<a href="https://kyzylorda-news.kz/">Kyzylorda-news.kz.</a> Қоғамдық тәртіпті сақтап, қылмыстың алдын алуда Жалағаш аудандық полиция бөлімі қызметкерлерінің еселі еңбегін ешкім жоққа шығара қоймас. Иә, сыртынан қараған жанға әр салада жұмыс жасап жатқан кез келген қызметкердің жұмысы күнделікті атқарыла беретін біркүндік шаруа сияқты. Бірақ салада кездескен қиыншылыққа төзе біліп, олқылықтың орнын толтыруда тәжірибе ауадай қажет. Бұл тұрғыда аудандық полиция бөлімі білікті кадрларға кенде емес секілді. Біз бұған олармен қызметтес болған күні көз жеткіздік.&nbsp;Естеріңізде болса, осыған дейін “Журналист басқа мамандықта” деген айдармен әр салада еңбек етіп жатқан мамандардың біркүндік жұмысына басылым бетінен орын бергенбіз. Кезекті жұмысымыз полиция бөлімі қызметкері болумен жалғасты. Мақаламыздың айдарын “Пагондағы журналист” деп ауыстырғанымыз да сондықтан. Таң атысымен тәртіп сақшысының формасын үстімізге іле сала автокөлікпен жолға шықтық. Қасымызда АПБ Жергілікті полиция бөлімшесіне қарасты патрульдік полиция тобының қызметкері Жасұлан Айтбайұлы бар. Бүгін оған бір өзі жұмыс жасауға тура келді. Себебі қасындағы әріптесінің орнында мен отырмын. Жол ережесіне қатысты заңды толық білмесек те аға лейтенантқа шама-шарқымша көмекші болып келемін. &nbsp;Әзірге жолда, кенттің ішкі көшелерінде көлік саны аз, осы мүмкіндікті құр жібермейін деген оймен полиция қызметкерін әңгімеге тартуға бел будым. Жәкеңнің сөзінше, көлік тізгіндегендердің көбісі қарапайым жол ережесін бұзбауға құлықсыз көрінеді. Мұның салдары тіпті жол көлік оқиғасына ұласып жатады. “Біздің мақсат – осыны жүргізушілерге ескертіп, мейлінше олардың қауіпсіздігіне жұмыс жасау” деп түйді ол әңгімесін. Кезекті сұрағымды жолдауға оқтала бергенде тізгіндеген қызметтік темір тұлпарымыз кері бұрылды. Біркүндік әріптесім қарсы беттегі көлік жүргізушінің жол ережесін бұзғанын байқап қалса керек. Қолындағы арнайы аппаратпен “LADA” автокөлігін тізгіндеген &nbsp;азаматтың оң қапталға сәл аялдауын сұрады. Осылайша біздің полиция қызметіндегі жұмысымыз басталып кетті. &nbsp;&nbsp;“Қауіпсіздік өзіңіз үшін, сондықтан белдік тағып жүруді қаперден шығармаңыз” деп жүрді де кетті. Көлік иесі де рахмет айтып жайына жүрді. Таң енді атып келе жатыр, “оның қауіпсіздік белдігін таққан-тақпағанын қайдан көріп қалды?” деген ішкі сауалмен жанында мен отырмын. Полиция қызметкерінің бұл қырағылығына риза болып өзіне айтып жатқанымда “жауапкершілік бәріне ортақ дүние, мұны әрбір адам сезіне алса, қоғамда ешқандай олқылық орын алмайды, сіз де қаламгерсіз, түсінемін, бірақ бүгін менің әріптесім екеніңізді ұмытпаңыз, қасыңыздағы қызметтесіңізбен бірдей жүріп-тұруды да қаперден шығармаңыз” деп сөзін тәмамдады.Қырағы полицейдің пәрмен аралас бір ауыз сөзінен кейін өз-өзімді жинап алдым. Дәуімбай елді мекенінде үлкен жолдың бойындағы бағдаршамнан өте бергенде өзағамдар шығарған “Daewoo Nexia” автокөлігі назарымызға ілікті. Таңның атып келе жатқаны жаңа ғана, әлгі азамат көліктің жарығын жақпай келе жатыр. Жасұланның “кейбір жүргізушілер қарапайым жол ережесін сақтай бермейді” деген сөзінің растығына көз жетті. Расында қауіпсіздік өзі үшін, ұсақ-түйекке мән бермеудің соңы үлкен қайғыға ұшаратарын бағамдай алмайтын болғанымыз ба шынымен? Көлігінің ескі екеніне қарап жүргізушінің әлеуметтік жағдайына алаңдады ма білмеймін, аға лейтенант әлгі ағамызға жазбаша ескерту берді.&nbsp;Қазір базар маңындағы кептеліс пен бір бағытта ғана жүруге арналған ішкі көшелердегі мәселе елдің аузында жүр. Тіпті мұны ретке келтіруді аудан басшысы да кезекті жиналыстарының бірінде сала қызметкерлеріне арнайы тапсырған. Тапсырманың орындалуы қалай, әлі де бұған қатысты мәселелер бар ма? Бұған көз жеткізу үшін полиция қызметкеріне сол маңға баруға кеңес бердім. Жасұлан Айтбайұлының сөзінше, көлік қоюға арналған орыннан кейін екінші болып тағы бір жүргізушіге темір тұлпарын тастап кетуге рұқсат жоқ. Көбіне бұл маңдағы кептеліс осындай олқылықтың салдарынан орын алып жатады екен. Біз барғанда да мұндай жағдайға тағы бір мәрте көз жеткіздік. Полиция қызметкері оларға ескертуін беріп, бір бағыттағы көшенің қауіпсіздігін бақылауға аттанды.&nbsp;Арада 5 минут өтті ме, өтпеді ме, аз ғана уақыттан кейін “фольксваген пассатпен” 45-50 жас шамасындағы жігіт ағасы қарсы беттен кіріп келе жатыр. Негізінен бұл көше тек бір бағытта ғана жүруге арналған. Аға лейтенант оған түсіндіріп әлек, өзінікін дұрыс қылғысы келіп ол отыр. Ақыры автокөлік иесіне айыппұл салынды. Жүргізуші бұдан сабақ алуы керек, өйткені өзі тар көшеде өз жолымен келе жатқан бір көлікке соқса, шығынның көкесі сонда болады. Бірақ бұл ойға бойлап тұрған ол жоқ.&nbsp; Жалпы жол қауіпсіздігін қамтамасыз етуге Жалағашта 4 полицей қызмет етеді. Әріптесім күніне жүгенсіз көлік жүргізушілерге 45-50 айыппұл салынатынын айтады. Демек, көлік жүргізушілер тарапынан жол ережесін сақтауға әлі де құлықсыздық басым деген сөз. Оның үстіне осындай салғырттықтың салдарынан жол көлік оқиға¬сының саны да артып отыр. Былтыр 10 айда жүгенсіз жүргізушілерге 647 айыппұл салынса, биыл тиісті мерзімде олардың саны 712-ге жетіп отыр.&nbsp;“Жол көлік оқиғасының артуы, айыппұлдар санының өсуі полиция қызметкерлерінің жұмыс сапасы төмен екенін білдіреді” деген түсініктен ада болыңыз. Керісінше жол қауіпсіздігін сақтауға әрбір көлік иесі басымдық бергені абзал. Сонда ғана мәселенің алдын алуға мүмкіндік туады. Кешегі біркүндік жұмыс барысында қаншама қарапайым ережені сақтамайтын көптеген көлік иесіне жолықтық. Біршамасы айыппұл арқалады, біршамасы ескертуін алды. Бұл оларға сабақ болса дейсің ғой.

Жалағаш ауданының полицейлері қырағылық танытуда

<a href="https://kyzylorda-news.kz/">Kyzylorda-news.kz.</a> Тамыз айының алғашқы жексенбісі көлік қызметкерлерінің төл мерекесі болса, Қызылорда қаласында жолаушылар тасымалымен айналысып келе жатқан «Қызылорда» Автобус паркі» ЖШС-нің құрылғанына 10 жыл толуда.Осы орайда, бүгін баспасөз орталығында өткен брифингте “Қызылорда" автобус паркі” ЖШС-нің директоры Мақсат Жүсіп он жылдық межеде Серіктестікпен атқарылған &nbsp;жұмыстар және алдағы міндеттер туралы баяндады.<blockquote>- 2023 жылы серіктестік жұмысына 10 жыл толуда. Он жылдық межеде Серіктестікпен көптеген жұмыстар атқарылды. Айтулы датаға орай жыл сонында жақсы қыметі үшін біршама автобус жүргізушілері «Үлгілі жүргізуші», «Елеулі үлесі үшін», «Креативті жүргізуші», «Шеберлі жүргізуші», «Жол қауіпсіздігі қозғалысының үздігі», «Таза автобус» және «Жыл жүргізушісі» номинациялармен марапатталатын болады. Сондай-ақ, автобус жүргізушілерін ынталандыру мақсатында әр ай қортындысымен жол жүру ережелерін бұзбай, автобустың ішкі және сыртқы тазалығын жоғарғы деңгейде қамтамасыз етіп жүрген жүргізушілерге түрлі қаржылай бонустар берілуде, - деді директоры Мақсат Өмірбекұлы.&nbsp;</blockquote>Өздеріңізге белгілі, өткен жылы «Қызылорда Автобус паркіне» «Өнеркәсіпті дамыту қоры» арқылы жаңадан лизингке 150 дана автобус алынды. Сондай-ақ, бұрын қолданыста болған үлкен сыйымдылықтағы көліктердің 40 данасы күрделі жөндеу жұмыстарынан өтіп, қосымша бағыттарға қосылды. &nbsp;2022 жылы Серіктестік 5 бағыт бойынша жолаушылар тасымалын жүзеге асырған. Ал, 2023 жылы бұл көрсеткіш артып, 18 бағытта қызмет көрсетуде. Олар: №1, №3, №10, №11, №12, №14, №15, №16, №17, №18, №19, №20, №22, №25, №28, №29, №30, №31 және қосымша жүктелген «Ягодка», «ПМК-29» саяжайы бойынша қызмет көрсетуде. Алдағы уақытта қоғамдық көліктер санын арттыру бағытында өңір басшысының қолдауымен «Өнеркәсіпті дамыту қоры» АҚ-ы арқылы лизингке қосымша 150 дана үлкен сыйымлықтағы автобус сатып алу жоспарланып отыр.&nbsp;Қоғамдық көлік санының еселеп артуына байланысты серіктестікте жүргізушілер тапшылығы байқалады.&nbsp;Айта кету керек, жолаушыларды тасымалдауды қамтамасыз ететін жүргізушілерге қойылатын кәсіби талап: 25 жасқа толған, кемінде 5 жыл жүргізуші жұмыс өтілі бар, кемінде үш жыл "D1" кіші санатына жатқызылатын көлік құралдарын басқару өтілі бар жүргізушілер қабылданады.&nbsp;<blockquote>- Цифрландыру күнделікті өміріміздің бір бөлшегіне айналып кеткені барлығымызға аян. Бүгінгі таңда, «ALEMPAY» ЖШС-мен жасалған келісімге сәйкес жол ақысын ұялы байланыс операторының көрсетілген қызметтері немесе электрондық жол жүру картасы арқылы жүзеге асады. Соңғы өткен қалалық мәслихаттың отырысында қалалық тұрғын үй-коммуналдық шаруашылығы, жолаушылар көлігі және автомобиль жолдары бөлімі тарапынан «Қызылорда» автобус паркі» ЖШС қарасты қоғамдық көлік бағыттарында қолма-қол төлемді 130 теңгеге көтеруге ұсыныс беріліп, қолдау тапқан болатын. Электронды түрде төлем ақысы 85 теңге болып қала бермек. Бұл өз кезегінде жолаушылардың электронды түрде төлем жасауын арттырып, көлеңкелі кәсіптің алдын алады, - деді серіктестік директоры.</blockquote>Бүгінде Серіктестіктің автобустары 2GIS ұялы қосымшасына тіркелген. Өз кезегінде қызылордалықтар мен қала қонақтары баратын жерлеріне қосымша арқылы қай бағыт қай уақытта жүретінін көру мүмкіндігі жасалған. Мекеменің барлық автобустарына «автоинформатор» орнатылып, автоматты түрде аялдамаларды хабарлау қызметі жұмыс жасауда. Ал, QR кітаптар 18 бағыт бойынша жолаушыларды тасымалдайтын автобус салондарында қолжетімді. Қызылордалық «Қайсар» футбол клубының өз алаңында өткізетін ойдары кезінде арнайы жаңкүйерлер үшін үлкен сыйымдылықтағы автобустар қызмет жасауда. Сонымен қатар, “Қызылорда” автобус паркі” ЖШС-нің buspark.kz атауымен жаңа ақпараттық сайты іске қосылып, сайт арқылы автобус паркінің тыныс-тіршілігі, жүргізушілер мен жолаушылардың дұрыс диалог құру мәдениеттілігін қалыптастыру, автобустардың қай аймақта келе жатқанын және қанша минутта болатынын тікелей бақылап, қоғамдық көлік туралы маңызды ақпараттар мен сараптамалық материалдар ұсынылуда.

«Қызылорда» автобус паркі» ЖШС-нің құрылғанына 10 жыл

<a href="https://kyzylorda-news.kz/">Kyzylorda-news.kz.</a> Бүгін облыс әкімдігінің Өңірлік коммуникациялар қызметінде Қазалы ауданының әкімі Мұхтар Оразбаевтың қатысуымен баспасөз конференциясы өтті. Брифингте аудан басшысы 2023 жылдың І жартыжылдығына Қазалы ауданында атқарылған жұмыстар мен алдағы міндеттерге тоқталып, бұқаралық ақпарат құралдар өкілдерінің сұрақтарына жауап берді.&nbsp;<blockquote>«Жер кезегінде тұрған тұрғындар санының жыл өткен сайын көбейгенін айтқан аудан әкімі Мұхтар Әуесұлы инженерлік-инфрақұрылымды дамыту мәселесін басты назарға алып отырғанын жеткізді. Тұрғын үй кезектілігін азайту мақсатында биыл Ғ.Мұратбаев ауылынан жаңадан ашылған аймақта салынатын тұрғын үйлерді ауыз су, газ және электрмен жабдықтау үшін 310,483 млн. теңге бөлініп, құрылыс жұмыстары жүруде. Сонымен қатар, Әйтеке би кентіндегі көлемі 180 гектар жер учаскесіндегі тұрғын үйлерге сервистік ауыз су желісін жүргізуге 109,4 млн. теңге бөлініп, құрылыс жұмыстары аяқталу үстінде. Бұдан бөлек, жергілікті бюджеттен бөлінген 32,1 млн. теңгеге аудан орталығынан көлемі 600 гектар жер учаскесінен салынатын тұрғын үйлерді инженерлік-инфрақұрылыммен қамтамасыз ету жобасы әзірленіп, тиісті орталық атқарушы органдарға қаржыландыруға ұсынылды. Қазалы ауданынан Ресей, Белоруссия, Дания, Германия, Тәжікстан, Қытай, Нидерланды елдеріне 3539 тонна ауыл шаруашылығы өнімдері экспортқа шығарылды. Атап айтсақ, 2421 тн күріш, 557 тн балық, 561 тн қамыс экспортталды. Биылдың өзінде аудан орталығы – Әйтеке би кентінің 14 көшесі асфальтталатын болады. Ол қатарда Қазыбек би, Әуезов, Алтынсарин, Счастнов, Асан қайғы, Нұртуған жырау, Әл-Фараби, Әубәкіров, Жангелдин, Жанаділов, Нұрбай би, Сансызбаев, Құлтасбекова, Жалдыбай жырау, М.Шоқай, С.Сейфуллин көшелері бар. Бұдан бөлек, 24 көшеге қиыршық тас төселіп жатыр. Сонымен қатар өндірістік аймаққа (КРЭК) кіреберіс жолы ағымдағы жөндеуден өтеді. Биыл Қазалы қаласының 15 көшесін қайта жаңғыртуға 851,9 млн.теңге қаржы бөлініп, тиісті жұмыстар жүргізілуде. Атап айтсақ, Түркебаев, Булекбаев, Булекбаев2, Жакеев, Жанұзақов1, Жанұзақов2, Қазалы1, Қазалы2, Қодасов, Қосаев, Құлахметов, Құлқашов, Мергенбева, Мұратбаев, Өтепбергенова және Сәтпаев көшелері» деді Қазалы ауданының әкімі.</blockquote>Аймақ басшысы Нұрлыбек Машбекұлының қолдауымен биыл аудандағы Жанқожа батыр атындағы №70, Ж.Жабаев атындағы №234 жәнеЕ.Бозғұлов атындағы №249 мектептерге балалар тасымалы үшін заманауи үлгідегі 3 автобус берілді.&nbsp; Жыл басынан бері Қазалы ауданында 2 634 жаңа жұмыс орнын ашу жоспарланған. Есепті кезеңде 2 158 жаңа жұмыс орны ашылып, жоспар 81,9 пайызға орындалды. Оның ішінде тұрақты жұмыс орындары – 537, 48,0 пайызды, уақытша жұмыс орындары – 1 621, 107,0 пайызды құрап отыр.&nbsp;<blockquote>«Қазір аудан халқының 29,9 пайызы – жастар. Бүгінгі күнге дейін ерікті жастардың қатысуымен барлығы 300-ден аса іс-шаралар өткізілді. Ал оған 8000 мыңнан астам жастар қатыстырылды. Соның ішінде жыл сайын дәстүрге айналған «Жаңа дәуір – Жаңа Қазақстан» тақырыбында жастар фестивалі айтсақ болады. Жеңімпаздар Қорқыт Ата атындағы Қызылорда университетінің оқу гранты және оқу ақысына 50, 25% жеңілдікпен оқитын сертификатын иеленді. Сондай-ақ, жастардың бос уақытын тиімді пайдалану және олардың ұсыныстарына құлақ түру мақсатында «Жастар керуені» жобасы тұрақты өтіп келеді. Жоба аясында ауылдық елді мекендерде түрлі бағыттағы іс-шаралар өткізіліп, мемлекеттік бағдарламаларды түсіндіру жұмыстары жүргізіліп келеді. Қазіргі таңда Бозкөл, Абай, Кәукей ауылдарынан дәрігерлік амбулаторияның құрылыс қарқынды жүріп жатыр. Аудан орталығынан 25 төсектік инфекциялық корпус құрылысының жоба-сметалық құжаттары әзірленуде.&nbsp; Сонымен қатар, Әйтеке би кентіндегі бұрыңғы емхана (қазіргі Жетес би дәрігерлік амбулаториясы) және Ұлттық сараптама орталығының Қызылорда облысы бойынша филиалының Қазалы аудандық бөлімшесі ғимараттарына (СЭС лаборотория) күрделі жөндеу жұмыстары жүргізілуде» деп жеткізді Мұхтар Оразбаев брифингте.</blockquote>&nbsp;Қазалы ауданында бұқаралық спортпен тұрақты түрде айналысатындар саны – 38 пайызға жетті. Спорт түрлері бойынша жерлестеріміз Әлем чемпионаттарында 1 күміс, Азия чемпионатында 4 алтын, 6 күміс медаль жеңіп алса, Халықаралық турнирлерде 3 алтын, 6 күміс, 8 қола медальды қоржынға салды. Сонымен қатар, спортшыларымыз ҚР-ның чемпионаттарына, халықаралық, республикалық, облыстық жарыстарға қатысып 18 алтын, 26 күміс, 31 қола медальға қол жеткізді.Биыл Ү.Түктібаев ауылындағы спорт кешені биыл пайдалануға берілді. Сол секілді Әйтеке би кенті, Қазалы қаласы, Жалаңтөс батыр, Бекарыстан би және Ғ.Мұратбаев ауылдарынан да спорт кешендерін салу жоспарланып отыр.Жанқожа батыр, Майдакөл, Бекарыстан би, Қ.Пірімов, Басықара, Ақсуат, Жанкент ауылдарындағы спорт алаңдары биыл жөндеуден өткізілді.Жыл басынан бері ұлттық мәдениетті ілгерілетуге және дәстүрлерді жаңғыртуға, салауатты өмір салтын насихаттауға бағытталған түрлі форматтағы 576 іс-шара өткізілді.Осы жылы Әйтеке би кентінде 600 орындық мәдениет Үйі және Кәукей ауылынан 100 орындық клуб пайдалануға беріледі деп жоспарлануда. Сонымен қатар, Бірлік, Майдакөл, Шәкен ауылдарынан 100 орындық клуб құрылысын салу үшін тиісті құжаттары әзірленді.

Қазалы ауданының әкімі Мұхтар Оразбаев брифинг өткізді

<a href="https://kyzylorda-news.kz/">Kyzylorda-news.kz.</a> Қазақ халқы 30 жыл бұрын ата-бабаларының ғасырлар бойы арманын орындай отырып, тәуелсіздігін жариялады. Осы жылдар ішінде берік бірліктің арқасында өз тәуелсіздігімізді нығайтып, халықтың әл-ауқатын жақсарту үшін әрқайсымыз жанымызды салып тұрып харекет еттік. Бұл уақыт жасампаздық пен прогресс, бейбітшілік пен келісім кезеңі болды.&nbsp;Қазір бізге Тәуелсіздіктің жетістіктерін арттыруға, елді дамудың сапалы жаңа деңгейіне шығаруға әлі де мүмкіндіктер беріліп отыр. Президент Қасым-Жомарт Тоқаевтың Жолдауында бірқатар келелі мәселелер талқыланды. Жолдаудың барлық тармақтарын мұқият қарап оқып шықсаңыз, барлық әрекет халықтың - қазақ елінің әл-ауқатын жақсартуға арналған тиімді жобалар.&nbsp;Президентіміз аталмыш жобалар мемлекетіміз бен халқымыздың мүдделерін ескере отырып, біртіндеп және ұдайы жүзеге асырылатынын да атап көрсетті. Қай тармағын алып қарасақ та, жолдауда мемлекетімізде жүйелі саясаттың болуы жөніндегі мақсат-міндеттер маңызды орын алған. Жүйесіз саясаттың ішкі саяси жағдайдың тұрақсыздануына және тіпті мемлекеттіліктің жоғалуына әкелетінін айта кеткен. Сондықтан біз саяси реформалардың дәйекті, табанды және ойластырылған түрде жүзеге асырылуына атсалысу керекпіз.&nbsp;Саяси жүйенің дұрыстылығы мемлекет тұрақтылығының негізі болып табылатыны барлықтарыңызға аян. Сондықтан да болар, мен Президентіміздің ұқыпты саясатын толығымен қолдаймын және үкіметке берілген тапсырмалары мен алға қойылған мақсаттарының орындалуына тілектестігімді білдіремін!Манзура АБДУГАФАРОВА,&nbsp; Өзбек этномәдени бірлестігі жетекшісінің орынбасары

Халықтың әл-ауқатын жақсартуға арналған тиімді жобалар

<a href="https://kyzylorda-news.kz/">Kyzylorda-news.kz.</a> &nbsp;Биыл Қызылорда облысының құрылғанына – 85 жыл толған мерейтойын тойламақ. Сол секілді Қазалы ауданының да құрылғанына – 95 жыл болып отыр.Жыл басынан бері аудада 95 жылдық аясында ауқымды шаралар өтуде. Бұдан бөлек, мереке ауданда кең көлемде аталып өтетін болады. Түрлі іс-шаралар ұйымдастырылып, бірқатар әлеуметтік нысандар пайдалануға беріледі. Сондай-ақ, тағылымы мен тәрбиелік маңызы зор, рухани-мәдени, спорттық бағыттағы түрлі жиындар, жарыстарды өткізу жоспарда бар.&nbsp;&nbsp;

Қазалы ауданының құрылғанына – 95 жыл

<a href="https://kyzylorda-news.kz/">Kyzylorda-news.kz.</a> Қазалы ауданының білім беру саласында барлығы 91 білім беру ұйымдары жұмыс істейді.Қазіргі таңда Әйтеке би кентіндегі 250 орындық мектеп құрылысы қарқынды жүріп жатыр.«Жайлы мектеп» ұлттық жобасы аясында кент пен қала ортасынан600 орындық және Жанқожа батыр ауылынан 300 орындық мектеп бой көтермек. Сондай-ақ, «Ауыл – ел бесігі» жобасы аясында Қ.Пірімов ауылындағы №92 мектепті күрделі жөндеуге бюджеттен 231,4 млн. теңге бөлініп, қазіргі таңда қызу жұмыс жүріп жатыр. Нысанның құрылысын 25 тамызға дейін аяқтау жоспарланып отыр.&nbsp;Айта кетейік, бүгін Өңірлік коммуникациялар қызметінің баспасөз алаңында Қазалы ауданының әкімі Мұхтар Оразбаевтың ауданда 2023 жылдың алғашқы жартыжылдығында атқарылған жұмыстар мен алдағы міндеттер туралы брифингі өткен болатын. &nbsp;

Қазалыда 2 мектеп салынады

<a href="https://kyzylorda-news.kz/">Kyzylorda-news.kz.</a> Жыл басынан Қазалы ауданында негізгі капиталға тартылған инвестиция көлемі – 5,9 млрд. теңгені құрап, өткен жылдың тиісті кезеңімен салыстырғанда нақты көлемі 100,8 пайызды құрап отыр.&nbsp;Құрылыс жұмыстарының көлемі 19,3 пайызға артып, көлемі 3,1 млрд. теңге болып отыр. Пайдалануға берілген тұрғын үй көлемі 20 423 шаршы метрді құрап, өткен жылдың тиісті кезеңімен салыстырғанда 9,6 пайызға артық орындалды. Мұнан бөлек, жалпы құны 16,9 млрд. теңге құрайтын 23 инвестициялық жоба дайындалып, құжаттары толық әзірленіп, облыстық басқармалар арқылы тиісті орталық атқарушы органдарға бюджеттік өтінімдері ұсынылды.Айта кетейік, бүгін Өңірлік коммуникациялар қызметінің баспасөз алаңында Қазалы ауданының әкімі Мұхтар Оразбаевтың ауданда 2023 жылдың алғашқы жартыжылдығында атқарылған жұмыстар мен алдағы міндеттер туралы брифингі өткен болатын.. &nbsp;

Жыл басынан тартылған инвестиция көлемі 5,9 млрд теңгені құраған

<a href="https://kyzylorda-news.kz/">Kyzylorda-news.kz.</a> Қазалы ауданында ауыл арасындағы жолдар мен елді мекенішілік көшелердің жағдайы дұрысталып келеді. Өткен жылы 75 шақырым аудандық маңыздағы автомобиль жолдары жөндеуден өтті. Бұл туралы Өңірлік коммуникациялар қызметінің баспасөз алаңында Қазалы ауданының әкімі Мұхтар Оразбаев ауданда 2023 жылдың алғашқы жартыжылдығында атқарылған жұмыстар мен алдағы міндеттер туралы брифингте айтқан болатын.Атап айтсақ, Қазалы-Қожабақы-Бозкөл-Кәукей, Әйтеке би-Басықара, Қожабақы-Бекарыстан би, Басықара-Абай-Өркендеу, Бекарыстан би- Майдакөл, Қожабақы-Бекарыстан би-Майдакөл,Қазалы-Көларық-Бекарыстан би-Жаңақұрылыс автомобиль жолдары орташа жөндеуден өткізілді. Нәтижесінде, жақсы жағдайдағы жолдың үлесі85 пайызға жеткізілді. Биыл тағы &nbsp;аудандық маңыздағы 4автомобиль жолдарын жөндеуден өткізілмек. Олар: Мұратбаев ауылына кіреберіс,Қазалы-Қожабақы-Бозкөл-Кәукей, Қожабақы-Бекарыстан би, Қазалы-Қожабақы-Бозкөл-Кәукей автомобиль жолдары. Бұл үшін бюджеттен 1,2 млрд. теңгебөлінді. Әйтеке би кенті мен Басықара ауылы арасындағы көпір құрылысы толық аяқталды. Ал «Қарлаң» көпірінің құрылысын жалғастыруға бюджеттен 1,6 млрд. теңге бөлінді. &nbsp;

Әйтеке би кенті мен Қазалы қаласы арасындағы 4 жолақты жол биыл аяқталады

<a href="https://kyzylorda-news.kz/">Kyzylorda-news.kz.</a> Қазалы ауданындагаздандыру жұмыстары қарқынды жүргізілуде. Нәтижесінде тұрғын үйлердің 63,2 пайызы көгілдір отын игілігін көріп отыр. Бұл туралы Өңірлік коммуникациялар қызметінің баспасөз алаңында Қазалы ауданының әкімі Мұхтар Оразбаев ажеткізді.&nbsp;Өткен жылы Қазалы қаласы мен Жалаңтөс батыр, Қ.Пірімов, Басықара ауылдары көгілдір отынға қосылды. Ендігі кезекте Абай ауылын газдандыру жұмыстарын бастауға 41,153 млн.теңге бөлініп, құрылыс-монтаж жұмыстары жүріп жатыр.&nbsp; Сонымен қатар, Ақтан батыр, Жанқожа батыр, Бекарыстан би, Майдакөл, Ү.Түктібаев ауылдарына көгілдір отын жеткізілмек. 5 ауылға магистральдық газ құбырын жеткізу үшін жеке кәсіпкердің демеушілігімен жоба-сметалық құжаттары әзірленіп, сараптамадан өткізілді.&nbsp; &nbsp;

Абай ауылына көгілдір отын кіретін күн алыс емес

<a href="https://kyzylorda-news.kz/">Kyzylorda-news.kz.</a> Сырдария өзенінде қалыптасқан су тапшылығына байланысты биік жерлерде орналасатын күріш егісінің көлемін қысқартып, әртараптандыру бағытындағы дақылдардың егіс көлемін ұлғайтуға ерекше мән берілді.&nbsp;Нақтыласам, әртараптандыру бағыты бойынша жаздық бидай 81 га, арпа 52 га, картоп 15 га, көкөніс 50 га, бақша 65 га, сүрлемдік жүгері 15 га артық орналасты.Cу тапшылығының алдын алу үшін осы жылы 3 дана көтерме насос сатып алынды. Шаруашылықтар ауылдық округ әкімдерінің теңгерімінде 25 дана су сорғылары (су насосы) жұмыс жасауда.&nbsp;Айта кетейік, бүгін Өңірлік коммуникациялар қызметінің баспасөз алаңында Қазалы ауданының әкімі Мұхтар Оразбаев ауданда 2023 жылдың алғашқы жартыжылдығында атқарылған жұмыстар мен алдағы міндеттер туралы брифинг өткізген болатын. &nbsp;

Брифинг: Су тапшылығының алдын алу үшін 3 дана көтерме насос сатып алынды

<a href="https://kyzylorda-news.kz/">Kyzylorda-news.kz.</a> Қазалы ауданындағы ауыл шаруашылығына келетін болсақ, өнімінің жалпы көлемі 5,7 млрд. теңгені құрап, өткен жылдың тиісті кезеңімен салыстырғанда 2 пайызға артық орындалған. Бұл туралы Өңірлік коммуникациялар қызметінің баспасөз алаңында Қазалы ауданының әкімі Мұхтар Оразбаев ауданда 2023 жылдың алғашқы жартыжылдығында атқарылған жұмыстар мен алдағы міндеттер туралы брифингте айтты.&nbsp;Жыл басынан 3 326 тонна ет, 8 748 тонна сүт және 804 мың дана жұмыртқа өндірілді. Осылайша, ет өндірісі 102,3 пайызға,&nbsp; сүт 101,3 пайызға және жұмыртқа өндірісі 92,5 пайызға орындалып отыр. Аудан бойынша биыл барлығы 17 377 га ауыл шаруашылығы дақылдары орналастырылды. Негізгі дақыл күріш – 6450 га, бақша – 1115 га, көкөніс – 950, картоп – 315 га, мал азықтық дақылдары – 6876 га.&nbsp; &nbsp;

Биыл 17 377 га жерге ауыл шаруашылығы дақылдары орналастырылған

<a href="https://kyzylorda-news.kz/">Kyzylorda-news.kz.</a> Биыл Мемлекет басшысының тапсырмасына сәйкес, облыс әкімінің қолдауымен «Қазалы ауданының орман және жануарлар дүниесін қорғау» мемлекеттік мекемесінің орманшы инспекторлар орман қоры жерлерін күзету, қорғау және өсімін молайту жұмыстарын сапалы жүргізу мақсатында 10 дана арнайы қызметтік мотоцикл және борттық КАМАЗ бен вахталық КАМАЗ көліктерінің кілтін иеленді. Бұл өз кезегінде орманшыларға жүктелген міндетті жоғары дәрежеде орындау үшін берілген мол мүмкіндік болмақ. &nbsp;

Қазақстан және Қызылорда облысының жаңалықтары