<a href="https://kyzylorda-news.kz/ru">Kyzylorda-news.kz.</a> Ағылшын жазушысы Бернард Шоу «Қолынан іс келетін адам жасайды, келмейтін адам үйретеді» дейді. Рас, қолынан іс келетін адам үшін арман-мақсатын жүзеге асыруға ештеңе кедергі бола алмайды. Тек қарым-қабілет пен ынта-жігер ұштасса болды. Бүгінде істің қиюын келтіріп, кәсібінен нәпақасын тауып жүрген жандарды көргенде ерекше қуанасың. Ауыз толтырып айтуға оңай болғанымен, кәсіп ашып, оны одан ары дөңгелентіп әкету екінің бірінің қолынан келе бермейді. Өйткені қандай да бір істі бастар жолда кездесетін кедергілер мен қиындықтарға төтеп беру ерік-жігердің күштілігіне байланысты.Ниеттен туған құлшыныс кезіккен қиындықтардан өтуге серпін береді. Адам бойындағы тынымсыз еңбек, талпыныс, ізденіс арманға жетуге үздіксіз жетелеп, түбінде мақсаттың шыңына шығарады. Бүгінде еліміздің түкпір-түкпірінен осындай талабы мен табандылығын бір арнада тоғыстырып, кәсібін шалқытып отырғандар көп-ақ. Жалағаш ауданында да кәсіпкерлік саласына тың идеялар әкеліп, дамуына серпін берген кәсіп иелері баршылық. Солардың бірі – Жалағаш ауданына қарасты Мәдениет ауылының тұрғыны, кәсіпкер келіншек Ақмоншақ Төлеген. Онымен әңгімелесіп, кәсібінің қыр-сырын білу үшін арнайы іздеп барған едік. Мәдениетке табан тірегенімізде бұл ауылда тындырымды тірлік барын бай-қадық. Әсіресе ауыл тұрғыны Ақмоншақ Төлегеннің кондитерлік дүкенінде кезекте тұрғандар көп екен. Біз барғанда арнайы тапсырыспен кондитерлік өнімдер пісіретін кә¬сіпкер жұмыс үстінде жүрді.&nbsp;Ақмоншақ – қайтарымсыз грантқа ие болып, мемлекет қолдауын көргендердің бірі. Кәсіп иесінің кондитерлік бұрышында сіз іздеген тәттінің бәрі бар. Тоқаш, торттың түрлері, бәліш пен тәттілерді, самса, пицца және нан өнімдері тағы не дейсіз, бәрі-бәрі осында. Ауыл тұрғындары-ақ кәсіпкердің жұмысын қыздырып тұр. Әсіресе жаз айларында тапсырыс көбейеді екен. Тәтті өнімдерді қолдан пісіретін Ақмоншақтың жос¬пары да жоқ емес. Алдағы уақытта кондитерлік кәсібін кеңейтіп, дамытуды қолға алмақ.&nbsp;– Алғашында болашақтағы кәсібімді қалай бастаймын, қалай дамытамын және оның пайдасы жөнінде көп ойландым. Қайтарымсыз грантқа ие болған кезде алдын ала жоспарланған істерімді лезде бастап кеттім. Қазір кішігірім кондитерлік кәсібім жұмыс істеп тұр. Мен кәсібім аясында өзімнің тәжірибемді жетілдіре түстім дей аламын. Бұған дейін де тәттілер пісіруде өзімнің қабілетім, тәжірибем де болды. Осында тұрмысқа шыққан соң бұл қолымнан келіп тұрған қабілетімнен қол үзіп қалғым келмеді. Сұраныс бар, көріп тұрғаныңыздай, азық-түлік дүкенімнің де саудасы жақсы. Пісірген тәттілерімді, торттарымды, жасаған сусындарымды осы дүкеніме сатылымға қоямын. Ауыл адамдарының да дені үйренген, пісірген өнімдерімді сүйсініп тұрып сатып алады, – дейді Ақмоншақ.Кәсіпкер келіншекпен әңгіме үстінде жас та болса жан-жақтылығына, табандылығы мен ізденімпаздығына таңданғанымыз рас. Өйткені келіншек дүкенінің жұмысын, пісіретін тәттілері мен дайындайтын салқын сусындарын үлгертіп қана қоймай, той-томалақ, мерекелік кештерді безендіруді, тапсырыспен тұсаукесер, қыз ұзату, құдалық сынды мерейтойларға арналған тойбастарлар жасауды да қолға алыпты.– Бұл әрине оңай емес қой. Келін болғасын үй тірлігін, дүкеннің келушілерін, кондитерлік жұмысыммен қатар тапсырыспен безендіруге, тойбастар сыйлықтарын жасауға уақыттың тығыз екені анық. Бірақ жаспыз, ниет болса, үлгеруге болады. Қосымша қолға алған жұмысым бойынша қазірдің өзінде бірнеше тапсырыс алып үлгердім, шүкір, ойдағыдай жасап жатырмын. Бастысы, тапсырыс берушілерден алғыс алып жатырмын. Соған қарағанда жасаған жұмыстарым сұранысқа сай деп есептеймін, – деген кейіпкеріміз мұнымен тоқтап қалмайтынын да жасырмады.&nbsp;Ол мемлекеттен қолдау болса, кәсібінің көкжиегін әлі де кеңейтуге ынталы. Шынтуайтында, кез келген іскер келіншек өз ісінде биіктен көрініп, жетістікке же-туді қалайды. Ал оған қалай қол жеткізуге болады? Әрине оған алдымен үлкен ең-бек керек. Кәсіп бастар алдында жоспар құру, қажетті қаражатты табу – үлкен іс. Кәсіпкер келіншек тапсырысының көптігіне қарамастан көтеріңкі көңіл-күймен жүріп-ақ барлығына үлгереді. Себебі сүйікті ісіңмен айналысу ешқашан адамды шаршатпайды. Тек еңбектену керек. Ақмоншақтың қазір тұрақты тұтынушылары да бар. Кондитерлік өнімдер сөресіндегі торттардың бағасы 3500-7000 теңге ара-лығында. Кәнігі «Медовиктен» бастап, «Қызыл барқыт», «Вупипай», «Бисквитті» торттарды кезіктіресіз. Біз барған кезде дүкеніндегі мұздатқышын жаздың ыстық күндері сұранысқа ие салқын сусындарға толтырып қойыпты. &nbsp;«Алыстан ат терлетіп келіпсіздер, салқын судан ішіңіздер» деген соң Ақмоншақтың өз қолымен дайындаған сусынының дәмін көрдік. Расын айту керек, «Лайм», «Мохито» деп аталатын салқын сусындарының дәмі кәнігі дүкендерде сатылатын сусындардан артық демесеңіз, кем емес. Аядай ауылда отырып, қаншама тірліктің басын құрап, келістіріп, үлгертіп отырған келіншектің адам жатырқамайтын ашық мінезімен сүйсінткені тағы бар. Әңгіме арасында кейіпкердің оқу орнын сұрап, негізгі мамандығынан да ха-бардар болдық. Ақмоншақ Төлеген Қорқыт ата атындағы Қызылорда университетін Қаржы мамандығы бойынша Экономика және бизнес бакалаврын тәмамдаған. Мұнымен қоса Әскер кафедрасын қаржылық қамтамасыз ету мамандығын алған запастағы офицер. Негізгі мамандығы бойынша жұмыс жасағысы келгенімен ауылда мүмкіндік болмағанын айтады. Сол себепті кәсіпке бетбұрып, тәуекел еткен.&nbsp;Қысқасы, кейіпкеріміз – алдына мақсат қойып, қабілеті мен мақсатын бір ар-наға тоғыстырған жан. Ауыл көлемін айтпағанда, Ақмоншақтың өнімдеріне көрші ауылдардан тапсырыс түсіп жатады. Бастысы, халықта сұраныс, кәсіпкерде ынта-жігер бар. Жас та болса үлкен істі дөңгелентіп отырған Ақмоншақтың ісіне береке берсін дейміз.

Жалағаштық тұрғын мемлекеттің қолдауымен кәсіп бастаған

<a href="https://kyzylorda-news.kz/">Kyzylorda-news.kz.</a> ҚР Парламенті Сенатының депутаты Р.Рүстемов және ҚР Парламент Мәжілісінің депутаттары М.Жайымбетов пен М.Ергешбаевтың Сырдария ауданына сапары барысында Қалжан ахун ауылы тұрғындарымен жүздесті.Мұнда ауыл халқына Парламент қабырғасында жүзеге асып жатқан жұмыстармен танысытырып, азаматтардың ұсыныс пікірдерін тыңдады.Кездесуде ауыл ардагері Б.Дүйсенбаев Қалжан ахун ауылының биыл көгілдір отын тұтынатындығын айтып, өз ризашылығын білдірді.Партия уәдесінде тұрып жатыр. Жақында облыста 3 елді мекенге табиғи газ берілді. Жыл соңына дейін 9 елді мекен табиғи отын игілігін көреді деп отыр. Соның ішінде біздің ауылымыз да бар. Қазір ауылда газдандыру бойынша құрылыс-монтаж жұмыстары жүргізіліп жатыр. Көптен күткен мәселе еді бұйырса шешімін тапқалы тұр деді ақсақал.Ауыл ардагері С.Кенжебаев ауылдағы Қайқы батыр көшесін жөндеу қажеттігін және инфрақұрылымды дамыту бойынша өз ұсынысын жеткізді. Ал, ауылдық ардагерлер кеңесінің төрағасы М.Жорабек «Ауыл аманаты» жобасының іске асуын ауыл азаматтары күтіп отырғандығын айтты.Кездесу соңында депутаттар әрбір ұсыныстың маңыздылығын айтып, кезең-кезеңімен өз шешімін табатындығын жеткізді.Мұнан соң халық қалаулылары «AMANAT» партиясының сайлауалды бағдарламасы аясында күрделі жөндеуден өтіп жатқан фельдшерлік-акушерлік бекеттің жөндеу жұмыстарымен танысты.Сенат және Мәжіліс депутаттарының сапары Сырдария ауданына қарасты А.Тоқмағанбетов ауылында жалғасын тапты. Мұнда да халық қалаулылары алдымен ауыл тұрғындарымен кездесіп, пікір алмасты. Тұрғындарға елдегі соңғы қабылданып жатқан заң жобаларын түсіндіріп, алдағы жоспарларымен бөлісті.Кездесу барысында ауыл ақсақалы Жылқыбай Бәрзубек ауылға ат басын тіреген халық қалаулыларының сапарының оң болуын тілеп, атқарылып жатқан жұмыстарға ризашылығын білдірді.Әрі қарай депутаттар ауылдық фельдшерлік – акушерлік бекеттің күрделі жөндеу жұмыстарымен танысты А.Тоқмағанбетов ауылындағы фельдшерлік – акушерлік бекетке 20 жылдан бері жөндеу жұмыстары жүрмеген. Партияның сайлауалды бағдарламасы аясында биыл жүзеге асырылуда. Жоба құны: 81009,0 мың теңге.Мердігер мекеме «АХАТ - ГС» ЖШС. Мердігерлер жұмысты күзге дейін толық аяқтап, пайдалануға береміз деп отыр. Сонымен қатар, ауылға көгілдір отынды кіргізу бойынша да бастапқы жұмыстар жүргізілуде.Мұнан соң мәжілісмендер Тереңөзек кентінің орталығыдағы Д.Қонаев көшесіне төселіп жатқан асфальт сапасын көріп, мердігерлермен тілдесті. Бұл көшенің жалпы ұзындығы 1,34 шақырымды құрайды. Бұған дейін көшенің бойына бордюр салу жұмыстары жүргізілген.Монитоинг жұмыстары барысында халық қалаулылары жөндеу жұмыстарының сапалы әрі уақытылы аяқталуын мердігер мекеме өкіліне нықтап тапсырды. Мұнан әрі партияның аудандық филиалының ғимаратында қоғамдық қабылдау өткізіп, тұрғындар өтінішін тыңдады.Қабылдау барысында азаматтар Шаған ауылын газдандыру, Тереңөзек кентіндегі көпқабатты тұрғын үйлердің ауласын абаттандыру, тұрғын үй мәселесі, Қалжан ахун ауылының электр желісін жаңарту секілді жалпыға ортақ мәселе көтерді.<figure class="image"><img src="https://knadmin.beoblood.kz/uploads/347563605_661487252683581_1392386170923185005_n_cedae0cccb.jpg" alt="347563605_661487252683581_1392386170923185005_n.jpg"></figure><figure class="image"><img src="https://knadmin.beoblood.kz/uploads/357827022_661590719339901_1125824591447915993_n_ec9fc7394e.jpg" alt="357827022_661590719339901_1125824591447915993_n.jpg"></figure>&nbsp;<figure class="image"><img src="https://knadmin.beoblood.kz/uploads/347402900_661590902673216_1253306188145238035_n_a156a87e7a.jpg" alt="347402900_661590902673216_1253306188145238035_n.jpg"></figure>

Депутаттардың сапары А.Тоқмағанбетов және Қалжан ахун ауылдарында жалғасты

<a href="https://kyzylorda-news.kz/">Kyzylorda-news.kz.</a> «Бизнестің жол картасы – 2025» бағдарламасы аясында ісін жаңа бастаған, инновациялық бизнес-идеясы бар кәсіпкерлер грантқа үміткер бола алады. Солардың бірі – қазалылық іскер жас Арайлым Медеу бағдарлама аясында 530200 теңгеге қол жеткізді.Қайтарымсыз қаражатқа кондитерлік өнімдер дайындайтын қажетті жабдықтар алды. Арнайы пеш, асханалық комбайн, блендер, форма жиынтығы мен орешницаны иемденген кәсіпкердің қуанышында шек жоқ.<blockquote>«Қайтарымсыз грантты иемдену үшін міндетті түрде кәсіптік білім алған дұрыс. Кәсіптік оқу – заман талабына сай, сұранысқа ие мамандарды қайта даярлайтын қысқа мерзімді курс. Еліміздегі индустрияландыру бағытының қарқынды дамуы, кәсіптік-техникалық мамандарға деген сұранысты арттырып отыр. Сондықтан да Үкімет «Нәтижелі жұмыспен қамтуды және жаппай кәсіпкерлікті дамытудың 2017-2021 жылдарға арналған «Еңбек» мемлекеттік бағдарламасының» бірінші бағытын кәсіптік-техникалық мамандарды даярлауға ерекше ден қойды. Бағдарламаның мақсаты – азаматтардың қабілеті мен қызығушылығына, мүмкіндігіне қарай жұмысшы мамандығына даярлау, өз мамандығы бойынша жұмыс таппай жүргендерді қайта оқытып, кәсіптік біліктілігін көтеру. Бала бағып, үй шаруасымен ғана шектелмес үшін Қазалы көлік-техникалық жоғары колледжінде 10 айлық курсты тәмамдадым», – дейді екі баланың анасы.</blockquote>Қазір Арайлым Мергенбайқызының 3-разрядты аспазшы екендігін растайтын арнайы сертификаты мен дипломы бар. Ол ыстық тамақтың түр-түрін дайындап, торттың кез келгенін, бисквит, вупипай, микс пирог, пахлава, түрік тәттілерін орешки, зефир, блины, самса мен чебуректерді тапсырыспен пісіреді. Соның арасында қарап отырмай, жарыстарға қатысып бағын да сынайды. Сондай облыстық деңгейде ұйымдастырылған «Worldskills Kazakhstan» байқауында «Аспаз ісі» бойынша үшінші орынды иемденген.<blockquote>«Бизнес Бастау» жобасының да игілігін көрдім. Оқу аяқталған сәттен бастап бизнес жоспарын әзірледік. Егер бизнес жоспарын әзірлей алмаған жағдайда аудандық кәсіпкерлік палатасы бағдарлама шеңберінде дайындауға көмектеседі. Бұл бағытта 1 ай бойы оқығандарға бір жолғы степендия төленеді. Олар да тегін оқиды. Мұнда белгілі бір кәсіпті игермейсіз. Тек бизнес-тренерлер кәсіпкерлік негіздеріне оқытып, саладағы заңнамалар, маркетинг стратегия, салыққа қатысты мәліметтерден хабардар етеді. Соның арқасында «Арай» атауымен жеке кәсібімді аштым. Қалай тұтынушыларды тартуды үйрендім», – дейді кәсіпкер.</blockquote>Осылайша Арайлым бала кезден хоббиі болған істі ұршықша иіріп отыр. Мұнымен тоқталмақ емес, оның алға қойған мақсаты мен жоспары жетерлік. Қазіргі кәсібін жеңілдетілген несие алып, әрі қарай жаңаша дамытуды ойлайды.

Тәттілерімен танылған Арайлым

<a href="https://kyzylorda-news.kz/">Kyzylorda-news.kz.</a>&nbsp; Қызылорда қаласының сол жағалауында физика-математика бағытындағы мектеп-интернат ғимаратының іргетасын қалау рәсімі өтті.Облыс әкімі Нұрлыбек Нәлібаев жерлестерін заманауи үлгідегі жаңа білім ордасының ірге көтеруімен құттықтады.<blockquote>«Мемлекет басшысы Қасым-Жомарт Кемелұлы Жолдауында «Орта білімнің сапасы – табысты ұлт болудың маңызды шарты. Әрбір оқушының білім алып, жан-жақты дамуы үшін қолайлы жағдай жасалуы тиіс» – деген болатын. Президент қазіргі цифрландыру, индустрияландыру заманында ІТ саласына деген сұраныс пен техникалық ғылымдардың маңыздылығын ескере келе, жаратылыстану-математика бағытындағы пәндерге басымдық беруді тапсырды. Бұл ретте ел дамуына өзіндік үлес қосатын мамандарды оқыту, ІТ саласына жаңа леп әкелетін бағыттарды дамыту – біздің ортақ міндетіміз!</blockquote>Бүгін – Сыр жұртшылығы үшін айрықша қуанышты күн. Құны 8 млрд. теңгені құрайтын жаңа мектеп оқушыларға сапалы білім беруге мүмкіндік жасайтын барлық заманауи жабдықтармен жарақталады. Мектеп құрылысы келесі жылы аяқталып, оқушылар мен ұстаздар игілігіне беріледі. Шын мәнінде баланың игілігінен артық құндылық жоқ. Ал, өмірде өшпейтін із – балаға берген білім мен мейірім болса керек. Балаларымыздың болашағы зор болсын!», – деді аймақ басшысы.Жиналған қауымды мемлекет және қоғам қайраткері Мұрат Бақтиярұлы мен білім саласының ардагері Б. Досманбетов құттықтады.Еске салсақ, өткен жылдың желтоқсан айында Үкімет басшысы Әлихан Смайылов Сыр өңіріне арнайы жұмыс сапары кезінде Қызылорда қаласында дарынды балаларға арналған физика-математика мектеп-интернатының құрылысын бастауға қолдау білдірді. Осы тізімге №101 Ә.Мүслімов және №2 Абай атындағы мектептерге қосымша құрылыс салу, «Бәйтерек» тұрғын ауданынан 600 орындық және Шиелі ауданы Байсын ауылынан 250 орындық мектеп құрылысын аяқтау енгізілді. Мердігер мекеме «Промстройсервис Е» құрылыс компаниясы мектеп ғимаратын келер жылы аяқтап, пайдалануға береді деп жоспарлануда.Өткен жылы аймақта 19 балабақша, 6 мектеп, Жалағаш ауданында Оқушылар үйі және Өнер мектебі пайдалануға берілгені белгілі. Алдағы 3 жылда 64 балабақша және «Жайлы мектеп» ұлттық жобасы аясында 15 100 орынға арналған 21 мектеп салынбақ. Жеке мектептердің де үлесі артып келеді. Қазірдің өзінде өңірде 21 жеке мектеп жұмыс істесе, алдағы 3 жылда инвесторлар 12 мектеп салуға ниет білдірді.<figure class="image"><img src="https://knadmin.beoblood.kz/uploads/347560657_571289855192263_6566474873310593915_n_09910c06c4.jpg" alt="347560657_571289855192263_6566474873310593915_n.jpg"></figure>&nbsp;<figure class="image"><img src="https://knadmin.beoblood.kz/uploads/347381788_571289745192274_369255854890366821_n_f2f7a04deb.jpg" alt="347381788_571289745192274_369255854890366821_n.jpg"></figure>&nbsp;<figure class="image"><img src="https://knadmin.beoblood.kz/uploads/347439590_571289555192293_6508438260315926632_n_b995b99653.jpg" alt="347439590_571289555192293_6508438260315926632_n.jpg"></figure>

Қызылордада физика-математика бағытындағы мектеп-интернаттың құрылысы басталды 

<a href="https://kyzylorda-news.kz/ru">Kyzylorda-news.kz.</a> Соңғы жылдары дала өрті, яғни, ормандағы төтенше жағдайлар жиілеп барады. Әсіресе, Солтүстік өңірдегі алапат өрт қаншама қазақтың қабырғасын қайыстырып, өте өкінішті жағдайға дейін душар етті. Бұл сындарлы сәтте сабақ болды десек те болады, сондықтан осындай жағдайлардың алдын алу, болдырмау үшін дайындық жұмысын пысықтау аса маңызды болып тұр. Өткен аптада қос облыстың бірлескен оқу-жаттығу жиыны өтіп, жауапты сала мамандары бір күн аудан аумағында бас қосты.&nbsp;Қызылорда облысы Төтенше жағдайлар департаментінің 2023 жылға арналған жұмыс жоспарына және Төтенше жағдайлар министрінің №24 аппараттық кеңесінде орындауға берген тапсырмаға сәйкес, Жаңақорған ауданының аумағында Қызылорда облысы мен Түркістан облысының шекара аралық орман-тоғай өрттерін сөндіру бойынша бірлескен өрт-тактикалық &nbsp;оқу жаттығуы өткізілді. Оқу-жаттығу Жаңақорған орман және жануарлар дүниесін қорғау жөніндегі мемлекеттік мекемесіне қарасты Ақтас орманшылығының №27 айналымының №10 оралымында ұйымдастырылды. Негізі бұл жиын жыл сайын өткізіліп тұрады. Бір жыл көрші өңірде болса, келесі жылы біздің аумақта кең көлемде дайындық жұмысы пысықталады.&nbsp; Жиынның мақсаты – Төтенше жағдайларды жою кезінде азаматтық қорғау қызметтері мен облыс аралық азаматтық қорғау органы бөлімшелерінің өзара жедел әрекет ету іс-қимылдарын жетілдіру.&nbsp;Оқу жаттығуға басшылық жасағандар тізімінде Қызылорда облысы ТЖД бастығының орынбасары, подполковник Б.Әбдіқадыров, Түркістан облысы ТЖД бастығының орынбасары, полковник Е.Сарыбаев, Жаңақорған ауданы әкімінің орынбасары Б.Шәріпбеков.Оқу жаттығуға азаматтық қорғау қызметтері мен облыс аралық азаматтық қорғау органы бөлімшелерінен 150-қызметкер, 32-техника қатыстырылды. Аудандық төтенше жағдайлар бөлімінің бастығы Берікбай Омаров модераторлық жасап, жиынның мән-мазмұнын, тақырыбын түсіндірді. Аудан әкімінің орынбасары Бекболат Жүнісәліұлы жиынды ашып, сақшыларға сәттілік тіледі.– Былтыр Түркістан облысы аумағында дәл осы оқу жаттығу жұмысы жүргізілді. 2021 жылы осы Жаңақорған төңірегінде ұйымдастырылған болатын. Бұл оқу-жаттығу тек ғана өрт жағдайында ғана емес, кез келген төтенше жағдайға тосқауыл ретінде дайындалуда Әрине, апат айтып келмейді, сондықтан сақтықта қорлық жоқ дейтін қазақпыз ғой. Ел ортақ, жер ортақ, біз әрқашан бірлікте болуымыз керек. Әрбір апаттың алдын алып отыруымыз өте қажет, – деді Түркістан облысы ТЖД бастығының орынбасары.&nbsp;Сонымен арнайы дайындық жұмысы пысықталды. Дала өртке оранған жағдайдағы әрекет іске қосылып, алдымен, өрт сөндіруге жедел топ аттанды. Өрт сөндіру кезінде көршілес отырған қойшы қауымның үйіне құтқару жұмысын жүргізді. Яғни, өрт орын алған жағдайда эвакуациялау орын алды. Құтқарылған тұрғындарға алғашқы көмек көрсетіліп, әлеуметтік желі арқылы хабарландырулар жіберілді. Сарбаздар сақадай сай қимылдаудың тәсілдерін тағы бір түйіндеп алды. Мұндай оқу-жаттығу ірі табиғи өрттер кезіндегі іс-қимылдарды жетілдіру үшін қажет. Өткізудің барлық шарттары нақты жағдайға жақын. Жатығу орман шаруашылығы, арнайы бөлімшелерінің табиғи өрттердің туындауына дайындығын бағалауға мүмкіндік береді. Күштер мен құралдарды арттыру қалыптасқан жағдайға, күштер мен құралдарды тарту жоспарларына сәйкес жүрді. &nbsp;Осындай ауқымды жаттығуды өткізу азаматтық қорғау жеке құрамы мен құтқарушыларға, орман және дала өрттерін елді мекендерге төнген қауіп-қатерді ескере отырып, орман және дала өрттерін сөндіруде өз шеберліктерін шыңдауға мүмкіндік береді, – дейді аудандық төтенше жағдайлар бөлімінің бастығы Берікбай Омаров.Жаттығулардың басты мақсаты - орман шаруашылығы мен азаматтық қорғау органдары арасында орман және дала өрттерін сөндіру бойынша өзара әрекеттесуді іс-жүзінде өтеу. Жануды дер кезінде анықтау, жедел және үйлесімді әрекет жасау – біріккен жаттығуларға қатысатын қызметкерлердің негізгі міндеті. Өртті барлық орманға таратпау мақсатында ауыр техника минералданған жасақтар салады.Өрт сөндіру командасының және орман қорықшыларының үйлесімді, нақты іс-әрекеттерінің арқасында жану ошағы тез арада жойылды.Өрт қауіпті кезінде орманда тыйым салынады: - алаулар жағуға, тамақ әзірлеу үшін мангалдарды және т.б. құралдарды пайдалануға; - темекі шегуге, жанған сіріңкелерді, темекі тұқылдарын лақтыруға, темекі шегу трубкасынан ыстық күлді шашуға; - оқ ататын қарудан атуға, пиротехникалық бұйымдарды пайдалануға; - орманда майлы, бензин, керосин немесе өзге жану заттары сіңген сүрту материалдарын қалдыруға; - жұмыс істейтін ішкі жану қозғалтқыштарының бактарына жанар-жағар май құюға, қозғалтқыштың жарамсыз қуаттандыру жүйесімен техниканы жұмыс істеу үшін шығаруға, сондай-ақ, жанар-жағар май құйылып жатқан көліктің қасында темекі шегуге немесе от жағуға; - күн сәулесі түсіп тұрған ашық алаңдарда шөлмектерді, шыны сынықтарын, өзге қоқыстарды тастауға; - егістіктерде шөпті, сондай-ақ егілген егіннің орнын жағуға.Бірлесіп өткізілген өрт-тактикалық жаттығудың нәтижесі бойынша анықталғаны, барлық қызметтер қойылған міндеттерді орындап шықты. Иә, апат айтып келмейтіні рас, оның үстіне біздің елде төтенше жағдайға аса қатты дайындық жоғы да білінді. Оны кешегі дала өрті көрсетіп берді. Міне, сол олқылықтың орнын толтыру үшін осындай жиындар жиі өтіп тұрады дейді басшылық құрам.Оқу жаттығуға Қызылорда және Түркістан облысы төтенше жағдайлар департаменті, сондай-ақ, қос өңірдің «ӨСжАҚЖҚ», аудандық төтенше жағдайлар бөлімі мен №14 өрт сөндіру бөлімі, аудан әкімі аппараты, орман және жануарлар дүниесін қорғау жөніндегі мемлекеттік мекемесінен аудандық көп бейінді орталық ауруханасынан мамандар жұмылдырылды. Аққорған, Келінтөбе және Талап ауылдық округінің әкімі аппаратынан, аудандық кәсіпкерлік, өнеркәсіп және туризм бөлімі, «Арал» СЖКБД филиалы «Жаңақорған ауданының оқшау сумен жабдықтау жүйелерін пайдаланушы» өндірістік бөлімшесі, Жаңақорған аудандық электр тарату торабы мекемесінен де жауапты мамандар қатысып, өрт тактикалық оқу жаттығу өз деңгейінде өтті.

Жаңақорғанда өрт-тактикалық оқу жаттығу өтті

<a href="https://kyzylorda-news.kz/ru">Kyzylorda-news.kz.</a> Қазір мемлекет кәсіпкерлік саласын дамытуға ерекше көңіл бөлуде. Тіпті түрлі жобаларды қаржылай қолдайтын арнайы бағдарламалар да бар. Бастысы, ынта болса, іс бастап, оның көкжиегін кеңейтуге мүмкіндік мол. Қарапайым халықтың да қазір кәсіп бастауға ынтасы жоғары. Оған бір ғана Жалағаш ауданында саланың дамуынан көз жеткізуге болады. Аудан бойынша жаппай кәсіпкерлікті дамыту бағытында атқарылған жұмыстар шеңберінде Жалағаш аудандық кәсіпкерлік, өнеркәсіп және туризм бөлімінің басшысы Жасұлан Еспенбетпен сұхбаттасқан болатынбыз. Сөзінше, жылдың алғашқы алты айында ауданда салада серпін қалыптасыпты.&nbsp;Айта кетейік, 2023 жылдың 6 айында аудан бойынша тіркелген шағын және орта кәсіпкерлік субъектілерінің саны 3 302 бірлікке жеткен. Бүгінде оның 3 135 субъектісі немесе 94,9 пайызы нақты жұмыс жасап тұр екен. Ал, тоқтап тұрған кәсіпкерлік субъектілерінің саны – 167. Жыл басынан бері Жалағаш ауданында кәсіпорындар 218-ге көбейген.Жасұлан Ерданұлы ауданда макроэкономикалық көрсеткіштер бойынша да жақсы нәтиже барын айтады. Мәселен, 2023 жылы 18 млрд 769 млн теңге инвестиция (бюджет қаражаты есебінен 5 млрд 220,2 млн теңге және меншікті қаражат есебінен 13 млрд 548,8 млн теңгеге) тарту жоспарланса, 6 айда &nbsp;негізгі капиталға тартылған инвестиция көлемі 7 млрд 668, млн теңгені құраған. Меже өткен жылдың тиісті кезеңімен салыстырғанда 191,2 пайызға орындалды.&nbsp;– Ауданның өнеркәсіп өнімдерін өндіруші мекемелері мен кәсіпорындары және жеке секторлары арқылы 2023 жылдың 1 шілдесіне 18 млрд 110 млн теңгені құрайтын өнеркәсіп өнімдері өндіріліп, өткен жылдың сәйкес кезеңімен салыстырғанда 199.8 пайызға жоғары орындалып отыр. Оның ішінде, өңдеу өнеркәсібінің көлемі 5 млрд 225 млн теңгені құрап, өткен жылдың сәйкес кезеңімен салыстырғанда 130,6 пайызға жоғары орындалды. Сонымен қатар, аудан бойынша бөлшек сауда айналымының көлемі 6 айда 1 млрд 198 млн теңгені құрап, өткен жылдың тиісті кезеңімен салыстырғанда 115,7 пайызға &nbsp;орындалып отыр, – дейді Жалағаш аудандық кәсіпкерлік, өнеркәсіп және туризм бөлімінің басшысы Жасұлан Ерданұлы.&nbsp; Жалағашта алғашқы жарты жылдықта мемлекеттік және өңірлік бағдарламалар аясында шағын және орта кәсіпті бастау немесе жұмыс істеп тұрған кәсібін әрі қарай дамыту бағытында 76 жоба 1 млрд 494,2 млн. теңгеге қаржыландырылған. Оның ішінде, мал шаруашылығы бойынша 52 жоба 381 млн теңгеге, егін шаруашылығы бойынша 10 жоба 745,8 млн теңгеге, ауыл шаруашылығы техникасын сатып алу бойынша 7 жоба 139 млн теңгеге, қызмет көрсету саласы бойынша 9 жоба 208 млн теңгеге қаржыландырылған.2022-2025 жылдарға арналған «Ұлттық жоба» мемлекеттік бағдарламасы аясында екінші деңгейлі банк арқылы несиенің пайыздық үстемақысын субсидиялау бағыты бойынша 2 жоба 115,7 млн. теңгеге қаржыландырылған. Сондай-ақ, «Агро Несие Корпорациясы» АҚ облыстық филиалының жеке қаражаты есебінен 35 жоба 653,6 млн теңге қаржылай қолдау тапқан. Мұнан бөлек «Қызылорда» Өңірлік инвестциялық орталығы» микроқаржы ұйымы» ЖШС-ның «Іскер», «Микробизнес Қызылорда» бағдарламасы аясында 28 жоба 273,5 млн. теңгеге қаржыландырылды. Ал «Агробизнес» бағдарламасы аясында «Ауыл» несие серіктестігі» ЖШС арқылы 9 жоба 435 млн. теңге қаржылай қолдау тапқан. Сондай-ақ «КазАгроҚаржы» АҚ және «КомТрансЛизинг» ЖШС арқылы 2 жоба 16,5 млн. теңгеге қаржыландырылды.Қазіргі таңда Жалағаш ауданы бойынша ауылдық жердегі тұрғындардың табысын арттыру мақсатында «Ауыл Аманаты» жобасын іске асыру жұмыстары жүргізілуде. Бөлім басшысы аудан бойынша шамамен 1млрд 48 млн 900 мың тенгені құрайтын 149 жобаның құжаттары жинақталып, қаржыландыруға дайын тұрғанын айтады. Аталған жобалар Жалағаш кенті және ауылдық округтер бөлінісінде жасалған.&nbsp;– Жинақталған жобаларды саласына бөлетін болсақ, өңдеу саласына қатысты 9 жоба, оның ішінде сүт өңдеу бойынша 1, жылыжай кешені бойынша 2, ет өңдеу саласы бойынша 6 жоба бар, өсімдік шаруашылығы саласына қатысты 2 жоба, мал шаруашылығы саласы бойынша 132 жоба, басқа да салалар шеңберінде 6 жоба дайындалған. Сонымен қатар, копперативтерді дамыту бағытын өңдеу, өсімдік, мал шаруашылығы салаларына қатысты жобаларды ауыл шаруашылығы өндірістік кооперативіне біріктіру жұмыстары жүргізілуде, – дейді ол.&nbsp;Бұл бағытта ауданда 12 кооператив құрылыпты. Алдағы уақытта кооперативтердің біреуі сүт өңдеу бағытында, он бір кооператив ет өңдеу бағытында жұмыс жасайтын болады. Жалпы ауылдық округтерде тұрғындарға кооперативтерге бірігіп, жұмыс жүргізудің тиімділігі туралы түсіндірілген.Жалағаш ауданында жыл көлемінде мемлекеттік бағдарламалар арқылы және жеке қаражаттары есебінен жалпы құны 1 млрд. 579 млн теңгені құрайтын 21 жобаны іске асырып, 106 адамды жұмыспен қамту жоспарланған. Қазіргі таңда аталған жобалардан жалпы құны 431 млн теңгені құрайтын 11 жоба іске қосылып, 58 адам жұмыспен қамтылған.Бүгінге дейін жеке кәсіпкер Ермекбаев Асхат «Антифриз өңдірісі» жобасын қолға алған. Оның жалпы &nbsp;құны – 15 млн. теңге. Жоба қуаттылығы 1 тәулікте 1000 литр антифриз өңдіреді. 2021-2025 жылдарға арналған кәсіпкерлікті дамыту жөніндегі ұлттық жоба шеңберінде мемлекеттік қолдауға ие болған. &nbsp;5 млн теңге көлемінде қайтарымсыз грант алған ол «Қызылорда» өңірлік инвестициялық орталығы арқылы 6 пайыз мөлшеріндегі кепілдігінің арқасында 6 млн теңге көлемде несие алған. Жеке кәсіпкер жақында &nbsp;антифриз өніміне СТ-KZ сертификатын алыпты. СТ-KZ сертификаты – тауардың Қазақстан аумағында өндірілгенін немесе өңделгенін растайтын құжат. Аталған сертификат ішкі пайдалануға арналған. Өндіріс орнында 2 адам жұмыспен қамтылған.Жеке кәсіпкер Айбекова Бағжан Дәуімбай елді мекенінен құны 200 млн. теңге типтік жобадағы мектепке дейінгі тәрбие мен оқытудың үлгілі жоспарына сәйкес, 120 орындық 1-6 жас аралығындағы бүлдіршіндерге арналған «Жеті-қазына» балабақшасын ашқан. Балабақшада 18 адам жұмыспен қамтылған. сондай-ақ тағы бір кәсіпкер Күзеков Икрам «Арун KIDS» 50 орындық балабақша ашыпты, «Қызылорда» Өңірлік инвестциялық орталығы» микроқаржы ұйымы» ЖШС арқылы кәсіпкер 7 млн. теңге несие алды. Бүгінде ол 9 адамды жұмыспен қамтып отыр.«Сыздық» ШҚ-ның күріш ақтау және жем өндіру зауыты да бүгінде нәтижелі жұмыс жасап тұр. Жобаның жалпы құны 100 млн теңгені құрайды. Жоба жетекшісі Шажанбаев Мұрат өнідіріс орнында 8 адам жұмыспен қамтып отыр. Зауыттың тәулігіне 60 тонна күріш ақтау қуаттылығы бар. Жеке кәсіпкер Қошқарбаев Болаттың көлік жуу орталығыда бүгінде көлік тізгіндегендердің қажетіне жарап тұр. Жобаның жалпы құны 20 млн теңгені құрайды. Көлік жуу орталығында 3 адам жұмыспен қамтылған.Алдабергенов Біржанда кәсіптің осы түрін қолға алған. Ол көлік жуу орталығын ашып, халыққа қызмет етуде. Жобаның жалпы құны 13 млн теңгені құрайды. Көлік жуу орталығында кәсіпкер 3 адамды жұмыспен қамтып отыр. Жеке кәсіпкер Усерова Гулмираның сауда дүкені де бүгінде мұндағы елдің қажетіне жарап тұр. Жобаның жалпы құны 20 млн. теңгені құрайды. Сауда дүкенінде 2 адам жұмыспен қамтылған. Аекеева Айсәуленің ерекше балаларға арналған оңалту орталығы да жұмысын бастағанына көп болған жоқ. Жоба жалпы құны 30 млн. теңгені құрайды. Бүгінде орталықта 5 адам жұмыспен қамтылған. Ал жеке кәсіпкер Дауылбаев Ерланның қоғамдық моншасы да бүгінде аудан халқына қызмет етуде. Жобаның жалпы құны 10 млн. теңгені құрайды. Қоғамдық моншада 3 адам жұмыспен қамтылған.Сақи Біржанның көлік жуу орталығы да биыл жұмысын бастапты. Жобаның жалпы құны 10 млн теңгені құрайды. Көлік жуу орталығында 3 адам жұмыспен қамтылған. Ал жеке кәсіпкер Сыздыққызы Назгулдің кондитерлік цехында өндірілген өнімдерге бүгінде аудан халқынан сұраныс мол екен. Жобаның жалпы құны 6 млн. теңгені құрайды. Кәсіпкер бүгінде 2 адамды жұмыспен қамтып отыр.Жасұлан Еспенбет Жалағашта жыл соңына дейін жоспарланған жалпы құны 1 млрд. 148 млн теңгені құрайтын 10 жоба іске қосылғанда, 48 жаңа жұмыс орны ашылатынын айтады. Олардың қатарында М.Бисеновтың наубайхана құрылысы, жоба құны 10,0 млн. теңге (3 адам), «Бағдаулет 57» ФҚ-ның сүт өнімдерін өндіру фермасы, жоба құны 530,0 млн теңге (10 адам), «Баба» ШҚ-ның ешкі сүтін өңдеу цехы, жоба құны 20,0 млн теңге (4 адам), «АВ-AGRO» ЖШС-ның күріш ақтау зауыты, жоба құны 200,0 млн. теңге (5 адам), С.Әбдікеровтың 3000 басқа арналған тауық фермасы, жоба құны 91 млн. теңге (5 адам), жеке кәсіпкер Ш.Серіковтың 1000 басқа арналған құс фермасы, жоба құны 20,0 млн. теңге (3 адам), Айбекова Бағжанның сауда орталығы, жоба құны 97,0 млн. теңге (5 адам), Жеке кәсіпкер Кайпов Еркебұланның сауда орталығы, жоба құны 100,0 млн. теңге (5 адам), Ахметова Бақытгулдің сауда базары, жоба құны 60,0 млн. теңге (5 адам), Жеке кәсіпкер Намурадин Ерханның көлік жуу орталығы, жоба құны 20,0 млн. теңге (3 адам) бар екен.Жалпы, Жалағаш ауданында биыл мемлекеттік бағдарламалармен болсын, жеке қаражатымен болсын, іс бастап, жаңа жобаларды жүзеге асырып жатқандар көп екен. Бастысы, оның барлығы бүгінде халықтың қажетіне жарап тұр. Ал бөлім басшысы мұның барлығын жақсылыққа балап отыр. Себебі салада серпін қалыптасқан сайын ауданда жұмыссыздық деңгейі төмендеп, елдің тұрмыс сапасы артып жатқан көрінеді.

Жалағашта кәсіпорындар қатары артқан

Жалағаш ауданында тұрғындардың бақша салуына 500 гектар жер дайындалған

<a href="https://kyzylorda-news.kz/">Kyzylorda-news.kz.</a>&nbsp; Қызылорда қаласының сол жағалауында жаңа автовокзал ғимаратының іргетасын қалау рәсімі өтті.Облыс әкімі Нұрлыбек Нәлібаев жерлестерін заманауи нысан құрылысының басталуымен құттықтады.<blockquote>«Ел Президенті мен Үкіметтің жан-жақты қолдауының арқасында аймақта тың жобалар өркен жайып, жаңа нысандар салынуда. Оның ішінде, көлік инфрақұрылымын дамыту бойынша да ауқымды жоспарымыз бар. Біз өткен жылдан бері аймағымыздың негізгі қақпасы саналатын әуежай, теміржол вокзалы, автовокзал инфрақұрылымын дамытуға басымдық бердік. Соның нәтижесінде әуежай алаңы жаңарып, жаңа автовокзалдың құрылысы басталуда. Осы жылдың наурыз айында ел ағаларымен бірге жерлесіміз Болат Өтемұратовтың қолдауымен құны 15 млрд. теңге болатын «Қорқыт Ата» әуежайының жаңа терминалының іргетасын қаладық. Бүгінде терминал құрылысы қарқынды жүруде. 2024 жылдың мамыр айында ел игілігіне табыстаймыз.Енді жолаушылар мен тасымалдаушыларға қызмет көрсететін, барлық стандарт талаптарына сәйкестендірілген заманауи үлгідегі жаңа автовокзал ғимаратының іргетасы қаланбақ. Бұл кешен жолаушыларға қызмет етіп, жол қатынасының реттелуіне негіз болады. Мұнда тек автовокзал ғана емес, ірі сауда және қоғамдық тамақтану, тұрмыстық қызмет көрсету орындары, қоймалар, автокөлік жөндеу цехтары да жұмыс істейді. Бәрі де жолаушыларға қолайлы, қауіпсіз әрі ыңғайлы болады», – деді аймақ басшысы.</blockquote>Рәсімде жерлестерін Жалағаш ауданы және Қызылорда қаласының құрметті азаматы Қожахмет Баймаханов құттықтап, Қазақстанның еңбек сіңірген қайраткері Қорғанбек Қайруллаұлы бата берді.Жаңа автовокзал пайдалануға берілгеннен кейін барлығы 55 автобус маршруты (124 рейс) ұйымдастырылады. Мұнан бөлек, Ташкент қаласына 1 халықаралық рейс, 46 ауданаралық, Астана, Алматы, Шымкент, Жезқазған, Түркістан, Сарыағаш, Жібек жолы (Черняевка), Ақтөбе және тағы басқа қалаларға 8 маршрут жолға шығады. Нысан жаз мезгілінде күніне 3700-ден астам, қыста мыңнан астам жолаушыға қызмет көрсетуге ыңғайластырылып салынады. Құны 975 млн. теңгені құрайтын жаңа автовокзал құрылысы жыл соңына дейін аяқталып, халық игілігіне қызмет етпек.Айта кетейік, аймақта жолаушылар тасымалының сапасы жылдан-жылға артуда. Осыдан бірнеше жыл бұрын «Батыс Еуропа – Батыс Қытай» күре жолы қайта жаңғыртылып, аймақ экономикасының өркендеуіне оң ықпал етті. Көлік инфрақұрылымына деген сұраныс артқанын ескеріп, облыс орталығындағы жолаушылар тасымалдау қызметін жақсарту үшін өткен жылы заманауи 150 жаңа автобус сатып алынды. Биыл да шаһардағы қоғамдық көлік мәселесін түбегейлі шешу мақсатында қосымша 150 автобус әкелінбек.<figure class="image"><img src="https://knadmin.beoblood.kz/uploads/347590385_571293425191906_884661602357881113_n_94cbaf0bad.jpg" alt="347590385_571293425191906_884661602357881113_n.jpg"></figure>&nbsp;<figure class="image"><img src="https://knadmin.beoblood.kz/uploads/347404760_571293745191874_8114002499827774949_n_628b11ef99.jpg" alt="347404760_571293745191874_8114002499827774949_n.jpg"></figure>&nbsp;<figure class="image"><img src="https://knadmin.beoblood.kz/uploads/347394788_571296238524958_2882576801971879157_n_baee8e98bd.jpg" alt="347394788_571296238524958_2882576801971879157_n.jpg"></figure>&nbsp;<figure class="image"><img src="https://knadmin.beoblood.kz/uploads/347404977_571296138524968_388206453642955024_n_15fabfdf5e.jpg" alt="347404977_571296138524968_388206453642955024_n.jpg"></figure>

Қызылордада жаңа автовокзалдың іргетасы қаланды

<a href="https://kyzylorda-news.kz/">Kyzylorda-news.kz.</a>&nbsp; Қазгидромет ел аумағында 4 шілдеде болатын қауіпті метеорологиялық құбылыстарға болжам жасады.Атмосфералық фронтальды бөлімдердің өтуімен еліміздің басым бөлігінде найзағай ойнап, жаңбыр жауады деп күтілуде. Республика бойынша желдің күшеюі, оңтүстік-батыста, оңтүстік-шығыста шаңды дауылмен, күндіз солтүстік-батыста, солтүстікте, орталықта - бұршақ, түнде және таңертең солтүстікте тұман болады деп күтілуде.«Алматы, Атырау, Батыс Қазақстан, Ақтөбе, Солтүстік Қазақстан, Жетісу облыстарының басым бөлігінде, Маңғыстау облысының оңтүстігінде қатты ыстық күтіледі.Түркістан, Қызылорда, Маңғыстау, Жамбыл облыстарының басым бөлігінде, Ақтөбе, Қарағанды, Қостанай, Алматы, Ұлытау облыстарының оңтүстігінде, Жетісу облысының солтүстік-батысында, Атырау облысының батысында, Павлодар облысының солтүстігінде, батысында төтенше өрт қаупі сақталады.Алматы, Солтүстік Қазақстан, Жетісу облыстарының басым бөлігінде, Батыс Қазақстан облысының оңтүстік-батысында, Абай облысының солтүстік-батысында, оңтүстігінде жоғары өрт қаупі сақталады», - деп жазды синоптиктер.

Сейсенбіге арналған ауа райы болжамы

<a href="https://kyzylorda-news.kz/">Kyzylorda-news.kz.</a>&nbsp; Бүгінде ауылдарды дамыту бойынша мемлекет тарапынан түрлі бағдарламалар іске асырылып, жүйелі жұмыстар атқарылып жатқаны анық. Иә, тынымсыз тіршілікке толы ауыл тынысы қазір біршама өзгерген. Мәселен, ауызсу, жол, жарық сынды күрделі мәселелер шешімін тауып, тұрғындар тілегі орындалып келеді. Бүгінгі тақырыбымызға арқау болып отырған аудан орталығынан шалғайда орналасқан Беларан ауылдық округінің тыныс-тіршілігі жайында айтпақпыз. &nbsp;Яғни, аудан орталығы мен ауыл арақашықтығы 270 шақырым жерді құрайды. Атаулы округте 60 тұрғын үй, 372 адам бар. Халық қалап алған ауыл әкімі бүгінде ауылдың тынымсыз шаруасына кірісіп, бүгінде ел ризашылығына бөленіп отырған жайы бар.2021 жылы қыста қардың, көктемде жауын-шашын мөлшерінің шамадан тыс аз мөлшерде түсуі, жайылымдық жерлердегі шөптің шығымына кері әсерін тигізбей қоймағаны белгілі. Осы қиындықтың салдарынан қуаңшылық жағдайы орын алып, жеке қожалықтар мен шаруа қожалық иелеріне қиындықтар туғызып, мал шығыны орын ала бастаған болатын. Ауыл тұрғындарының бір бөлігі біршама малдарын Шалқар, Ырғыз аудандарына апарып бақса, енді бір бөлігі ағайын-туыстарына апарып уақытша бағуға жұмыс жасауға мәжбүр болды. Сонымен бірге малдарын, оның ішінде жылқы малын төмен бағада сатқан еді. Осы ретте, облыс, аудан әкімдігі тарапынан шұғыл шаралар қабылданып, төтенше жағдайдың салдарын жою бағытында бірқатар жүйелі жұмыстар жүргізілді. Оның ішінде ауыл шаруашылығы жануарларының жайылымдық жерлерін суландыру мақсатында ауылдың батыс беткейінен су ұңғымасы қазылды. Сонымен қатар қолда бар ауыл шаруашылығы жануарларының басын аман алып қалу мақсатында Б.Өтемұратов қорынан 22 тонна бидай кебегі және 16 тонна шөп тұрғындарға тегін таратылды. Бұдан бөлек, мал азығына қолжетімді болу үшін шөп тасымалдаған автокөліктердің жанар-жағар май шығындарына төтенше жағдайлар есебінен 3500 тонна жанар май қаржысы жұмсалып, 176,5 тонна шөп тасымалданды. Биыл қысқы қардың, көктемгі жауын-шашынның мол болуынан жайылымдық алқаптарға шөп шығып, ауыл тұрғындарының қуанышында шек жоқ.Сонымен бірге көркейту-көгалдандыру мақсатында елді мекендегі мемлекеттік мекемелердің аулаларына арнайы тал көшеттері отырғызылып, күтімге алынған. Атап айтсақ, № 77 білім ордасында 210 түп сыр талы мен қара тал, ауылдық клубқа 40 түп, ауыл әкімшілігі мен балалар ойын алаңына 100 түп тал көшеттері отырғызылды.Ауыл халқының негізгі тіршілігі – мал шаруашылығы екендігі белгілі. Округ бойынша 7 шаруа қожалығы мен 6 дара кәсіпкер тіркеліп жұмыс жасауда. Мал басы осы жылдың 1 шілдесіне түйе –1994 бас, жылқы – 1419 бас, мүйізді ірі қара – 524 бас, уақ мал 521 басты құрап отыр.Былтыр екі дара кәсіпкер түйе малын өсіру үшін 10 млн 200 мың теңге несие алса, бір &nbsp;шаруа қожалығы жылқы малын өсіруге10 млн теңге несие алып, кәсібін жандандыруда. Биыл бір дара кәсіпкер түйе малын өсіру үшін 3 млн 500 мың теңге несие алып, жұмысын жасауда.Құланды елді мекенінен Бейнеу-Шымкент газ құбыры жанындағы автожолға дейінгі 35 шақырым автожолға тас төсеп, жол салу жұмыстарын жүргізу керек болған. Ауыл тұрғындарының ұсыныс-пікірлерін ескере отырып, «ҚазТрансГаз Өнімдері» ЖШС-не &nbsp;жолды тегістеу жұмыстарын жүргізуге ықпал жасау жөнінде ұсыныс жолданған. Жолданған ұсынысқа сәйкес бүгінде Құланды елді мекенінен Бейнеу-Шымкент газ құбыры жанындағы автожолға дейінгі 35 шақырымды «ҚазТрансГаз Өнімдері» ЖШС арқылы ескі жолдың жанынан жаңадан жол тегістеу жұмыстары жүргізіліп, толықтай аяқталды. Сонымен бірге демеушілердің есебінен ауыл көшелерінің түнгі жарық шамдарын ауыстыру жұмыстары жүргізілді.

Ауыл тіршілігі жанданып келеді

<a href="https://kyzylorda-news.kz/">Kyzylorda-news.kz.</a> Өткен жылы облыста ауыл шаруашылығы саласы бойынша үздік атанып, көш бастаған Сырдария ауданы биыл 35692 гектар жерге егін еккені мәлім. Сырдың негізгі дақыл күріш – 23500 гектарды құрайды. Сондай-ақ қалған 12192 гектарға жаздық бидай, жүгері, жоңышқа мен мақсары, картоп, көкөніс, бақша дақылдары құнарлы жерге орналастырылған. Бұларға әдеттегідей шаруашылық құрылымдарындағы ақ егісті де қосуға болады. Қазір уақытта Сырдария ауданында күріштің бірнеше сорты толықтай себіліп, суға бастырылған.Былтыр барлық ауданда да су тапшылығы шаруаларға қиындық туғызды. Осыған байланысты ауқымды жұмыс атқарылғаны жасырын емес. Былтыр Сырдария ауданында бюджеттен 198 млн теңге бөлініп, алты каналдың 56 шақырымнан астамы тазартылған болатын. Қосымша 19 су насосы алынғаны мәлім. Соның нәтижесі болар, &nbsp;диқандар жоғары өнім жинады.Осы жылы да аталған жұмыстар тоқтаған емес. Екі каналды тазартуға және 4 су насосын алуға облыстық бюджеттен қаржы бөлінгенін айта кетейік. Қазір Тереңөзек кентіне екі электрлі, А.Тоқмағанбетов ауылдық округіне екі дизельді насос қондырғысы жеткізілгені мәлім.Осыдан төрт жыл бұрын Сырдариядағы аудандық жастар ресурстық орталығының бастамасымен жастардың еңбек бригадалары құрылып, өз жұмыстарын бастағанын жақсы біулеміз. Қазір аудан әкімдігінің қолдауымен Шіркейлі, Айдарлы, А.Тоқмағанбетов, Аманкелді, Бесарық, Жетікөл және Қоғалыкөл елді мекендерінде құрылған талаптылар қатарында жұмыссыз, NЕЕТ санатындағы және пробация есебінде тұратындар еңбек етіп жүргені көңілге медеу сыйлайды.Тұрғындар әлеуметтік маңызы бар картоп, көкөніс, бақша өнімдерімен өзін-өзі қамтамасыз ету үшін былтыр аудан басшылығы 210 гектар қосымша жер ашып берсе, биыл оған 105 гектар қосылып, барлығы 315 гектар жерге бақша егу жоспарланған секілді. Осы күні 359 гектар жер дайындалған болатын, Тереңөзек кенті мен ауылдық округтер бойынша 1100-ден астам адам егін егумен айналысуда.Негізінен, Сырдария ауданында әлеуметтік маңызы бар азық-түлік бағасын тұрақтандыру мақсатында жәрмеңке тұрақты түрде ұйымдастырылып келеді. Бағасы да базардан 10-15 пайыз төмен. Сондай-ақ биыл «Байқоңыр» әлеуметтік кәсіпкерлік корпорациясы арқылы Тереңөзек кентінде екі әлеуметтік дүкен ашылғандығын айта кетейік. &nbsp;

Сырдарияда мыңнан астам шаруа егін егуде

<a href="https://kyzylorda-news.kz/">Kyzylorda-news.kz.</a> Облыс әкімі жанындағы әйелдер істері және отбасылық-демографиялық саясат жөніндегі комиссия хатшысы Каримова Қаламқас Арыстанқызы, облыстық әйелдер кеңесінің төрайымы Байназарова Райкүл Мансұрқызы және «Сенімен болашақ» республикалық қоғамдық бірлестігінің психологы Абдрахманова Сымбат Нұртазақызы жұмыс сапарымен ауданға келді.&nbsp;Облыстан келген топ алдымен аудан әкімдігінде отбасы саясаты мәселелері бойынша қоғамдық қабылдау жүргізді. Содан соң аудандық әйелдер істері және отбасылық-демографиялық саясат жөніндегі комиссия жұмысымен танысу, алдағы жұмыстарды талқылау мақсатында комиссия мүшелерімен, кенттік, қалалық, ауылдық әйелдер кеңестерінің төрайымдарымен, отбасы саясатына қатысы бар үкіметтік емес ұйымдардың өкілдерімен және қоғамдағы белсенді әйел-аналармен кездесті.&nbsp;Кездесу барысында көптеген мәселелер қозғалып, қатысушылар тарапынан ұсыныстар айтылды. Алдағы уақытта атқарылатын жұмыстар мен міндеттер талқыланды.&nbsp;Дәл осы уақытта аудандық орталық кітапхананың Коворкинг орталығында «Сенімен болашақ» РҚБ-нің психологы С.Абдрахманова мүгедек балалары бар және көп балалы мемлекеттік қызметшілерге психологиялық тренинг өткізді.&nbsp;Одан соң жұмыс тобы Р.Бағланова атындағы мәдениет орталығында өткен «Қоғам. Тұлға. Отбасы» атты аудандық отбасы форумына қатысты.

Қазақстан және Қызылорда облысының жаңалықтары