<a href="https://kyzylorda-news.kz/">Kyzylorda-news.kz.</a> Байқоңыр ғарыш айлағында «Прогресс МС-23» ғарыштық жүк көлігін Халықаралық ғарыш стансасына (ХҒС) ұшыруға дайындықтың соңғы кезеңі басталды, деп хабарлайды ҚазАқпарат.Кеше, 21 мамыр күні «Прогресс МС-23» жүк кемесі бар «Союз-2.1а» ғарыштық мақсаттағы зымыран монтаждау-сынақ корпусынан шығарылып, Байқоңыр ғарыш айлағының 31-ші алаңының ұшыру кешеніне теміржол көлігімен жеткізілді және орнатылды.Роскосмостың баспасөз қызметінен мәлім еткендей, зымыран тік күйінде орнатылғаннан кейін ресейлік ғарыш саласы кәсіпорындарының мамандары ғарыштық мақсаттағы зымыранды ұшыруға дайындықты жалғастырды.«Прогресс МС-23» жүк кемесі бар «Союз-2.1а» зымыран-тасығышы Байқоңыр ғарыш айлағынан 2023 жылғы 24 мамырда, Астана уақытымен сағат 18 сағат 56 минутта ұшырылады деп жоспарланған.«Прогресс МС-23» ғарыштық жүк көлігі ХҒС-қа станцияның жұмысы мен онда жұмыс істейтін ғарышкерлердің өмірін қамтамасыз ету үшін қажетті 2,5 тоннадан астам жүкті жеткізуі тиіс.Қазіргі кезде Халықаралық ғарыш станциясында 69-шы ұзақмерзімді экспедицияның экипажы жұмыс істеп жатыр. Оның құрамында Роскосмос ғарышкерлері Сергей Прокопьев (ХҒС-69 командирі), Дмитрий Петелин және Андрей Федяев, NASA астронавттары Франсиско Рубио, Стивен Боуэн, Уоррен Хобург және БАӘ астронавты Сұлтан әл-Нейади бар.

Байқоңырдан «Союз-2.1а» зымыран-тасығышы ұшырылады

<a href="https://kyzylorda-news.kz/">Kyzylorda-news.kz.</a> Қазгидромет мамандары 22 мамыр, дүйсенбіге арналған ауа райы болжамын жариялады.Атмосфералық фронттардың әсерінен Қазақстан аумағының басым бөлігінде ауа райының тұрақсыз сипаты сақталады.Жаңбыр жауып, найзағай жарқылдайды, елдің оңтүстігінде және оңтүстік-шығыстың таулы аймақтарда қатты жаңбыр, бұршақ жауады.Республика бойынша жел күшейеді, облыстың батысында және оңтүстігінде шаңды дауыл соғады.Павлодар облысының шығысында, орталығында, Ұлытау облысының орталығында, Атырау облысының оңтүстігінде, шығысында, Абай облысының Бесқарағай ауданында қауіпті өрт қаупі сақталады.Қарағанды облысының шығысында, Қостанай облысының оңтүстігінде жоғары өрт қаупі бар. &nbsp;

Дүйсенбіге арналған ауа райы болжамы жарияланды

&nbsp;<a href="https://kyzylorda-news.kz/">Kyzylorda-news.kz.</a>&nbsp; Халқымызда «Еңкейгеннің еңсесін еңбек көтереді» деген қанатты сөз бар. Еңбегі мен еңсесін тіктеп келе жатқан еліміз жылдан-жылға дамып, көркейіп келеді. Сондай сергек серпінмен Сыр өңірі, оның ішінде қазыналы Қазалы ауданының экономикасы да шапшаң ілгері басуда.Облыстың даму бағдарламасын іске асыру бағытында және макроэкономикалық көрсеткіштердің тұрақты өсімін қамтамасыз ету мақсатында іс-шаралар жоспары әзірленіп, жаңа міндеттер белгіленді.Ауданның биылғы жылғы бюджет көлемі 13,1 млрд теңгені құрады, оның ішінде 2,3 млрд теңге (яғни 18,1 пайыз) өз кірісі, қалған 81,9 пайыз (10,8 млрд теңге) субвенция, трансферттер және кредиттер есебінде.2023 жылдың 1 мамырына түсімдер жоспары 2 миллиард 966 млн теңге болса, орындалғаны 101,5 пайызды құрап отыр.&nbsp; Сонымен қатар, 2022-2024 жылдарға арналған салық және бюджетке төленетін төлемдердің резервтерін анықтау жөніндегі алгоритм бойынша корпоративтік және жеке, әлеуметтік табыс салықтарынан, жарнама обьектілерін орналастырудан, аукцион арқылы жер учаскелерін сатудан бюджетке 33,5 миллион теңге жоспардан тыс қосымша кіріс түсті. Осы жұмыстардың нәтижесінде жыл соңына дейін 150 млн теңгеге жеткізу межеленіп отыр.Ресми мәліметке сәйкес, бюджеттің шығындар жоспары есепті кезеңге 2 млрд. 719,2 млн теңгені құрап, 97,4 пайызға атқарылды. Бүгінгі күнге жылдық республикалық бюджеттен бөлінген қаржының 5 пайызы, Ұлттық қордан бөлінген қаржының 9 пайызы, облыстық бюджеттен бөлінген қаржының 10,7 пайызы, аудандық бюджеттен бөлінген қаржының 26,7 пайызы игерілді. Макроэкономикалық көрсеткіштер бойынша өнеркәсіп өнімінің көлемі 6,3 млрд. теңгені құрап, өткен жылдың тиісті кезеңімен салыстырғанда 100 пайызды құрады.Ал, өндіріс көлемінің басым бөлігін құрайтын өңдеу өнеркәсібінің көлемі 5,5 млрд. теңгені құрап, өткен жылдың тиісті кезеңімен салыстырғанда 100,6 пайызды құрады.Ауданның шағын және орта кәсіпкерлік саласында да біршама жұмыстар атқарылуда. Бүгінге дейін ауданда 6 654 кәсіпкер тіркеліп, жүйелі жұмыс жүргізіліп келеді. Аталған кәсіпкерлердің нақты жұмыс жасап тұрғаны 6 480 адамды құрап, белсенділік көрсеткіші 97,4 пайызға жетті.Өткен жылдың қорытындысымен аудан кәсіпкерлері тарапынан 20,7 млрд. теңгеге өнім өндіріліп, 17 пайызға өсті. Мұнан бөлек, өткен жылмен салыстырғанда бұл салада жұмыспен қамтылғандар саны 7,9 пайызға көбейіп, 10 123 адамды құрады. Күнделікті сауда-саттықтың нәтижесінде бөлшек сауда айналымы 3,4 млрд теңгені құрап, өткен жылмен салыстырғанда 1,8 пайызға көбейді.Жыл басынан бері 22 кәсіпкерлік нысанның құрылысы басталып, 5 нысан пайдалануға берілді. 17 адам жаңа жұмыспен қамтылды.&nbsp; Кәсіпкерлікті қолдау шараларына келер болсақ, жыл басынан бері аудан кәсіпкерлеріне қаржы ұйымдары тарапынан 126 жоба бойынша 1 млрд теңгеге несие және грант берілді.Қазалы ауданы – ауыл шаруашылығына негізделген аймақ. Өңірдің еңбекқор егіншілері мен диқандары қажырлы жұмыс атқарып келеді. Аудан бойынша биылғы жылы барлығы 17 612 гектар ауыл шаруашылығы дақылдарын орналастыру жоспарлануда. Оның ішінде негізгі дақыл – күріш 6993 гектарды құрап отыр. (2022 жылы 17 402 гектар).Атап айтқанда, дәнді дақылдар 7286 гектар, майлы дақылдар 65 гектар, картоп, көкөніс, бақша 2250 гектар, мал азықтық дақылдар 8 011 гектар. Қазіргі таңда, ауданда егіс дақылдарын егу жұмыстары толық аяқталып, 4 694 гаектар (100 пайыз) ескі жоңышқа толық тырмаланып, суғарылды.Ауыл шаруашылығы өнімінің жалпы көлемі 3 928,7 млн теңге болып, өткен жылмен салыстырғанда 1,9 пайызға артты. Жалпы төрт түлік мал басында өсім бар және оның өнімдері де ұлғайтылды.&nbsp; Мал шаруашылығын дамыту мақсатында қаржы ұйымдары тарапынан жергілікті шаруа қожалықтардың жалпы құны 98,7 млн теңгені құрайтын 19 жобасы қаржыландырылды.Тұрғындардың өзін-өзі азық түлікпен қамтамасыз ету, азық-түлік тауарларының бағасын тұрақтандыру мақсатында биыл жоспардан тыс 130 гектар (картоп-15 га, көкөніс-50 га, бақша-65 га) қосымша жер дайындалды. Жалпы есепті кезеңде аудан бойынша 6 шет мемлекетке 449,4 тонна күріш, 341 тонна балық өнімі және 570,1 тонна қамыс экспортталды. 2023 жылдың 4 айында негізгі капиталға тартылған инвестиция көлемі 3,4 млрд теңгені құрады. Бұл өткен жылдың тиісті кезеңімен салыстырғанда 71,7 пайызға артық.2023 жылы аудан экономикасына 21,5 млрд теңге инвестиция тартылады деп болжамдалды. Оның ішінде нақты шараларды жүзеге асыру арқылы жеке қаражат есебінен 9,6 млрд. теңге инвестиция тартуды жоспарда бар.Ресми мәліметтерге сәйкес, биыл аудан орталығында «Жанкент-Агро» жауапкершілігі шектеулі серіктестігінің күрішті өңдеу зауыты іске қосылады деп жоспарлануда. Бұл өз кезегінде ауданның өңдеу өнеркәсібінің артуына өз септігін тигізеді.Мұнан бөлек, білім және спорт салаларына жеке инвестиция тарту әлеуеті артып келеді. Мәселен, биыл аудан орталығынан жеке қаражат есебінен спорт кешені, Қ.Пірімов ауылынан 95 орындық және Ақтан батыр ауылынан 90 орындық балабақша салынатын болады. Инвестиция тартумен қосарлас болып келетін құрылыс жұмыстарының көлемі 69 млн теңгені құрап, өсім 8 пайызды құрады.Жыл басынан бері жеке сектор есебінен тұрғын үй құрылысына 1,4 млрд теңге инвестиция тартылды. Бүгінде 14 523 шаршы метр тұрғын үй құрылысы салынды. Нәтижесінде тұрғын үй қоры 3,5 пайызға көбейді. Жыл соңына дейін кемдегенде 54 500 шаршы метр тұрғын үй құрылысы салынады деп жоспарлануда.Сонымен қатар, биыл аудан орталығында аз қамтамасыз етілген отбасылар үшін 50 пәтерлі тұрғын үй салынады. Бұл мақсатта бюджеттен 480 млн теңге қаражат бөлінді.Биылғы жылы аудан аумағында 12 нысанның құрылысы жүргізілуде. Оның 4 жобасы өткен жылдан өтпелі болса, 8 нысан жаңадан басталған құрылыс нысандары болып табылады. Бұл жобалар үшін 2023 жылы 3 млрд теңге қаржы қаралды. Бұдан бөлек, қаржыландыру үшін салалық министрліктерге жалпы құны 9,4 млрд теңге құрайтын 5 жобаның және облыстық басқармаларға жалпы құны 6,7 млрд теңге құрайтын 21 жобаның бюджеттік өтінімі ұсынылды.2023 жылы барлық бюджет қаражаты есебінен аудандық маңыздағы автомобиль жолдарын жөндеу үшін 4 жобаға 1,2 млрд теңге және жалпы ұзындығы 30 км құрайтын елді мекенішілік жолдарды (52 көше) жөндеу үшін 1,7 млрд теңге қаржы бөлінді. Сонымен қатар, 2024 жылға аудандық маңыздағы автомобиль жолдарын жөндеуді қаржыландыру үшін салалық министрліктерге жалпы құны 3 млрд теңге құрайтын 5 жобаның бюджеттік өтінімі ұсынылды.Айта кету керек, «Бозкөл-Тасарық» аудандық маңыздағы автомобиль жолына (13 км) қайта жаңғырту үшін 687,3 млн теңге қаралуда. Сондай-ақ, «Лақалы ауылына кіре беріс» аудандық маңыздағы автомобиль жолын қайта жаңғырту үшін 351,5 млн теңге бөлінбек. «Бекарыстан би-Шөмішкөл» аудандық маңыздағы автомобиль жолын қайта жаңғырту 685 млн теңге қаралды. Қазалы аудандық маңызы бар «Жанқожа батыр ауылына кіре беріс (3 км) автомобиль жолына күрделі жөндеу» жүргізу үшін 475,8 млн теңге қаралмақ. Аудандық маңызы бар «Қазалы – Көларық – Бекарыстан би – Жаңақұрылыс» автомобиль жолына күрделі жөндеу жүргізу үшін 855,7 млн теңге бөлінбекші.Бұдан бөлек, 2023 жылы «Ауыл-Ел бесігі» арнайы жобасы шеңберінде аудан орталығы Әйтеке би кенті, Түктібаев және Мұратбаев ауылдырының елдімекенішілік жолдары жөндеуден өтеді. Бұл үшін бюджет есебінен 670,7 млн теңге қаржы бөлінді. «Шағын қалаларды дамыту» жобасы шеңберінде 2023 жылы жалпы құны 933,2 млн теңгеге Қазалы қаласының автомобиль жолдары мен электр желілерін қайта жаңғырту жұмыстары жүргізілуде.&nbsp;Есепті кезеңде ауданның газбен жабдықтау деңгейі 7,1 пайыздан 14,3 пайызға жеткізілді. Биыл Абай ауылында газ желісінің құрылысын бастау үшін бюджет есебінен 41,1 млн теңге қаралды. Қазалы ауданында атқарылып жатқан жұмыстар халықтың әлеуметтік жағдайын жақсартуға бағытталып отыр. Жұмыспен қамту мәселесі бойынша жалпы жұмыссыздық деңгейі 5 пайызды құрады. 2023 жылы 2 634 жұмыс орнын ашуды жоспарланып отыр. Есепті кезеңде 1 893 жаңа жұмыс орны ашылып, жоспар 71,8 пайызға орындалып отыр (оның ішінде тұрақты жұмыс орындары – 348, уақытша жұмыс орындары – 1 545).Бүгінгі күні жұмыс іздеуші ретінде 4 857 адам хабарласып, 1 678 адам жұмысқа орналасты. Білім беру ұйымдары базасын жақсарту мақсатында, биыл Әйтеке би кентіндегі 250 орындық мектеп құрылысы және «Жайлы мектеп» ұлттық жобасы аясында Жанқожа батыр ауылынан 300 орындық мектеп құрылысы басталады. Бұдан бөлек, «Ауыл-Ел бесігі» арнайы жобасы шеңберінде 247 оқушы оқитын Қ.Пірімов ауылындағы №92 мектепті күрделі жөндеу үшін бюджеттен 208,3 млн теңге бөлінді (жеңімпаз мердігер анықталуда).Спорт объектілеріның жағдайын жақсарту мақсатында демеушілік есебінен саябақтар және демалыс алаңдары (сквер) жөнделуде. Сонымен қатар, биыл аудандық бюджеттен 22,1 млн теңге қаржы қаралып, Қазалы қаласы, Жанқожа батыр, Майдакөл, Бекарыстан би, Қ.Пірімов, Басықара, Ақсуат, Жанкент ауылдарында спорт алаңдары жөндеуден өтуде.Мәдениет саласында 2023 жылы Каукей ауылында 100 орындық клуб құрылысы пайдалануға берілетін болады. Біздің қоғамның басты байлығы – адам және адамның денсаулығы екені рас. Оны айбынды Ата заңымыз да айғақтайды. Осы орайда, тұрғындардың денсаулығы, олардың дұрыс ем алуы – біздің күнделікті назарымызда. Қазалы ауданында тұрғындардың денсаулығын жақсарту күн тәртібінен түскен емес.&nbsp;Халық денсаулығын жақсарту мақсатында 2023 жылы Бозкөл, Абай, Кәукей ауылдарынан дәрігерлік амбулатория құрылысы басталады.&nbsp; Сонымен қатар, аудан орталығында орналасқан емхана ғимараты күрделі жөндеуден өтуде.&nbsp; Тұрғындар арасында қоғамдық саяси ахуалды тұрақтандыру бағытында бекітілген іс-шара жоспарларға сәйкес тиісті жұмыстар атқарылып, қосымша қылмыстылық, тәртіп бұзушылықтарды болдырмау мақсатында қоғамдық ұйымдар мен құқық қорғау органдармен бірлесіп, тұрақты түрде түсіндіру, рейдтік жұмыстары жүргізілуде.Жалпы, ауданның әлеуметтік-экономикалық дамуын іске асыру үшін 49,8 млрд теңгеден астам қаржы бөлінді. Бұл өткен жылмен салыстырғанда 18,2 млрд теңгеге немесе 1,5 есеге ұлғайды (2022 жылы 31,6 млрд теңге).&nbsp;Оның ішінде аудан бюджетінде 17,5 пайызы даму бюджеті, 25,3 пайызы еңбекақы қоры, 35,3 пайызы әлеуметтік сала және 14,7 пайызы ағымдағы жөндеу жұмыстары. Сонымен қатар, ауданның білім саласына 25 млрд теңге және денсаулық саласына 5,6 млрд теңге қаржы бөлінді.Бұл бөлінген қаражаттардың басым бағыттары әлеуметтік сала мен инфрақұрылымды дамыту, құрылыс нысандарын салуға, жалпы халықтың тұрмыс тіршілігін жақсартуға негізделген.&nbsp;&nbsp;

Қазалы ауданында жүйелі жұмыс атқарылуда

Kyzylorda-news.kz. «Қызылорда» автобус паркі» ЖШС «KitapAl» кітап дүкенімен бірлесе отырып халықтың көркем әдебиетті оқуға баулу мақсатында қаланың қоғамдық көліктерінде алғаш рет жылжымалы электронды кітапханаларын іске қосты.​Қазіргі таңда электронды кітапханалар «Қызылорда» автобус паркі» ЖШС-не қарасты қоғамдық көліктерінде орнатылған. Кітап оқу үшін жолаушылардың смартфондары ғаламтор желісіне қосулы болса болғаны.QR кодтары бойынша кітап оқу опциясы 16 бағыт &nbsp;(№1, 3, 11, 12, 14, 15, 17, 18, 19, 20, 22, 25, 28, 29, 30, 31) бойынша жолаушыларды тасымалдайтын автобус салондарында қолжетімді.Мұнда қазақ, шетелдік классиктердін шығармалары және психологиялық, тұлғалық даму бағытындағы кітаптар жолаушылар үшін қолжетімді. Ә.Нұршайықовтың «Махаббат, қызық мол жылдар», Д.Қонаевтың «Ақиқаттан аттауға болмайды», М.Мақатаевтың «Өмір өзен», Л.Кинның «Как разговаривать с кем угодно когда угодно и где угодно», П.Уоллейстың «Интернет психологиясы», П.Коэльоның «Алхимик», Д.Кахоның «Түйсігіңмен ойла», «Мың бір түн» шығармалары. &nbsp; Алдағы уақытта кітаптар тізбесі жаңартылып отырады.

Қызылорда: Автобустарда жылжымалы электронды кітапханалар іске қосылды

Kyzylorda-news.kz. Атамұра өнердің майталмандары, айтыс пен жыршылық өнердің жүйріктері шағын алаңда бас қосып, ала доптың додасын қыздырды.Бұған дейін еліміздің Қарағанды, Тараз, Алматы, Түркістан қалаларында өткен бұл республикалық турнир бүгін Алаштың анасы атанған Қызылорда қаласында өз жалғасын тауып, алғаш рет өткізіліп отыр.“Шайырлар шықты алаңға” айтыскер ақындар арасындағы шағын футболдан республикалық турнирдің ашылу рәсіміне арнайы қатысқан қала әкімнің орынбасары Жанмұрат Сейілов қатысушы командаларға сәттілік тіледі.<blockquote>- «Мәдениет және өнер қызметкерлерінің күні» мерекесінде айтыстың арыстаны түркістандық Бекарыс Шойбеков, тараздық Есет Досалы сынды ағаларымыз, маңғыстаулық Нұрлан Мұсаев, шымкенттік Біржан Байту бауырларымыз бастап келген барлық айтыскер ақындарымызға алғыс білдіреміз. Жас ұрпақ, жаңа буынға қай жағынан да үлгі болып, бұқаралық спортты дамытуға өзіндік үлес қосудасыздар. Бүгінгі турниріміздің жүлде қорының демеушісі, меценат Асхат Шаукенбаев мырзаға да алғыс білдіреміз. Барша қатысушы командаларға сәттілік тілеймін, - деді Жанмұрат Жақсымұратұлы.</blockquote>Республикалық турнирге еліміздің түкпір - түкпірінен жиылған жыр жампоздарынан құралған жалпы 8 команда, 70-ке жуық спортшы қатысты. Нәтижесінде үшінші орынды Жамбыл облысынан &nbsp;«Руханият» құрамасы иеленді. Екінші орынға Астана қаласынан келген «Доп жарған» командасы қол жеткізсе, &nbsp;бірінші орынды Маңғыстау облысының ақындары - «Жыр жебе» командасы жеңіп алды. Ал үздік ойын өрнегін көрсеткендерге қала әкімінің алғыс хаттары табыс етілді.<img src="https://knadmin.beoblood.kz/uploads/IMG_20230521_WA_0017_eb91e863be.jpg" alt="IMG-20230521-WA0017.jpg"><img src="https://knadmin.beoblood.kz/uploads/IMG_20230521_WA_0016_dc361a8c79.jpg" alt="IMG-20230521-WA0016.jpg"><img src="https://knadmin.beoblood.kz/uploads/IMG_20230521_WA_0015_00cf0d645b.jpg" alt="IMG-20230521-WA0015.jpg">

Қызылордада ақындар арасында шағын футболдан республикалық турнир өтті

<a href="https://egemen.kz/article/240362-auyldynh-kosegesin-kooperativ-kogertedi">ФОТО</a><a href="https://kyzylorda-news.kz/">Kyzylorda-news.kz.</a> Жаңақорған ауданы ауыл шаруашылығы өндірістік кооперативтерін құру жөнінен де көш ілгері. Мәселен, 2022-2023 жылдары ауданда егін егу және мал шаруашылығымен айналысатын 46 өндірістік кооперативі құрылған. Оның ішінде, 9 кооператив 278 жеке отбасылық тұлғаны біріктірді. Оның жетеуі мал шаруашылығы ет, сүт өндіру бағытында болса, екеуі мал тұқымын асылдандырумен айналысуда.Бүгінде аудандағы кооперативтік қозғалысы Мемлекет басшысының тапсырмасына сай белсенділігін арттыра түсті. Оны кооперативтердің дайын өнімдерді өндеуге деген талпынысынан байқауға болады. Мәселен, Қожакент ауылдық округіндегі «Миялы» кооперативі «Ауылшаруашылығын қаржылай қолдау қоры» АҚ көлемі 23 млн. теңгеге мобильді мал сою цехы құрылды.«Бес жыл ішінде агроөнеркәсіп кешеніндегі еңбек өнімділігін және өңделген ауыл шаруашылығы өнімінің экспортын, тиісінше, кем дегенде 2,5 есеге арттыруды тапсырамын». Бұл Президент пәрмені. Биылғы Жолдаудағы он басымдықтың бірі – экспорт әлеуетін арттыру. Яғни, Мемлекет басшысы отандық өнімді халықаралық нарыққа шығарудың стратегиялық жолын тауып, ілгерілетуді айрықша атады.Қазақстан Республикасының Инвестициялар және Даму министрлігінің мәліметіне сүйенсек, 2017 жылдың қарашасына дейін Қазақстанда 2 млрд. долларға жуық 114 млн. тонна азық-түлік тауарлары экспортталған. Атап айтқанда, Ауғанстанға, Біріккен Араб Әмірлігіне, Иранға, Қытайға өсімдік майы мен бал, ет және құс өнімдеріне сұраныс артқан. Оның ішінде, Жаңақорған ауданынан бір ғана «Көбелдес» шаруа қожалығы Иранға 850 бас қозы экспорттаған. Бұл жөнінде біз аталмыш қожалықтың төрағасы Нышан Молдашевтан білдік. Қожалық төрағасының сөзінше, асылтұқымды қой шаруашылығының бір артықшылығы – қазақы қойдың өсімі һәм өтімі де жақсы екен. Оған қоса, өңірде алғашқылардың бірі болып, малды қолдан ұрықтандыру әдісін қолданған. Және де қойлардың да қоңдануына аз ғана уақыт кетеді. Осылайша, асылтұқымды қой шаруашылығына ден қойған шаруа қожалық алдағы уақытта да шетел нарқына шығуды еселей түсетінін жасырмады.Сондай-ақ аудандық ауыл шаруашылығы бөлімінен алған мәліметке сай, өткен жылы жалпы 1130 бас қозы Иран мен Біріккен Араб Әмірлігіне, 288 бас қаракөл қойы Моңғолияға экспортталған. Жайылманың бренді болған бақша өнімдері де шетел асқан. Жалпы, аудан бойынша 4854 тонна бақша өнімі экспортталса, оның 4754-і жайылмалық диқандардың қауын-қарбызы.<blockquote>«Жайылма ауылы қашанда бақша және көкөніс өнімдерімен танымал. Жылдан жылға бақша дақылдарын ерте пісірудің әдісін дамытып, көшеттеп егу тәсілін қолға алғалы жақсы нәтиже беруде. Және де аудан әкімі Ғалым Әміреевтің бастамасымен ауыл диқандары өз өнімдерін Жаңақорған кентінен, Қызылорда қаласынан, ауыл іргесіндегі «Батыс Еуропа – Батыс Қытай» автодәлізі бойынан арнайы ашылған базарда саудалауға мүмкіндік алды. Оған қоса, жайылмалық диқандар Ресейге 4754 тонна қауын-қарбыз экспорттады. Бұл да болса, брендті бақша өніміне шетел нарқында сұраныстың мол екенін байқатады», – дейді Жайылма ауылдық округінің әкімі Талғат Зейдалиев.</blockquote>Оның қатарында, ауданда агроөнеркәсіп өнімдерінің әлеуетін арттырып, экспорт көлемін өсіруде күн тәртібінде. Осы орайда, жаңақорғандық «Тасболат-А» ЖШС-не қарасты тәулігіне 60 тонна күріш ақтауға қауқары бар зауытты айтуға болады. Бұл зауыттың құрылғанына көп уақыт болмаса да республика өңірімен қатар «Тасболат-А» брендіндегі сыр маржанын шетелге экспорттауда.<blockquote>«Жалпы, былтыр Жаңақорған ауданында 1046 гектар, Шиелі өңірінде 1280 гектар аумаққа сыр саласын ектік. Өнім жақсы болды. Бүгінде Кедендік одақтың мүмкіндігі пайдаланып, Ресейге, Қырғызстанға, Өзбекстанға, Тәжікстанға «Лидер», «Фаворит» элиталы күрішті экспорттадық. Өздеріңізге белгілі, екі жыл болды дүниежүзілік сауда ұйымына мүшелікке ендік. Енді отандық өнімді алыс-жақын шет елдерге саудалауға даңғыл жол ашылды. Шетел нарығын игеруге біздің мүмкіндігіміз жетеді. Өйткені, біздің күріш ақтау зауыты бәсекеге қабілетті. Елбасы Жолдауында айтылғандай, зауыт соңғы үлгідегі қытайлық автоматтандырылған аппаратпен жабдықталған», – дейді «Тасболат-А» ЖШС директоры Бақытжан Тасболатов.</blockquote>Сонымен қатар, аймақта ауыл шаруашылығы өнімдерін экспорттау бағытында өткен жылы ауқымды жұмыстар атқарылған. Яғни, облыстың ауылшаруашылығы өнімдерін өткізу нарығына кешендік маркетингтік зерттеулер жүргізіліп, нәтижесінде облыстың агроөнеркәсіп кешенінің 2022 жылға дейін дамуының Агрокартасы әзірленген. Соның нәтижесінде, 2021 жылы 84,6 мың тонна күріш сырт елдерге экспортталған. Күріш экспорты 2022 жылмен салыстырғанда 61,1 пайызға, жалпы ауылшаруашылығы өнімдерін экспорттау 60 пайызға артқан.Агрокарта аясында жылдам дамытуды қажет ететін салалар және ауыл шаруашылығы өнімдерін (күріш, балық, ет, бақша, т.б.) экспорттау көлемін 2022 жылға қарай 5 есеге дейін ұлғайту жолдары айқындалған. Бұл Мемлекет басшысының бәсекеге қабілетті ауыл шаруашылығы өнімдерінің нарығында талап етілген өндірісті ынталандыру жөніндегі тапсырмасына толық сәйкес келеді деген сөз. Бұл жөнінде жақында ғана Өңірлік коммуникациялар қызметінде өткен баспасөз конференциясында Қызылорда облысы әкімінің орынбасары Серік Қожаниязов:Елбасы биылғы Жолдауында алдағы 5 жыл көлемінде ауыл шаруашылығы саласындағы ғылыми жетістіктерді пайдалана отырып, өңдеу саласына көп көңіл бөлу қажеттігін айтты. Мемлекет басшысының тапсырмасына сай, өңделген өнімдердің экспортқа шығару көлемі 5 жылда 2,5 есеге көбейтуді талап етуде – деп мәлімдеді. Әрі былтыр облыста күріш, қауын-қарбыз, пияз, болгар бұрышы секілді ауыл шаруашылығы өнімдерін экспорттау 37 пайызға өскені белгілі болды. Яғни, 89,5 мың тонна ауыл шаруашылығы өнімдері шетел асқан. Оның ішінде, Жаңақорған ауданының да үлесі қомақты.Түйіндей айтқанда, экспорттың көлемін арттыру әлемдік нарықта еркін және бәсекелестікке төтеп бере алатын тауар шығаруға ынталандырады. Яғни, отандық өндірістің екінші тынысы ашылып, көкжиегі кеңейеді. Тек, халықаралық қауымдастықтың талабына сай өнім шығарып, ұсына білсе болғаны. Бұл орайда, мемлекет отандық өндірушілерге қолдау көрсетіп, бизнес үшін қолайлы жағдай жасады. Енді жаһандық нарыққа шығатын, бәсекеге қабілетті өнім шығару – барша шаруалар мен диқандардың іскерлігін шыңдай түседі. Бұл өз кезегінде шетел нарқын бағындыруда жаңақорғандық кәсіп иелерінің де өзіндік орны айрықша.

Жаңақорғанда 46 өндірістік кооператив жұмыс істейді

Өңірдегі этносаралық ахуал тұрақты

Kyzylorda-news.kz. Еліміздегі 16 жоғары оқу орнының өкілдері Қызылордада "Серпін" жобасы туралы ақпараттық-түсіндірме жұмыстарын жүргізді. Қорқыт ата атындағы Қызылорда университетінде өткен жиынға облыс бойынша 500-ге жуық адам қатысты. Олардың қатарында оқушылар мен ата-аналар, мектеп директорларының бағдарлы оқыту жөніндегі орынбасарлары бар."Серпін" бағдарламасы 2014 жылдан бері жүзеге асырылып келеді. Бағдарлама бойынша осы кезге дейін 30 мыңнан астам білім беру гранты тағайындалған.Бұл туралы ҚР Ғылым және жоғары білім министрлігінің Жоғары және жоғары оқу орнынан кейінгі білім комитетінің бас сарапшысы &nbsp;Әділбек Мансұров айтты.<blockquote>- 2023-2024 оқу жылында талапкерлер үшін 3653 грант қарастырылған. "Серпін" жобасы арқылы 4 даярлау бағыты бойынша білім алуға болады. Атап айтсақ, педагогикалық ғылымдар, инженерлік-техникалық, ақпараттық технологиялар, ауылшаруашылығы мамандықтары бойынша оқуға түсе алады. Бағдарламаға оңтүстік өңірдегі ауыл жастары қатысады. Айта кетерлігі, 2022 жылдан бастап оқу бітіргесін грант өтеу мерзімі 3 жылдан 2 жылға қысқартылды. Сондай-ақ, бұрын мамандар өзі оқыған аймақта ғана грантты жұмыспен өтейтін болса, енді 11 аймақта қызмет ете алады, - деді Әділбек Ерланұлы.</blockquote>Биыл талапкерлер солтүстік өңірдегі 18 жоғарғы оқу орнына "Серпін" бағдарламасы арқылы оқуға қабылданады.Солтүстік өңірден келген ЖОО өкілдерінің арасында С.Аманжолов атындағы Шығыс Қазақстан университетінің докторанты Бағдәулет Анас та бар. Ол 2014 жылы Түркістан облысында мектеп бітіріп, "Серпін" жобасы арқылы С.Аманжолов атындағы Шығыс Қазақстан университетіне оқуға түскен. Өзі білім алған оқу орнына жұмысқа орналасқан жас ғалым талапкерлерге "Серпін" жобасының тиімділігін түсіндірді.Жиын барысында оқушылардың да пікірін білдік. Сырдария ауданы, Жетікөл ауылынан келген Сандуғаш Нұрланқызы &nbsp;солтүстік өңірдегі университеттер туралы кеңінен ақпарат алғанын айтты.<blockquote>- Біз үшін оқу орнының білім берудегі сапасы өте маңызды. Өзім қазақ тілі мен әдебиеті пәнінің мұғалімі мамандығын таңдаудамын. Алдағы уақытта "Серпін" жобасы арқылы Ш.Уәлиханов атындағы Көкшетау университетіне түскім келеді, - деді #174 орта мектептің 11-сынып оқушысы Сандуғаш Нұрланқызы.</blockquote>

Қызылордалық талапкерлер "Серпін" жобасымен танысты  

Kyzylorda-news.kz. Қармақшы ауданының әкімі Жандос Еркінбек Қазақстан &nbsp;Республикасының еңбек сіңірген жаттықтырушысы Серікбаев Әділбек Үргенішбайұлын еске алуға арналған жасөспірімдер арасында самбодан республикалық &nbsp;турнирдің ашылу салтанатына қатысты.Аудан басшысы алғы сөзінде Ә. &nbsp;Серікбаевтың өнегелі өмір жолы мен спорт саласының дамуына қосқан өлшеусіз үлесі туралы сөз қозғап, жарысқа қатысушы спортшыларға сәттілік тіледі.Сонымен қатар, спорттық іс-шараның ашылу салтанатына Қызылорда облысы дзюдо федерациясының Президенті, Қазақстанға Еңбегі сіңген жаттықтырушы, Қазақстан спорт қайраткері, облыстық мәслихат депутаты Мұстафаев Садық Шоңмұрынұлы қатысып, &nbsp;спорт додасының салтанатты ашылуымен құттықтады.Дүбірлі додаға еліміздің 12 облысынан 160-қа жуық жас палуан қатысуда. Жарыс барысында 10 салмақ дәрежесі бойынша жүлделер сарапқа салынуда.Сондай-ақ, турнирге арнайы Халықараллық дәрежедегі төреші, Тәжікстан Республикасы Олимпиада комитетінің мүшесі Абдулла Махмуди және Қазақстанға Еңбегі сінген жаттықтырушылар келіп, төрелік етуде.

Қармақшыда самбо күресінен республикалық турнир өтуде

Kyzylorda-news.kz. Қаланың бас қақпасы аталатын Қызылорда теміржол вокзалында көліктегі жазатайым оқиғаларды &nbsp; алдын алу, болдырмау мақсатында Қызылорда станциясының &nbsp;Желілік полиция бөлімі «AMANAT» «Теміржол» филиалымен бірлесіп «Көліктегі қауіпсіздік» акциясын ұйымдастырды.«Теміржолдың қауіпті аймақ екендігіне қарамастан &nbsp;теміржолдағы тәртіп бұзушылық қарасы тиылмай тұр. Жыл басынан 900-ге жуық әкімшілік хаттама &nbsp;толтырылып, 380- нен астам &nbsp;әкімшілік шарасы көрілді. &nbsp;Жазатайым оқиғаның құрбаны болмау үшін әр адам темір жол көлігіндегі қауіпсіздік ережелерін білуі және сақтауы тиіс»- деді Қызылорда ст. ЖпбӘПБ бастығы,полиция майоры Бағдат Маханов. &nbsp;15-19 мамыр аралығында «Көліктегі қауіпсіздік» &nbsp;республикалық &nbsp;акциясы аясында &nbsp;қала тұрғындары мен жолаушыларға темір жолдағы тәртіп ережелерін сақтау керектігі туралы түсіндерме жұмыстары жүргізілді. Темір жолдағы жүріс-тұрыс ережелері бойынша арнайы шығарылған &nbsp;жадынамалар таратылды.«Көліктегі қауіпсіздік &nbsp;ешқашан өз өміршеңдігін жойған емес. Қауіптілігі жоғары аймақта орын алатын қайғылы жағдайлардың негізгі себептері азаматтардың &nbsp;жеке қауіпсіздік ережелерін сақтамауынан, темір жолдардың рұқсат етілмеген жерлерінен өтуінен болады. Көліктегі &nbsp;жайсыз жайтарды алдын алу, болдырмау бір сәт &nbsp;күн тәртібінен түскен жоқ. Қауіпті аймақ- партияның да &nbsp;назарында» - деді «AMANAT» партиясы Теміржол филиалының Атқарушы хатшысы Базара Танбаева.Сондықтан әрбіріміз темір жолдағы тәртіп ережелерін мүлтіксіз сақтап қана қоймай, өзгелерге, ең алдымен балаларға ескерту жасап отыруымыз тиіс.

Қызылордада «Көліктегі қауіпсіздік» акциясы ұйымдастырылды

Kyzylorda-news.kz. 21 мамырда күн райының бұзылуына байланысты бірнеше өңірде ескерту жарияланды, деп хабарлайды «Қазгидромет».Түнде Ақтөбе облысының орталығында қатты жаңбыр күтіледі. Түнде өңірдің солтүстік-батысы мен орталығында, күндіз орталығында найзағай күтіледі. Солтүстік-шығыстан жел соғады, екпіні 15-20 м/с құрайды.Ұлытау облысының орталығында жоғары өрт қаупі сақталады.Күндіз Атырау облысының оңтүстігі мен шығысында төтенше өрт қаупі күтіледі.Күндіз Солтүстік Қазақстан облысының оңтүстігінде солтүстік-шығыстан жел соғады, екпіні 15-20 м/с құрайды.Жетісу облысының шығысында, таулы аудандарында қатты жаңбыр жауып, найзағай ойнайды. Оңтүстік-батыстан жел соғады, найзағай кезінде екпіні 15-20 м/с, Алакөл көлдері ауданында 25 м/с құрайды.Түркістан облысының тауларында найзағай ойнап, солтүстік-батыстан жел соғады. Өңірдің тау асуларында күші 15-20 м/с құрайды.Абай облысының Бескарағай ауданында төтенше өрт қаупі күтіледі.Қостанай облысының солтүстік-шығыстан жел соғады, күндіз өңірдің оңтүстігі мен шығысында екпіні 15-20 м/с құрайды. Облыстың оңтүстігінде жоғары өрт қаупі сақталады.Күндіз Маңғыстау облысының батысы мен орталығында найзағай болжанады. Күндіз облыстың батысында, оңтүстігінде желдің күші 15-20 м/с құрайды.Батыс Қазақстан облысында жел солтүстік-шығыстан, шығыстан соғады, күндіз өңірдің батысы мен солтүстігінде екпіні 15-20 м/с құрайды.ТүндеЖамбыл облысының солтүстігінде, оңтүстігі мен таулы аудандарында, күндіз таулы аудандарында найзағай, бұршақ күтіледі. Солтүстік-батыстан жел соғады, жылдамдығы – 15-20 м/с.Павлодар облысының шығысы мен орталығында төтенше өрт қаупі сақталады.Қарағанды облысының оңтүстігі мен шығысында найзағай ойнап, шығыстан, солтүстік-шығыстан жел соғады. Күндіз облыстың солтүстігінде, оңтүстігінде, шығысында екпіні 15-20 м/с құрайды. Өңірдің шығысында жоғары өрт қаупі сақталады.&nbsp;

Жексенбіге арналған ауа райы болжамы

<a href="https://kyzylorda-news.kz/">Kyzylorda-news.kz.</a> Жердің бетін тырмалап, астын қазып, байлықты тонналап алмай тұрғанда, қазақ әуелі төрттүліктің ырзығымен күн көрді. Жесе – тамақ, кисе – киім, тоңса – жамылғы, үйі де киізден болатын. Ең өкініштісі, бұл күнде төрттүлік тек тамақтан өтер ас қана. Бұл мәселені айтқан соң, Сыр қазағына азықтың һәм кәсіптің негізгі көзі болған қауын-қарбызды қалай ұмыт қалдырасың. Себебі Шиелінің күріштен кейінгі брендіне айналған бұл өнім түрлері нарықтан жаймен шетке ысырыла бастады. ­Жауыр болған тақырып. Сонда да тағы бір қайтара жазсақ деп едік. Халық үніне құлақ асатын үкіметтің назарын аудару мақсатында.Қой жүні қайтсек қор болмайды?Әлқисса. Өзбекстан ««Hyundai», «Kia», «Toyota» компанияларына былғары жабын тігетін «JM» компаниясына тері жеткізетін болды» дегенді көзіміз шалып қалды. Ал біз тері-жүнді қоқысқа тастап, өртейміз. Тоқ етерін айтқанда, елімізде әдемі тон, сапалы аяқ-киім дайындайтын тері мәселесі қордаланып қалды. Өзіміздің қолдан келетін істі пайдаға асырмай, өзге елдің нарығына көз сүзіп, сапалы теріні сол жақтан алуға мәжбүрміз. Бәлки, «Қолда барда алтынның қадірі жоқ» дегенге саяды бұл.Президент Қасым-Жомарт Тоқаев «Жаңа жағдайдағы Қазақстан: іс-қимыл кезеңі» атты Жолдауында «Қазақстанның алдында тұрған аса маңызды міндет – өнеркәсіптік әлеуетімізді толық пайдалануымыз керек» деген болатын. Бұл мәселеге осы қой жүні де кіруі керек. Себебі жылдар бойы жыр болған жүн жыры бір арнаға келер емес. Бір ғана мысал, осыдан 13 жыл бұрын нақты айтсақ, 1990 жылдың ақпан айында «ҚазАгро» ұлттық холдингінің сол уақыттағы басқарма төрағасы Асылжан Мамытбеков: «Теріні біз қазір-ақ сатып алуға дайынбыз. Ал жүнге келетін болсақ, 1990 жылдары бізде 63 мың тонна биязы жүн шығарылатын болса, қазір оның мөлшері 7 мыңның ар жақ-бер жағында. Яғни, бұл сала 9 есеге құлдырап отыр. Оның үстіне қазір нарықта синтепон сияқты қылшықтан дайындалған материалдар қаптап кетті. Көңілге медеу болатын бір мәселе – соңғы уақытта табиғи түрде жылу беретін материалдарға деген сұраныс артып келеді» деген болатын.&nbsp;«Айта, айта Алтайды, Жамал апам қартайды» демекші, сол уақыттан бері Ауыл шаруашылығы министрлігінде бірнеше министр, «ҚазАгро» ұлттық холдингінде талай ауыс-түйіс болды. Әлі сол бітпейтін жыр. Қор болған қой жүнін осы күнге дейін кәдеге жаратудың жолын таппай әлекпіз.Оған сенатор Мұхтар Жұмағазиевтің төмендегі сөзі дәлел.&nbsp;<blockquote>«Елімізде 4 мыңға жуық ауыл шаруашылығы тауарын өндіруші қой өсірумен айналысады. Ал жүн өңдейтін 13 зауыт қана бар. Оның төртеуі ғана жүнді қайта өңдеудің толық циклімен айналысады. Яғни, таралған жүнді немесе дайын өнімді өндіре отырып, биязы жүнді қайта өңдеу мүмкіндігі бар. Қалған кәсіпорындар – киізден және қылшықты жүннен илеп аяқкиім шығаратын фабрикалар. Демек, Қазақстанда жүннің терең өңделуі іс жүзінде тек киіз илеу өндірісімен ғана шектеледі», – дейді сенатор.</blockquote>Бүгінде ең жақсы терілердің басым көпшілігі Шымкент жақтан келеді. Басқа жерде тері бағасы 10 доллар болса, Шымкентте – 20 доллар. Бұл Шымкенттегі ағайындардың қолдағы барды ұқсатуға тырысқан жанкешті әрекетінің нәтижесі болса керек. Қазір Өзбекстанның терілері Қытайда 50 долларға сатылса, біздің терінің бағасы 30-35 доллардан аспайды. Қалыпты терілер 10-15 доллардан сатылып жатыр. Қазақстан бойынша ең үлкен кәсіпорын – жылына 1,5 млн ірі қараның терісін өңдейтін қуаты бар Алматы тері өңдеу зауыты екен. Бұл Орталық Азиядағы ең үлкен зауыттың бірі болып табылады. Екібастұз, Петропавл, Семей, Шымкент, Қордай мен Арқалықта зауыттар бар. Таразда бұрынғы аяқкиім шығаратын фабриканың құрамында болған зауыт қазір дербес кәсіпорын болды. Ақтөбе, Оралдағы зауыттар бір істеп, бір тоқтап жүр. Нақты жұмыс істеп тұрғаны – осы 7 зауыт.Қоса кеткен жөн, Аустралия әлемдік нарыққа жүннің 1 килосын 18 доллардан өткізеді. Аталған мемлекет ондаған жылдар бойы әлемдегі жүн көлемінің шамамен 25 процентін өндіріп келеді. Сонда жыл сайын 3 млрд доллардан астам сомаға өнім шығарып отыр.<blockquote>«Отандық алыпсатарлар биязы қой жүнінің 1 килосын 100-150 теңгеден қабылдайды. Мұндай бағамен жүн тапсыру шаруаға тиімсіз. Қой қырқу науқаны кезінде шаруа жұмыскерді жалдау үшін қойдың бір басына шамамен 300-500 теңге жұмсайды. Осыдан кейін жүнді өткізу жолдарын іздестіреді. Соңында жүнді өртеп тынады», – дейді сенатор Мұхтар Жұмағазиев.</blockquote>Қой өсіріп, көл-көсір пайда табамын деген шаруаның бүгінгі көрген күні осы. Жүн өндірісінің бір тетігін таба алар емеспіз. Алда – қой қырқымы. Бірақ сол өнімді тағы өртейміз бе? Олай еткіміз келмесе, тері-жүн мәселесінде өзбек пен түріктердің тәжірибесін зерделей отырып, өндіріске енгізудің уақыты келгендей. Ауылшаруашылық өніміне сұраныс артса, ұсыныс та өздігінен басым болады. Бұл нарық заңы.Күріштен кейінгі бренд еді…Сонау Кеңес одағы кезінде Шиелі ауданында ірі қауын базасы болған деседі ақсақалдар. Сол жылдары бақшашылар әңгелек, ақ жәмбілше, колхозшы, әміре, қара күләбі мен торлама, саржауын аудан орталығында орналасқан теміржол бойындағы аталған ірі қауын базасына өткізген екен. Тәуелсіздік алғаннан кейін жекешелендіру кезінде бұл орындар ескерусіз қалып, жұмысын тоқтатқан. Тоқтатқаны мұң екен, Шиелінің күріштен кейінгі брендіне айналған қауындар нарықтан жаймен шетке ысырыла бастады. Күздік қауын сорттары Қызылорда облысымен қатар Түркіменстандағы Шаржоу, Өзбекстандағы Хорезм аймақтарында ғана өсіріледі екен. Алайда аталған өнімнің Отаны бола тұра, соңғы уақытта дәмі тіл үйірер қауындарды кездестіру қиындап кетті. Осыған байланысты әріптесіміз Гүлхан Яхия аудандағы ахуалға алаңдаушылық танытып, газет бетін талай шимайлады. Бірақ дәмі бал татып, таңдайдан кетпейтін Шиелінің қауыны нарықта қара көрсетпей барады. Базар маңын жағаласақ, Түркістан, Жетісайдың қауындары толып тұрады.<blockquote>«Өзбек атқарушы билігі диқандарының бақша өнімдерін әскери аэродромдар арқылы Ресей нарығына, федерацияның түрлі қалаларына жылдам жеткізуді жолға қойған дейді. Біздің диқандар Ресей түгілі мынау тұрған Қарағандыға, солтүстік облыстарға өнімдерін жеткізе алмай тасжол жағалап, жабайы сауда жүйесінен шыға алмай жүйкелеп жүргеніне жаның ауырады. Әкімдіктер жанындағы кәсіпкерлік бөлімдері Қазақстанның солтүстік облыстары мен Ресей Федерациясының іргелес қалаларындағы әріптестерімен іскерлік байланыс орнатып, сол жақтың ірі сауда орындары, орталықтарымен, белді кәсіпкерлерімен бақша өнімдерін жеткізу, өткізу мәселесін неге пысықтамайды? Диқан, шаруа өндірген өнімін қайда, қалай өткіземін деп тіпті басын ауыртпайтын жағдайды неге жасай алмай келеміз? Бізде кәсіп ашылды, шаруашылық құрылды, саны пәлен-түген деген ақпардан артық ештеңе жоқ. Сан қуамыз, сапа нөл. Сол құрылған шаруашылық, кәсіпкерлік ары қарай ісін қалай жүргізіп жатыр? Диқан еккен егінін қайда, қалай өткізгелі жүр? Малшы етін, сүтін, тері-жүнін нарыққа қалай пұлдамақ? Осы сұрақтарға басын ауыртатын бір жауапты орган бар ма бізде?&nbsp; Біздің аймақ ауылшаруашылық оның ішінде егіншілікті, бақташылықты жолға қойған. Ірі шаруашылық құрылымдарының өз инвесторлары бар. Олар өнімдерін қайда өткіземін деп басын ауырта бермейді. Тиісінше әкімдіктердегі жауапты бөлімдер де осындай қожалықтардың жүйеленген жұмыс нәтижелерін есеп-қисабына енгізуден, сол арқылы жоғарыға ақпар беруден әріге аспайды. Ал шағын шаруақожалықтар, диқандарға, бақташылардың мәселесіне кім жауапты? Аудан әкімдіктеріндегі кәсіпкерлік бөлімдерінің жұмыс ережесін, бағыт-бағдарын қайта қарайтын, түзейтін уақыт келген сыңайлы. Әйтпесе, біздегі бөлімдер кеңесшіліктен әріге аспайтын жұмыстың айналасынан ұзай алмай жүргендей көрінеді көпшілікке. Шаруақожалық болсын, диқан, малшы, бақташы болсын ол – кәсіпкер! Кәсіпкердің ең бірінші мәселесі – өнімін нарыққа шығару. Сол өнімді нарыққа шығаруға, басқа облыстармен байланыс орнатуға жауапты бөлім болуы керек немесе жаңадан құрылуы керек. Бір сөзбен айтқанда, баяғы қауынбаздардың жұмысын қайта қолға алып, жүйелі түрде жолға қою керек. Осылайша ел бойынша азық-түлік қауіпсіздігін қамтамасыз ете аламыз, – деп жазды &nbsp;газет редакторы Нұрболат Пірімбет.</blockquote>Бірақ жауапты бөлім тарапынан әлі күнге дейін жауап жоқ! Әншейінде әлдебіреулер әкімдік назарына деп желіні шулата бірнәрсе шимайласа жанұшыра жауап беріп жататын жауаптылар журналистердің көтерген мәселесін қашан назарға алады?

Қазақстан және Қызылорда облысының жаңалықтары