Фото: qazaqstan.tv<a href="https://kyzylorda-news.kz/ru">Kyzylorda-news.kz.</a> Қазгидромет синоптиктері 11 қаңтар, бейсенбіге арналған ауа райы болжамын жариялады.&nbsp;Оған сенсек, Қазақстанның басым бөлігі әлі де&nbsp;көп ылғал қоры бар атлантикалық циклон ықпалында болады.Соның салдарынан негізінен қар жауып, бұрқасын соғады.Елдің оңтүстігінде және оңтүстік-шығысында жауын-шашын, кей аудандарда қар аралас жаңбыр жауады.&nbsp;Қазақстан бойынша тұман түсіп, көктайғақ болады, қатты екпінді жел тұрады.Жамбыл облысының оңтүстік-батысында, таулы аудандарында күндіз жел екпіні 30 м/с асады.&nbsp;

11 қаңтарға арналған ауа райы болжамы

<a href="https://kyzylorda-news.kz/">Kyzylorda-news.kz.</a> Бүгін облыс әкімі Нұрлыбек Нәлібаевтың төрағалығымен өткен кадрлық өзгерістерге байланысты актив отырысында жаңадан тағайындалған облыс әкімінің бірінші орынбасары таныстырылды.Қазақстан Республикасы Президенті Әкімшілігінің келісімімен және облыс әкімінің өкімімен Жаналинов Данияр Еренғалиұлы облыс әкімінің бірінші орынбасары лауазымына тағайындалды.Облыс әкімі Данияр Еренғалиұлының қызметіне сәттілік тіледі.«Данияр Жаналинов бұған дейін Солтүстік Қазақстан, Маңғыстау облыстары бойынша мемлекеттік кірістер департаментінің басшысы, ҚР Қаржы вице-министрі, осы &nbsp;министрліктің Мемлекеттік кірістер комитетінің төрағасы лауазымдарында болған. Қыркүйек айынан бері облыс әкімінің орынбасары қызметін абыроймен атқарып келеді. Данияр Еренғалиұлы аймақтың әлеуметтік-экономикалық өркендеуі жолында министрліктермен бірлесіп, республикадан қаржы тартуда саладағы мол тәжірибесі мен кәсібилігін көрсетеді деп сенеміз», – деді аймақ басшысы.Актив отырысында ҚР Парламенті Мәжілісінің депутаты Мұрат Ергешбаев, Қызылорда облыстық мәслихатының төрағасы Наурызбай Байқадамов, Жаңақорған ауданының әкімі Мұрат Тілеуімбетов жаңа қызметке тағайындалған әріптестерін құттықтады. Данияр Еренғалиұлы 1975 жылы Алматы облысында &nbsp;дүниеге келген. Қазақ көлік және коммуникация академиясын «Инженер-экономист» мамандығы бойынша бітірген.Еңбек жолын 2000 жылы Алматы облысы Талдықорған қаласы бойынша салық комитетінің салық инспекторы болып бастаған. 2002-2010 жылдары Алматы облысы бойынша салық комитетінде салық инспекторы, жетекші, бас салық инспекторы, бөлім басшысы және департамент бастығының орынбасары қызметтерін атқарған. 2010-2014 жылдары ҚР Қаржы министрлігі Салық комитетінің басқарма басшысы, 2014-2018 жылдары ҚР Қаржы министрлігі Мемлекеттік кірістер комитетінің Солтүстік Қазақстан облысы бойынша департаментінің басшысы, 2018-2021 жылдары Маңғыстау облысы бойынша мемлекеттік кірістер департаментінің басшысы болған.2021-2022 жылдары ҚР Қаржы вице-министрі. 2022 жылдың тамыз айынан бастап ҚР Қаржы министрлігі Мемлекеттік кірістер комитетінің төрағасы, 2023 жылдың қыркүйек айынан бері облыс әкімінің орынбасары қызметтерін атқарып келді.

Облыс әкімінің бірінші орынбасары тағайындалды 

<a href="https://kyzylorda-news.kz/ru">Kyzylorda-news.kz.</a>&nbsp; Алматы қаласы Медеу ауданының прокуратурасы әлеуметтік желілерде «ҚазМұнайГаз» Ұлттық компаниясы» АҚ-ның инвестициялық бағдарламасы туралы жалған жарнаманы анықтады, деп хабарлайды<a href="https://sn.kz/sn-akparat-agyny/108982-prokuratura-khalykk-a-zhalgan-zharnamaga-senbeudi-eskertti"> Skifnews.kz</a> ақпарат порталы.<blockquote>«Бейнежазбада азаматтарға іске қосылған жаңа мемлекеттік «ҚазМұнайГаз» платформасына қаржы салып, 100 мың теңгеден дивиденд алуды ұсынады. «ҚазМұнайГаз» Ұлттық компаниясы» АҚ-ның мәліметіне сәйкес таратылған ақпарат шындыққа жанаспайды, – делінген прокуратураның хабарламасында.</blockquote>Осыған байланысты прокуратура азаматтардан тағы да қырағы болуды және жасырынған қаржы пирамидасы болуы мүмкін түрлі ойдан шығарылған жарнамаларға бой алдырмауды сұрайды.Өз кезегінде құқық қорғау органдары заңсыз инвестициялық ұйымдардың қызметін анықтау және жолын кесу шараларын қабылдауда.Фото: Нұрболат Нұржаубай

"ҚазМұнайГаз" 100 мың береді": Прокурорлар ескерту жасады

<a href="https://kyzylorda-news.kz/ru">Kyzylorda-news.kz.</a>&nbsp; Алматы қаласының прокуратурасы Қазақ ұлттық аграрлық зерттеу университетін тексеру қорытындысы бойынша жалған тұқым себу және егіс алқаптарын өңдеу арқылы бюджет қаражатын жымқыру фактілерін анықтады, – деп хабарлады <a href="https://jurtmedia.kz/2024/01/04/nazarbaaevty-ajynatasy-bas-ar-an-universitetten-a-sha-zhym-yryl-any-any-taldy/">Jurtmedia.kz.</a>Келтірілген шығын 43,8 млн теңгені құрайды, тергеуді Алматы қаласы прокуратурасының сотқа дейінгі тергеп-тексеру басқармасы жүргізуде.Ол аздай прокурорлық тексеріс кезінде осы оқу орнына қатысты тағы бір қылмыстық &nbsp;жағдай анықталған.Университетке тиесілі 7,9 миллион теңгеге коммерциялық үй-жайларды жалға беру кезінде алаяқтық фактілері ашылды. Екі іске де қатысты сотқа дейінгі тергеп-тексеру Медеу ауданының Полиция бөліміне тапсырылды, – деп жазды Алматы қаласы прокуратурасының баспасөз қызметі.Айта кетейік, аталған Қазақ ұлттық аграрлық университетінде &nbsp;тұңғыш президент Нұрсұлтан Назарбаевтың қайын атасы Тілектес Есболов 2008- жылдан &nbsp;2023- ші &nbsp;жылғы қыркүйекке &nbsp;дейін Басқарма төрағасы-ректор болған. &nbsp;Ол экс-президенттің екінші әйелі Әсел Исабаеваның әкесі.Фото: Нұрболат Нұржаубай

Назарбаевтың қайын атасы басқарған университеттен ақша жымқырылғаны анықталды

Фото: vRINGe.com<a href="https://kyzylorda-news.kz/ru">Kyzylorda-news.kz.</a> Қазақстандық ең танымал кәсіпқой боксшы Геннадий Головкиннің (42-2-1, 37 КО) спорттық мансабында қанша ақша тапқаны белгілі болды, деп хабарлайды&nbsp;<a href="https://sn.kz/sn-akparat-agyny/108957-golovkin-sporttyk-mansabynda-kansha-aksha-tapkany-belgili-boldy"> Skifnews.kz </a>ақпарат порталы 1bol.kz-ке сілтеме жасап.Орта салмақта WBA, IBF, IBO тұжырымдарының чемпионы болған GGG кәсіпқой бокста жүріп дәулетін 30 миллион долларға жеткізген. Осылайша ол әлемдегі ең бай 20 боксшының қатарына кіріп отыр.Ал, аталған тізімнің басында америкалық боксшы кіші Флойд Мэйвезер тұр. Оның жиған дүниесі 450 миллион долларға бағаланған.Геннадий Головкин кәсіпқой бокс мансабында екі рет жеңіліп, бір рет тең ойнаған. Қалған 42 жекпе-жегінің бәрінде жеңіске жетіп, 37-де қарсыластарын нокаутқа түсірген.Рингте тапқан табысынан бөлек ол жарнамалық келісімшарттар жасасып, қаржылық ахуалын жақсартқан. Атап айтқанда, қазақстандық боксшы әлемдегі ең қымбат сағат бренді саналатын Hublot-ты, Chivas Regal алкогольді сусындарын жарнамалады.Ең дәулетті боксшылардың алғашқы ондығы:Флойд Мейвезер - $450 миллион Джордж Форман - $300 миллион Мэнни Пакьяо - $200 миллион Оскар Де Ла Хойя - $200 миллион Сауль Альварес - $180 миллион Леннокс Льюис - $140 миллион Шугар Рэй Леонард - $120 миллион Владимир Кличко - $90 миллион Энтони Джошуа - $80 миллион Виталий Кличко - $80 миллион.

Головкин спорттық мансабында қанша ақша тапқаны белгілі болды

<a href="https://kyzylorda-news.kz/ru">Kyzylorda-news.kz.</a>&nbsp; Литвада мектеп оқушыларына орыс тілін үйрету тоқтатылуы мүмкін, деп хабарлады <a href="https://sn.kz/sn-akparat-agyny/108932-endi-mektepterde-orys-tilinde-okytuga-tyiym-salynuy-mumkin">Skifnews.kz </a>ақпарат порталы Литваның білім министрі Гинтаутас Якштастың сөзіне сілтеме жасап.Ол Литвада орыс тілін оқытуды тоқтатуға болады деп есептейді. Елдегі ЕО тілдері оқытылатын ұлттық азшылық мектептері жұмысын жалғастырады.Литва Республикасының үкіметі мемлекеттік мектептерде оқыту тілі ретінде орыс тілін кезең-кезеңімен алып тастауға дайын.Егер оны заң тұрғысынан қабылдамау мүмкін болса, «біз бір нәрсені өзгерткіміз келетінін түсінуіміз керек, содан кейін бұл өзгерістердің қандай болуы мүмкін екенін анықтауымыз керек, – деді министр LRT ұлттық радиосында.Якштастың пікірінше, Литва көршілес Латвия мен Эстониядан үлгі алуы керек, олар орыстілді мектептерден бас тартып қана қоймай, оны шет тілі ретінде де оқытудан бас тартып отыр.<blockquote>Біз Еуропалық Одақ тілдеріне назар аударуымыз керек, сондықтан аз ұлттарды оқыту олардың тілінде жүргізілсін. Егер Украина сияқты достас ел болса, басқалармен екіжақты келісімдер жасауға болады, – деп нақтылады ол.</blockquote>Фото: Нұрболат Нұржаубай

Енді мектептерде орыс тілінде оқытуға тыйым салынуы мүмкін

Фото: gov.kz<a href="https://kyzylorda-news.kz/">Kyzylorda-news.kz.</a> Қызылорда қаласын 2 жылдай басқарған Шәменов Асылбек Өмірбекұлы Қазақстан Республикасы &nbsp;Президенті Әкімшілігі Мемлекеттік бақылау бөлімінің мемлекеттік инспекторы лауазымына тағайындалуына &nbsp;байланысты қызметінен босатылды.Асылбек Өмірбекұлы Шәменов 1978 жылы Қызылорда облысы, Жалағаш ауданында дүниеге келген.1999 жылы Алматы мемлекеттік университетін "Халықаралық туризм"мамандығы бойынша бітірген.;2004 жылы – Қорқыт Ата атындағы Қызылорда мемлекеттік университетін "Газ және мұнай кен орындарын игеру" мамандығы бойынша бітірген.;2014 жылы-Қорқыт Ата атындағы Қызылорда мемлекеттік университетін "Техника және технология" мамандығы бойынша тәмамдаған.Еңбек жолын 1999 жылы "Қызылорда интеграция" ЖШС-де менеджер лауазымынан бастады. 2000-2006 жж. - "Жібек-жолы" компаниясының туризм жөніндегі менеджері, Қызылорда қаласын газдандырудың салынып жатқан объектілері дирекциясының жетекші инженері; 2006-2009 жж.-Қызылорда облыстық энергетика және тұрғын үй-коммуналдық шаруашылық департаментінің жетекші маманы, бас маманы; 2009-2012 жж.-Қызылорда облыстық мемлекеттік сәулет-құрылыс бақылау басқармасының бас маманы, бөлім бастығы; 2012-2015 жж.-Қызылорда облыстық энергетика және тұрғын үй-коммуналдық шаруашылық басқармасының бөлім бастығы, басқарма бастығының орынбасары; 2015-2018 жж.-Қызылорда қаласы әкімінің орынбасары; 2018-2020 жж.-Қызылорда облысы жұмылдыру дайындығы басқармасының басшысы; 2020-2022 жж.-Жалағаш ауданының әкімі; 2022 жылғы 28 сәуірінен 2024 жылдың 10 қаңтарына дейін Қызылорда облысы әкімінің өкімімен Қызылорда қаласының әкімі лауазымында болды.&nbsp;

Асылбек Шәменов қызмет ауыстырды

<a href="https://kyzylorda-news.kz/">Kyzylorda-news.kz.</a> Сыбайлас жемқорлыққа қарсы қызмет тергеу жұмыстары барысында бұрынғы мәдениет және спорт министрі, сондай-ақ Ұлттық музейдің экс-басшысы Арыстанбек Мұхамедиұлына қатысты жаңа эпизодты хабарлады, - деп хабарлайды <a href="https://kaz.tengrinews.kz/kazakhstan_news/muhamediulyi-kazakstandagyi-mektepterdn-brn-iemdenbek-bolgan-356989/">Tengrinews.kz </a>тілшісі.<blockquote>"Арыстанбек Мұхамедиұлына қатысты 221 миллион теңге бюджет қаражатын жымқыру эпизоды бойынша сот үкімі шықты. Қазіргі уақытта бюджет қаражатын аса ірі мөлшерде жымқыру және жоғары спорт шеберлігі мектебін заңсыз жекешелендіру бойынша қосымша эпизодтар бар.Келесі эпизод – "Дипломат" қонақүйін рейдерлік жолмен басып алу және пара беру әрекеті. Бұл істердің барлығы қазір сотта қаралып жатыр", - деді Сыбайлас жемқорлыққа қарсы қызметтің ресми өкілі Арман Тілеуқанов.</blockquote>Бұған дейін бұрынғы мәдениет және спорт министрі, Ұлттық музейдің бұрынғы директоры Арыстанбек Мұхамедиұлы басқа қылмыстық іс бойынша сот алдына қайта келген болатын. Бұл жолы бұрынғы шенеунікке астаналық "Дипломат" қонақүйін рейдерлік жолмен басып алды деген айып тағылып отыр.Фото: Нұрболат Нұржаубай

Мұхамедиұлы Қазақстандағы мектептердің бірін иемденбек болған - Антикор

Фото: облыс әкімінің баспасөз қызметі<a href="https://kyzylorda-news.kz/">Kyzylorda-news.kz.</a> Қызылорда қаласының әкімі болып Серік Қожаниязов&nbsp;тағайындалды.Серік Қожаниязов 1965 жылы Қызылорда қаласында туған. 1989 жылы Кузбасс политехникалық институтын (РФ) инженер-механик, 2002 жылы Л.Гумилев атындағы Евразия мемлекеттік университетінің Қызылорда филиалын экономист-қаржыгер мамандықтары бойынша бітірген.Еңбек жолын 1989 жылы Қызылорда қаласында № 2 механикалық-жөндеу зауытының инженер-технологы, учаске шебері болып бастаған.1992-1999 жылдары «Серік» шағын кәсіпорнының, «Арко-инвест» инвестициялық жекешелендіру қорынының директоры, 1999-2001 жылдары Қызылорда қаласының әкімі жанындағы «Қалалық бизнес орталығы» мемлекеттік кәсіпорнының және Қызылорда облысы әкімінің жанындағы «Инвестиция тарту және құнды қағаздар рыногын дамыту орталығы» мемлекеттік кәсіпорнының директоры, Қызылорда қаласындағы «Сенім» ашық зейнетақы жинақтау қоры» ЖАҚ-ның бас менеджері қызметтерін атқарған.2001-2007 жылдары Қызылорда облысы әкімі аппаратының нарықтық инфрақұрылымды қалыптастыру бөлімінің меңгерушісі, Қызылорда облысының кәсіпкерлік және өнеркәсіп департаментінің директоры, 2007-2008 жылдары Қызылорда қаласының әкімі болды.2008-2014 жылдары ҚР Премьер-Министрі Кеңсесінің ұйымдастыру жұмысы және аймақтық даму бөлімінің бас инспекторы, осы&nbsp; бөлім меңгерушісінің орынбасары, одан әрі Премьер-Министрі Кеңсесінің аймақтық даму бөлімінің меңгерушісі қызметтерін абыроймен атқарды.2014-2019 жылдары Қызылорда облысы әкімінің орынбасары, ҚР Перзидентінің «Байқоңыр» кешеніндегі арнаулы өкілі қызметінде болып, 2019-2022 жылдары дейін ҚР Экология, геология және табиғи ресурстар министрлігінің вице-министрі лауазымын атқарған.2022 жылдың 24 маусымынан бастап Қызылорда облысы әкімінің бірінші орынбасары қызметін атқарды.

Қызылорда қаласының жаңа әкімі тағайындалды 

<a href="https://kyzylorda-news.kz/">Kyzylorda-news.kz.</a> МӘМС төлемдері бойынша ставкалар өзгеріссіз қалды, бірақ 2024 жылдың 1 қаңтарынан бастап елімізде ең төменгі жалақы (ЕТЖ) мөлшері ұлғайды. Ол бірнеше төлемнің көлеміне әсер етті. Қазақстандықтар ағымдағы жылы медициналық сақтандыру үшін қанша төлеуі керек? Бұл туралы Әлеуметтік медициналық сақтандыру қорының Қызылорда облысы бойынша филиалының директоры Бақыт Исмаханбетов толығырақ айтып берді.Жұмыс берушілер қызметкер үшін жалақының 3% мөлшерінде аударымдар жүргізеді, бұл ретте салық салынатын ай сайынғы табыс 10 ЕТЖ (2024 жылы 850 000 теңге) аспауға тиіс, яғни жұмыс берушінің аударымдарының ең жоғары төленетін сомасы айына 25 500 теңгені құрайды.Бұл қаражат қызметкердің жалақысынан ұсталмайды, оларды жұмыс беруші кәсіпорын есебінен төлейді.Азаматтық-құқықтық сипаттағы шарты негізінде қызмет көрсететін жалдамалы жұмыскерлер мен қызметкерлер МӘМС-ке ай сайынғы табысының 2% мөлшерінде жарна төлейді. Салық салу объектісі барлық жұмыс орындарынан айына 10 ЕТЖ (2024 жылы 850 000 теңге) аспауы тиіс, яғни қызметкердің жалақысына қарай, төлейтін ең жоғары жарнасы 17 000 теңгені құрайды.&nbsp; Жеке кәсіпкерлер 1,4 еселенген ЕТЖ-дан 5% төлейді. 2024 жылы: (1,4 * 85 000) * 5% = 5 950 теңге. Егер жеке кәсіпкер есептілікті «нөлмен» тапсырса, бірақ өз қызметін ресми түрде тоқтатпаса, онда ол Салық кодексі талап еткендей жарналарды төлеуді жалғастыруы керек екенін есте ұстаған жөн. Әйтпесе, қарыз пайда болады.Дербес төлеушілер ең төменгі жалақының 5% көлемінде, яғни 4 250 теңге жарна төлейді.&nbsp; Естеріңізге сала кетейік, МӘМС жүйесінде сақтандырылу үшін &nbsp;өткен 12 айдың берешегін жабу керек немесе алдағы 1 жылға жарна төлеуге болады. Бұл жағдайда төлемді әр айға жеке-жеке төлеген жөн. &nbsp;1 қаңтардан БЖТ қолданылу мерзімі аяқталғандықтан, &nbsp;өзін-өзі жұмыспен қамтығандар мәртебені екі жолмен ала алады: - жеке кәсіпкер ретінде тіркелу және жарналарды ЖК ретінде төлеу; - жарналарды дербес төлеуші ретінде төлеу.Мемлекет 15 жеңілдік санатына кіретін азаматтар үшін 2024 жылы 5852,63 теңге жарна төлейді.Екі жерде жұмыс жасаса, жарналарды қалай төлейді?Кейбір азаматтар екі жерде жұмыс істейді. Бұл жағдайда төлемдерді есептеу үшін шекті табысты ескеру керек – ол 10 ЕТЖ (2024 жылы 850 000 теңге). &nbsp;&nbsp;МӘМС-ке аударымдар әр жұмыс орнынан аударылады, бірақ 25 000 теңгеден аспауы керек. (850 000 теңгенің 3%).&nbsp; Ал жарналарды есептеу кезінде барлық жұмыс орынанан түсетін ортақ табысы ескеріледі, яғни әр айға жарна 17 000 теңгеден аспауы тиіс (850 000 теңгенің 2%).&nbsp;Қызметкер төлемдерді дұрыс есептеу үшін бірінші жұмыс орнынан екіншісіне анықтама тапсыру керек.&nbsp; Мысалы, қызметкер А ұйымынан 550 000 теңге жалақы алса, Б ұйымынан 400 мың теңге түседі. Оның ортақ табысы 950 000 теңге, яғни, шекті салық салынатын кірістен жоғары.&nbsp;Бұл жағдайда бірінші жұмыс беруші 11 мың теңге көлемінде жарна ұстап, 16 500 теңге көлемінде аударым жасайды.&nbsp; Екінші жұмыс орнында оған 6 000 теңге (жарнаның ең жоғары мөлшері 17 мыңнан &nbsp;төленген 11 000 теңге жарнаны шегергенде) жарна төлейді.&nbsp; Аударымдардың мөлшері 18 000 теңгені құрайды (аударымдарды есептеу үшін табыс қосылмайды).Сондай-ақ, ресми қызметінен бөлек, жеке бизнесі бар жеке кәсіпкерлер де бар. Бұл жағдайда қызметкердің жалақысынан қажетті жарналар мен аударымдар төленеді әрі Салық кодексі талап еткендей жеке бизнесі үшін төлеуі қажет.Сақтандыру мәртебесін келесі жолдармен тексеруге болады: • Qoldau 24/7 мобильді қосымшасы • &nbsp; fms.kz ресми сайты • Telegram-дағы @SaqtandyrýBot https://t.me/SaqtandyryBot • &nbsp; 1414 байланыс орталығы • Damumed мобильді қосымшасы • Halyk мобильді қосымшасы • BCC.KZ мобильді қосымшасы&nbsp; • Kaspi.kz мобильді қосымшасы • egov.kz электрондық үкімет сайты – «Медициналық қызметтерді тұтынушы ретінде қатысу туралы және міндетті әлеуметтік медициналық сақтандыру жүйесінде аударымдардың және (немесе) жарналардың аударылған сомалары туралы ақпарат беру» мемлекеттік &nbsp; қызметі арқылы.<img src="https://knadmin.beoblood.kz/uploads/1_3643a04d38.jpeg" alt="1.jpeg"><img src="https://knadmin.beoblood.kz/uploads/2_044a63a02c.jpeg" alt="2.jpeg"><img src="https://knadmin.beoblood.kz/uploads/3_b835a5303b.jpeg" alt="3.jpeg"><img src="https://knadmin.beoblood.kz/uploads/4_a968c55238.jpeg" alt="4.jpeg"><img src="https://knadmin.beoblood.kz/uploads/5_916cb2a83f.jpeg" alt="5.jpeg">Фото: Нұрболат Нұржаубай

Биыл МӘМС үшін қанша төлейді? 

<a href="https://kyzylorda-news.kz/">Kyzylorda-news.kz.</a> &nbsp;Былтыр Атамекен кәсіпкерлер палатасының директоры Пірмұхаммед Сыздықтың атына қаламыздың бірқатар кәсіпкері құқық қорғау органдары тарапынан өздеріне негізсіз талаптар қойылу фактісіне қатысты шағымданған болатын.<blockquote> «Құқық қорғау органдары келушілердің қауіпсіздігін қамтамасыз ету мәселесін алға тарта отырып, тамақтану объектілерінің иелеріне (кафе, ресторан) темір терезе торлары мен есік құру, күндізгі және түнгі уақытта ауысыммен жұмыс істейтін күзетпен қамтамасыз ету, ғимараттың іші-сыртын түсіріп, бейнежазбасы 30 күннен аса уақыт сақталатын бейнекамералармен жабдықтау, сыртқы жағын жарықтандыру және тағы басқа міндеттерді қойып, кәсіп иелері аталған талаптар орындалмаған жағдайда әкімшілік жауапкершілікке тартылатындығын жеткізген»,-деді П.Сыздық.</blockquote> Осыған орай Палата заңгерлері Қызылорда облыстық және қалалық прокуратураға кәсіпкерлік субъектілеріне негізсіз талаптар қойылу фактісіне қатысты талдау жұмыстарын жүргізуді сұрады. Нәтижесінде қалалық прокуратурамен құқық қорғау органдарының талаптары негізсіз деп танылып, нұсқаулықтың күші жойылды. Осы атқарылған жұмыстар нәтижесінде бүгінгі күні 60 кәсіпкердің құқығы қорғалып отыр.Фото: Нұрболат Нұржаубай

Қызылорда облысында 60 кәсіпкердің құқығы қорғалды

Фото: Критика Кызылорды инстаграм парақшасы<a href="https://kyzylorda-news.kz/">Kyzylorda-news.kz.</a> Шанхай мөлтек ауданындағы Әшірбеков пен Тұрлығұлов көшелерінің қиылысын, жол жиегін жеке сектор иелері қоқыс полигонына айналдырған.&nbsp;Жер телімінің меншік иелері тазалықшыларды талай жылдан бері әбігерге салып келеді. Қалтасынан шығын шығып, айыппұл алып көрмеген меншік иелері ҚР-ның Экологиялық кодексінде көрсетілген «күтіп-ұстау, тиісті жағдайда қоршау» секілді жер теліміне қойылатын талаптарды орындамай отыр.<blockquote>Осы орайда "Қызылорда тазалығы" мекемесінің мобильдік топ мүшесі Бердіхан Үсенов "Бұл жерді күн сайын мұнтаздай етеміз, алайда күндегі көрініс осы. Жер телімінің иелерін іздестіруге де тырыстық. Бірақ, нәтижесіз болды. Көше адамдары қолындағы қоқыстарын осы жерге тастап кете береді екен. Олармен өз бетімізше күресіп те шаршадық. Түн батысымен жер теліміндегі үйіндіге иесіз иттер иелік ететіні тағы бар», - деп құзырлы органдар тарапынан аталған жер &nbsp;иесіне нақты шара көруді талап етті.</blockquote>

Қазақстан және Қызылорда облысының жаңалықтары