<a href="https://kyzylorda-news.kz/">Kyzylorda-news.kz</a>&nbsp; ҚР КМ АЖК «Жол активтері сапасының ұлттық орталығы» ШЖҚ РМК Қызылорда облыстық филиалына жаңа басшы тағайындалды.Мұқанов Мақсат Асхатұлы 1990 жылы 3 шілдеде қазіргі Жетісу облысы, Талдықорған қаласында дүниеге келген. 2012 жылы «Көкше» академиясында «Құқықтану» мамандығын тәмамдап, 2020 жылы Л.Б. Гончаров атындағы «Қазақ Автомобиль-жолдары академиясында» «Көлік құрылысы» бойынша екінші жоғары білімін алған. Мақсат Мұқанов еңбек жолын 2012 жылы Алматы облысы бойынша «К-Дорстрой» АҚ жол көлік қозғалысының инженері қызметінен бастаған.2016-2018 ж.ж Астана қаласының «К-Дорстрой» АҚ жол көлік қозғалысының қауіпсіздігінің инженері,2018-2019 ж.ж Шығыс Қазақстан облысы бойынша «К-Дорстрой» АҚ жол көлік қозғалысының қауіпсіздігінің инженері,2019-2021 ж.ж «Қазақавтожол» ЖШС Алматы ОФ бас инженері,2021-2022 ж.ж «Қазақавтожол» ЖШС Алматы ОФ директоры,2022 жылдың сәуір-тамыз аралығында «Қазақавтожол» ЖШС Ақмола ОФ директоры,2022 ж «Қазақавтожол» ЖШС Алматы ОФ директоры қызметтерін абыроймен атқарып келген.Жол саласындағы қажырлы еңбегі үшін 2022 ж ҚР ИИДМ “Құрметті жолшы” төс белгісімен марапатталған.“ҚАЖсервис” ЖШС құрылғанына 25 жылдығына орай бас директордың “Жол саласының дамуына қосқан елеулі еңбегі үшін” медалін иеленген.Жол активтері сапасының ұлттық орталығының бас директоры Болатбек Қобланбекұлы Сыр өңіріне арнайы келіп, жаңа басшыны филиал ұжымына таныстырды. Және Мақсат Асхатұлының алдағы жұмысына сәттілік тілеп, өңір жолдарының сапасын жақсарту бағытында өз білім-біліктілігі мен тәжірибесін көрсетіп, жемісті қызмет ететініне сенім білдірді.Фото: Жол автиктері сапасының ұлттық орталығы

Жаңа басшы тағайындалды

<a href="https://kyzylorda-news.kz/">Kyzylorda-news.kz</a> Мемлекет гендерлік теңдікті сақтауға, әйелдер құқығын қорғауға және отбасы құндылықтарын нығайтуға әрдайым баса мән береді», – Қазақстан Республикасының Президенті Қасым-Жомарт Тоқаев.Мемлекет басшысының бастамасымен жетекші билік органдарында әйелдерге арнайы квоталар берілді. Нәтижесінде, Парламент пен мәслихаттардағы әйелдер үлесі артты, бұл бағыттағы жұмыстар жалғасуда.<img src="https://knadmin.beoblood.kz/uploads/1_T_rmys_0207c6e06c.webp" alt="1 Тұрмыс.webp">Қазіргі кезде&nbsp;Парламентте 28 әйел&nbsp;депутат бар, бұл жалпы депутаттар санының&nbsp;18,9%-ы.&nbsp;Мәслихаттарда&nbsp;әйелдердің үлесі –&nbsp;22,7%-ға&nbsp;(3 415 депутаттың 774-і) жетті.Мемлекеттің 21 министрлігінде, денсаулық сақтау, еңбек және халықты әлеуметтік қорғау, мәдениет және ақпарат министрліктерінде&nbsp;3 әйел министр,&nbsp;8 вице-министр,&nbsp;3 аппарат басшысы&nbsp;бар. Сонымен қатар, Қазақстан Республикасы Президентіне тікелей бағынышты және есеп беретін 14 мемлекеттік органда&nbsp;6&nbsp;әйел басшылық қызмет атқарады. Ел бойынша судья әйелдердің жалпы саны –&nbsp;1 248&nbsp;адам (53%).<img src="https://knadmin.beoblood.kz/uploads/2_t_rmys_c93b07b7e7.webp" alt="2 тұрмыс.webp">2025 жылғы 1 қаңтардағы жағдай бойынша, мемлекеттік қызметтегі әйелдердің үлесі&nbsp;55,8%-ға&nbsp;(84 482 мемлекеттік қызметшінің 47 158-і – әйелдер) жетті. Басшылық лауазымдардағы әйелдердің жалпы үлесі – 39,1% (23 947 басшының 9 363-і).Сонымен қатар, Үкімет әйелдер кәсіпкерлігін дамытуға көп көңіл бөлуде. Шағын және орта бизнес иелерінің құрылымында&nbsp;әйел кәсіпкерлердің&nbsp;үлесі&nbsp;48%-ға&nbsp;жетті. <img src="https://knadmin.beoblood.kz/uploads/3_t_rmys_396838edb1.webp" alt="3 тұрмыс.webp">Әйелдер кәсіпкерлігін қолдау мақсатында бірқатар бағдарламалар іске асып жатыр. Мәселен, «Даму» кәсіпкерлікті дамыту қоры қызмет еткен кезең ішінде 4,1 млрд теңге көлемінде&nbsp;105 мыңнан астам әйелдің жобасына қолдау көрсетті.Бүгінде&nbsp;әйелдердің&nbsp;тұрғын үй жағдайын жақсартуға арналған арнайы бағдарламалар бар. «Отбасы банк» пен Азия даму банкі бірлесіп, «Ұмай» ипотекалық бағдарламасын іске қосты. Үш жыл ішінде бұл бағдарлама 3 660 қазақстандық әйелге баспана сатып алуға көмектесті. Жалпы несие көлемі – 41,2 млрд теңге. Сондай-ақ, асыраушысынан айырылған әйелдер де енді мемлекеттік тұрғын үй алу кезегіне жеке санат ретінде енгізілетін болады.<img src="https://knadmin.beoblood.kz/uploads/4_t_rmys_f23a3f0e57.webp" alt="4 тұрмыс.webp">Өткен жылғы ең маңызды оқиғаларының бірі –&nbsp;отбасылық-тұрмыстық зорлық-зомбылыққа қарсы заңның қабылдануы.&nbsp;Заңда қылмыстық жауапкершілік қатаңдатылып, отбасы институтын нығайту және тұрмыстық зорлық-зомбылықтың алдын алу бойынша бірқатар нормалар бекітілді.Президент тапсырмасы бойынша, Ішкі істер министрлігінің Әкімшілік полиция комитетінде&nbsp;«Отбасылық-тұрмыстық зорлық-зомбылықпен күрес және әйелдерді зорлық-зомбылықтан қорғау» басқармасы&nbsp;құрылды. Әйелдер мен кәмелетке толмағандарға қатысты жыныстық сипаттағы қылмыстарды тергеу үшін арнайы әйел тергеушілер тағайындалды (республика бойынша тергеу-жедел топтарына&nbsp;280 әйел тергеуші&nbsp;енгізілді).<img src="https://knadmin.beoblood.kz/uploads/5_t_rmys_1fd4ec3f46.webp" alt="5 тұрмыс.webp">Әйелдерді зорлық-зомбылықтан қорғау жөніндегі инспекторлар 16 мың әйелдің құқығын қорғады.Аталмыш заңдағы жаңашылдықтардың бірі – Қазақстан Республикасы Мәдениет және ақпарат Министрлігі үйлестіретін бірыңғай&nbsp;Отбасын қолдау орталықтары&nbsp;желісін құру. Осыған байланысты 2024 жылдың маусым айынан бастап мұндай орталықтардың&nbsp;саны 33-тен 104-ке дейін артты.Қиын өмірлік жағдайға тап болған отбасыларды ерте анықтау мақсатында Мәдениет және ақпарат министрлігі (МАМ), Еңбек және халықты әлеуметтік қорғау министрлігі (ЕХӘҚМ), Ішкі істер министрлігі (ІІМ) және Денсаулық сақтау министрлігі (ДС) мамандарынан құралған мобильді жұмыс топтары құрылды.Сонымен қатар, Қазақстан 1995 жылы Бейжің декларациясына қосылғаннан бері тұрақты гендерлік саясатты қалыптастыру бағытын нық ұстанып келеді. Ұлттық және халықаралық қағидалар бірдей назарға алынған. Осы мақсатта Қазақстанда Президент жанындағы&nbsp;Әйелдер істері және отбасылық-демографиялық саясат жөніндегі ұлттық комиссия&nbsp;жұмыс істейді.Атап айтқанда, Ұлттық комиссия сарапшылары заң шығару процесіне белсенді түрде атсалысады. Олардың қатысуымен отбасылық-тұрмыстық құқықтар мен бостандықтарды және балаларды қорғауды қамтамасыз ететін&nbsp;50-ден астам заңнамалық акт&nbsp;әзірленді.Сондай-ақ, Ұлттық комиссияның сараптамалық топтары өңірлерді аралайды. 2024 жылы&nbsp;2 мың әйел, оның ішінде&nbsp;134 көпбалалы отбасы&nbsp;қамтылды. Жергілікті жерде мәселелерге кешенді талдау жасалып, өңірлік ерекшеліктер назарға алынып, шешімдер шығарылды.«TechnoWomen» ұйымы мен халықаралық «Astana Hub» технопаркі серіктесіп, екінші жыл қатарынан жұмыссыз әйелдер мен декреттегі аналардың цифрлық біліктілігін арттыруға арналған&nbsp;«IT-Aiel» жобасын&nbsp;іске асырды. Оқыту бағдарламасынан өткен алғашқы түлектердің табысы 45%-ға өсті. Биыл цифрлық ғылымдар, киберқауіпсіздік және электрондық коммерция бойынша&nbsp;18 мың қыз&nbsp;бен әйел білім алды.<img src="https://knadmin.beoblood.kz/uploads/6_t_rmys_6ed0832bf9.webp" alt="6 тұрмыс.webp">Сондай-ақ, Ұлттық комиссияның тұрақты назарында репродуктивті денсаулықты қорғау, әйелдер кәсіпкерлігін дамыту және ауылдақ жерлердегі әйелдерді қолдау мәселелері бар.2025 жылы да Әйелдер істері және отбасылық-демографиялық саясат жөніндегі Ұлттық комиссия алдына бірқатар маңызды міндеттер қойылды. Мемлекет басшысының тапсырмасымен комиссия саналы ата-ана мәдениетін арттыру, отбасы мен некенің маңызын нығайту, адамгершілік құндылықтарды дәріптеу бойынша шаралар атқарады.2025 жыл гендерлік саясат саласындағы екі маңызды оқиғамен ерекшеленеді. Бірі –&nbsp;Бейжің декларациясының 30 жылдығы болса, екіншісі – БҰҰ Қауіпсіздік Кеңесінің «Әйелдер. Бейбітшілік. Қауіпсіздік» 1325-резолюциясының 25 жылдығы.&nbsp;Бұл – әйелдер құқығын арттыру және гендерлік теңдікті қамтамасыз етуге бағытталған негізгі халықаралық құжаттар.Қазақстан халықаралық гендерлік саясат аясындағы міндеттемелерін орындау бойынша ауқымды жұмыс атқаруда. БҰҰ Қауіпсіздік Кеңесінің 1325-резолюциясын іске асыру жөніндегі Ұлттық іс-қимыл жоспары жаңартылды. Бұл жоспар халықаралық сарапшылар мен дипломатиялық корпус тарапынан жоғары бағаға ие болды.Жоспар аясында гендерлік мәселелер бойынша әскери кеңесшілер даярлау, Қорғаныс министрлігі, ІІМ, ТЖМ және прокуратура жүйесіндегі әйелдерді басшылық лауазымдарға өсіру, олардың одан әрі мансаптық жолын бақылау және басқа да міндеттер қарастырылған.Осылайша, Қазақстан гендерлік теңдікті нығайту және әйелдерге қатысты кемсітушілікті жою саясатын жүйелі түрде жалғастыруда. Құқықтық және институционалдық база нығайтылып, әйелдердің физикалық, интеллектуалдық және рухани-адамгершілік дамуына қажетті жағдайлар жасалып келеді.ҚР Мәдениет және ақпарат министрлігінің баспасөз қызметі

Қазақстан гендерлік теңдік жолында: Мемлекеттік қызметтегі басшылық лауазымдардың 39%-ын әйелдер атқарады

<a href="https://kyzylorda-news.kz/">Kyzylorda-news.kz</a> МБА және ХЖШТ үшін қаржылық қызметтердің қаржылық қолжетімділігі мен сапасын арттыру жөніндегі жұмыс тобының қызметі шеңберінде ҚР Қаржы нарығын реттеу және дамыту агенттігі МБА және ХЖШТ үшін жеке және қашықтан қызмет көрсету бойынша ұсынымдар жобасын әзірледі, оған сондай-ақ қаржы ұйымдарында сенім білдірілген адамды тағайындау қағидалары кіреді.Ұсынымдар жобасы «Қазақстан Республикасының кейбір заңнамалық актілеріне қаржы нарығын дамыту және қаржылық көрсетілетін қызметтерді тұтынушылардың құқықтарын қорғау мәселелері бойынша өзгерістер мен толықтырулар енгізу туралы» Қазақстан Республикасы Заңының жобасына (бұдан әрі – Заң жобасы) заңды бастамалар шеңберінде әзірленді. Қазіргі уақытта Заң жобасы Парламент Мәжілісінде қаралуда.Ұсынымдар жобасында МБА және ХЖШТ үшін қаржы ұйымдарының нақты және ақпараттық қолжетімділігін жетілдіру, «Мүгедектігі бар адамдарға және халықтың жүріп-тұруы шектелген басқа да топтарына қызмет көрсету жөніндегі қаржы ұйымдары бөлімшелерінің қолжетімділігіне қойылатын талаптар» ҚР СТ-3844-2023 ұлттық стандартына сәйкес МБА және ХЖШТ клиенттерімен өзара іс-қимыл бойынша қызметкерлерді оқыту, сондай-ақ алаяқтық әрекеттер салдарынан қаржылық шығындар тәуекелдеріне әкеп соғатын операцияларды болдырмау мақсатында МБА санатындағы клиенттің сенім білдірілген адамды тағайындауы көзделеді.Ұсынымдар жобасымен мынадай &nbsp;сілтеме арқылы танысуға болады:&nbsp; https://fingramota.kz/ru/post/rekomendacii-po-lichnomu-i-distancionnomu-obsluzhivaniyu-lyudej-s-invalidnostyu-i-malomobilnyh-grupp-naseleniya-v-finansovyh-organizaciyahҰсынымдар жобасы бойынша ұсыныстарды komek@finreg.kz электрондық мекенжайына 2025 жылғы 20 наурызға дейінгі мерзімде жіберуді сұраймыз. Фото: <a href="https://www.fingramota.kz/kk/news/post/mgedektigi-bar-adamdar-men-halyty-zhrip-truy-shektelgen-toptary-shin-arzhyly-olzhetimdilikti-arttyru-zhnindegi-synymdar-zhobasyn-talylau">fingramota.kz</a>

Мүгедектер мен қимыл-қозғалысы төмен топтарды қаржылық қамтуды арттыру бойынша ұсынымдар жобасын талқылау

<a href="https://kyzylorda-news.kz/">Kyzylorda-news.kz</a> Облыс әкімі Нұрлыбек Нәлібаевтың төрағалығымен құқық бұзушылық профилактикасы жөніндегі ведомствоаралық комиссия отырысы өтті. Күн тәртібінде еңбек мигранттарының арасындағы құқық бұзушылықтың алдын алу мәселесі, нашақорлық және есірткі бизнесіне қарсы күресте мүдделі органдар атқарған жұмыс барысы талқыланды.Отырыста облыстық полиция департаменті, жұмыспен қамтуды үйлестіру және әлеуметтік бағдарламалар, денсаулық сақтау басқармаларының басшылары баяндама жасады.Облыс әкімі көші-қон заңнамасын бұзушыларға, заңсыз еңбек етушілерге тосқауыл қоюды тапсырды.&nbsp;<blockquote>«Заңсыз шетелдік жұмыс күшін пайдаланған жұмыс берушілерді анықтап, жауапкершілікке тартыңыздар. Жергілікті еңбек нарығына талдау жүргізіп, отандық мамандарды жұмыспен қамту маңызды. Бұл ретте шетелдік жұмыс күшін тартудың тәртібін түсіндіруді басты назарда ұстау керек», – деді аймақ басшысы.Нұрлыбек Машбекұлы есірткі қылмысына қарсы күресті күшейту, есірткінің жасырын таралу арналарын, интернет арқылы сату әрекеттерін анықтау және жоюдағы арнайы операцияларды жиі ұйымдастыру туралы міндет жүктеді.«Есірткіні жасырған орындарды анықтауда бейнебақылау жүйесін күшейтуге басымдық беру керек. Арнайы рейдтер ұйымдастыру, ата-аналармен бірлесіп, оқушылар мен студенттерге синтетикалық есірткі мен нашақорлықтың қаупі туралы кеңінен түсіндіру де күн тәртібінен түспеуі тиіс», – деді облыс әкімі.</blockquote>Комиссия отырысында мектептер мен колледждерде алдын алу іс-шараларын үйлестірудің, арнайы мамандардың қатысуымен кездесулер өткізудің ортақ іске оң әсер ететіні айтылды.Фото: Қызылорда облысы әкімінің баспасөз қызметі

 Құқық бұзушылық профилактикасы жөніндегі ведомствоаралық комиссия отырысы өтті

<a href="https://kyzylorda-news.kz/">Kyzylorda-news.kz</a> 8 наурыз – Халықаралық әйелдер күніне орай «AMANAT» партиясы Қызылорда облыстық филиалының алаңында түрлі салаларда ерлермен иық тірестіре еңбек етіп жүрген әйелдер қауымымен кездесу өтті.Мерекелік іс – шарада партияның облыстық филиалының төрағасы Алмасбек Есмаханов егемен елдің өркендеуі жолында әйелдер қауымының алар орны ерекше екенін айтып, игі тілегін жеткізді.<blockquote>«Тәуелсіз еліміздің бүгінгі күнге нығайып, әлем таныған абыройға жетуі мен Сыр өлкесінің қол жеткен жетістіктерінің барлығында бір қолымен бесік, екінші қолымен әлемді тербеткен әйелдер қауымының қолтаңбасы бар. Сіздер отбасының күнбе-күнгі шаруасын, бала тәрбиесін және қоғамдық жұмыстарды қоса атқара жүріп, қоғамдағы тұрақтылық пен ел бірлігін сақтау мәселесінде шешуші рөл атқарып келесіздер. Қазіргі елімізде әйел тек отбасының береке-бірлігін ойлайтын тұлға ғана емес, ол мемлекеттің - өмірге және саяси мәселелерге белсене араласатын қоғам мүшесі ретінде әлеуметтік қорғалу мен өмір сүру деңгейін арттыруға айрықша маңыз беріліп отыр.Соңғы жылдары Президент бастамаларының арқасында елімізде гендерлік теңдікті қамтамасыз ету бағытында маңызды өзгерістер енгізген саяси реформалар жүзеге асырылды. Бақытты ана мен балалар өмірін жақсарту бойынша жүйелі реформалар Мемлекет басшысының Жолдауларында және оның сайлауалды бағдарламасында, «AMANAT» партиясының сайлауалды бағдарламасында қаматылған. Қазір көпбалалы аналарға арналған жәрдемақы мөлшері ұлғайтылды, барлық бастауыш сынып оқушылары тегін тамақпен қамтамасыз етілді. Осы жылдың басында «Ұлттық қор – балаларға» бағдарламасы іске қосылды, оның аясында әр бала инвестициялық табыстан ақша алу мүмкіндігіне ие болды. Өз кезегінде, «AMANAT» партиясы да әйелдердің құқығын барынша қолдап келеді. Мәселен, партияның Әйелдер қанатының тікелей қатысуымен әйелдер мен балаларға қатысты зорлық-зомбылықтың алдын алу туралы заң әзірленді, партиялық тізімдерде гендерлік квоталар енгізілді. «Tomiris» жобасы аясында әйелдердің саяси көшбасшылын дамытуға арналған оқыту курстары ұйымдастырылуда. «Балаңа уақыт арна!», «Қарызсыз қоғам», «Ауыл аманаты» секілді көптеген партиялық бастамалар мен жобалар әйелдердің мүддесін қорғауға бағытталған. Алыптың да анадан туатынын ескерсек, нәзік жандыларға деген құрмет те, қошемет те, қолдау мен қорғау да мемлекеттік тұрғыда күн тәртібінен түспейтін маңызды мәселе болып қала береді»-деді құттықтау сөзінде Алмасбек Есмаханов.</blockquote>Бүгінгі таңда «AMANAT» партиясының Қызылорда облысы бойынша бойынша 46 мыңнан астам партия мүшесі бар болса, оның 60 пайыздан астамын әйелдер қауымы құрайды. Облыстағы барлық деңгейдегі мәслихаттардағы «AMANAT» партиясының 125 мандатының 23-і әйелдер үлесінде. Олар партияның облыстық филиалы жанындағы түрлі кеңестерге, фракция жұмысына белсене араласып, беделді еңбек етіп келеді.&nbsp;<img src="https://knadmin.beoblood.kz/uploads/1_T_rli_salada_e_bek_etip_zh_rgen_arular_a_rmet_k_rsetildi_e3c5114169.jpg" alt="1Түрлі салада еңбек етіп жүрген аруларға құрмет көрсетілді.jpg">

Түрлі салада еңбек етіп жүрген аруларға құрмет көрсетілді

<a href="https://kyzylorda-news.kz/">Kyzylorda-news.kz</a> Бүгін облыс әкімі Нұрлыбек Нәлібаевтың төрағалығымен сыбайлас жемқорлыққа қарсы іс-қимыл мәселелері жөніндегі комиссия отырысы өтті. Күн тәртібінде Қызылорда қаласының тұрғындарын тұрғын үймен қамтамасыз етудегі, туризм саласына бюджеттен бөлінген қаражаттың жоспарлануы мен игерілуіндегі сыбайлас жемқорлық тәуекелдеріне жүргізілген сыртқы талдау нәтижелері талқыланды.Комиссия отырысында Сыбайлас жемқорлыққа қарсы іс-қимыл агенттігі Қызылорда облысы бойынша департаменті басшысының бірінші орынбасары Айдос Жүнісов, Қызылорда қаласының әкімі Нұржан Ахатов, облыстық дене шынықтыру, спорт және туризм басқармасының басшысы Бақтияр Артаев баяндама жасады.Аталған мәселелер бойынша облыс әкімі жауапты сала басшыларына бірқатар тапсырма берді.<blockquote>«Тұрғын үй кезегі мен оны алғандар тізімін заң талаптарына сәйкес жыл сайын жариялап, үйді бөлу ашық жүргізілсін. Жетім балаларға бөлінетін кемінде 20%-дық үлес қатаң сақталуы керек. Тұрғын үй алаяқтығының алдын алу үшін түсіндіру жұмыстары күшейтіліп, заң бұзғандарға қатаң шара қолданылатын болады. Сыртқы талдау барысында анықталған заң бұзушылықтарды жоюда нақты шаралар қабылдануы тиіс. Туризм бағытындағы нысандарды қажетті инженерлік инфрақұрылыммен қамтамасыз етуге қатысты тиісті ұсыныстар әзірлеңіздер», – деді Н.Нәлібаев.</blockquote>

Сыбайлас жемқорлыққа қарсы іс-қимыл мәселелері жөніндегі комиссия отырысы өтті

<a href="https://kyzylorda-news.kz/">Kyzylorda-news.kz</a> Дені сау ұлт – тұрақты дамудың негізі. Бұл мақсатқа жету үшін денсаулық сақтау жүйелерін нығайтып, сапалы медициналық көмек көрсету мен алдын-алу шаралары күшейтілуі қажет. Бұл тұрғыда Сыр өңірінде серпіліске толы іргелі істер жыл сайын жаңғырып, жаңа ғимараттар ел игілігіне беріліп келеді. Соның бірі аймақ басшысының үйлестіруімен жүзеге асқан заманауи «Қан орталығы».Бұл нысанның өңір үшін маңызы зор. Өйткені ұлт денсаулығын сақтаудың ең тиімді жолы ретінде орталық жылына он мың адамға қызмет көрсетсе, медициналық ұйымдардың сұранысына сай 17 мың дозадан астам қан компоненттерін дайындауға мүмкіндігі бар.Қазір «Қан орталығына» келіп, сапалы қызметін алған қызылордалықтар алғыстарын білдіруде.<img src="https://knadmin.beoblood.kz/uploads/lt_sauly_y_e_ymbat_azyna_1_69e92e27c1.webp" alt="Ұлт саулығы – ең қымбат қазына 1.webp">Фото: қала әкімдігі

Ұлт саулығы – ең қымбат қазына

<a href="https://kyzylorda-news.kz/">Kyzylorda-news.kz</a> Күн тәртібіне сәйкес аудандық қоғамдық даму бөлімі бойынша атқарылған жұмыстар, халықты жұмыспен қамтамасыз ету шаралары, Ақсу және Мырзабай Ахун ауылдық округтеріндегі атқарылған жұмыстар мен алдағы міндеттер туралы хабарламалар тыңдалып, тиісті тапсырмалар берілді.Мәжілісте Жалағаш ауданының әкімі Ардақ Ибраимов ауданның әлеуметтік-экономикалық даму көрсеткіштері және халықтың әл-ауқатын арттыру мәселелері бойынша нақты тапсырмалар берді.Жалағаш кенті әкімі мен ауылдық округ әкімдері халықтың негізгі мәселелерін уақытылы және сапалы шешуге міндетті екенін атап өтті.Аудан тұрғындарының ең негізгі мәселелерінің бірі тұрақты жұмысқа орналасу болып табылады. Сондықтан мемлекеттік бағдарламаларға қатысушы халық санын арттырып, қайтарымсыз гранттар мен жеңілдетілген несиелер арқылы кәсіпкерлік бастамаларды дамыту қажет екенін айтты. Бұл мақсатта зерделеу жұмыстарын жүргізіп, тек қатысудан бұрын жүйелі түрде жұмыс жасауға бағытталған жобаларды қолдау тапсырылды.Сонымен қатар, санитарлық тазалықты сақтау мақсатында аудан тұрғындарын тәртіпке шақыру, табиғатты ластап жатқан қалдық су төгетін көліктерге айыппұл салу мәселесін де назарға алу ескертілді.Мәжіліс барысында айтылған тапсырмалардың уақытында орындалуын қадағалау сала бойынша жауапты аудан әкімінің орынбасарларына жүктелді.Фото: Жалағаш ауданының әкімдігі

Күн тәртібіндегі мәселелер қаралып, тиісті тапсырмалар берілді

<a href="https://kyzylorda-news.kz/">Kyzylorda-news.kz</a> Қармақшы ауданы әкімі аппаратының басшысы Диас Асылбекұлының төрағалығымен мәжіліс өтті. Жиынға кент, ауылдық округ әкімдері, бөлім басшылары мен қызметкерлері қатысты.Күн тәртібінде ҚР «Сыбайлас жемқорлыққа қарсы іс-қимыл туралы» Заңының 6-бабының талаптарына сәйкес бюджеттік өтінімдерді әзірлеу кезінде артық қаржы сұратуды болдырмау, сыбайлас жемқорлық тәуекелдерін анықтау және алдын алу мәселелері қаралды. Осыған орай, аудандық экономика және қаржы бөлімінің басшысы Жанар Абайқызы тиісті талдау жұмыстары туралы баяндама жасады. Сондай-ақ, ауылдық округтердің клуб үйлеріне жүргізілетін төлемдерді «К2 Қазынашылық» бағдарламасы арқылы жүзеге асыру мәселесі талқыланды.Мәжіліс барысында аудан әкімі аппаратының мемлекеттік-құқықтық жұмыстар бөлімі басшысының міндетін атқарушы Қайрат Бөгенбайұлы сыбайлас жемқорлықтың алдын алу және заң бұзушылықтарды болдырмау бағытында атқарылып жатқан жұмыстар туралы баяндама жасады.Жиын соңында аппарат басшысы тиісті тапсырмалар беріп, жауапты мекемелерге сыбайлас жемқорлықтың алдын алу шараларын күшейтуді тапсырды.Фото: Қармақшы ауданының әкімдігі

Сыбайлас жемқорлыққа қарсы іс-қимыл мәселелері талқыланды

<a href="https://kyzylorda-news.kz/">Kyzylorda-news.kz</a> Шәмшат Төлепова атындағы Қармақшы аудандық мәдениет үйінде жоғары дәрежелі ұстаз, тыл ардагері Ақбалыш Жалғасованың өнегелі өмір жолын насихаттау, жас ақындардың шығармашылығын қолдау және ұлттық өнерді дамыту мақсатында «Ұстаз – Ана» атты облыстық ақындар мүшәйрасы өтті.Биыл алтыншы рет дәстүрлі түрде ұйымдастырылып отырған жыр сайысының шымылдығын аудан әкімі Жандос Еркінбек ашып, қатысушыларға сәттілік тілеп, ізгі лебізін білдірді.Дүбірлі додада өңірдің 21 ақыны Ақбалыш Жалғасованың еңбек жолы мен тағылымды өмірін жырға қосып, Қармақшы өлкесінің тарихы мен қасиетін тереңнен толғап, көрермендердің ыстық ықыласына бөленді.Ақындардың өнерін Қазақстан Республикасының мәдениет қайраткері Берік Саймағамбетов, республикалық «Әлімсақ» журналының бас редакторы Нұрлан Көбегенұлы, «Қармақшы таңы» газетінің бас редакторы Сәрсенкүл Жаудатбекқызы саралады.Жарыс қорытындысы бойынша жүлделі үшінші орынды Қармақшы ауданынан Орынбасаров Ердәулет пен Қызылорда қаласынан Төлеубай Нұргүл иеленсе, екінші орын Жалағаш ауданынан Сәния Жақып пен Қармақшы ауданынан Тәңірбергенова Мөлдірге бұйырды. Бірінші орынды Жалағаш ауданынан Әдіс Шерхан жеңіп алса, жыр додасының бас жүлдесін Қармақшы ауданынан Санақұл Бексұлтан иеленді.Барлық қатысушыларға дипломдар, алғыс хаттар және қаржылай сыйлықтар табысталды.Фото: Қармақшы ауданының әкімдігі

Қармақшыда облыстық ақындар мүшәйрасы өтті

<a href="https://kyzylorda-news.kz/">Kyzylorda-news.kz</a> Облыстық дене шынықтыру, спорт және туризм басқармасының басшысы Бахтияр Артаев Арал ауданына арнайы жұмыс сапарымен барды.Іссапар барысында Арал қаласы және ауданға қарасты бірнеше елді мекендердегі спорт мектептерінің жұмысымен танысып, жас спортшылардың дайындығына куә болды.Басқарма басшысы ең алдымен №19 Арал ауданының олимпиадалық резервтің мамандандырылған балалар-жасөспірімдер спорт мектебіне барды. Аталмыш мектептің теңгерімінде 5 ғимарат бар болса, онда жалпы саны 1 464 спортшы қамтылған. Соның ішінде мектепке қарасты стадион және дене шынықтыру сауықтыру кешенінде олимпиадалық спорт түрлері яғни футбол, баскетбол, волейбол, таеквондо, дзюдо және үстел теннисінен 14 жаттықтырушы, 586 бала жаттығады. Ал күрес бөлімінде 320 спортшы, 8 жаттықтырушы бар. Бокс бөлімінде 4 жаттықтырушы, 162 спортшы қамтылған. Осы ретте басқарма басшысы бокс бөлімінің жуынатын орны мүлде талапқа сай келмейтінін айтып, ескерту жасады. Аталған олқылықты жуық арада шешіп, балаларға ыңғайлы жағдай жасау керектігін қатаң түрде тапсырды.Басқарма басшысының келесі аялдаған нысаны – Сексеуіл кентіндегі №20 Арал ауданының балалар-жасөспірімдер спорт мектебі. Бұл спорт кешені 2023 жылы пайдалануға берілген болатын. Қазіргі таңда онда бокс, қазақ күресі, футбол, еркін күрес, грек-рим күресі бойынша 418 спортшы бар. Ал жаттықтырушылар саны – 10. Нысанды толық аралаған Бахтияр Ғарифоллаұлы олимпиадалық спорт түрі бойынша жаттығатын залдардың талапқа сәйкес келмейтінін және спортшылардың дайындығына кедергі келтіретін өрескел кемшіліктерді айтып, мектеп директорына қатаң ескеру жасады.Іссапар барысында Жақсылыш елді мекенінде жаңадан салынған спорт кешенінің ашылу рәсімі өтті. Жиынға Арал ауданының әкімі Аманжол Оңғарбаев және ауыл ақсақалдары қатысты. Басқарма басшысы Бахтияр Ғарифоллаұлы жаңа нысанның ашылуымен құттықтап, болашақ чемпиондарға сәттілік тіледі. Өз кезегінде ауыл ақсақалдары ақ батасын беріп, өз ризашылықтарын білдірді.Сапар соңында басқарма басшысы Қамыстыбас және Аманөткел елді мекендеріндегі спорт кешендеріне барып, нысандардың жұмыс барысымен танысты.Жалпы Арал ауданында 32 113 адам тұрақты спортпен шұғылданады. Есепті кезеңде ауданның 6 спортшысы жас ерекшеліктері бойынша ҚР құрама командасына енді. Ал 36 жас өрен спорт шеберіне кандидат нормативін орындады. Аралдық спортшылар өткен жылы Әлем чемпионаттарынан – 5 алтын, 6 күміс, 6 қола, Азия чемпионаттарынан – 1 алтын, 1 қола медаль еншілесе, ҚР чемпионаттарынан – 11 алтын, 9 күміс, 10 қола жүлдені аймақ қоржынына салды.Осы ретте басқарма басшысы олимпиадалық спорт түрлеріне айрықша басымдық бере отырып, жүлде санын көбейту керектігін айтты.Айта кетейік, іссапар жалғасы Қазалы, Қармақшы, Жалағаш, Сырдария, Шиелі және Жаңақорған аудандарында жалғасатын болады.<img src="https://knadmin.beoblood.kz/uploads/Sport_bas_armasy_Aral_audanynda_45d3079893.jpg" alt="Спорт басқармасы Арал ауданында.jpg"><img src="https://knadmin.beoblood.kz/uploads/Aral_audany_sport_bas_armasy_49dc2d64bf.jpg" alt="Арал ауданы спорт басқармасы.jpg">Фото: Қызылорда облысының дене шынықтыру, спорт және туризм басқармасы

Арал ауданындағы спорт мектептерінің жұмысымен танысты

<a href="https://kyzylorda-news.kz/">Kyzylorda-news.kz</a> Қызылорда облысында санитариялық-эпидемиологиялық жағдай тұрақты бақылауда. Өңірде 102 түрлі ауру нозологиясы қадағаланса, өткен жылы олардың 41-і бойынша ешқандай жағдай тіркелмеген. Бұл туралы Өңірлік коммуникациялар қызметінің ақпарат алаңында Қызылорда облысының санитариялық-эпидемиологиялық бақылау департаментінің басшысы Гүлмира Сыздықова мәлімдеді.<blockquote>- Эпидемиологиялық жағдайды тұрақтандыру, вакцинамен басқарылатын жұқпалы аурулардың таралуының алдын алуда халықты иммундаудың маңызы зор. Профилактикалық екпелермен жоғары деңгейде қамту – ұжымдық иммунитет қалыптастыруға ықпал етеді. 2024 жылдың 15-і қыркүйегінен 11 жастағы жасөспірім қыздарды адам папиллома вирусына қарсы егу басталды. Есептік мерзімде 5775 қыз бала осы екпені алды. Бүгінгі күні бұл вакцинациялау жалғасуда, екпеден кейінгі қолайсыз жағдайлар орын алған жоқ. Сонымен қатар, елді мекендерде жұқпалы аурулардың алдын алу мақсатында көктем-күз айларында кенеге қарсы өңдеу жұмыстары жүргізіліп, олардың тиімділігі 100% болды. Ауыз судың сапасын бақылау шеңберінде орталықтандырылған сумен жабдықтау нысандарынан 2584 су сынамасы микробиологиялық, 2590 сынама санитариялық-химиялық көрсеткіштер бойынша тексерілді. Зерттеу нәтижесінде құрғақ қалдықтар мен хлоридтердің рұқсат етілген нормадан асып кеткені анықталды. Осыған байланысты тиісті мекемелерге ұсыныстар беріліп, сумен жабдықтау жүйелерінде жуып-шаю және дезинфекциялау жұмыстары жүргізілді. Халықтың санитариялық-эпидемиологиялық қауіпсіздігін қамтамасыз ету шаралары алдағы уақытта да жалғасады,-деді, Гүлмира Жамбылқызы.</blockquote>Фото: Өңірлік коммуникациялар қызметі

Қазақстан және Қызылорда облысының жаңалықтары