Kyzylorda-news.kz. Арал ауданы аумағында Кіші Арал теңізінің 18 учаскесі, Сырдария өзені және 20 көл бар. Оның 17-сі табиғат пайдаланушыларға ұзақ мерзімге берілген, 3 көл резервте. &nbsp;Биыл Кіші Арал теңізінен 6920 тонна балық аулау лимиті бекітіліп, 6651 тонна балық ауланып, 2430 тоннасы өңделді. Ауданда жылдық қуаттылығы 24000 тонна 9 балық өңдеу зауыты жұмыс істейді. Оның 2-уі «Еврокод» белгісін алған. Бұдан басқа 10-нан астам шағын балық цехы бар. Биылғы 1 шілдедегі көрсеткіштерге қарағанда, 1266 тонна балық өнімдері экспортқа шығарылған. &nbsp;Облыста балық шаруашылығын дамытудың &nbsp;2021-2030 жылдарға арналған өңірлік бағдарламасы бекітілген. Бағдарламада тауарлы балық өндірісін ұлғайту үшін аудандағы 7 тауарлы көл тізімге енгізілді. &nbsp;Бүгінде 3 тауарлы көлге инфрақұрылым жүргізу үшін жоба-сметалық құжаттар әзірленді.&nbsp;Жоғарыда аталған бағдарлама аясында тоғанда балық өсіру жобасы &nbsp;қолға алынған. Жол картасы аясында биыл қолдан балық өсіретін 7 тоған ашу жоспары бар. Былтыр тоғанда балық өсіру бойынша 3 жоба (Ерімбетжаға, Жаңақұрлыс, Бекбауыл) іске қосылған. Тоғанда негізінен сазан, ақ амур, дөңмаңдай шабақтары өсіріледі.

Аралда балық шаруашылығы қарқынды дамып жатыр 

<a href="https://kyzylorda-news.kz/">Kyzylorda-news.kz.</a> Дамыған отыз елдің көшіне ілесуде қанатқақты жобаның бірегейі – «Bilimdi últ» идеясы. Осы жобаның іргетасы ретінде еліміздің түкпір-түкпірінде 401 «Жайлы мектеп» құрылысы тамыз айында басталғалы тұр. Оның екеуі Жаңақорған жерінде бой көтереді. Біз заманауи мектептің құрылыс мердігерлерімен сұхбаттасып, жоба ерекшелігін сөз еткенді жөн көрдік.Жаңақорған ауданының халық санына мән берсек, соңғы бес жылда бала туу көрсеткіші артып жатқанын аңғару қиын емес. Мәселең, ауданда 2018 жылы 815 балаға туу туралы куәлік табысталса, 2022 жылы 2335 балаға артқан. Ал, осы жылдың алғашқы алты айында 1220 туу туралы куәлікке өтінім қабылданған. Міне, осыдан-ақ, алдағы жылдарда мектеп санын ұлғайту қажеттілігі туындап отырғанын байқау қиын емес. Сондықтан болар, заманауи қажеттілікті қамтамасыз ететін бірнеше мектептерді салу жоспарланды. Ұлттық жоба аясында салынатын «Жайлы мектеп» Жаңақорған кентіндегі Саяжай ықшам ауданында және Жаңарық елді-мекенінде бой көтереді.Республика көлемінде осы жоба арқылы салынатын мектептер көлемі мен сыйымдылығына сай 8 түрлі болғанымен бәрі де біркелкі келбетке ие. «Жайлы мектеп» пилоттық ұлттық жобасы аясында қалалар мен ауылдарда салынатын мектептер сыртқы жағынан да, ішкі жабдықталуы мен конфигурациясы жағынан да бірдей. Бұл қала және ауыл оқушыларына сапалы орта білім бірдей қолжетімді болуына жол ашпақ. Бұл туралы Жаңақорған ауданы білім бөлімі басшысының міндетін уақытша атқарушы Ербол Әлменов:– Алдағы тамыз айында ұлттық жоба аясында ауданда қос мектеп құрылысы басталады. Бұл білім беруде жаңа бағыт пен өрлеудің даңғыл жолын қалыптастырады. Біз заманауи мектеп құрылысы біткенше ұстаздарымызды осы әдіс-тәсілді меңгеруі үшін біліктілігі мен тәжірибесін арттыру үшін жүйелі жұмыс жүргіземіз. Ашығын айту керек, зияткерлік қарым-қабілетке ие, жаңа бағытты толық меңгерген білікті ұстаздар белгілі іріктеудеу өтеді. Бұл білім инавациясын одан әрі жетілдіруге жол ашады, – деді.«Жайлы мектеп» құрылысына тапсырыс беруші «Samruk-Kazyna Construction» АҚ учаскенің әлеуетін зерттеп, мердігерлерді анықтайды. Жаңақорған кентінің «Саяжай» ықшам ауданында 600 орындық мектеп құрылысы 2024 жылдың соңына дейін толық бітуі тиіс. Екі ауысымда 1200 бала білім ала алады. Бас мердігер - «Аман-Курылыс» ЖШС-мен нысанды жобалау және салу бойынша келісімшартқа қол қойылып, аванстық төлем жасалды. Бүгінде мектепті жобалау және бөлінген жер учаскесін құрылысқа дайындау жұмыстары жүріп жатыр екен. Қызу жұмысқа кіріскен мекеме басшысы &nbsp;Адилхан Маштаевты құрылыс учаскесінде жолықтырдық.– Осыған дейін түрлі деңгейдегі мектептерді салып жүрміз ғой. Бұл мектептің құрылысы өте ерекше, жанға жайлы сәулет өнері деуге болады. Жайлы мектептердің ауданы қарапайым орта білім беру мектептерінен салыстырғанда 15-20% үлкенірек болады, ал техникалық жарақтандырылуы 4 есеге артады. Қысқасы, шәкіртке де, ұстазға да ыңғайлы мектеп болады, –деп қолына ұстаған ақ қағаздағы мектеп жобасын тәтпіштеп түсіндіріп берді.Түсінгеніміз, жаңа мектептерде робототехника кабинеттері, STEM-зертханалар, хореография залы, үш коворкинг (бастауыш сынып оқушылары, жоғары сыныптар мен мұғалімдер үшін) және басқа да қосымша мамандандырылған кабинеттер болады. Сондай-ақ, бастауыш сыныптар үшін және орта/жоғары буындар үшін жеке асханалары және спорт залдары бар бөлек блоктар қарастырылған. Оқу кабинеттері интерактивті тақталармен және компьютерлермен жабдықталатын болады.Әр оқушының жеке шкафы болады. Әр қабатта &nbsp;су ішетін бұрқақ орнатылады. Біздің мақсатымыз – оқушылардың қолайлы жағдайда сапалы білім алуын қамтамасыз ету. Жайлы мектептерде ерекше қажеттіліктері бар балалар үшін де барлық жағдайлар жасалатын болады. Оқу орындары пандустармен және лифттермен жабдықталады. Есіктер кеңірек болады, стандарттарға сай жеке әжетхана менжуыну бөлмелері қарастырылады.Мектептердегі жиһаз бен ноутбуктерге, компьютерлерге, интерактивті тақталарға және басқа да электрондық өнімдерге арналған техникалық жабдықтарды мердігер ұйымдар ЕРС-келісімшарттар шеңберіндеөздері сатып алады. Яғни, жеке лоттар болмайды, конкурсты жеңіп алған компания объектіні салып қана қоймай, оны ЖСҚ-ға сәйкес толығымен жабдықтап, дайын күйде тапсырады.Ал, Жаңаарық ауылында 300 орындық мектеп 2024 жылдың соңына дейін пайдалануға беріледі. Екі ауысымда 600 бала білім ала алады. Бас мердігер – «Алтын Айдарлы» ЖШС-мен нысанды жобалау және салу бойынша келісімшартқа қол қойылды. Бүгінде мектепті жобалау және бөлінген жер учаскесін құрылысқа дайындау жұмыстары жүруде. Құрылыс мекеме басшысы Ерғали Егізбайұлы:– Ауыл балалары заман көшінен қалмай, білім бәсекелестігінде көш ілгері болуы үшін шалғай ауылдарда «Жайлы мектеп» жобасымен мектептер салынуда. Біз Жаңарықтағы тозығы жеткен мектепте оқып жатқан балалар үшін заманауи келбетке ие ерекше мектеп құрылысын бастадық. Әр бала үшін өте ыңғайлы жағдай жасау үшін жан-жақты зерттелген әрі практикада сыналған жобамен мектеп салынады. Біз бридадамызда өте сауатты әрі жауапкершілігі мол іскер азаматтарды жасақтадық. Белгіленген уақытта мектепті аяқтауға мүмкіндік мол, –деді.Айтпақшы, «Жайлы мектеп» жобасы ішкі экономикамызға айтарлықтай әсер бермек. Мәселең, құрылыс материалының 65 пайызы елде өндіріледі. Әрі мектепке қажетті жиһаздардың 95 пайызын жергілікті кәсіпкерлер орындайды. Әрі құрылыс жұмысына жергілікті халықты тарту жұмысы жүргізілуде. Бұл жұмыссыз жүрген көптеген жерлестерге үлкен мүмкіндік. Егер,жұмыс іздесеңіз уческе басшына жолығып, екі қолға бір күрек табуға болады. Ал, біз ұлттық жоба аясында салынатын қос мектепті басты назарымызда ұстаймыз.

Жаңақорғанда екі бірдей «Жайлы мектеп» құрылысы басталмақ

Kyzylorda-news.kz. Облыс әкімінің тапсырмасына сәйкес биыл Шиелі ауданының тұрыңдарына жоспардан тыс &nbsp;1520 гектар қосымша жер дайындалып, 1390 отбасына үлестірілген. Оның ішінде 520 гектар жерге тамшылатып суару әдісі арқылы көкөніс, &nbsp;бақша дақылдары егілді.Жыл басынан бері сауда орындарында жасанды баға көтеру фактілерін болдырмау үшін азық-түлік жеткізуші кәсіпкерлер арасында бағаны ұстап тұру жөнінде түсіндірме жұмыстары жүргізілуде. "Нұр"," Арсен", "Аян"," Қайсар", "Береке" және "Қазына" ірі сауда нысандарымен, тағы басқа дүкендермен өзара ынтымақтастық жөнінде меморандумға қол қойылды. Бүгінде өнімдерге сұраныстың өсуі, өнім жетіспеушілігі байқалмайды. Сондай-ақ, ауданның экспорттық әлеуетін арттыру, ауыл шаруашылығы тауар өндірушілерінің тауарларын сырт елдерге экспортқа жөнелту бағытында жүйелі жұмыстар жүргізілуде. Өткен жылы мамыр айында Қырғызстанға 20 тонна ақ күріш, Ресейге 421 тонна қарбыз,&nbsp; 275 тонна қауын, 330 тонна қызанақ экспортталды.Сонымен қатар, Астана, Павлодар, Маңғыстау, Қарағанды, Жезқазған қалаларына 18 500 &nbsp;тонна ақ күріш, 1 200 тонна қарбыз, 13 400 тонна қызанақ, 3 800 тонна қауын және 22 000 тонна жоңышқа жөнелтілген.&nbsp;

Шиеліліктерге 1520 гектар жер бөлінді 

<a href="https://kyzylorda-news.kz/">Kyzylorda-news.kz.</a>&nbsp; Заман дамыған сайын түрлі мамандықтар мен кәсіп түрлері дамып, көбейіп жатқаны рас. Мамандардың әрбіріне жеке төл мереке арналуы қазір таңсық емес. Сол ізбен жыл сайынғы тамыз айының алғашқы жексенбісі – ел экономикасының күре тамырына айналған Қазақстан теміржолшыларының төл мерекесі. Сонымен қатар өзін «Қазақстан темір жолы» АҚ қызметкерімін деп атайтын жандар үшін ерекше дата, магистраль майталмандарының еңбегі еленіп, қуаныштары еселенетін күн. Бұл мереке ауданымыздың дамуына мол үлесін қосатын «Арал теңізі» станциясы қызметкерлерінің де мерейі. Қашан көрсең қауырт жұмыстың басында, тізбектелген жүк көлігінің жанында жүретін бұл ұжымдағы қызметкерлер үшін әр уақыт маңызды. Сондықтан мерекеге қарағанда олар үшін магистраль бойындағы отарбаның қалыпты жұмыс істеуі маңызды.Өз бастауын Арал-Аралсульфат теміржолынан алған қазіргі «Арал теңізі» темір жол станциясы 1906 жылы Орынбор-Ташкент темір жол торабымен байланыстырылды. Сол уақыттан бері елдің экономикалық, әлеуметтік дамуына мол үлесін қосып келеді. Ғасырдан әрі ғұмыр кешкен шойын жол бойындағы қалыпты жұмыстың қауырт кестесі әлі күнге толастамады. Ал сол жолда талай буын алмасып, көптеген тәжірибелі мамандардың еңбек майданында мерейлері үстем болды. Ал Талғат Шүренов басқаратын қазіргі ұжымда «Қазақстан темір жолы - жүк тасымалы» АҚ, «Арал теңізі» станциясы қазіргі таңда кестеге сай қалыпты жұмыс жүргізіп келеді. Жалпы 35 жанды жұмыспен қамтып отырған мекеменің негізгі міндеті – жүк тасымалы, жеткізу қызметі. Бүгінде халық қажеттілігіне жарататын, Аралдың ақ алтыны болған тұзды және құрылысқа қажет шебін, ракушка, сонымен қатар бензин мен көмірді тасу қызметі жыл бойына толастамақ емес.Сонысымен бұл саланың маңыздылығы экономиканың күретамыры деген маңызды статусқа ие. Соңғы 6 айлық есептік көрсеткіші бойынша 4536 вагон жүк тасымалданса, 2097 вагон жүк қабылданған. Және Арал-Сапақ шойын жолы күрделі жөндеу жұмыстарынан өтіп, халық игілігіне қызмет етпек.Биылғы жылы мереке қарсаңында еңбегі елеулі қызметкерлер де марапатқа ұсынылды. Осы орайда аудан әкімінің Алғыс хатымен 5 адам, облыс әкімінің Алғыс хатымен 3 адам және Қызылорда жол бөлімшесі басшысының Құрмет грамотасымен 2 адам марапатталды. Осы салада 40 жылға жуық еңбек еткен сала майталманы Әлімбай Бисембаев «Қазақстан темір жолы» АҚ басшысы Н.Сауранбаевтың «Адал еңбегі үшін» төсбелгісімен марапатталды. Мұның барлығы ұжымдағы елеулі еңбектің ескерілгендігін аңғартса керек. Шын мәнінде маңызды саланың майталман жұмысшылары көрсетілген құрметтің қайсысына болсын әбден лайық. Өйткені олар атқарған еңбектің артында асыраушы саланың айтулы көрсеткіші мен кестеге сай қалыпты жұмысы жатыр.Міне, осындай кәсіби шеберлігі мол қызметкерлер ауданымыздың абыройын асқақтатып, саланың серпілісін биіктететіні анық. Жауапкершілік, еңбекқорлық, адалдық – бұл әрбір теміржолшының бойынан табылатын ізгі қасиет. Осындай қуанышты күні темір жол саласының барлық қызметкері ең биік марапаттарға лайық.

Арал-Сапақ шойын жолы күрделі жөндеу жұмыстарынан өтіп, халық игілігіне қызмет етпек

Ауылда кәсіпке ден қойғандар көбейді

Kyzylorda-news.kz. 5 тамыз – Медиация күні аясында Қызылорда қаласындағы Достық үйі мен Татуласу орталығында облыстық Қазақстан халқы ассамблеясы «Бітім» медиация орталығымен бірлескен «Ашық есік күні» акциясы болып өтті.Медиация тәсілі арқылы дауларды шешуді түсіндіру, тұрғындарға медиативті кеңес беру мақсатында ұйымдастырылған шарада кәсіби медиаторлар өз қызметтерін ұсынды.«Ашық есік күні» акциясы барысында кәсіби және қоғамдық медиаторлар отбасы-неке дауы, әкімшілік, азаматтық және қылмыстық істер, меншіктік, жер, жылжымайтын мүлікке қатысты дау және өзге де даулы мәселелер бойынша ақысыз негізде кеңестерін берді.Аталған акция облыстың аудан орталықтарында өз жалғасын тапты. Жалпы алғанда қала және аудандарда 20 медиациялық кабинетте 300-ге жуық тұрғынға кеңестер берілді.

Қызылордада ашық есік күні өтеді

Kyzylorda-news.kz. Бүгін Қызылорда облысының өңірлік коммуникациялар қызметінің алаңында Арал ауданының әкімі Серік Сермағамбетов 6 айдың қорытындысы бойынша журналистерге баспасөз конференциясын өткізуде.&nbsp;Арал ауданында «2021-2025 жылдарға арналған Индустриялық дамытудың тұжырымдамасы» аясында ауқымды жұмыстар қолға алынған. Жалпы құны 168,7 млрд. теңгені құрайтын, іске қосылғанда мыңнан астам адамды жұмыспен қамтитын 9 жоба енгізілген болса, оның ішінде жалпы құны 3,6 млрд. теңге болатын 2 жоба іске қосылып, 268 азамат тұрақты жұмыспен қамтылды. Атап айтқанда, қуаттылығы 120 мың тонна ас тұзын өндіретін «Аралтұз» АҚ-ы мен жылдық қуаттылығы 120 мың тонна байытылған кварц құмын өндіретін «Арал кварц» ЖШС-нің жобалары тұрақты түрде жұмыс істеуде. &nbsp;Қазіргі таңда, бірыңғай индустрияландыру картасына қосымша жалпы құны 7,2 млрд. теңге болатын, іске қосылғанда 439 азаматты жұмыспен қамтитын 4 жобаны енгізу мақсатында тиісті жұмыстар жүргізілуде.

Аралда 2 жоба арқылы 268 азамат жұмыспен қамтылды

<a href="https://kyzylorda-news.kz/">Kyzylorda-news.kz.</a> Билік пен халықтың арасында айнымас алтын көпір болып, ел игілігі жолында атқарылып жатқан қанатқақты жобалар мен саяси жаңалықтарды қаз-қалпында жеткізу бұқаралық ақпарат өкілдерінің басты міндеті. Осы жауапкершілік жүгін ұғынған ауданымыз жыл сайын әр түрлі бағытта пресс турлар ұйымдастырып келеді. &nbsp;Дәстүрлі пресс тур биыл да қолдау тауып, ауылшаруашылық және кәсіпкерлік саласындағы жаңа жобаларды насихаттауды жөн көрдік.Аудан әкімі Мұрат Жолкелдіұлының бастамасымен өрбіген ақпараттық насихат шарасына республикалық, облыстық бұхаралық ақпарат құралдарының &nbsp;өкілдері &nbsp;қатысып, сан сауалға жауап алды. Кейден ауылындағы «Әбділла» шаруақожалығынан бастау алған пресс турда «Кәусар» жүгері сусынының дайындалу процесі мен оған қажетті жүгеріні өсіретін егістіктің жай-жапсарын көзбенен көрдік. Жүгеріден жасалған таза табиғи өнім өндіруші кәсіпорын қазір ауданның 7 адамын тұрақты жұмыспен қамтып, егістік алқабын кеңейтіпті. Ауданның шекарасынан шығып, облыс көлеміне танылған, республика деңгейіне шығуды мақсат еткен кәсіпкер 2017 жылы мемлекеттен 3,0 млн.теңге грант алып, кәсіптерін дамыту бағытында қарқынды жұмыс жасап келеді.&nbsp;Өндірістік қуатын сөз етсек, &nbsp;жылына &nbsp;800 тонна өнім өндіреді. Кәсіпкерлікті дамыту мақсатында 2018 жылы облыс әкімінен 1,0 млн.теңге қаржылай көмек сертификатын алды. 2019 жылы Қызылорда облысының «Үздік кәсіпкер» &nbsp;наминациясын жеңіп алды. 2020 жылы жүгері дәнін консервілеу жобасын жасады. 2022 жылы аудан әкімдігінен 300 га жер берілді. 2023 жылы Өңірлік қолдау қорынан 30,0 млн қаржы несие алып, заманауи техникалық құралдарға қол жеткізді. Бүгінде 200 га жер игерілуде, оның ішінде 192 га жүгері 8 га картоп егілген.«Кәусар» жүгері сусыны 2017 жылы «Жүгері сусынын» шығару мақсатында облыста ұйымдастырылған мемлекеттік грантқа қатысып, 3,0 млн тенгенің жеңімпазы атанды. Сонымен қатар сол жылы облыс кәсіпкерлерін қолдау мақсатында құрылған Өңірлік қолдау қорынан 3,0 млн тенге несие алып жұмыстарын бастап кетті. 2018 жылдың қараша айында кәсіпорын толық іске қосылды. Бүгінгі таңда аудандағы бірнеше сауда дүкендерінде сатылымға шығуда. Жан-жақтан Республика көлемінде тапсырыстар түсуде, сұранысы жоғары.Егістік жері құнарлы, су мәселесі толық шешілген. Шашақ шашқан егістік алқабында сұхбат берген шаруақожалық иесі Қасым Әбжаппаров:&nbsp;– Кәсіпкерлігім күннен күнге қанат жайып, табыс та молайып келеді. Мұның бәрі жүйелі жоспар мен аудан әкімдігінің кәсіпкерлікті қолдауының жемісі. Қазіргі таңда бизнесімнің шикізатын өзіміз егіп, оны өңдеп, сусын етіп шығарып отырмыз. Алдағы бес жылда шағын цехті жаңа ғимаратқа ауыстырсам деген мақсатым бар, – деді жас кәсіпкер.«Кәусар» сусыны бренд ғана емес, кешенді кәсіпкерлік деуге негіз бар. Сусынға қажетті жүгері, айран мен су кәсіп иесінің өз меншігінен табылып тұр. Бір сөзбен қайырсақ, егістік алқабынан дүкен сөресіне дейінгі қара бейнетті көтере білу де аса іскерлікті талап ететіні сөзсіз.«Диқан адам дән шашар, ел-жұртына нан шашар» деген мақал-мәтелдің түпті мағынасын Қожакент ауылдық округіне қарасты «Жақсылық И» шаруақожалығының егінші қауымын көргенде терең түсіндік. Бұл шаруашылық әртараптандыру бағытындағы суды аз қажет ететін картоп, көкөніс дақылына басымдық беріп отыр екен. Қожалық төрағасы Ерғали Исматуллаев егістікке өзі бастап алып барып, тың жерді қалай игеріп жатқанын сөз етті.– Бұл жер өте құнарлы әрі су жүргізуге өте жеңіл жер. Бұл маңдағы дөңес жерлерді бір деңгейге келтіріп, тегіс су жататындай ретке келтіріп, биыл алғаш рет егін егіп отырмыз. Біз мұнда 20-30 жылдық тәжірибесі бар агрономдармен бірлесе қарқынды жұмыс жасап, мол өнім алуды мақсат еттік, – деді шаруа иесі.Биыл қожалық форвордтық келісім шарт арқылы «Байқоңыр» ӘӘК-ы арқылы 10 млн 200 мың теңге жеңілдетілген несие алып, әрекет етіп отыр. Қожалық 3 га жерге картоп, 3 га сәбіз еккен. Мұнан бөлек, 5 га қарбыз, 1 га қауын, 33 га күріш те бастырған.&nbsp; Айта кету керек, су тапшылығын болдырмау мақсатында егістікті әртараптандыруға басымдық беру арқылы халық сұранысын қанағаттандырып, сауда бағасын бұрақтандыру үшін жауапкершілік жүгін арқалап, алажаздай аянбай еңбек етіп жатқан егіншілердің теккен тері ақталар күн алыс емес. Кортоп гүлдеп, түйіндей бастаса, сәбіз де гүлдеп тұр. Қарбыз бен қауын пісуіне жарты ай ғана уақыт қалған. Ал, күріштік алқабы күздің қара суығына ұрынбай-ақ жинап алуға үлгерері сөзсіз. Мұның бәрі уақыттылы ұлттық қордың есебінен халыққа тиімді бағада ұсынылады.Құт қонған Қожакент ауылы жаңа жобаларымен көптің қызығушылығына ие. Журналистер осы ауылдағы шеберханаға арнайы ат басын бұрып, тыныс-тіршілігімен танысуды ұйғарды. Жас кәсіпкер Мейірбек Үсенов «Жанайым» жеке кәсіпкерлігін құрып, үй құрылысына қажетті заттарды өңдеуде. Мысалы, үй шатырын жабуға, сондай-ақ ауланы қоршайтын қаңылтырларды түрлі формаға келтіреді. Сондай-ақ үй ішінде декоративті жөндеу жұмыстарына қажетті өнімдердің бір сыпарасы да осы цехтан шығарады. Мұнан бөлек, жақында үйдің еденге бетон қабатын құю кезінде пайдаланатын тор көзді сымтемір де шығармақшы.– Цех 2022 жылдың тамыз айында жұмысын бастады. Жалпы барлық шығын 70 млн теңге шамасында. Басты мақсат – құрылысқа қажетті заттарды өзімізде өңдеп, сырттан келетін өнімге тәуелділікті азайту. Осылайша шикізат күйінде алдырып, аудан көлемінде құрылысқа керек кейбір дүниелерді шығару, –дейді ол.Ашылғанына жарты жыл өтпеген шағын цехтің өнімін Түркістан, Шымкент, Тараз, Алматы, Қызылорда қалалары тұрына бастаған. Құрылысқа қажетті темір-терсектің заманауи үлгілерін өндіре бастаған жас кәсіпкердің ауылда мұнан өзге де бірнеше кәсібі барын білдік. Қожакент ауылдық округінде мемлекеттік жекеменшік әріптестік жобасы аясында Қожакенттік кәсіпкер, меценат, мәслихат депутаты Изатулла Үсенов ауыл жастарына арнап құны 85 миллион теңгені құрайтын спорт кешенінің құрылысын салуда. Спорт кешенінің жалпы көлемі 2000 м2 құрайды. Жастардың сұранысына байланысты онда кіші футбол залы, тренажер, бильярд және 100 адамға арналған асханасы бар.– Көп ұзамай пайдалануға беріледі. Мұнда 24 адамды жұмыспен қамтитын боламыз. Ауыл жастарының сұранысымен салынып жатқан ғимарат келбеті жағынан да, көлемі жағынан да ерекше болады. Алдағы уақытта халық қалауына сай әр түрлі спорт үйірмелерін ашатын боламыз. Тренерлер мен мамандар ауылдан да табылады. Көрші ауылдардың да мықты мамандарымен бірге жұмыс жсайтын боламыз, – деді ол.Аядай ғана ауылдың тынысын кеңейтіп, кәсіпкерлікке баулып, күнкөрісін өрістетіп, бірнеше отбасына жылу сыйлап отырған кәсіпкердің адами асыл қасиетке бай тұлға екенін іштей сезіндік. Бірлік пен берекеге бастаған отбасылық кәсіптің шырағы сөнбей, ел игілігі жолында табанды еңбек ете беретініне сеніміміз мол.Мемлекеттік бағдарламалар арқылы несие, грант алып, кәсібін дөңгелетіп отырған шағын кәсіпкерлердің жұмысы барысымен танысып қайттық.Дамыған отыз елдің өркениетіне ілесуіміз халықтың заманауи көзқарасын жылдам өзгертіп, талапқа сай тұрмыс етуімізді ұғындыруда. Осы орайда, тұрмыстық заттарымыздың соңғы үлгіге сай болуын қалайтынымыз жасырын емес. Осындай сұранысымызды қанағаттандыру жолында жергілікті жас кәсіпкер үлкен ізденіс жолына түсіп, алғашқы табысын таба бастады. Біз «Sanzhar Mebel» жихаз өндірісіне соғып, ондағы ұсталардың жұмысын бақыладық. Кәсіп иесі Әбдішайых Шайын Ислам алғашқы жихазын 2019 жылы жасапты. Мұнда 6 адамды жұмыспен етеді.– Сапалы жихаз өндіру ісін қолға алып, табыс таба бастадық. Әлеуметтік желі арқылы өнімімізді жарнамалаймын. Жихазға қажетті өнімдерді Шымкент қаласынан алдырып отырмын. Егер де кәсіпкерлікті қолдау тетіктерінен жәрдем болса, арнайы станоктар алдырып, өзіміз кесіп-пішіп, жұмыс тиімді болар еді. Қазір сұранысты бір апта әзірлеп, уақыттан ұтылып отырмыз. Станок болса бір жихазды бір күнде құрауға мүмкіндік болар еді, – деді.Кәсіпкер пайызы аз несие алу үшін құжаттар тапсырыпты. Кәсіпкер 2021-2025 жылдарға арналған Ұлттық жоба бойынша мемлекеттік грант иегері.Жаңақорғанда бұрын соңды ешкім қолға алмаған жаңа жобаны көзбен көруге асықтық. Полистирол бетон блоктарын өндіру цехында құрылыс жүргізуге таптырмас тың жобаның тіршілігі жанданған. Шағын цехте 5-6 адам тынымсыз еңбек етіп жатқан тұста кәсіп иесін сөзге тартық.– Бұл кәсіп әзірге тек Алматы облысында өндірілуде. Бұл полистирол 17 кірпіштің көлемімен тең, шлакаблокқа қарағанда өте сапалы, су өткізбейді, қақырап сынбайды, 100 жылға дейін жарамды болады, – деді.Қазірдің өзінде Жаңақорғанда он шақты үй осы құрылыс затымен салыныпты. Үй иелері де бағасы өте тиімді екенін сөз етті. Кәсіпкер Сыздыкова Ляззат 2022 жылы «Микробизнес - Қызылорда» бағдарламасы аясында «Өңірлік инвестициялық орталығы» МҚҰ-ы арқылы төмендетілген пайызбен 14,0 млн. теңге несие алған. Бүгінде қуаттылығы айына 35 000 дана полистиролбетон блоктарын өндіреді. 4 адамды жұмыспен қамтып отыр.Әрі қарай ДК «Мейрамбек» дәретхана қағаздарын шығару жұмысымен таныстық.Кәсіп иесі Сулейменова Шолпан Жәдігерқызы өзінің қызметімен қатар 2015 жылдан бері отбасылық бизнесті де жандандырып отырған көп балалы ана. Бүгінгі таңда қияр егіп, өнім алып отырған жылыжайлары, сонымен қатар, кружкаларды, фудболкаларды түрлі бейнелермен безендіретін өнерлері және азық-түлік сататын 2 дүкендері тағы бар. 2019 жылы «Нәтижелі жұмыспен қамту және кәсіпкерлікті дамыту бағдарламасы бойынша мемлекеттік қайтарымсыз грантты иеленді. 2021 жылы дәретхана қағаздарын шығаратын аппарат алып, соны іске қосып жұмыс жасауда. Аудан әкімі Тлеумбетов Мұрат Жолкелдіұлы Жаңақорған ауданына арнайы келген республикалық, облыстық телеарналар мен газет - сайттардың журналистерін қабылдап, ауданның әлеуметтік - экономикалық даму көрсеткіштері мен түрлі саладағы жетістіктері жайлы, 2023 жылдың І жартыжылдығында атқарылған жұмыстар туралы сауалдарына жауап берді. Жаңақорғанда халықтың жайлы өмір сүруі үшін негізгі қажеттіліктің бәрі жаңартылып келеді. Тарқатып айтсақ, ауыз су, жарық, жол және газ отынын тарату ісі жолға қойылған. Ауыл-аймақты газбен қамтамасыз ету үшін жүйелі жоспар жүзеге асуда. «Жайлы мектеп» жобасы арқылы 2 мектеп құрылысы басталды. Клуб үйлері мен амблоториялар да салынуда.&nbsp;– Ауданда көп жылдан бері тұрғын үй кезегін жылжымай келеді. Осы күрделі мәселені оңтайлы шешу үшін 90 үйдің құрылысын салуды құптадық. Биылғы жылы 50 үй халыққа берілетін болады. Қалғаны келесі жылы жүзеге асырылады. Осылайша, үй-жай тапшылығын көріп отырған отбасылар санын азайтамыз деп ойлаймыз, –деді аудан әкімі журналистерге берген сұхбатында.Жаңақорғандағы жаңа жобаларды бастап жатқан кәсіпкерлердің көбі жас жігіттер екен. «Жастарыңды көрсет, ертеңіңді айтайын» дегендей, жігерлі жастардың жаңашыл бастамаларына сүйсініп, кәсібінің өрісі кеңге жайыла берсін деген тілектестік білдіргіміз келеді.

Жаңақорғанда БАҚ өкілдері бас қосты

Kyzylorda-news.kz. Шиелі ауданының &nbsp;тұрғындарын баспанамен қамтамасыз ету - маңызды әлеуметтік мәселелердің бірі. Мұнда үй кезегінде тұрғандардың саны 1800-ге жуық.Сондықтан ауданда тұрғын үй құрылысы қарқынды жүруде. Бұл туралы жартыжылдық қорытындысына &nbsp;арналған брифингте Шиелі ауданының әкімі Нұржан Ахатов баяндады.<blockquote>«Биылғы мамыр айында көпбалалы отбасыларға 20 тұрғын үйдің кілті табысталған еді. «Нұрлы жер» мемлекеттік тұрғын үй құрылысы бағдарламасы аясында 833,2 млн теңге қаржы бөлінген. «Көкшоқы» шағын ауданында 72 пәтерлік тұрғын үй құрылысы аяқталып, жақын арада пайдалануға беріледі. Пәтерлер комиссия шешімімен заң аясында барлық санатқа бөлінеді», - деді аудан әкімі.</blockquote>Сонымен қатар, республикалық бюджеттен 480 млн теңге қаржы қаралып, 50 тұрғын үй құрылысы басталған. Жыл соңында бұл үйлер де халықтың әлеуметтік жағынан осал топтарына берілмек.

Нұржан Ахатов: 72 пәтерлік тұрғын үй жақын арада пайдалануға беріледі

Kyzylorda-news.kz. Ертең елімізде мемлекеттік білім гранттарын тағайындау конкурсының қорытындысы жарияланады. Бұл туралы ҚР Ғылым және жоғары білім министрлігінің баспасөз қызметі хабарлады.&nbsp;<blockquote>«Мемлекеттік білім гранттарын тағайындау конкурсының қорытындысы ертең, 5 тамызда сағат 12:00-де Ғылым және жоғары білім министрлігінің ресми сайтында және Telegram арнасында жарияланады. Сәттілік серіктеріңіз болсын» – делінген хабарламада.&nbsp;</blockquote>

Мемлекеттік білім гранттарын тағайындау конкурсының қорытындысы қашан жарияланады? 

Kyzylorda-news.kz. Бүгін Сырдария ауданының әкімі Берік Сәрсенбаев Шаған ауылына барып, елді мекендегі өндіріс ошағы ретінде салынып жатқан цех жұмысымен танысты.Ауылда "Шаған Жер" ЖШС егін егумен айналысады. Серіктестікте жұмыстарды әртараптандыруға басымдық берілген. Соның негізінде елді мекен орталығынан макарон өнімдерін шығаратын цех жұмысын іске қосу жоспарлап отыр. Бүгінде өндіріс ошағы болатын нысанның ішкі жөндеу жұмыстары жүргізілуде. Серіктестік директоры Ж.Сыздықов "Шаған Қызылорда" макарон өнімдері брендін таныту бағытында жұмыстар жасалып жатқанын атады.Аудан басшысы ауыл ақсақалдарымен бірге кәсіпкерлік нысан ішін аралап, жұмыстарына сәттілік тіледі.

Шаған ауылында макарон өнімдері шығарылмақ

Kyzylorda-news.kz. Биыл Шиелі ауданының әлеуметтік-экономикалық дамуында оң қарқын бар. Оған дәлел ретінде ауданның бюджеттік кірісін ерекше атауымызға болады. Жыл басынан бері аудандық бюджеттің кірісі – 5 млрд. 438 млн теңгеге артып, 112,7 пайызға орындалды. Сонымен қатар экономиканың негізгі тірегі саналатын маңызды салалардың бірі – өнеркәсіп өнімдерін өндіру көлемі – 36,1 млрд. теңгені құрап отыр. Бұл былтырғы жылдың осы кезеңімен салыстырғанда 102,5 пайызға өскен. Оның ішінде өңдеу өнеркәсібі – 15,9 млрд. теңгенің өнімін өндірді. Бұл туралы Қызылорда облысының өңірлік коммуникациялар қызметінде өткен баспасөз конференциясында Шиелі ауданының әкімі Нұржан Ахатов мәлімдеді.<blockquote>«Жыл басында аудандық бюджет 10 млрд. 754 млн теңге көлемінде бекітілді. Оның ішінде, аудандық бюджеттің өз кірісі – 4 млрд. 298 млн теңге. Ауданымызда экспорт көлемі де артып келеді. Атап айтқанда, ірі кәсіпорындардың бірі – «Фирма Балауса» ЖШС-нің «Бала-сауысқандық кенішінде қара тақта тасты автоклавты өңдеу» жобасы. Осы кәсіпорыннан шығарылған 190 630 тонна өнім Ресей, Ұлыбритания, Австрия елдеріне &nbsp;экспортталды. Сонымен қатар, «Гежуба Шиелі Цемент Компаниясы» Өзбекстанға &nbsp;бірінші жартыжылдықта 81 579 тонна цемент жөнелтілді. Жалпы негізгі капиталға салынған инвестицияның көлемі – 16 млрд.теңгені құрап, 2,2 есеге артты. Ал құрылыс жұмыстарының көлемі – 5,5 млрд теңгеге орындалып, 155,6 пайызға артты. Оның ішінде &nbsp;жеке тұрғын үй құрылысы жалпы ауданы 31 567 шаршы метрді құрап отыр», – деді аудан әкімі Нұржан Ахатов.</blockquote>

Қазақстан және Қызылорда облысының жаңалықтары