<a href="https://kyzylorda-news.kz/">Kyzylorda-news.kz.</a> Жазасын өтеп жатқан азаматтарға техникалық және кәсіптік білім беру түзеу бағыттарының бірі ғана емес, сонымен қатар еңбекті тиімді ұйымдастыруға да ықпал етеді. Бір сөзбен айтқанда, сотталғандар мекеменің өндірістік аймағында жұмыс істей алатын мамандық алады, сонымен бірге ол босап шыққан соң еңбек нарығында сұранысқа ие кәсіппен қамтамасыз етіледі.Кәсіптік білім беру мекемелердің аумағында жұмыс істейтін кәсіптік колледждерде жүзеге асырылады. Мәселен, Қызыдорда облысы бойынша қылмыстық-атқару жүйесі департаментінің №60 мекемесінде де колледж филиалдары орналасқан. Аталған оқу орындарына 140 – тан астам жазасын өтеуші қабылданды. Олар келесі мамандықтар бойынша білім алуда: шебер – құрылысшы, электргазбен дәнекерлеуші, тұрғын үй-коммуналдық шаруашылықтың инженерлік объектілеріне қызмет көрсету шебері (тұрмыстағы сантехник), ағаш ұстасы, тігінші.<blockquote>«Көріп отырғанымыздай, жоғарыда аталған мамандықтар еңбек нарығында үлкен сұранысқа ие. Мекеме әкімшілігі, колледждердің оқытушылары мен өндірістік оқыту шеберлері мамандығы жоқ жаза мерзімін өтеушілерді кәсіптік біліммен қамтамасыз ету бойынша бірлескен жұмыс жүргізеді. Оқуын аяқтап, емтихандарын тапсырған жазасын өтеушілерге мемлекеттік үлгідегі құжаттар тапсырылады. Білімі туралы құжаттар жазасын өтеушілердің жеке істерінде сақталады және оларға мекемеден босатылған кезде қолдарына беріледі», – деді өз сөзінде сотталғандардың еңбегін ұйымдастыру бөлімшесінің бастығы Бағлан Қалиев.</blockquote>

Қызылорда қаласындағы түрмеде 140-тан астам жазасын өтеуші кәсіптік білім алуда

<a href="https://kyzylorda-news.kz/">Kyzylorda-news.kz.</a> Биік дуалмен қоршалған бұл мекеменің сырт көрінісі мүлгігендей көрінгенімен, ішінде қайнаған қызу тірлік. Қылмыс жасап айыпталып, күдікке ілінгендерді қамауда ұстайтын Қылмыстық атқару жүйесі департаментіне қарасты №68 мемлекеттік мекемесі (тергеу изоляторы) қаншама адамның тағдырын ішке бүгіп жатыр. Мұнда уақытша тергеудегілерден бөлек бес жылға дейінгі бірінші рет сотталғандар да қамауда отырады.&nbsp;Мұндағы бір күндік жұмыс барысымен танысу мақсатында мекемеге барғанды жөн көрдік. Биік ғимарат ішіндегі белгісіздік қызықтырып келеді. Ал оны білу үшін кіре берістегі фронт-офистен өтіп, рұқсат алуың қажет. Мекеме қызметкерлерінен бастап, мұнда келуші әрбір адам осы аймақтан толықтай тексерістен өтеді. Бас-аяғына дейін мұқият тексерген соң ғана ішке кіруге рұқсат беріледі. Тәртіп солай. Таңғы сағат 8-ден кешкі 7-ге дейін келіп-кетушілерді тексеріп, тінтіп өткізетін «Режим және күзет» бөлімі қызметкерлерінің жұмысына қарап мекемедегі қауырт тірлікті бағамдай беруге болады.&nbsp; Басшылықтың рұқсатымен «Режим және күзет» бөлімінің тінтіп тексеруінен соң мекеме бастығы Қайырбек Ілиясовпен жолықтық. Жолықтық деген жай сөз-ау, ол кісімен жүздесу үшін күтуге тура келді. Себебі мекеме жұмысы кезек күттірмейді.&nbsp;<blockquote>«Бұл мекемеде негізінен уақытша тергеудегілер мен сотталғандар қамауда болады. Күнделікті жұмыс барысы мекеменің жеке құрамына, басшылық құрамға күн тәртібіне сәйкес қылмыскерлермен жұмыс барысында сақтық шарасын сақтауы, қауіпсіздікті қадағалауы бойынша нұсқаулық беріледі. Әрқайсысы өзіне жүктелген міндеті бойынша тиісті тапсырмасын алады», – дейді жұмыс барысын таныстырған мекеме басшысы.&nbsp;</blockquote>Өмірде шалыс басып, қателікке ұрынуың әп-сәтте. Мұндайда қолыңмен жасағанды мойынмен көтеріп, жазаңды өтеуге тура келеді. Қылмыс жасады деп күдікке іліккені де, қайта қылмыс жасағаны да, мұндай жағдайға абайсызда тап болғаны да, тіпті жасөспірім, жүкті әйелдер де құқық бұзса алдымен осында қамалады. Олардың ісі тергеліп, қылмысы анықталып, сот шешімі шыққанша мұндағы қызметкерлердің бақылауында болады. Оларды «Жедел», «Режим және күзет» бөлімдері мен психолог қадағалайды.<blockquote>«Біздің басты міндетіміз – мұнда түскендерге психологиялық, медициналық көмек беру, заңды өкілдерімен (тергеуші, қорғаушы) кездесу ұйымдастыру. Оқыс жағдайдың орын алмауын қадағалау, &nbsp;болдырмау. Сондай-ақ қажетті төсек-орын жабдығы, гигиеналық заттармен қамтамасыз ету, ас-ауқатын беру, отбасы, туыстарының сәлем-сауқатын жеткізу. Сот үкімі шыққанға дейінгі осындай қызмет көрсетіледі. Сот үкімінен кейін бақылаушылар қылмыскерлерді тиісті мекемелерге жеткізеді», – дейді Қайырбек Есентайұлы.&nbsp;</blockquote>Талайдың тағдыры шешілетін бұл мекемені екі жылдан бері Қайырбек Ілиясов басқарып келеді. Сөзден гөрі іске жақын басшы бұл салада 2003 жылдан бері еңбек етіп келеді. Алғашқы еңбек жолын бақылаушы қызметінен бастаған ол түрлі сатыдан өтіп бүгінде жүгі ауыр міндетті жауапкершілікпен атқаруда. Халық қаһарманы Бауыржан Момышұлын үлгі тұтатын Қайырбек Есентайұлы батырдың әрбір өсиетін өнеге тұтады. Елге қызмет жолында адал болғанды жөн санайды. Бұл мекеме қызметкерлерінің де ауызбіршілігі жоғары. Үнемі ұйымшылдықпен қайырымдылық шарасын өткізіп, жұмыстан тыс уақытта өздерінің шығармашылықтарын шыңдап, өлке тарихымен танысып, тәлім-тәрбиелік бағыттағы шараларға белсене араласады. Қамаудағылармен жұмыс істеу оңай емес, сондықтан оларға бір сәт ой бөліп, демалғанын жөн санайды. Мекеменің материалдық-техникалық базасында мәселе жоқ. Бейнекамералар орнатылған. Ал сыбайлас жемқорлық жағдайын болдырмас үшін қызметкерлердің кеудесіне бейнетіркегіш жапсырылған. Бұл құрылғы өз кезегінде аудио және бейнежазба жүргізіп, сотталғандар мен тергеу қамауындағылардың тарапынан болатын құқық бұзушылықты анықтауға, дәлелдеуге және жеке құрам арасындағы сыбайлас жемқорлықты болдырмауға септігін тигізеді екен. &nbsp;Жоғарыда №68 мемлекеттік мекемесінде бірінші рет 5 жылға дейін бас бостандығынан айырылғандар қамауда болатынын айтқанбыз. Олар мұндағы шаруашылық бөліміне жіберіледі. Бұл санаттағылар қылмыстың жеңіл түрін жасаған, алдағы уақытта қылмыс жасамауға ниеттілер. Сотталғандарға арналған 20 орындық бөлімде қазір 17 азамат бар. Олар күнделікті мекеме аумағында тазалық жұмыстарын жүргізу, әктеу, сырлау, дәнекерлеу, көгалдандыру сынды еңбек түрімен айналысады. Тіпті асханада бас аспазға ас пісіруге көмектеседі. &nbsp;Ал мекеме асханасы күніне 200 адамды тамақпен қамтамасыз етеді. Бұл еңбектері үшін оларға жалақы төленеді. Шамамен 80 мыңнан асатын айлық жалақының белгілі бір бөлігі сотталғандардың отбасына беріледі екен. Сондай-ақ бос уақыттарында ән айтып, кітап оқып, гүл өсірумен де айналысады. Тазалық сақтауда өздері жатын орындарын жинастырып, киімдерін үтіктеп, аптасына бір рет моншаға да түседі.&nbsp;Мұнда сотталғандармен ұдайы тәрбие жұмысы жүргізіледі. Психологтар арнайы тренинг өткізіп, олардың ойын, көзқарасын танып, ішкі күйін анықтайды.<blockquote>«Жасыратыны жоқ, мұнда алғаш келгенде кез келген айыпталушы да, күдікті де, сотталушы да психологиялық күйзеліске түседі. Үкім алдындағы үрей, сотталған соң ол жақтағы ахуал қандай болады деген өзі үшін, өмірі үшін қорқыныш пайда болады. Осындай кезде оларға түрлі профилактикалық және &nbsp;психокоррекциялық жаттығулар жүргіземіз. Түрлі әдіс-тәсілмен ішкі эмоцияларын шығарып, жеңілдеулеріне түрлі көмек көрсетеміз. Жыл басынан бері осы бағытта 13 іс-шара өткіздім», – дейді әділет капитаны, психолог Айзат Мырзалы.&nbsp;</blockquote>Сотталушылардың бұдан бөлек бір уақыт кітапханаға барып кітап оқуына да мүмкіндік қарастырылған. Олардың арасында поэзияға жақын, өлең жазатын азаматтар да бар. Бұл да сотталушылардың қоғамға қайта бейімделуі, көзқарасын өзгертуі, танымын кеңейту үшін жасалады.&nbsp;Тәрбие жұмыстары жат ағымның жетегінде кеткен жандарға жүргізіледі. Ол үшін мұндағы теолог мамандар діни экстремизм мен радикализм ұстанымындағы жазасын өтеушілердің мінез-құлқын, ойын өзгерту үшін жұмыс істейді.Қамауға түскендердің денсаулығы ұдайы бақылауда болады. Бұған мекемедегі медицина қызметкерлері жауапты. Алдымен оларды флюграфиялық, АИТВ тексеруден өткізіп, дене жарақаттарының бар-жоғын анықтайды. Сотталғандар мен айыпталушылар арасында қандай да бір ауру барын анықтау және уақытылы диагноз қою мақсатында терапевт, стомотолог, хирург, уролог және &nbsp;дерматолог сынды маман шақырып, тиісті ем шараларын жүргізеді. Денсаулығында кінәраты бар қамаудағылар облыстық көпбейінді медициналық орталығы мен қалалық ауруханадан ем қабылдай алады. Ол үшін арнайы 14 орындық екі бөлме белгіленген.Мұнда келіп түскендерге керекті жабдықтар мен мекеме қызметкерлерінің де қажеттіліктерін қамтамасыз етуде «Тылмен қамтамасыз ету» бөлімі жұмыс істейді.<blockquote>«Азық-түліктен бастап, төсек жабдығы, киім-кешек, гигиеналық заттар, қызметкерлерге қажет канцелярлық тауарлармен қаматамасыз етеміз. Мұның барлығын мемлекеттік сатып алу тәртібімен жүргіземіз. Мәселен, азық-түлік өнімдерінің 62 түрін алдырамыз. Қамаудағылардың денсаулық жағдайына байланысты арнайы ас мәзірі белгіленген. Сондай-ақ бала емізетін, аяғы ауыр әйелдер де бар. Оларға да талапқа сай арнайы ас әзірленеді. Осының бәрінің жеткілікті деңгейде болуы осы бөлімнің міндеті», – дейді мекеме бастығының жалпы сұрақтар жөніндегі орынбасары, әділет майоры Руслан Тілеумұратов.</blockquote>Қызметкерлерден қырағылықты талап ететін бұл бөлім «Сәлем-сауқат» деп аталады. Мұндағы қызметкерлер таңғы 8.30-дан бастап қамаудағылардың жақындарынан сәлемдеме қабылдайды. Жай қабылдап қоймай, келген барлық затқа тінту жүргізеді. Олай етпеске бола ма? Түрлі айла-шарғымен ішке кіргізуге тыйым салынған заттар салып жіберген жағдайлар кездескен екен. Бір қарағанда, оғаш ештеңе байқалмаса да тексеріс кезінде небір жайтқа куә боласың.<blockquote>«Қамаудағыларға тамақпен бірге өзге де қажетті заттар келеді ғой. Оның ішінде рұқсат етілмейтіні бар. Кейде тыйым салынған заттарды тамақтың ішіне салып әкеледі. Әкелген сусыны жай сусын емес, алкоголь екені де анықталған жайттар кездеседі. Сәлемдемемен келген барлық зат жіті тексеруден өтеді. Мысалы, кәмпит әкелсе қанша кәмпит бар соның бәрі ашып тексеріледі. Ол үшін арнайы құрылғылар бар. Кейбір жақындары мұны білмей осындай тәсілге барады. Бірақ соңында анықталады. Мұндайда алдымен ескерту берілсе, қайталанған жағдайда айыппұл салынады. Бұған көнбесе 2 айға қамауға алынады», – дейді әділет сержанты Балғазы Қасымбеков.</blockquote>

Қызылордадағы №68 мемлекеттік мекемесінің бір күндік жұмысы қалай өтеді? 

<a href="https://kyzylorda-news.kz/">Kyzylorda-news.kz.</a>&nbsp; Мемлекет тарапынан ауылды дамыту, сонымен бірге ондағы тыныс-тіршілікті кеңейту мақсатында көптеген мүмкіндіктер берілген. Айдынды Арал өлкесінің төскейіндегі ауылдарының тіршілігі де уақыт санап дамып келеді. Оның ішінде ауылдағы құрылыс нысандары мен кәсіпкерлік саласы, сондай-ақ егін және мал шаруашылығы да қалыс қалған емес. Ендеше бүгінгі тақырыбымызға арқау болып отырған Атанши ауылдық округінің тіршілігі жөнінде айтпақпыз. Жалпы ауылдық округтің тіршілігі қалай жүріп жатыр? Ондағы мал шаруашылығыныңдаму қарқыны қалай? Міне, осы сынды сауалдардың жауабын іздемекпіз.Атанши ауылдық округінің орталығы Жіңішкеқұм елді мекенінде жалпы халық саны – 436 . Сонымен бірге жер көлемі 8147 гектар болса, 80 жеке қожалық бар. №218 білім ордасында 121 оқушы білім алып еледі. Атаулы мектеп 2018 жылы 10 миллион теңгеге қайта жөндеуден өткен. Сонымен бірге ауылдық округте әкімшілік ғимараты, медициналық пункт, мәдени клуб пен кітапхана, балабақша мен тұрғындарға қызмет көрсететін сауда орталықтары жұмыс істейді.1976 жылы бой көтерген ауылдық округ бүгінгі күні әр сала бойынша біршама дамыған. Округ мал азығын дайындауда аудан көлемінде 20 пайызын қамтамасыз етеді. Сонымен қатар 10 трактор, 10 жүк көлігі, 45 жеңіл жеке көлік және 1 жедел жәрдем көлігі бар.Ауылдық округтың жыл санап экономикалық жағдайы да жақсарып келеді. Биылғы жылы «Бизнес Бастау» бағдарламасы бойынша 4 адам онлайн түрде оқу курсынан өтті. Нәтижелі жұмыспен қамту және жаппай кәсіпкерлікті дамытудың «Еңбек» бағдарламасы бойынша 2 адам грант ұтып алып, 21 бас қой өсіріп келеді. Сондай-ақ қоғамдық баня ашып, кәсібін әрі қарай дамытуда.Ауылдық округте 98 адам тұрақты жұмыспен қамтылған. Сондай-ақ 80 отбасы үй телефоны және ұялы байланыспен қамтылған. Атаулы окуругтың негізгі бағыты мал шаруашылығы. Иә, қай ауыл болмасын, ондағы тұрғындардың басым бөлігі мал шаруашылығымен айналысатыны белгілі.Бүгінде МІҚ 2305, қой-ешкі саны – 8098, жылқы – 890, сондай-ақ түйе – 837. Жалпы 12 130 мал басы бар. Мал басы жыл сайын 9-10 пайызға артып келеді екен. Округ көлемінде аудан орталығына мал өнімдерін, яғни ет, сүт, шұбат сынды тағамдар ұсынылуда.Атаулы ауылдық округте электр энергиясымен 5 миллион ауыл ішілік жарықтандыру толық қамтамасыз етілген. Тұрғындарға 2,5 миллион теңгеге ауыз шахтылы құдық, мал суару бағытында 17 миллион теңгеге қазылған. Қарқынды дамып келе жатқан ауылдық округте 8 шаруа қожалығы мен 11 дара кәсіпкер бар. Аталған қожалықтар 40 миллион теңгеге несиелендіріліп мал басын ұлғайтуға күш салуда.Байқағанымыздай, ауылдық округке мемлекет тарапынан берілетін мүмкіндік те, мал шаруашылығын дамытуға арналған көмек те жетерлік. Қазіргі күні күн санап көкжиегі кеңейіп келе жатқан ауылдық округтің жағдайы біршама деңгейге көтерілген. Алдағы уақытта да әрі қарай дамып, мал шаруашылығы бойынша ел экономикасын дамытары сөзсіз.

Атаншилықтар кәсіпкерлікке ден қойды

<a href="https://kyzylorda-news.kz/">Kyzylorda-news.kz.</a> Жыл сайын 25 сәуірде Дүниежүзілік безгекпен күрес күні өткізіледі. 2023 жылы осы күн «Безгек ауруын нөлдік деңгейге жеткізу кезі: инвестиция, инновация, енгізу» атты ұранмен өтеді. Бұл іс шара – халықтың безгек, оның салдары және денсаулықты қорғау тәсілдері туралы хабардарлығын арттыруға, күрес стратегиясы, &nbsp;тиімді вакцина әзірлеу туралы ақпаратты таратуға бағытталған.Қызылорда облысы безгек ауруы бойынша эндемиялық аумаққа жатпайды. Алыс және жақын шетелдерден келген туристер, маусымдық жұмысшылар, еңбек мигранттары, қоныс аударушылар безгекті еліміздің аумағына әкелген жағдайда аурудың жергілікті жағдайлары тіркелуі мүмкін. Безгек ауруы толығырақ Қызылорда облысының санитариялық-эпидемиологиялық бақылау департаментінің басшысы Динара Жанабергенова айтып берді.Егер Сіз демалысыңызды Оңтүстік-Шығыс Азия, Африка және Оңтүстік Америкада өткізуді жоспарласаңыз немесе жұмыс бабымен баратын болсаңыз осы елдерде тропикалық аурулар мен безгек ауруын жұқтыру қауіпі бар екенін естен шығармаған жөн.Безгек – жіті паразитарлық аурушаңдық, безгекті қарапайымдылардың плазмодий түрлері тудырады, Anopheles масалары арқылы таралады, ұстамалы қызба, мерзімдік қалтырап тоңу мен дене қызуының көтерілуі, денені тер басу, қан аздылықпен, бауыр және көк бауырдың үлкеюімен сипатталады.Паразиттің түріне байланысты аурудың жасырын кезеңі 8-30 күнді құрайды, инкубациялық мерзім 6 айдан 3 жылға дейін созылуы мүмкін.Безгек қоздырғышының бірнеше түрі болады, соның ішінде тропикалық безгек өте ауыр түрде өтеді, дер кезінде ем қабылдамаса науқас адамның миына зақым келіп, өліп кетуі мүмкін.Безгекті өздігінен емдеуге болмайды. Аурудың клиникалық белгілері болса немесе оған күдіктенген жағдайда дереу медициналық көмекке жүгініп, қанды безгекке тексерту қажет.Безгекке қарсы вакцинаның жоқтығына қарамастан, аурудың алдын алуға болады. Осыған орай, Қызылорда облысының санитариялық-эпидемиологиялық бақылау департаменті безгек ауруы кең таралған эндемиялық елдерге баруы туралы шешім қабылдаған барлық азаматтарға мынаны ескертеді:- Шет елдерге барар алдында міндетті түрде емдеуші дәрігерге қаралып, безгекке қарсы қолданылатын химиялық препараттардың мөлшері мен қабылдау тәртібі жөнінде кеңес алып, қолдану нұсқамасын қатаң сақтау қажет. Безгекке қарсы химиялық препараттарды эндемиялық елдерге бармас бұрын 1 апта бойы, сол елде болған кезде және елге оралғаннан кейін 4 апта бойы үзбей қабылдау керек.- безгектен қорғанудың ең қарапайым жолы – масаның шағуына жол бермеу, сондықтан оны денеге жолаптпайтын репеллентерді өзіңмен бірге алуды ұмытпау керек.- назар аударамыз, «жылы» тропикалық елдерден оралған туристер, денсаулығы сыр берген жағдайда (басы ауырып, дене қызуы көтерілсе) тез арада тұрғылықты жері бойынша медициналық көмекке жүгінуі қажет. Диагнозды нақтылап, қажетті зертханалық зерттеулеу жүргізу үшін міндетті түрде безгек ауруы бойынша эндемиялық елден келгендігі туралы хабарлауы тиіс.

25 сәуір – Дүниежүзілік безгекке қарсы күн

<a href="https://kyzylorda-news.kz/">Kyzylorda-news.kz.</a> Бүгін Үкімет отырысында Цифрлық даму министрлігінің «Қолжетімді интернет» пилоттық ұлттық жобасының орындалуы, инфляцияны бақылау және оның деңгейін төмендету жөніндегі шаралар кешені туралы мәселелер қаралды.Үкімет отырысынан соң облыс әкімі Нұрлыбек Нәлібаев Премьер-Министр берген тапсырмаларды пысықтау мақсатында жиын өткізді.Аймақ басшысы облысты сапалы интернет байланысымен қамтуда шешімін таппаған мәселелер бойынша тиісті тапсырмалар берді. Атап айтқанда, өңірдегі 295 мектептің 168-і талшықты-оптикалық желі арқылы секундына 20 мегабиттен жоғары интернетпен қамтылған. Облыстық білім басқармасына мектептердегі интернет жылдамдығын арттыру үшін интернет провайдерлермен бірлесіп, нақты шаралар қабылдау жүктелді. Мұнан бөлек, «Қазақтелеком» және «Транстелеком» провайдерлеріне Қызылорда қаласы әкімдігімен бірлесіп, қала аумағын талшықты-оптикалық байланыс арнасымен толық қамту жөнінде нақты ұсыныс енгізу тапсырылды.Облыс әкімі күн тәртібіндегі инфляция мәселесі Мемлекет басшысының тікелей бақылауында екенін айтты.<blockquote>«Президент 19 сәуірде өткен Үкіметттің кеңейтілген мәжілісінде инфляцияға арнайы тоқталып, орталық атқарушы органдарға және өңір әкімдеріне тапсырма берді. 2023 жылдың наурыз айында тұтыну бағаларының индексі өткен жылдың наурыз айына қарағанда 118,3%-ды құрады, республикада – 118,1%. Облыстық ауыл шаруашылығы және жер қатынастары басқармасына аудан және қала әкімдерімен, «Байқоңыр» әлеуметтік кәсіпкерлік корпорациясымен бірлесіп, жергілікті ауыл шаруашылығы құрылымдарымен күзгі өнімдерге осы бастан форвардттық келісім-шарт жасап, өнім қорын толықтыруды тапсырамын», – деді Нұрлыбек Машбекұлы.</blockquote>Жауапты басқармаларға облыс бойынша көкөніс сақтау қоймаларын салу және кеңейту, «Томат пастасын өндіретін зауыт құрылысы» жобасының уақытылы іске қосылуын қадағалау, қажетті мұнай өнімдері қорымен тұрақты қамтамасыз ету тапсырылды.<figure class="image"><img src="https://knadmin.beoblood.kz/uploads/343414062_272891541754336_4526404516801516046_n_50a4b50822.jpg" alt="343414062_272891541754336_4526404516801516046_n.jpg"></figure>&nbsp;<figure class="image"><img src="https://knadmin.beoblood.kz/uploads/342542447_248986610828992_3258411620324720689_n_3162f34c7b.jpg" alt="342542447_248986610828992_3258411620324720689_n.jpg"></figure>

Қызылорда: Сапалы интернетпен қамту және инфляциямен күрес мәселелері қаралды

<a href="https://kyzylorda-news.kz/">Kyzylorda-news.kz.</a> «Қызылорда облысының тілдерді оқыту орталығы» КММ-нің ұйымдастыруымен «Тілдерді үйретудің заманауи әдістері» тақырыбында облыстық семинар-тренинг өтті.&nbsp;Шараға модераторлық еткен орталық директорының орынбасары Ж.Ерекешова семинардың тілдерді үйретудің тың бағыттары мен заманауи үрдістерін меңгеруде озық бастамаларды оқытушылардың оқу-әдістемелік бағытына қосу, жасампаздық үлгісін қалыптастыру және өзара тәжірибе алмасып, шығармашылық ой бөлісуіне қол жеткізу мақсатында ұйымдастырылғанын айта келе қатысушыларға сәттілік тіледі.<blockquote>«Әлемдік білім беру тәжірибелеріне сүйенсек, бүгінде әлемнің бірнеше елінен сынақтан өткізілген жаңаша оқыту төрт бағытты қамтып отыр. Олар – модельдік технология, рейтингтік жүйе, дамыта оқыту технологиясы және сын тұрғысынан ойлау. Біздің Орталық оқытушылары да тыңдаушыларды жаңа әдіс-тәсілдермен оқытуда. Бүгінгі семинарда күнделікті сабақ барысында қолданып жүрген ерекше әдістемелерімен орыс және ағылшын тілі оқытушылары өзара тәжірибе алмасады деген ойдамыз», - деді орталық директорының орынбасары Жаныгүл Мұхитқызы.&nbsp;</blockquote>Жиынға аймақтың білім беру саласына жаңашыл бағытта үлес қосып келе жатқан М.Мәметова атындағы педагогикалық жоғары колледжінің ағылшын тілі оқытушысы, педагог-сарапшы, магистр Р.Жолаушиева және Орталықтың ағылшын және орыс тілі оқытушылары қатысты.&nbsp;Семинар барысында Р.Жолаушиева «Шетел тілін оқытуда қолданылатын инновациялық технологиялар» тақырыбында хабарлама жасап, әріптестерімен тәжірибе бөлісті. Одан кейін Орталықтың ағылшын тілі оқытушысы Б.Байділдаеваның «Оқылым дағдысын жетілдірудің әдіс-тәсілдері» тақырыбындағы хабарламасы арқылы семинарға қатысушылар мол мағлұмат алды.&nbsp;Тәжірибе алмасу барысында Қазалы ауданы бойынша ағылшын тілінің оқытушысы Ж.Пірім «Descriving foods» тақырыбында оқылым дағдысын меңгертуге арналған әдіс-тәсілдер», Шиелі ауданы бойынша ағылшын тілі оқытушысы Б.Құлахметова «Жазылым әрекетін қолданудың ерекшеліктері», Жалағаш ауданы бойынша ағылшын тілі оқытушысы А.Қосмурзина «Айтылым дағдысын жеңіл әрі жылдам қалыптастыру жолдары», Қызылорда қаласы бойынша Орталықтың ағылшын тілі оқытушысы А.Әбдібекова «Тыңдалым дағдысын меңгертуге арналған әдістер» тақырыптарында хабарлама жасады.&nbsp;Орталықтың курс тыңдаушыларына тіл үйренудің оңтайлы әдіс-тәсілдерін үйрету және аталмыш дағдыны қалыптастыру үшін ең алдымен оқытушының білім-біліктілігі маңызды рөл атқарады. Бұл ретте Орталықтың мемлекеттік, орыс және ағылшын тілі оқытушыларының бір-бірімен тәжірибе алмасуы дағдыға айналып келеді. Осы дәстүрден жаңылмай, семинар-тренинг барысында орыс тілі оқытушылары да өз тәжірибелерімен бөлісті.&nbsp;Атап айтқанда, Қазалы ауданы бойынша орыс тілі оқытушысы Л.Алибекова «Формирование навыков чтения на уроках русского языка», Шиелі ауданы бойынша орыс тілі оқытушысы Г.Санаубаева «Обучение речевым навыкам на уроках русского языка», Жалағаш ауданы бойынша орыс тілі оқытушысы З.Тасқараева «Стратегия обучение навыку говорения», Орталықтың орыс тілі оқытушысы Н.Жалиева «Применение активных методов обучение на уроках русского языка», Қармақшы ауданы бойынша орыс тілі оқытушысы Р.Сейлова «Практические задания, используемые для закрепления грамматических тем», Арал ауданы бойынша орыс тілі оқытушысы А.Майлыбаеваның «Активные методы обучения как способ повышения эффективности образовательного процесса» тақырыптарында өз тәжірибелерімен бөлісуі қатысушылар сұранысы бойынша оқыту барысында қажеттілігі зор әдістеме екені айтылды.&nbsp;<blockquote>«Өздеріңізге де белгілі, биыл Орталықтың құрылғанына 15 жыл болады. Осы уақытқа дейінгі атқарған жұмысы мен алдағы жоспарларын қамти отырып үздік нәтижеге жету үшін мамандардың кәсіби білімі мен біліктілігі маңызды рөлге ие. Бұл ретте алдымен ізденіс керек, ізденіс бар жерде біліктілік, біліктілік бар жерде талап қойылады, талап бар жерде нәтиже болады», - деді &nbsp;Ж.Ерекешова.&nbsp;</blockquote>Тілдерді игерту, оқылым, тыңдалым дағдылары мен жазылым әрекеттерін жетілдіріп, теория мен практикалық сабақ барысын ұштастыра отырып, шығармашылық ізденіс, тыңдаушылардың топтық жұмыс істеуі бағытындағы технологиялық және дәстүрлі бағыттағы әдіс-тәсілдерді біріктіру арқылы ұсынған жұмысына семинар қатысушылары ризашылығын білдірді.&nbsp;Семинар-тренинг барысында тілдерді үйретудің жаңа бағыттарымен бөліскен оқытушыларға Алғыс хат пен сертификаттар табысталып, қатысушылар естелік суретке түсті.<img src="https://knadmin.beoblood.kz/uploads/341875742_630691505741595_8963381306589597423_n_de57a06bc6.jpg" alt="341875742_630691505741595_8963381306589597423_n.jpg">

Қызылорда облысының тілдерді оқыту орталығында облыстық семинар-тренинг өтті

<a href="https://kyzylorda-news.kz/">Kyzylorda-news.kz.</a> Жалағаш ауданының әкімі Асқарбек Темірбекұлы Есжанов мәжілісті бастамас бұрын аудандағы кадрлық өзгерістерге тоқталып өтті.Қазақстан Республикасының жергілікті мемлекеттік басқару және өзін-өзі басқару туралы Заңына және Жалағаш аудандық сайлау комиссиясының сайланған әкімдерді тіркеу туралы 2023 жылғы 24 сәуірдегі шешіміне сәйкес, Асанбеков Алтынбек Өмірбекұлы Аққұм ауылдық округінің әкімі және Тәуіпбаев Ғалым Камидинұлы Мырзабай ахун ауылдық округінің әкімі болып сайланды.Мәжілістің күн тәртібінде 2023 жылдың І тоқсан қорытындысы бойынша халықты жұмыспен қамту бағытындағы көрсеткіштердің орындалуы, кәсіпкерлікті дамыту бағытында атқарылып жатқан жұмыстар және алдағы міндеттер, 2023 жылдың 1 сәуіріне салық салу базасын кеңейту бойынша атқарылған жұмыстар, Мәдениет және Еңбек ауылдық округтерінде атқарылып жатқан жұмыстар мен алдағы міндеттер туралы мәселелер қаралды.Күн тәртібіне сәйкес аудан әкімі Асқарбек Есжанов кент, ауылдық округтер бойынша есепті мерзімге орындалмаған көрсеткіштердің ағымдағы жылдың І жарты жылдығымен оң нәтижеге қол жеткізуді және тиісті сала басшыларына анықталған кемшіліктер бойынша талдау жасап, аудан әкімінің аппаратына ақпарат ұсынуды тапсырды.Сонымен қатар, тиісті мекеме басшылары мен жетекшілік ететін саласы бойынша аудан әкімінің орынбасарларына мемлекеттік бағдарламалар бойынша тұрғындар арасында түсіндірме жұмысын жандандыруды, елді мекендерде кездесулер өткізіп, кеңірек ақпараттандыру жұмыстарын жүргізу қажеттігін қатаң ескертті.Аудан әкімі ең шалғайдағы ауыл тұрғындарына микрокредит беру және жеке қосалқы шаруашылықтарға кепілдік беру, сервистік-өткізу кооперативтерін ынталандыру сияқты мемлекеттік қолдау құралдары туралы ақпаратты жеткізу маңызды екендігін атап өтті.Сондай ақ, кент, ауылдық округі әкімдерінің өз басын немесе табысын ойлап жүре беретін кезең өткендігін, әкімдердің өздерін сайлаған халықтың талап-тілектері мерзімінде орындалу керектігін ескертіп, кент, ауылдық округ әкімдеріне халықпен кері байланыс орнату қажеттігін тапсырды.Мәжіліс қорытындысымен барлық ауылдық округтерде жыл соңына дейін 2 жылыжайдан салуды және елді мекенде жұмыссыз азаматтарды кәсіпкерлік бағытындағы мемлекеттік бағдарламаларға қатыстыру жөнінде тапсырмалар жүктеді. &nbsp;

Жалағаш ауданы әкімінің төрағалығымен аппараттық мәжіліс өтті

Агроөнеркәсіп саласында асқан ұқыптылық қажет

<a href="https://kyzylorda-news.kz/">Kyzylorda-news.kz.</a>&nbsp; Қазақстан теміржолшылары арасында «100 жас есім» жобасы дәстүрлі түрде жүзеге асырылып келеді. &nbsp;Жоба басталған шақта алғашқылардың бірі болып Сексеуіл локомотив пайдалану депосы бастығының орынбасары Еркебұлан Аяғанов «100 жас есім» атанған болса, 2022 жылы сексеуілдік үш бірдей теміржолшы осы атқа ие болды.Қазыбек Әмірханұлы Садуақасов Сексеуіл кентінде өмірге келіп, осындағы №177-қазақ орта мектебінде білім алған. Теміржолшылардың мекенінде өмір кешкен соң оның да бала арманы теміржолшы болу еді. Осылайша ол 2007 жылы Актөбе көлік коммуникация және жаңа технологиялар колледжіне оқуға түседі.<blockquote>– Оқу орнында оқып, мамандық ала жүріп әр түрлі спорттық шараларға қатысып, өзімді жақсы,оң қырынан көрсетуге тырыстым. Студенттік кездегі бар жастық мүмкіндігімді пайдаланып, болашақта жақсы маман болу үшін қажетті ілім-білімді алдым. 2011 жылы темір жол көлігіндегі тасымалды ұйымдастыру және қозғалысты басқару мамандығы бойынша бітіріп, диплом алдым, &nbsp;– деді Қазыбек.</blockquote>Қазыбек 2014 жылдан бастап өз мамандығы бойынша Сексеуіл-Қоскөл темір жол желісіндегі разъезд 16 станциясында бағыттамалы қосын кезекшісі қызметіне орналасады. Осында 2 жылдай жұмыс істеп,тәжірибе алып, 2016 жылы Сексеуіл станциясына пойыз құрастырушы қызметіне ауысады.<blockquote>– Одан экспедитор болдым. Қазіргі танда техникалық кеңсе операторы- пойыз тізімдеуші қызметін атқарамын.Темір жолда қызмет ету халық қатынасын қамтамасыз ететін болғандықтан асқан жауапкершілікті талап етеді. Күн сайын қаншама жүк, жолаушылар пойыздарын күтіп алып, шығарып салып отырамыз. Бізге артылған жауапкершілік жүгі де жоғары. Сондықтан қателесуге болмайды, – дейді ол.</blockquote>Қазыбек Әмірханұлы өзінің жұмысқа жауапты, ізденімпаз қасиетінің арқасында ұжымдастары арасында сыйлы, еңбегі елеулі бола білген жас теміржолшы. Осыған дейін де ол облыс, аудан, кент әкімдерінің Алғыс хат, Құрмет грамоталарымен марапатталған. Ал жуырда "Қазақстан темір жолы" Ұлттық компаниясы АҚ-ның «100 жас есімі» атануының жөні тым бөлек.<blockquote>– Темір жол саласы – жастардың біте қайнасқан ордасы. Мұнда қызмет жасайтын жастар өте көп. «Қазақстан темір жолы» акционерлік қоғамы жас қызметкерлерінің білімін жетілдіру мен тәжірибе алмасуына қолдау көрсетіп келеді. Бұл менің ғана емес, жалпы ұжымның жетістігі деп ойлаймын. Өйткені үздік атану үшін атқарған жұмыстарың сараланады. Біз қызметті қалтқысыз атқарумен қатар қоғам өміріне де араласып, белсенділік танытып отырамыз. Соның нәтижесі болар үздік жас атанып отырғаным деп ойлаймын, – деді Қазыбек.</blockquote>Отбасында жалғыз ұл болып өскен Қазыбек Әмірханұлы "Бір өкінішім, ата-анамның осы қызығымды көрмей, өмірден ерте кеткендігі" дейді. Дегенмен &nbsp;жары Жұлдыз екеуі екі перзенттің ата-анасы атанып, үлгілі жас отбасы болып отыр.«100 жас есім» атанғандардың бірі – Рустам Азишев. Ол 15 жылға жуық темірдей тәртіпті темір жол саласында еңбек етіп келеді. Ол 1988 жылы Сексеуіл кентінде өмірге келген. Осында білім алып, кейін Алматы қаласындағы теміржолшы мамандарын даярлайтын жоғары оқу орнын бітірген. 2008 жылы Сексеуіл локомотив пайдалану депосында еңбек жолын бастады.<blockquote>– Алғашында жол құрылыс дәнекерлеуші болып қызметке орналастым. Мұнан соң тепловоз машинисінің көмекшісі болдым. Ал қазір жетекші инженер-технолог қызметін атқарып келемін. Жалпы осы мамандыққа жүрек қалауыммен келген соң әр ісімнің берекелі, табысты болғанын қалаймын. Өзіме жүктелен жауапкершіліктен шыға білу керек деп санаймын, &nbsp;– деді ол.</blockquote>Рустамның марқұм &nbsp;әкесі Қуандық та талай жыл темір жол саласында еңбек еткен еді. "Әке көрген оқ жонар" деген сөзді халқымыз бекер айтпаған ғой. Рустам да теміржолшы болуды алдына мақсат етіп қойып, сол салада табысты еңбек етіп жүр.<blockquote>– Темір жол саласы – еліміздің күретамыры. Халық қатынасыз қалтқысыз қамтамасыз етіп отырғандықтан мұндағы әр қызметкер өз жұмысын жетік меңгерген болуы тиіс. Менің де өзіме жүктелген жауапкершілім бар. Істейтін жұмысың мен өз міндетіңді білсең, қай салада болмасын табысқа жетесің, – дейді Рустам.</blockquote>Ол жұмыстан бөлек қоғамдық жұмыстарға да белсене араласып, кент ішіндегі халық жағдайына бей-жай қарамай, көмек қолын сөзып келеді. Елеулі еңбегі жоғары бағалауға да ие болып жүр. Аудан әкімі, кент әкімдерінің Алғыс хаттарымен, темір жол саласы басшылығының мадақтамаларымен марапатталған. "Ал «100 жас есім» атануым тіпті ерекше құрмет болды" дейді ол.Рустамның жолдасы Мадина да темір жол саласының қызметкері. Еңбек пен тағдыр табыстырған жандар еңбекте абыройлы болумен қатар, отбасында да бақытқа бөленіп отырған жан.Сексеуіл кентінде туып, осындағы теміржолшы халықтың тұрмысына бала кезден қанық болып өскен жерлесіміз Махамбет Кенжеғараев те «100 жас есім» атағын еншіледі.Махамбет Байғабылұлы 1990 жылы Сексеуіл кентінде өмірге келген. &nbsp;Кенттегі №231 орта мектепті 2005 жылы үздік бітіріп, Ақтөбе темір жол колледжіне оқуға түседі. Оқуды 2009 жылы үздік дипломмен бітіріп шығады.<blockquote>– Ары карай ҚазККА-на түсіп, 2012 жылы бітіріп шықтым. Еңбек жолымды 2013 жылы Сексеуіл темір жол станциясында пойыз құрастырушыдан бастап, бекет кезекшісі, маневрлік диспетчер, станса бастығының шұғыл істер жөніндегі орынбасары қызметтерін атқардым. 2020 жылы «Қазақстан темір жолы» Ұлттық компаниясы" АҚ-ның пилоттық жобасы аясында «шақыртылған қызметкер» ретінде Ақтөбе өңірлік пойыздар қозғалысын басқару орталығына компания тарапынан шақырту алып, қызметімді ауыстырдым. Қазіргі таңда "пойыз диспетчері" болып қызмет жасаймын, &nbsp;– деген Махамбет еңбектегі жетістіктері туралы айтып берді.</blockquote>Ол "Қазақстан темір жолы" Ұлттық компаниясының «100 жас есім» &nbsp;жобасына Ақтөбе магистральды желі бөлімшесі атынан қатысып, аталған атақты иеленді.

100 жас есім: Сексеуілдік теміржолшылар құрмет төрінде

&nbsp;<a href="https://kyzylorda-news.kz/">Kyzylorda-news.kz.</a>&nbsp; Әлеуметтік медициналық сақтандыру қорының Қызылорда облысы бойынша филиалына мемлекет МӘМС жарналарын төлейтін жеңілдікті санаттардың бірінің өкілдері ретінде студенттер үшін сақтандырылған мәртебесін алу мәселелерімен жиі жүгінеді.Қор филиалының директоры Бақыт Исмаханбетов біздің тілшімізге бұл мүмкіндік шетелде оқитын қазақстандықтар үшін қалай қарастырылғанын, сондай-ақ студенттердің неге кейде сақтандырылмайтынын түсіндірді.Жеңілдік бойынша сақтандыру кімге беріледі?МӘМС туралы заңға сәйкес (26-баптың 1-тармағының 13-тармақшасы), жасына қарамастан, күндізгі оқу нысаны бойынша оқитындардың барлығы (мейлі ол 18 жасқа толған мектеп оқушылары болсын, колледж, ЖОО немесе басқа да оқу орындарының студенттері болсын) азаматтардың жеңілдікті санатына кіреді, олар үшін МӘМС жарналарын мемлекет төлейді. Студенттер мемлекет есебінен сақтандырылған болып табылады және МӘМС пакетінде көрсетілетін медициналық қызметтерге қол жеткізе алады.Қазақстанда &nbsp;оқитын студенттер үшін сақтандырылған мәртебесін алу алгоритмі: Сақтандырылғандар мәртебесі Қазақстан аумағында оқитын азаматтарға жеңілдік ретінде беріледі және олардың деректері оқу орнының ақпараттық жүйесіне енгізіледі. Ол, өз кезегінде Қазақстан Республикасы Білім және ғылым министрлігінің қарамағындағы Ұлттық білім беру деректер базасымен (ҰБДҚ) біріктірілген.&nbsp;Деректерді енгізуге студенттер оқитын оқу орындарының әкімшілігі немесе деканаттарының қызметкерлері жауапты болады. ЖСН, Т.А.Ә., оқу кезеңі және оқыту нысанын дұрыс толтыру міндетті шарт болып табылады. Егер бұл жолдар дұрыс толтырылмаған жағдайда, онда сақтандырудың жеңілдетілген мәртебесі автоматты түрде берілмейді.Егер отандық ЖОО студенті сақтандырылмаған болса не істеу керек?Мәртебе ҰБДҚ-да студент туралы тиісті ақпараттың болуына байланысты берілетіндіктен, сіз өзіңіздің оқу орныңыздағы жауапты қызметкерге &nbsp;хабарласып, ақпараттық жүйеде деректерді тексеруді сұрауыңыз қажет. Кейде ақпараттың жаңартылмағаны анықталады.Оқу орындарына арналған жадынама: &nbsp;Оқу орнының ақпараттық жүйесіне білім алушылар туралы мәліметтерді (оның ішінде оқу жылы ішінде келгендер бойынша) уақтылы және дұрыс енгізу қажет, өйткені студенттерге ҰБДҚ-да біріктірілген деректердің болуы арқылы жеңілдік мәртебесі беріледі. &nbsp; &nbsp;Егер бір жылдың ішінде білім алушы оқудан шығарылса немесе басқа оқу орнына ауыстырылса, онда ол туралы мәліметтерді өзінің оқу орнының ақпараттық жүйесінен алып тастау қажет. &nbsp;Егер оқу орнының ақпараттық жүйесінде оқуды бұрын аяқтаған білім алушылар туралы деректер болса, оларды аталған жүйеден шығару қажет, өйткені бұл адамдар жұмысқа орналасу кезінде МӘМС жарналарын төлей алмайды.&nbsp; Есіңізде болсын: Білім алушылардың МӘМС жүйесінде медициналық көмек алу мүмкіндігі ақпараттық жүйеде олар &nbsp;туралы мәліметтердің дұрыс және уақтылы толтырылуына &nbsp;байланысты болады.Шетелде оқитын қазақстандықтар үшін сақтандырылған мәртебесін алу алгоритмі: Шетелдік оқу орындарында оқитын қазақстандық күндізгі оқу нысанының студенттері МӘМС жүйесінде сақтандырылған тұлғалардың автоматты түрде жеңілдік мәртебесін ала алмайды. Ол үшін олар жүйеге өздігінен тіркелуі керек.&nbsp; Ол үшін электрондық үкімет порталындағы egov.kz сервисін пайдалану қажет:&nbsp; 1. Ізденіс жолына келесіні енгізу: «Шетелде оқитын студенттерді тіркеу».&nbsp; 2. Ашылған терезедегі өтінішті толтыру және оқуды растайтын құжаттарды қоса беру қажет. 3. Өтінішке ЭЦҚ көмегімен қол қою. 4. Көптеген жағдайларда сақтандырудың жеңілдікті мәртебесі жолдарды дұрыс толтырған жағдайда 10 жұмыс күні ішінде беріледі.&nbsp; 5. Егер сақтандырудың жеңілдікті мәртебесін беру көрсетілген мерзім ішінде орындалмаса, онда ҚР Білім және ғылым министрлігінің Халықаралық департаментіне жүгіну қажет. Әр семестр аяқталғаннан кейін сақтандыру мәртебесін тексеру және оқудың өзектілігін растау қажет екенін есте ұстаған жөн, өйткені дерекқордағы мәліметтер өзгеруі мүмкін.&nbsp; &nbsp;<figure class="image"><img src="/uploads/image_0c6267cf24.png"></figure>Кері байланысӨкінішке орай, күндізгі нысанда оқитын студенттердің барлығы МӘМС туралы заң бойынша өздерінің жеңілдік берілгендер санатында екендігін және МӘМС-ке жарналар мен аударымдарды төлеулері қажет еместігін біле бермейді. Әсіресе шетелде білім алып жүрген студенттер. Сондықтан Қор мемлекет есебінен олардың МӘМС жүйесінде сақтандырылған мәртебеге ие екендіктерін тағы да еске салады.Егер студент көрсетілген тәсілдермен жеңілдік мәртебесін ала алмаса немесе мәртебесінен айрылып, оқу орнының қабырғасында шешім таба алмаса, онда ол өтінішті Қордың кеңсесі арқылы пошта арқылы жібере алады: kanc@fms.kz немесе Qoldau 24/7 мобильді қосымшасы арқылы. Қор өзіне жүгінген тұлғаға сақтандырылған мәртебесін беру үшін ҚР Білім және ғылым министрлігімен, ҚР Сыртқы істер министрлігімен ынтымақтастықта қажетті жұмысты жүргізеді.Егер сұрақтарыңыз болса, Қорға келесі қол жетімді байланыс арналары арқылы хабарласа аласыз: fms.kz ресми сайты, 1406 байланыс орталығы, Qoldau 24/7 және Telegramдағы Saqtandyry-Bot мобильді қосымшасы.<figure class="image"><img src="https://knadmin.beoblood.kz/uploads/STUDENTY_ochno_zaochno_kaz_0c79987870.jpg" alt="СТУДЕНТЫ очно заочно каз.jpg"></figure>

Студенттер мемлекет есебінен сақтандырылған және МӘМС жүйесінде медициналық көмек ала алады

<a href="https://kyzylorda-news.kz/">Kyzylorda-news.kz.</a> Жалағаш ауданында Қызылорда облыстық қоғамдық даму басқармасының қолдауымен «Қазақстан КВН Одағы» РЖҚБ «Қызылорда КВН» филиалы, аудандық жастар ресурстық орталығы және «Темірқазық» қоғамдық бірлестігінің ұйымдастыруымен Жалағаш аудандық Жайдарман лигасының финалдық ойыны және облыс әкімінің кубогіне арналған іріктеу кезеңі өтті.&nbsp;Ойынның негізгі мақсаты – жастардың шығармашылық қабілеттерін арттыру, жастар бойындағы өнерге деген қызығушылықтарын дамыту, эстетикалық талғам мен сахна мәдениетіне тәрбиелеу, жастар арасында көшбасшы, талантты жастарды дайындау.&nbsp;Қазылар алқасында «Қазақстан КВН Одағы» РЖҚБ Қызылорда КВН филиалының атқарушы директоры, Qosyl жастар орталығының қызметкері Тәксібай Руслан, «БМК» құрамасының белді мүшесі, жайдарманшы Ералы Ақтан, №33 орта мектептің тарих пәні мұғалімі, белсенді жас Жанибай Сымбат, аудандық жастар ресурстық орталығының директоры Амандық Нұржан және «Темірқазық» қоғамдық бірлестігінің төрағасы Исатай Ербатыр болды.&nbsp;Жалпы ойынға 5 команда қатысып, 3 кезең бойынша (сәлемдесу, биатлон, видеосайыс) өзара бақ сынасты. Ойын қорытындысы бойынша жүлделі І орынды З.Жарқынбаев атындағы №202 орта мектеп «Дәуімбай» құрамасы, ІІ орынды М.Байділдаев атындағы №232 орта мектеп «Мардан ұландары» және №188 орта мектеп «Аққыр жастары» құрамалары иеленді. Сонымен қатар, «Үздік команда» номинациясын №124 орта мектеп «ЖМИ» құрамасы иеленсе, «Үздік ойыншы» номинациясы мен 10 000 теңге қаржылай сыйлықты №118 орта мектеп «Таң жастары» құрамасының ойыншысы Алтынбай Рүстем иеленді.&nbsp;Аудан орталығындағы З.Жарқынбаев атындағы №202 орта мектептің «Дәуімбай» құрамасы облыс әкімінің кубогіне арналған Жайдарман ойындарына жолдама алды.

Жалағаш: Жайдарманның финалдық ойыны өтті

<a href="https://kyzylorda-news.kz/">Kyzylorda-news.kz.</a>&nbsp; Қаржы реттеушісінің қызметі туралы ақпараттың қол жетімділігін және толықтығын арттыру мақсатында 2021 жылғы 24 мамырдан бастап Агенттіктің call-орталығы жұмыс істейді.Қаржылық қызметтерді тұтынушылар 1459 қысқа нөмірі бар call-орталық арқылы өз құқықтары мен мүдделерін қорғау мәселелері бойынша консультациялар, қолданыстағы заңнама нормаларының түсіндірмелерін ала алады. Жұмыс уақыты: жұмыс күндері сағат 09.00-ден 17.00-ге дейін, түскі үзіліс – сағат 13.00-ден 14.30-ға дейін. Агенттіктің call-орталығы іске қосылған сәттен бастап 33,8 мыңнан астам қоңырау өңделді.Халықпен жедел өзара іс-қимыл жасау және оның қаржы реттеушісімен кері байланысын нығайту үшін 2020 жылғы 25 маусымнан бастап «Fingramota Online» мобильді қосымшасы жұмыс істейді. Аталған мессенджер іске қосылған сәттен бастап пайдаланушылардың 7 мыңнан астам мәселесі өңделді.Агенттікте Қоғамдық қабылдау бөлмесі де жұмыс істейді, онда ақпараттық-анықтамалық сипатта консультациялар алып, қаржы реттеушісінің қызметіне қатысты мәселелерді жедел түрде шешуге болады. Агенттіктің өкілдері өтініш берушілердің әрбір жолданымын қарайды және заңнаманың сақтандыру, микроқаржы салаларындағы нормаларын, коллекторлық агенттіктер мен кредиттік бюролар, сондай-ақ бағалы қағаздар нарығына кәсіби қатысушылар қызметінің толығырақ түсіндірмелерін ұсынатын болады. Қажеттілігіне қарай Қоғамдық қабылдау бөлмесінің қызметкерлері банктердің, МҚҰ-ның немесе қоғамдық бірлестіктердің өкілдерімен кездесулер ұйымдастыруы мүмкін.Қоғамдық қабылдау бөлмесінің жұмыс уақыты – дүйсенбі-жұма аралығында сағат 10.00-ден 13.00-ге дейін және сағат 15.00-ден 17.00-ге дейін.Агенттіктің Қоғамдық қабылдау бөлмесіне жазылу үшін, Abdukadyr.Flatov@finreg.kz электрондық мекенжайына өз аты-жөніңізді, ЖСН-ді, байланыс деректеріңізді, ұйымның толық атауын, жолданымның қысқаша сипатын жіберіп, міндетті түрде «Азаматтарды қабылдауға жазылу» тақырыбын көрсету не аталған ақпаратты Қоғамдық қабылдау бөлмесінің қызметкеріне ауызша нысанда хабарлау қажет.Агенттікке ресми жолданымды egov.kz порталы, «e-Otinish» ақпараттық жүйесі арқылы не мынадай: А15С9Т5, Алматы қ., Көктем-3 шағын ауданы, 21-үй мекенжайы бойынша жазбаша жолдауға болады. Өңір тұрғындары Агенттіктің өңірлік өкілдіктер басқармасына тұрғылықты жері бойынша жүгіне алады.&nbsp;

Қазақстан және Қызылорда облысының жаңалықтары