<a href="https://kyzylorda-news.kz/">Kyzylorda-news.kz</a> Облыс әкімінің орынбасары Ардақ Зебешев қытайлық China Huadian Overseas Investment Co., Ltd. компаниясының Орталық Азия бойынша басшысы Фэн Янаньмен кездесті.China Huadian Overseas Investment Co., Ltd. – энергетика саласындағы халықаралық инвестициялық компания және China Huadian Corporation құрамына кіреді. Компанияның негізгі бағыттарына электр энергетикасы нысандарын салу және пайдалану, жаңартылатын энергия көздерін дамыту, сондай-ақ заманауи технологияларды енгізу жатады. 2030 жылға қарай еліміз энергия теңгеріміндегі жаңартылатын энергия көздерінің үлесін ағымдағы 4,5%-дан 15%-ға дейін арттыруды жоспарлап отыр.Облыс аумағында жалпы қуаттылығы 130 мегаватты құрайтын 11 күн электр станциясы жұмыс істейді. Оның ішінде 4 ірі станция шетелдік инвесторлардың қатысуымен салынған. Соның бірі – &nbsp;«Хуадиан» компаниясымен бірлесіп жүзеге асырылған, қуаттылығы 40 МВт болатын «Тесис» серіктестігінің күн электр станциясы. Жобаның жалпы құны – 11,5 млрд теңге.Мемлекеттік қолдау шарасы ретінде 80 гектар жер телімі беріліп, станция жергілікті тұрғындар үшін 10 жаңа жұмыс орнын ашты.Алдағы уақытта қуаттылығы 260,5 мегаваттан астам 6 күн және 2 жел электр станциясы іске қосылады. Өңірдегі жасыл энергетиканың әлеуеті әлі де толық игерілмеген. Қазіргі таңда 500 мегаваттқа дейін электр энергиясын қабылдауға қабілетті дайын энергетикалық инфрақұрылым бар.Атап өту керек, облыстың энергияға қажеттілігі күніне 203 мегаватты құраса, аталған жобалар іске қосылғанда өңір толықтай жасыл энергиямен қамтамасыз етіледі.Кездесу барысында Қызылорда облысында жаңартылатын энергия көздері бойынша жаңа жобаны іске асыру мәселесі талқыланды.Аталған бастама өңірдің энергетикалық әлеуетін одан әрі арттыруға, жаңартылатын энергия көздерін дамытуға және әлеуметтік-экономикалық дамуына оң әсер етеді деп күтілуде.

Жаңартылатын энергия көздері жобаларын кеңейту мәселесі қаралды

<a href="https://kyzylorda-news.kz/">Kyzylorda-news.kz</a> Қазалы ауданының әкімі Алмасбек Есмаханов Әйтеке би кентіндегі «Ауыл аманаты» бағдарламасы аясында жеңілдетілген несие алып, кәсібін бастаған азаматтардың жұмыстарымен танысты.&nbsp;Аудан басшысы алдымен 2024 жылы бағдарлама аясында несие алып, кәсібін бастаған жеке кәсіпкер Абзал Сағидуллаевтың темір жону цехымен танысты. Жеке кәсіпкер «Ауыл аманаты» бағдарламасы аясында 9,2 млн. теңге несие алып, бүгінде арнайы тапсырыс арқылы техникаларға қажетті темір бөлшектерді жөндеу, темірді кесу, жону, тозығы жеткен темір бұйымдарын қайта қалпына келтіру сынды жұмыстармен айналысуда. Қазіргі таңда кәсіпкердің бұл жұмысының сұранысы жоғары болғандықтан ауданымыздан бөлек көршілес аудандардан да техникалардың бөлшектерін жөндетуге келушілерде бар дейді жеке кәсіпкер.Мұнан кейін Мейрамбек Кеулімжаевтың жылыжай кәсібімен танысты. 2025 жылы бағдарлама аясында 9,3 млн. теңге несие алып кәсіп бастаған азамат жылыжайда қияр өсірумен айналысуда. Кәсіпкердің айтуынша жылыжай мамыр айының алғашқы онкүндігінде өнім бермек. Мұнда қазір 1000-нан астам қияр егілген. Алдағы уақытта кәсіпкер өнім көлемін көбейтіп, кәсібін әрі қарай жандандыруды жоспарлап отыр.Жеке кәсіпкер Асқар Қожаназаровта аудан орталығынан «Автокөліктерге қызмет көрсету орталығы» ашу мақсатында бағдарлама аясында 8,1 млн теңге несие алып, биылдан бастап өз кәсібін бастап отыр. Әзірге 1 адамды жұмыспен қамтып отырған кәсіпкер, аудан басшысына орталықтың жұмысы жайында түсіндіріп өтті. Мұнда көлік жөндеу, май ауыстыру және автокөліктің барлық электр және электрондық жүйелерін жөндеу қызметтері көрсетілуде.&nbsp;Әйтеке би кентіндегі Ауыл аманаты бағдарламасы аясында кәсібін дөңгелетіп отырған азаматтардың бірі – Нұрқанат Әбілдаев. Кәсіпкер 2024 жылы 7,0 млн теңге несие алып, &nbsp;қаңылтыр бұйымдарын жасау цехын ашқан. Қазіргі таңда кәсіп иесі қаңылтырдан түрлі бұйымдар, оның ішінде бүгінде көп сұранысқа ие газ мұржасын жасаумен айналысып келеді. Кәсіпкер 1 адамды тұрақты жұмыспен қамтып отыр.Аудан әкімі кәсіпкерлермен кездесу барысында атқарылып жатқан жұмыстарға оң бағасын беріп, тұрғындардың өз кәсібін ашуға деген белсенділігін ерекше атап өтті. Сондай-ақ елімізде Президентіміз Қасым-Жомарт Тоқаевтың бастамасымен жүзеге асқан «Ауыл аманаты» бағдарламасының басты мақсаты – тұрғындардың табысын арттырып, кәсіпкерлікке бейімді азаматтарға нақты қолдау көрсету екенін айтты. Өңірімізде аймақ басшысы Нұрлыбек Машбекұлының қолдауымен аталған бағдарлама аясында кәсібін бастап, әрі қарайда кәсібін кеңейтуге ниетті азаматтарға қажетті қолдау көрсетіліп жатқандығын жеткізді.Кәсіп иелеріне өнім сапасын арттырып, кәсібін одан әрі кеңейту қажеттігін айтып, жергілікті жерден өнім шығарып, жаңа жұмыс орындарын ашуға шақырды. Өз кезегінде кәсіпкерлер мемлекет тарапынан көрсетіліп жатқан қолдауларға ризашылықтарын білдіріп, алдағы уақытта кәсібін кеңейту бойынша жоспарларымен бөлісті.Айта кету керек, 2023 жылдан бастап Мемлекет басшысының бастамасымен жүзеге асқан «Ауыл аманаты» бағдарламасын қаржыландыру басталғалы бері аудан бойынша 170-тен астам азамат өз ісін бастап, аудан экономикасының дамуына өзіндік үлесін қосып келеді.Аудан әкімі Әйтеке би кентіндегі «Ауыл аманаты» бағдарламасы аясында жүзеге асқан жобалардан кейін Қазалы қаласындағы жеке кәсіпкер Нұрбек Кешубаевтың жылыжай жұмысымен танысты. Бұған дейін мемлекеттік бағдарламалар аясында бірнеше рет несиелер алған кәсіпкер 2011 жылдан бері жылыжай кәсібімен айналысып келеді. Қазіргі таңда жеке кәсіпкердің жылыжайында гүл көшеттерінің 8 түрі &nbsp;және қияр, қызанақ, қызыл бұрыш, орамжапырақ және басқа да көкөністердің көшеттері отырғызылған. Мұндағы өсірілетін гүлдер мен көкөністердің көшеттері аудан тұрғындарымен қатар көршілес аудандардың да тұрғындардың сұранысына ие.

 «Ауыл аманаты» жобасы аясында кәсіп бастаған азаматтардың жұмысымен танысты

<a href="https://kyzylorda-news.kz/">Kyzylorda-news.kz</a>&nbsp; Үкімет отырысынан кейін облыс әкімінің бірінші орынбасарының төрағалығымен мәжіліс өтіп, онда 2026 жылдың қаңтар-наурыз айларының әлеуметтік-экономикалық дамуы мен бюджеттің атқарылу қорытындылары қаралды.Алғашқы тоқсандағы макроэкономикалық көрсеткіштерді талқылау бойынша қала әкімдігіндегі жиында шаһар басшысы Нұржан Ахатов бұл бағыттағы жұмыстарды ширату қажеттігін алға тартып, &nbsp;тиісті сала жетекшілеріне тапсырмалар жүктеді.3 айда негізгі макроэкономикалық көрсеткіштер бойынша оң динамика қалыптасты. Бюджет кірістерінің жоспары 2026 жылдың 1-ші сәуіріне 102,1 пайызға орындалып отыр.<blockquote>- Аймақ басшысы салық базасын ұлғайту бойынша нақты тапсырмалар жүктеді. Бүгінгі күні қала аумағында тұрғындардың мүлік және көлік құралдары бойынша берешек қалыптасқан. Бұл – жергілікті бюджет кірістерінің орындалуына тікелей қатысты. Бюджет түсімінің өсімі бірінші кезекте жеке бизнес қызметін заңдастыру, инвестиция тарту, нақты салықтық базаны анықтау арқылы қамтамасыз етіледі. Осыған байланысты жұмысты жедел үйлестіруді тапсырамын, - деді Нұржан Сәбитұлы.</blockquote>Конго-Қырым геморрагиялық қызбасы вирустық инфекциясының алдын алу жайы да қаралды. Қазіргі таңда қала көлеміндегі санитариялық-қорғаныш аймақтарында және буферлік зоналарда кенеге қарсы өңдеу жұмыстары жүргізілуде. Әсіресе, саяжайлар мен ауылдық округтерде мал қора-жайларды механикалық тазалау атқарылуда. Жиында шаһар басшысы бұл бағыттағы шараларды күшейтуді міндеттеді.<img src="https://knadmin.beoblood.kz/uploads/N_rzhan_Ahatov_zhiyn_2_639fefa873.jpg" alt="Нұржан Ахатов жиын 2.jpg">

Маңызды мәселелер қаралды

<a href="https://kyzylorda-news.kz/">Kyzylorda-news.kz</a> Мемлекет басшысы Қасым-Жомарт Тоқаев ғылымды дамыту және жас зерттеушілерді қолдау жөніндегі мемлекеттік саясат аясында Ғылым қызметкерлері күніне орай 10 жас ғалымға пәтер кілтін табыстады. Тұрғын үйлер Алматы және Астана қалаларынан өтеусіз негізде берілді.Бүгінде Алматы қаласында баспана алған жас ғалымдар толық жабдықталған пәтерлерге қоныстанып үлгерді. Қоныс иелері жасалған қолайлы жағдайлардың ғылыми және кәсіби қызметке алаңсыз көңіл бөлуге мүмкіндік беретінін атап өтті. Жас зерттеушілер өздерінің шынайы қуаныштары мен мемлекетке деген ризашылықтарын білдірді.Ғалымдарды марапаттау рәсімінде Мемлекет басшысы ғылымның әлеуеті елдің бәсекеге қабілеттілігін арттырудың және халықаралық аренадағы беделін нығайтудың негізгі факторына айналып отырғанын атап өтті. Оның айтуынша, ғылым мен білімге инвестиция салған мемлекеттер әлемде алдыңғы қатардан көрінеді. Сонымен қатар Президент отандық ғылымның болашағы жаңа идеялар ұсынып, ел дамуына серпін беретін дарынды, мақсатшыл әрі зияткер жас буынның қолында екеніне тоқталды.Қазіргі таңда 600-ден астам жас ғалым баспанамен қамтылды. Бұдан бөлек, олар үшін арнайы гранттар қарастырылған, сондай-ақ біліктілікті арттыру және тәжірибе алмасу мақсатында әлемнің жетекші ғылыми орталықтарында тағылымдамадан өту мүмкіндіктері бар.Жаңа пәтер иелерінің қатарында еліміздің жетекші ғылыми ұйымдарының өкілдері бар.Ғ.Дәукеев атындағы Алматы энергетика және байланыс университеті Жылуэнергетика және физика кафедрасының аға оқытушысы, PhD Мадина Құмарғазина Scopus халықаралық базасында жарияланған ғылыми еңбектердің авторы, сондай-ақ Қазақстанның 10-нан астам және бір Еуразиялық патенттің тең авторы. Оның зерттеулері энергия тиімділігі технологияларын дамытуға және жаңартылатын энергия көздерін пайдалануға бағытталған.«Мемлекет басшысының ғылымға және жас ғалымдарға көрсетіп отырған мұндай ерекше көңілі үшін шынайы алғысымды білдіремін. Бұл мен үшін күтпеген сыйлық болды. Әлі күнге дейін сене алар емеспін. Мен ұзақ уақыт бойы пәтерге өз күшіммен қаражат жинауға тырыстым, сондықтан бұл мен үшін орасан зор қолдау әрі алға қарай еңбек етіп, мемлекетке пайда келтіруге мотивация береді. Тағы бір айта кететіні, енді менің толықтай жабдықталған пәтерім бар. Бұл маған бар күш-жігерімді ғылымға арнауға мүмкіндік береді. Осындай бастамалар болашаққа деген сенімді арттырып, ғылыми қызметке, жаңа технологияларды әзірлеуге және білікті мамандар даярлауға толықтай назар аударуға жол ашады», – деп бөлісті Мадина Бақытжанқызы көрсетіліп отырған қолдаудың маңыздылығын атап өтіп.Қ.И.Сәтбаев атындағы Қазақ ұлттық техникалық зерттеу университеті Физика-техникалық институтының ғылыми қызметкері, Электрохимия және ванадийлі ағынды батареялар зертханасы меңгерушісінің міндетін атқарушы Арман Өмірзақовтың ғылыми еңбек өтілі 15 жылды құрайды.<blockquote>«Ақордада мен Президенттің қолынан өтеусіз негізде берілген пәтердің сертификатын алдым. Ал бүгін Алматы қаласында сол пәтерге қоныс аударып отырмын. Мемлекет ғылымды дамытуға және гранттық жобаларды қолдауға үлкен көңіл бөліп отыр, бұл ғылыми қызметкерлер мен жас ғалымдарға алдағы жұмысқа және кәсіби өсуге қуатты серпін береді», – деп бөлісті ғалым.</blockquote><img src="https://knadmin.beoblood.kz/uploads/Molodye_uchenye_zaselilis_v_kvartiry_vruchennye_Prezidentom_1_ef58131267.jpg" alt="Молодые ученые заселились в квартиры, врученные Президентом 1.jpg">Ол халықаралық рецензияланатын журналдарда жарияланған 20-дан астам ғылыми еңбектің авторы, сондай-ақ Қазақстанның 8 патентінің тең авторы. Ғалымның зерттеулері энергетика саласындағы перспективалы бағыттарды, соның ішінде отын элементтері, микробатареялар және фотокаталитикалық материалдарды қамтиды.Негізгі ғылыми бағыттардың қатарында жұқа қабықшалы қатты оксидті отын элементтерін зерттеу, сондай-ақ Nazarbayev University базасында литий-күкіртті микробатареяларды әзірлеу бар. Сонымен қатар ғалым ванадийлі ағынды батареялардың электролиттерін және суды тазарту мен сутегі өндіруге арналған фотокаталитикалық материалдарды зерттеумен айналысады.Зерттеуші Erasmus+ бағдарламасы аясында Португалиядағы Авейру университетінде тағылымдамадан өтіп, халықаралық ғылыми жобаларды іске асыруға белсенді қатысады.Философия, саясаттану және дінтану институтының Әлеуметтану орталығының жетекшісі, аға ғылыми қызметкері, PhD Шырын Тіленшиева мемлекеттік қолдау ғылыми қызметке жаңа мүмкіндіктер ашатынын атап өтті.<blockquote>«Жеке баспанаға қол жеткізу бұл тек маңызды әлеуметтік қолдау ғана емес, сонымен қатар ғылыми зерттеулерді жалғастырып, отандық ғылымның дамуына үлес қосуға үлкен мотивация береді. Әсіресе пәтерде барлығы дайын екені ерекше қуантады. Пәтер толық жабдықталған, барлық қажетті заттар бар, қосымша ештеңе сатып алудың қажеті жоқ. Бұл бірден жұмысқа және ғылыми қызметке толық көңіл бөлуге мүмкіндік береді», – деді ол.</blockquote>Шырын Мұратқызының ғылыми еңбек өтілі 13 жыл, ол Scopus және Web of Science базаларына енген жарияланымдарды қоса алғанда 9 ғылыми мақаланың авторы, оқу құралының тең авторы және авторлық құқық иегері. Ғалым халықаралық және ұлттық ғылыми жобаларға, соның ішінде «Жас ғалым» бағдарламасы аясында қатысқан. Сонымен қатар ол International Society for Quality-of-Life Studies ұйымының білім беру грантының иегері және 2021-2025 жылдары осы ұйымның мүшесі болды.Президент бастамасымен жүргізіліп отырған жас ғалымдарды қолдау мемлекеттік саясаттың басым бағыттарының бірі болып қала береді және елдің ғылыми әлеуетін тұрақты дамытудың маңызды факторы саналады.

Президент табыстаған пәтерлерге жас ғалымдар қоныстанды

<a href="https://kyzylorda-news.kz/">Kyzylorda-news.kz</a> 2026 жылғы 31 қаңтардан бастап ипотеканы өтеу үшін зейнетақы жинақтарын пайдаланудың жаңа ережелері күшіне енді. <a href="https://fingramota.kz/kk/news/post/ipotekany-zejnetay-zhinatarynan-tejmiz-zhaa-trtip-zhne-sizdi-mmkindikteriiz">Fingramota.kz</a>-пен бірге не өзгергенін, оның кімге қатысты екенін және бұл қарыз алушыларға қаншалықты пайдалы екендігін анықтайық.Зейнетақы жинақтарымен әлі де не істеуге болады?Бірыңғай жинақтаушы зейнетақы қорынан (БЖЗҚ) қаражат тұрғын үй сатып алуға, ипотеканы ішінара немесе толық өтеуге (оның ішінде Отбасы банкінде және басқа да банктерде), жалға берілетін тұрғын үйді сатып алуға, Отбасы банкіндегі депозитті толықтыруға жұмсалуы мүмкін. Бұл жерде бәрі өзгеріссіз қалды.2026 жылдың басты жаңалығыБұрын Отбасы банкіндегі ипотекалық қарызды зейнетақы жинақтарындағы артық ақшаның есебінен ішінара мерзімінен бұрын өтеу кезінде пайыздарды қоса алғанда, ай сайынғы төлемді толығымен жабуға болатын. Егер БЖТ сомасы төлем мөлшерінен асып кетсе, қалған қаражат негізгі қарызды өтеуге жұмсалды.Ендігі жерде Отбасы банкіндегі кредитті зейнетақы жинақтары есебінен өтеу тәртібі өзгерді. Зейнетақы қаражатын тек негізгі қарызды өтеуге &nbsp;бағыттауға болады. Төлем мерзімін өткізіп алудан туындаған пайыздарды, айыппұлдарды, өсімпұлдарды немесе қарыздарды төлеу үшін зейнетақы төлемдерін пайдалануға бұдан бұлай рұқсат етілмейді, бұл сомаларды қарыз алушылар өзі төлеуге мәжбүр болады. Төлем мынадай ретпен жасалады: қарыз алушы алдымен өз ақшасынан пайыздар мен басқа да міндетті төлемдерді төлейді, содан кейін зейнетақы жинақтары тек негізгі қарызды өтеуге жіберіледі.Бұл өзгеріс Отбасы банкінде ресімделген ипотекалық қарызды өтеуге қатысты. Басқа банктердегі ипотекалық қарыздарды өтеу кезінде процесс өзгеріссіз қалды.Бұл іс жүзінде нені білдіреді?Мысал. Тұрғын үй қарызы&nbsp;Зейнетақы қалдықтары — 100 000 теңге. Ай сайынғы төлем — 74 825 теңге, оның ішінде пайыздар — 6 175 теңге, негізгі борыш - 65 699 теңге.Жаңа ережелер күшіне енгенге дейін барлық төлемді зейнетақы жинақтары есебінен өтеуге болады. 2026 жылғы 31 қаңтардан бастап 6 175 теңге пайызды қарыз алушы өз қаражатымен төлейді, 65 699 теңге БЖТ есебінен негізгі борышты өтеуге жіберіледі. Қалған 34 301 теңге қосымша негізгі қарызды азайтады.Кредит мерзімін қысқартқыңыз келе ме?Қысқартуға болады. Банкке өтініш беріп, төлем қабілеттілігін растау қажет. Мынаны түсініңіз: мерзім қысқарған кезде ай сайынғы төлем артады. Банк жаңа сома бюджетіңізге шамадан тыс салмақ салмауын тексереді.Емдеу және салықты жою туралы не білесіз?Зейнетақы қаражатын емдеуге пайдалану мүмкіндігі уақытша тоқтатылды. Бұл алаяқтық схемалардың, қаражатты заңсыз алудың алдын алып үшін жасалды. Қағидаларға өзгерістер енгізілгеннен кейін норма қайта қаралуы мүмкін.Салықтың күшін жою. Зейнетақы жинақтарын тұрғын үйге алған &nbsp;кезде табыс салығын алып тастау қазақстандықтар үшін жақсы жаңалық болып отыр. Енді төлем сомасына 10% салық салынбайды, бұл қарыз алушының шотында көбірек қаражатты сақтайды.Есте сақтаңыз!&nbsp;Зейнетақы жинақтарын пайдалануға өтінім берген кезде өтінімді қарау мерзімдерін ескеру маңызды – бұл қаражаттың нақты қашан келіп түсетініне және өтелуіне байланысты.Егер қаражат ипотекалық қарызды ішінара немесе толық мерзімінен бұрын өтеуге жұмсалса, рәсім екі кезеңнен тұрады:<ul><li style="text-align:justify;">Отбасы банк 2 жұмыс күні ішінде өтінішті тексеріп, оны БЖЗҚ-ға жібереді;</li><li style="text-align:justify;">БЖЗҚ 5 жұмыс күні ішінде өтінішті қарап, қаражатты банкке аударады.</li></ul>Осылайша, жалпы мерзім 7 жұмыс күніне дейін болуы мүмкін.Егер мақсат зейнетақы жинақтарын жақын туыстарға беру болса, өтінімді қарау мерзімі 3 жұмыс күніне дейінгі мерзімді құрайды.Тұрғын үй жағдайларын жақсартуға мақсатты пайдалануды растайтын құжаттарды бекіту – 20 жұмыс күні. Бұл ретте өтінімді қарауға бөлінген мерзім – 10 жұмыс күні.Кешіктірулер мен қаржылық тәуекелдерді болдырмау үшін мәмілені жоспарлау немесе кредитті мерзімінен бұрын өтеу кезінде көрсетілген мерзімдерді алдын ала ескеру қажет. Сонымен бірге өтінімнің аяқталуын және тиісті СМС-хабарламаның түсуін мұқият қадағалаңыз, сондай-ақ өтінімге сіздің ЭЦҚ қойылғанын және құжаттардың дұрыс салынғанын тексеріңіз.<img src="https://knadmin.beoblood.kz/uploads/Ipotekany_r_simdegende_neni_eskeru_kerek_7e4d0cf345.png" alt="Ипотеканы рәсімдегенде нені ескеру керек.png">Фото: fingramota.kz

Ипотеканы зейнетақы жинақтарынан өтейміз: жаңа тәртіп және сіздің мүмкіндіктеріңіз

<a href="https://kyzylorda-news.kz/">Kyzylorda-news.kz</a>&nbsp; «AMANAT» партиясының «Кедергісіз келешек» және «Бақытты отбасы» жобалары нақты нәтижесін көрсетіп отыр. Бұл бастамалар бүгінде жүздеген отбасының тұрмыс сапасын жақсартып, жастардың білім алуына жол ашуда.&nbsp;Соның бір айқын көрінісі – Сыр өңіріндегі аз қамтылған отбасылардан шыққан 30 жастың оқу ақысын төлеуге көрсетілген қолдау. Партияның Жаңақорған аудандық филиалының үйлестіруімен және «Байкен-U» серіктестігінің қолдауымен шамамен 17 млн теңге бөлініп, бүгінде бұл жастар еліміздің түрлі оқу орындарында кедергісіз білім алып жатыр.Бұл – жай ғана сандар емес, азаматтардың ертеңіне сенім сыйлаған нақты көмек. Мәселен, Жайылма ауылының тұрғыны, көпбалалы ана Клара Шәйменова үшін бұл қолдау үлкен мүмкіндікке айналды. Оның айтуынша, қиын кезеңде көрсетілген көмек отбасы үшін маңызды тірек болған.&nbsp;<blockquote>«Әрбір ата-ана баласының білім алғанын қалайды. Қаржылық қиындық туындаған кезде «AMANAT» партиясы тарапынан көрсетілген бұл қолдау бізге үлкен демеу болды. Баламның білім алып жатқанына қуаныштымын. Осындай қамқорлық үшін партияға айтар алғысым шексіз», – дейді ол.</blockquote>Осындай қолдаудың арқасында білімін жалғастырып жүрген жастардың қатарында Нұрдаулет Бижанов та бар. Ол ұсынылған мүмкіндікті тиімді пайдаланып, өз болашағын айқындау жолында нық қадам жасап келеді. Оның сөзінше, бұл қолдау жаңа белеске ұмтылуына ықпал еткен.Өңірде партияның Жаңақорған аудандық филиалы және «Байкен-U» серіктестігімен бірлескен әлеуметтік қолдау бағытындағы игі іс биыл екінші жыл қатарынан жүзеге асырылуда. Бұл – партия мен бизнестің нақты әлеуметтік әріптестігінің нәтижесі.&nbsp;Аудандық филиал төрағасы Арман Мажитов партия жобалары – бір реттік көмек емес, ұзақ мерзімді нәтижеге бағытталған бастама екенін атап өтті.<blockquote>«Біздің басты мақсат – халыққа нақты қолдау көрсету және әрбір азаматтың тұрмысын жақсартуға ықпал ету. Осы бағытта «AMANAT» партиясы түрлі әлеуметтік жобаларды жүзеге асырып келеді. Мұнда біз әлеуметтік жауапкершілігі жоғары бизнес өкілдерімен тығыз байланыста жұмыс істеп келеміз. Жақында партия жанынан Кәсіпкерлер қанаты құрылды. Бұл бизнес қауымдастығымен өзара байланысты одан әрі нығайтып, кәсіпкерлікті қолдауға тың серпін береді. Алдағы уақытта партия мен бизнес арасындағы әріптестік күшейіп, нақты жобалар жалғасын табады. Біз үшін әрбір азаматтың болашағы маңызды, сондықтан кез келген мәселе назардан тыс қалмай, кезең-кезеңімен шешімін табатын болады», – деді ол.</blockquote>Айта кетейік, былтыр аталған жобалар аясында Қызылорда облысында 600-ге жуық &nbsp;іс-шара ұйымдастырылып, 5 мыңнан астам азаматқа түрлі бағытта қолдау көрсетілді. Жоба аясындағы жұмыстар биыл да жалғасын табуда.

Ертеңге сенім сыйлаған қолдау

<a href="https://kyzylorda-news.kz/">Kyzylorda-news.kz</a>&nbsp; Қала әкімі Нұржан Ахатовтың төрағалығымен өткен мәжілісте әріптестері қала әкімінің орынбасары қызметін атқарған Ділмұхамед Абизовты жаңа қызметке шығарып салды. Шаһар басшысы Ділмұхамед Мінуәрбекұлының адал қызметі мен білім-біліктілігін атап өтіп, оған алғыс білдірді.<blockquote>- Ділмұхамед Мінуәрбекұлы қызмет барысында өзі жетекшілік жасайтын салалардың жұмысын жүйелеп, тапсырылған міндеттерді жоғары деңгейде атқарды. Қаланың әлеуметтік-экономикалық, мәдени-рухани дамуына өз үлесін қосты,- деді Нұржан Сәбитұлы.</blockquote>Ділмұхамед Мінуәрбекұлына Қызылорда қаласының ең жоғары марапаты - «Құрмет грамотасы» табысталды. Қала әкімі оның алдағы қызметіне сәттілік тіледі.Сондай-ақ, жиында қалалық тұрғын үй-коммуналдық шаруашылығы, жолаушылар көлігі және автомобиль жолдары бөлімінің басшысы таныстырылды. Бұл лауазымға Әнуәр Айдын Серікұлы тағайындалды.Айдын Серікұлы 1990 жылы Қызылорда облысында дүниеге келген. Білімі жоғары. Қорқыт Ата атындағы Қызылорда мемлекеттік университетін «Құрылыс», Алматы гуманитарлық-экономикалық университетін «Мемлекеттік және аймақтық басқару» мамандықтары бойынша бітірген.Еңбек жолын 2008 жылы «СКА СтройПроект» ЖШС-де техник-жобалаушы болып бастаған. 2011-2020 жылдары аралығында түрлі мекемелерде бас инженер, директор, 2020-2025 жылдары аралығында Қармақшы аудандық құрылыс, сәулет және қала құрылысы бөлімінің басшысы, Қызылорда облысы жұмылдыру дайындығы басқармасының «Жұмылдыру және шұғыл жұмыстар орталығының» басшысы, қалалық құрылыс бөлімінің басшысы, Қармақшы ауданы әкімінің орынбасары қызметтерін атқарған. 2025 жылдың маусым айынан осы кезге дейін қалалық құрылыс бөлімінің басшысы қызметін атқарып келді.<blockquote>– Айдын Серікұлы мемлекеттік қызметте жемісті еңбек етіп, сатылап өскен білікті де, тәжірибелі маман. Тапсырманы тиянақты орындайтын жауапкершілігі мол азамат. Сондықтан әлеуеті жоғары кадр ретінде өз жұмысын кәсіби деңгейде атқарады деп сенемін, – деді қала әкімі.</blockquote>

Жаңа қызметке шығарып салды

<a href="https://kyzylorda-news.kz/">Kyzylorda-news.kz</a>&nbsp; Сырдария аудан әкімі Берік Сәрменбаевтың төрағалығымен мәжіліс өтіп, онда ауданның әлеуметтік-экономикалық даму көрсеткіштері қаралды.<blockquote>– 2026 жылдың қаңтар-наурыз айында ауданның өнеркәсіп орындары қолданыстағы бағамен 25,7 млрд. теңгенің өнімін өндірді, бұл 2025 жылдың осы деңгейіне қарағанда 5,7 есеге ұлғайған. Оның ішінде өңдеу өнеркәсібі 3,5 млрд. теңгені құрап отыр. Ауыл, орман және балық шаруашылығының жалпы өнімі көлемі 2026 жылдың қантар-наурызында 1,7 млрд. теңгені құрап, 2025 жылдың тиісті кезеңімен салыстырғанда 2,6 пайызға артты. Аудан экономикасына 16,8 млрд. теңге негізгі капиталға инвестиция тартылды, бұл өткен жылдың тиісті кезеңімен &nbsp;салыстырғанда 104,2 пайызды құрады. 2026 жылдың қаңтар-наурыз айында 4 969 шаршы метрге тұрғын үй салынып, 2025 жылдың тиісті кезеңімен салыстырғанда 103,6 пайызды құраса, құрылыс жұмыстарының көлемі 2026 жылдың 3 айында 4 793 млн. теңгені құрап, 11,5 пайызға өсті, – деді Берік Әбдіғаппарұлы.</blockquote>Аудан әкімі І тоқсанның қорытындысы бойынша макроэкономикалық көрсеткіштердің толық орындалғанын атап өтіп, алдағы уақытта да межеленген жоспарлардың толық әрі сапалы орындалуын қамтамасыз ету қажеттігін тапсырды.&nbsp;

Макроэкономикалық көрсеткіштердің орындалуы тұрақты бақылауда

<a href="https://kyzylorda-news.kz/">Kyzylorda-news.kz</a> Мемлекет басшысының Жолдауында экономиканы жаңғыртудың негізгі бағыты ретінде цифрландыру мен жасанды интеллект технологияларын енгізу айрықша атап өтілген болатын. Озық технологиялар еліміздің барлық салаларындағы әлеуетті арттыруға жол ашады. Бұл бағытта Сыр өңірінде байыпты бастамалар жүзеге асып келеді. Облыстық қоғамдық даму басқармасы ұйымдастырған баспасөз туры бойынша БАҚ өкілдері «Aksa Energy» және «Абзал және К» компанияларының жұмысымен танысты.Өңірге тартылған ең ірі инвестиция ретінде қазір қуаттылығы 240 МВт және жылу энергиясын өндіру көлемі 277 Гкал болатын жаңа бу-газ қондырғысында (БГҚ) іске қосу-реттеу жұмыстарының белсенді кезеңі жүргізілуде. Түркиялық «Aksa Energy» компаниясының тікелей жеке инвестициясы есебінен жүзеге асып жатқан жоба аймақтың электр және жылу энергиясына деген қажеттілігін толық өтеуге бағытталған.Қазіргі уақытта екі газ турбиналы қондырғы тәулік бойы жұмыс істеп, біртұтас энергия жүйесіне 170 МВт қуат беріп отыр. Ол еліміздің оңтүстік аймағы үшін қосымша генерацияны қамтамасыз етуге жол ашты. Жақын арада тағы бір бу турбинасын пайдалануға беру жоспарланған, бұл станцияны жобалық көрсеткіштерге шығаруға мүмкіндік береді.<blockquote>– Қазіргі уақытта екі газ турбиналық қондырғы тәулік бойы үздіксіз жұмыс істеп, бірыңғай энергия жүйесіне 170 МВт қуат беріп, елдің оңтүстік аймағын қосымша электр энергиясымен қамтамасыз етіп отыр. Бұдан бөлек, қуаты 95 МВт болатын тағы бір қондырғыны іске қосу жоспарлануда. Қазіргі кезде пуско-наладтық жұмыстар жүргізілуде. Сондай-ақ мекемеде 400 адам еңбек етеді, олардың басым бөлігі осы елдің азаматтары. Көне станция мен жаңа орталықтың айырмашылықтарына тоқталар болсақ, қазіргі станция толықтай компьютерлендірілген жүйе арқылы жұмыс істейді, яғни барлық процесті бір компьютердің көмегімен басқаруға болады. Жоба аясында АҚШ, Италия, Чехия және Түркияның озық цифрлық және автоматтандырылған технологиялары енгізіліп, өндірістік процестер толық цифрлық бақылауға алынған, – дейді «AKSA Energy» компаниясы директорының көмекшісі Камал Мададов.</blockquote>Энергетика саласындағы осындай ірі жобалармен қатар, өңірде агроөнеркәсіптік кешен де қарқынды дамып келеді. Оның айқын мысалы – «Абзал и К» компаниясының жаңа күріш өңдеу зауыты.Бұл жоба цифрландыру мен заманауи технологияларды енгізудің нақты нәтижесін көрсетеді. Мемлекет басшысының экономиканы жаңғырту жөніндегі тапсырмасына сәйкес, кәсіпорын толық автоматтандырылған өндіріс жүйесіне көшкен. Соның арқасында өндіріс тиімділігі артып, өнім сапасы жаңа деңгейге көтерілді.Өткен жылы аймақ басшысының бизнес өкілдерімен бірлесіп Қытайға жасаған іссапары нәтижесінде компания қытайлық серіктеспен келіссөздер жүргізіп, құны 1 млрд теңгені құрайтын күріш өңдеу зауытын іске қосты. Нәтижесінде өндірістік қуаттылық 2,5 есеге ұлғайып, күрішті өңдеу барысында пайда болатын қалдық көлемі 3–4 пайызға дейін қысқарды. Зауыт сағатына 12 тонна күріш өңдейді және толық цифрлық басқару жүйесі мен қалдықсыз технологияға негізделген.<img src="https://knadmin.beoblood.kz/uploads/Abzal_i_K_zha_a_zauyt_2_c6b4e359df.jpg" alt="Абзал и К жаңа зауыт 2.jpg">Сонымен қатар, кәсіпорын күн электр станциясы арқылы энергиямен қамтамасыз етіліп, «Green Rice Complex» жобасын іске асыруда. Заманауи зертхана күріш сапасын 60 секунд ішінде автоматты түрде анықтап, ақаулы және сынған дәндерді дәл айқындайды.– Серіктестік өз өнімдерін экспортқа және еліміздің өзге өңірлеріне шығарады. Олардың тарапынан түскен сұранысқа сай жұмыс істейміз. Мәселен, тұтынушылар «Янтарь» және «Лидер» сорттарына қызығушылық танытады. Сондай-ақ біз қазір өнімдерді күнбағыс майымен өңдеуге мән беріп отырмыз. Бұл палау тағамын дайындағанда шашыраңқы болып пісуіне септігін тигізді. Өндіріс орны заманауи талаптарға толықтай сай келеді. Мамандар автоматтандырылған жүйемен жұмыс істейді. Сондай-ақ компания жаңа сорттарды тәжірибеден өткізіп жатыр, – деді серіктестіктің сауда және логистика жөніндегі орынбасары Айгүл Қосмұратова. &nbsp;Жалпы, «Абзал и К» компаниясының жаңа өндірістік жобасы – цифрландыру мен инновациялық технологияларды тиімді енгізудің жарқын үлгісі. Бұл өз кезегінде отандық өңдеу өнеркәсібінің бәсекеге қабілеттілігін арттырып, экспорттық әлеуетін күшейтуге оң ықпал ететіні сөзсіз.<div class="raw-html-embed"><blockquote class="instagram-media" data-instgrm-captioned="" data-instgrm-permalink="https://www.instagram.com/reel/DXHDSQJjcW0/?utm_source=ig_embed&amp;utm_campaign=loading" data-instgrm-version="14" style=" background:#FFF; border:0; border-radius:3px; box-shadow:0 0 1px 0 rgba(0,0,0,0.5),0 1px 10px 0 rgba(0,0,0,0.15); margin: 1px; max-width:540px; min-width:326px; padding:0; width:99.375%; width:-webkit-calc(100% - 2px); width:calc(100% - 2px);"><div style="padding:16px;"> <a href="https://www.instagram.com/reel/DXHDSQJjcW0/?utm_source=ig_embed&amp;utm_campaign=loading" style=" background:#FFFFFF; line-height:0; padding:0 0; text-align:center; text-decoration:none; width:100%;" target="_blank"> <div style=" display: flex; flex-direction: row; align-items: center;"> <div style="background-color: #F4F4F4; border-radius: 50%; flex-grow: 0; height: 40px; margin-right: 14px; width: 40px;"></div> <div style="display: flex; flex-direction: column; flex-grow: 1; justify-content: center;"> <div style=" background-color: #F4F4F4; border-radius: 4px; flex-grow: 0; height: 14px; margin-bottom: 6px; width: 100px;"></div> <div style=" background-color: #F4F4F4; border-radius: 4px; flex-grow: 0; height: 14px; width: 60px;"></div></div></div><div style="padding: 19% 0;"></div> <div style="display:block; height:50px; margin:0 auto 12px; width:50px;"><svg width="50px" height="50px" viewBox="0 0 60 60" version="1.1" xmlns="https://www.w3.org/2000/svg" xmlns:xlink="https://www.w3.org/1999/xlink"><g stroke="none" stroke-width="1" fill="none" fill-rule="evenodd"><g transform="translate(-511.000000, -20.000000)" fill="#000000"><g><path d="M556.869,30.41 C554.814,30.41 553.148,32.076 553.148,34.131 C553.148,36.186 554.814,37.852 556.869,37.852 C558.924,37.852 560.59,36.186 560.59,34.131 C560.59,32.076 558.924,30.41 556.869,30.41 M541,60.657 C535.114,60.657 530.342,55.887 530.342,50 C530.342,44.114 535.114,39.342 541,39.342 C546.887,39.342 551.658,44.114 551.658,50 C551.658,55.887 546.887,60.657 541,60.657 M541,33.886 C532.1,33.886 524.886,41.1 524.886,50 C524.886,58.899 532.1,66.113 541,66.113 C549.9,66.113 557.115,58.899 557.115,50 C557.115,41.1 549.9,33.886 541,33.886 M565.378,62.101 C565.244,65.022 564.756,66.606 564.346,67.663 C563.803,69.06 563.154,70.057 562.106,71.106 C561.058,72.155 560.06,72.803 558.662,73.347 C557.607,73.757 556.021,74.244 553.102,74.378 C549.944,74.521 548.997,74.552 541,74.552 C533.003,74.552 532.056,74.521 528.898,74.378 C525.979,74.244 524.393,73.757 523.338,73.347 C521.94,72.803 520.942,72.155 519.894,71.106 C518.846,70.057 518.197,69.06 517.654,67.663 C517.244,66.606 516.755,65.022 516.623,62.101 C516.479,58.943 516.448,57.996 516.448,50 C516.448,42.003 516.479,41.056 516.623,37.899 C516.755,34.978 517.244,33.391 517.654,32.338 C518.197,30.938 518.846,29.942 519.894,28.894 C520.942,27.846 521.94,27.196 523.338,26.654 C524.393,26.244 525.979,25.756 528.898,25.623 C532.057,25.479 533.004,25.448 541,25.448 C548.997,25.448 549.943,25.479 553.102,25.623 C556.021,25.756 557.607,26.244 558.662,26.654 C560.06,27.196 561.058,27.846 562.106,28.894 C563.154,29.942 563.803,30.938 564.346,32.338 C564.756,33.391 565.244,34.978 565.378,37.899 C565.522,41.056 565.552,42.003 565.552,50 C565.552,57.996 565.522,58.943 565.378,62.101 M570.82,37.631 C570.674,34.438 570.167,32.258 569.425,30.349 C568.659,28.377 567.633,26.702 565.965,25.035 C564.297,23.368 562.623,22.342 560.652,21.575 C558.743,20.834 556.562,20.326 553.369,20.18 C550.169,20.033 549.148,20 541,20 C532.853,20 531.831,20.033 528.631,20.18 C525.438,20.326 523.257,20.834 521.349,21.575 C519.376,22.342 517.703,23.368 516.035,25.035 C514.368,26.702 513.342,28.377 512.574,30.349 C511.834,32.258 511.326,34.438 511.181,37.631 C511.035,40.831 511,41.851 511,50 C511,58.147 511.035,59.17 511.181,62.369 C511.326,65.562 511.834,67.743 512.574,69.651 C513.342,71.625 514.368,73.296 516.035,74.965 C517.703,76.634 519.376,77.658 521.349,78.425 C523.257,79.167 525.438,79.673 528.631,79.82 C531.831,79.965 532.853,80.001 541,80.001 C549.148,80.001 550.169,79.965 553.369,79.82 C556.562,79.673 558.743,79.167 560.652,78.425 C562.623,77.658 564.297,76.634 565.965,74.965 C567.633,73.296 568.659,71.625 569.425,69.651 C570.167,67.743 570.674,65.562 570.82,62.369 C570.966,59.17 571,58.147 571,50 C571,41.851 570.966,40.831 570.82,37.631"></path></g></g></g></svg></div><div style="padding-top: 8px;"> <div style=" color:#3897f0; font-family:Arial,sans-serif; font-size:14px; font-style:normal; font-weight:550; line-height:18px;">Посмотреть эту публикацию в Instagram</div></div><div style="padding: 12.5% 0;"></div> <div style="display: flex; flex-direction: row; margin-bottom: 14px; align-items: center;"><div> <div style="background-color: #F4F4F4; border-radius: 50%; height: 12.5px; width: 12.5px; transform: translateX(0px) translateY(7px);"></div> <div style="background-color: #F4F4F4; height: 12.5px; transform: rotate(-45deg) translateX(3px) translateY(1px); width: 12.5px; flex-grow: 0; margin-right: 14px; margin-left: 2px;"></div> <div style="background-color: #F4F4F4; border-radius: 50%; height: 12.5px; width: 12.5px; transform: translateX(9px) translateY(-18px);"></div></div><div style="margin-left: 8px;"> <div style=" background-color: #F4F4F4; border-radius: 50%; flex-grow: 0; height: 20px; width: 20px;"></div> <div style=" width: 0; height: 0; border-top: 2px solid transparent; border-left: 6px solid #f4f4f4; border-bottom: 2px solid transparent; transform: translateX(16px) translateY(-4px) rotate(30deg)"></div></div><div style="margin-left: auto;"> <div style=" width: 0px; border-top: 8px solid #F4F4F4; border-right: 8px solid transparent; transform: translateY(16px);"></div> <div style=" background-color: #F4F4F4; flex-grow: 0; height: 12px; width: 16px; transform: translateY(-4px);"></div> <div style=" width: 0; height: 0; border-top: 8px solid #F4F4F4; border-left: 8px solid transparent; transform: translateY(-4px) translateX(8px);"></div></div></div> <div style="display: flex; flex-direction: column; flex-grow: 1; justify-content: center; margin-bottom: 24px;"> <div style=" background-color: #F4F4F4; border-radius: 4px; flex-grow: 0; height: 14px; margin-bottom: 6px; width: 224px;"></div> <div style=" background-color: #F4F4F4; border-radius: 4px; flex-grow: 0; height: 14px; width: 144px;"></div></div></a><p style=" color:#c9c8cd; font-family:Arial,sans-serif; font-size:14px; line-height:17px; margin-bottom:0; margin-top:8px; overflow:hidden; padding:8px 0 7px; text-align:center; text-overflow:ellipsis; white-space:nowrap;"><a href="https://www.instagram.com/reel/DXHDSQJjcW0/?utm_source=ig_embed&amp;utm_campaign=loading" style=" color:#c9c8cd; font-family:Arial,sans-serif; font-size:14px; font-style:normal; font-weight:normal; line-height:17px; text-decoration:none;" target="_blank">Публикация от QYZYLORDANEWS (@qyzylordanews)</a></div></blockquote>
<script async="" src="//www.instagram.com/embed.js"></script></div>

«Абзал и К» компаниясы жаңа күріш өңдеу зауытын іске қосты

<a href="https://kyzylorda-news.kz/">Kyzylorda-news.kz</a> Облыс әкімінің орынбасары Ардақ Зебешов сауда базарларын жаңғырту жұмыстарының барысымен танысты.Жол картасы аясында өңірде 4 нысан кезең-кезеңімен жаңғыртылуда. Қазіргі таңда олардың бірі – «Сұлтан-2» базары толықтай жаңғыртылып, техникалық режимде пайдалануға берілді. Ал қалған 3 базарда құрылыс жұмыстары белгіленген талаптарға сәйкес жүргізілуде.Жаңғырту жұмыстары сауда орындарының инфрақұрылымын жақсартуға, кәсіпкерлерге қолайлы жағдай жасауға және халыққа көрсетілетін қызмет сапасын арттыруға бағытталған.&nbsp;Сонымен қатар, базарларды заманауи талаптарға сәйкестендіру, санитарлық және қауіпсіздік нормаларын күшейту, сауда процесін жүйелеу мәселелері де басты назарда.<img src="https://knadmin.beoblood.kz/uploads/Sauda_bazarlary_zha_a_format_2_acffae3338.jpg" alt="Сауда базарлары жаңа формат 2.jpg">

Сауда базарлары заманауи форматқа көшуде

<a href="https://kyzylorda-news.kz/">Kyzylorda-news.kz</a> Қазалы ауданының әкімі Алмасбек Есмахановтың төрағалығымен өткен мәжілісте ауданның әлеуметтік-экономикалық дамуы, бюджетті игеру, өрт қауіпсіздігі және көктемгі мерзімді әскерге шақыру науқаны сынды өзекті мәселелер қаралып, тиісті сала басшыларына нақты тапсырмалар жүктелді.Жиында алдымен 2026 жылдың қаңтар-наурыз айының қорытындысы сараланып, бірқатар салада өсім бар екені атап өтілді. Атап айтқанда, өнеркәсіп өнімінің көлемі 121,0 пайызды құрап, 8,2 млрд теңгеге жеткен. Өңдеуші өнеркәсіп 124,5 пайызға, ауыл шаруашылығы 103,5 пайызға, инвестициялар көлемі 103,9 пайызға орындалған. Құрылыс жұмыстарының көлемі 189,0 пайызға дейін артып, пайдалануға берілген тұрғын үйлер көлемі 12 485 шаршы метрді құраған.Аудан басшысы кәсіпкерлік саласы бойынша бірқатар көрсеткіштердің төмен екендігін айтты. Бүгінде ауданда тіркелген шағын және орта бизнес субъектілерінің саны 5120-ны құрап, өткен жылмен салыстырғанда 261 бірлікке азайған. Ал жұмыс істеп тұрған нысандар саны 5007-ге дейін төмендеген. Бұған байланысты тиісті бөлім басшысына төмендеген көрсеткіштерді көтеру үшін тиісті шара қабылдау жөнінде қатаң тапсырма берді.Ал аудандық экономика және қаржы бөлімі мен аудандық статистика басқармасына тиісті бөлімдермен бірлесіп, макроэкономикалық көрсеткіштердің орындалуына апта сайын талдау жасап, орындалмау қаупі бар көрсеткіштерді көтеру бағытында тиісті шаралар қабылдауды жүктеді.Жиында аудан әкімі өрт қауіпсіздігі мәселесіне де тоқталды. Биыл дала және орман өрттері тіркелмегенімен, техникалардың дайындығы, су көздерінің қолжетімділігі және алдын алу шараларын күшейту қажеттігі тапсырылды. Кейбір ауылдық округтерде өрт сөндіру техникалары пайдаланылмай тұрғанын сынға алып, бұл мәселені сәуір айының соңына дейін шешу міндеттеді.Мәжілісте көктемгі әскерге шақыру науқанының барысы да қаралды. Көктемгі мерзімді әскерге шақыру науқанында ауданға 93 азаматты әскерге жөнелту жоспарланса, бүгінгі күні небәрі 9 азамат шақырылған. Бұған байланысты аудан басшысы ауылдық округтерде көрсеткіштердің орындалмауына байланысты әкімдерге нақты мерзім беріп, салаға жауапты орынбасарына берілген тапсырманы орындауды үйлестіруді тапсырды. Сонымен бірге, міндетті әлеуметтік медициналық сақтандыру жүйесіне қатысу деңгейі де қаралып, ауданда 8719 адамның сақтандырылмағаны белгілі болды. Бұл бағыттағы жұмыстарды да жандандыруды ескертті.Мәжіліс соңында аудан орталығы Әйтеке би кенті мен ауылдық округтердің &nbsp;санитарлық тазалық мәселесіде көтерілді. Аудан әкімі тазалық мәселесіне қатысты кемшіліктерді атап көрсетіп, жауаптыларға анықталған кемшіліктерді 3 күн ішінде шұғыл жоюды тапсырды.Жиын қорытындысында аудан әкімі барлық жауапты сала басшылары мен әкімдерге берілген тапсырмалардың сапалы әрі уақытылы орындалуы қатаң бақылауда болатынын ескертті.

Қазалы: Өзекті мәселелер жөнінде сала басшыларына тапсырма берді

<a href="https://kyzylorda-news.kz/">Kyzylorda-news.k</a> ҚР Премьер-министрі Олжас Бектеновтің төрағалығымен өткен Үкімет отырысында 2026 жылғы қаңтар-наурыз айларындағы әлеуметтік-экономикалық даму қорытындысы мен республикалық бюджеттің атқарылу барысы қаралды.Премьер-министр Қызылорда, Түркістан, Жамбыл, Алматы, Павлодар және Батыс Қазақстан облыстары, сондай-ақ Астана мен Алматы қалаларының барлық негізгі макроэкономикалық көрсеткіштеріндегі өсімді айрықша атап өтті. Үкімет отырысына облыс әкімінің бірінші орынбасары Данияр Жаналинов селекторлық режим арқылы қатысты. Одан кейін өткен мәжілісте көтерілген мәселелер жан-жақты талқыланды.<blockquote>«Жауапты басқармаларға қала және аудан әкімдіктерімен бірлесіп, макрокөрсеткіштердің өсім динамикасының тұрақты сақталуы үшін жұмысты жүйелі ұйымдастыруды тапсырамын. Бүгінде көктемгі дала жұмыстары қарқынды жүруде. Сондықтан қала, аудан әкімдері осы науқанда атқарылған жұмыстар есебінің статистика органдарына толығымен ұсынылуын, мәліметтердің дәлдігін қамтамасыз етуі тиіс», – деді Данияр Еренғалиұлы.</blockquote>Бұдан бөлек, облыс әкімінің бірінші орынбасары ай сайынғы қаржыландырудың жиынтық жоспарын 100 пайыз игеруді тапсырды. Мамырдың 1-не дейін конкурстық рәсімдерді толық аяқтап, келісімшарттарды қазынашылық органдарына мерзімінде тіркеу керектігін атап өтті.Биыл өңірге 789,2 млрд теңге инвестиция тарту жоспарланған, өткен үш айда көрсеткіш 142,1 млрд теңге болды. Оның 106,1 млрд теңгесі– жеке инвестициялар. Жыл соңына дейін 100 млрд теңгеге 21 жоба іске қосылады.2026-2029 жылдары 2 трлн теңгеге жуық қаржыға 48 жоба жүзеге асырылып, 11 мыңға жуық жұмыс орны ашылады. Агроөнеркәсіп саласында 185,8 мың гектарға егін егу жоспарланған, оның 70 мың гектары – күріш.Су үнемдеу технологияларына алдағы үш жылда 34 млрд теңгеден астам қаржы бөлінеді. Сонымен қатар, 40 млрд теңгеге крахмал-сірне зауыты, 68 млрд теңгеге техникалық дақылдар өсіру және 134,5 млрд теңгеге жылыжай кешені жобалары жүзеге асырылуда.Өңір 100% ауыз сумен қамтылған. Жыл соңына дейін газдандыру 85%-ға, жақсы жолдар үлесі 95,2%-ға жеткізіледі. Биыл тұрғын үй құрылысына бюджеттен 55,6 млрд. теңге бөлінді. Қаржыландырудың барлық көзінен 950 мың шаршы метр тұрғын үй табысталады.

Қазақстан және Қызылорда облысының жаңалықтары