<a href="https://kyzylorda-news.kz/ru">Kyzylorda-news.kz.</a> Бүгін Қызылорда облысы полиция департаменті бастығының орынбасары полиция полковнигі Әміржан Өтегенов Қызылорда қалалық полиция басқармасының қызметкерлерімен кездесті. Кездесубарасындамаңыздымәселелер қаралды.&nbsp;Мемлекетбасшысы 2022-2026 жылдарға арналған сыбайлас жемқорлыққа қарсы саясат тұжырымдамасын бекітті. 2023 жылы оны іске асыру жөніндегі іс-қимыл жоспарында құқық қорғау органдарында парасаттылыққа тексеруді немесе integritycheck енгізілгені белгілі. Бұл ретте Әміржан Сермаханұлы полиция қызметкерлерін парасаттылыққа тексерудің пилоттық жобасын түсіндіріп, кеңінен айтып өтті. Яғни, өңір полицейлерінің сыбайлас жемқорлыққа қарсы беріктігі тексеріледі.&nbsp;Әміржан Сермаханұлы тәртіп сақшыларының қатарындағы сыбайлас жемқорлықты жою — қазіргі полицияның негізгі міндеттерінің бірі екендігін басып айтты.&nbsp;Кездесу барысында қызметкерлердің сыртқы түрі, яғни нысандық киімі, материалдық – техникалық жарақтандырылуы, жұмыс тәртібі, автокөліктерді мақсатты пайдалануы &nbsp;сынды мәселелер айтылды. &nbsp;<blockquote>«Полиция – күнделікті халықпен тығыз қарым-қатынаста қызмет атқарып, қоғамдық тәртіпті қырағылықпен қадағалайды. &nbsp;Халықпен тығыз байланыста жұмыс атқаратындықтанполциия қызметкерлерінің сыртқы келбеті мен нысандық киім кию үлгісінің талапқа сай болуы өте маңызды. Яғни, &nbsp;полиция қызметкерлерінің тек кәсіби біліктілігі ғана емес, &nbsp; олардың сыртқы келбеті, тазалығы мен ұқыпты болуы назарға алынады. Қызметкерлердің жинақы және ұқыпты сырт келбеті азаматтардың полицияға деген сенімінің артуына, полицияның оң имиджінің қалыптасуына тікелей ықпал тигізеді. Полицейлер қызмет бабында салғырттық танытпауы тиіс. Сондықтан да әділеттілік, қызметке адал¬дық, жауапкершілік, кәсіби бі¬ліктілік &nbsp;– &nbsp;әрбір полиция қыз¬меткерінің ұстанымы болуы тиіс» деді &nbsp;департаменті бастығының орынбасары полиция полковнигі Әміржан Өтегенов.&nbsp;</blockquote>Жалпы, Қызылорда облысының Полиция департаментімен жеке құрам арасында тәртіп пен заңдылықты нығайту мақсатында тұрақты түрде жедел профилактикалық және рейдтік іс-шаралар жүргізіліп келеді.&nbsp;Өз кезегінде &nbsp;департаментбастығының орынбасары полиция полковнигі Әміржан Өтегенов жеке құрам арасында заңдылық пен қызметтік тәртіптің сақталуына тиісті бақылауды жүзеге асыруды, ұжымдағы моральдық-психологиялық климатты дұрыс қамтамасыз етуді &nbsp;тапсырды.

 Департамент бастығының орынбасары жеке құраммен кездесті

<a href="https://kyzylorda-news.kz/">Kyzylorda-news.kz.</a> Шиелі ауданы бойынша 2021-2025 жылдарға арналған кәсіпкерлікті дамыту жөніндегі Ұлттық жобаның жүзеге асырылу барысы туралы ақпарат назарға ұсынылады.2228 азамат жұмыспен қамтудың белсенді шараларына (ақылы қоғамдық жұмыс, әлеуметтік жұмыс орындары, жастар практикасы, жаңа бизнес-идеяларға қайтарымсыз мемлекеттік грант, алғашқы жұмыс орны, ұрпақтар келісім шарты, Күміс жас) тартылды.&nbsp;2023 жылы жұмыспен қамтудың мемлекеттік қолдау шараларын ұйымдастыруға субвенциялар есебінен 1 млрд. 501 млн. 61 мың теңге, облыстық бюджет есебінен 58 млн. 919 мың теңге, жалпы 1 млрд. 559 млн. 980 мың теңге қаржы бөлінді. Ағымдағы жылдың 6 айында игерілген қаржы көлемі 779 млн. 683 мың теңгені құрайды. Бөлінген қаржы шегінде ағымдағы жылы жұмыс берушілердің сұратуы бойынша оқу ұйымдарында 55 жұмыссыздарды кәсіптік оқыту, бизнес-идеяларды дамытуға 149 адамға қайтарымсыз гранттар беру және 35 жасқа дейінгі 20 жасқа 2,5 пайызбен және жастардан басқа топтағы 75 азаматқа жеңілдетілген несие беру жоспарланып отыр.Бизнес-идеяларды дамытуға қайтарымсыз гранттар беру жоспарына сәйкес business.enbek.kz электронды ақпараттық порталы арқылы қабылданған өтінімдер негізінде Шиелі ауданында бизнес идеяларды іске асыруға арналған мемлекеттік гранттарды алуға үміткерлердің өтініштерін қарау жөніндегі комиссия отырысының хаттамалық шешіміне сәйкес 74 азаматқа 400 АЕК мөлшерінде (1380000 теңге) қайтарымсыз гранттар беріліп, өз кәсіптерін ашуда.&nbsp;«Бастау-Бизнес» кәсіпкерлік негіздеріне оқыту курстарынан портал арқылы (skills.enbek.kz) 673 азамат онлайн түрде оқып, сертификаттарын алды.&nbsp;Әлеуметтік жұмыс орындарына 50 азаматты жолдау жоспарланып, 60 азамат (2022 жылдан келісімшарты өтпелі 9, 2023 жылы жолданғаны 51) уақытша негізде жұмыс жасауда.Жастар практикасына 390 азаматты жолдау жоспарланып, 362 азамат (2022 жылдан келісімшарты өтпелі 295, 2023 жылы жолданғаны 67) уақытша негізде жұмыс жасауда. Жалпы келісім шарт мерзімі аяқталған 80 азамат тұрақты жұмыспен қамтылды.Ақылы қоғамдық жұмыс орындарына 791 азаматты жолдау жоспарланып, 968 азамат әр түрлі техникалық құжаттарды түптеу-реттеу, санитарлық тазалық, сақшы-сарбаз, бақташы жұмыстарына жолданып, жұмыс жасауда. 46 азамат тұрақты жұмыспен қамтылды. Ұрпақтар келісімшарты жобасына 3 азаматты жолдау жоспарланып,&nbsp; қазіргі таңда 1 азамат уақытша негізде жұмыс жасауда.«Алғашқы жұмыс орны» жобасына 98 азаматты жолдау жоспарланып, 36 азамат (2022 жылдан келісімшарты өтпелі 18, 2022 жылы жолданғаны 18) &nbsp;жоба шеңберінде жұмыс жасауда. Жобаның талаптарына сәйкес жолданған азаматтар 18 ай мерзім аяқталғаннан кейін тұрақты жұмыспен қамтылатын болады. &nbsp; &nbsp;«Күміс жас» жобасына 42 адамды жолдау жоспарланып, 60 азамат (2022 жылдан келісімшарты өтпелі 16, 2022 жылы жолданғаны 44) &nbsp;жоба шеңберінде жұмыс жасауда.2023 жылы Шиелі ауданы бойынша 3096 жаңа жұмыс орындарын құру жоспарланып, жыл басынан 1852 жаңа жұмыс орны құрылды немесе 59,8 пайызды құрап отыр. Оның ішінде уақытша жаңа жұмыс орындары 1173 (ақылы қоғамдық жұмыс, жастар практикасы, әлеуметтік жұмыс орындары, «Ұрпақтар келісімшарты», «Алғашқы жұмыс орны», «Күміс жас» жобалары және «Жасыл Қазақстан» жобасы), тұрақты жаңа жұмыс орындары 680.

«Бастау-Бизнес»: Шиеліде 673 азамат сертификатын алды

<a href="https://kyzylorda-news.kz/">Kyzylorda-news.kz.</a> Сыйлық алғанды ұнатпайтын жан кемде-кем. Бәріміз де оған ие болсақ, көңіліміз көтеріліп қалатыны сөзсіз. Біле білсеңіз сыйлық таңдай білу де үлкен өнер. Көпшіліктің, әсіресе, қыз-келіншектердің асыға күтетін мерекесі жақындап келеді. Ал сіз анаңызға, апа-қарындасыңызға, жарыңызға немесе құрбыңызға қандай зат таңдадыңыз? Бәлкім, қолдан жасалған дүниені сыйға тартарсыз. Осы орайда қолөнер бұйымдарын жасайтын шеберлер мен олардың туындыларын сіздерге таныстыруды ниет еттік.Жақыныңызға әсем моншақтармен безендірілген кәжекей немесе бұрымында бұлғақтаған шашбау бергіңіз келсе, Нұрбанудың қолынан шыққан дүниелерге зер салыңыз. Бала күнінен анасы Клара Қосмұратованың қасынан табылып, тігіншілік өнердің қыр-сырына қаныққан Нұрбану іс тіккенді ұнатады. Әдемілікке жаны құмар келіншек өзі дайындаған кез келген дүниені көздің жауын алатын жылтыр тастармен безендіреді. Оның әр ісі ыждаһаттылық пен ептілікті талап етеді. Көз майын тауысып, моншақтардың орнықты орналасуын ерекше қадағалайды. Тапсырыстың сапасына аса мән береді. “Ару-Илья” базарынан ашқан бутигінде болып, Нұрбанудың еңбегімен таныстық. Бір ғана есім жазылған түйреуіш жасаудың өзіне жоғары талғам керек. Әріптердің түсі мен моншақтардың үйлесім табуы, оған байланатын лентаның көлемі бәрі-бәрі ескерілді. Алдына келген адамның талабын өнерлі қыз бірден түсінді. Бас-аяғы отыз минуттың ішінде оның ойындағыдай етіп жасалған түйреуішті қолына ұстатты.<blockquote>– Менің мамандығым мүлдем бөлек. Тігіншілікпен айналысуды жаным қалайды. Бірнеше жыл бұрын Жадыра Беркімбаева деген шебер келіншекпен танысып, бірге жұмыс істей бастадым. Көп нәрсе үйрендім. Қазір жеке кәсібім бар. Шашбау, сәукеле, кәжекей, тасбих, білезік, алқа, есім жазылған түйреуіштер, тағы басқа көптеген бұйымдар жасаймыз. Шүкір, дүниелеріміз сұранысқа ие. Тапсырысты жұмыстың ыңғайына қарай 2-3 күнде бітіреміз. Бағасы да қолжетімді, – дейді Нұрбану Сағырбекқызы.</blockquote>Бүгінде Нұрбану бір әулеттің келіні, жас ана. Дегенмен сүйікті кәсібінен де қол үзген жоқ. Барлығына үлгеруге тырысады. Алға қойған мақсаты да айқын. Бізбен әңгіме барысында үлкен жоспарының барын аңғардық.<blockquote>– Кәсібімді одан әрі жетілдіргім келеді. Қазақ халқының ою-өрнегі кез келген бұйымға ерекше сән береді. Келешекте қоржын және ертегі кітаптар жасауды ойға алдым. Ізденсең, талпынсаң тың идеялар туындайды. Бұйырса, тұтынушыларымызды жақсы жаңалықтармен қуантпақпыз, – деген кәсіпкер келіншек тапсырыс берушінің қалтасына салмақ салмайтындай арзан әрі айрықша туындыларымен таңғалдырды.</blockquote>

Қазалылық кәсіпкердің бұйымдары сұранысқа ие

<a href="https://kyzylorda-news.kz/">Kyzylorda-news.kz.</a> Гүлмира Елеуқызының медицина саласында еңбек етіп келе жатқанына отыз жылдан асты. Сегізжылдық мектепті үздік тәмамдаған бойжеткен арман қуып, Орынбор қаласына аттанған еді. Ондағы ойы бала күнінен алға қойған мақсатын жүзеге асыру. Айы оңынан туып, аталған қаладағы медициналық училищесінің студенті атанды.Таңдаған оқу орнынан фельдшер мамандығын меңгерген жас маман Орынбор қалалық ауруханасында алғаш еңбек жолын бастады. 1989 жылдың тамыз айында туған жерге оралып, Қазалы аудандық емханасына мейіркеш болып орналасты. Осында өмірлік серігін жолықтырып, отбасылық жолға қадам басты. Жұбайы Күншығар Әбілов те емханада дәрігер болып еңбек етеді. 1990 жылы жолдасының туған жері Бозкөл ауылына аттанды. Ауылдық ауруханада қызметтерін жалғастырып, бірі дәрігер, бірі аймақтық мейіркеш атанды.<blockquote>– Ата-енем кеңпейіл кісілер болды. Үнемі жақсылығымды асырып отыратын. Атам соғыс ардагері. Өнегелі әңгімелер мен ғибратты сөздерді жиі айтатын. Енем де білмегенімді үйретіп, тәлімді-тәрбиесін бере білді, – деп өткенді еске алды Гүлмира Елеуқызы.</blockquote>Отбасы мен қызметті қатар алып жүрген кейіпкеріміз өмірге бес ұл-қыз әкеліп, олардың білімді болып өсуіне күш салып келеді. Балаларының үлкені Дінислам Бозкөл ауылындағы №96 мектепте директордың бастауыш сыныптар жөніндегі орынбасары. Қыздары Гүлстан мен Ақерке ата-ана жолын қуып, медицина саласын таңдады. Екеуі де С.Аспендиряов атындағы Қазақ ұлттық медициналық университетін үздік тәмамдады. Гүлстан-хирург-офтальмолог, Ақерке – фармацевт. Ал кіші ұлдары Бейбарыс пен Жанарыс мектеп оқушылары. Биыл Бейбарыс Алматы облыстық академик Ш.Смағұлов атындағы мамандандырылған дарынды балаларға арналған мектеп-интернаттың 10 сыныбын, Жанарыс Әйтеке би кентіндегі Е.Бозғұлов атындағы №249 мектеп-лицейдің 5 сыныбын бітіреді.Қазір Қазалы ауданаралық ауруханасының жұқпалы аурулар бөлімінде аға мейіркеш Гүлмира Ибрагимова өз ісін жетік меңгерген, тәжірибелі маман. Ұйымдастырушылық қабілеті мен құжаттарға деген ыждағаттылығы тиянақты тірлігінен байқалады. Кәсібіне адал ақ халатты жан бірнеше Алғыс хат, Құрмет грамоталарын иеленді. Ол адам әрқашан білімін толықтырып, өзін-өзі жетілдіріп отыруы тиіс деген ұстанымда. Еңбектен қол үзбей жүріп, жоғары білімді педагог-психолог мамандығын меңгерді.Әркім өз ісін сүйіп, жүрек қалауымен орындаса, шаршап-шалдығуды білмейді деген мейіркеш елде орын алған қысылтаяң шақта жұқпалы аурулар бөлімі қызметкерлерінің күш біріктіріп, жұмысқа деген жауапкершіліктерін еселей түскендігін айтады.<blockquote>– Төтенше жағдай кезінде бір ай уақыт жұмыс орнынан үйге қайтпадық. Күн-түн демей, барлық қызметкер аянбай еңбек етті. Бір жеңнен қол, бір жағадан бас шығара алған әріптестеріме ризамын. Жалпы медицина қызметкері болғандықтан науқас адаммен бірдей күй кешесің. Адам ауруынан айыққанда біздің де қуанышымызда шек болмайды. Дертіне дауа іздеп келген әрбір жанның айығып кеткенін көру ерекше әсерге бөлейді, – дейді аға мейіркеш Гүлмира Ибрагимова.</blockquote>

Гүлмира Ибрагимова: Науқас адаммен бірдей күй кешесің

<a href="https://kyzylorda-news.kz/">Kyzylorda-news.kz.</a> Қазалыда «Ақжүрек-С» медициналық орталығы жұмыс істейді. Онда білікті маман, тәжірибелі дәрігер Сәкен Өтегенов келушілерге қызмет көрсетеді. Дүйсенбі мен сенбі күндер аралығында түске дейінгі уақытта дәрігер көмегіне жүгіне аласыз.УЗИ дәрігері Сәкен Сәдібекұлы бірнеше жылдық тәжірибесі бар медицина қызметкері. Ол Қазалы қаласындағы Ғ.Мұратбаев атындағы №17 мектепті тәмамдаған соң осындағы автобазада мотор цехында автослесарь болып бір жыл еңбек етті. Бұдан соң Ақтөбе қаласындағы М.Оспанов атындағы медицина инстиутында жоғары білім алды. Оқи жүріп, қаладағы жедел жәрдем станциясында санитар-фельдшер болды. 2000 жылы Ақтөбе қаласындағы теміржол ауруханасында медицина саласындағы алғашқы еңбек жолы жалғасты. 2001 жылы Қазалыға келіп аудандық кеңес беру, диогностикалық емханасында дәрігер-нарколог болды. 2003 жылдан 2017 жылға дейін тері аурулар диспансерінде дерматовенеролог қызметін атқарды. 2017 жылдан бастап Қазалы ауданаралық ауруханасында УЗИ дәрігері. Дәрігер медициналық орталық ашуды біраз уақыт бұрын ойға алған. Халыққа қолжетімді бағада қызмет түрін ұсынып отырған Сәкен Сәдібекұлымен тілдестік.<blockquote>– Орталық қаңтар айыннан бастап жұмыс істейді. Қажетті құрал-жабдықтармен толық қамтамасыз етілген. Кореялық «SonoAce-R7» ультрадыбыстық аппараты бар. Тері аурулары туралы кеңес беріп, ем шараларын тағайындаймын. Инемен емдеу үшін арнайы төсек-жабдық бар. Әр науқас әртүрлі ем қабылдайды. 10 минуттан басталады. Бір курсы 7 немесе 10 күн, – дейді ол.</blockquote>Бағалары қалтаға қонымды. Инемен емдеу екі мың. Ал тері ауруларына қатысты кеңес беру балаларға мың, үлкендерге екі мың теңгеден. Сондай-ақ бұнда ішкі қуыс ағзалары, мойын қан тамырлары, қалқанша безі, сүт безі, көкірек қуысы, зәр жолдары, қуық асты безі, гинекологиялық аурулар, жұмсақ тіндер (мягких тканей) УЗИ аппаратына түсіру қызметі көрсетіледі. Кешенді тексеру құны үш мың теңге. Ол дегеніңіз бір ретте бауыр, өт, талақ, ұйқы безі, бүйрегіңізді тексерте аласыз.<blockquote>– Орталықтың жұмысын одан әрі жандандырып, қызмет түрлерін көбейту алдағы уақыттың еншісінде. Жоспарларымда жоқ емес. Денсаулығына шағымданып келген жандардың талап-тілегін барынша орындауға тырысамыз. Ауырып ем іздеп келген әрбір адамның дертіне дауа тауып, айығып кетуіне күш салу басты мақсат, – дейді Сәкен Өтегенов.</blockquote>

Қазалыдағы «Ақжүрек-С» медициналық орталығы тұрғындарға сапалы қызмет көрсетеді

Аралда ауылдарда күн сәулесі электростанцияларын орнату жобасы іске асырылмақ

<a href="https://kyzylorda-news.kz/">Kyzylorda-news.kz.</a> Арман – адамның қанаты, қиялы мен қалауынан туған биік шың. Кім болса да соған жету жолында талаптанып, алдына мақсат қояды. Оңаша қалғанда келешегін көз алдына келтіреді. Біз тілге тиек еткелі отырған Гүлсім де бала күнінен биікке қол созды. Қатарлас қыз балалар қуыршақтың қызығына тоймай жүргенде, ол үйден табылған тақтайды тақта қылып, мектептен әкелген борымен шатпақтайтын. Артынан ерген төрт бауырын қаз-қатар отырғызып, өзін тақта алдындағы ұстазға ұқсататын. Бар білгенін айтып, тіпті дәптерге сынып журналын сызып, бауырларын бағалауды да ұмытпайтын.Әкесі Боздан мен анасы Қарашаш тұңғыштарының «Мен өскенде ұстаз боламын» деген талабына дән риза. Таңдауына қуанып, болашағынан көп үміт күтті. Білімге құштар Гүлсім өнерден де алыс емес. Орта мектеппен қатар аудандық музыка мектебінде дәріс алды. Қазақтың бас аспабы домбырада шебер ойнайтын шәкірт білім және өнер ордасын үздік тәмамдады. Жүрек қалауын жүзеге асыруды мақсат тұтқан бойжеткен Қызылорда қаласындағы Мәншүк Мәметова атындағы педагогикалық училищеге оқуға түсіп, музыка бөлімін бітіріп шықты. 1991 жылы оқу орнын аяқтаған жас маман Қ.Сәтбаев атындағы №216 орта мектепке жұмысқа орналасты.<blockquote>– Алғаш еңбек жолымды музыка пәнінің мұғалімі болып бастадым. 1993 жылы отбасын құрдым. Жолдасым Ишанбай Ниязов аудандық ішкі істер бөлімінде қызмет етіп, зейнетке шықты. Айкелді, Айкерім атты ұл-қызымыз бар. Еңбектен қол үзбей жүріп, Қорқыт ата атындағы Қызылорда мемлекеттік университетінен «Тарих және құқық» пәнінің мұғалімі мамандығын меңгердім. 2000 жылдан бастап тарих пәнінен сабақ бере бастадым. Кейін жұбайымның қызмет барысына орай Қызылорда қаласына қоныс аудардық. Алғашында осындағы кәсіптік училищеде, кейін Қ.Мұхамеджанов атындағы №1 мектеп-гимназиясында жұмыс істедім. 2008 жылы Әйтеке би кентіне қайта оралып, алғаш еңбек жолымды бастаған білім шаңырағында қызметімді жалғастырдым, – дейді ұстаз.</blockquote>Отыз жылдық тәжірибесі бар мұғалімнің де бір кездері шәкірт болғаны заңдылық. Оқушы Гүлсімнің көз алдынан сынып жетекшісі Тоты Жидебаеваның бейнесі кетпейді. Балаң шәкірт өзі еліктеген қазақ тілі мен әдебиеті пәнінен сабақ беретін осы ұстазының тақырыпты түсіндіруіне тәнті болғанын айтады. Педучилищеде дәріс берген Мұхамедқали Әбілдаевтың әрбір пәні әсерлі өтетінін ерекше еске алды. Жас маман атанып, білім беру саласына қадам басқан сәтте үнемі қолдап, білгенін үйретуден жалықпаған ұлағатты ұстаздар Шұға Тілеумағанбетова, Бағдагүл Тұрымбетова, Гүлшара Әділбаева, Гүларша Хұсайнның білімі мен біліктілігі, педагогикаға деген сүйіспеншілігін сөзбен жеткізу мүмкін еместігі туралы да сыр ақтарды.Мұғалімнің мерейін өсіріп, мәртебесін арттыратын шәкірт. Әр оқушының қас-қабағына қарап, жаңа сабақты игеріп кетуіне күш салатын Гүлсім Бозданқызы жас өскіндердің оқу-тәрбиесімен айналысуда бойына ерекше күш-қуат алатынын да жасырмады.<blockquote>– Нағыз ұстаз үйдегі баладан, сыныптағы оқушының жай-күйіне жиі алаңдайды. Кейде оқушың әлдебір тапсырманы дұрыс орындай алмай қалса, «Мен дұрыс түсіндіре алмадым ба?» деп қынжыламын. Сол күні қошым болмай, өзімді жайсыз сезінетін сәттерім болады. Керісінше, шәкіртің сабақты жақсы айтып, белсенділік танытса, менен бақытты адам жоқ. 2008 жылдан бастап Ұлттық бірыңғай тестілеу сынағына оқушы дайындаймын. Ол бұрынғыдан екі есе жауапкершілікті талап етеді, – дейді.</blockquote>Гүлсім Бозданқызының көптеген шәкірттері білім бәсекелерінде топ жарып, ұстаз үмітін ақтап келеді. Әр оқу жылында Қазақстан тарихы пәні бойынша аудандық олимпиадада Берекет Алмас бірінші, Мөлдір Есет екінші орын алды. Пәндік олимпиаданың бірінші кезеңінен бірінші орын иеленген Дәулетсейд Жарылқасын облыстық кезеңде үшінші орынға қол жеткізді. Дарынды шәкірт Д.Жарылқасын 2017 жылы Қызылорда облыстық ішкі саясат басқармасының ұйымдастыруымен өткен «Рухани келісім – тәуелсіздік тірегі» тақырыбындағы шығармалар сайысында екінші дәрежелі дипломмен марапатталды. Бұдан бөлек бірнеше шәкірт жетістікке жетіп, мектеп абыройын асыруда. Әр оқушының шыққан шыңын ауыз толтыра айтқан мұғалім өзін дәріптеуді құп көрмейтінін аңғартты.&nbsp;<blockquote>– Гүлсім Ешпан кішіпейлділігімен баурайды. Өз ісінің маманы, талай талапкерді тестілеуге дайындады, әлде де білім беру саласында еселі еңбек ететініне сенеміз. Ол 2014 жылы «Үздік тарих пәнінің мұғалімі» атанды. Білім бөлімінің, аудан әкімінің Алғыс хаттарын алды. «Білім беру мазмұнын жаңарту жағдайында мұғалімнің біліктілігі мен кәсіби шеберлігін арттырудың жаңа аспектілері» тақырыбындағы аудандық педагогикалық оқу кезінде бірінші орын иеленді. Сынып жетекшісі болған жылдары да жүйелі жұмыс атқарды. Қазір тарих пәні бірлестігінің жетекшісі ретінде де белсенділік танытуда, – деген жүрекжарды лебіздерін ақтарыла жеткізді</blockquote>

Гүлсім Ешпан: Нағыз ұстаз сыныптағы оқушының жай-күйіне жиі алаңдайды 

Жақсықылыш кентінде кәсіпкерлік қанат жайып келеді

<a href="https://kyzylorda-news.kz/ru">Kyzylorda-news.kz.</a>&nbsp; Облыстағы Конго-Қырым геморрагиялық қызбасы бойынша тұрғындар арасындағы аурушаңдық көрсеткіші күрделі. Кей тұрғындардың сақтық шараларына әлі де салғырт қарауының салдары алаңдатады. Мал шаруашылығымен, далалық жұмыстармен айналысқанда қорғаныс киімдерін кимеу, санитариялық-гигиеналық ережелерді орындамау, ауру белгілері байқалса да өз бетімен емделіп, медициналық көмекке кеш жүгінудің соңы аурудың асқынуына, тіпті өлім жағдайларына дейін әкеп соқтыруда.Кенеден келетін кеселдің алдын алу шаралары облыстық әкімдікте қаралды. Оған республикалық санитариялық-эпидемиологиялық сараптама, ғылыми-практикалық мониторинг ұлттық орталығының облысқа арнайы келген мамандары мен өңірдегі санэпид қызмет саласының қызметкерлері, денсаулық сақтау мен ветеринария басқармалары өкілдері мен өзге де тиісті мекеме қызметкерлері қатысты.Жұмыс кеңесі барысында аса қауіпті аурудың аймақтағы эпидемиологиялық жағдайы айтылды, бірқатар проблемалық мәселелер көтерілді, заңнамалық негізде өзгертілуі тиіс сұрақтар талқыланды.Денсаулық сақтау басқармасы, ветеринариялық бақылау басқармасы мен төтенше жағдайлар департаменті өкілдері де құзыреті бойынша атқарылып жатқан шараларды түсіндірді. Облыс әкімі орынбасарының қатысуымен өткен жұмыс кеңесінде аталған мәселенің күрделілігін ескеріп, күн тәртібінен түсірмей, бірлескен жұмыстар жоспары нақтыланды, бірқатар күшейтілуі тиіс шараларды белгілеп, нақты тапсырмалар берілді.<figure class="image"><img src="https://knadmin.beoblood.kz/uploads/363287445_1829609414101229_4056974896517331323_n_5c698527cb.jpg" alt="363287445_1829609414101229_4056974896517331323_n.jpg"></figure>

Конго-Қырым: Аймақта аурушаңдық көрсеткіші күрделі

<a href="https://kyzylorda-news.kz/">Kyzylorda-news.kz.</a> Сыр елінде дүниеге келген елге белгілі қаламгерлер жетерлік. Туындыларымен қоғамда болып жатқан жағдайларды қағаз бетіне түсіріп, халыққа жеткізіп отыратындар да солар. Сол қатарда Сыр бойылық белгілі жазушы, халықаралық «Алаш» және Қазақ ПЕН-клубы сыйлықтарының лауреаты Қуаныш Жиенбай да бар. Бүгінде қаламын серік етіп, 20-ға жуық кітапты жарыққа шығарған жазушымен сұхбаттасудың орайы келген болатын.– Қуаныш аға, ең әуелі жақынырақ танысып алсақ. Өзіңіз туралы қысқаша айтып өтсеңіз…– Аса қатты айта қоятындай ештеңе жоқ. Теңіз жағалауында өмірге келдім. Он жылдықты Бөген ауылында бітірдім. Сосын жұрт секілді оқу орнына түсуге талпыныс жасадық. Жетпісінші жылдардың басы, ол кезде ҚазГУ-дің журфагіне түсу үшін екі жылдық еңбек өтілімі қажет болатын. Мектеп бітіріп барғандықтан алғашқы жылы жолым болмады. Оған аса өкіне қойғаным жоқ. Сол жылы теңіздің тартылуына байланысты үйіміз Қазалыға көшіп келді. Өзім осындағы ПМК мекемесінде қара жұмысшы боп орналастым. Басықара бөгеті салынып жатқан кезең. Сондағы қауырт тірлік жайлы аудандық «Ленин туы» газетіне жазып тұрдым. Бірде газет редакторының орынбасары, ардақты ағамыз Әлмәмбет Әлішев корректорлық қызметке шақырды. Бір жылдай жұмыс істедім. Маған бұл үлкен сабақ болып, үйреніп, көп нәрсеге көзім жетті. Кейін оқуға түсіп кеттік. ҚазГУ-дің 3-ші курсынан республикалық «Лениншіл жас» газетіне жұмысқа орналастым. Өмір ары қарай өз ырғағымен жалғаса берді. Жазушы атандық, елге танылдық, бірақ мен үшін аудандық газеттің тәрбиесі мәңгілік есімде қалды. Ол ұзақ әңгіме…– Осы сұрақ көптен көкейімде жүрген еді. Жасыра алмаймыз, кеңестік кезеңде әдебиет – мемлекет саясатының жаршысы болды. Сол арқылы халыққа идеологияны сіңірді. Бүгінде қазақ патриорттарын тәрбиелеуде ұлттық әдебиетіміздің рөлі қандай?– Ұлттық әдебиеттің тоқырауға ұшыраған түгі жоқ, әдебиет даму үстінде. Десе де қазір уақыт та, заман да басқа, оқырманның талғам-таразысы бөлек. Сондықтан әдебиетке қойылар талап күшейді. Беталды қағаз шимайлайтын дәурен келмеске кетті. Иә, кеңес дәуірінде әдебиет партияның идеологиясын ¬басты орынға шығарды. Бірақ өзіне қойылар міндетті де естен алшақтатпады. Әдебиеттің мойны озық талай дүниелері сол кезеңде жазылды. Солар әлі күнге дейін кітап сөрелерінде шаң басып қалған емес, оқылады, зерделейтіндер бар. Тасқа басылған маржан сөздер балталасаң да өшірілмейді.– Қуаныш аға, бүгінгі балалар ертегі тыңдағаннан гөрі шет елдің мультфильмдерін көргенді жақсы көреді. Оның үстіне қазіргі ертегілердің теледидардан берілуі бәсеңдеп, радиодан айтылмай да кетті. Мұның кейінгі ұрпақ тәрбиесіне тигізер әсері қандай?– Бұл «Айта-айта Алтайды, Жамал апай қартайдының» кері ғой. Мәселе күн тәртібінен түскен жоқ. Ертегі тыңдайтын бүлдіршіндердің дені «Айфонның» тұтқынына айналғандығын өздері де сезбей қалды. Бұған бір жағынан ата-аналар да кінәлі, оларға бесіктегі сәбиі жыламаса болды. Дерт тым асқынып барады. Бұған қазірден тосқауыл қоймаса, коронавирусіңіз жолда қалады. Ал бұған дайын тұрған қандай рецепт барын білмеймін.– Күн сайын көзбен көріп жүрген, көңіліңіз толмайтын бүгінгі қоғам дертіне айналған мәселеге тоқталсаңыз…– Мәселенің көптігіне шашыңның түгі жетпейді. Және ол күн сайын тамырлап, өркен жайып барады. Ертеңгілік үйден шыға бере бір сүренсіз жағдай айқұлақтанып алдыңнан шыға келеді. Оны көрмегенсіп, айналып өте алмайсың. Мүлде көп... Ежелден қанға сіңген дағды – жастардан үлкен үміт күтеміз. Күн сайын тау қопарып тастаудың қажеті шамалы. Жастар алтындай уақытты бекерге өткізбесе деймін. Оларға жасалған мүмкіндік дегеніңіз сұмдық! Үйінде отырып-ақ интернет арқылы дүниені «төңкеріп» тастауға болады. Тек соған білім мен жігерді жетелей білетін құлшыныс болса…– Тәуелсіздік алғаннан бергі мезгілді саралап қараған адамға қазақ әдебиетінде проза жанрына келіп қосылған жастардың аздығы байқалады. Бұл құбылыстың себебін қалай түсіндірер едіңіз?– Бұл пікірге қосыла қоймаймын. Проза жазып жүрген жас жазушылар баршылық. Мәселе – олардың қалай жазуында ғой. Көпке қол шапалақтап қуануға болмайды, әрбір толқыннан мүйіздері қарағайдай екі-үш жазушы шығып, әдебиеттің абыройын асқақтатса, соның өзі үлкен олжа.– Бүгінде әдеби кітап оқитын жастардың қатары бәсеңдеп, керісінше әншілер, бизнесмендер жазған туындыларды оқуға құмартып тұрады. Шындығында жастардың әдебиетті оқымауына не кедергі? Әлде әдеби кітаптарды жарнамалау аздық ете ме?– Бизнес жолына түсіп, әлем жұртшылығын таңғалдырған алпауыттар жайлы қызық кітаптар ұшырасса, оны жата-жастанып неге оқымасқа?! Бизнесті биік дәрежеде жүргізу және оны сол деңгейде ұстап тұру – ақылға, өмірлік тәжірибеге байланысты. Күнделікті шай-судың шаруасынан аспайтын бизнесті мұрат тұтар тірлік деп ойламаймын. Біздің ¬жастар ауылдағы базар маңынан ұзап шығып, құлашты алысқа сермеуге тиіс. Ал жастар кітап оқымайды деген жаттанды, ескірген түсінік. Мұны сағыздай созып, айта берудің қажеті шамалы. Жақсы кітап қолға түспеуі мүмкін, бәлкім жарнама жағы жетімсіз шығар. Әйтсе де жақсы шығарма жерде қалмайды. Кітап оқу – жанға керек дәрумен. Жүректің дірілін, жан тебіреністі кітаптан басқа жерден тауып та, кездестіре де алмайсыз.– Қазақ әдебиетінің бүгінгі деңгейі қандай?– Алысқа бармай, бұған бір мысалдың төңірегіне ғана тоқталайын. Қазақ әдебиетінің қазіргі көзі тірі классигі, біздің жерлесіміз Әбдіжәміл Нұрпейісов ағамыздың елге, әдебиетке сіңірген өлшеусіз еңбегін таратып айтса молынан жеткілікті болар. Тоқсанның алтауына келген абыз ағамыз әлі ақ қағазбен күн сайын дидарласуын тоқтатқан емес. Және қағазға түскен әрбір сөйлемі мірдің оғындай тиген жерін ойып түседі. Таңғы шықтай тазалығын айтсаңшы... Жақында абыз ағамыздың 7 томдық шығармалар жинағы жарыққа шықты. «Қан мен тер» осы заманға лайықталып қайта жөнделген. «Осымен тоқтадым, енді жөндеп қалам тигізбеймін» дейді. Кім білсін? «Соңғы парыздағы» адамның жүрегін суырып алатындай соңғы тарау, соңғы аккорд қандай?! Үлкенімізге де, кішімізге де үлкен өнеге. Өз басым сөздің құдіретіне соншалық мән беретін одан басқа қаламгерді кездестірген емеспін. Орайы келгенде, сөйлесіп, пікірлесіп тұрамын. Әр кездесу мен үшін баға жетпес қазына. Қазақ әдебиетінің бүгінгі өсу деңгейін осы өлшеммен безбендей беріңіз. Ағамызға ұзақ ғұмыр тілейік. Ортамызды толтырып, аман-есен жүре берсін!– Құлазыған көңіліңізді не көтереді?– Көңілдің құлазуы – шау тартып, шаршағандықтың белгісі. Құдайға шүкір, әлі ондай күйді бастан кешкеніміз жоқ. Бос уақытым бола бермейді. Әрі газет тілшілеріне сұхбат та бере бермеймін. Қазалыдан, аудандық газеттен деген соң қолдау көрсетіп отырмын. Ол – менің жастық шағымның белгісі қалған үлкен мектеп қой. Өтінішіңді аяқасты етпегенім содан, шығармашылық ұжымға менің атымнан сәлем айт. Аман жүргендеріңізге тілекшімін.– Уақытыңызды бөліп, сұхбаттасқаныңыз үшін рахмет!

Қуаныш Жиенбай: Жастар уақытты бекерге өткізбесе екен

<a href="https://kyzylorda-news.kz/ru">Kyzylorda-news.kz.</a> Биылғы жылдың І-жартыжылдығында облыс соттарының өндірісіне 10301 талап қою түскен. Басым бөлігі банк келісім-шарттары және нотариалдық іс-әрекеттерге байланысты арыздар мен шағымдар. Бұл туралы Қызылорда облысының өңірлік коммуникациялар қызметінің ақпараттық алаңында өткен брифингте Қызылорда облыстық сотының азаматтық істер жөніндегі сот алқасы төрағасының міндетін атқарушы Мұхтар Еркінбеков мәлімдеді.<blockquote>-Биыл соттар өндірісіне сот бұйрығын шығару тәртібімен қаралған арыздар саны өткен жылдың осы мерзімімен салыстырғанда 5,3 пайызға артты. Ал, ағымдағы жылдың 6 айында сот бұйрығы – 1006, жалпы аяқталған істің 13,1 пайызды құрады,-деді Мұхтар Жүсіпбекұлы.</blockquote>Жалпы татуласу рәсімдері бойынша 1167 істі жүргізу тоқтатылған. Оның ішінде, татуласу келісімімен 39 іс аяқталды.<blockquote>- Осы жылдың 6 айында соттар өндірісіне 521 қылмыстық іс түскен. Бүгінде 513 қылмыстық іс аяқталды. Бұған қоса, 6 адамға қатысты ақтау үкімі қабылданды. Ал қысқартылған істер 16 пайызға кеміді. Яғни 73 қылмыстық іс қысқартылды,-деді Қызылорда облыстық сотының қылмыстық істер жөніндегі сот алқасы төрағасының міндетін атқарушы Бақытжан Қалымбет.</blockquote>Сот актілерінің күштері жойылған 29 іс бойынша жаңа шешім қабылданса, 16 іс бірінші саты соттарына қайта қарауға жолданды. Ал, 2 іс бойынша талап арыз қараусыз қалдырылды. 17 іс өндірісі тоқтатылды.&nbsp;

 Қызылордада татуласу келісімімен 39 іс аяқталды

<a href="https://kyzylorda-news.kz/ru">Kyzylorda-news.kz.</a> Күнделікті өмірде «Қарусыз майдан» деген сөз тіркесін жиі қолданамыз. Бұл тіркесті тәптіштеп түсіндірудің қажеті де шамалы. Орнымен қолдана білген жанға ең басты қару – тіл екендігіне ешкімнің дауы бола қоймас. Бірақ қару сөзін естігенде көз алдымызға пышақ, бәкі секілді суық қару түрлерінен бастап тапанша, қолдан жасалған обрез, мылтық, автомат сынды от қарулары елестейтіні анық.Білесіз, елімізде мұндай қарулардың қай-қайсысын болмасын рұқсатсыз ұстап, қалай болса солай қалаған жеріңде пайдалануға заң жүзінде қатаң тыйым салынған. Керек десеңіз, сотталасыз да. Алайда, заңға бас иіп, құлақ асып жатқандар қатары азаяр емес. Кешегі келмеске кеткен 90-шы жылдарғы криминалдық топтардың тапа тал түсте кез келген базарлар мен қала көшелеріндегі атыс-шабысын айтпағанда, қазірдің өзінде заңсыз қару асынып, дәулетіне тасынып жүргендер арамызда бар. Оған аудандық полиция бөлімі берген суыт хабарлар дәлел бола алады.<blockquote>– Жыл басынан азаматтардан заңсыз сақталған барлығы 24 қару-жарақтар тәркіленді. Оқыс оқиғалардың алдын алу мақсатында республика бойынша соңғы он жыл көлемінде ІІМ бастамасымен азаматтар арасында «Өз еркімен қару өткізу» акциясы жүргізіліп келе жатыр. Акция ережесінде көрсетілгендей, өз еркімен қару өткізушіге өткізген қаруының маркасына, қай елде және қашан шыққанына, пайдалануға жарамды-жарамсыздығына және басқа да ерекшеліктеріне қарай белгілі бір мөлшерде өтемақы төленеді, – дейді аудан сақшылары.&nbsp;</blockquote>Айта кетейік, аталған акция барысында өткен жылы облыста 116 қару-жарақ қабылданып, заңсыз айналымнан шығарылды.

Қазақстан және Қызылорда облысының жаңалықтары