<a href="https://kyzylorda-news.kz/">Kyzylorda-news.kz.</a>&nbsp;Әлемде әрбір үшінші адам көз ауруынан зардап шексе, елімізде жыл сайын бір миллионға жуық тұрғын офтальмологтардың көмегіне жүгінеді. Оған себеп – экологияның бұзылуы, дұрыс тамақтанбау, ұялы телефон мен компьютер деседі.Кейінгі кезде көз аурулары жиі кездесетін сырқаттың біріне айналды. Оның ішінде алыстан және жақыннан көрмеушілік, іштен туа бітті аурулар белең алып отыр. Ал көз ауруларының пайда болуына механикалық, яғни әр түрлі жарақаттар алу, физикалық, химиялық факторлар әсер ететіні белгілі. Өткен бір жыл ішінде Қазалы теміржол емханасына шамамен 900-1000 адам тексерілген. Олардың басым көпшілігі көздің жедел ауруларымен шағымданған. Көпбейінді облыстық ауруханада 2022 жылдың қорытындысы бойынша 85 науқасқа оперативтік ем жасалған.&nbsp;Ауру асқынбасын десеңіз…Қазіргі таңда көз аурулары жасарып барады. Мамандар жастар арасында алыстан көрмеушілік жиі кездеседі дейді. Басты себебі заманауи техниканың дамуына байланысты және сабақ оқу кезіндегі көзге түсетін ауыртпалық. Орта мектепті бітірген әр бес баланың біреуі осы аурумен ауыратын көрінеді. Ауруды тудыратын басты себеп, пәтердегі қарапайым шамның жарығының төмен болуы немесе теледидар мен компьютердің алдында ұзақ отыру болуы да әбден мүмкін. Қала мен ауыл балаларын салыстырғанда қаладағы балаларда көп кездеседі. Соңғы уақытта тым жиілеп кеткен.<blockquote>«Миопия кезінде балаларға қажетті көзілдірік таңдап, ары қарай үдеп кетпеуі үшін қажетті дәрумендермен емдейміз. Сонымен қатар, арнайы апараттармен тексеріп, әр 3 ай сайын бақылап отырамыз. Жалпы ем алушылардың басым көпшілігі жастар. Әрбір ата-ана балаларының болашағына немқұрайлы қарамағаны жөн», –дейді Қазалы теміржол емханасының дәрігер офтальмологы Берік Жадырасын.&nbsp;</blockquote>Бұдан бөлек белең алып отырған көз ауруларының бірі – катаракта. Яғни, көзге ақтың түсуі. Көз бұршағының бұлдырап, қарауытып, ағаруымен сипатталады. Салдары шел басқан кезінде сәуленің көз бұршағына өтуі қиындайды. Көздің көру қабілеті кемиді. Бұл ауру кәрілік, жарақаттану әсерінен, әр түрлі аурулардың асқынуы салдарынан туындайды. Катаракта екі түрлі болып келеді. Туа біткен және жүре пайда болатын. Жүре пайда болған катаракта кейде 40-50 жастан кейін болады, бірте-бірте үдей түсіп, көз бұршағы бұлыңғыр болып, перде жабылып қалады. Бұл аурудың басты белгісі сырқат адамның көзінің алдында бір нәрсе тұрғандай сезіледі. Жалпы қазіргі таңда медицинаның дамығанының арқасында шел басқанды ота арқылы емдеп жазуға болады. Отадан кейін науқасқа қалай күтіну керектігі және де қандай дәрі-дәрмектер қолданылатыны жайында дәрігерлер кеңес береді. Ультракүлгін сәулелер, электр тогы, радиоактивті заттар, т.б. көз нұрына зиян. Өйткені көз бұршағы радиацияға өте сезімтал келетіндіктен, осындай сәулелермен жұмыс істейтін адамдар катарактаға жиі шалдығады.Дәрігердің айтуынша, іштен туа біткен катаракта құрсақтағы ұрықтың дамуы кезінде пайда болады. Бұл аурудың түрі аз кездеседі және пайда болуына көптеген факторлар әсер етеді. Соның ішінде айта кететін болсақ, жүктілік кезінде анасы қандайда бір вирустық инфекциямен ауыратын болса, зиянды әдеттері болатын болса, созылмалы аурулармен ауырған болса, нәрестенің көзінің шел басуына әкеліп соғуы мүмкін. Мұндай жағдайда нәрестеге 3 жастан кейін ғана ота жасап, көз бұршағын ауыстырады. Осы аурумен ауыратын адамдарға кеңес ретінде айта кететін жайт майлы және тұзды тамақ жемей, витаминдерге бай тағамдарды қолданғаны абзал. Еліміз бойынша глаукомамен де есепте тұрғандар саны қаншама. Суқараңғылық –көздің ішкі қысымының жоғары көтерілуінен болатын созылмалы көз ауруы. Бұл ауру түрімен жер шарында 67%-ға жуық адам ауырса, мүгедектік 12-20%-ды құрайды екен. Суқараңғылық көзден сулы ылғалдың шығуының бұзылуы көз іші қысымының жоғарылауымен көру жүйесінің үдемелі төмендеуінің салдарынан жүретін аурулар тобына жатады. Этилогиясына қарай туа пайда болған біріншілік және екіншілік глоукома деп ажыратады. Біріншілік глоукома көзден сұйықтықтың ағып шығуына жауапты құрылғылардың дамуындағы ақауларға байланысты болса ал екінші глоукома көз қабынғанда, жарақаттар алғанда, тағы басқа жағдайларда туындайды. Глоукома ауруы деген диогноз қойылғаннан кейін науқас үнемі дәрігердің бақылауында болу керек.Дәрігер Берік Балдақұлы тұрғындарға глаукома ауруынан сақтану керектігін айтады. Себебі бұл дерттің «құрығына» іліккендердің аурудан айығуы қиындау болады. Адам көзіндегі сұйықтың қалыпты айналу жағдайы бұзылса, көз ішінің қысымы жоғарылайды, содан глаукома ауруы пайда болады. Бұндай кезде көз түбіндегі нерв талшықтары айтарлықтай зақымдалады. Егер ауруды ерте сатысында анықтайтын болса, асқынулардың алдын алуға болады. Дәрігер тағайындаған емдерді уақытылы қабылдайтын болса, яғни көз ішінің қысымын тұрақты ұстап жүретін болса, оперативтік ем қажет болмайды. Егер тағайындалған ем дұрыс жүргізілмей немқұрайлы қарайтын болса ауру асқынып, соның салдарынан толық суқараңғылыққа әкеліп соғады. Егер суқараңғылық болатын болса, оны қалпына келтіру мүмкін емес. Сондықтан, кезеңді түрде дәрігерге қаралып, көзішілік қысымын тексертіп тұру қажет.Көзге қамқорлық керекКөз зақымданғанда көрсетілетін алғашқы жәрдем егер көзге бөгде зат түссе, дереу кайнатылған жылы сумен көзді сыртынан ішіне карай бірнеше рет жуу керек. Көзге қышқыл, сілті сияқты сұйықтықтар тисе, суды ағызып қойып жуған дұрыс. Егер көз қызарып, жасаурап ауырғаны басылмаса дәрігердің көмегіне жүгінгені жөн. Көзді еш уақытта қолмен уқалауға, сүртуге болмайды, тек таза, жұмсақ шүберекпен сүрту керек. Бастысы жаз айларында тікелей түсетін күн сәулесінен және шаң тозаңнан қорғанып көзілдірік киген дұрыс.Мамандар мынадай кеңес береді. Жұмыс орнындағы жарықты реттеп отыру.Ол тым қатты жарық немесе тым көмескі, әлсіз болмауы керек. Үстелге қоятын шамның жарығы сол жақтан түсу керек. Кітапты окығанда, теледидар көріп копьютермен жұмыс жасағандағы қашықтық 30-35 см болу керек. Яғни үстелде дұрыс денені тік ұстау көз ауруының болдырмауының бірден бір себебі. Теледидарды қараңғыда көрмеген жөн. Ой еңбегі мен дене еңбегін алмастырып отыру. Үнемі компьютермен жұмыс жасағанда көзге арналған жаттығуларды жасау тиіс. Кітапты көлікте қозғалыс кезінде, жатып оқымаған дұрыс. Кірпікке арналған косметикалық құрылғыларды жатар уақытта жуып тастау керек. Компьютермен жұмыс жасаған кезде 10-15 минут бөліп, көзге арналған жаттығу жасау тиіс. Көз ұқыптылықты талап етеді, сол себепті жиірек таза ауада серуендеу керек. Сонымен қатар төмендегі көрсетілген жаттығуларды күніне бірнеше рет жасап тұрған жөн. Түзу отырыңыз, назарыңызды алға қарай бағыттап, көзіңізді жұмыңыз да айналмалы қозғалыстар жасаңыз. Мысалы, солға, жоғарыға, оңға және төмен қарай 5-10 рет қайталаңыз.Саусақтардың ұшымен көзді аздап басып тұрыңыз да алып тастаңыз. Бұл тәсілді 5 рет қайталаңыз. Одан соң көзді ашып, жылдам ырғақпен 15 рет жыпылықтатыңыз.Оң қолыңызды алға созып, назарыңызды ортаңғы саусақтың тырнағына аударыңыз. Қолыңызды оң жаққа максимальді бағыттаңыз, бірақ басты бұрмаңыз және назарды саусақтан алмаңыз. Оң жақ қолыңызды қайтарып, енді сол жақ қолыңызбен жасаңыз. Мұны да 5 рет қайталаңыз.Көзіңізді жұмып, оны қатты қысыңыз. Мұны да 5 рет қайталаңыз. Жаттығуды жасап болғаннан кейін 15 рет жыпылықтатыңыз.Бірнеше рет терең дем алыңыз да тынысты ұстап, белді бүгіп, басты алға қарай түсіріңіз. Содан соң 5-ке дейін санап, қайтадан түзу тұрыңыз. Терең дем алып, жаттығуды бірнеше рет қайталаңыз.Талғаммен тамақтану талай дерттен қорғайды. Көз тазалығын сақтаумен қатар дұрыс тамақтануға да мән берген жөн. Көз аурулары тұқым қуалаушылық немесе сыртқы ортаның жағымсыз әсері нәтижесінде пайда болады дедік. Мысалы, құрамында канцерогеннің жоғары мөлшері бар тағамды және басқа да зиянды заттарды қабылдағанда көз ауруы пайда болады. Ал көз үшін ең пайдалы көкөністерге қырыққабат және жүгері жатады. Олардың құрамында дәрумендер мен минералды заттар көп болғандықтан, көздің қалыпты көру қабілетін сақтайды. Көздің жақсы көруі үшін тамақтың құрамында А дәрумені болу қажет. Ол ағзаның түрлі инфекцияларға қарсы тұру қабілетін жоғарылатады. Сонымен қатар көздің сау болуы үшін С, Вi, Be және В12 дәрумендерінің де маңызы зор. Олар қан тамырларын бекітеді, орталық жүйке жүйесін қоректендіреді.Балаңызды бақылаңызКейінгі жылдары балалар арасындағы көз ауруы көбейді. Оның ішінде туабітті аурулардан бөлек, жүре пайда болған сырқат түрлері жиі кездеседі. Мектепте, асыра айтқанда, екі баланың бірі көзілдірік киюге мәжбүр. Дәрігерлердің айтуынша, соңғы кезде технологияның дамуы да көз ауруына жетелейтін бірден-бір себеп болып отыр.<blockquote>«Қазір балалардың көпшілігі ұялы телефон, планшет, гаджет, компьютер пайдаланады. Мәселен, миопия деген көз ауруы бар. Көздің көру қабілетінің нашарлауына қоршаған орта факторлары тікелей әсер етеді. Яғни, жас балалардың көз жанарының бұзылуына ұзақ уақыт компьютер, смартфонды пайдалану, теледидарды жақын ара-қашықтықтан көру көп әсер етеді. Сонымен қатар көру қабілетінің нашарлауы сабақ оқу барсыныда жарықтың дұрыс түспеуі мен кітапты тым жақын, не тым алыс, жатып, еңкейіп, көзге салмақ салып оқығаннан да болады. Қазір мектептегі әрбір үшінші бала көзілдірік тағады. Оны күнделікті жұмыс уақытында, болмаса оқушыларды жаппай медициналық тексеру кезінде көріп отырмыз. Көз қызметі нашарлаған жағдайда көзілдірік кию міндетті. Сабақ оқитын бөлмеге жарықтың мол түсуін қадағалау қажет. Баланың бос уақытында компьютер ойнап, телефонмен ойнауына шектеу қою қажет. Сондықтан көзіңіздің нашарлауын күтіп отырмай, жылына бір рет офтальмолог дәрігерінің тексеруінен өткен дұрыс. Ауруды емдегеннен гөрі оның алдын алудың орынды екені анық», – дейді дәрігер офтальмолог Берік Жадырасын.</blockquote>Адамның ішкі органдары сырқатқа шалдықса да ол көзге әсер етеді. Орталық және шеткі жүйке жүйесі, жүрек-қан тамырының жүйесі ауырса да, ағзадағы зат алмасу бұзылса да, ішкі секреция бездері зақымданса да, көз маңайында ауру процестері басталса да көзді ауыртады. Бір көздің жарақаттануы екінші көзге де әсер етеді. Сондықтан қос жанарға қамқор болу қашанда маңызды екенін естен шығармаған жөн.

Қазалылық дәрігер офтальмолог көз ауруының жасарып кеткендігіне алаңдаулы 

<a href="https://kyzylorda-news.kz/">Kyzylorda-news.kz.</a>&nbsp; «Білім беру ұйымдарында балаларға психологиялық қолдау көрсету, суицидтің алдын алу, зорлық-зомбылықты анықтау қызметін дамыту мен «Бақытты отбасы» партиялық жобасы аясында өмірлік қиын жағдайға қалған отбасыларға көмек көрсету бойынша атқарылып жатқан жұмыстар барысы бүгін «AMANAT» партиясы Қызылорда облыстық филиалы жанындағы Отбасы және халықты әлеуметтік қорғау мәселелері бойынша кеңес отырысында талқыланды.«Бақытты отбасы» партиялық жобасы аясында өмірлік қиын жағдайға қалған отбасыларға көмек көрсету бойынша жыл басында «Отбасының цифрлық картасы» іске қосылған. Бұл мемлекеттік органдардың қолданыстағы барлық ақпараттық жүйелерінің деректері негізінде қалыптастырылған. Бүгінгі күнге онда Қызылорда облысының 846 мыңнан астам азаматы немесе 214 мың отбасы туралы ақпарат жинақталған.<blockquote>«Отбасының цифрлық картасын енгізудің негізгі мақсаты азаматтардың мемлекеттік қолдау жүйесіне тең қолжетімділігін қамтамасыз ету. Сондай-ақ, цифрлық карта азаматтардың әлеуметтік мәртебесіне байланысты кепілдендірілген мемлекеттік қолдаудың қандай да түрін алуға құқықтары туралы күнделікті «электрондық хабарлама» болып табылады»,-дейді атқарылған жұмыстар туралы есеп берген облыстық жұмыспен қамтуды үйлестіру және әлеуметтік бағдарламалар басқармасы басшысының орынбасары Сәкен Мырзабек.</blockquote>Қазіргі уақытта ОЦК мемлекеттік қолдау шараларын алуға құқығы бар азаматтарға қандай да бір өтініштерсіз жәрдемақылар мен әлеуметтік төлемдердің 9 түрін рәсімдеуге мүмкіндік береді. Олар, жүктілікке және босануға байланысты табысынан айырылған жағдайда, 1,5 жасқа дейінгі бала күтіміне байланысты, жұмысынан айырылған жағдайда, асыраушысынан айырылу бойынша, мүгедектігі бар баланы тәрбиелеп отырған ата анасына жәрдемақы, мүгедектігі бойынша жәрдемақы, көп балалы отбасыларға, «Алтын алқа», «Күміс алқа» алқаларымен марапатталған көп балалы аналарға берілетін жәрдемақы, атаулы әлеуметтік көмек.<blockquote>Жүйеде көмекке мұқтаж отбасыларға дер кезінде көмек көрсету және отбасының дамуына қолдау көрсету үшін тұрақты мониторинг жүргізіліп отырады. 2023 жылдың 5 айында бөлімдерге 6 мыңнан астам адамға түрлі бағыттағы қолдаулар көрсетілген. Атап айтқанда, 1 781 адамға құқықтық кеңестер беріліп, 691 адамға психологиялық көмек көрсетілген. 58 адамның жоғалған құжаттарын рәсімдеуге, 31 адамды емдеу мекемелеріне жатқызуға, 323 адамға атаулы әлеуметтік көмек тағайындауға жәрдем көрсетілген. Мұнан бөлек 1 809 адам гуманитарлық көмекпен қамтылған. 536 көп балалы ана тұрақты жұмысқа, 1 012 адам уақытша жұмыс орындарымен қамтылған. Өз кәсібін ашуға 217 көпбалалы, 36 мүгедек бала тәрбиелеп отырған аналар, 17 асыраушысынан айырылған отбасы және 54 мүгедектігі бар азаматтар қайтарымсыз грант алды,- дейді Сәкен Мырзабек.</blockquote>2023 жылдың 5 айы бойынша кәмелетке толмағандар арасында Қазалы, Сырдария, Шиелі, Жаңақорған аудандары мен Қызылорда қаласы бойынша 5 зорлық-зомбылық жағдайы тіркелген. Облыстық білім басқармасының мәжілісінде мәселе талқыланып, қорытындысымен 1 мектептің әкімшілігі қызметінен босатылды, 1 мектептің әкімшілігі мен жауапты қызметкерлеріне тәртіптік шара көрілді. 2 жағдай бойынша тергеу амалдары жүргізілуде. Осындай фактілердің алдын алу мен қиын жағдайға тап болған отбасыларды анықтау бойынша білім беру ұйымдарының 387 әлеуметтік педагогі арнайы оқудан өткен. Олар осал топтағы балалардың тұрмыс сапасын және өмір сүруін жақсарту үшін кейс ашып, арнаулы әлеуметтік қызмет көрсетеді.<blockquote>Жалпы білім басқармасы тарапынан «Кәмелетке толмағандар арасында суицид, құқық бұзушылық, зорлық-зомбылық пен ерте жүктіліктің алдын алу бойынша 2023 жылға арналған ведомствоаралық іс-шаралар жоспары жасалып, соған сәйкес кәмелетке толмағандар арасында зорлық-зомбылықтың алдын алу мақсатында білім беру ұйымдарында арнайы кешенді тест жұмыстары жүргізілді,- дейді облыстық білім басқармасының бөлім басшысы Шолпан Жүнісова.</blockquote><blockquote>«Сәуір айында барлық білім беру ұйымдарында 5-11 сынып оқушылары мен 1-2 курс студенттер арасында кешенді тест алынып, нәтижесінде «Психологиялық қолдау» тобына алынған 2873 бала сұхбатқа шақырылды. Сұхбат жүргізу мақсаты зорлық-зомбылық белгілерін анықтау, мектеп, колледж әкімшілігін хабардар ету. Сұхбаттан кейін «тәукел» топқа 103, «Психологиялық қолдау» тобына 367-і алынды»,- дейді бөлім басшысы.</blockquote>Өткен жылы өңірде кәмелетке толмағандар арасында 8 аяқталған суицид, 5 ұмтылыс жағдай тіркелген. Ағымдағы жылдың 5 ай қорытындысымен 1 аяқталған суицид және 1 ұмтылыс тіркелген.Жиында жұмысты жетілдіру бағытында ұсыныстар ортаға салынып, хаттамаға енгізілді.<figure class="image"><img src="https://knadmin.beoblood.kz/uploads/354026189_649858200513153_88188171943873481_n_27e499943d.jpg" alt="354026189_649858200513153_88188171943873481_n.jpg"></figure>

Отбасы және халықты әлеуметтік қорғау мәселелері бойынша  кеңес отырысы өтті

<a href="https://kyzylorda-news.kz/">Kyzylorda-news.kz.</a> Қызылорда қаласындағы Назарбаев Зияткерлік мектебінде мектеп бітіруші түлектеріне аттестат тапсыру рәсімі өтті.Жиында мектеп директоры Жаңбыржан Сәрсенұлы жас зияткерлерді қорытынды емтихан нәтижелерімен құттықтап, «Алтын белгі» мен «Үздік аттестат» иегерлеріне марапаттарын табыстады. &nbsp;Әрі қарай аттестат тапсыру рәсімін директор орынбасарлары жалғастырып, бітіруші сыныптар өздерінің риясыз көңілдерін әнмен жеткізді. &nbsp;Сонымен қатар мектеп өміріне белсене араласып, спорт пен өнер бағытында жеткен жетістіктері үшін бір топ оқушылар мектеп директорының Алғыс хатымен марапатталды. &nbsp;Білім ордасының дамуына ерекше үлес қосқан &nbsp;ата-аналар да назардан тыс қалмай, мектеп басшысының арнайы құрметіне бөленді.Биыл Сыр бойындағы NIS-тен 75 түлек түлеп ұшты. Олардың әрқайсысы болашақта қажетті ілім мен дағдыларды игергендіктерін айтады. Сонымен қатар, сыртқы жиынтық бағалау қорытындысы бойынша химия, физика, информатика пәндерін тапсырған оқушылардың 50% А* және А ең жоғары бағаларын алып, мектеп абыройын асқақтатты. &nbsp;Сонымен қатар жоғары оқу орындарына түсу көрсеткіштері қуантады. Бүгінде 10 жас өрен АҚШ, Мажарстан, Италия және еліміздің беделді жоғары оқу орындарының 100% білім грантын жеңіп алды. 42 түлек Назарбаев Университетіне құжаттарын тапсырып, нәтижелерін күтуде.<img src="https://knadmin.beoblood.kz/uploads/Whats_App_Image_2023_06_14_at_10_58_06_91b5035862.jpeg" alt="WhatsApp Image 2023-06-14 at 10.58.06.jpeg">

NIS түлектеріне аттестат табысталды

<a href="https://kyzylorda-news.kz/">Kyzylorda-news.kz.</a>&nbsp;Соңғы жылдары Шиелі ауданында кәсіпкерлік саласы қарқынды дамып келеді. Оған Үкімет тарапынан халықтың экономикалық ахуалын жақсарту мақсатында «Нәтижелі жұмыс пен қамту және жасппай кәспкерлікті дамыту», «Бастау Бизнес» сияқты мемлекеттік бағдарламалар үлкен шарапатын тигізуде. Жұмыссыз жастар, кәсіп бастауға ниетті жандар мемлекет тарапынан қолдауды сезініп, сан түрлі кәсіпті іске асыруда. Тіпті төрт түліктің санын көбейтіп, отандық өнімдердің қатарын толықтыруды көздеп отырғандар да бар.&nbsp;Бүгінгі мақаламызға арқау болған кейіпкеріміз Зеңгі баба тұқымын көбейтуді көздеп отыр. Мүйізді ірі қара қай кезде де қазақтың берекесін сақтап, ақша орнына жүрді, еті азық болды. Мал басын көбейтуге ниет білдірген &nbsp;кент тұрғыны Ақнұр Мамайқызы аудандық «Атамекен» кәсіпкерлер палатасында білім алып, тиісті сертификатты иемденеді. Бұл – тұрақты табысы болмаған бұрынғы жұмыссыз жанның кәсіп бастауына мол мүмкіндік туғызды. Ал 583400 теңге көлемінде грант ұтып алуы, өзінің бизнес жоспарында көрсеткен мал шаруашылығы кәсібін бастауына септігін тигізді.«Қазақтың негізгі табыс көзі – мал шаруашылығы. «Алма піс аузыма түс» деген заман емес. Ерінбеген адамға жұмыс қашан да табылады. Кәсіппен айналысамын деушілерге арналған түрлі бағдарламалар бар. Мемлекеттен шағын несие де беріледі. Қазір осы мал арқылы күнкөрісімізді айырып отырмыз. Алдағы уақытта ірі қара санын арттырып, кәсібімді кеңейту жолылында барымды салып жұмыс жасай бермекпін. Кейбір жастардың «жұмыс жоқ» деп қол қусырып отырғанына таң қаламын. Мал шаруашылығы ертеден келе жатқан ата кәсібіміз, ешкімді аштан өлтірмейді», – дейді ол.Төрт түлікті өсіру оңай шаруа емес, маңдай терді талап ететін адал кәсіп. Оның жем-шөбінің дайындаудың өзі үлкен мәселе. Кейіпкеріміз болашақта кәсібін одан әрі кеңейтуді жоспарлап отыр. Мал шаруашылығының дамуына өз үлесін қосуды басты міндеті деп есептейтін Ақнұр еңбектің ешкімге тәуелді етпейтінін жақсы түсінеді.

Шиелі ауданында кәсіпкерлік саласы қарқынды дамып келеді

<a href="https://kyzylorda-news.kz/">Kyzylorda-news.kz.</a> «Жақсының жақсылығын айт, нұры тасысын» деген сөз бар. Осы ретте аудандық емханада 40 жылға жуық &nbsp;мейірбике болып қызмет етіп келе жатқан Майра Мұнарбаеваның есімін құрметпен атар едік. Өнегелі отбасынан шыққан ол өзінің еңбекқорлығы мен мамандығына деген қалтқысыз құрметінің, кең пейілінің арқасында өзіне берілген аймақ тұрғындарының ілтипатына бөленіп жүр.&nbsp;Кейіпкеріміз 1965 жылы Ақтөбе ауылында дүние есігін ашады. &nbsp;1982 жылы ауылдағы &nbsp;№109 қазақ орта мектепті бітірген соң Қызылордадағы облыстық медициналық училищесіне оқуға түседі. Оны 1984 жылы аяқтап, медбике мамандығын алып шығады. Алғашқы еңбек жолын аудандық емханада мейірбике болып бастаған ол күні бүгінге дейін осы мекемеде еңбек етіп келеді.&nbsp;Ақ халаттылардың сенімді серігіне айналған мейірбикелердің жұмысы қашанда үлкен жауапкершілікті қажет етеді. Әрине, халықпен жұмыс істеу қызық әрі қиын.&nbsp;<blockquote>«Әр саланың өз қиындығы болады. Сондықтан медбикелердің жұмысында да бірқатар қиындықтар бар. Мәселен, біз уақытпен санаспай еңбек етеміз. Науқас жандардың ауруына, диагнозына қарамай, оларға жан-жақты күтім жасаймыз, ем-шарасымен қатар оларға мейлінше жағымды көңіл-күй сыйлауға тырысамыз. Дәрігер емінің нәтиже беруі үшін ұқыпты, жауапкершілікпен жұмыс жасауға талпынады. Күні-түні тынбай, кезекшілікке тұрып, науқастардың жағдайын жасайтын әріптестеріміз көп. Олардың адал еңбегі қандай жақсылыққа болса да лайықты. Жалпы, біз, медбикелер қауымы, санаспай, дамылсыз еңбек етеміз. Соның арқасында көптің алғысын аламыз. Біз үшін ең маңыздысы осы емес пе?!» – дейді ол.</blockquote>Тұрғындардың алғысына бөленіп жүретін мейірімді медбике халықтың денсаулығы – ұлттың байлығы екенін айтады. Иә, қандай атақ болса да халықтың берген батасына, алғысына жетпейтіні рас. Бар ғұмырын медицина саласына арнаған Майра Жұмағалиқызы – қазір өз ортасындағы ең тәжірибелі маман, жастарға үлгі болып жүрген жан. Мейірбикелерді тек дәрігердің айтқанын орындаушы ғана деп түсінуге болмайды, олар – дәрігердің сенімді серіктесі, адамдарға психикалық, физикалық жағынан жәрдемдеседі. Шындығына келгенде, дәрігер берген емнің нәтиже беруі осы мейірбикелерге байланысты.Инесімен талай жанның дертіне дауа, еміне шипа сыйлаған мейірбике – қызметінде абыройлы маман болса, отбасында ардақты ана. Бақытты жанұяның ұйытқысы отағасымен бірге Азамат, Аида есімді ұл-қыз тәрбиелеп отыр. Бүгінде олар жоғары білімді маман. Жолдасы Нұрмантай Қонаев қаласындағы АИСТ компаниясында оператор-жүк көретуші болып еңбек етеді. Ал ұлы Астана қаласындағы Назарбаев университетінде магистратурада оқыса, қызы Астана халықаралық университетінің магистранты. Екеуі де ағылшын тілі пәнінің мұғалімі.Медбикенің жұмысына ең қажет нәрсе – өз ісіне және науқастарға жауапкершілікпен қарау. Бұл екі қасиет те Майра Жұмағалиқызының бойынан табылады. Біз де жүрегі жомарт, көңілі дария, елге сөзімен де, ісімен де шипа бола білген бүгінгі кейіпкеріміздің алдағы уақытта да абыройы асқақтап, мерейі үстем болуына тілекшіміз.

40 жыл антына адал қызмет етіп келеді 

<a href="https://kyzylorda-news.kz/">Kyzylorda-news.kz.</a>&nbsp;Қызылорда қаласының әкімі Асылбек Шаменов 23 маусым – Мемлекеттік қызметші күніне орай аймақ басшысының жүлдесіне арналған дәстүрлі облыстық спартакиаданың жеңімпаздарын марапаттады.​Қазақстан Республикасының Мемлекеттік қызмет істері агенттігінің Қызылорда облысы бойынша департаменті және Қызылорда облысы әкімдігінің ұйымдастыруымен 31 мамыр - 9 маусым аралығында өткен байрақты додаға қала мен аудандардан 25 команда және 1000-ға жуық мемлекеттік қызметші қатысып, 6 спорт түрінен өзара бақтарын сынады.​Аса тартысты бәсекеде Қызылорда қаласы әкімдігі 1-ші топ бойынша жалпы командалық есепте 35 ұпай еншілеп, жүлделі бірінші орынды жеңіп алды.​Сүйікті шаһарымыздың намысын қорғаған сайыпқыран мемлекеттік қызметшілерге алғысын білдірген қала әкімі Асылбек Өмірбекұлы «Мемлекеттік жергілікті атқарушы орган қызметкерлері арасында өткен дәстүрлі ХХVIII спартакиадаға белсенді қатысып, жоғары көрсеткіштерге қол жеткізген командамыз спортта да озық екенін дәлелдеді. Салауатты өмір салтын қалыптастырудағы игі істеріңіз жалғасын тауып, ұлт саулығын қалыптастыра беріңіздер» деп, жүлделі үздіктерге арнайы алғыс хаттарды табыстады.

Асылбек Шәменов облыстық спартакиаданың жеңімпаздарын марапаттады

<a href="https://kyzylorda-news.kz/">Kyzylorda-news.kz.</a>&nbsp;Бүгін жоғары қысымды өрістің әсерінен елдің басым бөлігінде ауа райы негізінен жауын-шашынсыз болады, деп хабарлайды Қазгидромет.&nbsp;Оңтүстік-шығыста, солтүстік-шығыста, шығыста, қиыр батыста, күндіз ел орталығында фронтальды бөлімдердердің өтуімен найзағай ойнап, өткінші жаңбыр жауады, бұршақ жаууы ықтимал. Республика бойынша желдің күшеюі, оңтүстігінде, оңтүстік-батысында, орталығында шаңды дауыл, солтүстігінде тұман сақталады.Қызылорда облысының басым бөлігінде қатты ыстық күтілуде. Сонымен қатар аймақта төтенше өрт қаупі бар.

14 маусымға арналған ауа райы болжамы

<a href="https://kyzylorda-news.kz/ru">Kyzylorda-news.kz.</a> Стоматология – дені сау тіс пен әдемі күлкі сыйлайтын орталық. Ал сол орталықтың көмегіне жиі жүгінесіз бе? Тіс дәрігеріне қаралу қаншалықты қымбат? Тіс пастасы мен щеткасын қалай таңдайсыз? Тағы да басқа сізді толғандырған сауалдардың жауабын тіс дәрігері &nbsp;Күләш Төлепованың сұхбатынан оқи аласыз.– Тісті қалай күту қажет? Адамдардың жиі жіберетін қателіктері қандай?– Ауыз қуысын күніне екі рет тазалап тұру керек. Жарты жылда бір рет тіс дәрігеріне қаралып тұру керек. Тісіңіз сау болса да, профилактика артық етпейді. Одан кейін жаңғақты тіспен шағу, бөтелкені тіспен ашу дегеннен мейлінше аулақ болған жөн. Суық пен жылының да тепе-теңдігін сақтаған жөн.– Қазақстанның стоматология саласында қандай қиындықтар бар?– Қиындықтар өте көп және оны түрлі қырдан қарауға болады. Біріншіден, өңірлерді сапалы стоматология аз, адамдар не сапасыз қызметке душар болады не алыстағы облыс орталықтарына баруға мәжбүр. Екіншіден, маман тапшылығын айтсақ болады, әсіресе балалардың тістерін емдейтін маман өте аз. Мүмкін, бұл балалармен жұмыс істеудің қиындығынан болар… Одан кейін халықтың өз денсаулығын күтуге деген дұрыс сана-сезімінің болмауы. Біз ауруымыздың асқынғанын аяғына дейін күтіп, сосын ғана дәрігерге барамыз. Мұндай жағдайда көбіне дәрігерлер қауқарсыз болып жатады. Профилактика жасау, аурудан әлдеқайда арзан екенін адамдар білмейді, білсе де назар аудармайды.– Стоматология саласында озық дамыған елдер қайсы?– Бұл жерде көп мемлекетті атауға болады: АҚШ, Германия, Оңтүстік Корея, Израиль. Дамыған елдердің бәрінде стоматология жақсы жолға қойылған. Дегенмен, нақты мемлекетті атау қажет болса, медициналық туризм тұрғысынан жауап беріп көрейін. Медициналық туризм дегеніміз кәдімгі туризм секілді, тек мұнда сіз демалмайсыз, емделесіз. Медициналық, соның ішінде стоматологиялық туризм бойынша ең жоғарғы сұранысқа Германия мен Израиль ие. Бұл екі мемлекетте көрсетілетін қызмет сапасы өте жоғары және салыстырмалы түрде қолжетімді. Сол себепті шетелдіктердің көпшілігі осы елдерді таңдап жатады.– Тіс күтіміне байланысты мифтерді атай аласыз ба? Мысалы, тісті қайта-қайта жуу эмальді бұза ма?– Мифтер өте көп, сіздің айтқан мысалыңыз да – миф, тісті бірнеше рет жуғаннан эмаль бұзылмайды. Егер тісті тұрақты тазалап тұрмаса, онда тістің шеті тамақ қалдықтарымен қапталады, бұл кейіннен бұзылуына әкеледі.Сондай-ақ, тісті таңертең емес, таңғы астан кейін тазалау керек деген де пікір бар. Таңғы астан кейін тазалау дұрыс, бірақ таңертең де тазалау керек, өйткені ауыз қуысында түні бойы бактериялар жиналады.Ауырған тіске спиртке батырылған мақта басу қажет дейтіндер де бар. Бұл өте қауіпті. Ауырған тісіңіз бұдан жазылып кетпейді, есесіне сіз тістің жанындағы етіңізді күйдіріп алуыңыз әбден мүмкін. Тісім ауырмаса, стоматологқа бармауға болады дейтіндерге айтарым, ауыз қуысындағы тістің бұзылуы процесі бастапқыда ешқандай ауырсынусыз өтеді. Ауру – асқынғанның белгісі. Бастапқы кезде тісті емдеу оңай, әрі арзан. Бұрынғы заманнан қалған стереотиптік миф бойынша, тіс дәрігеріне бару қатты ауырсыну дегенді білдіреді. Қазір заманауи технологиялар мен мүмкіндіктердің арқасында тісті емдеу ауырмайтындай етіп жүзеге асырылады.– Тісті емдеу арқылы оны аман сақтауға болады. Дегенмен, қандай жағдайда тісті жұлуға тура келеді?– Заманауи технологиялардың арқасында тісті емдеу арқылы сақтауға болады. Тісті жұлу – өткен заман әдісі. Дегенмен, кейде тісті жұлатын жағдайлар болады. Әсіресе, тіс жиегінің асқынуы салдарынан тіс жұлынады..

Күләш Төлепова : Тісті жұлу – өткен заман әдісі

<a href="https://kyzylorda-news.kz/ru">Kyzylorda-news.kz.</a> Жолсерік қызметін кез келген адам атқара алмайды. Жүгі ауыр, өзіндік қиындықтары, жауапкершіліктері бар. Жол үстінде күн-түн &nbsp;жүру оңайға соқпасы анық. Жолсеріктің міндеттері де көп. Адамдардың діттеген жеріне аман-есен жетуі, олардың таза жерде демалу да кіреді. Біз жолсерік Нұрхан Ақылбекұлынан мамандықтың қыр-сырын сұрап білдік.– &nbsp;Нұрхан Ақылбекұлы әңгімемізді мамандық таңдаудан бастасақ. Бала арманы кей адамды ұшқыш, ғарышкер болуға жетелейтіні анық. Сізге жолсерік мамандығын таңдауға не себеп болды?– Балалық шақта әрқилы маман иесі болуды армандайтынымыз шындық. Менің де мамандық таңдауда таңдау-шешімім сан тарапқа кеткенін жасыра алмаймын. Бірде полицей болуды мақсат тұтсам, енді бірде дәрігер атануды қаладым. Алайда ер жетіп, сана-сезім қалыптасқан шақта таным-білігіңе сай мамандық таңдайтын кез келеді емес пе?! Осындай сындарлы сәтте жаңылыспай, техникалық салаға бет бұруды жөн деп таптым. Арман жетегімен Қазақ гуманитарлық заң және техникалық колледжінің түлегі атандым. Осылайша, 5 жыл бұрын теміржол саласының қыр-сырын жете зерттеп, жолсерік жұмысының мән-маңызын бағамдай бастадым. Көп өтпей, 2018 жылы теміржол саласындағы алғашқы еңбек жолым басталды. Қазіргі таңда «Марал-Нұр» ЖШС-де жолсерік болып қызмет істеймін.– Теміржол саласының өзіндік қиындығы бары белгілі. Ал жолсерік болудың ауыртпашылығын атап өтсеңіз…– Әрине, әр саланың өз кемшілігі мен артықшылығы бар. Жолсерік үшін ең басты жүк – жауапкершілік. Жолаушылардың қауіпсіздігін қадағалау, вагон ішіндегі техникалық базаның кідіріссіз жұмыс істеуін қамтамасыз ету басты міндетке айналған. Оның үстіне күн-түні станциядан жолаушыларды түсіріп-міңгізу үшін қырағылық қажет. Осының барлығы жолсеріктен жауапкершілік пен білікті талап ететіні айтпаса да түсінікті. Алайда, бұл саладан алшақтауға себеп емес. Аталған жұмыс түрлі адаммен байланыс орнату, қоғамдық өзгеріске куә болу, адамдардың қарым-қатынасы мен мінез-құлқын «ә» дегеннен аңдауға бейімдейді. Сондықтан, жолсерік жолаушының көмекшісі ғана емес, сан саланы тоғыстырған маман дегім келеді.– Қызмет барысында түрлі қалада болып, қилы адам кезігеді. Әр аймақтың тұрғындарының мінез-құлқы, болмысындағы ерекшелікті байқай алдыңыз ба?– Дұрыс айтасыз. Географиялық ерекшелік өзгерген сайын адамдардың мінезі, ойлау қабілеті, тіпті тілі де өзгеретініне куә боламыз. Қарапайым адамға білінбегенімен, апта сайын түрлі облысқа сапарлайтын жолсерік үшін мұндай ерекшелік бірден айқындала түседі. Айтып өткенімдей, біздің мамандық сан бағытты тоғыстырған. Соның ішінде адамдармен қарым-қатынас, психология саласы жақындау. Сол себепті өзгерісті тез байқауға жол ашылады. Мәселен, Қызылорда-Павлодар бағытында сапар шеккенде аймақтардағы адамдардың өзара тілдік, мінез өзгерістері байқалады. Қызылордалықтардың басым дені қазақ тілінде сөйлеп, мінезі ашық болса, Павлодар тұрғындары орысшаға жақындау әрі өмір сүру дағдылары бөлек.– Халық арасында пойыздардың сапасына көңіл толмастық басым. Теміржол саласындағы жолаушылар тасымалы көрсеткішіне қандай баға берер едіңіз?– Кемшіліксіз сала болмайтыны белгілі. Алайда, қолда бар мүмкіндікті пайдаланып, өзгеріске ұмтылса, кез келген олқылықты түзетуге болады деп санаймын. Бұл ұстаным теміржол саласына да қатысты. Вагон, сервис көрсеткіші мүмкіндікке қарай жыл сайын жаңарып, үздіксіз даму үстінде. Сондықтан алдағы уақытта жолаушылардың талап-тілегін толық қанағаттандыратын дәрежеге жететініміз анық.Осы орайда маңызды жайтты атап өткім келеді. Халықпен байланыс орнату, көпшілікпен жұмыс істеу қашанда қиын. Бәріне бірдей жағып, көңілден шығу да мүмкін емес. Басты мақсат – әлемдік стандарттарға қарай бой түзеп, сала жаңалықтарын уақытылы енгізу. Сонда ғана сыншылар да, халық та риза болмақ.– Әңгімеңізге рақмет!

Нұрхан Ақылбекұлы: Вагон, сервис көрсеткіші мүмкіндікке қарай жыл сайын жаңарып, үздіксіз даму үстінде

<a href="https://kyzylorda-news.kz/ru">Kyzylorda-news.kz.</a> Кездейсоқ келген қиындыққа қарсы тұрып, жығылғанға жәрдемдесу сауапты іс. Әсіресе, адамды ажал аузынан арашалауға жұмсалған қажыр-жігердің құны өлшеусіз екені аян. Сондықтан кейінгі буынға үлгі-өнеге боларлық қадам жасаған қаһармандарды дәріптеу, ерлігін елге таныту кезек күттірмейді. Олардың әрбір таңдауы мен қайырымды әрекеті үміт сыйлайды, мейірім ұялатады. Бұл қатарға түн жарымында өрт ішінде қалған отбасыны құтқарған қызылордалық Серікбол Төребектің әрекетін де қосуға болады. Қайсар азамат жалынға қарамай, адам өміріне араша болып, 5 адамның өмірін аман алып қалды. Серікболмен жүздесіп, оқиғаның мән-жайын сұраудың сәті туды.– Серікбол, бір-ақ сәтте бүгінгінің батырына айналдыңыз. Бүтін отбасыны ажалдан арашалаған әрекетіңіз әлеуметтік желіде қызу талқыланып, көпшілік ыстық ықыласын білдіруде. Жағдайдың қалай орын алғанын әртүрлі дереккөзден естігенімізбен, нақты жүйе әлі қалыптасып үлгірмеді. Алдымен, оқиға қалай болғанын баяндап берсеңіз.– Бәрі кездейсоқ орын алды. Оқиға өткен аптада, яғни жұмадан сенбіге қараған түні болды. Қолым бос уақытта такси болып жұмыс істейтінмін. Кезекті сапарым кезінде сағат екі шамасында Қызылорда қаласындағы «Саяхат» ықшам ауданынан тапсырыс түсті. Жұмыс барысымен сол маңнан өте бере шатыры отқа оранған үйді көзім шалды. Дереу көлігімнен түстім де үйдің есік-терезесін ұра жөнелдім. Бар ойым адамдарды құтқару болды. Үйді айналып, айқайлап жүрмін. Дыбыс берген, оянған адам байқалмады. Ұялы телефонымның жарығын жағып, терезеден қарағанымда үйде жатқан адамдарды көрдім. Сол кезде-ақ енді уақыт жоғалтуға болмайтынын ұқтым. Алдымен 101-ге қоңырау шалып, өрт туралы хабарладым. Мамандарға үйдің ішінде адамдар бар екенін, шатыры жалынға оранғанын жеткіздім. Мекен-жайды хабарлаған соң өрт сөндірушілерден терезені сындыруға рұқсат алдым.Қызығы, терезені сындырған кезде ғана үй ішіндегі адам да ояна бастады. Дереу есікке барып, жұлқылап тартқылай бастадым. Бұл кезде үйдегілер есікке қарай келіп қалған еді. Сол кезде есік те ашылып, бәрі сыртқа шықты. Есіктің ілгегі жұлынып кеткен секілді. Осылайша, үйдегі адамдар аман-есен жалын құрсауынан құтылды.– Өртке оранған үйдегі тұрғындардың түгел шыққанын қалай тексердіңіз?– Есік-терезені сындырғаннан кейін кішкентай балалар мен әйел және соңынан жұбайы шықты. Балалардың аман-есен екеніне көз жеткізген соң отағасы қайта үйге кіріп, құжаттарды алып шықты. Көп өтпей, үй ішінде пропан баллоны бар екенін білдік. Үй егесі қайта кіріп, пропан баллонын сыртқа шығарып үлгірдік. Қатерді ойлайтын уақыт болмады. Бар мақсатым адам өмірін құтқару болатын.– Әрине, сіздің жасаған қадамыңыз – үлгі-өнеге аларлық іс. Өзгенің өмірі үшін жанұшыра жүгіру жүрегі кең, тәрбиелі жанның қолынан келетіні анық. Осы орайда өзіңіз, отбасыңыз туралы айтып өтсеңіз.– 1997 жылы Қызылорда қаласында дүниеге келдім. Әкем қаржылық бақылау инспекциясында еңбек етсе, анам жүйке аурулары диспансерінде жұмыс істейді. Әпкем мен ағам бар. Мен үйдің кенжесімін. Бұған дейін Қызылорда қаласындағы М.Ықсанов атындағы құрылыс және бизнес колледжінен телекоммуникация мамандығы бойынша білім алдым. Сондай-ақ қаладағы 66597 әскери бөлімінде барлаушы болып еңбек еттім. Алайда денсаулық жағдайыма ол жұмыстан шығуға тура келді.– Ерлігіңіз еленіп, өзіңізден үлгі алар буын көбейсін. Әңгімеңізге рақмет!

Қызылордалық жігіт бір отбасын өрттен құтқарған

<a href="https://kyzylorda-news.kz/">Kyzylorda-news.kz.</a>&nbsp; Дәрігер – кең ұғым, қастерлі мамандық. Ауырған сәтте адам жанына араша, кісі денсаулығы үшін жауапты болатын жандардың атқаратын жұмысы да ауқымды. Саланың қызығынан шыжығы көп десек те, дәрігерлікті жан қалауымен таңдаған жан үшін адамдарды емдеу ісі қуаныш сыйлары анық.Өз саласын жүрек қалауымен таңдап, ақ халат киіп, адал қызмет етуді арман етіп, айқын мақсатына жеткен жандардың бірі – бүгінгі біздің кейіпкеріміз.<blockquote>&nbsp;Кішкентай кезімнен әкеме қарап бой түзеп, сол кісіге қызығып өстім. Дәрігер болуға деген қызығушылық әкемнің адал еңбегіне куә болуыммен басталды. Бұл салаға деген қызығушылығым сол, мектеп бітірісімен жоғарғы оқу орнына түскенге дейінгі аралықта кенттегі ауруханада операциялық санитарка, яғни кіші буын қызметкері болып жұмыс жасадым. Сол кездің өзінде мол тәжірибе жинап, ол менің кейінгі институттағы жылдарыма көп көмегін тигізді, – дейді Манат Садықова.</blockquote>Манат Рүстемқызы – 1968 жылдың тумасы. Жалағаш ауданында дүниеге келген. 1985 жылы №36 орта мектепті тәмамдаған. Өз сөзінде айтып өткеніндей мектеп бітіре сала еңбекке араласқан. Екі жылдан кейін ғана Алматы мемлекеттік медицина институтына оқуға түскен. «Емдеу ісі» мамандығын 1994 жылы аяқтап, «дәрігер» квалификациясын алып шыққан. Ең алғашқы еңбек жолын кент ауруханасында инфекционист дәрігер ретінде бастаған. Кейін аймақтық дәрігер қызметіне тағайындалған ақ халатты абзал жан өзінің адал еңбегінің нәтижесінде түрлі бағытта абыройлы еңбек еткен. Терапия бөлімінің меңгерушісі, онколог дәрігер, бас дәрігердің орынбасары қызметтерін атқарып, 2017 жылы Сырдария аудандық ауруханасының бас дәрігері лауазымына тағайындалған. Кейін терапевт-консультант, инфекционист дәрігер қызметтерін атқара жүріп, халықтың алғысына бөленген. Манат Садықова аудандық ауруханада ВКК төрайымы қызметін биылдан бастап атқарып келеді.Ақ халатты абзал жан – бір салаға негізделген түрлі бағытта елеулі еңбек етіп, мол тәжірибе жинақтаған беделді маман. Қызметіне асқан жауапкершілікпен қарайды. Соның нәтижесінде зор беделге ие болып, еңбегінің өнбегін көріп келеді. Көркем әрі салмақты мінезімен айналасындағылармен тіл табысып, көпке көтеріңкі көңіл-күй сыйлай жүреді. Бұл туралы бізге Манат апайдың жанында жүрген әріптестері айтты. Жоғары біліктілігі бар жоғары санатты дәрігер осылай көптің алғысына бөленіп келеді.Жалпы айтқанда, Манат Садықова дәрігерлер династиясының өкілі деуге негіз бар. Жоғарыда айтып өткеніміздей, әкесі осы салада беделді болған кісі. Кейінгі буынды айтпағанда, ауданда Рүстем Садықұлының есімін білмейтін жан кем болар. Ұзақ жыл медицина саласында еңбек еткен кейіпкеріміздің әкесі 1985-1999 жылдары Сырдария аудандық ауруханасының бас дәрігері қызметін абыроймен атқарған. Жауапты қызметке үлкен абыроймен, зор беделмен жеткенін Рүстем Садықұлының оған дейінгі жүріп өткен жолынан анық аңғара аламыз. Манат апайдың анасы Күміскүл апа да денсаулық сақтау саласында елеулі еңбек еткен. Бір өкініштісі, өмірден ертерек өтіп кетіпті. Рүстем Садықұлы – Сырдария ауданының Құрметті азаматы. Осындай құрметті, беделді азаматтың балалары мен немерелері де ата жолын жалғады. Дәрігерлер династиясына айналған отбасыдан шыққан ұл мен қыздар – бүгінде адам жанына араша түскен беделді қызмет иелері.<blockquote>&nbsp;Әкем үнемі бізге ақ жолмен, адал жолмен жүруді айтып отырады. «Тура жолдан тайма» деп өсиет етеді. Бақыттың байлықта емес, нағыз құндылықтың адам екенін жиі айтады. Жалпы еңбекте де, өмірде де әкемді ұстаз тұтамын, – дейді Манат Рүстемқызы.</blockquote>Айта кетейік, кейіпкеріміздің өз балалары да медицина саласын таңдаған. Ұлы мен қызы ата-анасының мақтанына айналып отыр. Үлкені – қыз, Ақтөбе қаласында халыққа қалаулы еңбек етіп жүр, дәрігер. Ал ұлы медициналық университеттің 7-курс студенті. Келіні де осы саланы меңгеріп жүргенін айта кетейік. Манат апай бүгінгі таңда аяулы әже. Жолдасы Бек Үдербаев екеуі үш немеренің қызығын көріп жүрген бақытты жандар.Манат Садықованың адал еңбегі басшылық тараптан ұдайы жоғары бағаланып, жоғарғы марапаттарға да ие болып жүр. Атап айтсақ, 2012 жылы «Медицина саласының үздігі» төсбелгісімен марапатталған. Одан бөлек «Сырдария ауданының 25 жылдығы», «Алтын дәрігер» медальдері кеудесінде жарқырайды. Сонымен қатар, облыс әкімінің, Қызылорда облыстық денсаулық сақтау саласының құрмет грамоталарына да ие болған.Дәрігерлер династиясына айналған үлгілі отбасының алтын көпірін келешекке жалғап, көпке сыйлы, халыққа қалаулы қызмет етіп жүрген білікті маманды кәсіби мерекемен құттықтай отырып, шығармашылық табыс, зор денсаулық тілейміз. &nbsp;

Манат Садықова: Ерінбей еңбек еткенге бақыт басын иеді

<a href="https://kyzylorda-news.kz/">Kyzylorda-news.kz.</a> Бүгін Қызылорда қалалық мәдени және демалыс паркінде «Ел іші – өнер кеніші» байқауының салтанатты ашылу рәсімі өтті.&nbsp;Маусым айының соңына дейін Қызылорда аспанын ән мен жырға бөлейтін дәстүрлі байқауды ашып берген қала әкімінің орынбасары Жанмұрат Сейілов өнер сайысын бастайтын Ақсуат ауылдық округінің өнерпаздарына сәттілік тіледі.«Қазақ халқының сонау ықылым заманнан келе жатқан салт-дәстүрі, әдет-ғұрпы, мәдениеті мен бар болмысы өнермен байланысты. Сондықтан өнердің қай түрі болмасын ата-бабамыздан қалған асыл мұрамыз, таусылмас қазынамыз. Осы қастерлі қазынамызды насихаттауды мұрат еткен өнер додасына қатысушы кент және ауылдық округтердің мәдениет үйлеріне, талантты да талапты көркемөнерпаздарына сәттілік, шығармашылық табыс тілеймін», - деді қала әкімінің орынбасары Жанмұрат Жақсымұратұлы.Ауылдық мәдениет үйлері мен клубтары арасында әріптестік байланысты нығайтып, шығармашылық бәсекелестік қалыптастыру, әр ауылдан талантты өнерпаздарды анықтау, төл мәдениетімізді, ұлы өнерімізді дәріптеу арқылы мәдениет үйлерінің жұмысын жандандыру мақсатында Қызылорда қаласы әкімдігінің қолдауымен өткізілетін «Ел іші - өнер кеніші» атты дәстүрлі өнер байқауы биыл 11-ші рет байрағын көтеріп отыр.Байқау шымылдығын түрген ақсуаттық өнерпаздар тақырыптық қойылым және концерттік бағдарламасын ұсынып, қала тұрғындары мен қонақтарына ерекше әсер сыйлады.Айта кетейік, аталмыш өнер байқауы қалалық мәдени және демалыс паркінде 30 маусымға дейін жалғасып, кент және ауылдық округтердің өнерпаздары бекітілген кесте бойынша өз өнерлерін көрсететін болады.

Қазақстан және Қызылорда облысының жаңалықтары