<a href="https://kyzylorda-news.kz/ru">Kyzylorda-news.kz.</a>&nbsp; Салық кодексінің 166-бабына сәйкес, қолма-қол ақшалай есеп айырысулар арқылы өз қызметтерін жүзеге асыратын барлық салық төлеушілер бақылау касса машиналарын қолдануға міндетті. Бақылау-касса машиналарын қолдану кезінде қойылатын талап жөнінде Қызылорда қаласы бойынша Мемлекеттік кірістер басқарма басшысының орынбасары А.Жусупов тарқатып айтып берді.&nbsp;Бақылау касса машиналарын қолдану, жаңа хаттамаға көшіру және бақылау-касса машиналарының чектерін қазақ тілінде беру тәртібі.- ақшалай есеп айырысулармен байланысты қызмет басталғанға дейін бақылау-касса машинасын салық органында есепке қою қажет - &nbsp;Әрбір тауар, жұмыс, көрсетiлетiн қызмет үшін төленген сомаға бақылау-касса машинасының &nbsp;чегін беру қажет.Сондай-ақ Бақылау-касса машинасының чектері мынадай ақпаратты қамтуы тиіс. &nbsp; &nbsp; &nbsp;- &nbsp;салық төлеушінің атауын; &nbsp; &nbsp; &nbsp;- салық төлеушінің сәйкестендіру нөмірін; &nbsp; &nbsp; &nbsp;- &nbsp;бақылау-касса машинасының зауыттық нөмірін; &nbsp; &nbsp; &nbsp;- &nbsp;бақылау-касса машинасының салық органындағы тіркеу нөмірін; &nbsp; &nbsp; &nbsp;- &nbsp;чектің реттік нөмірін; &nbsp; &nbsp; &nbsp;- &nbsp;тауарларды сатып алу, жұмыстарды орындау, қызметтерді көрсету жасалған күн мен уақытты; &nbsp; &nbsp; &nbsp;- &nbsp;фискалдық деректер операторының атауын&nbsp; &nbsp; &nbsp; &nbsp;- &nbsp;тауардың, жұмыстың, көрсетілетін қызметтің атауын; &nbsp; &nbsp; &nbsp;- &nbsp;сатып алынатын тауардың, жұмыстардың, көрсетілетін қызметтердің санын, олардың өлшем бірлігін; &nbsp; &nbsp; &nbsp;- &nbsp;көрсетілетін қызметті сатудың жалпы сомасын; &nbsp; &nbsp; &nbsp;- &nbsp;бақылау-касса машинасы пайдаланылатын жердің мекенжайын; &nbsp;2022 &nbsp;жылы Салық кодексінің 166-бабына &nbsp;енгізілген өзгерістерге &nbsp;сәйкес, яғни &nbsp;сатып алушының талабы бойынша, БКМ түбіртектерінде сатып алушының ЖСН көрсетілуіне байланысты, Комитет «Бақылау-касса машиналарын қолдану мәселелері бойынша» әзірлеушілерімен және фискалдық деректер операторларымен бірлесіп бақылау касса машиналарымен ақшалай есеп айырысулар туралы мәліметтер берудің бірыңғай Хаттамасын &nbsp;жаңартып бекітті, яғни 2.0.2 хаттамасы бекітілді.Онлайн – БКМ қайта бағдарламалауды Қазақстанның кез-келген аймағындағы қалаларда орналасқан &nbsp;бақылау касса машиналарын жөндеу және техникалық қолдау орталықтарында қызмет алу мүмкіндігі қарастырылған. («Торговые Технологии» ЖШС Мекен-жайы Байсеитова №140, тел 27-23-26, 87762272326, 87000272326 және мобильді қосымша болған жағдайда Қызылорда қаласы бойынша МКБ жүгінуге болады).Сондай-ақ, мемлекеттік тізілімге енгізілген барлық БКМ модельдерінде техникалық талаптарға сәйкес мемлекеттік тілге ауыстыру функциясы жұмыс жасайды.&nbsp;Осыған сәйкес, тіл саясатын іске асыру мақсатында барлық салық төлеушілерге Бақылау-касса машиналарының чектерін &nbsp;мемлекеттік тіл қазақ тілінде &nbsp;басып шығаруға кеңес береміз.Фото: Нұрболат Нұржаубай

Кәсіпкерлер бақылау-кассасын пайдалану тәртібін біле ме?

<a href="https://kyzylorda-news.kz/ru">Kyzylorda-news.kz.</a> Парламент мәжілісі кейбір заңнамалық актілерге денсаулық сақтау мәселелері бойынша өзгерістер енгізу туралы заңды екінші оқылымда қабылдады, деп хабарлайды<a href="https://ru.sputnik.kz/?_ga=2.192735210.132202159.1705914006-1872977318.1665144974"> Sputnik Қазақстан</a>.Заңға сәйкес, енді ауылға жұмыс істеу үшін баратын медицина қызметкерлеріне 100 ең төменгі жалақы мөлшерінде біржолғы ақшалай төлем беріледі.Мәжіліс депутаты, әлеуметтік-мәдени даму комитетінің төрағасы Асхат Аймағамбетовтің айтуынша, бұл норма медицина кадрларын ынталандыру және ауылдағы кадр тапшылығын жою үшін қабылданып отыр.&nbsp;<blockquote>"Бұған дейін біз ауылға баратын жас дәрігерлерге біржолғы көтерме ақы береміз деп айтқан едік. Қазір біз сол уәдемізді орындап отырмыз. Бүгін заң қабылданды. Енді ауылға барған, медицина саласында істейтін жас маман біржолғы 100 ең төменгі жалақы мөлшерінде (8,5 млн теңге – Sputnik) көтерме ақы алады", - деді Аймағамбетов мәжіліс кулуарында журналистердің сұрағына жауап беріп.</blockquote>&nbsp;Депутат бұл көтерме ақы қолданыстағы әлеуметтік көмектерге қосымша енгізіліп отырғанын атап өтті.<blockquote>"Қазір "Дипломмен ауылға" бағдарламасы және тағы басқа көтерме ақы бар, оны ешкім алып тастаған жоқ. Сол көтерме ақының үстіне біз тағы бір жаңа көтерме ақыны енгізіп отырмыз. Медицина саласында істейтін мамандарды қолдау үшін, ауылдағы медицинаны дамыту үшін, ауылдағы кадр тапшылығын шешу үшін 100 ең төменгі жалақыға тең көмек береміз. Биыл оның мөлшері 9 миллион теңгеге жуықтайды", - деді мәжілісмен.</blockquote>Аймағамбетовтің айтуынша, ауылға баратын дәрігерлердің еңбек өтілі ескерілмейді. Олар тек көтерме ақыны алғаннан кейін бес жыл сол ауылда жұмыс істеуге міндеттеледі.Айта кетері, биылдан бастап елімізде ең төменгі жалақы 85 мың теңгені құрайды.Фото: Нұрболат Нұржаубай

Ауылға баратын дәрігерлерге 8,5 млн теңге біржолғы көтерме ақы беріледі

Фото: өңірлік коммуникациялар қызметі&nbsp;<a href="https://kyzylorda-news.kz/ru">Kyzylorda-news.kz.</a> Биыл өңірдегі шағын және орта кәсіпкерлік саласын дамыту бағытында ауқымды жоспарлар қолға алынды. Тиісінше, осы жылы өнеркәсіп өндірісі көлемін 101 пайызға, өңдеу өнеркәсібін 107 пайызға, сауда айналымын 104,5 пайызға, шағын және орта кәсіпкерліктің экономикадағы үлесін 23 пайызға жеткізу межеленіп отыр. Сондай-ақ, облыстың негізгі капиталына 517,5 млрд теңге инвестиция тарту жоспарлануда. Бұл туралы Өңірлік коммуникациялар қызметінде өткен брифингте облыстық кәсіпкерлік және өнеркәсіп басқармасының басшысы Дінмұхамед Әбсаттаров хабарлады.<blockquote>Облыста кәсіпкерлік және өнеркәсіп саласы айтарлықтай жанданып келеді. Мәселен, былтыр кәсібін тұрақты жүргізіп отырған кәсіпкерлер саны 67 180 бірлікті құрап, осы салада жұмыспен қамтылғандар саны 125 мың адамға жетті. Нәтижесінде, аталмыш саладағы өсім көрсеткіші 7,6 пайызды құрады. Сондай-ақ, кәсіпкерлік саласында 540,4 млрд теңгенің өнімі өндіріліп, бизнестің жалпы өңірлік үлесі 17,7 пайызды құрады. Өткен жылы аймақта мұнай өндіру көлемінің төмендеуіне қарамастан өнеркәсіп өндірісінің көлемі 3,6 пайызға, өңдеу өнеркәсібі 33,5 пайызға, сауда 4,7 пайызға, негізгі капиталға тартылған инвестиция 14,2 пайызға артты. Жалпы, индустрияландыру шараларының нәтижесінде өңдеу өнеркәсібінің өсу қарқыны бойынша біздің облыс республикада 1-ші орында, - деді басқарма басшысы.</blockquote>Былтыр облыста кәсіпкерлік және өнеркәсіп саласында 15 жоба жүзеге асырылды. Ал алдағы бесжылдықта өңірде 65 жоба іске асырылады деп жоспарлануда. Аймаққа инвестиция тарту бойынша Өзбекстан, Ресей, Моңғолия, Корея, Қытай мемлекеттерімен келісім нәтижесінде 3 инвестициялық жоба қолға алынды.

Қызылорда облысына 517,5 млрд теңге инвестиция тарту жоспарлануда

Фото: baq.kz<a href="https://kyzylorda-news.kz/ru">Kyzylorda-news.kz.</a> Оқу-ағарту министрлігі Білім беру ұйымдарының инфрақұрылымы басқармасының басшысы Тимур Кастуганов оқушылар мен мұғалімдер жер сілкінгенде қалай әрекет етуі керегін айтып берді, деп хабарлайды <a href="https://baq.kz/zher-silkingende-oqushylar-men-mugalimder-ne-isteui-kerek-321962/?fbclid=IwAR12sWsWKYS-IjB_AmnbC9L2YA2HGHo3vkJXhYtEnlT7GeUt9seggriu6ew">BAQ.KZ</a> тілшісі. - Табиғи апат кезінде мектепте оқушылар мен мұғалімдер қалай әрекет етуі керек?- Бізде арнайы бұйрық бар. Ол «Қауіпсіздік нұсқаулығы» деп аталады. Бұл құжат 2022 жылғы 30 наурызда бекітілген. Сонымен қатар бұйрық Төтенше жағдайлар министрлігімен келісілген. Бұйрықта төтенше жағдай кезінде қандай әрекет ету керегі жайлы бұйрық жазылған. Яғни қандай да бір төтенше жағдай болса, кім қандай сұраққа жауап беретіні нақты көрсетілген.Мысалы, мұғалім не істей алады, эвакуация қалай жасалады, балаларға қандай көмек көрсетеді және басқа да сұрақтардың жауабы бар.Осы алгорим бойынша әр тоқсан сайын теориялық және практикалық оқу-жаттығу жұмыстары өткізіліп тұрады. Сондай-ақ республикалық деңгейде бір апта бойы мектептерде, балабақшаларда және колледждерде практикалық жаттығулар ұйымдастырып отырамыз.Мысалы, 2023 жылғы қыркүйек айында осындай оқу-жаттығу жұмыстары өткізілді. Мұндай сабақтарға 3 млн оқушы мен 500 мың мұғалім қатысты.- Бұйрықта нақты қандай алгоримдер бар?- Техногендік сипаттағы төтенше жағдайлар және терроризм актісін жасау қаупі туындаған кездегі білім беру ұйымдары қызметкерлерінің, білім алушылары мен тәрбиеленушілерінің іс-қимыл алгоритмі нұсқаулықта нақты көрсетілген. Оны нормативтік құқықтық актілердің ақпараттық-құқықтық жүйесінен оқып алуға болады.Төтенше жағдай кезінде бірінші кезекте үрейленбеу керек.Мысалы, ғимарат құлағалы тұрса не істеу керек:- ғимараттан мүмкіндігінше тез кетуге тырысыңыз;- білім алушыларға педагогтің нұсқауы бойынша әрекет ету;- ғимараттан шығарда баспалдақпен түсіңіз;- эвакуация кезінде дүрбелең мен қысым жасамаңыз;- мүмкіндігінше зардап шеккендерге алғашқы көмек көрсету;- көшеге шыққанда ғимараттың жанында тұрмаңыз, ашық кеңістікке және эвакуация орындарына өтіңіз;- ғимараттан шығу мүмкіндігі болмаған жағдайда, ең қауіпсіз орынға ие болыңыз: негізгі қабырғалардың ойықтары мен бұрыштары, қабырға арқалықтары астында;- мүмкін болса, үстелдің астына жасырыныңыз - ол құлаған заттар мен сынықтардан қорғайды;- терезелер мен электр құрылғыларынан алыс болыңыз.Азаматтарымыз шұғыл әрекет ету қызметтерінің телефондарына да хабарласа алады.Ұлттық қауіпсіздік комитетінің кезекші қызметінің телефоны: 110Бірыңғай кезекші-диспетчерлік телефоны: 112Өртке қарсы қызмет телефоны: 101Ішкі істер органдары кезекші қызметінің телефоны: 102Жедел медициналық көмек телефоны: 103- Жер сілкінісі жиі болып тұратын аймақтардың білім беру ұйымдарына арнайы нұсқаулықтар бар ма?- Бізде осы сұрақтар бойынша Төтенше жағдай министрлігімен бірге нақты жол картасы қабылданған. Бірақ Оқу-ағарту министрлігінің міндетіне ең алдымен оқушыны және мұғалімдерді осындай жағдайларға дайындау кіреді. Осы ретте мұғалімдердің маңызды міндеті – балаға көмек көрсету және оның денсаулығын сақтау. Ал басқа да техникалық сұрақтар бойынша ТЖМ айналысады. Яғни SOS, SMS-хабарлама тарату және басқа да сұрақтар құтқарумен айналысатын министрліктің құзыретіне жатады.Ал біздің алдымыздағы ең маңызды міндет – оқушыны машықтандыру, дағдыландыру.- Оқу-ағарту министрлігі кеше Алматыдағы жер сілкінісіне байланысты қандай жұмыстар жүргізді?- Осыған дейін оқу-жаттығулар өткізілді. Сол себепті мұғалімдер мен оқушылар төтенше жағдай кезінде не істеу керегін біледі. Өздеріңіз көргендей, балабақшалар мен мектептерде зардап шеккен халықты қабылдау пунктері іске қосылды. Ол жерде халыққа көмек көрсетіліп, ас-сулары берілді. Мінекей, директор болсын, мұғалім болсын, осындай жағдайда қалай әрекет ету керегін жақсы білетінін байқауға болады.- Төтенше жағдай кезінде дүрбелеңге салынбас үшін ата-аналарға, оқушылар мен мұғалімдерге Оқу-ағарту министрлігі қандай кеңес береді?- Жаңа айтқанымдай, нақты алгоритм бар. Онда не істеу керегі қадам-қадаммен көрсетілген. Егер бала төтенше жағдай кезінде мектепте болса, онда ең алдымен абдырамай, мұғалімнің эвакуация бойынша айтқан нұсқаулығын орындауы керек. Мұғалімнің қасынан бөлек кетпей, топпен бірге жүруі қажет.Сондай-ақ біз мұғалімге де нақты нұсқаулықтар береміз. Себебі педагог баланың өмірі мен денсаулығына жауап береді. Балаларды ғимараттан шығарған соң сапқа тұрғызып, санап шығу керек. Яғни балалардың барлығы шыққанына көз жеткізу қажет. Міне, мұғалімнің жауапты міндеті осы. Ата-аналар да мұғалімнің нұсқаулығын тыңдауы керек.Егер бала дүмпуді сезсе, онда қатты қабырға мен есіктің артына қарай тығылу керек. Өйткені ол жер ауыр салмақты көтере алады. Жалпы осындай зілзала кезінде сабыр сақтап, дүрбелеңге бой алдырмай, мұғалімнің немесе басқа да үлкендердің сөзіне құлақ асу қажет.- Уақыт бөліп, сұқбат бергеніңізге алғыс айтамын!

Жер сілкінгенде оқушылар мен мұғалімдер не істеуі керек?

<a href="https://kyzylorda-news.kz/ru">Kyzylorda-news.kz.</a>&nbsp; Бүгін халықтың қаржылық сауатын арттыратын мамандарды оқыту жұмысы бастау алды. Олар 5 ақпаннан бастап еліміздің барлық аймағында тренинг өткізеді, - деп хабарлайды <a href="https://aikyn.kz/261741/k-aryzsyz-k-og-am--biyl-750-myn--adamnyn--k-arzhylyk--sauaty-artady">aikyn.kz</a>.Астанада біліктілікті арттыру курсынан өту және аудиториямен жұмыс істеудің тәжірибелік дағдысын дамыту мақсатында 150 қаржылық сарапшы бас қосты. Олар – халықтың қаржылық сауатын арттыруға арналған «Қарызсыз қоғам» жобасының болашақ дәріс оқушылары. Партия Хатшысы Эльдар Жұмағазиев Мемлекет басшысы Қасым-Жомарт Тоқаевтың «Әділетті Қазақстанның экономикалық бағдары» атты халыққа Жолдауында жобаның тиімділігі атап өтіліп, Президент оның ауқымын кеңейтуді тапсырғанын айтты.<blockquote>«Биыл қаржылық сауаттылық негізін мектеп қабырғасынан бастап оқытуды жоспарлап отырмыз. Ол үшін Үкіметпен бірлесіп оқушыларға, колледждер мен жоғары оқу орындарының студенттеріне арналған оқу құралдары әзірленеді. Жобаның ауқымын кеңейту мақсатында еліміздің барлық өңірінде 750 мың адамды, оның ішінде 100 мың студент пен 550 мың оқушыны оқыту жоспарлануда», – деді Эльдар Жұмағазиев.</blockquote>«Қарызсыз қоғам» жобалық кеңсесінің жетекшісі Ақмарал Бекмұрзаева өтініш берушілерді іріктеу кезінде 90 күннен астам мерзімі өткен несиесі бар азаматтарға басымдық берілетінін айтты.<blockquote>«Бүгінде еліміздегі экономикалық белсенді халықтың 77%-да несие бар. Ал 1,7 млн адамның несие төлеу мерзімі өтіп кеткен. Біз тек сан мен санауды үйретіп қана қоймай, таңдау жасау еркіндігіне жол ашамыз. Өйткені қаражатты қалай басқару керек екенін білген соң, сіз жай өмір сүріп қана қоймай, алдағы күнге жоспар да құра аласыз. Біздің жоба - қаржылық тәуелсіздіктің кілті», – деді ол.</blockquote>Қаржылық сауаттылық жөніндегі сарапшы, тренер Жандос Әзімбайдың айтуынша, тыңдаушылар арасында түрлі жағдайға тап болған жандар бар. Алайда халықтың басым бөлігі аса қажеті жоқ тауарлар мен қызметтерді де несиеге рәсімдейді.<blockquote>«Тыңдаушылардың арасында орта есеппен бір адамға 2-3 тұтынушылық несиеден келеді. Ал несие көлемі 70 мыңнан 2 млн теңгеге дейін барады. Алайда, аталған қарызды олар асқан қажеттіліктен алмаған. Адамдар маркетинг айласына алданып, үйде теледидары бола тұра жаңасын алғысы келді. Тыңдаушылардың бірі тіпті 16 несие алыпты», – деді ол.</blockquote>Ал тренер Айман Ақынбекова «Қарызсыз қоғам» жобасы аясында дәріс алған әр адам жеке қаржылық жағдайын жақсарту жоспарын қоса алатынын атап өтті.<blockquote>«Адамдар көбінесе несиені той жасау үшін алады. Жалақысы 100 мың теңгеге жетпесе де, той жасау үшін ақша алуға асығады. Микроқаржы ұйымдарына жүгінеді. Екінші деңгейлі банктерден және микроқаржы ұйымдарынан несие алған адамдар оны неше еселеп қайтаратындарын да білмейді. Бұл да қаржылық сауаттылықтың аздығын көрсетеді», – деді ол.</blockquote>Еске сала кетейік, «Қарызсыз қоғам» жобасы былтыр 2 мамырда бастау алды. Осы уақыт аралығында 65 мыңнан астам адам қаржылық сауатын арттырды. Қатысушылардың орташа жасы – 43. Олардың 65%-да несие бар. Қарызды қайтару мерзімі 90 күннен асып кеткен адамдардың үлесі – 18%. Әрбір екінші қатысушының отбасылық табысы 100 мың теңгеге жетпейді. Сонымен қатар, дәріс алушылардың үштен бірінде кемі 2 несиеден бар. Қатысушылар арасында балаларының несиелерін төлеуге мәжбүр болған зейнеткерлер де болды.«Қарызсыз қоғам» жобасының қатысушылары қаржы кеңесшілерінің дәрістерінен бөлек, enbek.kz порталына тіркелу мен ЖК ашудан бастап, соттан тыс банкроттықты сүйемелдеу және берешекті өтеу кестесін жасауға дейінгі көптеген сұрақ бойынша кеңес ала алады. Сондай-ақ, оқу процесіне қатысушыларға заңгерлердің де көмегі беріледі. Олар әр қарыз алушының несиелік тарихын жеке зерттейді және қарыз жүктемесін жеңілдету бойынша кеңес береді.Курсқа жазылу үшін тұрғылықты жері бойынша «AMANAT» партиясының аудандық филиалына хабарласу қажет. Жобаға қатысушылар күндізгі форматта сауатын арттырып, бір топта 50 адамға дейін оқытылады. Дәрістің ұзақтығы – 5 жұмыс күні.Фото: Нұрболат Нұржаубай

«АМАNАТ» хатшысы:  Жалақысы 100 мың теңгеге жетпесе де, той жасау үшін кредит алуға асығады

<a href="https://kyzylorda-news.kz/ru">Kyzylorda-news.kz.</a> &nbsp;18 қаңтарда Астанада 2024 жылғы алғашқы үшем дүниеге келді. Бұл туралы <a href="https://stan.kz/astanalik-ayel-egiz-baladan-keyin-ushem-duniege-akeldi-394245/">Stan.kz</a> ақпарат агенттігі хабарлайды.&nbsp;Үшемнің анасы – 1998 жылы туған елорда тұрғыны Ажар Қабитова. Бұл Ажардың алғаш ана атануы емес, оның 2020 жылы туған қызы мен 2022 жылы туған егіз баласы бар.Бұл жолы отбасы 3000 грамм, 2300 грамм және 2500 грамм салмақпен дүниеге келген үш сәбимен толықты.<blockquote>"Әйел жүктіліктің 34-ші аптасында босанды. Жаңа туған нәрестелер №2 қалалық көпсалалы ауруханада бір аптаға жуық болады. Сәбилердің жағдайы жақсы, салмақ қосып жатыр, дәрігерлердің бақылауында. Ертең барлығы бірге үйлеріне шығарылды", – дейді аурухана өкілдері.</blockquote>Фото: Нұрболат Нұржаубай

Астаналық әйел егіз баладан кейін үшем дүниеге әкелді

Фото: drive2.ruДереккөз: <a href="https://tolqyn.kz/">Tolqyn.kz</a>&nbsp;<a href="https://kyzylorda-news.kz/ru">Kyzylorda-news.kz.</a> Аралдықтар көлік күтіп жүр. Иә, шынымен айдың басында ұтыстан көлік ұтқан жерлестерінің жолын бізге де берсін дейтіндер көп. Нақтырақ айтсақ,«Аладдин» шығыс шайханасының ашылғанына 4 жыл болуына орай ұйымдастырылған бұл ұтыстан дәмелі жандар тек Аралдан емес, еліміздің түкпір-түкпірінде бар. Былтыр 2 көлікті өз иесіне табыстаған шайхана иесі биыл да 3 көлік және 150 бағалы сыйлықты ұтысқа қойған. Бірінші кезеңінде 75 сыйлықпен қоса 1 автокөлік ойнатылса, соның иесі аралдық Қуаныш Жұбанова атанған. Бүгін біз сол жолы болған жерлесімізбен тілдескен едік.&nbsp;<blockquote> – Әдетте мұндай дүниелерге көп қызықпайтынмын. Нәпақамды еңбегіммен тауып жүрмін. Бұрын балық комбинатында есепші болып жұмыс жасадым. Ал қазіргі уақытта балық сатумен айналысамын. Бірде інімнің жарнамасынан ұтыс өтетіні туралы естідім. Қызығушылықпен өзіне қоңырау шалып, қаншалықты шынайы, әділ өтетінін сұрадым. Барлығы ашық, әділ өтеді деген соң бағымды сынап көргім келді, – дейді.</blockquote> Толық ақпаратты естіген соң бар-жоғы 3 билет сатып алып, ұтыс ойнына қатысуға тәуекел еткен. Әрі қарай өз сезімімен бөліскен кейіпкеріміз:<blockquote> – Ұтыс ойналатын күні көпшілікпен бірге барып, өз көзіммен көргім келді. Мыңнан аса адам жиналды. Одан бөлек, тікелей байланыс арқылы төрт мыңға жуық адамның тамашалап отырғанын да естідім. Басқа қанша адам барын тіпті ойлау мүмкін емес. Үміт бар, бірақ сенім аз болды. Менде осыншама адамның арасынан көлік маған бұйырады деген ой мүлде болмады. Ал есімімді атап, ортаға шақырғандағы сезімімді, қуанышымды сөзбен айтып жеткізе алмаймын. Жолдасымда тұрақты жұмыс жоқ. Өзім көп балалы анамын. Жеті қыз тәрбиелеп отырмын. Сол балаларымның несібесі шығар, «Нyundai sonata sport» көлігі маған бұйырды. Өзімде көлік жүргізуге рұқсат қағазым жоқ. Қазір жолдасым жүргізіп жүр – дейді.</blockquote>О.ЖОЛДАСОВ&nbsp;

Аралдық балық сатушы ұтыстан көлік ұтты

<a href="https://kyzylorda-news.kz/ru">Kyzylorda-news.kz.</a>&nbsp; Бірінші, Алматы жер сілкініс белдеуі аймағына жатады, ол ғылымда әлдеқашан дәлелденген, оған құмалақ ашып жаңалық айтудың керегі жоқ. Орталық Азияның қауіпті сілкініс белдеуінің бір жолағы Қазақстанның біраз аймағын қамтып жатыр. Жер кеше сілкінген, бүгін сілкінді, түптің түбінде ертең де сілкінеді және сілкіне береді. Жер- күнәнің көптігі үшін сілкінді деп аңыраған жұртқа құрғақ ақыл айтатын қаймана уағыз қай қоғамда болсын табылады, жер- атеист пен тәңіршілге "Аллаһты еске салды" дейтін міскін ой, асығыс тұспал қай жамағатта болсын табылады, бірақ табылмай тұрғаны ҒЫЛЫМ, мән берілмей тұрғаны да осы.Екінші, жерді кім сілкісе де мейлі, маңыздысы ол емес, онсыз да сілкініс белдеуінде тұрып жатырмыз, "ұйқыдағы" сілкініс пен жанар тау бізде онсыз да баршылық. Мәселе біздің жердің сілкінуін қалай қабылдағанымызда болып отыр. Бізде отандық нақты ғалымдар бар жер сілкінісі туралы ғылыми зерттеу еңбектерін жазып академиялық тұспалдар жасап жатқан. Жер сілкінген жағдайда және болжамды сілкініс кезеңдерінде неге сол ғалымдармен санаспаймыз? Қаншама құрылыс компаниялары тұрғызған тұрғын үй кешендері бар, қай кешен сілкініске қаншалық жарамды? Біліп, тексеріп жатқан біреу бар ма?!Үшінші, жер құдайды ұмытқан қазақ қоғамына Алланы есіне түсірді дейік, жарайды. Біздің қоғам соңғы 30 жылдан бері нео-исламданған қоғам екенін ескере отырып солай қабылдайық. Бірақ, Алланың 99 көркем аты бар, біздің кейбір діни белсенділер соның "қаһарлы" аттарын көбірек еске алып күнәсін есіне түсіріп діни жамағат көбейіткісі келетін сияқты көрінді. Неге Алланың "ғылым", "ілім", "х'алақ" яғни ғылым-күш, білім-күш дейтін ақылды ортаға қоятын нақты концепциялды аттарын еске түсірмейді?. Сонда біздің аңтарылған қоғам ҒЫЛЫМның қажетті күшін басқа қырынан сезінер еді ғой.Төртінші, тағы да қайталап айтамын жер сілкініп тұрады, ол тұрақты жағдай. Жер сілкінген жағдайда біздің қоғам нақты салалық ғалымдарды көбірек басшылыққа алуы тиіс. Жапондар жүз жылдан бері солай істеді. Әр жойқын сілкіністен сабақ ала отырып адам шығыны мен материалдық шығынды ең төменгі шекке дейін азайтты. Жапондар жер сілкінген жағдайда "молданы, әулиені" іздеген жоқ, нақты инженер ғалымдарды басшылыққа алды, сол үшін жапон қоғамында миф тараған жоқ. Ал бізде ше? Мифтің жетпіс жеті атасы тарап онсызда аңыраған жұртты кеміріп жеп жатыр.Бесінші, қазір тас лақтырсаңыз құрылыс компанияларының басына барып тиеді. Қаншама тұрғын үй кешендері мен нысандары бой тұрғызылды. Олардың жарнамасын көрсеңіз сол тұрғын үйде тұрғың келіп кетеді. Аталған кешендер күтпеген апатқа қаншалық дайын және адам шығыны мен материалдық шығынды қаншалық төмен көрсеткішке дейін түсіре алады деген сұрақ мазалайды?! Осы реткі сілкіністен соң біз қандай сабақ алдық? Егер жер сілкінісі құдайдың ескертуі болса онда құдай бізге нені ескертіп тұр? садақаны аз бердің деп ренжіп тұр ма, әлде ғылымсыз-ілімсіз қалмаңдар деп ренжіп тұр ма?.Алтыншы, Жер сілкісіні бәрінен бұрын біздің санамызды сілкуі керек еді. Осы реткі төтенше жағдайдан соң қоғам болып ойлануымыз тиіс. Бізде "бісмилләні айтатын ауыз табылады, іс қылатын қол табылмай" тұр. Тек қана жер үшін айтқым келмейді, барлық саланың күйі осындай. Әр саланы өз мамандары айналысып зерттеуі, сын-пікір айтуы тиіс. Елдің басына күн туса бізге молда да, шоумен де, тиктокер де, әнші де көмектеспейді, бізге нақты ҒЫЛЫМ көмектеседі. Барлық ситуациядан ащы сабақ ала отырып елдің ертеңі, халықтың қауіпсіз, алаңсыз өмір сүруі үшін нақты шешімдер қабылдауымыз керек. Сонда біз күтпеген апатты жағдайда адам шығыны мен материалдық шығынды ең төменгі шекке дейін азайта аламыз.<a href="https://www.facebook.com/ELDECORDA?locale=ru_RU">Елдес ОРДА</a>Фото: Нұрболат Нұржаубай

Жер сілкінді, ал санамыз сілкіне ме?

<a href="https://kyzylorda-news.kz/ru">Kyzylorda-news.kz.</a> Маңғыстау облысы Құрық ауылында 8 жасөспірім 2009 жылы туған кәмелеттік жасқа толмаған Мейрамбек Рахымбердіге шабуыл жасаған. Жәбірленуші қазір ауруханада жатыр. Баланың ата-анасы бұл ұлына жасалған алғашқы шабуыл емес екенін айтып, кінәлілердің жазалануын талап етуде. Бұл туралы <a href="https://stan.kz/mangistau-oblisinda-bir-top-zhasospirim-kamelettik-zhas-394260/">Stan.kz </a>ақпарат агенттігі lada.kz сайтына сілтеме жасап хабарлайды.&nbsp;Анасының айтуынша, өткен жылдың қыркүйек айында Мейрамбекті бір топ жігіт ұрып-соқан. Жарақат алғаннан кейін жасөспірімде ұстама пайда болған. Оған "2-дәрежелі эпилепсия" диагнозы қойылып, үшінші топтағы мүгедектік тағайындалды.<blockquote>"Жағдайға кінәлілер жазаланған жоқ. Тергеу амалдары жалғасуда. Шабуыл 20 қыркүйек күні сағат 06:30 шамасында болған. Ұлы мен досы жергілікті дүкеннің жанында тұрған. Сол сәтте 8-10-ға жуық жасөспірім оны соққыға жыққан. Күдіктілер белгілі, олардың жеке тұлғалары анықталды. Алайда, қылмыстық іс әлі қозғалған жоқ. Полиция мен аудан прокуратурасы әрекетсіз. Күдіктілерге қатысты әкімшілік құқық бұзушылық туралы кодекстің 434-бабы (Ұсақ бұзақылық) бойынша әкімшілік хаттама толтырылды. Сот-медициналық сараптама әлі тағайындалған жоқ. Біз әділдік пен қауіпсіздікті қалаймыз", - деді жәбірленушінің ата-анасы.</blockquote>Фото: Нұрболат Нұржаубай

Бір топ жасөспірім кәмелеттік жасқа толмаған ерекше баланы соққыға жыққан

<a href="https://kyzylorda-news.kz/ru">Kyzylorda-news.kz.</a> &nbsp;Сенатор Нұртөре Жүсіп премьер-министрдің атына жолдаған сауалында халықтың мәдени деңгейіне қатысты проблемаларды көтерді, деп хабарлайды <a href="https://qaz.ulysmedia.kz/sol-zhagalau/11968-senator-tegin-tamakk-a-umtylatyndardy-synady/">Ulysmedia.kz.</a>Сенатор Нұртөре Жүсіп жастар тәрбиесі мен халықтың мәдени деңгейін арттырудың маңыздылығы туралы айтты.<blockquote>«Былтыр Тәжікстанның жеміс-жидегіне таласқан жұртты көріп жағамызды ұстаған едік. Дәл жаңа жылдың алдында шоколад шыршасын бір минутта тайпап кеткендерді де көрдік. Осы видеолар халықаралық пабликтерде мыңдаған қаралым жинап жатыр. Сонда біздің мәдени деңгейіміз, жеткен жеріміз осы ма?»,- деді сенатор.</blockquote>Депутат мемлекет тарапынан халықтың мәдени деңгейін көтеруге, таным-түсінікті кеңейтуге бағытталған бірқатар жұмыстар жүргізіліп келе жатқанын атап өтті. Атқарылған жұмыстардың бәрінің түпкі мақсаты – елдік санамызды оятып, тарихи жадымызды қайта қалпына келтіруді көздейді. Дегенмен, депутаттың пікірінше, мұның бәрі жеткіліксіз.<blockquote>«Президент «Толық адам», «Адал азамат» деген идеяларды ұсынды. Бұл да құндылық. Осының бәрін кім жүйелейді? Айтылған сөз айтылған жерде қалмауы керек қой. 20 миллион Қазақ Еліне ортақ осындай құндылықтар жүйесі қашан жасалады? Жас ұрпақ тәрбиесі мен мәдени деңгейімізді көтеру мәселесіне мұқият көңіл бөлмесек болмайды», - деді сенатор.</blockquote>Сенатор депутаттық сауалда айтылған проблеманы шешуді көздейтін үкіметтің тұжырымдамалық ұсыныстарын жан-жақты пысықтауды және жедел әзірлеуді ұсынды.Фото: Нұрболат Нұржаубай

"Біз аш емеспіз": Сенатор тегін тамаққа ұмтылатындарды сынға алды

Фото: tolqyn.kz&nbsp;<a href="https://kyzylorda-news.kz/ru">Kyzylorda-news.kz.</a> Биыл облыстағы су шаруашылығын дамыту бағытында 6 жобаны жүзеге асыру жоспарлануда. Сондай-ақ, осы жылы республикалық бюджет есебінен Жаңақорған ауданындағы Келінтөбе магистралды каналы мен Жаманбай батыр ауылдық округіндегі суару жүйесінің құрылысы басталады. Бұдан бөлек, Қазалы ауданында егін егу үшін суармалы жер учаскесін құру жобасы бойынша сыртқы инфрақұрылым нысандары салынады. Бұл туралы Өңірлік коммуникациялар қызметінің ақпарат алаңында облыстық табиғи ресурстар және табиғат пайдалануды реттеу басқармасы басшысының орынбасары Қайрат Жансұлтанұлы хабарлады.<blockquote>&nbsp;Өңірдің су шаруашылығын дамыту бағытында 2023 жүйелі жұмыстар атқарылды. Мәселен, былтыр елді мекендерді аяқ сумен қамтамасыз ету үшін 85,3 шақырым болатын 10 канал тазартылып, 29 дана насос қондырғысы орнатылды. Сондай-ақ, 28 каналдың жобалық-сметалық құжаттары әзірленіп, мемлекеттік сараптамадан өткізілді. Ал биыл «Қараарық», «Ескі бостандық», «Дәурен», «Құмжарған», «Нартай», «Базарарық» каналдарын республикалық бюжеттен жөндеу үшін тиісті өтінім берілді. Сонымен қатар, Жалағаш ауданындағы 15 мың гектар суармалы жерді қайта қалпына келтіру жұмыстары жүргізілуде. Бұл жұмыстар биыл да жалғасатын болады. Жалпы бүгінде 787 891 м су жүйесі, 870 558 м қашыртқы жүйесі тазаланып, 115 дана бақылау ұңғымасы салынды, - деді Қайрат Жансұлтанұлы.</blockquote>Балық шаруашылығы - өңірдің экономикалық дамуына әсер етуші және халықты жұмыспен қамтудың негізгі саласы ретінде аса маңызға ие. Осыған сәйкес, балық шаруашылығын дамытудың 2021-2030 жылдарға арналған бағдарлама аясында биыл 1000 тонна балық өсіру жоспарлануда.<blockquote>Жалпы облыс бойынша Кіші Арал теңізі, Сырдария өзені және 201 көл тізімге алынып, бүгінде үш мыңнан астам адам балық шаруашылығымен тұрақты айналысады. Былтыр облыс көлемінде 6097 тонна балық ауланып, 3394 тонна балық өнімі 13 шет мемлекетіне экспортқа шығарылды. Сонымен қатар, 2023 жылы 837 тонна балық өсіру жоспарланса, бүгінде тауарлы балық өсіру көлемі 426 тоннаға жетті, - деді басқарма басшысының орынбасары.</blockquote>Айта кетейік, өңірде 7 тор қоршама, 8 тоған, 2 сумен қамтамасыз ету циклі

Су шаруашылығын дамыту бағытында 6 жоба жүзеге асырылады

<a href="https://kyzylorda-news.kz/ru">Kyzylorda-news.kz.</a> Ғылым және жоғары білім министрі Саясат Нұрбек Назарбаев университетіне бөлінетін қаржыға білім тапсырысы және мақсатты депозиттер кіретінін мәлім етті, деп хабарлайды <a href="https://kaz.inform.kz/news/sayasat-nurbek-kr-gylym-zhane-zhogary-bilim-ministri-lauazymyna-tagayyndaldy_a3943363/">Kazinform </a>агенттігі.<blockquote>«Назарбаев университетіне өткен жылдағыдай шамамен 42 млрд теңге қаржы бөлеміз. Алдағы 3 жылда университетке қолдау көрсететін боламыз. Мемлекеттен бөлінген қаржыға мемлекеттік білім тапсырысы және мақсатты депозиттер кіреді. Сондықтан алаңдаудың қажеті жоқ», — деді Саясат Нұрбек Үкімет отырысынан кейін өткен баспасөз мәслихатында.</blockquote>Сонымен қатар министр алдағы 3 жыл бойы бөлінетін қаржының бюджетте бекітілгенін айтты.Еске салсақ, былтыр Ғылым және жоғары білім министрлігі Назарбаев университетін қаржыландыру көлемі жылдан-жылға азайып келе жатқанын хабарлаған еді.<blockquote>«2020 жылы Назарбаев университетін қаржыландыруға республикалық бюджеттен 55 243 246,6 мың теңге, 2021 жылы — 57 384 102,2 мың теңге, 2022 жылы — 45 038 666,7 мың теңге, ал 2023 жылы — 42 571 878,8 мың теңге бөлінді. Соңғы екі жылда қаржыландыру сомасы өткен жылдармен салыстырғанда азайды», — деп жауап берді министрлік Kazinform сауалына.</blockquote>Фото: Нұрболат Нұржаубай

Қазақстан және Қызылорда облысының жаңалықтары