<a href="https://kyzylorda-news.kz/">Kyzylorda-news.kz</a> Жалған ақпаратқа қарсы іс-қимыл орталығы Қазақстан Республикасы Конституциясының жаңа жобасы төңірегіндегі ең көп таралған фейктер мен манипуляцияларға шолу дайындады. Біз желіде тараған жалған мәлімдемелерді жобаның ресми мәтінімен және мемлекеттік органдардың түсіндірмелерімен салыстырдық.1-бөлім<ol><li>«Конституция Президенттің өкілеттіктерін күшейтеді»</li></ol>Бұл құжаттың мазмұнына сәйкес келмейді.Жоба тежемелік әрі тепе-теңдік жүйесін бекітеді. Негізгі кадрлық шешімдер – Вице-президентті, Премьер-министрді, Конституциялық Сот судьяларын, Орталық сайлау комиссиясы мен Жоғары аудиторлық палата мүшелерін тағайындау – Құрылтайдың келісімімен жүзеге асырылады.Сонымен қатар, Президенттің қайта сайлану құқығынсыз бір реттік жеті жылдық өкілеттік мерзімі сақталады.Мұндай құрылым «суперпрезиденттік» модельге емес, президенттік республикаға тән.Қорытынды: Фейк<ol><li>«Шетелдіктерге жер сатуға қойылған тыйым алынып тасталады»</li></ol>Жоба мәтінінде шетел азаматтарына жер сатуға рұқсат беретін нормалар жоқ.8-баптың 3-тармағында:«Жер және оның қойнауы, сулар, өсімдіктер мен жануарлар дүниесі, өзге де табиғи ресурстар халыққа тиесілі. Халық атынан меншік құқығын мемлекет жүзеге асырады. Жер заңда белгіленген негіздерде, шарттар мен шектерде жеке меншікте де болуы мүмкін» деп бекітілген.Қорытынды: Фейк<ol><li>«Тегін медицина жойылады»</li></ol>Жоба медициналық көмектің өтеусіз сипатын сақтайды.32-баптың 2-тармағына сәйкес:«Қазақстан Республикасының азаматтары заңда белгіленген, өздері төлемейтін медициналық көмекті алуға құқылы».Бұл жерде мәселе тегін медицинаны жоюда емес, аталған құқықты іске асыру тетігін заңнамалық тұрғыдан нақтылауда болып отыр.Қорытынды: Манипуляция<ol><li>«Тегін білім беру жойылады»</li></ol>Бұл да жоба мәтініне сәйкес келмейді.Шын мәнінде, мемлекеттік оқу орындарында орта білім берудің өтеусіз сипатына Конституция кепілдік береді. Сондай-ақ, жоғары оқу орындарында конкурстық негізде тегін жоғары білім алу құқығы бекітіледі (33-бап).Конституциялық реформа жөніндегі комиссияның 9-отырысында Премьер-Министрдің орынбасары – Мәдениет және ақпарат министрі Аида Балаева:«Ешкім медициналық көмек пен білім алу құқығынан айырылмайды… «Тегін» деген ұғым құқықтық тұрғыдан нақтырақ «азаматтар ақы төлемей, заңда белгіленген тәртіппен медициналық көмек алуға құқылы» деген тұжырымдамамен алмасты», – деп атап өтті.Қорытынды: Манипуляция<ol><li>«Жыл сайынғы ақылы демалыстар жойылады»</li></ol>Бұл – қате пайым.Конституция жобасының 27-бабы демалу құқығына кепілдік береді. Ал жыл сайынғы ақылы демалыстың нақты ұзақтығы мен шарттары Еңбек кодексімен айқындалады.Конституциялық норма принципті бекітеді, ал егжей-тегжейі салалық заңнамамен реттеледі.Қорытынды: Манипуляция2-бөлім<ol><li>«Конституциядан «бостандық» ұғымы алынып тасталды»</li></ol>Керісінше, құқықтар мен бостандықтар ең жоғары құндылық ретінде айқындалған.Преамбула мен 1-бапта адам, оның өмірі, құқықтары мен бостандықтары мемлекеттің ең қымбат қазынасы деп жарияланған. Құқықтар мен бостандықтар бөлінбейтін және иеліктен шығарылмайтын деп танылады.Қазақстан Республикасы Премьер-Министрінің орынбасары – Мәдениет және ақпарат министрі Аида Балаева өз жария мәлімдемесінде: «Адам және оның қадір-қасиеті – конституциялық модельдің езегіне айналып отыр» – деп атап өтті.Қорытынды: Манипуляция.<ol><li>«Сөз және жиналыс бостандығы шектеледі»</li></ol>Шын мәнінде, Конституция жобасы цензураға тікелей тыйым салады (23-бап, 5-т.) және сөз бостандығына кепілдік береді (23-бап, 4-т.). Шектеулерге тек заңмен және тек конституциялық құрылысты, қоғамдық қауіпсіздікті, сондай-ақ басқа тұлғалардың құқықтарын қорғау мақсатында ғана жол беріледі, бұл Қазақстанның халықаралық міндеттемелеріне, соның ішінде Азаматтық және саяси құқықтар туралы халықаралық пактіге сәйкес келеді.Бейбіт жиналыстар өткізу құқығына Конституция жобасының 35-бабында да кепілдік берілген. Бейбіт жиналыс түрлерінің тізбеленбеуі осы түрлердің барлығының «бейбіт жиналыстар» ұғымына кіретіндігімен, яғни бейбіт жиналыстар өткізу құқығымен қамтылатындығымен түсіндіріледі. Бейбіт жиналыстардың нақты түрлері бейбіт жиналыстар туралы бейінді Заңда ашып көрсетіледі.Бейбіт жиналыстардың түрлерін тәптіштемейтін мұндай жалпы тұжырымдама «Бейбіт жиналыстар өткізу құқығы танылады» делінген Азаматтық және саяси құқықтар туралы халықаралық пактіге сәйкес келеді.Қорытынды: Манипуляция.<ol><li>«Тотальды цифрлық бақылау енгізіледі»</li></ol>Керісінше, Конституция жобасы «цифрлық құқықтарды» енгізіп, азаматтардың жеке өмірі мен дербес деректерін виртуалды ортада заңсыз пайдаланудан қорғайды (21-бап, 1-т.).Қорытынды: Фейк.9.«Конституция мәтінін шетелдіктер жазған»Жобаны отандық заңгерлер, ғалымдар мен сарапшылар азаматтардың ұсыныстарын ескере отырып дайындады. Комиссия жұмысы ашық әрі жария түрде жүргізілді.Қорытынды: Фейк.<ol><li>«Жаңа Конституция халықаралық міндеттемелерді бұзады»</li></ol>Жобада ратификацияланған халықаралық шарттарға қайшы келетін нормалар көзделмеген. Адам құқықтары мен бостандықтарының негізгі қағидаттары халықаралық деңгейде танылған стандарттарға сәйкес келтірілген.Ратификацияланған халықаралық шарттардың қолданылу тәртібі ұлттық мүдделерді қорғау қажеттілігі ескеріле отырып, заңдарда айқындалатын болады. Ратификацияланған халықаралық шарттар Қазақстан Республикасының қолданыстағы құқық жүйесінің құрамында қалады.Қорытынды: Манипуляция.Жалған ақпаратқа қарсы іс-қимыл орталығы азаматтарды бастапқы дереккөздерді мұқият зерделеуге, тексерілмеген жарияланымдарға сын көзбен қарауға және жалған ақпаратты таратпауға шақырады.Өз көзқарасыңызды қалыптастыру барысында эмоционалды және үстірт интерпретацияларға емес, ресми мәтін мен уәкілетті органдардың түсіндірмелеріне сүйеніңіз.

Конституцияның жаңа жобасы бойынша ең көп таралған фейктер

<a href="https://kyzylorda-news.kz/">Kyzylorda-news.kz</a> Әлемдік додада көк туымызды желбіреткен отандасымыз Михаил Шайдоров пен аталмыш спорттық бәсекеде жоғары нәтиже көрсеткен Софья Самоделкина Қазақстанға келді, – деп хабарлайды&nbsp;<a href="https://kaz.inform.kz/news/milan-kortina-olimpiadasinin-chempioni-mihail-shaydorov-elge-oraldi-b6a208/">KAZINFORM</a>Отандастарымызды туған-туыстары, достары және жанкүйерлері елордадағы әуежайдан қошеметпен қарсы алды.Ұлттық Олимпиада комитетінің төрағасы Геннадий Головкин Олимпиада чемпионына ризашылығын білдіріп, ел мерейін асқақтатқан спортшыға құрмет көрсету керек екенін атап өтті.<blockquote>– Біздің елімізде де мәнерлеп сырғанаудан Олимпиада чемпионы бар! Осындай чемпионымызбен мақтанамыз! – деді Головкин.</blockquote>Көк туымызды көкте желбіреткен Михаил Шайдоров қысқы Олимпиадада тақым қысып, тілеулес болған отандастарына ризашылығын жеткізді.<blockquote>– Мен барша жанкүйерге қолдау көрсеткендері үшін алғысымды білдіремін және еліміздің атын әлемдік аренада таныту үшін қолымнан келгеннің бәрін жасауға дайынмын, – деді Олимпиада чемпионы.</blockquote>Фото: Ағыбай Аяпберген / Kazinform

Милан-Кортина Олимпиадасының чемпионы Михаил Шайдоров елге оралды

<a href="https://kyzylorda-news.kz/">Kyzylorda-news.kz</a> &nbsp;25-27 ақпан аралығында облыс аумағында «Көктем-2026» республикалық командалық-штабтық оқу-жаттығуы өткізілетін болады. Оқу-жаттығудың республикалық штабы Астана қаласында өтсе, облыстық штаб және практикалық кезеңі Қызылорда қаласында өткізіледі. Бұл туралы облыстық ТЖД бастығының орынбасары Бекболат Әбдіқадыров мәлімдеді.<blockquote>- Алдағы кешенді оқу-жаттығудың басты мақсаты – азаматтық қорғау қызметтерінің төтенше жағдайлар кезіндегі іс-қимылдарын жетілдіру. Бұл шара барысында күштер мен құралдардың өзара үйлесімді жұмысы, жедел әрекет ету мүмкіндігі және материалдық-техникалық дайындығы жан-жақты тексеріледі. Оқу-жаттығу практикалық тапсырмалармен ұштасып, бөлімшелердің нақты жағдайда әрекет ету қабілетін шыңдауға бағытталған. Нәтижесінде жауапты қызметтердің дайындық деңгейі бағаланып, анықталған кемшіліктерді жою бойынша тиісті шаралар қабылданады. 25 ақпанда Қызылорда облысының азаматтық қорғау қызметтерінің күштер мен құралдарына саптық қарау жүргізіледі. Ал 26 ақпанда Қызылорда қаласы Талсуат елді мекенінде практикалық іс-шаралар пысықталатын болады. Департаменттің Дағдарыс орталығында командалық штабтық ойындары мен қорытынды жиналыс 27 ақпанға жоспарларған,- деді Бекболат Қайырбекұлы.</blockquote><img src="https://knadmin.beoblood.kz/uploads/kerek_8ecc2ed634.jpg" alt="керек.jpg">Фото: gov.kz

«Көктем-2026» республикалық оқу-жаттығуы өтеді

<a href="https://kyzylorda-news.kz/">Kyzylorda-news.kz</a> Мамандық таңдау – әр адамның өміріндегі ең маңызды әрі жауапты шешімдердің бірі. Бұл шешім адамның болашақ тағдырын, өмір сүру салтын, қоғамдағы орнын айқындайды. Сондықтан мамандық таңдауға жеңіл-желпі қарауға болмайды. Көп жағдайда жасөспірімдер мектеп бітірер кезде нақты қандай жолды таңдарын білмей, ата-ананың кеңесіне немесе достарының таңдауына сүйеніп жатады. Алайда мамандық – біреудің емес, өзіңнің өмірлік жолың. Сол себепті бұл таңдауда ең алдымен жеке қызығушылық пен қабілет ескерілуі тиіс.Әр адамның бойында табиғи дарыны, икемі болады. Біреу есепке жүйрік болса, енді бірі шығармашылыққа жақын, ал тағы біреулер адамдармен тіл табысуда шебер келеді. Егер адам өз қабілетіне сай мамандықты таңдаса, ол жұмысты қуанышпен атқарады, үнемі дамуға ұмтылады және кәсіби табысқа жетеді. Керісінше, жүрек қалауына қарсы таңдалған мамандық уақыт өте келе жалықтырып, рухани күйзеліске әкелуі мүмкін. Сондықтан өз-өзіңді тану – дұрыс таңдау жасаудың алғашқы қадамы.Сонымен қатар мамандық таңдауда қоғам қажеттілігін де ескеру маңызды. Қазіргі заманда еңбек нарығы жылдам өзгеруде, жаңа мамандықтар пайда болып, кейбірі сұраныстан шығып жатыр. Болашақта сұранысқа ие болатын салаларды зерттеу, кәсіби бағдар беру мамандарымен кеңесу – жауапты шешім қабылдауға көмектеседі. Бірақ тек табысқа немесе атаққа қызығып таңдау жасау да қателік болуы мүмкін. Себебі адам сүймеген ісінде үлкен жетістікке жете алмайды.Мамандық таңдау – тек жеке мүдде емес, қоғам алдындағы жауапкершілік те. Дәрігер адамның денсаулығына, мұғалім ұрпақ тәрбиесіне, инженер қауіпсіздік пен сапаға жауап береді. Әр маман өз ісін адал әрі кәсіби деңгейде атқаруы тиіс. Сондықтан бүгінгі дұрыс таңдау – ертеңгі сапалы қызметтің кепілі.Қорытындылай келе, мамандық таңдау – болашаққа жасалған маңызды қадам. Ол саналы ойды, байыпты шешімді және үлкен жауапкершілікті талап етеді. Өз қабілетіңді танып, қызығушылығыңды ескеріп, заман талабын саралай отырып жасалған таңдау ғана адамды бақыт пен табысқа жетелейді.Аяжан МахамбетәліҚорқыт ата атындағы Қызылорда университетінің 4-курс студентіФото: freepik.com

Мамандық таңдаудағы жауапкершілік

<a href="https://kyzylorda-news.kz/">Kyzylorda-news.kz</a> Жасанды интеллект – XXI ғасырдың ең ірі технологиялық жетістіктерінің бірі. Бұрын тек қиял-ғажайып фильмдер мен ғылыми фантастикада ғана суреттелетін ақылды машиналар бүгінде шынайы өмірдің бір бөлігіне айналды. Қазіргі таңда біз күнделікті өмірде жасанды интеллектінің қызметін байқамай-ақ пайдаланып жүрміз: смартфондағы дауыс көмекшілері, интернеттегі іздеу жүйелері, әлеуметтік желідегі ұсыныстар, онлайн аудармашылар – мұның барлығы ЖИ технологиясына негізделген. Осыған байланысты қоғамда «Жасанды интеллект – мүмкіндік пе, әлде қауіп пе?» деген заңды сұрақ туындайды.Бір жағынан алғанда, жасанды интеллект – адамзат үшін зор мүмкіндік. Ол өндіріс пен бизнесте өнімділікті арттырып, уақыт пен шығынды үнемдеуге жол ашады. Кәсіпорындар үлкен көлемдегі деректерді талдау арқылы болашақтағы өзгерістерді алдын ала болжай алады. Қаржы саласында ЖИ тәуекелдерді есептеп, шешім қабылдауды жеңілдетеді. Сонымен қатар жаңа мамандықтар пайда болуда: бағдарламашылар, деректер талдаушылары, киберқауіпсіздік мамандары – бұлардың барлығы цифрлық дәуірдің сұранысына сай қалыптасқан кәсіптер. Мысалы, Google іздеу жүйесі қолданушының сұранысын саралап, ең қажетті ақпаратты секундтар ішінде ұсынады, ал OpenAI әзірлеген заманауи жүйелер мәтін жазып, сұрақтарға жауап беріп, тіпті күрделі есептерді шығара алады. Бұл – технологияның адам еңбегін жеңілдетуге бағытталғанының дәлелі.Жасанды интеллект білім беру мен медицина саласында да үлкен жетістіктерге жетті. Білім беру платформалары әр оқушының қабілетіне қарай жеке оқу бағдарламасын ұсына алады. Мысалы, Duolingo қосымшасы қолданушының деңгейін анықтап, соған сәйкес тапсырмалар береді. Ал медицинада ЖИ ауруларды ерте кезеңде анықтап, диагноз қою дәлдігін арттыруға көмектеседі. Кейбір зерттеулер бойынша, жасанды интеллект рентген немесе томография нәтижелерін сараптауда жоғары дәлдік көрсете алады. Бұл адам өмірін сақтап қалуға ықпал ететін маңызды қадам.Алайда жасанды интеллектінің қауіптері де жоқ емес. Ең басты алаңдаушылық – жұмыссыздық мәселесі. Автоматтандыру нәтижесінде көптеген қарапайым және қайталанатын жұмыстарды роботтар атқаруы мүмкін. Бұл еңбек нарығына әсер етіп, кейбір мамандықтардың жойылуына әкелуі ықтимал. Сонымен қатар жеке деректердің қауіпсіздігі мәселесі де өзекті. Әлеуметтік желілер мен онлайн платформалар қолданушылар туралы орасан зор ақпарат жинайды. Мысалы, Facebook компаниясы бірнеше рет деректердің қауіпсіздігіне байланысты сынға ұшыраған. Егер ақпарат дұрыс қорғалмаса, бұл қоғамға үлкен зиян келтіруі мүмкін.Тағы бір маңызды мәселе – этика және бақылау. Егер жасанды интеллект жүйелері бұрмаланған деректерге сүйенсе, олардың шешімдері әділетсіз болуы ықтимал. Сондай-ақ автономды қару-жарақ жүйелері сияқты әскери мақсаттағы қолдану түрлері адамзат үшін қауіпті болуы мүмкін. Кейбір ғалымдар болашақта жасанды интеллект адам ақылынан асып түсіп, бақылаудан шығып кетуі мүмкін деген болжам айтады. Сондықтан ЖИ-ді дамыту барысында қауіпсіздік, жауапкершілік және халықаралық бақылау тетіктері аса маңызды.Қорыта айтқанда, жасанды интеллект – әрі мүмкіндік, әрі қауіп. Ол адамзат өмірін жеңілдетіп, ғылым мен техниканы жаңа деңгейге көтереді, бірақ сонымен бірге әлеуметтік, экономикалық және этикалық мәселелерді туындатады. Барлығы оны қалай және қандай мақсатта қолданатынымызға байланысты. Егер жасанды интеллект адам игілігі үшін, жауапкершілікпен және бақылаумен дамытылса, ол – адамзат өркениетінің жарқын болашағына жол ашатын мүмкіндік. Ал егер немқұрайлы қарасақ, ол күрделі қауіпке айналуы мүмкін. Сондықтан бүгінгі басты міндет – технологияны емес, оны басқару мәдениетін дамыту.&nbsp;Аяжан МахамбетәліҚорқыт ата атындағы Қызылорда университетінің 4-курс студентіФото: freepik.com

«Жасанды интеллект – мүмкіндік пе, қауіп пе?»

<a href="https://kyzylorda-news.kz/">Kyzylorda-news.kz</a> Астанада ҚР Премьер-министрінің орынбасары – Мәдениет және ақпарат министрі Аида Балаеваның төрағалығымен ҚР Еңбек және халықты әлеуметтік қорғау министрлігінің кеңейтілген алқа отырысы өтті. Іс-шараға ҚР Еңбек және халықты әлеуметтік қорғау министрі Асқарбек Ертаев, Парламент депутаттары, орталық және жергілікті мемлекеттік органдар өкілдері, министрлікке қарасты ұйымдар, әлеуметтік серіктестер қатысты.Премьер-министрдің орынбасары Мемлекет басшысы әлеуметтік салаға ерекше көңіл бөлетінін атап өтті. Азаматтардың жағдайы мен елдің тұрақты дамуы жаңа Конституция жобасының негізгі өзегіне айналғаны айтылды.Отырыста басты мәселелердің бірі халықты жұмыспен қамту тақырыбы болды. 2025 жылдың қорытындысы бойынша елде 2,9 млн сапалы жұмыс орны сақталды. 2026 жылы өңірлік жұмыспен қамту карталары аясында 547,7 мың адамды жұмысқа орналастыру жоспарланып отыр.<blockquote>Жиында жұмыс орнындағы адам қауіпсіздігі мен қорғалуы да қаралды. «Цифрландыру жағдайында ыңғайлы әрі түсінікті коммуникация құралдарын енгізу маңызды», – деп есептейді Аида Балаева.</blockquote>Сонымен қатар, тараптардың кепілдіктерін, құқықтары мен міндеттерін айқындайтын еңбек шартын әзірлеу тапсырылды.Ведомствоның басым міндеттерінің бірі – мүгедектігі бар адамдарды кешенді әлеуметтік қорғау. Оларды жұмыспен қамту тәсілдерін жетілдіру, техникалық қажет құралдарымен қамтамасыз ету және инфрақұрылым нысандарының қолжетімділігін арттыру мәселелері өзекті екені айтылды. Сондай-ақ, мүгедектігі бар балаларды дамыту мен әлеуметтендіруге ерекше назар аударылды.Мүгедектікті тағайындау рәсімінің ашықтығын қамтамасыз ету мақсатында Премьер-министрдің орынбасары Денсаулық сақтау министрлігі мен Еңбек және халықты әлеуметтік қорғау министрлігінің ақпараттық жүйелерін біріктіруді тапсырды. Мемлекет басшысы жариялаған «Цифрландыру және жасанды интеллект жылы» аясында министрлік алдында әлеуметтік-еңбек саласын технологиялық тұрғыда жаңғырту бойынша ауқымды міндет тұрғаны сөз етілді.Отырыста министр Асқарбек Ертаев баяндама жасап, ведомство жұмысының нәтижелерін қорытындылап, алдағы кезеңге арналған негізгі міндеттерді белгіледі.

2026 жылы Қазақстанда жарты миллионнан астам адамды жұмыспен қамту жоспарланған

<a href="https://kyzylorda-news.kz/">Kyzylorda-news.kz</a> «Әділетті және прогрессивті Қазақстанның Халықтық Конституциясы үшін!» аумақтық коалициясының мүшелері Сырдария ауданының мәдениет саласы өкілдерімен кездесті.Кездесуге аумақтық коалиция жетекшісі Ержан Әжікенов бастаған коалиция мүшелері Ақтөре Ибрагимұлы, Жанна Сәркеева, Жадыра Бағдатқызы, Нұржан Сейтжан қатысты. Жиында мәдениет саласының өкілдеріне референдум аясында атқарылып жатқан жұмыстарды таныстырып, жаңа Конституциядағы мәдени құндылықтарды ілгерілету мәселелерін жан-жақты талқылады.Коалиция жетекшісі Ержан Әжікенов жаңартылған Ата заңда адами капиталға ерекше мән берілетінін, ал мәдениет пен тарихи мұра конституциялық қағидаттар деңгейінде бекітілетінін атап өтті.Ержан Ертарғынұлы өз сөзінде Жаңа Конституция жобасының преамбуласында мәдени және адамгершілік құндылықтарға ерекше мәртебе берілгенін және алғаш рет Конституцияда мәдениет пен білім мемлекет құндылығының негізі ретінде бекітілгенін айтты.Сондай-ақ коалиция өкілі Жанна Сәркеева Конституциялық деңгейде тарихи-мәдени мұраны сақтау, ұлттық мәдениетті қолдау, зияткерлік меншікті қорғау және көркем шығармашылық еркіндігін қамтамасыз ету нормалары бекітілгенін айтып өтті.Кездесуде мәдениет саласының өкілі Жеңісбек Төрәлиев мәдениет пен өнер саласы отансүйгіштік қасиетін, тарихқа құрметті және мемлекет болашағына деген жауапкершілікті қалыптастыратынын атап өтті. Конституция алдағы ондаған жылдың даму бағытын айқындайды. Онда адамгершілік, руханият және мәдени мұра мәселелерінің бекітілуі мемлекеттің кемел әрі прогрессивті қоғамды жан-жақты дамытуға бағыт алғанын көрсетеді, – деді өз сөзінде.15 наурызда мәдениет саласының қызметкерлері өз конституциялық құқығын жүзеге асырып, жаңа Ата заңға дауыс беретіндерін жеткізді.

Мәдениет пен тарихи мұра Конституциялық қағидаттар деңгейінде бекітілмек

<a href="https://kyzylorda-news.kz/">Kyzylorda-news.kz</a> Қазақстан Республикасы Ішкі істер министрлігі ұйымдастырған «Үздік криминалист» республикалық конкурсы өз мәресіне жетті. Бұл – еліміздің криминалистикалық бөлімшелерінің үздік өкілдерін біріктірген ауқымды кәсіби іс-шара. Байқау қатысушылардың жоғары деңгейдегі дайындығын, терең теориялық білімін және тәжірибелік шеберлігін айқын көрсетті.Салтанатты рәсімге Ішкі істер министрінің орынбасары полиция генерал-майоры Санжар Адилов қатысып, жеңімпаздар мен жүлдегерлерді марапаттады. Ол өз сөзінде криминалистикалық қызметтің заңдылық пен құқықтық тәртіпті қамтамасыз етудегі стратегиялық маңызын атап өтті.Аталған байқауға Қызылорда облысы Полиция департаменті Жедел-криминалистикалық басқармасының криминалисі полиция майоры Шілдебаев Қуаныш қатысып, Сыр өңірінің намысын қорғады. Криминалистика саласында 14 жылдық тәжірибесі бар маман түрлі бағыттар бойынша кәсіби біліктілігін дәлелдеп, қылмыстарды ашуға елеулі үлес қосып келеді.Республикалық деңгейдегі бұл конкурс тәжірибе алмасуға, кәсіби шеберлікті шыңдауға және сала мамандарының өзара ынтымақтастығын нығайтуға мүмкіндік берді.

Сыр өңірінің үздік криминалисі республикалық конкурсқа қатысты

<a href="https://kyzylorda-news.kz/">Kyzylorda-news.kz</a> Жалағаш ауданының әкімі Ардақ Ибраимовтің төрағалығымен мәжіліс өтті. Жиында көктемгі егіс жұмыстарына дайындық және аймақ басшысы тарапынан белгіленген қосымша мәселелер қаралып, атқарылуы тиіс нақты тапсырмалар жүктелді.Биыл бекітілген жоспарға сәйкес 42 178 гектар жерге ауыл шаруашылығы дақылдарын орналастыру көзделіп отыр. Оның ішінде 16 800 гектар алқапқа күріш егу жоспарланған.Мәжілісте аудан әкімі Мемлекет басшысы тарапынан еліміздің азық-түлік қауіпсіздігін қамтамасыз ету және экономиканы әртараптандыру мақсатында аграрлық секторды дамытуға айрықша мән беріліп отырғанын атап өтті.<blockquote>«Ауданның егін шаруашылығындағы негізгі бағыт – суармалы егіншілік, оның ішінде күріш өндірісі екені белгілі. Алайда соңғы жылдары өңірде су тапшылығы мәселесі өзекті болып отыр. Биыл да вегетациялық кезеңнің күрделі өту қаупі жоғары. Осыған байланысты көктемгі егіс жұмыстарына дайындықты мұқият пысықтап, болжанған егіс көлемдерін агротехникалық талаптарға сәйкес және белгіленген мерзімде орналастыру қажет. Сонымен қатар, күріш дақылын артық егу мен ауыспалы егіс тәртібін бұзу жағдайларының алдын алу мақсатында шаруашылық құрылымдары арасында түсіндіру жұмыстарын жүргізіп, суды аз қажет ететін дақылдардың егіс көлемін арттыруды одан әрі жалғастыруымыз тиіс», – деді А.Ибраимов.</blockquote>Сондай-ақ, жиында вегетациялық кезеңге дайындық, егінді әртараптандыру, сондай-ақ цифрлық технологияларды ауыл шаруашылығына кеңінен енгізу мәселелері талқыланды. Бұдан бөлек, ауыспалы егіс тәртібін сақтамаған және белгіленген межеден артық егін еккен шаруашылықтарға вегетациялық кезеңде су берілмейтіні ескертілді.Жиын қорытындысымен жауапты сала басшыларына нақты міндеттер жүктеліп, хаттамалық тапсырмалар берілді.

Вегетациялық кезеңге дайындық мәселелері талқыланды

<a href="https://kyzylorda-news.kz/">Kyzylorda-news.kz</a> Ағымдағы жылдың 20 ақпан күні Қызылорда облысының қоғамдық даму басқармасының ұйымдастыруымен «Заң мен тәртіп қағидаты» аясында «Тәртіп пен жауапкершілік – мемлекеттік қызметтің негізі» тақырыбында ашық диктант өтті.Аталған шараның негізгі мақсаты – мемлекеттік қызметшілер арасында мемлекеттік тілдің қолданылу аясын кеңейту, тілдік сауаттылықты арттыру, қызметтік жауапкершілік пен тәртіп мәдениетін нығайту, сондай-ақ қазақ тілінің мәртебесін көтеру болды.Іс-шараға облыстық басқармалар, департаменттер мен инспекциялардан 100-ден аса мемлекеттік қызметші қатысты. Қатысушылардың білім деңгейін жетілдірумен қатар, олардың кәсіби және азаматтық жауапкершілігін арттыруға ерекше назар аударылды.Шараның ашылуында басқарма басшысының орынбасары У. Ибраев сөз сөйлеп, «Заң мен тәртіп» қағидатының маңыздылығына тоқталды. Сонымен қатар, мемлекеттік тілдің мәртебесін арттырудағы және қызметтік тәртіпті нығайтудағы мұндай бастамалардың рөліне ерекше назар аударып, қатысушыларға сәттілік тіледі.Ашық диктант мемлекеттік қызметшілердің тілдік мәдениетін дамытуға және кәсіби жауапкершілігін арттыруға оң әсерін тигізді. Осы бағыттағы жұмыстар алдағы уақытта да жүйелі түрде жалғастырылатын болады.

Тәртіп пен жауапкершілік – мемлекеттік қызметтің негізі

<a href="https://kyzylorda-news.kz/">Kyzylorda-news.kz</a>&nbsp; Бүгін «Әділетті және Прогрессивті Қазақстанның Халықтық Конституциясы үшін!» жалпыұлттық коалициясының мүшелері Шиелі ауданында болып, Алмалы ауылының тұрғындарымен кездесті. Жиынға Қазақстан Республикасы Парламенті Сенатының депутаттары Нұртөре Жүсіп пен Руслан Рүстемов, өңірлік коалиция жетекшісінің орынбасары Мұрат Тлеумбетов, аумақтық коалиция жетекшісі Мұрат Тұрабаев және коалиция мүшелері қатысты.Кездесу барысында спикерлер жаңа Конституция жобасының негізгі басымдықтарын кеңінен түсіндірді. Сенат депутаты Нұртөре Жүсіп өз сөзінде құжаттың стратегиялық маңызына тоқталды.<blockquote>«Жаңа Конституция жобасында адам құқықтары мен бостандықтарын қорғау тетіктерін күшейту, заң үстемдігін қамтамасыз ету, мемлекеттік басқару жүйесін жетілдіру, Парламенттің рөлін арттыру, жергілікті өзін-өзі басқару институттарын дамыту және әлеуметтік әділеттілік қағидаттарын нығайту мәселелері жан-жақты қамтылған. Бұл реформалар – ел дамуы үшін аса маңызды стратегиялық қадам», – деді ол.</blockquote>Сонымен қатар, мемлекет пен қоғам арасындағы сенімді нығайту – басты мақсаттардың бірі екені атап өтілді. Жаңа өзгерістер азаматтардың шешім қабылдау процесіне қатысу мүмкіндігін кеңейтіп, ашық әрі жауапты басқару жүйесін қалыптастыруға бағытталғаны айтылды.Кездесу барысында Алмалы ауылының тұрғындары әлеуметтік, инфрақұрылымдық және құқықтық мәселелер бойынша өз сауалдарын қойып, ұсыныстарын білдірді. Коалиция мүшелері әрбір сұраққа нақты жауап беріп, көтерілген мәселелердің назарға алынатынын жеткізді.Жиын соңында коалиция өкілдері тұрғындарды ел болашағы мен тұрақты дамуына негіз болатын Ата заң жобасын қолдауға шақырды.

Алмалы тұрғындарын Ата заң жобасын қолдауға шақырды

ҚР Премьер-министрі Олжас Бектеновтің төрағалығымен Үкімет отырысы өтті. Күн тәртібінде көктемгі егінге дайындық мәселелері қаралды. Оған облыс әкімі Нұрлыбек Нәлібаев селекторлық режим арқылы қатысып, баяндама жасады.<blockquote>«Биыл Қызылорда облысында 185 800 гектарға ауыл шаруашылығы дақылдарын егу жоспарланған. Мемлекет басшысының суды көп қажет ететін дақылдар көлемін оңтайландыру тапсырмасына сәйкес, күріш көлемі өткен жылмен салыстырғанда 10 900 гектарға азайтылды. Осылайша, соңғы төрт жылда күріш көлемі 19 мың гектарға немесе 21%-ға қысқарды. Оның орнына егісті әртараптандыру мақсатында суды аз қажет ететін дақылдар егу көзделуде. Су ресурстарын тиімді пайдалану, шығынды азайту үшін үнемдеу технологиялары кеңінен енгізілуде. Өткен жылы тамшылатып, жаңбырлатып суару әдісімен 8 100 гектар егін &nbsp;егілсе, биыл 16 700 гектарға жеткізу межеленген. Оған қоса 60 мың гектар күріш алқаптары лазерлік тегістеуден өткізілді. Биыл бұл көрсеткіш 65 мың гектарға жеткізіледі. Бүгінде шаруашылықтар тұқыммен 100 пайыз қамтамасыз етілді. Қажетті 65 600 тонна тыңайтқыштың 18 500 тоннасы сатып алынды. Егін егуге қатысатын 3975 ауыл шаруашылығы техникасының 90 пайызы жөндеуден өткізілді. Қалғаны 1 наурызға дейін толық дайын болады. Энергетика министрлігі көктемгі егіске 10 100 тонна дизель бөлді. Ол шаруаларға кестеге сәйкес таратылады. Ерте егілетін дақылдар наурыз айының бірінші онкүндігінде себіледі, күріш егісі сәуір айының үшінші онкүндігінде басталады. Жоспарланған егіс көлемі Мемлекетаралық су шаруашылығын үйлестіру комиссиясы отырысынан кейін қайта нақтыланады», – деді аймақ басшысы.</blockquote>Үкімет отырысынан кейінгі мәжілісте осы және өзге де мәселелер жан-жақты талқыланып, жауапты сала басшыларына тапсырмалар жүктелді.Қазіргі таңда су ресурстарының тапшылығы жаһандық деңгейдегі ең өзекті мәселелердің біріне айналғаны белгілі. Мемлекет басшысы су ресурстарын тиімді пайдалану, үнемдеу технологияларын енгізу және су жүйелерін цифрландыру жұмыстарына ерекше мән береді.<blockquote>«Су лимитіне сәйкес жоспарланған көлемнен артық бірде-бір гектар жерге егін егілмеуі тиіс. Бұл мәселені қатаң бақылауға алу қажет, себебі ол Үкіметтің ерекше назарында. Судың магистральді және шаруашылықаралық каналдар арқылы егіс алқаптарына жеткізілуіне, ауыспалы егіс тәртібінің сақталуына тұрақты мониторинг ұйымдастырылсын», – деді Н.Нәлібаев.&nbsp;</blockquote>Аймақ басшысы көктемгі мұз жүру кезінде су алу қаупі бар тұстардағы қауіпсіздік шараларын күшейтуді, Қармақшы, Қазалы және Арал аудандарының әкімдіктеріне облыстық төтенше жағдайлар департаментімен және «Қазсушар» Қызылорда филиалымен бірлесіп, өзен арнасына тәулік бойы кезекшілік ұйымдастыруды, мұздың өту барысын тұрақты бақылауды тапсырды.

Қазақстан және Қызылорда облысының жаңалықтары