<a href="https://kyzylorda-news.kz/">Kyzylorda-news.kz</a> Сырдария ауданы әкімі Берік Сәрменбаевтың қатысуымен Бесарық ауылында дзюдодан 2011-2012 жылы туылған жасөспірімдер арасында «Абай - Дәулет» жүлдесіне арналған республикалық турнирдің ашылу салтанаты өтті. Іс-шараға Қызылорда облысы бойынша дзюдо федерациясының төрағасы Садық Мұстафаев, «Абай-Дәулет» ЖШС директоры Мұрат Сәрсенбаев, “АМАНАТ” партиясы аудандық филиалының атқарушы хатшысы Ақтөре Ибрагимұлы және ауыл тұрғындары қатысты.<blockquote>-Мемлекет басшысы Қасым-Жомарт Кемелұлы Тоқаев спорт саласын жетілдіруге ерекше басымдық беріп келеді. Соның нәтижесінде, аймағымызда бұқаралық спортты дамыту мен жоғары деңгейдегі спортшыларды даярлауға көп көңіл бөлінуде. Облыста аймақ басшысы Нұрлыбек Машбекұлы Нәлібаевтың қолдауымен жаңадан спорттық нысандар бой көтеруде. Облыс орталығында 11 мың орындық «Қайсар арена» стадионы салынды. Заманауи талаптарға сай жаңа нысан тек спорттық іс-шаралар ғана емес, сондай-ақ, мәдени-көпішілік шаралар мен гала-концерттер өткізуге өте қолайлы орын. Соңғы үш жылда облыста 20-дан аса спорт кешені салынып, тұрғындар игілігіне берілді. Бұл бағыттағы жұмыстар ауданда да жалғасын табуда. Бесарық ауылында жаңа спорттық кешен ел игілігіне пайдалануға берілді. Спорттың бұқаралық сипатының дамуына ел азаматтары өз үлестерін қосуда. Олардың қатарында «Абай-Дәулет» серіктестігі жыл сайын жасөспірімдер арасында дзюдодан республикалық турнир ұйымдастыруды дәстүрге айналдырған. Бұл – жастарға деген зор қолдау. Спорттық іс-шараны ұйымдастырып жатқан Мұрат Абайұлына шынайы алғысымды білдіремін, — деді Берік Әбдіғаппарұлы.</blockquote>Спорттық іс-шарада Қызылорда облысы бойынша төрағасы, Қызылорда облысының дзюдо федерациясы президенті, дзюдодан, қазақ күресінен және ауыр атлетикадан ҚР еңбек сіңірген жаттықтырушысы Садық Шоңмұрынұлы және «Абай - Дәулет» ЖШС директоры Мұрат Сәрсенбаев құттықтау сөз сөйлеп, жарысқа қатысушыларға сәттілік тіледі.Сондай-ақ, іс-шара барысында Садық Мұстафаев Мұрат Сәрсенбаевқа республикалық дзюдо федерациясының «Дзюдо тарланы» медалі мен облыстық федерацияның «Алғыс хаты» табыстады.Биыл сегізінші мәрте ұйымдастырылып отырған турнирге еліміздің 7 облысы мен 1 қаласынан 350-ге жуық спортшы қатысуда.Жарыс қорытындысы бойынша спортшылар «Абай-Дәулет» серіктестігі атынан арнайы дипломдармен және қаржылай сыйлықтармен марапатталды.Фото: Сырдария ауданы әкімінің баспасөз қызметі

«Абай-Дәулет» жүлдесіне арналған республикалық турнир өтті

<a href="https://kyzylorda-news.kz/">Kyzylorda-news.kz</a> 2024 жылғы 1 қаңтардан бастап Қазақстанда міндетті автосақтандыру бойынша төлемді ресімдеудің жеңілдетілген рәсімі — Еурохаттама енгізілді. Яғни, өтініш жол полициясын шақырмай және сотқа жүгінбей, ЖКО орнында тікелей сақтандыру ұйымына жіберіледі.Еурохаттама қалай жұмыс істейді, Fingramota.kz-пен бірге қарастырайық.Еурохаттама ресімдеу шарттарыЕурохаттаманы рәсімдеу үшін бірнеше міндетті шарттарды сақтау маңызды. Біріншіден, жол-көлік оқиғасына тек екі көлік қатысуы керек және екі жүргізушінің де жарамды сақтандыру полистері болуы керек.Екіншіден, келтірілген шығын мөлшері&nbsp;100 АЕК-тен аспауы тиіс&nbsp; (2026 жылы 1 АЕК 4 325 теңгені құрайды), болмаса, уәкілетті органдар арқылы ресімдеу қажет болады.Үшіншіден, ЖКО қатысушылары арасында жол апаты мен кінәлілік мән-жайларына қатысты келіспеушіліктер болмауға тиіс, тараптар өзара келісімге келуге тиіс.Соңғысы, оқиға салдарынан адамдардың денсаулығына немесе үшінші тұлғалардың мүлкіне зиян келтірілмеуі керек. Егер ЖКО-да жаяу жүргіншілерге, жолаушыларға немесе басқа көлікке зақым келтірілсе, Еурохаттаманы рәсімдеу мүмкін болмайды.Сақтандыру компанияңызда Еурохаттама бойынша өтініш беру мүмкіндігі бар-жоғын алдын-ала нақтылау маңызды. Төлемдерге келетін болсақ, олар Еурохаттама бойынша әлдеқайда жылдамырақ – орташа есеппен 3-15 жұмыс күні аралығында, ал стандартты рәсім шамамен 90 күнді құрауы мүмкін.Еурохаттама қалай ресімделедіЕурохаттама сақтандыру ұйымдарының мобильді қосымшалары немесе интернет-сервистері арқылы онлайн ресімделеді, мысалы, https://dtp.kz сервисінде. Сонымен бірге Сақтандыру төлемдеріне кепілдік беру қоры әзірлеген бірыңғай «Еурохаттама» қосымшасы бар. Маңызды сәт: алаяқтарға түсіп қалмас үшін, Еурохаттамаға арналған қосымшаларды тек ресми дүкендер – Play Market және App Store-дан жүктеп алыңыз.Сіз телефоныңызға қосымшаны жүктеп аласыз да, тіркеуден өтіп, барлық қажетті құжаттарды толтырасыз, құжаттарды қоса бересіз де оларды мобильді қосымша арқылы сақтандыру компаниясына жібересіз. Деректер сәтті түрде жіберілген жағдайда сізге Сақтандырудың бірыңғай дерекқорынан (СБДҚ) SMS келеді. Хабарды алғаннан кейін жан-жаққа тарауға болады: полицияны күтудің немесе арнайы бір жерге барудың қажеті жоқ, барлығы бір орында ресімделеді және жіберіледі. &nbsp;Бұл ретте, егер сіз келтірілген шығын 100 АЕК-тен асатынына сенімді болсаңыз, әдеттегі сценарий бойынша – жол полициясының қатысуымен әрекет еткен абзалырақ. Сыртқы зақымдар маңызсыз болып көрсетілуі және лимиттен аспауы мүмкін, алайда автомобильде жасырын ақаулар болуы ықтимал. Сол себепті, күмәнданған жағдайда ЖКО-ны ресімдеудің әдеттегі тәсілін қолданған неғұрлым қауіпсіз. &nbsp;Сонымен қатар, егер сіз қандай да бір сақтандыру компаниясының анықтаған шығын сомасымен келіспейтін болсаңыз, сақтандыру омбудсманына жүгіне аласыз. Ол дауды сотсыз реттеуге жәрдемдесіп, мұндай жолданымдарды әдетте екі айға дейінгі мерзім ішінде тегін қарайды. &nbsp;Мұндағы бір ескеретін жайт: омбудсманның шешімі сақтандыру компаниясы үшін міндетті болып табылады, алайда өтініш беруші үшін ол міндетті сипатта емес. Егер сіз шығарылған шешіммен келіспейтін болсаңыз, сіздің сотқа жүгіну және өз мүдделеріңізді сот тәртібімен қорғау құқығыңыз сақталады. &nbsp;Тағы нені білген маңыздыЖиі қойылатын сұрақтардың бірі: ЖКО-ға қатысушылардың бірінде сақтандыру полисі болмаған жағдайда не істеу керек? Мұндай жағдайда Еурохаттама ресімдеуге болмайды, себебі екі жүргізушінің де қолданыстағы полистерінің болуы міндетті шарттардың бірі болып табылады. Стандартты ресімдеу кезінде сақтандыру полисі жол апатына кінәлі жүргізушіде болуға тиіс, ал ол болмаған жағдайда мәселе азаматтық-құқықтық тәртіппен шешіледі. &nbsp;Сонымен бірге мынаны есте сақтаған маңызды: Еурохаттама ресімдеген жағдайда ЖКО орнынан өтініштің қабылданғаны туралы SMS-растауды алғаннан кейін ғана кетуге болады. Осы уақытқа дейін қатысушыларға кетуге болмайды, олай болмаған жағдайда рәсім жарамсыз деп танылады.&nbsp;&nbsp;<img src="https://knadmin.beoblood.kz/uploads/infographics_12_11_2026_04_17_T114455_788_cf302198e8.png" alt="infographics 12.11 - 2026-04-17T114455.788.png">Жалпы, Еурохаттама – бұл аздаған шығыны бар шағын ЖКО-ны реттеудің ыңғайлы және жылдам тәсілі. Алайда қандай да бір күдік болған жағдайда, ықтимал тәуекелдерді болдырмау үшін стандартты рәсімді қолданған жөн.&nbsp;Өзіңізге, жақындарыңызға қамқор болыңыз және қаржылық сауаттылығыңызды Fingramota.kz-пен бірге арттырыңыз!Фото: fingramota.kz

Еурохаттама: шығынды өтеудің жеңілдетілген процесі 

<a href="https://kyzylorda-news.kz/">Kyzylorda-news.kz</a> Бүгінгі күні екі адамның бірі алаяқтардың іс-әрекетінен зардап шегіп жатыр. Мұндай жағдайда адам қаскүнемдердің торына түсіп қалғанын бірден түсіне бермейді.Егер де сіз жақын адамыңыз олардың әсеріне түсіп қалғанын байқасаңыз, асқан сақтықпен қимылдаңыз. Бұл жерде тек жалаң фактілер ғана емес, сондай-ақ сенім, эмоция және дұрыс ден қоя білу маңызды.Алаяқтар адамдарды қалайша тартадыСхемалардың барлығы дерлік үш негізгі элементке негізделген: эмоциялар, жеделдік және сенім. Бұл іс жүзінде қалай болатынын талдайық.1-сценарий. «Сіз өз ақшаңызды қорғап қаласыз»Айнұрға күндіз бейтаныс нөмірден қоңырау шалынды. Ер адам өзін банктің қауіпсіздік қызметкері ретінде таныстырды, ол аты-жөнін атап, сабырлы дауыспен: «Біз ақшаны шығару әрекетін тіркедік. Қазір белгісіз біреу Сізге кредит ресімдемекші болып жатыр». Әрине, Айнұр сасқалақтап, қорқып қалады. Бұдан әрі әңгіме алдын ала ойластырылған сценарий бойынша өрбиді. Оған жағдай күттірмейтінін, «ақпарат қолды болмауы» үшін ол жөнінде ешкімге айтпау керектігін айтып, «ақшаны уақытша қорғалған шотқа аударуды» ұсынады.Күмән туындаған кезде оған мәліметтер қосылады: «өтінім нөмірі», «қызметтік деректер», «құжаттар». Кейде жалған куәліктер мен хаттар жіберіледі. Бұл сәтте адамда оны алдап жатқан сияқты &nbsp;сезім болмайды, &nbsp;керісінше, ол өз ақшасын құтқарып жатқандай болады. Дәл осы себепке байланысты &nbsp;азаматтардың өздері аударым жасайды.2 -сценарий. «Шынайы болып көрінетін инвестициялар»Азамат тұрақты табыс әкелетін уәдемен жарнаманы көріп, өтінім қалдырады. Онымен сабырлы, сауатты, қысым көрсетпейтін «талдаушы» байланысқа шығады. Ол ақшаны бірден талап етпейді. Керісінше, ол түсіндіреді, графиктерді көрсетеді және сұрақтарға жауап береді. Содан кейін ғана барып ол аз мөлшердегі сомадан бастауды ұсынады. Азамат ақша аударады және бірнеше күннен кейін жеке кабинетте «пайданы» көреді. Тіпті оған қаражаттың бір бөлігін алуға рұқсат етіледі.Осы тұс - &nbsp;маңызды сәт, яғни сенім қалыптасады. Келесі ұсыныс: «жақсы &nbsp;ақша табу үшін салымды да көбейту керек». Азамат салатын ақшаны көбейтеді, кредит алады және қомақты сома аударады. &nbsp;Осыдан кейін байланыс біртіндеп жоғалады, ақшаға қол жетімділік те жоғалады. Алайда, психологиялық тұрғыдан ол бұны алдау емес, уақытша қиындықтар деп сенуі мүмкін.3-cценарий. «Енді жақын таныспын деген адамның өзі алаяқ болуы мүмкін» &nbsp;Зарина интернет арқылы бейтаныс адаммен танысады. Ол бәріне көңіл аудара білетін жан болып көрінді, оған күн сайын жазып, өміріне қызығушылық танытып, қолдау көрсетіп отырды. Байланыс бірнеше аптаға, тіпті бірнеше айға созылады. Сенім мен эмоционалды байланыс қалыптасады. Біраз уақыттан кейін: «шетелде қалып қойдым», «құжаттарға төлем жасай алмай жатырмын, «шұғыл көмек қажет» деген сияқты өзінің басына туған проблема туралы айта бастайды. Ол қысым жасап, ақша сұрамайды, алайда: «Маған сұрауға ыңғайсыз болып тұрғаны, бірақ қазіргі таңда жалғыз жақын адамым сен ғана» деп әңгімесін бастайды.Бұл сәтте Зарина қаржылық операция жасаймын деп тіпті де ойламайды. Бұл өзі сенетін адамға көмек қолын созу деп түсінеді. Сондықтан да ол ойланбастан ақша аударады.Жақын адамыңыздың алаяқтардың арбауына түскенін қалай түсінуге боладыКез келген алаяқтық схема, ең алдымен, психологиялық қысым болып табылады. Адам не болып жатқанын сыни тұрғыдан бағалауды тоқтататын күйге әдейі енгізіледі.Сіздің досыңыз немесе туысыңыз алаяқтармен қарым-қатынас жасайтынын мынадай айқын көрінетін белгілер арқылы түсінуге болады:адам мінез-құлқын күрт өзгертеді, жоспарлары өзгеріп кетеді, қол жетімсіз болады немесе кідірістермен байланысқа шығады;көбінесе «жұмысым бар» деп, қайда &nbsp;баратынын айтпай кете барады, банктерге немесе банкоматтарға кейде стандартты емес уақытта барады;жаңа шоттар ашады, қосымшалар орнатады, бірақ ақша туралы сөйлесуден аулақ болады;тұйық, ашуланшақ&nbsp;немесе тіпті агрессивті болады;ұзақ уақыт бойы телефонмен сөйлесіп, &nbsp; жеке қалуға тырысады;әңгіме барысында&nbsp;ақша,&nbsp;аударым, инвестиция&nbsp;тақырыптары жиі айтылады;күтпеген жерден үлкен сомада қарыз сұрауы&nbsp;немесе қаржылық операциялар туралы ерекше сұрақтар қоюы мүмкін.Осы белгілердің тіпті бірі болса да абайлаңыз. Бұл жерде мәселе тек ақшаға келіп тірелмейді, сондай-ақ мұндай жағдайдаға тап болған адам қатты күйзеліске ұшырауы, үмітін жоғалтуы және қауіпті шешімдер қабылдауы мүмкін.Қалай көмектескен жөнБасты қателік - қысым көрсету, сынға алу немесе айыптау. «Қалай сенуге болады?» деген айыптау сөздері жағдайды нашарлатып, ол адамға көмек қолын созғанның орнына оны өзіңізден алыстатуға әкеледі.Басқаша әрекет ету маңызды.Эмоционалдық шиеленісті төмендетуге тырысыңыз: алдау, назарды аудару, алаяқтармен қарым-қатынаста үзіліске қол жеткізу. &nbsp;Сұрақты ақырын қойыңыз: кім қоңырау шалады, не сұрайды, қандай әрекеттер жасалды.Алаяқтықты көрсететін белгілерді мұқият тыңдап, сабырмен түсіндіріңіз.Ақпаратты бірге тексеруді ұсыныңыз, мысалы, банкке ресми нөмір бойынша қоңырау шалыңыз.Кейде адамға не болып жатқанын қабылдау үшін уақыт керек. Ол алдымен тыңдаудан бас тартса да, оны жалғыз қалдырмау маңызды.Егер ақша аударылған болса не істеу керекМұндай жағдайда қолдау ерекше маңызды. Алаяқтардың құрбандары көбінесе кінә мен ұят сезімін сезінеді.Не істеу керек:сабырлы болыңыз және адамды айыптамаңыз;барлық дәлелдемелерді жазыңыз: хат алмасу, нөмірлер, чектер, үзінділер;дереу банкпен байланысыңыз және картаны бұғаттаңыз;аударымды тоқтату үшін алушының банкіне хабарласыңыз;кредит бар болса - құжаттарды сұраңыз және тексеруді бастаңыз;құқық қорғау органдарына өтініш беріңіз (102 немесе qamqor.gov.kz арқылы).Неғұрлым тезірек әрекет етсеңіз, салдарын азайту мүмкіндігі соғұрлым жоғары болады. Естеріңізде болсын, алаяқтық - бұл тек «сенімділік» немесе «елемеушілік» туралы ғана емес, психологияға, эмоцияға және сенімге негізделген күрделі сценарийлер. Тіпті қаржылық сауатты адам да осындай жағдайға тап болуы мүмкін.Сондықтан ең бастысы - жақындарыңыздың мінез-құлқындағы өзгерістерді дер кезінде байқап, дұрыс араласу. Кейде сіздің зейініңіз қаржылық шығындардың алдын алады.<img src="https://knadmin.beoblood.kz/uploads/infographics_12_11_2026_03_30_T154125_706_dcdd718549.png" alt="Фото: fingramota.kz">Өзіңізге, жақындарыңызға қамқорлық жасаңыз және Fingramota.kz-пен бірге қаржылық сауаттылықты арттырыңыз!Фото: fingramota.kz

Жақын адамыңыз алаяқтардың арбауына түсіп қалды: не істеу қажет?

<a href="https://kyzylorda-news.kz/">Kyzylorda-news.kz</a> &nbsp;Бүгінгі таңда жасанды интеллеĸт, яғни ИИ, ĸүнделіĸті өміріміздің бір бөлігіне айналып үлгерді. Әсіресе жастар арасында оның танымалдығы артып ĸеледі. Қазір мǝтін жазу, ақпарат іздеу, тіпті ĸүрделі тапсырмаларды орындау үшін де ИИ ĸөмегіне жүгінетіндер ĸөп. Бірақ осының бǝрі адамды дамыта ма, ǝлде ĸерісінше жалқаулыққа үйрете ме деген сұрақ туындайды.&nbsp;Бір жағынан қарасақ, ИИ – үлĸен мүмĸіндіĸ. Ол уақытты үнемдейді, жұмысты жеңілдетеді, жаңа идеялар ұсынады. Мысалы, студенттер тапсырма орындағанда немесе ақпарат іздегенде ИИ-ді ĸөмеĸші ретінде қолдана алады. Бұл олардың жұмысын жылдамдатып қана қоймай, ĸей жағдайда түсінбеген тақырыптарды меңгеруге де ĸөмеĸтеседі. Яғни дұрыс пайдаланса, ИИ – білім алудың тиімді құралы.&nbsp;Алайда мǝселенің еĸінші жағы да бар. Кейбір жастар ИИ-ге толықтай сеніп, өз бетінше ойлануды азайтып барады. Дайын жауапқа үйрену – ойлау қабілетінің төмендеуіне алып ĸелуі мүмĸін. Әсіресе оқу барысында бұл үлĸен проблемаға айналуы ықтимал. Себебі білім теĸ ақпаратты ĸөшіру емес, оны түсіну мен талдаудан тұрады.&nbsp;Тағы бір маңызды жайт – жауапĸершіліĸ мǝселесі. ИИ берген ақпарат ǝрдайым дұрыс бола бермейді. Егер адам оны теĸсермей, сол ĸүйінде қолданса, қателіĸĸе жол беруі мүмĸін. Бұл ǝсіресе журналистиĸа, білім, медицина сияқты салаларда өте қауіпті. Сондықтан оны қолданатын адамда сыни ойлау қабілеті болуы маңызды. Кез ĸелген ақпаратты теĸсеру, салыстыру дағдысы қалыптаспаса, ИИ ĸерісінше адастыруы мүмĸін. Сонымен қатар, ИИ адамның шығармашылығына да ǝсер етуі мүмĸін.&nbsp;Кейбіреулер идея іздеудің орнына, дайын нұсқаны таңдауды ǝдетĸе айналдырып жатыр. Бұл ұзақ мерзімде адамның жеĸе стилі мен ойлау ереĸшелігінің қалыптасуына ĸедергі ĸелтіруі мүмĸін. Көп адам оны теĸ дайын жауап алу құралы ретінде ĸөреді. Ал шын мǝнінде дұрыс сұрақ қоя білу, нақты тапсырма беру – бөлеĸ дағды. Яғни ИИ-ді тиімді пайдалану үшін адамның өзі де дамуы қажет.&nbsp;Дегенмен, ИИ-ді теĸ жағымсыз құбылыс ретінде қарастыру дұрыс емес. Барлығы оны қалай қолдануға байланысты. Егер адам ИИ-ді теĸ ĸөмеĸші құрал ретінде пайдаланып, өз ойын дамытуды жалғастырса, онда ол ĸерісінше үлĸен мүмĸіндіĸтерге жол ашады. ИИ – не жалқаулыққа, не дамуға апаратын құрал емес, ол – теĸ мүмĸіндіĸ. Нǝтиже оны қолданатын адамның ниеті мен тǝсіліне байланысты. Ең бастысы – технологияны дұрыс пайдаланып, өз ойлау қабілетімізді жоғалтпау.Мерей ЖалғасбекҚорқыт ата атындағы Қызылорда университетінің 4 курс студентіФото: Нұрболат Нұржаубай

ИИ – жалқаулыққа апара ма, ǝлде дамуға ма? 

Байқоңыр қаласы тағы бір ірі спорттық шараның орталығына айналды. Мұнда жасөспірімдер арасында таеквондодан республикалық турнир бастау алып, еліміздің түкпір-түкпірінен келген жас спортшылар бір алаңға жиналды.Турнирдің салтанатты ашылу рәсіміне қатысқан "AMANAT" партиясы Қызылорда облыстық филиалының төрағасы Жандос Базартай жас спортшыларға сәттілік тілеп, партия тарапынан спортқа көрсетіліп жатқан қолдаудың маңызын ерекше атап өтті."Бүгінде "AMANAT" партиясы жастарды қолдау, бұқаралық спортты дамыту және салауатты өмір салтын қалыптастыру бағытында жүйелі жұмыстар жүргізуде. Байқоңыр қаласындағы бұл турнир – сол бастамалардың нақты көрінісі. Жастардың спортқа бет бұруы – ұлт болашағына салынған инвестиция. Таеквондо тек күш пен жылдамдықты ғана емес, тәртіп пен төзімділікті талап етеді. Осындай жарыстар жас спортшылардың шеберлігін шыңдап, өзіне деген сенімін арттырады. Біз алдағы уақытта да жастарды қолдауға бағытталған жобаларды жалғастыра береміз", – деді Жандос Базартай.Ауқымды додаға 500-ге жуық спортшы қатысуда. Ашылу салтанатында командалар таныстырылып, спортшылардың шеберлігін паш еткен көрсетілімдік спаррингтер көрермендерге ұсынылды.Көрсетілімдік жекпе-жек қорытындысы бойынша жеңімпаздар медальдар мен арнайы кубокпен марапатталып, ерекше құрметке ие болды.Сонымен қатар, жарыстың жоғары деңгейде өтуіне үлес қосқан бірқатар азаматтар "AMANAT" партиясы Қызылорда облыстық филиалының "Алғыс" хаттарымен және турнирдің естелік медальдарымен марапатталды.Байқоңырдағы бұл турнир – тек жеңіс үшін тартыс емес, жас спортшылардың тәжірибе жинақтап, өз мүмкіндігін сынайтын маңызды алаңы. Мұндай бастамалар болашақ чемпиондардың қалыптасуына берік негіз қалайды."AMANAT" партиясы алдағы уақытта да жастардың әлеуетін арттыруға, спортты дамытуға және қоғамда салауатты өмір салтын қалыптастыруға бағытталған жобаларды жүйелі түрде жалғастыра бермек.

Жас балуандар таеквондодан республикалық турнирде бақ сынады 

Қызылорда облысында Мемлекет басшымыз Қасым-Жомарт Кемелұлының бастамасымен қолға алынған «Таза Қазақстан» экологиялық бағдарламасы аясында аймақ басшысы Нұрлыбек Нәлібаевтың тапсырмасына сәйкес «Тағзым орны таза болсын, рух пен тазалық – бір ұғым» атты жалпыхалықтық акциясы өтті.Өңірдегі тарихи-мәдени ескерткіштер, киелі орындар мен көпшілік зират ететін барлық аумақтарға көркейту-көгалдандыру жұмыстары ұйымдастырылды. Сонымен қатар, ағаш отырғызу, қоршауларды ретке келтіру, жолдарды тазалау және жөндеу секілді жұмыстар да жүргізілді.Сауабы мол игі шараға барша облыс тұрғындарымен қатар мәслихат депутаттары, ардагерлер, зиялы қауым өкілдері, мемлекеттік мекеме қызметкерлері, ассамблея, қоғамдық ұйымдардың мүшелері және жастар белсене қатысты.Президентіміз «Таза Қазақстан дегеніміз – қоршаған ортаны таза ұстау ғана емес. Әрине, ол да маңызды. Сонымен бірге, бұл – ой-сана тазалығы деген сөз. Жан-дүниесі таза адам қайырымды, мейірімді болады», – деп, жалпыұлттық бағдарлама айналған бастаманың мәнін ашып берді.Киелі орындарды зират етудің бұрыннан қалыптасқан ережелері бар. Оның ең негізгісі тазалықпен байланысты. «Өлі разы болмай, тірі байымайды» деген даналық өткенге құрмет көрсетудің маңызын ұғындырады.Халқымыздың дүниетанымында қорымдар тек жерлеу орны ғана емес, дүниеден өткендерге құрмет көрсететін, ата-баба рухына тағзым ететін қасиетті жер. Сондықтан кесенелердің, қорымдардың тазалығына, қараусыз қалмауына ерекше мән беріледі.Осындай тағылымды бастамалар арқылы қоғамда тазалыққа деген жауапкершілік артып, ұлттық құндылықтарымызға құрмет нығая түседі.Айта кету керек, облыста 72 нысан киелі орындар тізбесіне енгізілген. Қасиетті кесенелерге жергілікті бюджеттен және демеушілердің қолдауымен реставрациялық, жөндеу жұмыстарын жүргізіп, келушілерге ыңғайлы әрі қолжетімді ету мақсатында инфрақұрылымдары жақсартылды. Акция аясында аймақтағы 200-ге жуық қасиетті орындар мен зираттардың аумағын тазалау жұмыстарына 20 мыңнан аса тұрғындар белсенді қатысты. Бұл бағыттағы игі істер алдағы уақытта да жалғасын табатын болады.

Қызылордалықтар жалпыхалықтық тазалық акциясына белсене қатысты

Сол жағалаудағы “Қайсар Арена” стадионында облыс әкімдігі және Freedom QJ лигасының ұйымдастыруымен қызылордалық “Қайсар” және қостанайлық “Тобыл” командалары арасында QJ лига ойындарының &nbsp;мыңыншы тарихи матчының ашылу салтанаты өтті.Оған облыс әкімінің бірінші орынбасары Данияр Жаналинов, Freedom Holding Corp бас атқарушы директоры, Freedom QJ League қамқоршылық кеңесінің төрағасы Тимур Турлов, Freedom QJ League президенті Рохус Шох қатысты.Данияр Еренғалиұлы жиналған қауымды тарихи матчтың ашылуымен құттықтап, ойыншыларға сәттілік тіледі.«Өңір үшін маңызы зор жергілікті «Қайсар» мен қостанайлық «Тобыл» командалары арасындағы QJ лига ойындарының 1000-шы тарихи матчының ресми ашылуымен шын жүректен құттықтаймын!Футбол тарихына алтын әріппен жазылатын маңызды доданың басты мақсаты – отандық спортты, соның ішінде жасөспірімдер футболын дамыту, кәсіби футболшылар санын арттыру және командалар арасында.бәсекелестікті қалыптастыру. Осы ретте жасөспірімдер арасындағы тарихи матчты біздіңөңірде өткізуге ұсыныс білдірген Freedom QJ лигасына алғыс білдіреміз!«Қайсар» QJ лига командасы 2023 жылы құрылды. Осы аралықта талантты футболшыларды тәрбиелеп шығарып, бүгінде қазақ футболының ұстаханасына айналып үлгерді. Аймақ мақтанышы Дінмұхаммед Рүстемұлы секілді үздік ойыншылар «Қайсар» футбол клубының негізгі құрамында, сондай-ақ, Қазақстан жастар, &nbsp;ұлттық құрамада өнер көрсетуде. &nbsp;Бүгін жасыл алаңға шығатын жас футболшыларымызға сәттілік тілеймін!, - деді Данияр Жаналинов.Шарада сөз алған Тимур Турлов, Рохус Шох &nbsp;жасөспірімдер футболының дамуында QJ лига ойындарының маңызы зор екенін атап өтті.Доп додасының соңында жастар арасында &nbsp;танымал әншілер Daricorn және ARО жанкүйерлерге мерекелік көңіл-күй сыйлады.<img src="https://knadmin.beoblood.kz/uploads/FB_IMG_1776651072471_0022341ef9.jpg" alt="FB_IMG_1776651072471.jpg">

"Қайсар Арена" стадионында QJ лига ойындарының мыңыншы матчы өтті 

<a href="https://kyzylorda-news.kz/">Kyzylorda-news.kz</a> Премьер-министрдің орынбасары – мәдениет және ақпарат министрі Аида Балаева Қазақстанда енді жоғары оқу орнына түсуге арналған Ұлттық біріңғай тестілеу тек бір рет өткізілетінін мәлімдеді. Бұл туралы <a href="https://stan.kz/-433256/">Stan.kz </a>ақпарат агенттігі хабарлайды.Министрдің сөзінше, бүгінде әлем елдері білім беруді жаңартып, цифрлық жүйелер мен жаңа әдістерді енгізіп жатыр. Сол арқылы балалардың қабілетін ерте анықтап, оларды болашақта қажет мамандықтарға жақсырақ дайындауға мүмкіндік бар.<blockquote>“Бұл – кезекті реформа емес, сапалы жаңа кезеңге көшу. Көпжылдық тәжірибе ҰБТ жүйесі жоғары оқу орындарына түсу кезінде ашықтықты, қолжетімділікті және бірыңғай талаптарды қамтамасыз ететін тиімді құрал екенін көрсетті. Алайда әр заманның өз талабы бар. Уақыт өте келе білім берудегі трендтер, еңбек нарығы, құзыреттер мен ережелер өзгеріп жатыр. Біз білім саласында кеткен кемшіліктерді анықтап, оларды түзетуіміз қажет. Атап айтсақ, ҰБТ-ны бірнеше рет тапсыру жүйесі талапкерлерді сапалы іріктеу мәселесін толық шешпейді”, – деді ол.</blockquote>Балаева осы тұста елімізде жоғары оқу орындарының көпшілігі білімді, дарынды жастарды өздері еркін іріктей алмайтынын алға тартты. Айтуынша, бұл мәселе әсіресе педагогикалық жоғары оқу орындарына көбірек қатысты.Осыған байланысты министр бірқатар шаралар қабылданатынын мәлімдеді:Педагогикалық жоғары оқу орындарына талапкерлерді қабылдағанда тестілеу мен арнайы емтихандарды бірге қолданатын аралас жүйе енгізу. Бұл кезде пәндік білім ғана емес, сонымен қатар ойлау қабілеті, талдай білуі, оқуға дайындығы сияқты маңызды дағдылар да ескеріледі.<blockquote>“Өйткені, "педагог" жай ғана мамандық емес. Бұл – балалармен жұмыс істейтін, үлкен жауапкершілік жүгін арқалаған тұлға. Сондықтан бұл мамандық үшін біліммен қатар, сыныппен жұмыс істеу, оқушылардың ерекше қабілеттерін анықтай білу аса маңызды. Келесі жылдан бастап педагогикалық мамандықтарға түсу кезінде ҰБТ-мен қатар ауызша емтихандардың нәтижелері де ескерілмек. Бұл емтихандарда талапкерлердің сыни ойлау қабілеті мен коммуникациялық дағдылары негізгі критерий болады. Сондай-ақ бұл мәселеде халықаралық сарапшылармен бірлесіп әзірленіп жатқан жаңа Admissions Insight Test тапсырмаларына ерекше мән беріледі”, – деді министр.</blockquote>ҰБТ тұтастай жаңғыртылып, тек бір рет тапсыратындай бекітіледі. Бұл грант конкурсына қатысу үшін объективті әрі ең басты баға ретінде қарастырылады.Сонымен қатар білім деңгейін өзін-өзі бағалау және дайындық әдістерін уақытылы түзету үшін сынақ тестілеу жүйесі сақталады.Жоғары оқу орындарына дайындық бағдарламалары (Foundation) арқылы шартты түрде қабылдау жүйесінен бас тарту қажет.Соңғы көрсеткіштер бойынша шартты түрде қабылданған студенттердің шамамен 50-60 пайызы оқу жылы ішінде ең төменгі шекті балды жинай алмайды. Сондықтан талапкерлердің болашақ мамандығын саналы түрде таңдауы аса маңызды.<blockquote>“Құрметті достар! ҰБТ жүйесін өзгерту – тестілеуден бас тарту емес екенін тағы да атап өткім келеді. Бұл – дарынды талапкерлерді анықтауға, әділ іріктеуге бағытталған маңызды қадам. Сондықтан ұсынылып отырған өзгерістер білім беру сапасын арттыруға және елдің ұзақ мерзімді дамуына берік негіз болады деп сенемін”, – деп қорытты Балаева.</blockquote>Фото: Нұрболат Нұржаубай

Келесі жылдан бастап Ұлттық біріңғай тестілеу тек бір рет өткізіледі

«Таза Қазақстан» бағдарламасы аясында «Таза аула» атты ауқымды экологиялық &nbsp;акциясы өтті.Өңірдегі барлық елді мекендерде 147 аула тазартылды. Акцияға 12 266 адам қатысып, 100 тоннадан астам қоқыс шығарылды.Тазалық шарасына мемлекеттік мекеме қызметкерлері, еріктілер, жастар ұйымдары мен жергілікті тұрғындар атсалысты. Аулалардың қоқысы жиналып, айналасы абаттандырылды және көгалдандырылды.Жыл басынан бері тазалық шараларында 46 934 ерікті, қоғам қайраткерлері, бюджет саласы мен кәсіпорын қызметкерлері белсенділік танытқан. &nbsp; 1067 тонна қоқыс қалдықтары жиналып, 156 сквер мен парк, 225 тарихи-мәдени ескерткіш, 791 әлеуметтік, 407 өнеркәсіп және бизнес, 8 су нысаны, &nbsp;843 &nbsp;көше бойы тазартылды. Оған 248 техника жұмылдырылды. Өңірдің климатына жерсінетін 27 450 түп қарағаш, терек, Сыр талы, т.б. көшет егілді. &nbsp; &nbsp; &nbsp;Акция &nbsp;аясында аудандарда да іс-шаралар ұйымдастырылды. &nbsp;Арал ауданының «Келешек мектебіндегі» “Жасыл мұра” шарасында түлектер мектеп ауласына 100-ден астам тал екті. Оқушылар мен ұстаздар табиғатты көркейтуге және ұрпақтар сабақтастығын нығайтуға үлес қосты.Айта кетейік, «Таза Қазақстан» бағдарламасы аясында өңірде тазалық сақтау, елді мекендерді көркейту және тұрғындарға жайлы орта қалыптастыру бағытында жүйелі жұмыстар жүргізілуде.Демеушілер мен бюджет қаражаты есебінен демалыс орындары, ойын және спорт алаңдары жаңартылып, тұрғын үйлер мен әлеуметтік нысандар жөнделді.Қызылорда қаласындағы орталық алаң, мәдени-демалыс паркі және Қорқыт ата сквері қайта жаңғыртылып, халық игілігіне берілді. Президент саябағы жаңадан қайта салынып, қала тұрғындары мен қонақтары ның демалыс орнына айналып келеді.Ауылдарда «Үлгілі елді мекен» конкурсы өтіп, соңғы үш жылда 2 млрд теңгеден астам қаржыға алынған 67 арнайы техника табысталды.&nbsp; Қалдықтарды басқару бағытында 98,7 млрд теңгенің 9 жобасы бар. Жаңақорғандағы сұрыптау кешені іске қосылуға дайын, ал Сырдария ауданында жаңа полигон пайдалануға берілді.<img src="https://knadmin.beoblood.kz/uploads/FB_IMG_1776570669038_661f1fc5c8.jpg" alt="FB_IMG_1776570669038.jpg">

«Таза аула» ауқымды экологиялық акциясы өтті

<a href="https://kyzylorda-news.kz/">Kyzylorda-news.kz</a> Көптеген қазақстандықтар ломбардтағы қарыздар «есепке алынбайды» және кредит тарихына ешқандай әсер етпейді деп санайды. Алайда, іс жүзінде олай емес. Мұндай қарыздар туралы ақпаратты қаржы ұйымдары ескереді және кредитті немесе ипотеканы рәсімдеу кезінде шешімге әсер етуі мүмкін.Fingramota.kz ломбардтардың кредит тарихына қалай әсер ететінін, бұл қандай жағдайда проблемаға айналуы мүмкін екенін және қарыз алушылардың неге назар аудару керектігін түсіндіреді.Ломбардтағы &nbsp;қарыздар кредит тарихында көріне ме?Ломбардта ресімделген қарыз кредит немесе ипотека алуға тікелей кедергі емес. Алайда, бұл қарыз алушының қаржылық жағдайын бағалау кезінде ескеріледі.Ломбардтар берілген қарыздар туралы ақпаратты кредиттік бюроларға беруге міндетті, себебі банктік кредиттер немесе микроқарыздар сияқты қарыздар да ақылылық, мерзімділік және қайтарымдылық шарттарымен беріледі.Бұл қарыз фактісі кредит тарихында жазылатынын, банктер мен микроқаржы ұйымдарына ақпарат қолжетімді екенін және кредитке өтінімді қарау кезінде деректер ескерілуі мүмкін екенін білдіреді.Ломбардтағы қарыз банктің шешіміне қалай әсер етедіКредитке өтінімді қарау кезінде банктер мен МҚҰ бірден бірнеше факторды:• &nbsp; &nbsp;қарыз алушының кредит тарихын;• &nbsp; &nbsp;кірісінің деңгейін;• &nbsp; &nbsp;ағымдағы борыш жүктемесін;• &nbsp; &nbsp;мерзімі өткен міндеттемелерінің болуын бағалайды.Егер қарыз алушының ломбардта қолданыстағы қарызы болса, ол борыш жүктемесін есептеу кезінде — басқа кредиттермен және микроқарыздармен тең ескеріледі.Төлеу мерзімін кешіктірудің болуы ерекше маңызды. Егер ломбард алдындағы берешек уақытылы өтелмесе, бұл кредитті мақұлдау мүмкіндігін айтарлықтай төмендетуі мүмкін.Түсіну маңызды: әрбір қаржы ұйымы заңнаманы, ішкі кредит саясатын және тәуекелдерді бағалауды ескере отырып, өз бетінше шешім қабылдайды.Егер сіз ломбардтағы қарызды төлемесеңіз, не болады?Ломбард жұмысы тетігінің өзіндік ерекшеліктері бар. Егер қарыз алушы микрокредитті уақытылы өтемесе, ломбард кепілге қойылған мүлікті кемінде 30 күн сақтауға міндетті. Осы кезеңде қарыз алушының қарызды қайтарып алу және өз затын кері қайтарып алу мүмкіндігі сақталады.Егер берешек өтелмесе, онда ломбард кепілді сатуға немесе оны өз меншігіне ресімдеуге құқылы. Демек, қарыз және кепіл шарты өз қолданысын тоқтатады.Міндеттемені жабу фактісі құжатпен расталады – бұл кепілді сату актісі, мүлікті ломбардтың меншігіне айналдыру туралы шешім немесе берешекті өтеу туралы анықтама.Бұл кредит тарихында қалай көрініс табадыҚарыз кепілді сату арқылы жабылғанның өзінде ол туралы ақпарат кредит тарихында сақталады.Бұл жағдайда мынаны ескеру маңызды:• егер міндеттеме кешіктірілмей орындалса, онда әсер барынша аз болады;• &nbsp; &nbsp; егер төлемдер кешіктірілген болса – бұл теріс фактор;• &nbsp; &nbsp; ломбардтарды жиі пайдалану қаржылық тұрақсыздықтың белгісі ретінде қабылдануы мүмкін.1-мысал. Төлеу мерзімін өткізбеуАзамат ломбардта қысқа мерзімге қарыз рәсімдеп, оны уақтылы төледі. Кредит тарихында қарыз фактісі көрсетіледі, бірақ ол кредитордың шешіміне айтарлықтай әсер етпейді. Егер кірісі тұрақты болса, кредит мақұлдануы мүмкін.2-мысал. Төлеу мерзімін өткізуҚарыз алушы борышын уақытылы төлемеді, ал ломбард кепілді сатып жіберді. Міндеттеменің жабылғанына қарамастан, кешіктіру фактісі кредит тарихында жазылады. Кредитке өтініш берген кезде банк немесе МҚҰ мұны тәуекел ретінде қарастырып, бас тарта алады.3-мысал. Бірнеше қарызАдам үнемі ломбард қызметтерін пайдаланады. Кешіктірулер болмаса да, бұл борыш жүктемесінің жоғары немесе қаржылық жағдайдың тұрақсыз екені ретінде қабылдануы мүмкін, бұл ипотека сияқты ірі кредит алу мүмкіндігін азайтады.Қарыз алушылар неге назар аударуы керек?Ломбардтағы қарыз кредит алуға кедергі болмауы үшін бірнеше ережені сақтау маңызды.1. Берешекті уақтылы өтеңіз.&nbsp;Тіпті мерзімін сәл кешіктіру кредит тарихына теріс әсер етуі мүмкін.2. Борыш жүктемесін бақылаңыз.&nbsp;Барлық міндеттемелер, оның ішінде ломбардтар — өтінімді қарау кезінде ескеріледі.3. Кредит тарихын тексеріңіз.&nbsp;Бұл ықтимал проблемаларды алдын-ала анықтауға және өтінім бергенге дейін түзетуге мүмкіндік береді.4. Ломбардтарды тұрақты қаржы көзі ретінде пайдаланбаңыз.&nbsp;Жиі жүгіну қаржылық қиындықтарды білдіруі мүмкін.5. Қарызды жабу туралы құжаттарды сақтаңыз. Актілер, анықтамалар мен растаулар даулы жағдайлар туындаған кезде көмектеседі.Ломбардтағы қарыз – бұл кредит немесе микрокредит сияқты қаржы құралы. Ол кредит тарихында көрініс табады және&nbsp;банк пен МҚҰ шешіміне әсер етуі мүмкін.&nbsp;Ломбардтың өзі кредитке қолжетімділікті шектемейді. Алайда, мерзімін кешіктіру, борыш жүктемесінің жоғары болуы немесе мұндай қарыздарды жиі пайдалану кредитті мақұлдау мүмкіндігін төмендетуі мүмкін.<img src="https://knadmin.beoblood.kz/uploads/infographics_1211_94_4f678ded26.png" alt=" fingramota.kz">Өзіңізге, ақшаңызға мұқият болыңыз және қаржылық сауаттылығыңызды Fingramota.kz-пен бірге арттырыңыз!Фото: fingramota.kz

Ломбард және кредит тарихы: қарыз кредитті мақұлдауға әсер ете ме?

<a href="https://kyzylorda-news.kz/">Kyzylorda-news.kz</a> Қазақстанда білім беру жүйесіне жасанды интеллект құралдарын енгізу жөніндегі ұлттық жоба бастау алды. Бастама OpenAI компаниясымен бірлесіп ұйымдастырылып отыр. Оның аясында 165 мың педагог білім беру мақсаттарына арнайы әзірленген ChatGPT-дің нұсқасы – ChatGPT Edu жүйесіне қол жеткізе алады.ChatGPT Edu лицензиялары білім беру жүйесінің барлық деңгейінде, атап айтқанда, мектепке дейінгі ұйымдар, мектептер, колледждер мен жоғары оқу орындарының, сондай-ақ ғылыми-зерттеу институттары мен Astana Hub арасында таратылады. Жоба Жасанды интеллект және цифрлық даму министрлігі, Оқу-ағарту министрлігі, Ғылым және жоғары білім министрліктерінің қатысуымен жүзеге асып отыр.<blockquote>– ЖИ негізіндегі озық технологиялардың көмегімен әр адамның әлеуетін арттыруда білім саласының атқаратын рөлі орасан. Қазақстан мен OpenAI арасындағы серіктестік мемлекеттің педагогтерге пайдалы құралдар ұсынып, практикалық қолдау мен оқуға деген қолжетімділікті арттыру арқылы ЖИ машықтарын меңгерудегі алшақтықты қалай еңсере алатынын көрсетті. Мұндай қадам бүкіл білім беру жүйесінің болашағына ұзақмерзімді ықпал етуге көмектеседі, - дейді OpenAI өкілі Кевин Миллс.</blockquote>Айта кетері, жоба Мемлекет басшысының былтырғы АҚШ-қа сапары кезінде жасалған келісім негізінде, OpenAI, Freedom Holding Corp. және Bilim Group серіктестігі аясында жүзеге асып отыр. Жобаға қатысушылар үшін лицензиялар тегін ұсынылады, ал оларды іске қосу отандық BilimClass платформасы негізінде әзірленген ai.bilimclass.kz арнайы сервисі арқылы жүргізіледі.<blockquote>ChatGPT Edu – тек технологиялық құрал емес, Қазақстанның адами капиталына салынған инвестиция. Жобаның негізгі мақсаты – қазақстандық педагогтерге ЖИ мүмкіндіктерін меңгеруге және оны күнделікті жұмыста тиімді пайдалануға жағдай жасау. Технология педагогтердің жүктемесін азайтып, білім сапасын арттыруға және кәсіби деңгейін шыңдауға септігін тигізеді. Біз ұстаздарға ең маңызды іске – білім алушылармен жұмысқа көбірек уақыт бөлуге мүмкіндік беретін тиімді құрал ұсынып отырмыз, - деп атап өтті Bilim Group IT-холдингінің бас директоры Александр Савченко.</blockquote>ChatGPT Edu – білім беру мекемелері үшін арнайы әзірленген ChatGPT нұсқасы. Бұл жүйе оқу орындарына жасанды интеллекттің озық мүмкіндіктерін пайдалануға жол ашады. Сонымен қатар деректердің қауіпсіздігі мен құпиялығын сақтап, жұмысты тиімді басқаруға мүмкіндік береді.ChatGPT Edu көмегімен педагогтер сабақ жоспарын әзірлеп, тапсырмалар мен тест сұрақтарын дайындауға, сонымен қатар оқу материалдарын әр білім алушының деңгейі мен қажеттілігіне қарай бейімдеуге мүмкіндік алады. Жоба нәтижесінде педагогтердің сабаққа дайындалуға, тапсырмаларды тексеруге, есеп беруге және басқа да бірізді жұмысқа кететін уақыты едәуір қысқармақ.Фото: freepik.com

Қазақстанда мұғалімдерге арналған ChatGPT Edu жобасы іске қосылды

<a href="https://kyzylorda-news.kz/">Kyzylorda-news.kz</a> Қызылордада «AMANAT» партиясы облыстық филиалының бастамасымен «AMANAT IDEATHON» хакатоны өтуде. «Цифрландыру және жасанды интеллект жылы» аясында әлеуметтік маңызы бар инновациялық идеяларға арналған іс-шара Қорқыт Ата атындағы Қызылорда университеті мен «Kyzylorda Hub» және «Shik» жарнамалық агенттігінің демеушілігімен жүзеге асырылуда.Жобаның басты мақсаты – мектеп оқушылары мен студенттердің қоғамдағы өзекті мәселелерді шешуге бағытталған бастамаларын қолдау, олардың идеяларын нақты жобаларға айналдыруға жағдай жасау және жас буынның инновациялық әлеуетін дамыту.Хакатонның ашылу салтанатында сөз алған партияның облыстық филиалының төрағасы Жандос Базартай мұндай бастамалардың өңір жастары үшін маңызы зор екенін атап өтті. Оның айтуынша, жаңа идеяларды қолдау – өңірдің зияткерлік әлеуетін арттырып, цифрлық трансформация үдерісін жеделдетуге ықпал етеді.Қатысушылар 5 бағыт бойынша жобаларын ұсынуда. Атап айтқанда, «PropTech &amp; CityTech» бағыты тұрғын үй басқару жүйесінің ашықтығын арттыру мен «ақылды» қалалық шешімдерді енгізуге арналса, «MedTech» бағыты цифрлық денсаулық сақтау саласындағы инновациялық сервистерді дамытуға бағытталған. Сондай-ақ, «LegalTech» бағыты құқықтық көмектің қолжетімділігін арттыруға және бюрократиялық кедергілерді азайтуға басымдық берсе, «EdTech» инклюзивті білім беру мен цифрлық кәсіптік бағдарлау платформаларын әзірлеуге бағытталған. Ал «Community Tech» бағыты әлеуметтік қолдауды күшейтіп, еріктілер мен көмекке мұқтаж азаматтарды байланыстыратын цифрлық шешімдерді ұсынуға мүмкіндік береді.Байқауға Астана қаласы, Ақтөбе және Қарағанды облыстарынан, сондай-ақ Қызылорда қаласы мен барлық аудандардан 100-ге жуық жоба ұсынылып, 200-ге тарта азамат қатысуда.&nbsp;Хакатонға қатысушы Құдайберген Жұбанов атындағы Ақтөбек өңірлік университетінің 4 курс студенті Талап Ермұхан ақ қан ауруымен ауыратын яғни, лейкоз ауруын скринг кезінде ерте анықтайтын дәрігерлерге көмекші болуға тұрарлық жоба әкелген. Оның айтуынша онкологиялық аурулар өңірде үлкен әлеуметтік мәселе. Байқауға әкелген стартап жоба осы мәселені шешудің бірден бір жолы, әрі медицина тарапынан үлкен сұранысқа ие.Атап өтейік, іріктеуден өткен жобалар сарапшылар алдында қорғалып, үздік деп танылған қатысушыға 1 000 000 теңге көлемінде сыйақы табысталады. Егер жоба қатысушысы мектеп оқушысы немесе колледж түлегі болса, Қорқыт ата атындағы Қызылорда университетінің білім гранттары ұсынылады.<img src="https://knadmin.beoblood.kz/uploads/Amanat_startap_zhoba_8fbaa70ceb.jpg" alt="Аманат стартап жоба.jpg">

Қазақстан және Қызылорда облысының жаңалықтары