&nbsp; &nbsp;Қызылорда облысында полиция мал ұрлығымен айналысқан қылмыстық топты құрықтады, – деп хабарлайды <a href="https://polisia.kz/qyzylorda-oblysynda-politsiya-mal-urlyghymen-ajnalysqan-qylmystyq-topty-quryqtady/">Polisia.kz.&nbsp;</a>Қызылорда облысы полиция департаменті және Қазалы аудандық полиция бөлімінің жедел уәкілдері түйе ұрлаған күдіктілерді қолға түсірді. Осы жылдың ақпан айында аудандық полиция бөліміне малдары ұрланған Әйтеке би кентінің тұрғындарынаң арыз түсті. Полиция қызметкерлері дереу жедел-іздестіру шараларына кірісіп, арам пиғылдарын жүзеге асырған ұрыларды анықтады. Тексеру барысында олардың 9 түйені далалық жерде жайылып жүрген жерінен атып, сойып алып кеткендігі белгілі болды. 24-30 жастағы қылмыстық топтың мүшелері ұсталып, бөлімнің уақытша ұстау изоляторына қамалды. Айғақ зат ретінде аңшы мылтығы мен оның патрондары, пышақтар, мал терісі алынды. Қазіргі таңда күдіктілерге қатысты ұрлық дерегі бойынша қылмыстық іс тіркеліп, сотқа дейінгі тергеп-тексеру әрекеттері жүргізілуде. Полиция қызметкерлері күдіктілердің облыс аумағындағы басқа да қылмыстарға қатыстылығын тексеріп жатыр. &nbsp;Фото: Polisia.kz.

Қызылордада мал ұрлығымен айналысқан қылмыстық топты ұсталды

&nbsp; <a href="https://kyzylorda-news.kz/">Kyzylorda-news.kz</a>. Қызылордада 2 тоннадан астам күріш ұрлаған қылмыстық топ ұсталды, деп хабарлайды Polisia.kz.Қызылорда қалалық полиция басқармасының криминалдық полиция бөлімінің жедел уәкілдерімен жүргізілген іздестіру іс-шаралары аясында қала аумағында110 қап, яғни 2 тоннадан астам күрішті ұрлаған қылмыстық топ ұсталды.Оқиға 28 ақпан күні сағат 00:10 шамасында болған. Күдіктілердің жауапкершілігі шектеулі серіктестіктің қоймасынан 1 млн 237 мың теңгені құрайтын Лидер күрішін ұрлап жатқандығы камераға түсіп калған.Жедел уәкілдердің кәсібилігі мен жедел әрекеттерінің нәтижесінде 18 жастағы қылмыстық топтың төрт мүшесі ұсталып, басқарманың уақытша ұстау изоляторына қамалды. Қазіргі таңда күдіктілерге қатысты ұрлық дерегі бойынша қылмыстық іс тіркеліп, сотқа дейінгі тергеп-тексеру жүргізіліп жатыр.

Қызылордада екі тоннадан астам күріш ұрлаған қылмыстық топ ұсталды

<a href="https://kyzylorda-news.kz/">Kyzylorda-news.kz</a>. «Зерде» республикалық конкурсынан жеңіспен оралған оқушылар Өңірлік коммуникациялар қызметінің ақпарат алаңында БАҚ өкілдерімен кездесті.<blockquote>«2-7 сыныптар арасындағы республикалық конкурста біздің өңіріміздің озаттары оқ бойы озық келді. Оқушыларымыз Жетекшілерінің жүйелі жұмысының арқасында жүзден жүйрік шығып жатыр. Бұл әрине біздегі білімнің жеңісі»,- деді «Дарын» облыстық қосымша білім беру орталығы директорының орынбасары Гүлжахан Ізбасарова.</blockquote>Бүгінде эко өнім жасауда қаламыздағы Әли Мүсілімов атындағы №101 мектеп-лицейі оқушыларының көші ілгері. Жаңа өнім жасауға жұмыла кіріскен оқушылар мектеп атын түрлі сайыстарда шығарып жүр. Сондай озық ойлы оқушылардың бірі – Аңсаған Абдул-Әзиз. Оны республикалық конкурста жеңімпаз қылған – эко сабын өнімі. Брифинг барысында Аңсаған алдағы уақытта қандай өнімге көңіл бөлетінін баяндады.<blockquote>«Біздің жобамыздың мақсаты мектеп жағдайында Эко өнім жасап жаңашылдық енгізу. Қызығушылығымыздың нәтижесі мен жетекшімнің ақыл-кеңесінің арқасында Эко Сабын жасап шығардым. Алдағы уақытта косметикалық өнімдерге көңіл бөліп, көптеп шығару ойымызда бар»,- деді жоба жеңімпазы.</blockquote>Ералы Ибрайм №278 мектеп-лицейінің оқушысы. Ақпарат алаңында Ералы өз жобасын көпшілікке таныстырып, конкурсқа дайындықтың қалай жүргізілгенін баяндап берді.<blockquote>«Менің жобам Тілдік ақауы бар балаларға бағытталды. Конкурсқа дайындық қарқынды болды. Бүгінде гаджетке байланған балалардың тілдік ақауы көптеп кездеседі. Соның салдарынан буллинг болады, арты суицидке апаратынын естіп біліп жатамыз. Біздің жобаның негізі осы бағытта жүргізілді»,- деді жоба жеңімпазы.</blockquote>Ал, №222 орта мектебінің 5 сынып оқушысы Бақыт Кәусар есеп шығаруды ұнатпайтын көптеген оқушының көңіліне қонатын жоба жасаған.<blockquote>«Менің жобамның тақырыбы – мәтіндік есептерді координаталық жазықтықта бейнелеу. Бұл жобаны жасауыма оқушылардың мәтіндік есепке деген теріс көзқарасы себеп болды. Негізінен, мектеп оқушылары мұндай есептерді ұнатпайды. Ал, менің бұл жобам арқылы мәтіндік есептерді шығару оңай әрі жылдам жүзеге асады», – деді жоба авторы.</blockquote>«Абай» атындағы дарынды балаларға арналған мектептің 7 сынып оқушысы Айберген Әнуар үшін аспан әлемі ең қызық, тылсымға толы мекен. Қазіргі таңда ол жетекшісімен бірге таңғажайып аспан әлеміндегі әртүрлі денелерді зерттеу үстінде.<blockquote>«Мен бала кезімнен аспан әлеміндегі жұлдыздар мен планеталарды зерттеуге қатты қызығатынмын. Бүгінде сол қызығушылығымды дамытып, жетекшіммен бірге жоба жасауды қолға алдық. Осы жоба арқылы адам аспан денелерін смартфон арқылы еркін бақылай алады. Бұл барлық адамдарға, әсіресе оқушыларға қызық болады деген ойдамын. Осы орайда, астрономияны мектепте пән ретінде енгізу керек деген ойымды айтқым келеді. Сонымен қатар, әр мектепте оқушылар мен ұстаздарға арналған смарт обсерватория ашылса және олар қалаған уақытта келіп, аспан әлемін зерттесе деген ұсынысым бар», – деді Әнуар Айберген.</blockquote>

«Зерде»: Қызылордарлық оқушылар үздіктер қатарында

<a href="https://kyzylorda-news.kz/">Kyzylorda-news.kz.</a> Халық пен халықты, адам мен адамды теңестіретін – білім, адамдықтың тепе-теңдігі болатын алтын таразы мектеп екені хақ. Сондықтан жас ұрпаққа саналы, өнегелі тәрбие мен білім беру – бүгінгі күннің басты талабы. Ел болашағы жолында ізгілікті мақсат етіп, егемен еліміздің ертеңі болатын жас ұрпақты бәсекеге қабілетті етуде білімнің қасиетті қара шаңырағы Жалағаш ауданындағы №31 мектеп-гимназиясының өзіндік орны бар.&nbsp;Білім беру нысаны алғаш рет 1939 жылы пайдалануға беріліп, 347 оқушыға есігін айқара ашқан. Аталған білім ордасы 2016 жылы гимназия атағын иеленген. Содан бері білім беру жолында елеулі еңбек етіп, талай шәкірттің талабын ұштаған алтын ұяда бүгінде 446 оқушыға 95 мұғалім дәріс беріп келеді. Өскелең ұрпақты тұлға етіп қалыптастыру жолында 19 педагог-зерттеуші, 23 педагог-сарапшы, 27 модератор еңбек етуде. Биыл мектеп бітіретін 18 түлектің 1-еуі «Алтын белгіге», ал 3-еуі «Үздік аттестатқа» үміткер. Өскелең ұрпақты оқытып тәрбиелеуде аталған білім ордасы биік белестерді бағындыруда. Ұстаздар мен оқушылар аудандық, облыстық, республикалық байқаулар мен пәндік олимпиадалардан, спорттық сайыстардан жүлделі орындар иеленіп жүр.&nbsp;Айта кетейік, №31 мектеп-гимназиясы жыл сайын білім бәйгесіндегі жетістіктері үшін аудан әкімінің «Жеңістің биік тұғыры», «Шабыттың ақ желкені» сынды түрлі номинацияларын иеленіп келеді. Сондай-ақ «Жылдың үздік мұғалімі» номинациясын да аталған мектеп ұстазы Тоты Жалиева иеленген. Аудан әкімі мен облыстық білім басқармасы басшысының «Құрмет» грамотасымен Ляйла Ешниязова, Света Әлиева, Әмір Тәженов, Ақмаржан Бүркітбай марапатталған. Әрине бұл жетістіктің барлығы ұлағатты ұстаздардың тынымсыз еңбегі, шәкірттерінің бойына білім дарытып, бәсекеге қабілетті тұлға етіп қалыптастыру жолында бар білім-білігін сарп еткенінің жемісі деуге болады.&nbsp;– Жаңа оқу жылын 400-ден аса оқушымен бастадық. Оның 28-і мектеп табалдырығын алғаш аттап отыр. Одан бөлек мектепалды даярлыққа 39 бала қабылданды. Былтырғы оқу жылын жақсы жетістікпен қорытындыладық. Биыл да жоғары деңгейде аяқтаймыз деген мақсатымыз бар. Межеге жету үшін ұлағатты ұстаздар бар қарым-қабілетін жұмсауда. Биылғы мектеп бітіруші түлектерді ҰБТ-ға дайындау жұмыстары басталып кетті. Барлығы 18 оқушы мектепті тәмамдайды. Ал оның 17-сі ҰБТ-ға баруға ниетті, 1-еуі шығармашылықпен оқуға түсуге талпынып отыр. Оқушыларымыз алдын ала дайындық сынақтарынан жоғары көрсеткіш көрсетіп, алды 100 баллдан астам ұпай жинауда, – дейді директор Гүлжанат Басанова.Айта кетейік, былтыр аталған білім ошағын 24 бала тәмамдаған. 100 пайыз ҰБТ-ға қатысып, барлығы мемлекеттік грантқа құжат дайындаған. Нәтижесінде 24 баланың 23-і жоғары оқу орындарында мемлекеттік грантпен білім алуға қол жеткізсе, 1 бала ақылы оқуға құжат тапсырған.&nbsp;Әрине бұл нәтижеге оқушыға сапалы білім беруде оқу ордасы қажетті заманауи технологиялармен, ақпараттық ресурстармен жоғары деңгейде қамтылғанынан қол жеткезгенін аңғардық. Себебі мектеп қазіргі заман талабына сай техникалық құралдар, компьютерлер, интерактивті тақталармен жабдықталған.&nbsp;Атап айтар болсақ, мұнда химия, физика, биология, информатика, IT кабинеті бар. Онда сапалы интернет желісі де тартылған. Мұндағы ұстаздардың айтуынша, жоғары сыныптағы оқушылардың басым бөлігінің мамандығы жаратылыстану бағытында болғандықтан осы бағытта тереңдетіп оқытуға ерекше көңіл бөлінген.&nbsp;Сондай-ақ мектеп қабырғасында дефектолог маманның кабинеті жасақталған. Онда дефектолог Ақмаржан Бүркітбай мүмкіндігі шектеулі, арнайы диагнозы бар балалармен жұмыс жасайды. Мектепте ерекше білімді қажет ететін оқушыларға жағдай жасалған. Маманның айтуынша ол ерекше білім беруді қажет ететін балалармен коррекциялық жұмыстар жүргізіп, оң нәтижеге қол жеткізуде. Ол шәкірттерін ХVІІІ-ші республикалық «Жұлдызай» балалар шығармашылығы фестиваліне қатыстырып, жүлделі орындарға ие болған.Мұнан бөлек мектепте оқушыларды жан-жақты дамытып, бос уақытын тиімді өткізу мақсатында бірнеше үйірме жұмыс істейді. Әрине үйірменің үйретері көп. Оның басым бөлігі спорт саласына бағытталған. Робототехника, дебат, волейбол, баскетбол, дойбы, жүзу, жеңіл атлетика, қол добы мен &nbsp;аяқдоп шеберлері арасындағы ойындарда тартысты ойын өрнегін көрсетіп жүрген спортшылар бүгінде осы мектеп қабырғасында білім алып, үлкен додаларда топ жарып жүр. Сондай-ақ білім ордасында мектеп парламенті де тағайындалған. Оның басты мақсаты – оқушылардың қоғамдық, әлеуметтік, шығармашылық қабілетін арттыру.Мектепте оқушыларды білім-ғылымға баулитын түрлі шаралар көбіне кітапханашының ұйымдастыруымен өтеді. Күн сайын іші балаға лық толатын кітапхана қорында 22 964 кітап болса, оның 15057-сі – оқулық, қалғаны көркем әдебиет, әдістемелік құралдар мен электрондық кітаптармен толыққан. Жастарды кітап оқу мәдениетіне тәрбиелеуге, олардың поэзияға деген құлшынысын арттыруға, талғамына, таңдауына сай әдебиеттерді іріктеп оқуға деген ынта-ықыласын көтеруде кітапханашы Сара Буханованың үлесі зор. Себебі ол оқушылардың шығармашылық жұмыстармен көп шұғылдануына бар жағдай жасайды. Осы орайда кітапханада «Оқуға құштар» мектеп жобасы аясында көптеген танымдық іс-шара өткізіліп, көрмелер ұйымдастырылады. Қазіргі таңда кітапханада «Туған жердің тұлғалары», «Абай әлемі», «Мәңгілік ел – Қазақстан» сынды көрмелер бар.&nbsp;Мектепте әлеуметтік тұрмыс жағдайы төмен отбасылардан 129 оқушы, 1-4 сыныптағы 114 оқушы, барлығы 243 бала тегін ыстық тамақпен қамтамасыз етілген. Оқу жылы аяқталғанда оқу озаттары мен белсенді оқушылыр Көкшетау, Астана, Алматы қаласындағы тынығу лагеріне жолдама алып, жазғы демалысты тиімді әрі көңілді өткізеді. Мақаламызға арқау болған мектептің тыныс-тіршілігімен танысқанымызда 90-нан астам ұстаздан құрылған ұжым әлі де талай бүлдіршінді биік белестерге жетелеуде қажырлы еңбек етіп, білім мен тәрбие негізінде шыңдап, тұлға етіп қалыптастыра беретініне анық көзіміз жетті.&nbsp;

Оқушылары озат білім ордасы

&nbsp; <a href="https://kyzylorda-news.kz/">Kyzylorda-news.kz</a>. Қазақстанның бірнеше өңірінде бопсалаушылар тобы анықталды. Ішкі істер министрлігінің&nbsp;ұйымдасқан қылмысқа қарсы күрес қызметі 130-дан астам осындай фактіні анықтап, жолын кесті. Бұл туралы <a href="https://polisia.kz/politsiya-bopsalaushylardyng-qylmystyq-toptaryn-ustady/">Polisia.kz</a> порталы хабарлайды.8 ақпанда ауыр қылмыс жасады деген&nbsp;күдікке ілінген Қызылорда облысының алты тұрғыны Астана-Павлодар тасжолында ұсталды.Олар екі танысын күштеп көлікке отырғызып, пәтерге алып келіп, ұрып-соғып, қарумен қорқытып, екі күн бойы ұстап, 300 мың теңге мен ұялы телефондарын тартып алған. Сонымен қатар тағы бір миллион теңге талап еткен.Жәбірленушілердің бірі қашпақ болып, бесінші қабаттан секіріп кетіп, көптеген жарақат алды. Күдіктілер екінші жәбірленушіні көлікке отырғызып алып, ізін суытпақ болған кезде ұсталды. Бұл факті бойынша Қылмыстық кодекстің бірнеше бабы бойынша&nbsp;қылмыстық іс тергеліп жатыр”, –&nbsp;деп хабарлады тәртіп сақшылары.Оралда полиция қызметкерлері колледж студенттерінен құралған қылмыстық топты ұстады. Олар бопсалау, тонау және алаяқтықпен айналысқан. Аталған факті бойынша сегіз қылмыстық іс тергеліп жатыр&nbsp;және күдіктілердің басқа қылмыстарға қатысы бар-жоғын анықталады.Ақмола облысында екі жастар тобы арасындағы қақтығысқа тосқауыл қойылды. Оқиға орнында травматикалық және суық қару, дубинкалар, сондай-ақ соққы жасауға арналған басқа да металл және ағаш заттар табылып, тәркіленді. Қазіргі таңда адамдар тобымен жасалған бұзақылық фактісі бойынша іс қозғалды.“Барлық факті бойынша күдіктілер ұсталды. Тергеу мүддесіне сай&nbsp;өзге ақпарат жарияланбайды. Құрметті азаматтар, егер сіз&nbsp;қылмыстық топтар тарапынан қол сұғушылыққа тап болсаңыз, дереу полицияға хабарласыңыз.Біз сіздің ақпаратыңыздың құпиялылығына кепілдік береміз және сізді қорғап, қауіпсіздігіңізді қамтамасыз етуге бар күш-жігерімізді саламыз”, – деді департамент бастығы – ІІМ ресми өкілі Шыңғыс Алекешев.Бұған дейін&nbsp;Шымкентте екі экс-тергеуші модель қыздардың ашық суреттері мен видеоларын ата-анасына көрсетемін деп бопсалап, 300 мың теңге сұрағанын жаздық.Фото: кадрдан скриншот<figure class="media"><div data-oembed-url="https://youtu.be/9VV3XdEq6Bw"><div style="position: relative; padding-bottom: 100%; height: 0; padding-bottom: 56.2493%;"><iframe src="https://www.youtube.com/embed/9VV3XdEq6Bw" style="position: absolute; width: 100%; height: 100%; top: 0; left: 0;" frameborder="0" allow="autoplay; encrypted-media" allowfullscreen=""></iframe></div></div></figure>

Қызылордалық бопсалаушылардың құрбаны бесінші қабаттан секіріп кеткен

Kyzylorda-news.kz. Мемлекеттік қызметшілердің әдеп нормаларын сақтау және сыбайлас жемқорлықты болдырмау мәселері қатаң бақылауда. Осы бағытта Қазақстан Республикасы Ауыл шаруашылығы министрлігінің Қызылорда облысындағы Департаменттері мемлекеттік қызметшілерінің қатысуымен Қызылорда өңіріндегі мүдделі мемлекеттік органдардың қатысуымен кең бағытта жиын өтті.Аталған жиынға, Ауыл шаруашылығы министрлігінің Әдеп жөніндегі уәкілі, Мемлекеттік қызметі істер және Сыбайлас жемқорлыққа қарсы іс-қимыл агенттіктерінің, сондай-ақ Президент жанындағы Мемлекеттік басқару академиясының Қызылорда облысы филиалы басшылары қатысты.Мемлекет басшысы былтыр ғана мемлекеттік аппараттың жұмысына жаңаша көзқарас қажет екенін және мемлекеттік қызмет жүйесі іс жүзінде сервистік сипат алып, клиентке бағдарлануы үшін түбегейлі өзгерісті талап ететінін атап өтті.<blockquote>"Бүгінгі күні қоғам мемлекеттік қызметшілерден біліктілігімен қатар олардың әдептілігін, адалдығын, адамгершілік қасиетін және жоғары мәдениеттілігін талап етеді. Осы тұрғыдан алғанда, Әдеп кодексі қызметтік әдеп нормаларын дұрыс түсінуде және қолдануда ерекше маңызға ие. Мемлекеттік қызметтің негізгі қағидаттары адал ниеттілік, адалдық, әділдік, ашықтық, сыпайылық, және клиентке бағдарлану болып табылады. Осы қасиеттер заманауи мемлекеттік қызметшілерінің болмысынан көрініп тұруы керек. Азаматтардың билік органдарына деген сенімін арттыру үшін мемлекеттік қызметтің оң имиджін нығайту, оның ішінде адал, лайықты мемлекеттік қызметшілердің мысалдарын кеңінен жариялау мәселелері елеулі назар аударуды талап етеді. Мемлекеттік қызметшілердің қызметтік әдеп нормаларын сақтамауы әр түрлі құқықбұзушылықтар мен теріс пайдаланушылыққа әкеліп соқтырады. Сондықтан, әдеп нормаларын мінсіз сақтау әрбір мемлекеттік қызметшінің негізгі міндеті болып табылады. Осы тұрғыдан, Ауыл шаруашылығы министрлігі тарапынан мемлекетті қызметшілер арасында әдеп нормаларын түсіндіру бағыттанда бүгінгі аталған түсіндіру бағыттындағы іс-шара өтті", деді Қазақстан Республикасы Ауыл шаруашылығы министрлігінің&nbsp;Әдеп жөніндегі уәкілі И. Аметов.</blockquote>Жиын барысында &nbsp;мемлекеттік қызмет барысында кездесетін сыбайлас жемқорлық көріністерінің туындау себептері мен оның алдын алу тетіктері, қызметшілердің біліктілігін арттыру мәселелері де талқыланды.&nbsp; &nbsp;<img src="https://knadmin.beoblood.kz/uploads/IMG_20240304_WA_0263_16d3953243.jpg" alt="IMG-20240304-WA0263.jpg">

Мемлекеттік қызметшілердің әдеп нормаларын сақтау мәселесі қатаң бақылауда

<a href="https://kyzylorda-news.kz/">Kyzylorda-news.kz.</a> Шиелі ауданында сан түрлі кәсіп бар. Кәсіпкер болу әркімнің қолынан келе бермейді. Себебі бұл сала қажырлы еңбек пен креативті ойларды қажет етеді. Оған адамдармен тілдесу, шығыны мен пайдасын есептеу, тауарлар мен қызметтерді сату сияқты жұмыстарды қосыңыз. Кәсіпкерлердің жан-жақтылығына қарай оң бастамалар қолға алынып, іске асырылып келеді. Дәл солай өлкеміздің өркендеуіне үлесін қосып жүрген кәсіпкерлердің бірі – Патима Маханбет. Ол ауданның «Құрметті азаматы», игілікті істердің басы қасынан табылып жүрген кәсіпкер. Бүгінгі мақаламызда кейіпкеріміздің «Тамаша» цехынан шығатын шұжығы жайлы сөз етеміз.&nbsp;Шиелі ауданында «Шиелі Шұжық» ЖШС бастамасымен шұжық цехы өз жұмысын жүргізді. Цех жұмысы ең әуелі 2005 жылы басталған болатын. Кейін құрылған цех біршама қиындықтарға байланысты 2017 жылы жұмысын тоқтатады. Дегенмен, кәсіпорын басшысы П.Маханбет қиындықтан шығудың жолын тауып, өндірісті қайтадан іске қосады. Осылайша 2020 жылы жұмыс қайтадан қолға алынады. Кәсіпкерге серіктес ретінде «Байқоңыр» ӘКК осы жобаға 32 млн теңге қаржылай қолдау көрсеткен.Заманауи жабдықталған құрылғылардың арқасында күніне 500 келі шұжық өндіріледі. Жалпы мұнда шұжық өнімдерінің 12 түрі бар. Олар: ысталған, қайнатылған, московский, сервелат, сардельки, докторский, зернистый, особый, вечина, полтавский және т.б. «Тамаша» цехы өндіретін шұжықтарды тек Шиелі ауданында ғана емес, Жаңақорған мен Қызылорда қаласындағы дүкен сөрелерінен табуға болады. Сонымен қатар, шұжыққа қажетті шикізатпен қамтамасыз ету үшін халал стандарты бойынша мал сою қасапханасы салынған. Шұжық цехына жарамды, стандартқа сай ірі қаралардың бәрі осында шариғи рәсімге сай сойылады.<blockquote>– Шұжық өндірісі ерекше кәсіптің түрі. Оны өндіру оңай шаруа емес. Ұқыптылық пен тазалықты қажет етеді. Мұздай жерде сақтау, оны тасымалдау үшін де мұздатқышы бар жүк көлігі керек. Осындай әр түрлі функционалды жұмысты атқаратын жұмысшылар өз ісінің шеберлері. Алдағы уақытта цехқа ер адамдарды қабылдау да жоспарда бар. Себебі өнім көлемі артқан сайын қол көмекке қажеттілік арта түседі. Жалпы жұмысқа жастарды көптеп тартудамын. Өйткені болашағымыз жастардың қолында, – дейді Патима Шаймерденқызы.</blockquote>Айтпағымыз, экологиялық таза, отандық өнімді барынша қолдасақ. Осы тұрғыда Шиелі аудандық кәсіпкерлер палатасының директоры Бекзатхан Бауыржанұлы:<blockquote>– Біз көп жағдайда тек сырттан алып келген азық-түліктерді тұтынамыз. Ол дегеніміз, қаражаттың көбісі сыртқа кетіп жатыр деген сөз. Ал біздің кәсіпкерлер аз қаражатымен өз күндерін өздері көруде. Сондықтан, жергілікті тауар өндірушілерді қолдап, өнімдерді пайдалансақ, ауданның кәсіпкерлігі дамиды. Кәсіп көзі ашылса, ол – қосымша салық, жалақы, жұмыс орнының артуына себеп болады. Өзіміздің өңірден шығатын өнім химиялық қоспасыз, табиғи өнім болғандықтан адамның денсаулығына да зиянын тигізбейді. Барша тұрғындарды жергілікті өнімдерді алып, ауданның кәсіпкерлігін дамытуға ат салысуға шақырамын, – деді.</blockquote>П.Маханбет аудан, облыс орталығында өткізілетін ауыл шаруашылығы өнімдерінің жәрмеңкесіне тұрақты қатысады. Бұл дегеніміз, тұрақтылық барда тұтынушы талғамынан табылу деген сөз. Ендеше, ел экономикасын дамытып, әлеуметтің әлеуетін арттыру мақсатында біз де қомақты үлес қоса аламыз. Әрине, ол үшін шет елден экспортталып келетін өнімді тұтынудың орнына өзімізде өндірілетін отандық өнімдерге барынша қолдау жасауымыз керек. Осы арқылы нарықта бәсекелестік артып, сіз бен бізге таңдау мүмкіншілігі көп болады.&nbsp;

Шиелінің шұжығын жеп көріңіз...

&nbsp; &nbsp;&nbsp;<a href="https://kyzylorda-news.kz/ru">Kyzylorda-news.kz</a>&nbsp; Айбынды әскердің тірегі – ержүрек сарбаз. Қайтпас қайсар мінезді, алдыңғы шепте журген өжет ер-азаматтар еліне қорған болуға міндетті. Тереңөзектің тумасы Нұрбек Дастанов қазір Алматы облысына қарасты Сарыөзек әскери қалашығында орналасқан 12740 әуе ұтқыр әскери бөлімінде Отан алдындағы борышын абыроймен өтеуде. Әскер қатарына қабылданып, ел қорғаны бола білген Нұрбектің отбасы ұлдарының болашағынан үлкен үміт күтіп отыр.&nbsp; &nbsp; &nbsp;Құрлықтық әскерде құрыштай мықты болуға ұмтылған Нұрбек Дастанұлы 18 жасында саптағы сарбаздар қатарына қосылды. Нұрбектің атасы ауданға өте белгілі Ұлы Отан соғысының ардагері Әбіләзи Сүлейменов екенін айтып өткеніміз абзал. Бала кезінен атасының майдан даласындағы батырлығын, бейбіт күндегі еңбегін естіп-біліп және ағаларының тәртіп сақшысы ретінде қоғам тыныштығын күзетіп келе жатқанын көріп өскен жас сарбаз өз арманына қанат бітіріп, бір табан жақындай түсті. Ол – әскерге бармас бұрын, Қызылорда қаласындағы әскери-техникалық мектептен арнайы тағылымдамадан өтті. Оқу барысы екі айға созылып, сол уақытта әскери техниканы жүргізудің қыр-сырына қанығып, көлік жүргізуге арналған куәлік алды. Ант қабылдау рәсімі кезінде Нұрбек өз ептілігімен Отанына адал қызмет ететінін анық байқата түсті.&nbsp; &nbsp; &nbsp;– Ержүрек ұлымның осыған дейінгі бар еркелігін үйде тастап мықты ұландардың бірі болуына байлам жасағанына өте қатты қуаныштымын. Әрине, біздің кезіміздегі әскери ұстанатын қағида қазіргідей емес, басқаша еді. Қазір заман көшіне қарай барлық талап өзгерген. Ұлдарым Жасұлан мен Бауыржан әскери парызын өтеп, қазір құқық қорғау органдарында қызмет етіп жүр. 12740 әуе ұтқыр әскери бөлімінде Нұрсұлтан балам да әскери міндетін орындаған болатын. Мұнда әуе жолындағы ұрыс әдіс-тәсілді жан-жақты үйретеді екен, – дейді Нұрбектің әкесі Дастан Сүлейменов бізбен әңгіме барысында.&nbsp; &nbsp; &nbsp;Әскери өмірдің қыр-сырына үйренісіп, қанығып қалған жас сарбаз командирлерінің рұқсатымен отбасымен әрдайым байланысып тұрады. Бұйырса, өз міндетін асқан абыроймен атқарып, әкесі Дастан мен анасы Әсемкүлге қуаныш сыйламақ ниетте. Нұрбек бабамыз Бауыржан Момышұлының «Терлеп еңбек етерсің, тілегіңе жетерсің» деген қанатты сөзін өмірлік ұран еткен.

Нұрбек Отан алдындағы борышын өтеуде

<a href="https://kyzylorda-news.kz/">Kyzylorda-news.kz.</a> Жалпы қамыс дегеніміз не? Ол – қияқ тұқымдасына жататын ең көп тараған өсімдік. Су өсімдігі болғандықтан көбінесе өзендердің сағасы мен көлдерде, арықтардың жағасында қалың тоғай құрып өседі. Ағашқа қарағанда 48 пайыз ылғалға төзімді болып келеді. Кезінде ата-бабалаларымыз қамыстан үй тұрғызып, ши тоқып шаруашылықпен айналысқан. Бәрін айтта, бірін айт, табыс көзі болып табылатын Жаңатұрмыстың сары қамысы шетелге шығарылуда.Осы тұста айта кетейік, Байсын ауылының жанында Ащыкөл деген көл бар. Сол көлдің жағалауындағы қамыстар десек болады. Бірі білсе, бірі білмейтін болар, Германияда қамысты ағаш үйлердің шатырына тоқыма себет жасауға пайдаланады. Астық тұқымдасына жататын шөптесін өсімдік жер шарында кеңінен таралған. Тек Арктика мен Антарктидада кездеспейді. Біздің елімізде жерасты суы жақын жатқан шалғынды, құмды, сортаң жерлерде өсетін 2 түрі бар. Ең жиі кездесетіні – кәдімгі қамыс немесе құрақ. Қамыстан себет тоқылады, құрылыста қолданылады. Одан химиялық өңдеу жолымен шайыр, метил спирті, сірке қышқылы, қағаз алынады.Байқап қарасақ, шет мемлекеттерінің қамысқа деген сұранысы жоғары. Оның бағалылығы, ылғалға төзімділігі, экологиялық жағынан таза материал екені белгілі. Сондай-ақ қамыс сабақтарын буып бау-бақша қоршауын да жасай аламыз.Бүгінде Жаңатұрмыс ауылының тұрғындары шаруашылыққа кіріскен. Олар қамысты қыста, аязды күндері қатты кезінде шабады. Содан кейін құрғақ жерде сақтайды. Қамыс құрғақ жерде сақталса шірімейді. Әрине, оңай жұмыс емес, ерік-жігерді талап етеді.Аталған ауылдың қамысы сұранысқа ие. Шиеліде өткізілген «Туған елге тарту» фестивалі көрмесінде де қамыс ерекше көзге көрінгенін жасыра алмаймыз. Ендеше, осындай өңірімізден шыққан өнімді қалайша қолдамасқа?&nbsp;

Шиелі: Ащыкөлдің қамысы – ауылдың бренді

<a href="https://kyzylorda-news.kz/">Kyzylorda-news.kz</a> Жасөспірімдердің қауіпсіздігін қамтамасыз ету, кәмелетке толмағандар және жастар арасындағы құқық бұзушылықты болдырмау мақсатында Жалағаш аудандық полиция бөлімінің, жергілікті полиция қызметі бөлімшесінің, ювеналдық полиция тобының инспекторы, полиция майоры Жасұлан Әбдуайтов бастаған қоғамдық тәртіпті бақылауға құрылған рейдтік топ жасөспірімдер көп шоғырланатын нысандарға барып, түсіндірме жұмыстарын жүргізді. Атап айтсақ, компьютерлік ойын-сауық орындары, кафе, орталық алаң мен саябақтарды аралап, нысан иелері мен жасөспірімдерге заң талаптары түсіндірілді.Соңғы уақытта жасөспірімдер арасында екеуара түсініспеушіліктен топтық төбелес туындап, қырсықтықтың арты қиындыққа әкеліп жатқанын көріп жүрміз. Жасыратыны жоқ, жастар арасында алкогольдік өнімдерге қызығушылық пен темекіге әуестікте басым. Әрине жастардың мұндай ерсі әдеттерінің соңы жақсылықпен аяқталмайды. Себебі зардабы тек өзіне ғана емес, ата-анасына да тиіп, соңы айыппұл төлеумен аяқталады. Ал мұндай зиянды әрекеттерді болдырмау мақсатында аудандық полиция бөлімі түнгі уақытта жасөспірімдерді жіті бақылауда ұстап, олардың амандығы үшін алаңдап, түнгі рейдтің жұмысын тоқтатқан емес.– Бізде ай сайын жасөспірімдерге қатысты іс-шаралар, топтық төбелеске тосқауыл қою мақсатында түсіндірме жұмыстары жүргізіліп тұрады. Тиісті шаралар атқарылып, ескертпелер де жасалады. Әкімшілік құқық бұзушылық туралы кодекстің 442 бабының ІІ тармағына сәйкес түнгі сағат 23.00 мен таңғы 6.00 аралығында кәмелет жасына толмаған жасөспірімдердің заңды өкілдерінсіз ойын-сауық орталықтарында немесе аудан орталығында жүрсе, және ол бірінші рет болса, алдымен ескерту жасалынады. Былтыр осы бап аясында 290 жасөпірімге ескерту жасалынды. Ал егер плэстейшн, түнгі клубта ұсталған жағдайда ата-анасына 3 айлық есептік көрсеткіш көлемінде айыппұл салынады. 127 баптың ІІІ тармағына сәйкес былтыр 16 баланың ата-анасына 48 000 теңге көлемінде айыппұл салынды. Сондай-ақ, кәмелет жасқа толмаған баланы түнгі сағат 22.00-ден кейін кіргізгені үшін мекеме аталған кодекстің 132 бабы бойынша 5 айлық есептік көрсеткіш көлемінде айыппұл төлейді, – деді аудандық полиция бөлімінің, жергілікті полиция қызметі бөлімшесінің, ювеналдық полиция тобының инспекторы, полиция майоры Жасұлан Әбдуайтов.Түнгі рейдтің басты мақсаты – аудан көлемінде құқықтық тәртіпті қамтамасыз ету, көшелерде, басқа да қоғамдық орындарда кәмелетке толмағандардың арасында орын алатын топтық төбелес, бопсалау сынды қылмыстардың алдын алу, ескерту, кәмелетке толмағандарға алкоголь өнімдері мен темекі бұйымдарын сатқан дүкендер мен олардың түнгі уақытта заңды өкілдерінсіз ойын-сауық мекемелерінде жүргенін анықтау болып табылады.&nbsp;Құқық бұзушылық – қоғам өміріне тән дерт.&nbsp;Әрине адам баласы өмір сүрген жерде ол орын алатыны даусыз. Барлық адам темірдей тәртіп пен қатал талапты бұзбай күн кешпейтіні анық. Бүгінде соның салдарынан абайсызда от басып, опық жеген азаматтар темір тордың арғы жағында өзегін өртеген өкінішпен өмір сүріп жатқаны белгілі.Бауыржан Момышұлының «тәртіпсіз ел болмайды, тәртіпке бас иген құл болмайды» деген ұлағатты сөзінің өзіндік мәні бар. Тәртіпке бағынып, талапты орындағанның жаманы жоқ.&nbsp;Баланың түнгі сағат 23.00-ден кейін үй-жайдан тыс шығуы заңмен шектелгенін білсе де ата-анасы дүкенге жіберетін жағдайлар көп кездеседі. Не болмаса, көшеде жалғыз жүреді. Құқық бұзушылық пен қылмыстық оқиғалардың дені түнгі уақытта орын алатынын ескерсек, өрімдей жас балалардың түнделетіп жүруі кейде қайғылы оқиғаларға соқтыруы мүмкін. Сондықтан, бала өмірі үшін сақтық шарасын ең алдымен ата-аналар ұстанғаны жөн.Айта кетейік, түнделетіп көшеде жалғыз жүрген жасөспірімдердің ата-анасына алдымен ескерту жасалады. Егер құқықбұзушылық бір жыл ішінде қайталанса, үш айлық есептік көрсеткіш мөлшерінде айыппұл салуға әкеп соғады. Ал ата-анасы ауылдық жерде немесе басқа қалада болса, кәмелетке толмаған баласын қараусыз қалдырмай, сенімхат арқылы үлкендерге тапсырып кетуі керек. Сенімхаты жоқ туысқандар бала үшін жауап беруге дәрменсіз. Өздеріңіз білетіндей, елімізде соңғы жылдары кәмелеттік жасқа толмағандардың қылмыс жасауының белең алуы әлеуметтік желіде қаптап кетті. Жасөспірімдердің бір-біріне қару кезеп, арты өліммен аяқталған оқиғаларды да естіп, біліп жүрміз. Десе де, аудандағы қауіпсіздікті басты назарда ұстайтын тәртіп сақшыларының қоғам тыныштығын қалыпты ұстаудағы үлесі зор.&nbsp;Аудандық полиция бөлімімен шыққан түнгі рейд барысында мектеп оқушылары тарапынан ешқандай құқық бұзушылық орын алған жоқ. Балалардың қауіпсіздігі үшін ұйымдастырылатын түнгі рейдтің 18 жасқа толмаған жасөспірімдерді түрлі заңбұзушылықтан сақтайтыны рас. Сондықтан жасөспірімдер арасында құқықбұзушылық пен қылмыстың алдын алу мақсатындағы арнайы рейдтік топ жұмысын алдағы уақытта да ұдайы жүргізіледі.&nbsp;

Жалағаш ауданында рейдтік жұмыстар қарқынды жүруде

<a href="https://kyzylorda-news.kz/">Kyzylorda-news.kz.</a> Шиеліде Жастар ресурстық орталығы және «Салауатты өмір салтын насихаттау және жастар шығармашылығын дамыту» әлеуметтік қызметі жобасы аясында Жастар форумы өтті. Оны «Қызылорда облысының жастар одақтары» қоғамдық бірлестігі ұйымдастырды.Іс-шараны аудандық қоғамдық даму бөлімінің басшысы Кенжехан Есенбаев ашып берді. Әрмен қарай ол өз саласы бойынша айрықша үлес қосып жүрген 10 жасқа аудан әкімінің «Жыл үздігі – 2023» жастар сыйлығын табыстады. Атап айтсақ, «Үздік оқушы» номинациясымен №45 Ақ Орда мектеп-гимназиясының 9-сынып оқушысы Аяулым Мұханбетияр, «Үздік жас дәрігер» номинациясы бойынша аудандық көп бейінді орталық ауруханасының стоматолог дәрігері, жас маман Дәурен Кенжебек, ал «Үздік жас ұстаз» №49 орта мектебінің қазақ тілі мен әдебиет пәнінің мұғалімі Шыңғыс Құдайберген иеленсе, «Үздік жас спортшы» номинациясына дзюдо күресінен республикалық турнирдің күміс жүлдегері Ердәулет Абдумуталапов алды. «Үздік жас журналист» номинациясын аудандық «Өскен Өңір» газетінің тілшісі Айнұр Ибрашева және «Үздік жас кәсіпкер» «Омар торт» кондитерлік өнім дүкенінің басшысы Гүлзия Мұратбекқызы, «Үздік жастар көшбасшысы» №252 мектеп-гимназиясының дене шынықтыру пәнінің мұғалімі, волонтер Азамат Қалиға берілді.Ал «Үздік мәдениет қызметкері» болып Шиелі кенті әкімі аппаратының «Арман» мәдениет үйі коммуналдық мемлекеттік қазыналық кәсіпорнының маманы Аякөз Қылышбаева және «Үздік жас волонтер» номинациясымен Шиелі «Біз біргеміз» қайырымдылық қорының жетекшісі Жасұлан Рысбек марапатталды.Жалынды жастарға қаржылай сыйақы, сертификат, диплом және статуэтка табысталды.&nbsp;

Шиелі: Жаңа леп, жаңа толқын

<a href="https://kyzylorda-news.kz/">Kyzylorda-news.kz.</a> Нұржан Кенжебеков – Шиелі ауданы, Алмалы ауылының тұрғыны. Жұмысына тиянақты, ісіне мығым, жауапкершілігі мол, өз ісін адал атқаратын кәсіпкер. Ол төрт ай бұрын кір сабын шығаратын шағын кәсіп бастаған. Күнделікті қолданыстағы кір сабынның жасау әдісі қандай? Және сабын бизнесін бастау идеясы қалай келгені туралы Нұржанның өзінен сұрап білген едік.«Шах сабыны» қалай пайда болды?Негізгі мамандығым – инженер-механик. Бала кезімнен бірнеше істі қатар алып жүргеннен кейін, бұл кәсіпті бастау қиын болмады. Жалпы қазақ «көз – қорқақ, қол – батыр» дейді емес пе? Сол себепті сабын шығаруды қолға алдым. Ең алғаш сабын жасау техникасын қазалылық кәсіпкер Руслан Бөлекбаевтан үйрене бастадым. Тек теориялық тұрғыда ғана емес, тәжірибе жүзінде де іске асырып көргенмін. Соның нәтижесінде осы кәсіпті бастап, тәуекел жасадым. Кейін балаларымыз да бізге көмектесе бастады. Отбасымызбен жеке кәсібіміз болғанын қаладық. Мұрадан мұраға жалғасады деген мақсатпен, кенже ұлымның атымен «Шах сабыны» деп қойдық.Экологиялық таза өнімСабынның құрамы 100 пайыз экологиялық таза өнімдерден тұрады. Қасиеттері де жоғары. Былайша айтқанда, тері ауруларын, майлы беттерге пайдалы. Безеуді де кетіреді. Кәсіпкердің айтуынша, ешбір химиялық қоспа жоқ. Бастысы – табиғи таза өнім, сапасы жоғары. Тіпті суға да ерімейді. Қолданғанда жақсы көпіреді. Құрамының басым бөлігі тоқ май, күнбағыс майдың қалдығы және каустик содасынан жасалады.Қазіргі таңда 150, 200, 300 грамдық сабыннан тәулігіне 1000, 1500 дана шығарылады. Сабынның бағасы да тұрғындар үшін әлдеқайда қолжетімді.&nbsp;Сабын бағасы – 80, 150, 250 теңгеден сатылады. Ал сұранысына келер болсақ, бүгінде тек Алмалы ауылы ғана емес, Шиелінің түкпір-түкпірінен кең көлемді тапсырыстар түсіп жатыр.Бизнес бірден жүріп кетпейдіШынында да, бастаған бизнес бірден жүріп кетпейді. Кәсіп ашу табандылықты қажет етеді. Ешқандай қиындыққа мойымай, еңбекқорлықпен еңбек етіп келемін. Алғашқыда сабын жасауда қиыншылықтар кездесті. Мәселен, қоспалардың дұрыс қосылмай қалған кездері болды. Және шыққан сабынның сапасын дұрыс қадағаламай, қателік жіберген сәттерді айта кету керек. Бірақ, біз оған мойымадық. Бүгінде әр нәрсені бақылап, дұрыстап істеп, цехтағы жұмыс қызу жүргізілуде.Болашаққа сенімді қадамКелешекте бұл кәсіпті кеңейткіміз келеді. Бүгінде цехтағы жұмыс қызу жүргізілуде. Мақсатымыз – айқын, міндетіміз – зор. Алдағы уақытта қол жууға, кілем және ыдыс аяқ жууға арналған сұйық сабындар шығару ойда бар. Сондай-ақ арнайы үлкен аумақты ғимарат салсам, нұр үстіне нұр болар еді. Тапқан табысымыз адал, балаларымыздың қажеттіліктеріне жетеді. Басты мақсатымыз – ауылдың, ауданның атын шығарып, «Шах сабыны» өніміне сұранысты арттыру

Қазақстан және Қызылорда облысының жаңалықтары