<a href="https://kyzylorda-news.kz/">Kyzylorda-news.kz</a> Бүгінде еліміздің көптеген университеттері білім беруді интернациоландыру, оқу бағдарламаларын әзірлеу бойынша қарқынды жұмыстар жүргізіп, студенттерін алыс-жақын шетелдерге оқуға жіберу арқылы академиялық ұтқырлықтың білім мен тәжірибе алмасу алаңы ретіндегі мүмкіндіктерін оңынан пайдаланып, бірегейлі танымдық үрдістер шеңберін қалыптастыруда.Осыған орай, Қорқыт ата атындағы Қызылорда университетінің «Информатика және АКТ» білім беру бағдарламасының 17 студенті академиялық ұтқырлық бағдарламасымен Жүсіп Баласағұн атындағы Қырғыз ұлттық университетінде тәжірибе алмасуда.&nbsp;Академиялық ұтқырлық бағдарламасы студенттердің білім көкжиегін кеңейтуге және халықаралық тәжірибе жинақтауға бағытталған. Бағдарлама аясында білім алушылар заманауи ақпараттық технологиялар, бағдарламалау және цифрлық жүйелер бойынша білімдерін жетілдіріп, шетелдік жоғары оқу орнының тәжірибесімен танысады. &nbsp;Айта кетейік, Қорқыт ата университеті академиялық ұтқырлық бағдарламасын жүйелі түрде жүзеге асырып, студенттердің шетелдік жоғары оқу орындарында білім алуына қолдау көрсетіп келеді.Еліміздің әр университеті ұсынған академиялық ұтқырлық бағдарламаларының жүзеге асу қағидасы әртүрлі болғанымен, барлығы дерлік білім алушы мен білім берушінің мүддесіне қызмет етеді. Бұл үрдіс кеңейіп, бағытын одан әрі кеңейткен сайын, отандық білім беру жүйесінің сапалы жетілуіне үлесін қоса бермек.<img src="https://knadmin.beoblood.kz/uploads/korkyt_1_2892b677a4.jpeg" alt="коркыт 1.jpeg">

Академиялық ұтқырлық: Қызылордалық студенттер шетел университетінде оқиды

<a href="https://kyzylorda-news.kz/">Kyzylorda-news.kz</a> Елімізде 752 мың мүгедектігі бар адам тіркелген. Бұл туралы Үкімет отырысында ҚР Еңбек және халықты әлеуметтік қорғау министрі Асқарбек Ертаев мәлім<a href="https://kaz.inform.kz/news/biil-inklyuzivt-zhumispen-kamtu-mumkndg-keneytled-enbek-ministrlg-f052a2/"> етті.</a><blockquote>-Қазақстан Республикасында 2030 жылға дейінгі Инклюзивті саясат тұжырымдамасы орындалып келеді. Көру қабілеті бұзылған адамдардың баспа ақпаратына қолжеткізуін жеңілдету жөніндегі Марракеш шарты ратификацияланды. Жеке көмекші қызметін көрсету, Әлеуметтік қызметтер порталы арқылы инватакси қызметін ұсыну мәселесі заңмен реттелді. Мүгедектігі бар адамдардың ақпаратқа қолжеткізуін қамтамасыз ету нормалары күшейтілді. Бірінші тоқсан қорытындысы бойынша электрондық дүкендер мәліметін қолдана отырып, техникалық оңалту құралдарының құнын өтеудің кепілдік берілген сомасын айқындау әдістемесі бекітілді. Жыл аяғына дейін арнаулы әлеуметтік қызметтер көрсету стандарты сапасын арттыру және инклюзивті жұмыспен қамту мүмкіндігін кеңейту жоспарланған, – деді А.Ертаев.</blockquote>Оның айтуынша, бүгінде елімізде шамамен 752 мың мүгедектігі бар адам тұрады. Бұл жалпы халық санының 3,7 пайызы. Оның ішінде еңбекке қабілетті жастағы адамдар – 56%, зейнеткерлер – 29%, балалар – 15%.<blockquote>-Биыл мемлекеттік бюджеттен және Мемлекеттік әлеуметтік сақтандыру қорынан жиынтық шығыстар 1,1 трлн теңге, – деді министр.</blockquote>Фото: Оқу-ағарту министрлігі

Биыл инклюзивті жұмыспен қамту мүмкіндігі кеңейтіледі – Еңбек министрлігі

<a href="https://kyzylorda-news.kz/">Kyzylorda-news.kz</a> Батыс Қазақстан облысында биыл Жеңіс күніне орай 1 722 адамға 91,8 млн теңгеге біржолғы әлеуметтік көмек <a href="https://kaz.inform.kz/news/bko-da-zhens-kunne-oray-6-maydangerge-15-mln-tengeden-berled-8ca223/">көрсетіледі.</a>БҚО жұмыспен қамтуды үйлестіру және әлеуметтік бағдарламалар басқармасы басшысының орынбасары Жақсылық Абдоловтың мәлім еткеніндей, аудандық және қалалық мәслихаттардың шешімдерімен бекітілген әлеуметтік көмек көрсету, оның мөлшерлерін белгілеу және мұқтаж азаматтардың жекелеген санаттарының тізбесін айқындау қағидаларына сәйкес соның ішінде Екінші дүниежүзілік соғысқа қатысқан 6 майдангерге 1,5 млн теңгеден беріледі.Оның сөзіне қарағанда, сондай-ақ Ленинград қаласын қоршау кезеңінде жұмыс істеген 1 адам 120 мың теңге алады. Сол секілді Кеңес армиясының ерікті жалдамалы құрамында болған тағы бір ардагерге сондай көлемде жәрдем беріледі.<blockquote>- Жасөспірім кезінде фашистік лагерьде тұтқында болған 4 адамның әрқайсысына 120 мың теңгеден тиеді. Қайтыс болған Екінші дүниежүзілік соғыс ардагерлері және соларға теңестірілгендердің әйелдері (101 адам), сондай-ақ 1 609 тыл еңбеккеріне 50 мың теңгеден көмек көрсетіледі, - деді Ж.Абдолов.</blockquote>Фото: gov.kz

БҚО-да Жеңіс күніне орай 6 майдангерге 1,5 млн теңгеден беріледі   

<a href="https://kyzylorda-news.kz/">Kyzylorda-news.kz</a> Қызылорда облысында кәмелетке толмағандар арасындағы құқық бұзушылықтың алдын алу бағытындағы жұмыстар жүйелі түрде жалғасуда. Осы бағытта облыстық полиция департаменті кешенді профилактикалық шараларды жүзеге асырып келеді.&nbsp;2026 жылдың алғашқы үш айының қорытындысы бойынша жасөспірімдердің қатысуымен жасалған қылмыстар саны 7,1 пайызға төмендеген. Осы жұмыстар аясында Қызылорда қаласында полиция қызметкерлері түнгі рейдтік іс-шара өткізді. Тәртіп сақшылары қала аумағында күшейтілген бақылау жүргізіп, кәмелетке толмағандардың қауіпсіздігіне ерекше назар аударды.2025 жылғы 13–17 сәуір аралығында өткен рейд барысында түнгі уақытта заңды өкілдерінсіз жүрген 77 жасөспірімге қатысты тиісті шаралар қабылданды. Аталған деректер бойынша полиция қызметкерлері әкімшілік хаттамалар толтырып, түсіндірме жұмыстарын жүргізді. Қазақстан Республикасы әкімшілік құқық бұзушылық туралы кодексінің 442-бабына сәйкес жауапты тұлғаларға әкімшілік шаралар қолданылды.&nbsp;Бұдан бөлек облыс көлемінде “Жасөспірім”, “Демалыс” жедел-профилактикалық іс-шаралары ұйымдастырылып, “Түнгі қала” және “Квадрат” әдістері бойынша рейдтер тұрақты түрде жүргізілуде. Бұл жұмыстарға қоғам белсенділері, блогерлер мен мұғалімдер тартылып, қоғамдағы жауапкершілікті арттыруға ықпал етуде.<img src="https://knadmin.beoblood.kz/uploads/768e8677_9647_4e23_8594_5251f84a6729_08cb9ec7c1.jpeg" alt="768e8677-9647-4e23-8594-5251f84a6729.jpeg">Фото: Нұрболат Нұржаубай

Қызылордада полицейлер түнгі рейд жүргізді  

<a href="https://kyzylorda-news.kz/">Kyzylorda-news.kz</a> Бүгінгі күні адамға беймәлім кредит ресімделетін жағдайлар, өкінішке орай, сирек емес. Алаяқтар банк сервистеріне қол жеткізу үшін дербес деректердің жария болуын, фишинг сайттарды, зиянды қосымшалар мен психологиялық айла-шарғыларды пайдаланады. Мұндай кезде Сіздің құқықтарыңыз Заңмен қорғалатынын білу маңызды, алайда бұл сіздің қаншалықты жылдам және дұрыс әрекет ететініңізге байланысты болады.Fingramota.kz алаяқтық кредит ресімделген жағдайда не істеу керектігі туралы егжей-тегжейлі нұсқаулық&nbsp;дайындады.Сізге кредит ресімделгенін қалай түсінуге боладыКөп жағдайда адам алаяқтық кредит туралы кездейсоқ: банктен хабарлау, коллектордың қоңырауы немесе кредиттік тарихтың кенеттен нашарлауы арқылы біледі. Кейде адамға сұрамаған SMS-кодтар келеді немесе шығу тегі түсініксіз есептен шығарулар тіркеледі. Осы кезеңде мұндай белгілерге енжарлық танытпай, жағдайды бірден анықтай бастау маңызды.1-қадам. Дереу кредитормен байланысыңызЕң алдымен - сіздің атыңызға кредит ресімделген банкпен немесе микроқаржы ұйымымен дереу хабарласу керек. Оны тек ресми арналар арқылы жасау керек: колл-орталық, мобильді қосымша немесе бөлімше.Сөйлесу кезінде алаяқтық фактісін тіркеп, мыналарды талап ету қажет:• картаны, шотты және бағдарламаға кіруді бұғаттау;• сіздің жүгінген күніңіз бен уақытты көрсете отырып, ресми түрде тіркеу;• жүгінудің тіркелгенін растауды ұсыну.Бұл банкпен және мемлекеттік органдармен одан әрі өзара іс-қимыл үшін маңызды.2- қадам. Барлық дәлелдемелерді жазып қойыңызСонымен бір мезгілде барлық ықтимал дәлелдемелерді барынша жылдам тіркеу қажет. Кез келген ақпараттың маңызды болуы мүмкін: SMS-хабарламалар, растау кодтары, мессенджерлердегі хат жазысу, қоңыраулар жазбасы, банктен хабарламалар, операциялардың тарихы, алушылардың деректемелері.Бұл деректерді түпнұсқа түрінде: скриншот немесе көшірме түрінде, редакциялаусыз сақтау маңызды. Тіпті бір қарағанда елеусіз жағдай тергеу кезінде негізгі рөл атқаруы мүмкін.3-қадам. Полицияға жүгініңізӨтінішті eGov, e-Otinish порталы арқылы немесе тұрғылықты жері бойынша аумақтық органға жеке тапсыруға болады. Өтініште мән-жайларды егжей-тегжейлі сипаттау қажет: кредит қашан және қандай сомаға ресімделген, қандай кредитор көрсетілген, сіз ресімдеу фактісі туралы қалай білдіңіз, сондай-ақ қолда бар барлық дәлелдемелерді қоса беру қажет. Тіркелгеннен кейін ақпарат Сотқа дейінгі тергеп-тексерулердің бірыңғай тізіліміне енгізіледі және алаяқтық фактісі бойынша тексеру басталады.Полицияға жүгіну - формальдылық емес, негізгі кезең.&nbsp;Тергеп-тексеру шеңберінде кредитті ресімдеу мән-жайлары анықталады, дербес деректердің қалай пайдаланылғаны тексеріледі және қаржы ұйымы тарапынан ықтимал бұзушылықтар анықталады. Қорытындылары бойынша жәбірленушінің мәртебесін растайтын немесе істің мән-жайын белгілейтін процестік құжат беріледі (құжатта кредиттің сомасы, күні және кредитордың атауы көрсетілуге тиіс). Дәл осы құжат кредитормен одан әрі өзара іс-қимыл жасауға негіз болады.4-қадам. Кредиторға қайта жүгініңізОны алғаннан кейін банкке немесе МҚҰ-ға қайта жүгіну қажет. Бұл жағдайда кредитор 3 күн iшiнде берешектi өндiрiп алуды тоқтата тұруға, айыппұл есептеудi тоқтатуға және шағым-талап жұмысын тоқтатуға мiндеттi.Егер борыш коллекторларға берілсе, оларға да қылмыстық істің бар екендігі туралы хабарлау қажет. Бұл ретте түсіну маңызды: өндіріп алуды тоқтата тұру - бұл түпкілікті шешім емес, талқылау уақыты.НАЗАР АУДАРЫҢЫЗ! Кредитордың немесе коллектордың әрекетсіздігі кезінде тексеру жүргізу және қадағалап ден қою шараларын қабылдау үшін e-Otinish арқылы ҚР Қаржы нарығын реттеу және дамыту агенттігіне (ҚНРДА) хабарласыңыз.Полиция қызметкерлерінің әрекетімен (әрекетсіздігімен) келіспеген жағдайда сіз аумақтық органның басшылығына жүгінуге, e-Otinish порталы арқылы шағым беруге не прокуратура органдарына жүгінуге құқылысыз.Алаяқтық кредитті есептен шығаруға бола ма?Бұл ең жиі кездесетін сұрақтардың бірі. Бұл жерде кең таралған жаңылысуға әкелмеу маңызды: алаяқтық фактісінің өзі міндеттемелерден автоматты түрде босатуды білдірмейді. Есептен шығару үшін қылмыс фактісінің өзін ғана емес, сонымен қатар қарыз беру кезінде кредитор тарапынан бұзушылықтардың болуын да анықтау қажет.Жағдайға байланысты: соттан тыс есептен шығару (айқын бұзушылықтар кезінде) немесе сот тәртібі қолданылады.Борышты соттан тыс есептен шығаруЕгер алаяқтық фактісін полиция бір мезгілде растаса және кредит беру кезінде кредитор тарапынан бұзушылықтарға жол берілсе, соттан тыс есептен шығаруға жол беріледі.Мұндай&nbsp;бұзушылықтарға мыналар жатады:- онлайн-кредит алу кезінде міндетті биометрияның болмауы;- клиент eGov-те кредиттер алуға тыйым салуды белгілеген жағдайда кезде кредит беру;- жас ерекшеліктеріне қойылатын талаптарын сақтамау (расталған келісімсіз 21 жасқа дейін және 55 жастан жоғары);- бірінші кепілсіз тұтынушылық кредитті биометриясыз немесе жеке қатысуынсыз онлайн ресімдеу (белгіленген шектерден асқан кезде);- «шешім қабылдау кезеңін» бұзу: 150-ден 255 АЕК-ке дейінгі банктік қарыздар үшін 8 сағаттан ерте және банктік қарыздар бойынша 255 АЕК-тен жоғары және микрокредиттер бойынша 75 АЕК-тен жоғары және қарыз алушының қосымша растауынсыз 24 сағаттан ерте.Ерекше жағдайлар:- тауарлардың немесе қызметтердің ақысын тікелей сатушыға төлеу;- сол банкте немесе МҚҰ-да берешекті өтеу;- 150 АЕК дейінгі лимит шегінде карта бойынша операциялар;- атқарушылық іс жүргізу бойынша салықтарды, айыппұлдарды және берешектерді төлеу.Мұндай жағдайларда қаржы ұйымы борышты есептен шығаруға, ұсталған қаражатты қайтаруға және кредиттік тарихты түзетуге міндетті.Борышты сот арқылы есептен шығаруЕгер алаяқтық фактісін полиция растаса, бірақ кредитор тарапынан бұзушылықтардың болуы сот тәртібімен белгілеуді талап етсе қолданылады.Сот полиция жинаған дәлелдер базасының негізінде кредиттің алаяқтықпен ресімделу фактісін анықтайды және банктің немесе МҚҰ-ның бұзушылықтарына байланысты алаяқтардың әрекеттері мүмкін болғанын анықтайды.Мұндай бұзушылықтарға:– үшінші тұлғалардың клиенттің дербес деректерін пайдалануы (оның ішінде қашықтан қол жеткізуді қолдана отырып);– биометрия рәсімінің бұзылуы;– алаяқтық операцияларды анықтау және болдырмау жөніндегі талаптарды сақтамауы жатады.Бұл жағдайда сот істің мән-жайын анықтайды және кредитті есептен шығару туралы шешім қабылдайды.Сот шешімі күшіне енгеннен кейін кредит беруші:- қарызды есептен шығаруға;- ұсталған соманы қайтаруға;- кредит тарихына өзгерістер енгізуге міндетті.Әрекетсіздіктің ықтимал тәуекелдерін де түсіну маңызды. Егер дереу қадам жасамаса, қарыз ұлғая береді, сот өндіріп алуы мүмкін, ал сіздің шоттарыңыз бұғатталуы мүмкін. Бұдан басқа, кредиттік тарих айтарлықтай нашарлайды, бұл болашақта қаржылық қызметтерге қол жеткізуді шектейді.Профилактикаға ерекше назар аудару керек. Мұндай жағдайлардың көпшілігі кодтарды беруден, күмәнді қосымшаларды орнатудан немесе күмәнді сілтемелерге көшуден туындайды. Өзіңізді қарапайым, бірақ тиімді шаралармен қорғауға болады: SMS-кодтарды ешкімге бермеу, екі факторлы аутентификацияны пайдалану, кредиттік тарихты үнемі тексеру және қажет болған жағдайда «Стоп-кредит» қызметін қосу.Ең бастысы есте сақтау керек: егер сіздің атыңызға кредит рәсімделген болса, әрекет жылдамдығы мен дәйектілігі шешуші рөл атқарады. Сіз алаяқтық фактісін неғұрлым ерте тіркеп, уәкілетті органдарға жүгінсеңіз, өз құқықтарыңызды қорғау, қаржылық шығындарды тоқтату және кредиттік беделіңізді қалпына келтіру ықтималдығы соғұрлым жоғары болады.БАЙЛАНЫСУ ЖӘНЕ ПАЙДАЛЫ СІЛТЕМЕЛЕРПолиция: &nbsp; &nbsp;eGov.kz (https://egov.kz), eOtinish (https://eotinish.kz) немесе тұрғылықты жері бойынша жеке өзі (фронт-офис: + 7 7172 71 46 93)ҚНРДА: &nbsp; &nbsp; &nbsp;e-Otinish.kz порталы/Өтініш беру/ҚНРДА (call-орталық: + 7 727 237 10 00)Прокуратура:&nbsp;e-Otinish.kz порталы/Өтініш беру/ҚР Бас прокуратурасы (call-орталық: 115 – Қазақстан бойынша қоңырау шалу тегін)<img src="https://knadmin.beoblood.kz/uploads/Whats_App_Image_2026_04_20_at_17_12_10_4452e2ce86.jpeg" alt="WhatsApp Image 2026-04-20 at 17.12.10.jpeg">Фото: fingramota.kz

Қадамдық нұсқаулық: атыңызға алаяқтық жолмен кредит рәсімделсе не істеу керек?

<a href="https://kyzylorda-news.kz/">Kyzylorda-news.kz</a> Қазалы ауданы әкімі Алмасбек Есмаханов Әйтеке би кентіндегі салынып жатқан ойын алаңдарын аралап, Р.Сабырбаев көшеcіне жүргізілетін ағымдағы жол жөндеу жұмыстарының барысын көрді. Мердігер мекеме өкілдерімен кездесіп, жол сапасына ерекше мән беруді және салаға жауапты орынбасарына жұмыстарды тұрақты бақылауда ұстауды тапсырды. Биыл аудан орталығындағы С.Сейфуллин, Біржан сал, Жалаңтөс батыр, Ж.Аймауытов, М.Шоқай, С.Сүлейменов сынды бірқатар көшелердің асфальт қабатына ағымдағы жөндеу жұмыстары жоспарланып отыр.Бұған дейін аудан әкімі Әйтеке би кентіндегі спорт алаңдарының жағдайымен танысып, жаңа нысандар салу және тозығы жеткендерін жөндеу жөнінде нақты тапсырмалар берген болатын. Соған сәйкес, қазіргі таңда кентте 2 жаңа спорт алаңын салу, тағы да 2 алаңға ағымдағы жөндеу жұмыстары басталуда.Аудан басшысы жаңадан ашылған тұрғын үй аймақтарындағы А.Әсербаев пен Ж.Құдабаев көшелерінің қиылысында салынып жатқан жаңа спорт алаңын, Михайлюк көшесі бойындағы жөндеу жұмыстары жүріп жатқан спорт алаңын көрді. Жауапты мердігерлерге барлық жұмысты сапалы әрі белгіленген мерзімде, аяқтауды тапсырды. Жаңа ойын алаңдарын 1 маусымға дейін толық аяқтап пайдалануға беру керектігін ескертті. Сонымен қатар жаңа спорт алаңдарын бейнебақылау камераларымен жабдықтап, түнгі жарықпен қамтамасыз ету жөнінде кент әкіміне нақты тапсырмалар жүктеді.Аудан әкімі Әйтеке би кентіндегі Желтоқсан және В.Счастнов көшелеріндегі көпқабатты тұрғын үйлердің аулаларында салынып жатқан қоғамдық әжетханалардың құрылысыменде танысты. Бұған дейін аталған үйлердің тұрғындары тарапынан тұрғын үйлердің қас беттерін жөндеу мен шатырын ауыстыру, қоқыс контейнерлерін қою, кәріз суын төгетін арнайы орындарды салу және қоғамдық әжетхана салу сынды мәселелер көтерілген болатын. Бүгінде тұрғындар көтерген мәселелер кезең-кезеңімен толықтай шешімін табуда.

Аудан әкімі Әйтеке би кентіндегі құрылыс нысандарын аралап, жұмыс сапасын бақылады

<a href="https://kyzylorda-news.kz/">Kyzylorda-news.kz</a> Қазақстанда жаңа мереке - Қазақ тазысы мен төбеті күні ресми түрде бекітілді, – деп хабарлайды <a href="https://baq.kz/qazaqstan-kuntizbesinde-zhana-mereke-payda-bolady-320023293/">BAQ.KZ.&nbsp;</a>Ресми ақпаратқа сәйкес, жаңа мереке 2026 жылдың 15 сәуірінен бастап енгізілді және ол жыл сайын 3 қыркүйекте аталып өтеді.Әңгіме еліміздің мәдени мұрасының ажырамас бөлігі саналатын екі дәстүрлі ит тұқымы - қазақ тазысы мен төбеті туралы болып отыр.Мерекенің белгіленуі ұлттық тұқымдарды сақтау мен дәріптеуге деген қызығушылықты арттырады деп күтілуде.Билік бұл бастама Қазақстанның биоалуантүрлілігі мен мәдени дәстүрлерін сақтау бағытындағы жүйелі жұмыстың бір бөлшегіне айналады деп есептейді.Фото: pexels.webp

Қазақстан күнтізбесінде жаңа мереке пайда болады 

<a href="https://kyzylorda-news.kz/">Kyzylorda-news.kz</a> &nbsp;Еңбекке етене жақын ұжымның ісі – &nbsp;ұтқыр, шешімі – ұтымды болады. Өйткені, әр тоқсанның жұмысын талдап, елеп-екшеп отыратыны соған себеп. Бүгін ҚАЖ департаментіне қарасты №68 мекемесінде жедел кеңес өтіп, үш айдың есебі талданды.Жиын барысында мекеме бастығы орынбасарының жалпы сұрақтар жөніндегі орынбасары әділет подполковнигі Махашев Айбол Тимурұлы қызметтік бағыттар бойынша атқарылған істерді жіпке тізгендей айтып, баяндама жасады. Өз кезегінде Қызылорда облысы бойынша ҚАЖ департаменті бастығының орынбасары әділет полковнигі Бекжанов Мейрам Гарипулаұлы қызмет сапасын арттыру бойынша сөз қозғап, кемшіліктерді жоюға баса мән беру керектігін жеткізді.Бөлім басшыларына қойылған сауалдар барысында жұмыста кездесетін өзекті мәселелер қозғалып, оларды оңтайлы шешудің нақты тетіктері талқыға түсті. Ашық пікір алмасу мен сындарлы ұсыныстар жиынның мазмұнын тереңдеткені анық. Сонымен қатар, мекемедегі тәртіптің тұрақтылығы, жеке құрамның кәсіби даярлығы және жазасын өтеушілердің жай-күйі де жіті назарға алынды.Жиын соңында межелі міндет белгіленіп, әр қызметкердің еңбегіне деген талап та, сенім де күшейе түсті.З.Қонысжан

Үздіксіз жұмыстың үш айлық қорытындысы

<a href="https://kyzylorda-news.kz/">Kyzylorda-news.kz</a> Бас прокуратураның Құқықтық статистика және арнайы есепке алу жөніндегі комитетінің Қоғамдық қауіпсіздік пен қылмыстық қауіп-қатерлерді болжау орталығы бұлттық сервистерді пайдаланушыларға бағытталған интернет-алаяқтықтың жаңа схемасы туралы ескертеді.Шетелдік &nbsp;дереккөздердің &nbsp; мәліметтері бойынша (https://www.theguardian.com/money/2026/apr/12/apple-icloud-storage-scam-emails, <a href="https://lenta.ru/news/2026/04/13/apple-scam/,">https://lenta.ru/news/2026/04/13/apple-scam/,</a><a href="https://www.theguardian.com/money/2026/apr/12/apple-icloud-storage-scam-emails"> https://www.obozrevatel.com/ekonomika-glavnaya/economy/moshenniki-atakuyut-vladeltsev-iphone-kak-dejstvuet-novaya-shema.htm)</a> зиянкестер iPhone пайдаланушыларына iCloud бұлттық қойманың толып кеткені туралы жалған электрондық хаттар, SMS-хабарламалар және хабарландыруларды жаппай таратуда.Хабарламаларда аккаунттың бұғатталатыны және фотосуреттер, бейнелер мен құжаттардың жойылуы мүмкін екені көрсетіледі.Бұл хабарламалар бұлттық платформаларды қоса алғанда танымал сервистердің, ресми ескертулерін толықтай қайталайды, бұл олардың шынайы екеніне сенім тудырып, пайдаланушыны әрекет жасауға итермелейді.Шұғылдық әсерін күшейту үшін пайдаланушыларға сілтеме арқылы өтіп, сақтау көлемін ұлғайту, төлем деректерін жаңарту немесе қолжетімділікті қалпына келтіру ұсынылады.Сілтемені басқан кезде ықтимал құрбандар түпнұсқа сервистерді көшіретін фишингтік сайтқа түседі, онда енгізілген логиндер, құпиясөздер және банк деректері киберқылмыскерлердің қолына түседі.Осындай жолмен түрлі бұлтты сақтау сервистері (Google Drive, Mail.ru бұлты, Яндекс Диск және т.б.) туралы хабарламалар жіберілуі мүмкін.Қауіп-қатердің осы түрі тарала бастағанын ескере отырып, ескере отырып, мыналар ұсынылады:<ul><li style="text-align:justify;">SMS, электрондық пошта және мессенджерлердегі «шұғыл» хабарламалардағы сілтемелерге өтпеу;</li><li style="text-align:justify;">бұлттық қойманың жағдайын тек ресми қосымшалар немесе сайттар арқылы тексеру;</li><li style="text-align:justify;">бөгде парақшаларда логиндер, құпиясөздер және банк деректерін енгізбеу;</li><li style="text-align:justify;">барлық бұлттық және пошталық аккаунттарда екі факторлы аутентификацияны қосу;</li><li style="text-align:justify;">әртүрлі сервистер үшін бірегей және күрделі парольдерді пайдалану;</li><li style="text-align:justify;">бұзып кіру күдігі болған жағдайда дереу құпия сөзді ауыстырып, барлық белсенді сессияларды аяқтау қажет.</li></ul>Сақ болыңыз: деректердің жойылуы немесе аккаунттың бұғатталуы &nbsp;туралы &nbsp;кез &nbsp;келген &nbsp;хабарламаны &nbsp;тек &nbsp;ресми сервистер арқылы тексеріңіз.

«Алдау бұлты: әмиянды босататын қойма»

<a href="https://kyzylorda-news.kz/">Kyzylorda-news.kz</a> Шиеліде Мемлекет басшымыз Қасым-Жомарт Кемелұлының бастамасымен қолға алынған «Таза Қазақстан» экологиялық бағдарламасы аясында аймақ басшысы Нұрлыбек Нәлібаевтың тапсырмасына сәйкес «Тағзым орны таза болсын, рух пен тазалық – бір ұғым» атты жалпыхалықтық акциясы өтті.&nbsp;Тазалық шарасы барысында аудан әкімі Айтбай Жандарбековтың бастамасымен аудан аумағындағы барлық қорымдарда кең көлемде тазалық жұмыстары жүргізілді. Атап айтқанда, қорымдар аумағы қоқыстан тазартылып, айналасы ретке келтіріліп, көшет отырғызу жұмыстары да жүйелі түрде жүзеге асырылды.Қазақ халқы ежелден ата-баба рухына құрмет көрсетіп, қорым-қорғандардың тазалығына ерекше мән берген. «Өлі разы болмай, тірі байымайды» деген тағылымды сөз арқылы өткенге тағзым ету ұрпақ санасына терең сіңірілген. Сондықтан қасиетті орындарды күтіп ұстау - халқымыздың қанында бар асыл дәстүрдің айқын көрінісі.Ауқымды тазалық шарасына 2 мыңға жуық тұрғын қатысып, ортақ іске белсене атсалысты. Акцияға халық қалаулылары, мемлекеттік мекеме қызметкерлері, еріктілер, ардагерлер және жастар жұмыла кірісіп, туған жердің тазалығы мен көркеюіне өз үлестерін қосты.<img src="https://knadmin.beoblood.kz/uploads/Shieli_tazaly_zh_mystary_2_d1c9b71eb1.jpg" alt="Шиелі тазалық жұмыстары 2.jpg">Осындай мазмұнды бастамалар арқылы қоғамда тазалық мәдениеті қалыптасып, туған жерге деген жанашырлық арта түседі.«Оқшы ата» кесенесі, «Бес Арыс Тұяқты баба» кесенесі, «Шашты ата» және «Жаназар батыр» кесенесі, «Арғын ата» кесенесі, «Жансейіт баба» кесенесі, «Дәуіт ата» кесенесі, «Сауысқандық» шатқалы және өзге де тарихи орындар мен ауданымыздағы барлық қорымдар аумағы тазартылып, абаттандырылды.Айта кетейік, тарихы терең, тағылымы мол ауданымызда мемлекеттік қорғауға алынған 42 тарихи мәдени ескерткіш бар. Оның ішінде 3 &nbsp;республикалық, 37 жергілікті маңызы бар ескерткіш, ал 2 нысан алдын ала есепке алынған тарихи мәдени мұра объектілері болып табылады.Бұл бағыттағы игі істер алдағы уақытта да жалғасын табатын болады.<img src="https://knadmin.beoblood.kz/uploads/Shieli_tazaly_zh_mystary_3_973a542c9a.jpg" alt="Шиелі тазалық жұмыстары 3.jpg">

Шиелі жұртшылығы тазалық жұмыстарына атсалысты

<a href="https://kyzylorda-news.kz/">Kyzylorda-news.kz</a> Қазақстанда педагогтерді аттестаттау жүйесі қайта қаралып, мұғалімдерге түсетін артық жүктеме қысқартылады. Бұл туралы Оқу-ағарту вице-министрі Шынар Ақпарова Орталық коммуникациялар қызметінде өткен брифингте мәлімдеді, – деп хабарлайды <a href="https://kaz.inform.kz/news/pedagogterd-attestattau-zhuyesnde-neozgered-8cb2a8/">Қазақпарат.</a><blockquote>— Қолданыстағы аттестаттау тетіктері педагогтерге негізсіз артық жүктеме түсіріп отыр. Әсіресе тестілеуге дайындықтың көп уақыт алуы, портфолио қалыптастырудың күрделілігі және авторлық материалдардың практикалық маңызына қатысты сұрақтар мұғалімнің негізгі міндетіне — білім сапасына көңіл бөлуіне кедергі келтіреді, — деді вице-министр.</blockquote>Осыған байланысты аттестаттау жүйесі оңтайландырылып, артық талаптар қысқартылады.<blockquote>—&nbsp;Енді педагогтің кәсіби деңгейі тест нәтижесімен емес, оның күнделікті жұмысы мен білім беру сапасына қосқан нақты үлесі арқылы бағаланады,&nbsp;— деп нақтылады ол.</blockquote>Вице-министрдің мәліметінше, өзгерістердің бірі&nbsp;— педагогтер үшін міндетті пәндік тестілеудің алынып тасталуы.<blockquote>—&nbsp;Бұл талап тек педагогикалық қызметке жаңадан келген мамандарға, жұмысын қайта бастаған мұғалімдерге, сондай-ақ білім беру ұйымдарының басшылары мен әдіскерлеріне қатысты сақталады,&nbsp;— деді ол.</blockquote>Сонымен қатар педагог кадрларды даярлау жүйесінде де&nbsp;өзгерістер бар.<blockquote>—&nbsp;Жоғары оқу орындарына қабылдауда тест нәтижелерімен қатар арнайы емтихандарды қамтитын аралас бағалау моделіне көшу көзделіп отыр. Бұдан бөлек, педагогикалық мамандықтарға қойылатын талаптар күшейтіліп, шекті балл 75-ке дейін көтерілді,&nbsp;— деп толықтырды вице-министр.</blockquote>Бұдан өзге, аттестаттау талаптары да&nbsp;жеңілдетілді.<blockquote>—&nbsp;Енді эссе жазу, ғылыми мақала жариялау және авторлық бағдарламалар әзірлеу міндетті емес. Бұл мұғалім еңбегін қағазбастылықтан арылтып, нақты нәтижеге бағыттауға мүмкіндік береді,&nbsp;— деді ол.</blockquote>Тағы бір маңызды өзгеріс&nbsp;— аттестаттау процесін толық цифрландыру.<blockquote>—&nbsp;Барлық рәсім «Ұстаз» платформасы арқылы жүргізіледі. Бұл құжат айналымын қысқартып, процестің ашықтығы мен қолжетімділігін арттырады,&nbsp;— деп атап өтті Шынар Ақпарова.</blockquote>Оның айтуынша, жаңа жүйе педагогтің кәсіби еркіндігін арттырып, оның шығармашылық және әдістемелік әлеуетін толық іске асыруға жағдай жасайды.Сонымен қатар қолданыстағы тәртіпке сәйкес, белгіленген талаптарды орындаған педагогтерге тиісті біліктілік санаты бойынша қосымша ақы жаңа оқу жылының басынан бастап төленеді.<blockquote>—&nbsp;Ал&nbsp;алғашқы тестілеуде шекті деңгейге жете алмаған педагогтерге қайта тапсыру мүмкіндігі беріледі,&nbsp;— деп түсіндірді вице-министр.</blockquote>Фото: Нұрболат Нұржаубай

Педагогтерді аттестаттау жүйесінде не өзгереді?

<a href="https://kyzylorda-news.kz/">Kyzylorda-news.kz</a> Астанадағы Орталық коммуникациялар қызметінде өткен брифингте Оқу-ағарту вице-министрі Шынар Ақпарова педагогтерді аттестаттау қағидаларына енгізілетін өзгерістердің мәнін түсіндірді, деп хабарлайды <a href="https://baq.kz/mugalimderdin-enbek-demalysy-56-kunge-deyin-uzartyldy-320023325/">BAQ.KZ</a> тілшісі.Брифинг барысында вице-министр педагог мәртебесін арттыру бағытындағы реформалар жүйелі түрде жүзеге асырылып келе жатқанын атап өтті. Оның айтуынша, “Педагог мәртебесі туралы” заң қабылданғаннан бері мемлекет басшысы Қасым-Жомарт Тоқаев айқындаған басымдықтарға сәйкес ауқымды жұмыстар жүргізілген.Бұл реформалар білім беру жүйесін сапалық тұрғыдан жаңғыртып қана қоймай, педагог мамандығының қоғамдағы беделін нығайтуға негіз болды, – деді Шынар Ақпарова.Вице-министрдің мәліметінше, жүргізілген саясаттың нәтижесі нақты көрсеткіштер арқылы дәлелденген. 2023 жылғы зерттеу қорытындысы педагог еңбегінің қоғамдық маңыздылығы айтарлықтай артқанын көрсетеді. Сонымен қатар мұғалімдердің жалақыға қанағаттану деңгейі бойынша Қазақстан алғашқы бестікке енген.Сондай-ақ мұғалімдердің жүктемесін азайту және әкімшілік рәсімдерді қысқарту олардың негізгі кәсіби қызметіне көбірек көңіл бөлуіне мүмкіндік берген.Педагог кадрлардың сапалық құрамы да жақсарып келеді. Магистр дәрежесі бар мамандардың үлесі тұрақты өсіп, бүгінде 11%-ға жеткен.Әлеуметтік қолдау шараларының нәтижесінде мектеп мұғалімдерінің жалақысы екі есеге артса, мектепке дейінгі ұйым педагогтарының еңбекақысы 30%-ға өскен. Қосымша төлемдер енгізіліп, еңбек демалысы 56 күнге дейін ұзартылған.Осы өзгерістердің нәтижесінде қазақстандық педагогтердің 95%-ы өз кәсібіне қанағаттанатынын білдірген.Осы оң динамиканы ескере отырып, білім беру саласындағы реформалар жаңа мазмұндық кезеңге өткен. Бұл ретте педагогтерді аттестаттау жүйесін жетілдіру мәселесі ерекше маңызға ие.<blockquote>Аттестаттау – әрбір педагогтің кәсіби деңгейіне тікелей әсер ететін маңызды тетік. Сондықтан бұл бағыттағы өзгерістер білім беру сапасын арттыруға бағытталған, – деді вице-министр.</blockquote>Оның айтуынша, жаңа өзгерістер педагогтердің кәсіби біліктілігін бағалау процесін жетілдіріп, оны ашық әрі әділ етуге мүмкіндік береді.Сондай-ақ кәсіби ортада бұл өзгерістерге қатысты түрлі пікірлердің болуы қалыпты жағдай екені атап өтілді. Министрлік барлық ұсыныстарды ескере отырып, реформаларды кезең-кезеңімен енгізуді жоспарлап отыр.Фото: Нұрболат Нұржаубай

Қазақстан және Қызылорда облысының жаңалықтары