<a href="https://kyzylorda-news.kz/">Kyzylorda-news.kz</a> Ағымдағы жылдың 28–29 қарашасы күндері Қазалы көп бейінді орталық ауруханасында жүрек ырғағының бұзылыстары бойынша алғаш рет аритмологиялық жоғары мамандандырылған оталар жасалынып, оқу-шеберлік тәжірибе жүргізілді. Мұндай жоғары мамандандырылған ота Республика бойынша аудандар арасында алғаш рет Қазалы ауданында жасалынып отыр.Күрделі отаға Алматы қаласының №7 қалалық клиникалық ауруханасының интервенционды аритмолог дәрігері, MD, PhD. дәрігер – Ергешов Қанат Алдабергенұлы және облыстық медицина орталығының облыс бойынша штаттан тыс аритмолог дәрігері Лепесов Нұрболат Мылтықбайұлы арнайы шақыртылып, тәжірибе алмасты. Күрделі оталарға аудандық көп бейінді орталық аурухансының рентген-эндоваскулярлық хирургия бөлімшесінің меңгерушісі Баспаев Кенесары Айтуғанұлы мен рентген-эндоваскулярлық хирургия бөлімшесінің интервенциялық аритмолог дәрігері Темірбай Рахымжан Ғалымжанұлы қатысты.Аталған ота түрлері — заманауи медицинаның жоғары технологияларын талап ететін күрделі бағыттардың бірі. Бұл шара аудандағы медицина саласының дамып келе жатқанын, сондай-ақ еліміздегі білікті мамандардың тәжірибе алмасу арқылы кәсіби деңгейін арттырып жатқанын көрсетеді. Бұл бастама жүрек ырғағы бұзылыстары бар науқастарға жоғары мамандандырылған көмекті өңірлік деңгейде көрсетуге бағытталып отыр.Шебер-класс барысында жүрек аритмияларын заманауи диагностикалау, интервенциялық емдеу әдістері жүзеге асты. Атап айтқанда, жүректің ауыр брадикардиясы мен өткізгіштік бұзылыстарында қолданылатын электрокардиостимулятор имплантациясы, жүрек ішіндегі артық электрлік ошақтарды жою арқылы тахиаритмияларды емдеу тәсілі, радиожиілік абляция және пароксизмалды жүрекшелер фибрилляциясы кезінде қолданылатын заманауи әрі тиімді әдіс өкпе веналарының криоабляциясы бойынша оталары жүргізілді.Қазіргі таңда ота жасалған 7 науқастыңда жағдайы тұрақты.Фото: Қазалы ауданы әкімдігі

Қазалы аудандық ауруханасында алғаш рет күрделі оталар жасалынды

<a href="https://kyzylorda-news.kz/">Kyzylorda-news.kz</a> Облыс әкімінің бірінші орынбасары Данияр Жаналиновтың қатысуымен құқықбұзушылық профилактикасы жөніндегі ведомствоаралық комиссия отырысы өтті. Күн тәртібінде пробация есебіндегілердің қайта қылмысқа баруының алдын алу, бұрын сотты болған адамдарды қайта әлеуметтендіру және қоғамға бейімдеу, өсім алған қылмыстар бойынша атқарылған жұмыстар талқыланды.<blockquote>«Интернет алаяқтық, топтық бұзақылық және түнгі көңіл көтеру орындарындағы құқықбұзушылықты азайтуда жедел профилактикалық шаралар күшейтілсін. Қаладағы көңіл көтеру орындарының жұмысын реттеу және ондағы тәртіпті бақылауды күшейту жөнінде ұсыныстар әзірлеу керек. Мал ұрлығын болдырмау үшін бақташы қызметін ұйымдастыру және тұрғындарға түсіндіру өте маңызды. Алаяқтық пен тұрмыстық зорлық-зомбылықтың алдын алуда да ақпараттық түсіндіру жұмыстары тұрақты жүргізілсін», – деді Данияр Еренғалиұлы.</blockquote><img src="https://knadmin.beoblood.kz/uploads/1_Foto_yzylorda_oblysy_kimini_baspas_z_yzmeti_a2e6df7d0c.jpg" alt="1 Фото Қызылорда облысы әкімінің баспасөз қызметі.jpg">Жиында облыстық қылмыстық-атқару жүйесі департаменті пробация қызметіне басшылық жасау басқармасының бастығы Ғаламат Құлманов, облыстық жұмыспен қамтуды үйлестіру және әлеуметтік бағдарламалар басқармасының басшысы Ғабит Жаңбаев, облыстық полиция департаменті қоғамдық қауіпсіздік басқармасының бастығы Ердәулет Жаукеев баяндама жасады.Фото: Қызылорда облысы әкімінің баспасөз қызметі

Қылмыстың алдын алу бағытындағы ведомствоаралық комиссия отырысы өтті

<a href="https://kyzylorda-news.kz/">Kyzylorda-news.kz</a> &nbsp; Танымал актер әрі әнші Олжас Абай Дариға Бадықоваға арнап қызықты жазба жариялады.<blockquote>«Айналайын, Дариға қарындасым, туған күніңмен! Өзіңді күтіп жүр, алда атқаратын ісің көп. Сорты бөлек жандар бекер сөз етіп, бос сөйлеспейді. Дәл өзіңдей ханша маған енді жолықпайды. Рухы жақын ғашықтар да өтірік сый жасап, “сіз” деп құр әуре болмайды. Бір рет ренжітсең, екінші рет жолықпайды. Бар бол, бақытты бол! Бақытты болудың жолын өзім-ақ түсіндіріп беремін», – деп жазды ол.</blockquote>Фото: instagram.com/dariga_badykova/ochooou_official

"Дәл өзіңдей ханша маған енді жолықпайды": Олжас Абай Дариғаны туған күнімен құттықтады

<a href="https://kyzylorda-news.kz/">Kyzylorda-news.kz</a> Әлеуметтік желіде Гүлнәр Оразалина атты блогердің мәлімдемесі ерекше баласы бар аналардың шамына тиіп, олар ұжымдық арыз берген, деп хабарлайды <a href="https://kznews.kz/">kznews.kz.</a>Ол ерекше балалардың өмірге келу себебі аналары жүргіш болғандықтан екенін айтқан.<blockquote>«Жүргіштердің жазасын алатын кезі келді. Осыған дейін де олар жайлы деректерді естіген едім. Қазір ерекше балалар мен аутизм көбейіп кетті. Әлемде екінші бала ауру болып туады. Оның барлығы сол «жүргіштіктің» кесірінен», - дейді блогер.</blockquote>Бұл мәлімдемеден кейін ерекше балалардың аналары өре түрегелді. Танымал әншілер де блогердің сөзін сынады. Ал блогер Перизат Көшкімбаева бірқатар анамен бірігіп, ұжымдық арыз жазатынын айтты.<blockquote>«Біз ерекше аналардың атынан арыз үлгісін жасадық. Тағы бір заңгер ана бізге көмектесті. Қазақстан бойынша кез келген ана арыздана алады. Біз Гүлнәр деген блогерді жазаға тартуымыз керек. Себебі ерекше балаларды ешкім ренжітпеуі керек. Біз осы қадам арқылы болашақта біздің балаларымызды ешкім ренжіте алмайтын орта құрғымыз келеді», - дейді блогер.</blockquote>Бұл мәселенің ушыққаны сонша Балалар құқығы жөніндегі уәкіл Динара Зәкиева да іске араласты.<blockquote>«Маған ерекше қажетіліктері бар балаларға блогер тарапынан әлеуметтік желілерде айтылған қорлау фактісіне байланысты өтініштер түсіп жатыр. Дискриминацияға жол берілмейді. Қорлағаны үшін қылмыстық жауапкершілік қарастырылған. Бұл мәселеге құқықтық баға беру және процессуалдық шешім қабылдау үшін ІІМ-ге жүгіндім», - деп жазды ол.</blockquote>Ал блогердің өзі әлі де ешкімнен кешірім сұрамай, өзінің айтқан сөзін дәлелдеумен әлек.Фото: видеодан скриншот

“Ерекше балалар жүргіш әйелден туады”: Аналардың шамына тиген блогердің басы дауға қалды

<a href="https://kyzylorda-news.kz/">Kyzylorda-news.kz</a> &nbsp;Ағымдағы жылғы 1-5 желтоқсан аралығында республика көлемінде «ГАЗБАЛЛОН» акциясы өтуде. Осы ретте Қызылорда облысы Төтенше жағдайлар департаментінің мамандары тұрғындар арасында түсіндіру жұмыстарын жүргізіп, газ баллондарды тұрмыста қауіпсіз пайдалану ережелерін насихаттауда.Газбен улану мен өрттің алдын алу үшін төмендегі қарапайым қауіпсіздік талаптарын сақтау маңызды:Газ баллондарды күн сәулесі тікелей түсетін немесе жылыту құрылғыларына жақын жерге қоюға болмайды;&nbsp;Баллондар тек арнайы рұқсат етілген бекеттерде толтырылуы тиіс;&nbsp;Тозығы жеткен, мерзімі өткен баллондарды қолдануға болмайды;&nbsp;Газ иісі байқалған жағдайда, дереу баллонды жауып, үй-жайды желдетіп, мамандарға хабарлау қажет;&nbsp;Баллон орнатылған үй-жайларда үздіксіз желдету қамтамасыз етілуі керек;&nbsp;Пеш немесе плиталар қосылғанда оттың жануын бақылау қажет, жалын сөніп қалса – газ жиналып, жарылыс қаупі туындайды;Авткөліктерге газ орнату жұмыстарын тек арнайы мамандарға тапсырыңыз және арнайы рұқсат белгісінің болуын қамтамасыз етіңіз;Газ қондырғысы орнатылған автокөліктердің паркингтерде, жабық және жер деңгейінен төмен орналасқан тұрақтарда орналстыруға тыйым салынады.Құрметті тұрғындар!Газ — ыңғайлы әрі үнемді, бірақ қауіп төндіруі де мүмкін. Сондықтан қауіпсіздік ережелерін қатаң сақтаңыз!&nbsp;Төтенше жағдай туындаған жағдайда 101 немесе 104 нөмірлеріне хабарласыңыз.

Сыр өңірінде «ГАЗБАЛЛОН» акциясы бастау алды

<a href="https://kyzylorda-news.kz/">Kyzylorda-news.kz</a> Алматы қаласы полиция департаменті әуежайда Қытай азаматтарының ұсталғанын растады.Алматы әуежайында қолында&nbsp;суррогат аналардан туған сәбилері бар шетелдіктер Қазақстаннан кетпек болғанда ұсталды.&nbsp;Бұл туралы&nbsp; <a href="Tengrinews.kz">Tengrinews.kz</a>&nbsp;порталы хабарлады.11 қараша күні Алматы әуежайында қолында суррогат аналардан туған сәбилері бар қытайлық&nbsp;екі отбасылық жұп ұсталды. Шетелдіктердің балаларға қатысты құжаттары&nbsp;болған, бірақ&nbsp;олар Қазақстаннан шыға алмады.Алматы қаласы полиция департаменті әуежайда Қытай азаматтарының ұсталғанын растады.<blockquote>“Бұл факті бойынша Алматы қалалық полиция департаментінің тергеу басқармасы қылмыстық кодекстің 135-бабының 1-бөлімі (Кәмелетке толмағандар &nbsp;саудасы)&nbsp;бойынша қылмыстық істі тергеп жатыр. Қазір іс бойынша тергеу жүргізілуде”, – деп хабарлады полиция.</blockquote>Фото: Pixabay

Қазақстаннан нәресте әкетпек болған қытайлықтар Алматы әуежайында ұсталды

<a href="https://kyzylorda-news.kz/">Kyzylorda-news.kz</a> Қызылорда облысы Полиция департаментінің Есірткі қылмысына қарсы іс-қимыл басқармасы оқушылар мен студенттер арасында есірткіге қарсы үздік өлең байқауын ұйымдастырды. Сайыс «Мен өмірді таңдаймын!» ұранымен өтті.Іс-шараның басты мақсаты – өскелең ұрпаққа нашақорлықтың зиянын түсіндіру, олардың бұл мәселеге қатысты жеке көзқарасын шығармашылық түрде жеткізуге мүмкіндік беру және ақпаратты қолжетімді түрде насихаттау болды.Байқау екі кезеңнен тұрды. Бірінші кезеңде Қызылорда қаласы мен аудандық білім бөлімдері іріктеу жұмыстарын жүргізіп, нәтижесінде 27 үздік жұмыс Есірткі қылмысына қарсы іс-қимыл басқармасына жолданып, екінші кезеңге өтті.Екінші кезеңде қатысушылар өздері жазған есірткіге қарсы өлеңдерін бейнеформатта оқып, кейін оларды бұқаралық ақпарат құралдары мен әлеуметтік желілерде жариялады. Жас авторлар нашақорлықтың зияны, оның салдары және одан сақтану жолдары туралы ойларымен бөлісіп, мәселені түрлі қырынан ашып көрсетті.<img src="https://knadmin.beoblood.kz/uploads/f4a4ec30_9bd7_4f79_8d55_2f6e407af4f9_f6180218e1.jpg" alt="f4a4ec30-9bd7-4f79-8d55-2f6e407af4f9.jpg">Қорытынды бойынша 13 қатысушы ынталандыру сыйлығына, ал 12 сайыскер жеңімпаз атанды.Облыстық кезеңнің жеңімпаздары: Мырзхан Іңкәр (Шиелі ауданы, №141 орта мектеп), Әзімхан Олжабай (Шиелі ауданы, №158 орта мектеп), Наурызбай Аяна (Қазалы ауданы, №97 орта мектеп), Тасқали Каусар (Қазалы ауданы, №96 орта мектеп), Құттырмырза Әсел (Қармақшы ауданы, №279 мектеп-лицей), Халилуллаев Әбілмансур (Қызылорда қаласы, №145 орта мектеп), Мирамбекқызы Асылзат (М.Мәметова атындағы Қызылорда жоғары педагогикалық колледжі).Есірткі қылмысына қарсы іс-қимыл басқармасы мұндай бастамалар алдағы уақытта да жалғасатынын атап өтті.

Жастар арасында өткен есірткіге қарсы  өлеңдер сайысының жеңімпаздары анықталды

<a href="https://kyzylorda-news.kz/">Kyzylorda-news.kz</a> Қызылорда облысының Полиция департаменті Есірткі қылмысына қарсы іс-қимыл басқармасының ұйымдастыруымен облыс көлемінде оқушылар мен студенттер арасында үздік есірткіге қарсы үндеу жасау сайысы өткізілді.Іс-шараның негізгі мақсаты – өскелең ұрпақ арасында салауатты өмір салтын насихаттап, есірткіге қарсы иммунитет қалыптастыру, жастарды зиянды әдеттерден аулақ болуға шақыру.Сайыста: «Есірткісіз өмір ғажайып!», «Есірткі адам өмірін жалмап, тағдырын күл-талқан етеді!», «Есірткі армандарды өлтіреді!», «Өмірге – «Иә», ал есірткіге «Жоқ» деп айт!» тақырыптарында үндеу жазып, оны БАҚ жариялау қажет болды. Сайысқа 10–18 жас аралығындағы жастар қатысты.Байқау іріктеу және қорытынды кезеңдерден тұрды. Қорытынды кезеңге 44 сайыскер жолдама алып, өздерінің шығармашылық қабілеті мен азаматтық ұстанымын паш етті. Қазылар алқасының шешімімен 12 қатысушы жеңімпаз атанып, тағы 12 үміткер ынталылық танытқан болып есептелді.Облыс жеңімпаздары болып, келесі сайыскерлер танылды: Қармақшы ауданы №99 орта мектеп оқушысы – Рсалиева Жаннұр мен Жангаскаева Альфия, Қызылорда қаласы №144 орта мектеп оқушысы – Смағұл Ақниет, Арал ауданы №292 орта мектеп оқушысы – Тәуекелов Нұрлыжан, М.Мәметова атындағы Қызылорда педагогикалық жоғары колледжінің студенті – Ерлен Ұлжан.&nbsp;<img src="https://knadmin.beoblood.kz/uploads/img_20251201_wa0002_803ded27eb.webp" alt="img-20251201-wa0002.webp">Қызылорда облысының Полиция департаменті мұндай бастамалар алдағы уақытта да жалғасын табатынын атап өтті.&nbsp;Фото: Полиция департаменті

Қызылордада үндеу жасау сайысының жеңімпаздары анықталды

<a href="https://kyzylorda-news.kz/">Kyzylorda-news.kz</a>&nbsp; Шағын және орта бизнестің қабылданған жобаларына субсидия төлеу үшін Үкімет қаражат бөлді. Ал «Даму» Қоры кәсіпкерлерге қаражат аударуға кірісті.«Қазір мемлекет қажет қаражатты толық бөлді. Осы жылдың соңына дейін біз мойнымыздағы міндеттемелерімізді толық орындап бітеміз. Қордаланған берешектер қазірдің өзінде өтеліп жатыр, ал ШОБ бұған дейін төлеген пайыздар бойынша субсидия ала бастайды. Банктерге барлық төлемдер толық аударылады. Осылайша, берешекке байланысты ШОБ мәселелері толық шешіледі. Жыл соңына дейін біз барлық міндеттемелерді орындаймыз», – деді Қордың Басқарма төрағасының орынбасары Талғат Смағұлов.Бұл ретте 2025 жыл ішінде кідірістер барлық өңірде бірдей болмағанын атап өту маңызды. Атап айтқанда, Алматыда Жергілікті атқарушы органның қолдауының арқасында уақтылы төленіп келді.

Мемлекет міндеттемелерін орындайды: шағын және орта бизнес несиесіне субсидия ала бастады

<a href="https://kyzylorda-news.kz/">Kyzylorda-news.kz</a> Кездесуге 8 жасқа дейінгі санатта әлем чемпиондары атанған Әдинұр Әділбек пен Алиша Бисалиева, 12 жасқа дейінгі санатта әлем чемпионы болған Данис Қуандықұлы, 14 жасқа дейінгі санатта әлем біріншілігінде жеңіс тұғырынан көрінген Марк Смирнов, 16 жасқа дейінгі санат бойынша әлем чемпионатында алтыннан алқа таққан Эдгар Мамедов, 16 жасқа дейінгі шахматшылар арасында әлем біріншілігінің күміс жүлдесіне қол жеткізген Сауат Нұрғалиев қатысты, деп хабарлайды Ақорда.Мемлекет басшысының айтуынша, жас спортшылардың жетістіктері халықаралық аренада Қазақстанның мерейін үстем етеді әрі елімізде шахматтың келешегі зор екенін көрсетеді. Президент чемпиондардың биік мақсаттарға ұмтылуы қажеттігін жеткізіп, оларға жарқын жеңістер тіледі.<blockquote>– Шахмат деген үлкен өнер. Сондықтан шахматпен күнделікті, мұқият, арнайы кітаптарды оқи отырып айналысу қажет. Бүгін Халықаралық шахмат федерациясының президенті Аркадий Дворковичпен кездесіп отырсыздар. Бұл – Сіздердің бақытты сәттеріңіздің бірі, – деді Мемлекет басшысы.</blockquote>Кездесу соңында Қасым-Жомарт Тоқаев шахмат тақтасына естелік жазба қалдырды.

Мемлекет басшысы жас шахматшылармен кездесті

<a href="https://kyzylorda-news.kz/">Kyzylorda-news.kz</a> Жалағаш аудан әкімдігінің мәжіліс залында ауыл шаруашылығы бағытындағы өзекті мәселелер талқыланған жұмыс жиналысы өтті.Жиынға облыстық ауыл шаруашылығы және жер қатынастары басқармасының басшысы Т. Дүйсебаев, «Казсушар» РМК Қызылорда филиалының директорының орынбасары А.Асанбаев, «Арал-Сырдария» бассейіндік инспекциясының басшысы З. Қазтоғанов, «Аграрлық несие корпорациясы» АҚ облыстық филиалының бас маманы Н. Жаналиев, сондай-ақ «Қызылорда крахмал-сірне зауыты» ЖШС директоры Ш. Құрбанов қатысты.Күн тәртібінде мемлекеттік қолдау бағдарламаларын түсіндіру, сондай-ақ егінді сумен қамтамасыз ету мәселелері қаралды. Мамандар ауыл шаруашылығы саласындағы қолдаудың жаңа тетіктері, субсидиялау талаптары, несие беру механизмдері туралы жан-жақты ақпарат берді. Сонымен қатар су ресурстарын тиімді пайдалану, каналдар жүйесі мен су беру режимін үйлестіру мәселелері талқыланып, нақты ұсыныстар айтылды.<img src="https://knadmin.beoblood.kz/uploads/Auyl_sharuashyly_y_zhiyn_2_0b6e05b72c.jpg" alt="Ауыл шаруашылығы жиын 2.jpg">

Ауыл шаруашылығы саласындағы өзекті мәселелер бойынша жиын өтті

<a href="https://kyzylorda-news.kz/">Kyzylorda-news.kz</a> 1 желтоқсан күні Мәжіліс әлеуметтік-мәдени даму комитетінің отырысында Мәдениет және ақпарат министрі Аида Балаева премьер-министрдің орынбасары лауазымына тағайындалды. Бұл туралы Ақорда хабарлайды.<blockquote>“Мемлекет басшысының Жарлығымен Аида Ғалымқызы Балаева Қазақстан Республикасы премьер-пинистрінің орынбасары – Мәдениет және ақпарат министрі лауазымына тағайындалды”, – деп жазды Ақорда.</blockquote>Аида Балаева Абай атындағы Алматы мемлекеттік университетін және Қазақ ұлттық аграрлық университетін тәмамдаған.1999-2002 жылдары Алматы облысының ақпарат және қоғамдық келісім басқармасында жетекші маман, бас маман, бөлім бастығы қызметтерін атқарған.2002-2004 жылдары Алматы қаласының ақпарат және қоғамдық келісім басқармасында қоғамдық-саяси процестерді талдау және үйлестіру бөлімінің бастығы болған.2004-2005 жылдары Алматы бойынша ақпарат басқармасының бөлім бастығы, басқарма бастығының орынбасары қызметін атқарған.2005-2008 жылдары Алматы қаласының ішкі саясат департаментінің директор орынбасары және директоры болған.2010-2014 жылдары Балаева елорда әкімінің орынбасары қызметін атқарған.2008-2010 жылдары – Астана қаласының ішкі саясат басқармасының бастығы.2014-2019 жылдары – Президент әкімшілігінің ішкі саясат бөлімінің бастығы.2019-2020 жылдары – Президенттің көмекшісі, Президент әкімшілігінде өтініштерді қарауды бақылау бөлімінің бастығы болған.2020-2022 жылдары – Қазақстан Республикасының ақпарат және қоғамдық даму министрі.2022-2023 жылдары – Президент әкімшілігі басшысының орынбасары қызметін атқарған.2023 жылдың қыркүйегінен бастап – Қазақстан Республикасының мәдениет және ақпарат министрі лауазымын атқарып келеді.<span style="background-color:rgb(255,255,255);color:rgb(68,68,68);font-family:Verdana, BlinkMacSystemFont, -apple-system, &quot;Segoe UI&quot;, Roboto, Oxygen, Ubuntu, Cantarell, &quot;Open Sans&quot;, &quot;Helvetica Neue&quot;, sans-serif;font-size:11px;">Фото: Мәдениет және ақпарат министрлігі

Қазақстан және Қызылорда облысының жаңалықтары