<a href="https://kyzylorda-news.kz/ru">Kyzylorda-news.kz.</a> Бүгінде жиһаз бағасы аспандап тұр. Оны дүкенге кіргенде бірден аңғаруға болады. Сосын дұрысы ескіні жаңалаған тиімді ме деп ойлайсыз. Расында бұрынғы дүниені жөндетер болсаң, жаңа дүниеден ешқандай айырмашылығы болмайды. Сапалы, тартымды етіп істеуге бүгінде кәсіпкерлер машықтанған.Аралдық Сәуле Елемесова да осы іспен айналысып келеді. Оның жұмысына тұрғындар дән риза. Ол тұтынушылардың көңілінен шығу үшін қанша уақыт қажет болса да, алған тапсырысты тындырымды жасауды мақсат еткен. Бүгінде оның тұтынушылары өте көп. Біз бір дүниені жасасақ, жан-жаққа хабарласып, сүйінші сұрауға асығамыз ғой. Істеген жұмысы көңілінен шықса, кәсіпкерге тұтынушыны да өзіміз тауып береміз. Міне, Сәуленің көп тұтынушылары осылай пайда болған. Ол «Бастау» жобасы аясында кәсібін дөңгелетіп отыр.<blockquote>«Бүгінде ескі дүниені жаңалауға тұрғындар үйреніп келеді. Бұрын жаңасын сатып алатындар көп еді, бүгінде қайта қалпына келтірушілер саны артқан. Тұтынушылар біреу арқылы хабарласып тұрғанын айтқанда қуанып қаламын. Тұтынушыны іздеп әуре болмаймын, бір-екі жерге барсам, үш-төрт тұтынушының өздігінен шығатыны жақсы. Сондықтан да әр ісімді тиянақты жасауға асығамын» , – дейді кәсіпкер.</blockquote>Сәуле тігіншілікті анасынан үйренген. Өзі Аралдағы шағын тігін шеберханасында жұмыс істеп, тәжірибесін жетілдіреді. Кейін өзі тұратын сол өңірде жиһаз әзірлейтін кәсіпорында жөндеуді, оларға қаптама жасауды үйренеді.<blockquote>– 2019 жылы таныс келіншектер «Бастау» жобасында оқып, қолынан келетін тірліктерін кәсіпке айналдырып жатқанын айтты. Мен де қызығып кеттім. Шүкір, қолымнан тігін тігу де, жиһаз жөндеу де келеді. Сонымен ойлана келе хоббиімді кәсіпке айналдырмаққа бекіндім. «Бастау» жобасын оқып, кәсіпті бастау, жүргізуге қатысты құнды ақпараттар алдым. Білім көкжиегімді кеңейттім», – дейді Сәуле Елемесова.</blockquote>«Бастау» жобасының көпшілік үшін тигізген пайдасы көп. Қайтарымсыз қаржыны жастар да игілігіне жұмсауда. Курсты оқып, бизнесті жалғастыруды Сәуле секілді жастар тым жақсы меңгеріп кетті. Ол бизнес-жоспарын сәтті қорғап шығып «Еңбек» мемлекеттік бағдарламасы арқылы қайтарымсыз грантқа қол жеткізіп, 530 мың теңге қолдау алады.<blockquote>– Кәсібімді бастайтын кезең өткен жылғы пандемия, карантин шектеулері уақытына сай келді. Дегенмен, карантин талаптары жеңілдетілген кезде көрші облыстан кәсібіме қажетті тігін машинасы, құрал-жабдықтар алып, қызметімді бастап кеттім», – дейді кәсіпкер.</blockquote>Алғашқы тапсырысын жиһазға қаптама тігуден бастаған Сәуле кей жағдайда сынған мүліктерді жөндеуге де тура келгенін айтады.<blockquote>– Бірінші кезде кей азаматтар тапсырысты орындай алатыныма күмәнмен қарады. Себебі ескі жиһаздардың кейбірі сынық болып келеді. Қолға ара алып, өзім жөндей салатынмын. Қаптамасын әзірлеу барысында да күшті қажет ететін сәттер жеткілікті. Сол жағынан әйел адам жасай алмайды ғой деп тартыншақтағандары болды. Бірақ жұмысымның нәтижесін көргеннен кейін алғысын айтып, ризашылығын білдіруде», – деп Сәуле Елемесова қызмет көрсету кезіндегі қиындықтарымен де бөлісті.</blockquote>Бүгінде Аралда кәсіпкердің қызметіне сұраныс жоғары. Сәуле алдағы уақытта кәсібін кеңейту үшін жеңілдетілген несие алып, киімдер тігуді қолға алуды жоспарлауда. Ал өзі секілді кәсіп бастағысы келген жандарға мемлекет тарапынан беріліп жатқан мүмкіндіктерді тиімді пайдаланып, шағын болса да кәсіп ашып, еңбек етуге шақырады.Осындайда оңай жұмыстың жоқ екеніне көзің жетеді. Әйтпесе ер баланың көмегі қажет ететін жиһазды Сәуле өзі жасап келе жатқаны да құптарлық іс. Кәсіпті бастады, өзі алып кете алатынына көзі жетті. Бүгінде «сенің қолыңнан келе ме?» деген күмәнды сейілтіп, қыз баланың қолынан да біраз істің келетінін дәлелдеп бағуда.Айта кету керек, Қызылорда облысы кәсіпкерлер палатасының берген ақпараты бойынша, «Бастау» жобасы аясында биылғы жылдың өзінде облыста 1-лекке 693 азамат оқуға қабылданып, 380-і «оқуды аяқтағандығы» туралы, 6-ауы «қатысқандығы» жөнінде сертификат алып үлгерді. 252 қызылордалықтың бизнес-жоспары қаралуда. Ал 55 азамат оқуға қатыспағандықтан немесе қорытынды тестілеуде тиісті балды жинай алмағандықтан оқудан шығарылған.

Аралдық кәсіпкер ескі жиһазды қалпына келтіреді

<a href="https://kyzylorda-news.kz/ru">Kyzylorda-news.kz.</a> «Жастар театрға бармайды» деген сөзді жиі естиміз. Дегенмен де бұл пікірге «Жастар» театрының жас актрисасы келіспейді. Себебі сахна қашанда киелі. Жастардың өнерін тамашалап келетіндер қатары күн санап артуда. Адамның жан дүниесін тыныштандырып, керемет сезімге бөлейтін театр ұжымының жұмысы ерен. Жас актер мен актрисалардан құралған өнер ордасы бүгінде біршама табысқа жетті. Қанша спектакль көрерменге жол тартты. Білікті де білімді мамандар театр ұжымында қызмет етуде.Бірде «Жастар» театрының «Алғашқы махаббат» қойылымын көргенім бар. Сахнадағы жастардың барлығы өз жұмысын жақсы көріп, образдарын орындап жүргеніне риза болдым. Ол уақыттан бері қаншама дүние сахналанды. Ал Айша Әбдірахманның есімі театр есігін жиі ашатын көрерменге танымал. Ол қатысқан қойылымдар көп. Мәселен «Алғашқы махаббатта» – мектеп директоры, «Қызылорданың қыздарында» – Мәрия, «Қыз қасқырда» – Құртқа, «Қалың елім, қазағым, қайран жұртымда» – бас шайтан, «Неге» қойылымында – Әлима рөлдерін сомдады.<blockquote>– Бала кезден театрға жиі барушы едім. Содан да болар актриса болу арманыма айналды. Сахнадағы өнер адамдарын көріп, әр қимылына ден қойып отыратынмын. Рөлді қалай алып шыққанын, қойылымнан кейін зерттеу менің күнделікті жұмысыма айналды. Мына жерде қателесті, мына жерде былай ойнаса әдемі шығар ма еді деген ойдың жетегінде жүріп өзімде сахнадан бір-ақ шықтым. Одан қалды әдеби кітаптарды жиі оқыдым. Ізденісті де көбейттім. Нағыз маман болуға талпындым. Нәжижесінде әріптестеріммен бірге өнер көрсетудемін, – дейді Айша Қайратқызы.</blockquote>Кейіпкеріміз 1993 жылы 10 қарашада Шымкент қаласында дүниеге келген. №213 мектептің табалдырығын аттап, №8 П.Д.Осипенко &nbsp;атындағы қазақ-орыс мектебін аяқтады. Мәншүк Мәметова атындағы Қызылорда гуманитарлық жоғары колледжіне оқуға түсіп, актер өнері мамандығында білім алды. Сондай-ақ Қорқыт ата атындағы Қызылорда мемлекеттік университетінде журналистика мамандығында оқыды. Театр саласы бойынша «Үздік әйел адам» номинациясын иеленді. «ТТТ» халықаралық театрлар фестивальнің лауреаты. А.Тоқмағанбетов атындағы мәдениет үйіндегі «жастар» театры жанынан ашылған «Бастау» театр үйірмесінің жетекшісі. Үйірме мектеп оқушыларынан құралған. Олар шағын рөлдермен сахнаға шығып жүр. Театр күніне орай ұйымдастырған кеште «Жастар» театрының репертуарындағы «Қыз қасқыр» қойылымынан үзінді көрсетті.<blockquote>– «Театр – өнер мешіті» деген теңеу бар. Десе дегендей, театр – мәдениеттілікке, имандылыққа бастайтын баспалдақ, алтын көпір екені даусыз. Осы орайда маған театр қатты ұнайды. Аурасы бөлек, ұжымның ауызбіршілігі, сыйластығы ерекше. Қыздар мен жігіттердің барлығы өнерлі. Биге де, көркем сөз оқуға да талапты, қай рөлді берсе, соны орындап шығуға барынша атсалысады. Бізге ізденіс керек, көп уақытымыз кітапханада өтетінін жасыра алмаймыз. Шығарманы бастан-аяқ оқып, әр сөйлеміне мән беріп, өзімізше талдау жасаймыз. Бұл біздің қойылымды ойдағыдай алып шығуға үлкен септігін тигізеді» – дейді Айша.</blockquote>«Театр – тәрбие мектебі, театр – тәлім, рухани азық алар орда» деп ұлы жазушылар айтып кеткендей, театр көрінгеннің ермегі емес, ол – еңбек. Мұны өз ісімен дәлелдеп жүрген жастардың бар екені бізді ерекше қуантты.

«Жастар театры» бүгінде біршама жетістікке жетті

<a href="https://kyzylorda-news.kz/ru">Kyzylorda-news.kz.</a> Бүгінде той-думан әнші, бишілерсіз өтпейді. Ол үй болсын, мейрамхана болсын. Оның үстіне “менмін” деген әншілерді емес, жанды дауыста ән шырқайтындарды шақыруды әдетке құп көреміз. Соған қарағанда халық жасанды дауыстан ығыр болғандай. Мен де осы жайттың куәгері болдым. Бірде сыныптастарымның отырысы өтті. Бұл отырыстың көркін 24 жастағы жігіт қыздырды. Нағи Әбдіқадырдың дауысын естігенде таңданып қалғаным рас. Қай тілде болса да емін-еркін айтады. Ұйып тыңдап кеткеніміз соншалықты уақыттың қалай өткенін аңғармай да қалыппыз. Өзім жастардың насихаттаушысы болған соң ба, бірден Нағиды сөзге тарттым.<blockquote>– Гитараны қолға алғаныма көп уақыт болды. Тіпті бала кезден әуеспін десем болады. Өзіме ұнаған әндерді шырқап жүріп үйрендім. Гитара тарту оңай емес, дегенмен бір үйреніп алсаңыз әрі қарай ауырлық етпейді. Ал әндерді бірте-бірте жаттай бердім. Балалық шақтағы арманым әнші болу еді. Үлкен сахналарда өнер көрсетпесем де, байқауларға қатысып, жеңімпаз атанған кездерім бар. Бүгінде достарымның арасында ән айтамын. Бұл сөз тойға шығып, ақша табады дегенді білдірмейді. Бірден айтайын, мен тойға шықпаймын. Тек жақындарымның өтінішін орындап айтатыным болмаса. Сіз де осындай сәтке кезігіп қалдыңыз. Жалпы қолдан келген істі жасаған дұрыс қой. Мен өнерді жоғары бағалайтын адаммын. Сондықтан да өнер үлкен сахналарда бағалануы керек. Ал менің арманым сол үлкен сахналардан бой көрсету, – дейді Нағи әңгімесінде.</blockquote>Нағидың орындауындағы әндердің бәрі жүректі тербетеді, адамға әдемі көңіл күй сыйлайды. Қуандық Рахымның “Мен қазақпын” деген әнін Нағидың аузынан естідік. Шынымен-ақ қазақтың жігіттері осындай болу керек.<blockquote>– Мен көбіне Әбдіжаппар Әлқожананың әндерін ұнатамын. Ғазизхан Шекербеков әндерін көбіне гитарамен айтады, сондықтан да болар соған еліктеймін. Оның барлық әндерін ұнатамын. Сосын соларды жаттауға тырысамын. Ішінен “Еркекпін мен”, “Қайдан ғана жолықтың”, “Көзіме қара” өлендері жаныма жақын. Бұйырса, арманым орындалар күн алыс, – дейді Нағи.</blockquote>Өнерлі жігіттердің бірі домбыра ұстап ән шырқаса, енді бірі баянмен өнер көрсетеді. Ал біздің кейіпкеріміз гитарамен ән айтады. Өзім бала кезден гитара үйренгім келді, сондықтан да гитара тартқандарды ютуб арқылы қарап жүрдім. Бірақ “былай ұста, былай тарт” деп отырған адам болмаған соң да үйреніп кету оңайға соқпады. Міне, енді Нағидың қолындағы гитараны көріп, балалық арманым еске түсті. Нағидың “Мен өнерді жоғары бағалаймын” деген сөзі қатты ұнады. Шынында бір-екі ән айтып, танымал болып жатқандар бар. Ауылдан шыққан қаншама талант иесі жарқ етіп көріне алмай жүр…

Жерлесіміз гитарамен ән айтып танымал болды

<a href="https://kyzylorda-news.kz/ru">Kyzylorda-news.kz.</a> Жақсы сценарий – жарты кино. Бір ғана диалог немесе оқиғаның шешімі арқылы адамды басқа әлемге әкетіп, санасын селт еткізетін картиналарда сценаристің ұйқысыз түндері, үздіксіз ізденісі мен көпке елеусіз еңбегі жатыр. Қазақ көрерменіне тың тақырыптарды әкелген сценарист, редактор, продюсер Перизат Мырзахметпен сценаристика, кино жайлы сұқбаттасқан едік.– Кино әлеміне, сценаристикаға қашан келдіңіз? Осы саладағы өз тарихыңызбен бөліссеңіз…– Жалпы телевизия саласына 2010 жылы келдім. Онда 8 жыл бойы телешоулар түсіріп, республикалық, халықаралық деңгейдегі шоу бағдарламаларын дайындайтынбыз. Бірақ сол кезде сериал не үлкен көлемдегі дүниелерді түсіргім келетін еді. Тіпті, компания идеямды құптап, «Тергеушілер» деген сериал түсірдік. Алайда бұл басшылыққа ұнамады. Бұдан гөрі шоу түсірген қызығырақ екенін айтты. Сонымен 2018 жылы бұл жұмыстан кеттім.Фрилансер болып жүргенімде «Оралман из Питера» деген фильмнің атқарушы продюсері болып жұмыс істедім. Сол кезде маған кино әлемі қызық, ауқымды әрі мазмұнды көрінді. 2019 жылы мені «Salem social» компаниясы продюсер ретінде жұмысқа шақырды. Алғашқыда бағдарлама түсіріп жүрдік те, қайтадан бұрынғы жұмысқа келдім бе деп көңілім толмай жүргені рас. Аз уақыттан соң веб-сериалдар түсіретін болдық. Сол сәтте қатты қуандым. Осылайша нағыз өзім қалаған, жаным сүйетін әлем 2019 жылдан басталды.– «Salem social» арқылы қазақ киносы түрлі жанрда эксперимент жасап көруде. Бізде неге детектив, драма, боевик пен шытырман оқиғалы фильмдер жоқ немесе аз?– Иә, біздің компания барлық бағытта тәжірибе жасап көріп жатыр. Қуанышқа орай кино ұсынатын аудиторияны, нарықты зерттеудің арқасында барлық эксперимент жақсы нәтиже көрсетуде. Мысалы, бізде фантастика жанры жоқ. Неге десеңіз, біріншіден, қазақ аудиториясы әлі қазақ тіліндегі фантастиканы қабылдай алмайды. Екіншіден, ол үлкен қаржыны қажет етеді. Ал басқа жанрлар қамтылып жүр. Әрине, олардың сапасына сұрақ қоюға болады. Дегенмен шорт кесіп, бізде мына жанр жоқ деп қара аспанды төндіру қате. Нарық енді дамып жатқандықтан болашақта барлық жанрда фильм түсіріледі.Өкінішке қарай «Қазақфильм» сияқты тарихи киностудиямыз болғанмен қанша жыл бойы жан-жағымызға жалтақтап келдік. Ал қазір кино саласында еркіндік бар, өзімізге өзіміз жұмыс істейміз. Әрі шетелдерде біздің кинодағы жетістіктерімізді мойындауда. Демек, болашағымыз әлі алда.– Хичкоктың бір сөзі бар еді ғой. «Ұлы фильм түсіру үшін үш-ақ нәрсе қажет: сценарий, сценарий және сценарий». Сіздіңше жақсы кино тудыру үшін не керек?– Жақсы фильмге нақты мыналар ғана керек деп айту қателік. Ол үй сияқты, үйдің тек кірпіші, іргетасы немесе шатыры ғана маңызды дей алмаймыз. Жақсы оқиға болмаса, жақсы сценарий болмайды. Жақсы актер болмаса, жақсы режиссердің қолынан түк те келмейді.– «Жайна +» сериалын рахаттанып көрдім. Тақырыптық жағынан біздің қоғамда туғаннан бастап санаға сіңіретін «қыз мұраты – кету» деген ұстанымның жай ғана стереотип екенін дәлелдеп, әсіресе, үлкен буынның санасын сілкіп тастайтындай-ақ дүние. Сонымен қыз мұраты қайда кету?– «Жайна +» аз аудиторияны қамтыды. Өйткені уақыт тығыздығы болды: бір айда шешім қабылданып, бір айда сценарий жазылып, 8 күннің ішінде түсіріліп, аз уақытта монтаждалып бітті. Сондықтан аз-кем олқылықтың бары рас. Дегенмен айтар ойын көрсетті, аша алды. Меніңше, қыз мұраты – ешқайда кету емес, өзін, өзінің мақсатын табу. Қыз көрінгеннің жетегінде кете беретін басында ноқтасы бар бұзау емес. Бірақ біздің қоғамда әйел адамға жалғыз жүру қиын деген стереотип бар. Дегенмен сериал арқылы қазіргі қазақ қызына «ең бастысы өзіңді таңда» деген ой сала алдық.– Сіз үшін топ-3 фильм және сценарист-режиссер?– Топ-3 деп тізгім келмейді. Себебі критерийге қарай керемет туындылар көп. Үздік деп қайталап көрген фильмдерімді айтсам болатын шығар. «Малышка на миллион» деген фильмді бірнеше рет көрдім. «Мулен руж» – мен үшін махаббат туралы әдемі туынды. «Список Шиндлера» фильмі де әлемді қабылдауды өзгертетін кино секілді. Ал режиссерлардан стилі жағынан қатты ұнайтыны – Квентин Тарантино. Ешкімге, ештеңеге қарамай, цензура деп жалтақтамай түсірген фильмдері ерекше. Кристофер Ноланның фильмдері де ұнайды.– Қазақ киносы той мен ауыл тақырыбынан әрі аса алмай жүр. Бұл режиссер өресінің тарлығы ма әлде көрермен сұранысы ма?– Өкінішке қарай көрерменнің сұранысы сондай. Әйтпесе, шетелге фестивальға шығып жүрген, айтары бар, көпке мойындалған фильмдер жеткілікті. Бірақ оларға өзіміздің қазақтың сұранысы жоқ. Бәрі кинотеатрда ұсынылған киноларды ғана көреді.Біржағынан фестивальден жүлделі болып жүрген режиссерлар өз туындысын ұсынып, насихаттамайды. Жүлдемен оралған соң, олар туралы екі-үш жерде жазады. Әрі қарай өздері жарнамалап, ұсынуға әрекет етпейді. Фильмге обал. Оны халыққа көрсету керек. Сондықтан бұл мәселеде екі жақтан да қателік бар.– Ким Ки Дук, Вонг Кар Вай, Раджкумар Хиранидің фильмдері ерекше әсер сыйлайды. Неге біз осы «Көктем, жаз, күз, қыс және тағы да көктем», «Пикей», «Любовное настроение» сынды кино түсіре алмаймыз?– Сіз айтып отырған режиссерлар бұл фильмдерді неше жасында түсіргенін ескеру керек. Бізде ондай режиссерлар жоқ, енді қалыптасып келеді. Себебі фильм түсіру өмірді көрген, шекері мен тұзын татқан адамның ғана қолынан келеді. Жастық шақта ондай терең, сұлу фильмдерді түсіру – өте сирек кездесетін құбылыс. Әрине, әлі уақыт көрсетеді. Қазақ киносының жаназасын шығарудың қажеті жоқ.– Жиырма бірінші ғасырдың қазағы ретінде қандай мәселе толғантып жүр? Кинода қандай тақырыптарды қозғап жүрсіз?– Гуманист ретінде адам құқығын бірінші орынға қоямын. Адамның өмірімен ойнауға болмайды. Ол әйел ме, бала ма, ер азамат па, кезбе ме, депутат па бәрібір, кез келген адамның өмір сүруге, өз ойын айтуға құқығы бар. Бақыты үшін күресуге құқылы. Өзім жазған сценарийлерде соны айтқым келеді. Барлығын бір таптаурынға салып тастап, осылай ғана өмір сүру керек деген ойды жойғым келеді. Мен жалғыз емеспін. Таптаурындардан таяқ жеген адамдардың әрқайсысы сонымен күрескісі келеді. Мені осы мәселе толғандырады.– Біраз уақыттан бері «ойжеткен» деген хэштегпен кітап оқу байқауын ұйымдастырып жүрсіз. Тіпті, жеңген адамға ақшалай жүлде беруді қолға алдыңыз. Бұл идея қайдан туды?– Бұл 5-6 жылдан бері ойымда жүрген дүние еді. Біраз уақыт бұрын неге кітап оқу байқауын ұйымдастырмасқа деген ой келді. Орыс клубтарына қарап, қатты таңғалушы едім. Олар өзара клуб құрып, буктрейлер жасайды, әртүрлі кітап оқу жарыстарын өткізеді. Қашан біз осындай дүние жасаймыз? Қашан өзіміздің туындыларды насихаттай аламыз? Санамда осы сұрақтар туындайтын.Өйткені біздің жастар кітап оқығанмен, барлығы қазақ әдебиетінің шығармалары емес. Әлеуметтік желіден көргенім де, қолына ұстағандары да – шетелдік авторлар. Қазақ ешқашан кітап жазбағандай, әдебиет болмағандай әсер қалдырады. Бізде қазақша туындылар жайлы тек үлкен ғалымдар ғана пікір айта алатындай. Мысалы,ешкімге Мұхтар Әуезовтың романына сын айтуға болмайтын сияқты. Оған ешкімнің рецензия жазуға құқығы жоқтай көрінеді. Сонымен қазақ оқырманын қазақша кітаптармен табыстырудың әдісі осы болды. Шынымды айтсам, аяқ астынан басталып кетті. Біртіндеп шарттарын ретке келтірдім. Қазір тұрақты түрде өткізіп жүрмін.– Әдемі әңгімеңізге рақмет, Перизат!

Перизат Мырзахмет: Жақсы актер болмаса, жақсы режиссердің қолынан түк те келмейді

<a href="https://kyzylorda-news.kz/">Kyzylorda-news.kz.</a> Бүгінде ауыл шаруашылығы саласын дамытуға мемлекет тарапынан қолдау көп. Соның бірі – 2001 жылы құрылған «Аграрлық несие корпорациясының» активтері 1 трлн. теңгеден асады. Осы уақытқа дейін 79 мың азаматқа өз кәсіптерін ашу үшін қолдау көрсеткен аталмыш несие корпорациясы ауыл шаруашылығы саласының 80 пайызын несиелендіруде. Ал биыл «Аграрлық несие корпорациясы» Қызылорда облысында ауыл шаруашылығы саласымен айналысуға ниетті азаматтарға 9 млрд. теңге бөлуді қарастырып отыр. Бұл жөнінде Өңірлік коммуникациялар қызметінің баспасөз алаңында «Аграрлық несие корпорациясы» АҚ басқарма төрағасының орынбасары Айдын Досқараев хабарлады.<blockquote>«Аграрлық несие корпорациясы кәсіпкерлерге бірнеше бағытта қаржылай қолдау көрсетеді. Мәселен, аталмыш саламен айналысқысы келетін жандарға тікелей және екінші деңгейлі банктер арқылы несиелендіреміз. Бұдан бөлек, біздің корпорация несиелік серіктестіктермен қатар микроқаржылық ұйымдармен тығыз байланыста. Ал Қызылорда облысында 8 несиелік серіктестік қызмет етеді. Биыл Сыр өңіріне ауыл шаруашылығын дамыту мақсатында 9 млрд.теңге бөлінсе, оның 5 млрд.теңгесі игерілді. Ал жыл соңына дейін қалған 4 млрд.теңге жоспарға сәйкес игеріледі. Сондай-ақ, несие алушыларға тиімді жағдай жасау мақсатында мобильді қосымша енгізуді қолға алып жатырмыз. Бұл әсіресе ауылдық елді мекендерде тұратын жандарға тиімді болмақ. Жыл соңына дейін несиелік шарттарды онлайн тіркеу жүргізілетін болады. Сонымен қатар кепіл мүліктерді арнайы платформа арқылы нарықтық бағада сәйкестендіретін боламыз. Бұл өз кезегінде ауыл тұрғындарының кепіл мүліктерін арзандатуға жол бермейді», - деді басқарма төрағасының орынбасары Айдын Еділханұлы.</blockquote>Бүгінде «Аграрлық несие корпорациясы» 4 бағдарлама негізінде жұмыс істейді. Атап айтқанда, «Кең дала», «Агробизнес», «Іскер» және осы жылы іске асқан «Жастарға арналған микроқаржыландыру» бағдарламасы өз жұмысын бастады.<blockquote>«Көктемгі егін және өнім жинау жұмыстарына арналған «Кең дала» бағдарламасының жылдық пайызы - 5 процент. Ал «Агробизнес» бағдарламасы ауыл шаруашылығы саласының кез келген бағытын қаржыландырады. Жылдық пайызы – 6 процент. Үшінші «Іскер» бағдарламасы кәсібін енді бастап жатқан азаматтарға арналады. Бұл бағдарламаның жылдық пайызы – 6 пайызбен 7 жыл мерзімінде беріледі. Ал биыл басталған жаңа жоба «Жастарға арналған микроқаржыландыру» бағдарламасы 21-35 жас аралығындағы кәсіпкерлерге 2,5 пайызбен жеңілдетілген несие қарастырылған. Жылдық мерзімі – 5-7 жылды құрайды», - деді «Аграрлық несие корпорация» АҚ Қызылорда облысы бойынша филиалының директоры Маханбет Тұрмаханов.&nbsp;</blockquote>Айта кеткен жөн, «Аграрлық несие корпорациясы» Қызылорда облысы бойынша жыл сайын 10 млрд.теңгеге жуық қаражатты игеруде. Соның негізінде мыңнан астам кәсіпкер қаржылай қолдауға ие болды. Бұл жұмыстар алдағы уақытта да өз жалғасын табатын болады.

Биыл Сыр өңіріне аграрлық несие корпорациясы арқылы 9 млрд. теңге қаржы бөлінеді  

<a href="https://kyzylorda-news.kz/">Kyzylorda-news.kz.</a> Мемлекет басшысы Қасым-Жомарт Тоқаевтың 2021 жылғы 16-17 тамыздағы Корея Республикасына жасаған мемлекеттік сапары екі ел арасындағы достық қарым-қатынастарды нығайта түсті. Оның ішінде генерал Хон Бом До сүйегін тарихи отанына қайтару рәсімі Қызылорда облысы мен Корея Республикасының өңірлері арасында екіжақты байланыстардың орнауына және дамуына зор серпін берді.ҚР Сыртқы істер министрлігі мен ҚР Корея Республикасындағы Елшілігінен облыс делегациясының Кореяға сапарын қолдайтыны туралы хаттар, биыл Корея Республикасы Тэчжон қаласының мэрінің және Чоллабук-до провинциясы губернаторының шақыру хаттары келіп түскен еді.Осыған орай, облыс әкімі Нұрлыбек Нәлібаев бастаған облыс делегациясы 22 мамырда Корея Республикасының Сеул қаласына іссапармен барды.Бүгін іссапардың алғашқы күні делегация мүшелері білім және ғылым салаларында ынтымақтастық орнату үшін Шинхан университетінің президенті Канг Сонг Чонг мырзамен кездесті. Әлеуметтік ғылымдар бағыты бойынша маңдайалды ЖОО-лардың бірі – Шинхан университеті 1960 жылы құрылған.Кездесуде Канг Сонг Чонг мырза Қызылордада университет филиалын ашуға ынталы екенін білдірді. Осы ретте алдағы 20-30 жылдықта өңірдің еңбек нарығында қандай мамандықтардың сұранысқа ие болатынын екіжақты зерттей келіп, жоғары оқу орнын ашу жоспарлануда. Осы мәселелерді әрі қарай пысықтау үшін алдағы шілде айында Шинхан университеті президентінің Қызылордаға іссапарын ұйымдастыру көзделген. Еңбек нарығының болашақтағы бағыты зерттелгеннен кейін Шинхан университетінің филиалы қандай мамандықтар бойынша ашылатыны нақтыланады.Аймақ басшысы білім беруге, ғылымды өркендетуге салынған инвестицияның қайтарымы келешекте айқын көрінетінін айтып, осы саладағы жобаларды қолдап келеді.

Облыс әкімі Корея республикасына жұмыс сапарымен барды 

<a href="https://kyzylorda-news.kz/">Kyzylorda-news.kz.</a> Полиция генерал-майоры Аблазимов Махсудхан Нұғманұлы Қызылорда облысы полиция департаментібөліністерінің жұмысымен танысуда.Осы орайда, бүгін Департамент бастығы Қызылорда қалалық полиция басқармасының Ақсай полиция бөліміне барды. Ақсай полиция бөлімінің бастығы полиция подполковнигі Абдразақ Нұрбол есеп беріп, жеке құрамының жұмысымен таныстырды.&nbsp;Жалпы, Ақсай полиция бөліміне қарасты 6 аймақ бар, оның ішінде Белкөл, Абай, Қызылжарма, Қараөзек, Бәйтерек және Қарауылтөбе ауылы. Аймақ тұрғындарының саны - 133 668.&nbsp;Мемлекет басшысының Жолдауында айтылған «Жұртқа жақын полиция» қағидаты бойынша Жергілікті полиция қызметіпәрменді жұмыс атқаруда. Қоғаммен ашық тіл табысу, азаматтардың сеніміне ие болу, атқарылған жұмыстарды ашық көрсету және көпшілікпен бірлесе қылмыстың алдын алу жұмыстары әрбір учаскелік полиция инспекторының басты мақсаты екені белгілі. Бұл ретте аталмыш аймақта 22 учаскелік полиция инспекторы және 7 көмекшісі қызмет атқарады. Лауазымдық міндеттеріне сәйкес олар әкімшілік аймағында отбасы-тұрмыстық қатынастар саласында жасалатын қылмыстардың алдын алу бойынша қорғау нұсқамасын шығарады, құқық бұзушының мінез құлқына сот арқылы ерекше талаптар орнатады, егер шығарылған қорғау нұсқама талаптарын бұзса, заңға сәйкес құқық бұзушыға шара көреді.Учаскелік полиция инспекторларының жұмысымен танысу мақсатында Департамент бастығы № 6 және № 7 учаскелік полиция пункттеріне барып, бекітілген жауапты учаскелік полиция инспекторлары полиция майоры А.Спатаевтың және полиция майоры Д.Төлегеновтың атқарылған жұмыс жөнінде есебін тыңдады.&nbsp;Аймақтағы жасөспірімдер арасындағы қылмыстардың алдын алу және болдырмау мақсатында 17 ювеналды полиция қызметкері аймақтағы 21 мектептің оқушыларымен және 4 колледждің студенттерімен профилактикалық бағытта жұмыс жасауда.&nbsp; Сонымен қатар, полиция департаментінің бастығы 261 мектепке барып, директоры ҚарлығашАбдрахмановамен тәртіп пен қауіпсіздік мәселесі төңірегінде сұхбаттасты.&nbsp;Махсудхан Нұғманұлы Ақсай полиция бөлімінің жалпы жұмысымен танысып, тиесілі ғимараттарды аралады. Полиция бөліміндегі әлсіз тұстарды да атап өтті.&nbsp;Жеке құрамалдында жедел – қызметтік жұмыс көрсеткіштерін жақсарту, тәртіпті бұзуға жол бермеу бойынша нақты міндеттер қойды.&nbsp;Алдағы уақытта &nbsp;Махсудхан Нұғманұлы Қызылорда облысы Полиция департаментінің барлық бөліністерінің жұмыстарымен таныспақ.<img src="https://knadmin.beoblood.kz/uploads/l_1dfe636049.jpg" alt="л.jpg">&nbsp;<img src="https://knadmin.beoblood.kz/uploads/h_fa59548704.jpg" alt="х.jpg">

Қызылорда облысы полиция департаментінің бастығы Ақсай полиция бөліміне барды

<a href="https://kyzylorda-news.kz/">Kyzylorda-news.kz.</a>&nbsp; Орталық коммуникациялар қызметінде МӘМС жүйесіндегі медициналық көмектің көлемі мен қаржыландыруға қатысты брифинг өтті. Әлеуметтік медициналық сақтандыру қорының Басқарма төрағасы Сәбит Ахметов МӘМС жүйесін іске асыру барысындағы нәтижемен бөлісіп, 1406 байланыс орталығының операторы ретіндегі жұмыс тәжірибесімен бөлісті.Сәбит Ахметов атап өткендей, МӘМС жүйесі енгізілгелі көрсетілетін қызметтер тізбесі кеңейтілді және олардың көлемі ұлғайды. Сонымен қатар күрделі операциялар мен жоғары дәлдіктегі диагностиканы күту ұзақтығын қысқарту мәселелерін шешуге мүмкіндік берді. Мысалы, кардиохирургиялық операцияларды күту ұзақтығы 3-4 айдан 1 айға дейін, бағасы қымбат КТ, МРТ қызметтері 10 күнге дейін қысқарды.Сонымен қатар, бұрын ақылы негізде жүргізілген көптеген операциялар, мысалы, есту қабілетін қалпына келтіру операциялары МӘМС жүйесі аясында қолжетімді болды.Жыл сайын МӘМС аясында көзге жасалатын операция саны артып келеді, оның ішінде катарактамен жүгінетіндер көп. Екі жыл ішінде қосымша 8 мыңға жуық адамға операция жасалды. Бұл көру қабілетін қалпына келтіруге және өмір сүру сапасын жақсартуға мүмкіндік береді. Бұндай операцияларды күту ұзақтығы 3-4 айдан 1 айға дейін қысқарды.&nbsp;<blockquote>«Жоғары технологияларды қолдану арқылы жасалатын нейрохирургия, кардиохирургия, трансплантология, ЭКҰ операциялары көпшілікке қолжетімді. Мысалы, құны 74 млн. теңгеден асатын кардиохирургиялық операцияны МӘМС аясында жасайды. Жоғары технологияларды қолдану арқылы жасалатын оталардың орташа құны &nbsp;3 млн. теңге тұрады», – деді Қор басшысы. &nbsp;</blockquote>ПЭТ қызметтері де қолжетімді болды, яғни позитронды-эмиссиялық томография, бұл онкологиялық ауруларды диагностикалау сапасын және оларды емдеудің тиімділігін айтарлықтай арттырады. (саны 2019 жылы 13 мыңнан 2022 жылы 21 мыңға дейін өсті). Осы ретте Сәбит Ахметов атап өткендей, әлі күнге дейін медициналық сақтандырудың не екенін түсінбейтіндер бар. Оған Қордың 1406 Колл-орталығына жүгінетін азаматтардың өтініштері дәлел.<blockquote>«Еліміздің әр жерінде не болып жатқанын, азаматтарымызды не мазалайтынын және олар қандай қиындықтарға тап болғанын тікелей білу үшін Қордың басшылық құрамы, оның өзім де аптасына бір рет байланыс орталығының операторлары ретінде бір сағат жұмыс істейміз. Өкінішке қарай, кейбір азаматтар қызметкерлердің, жұмыс берушілердің жарналары мен аударымдары зейнетақы қорына ұқсас жинақтау жүйесі деп ойлайды. Нәтижесінде көптеген сұрақтар туындайды. Ақшамыз қайда кетіп жатыр дейді», - деп Қор басшысы оператор жұмысындағы әсерімен бөлісті.&nbsp;</blockquote>Ол МӘМС жүйесі мемлекеттің, жұмыс берушілер мен азаматтардың ортақ жауапкершілігі қағидаттарына негізделетінін түсіндірді. Азаматтардың барлық жарналары мен аударымдары Ұлттық банктегі арнайы шотқа түседі және сол жерден емделген жандарға көрсетілген медициналық қызметтер үшін ақы төлеуге жіберіледі.Спикер атап өткендей, қаржыландырудың 2,5 есе ұлғаюына қарамастан, медициналық қызмет көрсету саласында айтарлықтай жақсару байқалмады. Яғни, бөлінетін қаражат халықтың күткеніне сәйкес келмейді. Осы ретте азаматтар МӘМС жүйесі керек пе деген сауал қояды. Өз кезегінде Қор мемлекет денсаулық сақтау жүйесін қаржыландыру бойынша өз міндеттемелерін толық көлемде орындайтынын хабарлайды.<blockquote>«МӘМС жүйесін енгізбес бұрын 10 жыл бойы білікті мамандар, сарапшылар еңбек етті. МӘМС-тің басты мақсаты – халықтың осал топтарын (балалар, зейнеткерлер, мүгедектер, көп балалы аналар және т.б.) қорғау. Қазір Қор проблемалық мәселелерді шешумен және жүйені дамытумен айналысудың орнына МӘМС-тің қажеттілігін дәлелдеумен айналысады», - деп атап өтті Сәбит Ахметов.&nbsp;</blockquote>Қор өз тарапынан халық арасында МӘМС-тің артықшылықтарын түсіндіру жұмысын күшейтуге, сондай-ақ медициналық көмектің сапасы мен қолжетімділігін, МӘМС қаражатын пайдалану тиімділігін арттыру бойынша жұмысты жалғастыратындарын айтты.&nbsp; &nbsp;

ӘМСҚ: Қымбат операцияларды күту ұзақтығы  қысқарды

<a href="https://kyzylorda-news.kz/">Kyzylorda-news.kz.</a> &nbsp;Жақында аудандық жыраулар үйінде Т.Салқынбайұлы атындағы өнер мектебінің ұйымдастыруымен «Өнегелі ұстаз – өнерлі шәкірт» тақырыбында кеш өтті. Ол Қазақстан Республикасы «Білім беру ісінің үздігі», домбыра-прима класының мұғалімі Рашид Мұсаұлының зейнет жасқа шығуына арналды.Өнер ұстазын аудандық білім бөлімінің әдіскері Ақтолқын Тоқшылықова құттықтап, тілегін жеткізсе, домбыра класының мұғалімі Берік Аққалиев ұстазға арнау айтты.<blockquote>«Өмірін өнер мен білімге арнап, шәкірт жүрегіне жол тапқан сізді мерейлі зейнет жасыңызбен шын жүректен құттықтаймыз. Әрбір адамның өзіне тән ғұмыр жолы, еткен еңбегі мен көрген бейнеті, алған асуы, жеткен жетістігі болса, сіз сол шаққа жетіп отырсыз. Өнер жолында ұлттық аспапты дәріптеп, дәстүрді жоғалтпай үкілеп келе жатқан сізге деген құрметіміз зор. Қажыр-қайратыңыздың арқасында талай абырой биігінен көрініп, ұрпағыңызға үлгі болар абзал жан ретінде өзіңізді танытып жүрсіз. Алдағы уақытта да шәкірттеріңіздің еңбектегі жемісіне куә болып жүруіңізге тілектеспіз», – деді білім бөлімінің әдіскері.</blockquote>Ардагер ұстаз 1978-1982 жылы Шымкенттегі музыка училищесін бітіріп, сол жылы аудандағы әуез мектебінде алғаш еңбек жолын бастаған. 2009-2012 жылдар аралығында Қазақ-Қытай академиясының «Музыкалық білім» факультетін бітірген. Әдістемесі жетік, өз ісінің шеберлігінің арқасында 1996 жылы Қазақстан Республикасы «Білім беру ісінің үздігі» төсбелгісімен марапатталған.Рашид Ақназар 2000 жылы құрылған ұлт-аспаптар ансамблінің белді мүшесі, сонымен қатар өнер мектебіндегі халық аспаптар бөлімінің жетекшісі. Ұстаздың қолынан түлеп ұшқан шәкірттері Сабыржан Салмырзаев Астана қаласындағы Е.Рахмадиев атындағы филормонияның директоры болса, Әсел Нұрғалиева, Гүлжан Өмірзақова осы оркестрдің құрамында. Ал Асыл Сәдуақасова Алматыдағы Құрманғазы атындағы академиялық оркестрде концертмейстер болып жұмыс істеп жүр. Сондай-ақ, Салтанат Жұмабаева Алматыда балалар «Фольклор» ансамблінің жетекшісі, бірнеше халықаралық байқаулардың лауреаты. Одан бөлек қаншама шәкірті Қазақстанның түкпір-түкпірінде қызмет істеп, олар да шәкірт тәрбиелеуде аянбай еңбек етуде. Қазіргі таңда домра-прима класында білім алып жүрген Жансая Төлепберген, Балым Төлеуқұл түрлі байқаурдан жүлделі орындар алып, мектеп мерейін асыруда.Мерекелік шарада ұстаздың шәкірттерінің бірі, Қазанғап атындағы жоғары музыкалық колледжінің домбыра-прима және жетіген аспабының мұғалімі, «Ақмешіт» фольклорлық ансамблінің әртісі Ақберген Тоғанасова арнайы құттықтай келіп, шәкірттерімен аспапта өз өнерлерін көрсетті.Шара соңында ардақты ұстаз Рашид Мұсаұлы кешті ұйымдастырушыларға, шәкірттеріне өз алғысын білдірді.

Қармақшылық өнер иесіне құрмет көрсетілді

<a href="https://kyzylorda-news.kz/">Kyzylorda-news.kz.</a> Ауырғанда денсаулықты шипалы ететін дәрігердің аялы алақаны мен жылы сөзі. Науқасқа дер кезінде диагноз қойып, ем-шара бере білу де білікті маманның қолынан келетін іс. Сол себепті де қоғам өз ісіне берілген, мамандығын аса жоғары бағалайтын мамандарға арқа сүйейді. Осы тұрғыда ұзақ жыл медицина саласында сәтті қызмет етіп келе жатқан кәсіби маман, өз ісінің шебері, аудандық аурухананың психо-әлеуметтік кеңес беру кабинетінің дәрігері Айткүл Балмахановамен сұқбат жүргізген болатынбыз. &nbsp;&nbsp;– Айткүл Майданбайқызы, есуімізше, бала кезіңізде дәрігер болуды қатты армандаған екенсіз. Сол рас па?– Өмірде қарап отырсақ, әркімнің мамандық таңдау жолы әрқилы. Оныңыз рас. Мен дәрігердің аппақ киіміне кішкентайымнан қызығып өскенмін. Баласының болашағына қай әке де үмітпен қарайтыны анық. Әрі сыншысы да. Қабілетіне де қарап, болжам жасайды. Соған сай &nbsp;бағыт беріп отыратын да осы жанашырың әке ғой. Мен көпбалалы отбасында өмірге келгенмін. Асқар таудай әкеміз әрбіріміздің икемімізге қарай мамандықты &nbsp;таңдауға да әсерін тигізіп отыратын. &nbsp;Соның ішінде маған әркез дәрігерлік жайында, адам емдеу турасында көп ой тастайтын. Мысалдар келтіретін. Содан менің жадымда сол балалық шақтан ақ халат кисем, адам емдесем деген пікір қалыптасты.&nbsp;– Әлемде психолог қызметіне жүгінетіндердің дені – мамандық таңдауда қателескендер құрайы екен деген де дерек бар. Сіз дәрігер болғаныңызға өкінбейсіз бе?– Дәрігер болғаныма қуанбасам, ешқашан өкінген емеспін. Қаламасам осы салада қырық жыл еңбек ете алмас едім. Әрине медицина саласы – жауаптықты, ұқыптылықты, адамгершілікті талап етеді. Қанша адам &nbsp;болса, сонша мінез болады. Сол мінездің бәріне сабыр мен төзімділік керек. Дәрігерлік – ол қиындығы мен қызығы қатар жүретін қызмет. &nbsp; &nbsp;Қоғамның ажырамас бір бөлігі болғандықтан маңызы жоғары деп ойлаймын. Бұл жерде ата-анамның айтқан әңгімелері әсерлі болған шығар. Балмахан атамның кісі емдейтін қасиеті болған. Сол кездерде ауыл-аймақтан ауырған адамдар келіп, атама емделетін болған. &nbsp;Атам түрлі жарақаттар мен жара қараған. Медицина дамымаған тұста еміне шипа іздегендер атамды өздері іздеп тауып отырған. Бәлки, менің мамандығым сол қанмен берілген қасиет болар десем, өтірік болмас.&nbsp;– Осы арада әңгімемізді үзе тұрып, сіздің өмір жолыңызға ойыссақ? &nbsp;– Мен ауданға қарасты Ордазы разъезінде 1964 жылы қарапайым еңбек әулеті отбасында дүниеге келгенмін. Қызылордадағы теміржолшылардың балаларына арналған мектеп интернатында 10 жылдық орта мектепті бітірген соң, аудандық туберкулезге қарсы күрес ауруханасында кіші аяжан болып жұмысқа орналастым. Еңбек өтілім 1981 жылдан басталады. 1985-1993 жылдар аралығында Алматы қаласындағы Медициналық институттың "Емдеу ісі" мамандығы бойынша &nbsp;білім алдым. Қазір дәрігер болып науқастарға қызмет көрсетіп келе жатқаныма &nbsp;қырық жыл болған екен.&nbsp;– "Қай жерің ауырса, жаның сол жерде" дегендей, қай аурудың да жеңілі болған емес. Сіздің салаңыз – тері аурулары екенін білеміз. Басқа да қандай науқастарға көмек қолын созасыз? &nbsp;– Аурудың қайсысы болсын, жанға оңай тимейді. Кез келген дерт емделеді. Бірақ, асқындырып алмай уақытында дәрігерге қаралу керек. Менің контингентіме – тері аурулары, жұқпалы тері аурулары, жыныс жолымен жұғатын аурулар, АИТВ жұқтырған науқастар кіреді. &nbsp;Бір өкініштісі, жылдан-жылға тері аурулары көбейіп бара жатыр. Әсіресе, аллергиялық аурулар өсуде. Оның басты себебі, ауа райының күрт өзгеруінен, шаңды желдердің әсерінен болып отыр. Сонымен қатар, дүкен сөресінде самсап тұрған дәмдеуіш қосылған тағамдар мен газдалған сусындардың да аллергияға қосып отырған үлесі салмақты. Одан бөлек, әртүрлі шаш бояғыш бояуларды да осы қатарға қоссақ, қателеспейміз. Мұндайда науқас дәрігердің кеңесіне құлақ түріп, ұқыптылық танытуы тиіс. Емнің нәтижелі болатынына сеніммен қарап, жақын адамдарының қолдауын сезіну – жақсы әсерін тигізеді.– Қазіргі уақытта еңкейген қарттан еңбектеген балаға дейін аллергияның не екенін жақсы біледі. Бұл аурудың көп тарағаны соншалық, кейбір адамдар аллергияның белгілерін сезінгенде, өздеріне «аллергиямын» деп диагноз қойып, өз беттерінше ем қабылдап жатады. Әрине, бұл дұрыс емес. Қазақстандағы әрбір үшінші адам осы ауру түрімен ауыратын көрінеді. Соңғы жылдары аллергия дерті өршіп тұр. Жалпы аллергияның пайда болуына не түрткі?– Аллергияның маусымдық түрі көп таралған. Шаң-тозаңнан, күннен, шөптен деген сияқты. Бірақ, бізде бұл сала бойынша маман тапшы, жоқтың қасы десе де болады. Науқастарды арнайы облыс орталығына жібереміз. Аллергияның пайда болуына кішкентай балаларда жемістен, экзотикалық өнімнен, тәтті мен шырыннан, ал ересектер арасында шаш бояуы, синтетикалық заттар мен кір жуатын ұнтақты пайдаланғанда пайда болады.– Кей адамдар аллергияның неден пайда болғанын нақты білмейді. Мұндай жағдайда оны дәл анықтап беретін технология бүгінде бар ма?– Аллергияны анықтайтын құрал - аллерготест. Ол құрылғы бізде жоқ. Науқас облыс орталығына арнайы жолдамамен жіберіледі. Егер ауруы асқынған жағдайда Алматыдағы тері ауруларын зерттейтін институтқа анализін жібереміз. Нәтижесі келгеннен кейін, ем қабылдаймыз. Ол орталықтан нақ сараптама қорытындылары келеді.– Бұл кеселді емдеу жолдары қандай? Аллергиядан біржола құтылу мүмкін бе?– Біржола құтыласыз деп кесіп айта алмаймын. Әр адамның қабылдауы әр түрлі. Тіпті, күнде жеп жүрген жемісіңіздің өзінен аллергия болуыңыз әбден мүмкін. Сондықтан тап басып айту қиын.– Аллергия тұқым қуалайды ма? Бұл дертке бейім ата-анадан туған балаларға қандай көмек көрсетуге болады?– Көп жағдайда тұқым қуаламайды. Ата-анасында да болғанның өзінде балаға берілуі сирек кездеседі.Аллергия ішкі және сыртқы фактордың әсерінен жүре пайда болатын ауру түрі. Сондықтан уайымдаудың қажеті жоқ. Тек балаға қолданылмаған тамағын аз-аздан берген дұрыс. Тәжірибе ретінде.– Дерттің медицинада емі бар ма және оның қалай алдын алуға болады? Дәрігер ретінде кеңесіңіз?&nbsp;– АИТВ инфекциясын жұқтырған адамдар алғашқы жылдары өздерін барынша саумыз деп есептейді. Себебі, ауру белгілері көп науқастарда кездеседі. Кейін адам әбден әлсірейді де ЖИТС пайда болады. Осыны сезінген уақыттағы адамның күйін көрген дәрігерге ең ауыры – науқасқа үміт отын жағу, өкініштісі кеш түсінген науқасқа ем тиімсіздігінің жоғарылауы. Өйткені,ЖИТС – бұл аурудың соңғы сатысы саналады. Бүгінде осы дертті жұқтырған 19 адам есепте тұрады. АИТВ инфекциясынан толық айықтыратын ем жоқ. Емі – ол өмір бақи антиретровирусты дәрілерді уақытылы, ұзақ жылдар қабылдау. Тоқтатпау. Инфекция сүйіскенде, жөтелгенде, сөйлескенде, қол алысқанда, түкіргенде, ортақ ыдыс-аяқты пайдаланғанда, киімдерді алмастырып кигеннен, бір төсекте ұйықтағаннан, жәндіктер шаққаннан жұқпайды. Кеңеске келер болсам, әрбір адам салауатты өмір салтын ұстанып, жеке бас гигиенасын сақтап, кездейсоқ жыныстық қатынастан аулақ болғаны жөн. &nbsp;&nbsp;– Бұйырса аз күндерде мектеп түлектері қолдарына аттестат алып, өздері армандаған оқу орындарына қарай жол тартады. &nbsp;Олардың ішінде медицина саласын таңдап отырғандары да бар. Сол жастарымызға қандай тілек айтар едіңіз?– Биылғы мектеп бітіргелі отырған түлектерге айтарым, мамандықтың бәрі жақсы. Егер жүрек қалауымен болса, әрине. Медицина саласына баратын жастардың мынаны білгені дұрыс. Қиын да қызықты, қыры мен сыры әлі толығымен зерттелмеген осы мамандықтың шын иесі болуға лайық болыңыздар. Еліміздің болашағы – жастар. Яғни, &nbsp;сіздерсіздер. Бұл ретте жастарға артылар жауапкершілік те аз емес. Дендеріңіз сау, таңдаған мамандық иесі болыңыздар, дегім келеді.&nbsp;– Отбасыңыз туралы айтып өтсеңіз?– Жанұяда екі ұлым, келінім және немерем &nbsp;бар. Кенжем менің жолымды қуып, бүгінде медицина саласында екінші курс студенті.&nbsp;– Уақыт бөліп, әңгімелескеніңізге рақмет!

Айткүл Балмаханова: Науқас дәрігердің кеңесіне құлақ түруі тиіс

<a href="https://kyzylorda-news.kz/">Kyzylorda-news.kz.</a> Отбасы – шағын мемлекет. Еліміздің экономикалық тұрғыдан ғана емес, ұлттық құндылықтарды төрге шығаруы биік шаңырақ, үлгілі отаудың көптігіне тікелей байланысты. Әсіресе, жас жұптардың тұрмыстық, әлеуметтік мәселелерге мығым болу иммунитетін қалыптастыруда өскен-өнген шаңырақтардың әрекет-амалын үлгі ету ұрпақ тәрбиесін жандандырады. Осы ойдың жетегінде жыл сайын ауданда «Мерейлі отбасы» ұлттық конкурсы өткізіліп тұрады. Апта басында Қазалы аудан әкімінің орынбасары Дәурен Тілеуімбетов үлгілілер сайысының биылғы ерекшелігі жайында аудан әкімдігінің баспасөз орталығында брифинг өткізді.Өткен жылы байқаудың аудандық кезеңі тартысқа толы өтті. Аудан әкімінің 2022 жылғы 6 маусымдағы «Мерейлі отбасы» ұлттық конкурсының аудандық кезеңінің жеңімпаздарын айқындау жөніндегі комиссия құрамы бекітілді де, оған 18 отбасы құжат тапсырып, бақ сынады. Олардың жұмыстарына жергілікті мемлекеттік мекеме басшылары, қоғамдық ұйымдар, ерікті азаматтар мен «Мерейлі отбасы» конкурсының бұған дейінгі жеңімпаздары төрелік етті. Нәтижесінде 30 маусымда өткен «Мерейлі отбасы» конкурсының аудандық кезеңінің қорытындысымен бас жүлде Сүлейменовтер отбасына бұйырса, бірінші орын Ықыласовтар отбасына табысталып, олар облыстық кезеңге жолдама алды.Сондай-ақ, Құтжановтар мен Әбдіразақовтар отбасылары екінші, Ағыбаев, Бақытбергенов, Изеевтер шаңырағы үшінші орын иегерлері атанды. Қалған үміткерлер де бос қайтпады. Оларға «Өнегелі отбасы», «Үлгілі отбасы», «Өнерлі отбасы», «Бақытты отбасы», «Парасатты отбасы» номинациялары мен бағалы сыйлықтар табысталды. Сайыстың облыстық кезеңінде өнер көрсеткен Сүлейменовтер отбасы – «Өнерлі отбасы» номинациясына жеңіп алғаны есте. Биылғы конкурсқа 15 мамыр мен 15 шілде аралағында құжат қабылданады.<blockquote>«Кез келген қоғамның тұрақтылығы мен әл-ауқатының негізі болатын бақытты отбасылардың жетістігі, елдік ұстанымдарын халқымызға кеңінен насихаттау, жас ұрпаққа үлгі ету мақсатында ұйымдастырылатын мерейлі шараға ауданымызда қатысуға ниет білдірушілер саны жылдан-жылға артып келеді. Биыл да осы дәстүр өз жалғасын табуып отыр. Үміткерлерді тіркеу басталды. Қатысушылар назарына, қазылар алқасы мүшелері еңбекте, спортта, шығармашылық, зияткерлік, ғылыми жетістіктері бар, сондай-ақ қоғамдық пайдалы қызметке қатысатын (волонтерлік, қайырымдылық, меценаттық, тәлімгерлік) отбасылардың жұмысына басымдық береді. Сондай-ақ, қызметі Қазақстан Республикасының аумағында тыйым салынған ұйымдардың құрамына кірген мүшелері бар, бұрын сотталған мүшесі бар отбасылар конкурсқа қатыса алмайды. Қазақ үшін отбасынан киелі ештеңе жоқ. Берік отбасылық құндылықтар арқылы ғана мемлекеттің іргесі мығым, ғұмырым мәңгі болмақ. Осы ретте, отбасылық құндылықтарды қастерлеп, салт-дәстүрді берік ұстанған, ұрпағына тағылымды тәрбие берген жанұяларды аталған конкурсқа қатысуға шақырамын. Біздің ауданымызда мәуелі бәйтеректей өсіп-өнген, жапырағын кеңге жайған мерейлі отбасылар қатары қалың. Сондықтан ауызбіршілікпен қазақстандық отбасының жағымды имиджін насихаттауға бірлесе жұмыс жасаймыз деген сенімім бар», – деді Д.Тілеуімбетов.</blockquote>Айта кетейік, осы сәтте Отбасы күніне орай Қазақстан Республикасы Президенті Әкімшілігі тарапынан флешмоб бастау алғанын хабарлап кетейін. #Отбасым хэштегінде әлеуметтік желілердегі парақшаларда отбасындағы тәрбиенің маңызы, жанұя татулығы, тағы да басқа отбасылық тағылымдық жайттар мен қызықты оқиғалар туралы посттар мен суреттер жариялануы қажет.

Қазалыда үлгілі отбасылар сынға түседі

<a href="https://kyzylorda-news.kz/">Kyzylorda-news.kz.</a>&nbsp; Әлеуметтік медициналық сақтандыру қорының басқарма төрағасы Сәбит Ахметов Орталық коммуникациялар қызметінде өткен брифинг барысында Қор барлық көрсетілген медициналық қызметтердің тек 10%-ын мониторингпен қамтылғанын айтты. Бірақ осыған қарамастан, 2022 жылдың қорытындысы бойынша 3 млн-нан астам бұзушылық 20,8 млрд теңге сомасына анықталды.Қор басшының айтуынша, қаржыландырудың ұлғаюына қарамастан медициналық қызметтердің сапасы мен қолжетімділігіне қатысты &nbsp;халық тарапынан сын көп айтылады. Атап айтар болсақ, азаматтар емханалардағы үлкен кезектерге, бейінді мамандарға, КТ және МРТ жолдамаларын ұзақ күтетіндерін әрі медицина қызметкерлерінің дөрекі қарым-қатынасына, білікті дәрігерлердің жоқтығына шағымданады.<blockquote>«Өтініштерді талдау көрсеткендей, алғашқы медициналық-санитарлық көмек көрсететін емханалардың жұмысына көп шағым түседі. Ол барлық өтініш-шағымдардың шамамен 70%-ын құрайды», – деді Сәбит Ахметов.</blockquote>Мәселелердің негізгі факторлары: Біріншіден, МӘМС жүйесі 2020 жылы пандемия кезінде енгізілді. &nbsp;Барлық күш ковидке қарсы күреске жұмсалды. Екіншіден, МӘМС жүйесі енгізілгелі, медициналық көмектің екі пакеті пайда болды. Ол мемлекет кепілдік берген көлем және МӘМС пакеті.<blockquote>«Екі пакетте де консультативтік-диагностикалық қызметтер және стационарлық көмек сияқты медициналық көмек түрлері қарастырылған, яғни олар қайталанады. Халықты айтпағанда, медициналық ұйымдардың өзі бұл пакеттерді шатастырады. Қаржыландыру көзі пациенттің мәртебесіне байланысты – «сақтандырылған» немесе «сақтандырылмаған». Бұл медициналық ұйымдардың қаржыландыру көздерін дұрыс пайдаланбауына ғана емес, сонымен қатар азаматтардың тегін медициналық көмектен негізсіз бас тартуына әкелді», – талдайды Қор басшысы.</blockquote>Үшіншіден, сыбайлас жемқорлықтың алдын алады. Қомақты ақша бар жерде үлкен қызығушылықтар болары анық. Бұл дәрі-дәрмекпен қамтамасыз етуге, көрсетілген қызметтердің құнын көтеруге, тіркеуге, ақшалай қаражаттың үлкен көлемін бірлесіп орындауға беруге байланысты артық тұтынуға және т.б. байланысты. Олардың барлығы бақылаудың жеткіліксіздігіне және цифрландырудың төмен деңгейіне байланысты болды.<blockquote>«Бүгінде Қор барлық көрсетілген медициналық қызметтерге мониторинг жүргізеді. Бірақ бұған қарамастан қор 2022 жылдың қорытындысы бойынша 3 млн астам бұзушылықты 20,8 млрд теңге сомасына анықтады, – деді Сәбит Ахметов.</blockquote>Көрсетілмеген қызметтерді көрсетілді деп жазылған жалған жазбалар жыл сайын өсіп келеді. Мысалы, 2020 жылы 21 мың, 2021 жылы – 35 мың, 2022 жылы – 52 мың тіркелді.Олардың ең көп таралған түрлері: Іс жүзінде нақты көрсетілмеген медициналық қызметтерді актілерге ұсыну; - жалған жазбалар, яғни бір нақты көрсетілген қызметтің орнына 3-4 қызмет түрі көрсетілді деп жазу; - «Қосарланған төлем» түріндегі тіркеулер, яғни пациенттен де, Қордан да қызмет үшін ақы алу.<blockquote>«Айта кету керек, біз мұндай бұзушылықтарды анықтай алмаймыз, өйткені ақылы негізде қызмет көрсететін жеке клиникалар бар. Қор медициналық ақпаратқа қол жеткізе алмайды. Нарықта 30-дан астам жеке медициналық ақпарат бар, олар бір-бірімен интеграцияланбаған жүйелер», – деді Қор басшысы.&nbsp;</blockquote>Осы проблемалардың барлығын шешу үшін қазіргі уақытта Қор Денсаулық сақтау министрлігі және Қазақстан Республикасы Цифрлық даму, инновациялар және аэроғарыш өнеркәсібі министрлігімен бірлесіп денсаулық сақтау жүйесін толық цифрландыру бойынша ауқымды жұмысты бастады. Бұл жұмыс е-Денсаулық платформасынан бірыңғай шеңберде жүргізілуде.Бұл ретте Қордың төлем модулін цифрландыру дербестендірілген қаржылық есеп қағидаты және медициналық қызметтерді тұтынушылардың виртуалды шоттарындағы ақша қаражатының қозғалысын қадағалау негізінде жүзеге асырылатынын ерекше атап өткен жөн.Бұл дәрігердің қабылдауын цифрлық (мобильді) құралдар (SMS, QR-растаулар) арқылы растау үшін жеке верификация тетігін енгізуге мүмкіндік береді. Ал Қор медициналық ұйымдар қаражатты қайда, кімге және қандай мақсаттарға бағытталғанын бақылай алады. &nbsp;

Қазақстан және Қызылорда облысының жаңалықтары