<a href="https://kyzylorda-news.kz/">Kyzylorda-news.kz.</a>&nbsp;Қызылорда облысының әкімі Нұрлыбек Нәлібаевтың төрағалығымен пайдалануға беру мерзімі өтіп кеткен құрылыс нысандары, &nbsp;елді мекендердің санитарлық тазалығы мәселелеріне арналған жедел мәжіліс өтті.Аймақ басшысы құрылысы басталған бірқатар нысандардың пайдалануға беру мерзімі кешіккенін, құрылысы аяқталмағандарының саны артқанын айтты.&nbsp;<blockquote>«Биылғы алты айдың қорытындысы бойынша облыстағы құрылыс жұмыстарының көлемі 53,7 млрд.теңгеге жетіп, былтырғы жылмен салыстырғанда 54,9 пайызға артқан. Оның ішінде әлеуметтік нысандар құрылысына мемлекеттік бюджет есебінен 46 млрд. теңге бөлінген. Бүгінде өңірімізде 61 әлеуметтік нысанның құрылысы жүргізілуде. Құрылыстың уақытылы әрі сапалы жүргізілуі – өзекті мәселе. Бюджет есебінен басталған әрбір нысанды тапсырыс беруші болсын, мердігер болсын, мерзімінде әрі сапалы аяқтауға барлығымыз міндеттіміз», - деді Нұрлыбек Машбекұлы.</blockquote>Жиында құрылысы баяу жүргізілген нысандар, сонымен қатар инженерлік-коммуналдық желілер, тұрғын үй-коммуналдық шаруашылық саласындағы мерзімінде аяқталмаған жобалар бойынша шұғыл түрде шара қабылдау тапсырылды.&nbsp;

Қызылордада нысандар құрылысының өзекті мәселелері қаралды

<a href="https://kyzylorda-news.kz/ru">Kyzylorda-news.kz.</a>&nbsp; Қызылорда облысы бойынша ішкі мемлекеттік аудит департаментімен биыл 65 аудиторлық іс жүргізілді. Бұдан бөлек, мемлекеттік аудит объектілерінде анықталған заң бұзушылықтарды жою және оған жол берген лауазымды адамдардың жауаптылығын қарау бойынша барлығы 55 нұсқама жолданды. Оның 38-і толығымен орындалды.<blockquote>-2023 жылдың І жартыжылдығына жеке тұлғалардан – 458, заңды тұлғалардан – 932, барлығы 1390 өтінім мен арыз-шағым қабылданды. Аталған өтініштердің 1119-ы қаралып, қалған 69 өтінім жауапты органдардың құзыретіне жолданды. Ал 202 өтінім қаралу үстінде. Бұл жұмыстар алдағы уақытта да жалғасатын болады, - деді Қызылорда облысы бойынша ішкі мемлекеттік аудит департаментінің басшысы Ербол Күзембаев.</blockquote>

Ішкі мемлекеттік аудит департаментіне 1300-ден астам өтінім келіп түскен

<a href="https://kyzylorda-news.kz/ru">Kyzylorda-news.kz.</a>&nbsp; Шілде айының соңына дейін барлық өңірлерге қосымша қаржы бөлінеді. Бұл ретте Қызылорда облысының медициналық ұйымдарын қолдауға 5,2 млрд теңге бағытталған. Бұл туралы медициналық қауыммен кездесу барысында Әлеуметтік медициналық сақтандыру қорының басшысы Сәбит Ахметов айтты.Бүгінгі таңда кредиторлық берешек барлық өңірлер үшін ортақ өзекті мәселе. Жалпы Қазақстан бойынша борыштық жүктеме шамамен 87 млрд теңгені құрады, оның 4,4 млрд теңгесі Қызылорда облысының 20 мемлекеттік медициналық ұйымына тиесілі.Сәбит Ахметов бас дәрігерлермен кездесу барысында атап өткендей, бұл мәселені шешу Қордың тікелей құзырына кірмейді, бірақ ӘМСҚ-ның тарапынан көмек көрсетіледі. Шілде айының соңына дейін барлық өңірлерге шамамен 60 млрд теңге қосымша қаржы бөлу жоспарлануда, оның 5,2 млрд теңгесі медициналық ұйымдар бойынша одан әрі бөлу үшін Қордың Қызылорда облысы бойынша филиалына жіберіледі.&nbsp;Бұдан басқа, Қор Денсаулық сақтау министрлігімен бірлесіп сызықтық шкалаға байланыстырмай толық немесе ішінара қор ұстау туралы мәселені қарастырады. Бұл әрбір тіркелген адам үшін амбулаториялық-емханалық буын қызметтеріне жан басына шаққандағы ақы төлеу әдісі. Бірақ бұл үшін тұтынуды толық талдау және тиісті есептерді дайындау қажет. Бұл барлық бизнес-процестерді толық цифрландыру мен автоматтандырудан және медициналық ақпараттық жүйелерден деректерді бірыңғай дерекқорға біріктіруден кейін ғана мүмкін болады. Бұл бағытта, Қор басшысы атап өткендей, Денсаулық сақтау министрлігі қазірдің өзінде ауқымды жұмыстар атқаруда. Атап айтқанда, eDensaulyq бірыңғай платформасы дайындалуда, ол 2024 жылдың қаңтарына дейін іске қосылуы тиіс.Сондай-ақ, &nbsp;медициналық көмектің аса маңызды бағыттарының жекелеген түрлері бойынша тарифтерді қайта қарау жоспарлануда.&nbsp; Осы уақытта бас дәрігерлердің алдындағы міндет, ол өз бизнес-процестерін дұрыс құру және кредиторлық берешек бойынша жағдайды теңестіру үшін ішкі резервтерді табу, мысалы, қызметкерлер штатын және өз шығындарын оңтайландыру арқылы, алайда бұл әрекеттер көрсетілетін медициналық сапасына зиян келтірмеуі қажет.Айта кетейік, сапар аясында Сәбит Ахметов Сырдария аудандық ауруханасының «Ақжарма» дәрігерлік амбулаториясына, облыстық жедел медициналық жәрдем станциясына, ЖШС «Alexey Sultan-Akhmet» емханасына, көпсалалы облыстық балалар ауруханасына, &nbsp;«Қамқорлық» балаларды оңалту орталығына, «University Medical Center» корпоративтік қоры филиалының балаларды оңалту орталығына барды, онымен бірге облыстық денсаулық сақтау басқармасының басшысы Олжас Ысқақов пен Қор филиалының директоры Бақыт Исмаханбетов жүрді.&nbsp;<blockquote>«Көтерілген әрбір мәселе мұқият зерделеніп, қажет болған жағдайда ағымдағы жылдың жұмыс жоспарына енгізіледі», – деді Сәбит Ахметов аталған медициналық ұйымдардың бас дәрігерлерімен кездесу барысында.</blockquote>Еске салайық, бұған дейін медициналық сақтандыру қорының басшысы Қостанай, Ақмола, Павлодар, Қарағанды, Абай, Шығыс Қазақстан, Ақтөбе облыстарында болған. Бұл орайда Қызылорда облысы Қор Төрағасы аралаған сегізінші аймақ. Жақын арада Түркістан және Жамбыл облыстарына, сондай-ақ Шымкент қаласына бару жоспарлануда. &nbsp;<figure class="image"><img src="https://knadmin.beoblood.kz/uploads/9517eec6_ffb9_40fb_b2ac_b581ea3ad956_6ac5a16af9.jpg" alt="9517eec6-ffb9-40fb-b2ac-b581ea3ad956.jpg"></figure>&nbsp;<figure class="image"><img src="https://knadmin.beoblood.kz/uploads/5fecb8ee_d031_4123_9b98_13428181c114_f1ba445136.jpg" alt="5fecb8ee-d031-4123-9b98-13428181c114.jpg"></figure>&nbsp;<figure class="image"><img src="https://knadmin.beoblood.kz/uploads/f26d4ccb_0bbe_4799_8b54_af8f4161ca51_3c0b747afc.jpg" alt="f26d4ccb-0bbe-4799-8b54-af8f4161ca51.jpg"></figure>

Сақтандыру қорынан медициналық ұйымдарға шамамен 60 млрд теңге бөлінеді

<a href="https://kyzylorda-news.kz/ru">Kyzylorda-news.kz.</a>&nbsp; Қазгидромет синоптиктері 28 шілде, жұмаға арналған ауа райы болжамын ұсынды.Атмосфералық фронттардың әсерінен еліміздің басым бөлігінде тұрақсыз ауа райы сақталады, жаңбыр жауып, найзағай мен бұршақ, дауыл болады. Тек оңтүстікте және батыста жауын-шашын жоқ, күн ашық.Республика бойынша жел күшейеді, түнде солтүстікте, солтүстік-батыста тұман түседі.Қызылорда облысының орталығында, шығысында төтенше өрт қаупі сақталады.

Жұма күні де ел аумағында 43 градусқа дейін аптап ыстық сақталады

<a href="https://kyzylorda-news.kz/ru">Kyzylorda-news.kz.</a>&nbsp; &nbsp;Арал ауданы бойынша ауыл шаруашылығы өнімдерінің жалпы шығарылымы &nbsp;2023 жылдың қаңтар-маусым айларында 3 344,2 млн. теңге болып, өткен жылдың осы кезеңімен салыстырғанда 102,3 пайызға артты. 2023 жылдың қаңтар-маусым айларында аудандағы барлық нысандағы ауыл шаруашылығы құрылымдарында 61 353 бас мүйізді ірі &nbsp;қара, 107 177 бас қой мен ешкі, &nbsp;50 222 бас жылқы, 37 067 бас түйе және 4 362 бас құс бар. Осы малдарды өткен жылдың осы кезеңімен салыстырғанда мүйізді ірі қара малы 100,4 пайызға, қой мен ешкі 102,6 пайызға, жылқы 111,2 пайызға, түйе 104,4 пайызға және құс &nbsp;100,1 &nbsp;пайызға артты. Бұл туралы ауылшаруашылық бөлімінің басшысы Жәнібек Жұбанов мәлімдеді.&nbsp;Ауданда мал шаруашылығынан алынатын өнім де көбейуде. &nbsp;2023 жылдың қаңтар- маусым айларының қорытындысымен ет өндіру &nbsp;1 924,5 тонна, сүт өндіру 3 731,1 тонна, жұмыртқа өндіру 83,1 мың дана болып, өткен жылдың осы кезеңімен &nbsp;салыстырғанда ет өндіру 102,7 пайызға, сүт өндіру 102,3 &nbsp;пайызға, жұмыртқа өндіру 101,1 &nbsp;пайызға орындалған.Аудан аумағында балық шаруашылығы маңызы бар Кіші Арал теңізінің 18 учаскесі, Сырдария өзені және 20 көл бар. Осы теңіздің 18 учаскесімен 20 көлдің 17 көлін табиғат пайдаланушыларға ұзақ мерзімге берілген, 3 көліміз резервте. &nbsp;Кіші Арал теңізінде балықтың 19 түрі мекендейді, кәсіпшілік балық аулау мақсатында балықтың 16 түрі ауланаған. &nbsp;Балық аулау кезеңі ағымдағы жылдың 1 шілдесінен келесі жылдың 1 шілдесіне дейін есепке алынады, сондықтан 2022 жылдан 2023 жылға дейін, Кіші Арал теңізінен 6924 тонна, Қамыстыбас және Ақшатау көлдер жүйесіне 477 тонна, сонда аудан бойынша барлық лимит 7401 тонна болып бекітілген. Ауланған балық &nbsp;жылға 6651тонна болса, өңделген балық жылға 2071тонна.Биылғы жыл басынан бергі мәліметі бойынша 1278,9 тонна балық өнімдері экспортқа шығарылып, оның ішінде Ресей, Польша, Германия, Австрия, Венгрия, Грузия, Азербайджан елдеріне экспортталуда. &nbsp;Балық шаруашылығын дамытудың 2021-2030 жылдарға арналған өңірлік бағдарламасы бекітілген болатын. Бекітілген бағдарламада ауданға қатысты тауарлық балық өндірісін ұлғайту үшін 7 тауарлы көліміз тізімге енгізілді. Атап айтатын болсақ «Ақшатау-Сорғақ», «Домалақ», «Тұщы», «Қаракөл», «Алаша», «Ақбілек» және «Шөмішкөл» көлдері.Қазіргі таңда осы бағдарламаны іске асыру шеңберінде тізімге енгізілген көлдердің каналдарын тазалау, қажетті жерлерге гидротехникалық құрылыстарын салу және электр желілерін жеткізу бойынша әкімдік тарапынан жұмыстар жүргізілуде.&nbsp;Мелиоративтік жұмыстар жүргізілетін көлдердің ішінен «Ақшатау-Сорғақ», «Шөмішкөл» және «Домалақ» көлдеріне құятын каналдарға гидро техникалық құрылғылардың құрылысы салынатын жерлері анықталып координаттары алынды. Аудандық бюджеттен 1,5 млннан астам қаржы бөлініп, тиісті құжаттары рәсімделді. Одан әрі кезең кезеңмен шаруашылық құқығындағы табиғат мемлекеттік коммуналдық кәсіпорынына өткізілді уақытша мерзімге.Қызылорда облысында балық шаруашылығын дамыту үшін, 45 су айдындарының ішінде Арал ауданына қатысты «Ақшатау-Сорғақ», «Қаракөл», «Алаша», «Тұщы», «Домалақ», «Шөмішкөл» және «Ақбілек» көлдеріне жобалау сметалық құжаттарын әзірлеу және электр желілерін жүргізу бойынша жауаптылық жүктелген.Тізімге енгізілген 7 көлге ЖСҚ (жобалау сметалық құжаттарын) әзірлеу және электр желілерін жүргізуге байланысты, жобалау іздестіру жұмыстары (ПИР) жүргізілді.2023 жылға аудан бойынша барлығы 1500 гектар жерге егіс егуді межеледік. Оның ішінде: 21 гектар картоп, 87 гектар көкөніс, 342 гектар бақша, 238 гектар ескі жоңышқа, 460 гектар жаңа жоңышқа және &nbsp;352 гектар басқа дақыл түрлері.Бүгінгі күнге, жеке, заңды және шаруа қожалықтары бойынша барлығы 1010,3 гектар жерге түрлі ауыл шаруашылығы дақылдары орналастырылды. Атап айтқанда: 22,9 &nbsp;га картоп, 99,15 га көкөніс, 363,77 га бақша, 177,25 га ескі жоңышқа және 347,25 &nbsp;га жаңа жоңышқа дақылдары.&nbsp;Осы егілген егістің 689,7 га шаруа қожалықтарында, 105,9га заңды тұлғаларда және 214,72га жеке қожалықтарына тиесілі. Ауданда егін егуді қолға алу, өз-өзімізді ішкі өніммен қамтамасыз ету бойынша Арал ауданына 76 гектар жерге егін &nbsp;отырғызу межесі толығымен орындалды.Сонымен қатар, 489,7 гектар жерге күздік дақылдар орналастырылатын болады. &nbsp; 2023 жылға вегетациялық кезеңін нәтижелі өткізу және ауыл шаруашылығы тауарын өндірушілерді сумен қамтамасыз ету үшін егіс егетін ауыл шаруашылығы құрылымдарына суды тиімді пайдалану, суды аз қажет ететін дақылдарға көшу, суды аз қажет ететін технологияларды пайдалану, оның ішінде: жаңбырлатып суару, тамшылатып суару, насоспен суару және кезектестіріп суару бойынша түсіндірме жұмыстары жүргізілді.Сондай-ақ, өз-өзімізді азық-түлік өнімдерімен және мал азықтық шөппен қамтамасыз ету үшін 2023 жылға егістік жерлерді ұлғайту бойынша Ақирек, Аманөткел, Қосжар және Қаратерең ауылдық округтерінің жер учаскелеріне далалық өлшеу жұмыстары жүргізіліп, конкурс тәсілімен жалпы көлемі 774 гектар жер учаскелері шаруашылықтарға табысталды."Дипломмен ауылға!" бағдарламасы бойынша 2023 жылы ауылдық елді мекендерге жұмыс істеуге және тұруға келген мамандарға бір жолғы көтерме жәрдемақы алуға 11730,0 мың теңге қаржы бөлініп 34 маманға әлеуметтік қолдау шаралары ұсынылды. Тұрғын үй сатып алуға бюджеттік кредит рәсімдеуге 12 маманға 62100,0 мың теңге қаржы бөлініп, қаржылық жоспарға сәйкес бюджеттік кредит ұсыну маусым айына жоспарланған.Арал аудандық ауыл шаруашылығы мен жер қатынастары бөлімінде 2023 жылдың 6 ай бойынша бір қатар жұмыстар атқарылды. Бөлімнен жыл басынан бері барлығы 199 жерге орналастыру жобаларын бекіту туралы бұйрықтар қабылданды, 34 азаматтың тұрғын үйінің жер учаскесін бөлу туралы бұйрық, 7 азаматтың жер учаскелерін біріктіру туралы бұйрық, жер учаскесінің бөлінетіндігін айқындау туралы 4 бұйрық қабылданды, 51 жеке және заңды тұлғалардың жер учаскесін сату - сатып алу шартын және 119 жер учаскесін жалға беру шартын жасап беруді сұраған. Бөлім арқылы 2023 жылы ауыл шаруашылығы мақсатындағы жер учаскелері конкурсқа шығару мақсатында жерге орналастыру жобаларын дайындау үшін аудандық бюджеттен 5141,0 мың теңге бөлініп, аудан бойынша 2023 жылы ауыл шаруашылығы айналымына өлшеу жұмыстары жүргізілуде.2023 жыл басынан 5 рет аудандық жер бөлу комиссиясы отырысы болып, &nbsp;барлығы 295 жер сұраған жеке және заңды тұлғалардың &nbsp;өтініштері мен хаттары қаралып, оның ішінде: 220 өтініш оң қорытындысын алса, әр түрлі себептермен 75 &nbsp;азаматтардың өтініштерін қанағаттандырудан бас тартылса, 246 өтініш есепке алынды.

Аралда 1278,9 тонна балық өнімдері экспортқа шығарылды

<a href="https://kyzylorda-news.kz/ru">Kyzylorda-news.kz.</a>&nbsp; «Салық және бюджетке төленетін басқа да міндетті төлемдер туралы» Қазақстан Руспубликасының Салық кодексіне сәйкес 2021 жылдың 1 - қаңтардан бастап Салық кодексінің «Жалпыға бірдей декларациялау» 71-тарауы қолданысқа енгізілді. Елімізде жалпыға бірдей декларациялауға кезең-кезеңімен жүргізілуде. Бірінші кезең 2021 жылдың 1 қаңтарында басталды, екінші кезең – 2023 жылы 1 қаңтарда, үшінші кезең – 2024 жылы 1 қаңтарда және төртінші кезең – 2025 жылдан бастап енгізіледі. Жалпыға бірдей декларациялау төңіргінде халыққа заңдылық жолдарын түсіндіру үшін сала маманының пікірін білген едік.<blockquote>– Бірінші кезеңде кіріс декларациясын жауапты мемлекеттік лауазымды атқаратын адамдар мен олардың жұбайлары тапсырады, мемлекеттік функцияларды орындауға уәкілеттігі бар адамдар және олардың жұбайлары, мемлекеттік функцияларды орындау уәкілеттігі бар адамдарға теңестірілген адамдар мен олардың жұбайлары, «Қазақстан Республикасындағы сайлау туралы» ҚР Конституциялық Заңына және «Сыбайлас жемқорлыққа қарсы іс-қимыл туралы», «Қазақстан Республикасындағы банктер және банк қызметі туралы», «Сақтандыру қызметі туралы», «Бағалы қағаздар нарығы туралы» ҚР Заңдарына сәйкес декларация тапсыру міндеті жүктелген адамдар тапсырады. Арал ауданы бойынша бірінші 250 нысанды декларацияны 265 тұлға, ал екінші 270 нысанды декларацияны 1785 адам тапсырды, – дейді Арал ауданы бойынша Мемлекеттік кірістер басқармасы басшысының орынбасары Асылбек Ағыбаев.&nbsp;</blockquote>Әкімдіктер мен мәслихат қызметкерлері – барлығы декларация тапсырады. Сонымен бірге оларға теңестірілген тұлғалар – квазимемлекеттік сектор басшылары, яғни барлық ұлттық компаниялардың басшылары да өз жұбайларымен бірге декларация тапсыруы тиіс. Маманның айтуынша, мектеп директорлары – квазимемлекеттік сектор басшылары болып саналады. Себебі мектептер мемлекеттік мекемелерге жатады. Сондықтан мектеп директорлары да декларация тапсыратын болады.&nbsp;<blockquote>– Екінші кезеңде – 2023 жылы барлық квазимемлекеттік сектор тартылады. Барлық мемлекеттік мекемелердің қызметкерлері мен олардың жұбайлары, квазимемлекеттік сектор субъектілері мен олардың өмірлік жолдастары және ұлттық компаниялардың қызметкерлері декларация тапсыруға міндетті болады. 2023 жылдан бастап – мұғалімдер мен медбикелер де декларация тапсырады, өйткені олар мемлекеттік мекемелердің қызметкерлері, ал мектептер мен ауруханалар – мемлекеттік мекемелер болып саналады. Ал квазимемлекеттік секторлар дегеніміз – мемлекеттің қатысу үлесі бар барлық компаниялар мен холдингтер, – деді А.Ағыбаев.&nbsp;</blockquote>Бір ескеретін жағдай, декларация тапсырмаған жағдайда ең алдымен Әкімшілік кодексте ескерту қарастырылған. Егер бір жыл ішінде құқық бұзушылық тағы тіркелсе, 3 АЕК көлемінде айыппұл төлеуі мүмкін. Бірақ бұл салыстырмалы түрде аз. Мұның бәрі адамдардың осы процесті үйренуі үшін жасалған. Содан кейін тиімді шаралар қабылдай бастайды. Үкімет халықты бұл жаңалыққа біртіндеп үйреніп кетеді деп есептейді.&nbsp;<blockquote>– Декларацияны барлық кәмелетке толған тұлғалар, Қазақстан Республикасының азаматтары, қандастар, тұруға ықтиярхаты бар адамдар, Қазақстан Республикасының резиденті болып саналатын шетелдік азаматтар немесе азаматтығы жоқ адамдар ұсынады. Сонымен бірге резидент емес шетелдіктер немесе азаматтығы жоқ адамдардың ҚР аумағында тіркелген мүлкі немесе ҚР аумағындағы тұрғын үй құрылысына қатысу үлесі болса – яғни, біздің елімізде қандай да бір мүлкі бар адамдар да декларация тапсыруы тиіс. Егер кәмелетке толмаған қазақстандықтың меншік құқығында Қазақстан Республикасынан тыс жерде мүлкі тіркелсе, Қазақстанда да, Қазақстан Республикасынан тыс жерлерде де үлестік қатысу шартымен жылжымайтын мүлік құрылысында үлесі болса, шетел банктеріндегі банк шоттарында 1000 АЕК жоғары сомада ақша болса және нотариалды куәландырылған дебиторлық кредиторлық берешек болса — декларация тапсыруы тиіс. Олар үшін заңды өкілдері – ата-аналар немесе қамқоршылар өкілдік етеді, – деп түсіндірді сала маманы.&nbsp;</blockquote>Активтер мен міндеттемелер туралы декларация тапсырған соң, жыл сайынғы декларацияны тапсыруыңыз керек. Бұл мемлекеттік қызметшілер үшін жыл сайынғы міндет делік. Ал халықтың басқа санаттары жыл сайын тапсырмайды. Егер шетелдік активтер мен кірістер болса немесе активтер қозғалысы болған жағдайда декларация ұсыну қажет болады. Мәселен, дәрігер ауруханада жұмыс істейді және тек дәрігер ретінде жалақы алады делік. Ол алдымен 2023 жылы кіріс декларациясын ұсынады. Егер ол ауруханада тұрақты жұмыс істесе және басқа кірісі болмаса, мүлікті жалға бермесе, шетелде активтері болмаса, дәрігер жыл сайын декларация тапсырмайды. Бірақ, кенеттен бұл дәрігер 2026 жылы пәтер сатып алса, сол жыл үшін декларация тапсыруы керек және пәтер сатып алғанын және оны қандай көздерден сатып алғанын көрсетуі керек.&nbsp;<blockquote>– Активтер мен міндеттемелер туралы декларацияда шет мемлекетте тіркелген мүлікті көрсету қажет. Бұл толығымен жылжымайтын мүлік, жер учаскелері, жер үлесі, әуе-теңіз кемелері, ішкі суда жүзетін кемелер, көлік құралдары, арнайы техника немесе тіркемелер болуы мүмкін. Ал шет мемлекеттерде тіркелген жылжымайтын мүлік пен көлік көрсетілуі керек екені түсінікті. Егер Қазақстанда пәтер немесе көлік болса, оны көрсетудің қажеті жоқ. Біз бұл көрсеткішті әдейі алып тастадық, өйткені біз бұл мәліметтерді көріп отырмыз. Ол үшін ақпараттық жүйелер бар және кімнің тіркелгенін көреміз. Сондықтан шетелдік мүлікті ғана көрсету керек. Қазақстан бойынша банктік шоттардағы ақшаны да көрсетудің қажеті жоқ. Қазақстан аумағынан тыс жерлердегі шетелдік банктердегі банк шоттарындағы барлық салымдар бойынша 1000 АЕК-тен асатын қаражатты көрсету керек. ҚР аумағынан тыс құрылған заңды тұлғаның жарғылық капиталына қатысу үлесін, бағалы қағаздар, туынды қаржы құралдары, инвестициялық алтын, авторлық құқық, зияткерлік меншік нысандары – осының бәрін Қазақстанда да, ҚР шегінен тыс жерлерде де көрсету қажет. 10 000 АЕК мөлшеріндегі шектен аспайтын қолма-қол ақша көрсетіледі. Нотариалды куәландырылған дебиторлық берешек көрсетіледі. Ал қазақстандық банктерден алынған несиелерді көрсетудің қажеті жоқ, – дейді А. Ағыбаев.&nbsp;</blockquote>Сондай-ақ активтер мен міндеттемелер туралы декларацияда жеке тұлғаның қалауымен құны 1000 АЕК-тен асатын мүлік болса, оны бағалау қажет және декларацияда да көрсетуге болады. Одан бөлек, мемлекеттік қызметшілерге қатысты активтер мен міндеттемелер туралы декларацияда: егер адам мүлкін "Сыбайлас жемқорлыққа қарсы іс-қимыл туралы" заңға сәйкес, сенімгерлік басқаруға берсе, кімге және қандай мерзімге және дәл нені сенімгерлік басқаруға бергендерін көрсететін болады. Айталық, егер белгілі бір мемлекеттік қызметшінің коммерциялық жылжымайтын мүлкі болса және оны сенімгерлік басқаруға берсе, ол декларацияда қандай мүлікті бергенін және қандай мерзімге бергенін көрсетеді. Еске сала кететін бір мәселе бар. Декларациялауға қатысты сауалдар болса орталық кеңсеге келіп, кез келген адам толық ақпарат ала алады. Бұл үшін қызметкерлер жауап беруге әркез дайын.

Декларация: Кімдер, қалай тапсырады?

<a href="https://kyzylorda-news.kz/">Kyzylorda-news.kz.</a>&nbsp; Мемлекет басшысы Қасым-Жомарт Тоқаев «Әділетті мемлекет. Біртұтас ұлт. Берекелі қоғам» атты Жолдауында: «Интернет жəне телефон арқылы жасалатын алаяқтық əрекеттерге айрықша назар аудару керек. Құқық қорғау органдары мұндай қатерлерді анықтап, қылмыскерлерді құрықтау үшін ақпараттық-сараптама жұмысын күшейтуі қажет. Сондай-ақ азаматтардың құқықтық жəне қаржылық сауатын жүйелі түрде арттырған жөн»-деген болатын. Технология дамып, ұялы телефон арқылы кез келген дүниеге оңай қол жеткізетін мына заманда кей адамдар жұмыс істемей-ақ табыс табуды қалайды. Соның бірі интернет алаяқтықпен айналысатын адамдар болып отыр.&nbsp;Қаржы пирамидасы деген секілді дүниелер бүгінгі заманның басты дертінің бірі екендігі анық. «Оңай қаражат табасың, тек бастапқы ақшасын салсаң болды» деген сөздерге сеніп қалатын қазақ бауырларымыз кейін өкінішпен сот көмегіне жүгініп жатады.Жалпы мұндай алаяқтықтың ең көп тараған түрі – арнайы дүкен сайттарынан тауар алу. Яғни, қандай да бір интернет дүкеннен арзан бағада сатылымда тұрған өзіне ұнаған тауарларды көп мөлшерде таңдаған сатып алушы төлемді толығымен жасайды. Ал кейін тауарлары келмей, әлгі дүкенмен байланыса алмай қалып жатады. Тағы бір сауда түріндегі алаяқтықты айта кеткеніміз жөн. Азамат өз көлігін сатылымға шығарып, интернетке жариялайды. Бұл хабарландыруды көрген алаяқтар көлігін сатушы азаматқа хабарласып, көлікті алатындығын және қатты ұнап тұрғандығын айтады. Енді сатушы азамат келіп көруді ұсынған сәтте, «басқа елде жүр едім немесе қалада емес едім, бастапқы ақшасын төлеп қояйын. Ешкімге сатып жібермеңіз, екі-үш күнде барамын» деп сендіреді. Бұл сөздерге сенген азамат өзінің банк карточкасының нөмірін айтады. Сәлден соң әлгі алаяқ сатушы азаматқа хабарласып, ұялы телефонына құпия сөзі бар сандық хабарлама келетіндігін және сол құпия сөздерді айтып жіберуін өтінеді. &nbsp;Кейін банк карточкасында тұрған қаражатқа алаяқ оп-оңай қол жеткізеді. Осылайша сатушы азамат өзінің алданғанын түсінеді. Негізі интернет-банкингті пайдаланатын азаматтар жақсы біледі. Яғни, түрлі операцияларды орындаған кезде банк код жібереді де, соңына «Жіберілген кодты ешкімге бермеңіз!» деп жазады. Дегенмен келген құпия сөзді алаяққа айтып, өкініп қалып жатады. Себебі келген құпия сөз арқылы сатушы азаматтың интернет-банкингіне кіріп, оның есеп-шоты арқылы өзі қалаған операцияны жасай алады.Сонымен бірге алаяқтық жолмен қайыр сұрау түрі де бар екендігін ескере кеткеніміз жөн. Алаяқтықтың бұл түрінде әлеуметтік желідегі танымал адамдардың атынан мұқтаж жандарға көмек көрсету секілді түрлі жарнамалар салады. Алаяқтар арнайы қайырымдылық қорының сайтының немесе аккаунтының көшірмесін жасайды. Көбіне азаматтар мұның жалған парақша екендігін білмей қалады. Сол үшін көмек көрсеткісі келген адам алдымен сол қордың иесімен сөйлесіп, есепшот нөмірін тексеріп алуы қажет.Айта берсек интернет алаяқтықтың түрі көп. СМС арқылы да «сіз шетелге жолдама алдыңыз немесе сіз біздің қосымша арқылы көлікке ие болдыңыз» деген секілді хабарламалар жібереді. Мәселен, алдымен алаяқтар «сіз бізден тауар алғаныңыз үшін көлікке ие болдыңыз» деп хабарлайды. Тек ол сөз емес «сізге ұтысты жеткізу үшін он мың теңге төлеуіңіз қажет» деп, QIWI-әмиянмен ақшаны салуы керектігін айтады. Ал сәлден соң «біз қателесіппіз, он мың теңге тек рәсімдеу үшін ғана екен. Жол шығыны он бес мың теңге» деп сендіреді. Ал сенген азамат болса, сол қаражатты аударады. Мұнан кейін алаяқтар сендіру мақсатында азаматтың мекенжайы мен өзі туралы толықтай сұрап алады. Уақыт өте түрлі сылтаулар айтып, жеткізу үшін қаржылық мәселелер туындап жатқандығын жеткізіп, ақша сұрай бастайды екен. Қайта-қайта ақша аудара берген азамат күдікпен қарап, енді хабарласудың қажеті жоқ екендігін айтады. Әрі қарай сенбейтінін білген алаяқтар өздері-ақ хабарласуды тоқтатады. Ал қайта хабарласар болсаңыз, телефоны сөндірулі болады.<blockquote>–Бүгінгі күні өзекті мәселелердің біріне айналған – осы интернет алаяқтық. Мұның алдын алу бойынша елімізде көптеген жұмыстар жасалып жатқаны белгілі. Дегенмен мұндай алаяқтық саны азаймай тұр. Жалпы аудан бойынша өткен 2022 жыл көлемінде 17 алаяқтық іс тіркелді. Оның ішінде 11-і интернет салдарынан болып отыр. Сонымен бірге 2022 жылы Арал аудандық полиция бөлімінің Facebook әлеуметтік желі парақшамызда алаяқтықтың алдын алу бойынша азаматтарға ескертпе ретінде 22 пост салынды. Ал осы 2023 жылдан бүгінге дейін аудан бойынша 2 алаяқтық іс тіркелді. Оның біреуі осы интернет алаяқтық болып отыр. Facebook әлеуметтік желі парақшамызда 4 пост салынды. Қала көшелерінде «Лэд экраннан» ескертпе жұмысы бір апта көрсетілді. Алдағы уақытта тағы да «Лэд экран» арқылы ескертпе жұмыстары жасалатын болады. Елді мекендерде де арнайы қызметкерлеріміз тұрғындарға ескертпе жұмыстарын жүргізіп келеді. Біздің бөлім алаяқтық істерді тергеп, сотқа жібереді. Кейін жәбірленуші мен алаяқтың арасындағы мәселе осы сот арқылы шешімін табады. СМС кодтар арқылы алдайтын алаяқтар баршылық. Естеріңізге сала кетсек, банктер болсын, құқық қорғау органдары болсын ешқашан сізге телефонмен хабарласып, құпия мәлімет сұрамайды. Егер қажет болған жағдайда банктен өзіңізге хабарласып, қандай да бір мәселені талқылау үшін арнайы бөлімшелеріне шақырады. Себебі ұялы телефон арқылы мұндай мәселелер шешілмейтіні анық,–дейді Арал аудандық полиция бөлімі криминалдық полиция бөлімшесінің аға жедел уәкілі, полиция капитаны Айдар Ембергенов.</blockquote>Айтуынша, алаяққа тап болған сәтте онымен дауласпай, қарым-қатынасты созу қажет. Егер азамат төлем жасаған жағдайда терминалмен төленген чектерді, әлеуметтік желіде сөйлесілген диалогты сақтауы керек. Осы тұста дереу құқық қорғау органдарына жүгінгені жөн. Азамат берген мәліметтер арқылы мамандар алаяқты табады.Иә, интернет алаяқтық саны күн өткен сайын көбейіп бара жатқаны рас. Ал оған алданып жатқан халық та жетерлік. Сол үшін келешек жастардың құқықтық және қаржылық сауаттылық жөнінде білімін кеңейтіп, заң талаптарына бағындырғанымыз дұрыс. Қай жағдайда қалай әрекет етуі керектігін білген адам алданып қалмасы анық.

Президент тапсырмасы құзырлы орган назарында

Тарихы кенен Жалағаш

<a href="https://kyzylorda-news.kz/ru">Kyzylorda-news.kz.</a> Бүгін Жалағаш ауданының әкімі Асқарбек Есжановтың төрағалығымен аудан әкімдігі жанындағы құқық бұзушылық профилактикасы жөніндегі ведомствоаралық комиссия отырысы өтті.Комиссия отырысында жасөсіпірімдермен және оларға қарсы жасалатын қылмыстардың алдын алу және пробация есебіндегі сотталғандармен құқық бұзушылық профилактикасы бағытындағы жұмыстар туралы мәселелер қаралды.Күн тәртібінде қаралған бірінші мәселе бойынша аудандық полиция бөліміне жасөспірімдермен жасалатын қылмыстарды болдырмау және оның алдын алуға бағытталған профилактикалық және профилактикалық есепте тұрған жасөспірімдермен жеке адрестік жұмыстарды күшейту тапсырылды.Жалағаш ауданының полиция бөлімі, Жалағаш ауданы бойынша білім бөлімі және Жалағаш индустриалды-аграрлық колледжі бірлесе отырып, жасөспірімдердің қауіпсіздігін қамтамасыз ету бойынша күшейтілген шаралар қабылдау, кәмелетке толмағандар және жастар арасындағы құқық бұзушылықтың алдын алу бағытындағы рейдтік жұмыстарды тұрақты ұйымдастыру қажеттігі ескертілді.Комиссия отырысында қозғалған екінші мәселе бойынша Жалағаш аудандық жұмыспен қамту және әлеуметтік бағдарламалар бөліміне бұрын сотты болғандарды, оның ішінде пробациялық бақылау есебінде тұратын азаматтарды жұмыспен қамту және оларға әлеуметтік көмек көрсетуде атқарылып жатқан жұмыстарды жандандыру тапсырылды.Жалағаш ауданының полиция бөлімімен, кент және ауылдық округ әкімдерімен бірлесіп, пробация қызметіндегі тұлғалардың қоғамға бейімделуіне, заң талаптарын сақтауға, еңбекке және өзге де қоғамға пайдалы қызметпен айналысуға, білім деңгейі мен мәдени деңгейін арттыруға бағытталған шараларды қабылдап, оларды еңбекке баулу және әлеуметтік көмек түрлерімен қамтамасыз етуді тиімді түрде жүзеге асыру, пробация қызметінің есебінде тұрған және бас бостандығынан айыру орындарынан босатылған адамдар үшін белгіленетін жұмыс орындары квоталарының толық орындалуын қамтамасыз ету қажеттігі айтылды.

Жалағашта комиссия отырысы өтті

<a href="https://kyzylorda-news.kz/ru">Kyzylorda-news.kz.</a>&nbsp; Қызылордалық бухгалтер Айман Абдиева хоббиін кәсіпке айналдырған жан. 4 баласы бар ана бүгінде «Aiman Abdi QAZAQBREND» сән үйін ашып, 5 адамды тұрақты жұмыспен қамтып отыр. Сұранысқа ие өнімдерінің бірі – ұлттық нақыштағы бомберлер.Айман бала күнгі хоббиі кәсіпке айналады деп ойламағанын айтады. Бала күтімімен демалыста отырған сәтінде тігінші танысы берген үш метр матадан балаларға арналған бірнеше қамзол тігіп, әрлеп көреді. Ұлттық нақыштағы дүниелер заматында-ақ өтіп кетеді. Осылайша болашақ кәсіпкердің алғашқы айналым қаражаты пайда болады.<blockquote>«Бұл 2017 жыл болатын. Сол уақыттан бастап тұрақты тапсырыстың болғанына қарамастан қызығушылығымды кәсіпке айналдыруға асықпадым. Мамандығым – бухгалтер. Мамандығым бойынша жұмыс істей берді. Тек екі жыл өткеннен кейін ғана кәсібімді ресми тіркедім. Оған дейін бизнесті жүргізудің қыр-сырын меңгердім. Қызылорда облысының кәсіпкерлер палатасы арқылы Іскер әйелдер кеңесімен таныстым. Осы кеңес арқылы түрлі тегін курстарға қатысып, дамыдым», – дейді жас кәсіпкер.</blockquote>Ол салт-дәстүрлерге қажет ұлттық киімдер тігумен айналысады. Әсіресе балалардың тұсау кесер және сүндет тойына арналған киімдерге жиі тапсырыс түседі.<blockquote>«Кішкентай балаларға киім тіккен ұнайды. Олардың аурасы ерекше. Оның үстіне киімді алуға көбіне ата-әжесі келіп, батасын бергенде шатыттанып кетемін. Осындай сәтте маған киім сатқаннан гөрі, эмоция сыйлаған маңызды екенін түсінемін. Сол үшін әр тапсырысқа асқан жауапкершілікпен қараймын», – дейді Айман Абдиева.</blockquote>Жас кәсіпкер өткен жылы «Қазақстанның үздік тауары - 2022» өңірлік көрме-байқауына қатысып, жеңімпаз атанады. Бұл байқау кәсібін сенімді жүргізуге мотивация бергенін атап өтті.<blockquote>«Былтыр өңірлік байқаудың жеңімпазы ретінде республикалық кезеңге қатыстым. Жүлде алмасам да, өзге кәсіпкерлермен, тауарөндірушілермен таныстым. Сол жылы «Даму» арқылы жеңілдетілген несие алып, сән үйіне ғимарат сатып алдым», – дейді ол.</blockquote>Ол ұлттық киімдердің қолданыс аясын кеңейту үшін жаңа өнімдер әзірлеуде. Кішкентай баладан бастап кез келген жастағы адамдарға арнап тіккен ұлттық нақыштағы бомберлері бүгінде &nbsp;сұранысқа ие өнімдердің біріне айналды.<blockquote>«Соңғы кезде орта жастағы қыз-келіншектер мен ер азаматтар да ұлттық нақыш элементтері қосылған күз-көктемдік сырт киімдерге жиі тапсырыс бере бастады. Жалпы ұлттық нақышты күнделікті қолданыстағы киімдерге қолдану трендке айналып келе жатыр. Бұл тамаша тенденция», – дейді кәсіпкер Айман Абдиева.</blockquote>Айман енді ұлттық киімдер тігетін фабрика ашуды мақсат етіп отыр. Кәсіпкердің өнімдерімен мына жерден таныса аласыздар https://www.instagram.com/aiman_abdi_qazaqbrand/&nbsp; &nbsp;<figure class="image"><img src="https://knadmin.beoblood.kz/uploads/6f81c36a_54e0_4981_b327_63c0453aeddb_3f7f339d1a.jpg" alt="6f81c36a-54e0-4981-b327-63c0453aeddb.jpg"></figure>&nbsp;<figure class="image"><img src="https://knadmin.beoblood.kz/uploads/f28653e2_706e_4604_81fb_2229c3fc3469_02151a9e3e.jpg" alt="f28653e2-706e-4604-81fb-2229c3fc3469.jpg"></figure>&nbsp;<figure class="image"><img src="https://knadmin.beoblood.kz/uploads/f4ef1b37_dca2_400f_8d45_51c6d879863e_edae06b655.jpg" alt="f4ef1b37-dca2-400f-8d45-51c6d879863e.jpg"></figure>

Қызылордалық көпбалалы ана ұлттық нақышта бомберлер тігеді

<a href="https://kyzylorda-news.kz/ru">Kyzylorda-news.kz.</a> Облыс әкімі Нұрлыбек Нәлібаев кезектілік тәртібімен жазылған азаматтарды қабылдап, оларды толғандырған мәселелерді, ұсыныс-пікірлерін тыңдады. Бүгінгі жеке қабылдауға 11 адам келді және 1 азамат өтінішін Zoom қосымшасы арқылы онлайн форматта жеткізді.Қабылдауға келген тұрғындардың басым бөлігі тұрғын үй алу және жұмысқа орналасу мәселелерін көтерді.Облыс әкімі азаматтардың мәселелері жіті зерттелетінін, шешімі заң талаптарына сәйкес қарастырылатынын жеткізді. Кейбір сұрақтар бойынша жауапты тұлғалар заң аясында түсіндірме беріп, шешу жолдарын ұсынды.Атап айтқанда, 68 жастағы қала тұрғыны «Саяхат» ықшам ауданының 7 көшесіне табиғи газ тарту мәселесін көтерді. Зейнеткерге газдандыру бойынша жоба әзірленгені, алдағы уақытта жұмыстар қолға алынатыны түсіндірілді.Ал 59 жастағы қала тұрғыны аймақ басшысына «Ягодка» саяжайына жол жүргізілгені үшін алғысын білдірді. Саяжайға қатынайтын қоғамдық көлік мәселесін шешуге қолдау сұрады. Қазір бұл жаққа № 18 маршрут бекітілгенімен, үлкен сыйымдылықтағы автобустар жолға сыймайды. Сондықтан осы бағытқа микроавтобус жіберу тиімді екенін айтты. Өтініш зерттеліп, нәтижесі қосымша хабарланады.Айта кетейік, тұрғындар облыс әкімінің қабылдауына egov.порталы, е-otinish бірыңғай базасы немесе әкімдікке келіп жазбаша өтініш тастау арқылы жазыла алады.<figure class="image"><img src="https://knadmin.beoblood.kz/uploads/363344328_584198087234773_1551212428088580587_n_23d3b83c44.jpg" alt="363344328_584198087234773_1551212428088580587_n.jpg"></figure>&nbsp;<figure class="image"><img src="https://knadmin.beoblood.kz/uploads/363345473_584197973901451_1974062918443383562_n_2ac7568934.jpg" alt="363345473_584197973901451_1974062918443383562_n.jpg"></figure>

Облыс әкімі тұрғындардың жеке мәселелерін тыңдады

<a href="https://kyzylorda-news.kz/ru">Kyzylorda-news.kz.</a> Ішкі істер органдарының қылмыспен күресте басым бағыттарының бірі кезекші тәулікте қылмыстарды ізін суытпай ашу және қылмыстың алдын алу профилактикасы болып табылады. Бұл ретте Жалағаш аудандық полиция бөлімі қызметкерлері табанды еңбек етіп, қылмысты ізін суытпай ашуда, қылмыстың алдын алуда, жалпы, қоғам тәртібін сақтап, тұрғындар қауіпсіздігін уақытпен санаспай күзетіп, жүйелі жұмыс жасап келеді.&nbsp;Жалағаш ауданында 2023 жылдың &nbsp;6 айында орын алған жалпы тіркелген қылмыстардың саны өткен жылмен салыстырғанда &nbsp;65-тен 57-ге, яғни 8 қылмыстық құқық бұзушылыққа немесе 12,3 пайызға төмендеп, ашылу көрсеткіші былтырғы жылмен салыстырғанда 72 пайыздан &nbsp;83,6 пайызға, яғни 11,6 пайызға жақсарды. Жергілікті полиция қызметімен ағымдағы жылдың 6 айында &nbsp;барлығы 2 220 әкімшілік құқық бұзушылықтар &nbsp;анықталған, өткен жылмен салыстырғанда 71,2 пайызға өскен, оның ішінде мүлдем төзбеушілік қағидаты бойынша 984 әкімшілік хаттама анықталып рәсімделген.Жалағаш ауданында тонау қылмысының тіркелуі 1 қылмысқа &nbsp; өсім &nbsp;алып, өндіріспен аяқталған. Ашылу көрсеткіші өткен жылмен салыстырғанда 100 пайызды құрауда. Бұзақылық қылмысының тіркелуі 50 пайызға, яғни 3-тен 4-ке, 1 қылмысқа өсім алып, өндіріспен аяқталған. Ашылу көрсеткіші өткен жылмен салыстырғанда 50 пайызды құрауда. Орын алған 4 қылмыстың 1 дерегі полиция қызметкерлеріне қарсылық көрсету барысында орын алған, 2 дерегі «Ақжол» мерамханасының қасында &nbsp;орын алған, 3-ші дерегі жасөспірімдер арасындағы топтық төбелес, 4-сі УАЗ автокөлігін есік алдында тұрған терезесін белгісіз тұлғалар сындырған. Қазіргі таңда 3-еуі ашылған 1-еуі ашылмаған. Қылмыстың орын алған аймақтарына қылмыстық картаға сәйкес жасақтар дұрыс орнатылып, күшейтіліп жұмыс атқаруда.Қоғамдық орында жасалған қылмыстардың тіркелуіне келсенк, 8-ден 14-ке, яғни 75 пайызға өсім алған. Көшелерде жасалған қылмыстардың тіркелуі &nbsp;5-тен 10-ға, яғни 100 пайызға өсім алған.Орын алған 10 қылмыстың 3-еуі полиция қызметкерлеріне қарсылық көрсету және тәртіп сақшыларымен анықталған қылмыстар болып табылады. &nbsp; &nbsp;Көше және қоғамдық орындарда орын алған қылмыстардың алдын алу &nbsp;мақсатында кентте орналасқан кафе, мейрамхана, базарлар маңында, &nbsp; орталық алаң, саябақтарда қосымша полиция нарядтары шығарылып, профилактикалық жұмыстар күшейтілген түрде үнемі жүргізілуде. &nbsp; &nbsp;Сонымен қатар талдау нәтижесінде, көше мен қоғамдық орында орын алған қылмыстары жасырын &nbsp;ұрлық болып отыр, яғни тұрғындардың көбіне өз жеке мүліктерін қоғамдық орындарда қараусыз қалдыруынан орын алған.Жалағаш ауданында қылмыстың алдын алу бағытында «құқық тәртіп» ЖПІШ бірнеше рет өткізілді. Мас күйінде жасалған қылмыстардың тіркелуі- 4-тен 11-ге, яғни 175 пайызға өсім алды. Орын алған қылмыстарды талдау барысында олардын 5 дерегі полиция қызметкерлеріне өз қызметтік міндеттерін атқару барысында мас қүйінде қарсылық көрсеткен деректері болып отыр. Алдын алу бағытында ӘК 440 бабына сәйкес 53 (2022-13) хаттама рәсімделіп, 9 азамат маскүнемдер есебіне алынып, УПИ-нің түсіндірме жұмыстарынан кейін 13 тұлға облыс орталығына маскүнемдіктен емделуге жолданса, 2 тұлға мәжбүрлеп емделуге жолданған.Бұрын сотты болғандармен жасалған қылмыстар 100 пайзға төмендеген былтыр мұндай 2қылмыс орын алса, биыл мүлде орын алмаған. Ал рецедивпен жасалған қылмыстар орын алмаған. Бұрын қылмыстық жауапкершілікке тартылғандармен жасалған қылмыстардың тіркелуі 16-дан 24-ке, яғни 50 пайызға жоғарылаған. Дегенмен қылмыстық жауапкершілікке тартылғандармен жасалатын қылмыстардың алдын алу мақсатында аудан &nbsp;көлемінде «Пробация», «Есептегі», «Профилактикалық апталық», «Тұрмыс», «Құқық тәртіп» іс-шаралары ұйымдастырылып, әкімшілік аймақтардың бұрын сотты болған адамдардың мекен-жайларынан фотосуретке түсу арқылы тексеріліп, олармен профилактикалық мәні бар жұмыстар жүргізілуде.Бұл санатты қылмыстардын алдын алуда ҚР «Құқық бұзушылық профилактикасы туралы» Заңының талаптарына сай тұрмыстық ортада құқық бұзушылық жасаған адамдарға қатысты &nbsp;43 (2022-38) қорғау нұсқамасы шығарылып, қорғау нұсқама талаптарын бұзған үшін ӘҚБтК 461 бабына сәйкес 4 (2022-1) әкімшілік іс сотқа жолданып, шара көрілген. Отбасы, тұрмыстық қатынастар саласында жасалатын қылмыстарының алдын алу, оған жол бермеу мақсатында әкімшілік кодекстін 73 бабына сәйкес 30 (2022-39) тұлға әкімшілік жауапқа тартылса, аудандық сотқа тиісті ұсыныстар беріліп, құқық бұзушының мінез-құлқына 10 (2022-9) ерекше талап белгіленген.Бөлімнің профилактикалық және тізімдік есебінде тұратын тұлғалармен үнемі профилактикалық жұмыстары жүргізіліп, нәтижесінде 8 азамат маскүнем ретінде бөлімнің тізімдік есебіне алынды. УПИ-нің түсіндірме жұмыстарынан кейін 13 тұлға облыс орталығына маскүнемдіктен емделуге жолданса, 2 тұлға мәжбүрлеп емделуге жолданған. Еріксіз емдеу мекемесіне бірде-бір маскүнемдер мен нашақорлар жолданбаған. Себебі, қазіргі таңда 4 азаматқа қатысты еріксіз емдеу мекемесіне жатқызуға дайындық жұмыстары жүргізіліп, медициналық тексеру жұмыстары өткізіліп, &nbsp;нәтижесінде 2 тұлға еріксіз емдеу орталығына жолданды.Әкімшілік қадағалауға формальді түрде алуға жататындар санатымен есепте тұратын 2 адамның бірде-біреуіне «В» тармағымен әкімшілік қадағалау орнатылмаған. Себебі, бұйрық талаптарына сәйкес, әкімшілік қадағалауда «В» санатымен есепте тұрған тұлғалардың тарапынан құқық бұзушылықтармен басқада заң бұзушылықтар орын алмағасын әкімшілік қадағалау орнату мүмкін болмай отыр.Шартты түрде мерзімнен бұрын босатылғандар санатымен тұратын 4 адамның бірде-біреуін сот арқылы түзеу мекемесіне қайтарылмаған. Себебі, ІІМ-нің 19.09.2014 жылғы №622 бұйрығына сәйкес, ШТМББ тұлғалардың тұрғылықты мекен-жайларынан үнемі учаскелік полиция инспекторларымен тексеру жұмыстары жүргізіліп, түсіндірме жұмыстары жүргізілуде. Алайда қазіргі таңда ШТМББ тұлғалардың тараптарынан құқық бұзушылықтар анықталмай және олардын тарапынан шектеулер бұзылмаған.Аймақта құқық бұзушылықтарды жою туралы құзырлы органдарға 13 ұсыным жолданғанымен ӘҚБтК-нің 479-бабымен бірде-бір құқық бұзушылық анықталмаған. Себебі, аталған құзырлы органдар жіберілген ұсыным хаттар жіберіліп, алайда террористік осал объектілерінің ҚР ӘҚБтК 462 бабымен 2 хаттама рәсімделіп, аудандық сотқа жолданып, тиісті шаралар көрілді.Есепті мерзімде әр түрлі құқық бұзушылық жасағаны үшін 120 (2022 ж-123) қоғамдық тәртіпті бұзушылық жасаған жасөспірімдер анықталып, олармен тиісті профилактикалық жұмыстар жасалып, ҚР ӘҚБтК-нің 442 б 2 бөлігімен 120 жасөспірімнің ата-аналарына әкімшілік шаралар көрілді. АПБ-ның ЖПҚБ ЮПТ-ның есебінде 1 жасөспірім &nbsp;және 4 қолайсыз отбасы есепке қойылды. Жоғарыда көрсетілген, кемшіліктерді жою мақсатында, басым-бағыттар белгіленіп, жұмыс атқару жоспарлануда. Ауданның тыныштығы мен қауіпсіздігін қамтамасыз ету бағытында халықтың сенімінен шығуға қолда бар барлық мүмкіндікті пайдаланып, жұмыс атқарып жатқан аудан сақшылары алдағы уақытта да қылмыстың алдын алуда жүйелі жұмыстар жасайтынына сенім мол.

Қазақстан және Қызылорда облысының жаңалықтары