<a href="https://kyzylorda-news.kz/">Kyzylorda-news.kz.</a>&nbsp; Қорқыт ата атындағы Қызылорда университетінде педагогика ғылымдарының докторы, профессор Сайлыбаев Бақытжан Әбдіқалықұлының өмірі мен еңбек жолына арналған «Ғибратты ғұмыр» сериясы аясында жарық көрген кітаптың тұсаукесері өтті.Шараға Қызылорда Ашық университетінің ректоры, ҚР Ұлттық Ғылым академиясының академигі, техника ғылымдарының докторы Қылышбай Бисенов, Қоғамдық кеңестің төрағасы, қоғам қайраткері Әріп Хожбанов, Қызылорда қалалық мәслихатының хатшысы Ибадулла Құттықожаев, И.Әбдікәрімов атындағы Қызылорда аграрлық-техникалық колледжінің директоры, физика ғылымдарының докторы, профессор Бақытхан Әбдікәрімов, М.Мәметова атындағы Қызылорда гуманитарлық колледжінің директоры Жақсыгүл Тоғанова және профессор-оқытушылар қатысты.Бақытжан Әбдіқалықұлының ғибратқа толы өмірі мен атқарған қызметі жайлы Қорқыт ата атындағы Қызылорда университетінің Басқарма Төрағасы-ректоры Бейбіткүл Кәрімова толығырақ атап өтті.<blockquote>«Кітап адам баласының сан ғасырлық ақыл – ойының жемісі, тарихы мен тағылымының алтын сандығы. Университетте 2016 жылдан бастап осында қызмет атқарған ғалым-профессорлардың өмірі мен ғылыми-педагогикалық қызметіне арналған «Ғибратты ғұмыр» сериясымен ғылыми-танымдық кітаптар шығарылып келеді. Осы кітаптың 6-шы шығарылымы педагогика ғылымдарының докторы, профессор Бақытжан Әбдіхалықұлы Сайлыбаевқа арналып отыр. Айналасына ізгілік нұрын шашып, білімнің нәрі мен тәрбиенің тәлімін сіңірген қайраткерлердің өмірі мен еңбек жолы ғибратқа толы болуы заңды құбылыс. Бақытжан Әбдіхалықұлының зор еңбегі, ғибратты ғұмыры осы кітапта ел ағалары, замандастары, әріптестері, шәкірттері, ағайындары мен достары тарапынан кеңінен баяндалған», - деді Бейбіткүл Сәрсемханқызы.</blockquote>​Кітаптың лентасын Қызылорда Ашық университетінің ректоры, ҚР Ұлттық Ғылым академиясының академигі, техника ғылымдарының докторы Қылышбай Бисенов, Қоғамдық кеңестің төрағасы, қоғам қайраткері Әріп Хожбанов және И.Әбдікәрімов атындағы Қызылорда аграрлық-техникалық колледжінің директоры, физика ғылымдарының докторы, профессор Бақытхан Әбдікәрімов және ғалымның ағасы Ешімов Ғабит қиды.<figure class="image"><img src="https://knadmin.beoblood.kz/uploads/355153735_779134563956078_4283273945410411694_n_56028f6a47.jpg" alt="355153735_779134563956078_4283273945410411694_n.jpg"></figure>&nbsp;<figure class="image"><img src="https://knadmin.beoblood.kz/uploads/354459544_779134590622742_5611175328250181657_n_688f39b60b.jpg" alt="354459544_779134590622742_5611175328250181657_n.jpg"></figure>&nbsp;<figure class="image"><img src="https://knadmin.beoblood.kz/uploads/355321972_779134547289413_9137727001559029782_n_af2155602b.jpg" alt="355321972_779134547289413_9137727001559029782_n.jpg"></figure>

Бақытжан Сайлыбаев жайлы «Ғибратты ғұмыр» сериясы аясында кітап жарық көрді

<a href="https://kyzylorda-news.kz/">Kyzylorda-news.kz.</a> Жастар арасындағы мәдениет деңгейін анықтау үшін олардың бос уақытты қалай өткізетінін зерттеу маңызды. Ауыл жастарының бос уақытын тиімді пайдалану мәселесі күн тәртібінен түскен емес. Міне, осыны негізге алған аудан әкімі Мұрат Жолкелдіұлы барлық ауылдық округтегі мәдениет саласы өкілдеріне әр сенбі сайын «Ауыл кеші көңілді» атты тақырыпта ән кешін ұйымдастыруды тапсырды. Шараның мақсаты – кейінгі ұрпақ пен аға буын өнері арасындағы байланысты нығайта отырып, келешекті патриоттық рухқа тәрбиелеуге бағытталды.Сенбінің кешінде Түгіскен ауылдық клубы үйінің ауласында жиналған өнер сүйер қауым тамаша ән кешіне куә болды. «Ауыл кеші көңілді» атты ауыл өнерпаздары мен тұрғындардың басын қосқан әдемі кешті аудандық мәдениет және тілдерді дамыту бөлімінің басшысы Нұрымжан Бұлдырықов пен ауыл әкімі Серік Туғанбаев ашты.<blockquote>«Қай кезеңде, қай елде болмасын мәдениет пен өнер халықтың рухани болмысының айнасы, бағдарлы болашағының бастауы. Демек, мәдениеттің өсуі – елдің, ұлттың өсуі. Ал өнерімен өрге жүзгеннің өресі биік болары хақ екенін ескерсек, небір сүлейлер мен ақынжазушыларды, сахна саңлақтарын түлетіп ұшырған Түгіскенде осы күні сол ұрпақтың ізін жалғар кереметтей жастар өсіп келеді. Тек оларға дұрыс жол көрсетіп, бағдарлы бағыт көрсетсек келешегіміз кемел болмақ», – деді Нұрымжан Сәбитұлы.</blockquote>Одан әрі кешті ұйымдастырушылар Түгіскеннен түлеп ұшқан тума талант иелері – қобызшы Бұрхан Мұхамеджанов, мәдениет саласының майталманы Әбдірейім Өміров, сазгер, күйші, дерижер Құлахмет Нәлтаев және «Дарын» сыйлығының иегері, әнші Серік Ибрагимовтердің өнер жолына шолу жасап, олардың әр жетістігі үшін қуанып, мақтанатындықтарын жеткізді.Сонымен ашық аспан астында, отты алау жанында ретро стильде киінген өнерпаздар сағынышқа толы сағым жылдарға қол бұлғап, жиналған көпшілікті жастық шағына қайта оралтып, ескірмейтін есті әуендерден шашу шашты. Мәселен, «Құдаша», «Арманым», «Жүрегім жүрегіммен егіз бе едің?», «Неге солай», «Көңіл сыры», «Нурикамал», «Құстар қайтып барады», «Мен саған өкпелемеймін», тағы сол сияқты жетпісінші-сексенінші жылдардың хит әндері көрерменге жол тартты.Иә, ауыл – халқымыздың бойына нәр құятын алтын бесігі, ұлттық рухтың қуат алар бұлақ көзі. Әсіресе мұны бірлігі мен ынтымағы жарасқан Түгіскен ауылына барғанда байқамау мүмкін емес. Небір талант иелері мен өнер тарландарынан кенде емес ауылдың жайы көзіқарақты оқырманымызға да төл басылым арқылы жақсы таныс. Бұл бағытта ауыл мәдениетінің ауқымы тарылмаса екен деп елдімекеннің гүлденуіне үлес қосып, жастардың бос уақытының сапалы өтуіне жағдай жасап жүрген Бақытгүл Тасхожаева басқаратын ауылдық клуб үйінің жұмысы бір төбе.Ел егемендігінің еңселі отыз жылында қазақ өнері мен өркениеті, әдебиеті мен мәдениеті ерекше жанданып, тың серпін алғаны анық. Оның ішінде ауыл мәдениетінің орны ерекше. Сондықтан ұлттық өнеріміз жаңаша дамып, заманауи деңгейге көтерілді. Тәуелсіз еліміздің талантты ұлқыздарына Бекқожа Атақожаев, Сүндет Нәлтаев, Қанат Қалжанов, Ғарифулла Омаров сынды «Аққорған» тобы вокалды инструментальды ансамблінің мүшелері жол көрсетіп, ауыл мәдениеті өз биігінде көрініп келеді. Сонымен қатар Оразәлі Сұлтанов, Ыбырайым Пәттеков, Бақытжан Жұманов, Қамбар Садықов, Нұржан Бақытгүл, Бақыт Тасхожаева, Мәди, Ләззаттар да өнер арқылы өмірдің кең тынысы, тіршілік құбылыстары, адамның әр түрлі сезімі бейнеленетін әндерді жүрекке жеткізіп орындап келеді.Әсілінде сөз, әуен, қолөнер адам өмірінің сан ғасырлық тарихынан алуан түрлі сыр шертсе керек. Ендеше қандай ұсыныс немесе тапсырма болмасын кәсіби деңгейде алып шығатын Бақытгүл Тасхожаева басқаратын ұжым бұл жолы да тұрғындарды ерекше сезімге бөледі.Концерт соңында ауылдың беделді ақсақалдары ақ тілегін білдіріп, батасын берді. Жиналған халық ауыл өнерпаздарының өнеріне риза болып тарқасты. Мерекелік іс-шараның соңы жастардың би кешіне ұласты. Әнсізкүйсіз өмірдің мәнін елестету қиын ғой. Бұл жолы ауылдық округке қарасты мәдениет қызметкерлерінің өнерін тамашалай отырып, олардың жоғары деңгейлі қабілет-қарымына разы болып оралдық.

Жаңақорғанда ескірмейтін ескі әндер шырқалды

Жаңақорғанда қылмыс едәуір азайған

<a href="https://kyzylorda-news.kz/">Kyzylorda-news.kz.</a> Жаңақорған Аграрлы-техникалық колледжінде жастар арасында диалог алаңы өтті. Жастар ресурстық орталығының директоры Наурызбай Ерікұлы пен Жастар Рухы жастар қанатының жетекшісі Асхат Арыстанбекұлы іс-шараға қатысушылардың білім алудың қолжетімділігіне деген көзқарастары ерекше екеніне куә болып, сұранысқа сай болуы үшін қандай болу керектігі және болашақ мамандықтар жайында ой талқылады.Шараның басында, Наурызбай Орынбасарұлы сөз сөйлеп, өз тжәрбиесімен бөлісті.<blockquote>«Осыдан 10 жыл бұрын робототехника, инфарматика, нонотехника сынды мамандар бізге бейтаныс болып көрінуші еді. Сол іспетті алдағы онжылдықта қолданысқа енетін қызмет түрлері жайында әлемдік сараптама ұйымы Pew Research Center технологияның қарыштап дамуының тың дәуірі басталғанын сөз етті. Роботтар қызметі басымдыққа ие болып, адамзаттың темірқұлдармен бәсекеге түсетінін айтты. Сонымен, келешекте қандай мамандыққа бетбұрған дұрыс? Экономикасы дамыған ірі мемлекеттерде робототехника қызметі қарқынды дамып, электронды басқару жүйесі қалыптасып, көптеген мамандықтар «ескі қызметке» еніп, қолданыстан қалуда. Мәселең, Жапония, Корея, Тайланд, Сингапур, Малайзия, АҚШ, Англия секілді мемлекетте пошта қызметі, кассир, аудармашы, күзетші секілді мамандықтарға сұраныс жоқ. Бұл қызметтерді халық робот көмегімен алып жүр. Бір адам 4 мамандықты бірге ұштастыра оқып, ғылымның жаңа түрін ойлап табуда. Мамандық таңдағанда «осы мамандық болашақта сұранысқа ие бола ала ма?» деген күдікпен сыни зерттеу жасау арқылы бір шешімге келеді екен», – дейді ол.</blockquote>Сонымен қатар, бейнеролик арқылы &nbsp;тақырыпқа байланысты бейнесюжет көрсетілді. &nbsp;Онда сараптама жасаушылар, алдағы он жылдықта роботтың дамыған түрлері пайда болып, «смарт қалалар» бой көтеріп, ғарыш галактикасын жерде отырып игеру дәуірі басталмақ. Осыған сәйкес бүгінгі күндегі қызметтердің 97 пайызы жойылып, нағыз білімділерге жол ашылады. «Роботтар көп қызметтерді өзіне жүктеп, жұмыссыздыққа жол берілуі ықтимал» деген болжаушылар роботтармен жанталаса еңбек ету жанданатынын түсіндіруде. Мұны Оксфорд университетінің баспаханасынан шыққан Ричард Сасскинд пен Дэниель Сасскиндтің «Мамандықтар болашағы» атты зерттеу мақаласында ашық айтылады. Сонымен, алғашқы бес жылдықта «2025 жылдан кейін роботоэтика жөніндегі адвокат» қызметі есігіңізді қағып тұруы әбден мүмкін. Ол – моральдық және этикалық заңдарды белгілеп, адамдардың, роботтардың және жасанды интеллекттің арасындағы делдал ретінде жүреді. Сол заңдар бойынша машиналар тірі адамдар арасында еңбектенеді. Осы болжамдарды адамның денесін қасақана ауыртуға қабылетті роботты ойлап тапқан Берклидегі Калифорния университетінің инженері Александр Ребен де растап отыр. &nbsp;«Мен «зиянды» робот пайда болуы мүмкін екенін дәлелдедім. Осы себепті жасанды интеллект күндердің бір күнінде адамға бағынбай кетуі мүмкін деген қорқынышымызға қарсы тұра алатын адамдарға келешекте зәру боламыз», – дейді Ребен. Ал, бұл мамандықтың табысы да, қауіпі де зор болатынын айтпасақта ұғынған шығарсыз. Міне, осы сынды зерттеулерді жинақтап көпшілікке ұсынды.&nbsp;Сондай-ақ, ауданның құрметті азаматы, суретші Үмбет Абибуллаев өз білгенімен бөлісті.– Виртуалды тіршілік ортасы дизайнері мамандығына Нидерленд жастары сақадай сай тұр. Яғни, 2026 жылы миллиондаған адамдар жұмыс бабымен немесе оқу үшін жаңа деңгейлі виртуалды шынайылық ішінде сағаттап жүруі мүмкін. Бұл виртуалды мекен дизайнері іскерлік кездесулерге қажетті жағдайды немесе, VR-музейлерді жасап, осы әлемдерді жобалаумен айналысады. Қысқасын айтсақ, Бүкіл дүние жүзінен «жиналатын» әріптестерімен идеяларын талқыға салатын гипершынайы виртуалды кеңістікте кездесіп отырған жұмыскерлердің кеңседегі әдеттегі күнін елестетіп көріңізші. Ал олардың модельдері ретінде, мысалға айтсақ, геймерлер өздерінің сүйікті ойыншыларына айналып кететін футболдан премьер-лига стадионы болуы немесе түпнұсқасын сақтап қалу үшін жасалған ЮНЕСКО мұрасының цифрлық көшірмесі болуы әбден мүмкін. Бұл саладағы алғашқы қадамдар қазірдің өзінде бар. Мысалы, Автралиядағы Дикин университеті, виртуалды және толымды шынайылық саласының алғашқы дипломды мамандарын даярлау үшін, бағдарлама жасақтаушалармен ынтымақтастық орнатты. Бұл бағдарлама бойынша өтетін сабақтар 2016 жылғы қыркүйек айында басталды. &nbsp; Атақты басылым Forbes және Popular Science журналы «болашақта пайда болуы мүмкін 162 маман» тізімін жариялады. Тізімде біздің ойымызға мүлдем кіріп шықпаған қызметтер енді. Мәселең, қоршаған ортаны қалпына келтіру менеджері, криптовалюта банкирі, IT-генетик, интеллектуалды жекеменшікті бағалау, нейропсихолог, медициналық роботтехник, виртуалды өмір архитекторы секілді мамандықтар таңдай қақтырады. Ал, әлемдегі атақты университеттерде 2025 жылы галактикалық архитектор мамандықтары жоғары оқу орындарында ресми түрде ашыла бастайды. Ал, біздің елде робототехника ғылымы енді ғана қалыптасып келеді. Дамыған елдердің дүбіріне ілесіп кетуге талпынғанымызбен, «цифрлық сауаттылық» арттыру мәселесі тұр. Ел басына күн туған сәтте «қашықтықтан қызмет көрсетуге» көшкенімізбен, халық иігілігі жолында әлі талай белес бағындыруға тура келеді. Ашығын айтқанда, елге мұндай күрделі мамандықтар қашан келетінін болжау да қиын. Десе де, жаңашылдыққа бет бұрмасақ, көшіміз ілгері болмайтыны сөзсіз. Жуырда «Егемен Қазақстан» газетінің сайтында Қазақстанның жоғары оқу орында жаңа мамандықтар ашылғанын хабарлады. Мақалада бакалавриатта 15, магистратурада 13, резидентурада 50, докторантурада 11 мамандық пайда болып, елге қажетті мамандар білім алуда, – деп тұжырымдады.ЖОО-да жаңадан ашылатын мамандықтар белгілі бір сатылардан өтеді. Білім және ғылым министрлігінің айтуынша, кез келген мамандық бойынша білім беру қызметімен айналысу үшін лицензия алуға Жоғары және жоғары оқу орнынан кейінгі мамандықтар жіктеуіші негіз болады. Қазақстанда бұл құжат 2009 жылы 20 наурызда бекітілген. Ал жаңа мамандықтың ашылуына жоғары білімі бар мамандардың қажеттілігі туралы талдау қорытындылары, мемлекеттік органдар мен ұйымдардың ұсыныстары әсер етеді екен.&nbsp;Қазіргі таңда кадрларды да¬йындау Қазақстан Республикасы Жоғары және жоғары оқу орнынан кейінгі мамандықтар жіктеуішіне сәйкес жүзеге асырылады. Бүгінгі таңда Қазақстанда 603 мамандық оқытылады. Оның ішінде бакалавриатта – 175, магистратурада – 190, резидентурада – 50, докторантурада – 188. Бұл мамандықтар бойынша 2016-2017 оқу жылдарында республиканың 130 ЖОО-да 472577 адам оқуда.&nbsp;Бірақ, беделді жоғары оқу орнын бітіру әрдайым маңызды бола бермейді. Президент: «Ең бастысы – еңбек нарығында сұраныс бар мамандыққа ие болу. Бұл, әсіресе, ақпараттық технологиялар, өндірісті цифрландыру және компьютерлендіру дәуірінде өзекті болмақ. Таяу болашақта қазіргі мамандықтардың 50 пайызына сұраныс болмайды. Сондықтан, уақыт талабына сай болу керек», &nbsp;деген болатын. &nbsp;Осы пікірге ұқсас ойлар былтыр Дүниежүзілік экономикалық форум барысында да ай-тылған. Онда сарапшылар білім беру саласы адамдардың болашақтағы жұмысқа қабілетін сақтап қалуға көмектесу үшін өзгеруі керектігіне баса назар аударған. «Білім беру жүйесі адамдарды өзгеріп тұратын жаңа еңбек нарығына бейімдеуі керек. Сонымен қатар, қазір ақпараттық технологиялар білімге басқа да жолдар ашты», делінген форум баяндамасында.&nbsp;Көптеген зерттеушілер де тек мамандықты игеру аздық ететінін, болашақта жан-жақты қабілет жоғары бағаланатынын айтуда. «Future Workplace Experience» басылымының сараптамасына ден қойсақ, мамандардың бірнеше қызметті қатар алып жүруі басты орынға шықпақ. Яғни, бір мамандық басқа бірнеше мамандықтың қабілетін игеруді талап ететін болады. Мысалы, қазірдің өзінде тіл білу қажеттілігі айқын байқалады. Қазақстанда 42 ЖОО-да педагогикалық, техникалық, жаратылыстану ғылымдары бойынша үш тілді білім беру жүйесі бар. Бірақ қүндізгі бөлімде оқитын 358 мың студенттің тек 5 пайызы үш тілді еркін меңгергенін айта кету керек. Дегенмен, болашақтағы өзгерістерге дайын болу үшін &nbsp;Қазақстанда қазірден қажетті шаралар қолға алынған. Білім және ғылым министрлігінің 2017-2021 жылдарға арналған стратегиялық жоспарында «Назарбаев университет» үлгісімен ұжымдық басқару артатыны, 19 ЖОО-да бақылау кеңесі құрылатыны айтылған. Қазіргі таңда ЖОО-да 3 технопарк, 4 бизнес-инкубатор мен 500-ден астам ғылыми-зерттеу институты бар.&nbsp;Сондай-ақ, білім, ғылым мен бизнес интеграциясы да мықтап қолға алынбақ. &nbsp;Мұның өзі кез келген өзгеріске бейімделе алатын маман дайындауға септігін тигізе алатыны анық.

Жаңақорғандықтар жастар жайын талқылады

<a href="https://kyzylorda-news.kz/">Kyzylorda-news.kz.</a> Қазіргі сауда нарығында ғимарат салуға қажетті құрылыс заттарының кез келген түрін кездестіруге болады. Әсіресе, нысан қабырғасын тұрғызуға арналған кірпіш, кесек және өзге де бетонды заттар базар төрінде үлкен сұраныста. Жыл сайын қабырғаға арналған бетонды блоктардың әр түрі өндіріске қосылып, өндірістің көкжиегі кеңейіп келеді. Соның бірі гипсоблок өнімі.Бұл тауар аудан құрылысы саласына келгелі бірнеше жыл болғанымен өнім өндіру енді ғана қолға алынуда. Алғашқылардың бірі болып жаңақорғандық Спандияр баурымыз қолға алып, биылдан бастап сапалы өнім шығара бастады.Алдымен бұл өнімнің сипаты мен құрамына, оның ерекшеліктеріне тоқталайық. Қабырғалық құрылыс материалдарының танымал түрлерінің бірі – гипс-бетон блоктары.Олардың құрамына тұтқыр компонент ретінде кварц құмы, су, үгінділер және гипс модификацияланған зат кіреді. Гипсті әк пен поззолан цементімен де біріктіруге болады. Бұл жаңа құрылыс материалы нарықта басқа құрылыс материалдарынан әлдеқайда төмен екендігіне байланысты танымал бола бастады. Олар ерекше беріктігімен ерекшеленбейді, тек төмен салмаққа және жақсы жылу және дыбыс оқшаулау қасиеттеріне ие, сондықтан олар көбінесе ішкі бөлімдерді салу үшін қолданылады. Одан жасалған блоктар мен плиталар қабырғалар мен бөлімдерді тұрғызуда белсенді қолданылады.– Жалпы, осы кәсіп түрін таңдап, өзім тәжірибе жүзінде жұмыс жасап көрдім. Өте тиімді, әрі нарықта сұранысқа ие. Бұл бизнес көршілес Шиеліде жақсы жолға қойылған, зерделеп ол жақтан да тәжірибемді толықтырдым. Былтыр дайындықты түгендеп, ерте көктемнен іске қостым. Әзірге ағам мен інім қолғанат, яғни отбасылық бизнес деуге болады.– Тапсырыс түсіп жатыр ма?– Әрине, жақында 2,5 мың тапсырыс келген, мүмкіндігінше ертерек бітіруге жұмыс жасаудамыз. Қоспасы бірнеше шикізаттан тұратындықтан сапаға аса қатты мән береміз. Бір гипсоблоктың салмағы 15 келіні құрайды, пішіні 60- 30-20 см, бір сөзбен айтқанда оның сипаттылығы өзге өнімге қарағанда әлдеқайда тиімдірек. Сондықтан, кәсібімді кеңейтіп, қосымша жұмысшы көзін тартуды жоспарлап отырмын. 1 380 000 грантына құжат тапсырып, жобамды қорғап шықтым. Бұйырса, қаржы қолға тиіп жатса жетіспей тұрған аппарат аламын. Бір гипсоблокты 850 теңгеден сатудамыз.– Қосымша латок бар деген едіңіз.– Иә, арасында латок өнімін де шығарамыз. Оны қандай бағытта пайдалансаңыз да өте ыңғайлы. Көбіне қабырға бұрышына бетон құюға сұрайды, яғни опалка орнына таптырмас құрал. Әзірге осы екі өнімді шығарудамыз. Бұйырса, тағы да қайтарымсыз қаржы мен жеңілдетілген несие алу жоспарда бар. Оны уақыт көрсетеді, әзірге жұмысымыз жүйеленіп келеді. Алла несібемізге берген екен, аудан нарығын реттеуге сеп болып жатсақ нұр үстіне нұр болар еді...Жалпы Жаңақорғанда өндіріс өркениеті енді ғана еңсе тіктеп келеді. Бұл қуантарлық жағдай, өнім мейлінше көбірек өндірілсе бәсеке де артып, сапа мен баға тұрақтанады. Әйтпесе алыптасарлар бағаны қалағанша өзгертіп, құрылыстың мазасын қашырады. Соның салдарынан аудандағы тұрғын үйлердің бағасы өсіп, жабайы сауданы ерікке жіберіп қоюдамыз. Мәселен, орташа есепке сүйенсек, аудан орталығындағы қазіргі үлгідегі үйлердің бағасы 25-30 млн шамасы. Бұл орташа баға, ал, екі қабатты үйлердің құны 50-60 млн-нан кем түспейді. Сондықтан, құрылыс қажеттіліктері өзімізде өндірілгені қандай керемет.– Қандай кәсіп болмасын оңайы жоқ, тек адал еңбек пен нақты жоспар, шыдамдылық керек. Бұл істті бастамас бұрын келешегі қалай болады деп біраз зерделедік. Түсінгеніміз, жерлестердің бәрі бұл өнімді Шиелі ауданынан алдырады, келуі бар, артуы тағы пұлданады. Бір жағынан тәжірибем толыққан, сәті түсіп бастап кеттім. Латоктарды нарыққа енді шығарамыз, әзірге көпшілік біле бермейді, егер тапсырыс артып жатса, онда қосымша жұмысшы күшін пайдалануға тура келеді, – дейді Спандияр.Иә, кейіпкерімізді бала кезден танимыз, техника тілін меңгерген ол енді өндіріс саласына бет бұрыпты. Оң болсын дедік. Ең бастысы, осындай іскер азаматтар қолдаусыз қалмаса дейміз.

Жаңақорғанда гипсоблок өндіріледі

<a href="https://kyzylorda-news.kz/">Kyzylorda-news.kz.</a>&nbsp;Шілдеде мемлекеттік мереке - Астана күні атап өтіледі. Сондықтан демалыс күндері ұзақ болады.Бұған дейін Үкімет Елорда күнін мерекелеу аясында демалыс күнін ауыстырды. 2023 жылы жұмыс уақытын ұтымды пайдалану мақсатында демалыс күні сенбі, 1 шілдеден жұма, 7 шілдеге ауыстырылды.Нәтижесінде қазақстандықтар елорда күніне орай төрт күн демалады: 6, 7, 8, 9 шілде. Бұл ретте 1 шілде жұмыс күні болады.Шілдеде қазақстандықтар 11 күн демалады.

Қазақстандықтар шілдеде қанша күн демалады?

<a href="https://kyzylorda-news.kz/">Kyzylorda-news.kz.</a> Бүгінде аудандағы 85 мыңнан астам тұрғынның жаңалық жаршысына айналған «Өскен өңір» газетіне биыл – 84 жыл. Осы ғасырға жуық уақыт аралығында аудан журналистикасында бірнеше буын ауысты. Соның дені кешегі «Стахановшы мен Коммунизм жолы» шекпенінен шықты, қазіргі «Өскен өңір» қабырғасында тәрбиеленді.Олардың қатарында бүгінде дүйім елге танымал тұлғалар редакторлық қызмет атқарды. Айталық, Мәді Молдыстамов, Рахмет Нұреекев, Орман Нұрқабаев, Төлеш Ахметов, Баймахан Уызбаев, Оңалбек Шілдебаев, Жарылқасын Шөкенов, Мөрәлі Шәменов, Әбдірәшит Сатыбалдиев, Қалқабай Әбенов, Дүйсенбі Смайлов, Минер Арысбаев, Зәкім Жайлыбаев, Алтай Айып, Өркен Исмаил, Алтай Айып, Дүйсенбек Аяшұлы редактор болса, өз кезегінде Тұтқабай Фазылбек те редактордың міндетін атқарушы болып қызмет істеді. 2016 жылдан бастап Нұрболат Пірімбет бас редактор қызметін атқарып келеді. Редакцияда жұмыс жасаған ардагер журналистер біз үшін үлгі. Қолдарына қалам алып, дүние сырына тоймай, тамсана жазған талай дана адамдар бар.&nbsp;Басылымның шығармашылық тобында сайдың тасындай журнистер жинақталды. Мәселен, Қалқаман Әбдіқадырыв, Жүніс Шәукебаев, Әбдіразақ Боранов, Сейітқасым Сейтенов, Дархан Сапаров секілді шабыты шалқар, қаламы қарымды азаматтардың арқасында газет жаңашылдықпен түлей түсті. Айта кетейік елге танымал қырық бір ақын-жазушы да өз шығармаларын осы «Өскен өңірде» жариялаған. 1956 жылы Қалқабай Әбенов редактор болған жылдары «Мың бір түнді» тәржімалаған, «Қажымұқан» кітабын дүниеге әкелген Қалқаман Әбдіқадыровтың осы басылымда еңбек еткенін атап айтуымыз керек. Сондай-ақ жерлесіміз ақын Әбділда Тәжібаев, жазушы Оразбек Сәрсенбаев, «Алаш» әдеби сыйлығының лауреаты Қуандық Түменбаев, қазақ елінің патриоты Серік Байқоновтың, ақын, сатираның атасы Сейділда Төлешов, журналист Сәрсенбек Бекмұратұлы, Ақайдар Ысымов, Нұртөре Жүсіп, Нәзира Жәрімбетова, Базарбай Исаев, Абдулхамит Исаев, Ибрагим Исаев, Мақсұт Әбдімомынов, Таубай Қирабай, Дәулетбек Байдрахманұлы, Қатира Жәленова тағы басқа шығармашыл тұлғалар осы өлкеде туып-өсіп, өңірдің бас басылымы «Өскен өңірге» тырнақалды туындысын жариялап, осы газетпен өмір өрнегі қатар өрілгенін атап айтқан жөн. Әлгінде «Өскен өңірдің» өзіндік жолы бар деуіміздің сыры да осында. Себебі, қай кезеңде болсын шығармашылық қырынан танылған, елге етене жақын басылым мәнін жоймайды.&nbsp;1963 жылы өзінің бүгінгі атына ие болып, оның редакторы Дүйсенбі Смайлов газеттің бүкіл ұйымдастырушылық жұмысын жандандырып, газеттің қаз тұрып, қалыптасуына атсалысты. Газет беделінің өсуі батыл, принципшіл редакторлардың іскерлігі мен журналистердің біліктілігінен де көрініс тапты. Өмір ағысын, ел мен жер тарихын өз заманына қарай өрнектеп, өшпестей өнегелі іс тындырған «Өскен өңір» газеті тарихында Қален Әбдешов, Серікбай Әлжанов, Оразбек Бодықов, Серік Байқонов, Сәфи Құрманев, Қанапия Дәрібаев, Сәрсенбек Жұмабеков, Нағашыбек Иманғалиев, Адырбек Сопыбеков, Дархан Сапаров, Мұрат Күлімбетов, Тұрғанбек Кәрімқұлов, Сайдхасан Хутаев, Бақберген Әбілдаев, -Жолдас Сырғабаев, Қуаныш Түменбай, Қадыр Мырза, Таубай Ортай, Арал Абжалов, Әшім Молдақараев, Тұрар Тоққұлов, Қайрат Исмаил, Азиз -Батырбеков, Елдос Жүсіп, Бақытжан Мәденов сияқты ағаларымыз қалың қауымға қалам қарымымен танылған дарынды журналистер. Ерлермен бірдей еңбек еткен Бибізада Бегімбетова, Ұлзада Әбілқасымова, Айнагүл Байдәулетова, Дина Жүсіпова, Айнұр Назарова, Жұлдызай Ноғайбаева, секілді нәзікжандылардың да басылым тарихында қаламының ізі қалған. Олардың асыл бейнелері қашанда жұрттың жадында. Ол кісілер өз газеттеріне өшпес шырағдан жағып, біраз игілікті іс атқарды. Сонымен қатар суығына тоңып, ыстығына күйген жандар. Бұл кісілердің басым көпшілігі бүгінгі күні бақилық болды. Ал зейнет пен басқа салада, басқа аймақта қызмет жасап жүргендер болса күні бүгінге дейін «Өскен өңірім – өз үйім» деп, бұл шаңырақтан шыққанын, тәрбие алғанын мақтана айтады. Мысалы, Сәрсенбек Бекмұратұлы, Ақайдар Ысымұлының ауылдан жырақтағанына қанша жыл өтсе де, газет бетінен мақаласы үзілген емес. Өркен Исмаил – зейнет жасында болса да редакция ұжымының бір мүшесіндей. Мақаласын іздейтін оқырмандары да бар.Қазақ журналистикасы қазіргі таңда қарқынды дамып, қоғамдық, әлеуметтік-экономикалық тақырыптарда тыңнан түрен салып, рухани-мәдени тақырыптардың майын ішіп, жілігін шағып, оқырман назарына ұсынып келеді. Одан бөлек елдегі тұрақтылық пен ынтымақты, бірлік пен татулықты сақтауда да баспасөз саласының майталмандары ерекше үлес қосып жатыр десек, артық айтқандығымыз емес.

Шиелі: Тарихта таңбасы қалған журналистер

<a href="https://kyzylorda-news.kz/">Kyzylorda-news.kz.</a> Түркия Республикасының Әділет министрлігі есірткі заттарын аса ірі мөлшерде сату мақсатында заңсыз сақтағаны үшін күдікті деп танылған азаматшаны беру туралы Қазақстан Республикасы Бас прокуратурасының сұрау салуын қанағаттандырды. Бұл туралы Қазақстан Республикасының Бас прокуратурасы хабарлады.&nbsp;Істі тергеу барысында күдікті қылмыстық қудалау органынан жасырынып, оған халықаралық іздеу жарияланған.Бүгін Бас прокуратураның, Ішкі істер министрлігінің қызметкерлері Қазақстан Республикасы Сыртқы істер министрлігінің көмегімен күдіктіні қылмыстық жауаптылыққа тарту үшін Елге экстрадициялады.Қазіргі уақытта ол Астана қаласының тергеу изоляторына қамалды. Жоғарыда аталған қылмысты жасағаны үшін ол мүлкі тәркілене отырып, 10 жылдан 15 жылға дейін бас бостандығынан айырылуы мүмкін.

Түркиядан Қазақстанға есірткі құралдарының заңсыз айналымына күдікті экстрадицияланды

<a href="https://kyzylorda-news.kz/">Kyzylorda-news.kz.</a>&nbsp;Қазақстанның барлық аумағы әлі де атмосфералық фронталды бөліктердің ықпалында болады. Соған байланысты 22 маусым күні найзағай, жаңбыр сақталады, батыста, солтүстікте, шығыста бұршақ жаууы ықтимал. Елдің басым бөлігінде екпінді жел сақталады, деп хабарлайды Қазгидромет.Түркістан, Жамбыл, Маңғыстау, Абай облыстарында, Шығыс Қазақстан облысының шығысында, Ұлытау облысының оңтүстігінде, Қарағанды облысының батысында, оңтүстігі мен орталығында, Қызылорда облысының батысы мен шығысында, Атырау облысының солтүстігі мен шығысында, Павлодар облысының солтүстігінде, батысы мен орталығында, Қостанай облысының оңтүстік жартысында өрт тұтанудың төтенше қаупі сақталады.Жетісу, Алматы облыстарында, Ақтөбе облысының оңтүстік-шығысында, Батыс Қазақстан облысының орталығы мен оңтүстік-шығысында өрт тұтанудың жоғары қаупі туралы ескертіледі.

22 маусымға арналған ауа райы болжамы

<a href="https://kyzylorda-news.kz/ru">Kyzylorda-news.kz.</a> Жалағаш ауданындағы «Тюрешова» фермерлік қожалығы жиырма жылдан бері мал және егін шаруашылығымен айналысып келеді. Тәуелсіздік алған алғашқы жылдары құрылған отбасылық кәсіп бизнес алаңында өз бағасын алып үлгерген. Алғашында «Сыбаға» бағдарламасының көмегімен алынған ірі қараның қазір төл басы көбейіп, күріш алқабының көлемі ұлғайған. Іргелі шаруашылық жұмысын бүгінде &nbsp;жас кәсіпкер Нұрдәулет Болатбекұлы &nbsp;жалғастыруда.&nbsp;Нұрдәулеттің негізгі мамандығы ақпараттық технологиялар саласы болса да, ауылшаруашылығын бес саусақтай білетін ұл бизнеске келгеніне өкінбейтінін айтады. Отбасындағы төрт ағайындының кенжесін ата-анасы бала күннен еңбекке баулып, төрт түліктің жайын қамдауға үйреткен. Бір қызығы, бизнеске беттеген Нұрдәулет қоғамдық шараларды назардан тыс қалдырған емес.<blockquote>‒ &nbsp;2017 жылдан бастап «Тюрешова» шаруа қожалығында ірі қара басын көбейтіп, күріш егуді қолға алдым. Өздеріңізге белгілі, мал шаруашылығы ‒ бейнеті мен зейнеті қатар жүретін кәсіп. Сол үшін шаруа адамы қандай жағдайға да сабырлы болу керек. Осыған дейін ата-анаммен бірге кәсіптің қызығымен бірге қиындығын да көріп келемін және бұл маған үлкен тәжірибе болды. Биыл Маңғыстау мен Арал өңірін жайлаған қуаңшылық біздің ауданды да айналып өтпеді. Су тапшылығы күріш егетін шаруалардың басты мәселесіне айналса, жем-шөптің аздығы да бізді ойлантпай қоймады. Тіпті судың жеткіліксіздігінен жоңышқаның шықпай қалғаны да рас. Бірақ мұндай сәттерде қол қусырып отыруға болмайды, себебі бақыт пен береке еңбек еткен адамға ғана басын иеді. Соның нәтижесі болар, биыл ірі қара басы 127-ге, жылқы басы 2 үйірге жетті, 55 гектар жерге күріш егіліп, әр гектарынан 65 центнерден өнім алынды, ‒ дейді жас кәсіпкер Нұрдәулет Болатбекұлы. &nbsp;&nbsp;</blockquote>Айта кетейік, осыған дейін Жастар ресурстық орталығы және «Темірқазық» қоғамдық бірлестігі «Тюрешова» шаруа қожалығында үш күндік еңбек лагерін өткізген еді. Жастарды дала жұмысына (егін егу, шоққа нан пісіру, айран пісу, сиыр сауу, шөп жинау) бейімдеуді көздеген Нұрдәулет бұл бастамаға білек сыбана кіріскен сонда. Жас кәсіпкермен тілдесу барысында қайырымдылық шараларына жиі қол ұшын беріп, сауапты істерді жақсы көретінін де байқадық. Сондай-ақ Нұрдәулет нарықтағы баға мәселесіне көңілі толмайтынын айтумен қатар алдағы жоспарымен де бөлісті:<blockquote>‒ Жаз бойы еңбектенген соң күрішті жақсы бағада сатылымға шығарғың келеді. Болашақта ет бағытында мал басын көбейтіп, сүт өнімдерін сатылымға шығаруды, күріш ақтайтын завод салуды, техникаларды жаңартуды жоспарлап отырмыз, ‒ дейді ол. &nbsp;&nbsp; &nbsp;</blockquote>

Жалағаштық кәсіпкер қайырымдылық шараларға атсалысады 

<a href="https://kyzylorda-news.kz/ru">Kyzylorda-news.kz.</a> Бала жанының бағбанына айналып, білімнің шырағын жағып, қараңғылық пен надандықтың түңдігін түретін ұстаздардың орны әрқашан бөлек. Мектеп табалдырығын аттаған әр баланы бауырына басып, аналық мейірімін төгіп, жарқын болашаққа жетелеуде жарық шамды қолына ұстататын ұлы тұлға. Кемел келешектің кірпішін қалауға негіз болып, бағытын бағдарлап беретін кемеңгер десек те артық айтқандық емес. Оқушысы білім бәйгесіне түссе, ата-анасымен қатар тақымын қысып, шәкірті үшін шырылдайтыны да көпке аян. Өйткені, ұстаз ұғымы тарих беттерінен тәпсірленіп, терең мағынасы таңбадай басылып қалған. Ықылым заманда да, осы игілікті іспен айналысып, даналықтың дәнін сеуіп, шәкіртінің меселін қайтармай, бар білгенін үйретуден жалықпаған ұлы тұлғаларды кездестіреміз. Мәселен, ғылым жолындағы сүбелі еңбегімен есте қалған «адамзаттың бірінші ұстазы» атанған Аристотельді айта аламыз. Тіпті, әдебиет әлемінде өзіндік орны сақталған, шоқтығы биік шығармаларымен танылған Шәкәрімнің ұстазы Абай екені мұқым қазаққа таныс. Ұстаз алдынан өткен, тәлім-тәрбиесін бойына, білімін санасына сіңірген шәкірттер шыңға шықпаса, жерде қалып жатқан жоқ. «Бір әріп үйреткенге 40 жыл сәлем бер» деген Жүсіпбек Аймауытовтың сөзі көптің көкейінде сақталғаны айқын. Кім-кімде 11 жыл бойы білім нәрімен сусындатып, жақсыны үйретіп, өнегесін көрсеткен үлгілі ұстазының үмітін ақтап, есімін жадында сақтап, көре қалса ерекше ілтипатпен сәлем беруге тырысатыны ақиқат. Осы орайда, мектептің жүрегіне айналған мұғалімдердің еңбегі ұшан-теңіз екеніне тағы бір мәрте көз жеткізуге болады. Өйткені, мықты ұстаз қай уақытта да өзінің қабілетті екенін аңғартып, тәжірибелі маман екенін дәлелдей алады. Білім ошағында байсалды қалпынан танбай, тынымсыз еңбегінің нәтижесінде марапат мінберінен көрініп жүрген №23 мектеп-лицейінің мұғалімі Айгүл Қиясова еліміз бойынша іріктелген ұстаздардың арасынан үздік педагог атанып, Сыр елінің мерейін үстем етті.Мәдениетпен мазмұндас, сауаттылықпен сабақтас, салмақты сөзі өнегелі ісімен үйлесетін, жанашырлық пен мейірім үндесетін ұлық қызметте ұстаздың ұлылығын ұғынасың. Ұлт ұрпағын саналы етіп тәрбилеуде жауапкершілік жүгін абыроймен арқалаған Айгүл Қиясова атаққа бола аттандаған емес. Себебі, төккен терінің мөлшерін һәм еткен еңбегінің өлшемін шәкірттерінің шыңға шығып, жетістікке жетуімен бағамдайды.Мұғалімдер отбасында дүниеге келген Айгүл ханым мамандығының машақатына қарамастан бала күнгі мақсатына қол жеткізіп, сара жолды жалғастырып келеді. Ұстамдылықты ұстанымы еткендіктен де білім мен білік бәсекесінде бабы шауып, оқытушылар арасында өтетін республикалық «Үздік педагог – 2022» байқауында жеңімпаз атанды. Сондықтан қажырлылық танытуда қалыс қалмайтын Айгүл Қиясованың еңбегі еленіп, өзінің марапатқа лайық екенін дүйім жұртқа дәлелдей алды. Кіл үздіктердің жұмысы таразыланып, білім берудегі әдіс-тәсілдері ескерілетін, жаңашылдығы талқыға түсетін байқауда топ жарып, абырой биігінен көрінді. Ұстаздың ұсынған тиянақты жұмысына комиссия алқасының көңілі толуы білік деңгейінің жоғары болуында. Яғни, қиын да күрделі, талабы қатаң байқаудың республикалық кезеңіне жолдама алған 100-ден аса мұғалімнің ішінен үздік атану тындырымды дайындықтың арқасы. Осылайша, мықтылығын министрлік мойындаған мұғалім марапатталып, Сыр еліндегі білім саласына жаңа леп қосты. Сыннан сүрінбей өтіп, өзге қатысушылардан оқ бойы озық болу, республикалық деңгейге дейінгі іріктеуден іркілмей өтіп жеңіске ілігу іскер адамның ғана қолынан келеді. Әсте, білім саласы көлденең кезіккендердің бас сұғып, тәжірибесі жоқтардың тайраңдайтын ортасы емес. Негізгі мақсаты – бәсекеге қабілетті жасты даярлау болғандықтан кәсіби білігі жоғары, өз қағидасы бар, ұстанымына берік жан болу керек.Өз жұмысын ерекше жақсы көретін, әр баланың пәнге деген қызығушылығын оята білетін, ұстаз ұғымына шаң жуытпаған Айгүл Қиясованың білім саласындағы жарқын жолына тоқталып өтелік. Ол 1971 жылы 28 наурызда киелі өлке Қармақшы ауданы Алдашбай ахун атындағы ауылда дүниеге келген.<blockquote>– Бала күнімде мен үшін ұстаздан биік тұлға болмайтын. Өйткені мұғалімдер отбасында дүниеге келгендіктен де болар деп ойлаймын. Сол кездегі ұстаздарыма деген құрметім бе әлде қызығушылығым ба, мұғалімдік мамандықтың қыр-сырына ынтам арта бастады. Сол ынта 1988 жылы Қызылорда қаласындағы іргелі жоғары оқу орындарының бірі Н.В.Гоголь атындағы педагогикалық институттың химия -биология факультетіне жетелеп әкелді. Мұнда да тәжірибелі, өз ісінің майталман шеберлері биология ғылымының таусылмас қызықтарымен тереңірек таныстырып, білім нәрімен сусындатып, «Биология пәнінің мұғалімі» деген мамандықпен болашаққа қанат қақтырды. Институттан алған теориялық білімді практикамен ұштастыру мақсатында 1994 жылы №23 мектеп-лицейіне жұмысқа орналастым,- деді ол.</blockquote>«Мұғалім өзінің білімін үздіксіз көтеріп отырғанда ғана мұғалім, оқуды, ізденуді тоқтатысымен оның мұғалімдігі де жойылады» деп К.Д.Ушинский айтпақшы, балаға әлденені үйретіп, оқыту үшін де мұғалім ылғи ізденіс үстінде жүріп, жаңашылдыққа ұмтылып, тәжірибе жинақтауын доғармау керек. Даму деңгейін тежеген мезетте оқушыға білім беруде де дағдарысқа ұшырамақ. Сондықтан өзі оқытатын пәнді терең түсініп, зерттеп-зерделей алғанда ғана шәкірттің шеберлігін шыңдай алатыны сөзсіз. Осы орайда, білімнің қара шаңырағында 28 жыл еңбек етіп, оқушыға білім беруде олқылық жібермей, пәнге бейімділігін арттырып жүрген педагогтың жеткен жетістігі жетерлік. Мәселен, қалалық, облыстық пәндік олимпиада жүлдегерлерін дайындағаны үшін қаншама рет мақтау қағаздарымен, алғыс хаттармен марапатталды. Сондай-ақ 2017 жылы ҚР БҒМ оқулықтардың және оқу-әдістемелік кешендердің сараптама, сынақ нәтижелерін қарастыру жөніндегі пәндік комиссия құрамына еніп, Білім министрінің «Алғыс хатын» иеленген. 2017-2019 жылдар аралығында оқушылары республикалық, халықаралық ғылыми-практикалық конференцияларға қатысып, жүлделі орындармен жеңіс тұғырынан көрінді. Сонымен қатар 2020 жылы оқулықтардың және оқу-әдістемелік кешендердің сараптама,сынақ нәтижелерін қарастыру жөніндегі пәндік комиссия жұмысындағы кәсіби біліктілігі мен жоғары жауапкершілігі үшін ҚР Білім және ғылым министрінің «Алғыс хатымен» марапатталды.Ісіне мығым маман түрлі байқауда бақ сынап, белсенділік танытуда белсене білек сыбанып кіріскенді жөн көреді. Білім бағытындағы бағдары айқын болғаннан кейін де шыққан белесі биік. Соңғы жылдағы жетістіктері сөзіміздің айғағы десек те болады. «Әл-Фараби – әлемдік тұлға» атты республикалық ғылыми-тәжірибелік конференцияға қатысып, кәсіби шеберлік көрсеткені үшін марапатталды. 2021 жылы &nbsp;«Педагогикалық идеялар фестивалі» республикалық байқауының облыстық кезеңінде «Әртүрлі сабақтар, бірақ әрқайсында шебердің қолы» ғылыми-жаратылыстану бағытындағы пәндер бойынша III орын иеленді. Сонымен қатар Қызылорда қаласы білім бөлімі ұйымдастырған «Үздік авторлық бағдарлама – 2021» байқауында биология пәні бойынша I орын иеленді. «Үздік авторлық бағдарлама-2021» ғылыми жаратылыстану бағытындағы пәндер бойынша I орын иеленіп, Қызылорда облысы білім басқармасының I дәрежелі дипломымен марапатталды. Қазақстан Республикасы Білім және ғылым министрлігі тарапынан білім беру саласын дамытуға қосқан үлесі және оқулықтар мен оқу-әдістемелік кешендерге сараптама жүргізуде жоғары кәсібилікпен белсенділік танытқаны үшін марапатқа ие болды. Биыл «Үздік авторлық бағдарлама» республикалық конкурсының ІІ дәрежелі жүлдегері атанды.<blockquote>– Жалпы, қазіргі уақытта ұстаз еңбегінің шәкірттер жетістігімен өлшенетіні белгілі. Төккен терім босқа кетпегені көпшілікке мәлім. Сондықтан алдағы уақытта да шығармашылық ізденісімді дамыта отырып, шәкірттерімнің білім шыңынан көруіме күш саламын,- деген Айгүл Қиясова қызметіне адал екенін аңғартты. Білім шаңырағында шаш етектен болған шаруаның басын қайырып, мектеп пен оқушы мәселесіне бейқам қарамайтын ұстаз қоғамдық ортада да беделге ие. Шәкіртке ұлағатты ұстаз болып жүрген жанның өнегелі ісі мен аяулы бейнесі талайды тәнті ететіні анық.</blockquote>

Аймақ абыройын асқақтатқан ұстаз

<a href="https://kyzylorda-news.kz/ru">Kyzylorda-news.kz.</a> Соңғы жылдары адамды бейжай қалдырмайтын, ерекше эмоция сыйлайтын сыйлық жасау мүмкіндігі көбейді. Алтыдағы баладан алпыстағы қартқа дейін жаңа эмоция арқылы жаны рахаттанып, өмір сүруге құлшына түседі, өзіндегі шаттықты өзгелерге де таратпай тұра алмайды. Сондықтан бір ғана сыйлық бүкіл ғұмырға жететін ерекше сезім сыйлауы ғажап емес.Қызылордалық жас Әйгерім Бахытжанның арнайы мүсіншелер жасау кәсібі мыңдаған адамды қуантып келеді. Көпті қызықтырған кәсіптің құпиясы неде? Қаншалықты сұраныс бар? Осы жайында Әйгерім Бахытжанқызымен сұқбаттасудың сәті түсті.– Кәсібіңіз қаламызда жалғыз-ақ. Идея қайдан келді?– Өзім Қызылорда қаласының тұрғынымын, осында туып-өстім. 2015 жылы Астана медицина университетіне оқуға түстім. Интерн-врач боп қызмет еткім келеді. Бұйырса, резидент боламын. Бұл кәсіпті бастау жайлы карантиннің алдында, 2020 жылы наурыз айынан бастап ойға алып, көп ұзамай іске кірістік. Сол уақытта барлық салада дерлік деградация жүрді. Аурухана да жабылды, біразы онлайн режимге ауысып, кәсіптік нысандардың көбі құлдырап жатты, кейбірі жаңа жүйеге көшті. Осындай сындарлы, қиын сәтте жолдасым екеуміз туған жерге оралуға бел будық. Бірақ барған соң немен айналысамыз? Қандай кәсіп бастауға болады? Әртүрлі идеялар келіп, ойланып жүрдік. Осыған қызықтым.Шетелде осы саламен айналысатын кәсіпкерлерді көріп, Астана қаласынан оқытатын курстарды іздедім. Осылайша бір курсты тауып, оқып үйреніп алдым. Нәтижесінде енді ғана дамып, ірі қалаларда таралған кәсіп түрін Қызылордаға әкелдім. Көбінесе Солтүстік Қазақстанның тұрғындары, ата-аналар тапсырыс беріп, қызығушылық танытады.Бұл кәсіпті қолөнер түрі десе де артық емес. Себебі қолмен, зейінді бір нәрсеге шоғырландыру арқылы жасалады. Тәуекел деп осы саланы бастағанда көбісі түсінбейтін, тіпті, үрке қарайтын. Көпшіліктің көзінен мұның не қажеті бар деген секілді сұрақ көрінетін.– Алғашқы тапсырысыңызға тоқталып өтсеңіз…– Ең алғашқы тапсырысты досымның жаңа туған нәрестесіне арнайылап жасадық. Үйіндегі кісілер мынау не деп таңданып, басқаша көзқарас танытыпты. Одан кейін 5 күннен соң дайын нәтижесін, картинканы әкеліп табыстаған кезде олар таңданысын жасыра алмады. «Бұлай жасауға да бола ма? Қалай жасайды? Ерекше екен» деп қызығып, рақметін жаудырғаны есімде. Сол кезден бастап инстаграм әлеуметтік желісінде арнайы парақша ашып, нәтижені, әр тапсырысты салып отырдым. Осылайша бір адамнан бір адам естіп, әлеуметтік желі арқылы танып, разы болған тұтынушылар тегін жарнама жасай бастады.– Мүсіншелер қалай жасалады?– Туындылар арнайы ұнтақтар арқылы жасалады. Өзіндік құрамына сай ұнтақтарды араластыру арқылы қажетті массаны, өнімді аламыз. Цемент тектес арнайы ұнтақты араластырып қалыпқа құйған соң, өзінің формасына еніп, қатып, ерекше мүсіншеге айналады. Бізде ата-аналар баласы дүниеге келгенде, үш күн өткенде, бір ай, алты ай, бір жас мерзімінде де естелік үшін жасатады. Тіпті, отбасындағы үш-төрт балаға жасайтындар да бар. Мұның бәрі де естелік. Қағаз секілді жыртылып, сарғайып кетпейді, су өтпейді. Қайда, қанша уақыт сақтасаңыз да сол қалпында тұрады. Мәселен, баланың картинасына қашан өмірге келгені, сағаты, салмағы, бойы жазылып, әдемі ескерткіш ретінде көңілге жылылық сыйлайды. Баланың, үлкен адамның, тіпті, шетелдерде иттің, мысықтың аяқтарының мүсінін жасап жатады. Мұнда аяқтың, қолдың әр клеткасы, ізі анық әрі толық түсетіндіктен, мұны бір жағынан ДНК анықтамасы десек те болады. Смартфондарда «саусақтың ізі» арқылы тіркелу, сол арқылы телефонды ашу жүйесі енгізілген ғой. Сол секілді мұнда да адам қолының өзіне ғана тән сызықтары, қайталанбайтын әр қыртысы, қолдың көлемі өз қалпында, жүз пайыз анық көрінеді.– Ерекше тапсырыстар болды ма?– Ата-ананың талабына, талғамына сай жасай беремін. Мысалы, маған бір ата-ана теңіз, біреуі батыр, біреуі жұлдыз, бірі ғарышкер бейнесіндегі мүсіншелерге тапсырыс берген еді. Барлығы да талғамға байланысты.Ерекше есімде қалған бір тапсырыс бар. Медицина саласында жүрген мықты хирург, офтальмологқа ағайға арналған сыйлыққа тапсырыс берді. Әріптестері қанша көзді емдеп, қанша адамның өмірін аман алып қалған, тағдырына әсер еткен дәрігердің қолын мүсіншеге айналдырып, ескерткіш әрі бағалы сыйлық ретінде ұсынды.Бұл салада сұраныс жоғары десем артық емес. Көбіне аудан, ауылдан сұрап жатады. Өкінішке қарай, қаланың ішінен тапсырыс қабылдап, жеткізетіндіктен сырт жақтарға шығуға мүмкіндік аз. Соған қарамастан ата-аналар Қазалыдан, Шиеліден келіп, естелік ретінде сақтап қалу үшін баланың қолы, аяғының мүсіншелерін алып жатады. Бағасы маңызды емес. Бұл атадан балаға мұра сияқты, жүрекке жылу сыйлап, жылдан жылға сақтала беретіндіктен, құнсыз, өлшеусіз сыйлық.– Сұқбат үшін рақмет!

Қазақстан және Қызылорда облысының жаңалықтары