Жалағаш: Шалғай ауылдың шаруасы ширақ

<a href="https://kyzylorda-news.kz/">Kyzylorda-news.kz.</a>&nbsp; Конституциялық Сотты құру туралы ұсыныс алғаш рет 2022 жылғы 16 наурыздағы Қазақстан халқына Жолдауында айтылды. Сол уақытта Президент елімізде Конституциялық Кеңес бар екенін, алайда азаматтардың оған тікелей жүгіну мүмкіндігінен айырылғанын атап өтті. Бұған қатысты Қорқыт ата атындағы Қызылорда университеті Құқықтану кафедрасының аға оқытушысы, заң магистрі Жадыра&nbsp; Шукенова өз пікірін білдірді.&nbsp;Бас прокурор мен адам құқықтары жөніндегі уәкілді қоса алғанда, барлық азаматтар Конституциялық Сотқа жүгіне алады. Бұл туралы ҚР конституцияның 72 бабының 4,5- тармақшаларында айқылдалған.Сонымен қатар, 2023 жылғы 1 қаңтардан бастап жаңа мемлекеттік билік институты – Қазақстан Республикасының Конституциялық Соты іске қосылды. Оның қызметінің құқықтық негіздері «Қазақстан Республикасының Конституциялық Соты туралы» Қазақстан Республикасының 2022 жылғы 5 қарашадағы № 153-VII ҚРЗ Конституциялық заңымен реттеледі.Конституциялық Сот тек құқық мәселелерін шешеді және өтініш жасауға себеп болған нақты жағдайларға баға бермейді. Яғни, заңға сәйкес, Конституциялық Сот азаматтарға Конституциялық заңнамаға сәйкес келмейтін заңдар мен шешімдерге қарсы шығуға мүмкіндік береді, осылайша оларға өз құқықтарын қорғауға мүмкіндік береді. Азаматтар ҚР Конституциясында бекітілген олардың құқықтары мен бостандықтарын тікелей қозғайтын нормативтік құқықтық актілердің сәйкестігіне күмән келтіруі мүмкін.Осылайша, Конституциялық сот - бұл елдегі Конституцияны сақтаудың маңызды кепілі. Басқаша айтқанда, бұл барлық заңдар мен басқа да ережелер Конституцияға қайшы келмейтінін қамтамасыз ететін құқықтық институт.Алайда, Конституциялық сотты құру-азаматтардың конституциялық құқықтарын қорғауға басымдық берілетін неғұрлым әділ қоғамға жасалған маңызды қадам болып табылады.&nbsp; &nbsp;

Конституциялық сот азаматтарға өз құқықтарын қорғауға мүмкіндік береді

<a href="https://kyzylorda-news.kz/">Kyzylorda-news.kz.</a>&nbsp;Қызылорда қаласы бойынша білім бөлімінің басшысы Ерлан Боданов пен қалалық кәсіподақ комитетінің төрағасы Орынша Алимбетова Ж.Махамбетов атындағы №43 орта мектебінің ұжымымен кезектен тыс педагогикалық кеңес өткізді.&nbsp;Кеңесте бөлім басшысы оқушыға мектеп ішінде жағдай жасалу, мектеп бітіру кешіне ақша жиналмау керегін қатаң ескертті. Сонымен қатар, мұғалімдердің сағаты дұрыс бөлу қажеттігін де тілге тиек етті.&nbsp;<blockquote>«Қатаң түрде ескертетін жәйт, мектеп бітіру кештерін өткізу барысында бітірушілер мен қызметкерлердің өмірі мен денсаулығына қауіпсіз жағдай жасалуын қамтамасыз ету қажет, бітіру кештерін міндетті түрде мектеп қабырғасында және ауласында өткізу, шараға бітірушілердің мектеп формасымен қатысуын және барынша қарапайым түрде өткізілуін қамтамасыз ету жүктеледі. Сонымен қатар үйлер мен ресторандарда, басқа да ойын-сауық орындарында мектеп бітіру кештерін өткізу және бітірушілердің автокөліктермен кортежге шығуына жол бермеу, бітірушілердің өмір қауіпсіздігі мен құқық бұзушылықты болдырмау және алдын алу бағытында медициналық, өрт қызметтері, ішкі істер органдарымен бірлесіп шаралар қабылдау және мектеп бітіру кештерін ұйымдастыру үшін ана-аналардан ақша жинамауды, ата-аналар тарапынан мектеп әкімшілігі мен мұғалімдерге сыйлықтар берілуіне жол бермеуді және шараларды мектептің қолда бар мүмкіндігімен ұйымдастыру керектігі ескертіледі. Сондай-ақ, табиғат аясына серуендеуге, өзен, көлдерге, шағын су алаптарына суға түсуіне тыйым салу және төтенше жағдай бөлімдерімен бірлесіп кезекшілік ұйымдастыру, бітірушілер, ата-аналар және педагогтар арасында ақпараттық-түсіндірме жұмыстарын қамқоршылық кеңес мүшелерімен бірлесіп белсенді түрде жүргізу керек», – деді Ерлан Теңізбайұлы.&nbsp;</blockquote>Жиында мектеп директоры Гауһар Рүстемқызы атқарылған жұмыстар мен мектептің даму жоспары жайында баяндама жасады.<blockquote>«Жалпы 2022-2023 оқу жылында мектепте 1489 оқушы білім алуда. Мұғалімдердің біліктілік санаты бойынша педагог – зерттеуші - 38, педагог - сарапшы - 52, педагог - модератор- 39, І санатты мұғалім саны- 1, ІІ санатты мұғалім саны- 1 мұғалім оқушыларға білім беруде. «Зерде» ғылыми жобалар байқауының қалалық кезеңіне 2 оқушы қатысып, 7 сынып оқушысы Амангелді Мейіржан облыстық кезеңде 3 орын иеленді. Облыстық «Дарын» ғылыми жобалар байқауында 10 сынып оқушысы «Этномәдениеттану» бағыты бойынша 3 орын, 11 сынып оқушысы «Қазақ әдебиеті» бағыты бойынша 3 орын иеленді. Жалпы білім беретін пәндер бойынша 9-11 сынып оқушыларына арналған олимпиада бойынша &nbsp;жалпы 10 оқушы жүлделі орынға ие болды. Оқушыларымыз қала, облыс көлемінде өткізілген түрлі байқауларға, пәндік олипиадаларға тұрақты түрде қатысып келеді. Қала көлемінде оқушыларымыз барлығы 52 байқауға қатысып жүлделі орындарды иеленсе, оның 11-і облыстық кезең бойынша жүлдегерлер атанды. Биылғы оқу жылында мектебімізде &nbsp;облыс, қала көлемінде семинарлар болып өтті. Облыстық оқу орталығының және Қызылорда қаласы бойынша білім бөлімінің ұйымдастыруымен «Қазақ әдебиетінің алтын жұлдызы- Ғабит Мүсірепов»атты облыс, қала мектептерінің қазақ тілі мен әдебиеті пәнінің мұғалімдерінің қатысуымен облыстық семинар өткізілді. Қазақ тілі мен әдебиеті пән бірлестігінің мұғалімдері ашық сабақ тар мен сыныптан тыс шаралар, шебер сынып көрсетіп, арнайы сертификаттармен марапатталды», – деді мектеп директоры.</blockquote>Ерлан Теңізбайұлы мектеп ұстаздарымен кері байланыс жасап, ұсыныс-пікірлерін білдірді.

Ерлан Боданов: Мектеп бітіру кешіне ақша жиналмайды

<a href="https://kyzylorda-news.kz/">Kyzylorda-news.kz.</a> Қай мамандықтың да қоғам үшін қажеттілігі зор. Дәрігер денсаулықты түзесе, мұғалім оқушы тәрбиелейді. Құрылысшы қасбеті бір-бірінен асып түсетін ғимарат салса, мәдени қызметкер өнерімен елдің рухани өресін көтеруге қызмет қылады. Айта берсек, мамандықтың түрі көп-ақ. Осылардың арасында сыры мен сипаты жағынан өзгешелеуі тағы бір мамандық бар. Ол – мың жылға көлеңке болатын саялы ағаш отырғызып, Табиғат-Ананың көктеп-көгеруіне аянбай тірлік ететін, дала жануары мен құстарының сақталуына қамқор болатын орманшы мамандығы. Әрбір мамандық өзінше әлем. Бір-біріне ұқсамайтын дүние десек, орманшы қауымы таңнан кешке дейін айлап-апталап ыстық пен суықта дала кезіп, өсімдік пен жан-жануарды қорғап, мәпелейтінімен ерекшеленеді. «Қармақшы орман және жануарлар дүниесін қорғау жөніндегі мемлекеттік мекемесі» КММ-нің директоры Абай Бекбергенмен сұқбаттасып, жай-жапсарды сұраған едік. Ол әңгімесін мекеме тарихынан бастап, атқарылып жатқан жұмыстарды тізбектеді.&nbsp;<blockquote>«Аудандық орман және жануарлар дүниесін қорғау мекемесі 1978 жылы облыстық орман шаруашылығы және орманды қорғау басқармасының бұйрығымен құрылған. Сол жылдары барлығы 365380 гектар орман қоры жері болса, 1984 жылы ол 390154 гектарды құрады. 2001 жылы орман орналастыру мекемесінің жұмыс қортындысымен 435286 гектар жер мемлекеттік орман қоры болып белгіленді. Біздің негізгі міндетіміз – орман қорын күзету, қорғау, молықтыру. Мекеменің жер аумағын өрттен қорғап, оның алдын алу, оқиға орын алған жағдайда дер кезінде байқап, көзін жою», – дейді ол.</blockquote>Бірлесе жасаған істе береке бар. Аудан көлемінде орман өртінің аса қауіпті кезеңі 15 наурыз бен 15 қазан аралығы болып белгіленгендіктен №10 өрт сөндіру бөлімімен бірлесіп орман-тоғайда өрт болған жағдайда оны жедел сөндіруге бағытталған жаттығулар жүргізіледі. Өрттің алдын алуда орман қоры жеріне пано, аншлаг және елді мекендердің кіреберісіне бильборд ілініп, орналастыру да мекеме жұмысына жатады. Тұрғындар арасында үнпарақ таратып, үгіт-насихат жүргізу – көптеген қайғылы оқиғаның жолын кеседі.<blockquote>«Мекемеде өрт сөндіру дабылы орнатылған. 75 шақырым жаңадан өртке қарсы минералды жолақтар жүргізілді. 225 шақырымға өткен жылғы минералды жолақтарға күтім жасалды. Орман күтуші мен өрт сөндірушілер байланыс құралымен қамтамасыз етілген. Ерекше айта кетерлігі, соңғы жылдары орман қорында өрт оқиғасы тіркелген жоқ. Өткен жылы егілген орман екпелері күтімге алынып, бапталуда. Көктем, күзде орман зиянкестері мен ауруларын анықтау үшін орман патологиялық зерттеулері жүргізілуде. Қазан, қараша аралығында орманды қалпына келтіру мақсатында мемлекеттік орман қорына сексеуіл тұқымын себу, сексеуіл ормандарының табиғи өсіп-өнуіне тыңғылықты жұмыстар атқарылады. Орман және жануарлар дүниесін қорғауда орман күтуші және орман шеберлері еңбек етеді. Барлық орман күтушіге орман айналымдары бекітіліп берілген. Оның заңдылығын бұзушыларды бақылауға аудандық ішкі істер бөлімімен бірлесіп рейд ұйымдастырылып отырылады. Орманшылардың қызметтік киімі бірыңғай үлгіде тігіліп, жұмыста арнайы киіммен жүру қамтамасыз етілген. Мекеме есебіндегі ардагер қарт орманшылар қамқорлыққа алынған» дейді мекеме басшысы.</blockquote>Шаруашылық бірнеше бөлімнен тұрады. Ондағы тұқымбақ бөлімі бойынша биыл 2 гектар жер ашылып, оған терек, Сыр талы, үйеңкі, қарағаш тұқымы себілсе, көктемгі көшет қазу мезгілінде мекемеге қарасты тұқымбақта сексеуіл көшеті қазылып, ол Арал орман шаруашылығы мекемесіне берілген. 500 дана саялы ағаш көшеті аудан мекемелеріне таратылған. Қазір егілген екпелерге күтім жасалып, сексеуіл тұқымы жиналып жатса, Арал ұлтанына тұқым себу, сондай-ақ сексеуілдің өздігінен шығуына септігін тигізетін тұқымбақ ұйымдастыру жоспарға қойылған.Орман патологиялық жұмысы бойынша да бірқатар істер атқарылған. Орман қоры жеріндегі зиянкесті анықтауда көктем, күзде шұңқыр қазылып, зерттеулер жүргізіледі. Мекеменің материалдық-техникалық жабдығына келсек, мекемеге жаңадан жыл басында 1 ХТЗ-150 тракторы, 6 тонналық тіркеме, 1 орман отырғызу техникасы алынған.Бүгінде орман шаруашылығында 55 адам қызмет етуде. Орман қоры жерін күзету мен қорғауда орман шеберлері Кәрім Өтегенов, Ерхан Қаражанов, Амангелді Сарыбаев, орманшылар Шыңғыс Мыңжасаров, Айбол Ыбыраев, Ерболсын Үсенбаев, Қанат Оразымбетов, Бауыржан Боранбаевтар орман және жануарлар дүниесін қорғау, заң бұзушылыққа жол бермеуге үлесін қосып, талмай еңбек етіп жүрген мамандар. Орманшылармен қатар, өрт қауіпсіздігінің алдын алуда өрт сөндірушілердің еңбегі орасан. Жергілікті жерде Сырдария өзені жағалауын алып жатқан едәуір аумақты құрайтын тоғайлы ормандар бар. Онда сексеуіл, жыңғыл, шеңгел, қарабарақ, сарсазан, тағы басқа да сирек кездесетін ағаш бұталары мен өсімдіктер өседі. Мұндайда өрттің тілсіз жау екенін айтудың өзі артық. Осындай жасыл желекті дала орманы өртінен қорғау батыл да ержүрек азаматтарымыздың мойнында. Олардың қатарында аға өрт сөндірушілер Серік Қалмаханов, Қайрат Әбілдаев, өрт сөндірушілер Болат Төребеков, Аманжол Мамыраев, Ерлан Құттаяқов, Мұханғали Әбділов, Нұртай Құттаяқовтардың есімін құрметпен атауға болады, – дейді мекеме директоры Абай Бекбергенұлы жылы шырайда.Биыл «Қармақшы орман және жануарлар дүниесін қорғау жөніндегі мемлекеттік мекемесі» КММ-сі Арал теңізінің құрғаған ұлтанына көктемде 13 000 гектар жерге 3900 000 дана сексеуіл көшеті мекеменің уақытша тұқымбағынан қазылып, отырғызу жұмыстары жүргізілді. Мекеме 2023 жылы көктемде 1 гектар уақытша тұқымбақ ашып, 0,5 гектар жерге үйеңкі тұқымын егіп және 0,5 гектар жерге сыр талы терек ағаштарынан қаламша отырғызды. &nbsp;&nbsp;Осы жылы орман және дала өрттерінің алдын алу оны болдырмау мақсатында мекеменің орманшылары мен өрт сөндірушілеріне күзету, қорғау жұмыстары жүріп жатыр. Сонымен қатар өрттің қауіпті маусымында орман және дала өрттерінің алдын алу және жою жөніндегі іс-шаралар жоспары және аудандық Төтенше жағдайлар бөлімімен келісілген. 2023 жылдың өрт қауіпті маусымында Қармақшы ауданы аумағында орман және дала өрттерінің алдын алу және болдырмау мақсатында бірлескен іс-шаралар іс қимыл жоспарына сай жұмыстар атқарылып жатыр. 2023 жылдың 29 наурызында аудан әкімі Жандос Еркінбектің орман және дала өрттерінің алдын алу бойынша жұмысшы тобын құру туралы өкімі шығарылды.Аудан көлеміндегі ауылдық округтерге оман және дала өрттерінің алдын алу және оны жою мақсатында 15 дана ескерту хаттар және 100 дана үн парақтар таратылды. Егіс егетін шаруа қожалықтарға өрттің алдын алу бойынша түсіндірме жұмыстары ұйымдастырылуда.&nbsp;Мекеменің жоспары бойынша 75 километрге жаңадан минералды жолақтар және ескі минералды жолақтарды жаңалау 225 километрге жүргізілді.2023 жылдың 21 сәуірінде аудандық төтенше жағдайлар бөлімі мен №10 өрт сөндіру бөлімі және мекеменің орманшлары, өрт сөндірушілерімен бірлескен өрт-тактикалық жаттығуы өткізілді. Сондай-ақ баспасөз бетіне орман және дала өрттерін болдырмау мақсатында мақалалар үзбей жарияланып отырады. 2023 жылдың басынан бері орман және дала өрттері оқиғасы тіркелген жоқ.Мемлекеттік орман қорын қорғау күзету жұмыстары бойынша орман және аң аулау заңдылықтарын болдырмау мақсатында 5 рейд жүргізді. Орман заңдылығының бұзылуының өзге де түрі бойынша 1 жағдай тіркеліп, хаттама толтырылды. Қазақстан Республикасы ӘҚБтК-нің 370 бабының 2 бөлігімен «ескерту» түріндегі шара көріліп, 8625 теңге табиғатқа келтірілген залалы толық өндірілді.

Қармақшыда жыл басынан бері орман және дала өрті тіркелген жоқ

<a href="https://kyzylorda-news.kz/">Kyzylorda-news.kz.</a> ҚР Қаржы нарығын реттеу және дамыту агенттігінің деректері бойынша 2023 жылғы қаңтар – ақпанда сақтандыру сыйлықақылары 170 млрд теңге болған, бұл 2022 жылғы осындай кезеңмен салыстырғанда 23%-ға көп. Сақтандыру сыйлықақыларының өсуінің негізгі қозғаушы күші ерікті мүліктік сақтандыру сыныбы болып табылады.Мүлікті сақтандыру кезінде оны қалай және нені сақтандыруға болады және сақтандыру шартын жасасу кезінде не нәрсеге ерекше назар аудару керек екендігін Fingramota.kz-пен бірге қарастырамыз.Өрт, дауыл немесе су тасқыны сияқты табиғи апаттардың алдын алу мүмкін емес, дегенмен мүлікті күтпеген шығындардан сақтандыру арқылы тәуекелдерді азайтуға болады.Мүлікті сақтандыру белгілі бір оқиғалар орын алған кезде сақтанушылардың мүліктік мүдделерін залалдан материалдық тұрғыдан қамтамасыз ету тәсілі болып табылады. Басқаша айтқанда, бұл – жылжымайтын мүлікке толық немесе ішінара зиян келтіру тәуекелінің кепілі.Мүлікті сақтандыру ерікті сақтандыру түрлеріне жатады және әр адамның жеке таңдауы болып қала береді.Жылжымайтын мүліктен басқа, тұрмыстық техниканы, жиһазды және т.б. сақтандыруға болады. Яғни, барлық жылжымалы және жылжымайтын мүлікті бүлінуден, табиғи апаттардан, өрттен, жоғарғы көршілерден су ағудан, тұрмыстық газдың жарылуынан, бұзақылықтан, тонаудан, бұзып кіруден және т.б. қорғауға болады. Осындай жағымсыз оқиға орын алған кезде сақтандыру арқылы сіз сақтандыру компаниясынан белгілі бір өтемақы ала аласыз.Өзіңіздің жылжымайтын мүлкіңізді дұрыс сақтандыру үшін әрбір меншік иесі қандай тәуекелден сақтанудың маңызды екенін, сақтандыру тетігінің қалай жұмыс істейтінін, белгілі бір компанияның төлемдері мен тарифтерін түсінуі керек. Мүлікті қандай тәуекелдерден сақтандыруға болады&nbsp;Мүлікті әр түрлі тәуекелдерден сақтандыруға болады және сақтандыру қажет. Мәселен, пәтеріңізді су басудан (су құбырының суынан, жылыту жүйесіндегі судан, жауын-шашын салдарынан шатырдан су өтуден) немесе өрт пен ұрлыққа байланысты қауіптерден сақтандыруға болады. Мүліктің жоғалуына, жойылуына немесе бүлінуіне әкелетін мынадай сақтандыру жағдайлары бар:- өрт, найзағай, жарылыс;- табиғи апаттар (көшкіндер, дауылдар, құйындар, су тасқыны, нөсер және басқалар);- су басу;- көлік құралының соқтығысуы;- ұшу аппараттарының соқтығысуы немесе олардың қосалқы бөліктерінің немесе заттары мен жүктерінің мүлікке құлауы;- үшінші тұлғалардың заңсыз әрекеттері, ұрлық, бұзып кіру, тонау;- жер сілкінісі және басқа жағдайлар. Сақтандыру компаниясын дұрыс таңдауға тырысыңыз&nbsp;Сақтандыру компаниясын таңдаған кезде мұқият болыңыз. Сақтандыру компаниясының сақтандыру нарығындағы жағдайын зерттеңіз. Компания сақтандыру төлемдерінің нақты реттелген тетігі бар, сенімді компания болуы керек.Қазақстандағы лицензияланған сақтандырушылардың тізбесімен ҚР Қаржы нарығын реттеу және дамыту агенттігінің «www.gov.kz» сайтында «Қызмет» – «Рұқсаттар мен хабарламалар тізілімі» бөлімінде танысуға болады. Сақтандыру шартын жасасу кезінде неге назар аудару керек?Құжатты мұқият оқып шықпай, оған қол қоймаңыз. Бұл жерде сақтандыру шарты туралы айтылып отыр, оның талаптарында тәуекелдер мен сақтандыру жағдайларының нақты тізімі, сақтандыру жағдайы басталған кездегі сақтандыру төлемінің мөлшері, сондай-ақ сақтандыру жағдайы басталған кезде ұсынылатын құжаттардың толық тізбесі көрсетілуі керек. Міндетті түрде мыналарды мұқият зерделеңіз:- сақтандыру оқиғасына не жатады;- сақтандыру полисі нені өтейді;- қандай ерекшеліктер бар;- қандай тәуекелдер сақтандырумен өтеледі, ал қайсысы өтелмейді;- сақтандыру жағдайы басталған кезде не істеу керек және қандай құжаттарды ұсыну қажет.Сақтандырушыға шарт жасасу арқылы сақтанушының өз мүлкіне немқұрайлы қарамайтындығына кепілдік беретін франшизаға да назар аударыңыз. Басқаша айтқанда, франшиза – бұл сақтанушының сақтандыру залалын өтеуге өзінің қатысуы. Франшиза мөлшері сақтанушының сақтандыру жағдайы басталған кезде өз қалтасынан төлейтін сомасын көрсетеді. Франшиза мөлшері мен тарифтің арасында нақты байланыс бар: франшиза неғұрлым аз болса, сақтандыру тарифі соғұрлым көп болады және керісінше.Егер шарттың талаптары түсініксіз болса немесе күмән тудырса, сақтандыру компаниясының менеджерінен сұрауға қысылмаңыз. Басқа сақтандыру компанияларының талаптарымен салыстырыңыз және өзіңізге ыңғайлы және қолайлы сақтандыру талаптарын таңдаңыз.Есте ұстаңыз!&nbsp;Кейбір оқиғалардың туындауы өтемақы төлеуге әкелмейді. Ол – мүлікті адамның өзінің бүлдіруі, Қазақстан Республикасында белгіленген өрт қауіпсіздігі талаптарын сақтамау, сақтандырылған мүлікті қайта құру, қайта орнын ауыстыру салдарынан туындаған зиян.&nbsp;Шарттың әрбір тармағымен мұқият оқыңыз!Мүлікті сақтандыру үшін қандай құжаттар қажет?Сақтандыру полисі сіздің өтінішіңізде қамтылған мәліметтер негізінде ресімделеді.Өтінішке мыналар қоса берілуі қажет:жеке басыңызды куәландыратын құжаттың көшірмесі; мүлікке немесе мүліктік мүддеге (сатып алу-сату туралы шарт, жалдау шарты және т.б.) меншік құқығы туралы құжаттың көшірмесі; жылжымайтын мүлік объектісінің құны туралы растайтын құжаттар. Сақтандырушы сақтандыру полисін ресімдеген кезде сақтандырылатын мүлікті қарап шығуға, қажет болса, оның шынайы құнын белгілеу мақсатында сараптама тағайындауға құқылы.Сақтандыру полисі Сақтанушы сақтандыру сыйлықақысын төлеген сәттен бастап, ал ол бөліп төленген жағдайда, бірінші сақтандыру жарнасын төлеген сәттен бастап күшіне енеді және тараптар үшін міндетті болып табылады. Сақтандырып қорғаудың қолданылу кезеңі сақтандыру полисінде көрсетілген мерзім болып табылады.Назар аударыңыз!&nbsp;Сақтанушы өтініште жалған мәліметтерді көрсеткен жағдайда, Сақтандырушы сақтандыру жағдайы орын алған кезде Сақтанушыға сақтандыру төлемін төлеуден бас тартуға құқылы.Сақтандыру жағдайы орын алған кезде не істеу керек?Сақтандыру жағдайының белгілері бар оқиға орын алған кезде:1) оқиғаны құжат түрінде ресімдеу үшін болған оқиға туралы құзыретті органдарға дереу хабарлау және Сақтандырушыға немесе оның уәкілетті өкіліне/апат комиссарына хабарлау;2) сақтандыру шартында көрсетілген мерзімдерде Сақтандырушыға немесе оның уәкілетті өкіліне сақтандыру жағдайы туралы жазбаша нысанда өтініш беру, сондай-ақ оған оқиғаның мән-жайы, келтірілген залалдың түрлері мен болжамды мөлшері туралы барлық өзіне белгілі болған мәліметтерді хабарлау;3) бүлінген мүлікті Сақтандырушының өкілі қарап шыққанға дейін зақымдану/жойылу кезінде болған түрінде сақтау (егер бұл қауіпсіздік мүдделеріне қайшы келмесе немесе зиянның ұлғаюына әкелмесе);4) Сақтандырушының өкіліне бүлінген мүлікті кедергісіз қарау мүмкіндігін беру және сақтандыру шартында көзделген басқа да әрекеттерді қамтамасыз ету қажет.Залалдың мөлшерін сақтандыру компаниясы өзіңіз және/немесе тиісті лицензиясы бар тәуелсіз сарапшы ұсынған құжаттардың негізінде айқындайды. Өзіңізге, мүлкіңізге абай болыңыз және сақтандыру жағдайы ешқашан орын алмасын!&nbsp;

Мүлікті сақтандыру: көзделмеген шығынды қалай болдырмауға болады  

<a href="https://kyzylorda-news.kz/">Kyzylorda-news.kz.</a>&nbsp;1 мамыр – Қазақстан халқының бірлігі күні мерекесі және Қазақстан халқы Ассамблеясының кезекті сессиясын талқылау мақсатында Қызылорда облыстық қоғамдық даму басқармасының «Қоғамдық келісім» КММ директоры Бақытжан Камалов этномәдени бірлестіктердің жетекшілері және белсенді мүшелерімен кездесу өткізді.Кездесу барысында Бақытжан Жарылқасынұлы 26-27 сәуір күндері елордада Мемлекет басшысының қатысуымен өткен Қазақстан халқы Ассамблеясының 32 сессиясындағы көтерілген маңызды мәселелерге баса назар аударды.«Қазақстан халқы Ассамблеясы - ұлттық бірліктің мемлекеттік саясатының сенімді тірегі, әрі тұрақтылықты нығайтуда маңызды рөл атқарып келеді. Осы күнге дейін өңірлік ассамблея жұмысына оң баға берілді. Осы бағыттан таймай өздеріңізбен бірлесіп, иық тіресіп жұмыс жасаймыз деген сенімдемін», - дей келе, қоғамдық келісім мен ұлтаралық бірлікті нығайту, этносаралық қатынастың негізі ретінде – мемлекеттік тілдің қолданыс аясын кеңейту және тағы басқа мәселелер бойынша міндеттерді бірігіп атқаратындығын алға тартты.Этномәдени бірлестіктің жетекшілері мен мүшелері өз кезеңінде бұдан әрі де ынтымақшылдық негізінде бірлік пен келісімді нығайтуға дайын екендерін білдірді.Шара соңында &nbsp;1 мамыр – Қазақстан халқының бірлігі күні мерекесі аясында белсенділік танытқан барлық этномәдени бірлестіктердің мүшелері марапатталды.<img src="https://knadmin.beoblood.kz/uploads/344744718_595659385867116_153553539156958867_n_126d610b89.jpg" alt="344744718_595659385867116_153553539156958867_n.jpg">

Қызылордада этномәдени бірлестіктердің өкілдерімен кездесу өтті

<a href="https://kyzylorda-news.kz/">Kyzylorda-news.kz.</a>&nbsp;Бейсенбіде елімізде шаңды дауыл, қатқақ, найзағай болады, деп хабарлайды Қазгидромет.Атмосфералық фронттардың әсерінен республиканың батысында нөсер жаңбыр, кей уақытта найзағай мен бұршақ жауады.Оңтүстік-шығыс пен шығыста жаңбыр мен қар түсуі ықтимал.Республика бойынша жел күшейеді, оңтүстікте, оңтүстік-шығыста, батыста - шаңды дауыл, солтүстік-батыста тұман түседі.

4 мамырға арналған ауа райы болжамы

<a href="https://kyzylorda-news.kz/">Kyzylorda-news.kz.</a> Өркениетті елдердің дамуының алғышарты – мәдени, рухани жағынан алға жылжуы, тың жаңалықтар ашуы. Осы орайда облыстық мәдени шаралар және халықтың бос уақытын тиімді өткізу жөніндегі қызметті ұйымдастыру бөлімінің әдіскері Анаш Хамидпен сұқбаттасудың сәті түсті.‒ Анаш, қазір халықтың бос уақытын тиімді өткізуде қандай шаралар ұйымдастырылуда? Әңгімемізді орталық жұмысынан бастасақ…‒ Өздеріңізге белгілі, мемлекет басшысы Қасым-Жомарт Тоқаевтың «Тәуелсіздік бәрінен қымбат» атты мақаласында еліміздің ең маңызды мерекесін жоғары деңгейде атап өту керегін. Бұл тұрғыда бүкіл қазақ елі, соның ішінде Қызылорда қаласында ауқымды шаралар мен түрлі жобалар өткізу жоспарлануда. Яғни, барлық шара атаулы мерейтой аясында өтетін болады. Жалпы жылдық жоспарымызда халықтың бос уақытын тиімді өткізуді ұйымдастыру жөнінде көптеген іс-шара бар. Әлеуметтік желідегі парақшамызда түрлі айдарлар ашылып, халыққа өз деңгейінде мәдени-рухани азық сыйлап келеміз.‒ Ал өзіңіз бұл салаға қалай келдіңіз?‒ Негізінен мәдениет саласы маған алыс емес. Осы ретте бір ерекше оқиғамен бөліскім келіп отыр. Анамның тікелей қалауымен, бұйрығымен физика-математика бағытын таңдауым қажет болды. Бірақ жүрек қалауым басқа болған соң шығар, әйтеуір грантқа балым жетпей қалды. Жасымнан бірбеткей боп өскен мен ақылы оқымаймын деген шешіммен өмірімде бірінші рет анамның рұқсатынсыз Алматы қаласындағы Т.Жүргенов атындағы Өнер академиясына барып, «Кескіндеме, мүсін және дизайн» факультетінің сәндік өнер мамандығына оқуға түстім. Академия қабырғасында жүргенде-ақ қоғамдық жұмыстарға белсене араласып, түрлі көрмелерде суреттерім қойылып, студенттік кезеңді өте қызықты өткіздім. 2018 жылы А.Тоқмағамбетов атындағы қалалық мәдениет үйіне алғаш рет жастар тәжірибесі бағдарламасымен келіп, біліктілігім мен білімімнің арқасында маман болып қалыптастым.‒ Халықтың мәдениеттілігі немен өлшенеді? Мәдениетті тек тәртіппен бағалауға бола ма?‒ Адам мәдениеттілігінің деңгейі оның отбасында балаларына берген тәрбиесі, мейір-шапағатымен өлшенуі тиіс. Мәдениеттіліктің шегі не қалыбы болмайды. Ол адамға отбасындағы тәрбие, білім, өскен ортасы арқылы беріледі. Ұлы Абай отыз сегізінші қара сөзінде: «Қашан баланың ғылым-білімге махаббаты оянғанда ол адам бола бастайды. Адам болмағына үш нәрсе себеп: жақсы ата-ана, жақсы ұстаз, жақсы құрбы-құрдас» дейді. Осыдан-ақ тұлғада алғашқы негіз болмай, мәдениеттің қалыптасып, дамуы мүмкін емесін түсінеміз. Әдептілік, мәдениет ‒ барлық жақсы қасиеттердің жиынтығы, ол бойға біртіндеп сіңеді. Сондықтан әр адам өзін-өзі тәрбиелеуі тиіс. Шынайы мәдениет ең алдымен өз халқыңның қадір-қасиетін жете ұғынудан қалыптасады деп ойлаймын.Лұқпан Хакімнен біреу: «Осынша әдептілікті қайдан үйрендің?» деп сұрағанда ол: «Әдепсіздерден үйрендім. Олар істеген қылықты қайталамауға тырыстым» деп жауап беріпті. Әдептіліктің басты шарты ‒ іші-сыртың, мінез-құлқың, іс-әрекетің бәрі бірдей сыпайы, орнықты, ойлы, мазмұнды және барлық жағынан үйлесімді болу қажет деп ойлаймын. Ал адамдар қатаң тәртіппен ғана мәдениетті болады деу қиын…‒ Қалалық мәдениет бөлімінің тындырымды жұмыстарын көз көріп жүр. Жалпы мәдениет, өнер саласының мамандарына мемлекет тарапынан қаншалықты көңіл бөлінген?‒ Қазір қала мәдениеті өз деңгейінде жоғары нотада елге қызмет етіп, мәдени-рухани азық сыйлап келеді. Оның бәрі мемлекет қолдауын жүйелі түрде үйлестіріп отырған қала басшылығының мәдениет саласына деген оң ықыласынан деп білеміз. Атап айтар болсақ, заманауи үлгіде дыбыс жазу студиясы, &nbsp;дыбыс күшейткіш аппаратурасы, фольклорлық, вокалды аспапты ансамбльдер мен би топтары, көркемөнерпаздар үйірмелеріне инструменттер, сахналық киімдер тігіліп барынша қолдау көрсетіліп келеді. Ал, қаланың шығармашыл жастарын біріктірген Жастар театры көркемдік деңгейі жоғары спектакльдер ұсынып, өз көрерменін тауып үлгерді. Осы ретте, өнерді құрметтеп, мәдениетті өркендету – баршамыздың ортақ мақсатымыз екенін айта кеткен жөн.Елдің рухани дамуы мен кемелденуі мәдениеттің қарқынды дамуымен ұштасып, ұлттық өнердің қанат жайып, ұрпақтан ұрпаққа жалғасуына себепкер болып жүрген мәдениет қызметкерлерінің еңбегі орасан. Тынымсыз еңбектің нәтижесі шығар, жыл басында бірқатар мәдениет қызметкерлері қызметтік пәтер кілтін алып, қоныс той болғанын қуанышпен айтқым келеді. Сондай-ақ А.Тоқмағамбетов атындағы қалалық мәдениет үйі жанынан құрылған белгілі ақын Мамыр Байдәулетов жетекшілік ететін «Қауырсын» жас ақындар үйірмесінің белді мүшесі Піржан Сандыбайдың «Буыршын белес» атты тырнақалды жыр жинағы ақылы қызмет есебінен жарық көрді. Осындай үлкен қолдауларды сезінген біз секілді мәдениет қызметкерлері алдағы уақытта да халыққа сапалы қызмет ұсына береді.‒ Жастар қала мәдениетінің дамуына қандай үлес қоса алады?‒ Бұл бағытта жастардың үлесі зор. Өйткені қай кезде де қоғамның қозғаушы күші ‒ жастар. Кешегі Мағжан ақын «Мен жастарға сенемін!» деп үміт артып, Елбасы Н.Назарбаевтың «Еліміздің болашағы ‒ жастардың қолында» деуінің өзі бізге үлкен жауапкершілік жүктейді. Осындай жауапты міндетті сезінген біз секілді жастар қала мәдениетінің, еліміздің өсіп-өркендеуі жолында аянып қалмасымыз анық.

Қызылордалық жастар мәдениет саласына сан түрлі жаңалық әкелуде

<a href="https://kyzylorda-news.kz/">Kyzylorda-news.kz.</a> Соңғы кездері аймақта мал шаруашылығында серпін байқалады. Десек те төрт түлікке қатысты мәселе де жоқ емес. Аудан, ауылдарда жұқпалы аурулардың саны көбейіп, малдың өліміне әкеп соғуда. Мәселеге байланысты мал дәрігері Жомарт Қуанышұлымен тілдесіп, сан сауалға жауап алдық.– Жомарт Қуанышұлы, өңірде жұқпалы аурулардың қатары көбейіп, мал шаруашылығының өркендеуіне кері әсері тиюде. Жалпы аса қауіпті ауруларымен күресте қандай жұмыстар жүріп жатыр?– Мемлекеттік бағдарламаларының орындалуы, ветеринарлық қызмет көрсету сапасын жақсартуы мал ауруларының азаюына тікелей байланысты. Эпизоотиялық тұрақтылықты сақтау жергілікті атқарушы органдардың ветеринариялық қызметіне тиесілі. Аудандардағы барлық ауылдық округтерде ветеринариялық пункттер бар және олар ветеринар мамандармен толық қамтамасыз етілген. Басты міндетіміз – эпизоотиялық тұрақтылықты сақтау және аса қауіпті экзоотикалық ауруларды болдырмау. Экзоотикалық аурулар деп шет мемлекеттерден келетін ауруларды айтады. Бұл орайда, әсіресе тағамдық тұтынатын өнімдердің қауіпсіздігін қамтамасыз ету аса маңызды. Мысалы, Жаңақорған ауданында эпизоотиялық тұрақтылықты сақтау үшін аса қауіпті 14 түрлі жұқпалы ауруларға қарсы бөлінген ветеринариялық препараттар толық жеткізіліп, егу жұмыстары жүргізілуде. Сонымен қатар мүйізді ірі қара малының тейлериозы мен пираплазмозы, уақ малдың бауыр құрты, түйенің трипаносомозы, жылқының гастрофилезі мен сақауы секілді энзоотиялық ауруларға қарсы дәрі-дәрмектер сатып алуға облыстық бюджеттен қаржы тұрақты түрде бөлініп келеді.– Жұқпалы дерттің салдарынан мал шығыны да жоқ емес шығар…– Өткен жылы энзоотиялық аурулар, травматикалық жағдай¬лардан, улану, ас қорыту жүйесі, зат алмасу жүйесі аурулары, сонымен қатар, жол-көлік оқиғалары, ауа-райының қолайсыздығынан туындаған табиғи апатқа байланысты 13 мүйізді ірі қара, 88 бас уақ мал, 4 бас жылқы, 1 бас түйе өлім-жітімге ұшырады. Ал негізінде ауыл шаруашылығы жануарлары арасында аса қауіпті жұқпалы аурулар тіркелген жоқ.– Қорадағы малға жұқпалы ауру таралмауы үшін шаруалар не істеуі керек?– Ауруларды болдырмау тек ветеринар мамандарының ғана ісі емес. Жануар иесі ҚР «Ветеринария туралы» Заңының 25 бабында көрсетілген талаптарға сәйкес, уақытылы вакцинация салдырып, диагностика жасатуға, ауыл шаруашылығы жануарларын бірдейлендіруге міндетті. Сонымен қатар, қора-жайларды таза ұстап, жем-шөп сақтауда қоршаған ортаның ластануына жол бермей, зоогигиеналық талаптарды сақтауы тиіс. Сонымен бірге жануарларды сатып алғанда, сойғанда немесе сатуға өткізгенде, сойғаннан кейін ветеринария¬лық-санитариялық сараптама жасамай сатуға, обьектілерге ветеринариялық тексеру жүргізуге кедергі келтірмеуге міндетті. Оған қоса төл алғанда, жануарлар ауырған жағдайда ветеринария саласындағы мамандарға хабарлауға тиіс.– Мал шаруашылығында бірдейлендіру шаралары қолға алынуда. Бұл жұмыстар қалай жүруде?– Бірдейлендіру – ветеринарияның негізгі әліппесі. Мал иелері қорасындағы төрт түлік малына уақытылы вакцина ектіруге, диагностикалық тексерту жүргізу және бірдейлендіруге аса мән беруі қажет. Заңда көрсетілген талаптарға сай жылқы малына таңба, ал басқа малдарға сырға салынуы тиіс. Таңбалау мен сырға салу біздің міндетімізде. Ал чип салдыру мал иесінің келісімімен, өз қаржысына салынады. Таңба басу салдарынан малда механика¬лық жарақат, күю, іріңдеу, шошыну сынды т.б жағдай орын алады. Бүгінгі таңда жылқының төлдеріне чип орнатуда. Егер терінің астына чип салып енгізсе, әлгіндей жағдай орын алмайды. Таңба, чип, сырға салынған жануарлар ауыл шаруашылығы жануарларын бірдейлендіру дерекқор (ИСЖ) базасына тіркеледі.– Бүгінде қаңғыбас ит пен мысық зардабына байланысты қоғамда шағым күрт көбейді…– Дұрыс айтасыз, бұл үлкен мәселеге айналып отыр. Әлеуметтік желілерде де көп көтеріледі. Заң талаптарына сәйкес, қаңғыбас (ит, мысықтар) жануарларды аулау жүзеге асырылмайтыны көрсетілген. Аталған заңға сәйкес, бүгінгі таңда қаңғыбас ит-мысықтарды аулап жоюға заң жүзінде рұқсат жоқ. Сонымен қатар жануарларға қатыгездік көрсету ӘҚБтК-ның 407-1-бабы және ҚР ҚК-ның 316 бабы бойынша жауаптылыққа әкеп соқтыратыны көзделген. Үйдегі ит пен мысықты қоғамдық орындарда серуендету ережеге сәйкес болуы керек. Мысалы, көбісі ауласында итін босатып жібере салады, ал ол біреуді тістеуі, қауіп алып, зақым келтіруі мүмкін. Тоқетерін айтқанда, иесі итке ие болуы керек.– Ветеринарларды қандай мәселе мазалайды?– Мал иелері бірдейлендіруге қатты мән беруі керек. Осы мақсатта ветеринар мамандар үй мен қораны жағалап жүреді. Әркімнің жауапкершілігі әртүрлі. Келіскен уақытта үй иелері болмай қалады. Кірген жағдайда қорадағы мал түгел болмай шығады. Сұраса, өрісте жүр дейді. Бір күнде бітіретін шаруаға екі-үш күнін жоғалтып жатады. Алыс ауылдарда құмның арасында жатқан малдарын жасыратындар да бар. Төрт түлік малдар сырғаланбаса немесе таңбаланбаса, есепте жоқ болып табылады. Мал иесі бірдейлендіруден өткеннен кейін барып ауыл шаруашылығы саласындағы көмек алуға толық мүмкіндігі болатынын ескерген жөн. Мал иелері жануарларын уақытында, толық жинақтамау салдарынан, аса қауіпті жұқпалы және энзоотиялық ауруларға қарсы алдынала егу, диагностикалық тексеруге қан алу жұмыстарын жүргізу барысында қиыншылықтар орын алуда.– Әңгімеңізге рақмет!

Аймақтығы мал шаруашылығының ахуалы қандай?

<a href="https://kyzylorda-news.kz/">Kyzylorda-news.kz.</a>&nbsp;Тырысқақ – аса қауіпті инфекциялық аурулар тобына жатады. Тырысқақ басқа жіті ішек жұқпаларынан клиникалық ағымының ауырлығымен, жоғары өлім-жітімімен және салыстырмалы түрде қысқа мерзімде ауқымды аумақтарға таралып, халықтың көпшілігіне жұқтыру мүмкіндігімен ерекшеленеді.&nbsp;Қызылорда облысында 2022 жылы тырысқақпен ауырған науқастар тіркелген жоқ. Облыс аумағында тырысқақ бойынша эпидемологиялық бақылау эпидемиологиялық қауіптілікке себеп болатын факторлар кешені бойынша аумақтардың типтерін ескере отырып, сараланып жүзеге асырылады. Қызылорда облысы І типке жататын аумақта орналасқан. Облыстың барлық аумағында жылдың маусымына қарамастан сусыздану белгілерімен үйлескен диарея, құсуы бар жіті ішек инфекцияларымен ауырған науқастар, этиологиясы белгісіз жіті ішек инфекциясы ауруларынан қайтыс болған адамдар тырысқаққа міндетті түрде тексеріледі.2022 жылы біріншілік есеппен тіркелген ЖІА-мен ауырған 1237 адам тырысқаққа тексерілді. Нәтижесінде тырысқақ вибрионы анықталған адамдар болған жоқ. Этиологиясы белгісіз ЖІА-нан қайтыс болу жағдайлары тіркелмеген.Профилактикалық мақсатта психоневрологиялық диспансер және стационарлар емделушерінен 1050 тұлға тырысқаққа тексерілді. Қолайсыз елдерден келген және барып келгеннен кейін 5 күн ішінде сырқаттанған адамдар тіркелген жоқ. Тырысқаққа күдік тудыруға негіз болатын белгілер: қызба (температура – 37оС &nbsp;және одан жоғары), жүрек айну, іш өту, құсу, бас ауруы, сонымен бірге тырысқақ бойынша қолайсыз елдерден әкелінуін ескеру қажет.Қызылорда облысының санитариялық-эпидемиологиялық бақылау департаменті аса қауіпті саналатын тырысқақтың алдын алу үшін келесі сақтық шараларын ұсынады:– жеке гигиена шараларын сақтау: тамақ ішер, тамақ дайындар алдында, әжетханаға барғаннан кейін қолыңызды мұқият жуу;– қайнатылған немесе бөтелкедегі суды ішу;– ұйымдастырылған демалысқа рұқсат етілген су айдындарында шомылу;– теңіздің, мұхиттың және басқа да су объектілерінің шикі және жеткіліксіз пісірілген өнімдерін пайдаланбау;– азық-түлік, жеміс-жидек пен көкөністі рұқсат етілген сауда орындарынан сатып алу;– жемістер мен көкөністерді қайнатылған немесе бөтелкедегі сумен мұқият жуу.Тырысқақ ауруының белгілері пайда болған жағдайда дереу дәрігерге жүгіну қажет. Медициналық көмекке ерте жүгіну тырысқақты тиімді емдеуге және асқынудың алдын алуға мүмкіндік береді.

Тырысқақ ауруының Қызылордадағы эпидахуалы қандай?

&nbsp;<a href="https://kyzylorda-news.kz/">Kyzylorda-news.kz.</a>&nbsp; Синоптиктер 4-6 мамырда Қазақстанда ауа райы қандай болатыны туралы болжам жасады.Болжам бойынша, Солтүстік антициклон жотасы ықпалынан Қазақстанның басым бөлігіндегі жауын-шашынсыз ашық ауа райы қалыптасады, түнгі уақытта оңтүстікте, оңтүстік-шығыста 1-7 градус үсік күтіледі.<blockquote>"Еліміздің батыс, шығыс және оңтүстік-шығыс аймақтарында атмосфералық фронталь бөліктер әсерінен ауа райының тұрақсыз сипаты күтіледі - батыста жаңбыр жауады, 4-5 мамырда кей уақытта найзағай, бұршақ жауады, шығыста, оңтүстік-шығыстың таулы аймақтарында түнде жауын-шашын (жаңбыр, қар), күндіз жаңбыр жауады. Республика бойынша желдің күшеюі күтіледі, оңтүстік өңірлерде құмды дауылдар болжанады", - делінген хабарламада.</blockquote>&nbsp;

Үсік жүреді: Алдағы күндерге арналған ауа райы болжамы

&nbsp;<a href="https://kyzylorda-news.kz/">Kyzylorda-news.kz.</a> Қызылордада «Q-MED company group» емханасы ашылды. Бұл Әлеуметтік медициналық сақтандыру қорымен шарт жасасқан облыстағы 26-шы алғашқы медициналық-санитарлық көмек көрсету ұйымы. Жаңа клиника облыс орталығының 6 мыңнан астам тұрғынына қызмет көрсетеді.Қызылордалық Нұргүл Байменова (аты-жөні өзгертілген) үшінші топтағы мүгедек, жүрек-қан тамырлары аурулары бойынша диспансерлік есепте тұр. Емхананы еркін таңдау науқаны кезінде ол жақын жерде тұратындықтан «Q-MED company group» медициналық орталығына тіркелді. Тағы бір себеп. Нұргүлде бала кезінен салмағы артық. Емхананың КТ, МРТ аппараттары 100 келіден астам салмақты көтереді.<blockquote>«Күндізгі стационарда емделіп жатырмын. Мұнда дәрігерлер тәжірибелі, жалпы медициналық қызметкерлер сезімтал. Осы емханаға тіркелгеніме өте қуаныштымын. Барлық дәрі-дәрмектерді уақтылы аламын. Ең бастысы, талдауларды, соның ішінде қымбаттарын тапсыруға, Холтерде, ЭКГ, УДЗ, КТ, МРТ және т.б. диагностикалық тексеруден өтуге мүмкіндік бар», - деп атап өтті Нұргүл Байменова.</blockquote><blockquote>«КТ аппараты сәбилерге де, салмағы 170 келіге дейінгі адамдарға да қарастырылған. Сондай-ақ, емханада салмағы 200 жүз келіден асатын пациенттерге арналған аймақтағы жалғыз МРТ аппараты бар. Сәулеленудің төмен мөлшері рентген аппараты бар. Біздің мамандар оқытылып, тиісті дайындықтан өтті», - деді «Q-MED company group» медициналық орталығының радиология бөлімінің басшысы Димаш Беркімбаев.</blockquote>Емхана «Q-MED company group» жаупкершілігі шектеулі серіктестігінің бастауымен, мемлекеттік кәсіпкерлікті қолдау бойынша кредиттеу бағдарламасы аясында «Даму» Кәсіпкерлікті дамыту қорының» және шетелдік инвестиция тарту арқылы жүзеге асырылып отыр. Медициналық орталық амбулаториялық-емханалық, консультациялық-диагностикалық көмек көрсетеді. Облыс орталығының 6 мыңнан астам тұрғынына 4 аймақ қызмет көрсетеді. Олардың санын 12-ге дейін кеңейтіп, 20 мың адамды қамту жоспарлануда. Емхананың жоспарлы қуаты ауысымына 300 адамға дейін жетеді, дейді емхана мамандары.<blockquote>«Емхана «бір терезе» қағидаты бойынша жұмыс істейді. Зертханалық қызметтерден, диагностикадан, дәрігерлердің кеңесінен және дәрі-дәрмекпен қамтамасыз етуден басқа клиникада жедел жәрдемнің көмегі қарастырылған. Мысалы, МӘМС-те сақтандырылған пациент жүгінді, бірақ ол біздің емханаға тіркелмеген және жергілікті дәрігердің жолдамасы жоқ. Бізде Пациенттерді қолдау қызметі мен қоғамдық қабылдау қызметтері бар, онда осы пациенттердің өтініштері талданады, мәселе сол жерде шешіледі», - дейді «Q-MED company group» медициналық орталығының құрылтайшысы Раушан Базарбай.</blockquote>Сондай-ақ медициналық орталықта студенттік емхана бар, оған 11 колледж студенттері тіркелген. Медициналық орталықта барлығы 60-тан астам маман жұмыс істейді, оның 26-сы дәрігер. Емханада 8 00-ден 19 00-ге дейін 8 /7242/ 71 03 29 телефон нөмірі бойынша байланыс орталығы жұмыс істейді. &nbsp;<figure class="image"><img src="https://knadmin.beoblood.kz/uploads/QMED_1_aa554f40bf.jpeg" alt="QMED 1.jpeg"></figure>&nbsp;<figure class="image"><img src="https://knadmin.beoblood.kz/uploads/QMED_4_966507edd6.jpeg" alt="QMED 4.jpeg"></figure>&nbsp;<figure class="image"><img src="https://knadmin.beoblood.kz/uploads/QMED_15_398e8b02f3.jpeg" alt="QMED 15.jpeg"></figure>

Қазақстан және Қызылорда облысының жаңалықтары