<a href="https://kyzylorda-news.kz/">Kyzylorda-news.kz.</a> Ел президенті Қасым-Жомарт Тоқаев жыл сайынғы Қазақстан халқына арнаған Жолдауында кәсіпкерлік саласын дамытуды баса назарға алып келеді. Мемлекет тарапынан түрлі сыйақылар мен қайтарымсыз грант, төмен пайыздық мөлшерлемемен несиелер де кәсіпкерлікті дамыту үшін беріліп жүр.&nbsp;«Сұлулық құрбандықты талап етеді» деген сөз бар. Иә, заманның дағдысы мен қаржы тапшылығына қарамастан көптеген ірі қалаларда сән салондарынан аяқ алып жүре алмаймыз. Бүгінгі заман сұранысына сай бойжеткен қыздан бастап, егде жастағы әйелге дейін сұлулықты басты назарда ұстайтыны жасырын емес. Тіпті қай қоғамдық орынға бара қалсақ, тырнақтан бастап, кірпікке дейін сәнделген нәзік жандыларды көзіміз шалады. Ендігі кезекте сұраныс көбеймесе, кемімейтіндіктен біздің ауданда да осы салаға машықтанған кәсіпкерлер қатары көбейіп, түрлі салондар ашылып келеді. Көптеген нәзік жандыларды сәндеп, алғысын алып жүрген кәсіпкерлеріміздің бірі – Нұрсұлу Мыңғышпанова. Бес жыл бойы медицина саласында жүріп-ақ аруларды сәндеуді хоббиге айналдырған Нұрсұлу бүгінде аудандағы сұранысқа ие маман.<blockquote>«Қазір барлық дерлік сала жоғары деңгейде дамыған. Соның ішінде сұлулық саласы да қалыс қалар емес. Тіпті сұранысқа ие кәсіп десек те артық болмас. Бүгінде қай қыз-келіншек болмасын өзінің әдемі әрі сенімді жүргенін қалайды. Мен де жастайымнан өз кәсібімді ашсам деп армандайтынмын. Алматы қаласында жүрген кезде жолдасым көбіне жұмыста болатын. Сол кездері макияж, жасанды кірпік істету сынды дүниелер танымал болды. Содан ең алғаш қыз-келіншектерді сәндейтін макияж бен кірпік жасау курсын оқыдым. Балаларым кішкентай болған соң бастапқыда клиенттерді үйден қабылдап жүрдім. Қағазбен түрлі хабарландырулар іліп, жақын маңайдағы мектеп пен балабақшада жұмыс істейтін қыз-келіншектерді сәндедім. Аралға келгеннен кейін де бұл саланы әрі қарай дамытып, ауданнан клиенттер жинадым. Солай жүріп сұлулықты алға қойған көптеген тұрақты қыз-келіншектерімді таптым. &nbsp;Тіпті мереке кездері таңның атысынан кештің батысына дейін жұмыс істеген кездерім болды. Уақыт өте «Бизнес бастау» &nbsp;жобасын оқып, қайтарымсыз несие арқылы бүгінгі сұранысқа ие косметолог мамандығын игеріп шықтым. Иә, өзім де медицина саласында жүрген соң маған атаулы саланы игеру аса қиындық тудыра қоймады. Міне, осындай еліміздегі жас кәсіпкерлерді қолдайтын жобалардың бары көпті қуантары анық. Осылайша өз кәсібімнің несібесін де көріп отырмын»,–деді Нұрсұлу өз кәсібі жөнінде.</blockquote>Иә, бүгінде шағын және орта бизнеске мемлекет тарапынан көп мүмкіндік қарастырылған. Соның арқасында ауданда біршама кәсіпкерлер өз ісін ашып, өздерімен қатар өзгені де жұмыспен қамтып отыр.

Аралдық кәсіпкер қайтарымсыз грант алып тың кәсіпті бастады

Қазалыдағы әкелі-балалы офицерлер 

<a href="https://kyzylorda-news.kz/">Kyzylorda-news.kz.</a>&nbsp;Мемлекет басшысының Жарлығына сәйкес аудан әкімі Нұржан Ахатов тоқсан сайын халықпен кездесулер өткізуде. Бұл жолы аудан әкімі Еңбекші, Жиделіарық, Жуантөбе, Бестам, Телікөл, Алмалы, Ақтоған, Керделі, Тұран, Ақмая ауылдық округі тұрғындарымен кездесті.Кездесулер барысында аудан әкімі тұрғындарға әр ауылдық округ бойынша депутат болып сайланған аудандық мәслихат депутаттарын таныстырып, алдағы уақытта депутаттардың қолдауымен көпеген істер атқару жоспарланғанын айтты.Келесі кезекте, аудан басшысы биылға жылға 6 бірдей ауылға газ жүйесін тарту, 2 ауылға ауыз су жүйесін жүргізу, 2023-2024 жылдары 8 бірдей елді мекенде амбулаториялық ғимараттардың құрылысын жүргізу жоспарланып отырғанын жеткізді. Содан соң, тұрғындар тарапынан сұрақтар қойылып, Нұржан Сәбитұлы жауапты сала басшыларымен бірге шешу жолдарын талқылады. Мәселен, Еңбекші ауылдық округінде өткен кездесуде мемлекеттік балабақшаға көлік алып беру, Қосүйеңкі елді мекенінде жарық мәселесін шешу, монша салу мәселелері көтерілді. Ал, Жиделіарық ауылдық округіндегі кездесуде тұрғындар егістік жерлердің айналасын қоршалау үшін қазып тастайын шаруа қожалықтардың іс-әрекеттеріне наразылық танытты, сондай-ақ, амбулатория ғимаратының көлемі кішкентай екендігі айтылып, реконструкция жасау ұсынылды.&nbsp;Жуантөбе ауылдық округінде өткен халықпен кездесу барысында да біршама мәселе айтылды. Атап айтар болсақ, кіре беріс арканы жаңалау, ауыл ішілік көшелерге асфальт жабындысын төсеу секілді мәселелер айтылды. Бұл мәселелерге қатысты аудан басшысы «Расында, Жуантөбе ауылдық округінің көшелеріне асфальт жабындысын төсеу ісі басқа елді мекендермен салыстырғанда кенжелеп қалған. Алдағы уақытта осы мәселені шешу үшін аудандық бюджеттен қаржы бөлуге жұмыс жасаймыз», деді.Бестам елді мекенінде өткен кездесуде тозығы жеткен жарық бағаналарын ауыстыру, мәдениет үйін салу, мектеп ғимаратын толықтай жөндеуден өткізу секілді бірқатар мәселелер көтерілді. Тозығы жетіп, адам өміріне қауіп төндіруі мүмкін бағаналарды аудан әкімі КРЭК мекемесінің басшысы Нұржан Ахметовке 2 тәулік ішінде ауыстыруды тапсырды.Телікөл жұртшылығы болса, шаруа қожалықтары қазып тастаған орларды көму, медицина қызметкерлерінің қызмет көрсету сапасын көтеру, қазақша күрестен спорт үйірмесіне ғимарат беру мәселелерін айтты. Мұнан соң, аудан әкімінің халықпен кездесулері Алмалы, Ақтоған ауылдық округтерінде жалғасып, ақтоғандықтар 1971 жылы салынған мектеп ғимаратының орнына жаңа мектеп салу мәселесін ортаға салды.&nbsp;Керделідегі басқосуда тұрғындар мемлекеттік балабақша ғимаратын газға қосу, ауылдағы қоқыс полигонын жауып, жаңасын ашу мәселелерін жеткізді. Балабақша ғимаратын газға көшіру мәселесіне қатысты білім бөлімінің мамандары тиісті құжаттардың дайындалып, басқармаға ұсынылғанын айтты, ал қоқыс полигонына қатысты аудан әкімі полигонды толықтай тазартып, жабу керектігін мұнан соң тұрғындар тазалық мекемесімен келісім-шартқа отыру керектігін айтты.

Шиелі ауданы әкімінің тұрғындармен кездесуі жалғасын тапты

<a href="https://kyzylorda-news.kz/">Kyzylorda-news.kz.</a> 1 мамыр – Қазақстан халқының бірлігі күні мерекесі және Жеңіс күні қарсаңында қазақстандықтардың қатысуымен «Еркін елдің ұрпағы» атты жалпыұлттық патриоттық диктант өтті.Диктант Қызылордада Достық үйінде үстіміздегі жылдың 4 мамырында сағат 10:00-де басталды.Аталған шараға 30-дан астам этномәдени бірлестіктердің, Қызылорда облыстық қоғамдық даму басқармасының «Қоғамдық келісім» КММ-нің қызметкерлері қатысты. &nbsp;Жалпыұлттық диктант этносаралық қатынас тілі ретінде мемлекеттік тілдің қолданылу аясын кеңейту арқылы қазақстандық бірегейлікті қалыптастыру, қоғамдық келісім мен ел бірлігін нығайту мақсатын көздейді. Айта кету керек, комиссия құрамында облыстық тілдерді оқыту орталығының мамандары болып, қатысушылардың сауаттылығын бағалады.Мемлекет басшысы Қасым-Жомарт Тоқаев «Болашағын Отанымызбен байланыстыратын әрбір азамат қазақ тілін үйренуге ден қоюға тиіс» деген болатын. Бүгінгі өткен диктанттың міндеті де осы. Қазақстан халқын топтастырушы фактор ретінде мемлекеттік тілдің рөлін нығайту.Сыр жастары жалпұлттық патриоттық диктантқа белсенді қатыстыСынымен қатар Мемлекет басшысының тапсырмасымен мамыр айының атаулы мерекелері қарсаңында өткен «Еркін ел ұрпағы» тақырыбындағы жалпыұлттық патриоттық диктант жазуда Сыр жастары да белсенділік танытты.Ұлттық бірегейлікті қалыптастырып, еліміздің тәуелсіздігі мен егемендігін дәріптеу, ұлттық салт-сананы бойына сіңірген патриоттық рухтағы ұрпақ тәрбиелеу – бүгінгі шараның басты мақсаты. Қазақстандықтардың мемлекеттік тілді білу деңгейлерін анықтап, сауатты жазу дағдыларын қалыптастыру, диктант мәтіні арқылы ұлттық құндылықтарға тәрбиелеуге үндейтін шарада қатысушылар өз білім деңгейлерін және қаншалықты сауатты жазатындықтарын тексеруге мүмкіндік алмақ.&nbsp;Аталмыш шараға барша Сыр жастары да асқан қызығушылықпен қатысуда. Тіл тазалығы мен қазақы құндылықтар ерекше сақталған аймақта жастардың мұндай бастамасы көпке үлгі болары анық. Себебі сол арқылы мемлекеттік тілдің қолданылу аясы кеңейіп, оның қоғамдық маңызы арта түспек.Диктант мәтіні – 141 сөзден тұрады. Диктантқа онлайн, офлайн қатысуға мүмкіндік бар. Қатысушылардың жасына шектеу қойылмаған.Қызылордалық тәртіп сақшылары да диктант жазды«Еркін ел ұрпағы» тақырыбында өткен шараға Қызылорда облысы полиция департаментінің қызметкерлері де атсалысты.Мамыр мерекелері мен Жеңіс күні қарсаңында өткізілген жалпыұлттық патриоттық диктант Ақпарат және қоғамдық даму, Оқу-ағарту, Ғылым және жоғары білім министрліктері мен жергілікті атқарушы органдармен ұйымдастырылды.Жалпы, бұл патриоттық сарындағы шараның мақсаты ел егемендігі мен Тәуелсіздігін дәріптеу, ұлттық құндылықтар мен ұлттық мұраттарды бойына сіңірген патриоттық рухтағы ұрпақ тәрбиелеу. Сонымен қатар қатысушылардың мемлекеттік тілде сауатты жазу дағдыларын қалыптастыру және осы диктант мәтіні арқылы ұлттық құндылықтарға тәрбиелеу болып табылады.Қызылорда облысы полиция депаратментінің 30-ға жуық қызметкерлері диктант жазуға қатысты. Жалпыұлттық диктант еліміз бойынша белгіленген бір уақытта жүргізілді.Диктант жұмысы бағаланбайды және қатысушылардың саны мен жазу сауаттылығының жалпы пайызы шығарылатын болады.Аталған шараға Қызылорда облыстық қоғамдық даму басқармасының қызметкерлері де атсалысып, диктант жұмысына қатысты.&nbsp;Шараға қатысушыларды басқармасының басшысы Алмасбек Есмаханов алда келе жатқан мамыр мерекелерімен құттықтап, диктант жұмысына сәттілік тіледі.<img src="https://knadmin.beoblood.kz/uploads/Whats_App_Image_2023_05_04_at_17_31_45_fb56e30d8f.jpeg" alt="WhatsApp Image 2023-05-04 at 17.31.45.jpeg"><img src="https://knadmin.beoblood.kz/uploads/344769380_2183616305172630_2216876671194274574_n_4ac964cbcb.jpg" alt="344769380_2183616305172630_2216876671194274574_n.jpg">

Қызылордалықтар жалпыұлттық патриоттық диктант жазды

Тәжігүл Әбенова: Әйел бейнесі – қоғам бейнесі

<a href="https://kyzylorda-news.kz/ru">Kyzylorda-news.kz.</a> Жаңақорған аудандық ішкі саясат бөлімі мен «Жастар Ресурстық Орталығы Жаңақорған» КММ ұйымдастыруымен «Әдепті келін – әдемі» атты жас келіндер байқауы болып өтті. &nbsp;Аудан көлемінде ұйымдастырылған шараға 7 әулеттің келіндері қатысып, бақ сынасты. Байқаудың ережесі бойынша қатысушылар бірінші кезеңде «Әдептілік белгісі, иіліп сәлем бергені» тақырыбында өз отбасын, барған жерін таныстырса, екінші кезеңде «Дана әйел-дамыған ел негізі» атты сұрақ-жауап кезеңі өтіп, салт-дәстүр бойынша білімдерін ортаға салды. Үшінші кезеңде «Қол өнері-кілемде, сөз өнері-өлеңде» шартымен бойда бар өнерлерін ортаға салды. Соңғы қорытынды кезеңде «Әйелдің астанасы – асхана» қамыр жаю бойынша сынға түсті.Алғашқы таныстыру кезеңінде қарасөзбен келістіріп жеткізген Манап ауылынан келген Ақбота мен Құттықожалық Жансаяның жыр жолдары мазмұнды, мәнді өрілсе, Айдана мен Ақниет бұл ережені әнмен әрлеп жеткізуге күш салды.«Дана әйел – дамыған ел негізі» сайысында қатысушылар ұлттық салт-дәстүрді насихаттайтын сұрақтарға жауап іздеді. Оның ішінде әлі де қолданыста жүрген, ұғымға жақын, құлаққа таныс жөн-жоралғылармен қатар мүлдем естімеген көне заманмен бірге көміліп кеткен салт түрлері де кездесті. Көңіл көкжиегі кеңдігімен танылған келіндеріміз бұл сыннан да мүдірмей өтті. Соңғы сайыс қамыр жаю қарапайым болғанымен, үй шаруасының қазығы болуға тиіс қаракөздеріміз үшін әжептеуір сын болды.Байқау қорытындысы бойынша, Құттықожа ауылынан қатысқан Қалдыбекова Жансая «Инабатты келін» номинациясы, Ақүйік ауылдық округінен Ғалымдоллақызы Ақниет «Дәстүрлі келін» номинациясы, Машбек ауылдық округінен Нұрлыбай Гүлзат «Өнерлі келін» номинациясы, Қыраш ауылдық округінен Хияшова Гүлдана «Парасатты келін» номинациялары бойынша марапатталды. Ал III орынды Машбек ауылының келіні Тасболатова Айдана иеленсе, II орынға Манап ауылының келіні Асанхан Ақбота лайық деп танылды. Үздік атанып, I орынды Төменарық ауылының келіні Тасболат Гүлшырын иеленді. А.Д.Романов атындағы 53-орта мектептің орыс тілі және әдебиеті пәнінің мұғалімі Гүлшырын өнерімен, салт-дәстүрді жетік меңгергендігімен, үй шаруасына бейімділігімен қарсыластарын басып озып, жеңіс тұғырынан көрінді.Әділқазылар құрамы төрайымы «Жаңақорған тынысы» газетінің қа¬ламгері Баян Үсейінова сөз алып, жүрексінбей байқауға қатысып, бар өнерін ортаға салған келіндерге шын жүректен ризашылығын жеткізді.<blockquote>«Адам ұрпағымен мың жасайды», – деп халық тегін айтпаған. Осындай ұрпақ жалғастығы ақ жаулықты аналарымыз аман болсын. Әрбір ұлттың сан ғасырдан бері ұрпақтан-ұрпаққа мирас болып келе жатқан ізгі мұраларын және ұлттық салт-дәстүрлердің құндылықтарын, ұлттың бойындағы ұлттық үрдіс пен ұлттық рухты жас келіндердің бойына сіңіру, жас келіндерге адамгершілік, ұлттық, ізеттілік, имандылық тәрбие беру мақсатында ұйымдастырылған іс шараны ұйымдастырушыларға ел атынан үлкен алғысымызды білдіреміз», – деп жүлдегерлерді арнайы дипломмен және ақшалай сый-сыяпатпен марапаттады.</blockquote>Байқау мақсаты – маңызды отбасылық құндылықты сақтайтын қазақ келіндерінің тәрбиесін, ізгілікті жолын сақтай отырып, болашақ ана, асыл жар, қазақ келіндерін ұлттық рухта тәрбиелеу, ана тілін, ұлттық мәдениетін құрметтеу, жас отау тәрбиесін ұғындыру, қазақ әйелдерінің қоғамдағы рөлін арттыру, қазақы қалыптарды сақтап, заман талабына сай жан-жақты дамыған тұлға етіп, болмысын қалыптастыру тақырыбында көздейді. Оған әр аймақтан қатысушы талапкерлер арасынан жерлесіміз Рауан Қалманованың мерейі үстем болып оралғаны бізді де қуантты.Кейіпкеріміз Түгіскен ауылында көп балалы отбасында өмірге келіпті. Әкесі қарапайым күрішші, ал анасы сауыншы болып еңбек еткен. Отбасында сегіз қыз, бір ұл тәрбиеленіп, жастайынан &nbsp;анасының жанында шаруашылықтың жайын толық меңгеріп шығады. Әйтсе де, әкесіне жақын болып, айтқан ақылын көкейіне тоқып, үнемі сырласатынын да айтып кетті. 2005 жылы Қосүйеңкі еліне келін болып түстім. Атам мен енем мені өз перзенттерінен кем қылмай, әулетінің ұрпағын жалғастырар, жанұя бағына жаралған жан ретінде қабылдай білді. Мен осы отбасына әкемнің ақ батасын алып келген жанмын. Жолдасым Жеңіс қой шаруашылығымен айналысады. Отбасылық өмірге араласып, үйренісуіме оның көп көмегі тиді. Қазіргі таңда Қосүйеңкі ауылында "Балбұлақ" балабақшасында тәрбиеші болып жұмыс жасаймын. Қыз баланың арманы ана болып, бала тәрбиелеу ғой. Өз балаларыммен қоса баласын тәрбиелеп отырған бақытты жанмын. Аллаға шүкір жолдасым екеуміз үш ұл , екі қыз өсіріп отырмыз. Екі ұлым студент, ал қалғандары мектепте оқиды. Ал байқауға келетін болсам, кітапханашы Перизат апайдың айтуымен, сол кісінің ықпалымен қатыстым. Сайыстың шарты бойынша ауылдың тіршілігінен ролик түсірдік, сол арқылы іріктеліп өттім.Үлкен сахнада таныстыру, қазақтың салт-дәстүріне байланысты психологиялық сұрақтарға жауап беруден сынға түстік. Өз өнерін көрсету, ұлттық тағам дайындау да кірістірілген екен. Бағым шауып бірінші орынға ие болдым. Бұл мен үшін үлкен жетістік.Байқауда қазақы тәрбиені бойына сіңірген, өмірде тәжірибесі бар, болашақ жас келіндерге айтары, үйретері бар қазақ келіндері бар білгенімен бөлісті.Қатысушылар салт-дәстүрі мен сәлем салу, орамал тарту үрдістерін көрсетті. Әрбірі төрт кезең бойынша сынға түсіп, бақтарын сынады. Байқаудың бірінші кезеңінде қысқаша бейнеролик арқылы таныстырылып, екінші кезеңде ұяшық таңдап, салт-дәстүрге байланысты және отбасылық өмірден логикалық сұрақтарға жауап бердік. Байқаудың үшінші кезеңінде келіндер өз өнерлерін ортаға салып, ән айту, би билеу, домбыра тарту, ақындық секілді қырларынан сынға түсті. Аталмыш байқауға қатысушылар қазақ келініне тән түрлі номинацияларда топ жарып, заттай бағалы сыйлық иегерлері атаныпты. Қазіргі таңда жас отбасылар арасында кездесетін қиындықтар, әсіресе, ене мен келін арасындағы келіспеушіліктер көптеп орын алуда. Шаңырақтың ұйытқысы саналатын әйел затының қарым-қабілеті мен білімін, танымдық көзқарасын шыңдап, әрбір шаңырақты үлгілі, өнегелі отбасы болуға насихаттауға арналған осындай шара дәстүрлі түрде жыл сайын өткізіп отырса құба-құп.PS: Бүгінгі қоғамда келіннің рөлін, мәртебесін көтеретін керемет бастама жалғасын таба берсе екен дейміз. Жалпы осындай қазақтың салтдәстүрлерін паш етіп, насихаттайтын байқауларды өткізуге билік тарапынан аялы қамқорлық қажет-ақ.

Жаңақорғандық келіндер сынға түсті

Жаңақорған ауданы таза өлкеге айналды

<a href="https://kyzylorda-news.kz/">Kyzylorda-news.kz.</a>&nbsp;Шиелі ауданының Ортақшыл ауылында Кеңес одағының тұсында Таулы Қара­бақ қақтығысында ерлікпен қаза тапқан Талғат Жүнісбековті еске алуға арналған «Ұрпақтар ұмыт­пайтын Ұлы Жеңіс» атты шара өтті.Оған Ортақшыл ауылдық ардагерлер кеңесінің төрағасы Әбіласан Жүсіп, №150 орта мектебінің директоры Нұрлан Батырбеков, Семей-ядролық полигонының ардагері Саламат Оспанов, Тәжік-Ауған соғысының ардагері Асанхан Молдахметов, ауыл тұрғындары мен зиялы қауым өкілдері қатысты.&nbsp;Тағзым алаңында Ұлы Отан Соғысында және Таулы Қарабақтағы қақтығыста ерлікпен қаза тапқан азаматтарға арнап гүл шоқтары қойылып, 1 минут үнсіздікпен еске алды. Содан соң соғыс майданында қаза тапқан боздақтарға арнап Құран бағышталды.Ортақшыл ауылдық округінің әкімі Жақсылық Ноғайбаев сөз алып, Таулы Қарабақтағы қақтығысқа қатысқан ардагерлерге алғысын білдіріп:<blockquote>«Адамзат аңсап күткен күн, жеңістің туын тіккен күн, 4 жылға созылған азаматтық күрестің айбынды күні – Ұлы Жеңіс күні құтты болсын. Иә, биыл &nbsp;жеңісімізге 78 жыл толмақ. Сонда да болса біздің бостандығымыз бен бақытымыз үшін, ел үшін, жер үшін кеудесін оққа тосқан ардагерлеріміздің бұл жеңісі ұрпақ жадында мәңгі сақтала бермек. Осы ретте жыл сайын айтулы шаралар өз жалғасын табатын болады», – деді.&nbsp;</blockquote>Сондай-ақ, Таулы Қарабақ майданындағы ұрысқа қатысқан ардагер-лерді мерекелік медальдармен марапаттап, ауыл әкімінің алғыс хатын табыстап, дәстүрге сай сый-құрмет көрсетілді.1988 жылы Таулы Қарабақ автономды аймағы Әзірбайжан КСР-нің құрамынан шығып, Армян КСР-ның құрамына кіру жөнінде өтініш жасады. Әуелден бөлінуге басты себеп – Әзірбайжанға бағынатын аймақта 75 проценттен астам армяндар тұратынында болды. Бұған тіл мен дін мәселесі тағы қосылды. Уақыт өте бұл мәселелер ушығып ұлтаралық араздыққа алып келді. Бұрыннан тамыр жайған Таулы Қарабақ мәселесін шеше алмаған Кеңес Одағы сол уақытта ыдырап, Таулы Қарабақ аймағындағы халықтың төрттен бір бөлігін құраған әзірбайжандар қудаланды. 30 жылға жуық екі ел арасындағы қарулы қақтығыста мыңдаған адам қаза тапты.&nbsp;<blockquote>«Осындай игі шараға мұрындық болған аудан әкіміне және Ортақшыл ауылдық округінің әкіміне ардагерлер атынан алғысымызды білдіреміз. Ұйымдастырылған іс-шаралардың жоғары деңгейде атап өтілгеніне дән ризамыз. Мемлекет тарапынан Таулы Қарабақ қақтығысына қатысқан ардагерлерге түрлі жеңілдіктер қарастырылған. Сонымен бірге бұл шара жыл сайын жоғары деңгейде ұйымдастырылып отырады», – дейді Таулы Қарабақтағы этносаралық қақтығыстарды реттеуге қатысқан ұрыс қимылдарының ардагері Асылбек Ахметияұлы.</blockquote>Жас өнерпаз Мұрат Төленбайұлы ардагерлерге арнап, жаңадан жарық көрген «Таулы Қарабақ» әнін жанды дауыста орындап, елдің алғысына бөленді. Сондай-ақ шара соңы өнерпаздардың ән мен биіне ұласты.

Қан майданда от кешкен

<a href="https://kyzylorda-news.kz/">Kyzylorda-news.kz.</a>&nbsp;Адамзат тарихында ең сұрапыл соғыстың аяқталғанын биыл – 78 жыл. Жер шарына үлкен қайғы-қасірет алып келген соғыс 40 мемлекеттің аумағын қамтыған. Майдан даласында 60 миллион адам қаза тапқан. Ел басына күн туып, ер азамат етігімен су кешкен кезеңде қазақтардың да Отанын қорғауға айрықша үлес қосқаны тарих беттерінен белгілі. Сол көптің бірі болып 1941 жылдың шілде айында керделілік Хани Жорабековте Ұлы Отан соғысына аттанады.Х.Жорбеков – 1923 жылы 15 тамызда Керделі ауылында туған. 1940 жылы Шиелідегі жетіжылдық мектепті бітірген соң, Қызылорда педогогикалық училищесіне түсіп, 1946 жылы бітіріп шығады. 18 жасында аудандық әскери комиссарият арқылы әскери қызметке шақырылды. 1941 жылдың тамыз айында әскери ант қабылдаған Х.Жорабековтың &nbsp;лауазымы №849 атқыштар полкінің бөлімше командирі ретінде көрсетілген. Бұл лауазым соғыста алдыңғы шепте шабуылға шығатын, кеуделерін оққа тосатын батыл солдаттардан жасақталатын бөлімшелерге берілетін болған. Уралап алғашқы айқасқа кірісіп кететіндер де осылар екен. Сержант Х.Жорабаеков бұл міндетін ерлікпен, батырлықпен, тапқырлықпен атқарады. 1941-1943 жылдар аралығында небір кескілескен ұрыстарға қатысып, қазақ жауынгерлеріне тән ерліктер жасайды. 1943 жылы қазан айында болған қырғын шайқаста оңбай жараланған Х.Жорабеков эвакогоспитальда 1944 жылдың наурыз айына дейін &nbsp;емделді. Соғысқа қайта кіріскен ол осы айдың 13-і күні ұрыста неміс фашистерінің үш оғы бірдей денесін ауыр жараққаттап, ары қарай &nbsp;соғысқа жарамсыз деп табылып, еліне қайтарылады.&nbsp;Еліміздің осындай даңқты ұлдары мен қыздарының өшпес ерліктері ешқашан ұмытылмайды. Уақыт алға жылжыған сайын бұл ерліктің шоқтығы биіктеп, қадір-қасиеті артып, тағылымы мен мәні мейлінше тереңдей түсетіні белгілі. Себебі, сол ғаламат соғыстан аман қалып, ауылға оралған қаншама соғыс ардагерлерінің аттары аталмай кеткені аян. Артында іздеушісі бар майдангерлерді ғана ұрпақ санасына жеткізіп жатырмыз. Соғыстағы Ұлы Жеңіс бізге миллиондаған солдаттардың төгілген қанымен, шыққан жанымен келді. Жеңіс туын желбіреткен майдангерлеріміздің жауынгерлік ерліктері мен бейбіт еңбектегі өнегелі істері жас ұрпақ тәрбиесіне, халқымыздың ынтымағына қызмет ете беретіні сөзсіз.&nbsp; Сұрапыл соғыстың зардабын бір кісідей көрген Х.Жорабеков соғысқа дейінгі еңбек жолын 1944 жылы тамыз айында «Жиделіарық» жетіжылдық мектебінде әскери жетекші қызметінен бастаған. Х.Жорабеков отбасылық жағдайына байланысты 1947 жылы Өзбекстан Республикасы, Бөке ауданы, «Көк Арал» совхозына көшіп барып, 1948 жылы маусым айында мектепке мұғалім болып орналасады. Кейін көрші «Алхажар» ауылындағы жетіжылдық мектептің директорлығын да қоса атқарады. 1961 жылы қайтадан еліне келген ол Шиелі ауданындағы №151 жетіжылдық мектепке мұғалім болып қабылданады. 1962 жылы «Жиделіарық» бастауыш мектебінде орыс тілі пәнінен сабақ береді. 1964 жылы «Жиделіарық» мектебінің сегіз жылдыққа ауысуына байланысты мектептен шығып, «Жиделіарық» ауылына ферма меңгерушісі болып, ауыл шаруашылығында еңбек етеді. 1966 жылы 28 қыркүйекте Шиелі аудандық сотының «сот орындаушысы» қызметін атқарады. 1968 жылы Қызылорда УПП КОС мекемесінің Шиелі филиалында есепші-қоймашы қызметінде болса, 1970 жылдың ақпан айынан бастап «Қарғалы» ауылындағы №241Қ.Әбдіқадыров атындағы мектепте бастауыш сынып мұғалімі қызметін зейнетке шыққанша атқарып, кейін «Қарғалы» қаракөл совхозында аға шопан атанады.&nbsp;Соғыс және еңбек ардагері Х.Жорабеков 1989 жылы 66 жасында дүниеден озды. Соғыс жылдарындағы ерлігі үшін «ІІ дәрежелі Ұлы отан соғысы» орденімен, соғыстан кейін Жеңістің 20, 30, 50 жылдықтары медальдарымен марапатталған. Өнегелі, еңбекшіл отбасы қай жерде болмасын Отансүйгіштік тәрбиесімен көпшілікке танымал болып жатты. Сүйген жары Зөре Дүрімбетова екеуі 4 ұл, 1 қыз тәрбиелеп өсіріп, білім берді. Олардан тараған перзент бүгінде қоғамның әр саласында еңбек етуде. &nbsp;Көз алдарыңызда өзі емес, бейнесі қалған соғыс майдангері, еңбек ардагері Х.Жорабеков еліне елеулі, халқына қалаулы, кейінгілерге үлгі, ардақты азамат болған. Оның соңғы сапарға дейінгі өмірі Қарғалы ауылы тұрғындарының аузында жақсы жағынан жырланып,үлгі тұтар бейнеге айналған. Олардың аудандық ономастикалық комиссиясынан сұрар мәмілесі де мәнсіз емес. Оп-оңай. Соғыс және еңбек ардагері тұрған көше «Құрылыс» деп аталады. Осы құрылыс аяқталса, көше атауы неге Жорабеков Ханидің атымен аталмасқа? Қанша жыл өтсе де бірде-бір майдангер, еңбек ардагеріатаусыз, ескерусіз, елеусіз, қамқорлықсыз қалмауы тиіс. Олардың көрген азаптары, бейнеттері, өлшеусіз жанқиярлық ерліктері, бізді сондай жандарды құрметтеуге, қызмет етуге итермелейді.Өркен ИСМАИЛ, Қазақстан Журналистер одағының мүшесі, аудандық ардегерлер кеңесінің төрағасы

Жеңіс туын желбіреткен майдангер

<a href="https://kyzylorda-news.kz/">Kyzylorda-news.kz.</a>&nbsp;Жуырда Қызылорда облыстық оқу орталығының ұйымдастыруымен педагог-психолог мамандар арасында «Үздік педагог-психолог – 2023» облыстық байқауы өтті.Талантты, шығармашылықпен жұмыс істейтін, өз кәсіптік біліктілігін көрсете алатын педагог-психологтарды анықтау, қолдау және мадақтау мақсатында ұйымдастырылған байқауға Қазалы ауданынан Ж.Жабаева атындағы 234 орта мектептің педагог-психологы Баян Ермаханова қатысып, екінші орын тұғырынан көрінді.Жарыс кезінде мамандар алғашқы кезеңде өзін-өзі таныстырды. Екінші кезең бойынша Элективті курс, авторлық бағдарламасын қорғады. Келесі шарт негізінде «Профессионалдық калейдоскоп» педагогикалық-психологиялық жағдаяттарды шешті. Содан соң эссе жазып, соңғы бесінші кезеңде тәжірибелік іс-шараға атсалысты.Байқау жеңімпаздары арнайы дипломдармен және облыстық кәсіподақ комитетінің бағалы сыйлықтарымен марапатталды. Алдағы уақытта қазалылық педагог-психолог маман білімі мен біліктілігін республикалық байқауда сынайды.Баян Ермаханованың білім беру саласындағы еңбек өтілі жиырма жыл. Ал педагогика-психология саласында 16 жылдық тәжірибесі бар. Қазірде өз білімін жетілдіріп, біліктілігін арттырып, жан-жақты еңбек етіп келеді.&nbsp;<blockquote>«Ұстаздық жолды жүрек қалауыммен таңдадым. Балалармен жақсы қарым-қатынаста болуды кішкентай күнімнен армандайтынмын. Шәкірттермен жүйелі жұмыс жасау ақылы олардың ішкі дүниесіне үңіліп, қандай іске қабілетті және неге қызығатындығын аңғаруға болады. Әр оқушының бойында өзіне тән ерекшелік жатыр. Балаға бала деп қарамай, үлкендерше ой-пікір алмасып отыру қажет. Өйткені олар да тұлға. Өзіндік ұстанымы мен көзқарасы бар. Жасөспірімдермен ортақ тіл табысып, көкейдегісін анықтай білсек, олардың дамуы мен дарынын ашуда жұмбақтың кілті табылады», – дейді педагог-сарапшы Баян Тажиманқызы.</blockquote>

Қазалылық педагог-психолог республикада бақ сынайды

<a href="https://kyzylorda-news.kz/">Kyzylorda-news.kz.</a>&nbsp;Елімізде уран өндіретін ­санаулы кеніштердің бірі саналатын «Семізбай-U» ЖШС Иіркөл кеніші Шиелі ауданынан 30 шақырым жерде орналасқан. Он бес жыл бойы тынымсыз тіршілік етіп келе жатқан ұжымда қазір 200-ден аса адам еңбек етеді.«Иіркөл» кенішінің басты міндеті – кен айдайтын және кері айдайтын ұңғымалар жүйесі арқылы, ұңғымен жер астына сілтілендіру тәсілімен уран тотығын өндіру. Арнайы химиялық реагент сұйық түрде кері айдайтын ұңғымалар арқылы кен аймағына беріледі. Жер астында кен қабаты тотығады. Белгілі бір уақыттан кейін уран тотығымен байытылған ерітінді, кері айдайтын ұңғымалармен шығарылады. Сөйтіп әрі қарай өнімді ерітінді қайта өңдеу цехына жіберіледі. Міне, осындай жұмыстың жүйелі жүзеге асуы жұмысшылардың өз ісіне деген жауапкершілігімен тікелей байланысты.Тап осы ауыр міндетті арқалаған ұжым қоғамдық жұмыстарға да белсенді. Әсіресе мұнда мереке, атаулы күндерді ерекше тойлауға мән береді. Жуырда Дүниежүзілік еңбекті қорғау күніне орай ұйымдастырылған тағы да бір тағылымды кештің куәсі болдық.Жыл сайын Дүниежүзілік еңбекті қорғау күні Халықаралық еңбек ұйымы алдында тұрған өзекті мәселелерге арналып, әртүрлі тақырыптармен өтеді. Биылғы жылдың тақырыбы «Қауіпсіз және салауатты жұмыс ортасы – еңбек саласындағы негізгі қағида және құқық» деп жарияланды.Осыған орай, Иіркөл кенішінде қауіпсіздікті қамтамассыз етіп, қауіпсіздік мәдениетін арттыру бағытында бөлімшелер арасында «Ұжымда қауіпсіздік менен ¬басталады» тақырыбында бейнеролик түсіру сайысы ұйымдастырылды. Онымен қоса ұжым қызметкерлері балаларының арасында «Мен қауіпсіз болашақты таңдаймын» атты сурет салу сайысы өтті. Сайысқа ұсынылған шығармашылық жұмыстар арнайы құрылған коммиссия ¬отырысында қаралды. Ал жеңімпаздар салтанатты жиында марапатталды. Шараға аудан ардагерлері, мекеме ұжымы мен сайысқа қатысушылар және БАҚ өкілдері жиналды.&nbsp;<blockquote>«Елдің ертеңгі сенімі &nbsp;жастардың мойнында. Қай заманда болмасын қоғамның қозғаушы күші – жастар. Қазақтың Ұлы жазушысы Мұхтар Әуезовтің «Алдыңғы жақсы артқы жасқа тәлім айтпаса, ел болғаның қайсы?!» деген қанатты сөзін қолдап, жастарға жан-жақты қолдау көрсетіп, тәлім-тәрбие, тәжербие беру мақсатында бүгінгі шараны ұйымдастырып отырмыз», – деді «Semizbai-U» ЖШС «Иіркөл» филиалы мекемесінің басшысы Мұқанбетжан Салқынбаев.</blockquote>Сонымен қатар аудандық ардагерлер кеңесінің төрағасы Өркен Исмаил мен сот саласының ардагері Тұрмат Баймағамбетов салтанатты шараға қатысушыларға батасын беріп, сәттілік тіледі.Одан соң жиналғандар «Ұжымда қауіпсіздік менен басталады» тақырыбында түсірілген бейнероликтерді тамашалады. Сайыс нәтижесінде ІІІ орынды Қ.Жұмаділов жетекшілік ететін «Бас механиктер» иеленсе, ІІ орын Н.Бекжанов басқаратын «Бас энергетиктер қызметіне» бұйырды. Ал ең үздік деп танылған «Бақылау-өлшеу аспаптары мен автоматика және технологиялық процестерді басқарудың автоматтандырылған жүйелері қызметінің» жігіттері І орынды жеңіп алды. Сондай-ақ «Мен қауіпсіз болашақты таңдаймын» атты сурет салу сайысына қатысушылардың барлығына алғыс хаттар мен бағалы сыйлықтар табысталды.&nbsp;Әрі қарай кеніштің әкімшілік тұрмыстық ғимаратына, өндіріс алаңдарына экскурсия жасалып, естелік суреттерге түсті. Содан соң дәстүр бойынша меймандар ағаш көшеттерін отырғызды.«Semizbai-U» ЖШС «Иіркөл» филиалының бүгінге дейін жеткен жетістіктері ауыз толтырып айтарлықтай. Мәселен, мұнда экологиялық тазалыққа ерекше көңіл бөлініп, күн сәулесі арқылы электр энергиясын пайдалану да бір жүйеге келтірілген. Кеншілер қыстың қаһарлы аязына, жаздың аптап ыстығына, ¬дауылды күндерге қарамай, тынымсыз еңбек етіп келеді. Уран жер астынан фонтан болып атқылай салмайды, оны кәдеге жарату үшін қаншама тер төгіледі. Өткен ғасырмен салыстырғанда технология біраз жетілді, десек те кеншілердің жауапкершілігі еш азайған емес. Техникалық қауіпсіздікті сақтау, қоршаған ортаны қорғау мен қатар еңбек өнімділігін арттыру міндеті бар. Олардың еселі еңбегінің нәтижесінде жергілікті бюджетке мол қаржы түсуде, жоғарыда айтқанымыздай қоғамның әлсіз бөлігіне, мұқтаж жандарға қамқорлық көрсетілуде. Жалпы «Семізбай-U» мекемесі әрқашан жақсылықтың жаршысы болуды дәстүрге айналдырған.&nbsp;Қазақстан – уранға бай ел. Сонымен қатар тәуелсіздік жылдарында оның өндірісін төрт есеге жуық арттырып, әлемдегі көшбасшылық тізгінді қолға ұстап отыр. Демек, уран өндірісі бүгінгі таңдағы біздің әлемдік энергетикалық кеңістіктегі ең басты артықшылығымыз болып есептеледі.

Қазақстан және Қызылорда облысының жаңалықтары