<a href="https://kyzylorda-news.kz/">Kyzylorda-news.kz</a> "Қазгидромет" мамандары өңір тұрғындарын қыс мезгілінде ауа райы өзгерістерін бақылап, қауіпсіздік шараларын сақтауға шақырды. Жаңа жыл қарсаңында облыс аумағында қар аралас жаңбыр күтілуде. Салдарынан көктайғақ болып, екпінді жел соғады. Бұл туралы Өңірлік коммуникациялар қызметінің баспасөз алаңында «Қазгидромет» РМК Қызылорда облысы бойынша филиалы Метеоболжау бөлімінің бастығы Айгерім Жөкелова мәлімдеді.<blockquote>– Қызылорда облысында дәл қазір жауын-шашынды ауа райы байқалуда. Бұл Қазақстан аумағында солтүстік-батыстан енген циклон әсерінен қалыптасты. Жауын-шашынды ауа райы 20 желтоқсанға дейін сақталады. Түнгі ауа температурасы -3,+2 шамасында, күндізгі ауа температурасы 0-ден жоғары. Облыс бойынша жаңбыр аралас қар күтілуде. Сонымен қатар облыс аумағында көктайғақ болуы мүмкін. 19 желтоқсаннан 20 желтоқсанға қараған түні өңір бойынша қар жауады. Ауа температурасы 20 желтоқсаннан бастап төмендейді. 20-27 желтоқсан аралығында жауын-шашынсыз ауа райы орнайды. Яғни түнде -5-15 градус аяз, күндізгі ауа температурасы -2-7 градус суық. Ал желтоқсан айының соңында қар аралас жаңбыр жауады. 28-31 желтоқсан аралығында көктайғақ болып, желдің екпінді күші 23-28 м/с күтіледі, – деді Айгерім Болатбекқызы.</blockquote>Жалпы биыл қыс мезгілінде қаңтар-ақпан айларында ауа температурасы климаттық нормадан 1-2 градусқа жоғары, жауын-шашын мөлшер шамасынан түседі деп күтілуде. Сондай-ақ мамандар «112» қызметінен келетін хабарламаға назар аударып, қауіпсіздік ережелерін сақтауға шақырды.<img src="https://knadmin.beoblood.kz/uploads/aua_rajy_f809b546f2.jpg" alt="ауа райы.jpg"><span style="background-color:rgb(246,246,249);color:rgb(102,102,135);font-family:-apple-system, BlinkMacSystemFont, &quot;Segoe UI&quot;, Roboto, Oxygen, Ubuntu, Cantarell, &quot;Open Sans&quot;, &quot;Helvetica Neue&quot;, sans-serif;">Фото: freepik.com .jpg

 Қыс мезгілінде ауа райы қандай болады?

<a href="https://kyzylorda-news.kz/">Kyzylorda-news.kz</a> Еліміздің дамуының тегеурінді тұғыры және ең &nbsp;мәртебелі мамандықтың бірі &nbsp;- заңгер.&nbsp;Кез келген мекемеге, кәсіпорынға, өзге де коммерциялық құрылымдарға қызмет саласының әр түрлі болуына қарамастан құқықтық жұмыспен айналысатын маман қажет. Ол әрине - заңгер.&nbsp;Заңгер болу - бүкіл өміріңді арнап, өз таңдауыңды мақтан етерлік қиын әрі күрделі және өте қызықты &nbsp;мамандық. Бүгінгі таңда азаматтардың &nbsp;мүддесін &nbsp;қорғау &nbsp;жолында елімізде еңбектеніп жүрген кәсіби білікті заңгерлер өте көп. Соның бірі Қызылорда облысы ҚАЖ департаментіне қарасты №60 мекемесінде заңгер кеңесшісі &nbsp;қызметін атқарып келе жатқан маман - Измағанбетова Ардақ Кеңшілікқызы.&nbsp;<blockquote>«Арман алға жетелейді» &nbsp;- демекші, Ардақ Кеңшілікқызы заңгер болуды бала күнінен армандапты. Заңгер болып қоғамдағы әлсіз жандар мен балаларды қорғағым келді, &nbsp;- дейді ол.&nbsp;</blockquote>Ардақ Кеңшілікқызы сот шешімі барысында қоғамның мемлекетке көзқарасы қалыптасатынын, сондықтан да Қазақстанда ашық және бүкпесіз сот орнықтыру керек екенін үнемі назарда ұстап, сол бағытқа өзінің қажыр-қайратын жұмсап келеді. Ұжымның да алдында құрметті, беделді мүшесі. Өз міндеттерін жауапкершілікпен орындайды, өз ісіне адал, тәжірибелі кәсіби маман. Оның заң кеңесшісі қызметінде, осы саланың &nbsp;ыстық-суығына көніп, еңбек етіп келе жатқанына 12 жылға жуықтапты.&nbsp;Әр қапталған құжатты бір тарих десек, сол тарихи құжаттың сапалы дайындалуы да Ардақ Кеңшілікқызы секілді өз ісіне берілген маманның ұқыптылығы соншалық, бүгінгі күнге дейінгі еңбек өтілінде, басшылық тарапынан ешқандай &nbsp;ескерту алмапты.<blockquote>&nbsp;Әйел болған соң отбасымызға да көңіл бөлуді ұмытпаймыз, қызметте қатал, үйде жұмсақпыз. Өзімізді күтуге де уақыт бөліп, әр уақытты тиімді пайдалануды білеміз. Қызметтік &nbsp;қарбалыстан &nbsp;қолым босай қалысымен &nbsp;кітап оқитыным бар дейді Ардақ Кеңшілікқызы. Кабинетіндегі кітап сөресінде өзіміздің &nbsp;қазақ жазушыларынан бөлек, әлем классиктерінің де кітаптарын кездестіруге болады. Таңның атысы, кештің батысы еститінімізде, көретінімізде қылмыстық оқиғалар болған соң кейде кәдімгідей рухың әлсірейді, уайымдайсың, толғанасың, сол сәтте кітап бойыңдағы ауыртпашылықты &nbsp;жеңілдетіп, көкірек көзіңді ашып, санаңды сергітеді. Сондықтан да үнемі кітап оқуға уақыт табамын дейді.&nbsp;</blockquote>Сот саласы қызмет барысында небір қиындықтар, күрделі жағдайлар туындайды Бұндай мәселенің &nbsp;шешімін &nbsp;тек нағыз білікті, сауатты, тәжірибелі заңгер маманы &nbsp;таба алады. Бүгінгі таңдағы Ардақ Кеңшілікқызының бүкіл Қазақстан елінің заңгерлеріне үлгі боларлық еңбегі жетерлік.ҚР Қылмыстық-атқару кодекісінің 118 бабы бойынша ҚАЖ департаменті заң тобында сотталғандардың арам ойын жүзеге асыру барысында, қасақана өзіне зиян келтіру, яғни дене жарақатын салу нәтижесінде сотталғанды емдеуге байланысты мемлекеттен бөлінген шығынды &nbsp;немесе келтірген залалды, сотталушы мемлекетке қайтаруға тиісті деген талап арыз беріп, атқару &nbsp;парағы &nbsp;сот орындаушының өндірісіне &nbsp;енді.&nbsp;Белгіленген тәртіппен бүкіл &nbsp;Қазақстан бойынша осындай заңның жүзеге асырылуын алғаш рет Қызылорда облысынан тек қана Ардақ Кеңшілікқызы орындап, ҚАЖ департаментінің мәртебесін көтерді.&nbsp;Сонымен қатар күнделікті жұмыс барысында сотталған азаматтардың өтініштері бойынша сенімхат беру, жасына байланысты зейнеткерлікке шығару, мүгедектігіне байланысты &nbsp;жәрдемақы тағайындау, жеке және заңды тұлғалардың өтініштеріне заңға сәйкес уакытылы жауап беру секілді қызыметтеріне мығым.Қазіргі таңда Ардақ Кеңшілікқызының ісі сарапқа салынып, бүкіл Қазақстан елінің заң қызметкерлеріне үлгі. Ардақ Кеңшілікқызы осы салада атқарған қызметтері үшін еңбегі елеусіз қалмай ҚАЖ департаментінен, мекеме тарапынан, сондай-ақ облыс әкімі Нұрлыбек Мәшбекұлы Нәлібаевтың қолынан марапатталды. Алдағы таңда ҚР ІІМ-не ұсыныс беріліп қойды.&nbsp;&nbsp;Атаған марапаттар оның қызметін мінсіз атқарып, берілген тапсырмаларды уақытылы орындай білетіндігінің дәлелі.&nbsp; Қазақта «Жақсының жақсылығын айт, нұры тасысын» - деген бар. Ардақ Кеңшілікқызын үлгі етіп алдағы қызметтеріне сәттілік тілейміз.&nbsp;Ақалтын Байжанқызы,ҚАЖД –нің № 60 мекемесі Бұқаралық ақпарат құралдарымен&nbsp; байланыс жөніндегі іс- жүргізушісі &nbsp;&nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp;&nbsp;

Адалдықтан айнымаған Ардақ

<a href="https://kyzylorda-news.kz/">Kyzylorda-news.kz</a> &nbsp;Сақтандыру – &nbsp;болуы ықтимал түрлі тосын жағдайлардан қорғайтын және қолдау көрсететін қаржылық құрал. Бұл қалай жұмыс істейді?Сақтандыру дегеніміз не? Кейде үлкендер: «Өмір тосынсыйларға (кездейсоқ жағдайларға) толы» деп қапаланып жатады. Олар мұндайды көбіне өздері күтпеген оқиғаға тап болғанда және олай болады деп мүлдем ойламағанда айтады. Мысалы, қатты жел кезінде көліктің үстіне ағаш құлап кетеді немесе пәтерді су басады. Мұндай оқиғалардың шығу төркіні әртүрлі болады және олар заттай шығын келтірумен шектелмей, денсаулыққа да зиянын тигізуі мүмкін. Біреу ауыр жарақат алып, төсек тартып жатып қалса, уақытша жұмысқа жарамсыз болады. Мұндай сәтте жұмыс істей алмайсыз, бірақ ақша қай уақытта болмасын керек, не істей аламыз?Сақтандыру полисі бар адамдар мұндай жағдайдан жеңіл өтеді. Сақтандыратындай оқиға болғанда клиенттің өзі мен мүлкін қауіп-қатерден қорғайтын қаржы ұйымы – сақтандыру компаниясы Сақтандыру полисін қамтамасыз<a href="https://fingramota.kz/kk/kids-app/publication/onlajn-satandyru-degenimiz-ne-zhne-satandyrushylar-balalara-ne-syna-alady"> етеді.</a>&nbsp;Сақтандыру – бірінші кезекте адамның қаржылық мүддесін қорғау деген сөз. Қазақстанда сақтандырудың екі түрі бар: міндетті және ерікті. Міндетті сақтандыру ел заңнамасының талаптарына сәйкес барлығында болуға тиіс. Ерікті сақтандыру аты айтып тұрғандай адамның жеке қалауына қарай рәсімделеді. Бүгінде міндетті сақтандырудың барлық түрін, кей ерікті сақтандыруларға қатысты сақтандыру полисін онлайн түрде жасатуға болады.Нені сақтандыра аламыз? Түрлі жағдайларды сақтандыруға болады, солардың ішінде негізгілеріне тоқталайық:автокөлікті ұрлау, оның бұзылуы, жазатайым жол көлік апатына тап болу – автокөлікті сақтандыру;үйге немесе пәтерге зақым келтіріп, шығынға ұшырататын кез келген ТЖ (төтенше жағдай) – мүлікті сақтандыру;созылмалы аурудың өршуі, жарақат, улану және т.б. – денсаулықты сақтандыру;Сапарға шығудан бас тарту немесе кейінге шегерту, саяхатшыға шұғыл медициналық көмек көрсету, багажды зақымдау және т.б. – туристерді сақтандыру.&nbsp;Әлемде сақтандырудың бұдан бөлек ерекше түрлері де кездеседі. Мысалы, жұлдыздар өз дауыстарын, дене мүшелерін, үй жануарларын сақтандырып жатады. Адам ұрлаудан, төлем жасаудан және бопсалаудан, жеке деректерін ұрлаудан және тіпті үйлену тойының болмай қалуынан сақтандыру да бар.Балаларға арналған сақтандыру өнімдері бар ма? Балаларды, тура ересектер сияқты, жарақаттар мен жазатайым оқиғалардан және белгілі бір аурулардан сақтандыруға болады. Спорттық сақтандыру деген бар. Мұндайда, мысалы, спортшы жарыс кезінде жарақат алса, сақтандыру компаниясы баланың емделуіне және қаржылық қолдауына кететін, шартта көрсетілген соманы төлеп береді. Сонымен қатар кез келген жерде алған жарақат үшін берілетін сақтандыру бар. Ол емделуге және оңалуға кеткен ақшаның орнын толтыруға мүмкіндік береді.&nbsp;Кей сақтандыру компаниялары белгілі бір мақсат үшін қомақты сома жинақтауға жағдай жасайтын өмірді жинақтық сақтандыру бағдарламасын ұсынады. Мысалы, МБЖЖ (Мемлекеттік білім беру жинақтау жүйесі) білім беру үшін қаржы жинауға көмектеседі.&nbsp;Енді бір сақтандыру полисі ата-ананың немесе қамқоршының және баланың да өмірін қаржылық қорғауды қамтамасыз етеді. Сақтандыру мерзімі аяқталғаннан кейін анаңыз бен әкеңіз сақтандыру сомасын да, инвестициядан түскен пайызды да ала алады. Яғни, қандай да бір сақтандыратындай оқиғаның болуы шарт емес, жай ғана шартта сақтандыру мерзімін көрсету жеткілікті. Ал оның егжей-тегжейлі талаптарын сақтандыру компаниясы өзі тағайындайды.Сақтандыруды қалай рәсімдейміз&nbsp; Сақтандыруды рәсімдеу үшін мұндай қызметті көрсетуге рұқсат алған сақтандыру компаниясымен келісімшарт жасау қажет. Лицензияны Қаржы нарығын реттеу және дамыту агенттігі береді. Оның бар-жоғын қаржы реттеушісінің&nbsp;www.gov.kz сайтындағы «Қаржы нарықтары» бөлімінен («Сақтандыру секторы» бөлімшесі) тексеруге болады.Бүгінде сақтандыру компаниясымен келісімді оның веб-сайты немесе мобильді қолданбасы арқылы бір дегеннен рәсімдей аласыздар.Сақтандыруды рәсімдеу барысында бірнеше терминдер кездесуі мүмкін. Соларды түсіндіре кетейік.Сақтанушы&nbsp;– сақтанғысы келетін жеке немесе заңды тұлға.Сақтандырушы&nbsp;– сақтандыру компаниясы.Сақтандыру оқиғасы&nbsp;– сақтандырушы сақтанушыға ақша төлеуге міндетті болатын оқиға.Сақтандыру сомасы&nbsp;– адамның мүлкіне, денсаулығына немесе өміріне зиян келген жағдайда төленетін ақшалай өтемақы. Сақтандыру бойынша берілетін сома шартта көрсетілуі керек. Келісімшартқа қол қоймай тұрып, оны әрдайым алдын ала мұқият оқып шығу қажет.Фото: fingramota.kz

Онлайн-сақтандыру дегеніміз не және сақтандырушылар балаларға қандай өнімдерді ұсынады?  

<a href="https://kyzylorda-news.kz/">Kyzylorda-news.kz</a> &nbsp;Егер сіз кредиттеріңізді мерзімінен бұрын өтеуді жоспарласаңыз, оның бірнеше нұсқасын қарастыруға болады. Мысалы, «көптен азға» немесе «аздан көпке» стратегияларын таңдау немесе қарыздарды қайта қаржыландыру. Олардың әрқайсысын талдап көрейік..&nbsp;«Көптен азға»&nbsp;стратегиясыОның негізгі мәні - сіз алған соманы емес, кредит бойынша пайыздарды төлейсіз. Яғни, бұл стратегияға сәйкес, сіз алдымен кредитті ең жоғары пайыздық мөлшерлемемен, содан кейін одан азырақ, содан кейін одан да аз пайыздық мөлшерлемемен және т.с.с. төлеуіңіз керек. Математикалық тұрғыдан алғанда бұл ең тиімді және көрнекі нұсқа. Бұл ретте, егер сіздің кредиттеріңіздің пайыздық мөлшерлемелері бірдей, бірақ мерзімдері әртүрлі болса, алдымен сіз төлем мерзімі ұзағырақ кредитті төлеу керек екені есіңізде болсын. Себебі, мұндай кредит болғанда сіз пайызды өтеу үшін ақшаның көп бөлігін төлейсіз, содан кейін ғана – негізгі қарызды төлеп бастайсыз. Сондықтан ұзақ мерзімді қарыздар бойынша артық төлем әлдеқайда жоғары болады.Не істеу керек?Барлық борыштарыңыздың тізімін жасаңыз: кредиттік карталар, тұтынушылық кредиттер, ипотека және т.б. бойынша берешек. Әрқайсысы үшін ағымдағы қалдықты, пайыздық мөлшерлемені және ең төменгі айлық төлемді көрсетіңіз.Қарыздарды пайыздық мөлшерлеменің төмендеу ретімен ретке келтіріңіз. Пайыздық мөлшерлемесі ең жоғары кредиттер бірінші орында тұруы керек.&nbsp;Басты назарды негізгі қарызға аударыңыз – ең жоғары мөлшерлемемен берешекті өтеуге ең көп соманы бағыттаңыз, ал қалғандары бойынша ең аз төлемдер жасаңыз.&nbsp;Бірінші кредитті толығымен өтеп болғаннан кейін, босаған қаражатты тізімдегі келесі кредитке бағыттаңыз, қалғандары бойынша ең төмен төлемдер сақтаңыз.Мысал арқылы түсіндіріп көрейік: сізде қолданыстағы екі кредит бар делік. Олардың бірі ең жоғары пайыздық мөлшерлемемен және артық төлеммен алынған – бұл микрокредит (6 айға 200 000 теңге қалдық. Сіздің міндетіңіз – оны төлеп тастау, сондықтан сіз оған ай сайынғы төлемге қосымша ақша жұмсайсыз. Айталық, жоспарлы 30 мың төлемнің орнына – 60 мың немесе одан да көп. Бұл ретте мұны ай сайын жасау маңызды. Осының арқасында сіз алты айдан аз уақыт ішінде микрокредит бойынша қарызды жабасыз және сізде басқа кредитті төлеуге бағытталатын белгілі бір сома «босатылады».&nbsp;Тағы бір маңызды мәселе – мерзімінен бұрын өтеу кезінде ай сайынғы төлем сомасын емес, кредиттің мерзімін қысқартуды таңдаңыз, бұл тиімдірек болады«Аздан көпке» стратегиясыБұл әдіс борыш сомасы ең аз кредитті өтеуге бағытталған. Бір қарағанда, мұның пәлендей пайдасы жоқ сияқты болып көрінуі мүмкін, бірақ психология тұрғысынан тіпті кішкентай қадамдардың өзі сізді ынталандырады. Әсіресе, қаржының шектеулі болуына байланысты үлкен қарызды төлеуге мүмкіндігіңіз болмаса. Қалдығы ең аз бірінші кредитті жапқанда, сізде басқа кредитті өтеуге жұмсалатын ақша «босатылады». Нәтижесінде сіз прогреске қол жеткізесіз.Қалай әрекет ету керек?Барлық кредиттердің тізімін жасаңыз, әрқайсысының жанына ағымдағы қалдықты, пайыздық мөлшерлемені және ең төменгі айлық төлемді жазыңыз.1) Пайыздық мөлшерлемелерге назар аудармастан, кредиттерді ең кішкентай қалдық қалғанынан ең үлкен қалдығы бар кредитке қарай бөліңіз.2) Барлық борыштар бойынша ең төменгі төлемдерді төлеуді жалғастырыңыз, бірақ айыппұлдар мен пайыздардың өсуін болдырмау үшін олардың ешқайсысын жіберіп алмағаныңызға көз жеткізіңіз.3) Кредиттердің ішіндегі мөлшері аз борышқа қосымша қаражат бөліңіз.4) Кредиттердің ішіндегі берешегі ең аз кредитті толығымен төлегеннен кейін, келесі жолы қолыңызда қалатын бос қаражатты тізімдегі келесі кредитті төлеуге жіберіңіз, бұл ретте қалған кредиттер бойынша ең төменгі төлемдер сақталады.&nbsp;Мысалы, сізде үш кредит және бір бөліп төлеу бар делік, оның ішінде ең аз қарыз қалдығы – кредиттік карта бойынша (қалдық 50 мың теңге), содан кейін тұтынушылық кредит (қалдық 80 мың теңге), бөліп төлеу (120 мың теңге) және тұтынушылық кредит (150 мың теңге). Қосымша қаражатты кредиттік карта бойынша берешекті өтеуге жіберіңіз, оны 1-2 ай бұрын жабыңыз, содан кейін барлық күш-жігерді ең төменгі қалдықпен және ең төменгі ай сайынғы төлеммен, содан кейін бөліп төлеуді өтеуге және т.б. жіберіңіз.Кредиттерді қайта қаржыландыруЕгер сіз түрлі банктерден бірнеше кредит алған болсаңыз, онда сіздің жақсы шарттармен кредит алып, қайта қаржыландырудың арқасында барлық қарыздарды бірден төлеуіңізге мүмкіндік туады. Бұл шарт өте ыңғайлы, себебі сіз тек бір кредиторға төлем жүргізетін боласыз және қай банкке төлем жүргізуім қажет еді деп шатаспайсыз, төлемді кешіктіруге, өсімпұлдарға жол бермейсіз. Бұдан басқа, сіз ең төменгі пайыздық мөлшерлемені таңдайсыз және бұл артық төлем мөлшерін азайтады.Сізде 1 900 000 теңге жалпы борышпен және әртүрлі пайыздық мөлшерлемелері бар үш кредит бар деп елестетіп көрейік. Жалпы айлық төлем 150 000 теңгені құрайды. Артық төлем шамамен 570 000 теңгені құрайды. Қайта қаржыландыру кезінде ай сайынғы төлем 68 400 теңгені, бір жылда – 820 800 теңгені, бір жылдағы пайыздар бойынша артық төлем шамамен 340 000 теңгені құрайды. Пайдасы қайта қаржыландыру кезінде сіз ай сайынғы төлемді төмендетесіз, сонымен қатар бір жыл ішінде белгілі бір соманы пайызбен үнемдейсіз.&nbsp;Алайда, егер сіз мәселені мұқият зерттемесеңіз, онда қайта қаржыландырумен өзіңізді одан сайын қарызға батырудан абай болыңыз. Сондықтан әртүрлі нұсқаларды салыстырыңыз және мүмкін болса, қаржылық кеңесшілерге хабарласыңыз. Қайта қаржыландыруды қайта құрылымдаумен шатастырмаңыз. Қайта құрылымдау – бұл бұрынғы кредит талаптарын өзгерту (мерзімін кейінге қалдыру, кредиттеу мерзімін, қарыз сомасы және т.б. өзгерту).<img src="https://knadmin.beoblood.kz/uploads/18_12_infographics_kaz_b319e24e56.png" alt="18.12 infographics каз.png"> Жалпы пайдалы ұсынымдар&nbsp;Өз күшіңізді дұрыс бағалау үшін бюджетті жоспарлаңыз. Кредит бойынша төлемді ескере отырып, кірістер мен шығыстарыңызды талдаңыз және қанша бос ақша қалатынын есептеңіз.&nbsp;Импульсивті сатып алулардан бас тартыңыз. Бірнеше айдан кейін сәннен шығатын жаңа тренд болған көйлек сатып алудың орнына, бұл ақшаны қарызды төлеуге жұмсаңыз.&nbsp;Кредит төлеу бойынша мерзімін өткізіп алуға жол бермеңіз, олай болған жағдайда, Сізге өсімпұл есептейді, бұл бюджетке қосымша жүктеме.Қосымша табыс көзін іздеңіз – сізде бірнеше кредит болған кезде және оларды төлеуге ақша жетер-жеткізіліксіз болған кезде аздаған қосымша жұмыс көмектеседі. Демалыс және мереке күндері жұмыста ақылы ауысымдарды алуға немесе жаңа мамандықты игеруге болады. Дағдыларыңызға назар аударыңыз және осыны негізгі ала отырып, қосымша кіріс көзін іздеуді бастаңыз.Сырттан бағалауды сұраудан тартынбаңыз. Сіз сенетін достарыңыздың немесе жақындарыңыздың объективті көзқарасы, олардың кеңестері мен ұсыныстары ақша мәселелеріне байланысты сіз байқамайтын мүмкіндіктерді көруге көмектеседі<a href="https://fingramota.kz/kk/post/eger-sizde-birneshe-kreditiiz-bolsa-olardy-merziminen-bryn-alaj-drys-teuge-bolady-eger-siz-kreditteriizdi-merziminen-bryn-teudi-zhosparlasayz">Fingramota.kz</a>-пен бірге қаржылай сауатты болыңыз!&nbsp;Фото: fingramota.kz

Егер сізде бірнеше кредитіңіз болса: оларды мерзімінен бұрын қалай дұрыс өтеуге болады 

<a href="https://kyzylorda-news.kz/">Kyzylorda-news.kz</a> Қызылорда облысының әкімдігі мен облыстық денсаулық сақтау басқармасының қолдауымен облыстық перинаталдық орталыққа құны 19,5 млн. теңгенi құрайтын анестезиялық-тыныс алу аппараты мен жалпы құны 55, 6 млн. теңге тұратын үш операциялық шам сатып алынды.Бұл заманауи медициналық жабдықтар орталықта көрсетілетін қызметтердің сапасын арттыруға, күрделі операцияларды жоғары деңгейде жүргізуге, ана мен бала өмірін сақтауға мүмкіндік береді.Анестезиялық-тыныс алу аппараты операциялық және шұғыл көмек көрсету кезінде қауіпсіз және тиімді анестезия жасауға арналған. Аппараттың жоғары дәлдігі пациенттердің денсаулығын барынша қорғауға жағдай жасайды.Сонымен қатар, операциялық шамдар күрделі хирургиялық араласулар кезінде жарық деңгейінің жоғары болуын қамтамасыз етiп, дәрігерлердің жұмыс сапасын жақсартумен қатар, ота жасау барысындағы қауіптерді азайтады және медициналық техникалар өңірдегі денсаулық сақтау саласын дамытуға, ана мен бала өмірін қорғау деңгейін жаңа сатыға көтеруге зор үлес қосады.<img src="https://knadmin.beoblood.kz/uploads/apparat_2_7207b9a4bd.jpg" alt="аппарат 2.jpg"><img src="https://knadmin.beoblood.kz/uploads/Apparat_79de3b04f6.jpg" alt="Аппарат.jpg">

 Облыс әкімдігінің көмегімен перинаталдық орталық жабдықталды

<a href="https://kyzylorda-news.kz/">Kyzylorda-news.kz</a> &nbsp;Бүгін Қызылордада «Руханият жылы» аясында мемлекет және қоғам қайраткері Темірбек Жүргеновтің өнегелі өмір жолына, «Шаһнаманың» жарық көргеніне 90 жыл, «Терме» жинағының жарық көргеніне 100 жыл толуына арналған «Терме – тәрбие, жыр – рух» атты республикалық жыршылар байқауы өтті.&nbsp;Байқауға Астана, Алматы, Маңғыстау, Ақтөбе, Павлодар, Түркістан қалаларынан және аудандардан жыршылар қатысты.Облыс әкімінің орынбасары Шахмардан Байманов аймақ басшысы Нұрлыбек Нәлібаевтың құттықтауын оқып, жыршыларға сәттілік тіледі.<blockquote>«Темірбек Жүргенов есімі қазаққа ғана емес, иісі түркі жұртына құрметті, Орта Азия мен Қазақстанға ортақ тұлға. Жүргеновтің тікелей атсалысуымен «Қазақстанда мектеп жүйесін реттеу және қазақ орта мектептерін көбейту туралы» қаулы қабылданды. Алматыдағы бүкілқазақстандық халық өнерпаздарының І слетін, Мәскеудегі Қазақстан өнері мен әдебиетінің онкүндігін ұйымдастырушылардың бірі болды.</blockquote><blockquote>Ол қазақ жастарының КСРО-ның орталық қалаларындағы оқу орындарында білім алуына көмек көрсетті. Мұхтар Әуезов, Жұмат Шанин, Әбілхан Қастеев секілді қайраткерлердің шығармашылықпен айналысуына жағдай жасады. Тұрмағамбет шайырды Алматыға арнайы алдырып, Фердоусидің «Шахнамасын» қазақ тіліне аудартты.</blockquote><blockquote>Темірбек Қараұлы – өзіне өлмес, тозбас ескерткіш соғып кеткен тұғырлы тұлға. Біздің міндетіміз – оның есімін халық жадында жаңғыртып, өскелең ұрпаққа насихаттау. Халқымыздың дара перзенттерінің мұрасы ел игілігіне қызмет ете берсін. Ұрпақтан ұрпаққа мирас болып қалар сөз маржанын жарқырата жырлап, жеңіс иесі болыңыздар. Баршаңызға сәттілік тілеймін!», – деді Ш.Байманов.</blockquote>Байқауға Қазақстанның еңбек сіңірген қайраткері, «Парасат» орденінің иегері Алмас Алматов, Қазақстанның еңбек сіңірген қайраткері Ұлжан Байбосынова, қоғам қайраткері, «Т.Жүргенов атындағы қордың» төрағасы Сәби Аңсат төрелік етті.Қазылар алқасы жыршылардың орындаушылық шеберлігіне, мақам-саз үндестігіне, шығарманың мазмұнын көрерменге жеткізе білумен қатар, сахна мәдениетіне баса мән берді. Жүлдегерлер бағалы сыйлықтармен, Алғыс хаттармен марапатталды.<img src="https://knadmin.beoblood.kz/uploads/Terme_t_rbie_zhyr_ruh_atty_respublikaly_zhyrshylar_baj_auy_tti_1_3bad78613a.jpg" alt="«Терме – тәрбие, жыр – рух» атты республикалық жыршылар байқауы өтті 1.jpg"><img src="https://knadmin.beoblood.kz/uploads/Terme_t_rbie_zhyr_ruh_atty_respublikaly_zhyrshylar_baj_auy_tti_4_dc7330deaa.jpg" alt="«Терме – тәрбие, жыр – рух» атты республикалық жыршылар байқауы өтті 4.jpg"><img src="https://knadmin.beoblood.kz/uploads/Terme_t_rbie_zhyr_ruh_atty_respublikaly_zhyrshylar_baj_auy_tti_3_7feef5745f.jpg" alt="«Терме – тәрбие, жыр – рух» атты республикалық жыршылар байқауы өтті 3.jpg">Фото: Қызылорда облысы әкімінің баспасөз қызметі

«Терме – тәрбие, жыр – рух» атты республикалық жыршылар байқауы өтті

<a href="https://kyzylorda-news.kz/">Kyzylorda-news.kz</a> &nbsp;Жаңа жыл – керемет әрі көңілді мереке, бірақ бұл алаяқтар үшін де «тиімді»&nbsp;мүмкіндік.<a href="https://fingramota.kz/kk/post/zhaa-zhyldy-fejkter-mereke-arsaynday-arbalasta-alayatardy-apanyna-tspeu-zholdary">Fingramota.kz</a> мереке қарсаңында кездесуі мүмкін жаңа алаяқтық схемаларды жинап, олардан қалай қорғану, жақындарыңызды қорғау және мерекелік көңіл-күйді сақтап қалу жолдарын ұсынады.Алаяқтар мереке қарсаңында адамдардың сақтықтан айырылып, уақытқа байланысты асығыс әрекет ететінін пайдаланады. Біз барлығын үлгергіміз келеді: сыйлықтар сатып алу, мерекелік дастархан дайындау, ойын-сауық бағдарламасын ұйымдастыру. Барлығына уақыт жетпейтіндей көрінеді. Бірақ ақша мәселелерінде ешқашан асығуға болмайды. Сақ болыңыз – алдыңызда тұзақ та болуы мүмкін ғой?Жалған Аяз ата мен Ақшақар қызметіКөптеген ата-аналар балаларына сиқырлы мереке сыйлағысы келеді. Ал мұндайда Аяз ата мен Ақшақарсыз болмайды. Алаяқтар жыл сайын мереке қарсаңында интернетте, әсіресе әлеуметтік желілерде, аниматорлардың – көптен күткен қыстық мерекенің ертегідегі кейіпкерлерінің қызметі туралы жалған хабарландырулар жариялайды.Оларға хабарласқан адамдардан алдын ала төлем талап етіліп, содан кейін байланыс үзілетін жағдайлар жиі кездеседі.Тағы бір нұсқасы – «Аяз ата» мен «Ақшақар» келіп, мерекелік көңіл-күй мен адамдардың босаңсуын пайдаланып, үйді тонап кетуі мүмкін. Біреуі қонақтарды көңілдендіріп жатқанда, екіншісі құнды заттарды алып кетеді.Кеңес:&nbsp;аниматор қызметін ұсынатын компанияның беделін әрдайым тексеріңіз. Сенімді ұйымдар суреттер, пікірлер мен қызметкерлердің&nbsp;деректерін жариялайды. Тіпті достар&nbsp;беретін ұсынымдарды&nbsp;да тексеріңіз,&nbsp;себебі&nbsp;компанияда&nbsp;ұжым&nbsp;ауысуы мүмкін немесе достарыңыз қызметті өзі қолданбай, тек естіген болуы ықтимал. Тексерілуі қиын күмәнді ресурстардан тапсырыс беруден аулақ болыңыз.Жалған акциялар мен сайт-көшірмелерМереке қарсаңында дүкендердің көбі ауқымды жеңілдіктер мен акциялар туралы жариялайды. Бұл алаяқтар үшін тиімді мүмкіндік. Егер сақ болмасаңыз, фишинг сайттарға кіріп, дербес деректеріңіздің жария болу немесе құрылғыңыздың вирус жұқтыру қаупі бар.Кеңес:&nbsp;онлайн-сатып алу жоспарланып отырған&nbsp;сайтты тексеріңіз;&nbsp;оң пікірлері бар&nbsp;сенімді&nbsp;платформаларды пайдаланыңыз;&nbsp;өте&nbsp;төмен бағалары бар ұсыныстарға&nbsp;сенбеңіз; жеке деректеріңізді енгізбеңіз – шынайы дүкендер ондай ақпаратты сұрамайды.Жалған тауарларды сатуӨкінішке орай, тіпті ірі маркетплейстерге брендтік тауар ретінде арзан жалған өнімдерді сататын алаяқтар еніп кетуі мүмкін. Әрине, тауардың жалған екенін көрсететін Abibas немесе Christianin Dior сияқты атаулар жазылмайды – бәрі әлдеқайда күрделірек.Кеңес:&nbsp;тек брендтің ресми өкілдерінен сатып алыңыз; тауардың таңбаларын арнайы қосымшалар арқылы тексеріңіз; тым төмен бағаларға сенбеңіз.Құттықтау ашық хаттарТіпті мессенджердегі зиянсыз құттықтау хаттар да қауіп тудыруы мүмкін. Алаяқтар сіздің жақыныңыздың, мысалы, әжеңіздің аккаунтын бұзып, барлық таныстарын зерттеп, жалған құттықтау сілтемесімен хат жібереді. Мысалы: «Саған арналған жеке құттықтау, немерем, мына сілтемеде!». Сілтеме бойынша өтсеңіз, жеке деректеріңіз жоғалуы немесе сіздің гаджетіңізге құрылғы туралы барлық ақпаратты, жүктелген қосымшаларды және оларға құпиясөздерді оқитын вирус-шпион енуі мүмкін.Кеңес:&nbsp;ешқашан&nbsp;күдікті сілтемелер бойынша&nbsp;өтпеңіз, тіпті оларды таныстарыңыз жіберсе де. Ашық хаттар сілтемелерсіз келеді. Күдікті «құттықтау» алсаңыз, оны жіберген адамға қоңырау шалып, бұзу әрекеті болуы мүмкін екенін ескертіңіз.Жалған қайырымдылықМереке алдында адамдардың мейірімі оянып, басқаларға көмектескісі келеді. Мұны пайдаланған алаяқтар «балалардың армандарын орындау» үшін жалған қаражат жинауды ұйымдастырады. Өкінішке орай, сіздің ақшаңыз қылмыскерлердің қалтасына кетеді, ал балалар сыйлықсыз қалады.Кеңес:&nbsp;тек беделді қайырымдылық қорларына көмектесіңіз. «Қоғамдық ұйымдардан» олардың&nbsp;балалар туралы&nbsp;әңгімесін растайтын құжаттарды сұрауға қысылмаңыз.Мемлекеттік органдардан «сыйлықтар»Бұл схема нақты аудиторияға – зейнеткерлерге бағытталған. Алаяқтар еріктілер немесе мемлекеттік органдардың өкілдері ретінде қарт адамдардың пәтеріне келеді. Арзан сыйлық әкелуі мүмкін, бірақ зейнеткерлердің сеніміне кіріп, оларды тонауы немесе үйдің жай-күйін қарап, кейіннен тонауға жағдай жасауы ықтимал.Сондай-ақ, алаяқтар егде жастағы адамдарға қоңырау шалып, ХҚКО, әкімдік немесе коммуналдық қызмет өкілдері ретінде өзін таныстырып, «сыйлық» ұсынуы мүмкін. Сол арқылы құпия ақпаратты алдап алып, телефонға алаяқтарға құрылғыға қашықтан қол жеткізу мүмкіндігін беретін қосымша жүктеуге мәжбүрлейді.Кеңес:&nbsp;егде жастағы туыстарыңызға қауіпсіздік туралы түсіндіріп, бөтен адамдарға есік ашпауын және олардың сөзіне сенбеуін өтініңіз. Егер мемлекеттік орган атынан қоңырау түссе, бұл туралы сізге айтып, ақпаратты тексеруге кеңес беріңіз.<img src="https://knadmin.beoblood.kz/uploads/infographics_17_12_kaz_2944c1c2d3.png" alt="infographics 17.12 каз.png">Өзіңізді және жақындарыңызды сақтаңыз және қаржылық сауаттылығыңызды бізбен бірге арттырыңыз!Фото: fingramota.kz

«Жаңа жылдық фейктер»: мереке қарсаңындағы қарбаласта алаяқтардың қақпанына түспеу жолдары 

<a href="https://kyzylorda-news.kz/">Kyzylorda-news.kz</a> &nbsp;Астана қаласының азаматтық істер жөніндегі ауданаралық соты азамат А-ның Қазақстан Республикасының Үкіметіне «Қазақстан Республикасының аумағында уақытты есептеу тәртібі туралы» 2000 жылғы 23 қарашадағы №1749 және оған өзгерістер енгізу туралы 2024 жылғы 19 қаңтардағы №20 қаулыны заңсыз деп тану және күшін жою туралы талап қоюы бойынша істі қарады, – деп хабарлайды <a href="https://massaget.kz/">Massaget.kz</a> тілшісі Астана қаласының азаматтық істер жөніндегі ауданаралық сотына сілтеме жасап.Шағымдалған №20 қаулының 3 және 3-1 тармақтарында:«3. Қазақстан Республикасының бүкіл аумағында 5-ші сағаттық белдеу қолданылсын»;«3-1. Астана, Алматы, Шымкент қалаларының, Ақмола, Алматы, Жамбыл, Қарағанды, Қостанай, Павлодар, Солтүстік Қазақстан, Түркістан, Шығыс Қазақстан, Абай, Жетісу және Ұлытау облыстарының әкімдіктері 2024 жылғы 29 ақпаннан 2024 жылғы 1 наурызға қараған түні (сағат 00:00-де) жергілікті уақытты 1 сағат артқа ауыстырсын» – деп көрсетілген.Талап қоюда уақыт белдеуінің астрономиялық уақытқа сәйкес келмейтіндігі, жаңа НҚА қабылдауға әкеп соғатындай мәтінінің жартысынан асатын көлемде өзгерістер енгізу туралы шешім қабылдауға жауапкердің өкілеттігінің жоқтығы көрсетілген.Сот шешімімен талап қоюды қанағаттандырудан бас тартылды.«Өлшем бірлігін қамтамасыз ету туралы» Заңмен өлшем бірлігін қамтамасыз ету саласындағы бірыңғай мемлекеттік саясаттың негізгі бағыттарын әзірлеу Үкіметтің құзыретіне жатқызылған.2000 жылғы 26 қаңтардағы №131 қаулымен уақыт және эталондық жиіліктер жөніндегі ведомствоаралық комиссия атынан Үкімет жанынан консультативтік-кеңесші орган құрылған.Комиссияның функцияларының бірі республика аумағында уақытты есептеу тәртібін белгілеу және өзгерту жөнінде ҚР Үкіметіне ұсыныстар енгізу болып белгіленген.Даулы қаулыларды қабылдауды Үкімет ҚР Конституциясының 69-бабында берілген өкілеттіктер шеңберінде іске асырған, оған сәйкес Үкімет өз құзыретінің мәселелері бойынша Республиканың бүкіл аумағында міндетті күші бар қаулылар шығарады.Сонымен қатар 2000 жылғы 23 қарашадағы қаулы қабылданғаннан бері 24 жылдан астам уақыт өткен, талап қоюшы талап қоюдың жалпы үш жылдық ескіру мерзімін өткізіп алған.Нормативтік құқықтық акт мәтінінің жартысынан астамын өзгерту туралы дәлел расталмады, бұл мән-жай Үкіметтің қаулысын заңсыз деп тануға негіз бола алмайды, себебі жауапкердің НҚА шығару рәсімі бұзылмаған. Шешім заңды күшіне енген жоқ.Фото: Midjourney

Сот Қазақстандағы уақыт белдеуіне қатысты шешім шығарды

<a href="https://kyzylorda-news.kz/">Kyzylorda-news.kz</a> Кеше ҚР Премьер-министрі Олжас Бектеновтің төрағалығымен өткен Үкімет отырысында Премьер-министрдің орынбасары – Ұлттық экономика министрі Нұрлан Байбазаров негізгі экономикалық көрсеткіштердің өсу қарқыны бойынша алдыңғы қатардағы аймақтарды атады.<blockquote>«Өңірлердің дамуына келсек, 7 негізгі экономикалық көрсеткіш бойынша 6 өңірде – Қарағанды, Қызылорда, Павлодар және Түркістан облыстарында, Астана, Шымкент қалаларында өсу байқалады. Өңдеу өнеркәсібінде де оң өсу қарқыны сақталуда. Өндіріс көлемі 5,3 пайызға дейін жеделдеді. Өсу 14 өңірге тіркелді. Ең жоғары өсу қарқыны Қызылорда, Маңғыстау, Түркістан Қарағанды облыстарында», – деді Н.Байбазаров.</blockquote>Аймақта өткен 11 айда экономикалық өсім деңгейі 7,4 пайызды құрап, облыс бюджетінің шығындар жоспары 97,2 пайызға орындалды. Республикалық бюджеттің нысаналы трансферттері 94 пайыз игерілді.Мұнан бөлек, мәжілісте алдағы жылы «Қызылорда – Жезқазған» жолына реконструкция жасалатыны, «Қызылорда – Ақтөбе» жолы бойынша жаңа жоба басталып, төрт жолақты қозғалысқа көшірілетіні айтылды.Еске салсақ, Мемлекет басшысы Сыр еліне сапары кезінде «Батыс Еуропа – Батыс Қытай» халықаралық дәлізінің Қызылорда қаласынан Ақтөбе облысының шекарасына дейінгі аралығы шын мәнінде өте тар екенін атап өтіп, оны кеңейту жұмыстарын тезірек бастауды тапсырған болатын.Фото: Нұрболат Нұржайбау

Қызылорда облысы өңдеу өнеркәсібінің өсуі бойынша алдыңғы қатарда 

<a href="https://kyzylorda-news.kz/">Kyzylorda-news.kz</a> Бүгінде елімізде құмар ойындарынан келетін қатер үлкен мәселеге айналуда. Мұндай ойын түрі күн өткен сайын түрленіп, қоғамға келтіретін зияны ұлғайып келеді. Оңай жолмен табыс табуға&nbsp; құныққандар құмар ойынның құрдымына қалай түсіп кеткенін де аңғармауда.&nbsp;Шырмауықтай шырмалған олар әртүрлі қиындықтарға душар болып, қоғамнан біртіндеп ажырап, өзгелермен байланыс орнату, яғни тұлға ретінде даму секілді адами қасиеттерден айырыла бастағанын да сезбеуде. Мұның аяғы адам баласын өз-өзіне қол жұмсау, ажырасу, ұрлық-қарлық, зорлық-зомбылық, қарызға бату сияқты халге&nbsp; жеткізуде.Өздеріңіз білетіндей Президент Ұлттық құрылтайдың үшінші отырысында лудоманиямен күресу үшін жүйелі жұмыс жасап, кешенді жоспар құруды, сондай-ақ тиісті заңды тезірек қабылдауды тапсырған болатын. Осыған орай&nbsp; Үкімет заңсыз ойын бизнесіне және лудоманияға қарсы күрестің 2024-2026 жылдарға арналған кешенді жоспарын қабылдады.Соның негізінде елімізде ауқымды жұмыстар атқарылуда. Мәселен, біздің өңірде&nbsp; жыл басынан бері 6 қылмыстық іс тергеліп, сотқа жолданды. Әсіресе қазіргі таңда әлеуметтік желінің дамуы «Онлайн казиноның» қарқын алуына өз әсерін тигізуде.&nbsp; Құмар ойынның бұл түріне адам бірден емес, бірте-бірте тәуелді бола бастайды. Оған тіккен азын-аулақ ақшаның өзі адамды шығынға батырады. Мұндай іс біздің өндірісте де кездесуде.Айта кетсек, Ұлытау және Қызылорда облысының тұрғындары Г.Сабирова, А.Рысмагамбетова, Н.Қуаныш, А.Тулебиева, Н.Төлебиева оқырман саны көп парақшаны сатып алу арқылы заңсыз құмар ойынын ұйымдастырған. Олар өздерінің қылмыстық пиғылдарын жүзеге асыру мақсатында осы жылдың қаңтар айында «Instagram» әлеуметтік желісіндегі 402000 оқырманы бар «@tompikz.kz» парақшасын жалға алып «Карта-Лото» заңсыз құмар ойын ойнатқан. Сондай-ақ, «WhatsApp» әлеуметтік желісінде топ ашып, сотталушылар заңсыз құмар ойынын жүйелі түрде жүргізіп келген.Нәтижесінде қаңтар мен шілде айы аралығында сотталушы Г.Сабирова 34 911 632 теңге, Н.Қуаныш 11 884775 теңге, А.Рысмагамбетова 12 656 185 теңге, А.Тулебиева 4 863 032 теңге және Н.Төлебиева 5 507 370 теңге ірі мөлшерде табыс тапқан. Соттың үкімімен сотталушыларға 2 жыл 6 ай мен 3 жыл 6 айға бас бостандығын шектеу жазалары тағайындалды.Міне, бұл бір ғана мысал. Жеңіл жолмен оңай табыс табамын деп қаншама адамның өмірін құртқандар елімізде жетіп артылады.&nbsp; Өзін ғана емес өзгенің де өмірін жалмауда. Сондықтан заңсыз ойынның заңға қайшы екенін, жақсылыққа апармайтынын әрбір жан түсіну керек. Бұл ретте лудоманияға қарсы күресте мемлекеттік органдардың, үкіметтік емес ұйымдардың және бүкіл қоғамның жұмылуы, дәйекті әрі жүйелі жұмыс жасауы аса маңызды.Аслан Кеңесұлы,Қызылорда облысы бойыншаэкономикалық тергеп-тексерудепартаментінің басшысыФото: ашық дереккөз

Заңсыз ойынның зардабы мол

БЕС ЖАҢАЛЫҚ: Апталық шолу

<a href="https://kyzylorda-news.kz/">Kyzylorda-news.kz</a> Бүгін Қызылордадағы «Өнер орталығында» облыс әкімі Нұрлыбек Нәлібаевтың қатысуымен Халық жазушысы, Мемлекеттік сыйлықтың лауреаты Әбдіжәміл Нұрпейісовтің 100 жылдығына арналған «Әлем таныған Әбдіжәміл» атты еске алу кеші өтті. Басқосуға Астана мен Алматы қалаларынан арнайы келген ақын-жазушылар, Арал ауданының делегациясы, зиялы қауым өкілдері, жауапты сала басшылары, Әбдіжәміл Нұрпейісовтің балалары мен қала тұрғындары қатысты.Аймақ басшысы әлем әдебиетінің қазынасын толтырған қайраткер қаламгер туралы айтып, абыз ақсақалдың құрметіне арналған шараға шақыртуды қабыл алған қонақтарға өңір халқы атынан риясыз алғысын білдірді.<blockquote>«Алаштың асыл перзенті, Қазақстанның Халық жазушысы, Еңбек Ері, КСРО Мемлекеттік сыйлығының лауреаты Әбдіжәміл Кәрімұлы Нұрпейісов – ғасырға жуық өмір сүрген ғажайып тұлға. «ХХ ғасыр – қазақ әдебиетінің алтын ғасыры» атануына зор үлес қосқан суреткерлердің бірі де бірегейі Әбе екені анық. Әлем әдебиетінің алтын қорына қосылған «Қан мен тер» трилогиясы, «Соңғы парыз» дилогиясы – Нұрпейісовтің ғана емес, күллі қазақ әдебиетінің, әлем әдебиетінің табысы болып саналады. Атақты екі шығарма отыздан астам шетел тіліне аударылып, әдебиетімізді дүние жүзіне танытты, әлем әдебиетшілерінің үздік бағасына ие болды.Әбдіжәміл Нұрпейісов – Ұлы Отан соғысының отты жылдарын бастан кешкен жеңіс жауынгері.Ел Президенті Қасым-Жомарт Кемелұлы Тоқаев Әбені 95 жылдық мерейтойымен құттықтаған жеделхатында: «Сізді егемен еліміздің әдебиеті мен мәдениетінің өркендеуіне өлшеусіз үлес қосқан аса көрнекті жазушы, сөз өнерінің патриархы ретінде қадірлейміз. Қазақ қаламгерлері арасынан дараланып шығып, бірегей тұлға дәрежесіне көтерілген өзіңізді үнемі мақтан етеміз» деген еді. Мемлекет басшысының бағалауы Әбдіжәміл Нұрпейісов тұлғасындағы биіктікке өлшем болады.Шын мәнінде жазушының рухына жасалған құрмет – ұрпақтың рухани қазынасын молайта түсудің бір жолы. Қазақ халқының, қазақ әдебиетінің тойы – Қазақстанның Халық жазушысы, сөз өнерінің патриархы Әбдіжәміл Нұрпейісовтің 100 жылдығы құтты болсын!», – деді Н.Нәлібаев.</blockquote>Сондай-ақ, облыс әкімі қаламгерлердің қарашаңырағы Қазақстан Жазушылар одағының 90 жылдығымен құттықтады.<blockquote>«Алыптардың ісін лайықты жалғаған, «Әдебиет – ардың ісі» деген қағиданы берік ұстанған, қазақ елінің руханияты мен әдебиетін өркендету жолындағы жұмыстарыңызға табыс тілеймін», – деді аймақ басшысы.</blockquote>Айта кету керек, жақында ғана Алматы қаласында Қазақстан Жазушылар одағының бастамасымен және «Қазақ ПЕН» клубының ұйымдастыруымен Әбдіжәміл Нұрпейісовтің 100 жылдығына арналған халықаралық ғылыми-танымдық конференциялар өтті. Конференцияға Мәдениет және ақпарат министрі арнайы қатысып, ел Президенті Қасым-Жомарт Кемелұлының жеделхатын табыстады. Шетелдік және отандық ғалымдар баяндама оқып, «Біздің Әбе» атты естелік кітаптың тұсауы кесілді, жазушының тұрған үйіне ескерткіш тақта орнатылды.Қаламгердің туған жері Сыр өңіріндегі «Руханият жылы» аясында жыл бойы тағылымды шаралар өткізіліп, қазан айынан бері «Әлем таныған Әбе» атауымен кешенді рухани-танымдық топтамаларға басымдық берілуде. «Қалам ұшындағы ғалам» атты халықаралық суретшілер симпозиумы, «Теңіз текті тұлға» атты республикалық шығармашылық байқау, естелік кітаптардың жарық көруі, Алматы қаласындағы Ұлттық кітапханада өткен «Кітап және қаламгер» республикалық ғылыми-тәжірибелік конференциясы – соның айғағы.Бүгінгі іс-шарада Қазақстанның еңбек сіңірген қайраткері, Мемлекеттік сыйлықтың лауреаты, «ТҮРКСОЙ» Жазушылар одағының төрағасы Ұлықбек Есдәулеттің 70 жасына орай ақынға сый-құрмет көрсетілді. Аймақ басшысы «Құрмет грамотасын» табыстап, дәстүрге сай иығына шапан жапты.Еске алу кешінде арнау айтылып, «Қан мен тер», «Сең» спектакльдерінен үзінді көрсетілді, өңір өнерпаздары жыр шашуын жолдады.Рухани шаралар ертең қаламгердің туған топырағы Арал ауданында жалғасады.<img src="https://knadmin.beoblood.kz/uploads/lem_tany_an_bdizhamil_1_d2fb5aaaa8.jpg" alt="Әлем таныған Әбдіжаміл 1.jpg"><img src="https://knadmin.beoblood.kz/uploads/lem_tany_an_bdizhamil_2_8e358139ff.jpg" alt="Әлем таныған Әбдіжаміл 2.jpg"><img src="https://knadmin.beoblood.kz/uploads/lem_tany_an_bdizhamil_3_846b474af5.jpg" alt="Әлем таныған Әбдіжаміл 3.jpg"><img src="https://knadmin.beoblood.kz/uploads/lem_tany_an_bdizhamil_4_481c7b141c.jpg" alt="Әлем таныған Әбдіжаміл 4.jpg"><img src="https://knadmin.beoblood.kz/uploads/lem_tany_an_bdizhamil_5_7535d99e4f.jpg" alt="Әлем таныған Әбдіжаміл 5.jpg">Фото: Қызылорда облысы әкімінің баспасөз қызметі

Қазақстан және Қызылорда облысының жаңалықтары