өміріміз осы сала қызметкерлерінің кәсібиліктеріне байланысты. Сондықтан да бұл сала иелеріне үлкен жауапкершілік жүктеледі. Басы ауырып, балтыры сыздаған жанның жанына дауа, дертіне шипа бола алатын да осы сала қызметкерлері. Ал денсаулық сақтау саласында талай жыл тапжылмай тер төгіп, еңбегімен елдің ыстық ықыласына бөленіп жүрген білікті жандардың &nbsp;жүріп өткен жолы көпке үлгі деуге болады. Себебі тіршілікке нәр беріп, қалтқысыз қызметін ұсынып, мейірімділік пен жылылықты жанына серік еткен, игілікті мамандық иесі атанған олар қашанда сый-құрметке лайық.&nbsp;Жалпы халық үшін ең маңызды сала – денсаулық сақтау саласында біраз жетістік, ауқымды шаралар жасалды. Соңғы жылдарда апатты жағдайдағы ғимараттардың орнына жаңадан денсаулық сақтау нысандары салынды. Сонымен бірге облыста алғашқы медициналық-санитарлық көмек нысандарының бірқатары жаңғыртылған. Облыс экономикасын қарқынды дамытуда біздің аудан да шет қалып отырған жоқ. Ауданға қарасты елді мекендердегі медициналық көмек беретін орындар жаңғыртылды, күрделі жөндеуден өтті, пайдалануға берілді. Соның нәтижесінде ауылдық жерлер тұрғындарына да талапқа сай медициналық көмек көрсетуге мүмкіндік туды.&nbsp;Аудандағы орталық аурухана ғимараты заманға сай жабдықталып, жасақталып, жаңа үлгімен бой көтерді. Аудан халқының көптен бергі көкейінде жүрген мәселе шешімін тапты. Кең әрі жаңа ауруханада енді жалағаштықтар сапалы медициналық көмек алуда. Дәрігерлер де жыл сайын біліктіліктерін арттырып, адам өміріне деген жауапкершіліктерін сезіне біледі. Кешегі індет жайлаған кезеңде де ауданның ақ халаттылары табандылық танытып, күн-түн демей, уақытпен санаспай жұмыс жасады. Барлық ауырған, індет жұқтырған науқастардың аман-есен отбасына қайта оралуына күш салды. Қашанда адам өмірі бәрінен қымбат дейтін абзал жандармен жолыққанда да мамандықтарына деген адалдықтары мен кәсібиліктеріне тағы бір көз жеткіземіз.

Қазақстан және Қызылорда облысының жаңалықтары