<a href="https://kyzylorda-news.kz/">Kyzylorda-news.kz</a> Қармақшы ауданында кәсіпкерлік саласына қолдау көрсетіп және инвестиция тарту бағытындағы жүйелі жұмыстар тұрақты жүргізіліп келеді. Бүгін «Руханият» орталығында өткен баспасөз брифингінде аудандық кәсіпкерлік және өнеркәсіп бөлімінің басшысы Жандос Махамбетов 2026 жылдың алғашқы жартыжылдығында атқарылған жұмыстар мен негізгі нәтижелер туралы есеп берді.Жыл басынан бері ауданның өнеркәсіп саласында 5 млрд 889 млн теңгенің өнімі өндіріліп, өткен жылдың сәйкес кезеңімен салыстырғанда 142,4 пайыз өсімге қол жеткізілді. Оның ішінде өңдеу өнеркәсібі 149 пайызға артқан. Бөлшек сауда көлемі 100,8 пайызын көрсетті.Бүгінде ауданда 2845 кәсіпкерлік субъектісі тіркелген. Оның ішінде белсенділік үлесі 95,2 пайызды құрап отыр. Шағын және орта кәсіпкерлік субъектілерінің өндірген өнім көлемі 2026 жылдың қаңтар-наурыз айларында 9 млрд 537 млн теңгені құрады.Кәсіпкерлікті дамыту және жаңа жобаларды іске асыру үшін мемлекеттік бағдарламалар аясында қаржылай қолдау көрсету жұмыстары да жалғасуда. Жыл басынан бері 59 жобаға несие берілген. Оның ішінде «Ауыл Аманаты» бағдарламасы бойынша 42 жобаға, «Іскер» бағдарламасы арқылы 10 жобаға, «Кең дала 2» бағдарламасы аясында 5 жобаға және «Қорқыт елі» несие серіктестігі арқылы 2 жобаға қаржы бағытталған.Өңірлік Үйлестіру Кеңесінің шешімімен аудан бойынша 4 инвестициялық жоба қолға алынған. Жобалар толық іске қосылған жағдайда 168 жаңа жұмыс орны ашылады деп күтілуде. Жобалардың қатарында Жосалы кентінің шығыс бөлігінде іске асырылатын күн электр станциялары мен деректерді өңдеу орталығының құрылысы бар. «Джи Пауер Энерджи» ЖШС жобалық қуаттылығы – 100 МВт және 45 жаңа жұмыс орны ашылады.Сонымен қатар «Алтын Нью Энерджи» ЖШС-нің 50 МВт күн электр станциясын салу жобасы және «Ориентал Энерджи Казахстан» ЖШС-нің 50 МВт күн электр станциясын салу жобасы жүзеге асырылуда. Әр жоба іске қосылған кезде 50-ге дейін жаңа жұмыс орны ашылады.Брифинг барысында Жандос Дүйсенбекұлы БАҚ өкілдерінің сұрақтарына жауап беріп, «Ауыл аманаты» жобасы аясында толық ақпарат беріп өтті.

Кәсіпкерлік – экономикалық өсудің маңызды бағыты

<a href="https://kyzylorda-news.kz/">Kyzylorda-news.kz</a> Мемлекет басшысы Қасым-Жомарт Тоқаев Қазақстан Алтын Орданың мұрагері екенін атап өткені мәлім. Осыған орай Алтын Орданың кіндігі – Ұлытау облысының орталығы Жезқазған қаласында «Ұлы дала тарихындағы Ұлытау өңірінің XVII–XVIII ғасырлардағы көрнекті тұлғалары Өтебай би мен Барлыбай батыр тағылымы» атты халықаралық ғылыми-танымдық конференция өтті. Конференцияны Жаратылыстану ғылымдары академиясы мен Ө.Байқоңыров атындағы Жезқазған университеті бірлесіп ұйымдастырды.Ұлытаудың тұлғалары ұлықталдыКонференцияны Жаратылыстану ғылымдары академиясының вице-пре­­зи­денті Әбдікәрім Зей­нул­­лин жүр­гізіп отырды. Ұлттық ғы­лым ака­демиясы­ның академигі, тарих ғылым­дарының докторы, профессоры Берекет Кәрі­баев XVI– XVII ғасырлардағы тұлғалар­ды ғалым­дар әлі толық танып білмеге­нін, ел аузындағы аңыздар аздық ететінін, тұлғаларды тану жолының қағидатын айтты. Ғалым сонау скифтер мен сармат, одан кейінгі сақ, үйсін, қаңлы, ғұн тайпалары, оғыз-қыпшақ дәуірі, Алтын Орда, одан кейінгі қазақ хандығы дәуіріне тоқталды. Осылардың барлығы алғашқы ұлттық сипаттағы мемлекет болғанын тілге тиек етті. Конференцияға өзек болып отырған Өтебай би мен Барлыбай батыр осы хандық дәуірде өмір сүрген. Қиын қыстау кезеңде әр тайпадан, рудан шыққан батырлар елді қорғауды өз мойнына алса, жердің тұтастығын сақтау билердің қолында болған. Халық есімдерін құрметтеп, ұранға айналдырған.Абай атындағы Қазақ ұлттық педагогика университетінің профессоры, академик Хангелді Әбжановтің айтуынша, батырлардың жарқырап көзге түскен заманы XVIII ғасыр. Бұл ғасырды Шоқан жауынгерлік заман, қанды қырғын заман деді. Уақытында ұлы батырлар, кіші батырлар да өзінің миссиясын орындап шыққан. Батырлардың қалдырған мұрасы – Отанға деген шексіз сүйіспеншілік, ұлан байтақ жеріміз. Олар ұрпақтың болашағы үшін жанын құрбан еткен. Шоқанның еңбектерінде жиырмаға жуық ұлы батырдың аты аталады. Бұқар жырау жиырма шақты батырдың ерлігін жырға қосқан. «Бір жылдары «Қазақ батырлары» атты газет шығып тұрған. Онда батырлардың тізімі берілген. Санап көрсек, қазақ даласында батырдың саны бес мыңнан асады екен. Біздің батырлар өзінің тарихи миссиясын атқармаса, тәуелсіздігімізді сақтамас едік. Екіншіден, халық болып жер бетінде қалмас едік. Үшіншіден, осыншама жерді алып қалмас еді. XVIII ғасырда өмір сүрген Құлекебаласы Өте­бай, Тауасарұлы Барлыбай – батыр әрі би болған» деп тарихи деректер келтірді.1748 жылы Кіші жүз ханы Әбіл­қайыр ханның қазасына байланысты Барақ сұлтанға қатысты өткен билер сотына төрелік айтуға найманның бағаналы руынан Өтебай би арнайы шақырылған. Бұл туралы 1961 жылы Қазақ КСР Ғылым академиясының баспасынан жа­рық көрген «Казахско-русские отноше­ния в XVI–XVIII веках» атты құжаттар жинағының 166-құжа­тында (427-бет) мәлімет келтірілген. 1748 жылы Әбілқайыр хан Барақ сұлтанның қолынан қаза тапқанда қазақ даласында азаматтық соғыс болып кете жаздайды. Осы бір қиын қыстау сәтте батырлар, билер соның ішінде Өтебай елшілікке жүріп, жан­жалды тоқтатуға үлес қосады. Барлы­бай батыр Абылай ханның тапсырмасын орындап, дипломатиялық мәселелерді шешуге араласқан екен.Президент жанындағы Ұлттық ғылым академиясы Директорлар кеңе­сінің тәуелсіз директоры, академик Кәрімбек Құрманәлиев Барлыбай хан жөнінде дерекке тоқталды. «Барлыбай Тауасарұлы – XVIII ғасырдағы жоңғар шапқыншылығы кезінде ел қорғаған ірі қолбасшылардың бірі болғаны тарихи құжаттарда айтылатынын тарихшы ғалымдардың еңбектерінен қанықпыз. Жасөспірім кезінде ол жекпе-жекте қалмақ батырын жеңіп, елге танылды. Осыдан кейін оны Кіші жүздің биі ел басқару ісіне аралас­тырып, болашақ көшбасшы ретінде тәрбиелейді. Жоңғарларға қарсы шай­қастарға қатысып, қолбасшылық қабі­летін танытады. Барлыбай тек батыр ғана емес, көреген саясаткер ретінде де ерекшеленген», дейді академик.Р.Сүлейменов атындағы Шығыстану институтының Орталық Азия және Таяу шығыс бөлімінің меңгерушісі Бағдат Даниярұлы Шығыс дерек көздері бо­йынша жұмыс істейтінін, қазақтың тарихи тұлғаларын сәйкес­тендіру мәселесін көтерді. Ол қазақ халқының тарихында аттас батыр өте көп екенін, мысалы Бөгенбай есімді сегіз батыр барын, олардың тарихта орны бар тұлғалар екенін қаперледі.&nbsp;<blockquote>«Әр батырдың тарихи орнын нақты анықтап алған жөн. Кейінгі кезде тарихи деректерде кездесетін есімдерді нақты тұлғамен байланыстыру қиындық туғызады. Тарихи оқиғалары араласып, әртүрлі жазыла береді, соны сәйкестендіру керек. &nbsp;Мысалы, Өтебай – XVIII ғасырдың бірінші жартысында өмір сүрген найман тайпасының бағаналы руынан шыққан беделді би. Бірақ бидің есімі бір деректерде сәл өзгеріске ұшыраған. Кіші жүздің шөмекей руының әскербасы болған Өтебай бар. Одан кейін Өтебас деген Әйтеке бидің бел баласы болған. Осыдан келіп тарихи оқиғалардың кейбіреуі ауысып жатады. Сондықтан найманнан шыққан Өтебай биді архив құжаттарынан бөлек, өзге де құнды құжат, қолжазба дерегіне сүйеніп, халықтың аузындағы аңыз әңгімелері бар, соларды салыстырып зерттеу керек. Халық арасында Барлыбай батырды зерттегендер кездеседі. Белгілі қаламгерлер Қуаныш Ахметов, Ақселеу Сейдімбектің еңбектерінде бар» дейді.</blockquote>Тарих ғылымдарының докторы, Ш.Уәлиханов атындағы Тарих және этнология институтының бас директорының орынбасары, профессор Жомарт Жеңісұлы оқу орны ұжымының айтқан бірнеше ұсынысын жеткізді.&nbsp;<blockquote>«Ұлытау тарихы терең өлке, бірақ мәдени-ғылыми орталықтан шалғай жатыр. Сондықтан Ұлытауда аталған институттың алдымен өкілдігін, кейін филиалы ашылса және оған осы өңірдегі тарихшылар жұмылдырылса, үшінші Өтебай би мен Барлыбай батырдың ғұмыры мен қызметін зерттеу мақсатында магистранттар мен докторанттарға диссертациялық жұмыс жазуға тапсырма берілсе, оқу орны жетекшілік жасап, көмектесуге дайын. Қазақ­тың тұтас тарихы ру, тайпалардың ауылдардың өңірлердің тарихынан тұрады. Институт ғалымдары ежелгі заманғы Ұлытау өңірі тарихы туралы бестомдық кітап жазуға ұсыныс жасады. Жүзден аса ғалымдары, бай архиві бар институт бұл жобаны Ұлытау облысының өлкетанушыларымен, жалпы зиялы қауыммен бірлесе әзірлеуге дайын» деді.</blockquote>Модератор Әбдікәрім Әбді­жәлел­ұлы бұл ұсынысты Қау­лы жобасына енгізуге болатынын айтты.Мемлекет және қоғам қайраткері, Ұлытау облысының құрметті азаматы Мұхамбет Жұманазарұлы ертеде ата-әжесінен естіген оқиғаны баяндады:<blockquote>– Өтебай Құлекеұлы – жасынан тапқырлығымен танылған би. &nbsp;Арғын мен найманның игі жақсылары күрделі дауды бірнеше күн шеше алмай отырғанда, бала Өтебай келіп, дауға араласуға ниет білдіреді. Ақылгөй қарияның шақыруымен ортаға шығып, даудың мәнін тыңдап, әділ шешім айтады. Даудың түйіні – ат теуіп өлтірген балаға құн төлеу мәселесі еді. Өтебай бұл жағдайды жан-жақты саралап, нақты шарттар қояды. Егер бала үй босағасында өлсе – толық құн, үй сыртында болса – жарты құн, ал ауыл сыртындағы кермеде болса – құн төленбейді. Осы оқиғадан кейін оған «Қара бала» деген ат беріліп, ел ішінде абыройы арта түседі, – дейді ол.</blockquote>Белгілі журналист, «Айғақ» телерадиокомпаниясы» ЖШС бас директоры Дулат Әбіш: «Арқалыққа жетпей Барлыбай хан кесенесіне бардық. Он бес жыл бұрын басына белгі қойған екен, одан кейін адам бармаған. Мүжіліп, құлайын деп тұр. Ескерткіште мемлекет қарауында деген жазу тұр. Осы ескерткішті қайта жаңғырту қолға алынса», деген пікірі ойландырды.<img src="https://knadmin.beoblood.kz/uploads/lytau_2_4383cef087.jpg" alt="Ұлытау 2.jpg">Сурет: Жұлдыз ТойбекДереккөз: <a href="https://egemen.kz/news/ulytaudyn-tulgalary-ulyqtaldy">egemen.kz</a>

Ұлытаудың тұлғалары ұлықталды

Қайтарылған активтер: Президент тапсырмасымен өңірлердегі 500 инфрақұрылымдық жобаға 610 млрд-тан астам теңге бағытталды

<a href="https://kyzylorda-news.kz/">Kyzylorda-news.kz</a>&nbsp; Тамыз айының ортасында Отан шебін күзетіп, ел қауіпсіздігін қамтамасыз етіп жүрген шекарашылардың кәсіби мерекесі атап өтіледі. Бұл бағытта қызмет етіп жүрген шекарашылар ел тыныштығы мен тұрақтылығын сақтауға өз үлестерін қосып келеді. Айтулы мереке қарсаңында Өңірлік коммуникациялар қызметінің ақпарат алаңында &nbsp;«Застава тарландары» РҚБ-і Қызылорда облыстық филиалының төрағасы &nbsp;Асан Худояров шекара қызметінің маңызы мен сала ардагерлерінің еңбегі туралы айтып өтті.Оның айтуынша, шекара қызметі - жоғары жауапкершілікті, қырағылықты және Отанға деген шынайы адалдықты талап ететін абыройлы міндет. Ел шебін қорғаған азаматтардың ерлігі мен табандылығы кейінгі ұрпаққа үлгі.<blockquote>– Қазіргі таңда шекара қызметінің жұмысына қызығушылық танытатын оқушыларға арналған 10 үйірме тұрақты түрде жұмыс атқаруда. Аталған үйірмелер Шиелі, Қуаңдария және Байқоңыр шекара бөлімдерінің офицерлерімен бірлесіп ұйымдастырылып, оқушыларға шекара қызметінің ерекшеліктері мен негізгі бағыттары туралы жан-жақты түсінік беруге бағытталған. Сонымен қатар, қала аумағындағы мектептерде Департаменттің офицерлері арнайы сабақтар мен практикалық кездесулер өткізіп келеді. Сабақ барысында оқушыларға шекараны қорғау, із кесу және іздерді анықтау, кинология, қызметтік иттерді пайдалану, шекара қызметінің тактикасы және басқа да арнайы бағыттар бойынша теориялық және практикалық ақпараттар беріледі. Үйірмелердің негізгі мақсаты – жасөспірімдердің бойында Отанға деген сүйіспеншілікті, патриоттық сезімді, тәртіптілік пен жауапкершілікті қалыптастыру, сондай-ақ оларды әскери қызметке және шекарашы мамандығына бағыттау. Оқушылар шекара қызметінің күнделікті жұмысымен танысып, офицерлерден тікелей тәжірибелік білім алады. Бүгінгі таңда аталған үйірмелерге 200-ге жуық оқушы тіркеліп, тұрақты түрде қатысып келеді. Бұл жұмыстар жастардың әскери-патриоттық бағытта тәрбиеленуіне және болашақ мамандықтарын дұрыс таңдауға оң ықпал етуде ,- деді Асан Беркімбекұлы.</blockquote>Спикердің айтуынша үйірмелерге белсенді қатысатын, оқу үлгерімі мен тәртібі жақсы, әскери қызметке қызығушылығы жоғары оқушылардың алдағы уақытта Қазақстан Республикасы Ұлттық қауіпсіздік академиясына оқуға түсуіне үлкен мүмкіндік бар. Осы бағыттағы жүйелі жұмыстар жас ұрпақтың бойында ел қауіпсіздігіне деген жауапкершілікті арттырып, болашақта білікті әрі кәсіби шекара қызметкерлерін даярлауға өз үлесін қосады.<img src="https://knadmin.beoblood.kz/uploads/brifing_46b74c31db.jpg" alt="брифинг.jpg">Сурет: Қызылорда облысының Өңірлік коммуникациялар қызметі

Асан Худояров: «Шекара қызметі – жауапкершілік пен қырағылықты талап ететін абыройлы міндет»

<a href="https://kyzylorda-news.kz/">Kyzylorda-news.kz</a> Шиелі ауданы әкімдігінде аудан әкімі Айтбай Жандарбековтың төрағалығымен мәжіліс отырысы өтті. Мәжіліске аудан әкімінің орынбасарлары, дербес бөлім басшылары, кент және ауылдық округ әкімдері қатысты.Мәжілісте «Жаңа оқу жылына дайындық» мәселесі қаралды. Мәжіліс барысында аудан әкімі мектептердегі жөндеу және абаттандыру жұмыстарының оқу жылы басталғанға дейін толық аяқталуы қажеттігін атап өтті. Сонымен қатар білім алушылар үшін қауіпсіз әрі қолайлы орта қалыптастырудың маңыздылығына тоқталды.<blockquote>«Мектептерде барлық жағдай оқу жылы басталғанға дейін толық дайын болуы керек. Оқушылардың қауіпсіздігі – басты назарда. Мектептерге іргелес аумақтардағы жол қозғалысының қауіпсіздігіне, жаяу жүргіншілер өткелдерінің жағдайына, жол белгілерінің орнатылуына ерекше көңіл бөлу қажет», – деді аудан әкімі.</blockquote>Сондай-ақ оқушыларды оқулықтармен және қажетті оқу құралдарымен қамтамасыз ету, мектеп асханаларының дайындығын пысықтау, санитариялық талаптардың сақталуы мен тамақ сапасын бақылау мәселелеріне баса мән беру қажеттігі айтылды.<img src="https://knadmin.beoblood.kz/uploads/Shieli_o_u_zhylyna_dajyndy_2_48c7bba89f.jpg" alt="Шиелі оқу жылына дайындық 2.jpg">Әсіресе әлеуметтік қолдауды қажет ететін отбасылардан шыққан балаларға тиісті жағдай жасап, олардың жаңа оқу жылын алаңсыз бастауын қамтамасыз ету маңызды екені атап өтілді.Күн тәртібіндегі мәселе бойынша аудандық білім бөлімінің басшысы Дәуренбек Насибеков жаңа оқу жылына дайындық жұмыстарының барысы туралы баяндама жасап, білім беру ұйымдарындағы атқарылып жатқан жұмыстар мен алдағы міндеттерді атап өтті.Мәжіліс барысында ауданымыздың әлеуметтік-экономикалық және қоғамдық дамуына үлес қосып жүрген бірқатар азаматтар марапатталды.Атап айтқанда, аудандық ауыл шаруашылығы және жер қатынастары бөлімі басшысының орынбасары Ерлан Меңлібеков, Шиелі кенті әкімі аппаратының бас маманы Олжас Төлеген және аудандық мәдениет және тілдерді дамыту бөлімінің бас маманы Шарапат Төлебай ауданның дамуына қосқан еңбегі үшін марапатталды.Айта кетейік, Қазақстан Республикасы Президентінің жанындағы Мемлекеттік басқару академиясына ауданымыздан үш азамат қабылданған болатын.Сондай-ақ аудандық мәдениет және тілдерді дамыту бөлімінің бас маманы Шарапат Төлебай Оқу-ағарту министрлігінің Балалардың құқықтарын қорғау комитетінің бас сарапшысы лауазымына тағайындалды.Мәжіліс соңында аудан әкімі тиісті сала басшыларына жаңа оқу жылына дайындық жұмыстарын белгіленген мерзімде толық аяқтауды, білім беру ұйымдарындағы қауіпсіздік шараларын күшейтуді, оқушыларға қолайлы жағдай жасауды және анықталған кемшіліктерді жедел түрде жоюды тапсырды.<img src="https://knadmin.beoblood.kz/uploads/Shieli_o_u_zhylyna_dajyndy_3_6015ef2a18.jpg" alt="Шиелі оқу жылына дайындық 3.jpg">

Шиелі ауданында мәжіліс отырысы өтті

<a href="https://kyzylorda-news.kz/">Kyzylorda-news.kz</a> Қармақшы ауданының әкімі Жандос Еркінбектің төрағалығымен аудан әкімдігінде кезекті мәжіліс өтіп, күн тәртібіне сәйкес жаңа оқу жылына дайындық барысы қаралды.Жиында білім беру ұйымдарының жаңа оқу жылына толық әрі сапалы дайын болуы мен мектептердегі жөндеу және абаттандыру жұмыстары жайында аудандық білім бөлімінің бас маманы Тәжігүл Әбенова баяндап өтсе, аудандық аграрлы-техникалық колледжінің директорының міндетін атқарушы Әбдікәрім Жұбанышев колледждегі дайындық жұмыстарын атап өтті.&nbsp;Қазір бірқатар мектептерде жөндеу жұмыстары жүргізілуде. Сондықтан Жандос Еркінбек нысандардағы жұмыстар белгіленген мерзімде аяқталуын қатаң бақылауға алуды тапсырды.Сонымен қатар оқулықтар мен әлеуметтік қолдауды қажет ететін балаларды мектепке дайындау мәселелері де назардан тыс қалмады. Осы бағытта «Мектепке жол» республикалық акциясы аясында әрбір баланың жаңа оқу жылына дайын болуын қамтамасыз ету тапсырылды. Бұдан бөлек білім беру ұйымдарындағы жол белгілерін қалыпқа келтіріп, оқушылардың жолдан қауіпсіз өтуін реттеу мақсатында мектептердің алдындағы жол қозғалысын бақылау бойынша тапсырмалар берілді. Сондай-ақ жасөспірімдер арасындағы құқық бұзушылықтың алдын алу бағытында құзырлы органдармен бірлесіп, рейд жұмыстарын тұрақты ұйымдастыру қажет екені айтылды.Мәжіліс соңында жауапты сала басшыларына жүктелген міндеттердің орындалуын қатаң бақылауға алып, әрбір тапсырма бойынша жүйелі нәтижеге жұмыс істеу тапсырылды.Айта кетсек бүгінде ауданымызда 15 мыңнан аса 1-11 сынып оқушылары білім алса, биыл 1 сыныпқа 1300-ден астам бала қабылданып отыр.

Мәжіліс отырысында жауапты сала басшыларына тапсырма берді

<a href="https://kyzylorda-news.kz/">Kyzylorda-news.kz</a> 23 тамыз күні Құрылтай сайлауы өтеді. Маңызды саяси науқанда Қызылорда өңіріндегі 500 591 сайлаушы дауыс беру құқығына ие.&nbsp;Аймақта 386 учаске құрылған. Мұнда 2720 комиссия мүшесі сайлаушылар үшін қызмет жасауда. Азаматтар өз учаскесін үйден шықпай ақ «Өзіңді сайлаушылар тізімінен тексер» атты платформа көмегімен анықтауда. saylau.orda.gov.kz платформасының көмегімен 70 мыңға жуық азамат өз учаскесін тапқан. Бұл платформа «Смарт Қызылорда» мобильді қосымшада және телеграм (sailau_kzoBot) желісінде қолжетімді.Тұрғындарға өңірдегі 193 учаскеде онлайн сервистер ашылған. Бұл учаскелер сайлаушылардың ЖСН арқылы қайда тіркелгендігін анықтап бере алады.Дауыс беру күні тізімде жоқ азаматтарды уақытша тіркеумен айналысатын 5 арнайы жұмыс істейді. Мұнда халыққа қызмет көрсету орталығының мамандары тұрғындарды уақытша тіркеп, дауыс беруіне мүмкіндік жасайды. Әрі қарай комиссия мүшелері уақытша тіркелген азаматтарды тізімге енгізіп, бюллетень береді.Айта кетейік, 23 тамыз күні дауыс беру &nbsp;таңғы 07.00-ден 20.00-ге дейін жүргізіледі.<img src="https://knadmin.beoblood.kz/uploads/Whats_App_Image_2026_08_18_at_17_13_17_d074426f05.jpeg" alt="Құрылтай.jpeg">

Құрылтай сайлауы: Қызылордада 5 учаске азаматтарды уақытша тіркеумен айналысады

<a href="https://kyzylorda-news.kz/">Kyzylorda-news.kz</a> Жалағаш ауданының әкімі Ардақ Ибраимовтың төрағалығымен мәжіліс өтті. Мәжілістің күн тәртібінде жаңа оқу жылына дайындық барысы қаралды.Жалағаш ауданы бойынша білім бөлімінің басшысы Талғат Садықов жаңа оқу жылына дайындық жұмыстары туралы баяндады.Аудан әкімі сала басшысына дайындық жұмыстарын сапалы әрі жүйелі жүргізу бойынша нақты міндеттер жүктеді.<blockquote>«Бүгін Үкімет отырысында жаңа оқу жылына дайындық барысы қаралып, одан кейінгі мәжілісте аймақ басшысы тарапынан атқарылуы тиіс нақты тапсырмалар берілді. Жаңа оқу жылына қажетті барлық шараларды уақытылы қабылдап, дайындық жұмыстарын жүйелі жүргізуіміз қажет. Оқушыларды оқулықтармен және оқу-әдістемелік құралдармен толық қамту жұмыстары сапалы ұйымдастырылуы тиіс. Балаларымыздың мектепке дайындығына қатысты мәселе болмауы керек. Жыл сайын ұйымдастырылатын «Мектепке жол» акциясы аясында тиісті көмекке мұқтаж көпбалалы және әлеуметтік жағдайы төмен отбасы балалары назардан тыс қалмауын қадағалаңыздар. Сонымен қатар, жаңа оқу жылы қарсаңында оқу құралдарын төмен бағада ұсынатын жәрмеңкелер ұйымдастыру мәселесін қарастыру керек», – деді аудан әкімі А.Ибраимов.</blockquote>Айта кетейік, аудан бойынша 20 мектеп, 36 мектепке дейінгі ұйым, 3 қосымша және 2 арнаулы білім беру ұйымы жұмыс істейді. Биыл 251 бала балабақшаны аяқтап, мектепке барады.Жаңа оқу жылында 20 мектепте 6843 оқушы білім алады. 1-сыныпқа қабылдау жұмыстары 1 сәуір мен 15 тамыз аралығында <a href="https://l.facebook.com/l.php?u=http%3A%2F%2FeGov.kz%2F%3Ffbclid%3DIwcGRvZgFleHRuA2FlbQIxMABicmlkETFPQkg3cDhTeGgxY29ZZG1Lc3J0YwZhcHBfaWQQMjIyMDM5MTc4ODIwMDg5MgABHigZsNMQWkjDBYdTjpYd5XBCThAGJTOfeyKeQJOlBZHUB83_XjGPbCf5yTGA_aem_2gR2aclothb9FvH7pfVfXg&amp;h=AUCkdr7bEEOb3YrkjsTixT-A9s1qQV8J0FZ3seHmPC-ysJlhRS_qnf8Ll5sU7z2JKxjw5a3-pkskkGtrWB3vch4Gdk3RjvSkLqKnZ4uwu0d8W_fHo8cUNNDY3rThre_3mqEcNJIPvXV-vJAE&amp;__tn__=-UK-R&amp;c[0]=AUA4Vl1uIx__KKPiduN5ORedI9NX5wcO8AsYjuxTTGJYflXN40jNUXA-RaZqSLEpoCcktDy-5YyNkvcuG1KQOzPU0PMFZDgsqUj-K_GwG0ywKDnhdnApSG-fMXfgHtFb07xSybQ0G7Nwx6eoY96O9eZqgdTB0j4W4FKhwx2nKE3Z-174ookWsRGYC_WMj6ETZNasKUqq9bE81VYMHDrCgRcN8Q">eGov.kz</a> электронды үкімет порталы арқылы жүргізіліп, бүгінгі күнге дейін 628 бала мектепке қабылданды.Мектептердің материалдық инфрақұрылымын жақсарту мақсатында 2026 жылы ағымдағы жөндеу жұмыстарына 145,4 млн теңге қаралып, тиісті жұмыстар жүргізілді.Қауіпсіздік шаралары бойынша аудандағы 20 мектеп пен 9 балабақша 100 пайыз бейнебақылау жүйесімен және дабыл түймелерімен қамтылған.Жаңа оқу жылы қарсаңында әлеуметтік көмекке мұқтаж отбасы балаларына «Мектепке жол» республикалық акциясы аясында демеушілер тарту жұмыстары жүргізіледі.

Мәжілісте күн тәртібіндегі мәселелер қаралды

<a href="https://kyzylorda-news.kz/">Kyzylorda-news.kz</a> Облыс әкімі Мұрат Ергешбаевтың төрағалығымен өткен мәжілісте жаңа оқу жылына дайындық барысы мәселесі қаралды. Жиынға Қазалы ауданының әкімі Алмасбек Есмаханов селекторлық режим арқылы қатысты.Мәжілістен кейін аудан басшысы әкімдік мәжілісін өткізіп, облыс әкімінің берген тапсырмаларына сәйкес ауданның білім саласындағы өзекті мәселелерді жан-жақты талқылады.Ауданда жаңа 2026–2027 оқу жылын 37 мектеп 16 819 оқушымен бастайды. Өткен оқу жылымен салыстырғанда оқушылар саны 118 балаға артқан. Биыл 1-сыныпқа 1 538 бала қабылданған.&nbsp;Жиында алдымен аудан басшысы жаңа оқу жылына дайындық барысында білім беру ұйымдарындағы ағымдағы жөндеу жұмыстарына тоқталып өтті. Қазіргі таңда аудан бойынша №70, №216, №165, №95, №88 және №100 мектептерінде жөндеу жұмыстары жүргізілуде. Аудан әкімі жұмыстарды белгіленген мерзімде, сапалы аяқтауды, әсіресе №95 мектептегі жаңартылып жатқан жылу жүйесін қысыммен сынақтан өткізу және толық іске қосу жұмыстарын бақылауда ұстауды тапсырды. Сонымен қатар, мектептерді жөндеу кезінде тек жоспарланған жұмыстармен шектелмей, балалардың қауіпсіздігіне тікелей әсер ететін электр желілері, жылу жүйелері, инженерлік коммуникациялар мен ғимараттардың жалпы техникалық жағдайына басымдық беру қажеттігін ескертті.&nbsp;Білім беру ұйымдарының тазалығы мен абаттандырылуы мәселесі де назарға алынды. Мектептер мен балабақшаларға жүргізілген зерделеу барысында бірқатар мектептерде кемшіліктер анықталған. Жауаптыларға оларды қысқа мерзімде жойып, фотоесебін ұсыну міндеттелді. Балалардың қауіпсіздігі бойынша мектептер мен балабақшалардағы бейнебақылау, дабыл түймелері, өрт қауіпсіздігі құралдары мен эвакуациялық шығу жолдарын толық тексеру тапсырылды.Мемлекеттік білім беру ұйымының жылу маусымына дайындығы, қазандықтар мен жылу желілерінің жағдайы, отын қоры және коммуналдық берешектер қаралып, берешектерді 1 қыркүйекке дейін өтеу жөнінде тапсырма берілді.Мәжілісте педагог кадрлармен қамтамасыз ету, оқулықтардың уақытылы жеткізілуі, әлеуметтік осал отбасылардан шыққан балаларды қолдау, инклюзивті білім беру, оқушыларды ыстық тамақпен қамту және тасымалдау қауіпсіздігі мәселелері де талқыланды.Білім сапасына қатысты мектептердің оқу үлгерімі мен ҰБТ нәтижелерін арттыру, білім сапасы төмен пәндер бойынша нақты жұмыс жүргізу қажеттігі айтылды. Сонымен бірге аудандағы 3 колледждің материалдық-техникалық базасын күшейту, өндірістік тәжірибе мен түлектерді жұмыспен қамту мәселелерін жақсарту тапсырылды.Аудан әкімі барлық білім беру ұйымдарының жаңа оқу жылына толық әрі сапалы дайын болуын қамтамасыз етуді және тапсырмалардың орындалуын жауапты сала басшыларына қатаң бақылауға алуды тапсырды.<img src="https://knadmin.beoblood.kz/uploads/azaly_o_u_zhylyna_dajyndy_2_156c08785c.jpg" alt="Қазалы оқу жылына дайындық 2.jpg">

Қазалы: Білім саласындағы өзекті мәселелерді жан-жақты талқылады

<a href="https://kyzylorda-news.kz/">Kyzylorda-news.kz</a> 2026 жылдың қаңтар–маусым айларының қорытындысы бойынша Қазақстан экспорты 8,6%-ға өсіп, $40,3 млрд-қа жетті. Экспорт импортқа қарағанда жоғары қарқынмен өсіп отыр. Оң сауда сальдосы $9 млрд-қа жуықтады. Қазақстандық тауарлар Қытай, Түркия, Франция, Өзбекстан және басқа да елдер нарықтарындағы позицияларын айтарлықтай нығайтты.Қазақстан әлемдік нарықтардағы өз орнын нығайтуды жалғастыруда. 2026 жылдың бірінші жартыжылдығының қорытындысы бойынша Қазақстаннан тауар экспорты $40,3 млрд-ты құрап, өткен жылдың сәйкес кезеңімен салыстырғанда 8,6%-ға өсті.Бұл ретте импорт 5,4%-ға өсіп, $31,5 млрд-қа жетті. Нәтижесінде Қазақстанның сыртқы сауда айналымы $71,8 млрд болып, 7,2%-ға артты. Сыртқы сауданың оң сальдосы шамамен $8,9 млрд-ты құрады.Осылайша, бірінші жартыжылдықтың негізгі нәтижелерінің бірі – сыртқы сауда ауқымының ұлғаюымен қатар, экспорттың импортқа қарағанда жоғары қарқынмен өсуі. Бұл елдің оң сауда теңгерімін одан әрі нығайтуға мүмкіндік берді.Қазақстан экспорты $40 млрд межесінен астыАлты ай ішінде Қазақстан $40 млрд-тан астам сомаға тауар экспорттады. Бұл – соңғы жылдардағы елдің сыртқы саудасындағы елеулі нәтижелердің бірі.Салыстыру үшін, 2025 жылғы қаңтар–маусымда экспорт көлемі $37,1 млрд болған. Осылайша, бір жыл ішінде экспорттан түсетін кіріс шамамен $3,2 млрд-қа артты.Бұл ретте экспорттың өсуі тауар жеткізілетін елдер географиясының кеңеюімен қатар жүріп отыр. Қазақстан Азия, Еуропа және Орталық Азияның ірі нарықтарындағы позицияларын бір мезгілде нығайтуда.

Қазақстан экспорты қарқын алды: жарты жылда экспорт көлемі $40 млрд-тан асты

<a href="https://kyzylorda-news.kz/">Kyzylorda-news.kz</a> Сырдария ауданының әкімі Берік Сәрменбаевтың төрағалығымен мәжіліс өтіп, онда жаңа оқу жылына дайындық жұмыстарының барысы талқыланды.Жиында білім беру ұйымдарының жаңа оқу жылына дайындығы, мектеп ғимараттарының әзірлігі, материалдық-техникалық базаның жай-күйі, қауіпсіздік талаптарының сақталуы және оқу процесін сапалы ұйымдастыруға қажетті жұмыстардың орындалу барысы қаралды. Сондай-ақ білім ошақтарының санитариялық талаптарға сәйкестігі, абаттандырылуы, оқу кабинеттерінің жабдықталуы және оқушыларға қолайлы жағдай жасау мәселелеріне назар аударылды.Аудан әкімі білім беру ұйымдарының оқу жылын толық дайындықпен бастауы тиіс екенін айтып, мектептердегі қауіпсіздік мәселесіне айрықша мән беруді тапсырды.<blockquote>– Жаңа оқу жылының ойдағыдай басталуы – білім беру ұйымдарының жан-жақты дайындығына тікелей байланысты. Мектептердің материалдық-техникалық жағдайы, ғимараттардың әзірлігі, қауіпсіздік талаптарының орындалуы және оқушыларға жасалған жағдай толық зерделенуі тиіс. Әсіресе балалардың қауіпсіздігіне қатысты мәселелерде жауапкершілік пен бақылауды күшейту қажет. Белгіленген жұмыстардың барлығы оқу жылы басталғанға дейін сапалы аяқталуы керек, – деді Берік Әбдіғаппарұлы.</blockquote>Мәжілісте бұдан бөлек, 23 тамызда өтетін Құрылтай депутаттарының сайлауына дайындық мәселесі қаралды. Сайлау учаскелерінің әзірлігі, материалдық-техникалық қамтамасыз етілуі және сайлау процесінің заң талаптарына сәйкес ұйымдастырылуы жөніндегі жұмыстар сараланды. Аудан әкімі жауапты тұлғаларға дайындық жұмыстарын белгіленген мерзімде аяқтап, сайлауды тиісті деңгейде өткізуді қамтамасыз етуді тапсырды.Жиын барысында бірқатар қосымша мәселелер қаралып, жауапты сала басшыларына тиісті тапсырмалар берілді.<img src="https://knadmin.beoblood.kz/uploads/Syrdariya_o_u_zhylyna_dajyndy_2_f91260f0c8.jpg" alt="Сырдария оқу жылына дайындық 2.jpg">

Жаңа оқу жылына дайындық жұмыстары пысықталды

<a href="https://kyzylorda-news.kz/">Kyzylorda-news.kz</a> Бүгін ҚР Премьер-министрі Олжас Бектеновтің төрағалығымен өткен Үкімет отырысында жаңа оқу жылына дайындық мәселелері қаралды. Оған облыс әкімі Мұрат Ергешбаев селекторлық режим арқылы қатысты. Үкімет отырысынан кейінгі мәжілісте басты назарда болуы тиіс мәселелер жан-жақты талқыланды.<blockquote>«Санаулы күннен кейін жаңа оқу жылы басталады. Барлық қажетті шараларды қабылдап, дайындық жұмыстарын жүйелі жүргізуіміз қажет. Қазіргі уақытта 31 мектепте ағымдағы жөндеу жүріп жатыр. Қала және аудан әкімдіктері, 20 тамызға дейін білім беру ұйымдарының дайындығын толық қамтамасыз етіп, жөндеу жұмыстарын тез арада аяқтаңыздар. Жаңа оқу жылындағы өзекті мәселелердің бірі – &nbsp;оқулықтармен, оқу-әдістемелік құралдармен қамту. Бұл жұмыстар да сапалы ұйымдастырылып, оқулықтарға қатысты шағым түспеуі қажет. Тағы бір маңызды міндет – балаларымыздың мектепке дайындығы. Өздеріңіз білетіндей, жыл сайын «Мектепке жол» акциясы ұйымдастырылады. &nbsp;Мемлекеттік мектептерде білім алатын, бірақ тиісті көмекпен қамтылмай қалған көпбалалы, тұрмысы төмен отбасы балаларына қажетті көмек көрсетілуі тиіс. Ал жеке мектептерде оқитын көмекке мұқтаж оқушылардың мәселелерін &nbsp;демеушілер есебінен шешуіміз қажет. &nbsp; Сондай-ақ жаңа оқу жылы қарсаңында базарлардағы, сауда орындарындағы оқу құралдары, мектеп формасы бағасының негізсіз өсуіне жол бермеу керек. Жергілікті кәсіпкерлердің жәрмеңкелерін тұрақты өткізіп, оқу құралдарының жеңілдікпен сатылуын ұйымдастырыңыздар», - деді Мұрат Нәлқожаұлы.&nbsp;</blockquote>Аймақта 651 мектепке дейінгі ұйым, 327 мектеп, 28 колледж бар. Жаңа оқу жылында 1-11 сынып оқушыларының саны 190 мыңнан асады. Ал биыл бірінші сыныпқа 17 700 бала қабылданады. Құжат қабылдау осы жылдың 31 тамызына дейін жалғасады. Өңірдегі 63 қосымша білім беру ұйымында 70 мыңға жуық оқушы қамтылған. Жақында пайдалануға берілген «AI-Kerim» оқу-сауықтыру орталығы мен Ботаникалық бақ жыл бойы &nbsp;жұмыс істейді.&nbsp;Жиында білім беру ұйымдарындағы қауіпсіздік талаптарын сақтау мәселесі де қаралды. Облыс әкімі &nbsp;бейнебақылау камераларын Жедел әрекет ету орталығына толық қосу, санитарлық, өрт қауіпсіздігі талаптарының сақталуын тексеру және жол-көлік оқиғаларының алдын алу бойынша нақты тапсырмалар берді.&nbsp;<blockquote>«Оқушылардың &nbsp;қауіпсіздігі үшін мектеп маңында жол полициясы инспекторларының күнделікті кезекшілігін ұйымдастырыңыздар. Әсіресе, оқушы саны мен көлік қозғалысы көп мектептер аумағындағы қауіпсіздікті күшейту қажет. Жаяу жүргіншілер жолы, жол белгілеріне қатысты кемшіліктер бар. Қала, аудан әкімдіктері 25 тамызға дейін аталған кемшіліктерді тез арада ретке келтіріңіздер. Кейінгі үш жылда білім беру ұйымдарын инженерлік, техникалық жабдықтармен жарақтауға жергілікті бюджеттен тиісті &nbsp;қаржы бөлінді. Балаларымызға қауіпсіз, қолайлы орта қалыптасып, бейнебақылау камералары, турникеттер орнатылды. Ендігі мақсат – оқушылардың құқықтық сауаттылығын арттыруға бағытталған құқықтық тәрбие беру жұмыстарын ұйымдастыру», – деді облыс әкімі.</blockquote>Жиында облыстық білім басқармасының басшысы Асқарбек Есжанов баяндама жасап, жаңа оқу жылына дайындық барысы туралы айтты. Мәжілісте суға шомылу маусымындағы қауіпсіздік шаралары, алдағы жылу беру маусымына дайындық жайы да талқыланып, қала, аудан әкімдері мен жауапты сала басшыларына тиісті тапсырмалар жүктелді. &nbsp;

Қазақстан және Қызылорда облысының жаңалықтары