<a href="https://kyzylorda-news.kz/">Kyzylorda-news.kz</a> Қазақстан Республикасы Премьер-министрінің бірінші орынбасары Нұрлыбек Нәлібаевтың Қазақстан мен Моңғолия арасындағы сауда-экономикалық, ғылыми-техникалық және мәдени ынтымақтастық жөніндегі үкіметаралық комиссияның оныншы отырысына қатысуға арнайы келген Моңғолия Премьер-министрінің орынбасары Н. Номтойбайармен кездесті.Кездесу барысында Нұрлыбек Нәлібаев Қазақстан мен Моңғолияның стратегиялық серіктестігі практикалық ынтымақтастықты кеңейту және үкіметаралық тұрақты диалогті қолдау үшін сенімді негіз болып отырғанын атап өтті.Тараптар сауда, энергетика, атом, цифрлық, қаржы, мәдени-гуманитарлық салалардағы жоғары деңгейдегі негізгі уағдаластықтарды ілгерілету үшін екі Үкіметтің күш-жігерін жандандыру қажеттігіне келісті.Әріптестіктің айтарлықтай әлеуеті ауыл шаруашылығы мен тау-кен секторында, кен орындарын барлау мен игеру, минералдық шикізаттарды өңдеу жобаларында шоғырланғанын атап өтті.Бұл ретте тараптар тауар айналымы өсуінің басты шарттарының бірі саналатын елдер арасындағы көлік-логистикалық инфрақұрылымды дамытудың маңыздылығына да назар аударды.Тараптар биылғы маусым айынан бастап қос ел астанасы арасындағы тікелей әуе қатынасының ашылғанын атап өтіп, қосымша әуе бағыттарын іске қосу мүмкіндігін талқылады.Кездесу соңында Қазақстан мен Моңғолия арасындағы бұған дейін қол жеткізілген келісімдерді жүзеге асыруға және бірлескен жобаларды ілгерілету жөнінде белсенді жұмыс істеуге келісті.Сурет: gov.kz

Қазақстан мен Моңғолия арасындағы стратегиялық серіктестік дамып келеді

<a href="https://kyzylorda-news.kz/">Kyzylorda-news.kz</a> Облыс әкімі Мұрат Ергешбаев көлік инфрақұрылымын дамыту және автомобиль жолдарының сапасын арттыруда қолға алынған &nbsp;құрылыс жұмыстарының барысымен танысты.Мемлекет басшысы Ұлттық құрылтайдың &nbsp;бесінші отырысында "Жақында "Қызылорда – Жезқазған" жолының Қызылордаға тиесілі бөлігі салынып бітті. «Батыс Қытай – Батыс Еуропа» – Қазақстандағы ең негізгі жолдың бірі. Алайда, оның "Қызылорда – Ақтөбе" арасындағы бөлігі тар, көлік апаттары жиі болып жатады. Мен осыған дейін бұл жолды кеңейту туралы тапсырма бердім. Биыл осы бағытта 4 жолақты жаңа күре жолдың құрылысы басталады.&nbsp;Сондай-ақ мен былтырғы Жолдауымда «Бейнеу – Сексеуіл» жолының құрылысын тездетуді тапсырғанымды білесіздер. Ондағы жұмыстар да биыл басталмақ" деп атап өткен болатын.<img src="https://knadmin.beoblood.kz/uploads/FB_IMG_1791086682240_32c92a3049.jpg" alt="FB_IMG_1791086682240.jpg">Тамыз айында &nbsp;телекөпір арқылы «Қызылорда-Сексеуіл», «Ұлғайсын-Сексеуіл» және «Бейнеу-Сексеуіл» автокөлік жолдарының құрылысын бастап берді.Телекөпір барысында Премьер-министрдің бірінші орынбасары Нұрлыбек Нәлібаев жобаны бастауға әзірлік жөнінде баяндап, еліміздің &nbsp;көлік инфрақұрылымын дамытудағы &nbsp;жобалардың маңызын атап өтті. &nbsp;Аймақ басшысы алдымен "Қызылорда–Ақтөбе" бағытындағы Қызылорда қаласының айналма жолы мен «Қызылорда–Сексеуіл» автомобиль жолының құрылыс алаңына барды.Қызылорда қаласының айналма жолының ұзындығы 25,8 шақырым, &nbsp;келісімшарт құны 39,5 млрд теңге. Ислам даму банкі есебінен қаржыландырылуда. Бас мердігері «Қыран», жобалаушысы «Семдорпроект» серіктестіктері. Жобаны іске асыру мерзімі – 2026-2029 жылдар. Құрылысқа 150 жұмысшы және 85 арнайы техника жұмылдырылған.«Қызылорда–Сексеуіл» автомобиль жолының 130,8 шақырымын қамтитын жобаның құны 242,3 млрд теңге. Қаржыландыру &nbsp;көзі &nbsp;Ислам даму банкі болса, &nbsp;мердігері &nbsp;«Integra Construction KZ», қосалқы мердігері &nbsp;«Элит Строй Комплект» серіктестіктері. 2026-2029 жылдар аралығында іске асады. Қазір құрылыс жұмыстарына 70 жұмысшы мен 43 арнайы техника тартылған.Аталған жобалар өңірдегі жол-көлік инфрақұрылымын жаңғыртуға, көлік қозғалысы қауіпсіздігі мен қолайлылығын арттыруға, &nbsp;транзиттік бағыттардың өткізу қабілетін жақсартуға мүмкіндік береді.<img src="https://knadmin.beoblood.kz/uploads/FB_IMG_1791086677348_a7199cd31e.jpg" alt="FB_IMG_1791086677348.jpg">

Жол-көлік инфрақұрылымын дамыту жұмыстарының барысымен танысты 

<a href="https://kyzylorda-news.kz/">Kyzylorda-news.kz</a> Шиелі ауданында ауыл жастарының шығармашылығын қолдауға, ұлттық өнер мен мәдени құндылықтарды дәріптеуге, елді мекендер арасындағы мәдени байланысты нығайтуға бағытталған «Ауыл Vibe, Retro NIGHT» байқауы өз мәресіне жетті.Апта сайын дәстүрлі түрде ұйымдастырылған мәдени жоба барысында ауданның ауылдық округтерінен келген өнерпаз жастар өз өнерлерін ортаға салып, ән, би, сахналық қойылымдар және шығармашылық бағыттар бойынша бақ сынады. Байқау ауыл жастарының бос уақытын тиімді ұйымдастырып қана қоймай, олардың өнерге деген қызығушылығын арттырып, туған жерге деген сүйіспеншілігін нығайтуға мүмкіндік берді.Байқаудың қорытынды кешіне аудан әкімі Айтбай Жандарбеков қатысып, ауылдық округтерден келген өнерпаз жастарды құттықтады.<img src="https://knadmin.beoblood.kz/uploads/FB_IMG_1791135134340_0fcacc9d38.jpg" alt="FB_IMG_1791135134340.jpg">– «Ауыл – ұлттық құндылықтарымыздың алтын бесігі. Ал ауылдың ажарын ашып, мәдени өмірін жандандыратын – елдің өнерлі жастары. «Ауыл Vibe, Retro NIGHT» жобасы арқылы ауданымыздың әр ауылынан талантты жастардың басын қосып, олардың шығармашылығын көпшілікке танытуға мүмкіндік алдық.Бүгінгі кеш – жай ғана байқаудың қорытындысы емес, ауыл жастарының өнері мен белсенділігін, бірлігі мен ұйымшылдығын көрсететін ерекше мерекелік шара. Әрбір ауылдық округтен келген өнерпаздардың дайындаған қойылымдары мен концерттік бағдарламалары көрермен көңілінен шықты.Барша байқауға қатысқан өнерпаз жастарға, ұйымдастырушыларға және қолдау көрсеткен ауыл тұрғындарына алғысымды білдіремін. Өнерлеріңіз өрге жүзсін, шығармашылық жолдарыңызға толағай табыс тілеймін!», – деді аудан әкімі.Байқау қорытындысы бойынша:<ul><li style="text-align:justify;">БАС ЖҮЛДЕ &nbsp;Бәйгеқұм және Телікөл ауылдық округтері</li><li style="text-align:justify;">І ОРЫН &nbsp;Иіркөл және Алмалы ауылдық округтері</li><li style="text-align:justify;">ІІ ОРЫН &nbsp;Ақтоған және Жаңатұрмыс, Бәйтерек және Жөлек ауылдық округтері</li><li style="text-align:justify;">ІІІ ОРЫН Жиделіарық және Тұран, Сұлутөбе және Майлытоғай ауылдық округтері болып табылды.</li></ul>Байқау соңында жеңімпаздар мен жүлдегерлерге арнайы дипломдар мен естелік сыйлықтар табысталды.Қорытынды кеш барысында ауылдық округтердің өнерпаздары көрермендерге ән мен биден, ұлттық өнер мен заманауи шығармашылықтан құралған мазмұнды концерттік бағдарлама ұсынып, көпшілікке көтеріңкі көңіл күй сыйлады.«Ауыл Vibe, Retro NIGHT» жобасы ауыл жастарының шығармашылығын шыңдап, олардың мәдени ортаға белсенді араласуына жол ашқан жарқын жобалардың біріне айналды.<img src="https://knadmin.beoblood.kz/uploads/FB_IMG_1791135144147_9b3a409ca3.jpg" alt="FB_IMG_1791135144147.jpg">

Шиеліде «АУЫЛ VIBE, RETRO NIGHT» жобасының жеңімпаздары марапатталды 

<a href="https://kyzylorda-news.kz/">Kyzylorda-news.kz</a> Қазалы ауданында «Таза Қазақстан» республикалық экологиялық акциясы аясында күзгі санитарлық тазалық жұмыстары қарқынды жалғасуда.Бүгін аудан орталығы Әйтеке би кентінде жүргізілген кезекті сенбілік барысында Жасыл белдеу алаңы, Т. Бөріқұлақов, Ж. Шеріпов, Ж. Аймауытов және Мағзаман әулие көшелерінде тазалық жұмыстары жүргізілді.Сенбілік барысында аталған аумақтардағы қоқыстар тазаланып, бейберекет өскен шөптер шабылды. Тазалық жұмыстарына мекеме қызметкерлерімен қатар аудан тұрғындары да белсенді қатысып, қоршаған ортаны абаттандыруға өз үлестерін қосты.<img src="https://knadmin.beoblood.kz/uploads/FB_IMG_1791134349543_1c75454573.jpg" alt="FB_IMG_1791134349543.jpg">Аудан орталығында ұйымдастырылған сенбілік жұмыстарын аудан әкімі Алмасбек Есмаханов аралап көріп, Әйтеке би кентінің әкімі мен тазалыққа жауапты сала басшыларына бірқатар тапсырмалар жүктеді.Жалпы сенбілік жұмыстарына аудан бойынша 136 мекемеден 1 372 адам және 16 техника жұмылдырылды. Атқарылған жұмыстар нәтижесінде полигондарға 16,2 тонна қоқыс шығарылды.Күзгі санитарлық тазалық шаралары аудан орталығымен қатар барлық ауылдық округтерде де жалғасты.

Қазалыда күзгі санитарлық тазалық жұмыстары қарқынды жүргізілді 

<a href="https://kyzylorda-news.kz/">Kyzylorda-news.kz</a> Халықаралық қарттар күніне орай қала әкімдігінің және &nbsp;қалалық ардагерлер кеңесінің ұйымдастыруымен ардагерлер облыс орталығында бой көтерген және құрылысы жүріп жатқан бірқатар ірі нысандарды аралап, атқарылып жатқан жұмыс барысымен танысты.Алдымен ардагерлер «Қызылорда арена» спорт кешенінің құрылыс алаңына барды. Заманауи спорт нысанында халықаралық стандарттарға сай 50 метрлік бассейн, футзал, баскетбол және волейбол залдары, конференция залы қарастырылған. Кешеннің құрылысы аяқталғаннан кейін мұнда ұлттық құрамалардың оқу-жаттығу жиындарын өткізуге, Азия және әлем чемпионаттары сынды халықаралық деңгейдегі спорттық жарыстарды, сондай-ақ мәдени-көпшілік іс-шараларды ұйымдастыруға мүмкіндік туады. Спорт кешенінің құрылыс барысымен танысқан ардагерлер жаңа кешен өскелең ұрпақтың спортпен айналысып, жастардың бос уақытын тиімді өткізуіне және тұрғындар арасында салауатты өмір салтын қалыптастыруға мүмкіндік беретінін атап өтті.Бұдан кейін қазыналы қарияларымыз Президент саябағы маңында бой көтеріп жатқан 9 қабатты 15 көппәтерлі тұрғын үйдің құрылыс жұмыстарын көрді. Жоба аясында барлығы 945 пәтер пайдалануға беріледі. Сондай-ақ, осы саябаққа қарсы беттегі «Еңбек» саяжайы аумағына 1 936 пәтерлі 9 қабатты 22 тұрғын үй түсуде. Аталған аумақтар алдағы уақытта жаңа тұрғын аудандарға айналады. Шаһарда тұрғын үй құрылысы еселеп артып, баспана кезегінде тұрған азаматтарды тұрғын үймен қамту бағытында ауқымды жұмыстар атқарылуда.Биыл бюджет қаражаты есебінен жаңа пәтерлер сатып алынып, ипотекалық бағдарламаға қатысушылар мен әлеуметтік көмекке мұқтаж жандар баспаналы болады. Жаңа тұрғын үй кешендерінің құрылысымен танысқан ардагерлер шаһардың сәулеттік келбетінің жаңарып, тұрғындарға қолайлы орта қалыптасып келе жатқанын жеткізді. Заманауи тұрғын үйлер қаланың көркіне көрік қосып, Сыр шаһарының жаңа келбетін қалыптастыруға үлес қосатынын да атап өтті.Сапар барысында ардагерлер Ботаникалық бақ пен Президент саябағын да аралады. Ботаникалық бақта веерлі пальма, Канар құрмасы, кактус пен алоэ, вашингтония пальмасы, стрелиция, жакаранда, алып юкка, мақта ағашы, бамбук, кариота секілді сирек кездесетін өсімдіктер жайқалып тұр. Өсімдіктердің табиғи ортаға бейімделіп, жыл он екі ай сақталуы үшін нысан микроклиматты автоматты басқару және заманауи суару инженерлік жүйелерімен жабдықталған. Бақтың тыныс-тіршілігімен танысқан ардагерлер мұндай нысандардың қаланың экологиялық мәдениетін қалыптастыруда және ішкі туризмді дамытуда маңызы зор екенін айтты. Сонымен қатар, тұрғындар мен қала қонақтарының демалып, табиғат аясында уақыт өткізуіне қолайлы жағдай жасалғанын атап өтті.Қаладағы жаңарған нысандарды аралаған ардагерлер шаһардың архитектуралық келбетінің заманауи бағытта өзгеруіне, спорттық, мәдени және демалыс орындарының көбеюіне оң бағасын берді. Сапар соңында ардагерлерге «Ақ Отау» мейрамханасында сый-құрмет көрсетілді. Қариялар Сыр елінің игілігі жолында атқарылып жатқан жұмыстарға ақ батасын беріп, ел дамуына бағытталған бастамалардың нәтижелі болуына тілектестік білдірді.<img src="https://knadmin.beoblood.kz/uploads/FB_IMG_1791012507364_e890a4324e.jpg" alt="FB_IMG_1791012507364.jpg">

Ардагерлер бірқатар нысанды аралады 

<a href="https://kyzylorda-news.kz/">Kyzylorda-news.kz</a> Облыс әкімі Мұрат Ергешбаев Қызылорда гарнизонындағы әскери бөлімдер мен нысандарды аралады.Алдымен ҚР Қорғаныс министрлігінің 66597 әскери бөліміне барды. Мұнда 526 әскери, оның ішінде 42 мерзімді әскери қызметші және 17 азаматтық қызметкер бар. Сондай-ақ 107 техника пайдаланылуда.Аталған министрлікке қарасты 99215 әскери бөлімінде инфрақұрылымды жетілдіру жұмыстары жергілікті бюджет қаражаты есебінен жүргізілуде. Бұл мақсатқа 2024 жылы 278,8 млн теңге, өткен жылы 369,8 млн теңге, биылға 151 млн теңге бөлінген. Бөлімде 6 ғимарат бар, жеке құрамда 90 әскери қызметші және 10 азаматтық қызметкер еңбек етеді.<img src="https://knadmin.beoblood.kz/uploads/FB_IMG_1791012088812_c8043feccb.jpg" alt="FB_IMG_1791012088812.jpg">Келесі нысан – ҚР Ұлттық қауіпсіздік комитеті Шекара қызметінің Қызылорда облысы бойынша департаменті. Құрылымдық бөлімшелерін қоса есептегенде 118 ғимараты, жеке құрамында 700-ден астам әскери қызметші және 90-нан аса азаматтық қызметкер бар. Мерзімді әскери қызметшілер жоқ.Аймақ басшысы Ұлттық ұланның 5547 әскери бөліміндегі жағдайды да көрді. Мұндағы жеке құрам 540 әскери қызметшіден және 3 азаматтық қызметкерден құралған. Осы бөлімге қарасты әскери атыс алаңы 70 гектар жерде, аумағында 5 ғимарат орналасқан. Атыс алаңында 3 әскери қызметші және 4 мерзімді әскери қызметші жұмыс істейді.<img src="https://knadmin.beoblood.kz/uploads/FB_IMG_1791012103760_2fce7e172c.jpg" alt="FB_IMG_1791012103760.jpg">

Облыс әкімі Қызылорда горнизонындағы әскери бөлімдердің жұмысымен танысты 

<a href="https://kyzylorda-news.kz/">Kyzylorda-news.kz</a> Қызылордада «Әділет» партиясының «Үш ұрпақ – Ортақ мұрат» тұжырымдамасы аясындағы «Өмір тәжірибесі» жобасы жалғасты. Бұл жолы партияның белсенді жастары мен мүшелері техника ғылымдарының докторы, профессор, Қазақстан Республикасы Ұлттық ғылым академиясының академигі Қылышбай Алдабергенұлы Бисеновпен жүздесті.Еркін форматта өткен жүздесуде жастар академикке ғылымдағы жолы, ұстаздық қызметі, басқару тәжірибесі және қоғамдық жұмысы туралы сұрақтарын қойып, өмірлік ұстанымдарына қатысты пікір алмасты.Жиынды «Әділет» партиясы Қызылорда облыстық филиалының төрағасы Жандос Базартай жүргізді.<blockquote>«Өмір тәжірибесі» жобасының негізгі мақсаты – аға буынның жинаған білімін, кәсіби тәжірибесін және өмірлік ұстанымдарын жастарға жеткізу. «Әділет» партиясы үшін ұрпақтар сабақтастығы – жай ғана құндылық емес, қоғамның дамуына қажет маңызды негіз. Біз жастарды тек тыңдаушы ретінде емес, тәжірибені қабылдап, оны жаңа идеялармен жалғастыратын буын ретінде көреміз. Сондықтан осындай жүздесулер арқылы жастар мен қоғамға еңбегі сіңген тұлғалар арасында ашық диалог орнатуға мән береміз, – деді Жандос Базартай.</blockquote>Қылышбай Бисеновтің еңбек жолы оқытушылық қызметтен басталып, университет ректорлығына дейін жалғасты. Ғылым мен білім саласында ұзақ жыл еңбек етіп, өңірдегі жоғары білімнің дамуына елеулі үлес қосты. Сонымен қатар облыстық мәслихат депутаты, Қазақстан Республикасы Парламенті Мәжілісінің депутаты ретінде қоғамдық-саяси қызмет атқарып, елдік мәселелерге араласты.Әңгіме барысында академик өміріндегі маңызды кезеңдерге тоқталып, кәсіби жолды таңдаудағы ұстанымдары, ғылыммен айналысудың жауапкершілігі, ұстаздық қызметтің маңызы және жастардың ізденісі туралы ойларын ортаға салды.<blockquote>«Адамның өмір жолында ең маңыздысы – өзің таңдаған іске адал болу. Ғылымда да, білімде де нәтижеге бір күнде жету мүмкін емес. Үнемі іздену, еңбек ету және өз ісіңе жауапкершілікпен қарау қажет. Жастардың сұрақ қойғаны қуантады. Себебі сұрақ бар жерде ізденіс бар. Ал ізденіс адамды алға жетелейді», – деді Қылышбай Бисенов.</blockquote>Академик кәсіби жетістікке жетудің бір ғана жолы болмайтынын айтып, өзінің еңбек жолынан нақты мысалдар келтірді. Оның айтуынша, адам қай салада қызмет етсе де, білімін жетілдіруі мен жаңа нәрсеге ұмтылуы тоқтамауы керек.Сондай-ақ ғылым мен білімнен бөлек, елге қызмет ету, азаматтық жауапкершілік және қоғам алдындағы міндет туралы сөз қозғалды. Қылышбай Бисеновтің ғалымдық және ұстаздық қызметін қоғамдық жұмыспен ұштастыруы осы ұстанымдардың өзара сабақтастығын көрсетеді. Академик жастарға өз өмірінен мысалдар келтіріп, мамандық таңдаудан бастап, елге қызмет етуге дейінгі жауапкершілік жайында ой салды.Жүздесудің тағы бір бөлігі академиктің ғылыми еңбектеріне арналды. Арнайы ұйымдастырылған көрмеде жастар Қылышбай Бисеновтің авторлық еңбектерімен танысып, ғалымның көпжылдық ғылыми ізденістерінің нәтижесін көрді.«Өмір тәжірибесі» жобасының мәні де осында. Аға буынның жүріп өткен жолын кейінгі ұрпаққа таныстырып қана қоймай, сол тәжірибеден тағылым алуға мүмкіндік беру. Өйткені өмірлік сабақтың ең әсерлі түрі – оны сол жолдан өткен адамның өзінен есту.Қылышбай Бисеновтің еңбек жолы – білім мен ғылымға адалдықтың, табанды еңбектің және елге қызмет етудің нақты үлгісі. Ал осындай тұлғалармен тікелей жүздесу жастарға өткенді танумен қатар, өз болашағына жауапкершілікпен қарауға мүмкіндік береді.<img src="https://knadmin.beoblood.kz/uploads/Whats_App_Image_2026_10_02_at_16_38_16_0e28fe30a5.jpeg" alt="Әділет.jpeg">

Ғылым мен еңбек жолынан өткен ғалым жастарға тәлім берді

<a href="https://kyzylorda-news.kz/">Kyzylorda-news.kz</a> Бүгінде елімізде қоғамдық тәртіпті сақтау, азаматтардың қауіпсіздігін қамтамасыз ету және қоғамдық мүлікке ұқыпты қарау мәселесіне ерекше мән берілуде.&nbsp;Бұл бағыт 2026 жылғы 1 шілдеден бастап күшіне енген Қазақстан Республикасының жаңа Конституциясында бекітілген заң мен тәртіп үстемдігі, қоғамдық жауапкершілік және тарихи-мәдени мұраны сақтау қағидаттарымен сабақтас.Қоғамдық орындардағы мүлікті қасақана бүлдіру, тарихи және мәдени ескерткіштерге зиян келтіру, абаттандыру нысандарын, аялдамаларды, орындықтар мен өзге де инфрақұрылым элементтерін қирату – қоғамға ортақ құндылықтарға нұқсан келтіретін әрекеттер.Соңғы жылдары тарихи ескерткіштерді, мәдени құндылықтар мен қоғамдық мүлікті қасақана бүлдіру фактілері қоғамда алаңдаушылық туғызып отыр.&nbsp;Сынған аялдама әйнектері, қираған орындықтар, бүлінген нысандар, жыртылған хабарландырулар – вандализмнің қарапайым көріністері ғана.Мұндай әрекеттер қоғамдық тәртіпке нұқсан келтіріп, ортақ мүлікке зиян келтіреді. Вандализм – жай ғана бұзақылық емес. Қоғамдық мүлікті бүлдіру заң талаптарына қайшы және ол үшін жауапкершілік қарастырылған.Мемлекет басшысы да қоғамдық тәртіпті сақтау мен вандализмнің алдын алуға ерекше назар аударып келеді. Ортақ мүлікке құрмет – ортақ жауапкершіліктен басталады.&nbsp;Қоғамдық тәртіпті сақтау мен тарихи-мәдени мұраны қорғау – заң талаптарын орындаумен қатар, елдің ортақ құндылықтарына деген құрметтің көрінісі.Бүлдірме. Қиратып-жойма. Қоғамдық тәртіпті сақта! Вандализмге көз жұма қарамай, оның алдын алу – баршамызға ортақ міндет.

Вандализмнің алдын алу – қоғамның ортақ міндеті

<a href="https://kyzylorda-news.kz/">Kyzylorda-news.kz</a> 2026 жылғы 1 қазанда Астана қаласы Нұра ауданындағы Назарбаев Зияткерлік мектебінің оқушылары жасаған NIS PocketQube пикоспутнигі Илон Маск құрған SpaceX компаниясының Falcon 9 зымыранымен ғарышқа жол тартты. Зымыран Калифорниядағы АҚШ Ғарыш күштерінің Ванденберг базасынан ұшырылды.NIS PocketQube-тың орбитаға шығуы бірнеше жылға жалғасқан білім беру және инженерлік жұмыстың нәтижесін көрсетті. Жобаға Қазақстан мен шетелден оқушылар, педагогтер және ғарыш саласының мамандары атсалысты.Бұл бастама оқушыларға ғарыш миссиясына тікелей араласуға мүмкіндік береді. Олар шағын спутникті ұшыруға дайындау жұмыстарымен танысып, ұшырылым барысын бақылайды және кейін орбитадан келетін телеметриялық мәліметтерді қабылдайды.Айта кетейік, жоба 2019 жылы оқушыларға ғарыш технологияларын тек теориялық тұрғыда меңгеріп қана қоймай, нақты ғарыш құрылғысымен жұмыс істеуге жағдай жасау идеясынан бастау алды. 2020 жылы бастама жаңа кезеңге өтіп, мектепте NIS Space ғарыш зертханасы ашылды. Сол жылы 7–10 сынып оқушыларына арналған «Ғарыш техникасының электроникасы» мамандандырылған курсы енгізілді.NIS PocketQube – PocketQube форматындағы аса шағын спутник. Оның көлемі небәрі 5×5×5 сантиметр, ал салмағы 250 грамм. Шағын көлеміне қарамастан, спутник басқару, электрмен жабдықтау және радиобайланыс жүйелерімен, сондай-ақ күн панельдерімен жабдықталған.NIS PocketQube спутнигін жасау жолында Назарбаев Зияткерлік мектептерінің 17 оқушысы еңбектенді. Олардың бірқатары бүгінде NIS түлектері.<img src="https://knadmin.beoblood.kz/uploads/Vpervye_kazahstanskie_shkolniki_zapustili_svoj_sputnik_v_kosmos_na_rakete_Space_X2_bde9666199.jpg" alt="Впервые казахстанские школьники запустили свой спутник в космос на ракете SpaceX2.jpg">Шәкірттер спутниктің 3D моделін жасап, құрылғылардың ішкі орналасуын есептеді, электронды платалар мен SMD-компоненттерді жинақтады. Бұдан бөлек, микроконтроллерлерді бағдарламалап, Python арқылы деректерді өңдеу алгоритмдерін әзірледі және аппаратты жердегі сынақтарға дайындау жұмыстарына қатысты.Бірнеше жыл ішінде команда шағын ғарыш аппаратын жасаудың барлық дерлік кезеңінен өтті: алғашқы сызбалар мен прототиптерді әзірлеуден бастап, сынақ жүргізіп, ұшырылатын үлгіні ғарышқа дайындауға дейінгі жұмыстарды атқарды. 2022 жылғы желтоқсанда NIS PocketQube Ұлттық ғарыш орталығының базасында жерүсті термовакуумдық және механикалық сынақтардан өтті.Жобаның маңызды кезеңдерінің бірі халықаралық ынтымақтастық болды. Қазақстан Республикасының Грекиядағы Елшілігінің қолдауымен грек компаниясымен бірлесіп, спутниктің ұшу үлгісін соңғы кезеңге дайындау, қажетті тексерулерден өткізу және оны UARX компаниясының ұшыру контейнеріне орнату жұмыстары жүргізілді.Жобаны жүзеге асыруға «Қазақстан Ғарыш Сапары» ҰК» АҚ және «Ғалам» ЖШС мамандары да атсалысты. Бірлескен жобаға Оралбек Бидайбеков пен Манар Досова жетекшілік етті. Білім беру бағдарламасын әзірлеуге және жобаның инженерлік бағытына Арман Сыздықов, Қанат Саханов және Қазбек Бақтыбеков қатысты.Спутниктен алынатын мәліметтерді оқушылардың физика, астрономия, бағдарламалау және инженерлік бағыттардағы зерттеу жобаларында пайдалану жоспарланып отыр. Ақпаратты қабылдап, өңдеу үшін жерүсті кешені орнатылады. Оның көмегімен спутниктік деректер Қазақстанның барлық мектеп оқушыларына қолжетімді болады.Осылайша, NIS Space ғарыш зертханасы оқушылардың ғарыш инженериясы мен заманауи технологиялар саласындағы тәжірибелік дағдыларын шыңдайтын алаңға айналды. Зертхана аясында инженер-конструктор, электроника және борттық бағдарламалық қамтамасыз ету әзірлеушісі, спутниктік байланыс, робототехника және деректерді талдау маманына қажетті құзыреттер қалыптасады.<img src="https://knadmin.beoblood.kz/uploads/Vpervye_kazahstanskie_shkolniki_zapustili_svoj_sputnik_v_kosmos_na_rakete_Space_X_d592972e95.jpg" alt="Впервые казахстанские школьники запустили свой спутник в космос на ракете SpaceX.jpg">

Қазақстандық оқушылардың жер серігі алғаш рет SpaceX зымыранымен ғарышқа ұшты

<a href="https://kyzylorda-news.kz/">Kyzylorda-news.kz</a> Сырдария ауданының әкімі Берік Сәрменбаевтың қатысуымен Халықаралық қарттар күні мерекесіне орай мерекелік іс-шара өтті. Салтанатты іс-шараға ауданның еңбек ардагерлері, қазыналы қариялар, ақ жаулықты аналар мен тұрғындар қатысты.Аудан басшысы қарияларды мерекемен құттықтап, аға буын өкілдерінің ел дамуы жолындағы қажырлы еңбегі үлгі екенін атап өтті.<blockquote>– Мемлекет басшысы Қасым-Жомарт Кемелұлы Тоқаев «Халқымыз үнемі үлкенге құрмет, кішіге ізет көрсете білген. Осы құндылықтарды дәріптеп, бүгінге жеткізу арқылы қарияларымыз ұлт ретінде сақталуымыз үшін барын салған» деп қазыналы қарттарымыздың қоғамдағы рөлін айқындап берді. Бүгінде қарттарға, зейнеткерлер мен ардагерлерге қолдау көрсету – мемлекетіміздің басты басымдықтарының бірі. Мемлекет басшысының қолдауымен елімізде ардагерлердің өмір сүру сапасын жақсарту, әлеуметтік қолдау, медициналық қызмет көрсету мақсатында жүйелі жұмыстар жүргізілуде. Аймағымызда елімізге, өңірімізге танымал меценат, жанашыр азаматтардың демеушілігімен қарияларымыз шипажайларда кешенді сауықтыру қызметтерін алуда. Ауданымызда қарттарға құрмет көрсетудің өзіндік дәстүрі қалыптасқан. Сырдариялық еңбек ардагерлері әркез қоғамдық іс-шараларда белсенділік танытып келеді.Бүгінде облысымызда Ұлы Отан соғысының ардагері, Сырдария ауданының Құрметті азаматы, 104 жастағы батагөй ақсақал Яхия Тасыров атамыз арамызда жүр. Бізге бейбіт өмір сыйлаған қарт майдангерге әрқашан құрмет көрсетіле береді. Ауданда 72 тыл ардагері және 4582 зейнет жасындағы қария кейінгі ұрпаққа үлгі-өнеге көрсетуде.еліміздегі шипажайларға барып, сауықтыру шараларын қабылдағанын атап өткеніміз жөн. Биыл 30 ардагеріміз Түркістан қаласына саяхаттап барып, шаһардың көрікті жерлерін тамашалады. Өнерлі ардагерлеріміз Орал қаласына гострольдік сапармен барып, Жайық халқына Сыр елінің өнерін танытты. Қарияларымыз «Мерейлі отбасы» ұлттық байқауының аудандық, облыстық және республикалық кезеңдеріне қатысып, өнегелі әулет ретінде үлгі болуда. Қарияларымызға үлгі болар өнегелі істеріңіз үшін шынайы алғысымды білдіремін, – деді Берік Әбдіғаппарұлы.</blockquote>Сондай, ақ ауданның қоғамдық өміріне белсене араласып, кейінгі ұрпаққа өнеге көрсетіп жүрген бірқатар еңбек ардагерлері мен қазыналы қарияларға аудан әкімінің "Алғыс хаттары" табысталды.Мерекелік іс-шарада аудан өнерпаздарының концерттік бағдарламасы ұсынылып, мерекелік көңіл-күй сыйлады. Мұнан соң қазыналы қариялар мерекелік дастарханда бас қосып, сый-құрметке бөленді.

«Қариялар – елдің қазынасы» атты мерекелік іс-шара өтті

<a href="https://kyzylorda-news.kz/">Kyzylorda-news.kz</a> Арал ауданының электр инфрақұрылымын жаңғырту және электрмен жабдықтау сапасын арттыру бағытында жүйелі жұмыстар жүргізілуде.Арал қаласының ескірген электр желілерін жаңғырту жұмыстары аяқталуға жақын. Бұл – электрмен жабдықтаудың сенімділігін арттырып, тұрғындарға көрсетілетін қызмет сапасын жақсартуға мүмкіндік береді.Бүгінде Шижаға елді мекеніндегі электр желілерінің құрылысы толық аяқталды. Сексеуіл кентінде электр желілерін кеңейту және жаңадан ашылған мөлтек ауданға желі тарту жұмыстары қарқынды жүргізілуде. Нысанды жыл соңына дейін пайдалануға беру жоспарланып отыр.Ал Абай, Қаратерең, Аралқұм, Қамыстыбас және Аманөткел елді мекендерінің электр желілерін жаңғырту жобалары әзірленіп, сараптамадан өткізіліп, қаржыландыруға ұсынылды.Бұл жұмыстардың барлығы – елді мекендердегі электрмен жабдықтаудың тұрақтылығын қамтамасыз етіп, тұрғындарға қолайлы жағдай қалыптастыруға бағытталған. Жаңарған желі – тұрақты жарық, жайлы тұрмыс және елді мекендердің сенімді инфрақұрылымы.<img src="https://knadmin.beoblood.kz/uploads/Aral_elektr_zhelileri_zha_yrtyluda_60ee09db70.jpg" alt="Арал электр желілері жаңғыртылуда.jpg">

Арал: Электр желілері жаңғыртылуда

<a href="https://kyzylorda-news.kz/">Kyzylorda-news.kz</a> «Заң мен тәртіп» қағидатын насихаттау, кәмелетке толмағандар арасында құқық бұзушылық пен қылмыстың алдын алу, олардың құқықтық сауаттылығын арттыру және қауіпсіз мінез-құлық дағдыларын қалыптастыру мақсатында профилактикалық жиын өтті.Жиын барысында жасөспірімдерге құқық бұзушылық пен қылмыстың алдын алу, қоғамдық тәртіпті сақтау, буллинг пен кибербуллингке жол бермеу, зиянды әдеттерден аулақ болу, интернет желісіндегі қауіпсіздік талаптарын сақтау мәселелері бойынша түсіндіру жұмыстары жүргізілді.Кездесу кезінде кәмелетке толмағандардың құқықтары мен міндеттеріне де ерекше назар аударылды. Жасөспірімдерге заң талаптарын бұзған жағдайда қолданыстағы заңнамада көзделген жауапкершілік түрлері түсіндіріліп, заңды сақтау мен құқықтық тәртіпті құрметтеудің маңыздылығы айтылды.Сонымен қатар, балаларға өздері немесе қатарластары кез келген келеңсіз жағдайға тап болған кезде оған бейжай қарамай, дер кезінде ата-анасына, педагогтерге немесе тиісті мамандарға хабарласу қажеттігі түсіндірілді.Профилактикалық жиын барысында жасөспірімдер өздерін қызықтырған сұрақтарын қойып, мамандардан тиісті жауаптар алды.Мұндай профилактикалық іс-шаралар жасөспірімдердің құқықтық сауаттылығын арттырып, қауіпсіз орта қалыптастыруға, заң талаптарын құрметтеуге және «Заң мен тәртіп» қағидатын берік ұстануға бағытталған.<img src="https://knadmin.beoblood.kz/uploads/Whats_App_Image_2026_10_02_at_11_30_02_1_14777e4eb6.jpeg" alt="Заң мен тәртіп.jpeg">

Қазақстан және Қызылорда облысының жаңалықтары