<a href="https://kyzylorda-news.kz/ru">Kyzylorda-news.kz.</a> Биыл халықтың әлеуметтік осал топтарынан 400 мыңнан астам бала материалдық көмекпен қамтылады. Ата-аналар мемлекеттен берілетін ақшаға мектеп формасы мен оқуға қажетті құрал-жабдықтарды өздері таңдап сатып ала алады.Оқу-ағарту министрлігінің ақпаратынша, биыл әр оқушыға киім, оқу құралдарын сатып алуға арналған қаражаттың ең төменгі мөлшері – 40 567 теңге. Ақша ата-аналардың шотына аударылады.<blockquote>«Қаражат ата-аналарға балалармен бірге мектеп формасын, аяқ киімді, кеңсе тауарларын өздері таңдап алу үшін беріледі. Қабылданған өзгерістер ата - аналар мен балаларға жеткізушілерді өз бетінше таңдауға мүмкіндік береді», - дейді Балалардың құқықтарын қорғау комитеті төрағасының орынбасары Жолдас Батырхан.</blockquote>Мұқтаж отбасыларға материалдық көмек көрсету және балаларды 100% қамтамасыз ету үшін жалпыға бірдей міндетті орта білім беру қоры жұмыс істейді.«Жалпыға бірдей оқыту» қоры мына балаларға қаржылай көмек көрсетеді:- атаулы әлеуметтік көмек алатын отбасылардан шыққан балаларға;- жан басына шаққандағы орташа табысы ең төменгі күнкөріс деңгейінен төмен отбасылардан шыққан балаларға;- жетім және ата-анасының қамқорлығынсыз қалған балаларға;- төтенше жағдайға тап болған оқушыларға (соның ішінде Абай облысында өрттен қаза тапқан орманшылардың балалары да бар).Еске салсақ, былтыр мектеп жиынтығын сатып алу сомасы 17 мың теңгеден басталған болатын.<a href="https://sputnik.kz/20230728/balany-mektep-dayyndau-40-567-tenge-beriledi-37075252.html">Sputnik.kz</a>

Баланы мектепке дайындау үшін кімдерге 40 567 теңге беріледі

<a href="https://kyzylorda-news.kz/ru">Kyzylorda-news.kz.</a> Биыл жергілікті жолдардың құрылысына айрықша көңіл бөлініп отыр. Әсіресе, аудан, ауыларалық жолдар жаңғырып, қаланың шет аймақтарына да жаңадан асфальт төселіп жатыр. Осы орайда, "Жол активтерінің ұлттық сапа орталығы" РМК Қызылорда облыстық филиалының мамандары өткен 6 айда жергілікті салынып жатқан жолдар бойынша 169 рет жылжымалы зертханамен тексеруге шықты.Ішінара зерделеу барысында 811 дана сынама алынып, нәтижесінде 290-ны белгіленген нормативтік талаптарға сай болмай шықты. Яғни, жол құрылыс материалдарының 30 пайыздан астамы сапаға сәйкес емес. Ал жолдарды аспаптық тексеру кезінде 106 ахау анықталып, мамандардың талап-ұсынысымен соның 36-сы қайта түзетілді. Қалған 70 олқылық бойынша тиісті жұмыстар атқарылу үстінде. &nbsp;<blockquote>«Жалпы филиал тарапынан берілген сын-ескертпелердің нәтижесінде мердігерлер 187 миллион теңгенің жолын талапқа сай қайта салды. Оның ішінде 450 м2 жолдың астыңғы қабаты, 5739 м2 көпірлер мен құрылымдар 118 м2 және 1759 тонна инертті материалдар. Тапсырыс берушілер мен мердігерлерге анықталған кемшіліктер бойынша хаттар жолданып, жаңа жолдардың сапасына ұдайы бақылау жүргізіп отырмыз», - дейді Жол активтерінің ұлттық сапа орталығы Қызылорда облыстық филиалының директоры Ерболат Көштаев.</blockquote>

Қызылорда жолдарынан 290 ахау анықталды

<a href="https://kyzylorda-news.kz/ru">Kyzylorda-news.kz.</a> Партияның арнайы мониторингтік тобы өз жұмысын әрі қарай жалғастыруда. Бүгінгі күнге 238 сауда нысандарына, 133 дәріханаға, 114 жанармай құю бекеттеріне талдау жұмыстары жүргізілген. Баға тұрақтылығы бойынша арнайы жиындар да өтуде. Бұл жайында Қызылорда облыстық мәслихаттағы «AMANAT» партиясы депутаттық фракциясының жетекшісі Аманжол Оңғарбаев айтты.Партиялық бақылау бекеттері орнатылған 31 нысанға ай сайын мониторинг жұмыстары жүргізілуде. Бүгінгі күнге &nbsp;жаңадан 15 партиялық бақылау бекеттері ашылмақ. Партияның облыстық филиалы төрағасы, Атқарушы хатшысы және партиялық бақылау комиссиясы барлық 7 аудан мен Қызылорда қаласындағы құрылыс нысандарына арнайы мониторинг жүргізіп келеді. Жұмыс тұрақты партиялық бақылауда. Өйткені, тұрақты бақылау – сапа кепілі.<blockquote>«Облыстық мәслихаттағы фракция мүшелерімен өткен 34 қабылдауда 223 тұрғын қабылданып, 149 мәселе оң шешілді. 74-і бойынша кеңес берілді. Осы жылы облыста барлығы 16 Мобильді қоғамдық қабылдау өткізіледі. 23 мамырда Жаңақорған ауданының Өзгент, Әбдіғаппар ауылдарында мобильді қабылдау өткізіліп, 21 мәселе көтерілді. Қабылдауларға облыстық мәслихаттағы фракция мүшесі &nbsp;Н.Амитов қатысты. 12 маусымда Жалағаш ауданының Бұқарбай батыр және Сырдария ауданының Қалжан ахун ауылдарында республикалық мобильді қабылдау ұйымдастырылып, 37 мәселе көтерілді. Қабылдауларға облыстық мәслихаттағы фракция мүшесі Ә.Шаймағанбетов қатысты. 21 шілдеде Шиелі ауданының Ақтоған және Телікөл ауылдарында мобильді қабылдау болып, 18 тұрғынның мәселесі көтерілді, 4 мәселе оң шешілді. Қабылдауға облыстық мәслихаттағы фракция мүшелері &nbsp;М.Нәлібаев және Д. Жұмбеков қатысты» деді ол.</blockquote>Айта кетейік, бүгін облыстық мәслихаттағы «AMANAT» партиясы депутаттық фракциясының жетекшісі Аманжол Оңғарбаев сайлауалды бағдарламасы бойынша атқарылған жұмыстар аясында <a href="https://kyzylorda-news.kz/kogam/amanat-zhyl-basynan-beri-198-zhobagha-kharzhylaj-kholdau-koersetilgen-28-07-2023">ақпар берген болатын.</a> &nbsp;

Аманжол Оңғарбаев: Тұрақты бақылау – сапа кепілі

<a href="https://kyzylorda-news.kz/ru">Kyzylorda-news.kz.</a> Жастарды спортқа баулу – жарқын болашақ кепілі. Сондықтан бұл тұрғыдағы атқарылар жұмыстарды жандандыру аса маңызды. Есесіне мемлекетіміздің атын әлемдік ареналарда асқақтатып, көк байрағымызды биіктетіп жүрген жампоздарымыз да баршылық. Десе де, әрбір тәрбие ең бірінші туған топырақ, отбасынан басталатыны белгілі.Бұл ретте, әртүрлі санаттағы топтар арасында жастардың мәдени-спорттық белсенділігін арттыру және бос уақытын тиімді ұйымдастыру, демалу, тынығу үшін емес, рухани қажетін өтеуге, ойлау қабілетінің жетілуіне, жалпы жан - жақты болуына арналған «Жастар спартакиадасы» өтті.&nbsp;«Жастар спартакиадасын» ұйымдастыруда аудандық іріктеуде спорттың бірнеше түрлерінен кіші футбол, баскетбол, үстел тенисі, дартс, гір тасын көтеру, арқан тарту, ләңгі тебу сайыстарына басымдылық NEET санатындағы жастарға берілді.&nbsp;Еске сала кетейік, бұған дейін маусым-шілде айларында ауылды мекендерде спорттық шаралардың бірнеше түрінен сайыстар өтіп, ауыл жастары қамтылған болатын.Бұл мәселені жас топтары тұрғысынан қарастыру орташа тенденцияларға қатысты кейбір айырмашылықтарды анықтауға мүмкіндік береді. Сондай-ақ &nbsp;жастардың бос уақытын зерттеу жастардың денсаулығын немесе құндылық бағдарларын арттыруға жағдайлар қарастырылды. Дегенмен, бос уақытты өткізу ерекшеліктері жастарға үлкен әсер етуде.Аталмыш бағыттағы шаралар Қоғамдық даму басқармасының бастамасымен «JASTAR &nbsp;дамыту орталығы» &nbsp;жастар қоғамдық бірлестігінің қолдауы арқылы Қазалы аудандық жастар ресурстық орталығының сүймелдеуімен ұйымдастырылды.&nbsp;Жеңіске жеткен жүлделі командалар (І-орын) және жеке ойын бойынша жүлделі орын иегерлері (І,ІІ-орын) ОБЛЫСТЫҚ КЕЗЕҢГЕ жолдама алып, облыс орталығында 2023 жылдың 10 тамызында өтетін облыстық додада бақ сынасады.

Қазалы ауданында жастар спартакиадасы басталды 

<a href="https://kyzylorda-news.kz/ru">Kyzylorda-news.kz.</a> Денсаулық сақтау саласы бойынша жалпы құны &nbsp;9,7 млрд теңге болатын 27 нысанның құрылысы жоспарланған. Бұл жайында Қызылорда облыстық мәслихаттағы «AMANAT» партиясы депутаттық фракциясының жетекшісі Аманжол Оңғарбаев жеткізді.Қазіргі таңда құны 6,5 млрд теңге болатын 15 дәрігерлік амбулатория және 1 медициналық бекет құрылысының жергілікті бюджет есебінен жобалық-сметалық құжаттамасы әзірленіп, сараптама қорытындысы алынған. ҚР Денсаулық сақтау министрлігіне аталған 16 жобаны биылғы жылы қаржыландыру үшін жыл басында бюджеттік өтінім ұсынылып, республикалық бюджет есебінен &nbsp;15 дәрігерлік амбулатория құрылысына - 5,7 млрд теңге қаржы бөлінген.<blockquote>«Бүгінгі күні, 2023 жылы жоспарланған Ұлттық жоба аясындағы 15 дәрігерлік амбулатория құрылысы бойынша 14 нысанның мердігері анықталған, ал қалған 1 нысан бойынша ағымдағы жылдың маусым &nbsp;айының 21 дейін конкурс нәтижесі аяқталып, мердігерді анықтау жоспарлануда. Ұлттық жобадағы 2024 жылы іске асырылатын қалған 11 нысан құрылысының жобалық-сметалық құжаттамасын әзірлеп, мемлекеттік сараптамадан өткізу үшін жергілікті бюджет есебінен - 39,1 млн теңге қаржы бөлінді. Сонымен бірге биылғы жылы Қызылорда қаласында ірі 2 нысан құрылысы бастау алды, олар - ауысымына 100 келушіге арналған емханасы бар 300 төсекке арналған көпбейінді аурухана құрылысы және &nbsp;облыстық қан орталығының құрылысы. Жалпы бүгінгі таңда ағымдағы жылдың соңына дейін толығымен аяқталатын барлық іс-шаралар бойынша белсенді жұмыстар жүргізілуде» деді ол.</blockquote>Айта кетейік, бүгін облыстық мәслихаттағы «AMANAT» партиясы депутаттық фракциясының жетекшісі Аманжол Оңғарбаев сайлауалды бағдарламасы бойынша атқарылған жұмыстар аясында <a href="https://kyzylorda-news.kz/kogam/zhyl-songyna-dejin-9-sporttykh-nysan-pajdalanugha-beriledi-28-07-2023">ақпар берген болатын.</a><img src="https://knadmin.beoblood.kz/uploads/7da3db60_6fee_478b_bd08_bd275907555d_a957dd46ec.jpg" alt="7da3db60-6fee-478b-bd08-bd275907555d.jpg">&nbsp;

Қызылорда қаласында ірі 2 нысан құрылысы бастау алды

<a href="https://kyzylorda-news.kz/ru">Kyzylorda-news.kz.</a> Білім беру, денсаулық сақтау және спорттың қолжетімділігін арттыру бағытында жоспарлы жұмыстар жүргізілуде. Жол картаға сәйкес 2023-2027 жылдар аралығында Қызылорда облысында 26 мектеп салу және 4 мектепке қосымша құрылыс жүргізу жоспарланған. Бұл жайында облыстық мәслихаттағы «AMANAT» партиясы депутаттық фракциясының жетекшісі Аманжол Оңғарбаев жеткізді.<blockquote>«Қазіргі таңда аймақта 6 апаттық мектеп және Қызылорда қаласында үш ауысымда оқытатын 6 мектеп бар. «Жайлы мектеп» ұлттық жобасы аясында өңірде салынатын 21 мектеп есебінен апаттық мектептердің 4-еуінің мәселесі шешімін табады. Қалған 2 мектеп бойынша, атап айтқанда: Арал ауданы Тоқабай елді мекеніндегі апатты мектептің құрылысы жеке демеуші есебінен жүргізілуде. Нысан биыл пайдалануға беріледі. Шиелі ауданы Жансейіт елді мекеніндегі 100 орындық мектептің құрылысы «Білім беру инфрақұрылымын қолдау қоры» есебінен қаржыландыруға ұсынылып, қолдау тапты. Нәтижесінде апаттық мектептердің мәселесі 2025 жылы толық шешіледі деп жоспарлануда. Үш ауысымда оқытатын білім беру ұйымдары мәселесін шешу мақсатында облыс орталығындағы 4 мектептің жанынан 1850 орынға лайықталған қосымша ғимарат құрылысы жүргізілуде. Қалған 2 білім нысаны биыл пайдалануға берілетін Жезқазған трассасы бойындағы 600 орындық жаңа мектеп есебінен шешіледі. Осылайша биыл үш ауысымда оқыту мәселесі шешіледі деп күтілуде» деді депутаттық фракция жетекшісі.</blockquote>Бұдан бөлек, аудандардағы орын тапшылығын шешу мақсатында осы жылы жаңа 3 мектеп &nbsp;пайдалануға берілмек. Айта кеткен жөн, 2023-2027 жылдары 14 спорт нысандарын салу жоспарланған. Оның ішінде биылғы жылы республикалық және облыстық бюджет есебінен Арал ауданы Жақсықылыш кентінде, Қамыстыбас ауылында, Қазалы ауданы Түктібаев ауылында, Сырдария ауданы Бесарық ауылында, Қармақшы ауданы III Интернационал, Жаңажол ауылында, Жаңақорған ауданы Ақжол ауылында барлығы 7 спорт кешені, Қармақшы ауданы Жосалы кентінде, Ақай кентінде, Жалағаш ауданы Жалағаш кентінде, Шиелі ауданы Шиелі кентінде, Қызылорда қаласы Тасбөгет кентінде барлығы 5 дене шынықтыру-сауықтыру кешені, барлығы 12 нысан құрылысы және «Самұрық-Қазына» әл-ауқат ұлттық қоры» АҚ демеушілігі есебінен Қызылорда қаласы Махамбет ауылында спорт кешені құрылысы жүргізілуде. Бүгінгі күні олардың ішінен 2 спорт нысаны пайдалануға берілсе, 9 спорт нысаны жыл соңында пайдалануға беру жоспарлануда. Сондай-ақ, 2 нысан, яғни Қармақшы ауданы III Интернационал, Жаңажол ауылындағы дене шынықтыру-сауықтыру кешендері құрылыстары 2024 жылға өтпелі.Айта кетейік, бүгін облыстық мәслихаттағы «AMANAT» партиясы депутаттық фракциясының жетекшісі Аманжол Сақыпұлы Оңғарбаев сайлауалды бағдарламасы бойынша атқарылған жұмыстар аясында <a href="https://kyzylorda-news.kz/kogam/amanzhol-onggharbaev-eldi-meken-turghyndary-koegildir-otynnyng-igiligin-koerude-28-07-2023">ақпар берген болатын</a>.&nbsp;

Жыл соңына дейін 9 спорттық нысан пайдалануға беріледі

<a href="https://kyzylorda-news.kz/ru">Kyzylorda-news.kz.</a> Биыл елді мекендерді газдандыру бойынша 25 жоба іске асырылып жатыр. Бұл жайында облыстық мәслихаттағы «AMANAT» партиясы депутаттық фракциясының жетекшісі Аманжол Оңғарбаев жеткізді.Оның ішінен 2 жобаның құрылыс-монтаж жұмыстары аяқталып, 3 елді мекен – Қызылорда қаласының Ақсуат ауылдық округінің Махамбет елді мекені және Жаңақорған ауданының Ақүйік ауылдық округіндегі Бірлік және Қыраш ауылдық округіндегі Қызылмақташы елді мекендері газдандырылды. 219,7 км газ құбыры жүргізіліп, 12801 тұрғын «көгілдір отын» игілігін көруде.<blockquote>«Қызылорда қаласы бойынша биыл 12 үйге күрделі жөндеу жұмыстарын жүргізу жоспарланды, оның 7-інің бүгінгі күнге мердігер мекемесі анықталса, 5 анықталу үстінде. Қазалы ауданында 4, Жаңақорған ауданында 2 көппәтерлі тұрғын үйдің құрылыс-монтаж жұмыстары жүргізілуде. Барлық жөндеу жұмыстары 2023 жылы аяқтау жоспарланған. Ал көлік инфрақұрылымын дамыту бойынша биыл Қызылорда қаласы мен аудандардың елді мекендерінің 72,5 км көшелерін жөндеу, жергілікті маңызы бар 86,7 км жолдарды күрделі және орташа жөндеу жүргізілуде» деді ол.</blockquote>Айта кетейік, бүгін облыстық мәслихаттағы «AMANAT» партиясы депутаттық фракциясының жетекшісі Аманжол Оңғарбаев сайлауалды бағдарламасы бойынша атқарылған жұмыстар аясында <a href="https://kyzylorda-news.kz/kogam/amanat-zhyl-basynan-beri-198-zhobagha-kharzhylaj-kholdau-koersetilgen-28-07-2023">ақпар берген болатын</a>. &nbsp;

Аманжол Оңғарбаев: Елді мекен тұрғындары көгілдір отынның игілігін көруде

<a href="https://kyzylorda-news.kz/ru">Kyzylorda-news.kz.</a> Бүгін Қызылорда облыстық мәслихаттағы «AMANAT» партиясы депутаттық фракциясының жетекшісі Аманжол Оңғарбаев сайлауалды бағдарламасы бойынша атқарылған жұмыстар аясында ақпар берді.Фракцияның жаңа құрамы өз міндетін жауапкершілікпен атқаруда. Партияның сайлауалды бағдарламасын іске асыруды басты бағдар етіп, сайлаушыларға берген уәденің үдесінен шығуда депутаттық қызметін абыроймен атқаруға ден қойған фракция мүшелерінің жұмысы жүйелі. Мәселен, «АМАNАТ» партиясы сайлауалды бағдарламасының және Жол картаның уақытылы орындалуын қадағалау, өзекті мәселелерді мерзімінде шешу бойынша жұмыстар жүргізіп жатыр.<blockquote>«Мәслихаттағы депутаттық фракцияда және партия жанындағы кеңестерде Жол картаның орындалуы пысықталды. Бұл жиындарға жауапты ұйымдардың өкілдері де қатысты. Жол картадағы іс-шараны іске асыру үшін қаржыландыру жағдайы талданып, тиісті ұсыныстар берілді. Соның нәтижесінде бүгінгі күнге орындалмау қауіпі бар мәселелер анықталған жоқ. Қаңтар-маусым айларында Қызылорда облысы бойынша Жол картадағы 122 іс-шараның 10 (8%) орындалған, 105 (86%) орындалу сатысында. 7 (6%) мерзімі келмегенін көрсетті» деп атап өтті Аманжол Оңғарбаев.</blockquote>Сонымен қатар, жол картаның экономиканы дамыту бағыты бойынша жыл басынан бері шағын орта бизнес субъектілерін қолдау мақсатында жалпы құны 10 миллиард теңге болатын 198 жобаға қаржылай қолдау көрсетілген. Жаңа бизнес-идеяны жүзеге асыратын 722 адамға қайтарымсыз мемлекеттік грант беріліпті.<blockquote>«Ауыл шаруашылығында ірі инвестициялық жобаларды іске асыру, су үнемдеу технологиясын қолдануды ұлғайту, «Жер аманаты» партиялық жобасы аясында мемлекет меншігіне жерлерді қайтару, «Ауыл аманаты» жобасы аясында ауыл тұрғындарының табысын арттыру бойынша тиісті жұмыстар жүргізіліп жатыр. Мысалы, биыл 2 жобаны іске қосу жоспарланды. Бірі – "Асыл Дән ЛТД" ЖШС-нің Қызылорда қаласында күріш өңдеу зауытының құрылысы (құны 900 млн. теңге, қуаттылығы 5000 тн, 20 жұмыс орны). Екіншісі – Шиелі ауданында қуаттылығы 700 тонна көкөніс сақтау қоймасының құрылысы (құны 170 млн. теңге, 14 жұмыс орны). Сонымен қатар, жыл басынан бері 108 мың гектар жер мемлекетке қайтарылды. Ал «Ауыл аманаты» жобасы бойынша осы 20 шілдеден бастап несиелендіруге құжаттар қабылдана бастады, құжаттар тексеріліп олар бойынша оң шешім қабылданған соң несиелендірілетін болады. Сонымен қатар, жыл басынан бері 108 мың гектар жер мемлекетке қайтарылды. Ал «Ауыл аманаты» жобасы бойынша осы 20 шілдеден бастап несиелендіруге құжаттар қабылдана бастады, құжаттар тексеріліп олар бойынша оң шешім қабылданған соң несиелендірілетін болады» деді облыстық мәслихаттағы «AMANAT» партиясы депутаттық фракциясының жетекшісі Аманжол Сақыпұлы. &nbsp;</blockquote>

«AMANAT»: Жыл басынан бері 198 жобаға қаржылай қолдау көрсетілген

<a href="https://kyzylorda-news.kz/ru">Kyzylorda-news.kz.</a> Жарты ғасырға жуық Қазалы ауданында өнері мен мәдениетіне қызмет еткен жандардың бірі – музыка әрлеуші, сазгер Әбілхайыр Ибрайымов. Ол ауданда алғаш рет эстрада ансамблін ұйымдастырушы. Бүгінде зейнеткерлік демалысқа шықса да өнерден қол үзбей, ізінен ерген жас буынға білгенін үйретуден жалыққан емес. Өнерге өмірін арнаған Әбілхайыр Дайрабайұлы бастаған Ибрайымовтар отбасылық ансамблі туралы да Қазалы халқы жақсы біледі.Әбілхайыр Ибрайымов сонау 1970-1980 жылдары ауданда алғаш құрылған эстрадалық ансамбльдердің негізін қалады. Сол кездегі «Қазалы» және «Эрик» ансамбльдерін көпшілік сүйсіне тыңдады. Ансамбльде орындалатын әрбір музыкалық туынды эстрадалық музыка мәдениетіне сай өңделіп, көркемделіп көрермен назарына ұсынылды. Қызығы мен қиындығы мол өнер саласында толассыз еңбек ете жүріп, сазгерлікпен де айналысты. Оның шығармалары мен әндері республикалық, облыстық деңгейде орындалып келеді. Бұдан бірнеше жыл бұрын Әбілхайыр Ибрайымовтың ұйытқы болуымен ұйымдастырылған «Ретро-ән» фестивалі, «Қазалы дауысы» вокалды топтар конкурсы бүгінде жыл сайын дәстүрлі түрде өтеді. 1956 жылы Қазалы қаласында дүниеге келген Әбілхайыр Дайрабайұлы алғаш еңбек жолын аудандық мәдениет бөлімі жанындағы автоклубтың киномеханигі болып бастады. Қызылорда музыкалық училищесінде оқып жүріп, «Құрылыс тресі» клубында көркемдік жетекші, облыстық филармонияда «Сыр самалы» ВИА құрамында музыка сүймелдеушісі болды. Ол әр жылдары Қазалы қалалық музыка мектебінің оқу ісі жөніндегі орынбасары, аудандық мәдениет үйінің көркемдік жетекшісі, Сырдария аудандық мәдениет үйінің музыка жетекшісі, Қазалы қалалық мәдениет үйінде аға әдіскер, кейін директоры қызметін атқарды. Қазалы аудандық «Мырза» атындағы халық оркестрі, «Қорқыт сазы» фольклорлық этнографиялық ансамблінің тұрақты мүшесі. Өнердің өрістеуіне өлшеусіз үлес қосқан Әбілхайыр Дайрабайұлы республикалық, облыстық, аудандық деңгейдегі марапаттауларды иеленіп, алғыс арқалады. «ҚР Тәуелсіздігіне – 25 жыл» мерекелік медалінің иегері. Қазіргі кезде Қазалы қалалық мәдениет үйінің көркемдік жетекшісі. Жары Гүлнәр Төлегеновамен бірге ұл-қызынан өрбіген немерелердің қызығына сүйсінген ата мен әже атанып отыр.Ел құлағында есімі, жүрегінде әндері жатталып қалған Ибрайымовтар отбасылық ансамблі туралы айтпай кету мүмкін емес. Әке-шешесінің тұңғышы Әбілхайыр Дайрабайұлынан өнер жолына қалай келгені туралы сұрағанымызда: «Бала күнімде нағашы ағам Қуандық Тасмамбетов гитара тартуды үйретіп, өнерге келуіме көп септігін тигізді. Музыкалық аспаптарда шебер ойнайтын нағашыма тәнті болдым. Бойымдағы талантты танып, өнерді жаныма серік етуім де сол кісінің арқасы, – дейді.Біз бүгін әңгімеге арқау етіп отырған жанның анасы Пікірия он баланы дүниеге әкелген Батыр ана. Әбілхайырдың ізіне ерген бауырлары да музыка әлемінің сиқырлы сырына еніп, өнер жолында өз қолтаңбаларын қалдыруда. Нағашысы Қуандықтың ұлы Ербол Нұр-Сұлтан қаласында «Формат» тобының бас гитарисі.Киелі өнердің көшін жалғаған інілері Әділхан Ибрайымов Қазалы аудандық Қорқыт ата атындағы балалар музыка мектебінде мұғалім, Талғат Ибрайымов Байқоңырда әскери оркестрдің мүшесі, сондағы музыка мектебінің мұғалімі. Ерік Әбілхайырұлы Байқоңыр қалалық мәдениет үйінде еңбек етеді, ол да әскери оркестрге мүше. Айдана Ерікқызы Қазақстаннан бөлек шет елдердің сахнасында өнер көрсетіп, жүлделі жеңістерімен қуантуда. Ол Санкт-Петербург қаласында өткен V халықаралық фестиваль конкурсында «Новые перспективы» байқауының Гран-при жеңімпазы. «Рауан» республикалық фестивалінің бас жүлдегері. Қазір Қызылорда қаласындағы Қазанғап атындағы музыкалық училищенің студенті. Әбілхайыр Дайрабайұлының жиендері де өнерден құр алақан емес. Нұрсұлтан Қорқыт ата атындағы балалар музыка мектебінде саксафонның қыр-сырын үйретсе, Бағлан Байқоңырдағы әскери ансамбльде өнер көрсетеді. Ол гавой аспабының шебері.<blockquote>– Ибрайымовтар отбасылық ансамблінің кез келген мүшесі кәсіби музыкант. Олар түрлі музыкалық аспаптарда ойнайды. Жұмыс барысымен әрқайсысы әр жерде жүргенімен басымыз құрала қалса, отырған жерді думанға айналдырамыз. Қанмен келген қасиетті өнердің құнын бағалай білетін бауырларымның әрбірі қазақ өнерінің өрістеуіне үлес қосуда. Бұл мен және отбасымыз үшін үлкен қуаныш, – дейді Әбілхайыр Дайрабайұлы.</blockquote>

Әбілхайыр Ибрайымов: Ансамбльдің кез келген мүшесі кәсіби музыкант

<a href="https://kyzylorda-news.kz/ru">Kyzylorda-news.kz.</a> Қазалы ауданындағы маңдайалды кәсіпорынның бірі – Сәбит Өтегенов басқаратын «LCI-MK» ЖШС. Олар жылына он мың текше метр темір-бетон бұйымдарын және конструкцияларды өндіре алатын іргелі кәсіпорын.Қырық жылға жуық уақыт бұрын, яғни кеңестік кезеңде бой көтерген зауыт Батыс Қазақстан теміржол басқармасы құрамындағы «Жолқұрылысы» тресі қарамағына кірген. 2005 жылы «МО-1» ЖШС-ның құрамында №2 Қазалы бөлімшесі болып қайта құрылса, артынша «LCI-MK» ЖШС Қазалы филиалына айналды. Бүгінде бұл кәсіпорын – аудан экономикасының дамуына үлкен үлес қосуда.Негізінен кәсіпорын құрылысқа керекті жабдықтарды дайындайды. Соған сәйкес жыл санап тапсырыс берушілер қатары да артуда. Мұнан бөлек өткен жылы дарияның екі бетінде орналасқан тұрғындардың тілегі орындалып, көңілдері демдеген болатын. Оған себеп «Әлсейіт» көпірінің салынуы. Ал бұл ұзындығы 219, ені 12 метрлік көпірді салу барысында темір-бетонмен қамтамасыз еткен біз сөз етіп отырған кәсіпорын. Қарқынды құрылыс барысында «LCI-MK» ЖШС-ның Қазалы филиалы сұранысқа сай 9500 дана темір-бетон балкасын жасаған. Осы сынды темір-бетон конструкцияларын кез келген кәсіпорын шығармайды.Филиал басшысының айтуынша, былтырдан бастап автомобиль көпір құрылысына керекті «ВТК-33У» маркалы аралық құрылыс балкаларын құю технологиясы шешімін тапқан. Тіпті оған қажет қосымша техникалар мен қондырғылар алынды. Бүгінде осындай конструкция Орал қаласындағы көпір құрылысына жөнелтілуде.&nbsp;<blockquote>– Тапсырыс пен сұранысқа сәйкес жұмыс жүргізу қазіргі кезде заман талабы. Атыраудың ірі компанияларымен және жергілікті құрылыс мекемелерімен әріптестік байланыс орнатып келеміз. Шикізатты Жаңақорған, Шиелі аудандары мен Ақтөбе қаласынан алдырамыз. Сапаны басты орынға қоямыз. 18, 21, 24, 33 метрлік балка шығаратын зауыт Қазақстанда санаулы, – дейді білікті басшы Сәбит Рахметұлы.</blockquote>Қазірде зауытта 80-ге жуық адам нәпақа тауып жүр. Оның ішінде отыз жылдан астам ерен еңбегімен көзге түскен абыройлы азаматтар аз емес. Өндірістің жұмысы тұралап қалмас үшін ондағы қызметкерлерге тиісті жағдай қарастырылған. Нақтыласақ, жаз бен қысқа арнайы жұмыс киімі және күнделікті денсаулыққа зиянын тигізетін цехтағы мамандарға сүт өнімі таратылады. Араға жыл салып он төрт жасқа дейінгі бүлдіршіндерге Алматы қаласын «Маралсай» демалыс орнына тегін жолдама беріледі. Жұмыста ерекшеленген азаматтардың еңбегі атаулы күндері елеусіз қалмайды.Өндіріс басшысы алғаш еңбек жолын 1994 жылы бастаған. Осы орында келген күннен жұмыстың қыр-сырымен танысып, бүгінде барлығын жетік меңгеріп үлгерген. Ол ең әуелі Шымкент қаласындағы химия-технология институтында білім алып, инженер-құрылысшы мамандығын алып шыққан. Артынша зауытта ОТК шебері, кейін бетон құюшылар бригадирі, еңбек қорғау мен техникалық қауіпсіздік инженері, бас инженер қызметтерін атқарды. 2005 жылы №2 бөлімше болып қайта құрылған шақта бөлімшені басқарды. 2013 жылы мекеме атауы «LCI-MK» ЖШС-ның Қазалы филиалы болып өзгеріп, филиал басшысы лауазымына бекітілді.Өндіріс орынды аралау барысында мекеменің жеткен жетістіктерін жинақтайтын бұрышпен таныстық. Онда басшының «Құрылыс саласындағы үздік кәсіпкер» дипломымен марапатталып, ІІ дәрежелі «Қазақстанның үздік тауары» өңірлік көрме-конкурсының «Өндірістік мақсаттағы үздік тауар» номинациясының жеңімпазы атанғанын білдік. Одан бөлек облыс және аудан әкімдерінің Алғыс хаты жиналған. Тіпті жергілікті құрылыс саласын дамытудағы жемісті еңбегі үшін Құрылыс және коммуналдық шаруашылық агенттігінің Құрмет грамотасына қол жеткізіп, «Құрметті құрылысшы» төсбелгісін омырауына таққан. Сондай-ақ «Сапа көшбасшысы» Құрмет грамотасын еншілеген.Өткен жылы кәсіпорын жалпы құны 1 миллиард 150 миллион теңгенің 16113 текше метр өнімін шығарса, биылғы 9 айда құны 850 миллион теңгеден астам 15620 текше метр көлемдегі темір-бетон конструкцияларын дайындады. Кәсіпорынның бас құрылымы басқа өңірде орналасқанмен, барлық салық жергілікті мемлекеттік кіріс органдарына төленеді.Айта кету керек, зауыт теміржол, құбырлар және жоғары кернеулі желіге арналған, ВЛ10кВ бағана мен көпқабатты үй құрылысына қажетті темір-бетон бұйымдарының 60 түрін өндіреді. Сондай-ақ балканың ортасына жүретін қажетті трост Ресейден келеді екен. Ал мұны шығаратын зауыт елде, яғни Жезқазған қаласында ғана бар. Дегенмен сапасы нашар.Сәбит Өтегенов бізбен әңгіме барысында қол астындағы азаматтардың арасында жастардың саны аз екенін айтып қалды. Олардың қара жұмыстан тартынып, басқа орындарда жүргенді қалайтынын тілге тиек етті. Ендігі жерде осы түйткілді тарқату турасында, алдағы жылдан бастап білек сыбана кірісетінін жеткізді.

Кәсіпорын әлеуеттілігі кеңеюде

<a href="https://kyzylorda-news.kz/ru">Kyzylorda-news.kz.</a> Қазақ жастары үшін дәстүрлі дінімізден бас тартып, басқа дінді қабылдауы, яки радикал ұйымдарға қосылып кетуі ұлттың өркендеу үрдісіне кері әсерін тигізетіні анық. Сондықтан да әлеуметтік жаңаруда зайырлылық принципін алға тарта отырып жастардың рухани дүниесін зерттеу арқылы тәрбие жұмыстарын жүргізу маңыздылығы туындап отыр. Осы орайда, Қазалы ауданы тұрғындары арасында "Діни экстремизм мен терроризмнің алдын алу мақсатында қарсы насихаттық шараларды жүзеге асыру" әлеуметтік жобасы аясында Түркістан облысынан белгілі дінтанушы, теолог Ілияс Нағызхан арнайы іссапармен келді.Дінтанушының алғашқы аялдамасы аудан орталығынан бірнеше шақырымда орналасқан Абай ауылы болды.&nbsp;Бүгінгі жастарымыздың көзсіз көбелектей түрлі экстремистік ұйымның жетегінде кетуінің бірнеше факторы бар. Мысалы, жастардың өз тарихын, салт-дәстүрін толық білмеуі және діни сауатсыздық. Дегенмен қандай жағдай болмасын, өзінің тілін, ділін, дінін, тарихын, мәдениеті мен салт-дәстүрін білген адам мұндай келеңсіз құбылыстарға жол бермесі рас.Сол себепті ауылдық клубта өткен жиында Ілияс Саттарұлы тұрғындармен "Дін мен дәстүр сабақтастығы" тақырыбында әңгіме өрбітті.&nbsp; Теолог тұрғындармен сұрақ алмасып, көкейде жүрген сауалдарына да жауап берді.Артынша, ауыл ақсақалдары жылы лебізін білдіріп, айтылған мәселелердің шешімін бірлесе шешуді ортақ мақсат тұтатынын айтты. Онан соң мамандар ат басын ақша бұлтты Ақтан батырдың есімі берілген ауылға барып, онда "Зайырлы мемлекеттегі діннің өмір сүру формасы" атты тақырыпты қозғады.Әрі қарай Жанқожа батыр атындағы ауылға аялдап, онда "Діни сауаттылықтың маңызы" атты түсіндірме жұмыстарын жүргізе отырып, &nbsp;тұрғындарды теріс ағымның шырмауынан абай болуды ескертті.<blockquote>- Қазіргі әлемде ұлттық бірлікті және халықтың рухани-мәдени құндылықтарын сақтау өте маңызды. Діни сауаттылық теріс әлеуметтік құбылыстардан тиімді қалқан құруға көмектеседі. Қазіргі уақытта діни сауаттылықтың маңызын бағаламауға болмайды. Өйткені, хабардар болмаудың және надандықтың салдарынан адамдар деструктивті ағымдардың жетегіне ереді. Көбінесе бұл ағымдардың әсеріне жастар, халықтың әлеуметтік осал топтарының өкілдері және түзеу мекемелерінде жазасын өтеп жатқан адамдар ұшырайды. Дін туралы базалық білімнің болмауы адамды деструктивті діни ағымдардың жақтаушылары үшін жеңіл нысанаға айналдырады. Көптеген адамдар бұл саладағы олқылықтардың орнын толтыру үшін бүкіләлемдік ғаламтордан ақпарат алу керек деп санайды, керісінше тиісті біліктілігі бар мамандардың көмегіне жүгінген жөн, - деді Ілияс Саттарұлы.</blockquote>Одан кейін Қазалы ауданы бойынша профилактика объектілерімен оңалту жұмыстарын жүргізді.

Қазақстан және Қызылорда облысының жаңалықтары