<h4 style="margin-left:0px;text-align:justify;"><a href="https://kyzylorda-news.kz/">Kyzylorda-news.kz.</a> «AMANAT» партиясы сайлауалды бағдарламасында жастардың сапалы білім алуына ерекше мән беріп, осы бағытта түрлі шараларды жүзеге асырып келеді. Соның бірі студент жастардың жатақханаменен қамтылуы, жатақханалар қауіпсіздігінің арнайы стандарттарға сәйкестігі, тұрмыстық техника және жиһаздармен жабдықталуы. Бұл жұмыстар студенттердің өмір сүру деңгейінің сапасын арттыру үшін партия филиалы және «Жастар Рухы» Жастар қанатымен жыл сайын ұйымдастырылып келеді.&nbsp;</h4>Партияның облыстық филиалының Партиялық бақылау инспекторы Б.Танбаева, партияның қалалық филиалының Атқарушы хатшысы Г.Мусаева, облыстық және қалалық мәслихаттағы «AMANAT» &nbsp;партиясы депутаттық фракциясының мүшелері Е.Ескендір, И.Басықараев, М.Есжанов, Р.Ысқақова, «Жастар Рухы» ЖҚ облыстық филиал төрағасы Ә.Баймұрза және БАҚ өкілдерінен жасақталған мониторингтік топ кеше Қорқыт ата атындағы Қызылорда университетінің №5 жатақханасы, &nbsp;Қызылорда «Ашық» университеті, &nbsp;«Болашақ» университеті, Қызылорда көпсалалы және «Орда» колледждерінің жатақханаларын тексеріп шықты.<blockquote>«Жатақхана тұрғындарымен кездесіп, тыныс-тіршілігімен таныстық. Ауылдың қаракөз студент жастары жатақхананы өз үйлеріндей күтіп ұстайды. Бір байқағанымыз өткен жылғы мониторингтің қорытындысы бойынша оқу орны басшыларына айтылған ұсыныстар ескеріліп, біршама кемшіліктер түзетілген. Атап айтқанда Қызылорда Ашық университеті жатақханасында матрастар жаңаланса, «Орда» колледжі жатақханасында душ бөлмелері күрделі жөндеуден өткен. &nbsp;«Болашақ» университетінің студенттер үйінде әрбір бөлмедегі ескірген су крандары алмастырылып, демалыс бөлмесіне теледидар орнатылған. Әрине, барлық жатақхананың жағдайы көңілден шығады деп айта алмаймыз. Кемшіліктер болса, басшылыққа ұсыныс береміз. Бір аптаның ішінде кемшіліктер жойылуы тиіс», &nbsp;– дейді &nbsp;мониторинг барысында сөз алған «Жастар Рухы» ЖҚ облыстық филиал төрағасы Ә.Баймұрза.</blockquote><img src="https://knadmin.beoblood.kz/uploads/ae08a02e_9980_42fe_bf2b_5a3df4018eb6_dcb997718f.jpg" alt="ae08a02e-9980-42fe-bf2b-5a3df4018eb6.jpg">&nbsp;

Әсет Баймұрза: Барлық жатақхананың жағдайы көңілден шықпады

<h4 style="margin-left:0px;text-align:justify;"><a href="https://kyzylorda-news.kz/">Kyzylorda-news.kz.</a> 19 ақпаннан бастап НТК арнасында жаңа сериал - «Бұл – біздің Қызылорда» жарыққа шығады. 12 бөлімнен тұратын комедия еліміздегі Қызылорда қаласы туралы түсірілген алғашқы туынды. Бұл туралы <a href="https://www.facebook.com/meetatone">Әсел Мираева</a> хабарлады.</h4>Оқиға желісі америкалық журналист-блогер Бернард Уэйннің төңірегінде өрбиді. Ол Қазақстанның тұңғыш астанасы туралы мақала жазу үшін Қызылорда қаласын зерттеуге келген. Қалаға келген оны әкімдікте штаттан тыс жүргізуші болып істейтін жергілікті тұрғын Мақсат күтіп алады. Ол Бернардтың жол көрсетушісі және оған қаланы әр қырынан тануға себепші жақын досына айналады. Алайда, кейінірек, Мақсат жол көрсетуші ғана емес, барлық қолайсыз оқиғалардың себепкері болады. Ал сериал соңында Бернард Уэйннің Қызылордаға келудегі мақсаты мүлдем басқа болғаны анықталады.Жоба авторлары сериалға елімізге белгілі актерларды тартқан. Мәселен, басты рөлдегі Мақсатты – актер Шерхан Пірназар ойнаса, америкалық журналист Бернадты – блогер Дәулет Исраилов сомдайды. Жайдарманшы Бексұлтан Піләл да осы туындыда. Одан бөлек қосалқы рөлдерде танымал кино және театр актері, Қазақстанның еңбек сіңірген қайраткері Ғани Құлжанов пен актриса Гүлшат Тутова бой көрсетеді.Сериал жай ғана комедияға құрылмаған. Жоба продюсері Ақылбек Досжановтың айтуынша, туынды Қызылорда облысының танымал тұлғаларының қатысуымен қарапайым тұрғындардың күлкілі және қызықты оқиғаларын біріктіреді. «Сенбейсіздер ме, онда Қызылордаға келіңіздер!» слоганын негізге алған туындыда әзілкеш Қанат Әлжапбаров, әнші Мадина Сәдуақасова, актриса Зухра Сайпи, әнші Гүлнұр Оразымбетова, Серік Ибрагимов және т.б танымалдар Қызылорда қаласында болған өз оқиғаларымен бөліседі. Мәселен, сериалдың әр бөлімінде Қанат Әлжаппаров қаланың қонақжайлылығын, Гүлнұр Оразымбетова Нағи Ильясовтың ауылы жайлы, Серік Ибрагимов қызылордалық адамдардың сөзінде тұратындығын, Тимур Балымбетов олардың қызыққұмар екендігін, Асылбек Боранбай патротизм, Заухра Сайпи қаланың қыздары ал Мадина Сәдуақасова қаланың жігіттері туралы әңгімелерін айтады.Қызылордадан шыққан танымал тұлғалардың оқиғасы, өңір адамдарының өмірімен қатар, жоба арқылы режиссер көрерменге Қызылорда облысының бірегей табиғатымен танысуға мүмкіндік береді.«Бұл – біздің Қызылорда» сериалы 19 ақпаннан бастап дүйсенбі мен бейсенбі аралығында 17:00-де НТК арнасынан көрсетіледі.

Қызылорда қаласы туралы түсірілген алғашқы туынды НТК арнасынан көрсетіледі

<h4 style="margin-left:0px;"><a href="https://kyzylorda-news.kz/">Kyzylorda-news.kz.</a> Бүгінгі таңда Қызылорда қаласында 37 әлеуметтік дүкен жұмыс істеуде. Оның 2-еуі ет бағытындағы дүкен. Әлеуметтік дүкендерді жалға алу үшін «Байқоңыр» әлеуметтік-кәсіпкерлік корпорациясының бас ғимаратына барып, өтінім (қағаз жүзінде) береді.</h4>Қажет құжаттар тізбегі:<ul style="list-style-type:disc;"><li style="text-align:justify;">Өтінім беру (қағаз жүзінде);</li><li style="text-align:justify;">Жалға алушының ИП-сы болуы шарт;</li><li style="text-align:justify;">Салықтық берешегі жоқ екендігі жөнінде анықтама;</li><li style="text-align:justify;">Несие тарихы туралы анықтама;</li><li style="text-align:justify;">Жалға алушы корпорацияның дербес шотына бастапқыда 1 000 000 (бір миллион) теңге қаржы салып, анықтамасын өткізу қажет.</li></ul>

Әлеуметтік дүкендерді қалай жалға алуға болады?

<h4 style="margin-left:0px;text-align:justify;"><a href="https://kyzylorda-news.kz/">Kyzylorda-news.kz.</a> Қала әкімінің тапсырмасына сәйкес, қала әкімінің орынбасарлары, аппарат басшысы мен бөлімдер 5 секторға бөлінді, деп хабарлайды қала әкімінің баспасөз қызметі.&nbsp;</h4>Мақсат – әр мөлтек аудандағы халықтың коммуналдық, тұрғын үй шаруашылық және әлеуметтік мәселелеріне мониторинг жүргізіп, шаһар тіршілігін жақсартуды, жандандыруды қолға алу.<img src="https://knadmin.beoblood.kz/uploads/5_sektor_0b41db7af5.webp" alt="5 сектор.webp">Әр секторға жауапты мамандар белгіленген аумақтың тазалығын, жарық шамдардың уақытылы жануын, ашық қалған құдық беттерінің жабылауын және басқа да коммуналдық салаға қатысты мәселелер бойынша күнделікті мониторинг жүргізіп, шұғыл шешілуін қамтамасыз етеді. &nbsp;5 сектор бойынша жүргізілетін жұмыстар төмендегі бөлініс негізінде жүзеге асырылады:І сектор бойынша жауапты болып қала әкімінің орынбасары Айдос Кентугаев бекітілді. Аталған секторға сәулет және қала құрылысы бөлімі, құрылыс бөлімі, ауыл шаруашылығы мен жер қатынастары бөлімі жауапты;ІІ сектор бойынша жауапты болып қала әкімінің орынбасары Ғалымжан Еркебай бекітілді. Аталған секторға кәсіпкерлік, өнеркәсіп және туризм бөлімі, тұрғын үй инспекциясы бөлімі жауапты;ІІІ сектор бойынша жауапты болып қала әкімінің орынбасары Дархан Тұрсынбаев бекітілді. Аталған секторға қоғамдық даму бөлімі, экономика және қаржы бөлімі, жұмыспен қамту, әлеуметтік бағдарламалар бөлімі жауапты;ІV сектор бойынша жауапты болып қала әкімі аппаратының басшысы Жасұлан Абатов бекітілді. Аталған секторға қала әкімі аппаратына қарасты бөлімдер, мәдениет және спорт бөлімі жауапты;V сектор бойынша жауапты болып тұрғын үй-коммуналдық шаруашылығы, жолаушылар көлігі және автомобиль жолдары бөлімінің басшысы Жеңіс Файзуллаев бекітілді.Енді кез келген қала тұрғыны шаһардағы мәселелер туралы «Open Qyzylorda» 8 702 887 1111 whats'App желісі арқылы секторларға жауапты басшыларды хабардар ете алады. Мәселенің орындалуы да сектор жетекшілері тарапынан қадағаланатын болады. &nbsp;Фото: Н.Нұржаубай

Қала әкімі: Жауапты мамандар салалық мәселелерді шұғыл шешу керек

<h4 style="margin-left:0px;text-align:justify;"><a href="https://kyzylorda-news.kz/">Kyzylorda-news.kz.</a> Түркістан облысында екі баласын тұншықтырып өлтірді деген күдікке ілінген әйел ұсталды, деп хабарлайды&nbsp;El.kz&nbsp;ақпарат агенттігі.</h4>Әйелді іздеуге облыстық полиция департаментінің барлық жеке құрамы, көршілес аймақтар мен мегаполистер бағытталды. Барлық қажетті жедел-тергеу іс-шаралары жүргізілді.Қабылданған шаралардың нәтижесінде жедел уәкілдер күдіктіні Шымкент қаласындағы қонақ үйлердің бірінде ұстады.<blockquote>Адам өлтіру фактісі бойынша барлық мән-жайларды анықтау мақсатында тергеу жүргізілуде. Тиісті сараптамалар тағайындалды. Күдікті әйел қамауға алынды. Істің тергеу барысы менің жеке бақылауымда, - деді Түркістан облысы ПД бастығы Мұрат Қабденов.&nbsp;</blockquote>

Екі баласын тұншықтырып өлтірген әйел ұсталды

<h4 style="margin-left:0px;text-align:justify;"><a href="https://kyzylorda-news.kz/">Kyzylorda-news.kz.</a> Қазіргі таңда алаяқтықтың басым бөлігі – әлеуметтік желі арқылы еркін жасалуда. Десе де, бүгінде қала көлеміндегі қалыптасқан қылмыстық ахуал тұрақты деп бағалануда. Жалпы, жыл басынан бері алаяқтық қылмысы бойынша 83 іс өндірісте қаралып жатыр. Алайда, аталмыш қылмысқа қатысты көрсеткіш 2023 жылмен салыстырғанда 21,6 пайызға төмендеген. Өңірлік коммуникациялар қызметінің ақпарат алаңында салаға жауаптылар интернет алаяқтықтың алдын алу бойынша атқарылған жұмыстардың қорытындысын айтты.</h4><blockquote>Қазіргі таңда интернет алаяқтықпен айналысушылар әр түрлі тәсілдерді пайдалану арқылы қаржы жымқырудың амалын жүзеге асырып отыр. Яғни, алаяқтар мемлекет тарапынан берілетін несиелерді әзірлеу, қайтарымсыз грант алу, жұмысқа орналастыру, жүргізуші куәлігін жеңіл жолмен алу сынды ұсыныстарды айтып, халықты құр уәдеге сендіреді. Осының кесірінен алаяқтардың арбауына алданып, сан соғып қалған азаматтар аз емес. Бұдан бөлек, “OLX”, “Kolesa.kz” желілері арқылы жасалатын алаяқтық түрлері де көбеюде. Шын мәнінде, мемлекет тарапынан берілетін қайтарымсыз грантқа қатысу электронды портал арқылы жүзеге асады. Ал, электронды жүйе өзге адамның көмегін қажет етпейді. Осы ретте облыс тұрғындарына айтарымыз, осы тектес қылмысқа немесе күмәнді мән-жайларға тап болған жағдайда тиісті банк қызметкерлеріне немесе полиция қызметкерлеріне хабарласып, мән-жайды дереу түсіндірген абзал. Сондай-ақ, ұялы телефон арқылы банк атынан хабарласқан күмәнді азаматқа жеке мәліметтерді, банк есеп-шоттарын, жеке құжат номерін айтпау қажет, - деді Қызылорда қаласы полиция басқармасы бастығының бірінші орынбасары, полиция полковнигі Ердәулет Жаукеев.</blockquote>Интернет алаяқтыққа қатысты қылмыстардың алдын алу бағытында жүйелі жұмыстар жүргізілуде. Дегенмен, алаяқтар өз әрекеттері арқылы халықтың сеніміне кіріп алады.&nbsp;<blockquote>Тауарға байланысты өз есеп-шотына ақша аударуын талап етсе, кейбірі азаматтардың жақындарына қатысты жалған дерек айтып тығырыққа тіреуі мүмкін. Бұл ретте азаматтар дереу құзырлы органның қызметіне жүгінгені абзал. Сондай-ақ, алаяқтар өздерін банк қызметкерімін деп таныстырып, жеке есеп-шотқа шабуыл жасалғаны туралы жалған сөздер айтады. Осылайша, халыққа онлайн несие рәсімдетіп, телефонға келген код арқылы басқа есепшотқа ақша аударып алады. Кейбір алаяқтар «AnyDeck» қосымшасын жүктеуді сұрап, қашықтықтан қалта телефонды басқарады. Яғни, олар банк қосымшаларынан онлайн несие рәсімдейді. Сондықтан, бөтен нөмірден қоңырау шалған жағдайда немесе қандай да бір адамға ақша аударар кезде сақ болуларыңызды сұраймын, - деді Қызылорда қаласы полиция басқармасының тергеу бөлімі бастығының орынбасары Айдос Усманалиұлы.</blockquote><img src="https://knadmin.beoblood.kz/uploads/426087332_1945382615857241_6914639865137517839_n_6bb8527ec4.jpg" alt="426087332_1945382615857241_6914639865137517839_n.jpg">

Қызылордалық полицейлер алаяқтарға алданбаудың жолын ұсынды 

<h4 style="margin-left:0px;text-align:justify;"><a href="https://kyzylorda-news.kz/">Kyzylorda-news.kz.</a> Парламент мәжілісінде бептерде кию талабы енгізілді. Ал кейбір шаралар онлайн форматта өткізіледі, деп хабарлайды Sputnik Қазақстан төменгі палатаның баспасөз қызметіне сілтеме жасап.</h4>6 ақпан күні президенттің іс басқармасына қарасты медициналық орталықтың бас санитар дәрігері Айгүл Темірғалиева коронавирус инфекциясына байланысты бүгіннен бастап мәжіліс ғимаратында бірқатар шектеу шараларын енгізді. Атап айтқанда, міндетті түрде медициналық бетперде тағып жүру керек. Ал жиналыстар онлайн форматқа ауыстырылады. Ғимаратта қандай да бір шара ұйымдастырылса, маска тағу режимі қатаң сақталуы шарт.Осыған байланысты мәжілістің баспасөз қызметі мәжілістің жалпы отырысна келетін жураналистерді шектеу шараларын алып тастағанша бетперде киіп келуді сұрады.Айта кетері, бұған дейін мәжіліс спикері Ерлан Қошанов пен президент кеңесшісі Қанат Бозымбаевтан коронавирус анықталған болатын.&nbsp;Фото: Sputnik / Владислав Воднев

Коронавирус өршіп кетті: мәжілісте бетперде тағып жүру міндеттелді

<h4 style="margin-left:0px;"><a href="https://kyzylorda-news.kz/">Kyzylorda-news.kz.</a> Жаңа денсаулық министрі Ақмарал Әлназарова Сенат кулуарында журналистердің сұрағына жауап беріп, бір жылға жетпей қазақстандықтардың неліктен МӘМС-ке көңілі толмайтынын анықтап, мәселені шешеміз мәлімдеді. Бұл туралы <a href="https://altyn-orda.kz/k">Altyn-orda.kz&nbsp;</a> ақпарат агенттігі хабарлайды.&nbsp;</h4>Әлназарованың сөзінше, МӘМС-тен бас тартуға болмайды. Бұл —&nbsp;министрліктің өзгермейтін көзқарасы.Тұрғындардың жүйеге сұрағы көп екенін түсінемін. Жүйені қайта іске қосуымыз керек. Мемлекет басшысының тапсырмасымен осы істі қолға алдық. Біз қазір медициналық ұйымға ақшаны жіберу жұмысын жеңілдетуіміз керек. Себебі медициналық қызметкерлерге де, ұйымдарға да белгілі бір туындайды, ол, әлбетте, медициналық қызметті көрсету сапасына әсер етеді”, –&nbsp;деді министр.&nbsp;Министр қызметіне енді ғана кіріскен Ақмарал Әлназарова бірінші кезекте тұрғындардың неліктен МӘМС жүйесіне көңілі толмайтынын анықтап, түсінуге, олардың шағымын азайтамыз деп уәде берді. Оған көп уақыт та керек емес дейді. Министрдің сөзінше, бәрін талдауға кететін уақыт бір жылға жетпейді.&nbsp;

Жаңа денсаулық сақтау министрі МӘМС жүйесін реттеуге уәде берді

<h4 style="margin-left:0px;">Фото: облыс әкімінің баспасөз қызметі</h4><h4 style="margin-left:0px;"><a href="https://kyzylorda-news.kz/">Kyzylorda-news.kz.</a> Биыл Қызылорда облысында күріш алқабының көлемі бес мың гектарға қысқарады. "Өнім азайып, кіріс тоқтайды" деп дабыл қаққан шаруалар су тапшылығының алдын алуға кіріскен, деп хабарлайды <a href="https://almaty.tv/kz/news/obschestvo/1455-su-tapshylygy-kyzylorda-oblysynda-kurish-alkabynyn-kolemi-kyskardy">Almaty.tv</a>.</h4>Күріш көлемін қысқартуға бірден-бір себеп – жыл өткен сайын Сырдария өзеніндегі судың сарқылуы. Ал көктем шыға тіршілік нәрінен тарығатын шаруалардан қазірден-ақ маза кетті.<blockquote>"Шардара" су қоймасына секундына 645 текше метр су түседі. Төменгі ағысқа 200 текше метр су жіберілуде. Оның 100 текше метрі "Көксарай" су реттегішіне жиналып, 100 текше метрі Қызылорда облысына жіберіледі. Арыспен қосқанда "Көктөбе" су бекетіне, яғни Қызылорда облысына секундына 180 текше метр су келіп түседі", – деді "Арал-Сырдария" бассейндік инспекциясы басшысының орынбасары Зейнулла Қазтоғанов.</blockquote>&nbsp;Биыл Сыр диқандары украиналық ғалымдармен бірлесіп, жаңа сұрыптарды жергілікті ауа райына бейімдеп жатыр. Былтыр мұндай тәжірибеден ресейлік өнім өткен. Өз кезегінде мұндай шаралар егістікті құрғақшылықтан құтқаруға сеп болады.<blockquote>"Сырдария өзеніндегі су тапшылығының алдын алу мақсатында 2022 жылы үкімет резервінен бөлінген 3,6 млрд теңге қаржыға 21 каналдың 225 шақырымы тазаланса, 1 дана гидротехникалық нысан жөндеуден өткізіліп, 133 дана насос қондырғысы сатып алынды, 52 ұңғыма бұрғыланды. Бұдан бөлек облыстық бюджеттен бөлінген қаржыға 141 каналдың 809 шақырымы тазаланып, 321 дана гидротехникалық нысан жөндеуден өткізілді. Осының арқасында, әрине су тапшылығы сезілгенімен судан қалған егіс көлемдері болған жоқ", – деді ауыл шаруашылығы және жер қатынастары басқармасының басшысы Талғат Дүйсебаев.</blockquote>Су тапшылығы сезілсе де, былтыр Қызылорда облысында негізгі дақыл күріш 89 мың гектарға жетіп, қамбаға жарты миллион тоннадан астам өнім құйылған. Шетелге 45 мың тонна күріш экспортталғаны тағы бар. Ал биылғы меже былтырғыдан 12 пайызға аз. Аз егіннен мол өнім алу агротехникалық шараларды күшейтуге әкеп тірейді.<blockquote>"Суды үнемдеуге септігін тигізетін дақылдарға көшудің бір қиыны олардың көпшілігі қолмен жасалады. Дақылдарды егуден бастап жинауға дейінгі аралықтағы мәселенің барлығын механикаландыруға көшкен жағдайда, диқандардың бетін бері қаратып, суды 2 немесе 3-4 есе аз пайдалануға мүмкіндік береді", – деді ауыл шаруашылығы ғылымдарының кандидаты Самалбек Қосанов.</blockquote>Аймақтағы алқаптың 60 пайызын суландыратын "Сол жаға" магистралды каналына су бөлу басталған. Тапшылықтың өнімге әсерін азайту үшін жергілікті шаруалар егісті әртараптандыруды қолға алмақ. Әрі жоспарға сай, күріш алқабының 55 пайызы лазерлік тегістеуден өтсе, тіршілік нәрін 15 процентке дейін үнемдеуге мүмкіндік туады.

Қызылорда облысында күріш алқабының көлемі қысқарды

<h4 style="margin-left:0px;"><a href="https://kyzylorda-news.kz/">Kyzylorda-news.kz.</a> Алматыда лай көшкіні кезінде қаза тапқан адамның мәйіті табылды, деп хабарлайды El.kz ақпарат агенттігі.</h4>Сағат 10:00-дегі жағдай бойынша ақпаратқа сәйкес, Алматыдағы лай көшкіні болған жерде жедел штаб құрылды. Қазіргі уақытта жеке тұрғын үйді лайдан тазарту және адамдарды іздеу жұмыстары жүргізілуде. 182 маман мен 32 техника жұмылдырылды. Жедел медициналық жәрдем бригадалары жұмыс істеуде. Туыстары мен көршілеріне шұғыл психологиялық көмек көрсетілді. Алматы қаласы ТЖД және республикалық жедел-құтқару жасағының күштерімен топырақтың лайлануына байланысты техногендік сипаттағы лай көшкіні ғимаратты зақымдаған. Соның салдарынан алдын ала қаза тапқан ер адамның денесі табылды. Кейінірек Төтенше жағдайлар министрлігі қайтыс болған ер адам емес, 2007 жылы туған жас жігіт екенін мәлім етті.Іздеу-құтқару жұмыстары жалғасуда.

2007 жылғы жігіттің денесі табылды

<h4 style="margin-left:0px;text-align:justify;"><a href="https://kyzylorda-news.kz/">Kyzylorda-news.kz.</a> Қазақстан Республикасы Стратегиялық жоспарлау және реформалар агенттігінің Ұлттық статистика бюросы, Бюро жанынан құрылған &nbsp;Фронт-офис арналары арқылы: «1446» Бірыңғай байланыс орталығы; Telegram-bot @statgovkz_bot; www.stat.gov.kz Интернет-ресурсының «Онлайн-кеңесші» модуліне статистикалық нысандарға қатысты туындаған сұрақтарыңыз бойынша тікелей жүгіну мүмкіндіктеріңіз туралы хабардар етеді.</h4><img src="https://knadmin.beoblood.kz/uploads/Bezymyannyj_4bd4feaa4b.png" alt="Безымянный.png">

Статистикалық нысандарға қатысты сұрақтарыңыз бар ма?

<h4 style="margin-left:0px;"><a href="https://kyzylorda-news.kz/">Kyzylorda-news.kz.</a> Отандық киноиндустрияны дамытып жүрген белгілі продюсер Гүлнұр Мамасарипова мансапқа беріліп, ұл туып алмағанына өкінетінін айтты, деп хабарлайды El.kz ақпарат агенттігі.</h4><blockquote>Туыстар тарапынан болған шығар. Алайда ешкім бетіме келіп айтпады. Күйеуім ешқашан "Ұл керек" деп айтпаған. Қазір "Неге үшеу-ақ туғанмын" деп ойлаймын. Жас кезде, физиологиялық тұрғыдан мүмкіндік бар кезде, көбірек баланы дүниеге әкелген дұрыс. Үшінші қызымды босанғанда, 27 жаста болдым. Содан кейін не істеп жүрдім? 33 жасымда, 35 жасымда не ай қарап жүрдім? Тағдыр солай шығар. Айтып отырмын ғой, маңдайыңа жазылса, көзің байланады. 30-бен 50 жас аралығы мансабымдағы ең белсенді уақыт екен. Осы жиырма жыл тынымсыз жұмыс істеппін. Оған дейін отбасы, бала босанумен айналыстым ғой, - дейді продюсер.</blockquote>Дегенмен, продюсер үш қыздан соң тағы бір рет босанбағанына өкінетінін айтты.<blockquote>Жиырма жылдың қалай өткенін білмей қалыппын. Оның жемісін де көріп жатырмын. Бірнәрсе дейін десем, асылық болады. Қатты берілгенім соншалық "Мен әйелмін ғой. Маған ұл керек шығар" демеппін. Ол ұл күйеуімнен гөрі маған керек қой. Құрбыларым ұлын үйлендіріп, құдағи болып, келін алып жатыр. Қызық. Киіт алып, қоржын жасайды. Үйге қандай келін келетінін уайымдайды. Ұлымның болмағанына қазір өкінемін. Маған ұл керек екен. Соны жастау кезінде неге түсінбедім екен. Ұл болсын, қыз болсын неге тағы 1-2 сәби босанбағаныма өкінемін. Күйеуім сұрамады. Ешкім ештеңе демеді. Тек шешем ғана "Ұл деген керек. Қаншаға келсең де, бір ұл туып алсайшы" деп қанша рет айтты. Үш қызды Алла менің маңдайыма, күйеуімнің маңдайына жазған шығар. Ұлдың өз орыны, қыздың өз орыны бар екен. Анаға ұл да, қыз да керек екен. Мен соны енді түсіндім, - деді Гүлнұр Мамасарипова.</blockquote>

Қазақстан және Қызылорда облысының жаңалықтары