<a href="https://kyzylorda-news.kz/">Kyzylorda-news.kz</a> Медицина саласы қызметкерлері күніне орай &nbsp;Арал аудандық мәдениет үйінде «Жан қорғаны – дәрігер!» атты салтанатты мерекелік кеш өтті.Мерекелік кештің ашылуында дәрігерлердің еңбегі, қоғамға қалтқысыз қызметі жан-жақты қамтылған бейнеролик жұртшылық назарына ұсынылып, ақ халатты абзал жандарға арналған жүрекжарды лебіздер айтылды.Салтанатты жиында аудан әкімі Аманжол Оңғарбаев сөз сөйлеп, медицина саласы қызметкерлерін кәсіби мерекелерімен құттықтап, адам денсаулығын сақтау жолындағы жауапты еңбектеріне ризашылығын білдірді.<img src="https://knadmin.beoblood.kz/uploads/FB_IMG_1781894449966_fcb5ab58c4.jpg" alt="FB_IMG_1781894449966.jpg">Мереке барысында бірқатар сала мамандары облыс және аудан әкімінің Алғыс хаттарымен марапатталып, еңбектері жоғары бағаланды.Кеш аясында жуырда ауданымызда өткен «Ән қанатындағы Арал» атты республикалық жабық ән байқауында топ жарған ерекше туынды көрерменге ұсынылды. Ақын-сазгер Елена Әбдіхалықованың туған жерге деген сағыныш пен сүйіспеншілікті арқау еткен «Ақ бесік Арал» әні көпшілік ықыласына бөленді. Ән әуелеп, күй қалықтаған керемет кеште мұнан өзге де туған жерге, мандыққа деген адалдықты ұран еткен туындылар шығарқалып, көпшілік көңілін шаттандырды.Мерекелік шара аудан өнерпаздары мен медицина саласы қызметкерлерінің қатысуымен өткен әсерлі концерттік бағдарламамен қорытындыланды.

Аралдық медицина қызметкерлері құрмет төрінде

<a href="https://kyzylorda-news.kz/">Kyzylorda-news.kz</a> «Өнер орталығында» Медицина қызметкерлері күніне арналған «Ұлт саулығын ұлықтаған дәрігер» атты салтанатты іс-шара өтті.Оған облыс әкімі Мұрат Ергешбаев, ҚР Парламенті Сенатының депутаттары Нұртөре Жүсіп, Бекбол Орынбасаров, Амангелді Есбай, құқық қорғау органдарының басшылары, зиялы қауым өкілдері және сала ардагерлері қатысты.Аймақ басшысы ұлт саулығын нығайтуда қажырлы еңбек етіп жүрген ақ халатты абзал жандарды құттықтады.<img src="https://knadmin.beoblood.kz/uploads/FB_IMG_1781894203701_aab85f9f07.jpg" alt="FB_IMG_1781894203701.jpg">«Денсаулығымыздың қорғаны, адам жанының арашасы, мейірім мен ізгіліктің жаршысы болған ақ халатты абзал жандардың еңбегі қашанда елеулі. Мемлекет басшысы Қасым-Жомарт Кемелұлы: «Ұлт саулығы – еліміз үшін бәрінен қымбат құндылық. Сондықтан медицина саласын дамыту мемлекеттің стратегиялық міндеті саналады. Осы орайда, дәрігердің ел өміріндегі орны айрықша екені сөзсіз» деген болатын. Бүгінгі мерейлі мерекеге орай ҚР Премьер-министрінің бірінші орынбасары Нұрлыбек Нәлібаев Сіздерге арнайы құттықтауын жолдады. Еліміздің денсаулық сақтау саласында ерен еңбектің үлгісін көрсетіп жүрген сырбойылық дәрігерлерімізді ерекше мақтанышпен айтамыз. Қазақстанның Еңбек Ері, Сыр перзенті Юрий Владимирович Пя бес мыңнан астам ашық жүрек отасын жасады. Еліміздің бас хирургі, профессор, жерлесіміз Болатбек Баймаханов жетекшілік еткен мамандар тобы медицина тарихында тұңғыш рет бір мезетте үш науқасқа үш донордың бүйрегін трансплантациялау бойынша &nbsp;аса күрделі операцияны сәтті жүзеге асырды. Болатбек Бимендіұлы кеше Президентіміздің қолынан екінші дәрежелі «Барыс» орденін алды. Жерлесімізді жоғары марапатымен барша Сыр жұртшылығының атынан құттықтаймын! Былтыр облыс тарихында алғаш рет бауыр, 10 науқасқа бүйрек трансплантациясы жасалды. Отаның 6 жаңа түрі тәжірибеге енгізілді. Бұл – Сыр медицинасының мүмкіндігі мен мамандардың біліктілігін айқындайтын жарқын мысалдар. Дәрігер – ең ізгі, ең қастерлі мамандық иесі. Халыққа әрдайым адал қызмет етіп, абыройлы болыңыздар!», – деді аймақ басшысы.Рәсімде саланың дамуына елеулі үлес қосқан мамандар «Парасат», «Құрмет» ордендерімен, «Ерен еңбегі үшін», «Шапағат», ҚР Денсаулық сақтау министрлігінің «Еңбек ардагері» медальдарымен, «Денсаулық сақтау ісінің үздігі», «Денсаулық сақтау ісіне қосқан үлесі үшін» төсбелгісімен, «Қазақстанның еңбек сіңірген дәрігері» құрметті атағымен, ҚР Премьер-министрінің бірінші орынбасарының және облыс әкімінің Алғыс хаттарымен, Қызылорда облысының Құрмет грамотасымен марапатталды.​Іс-шара соңында ардагерлерге гүл шоқтары тарту етіліп, мерекелік бағдарлама ұсынылды.​Президенттің, Үкіметтің қолдауымен 2022 жылдан бері аймағымыздың денсаулық сақтау саласына 625 млрд. теңгеге жуық қаржы бөлініп, 41 медицина нысаны ел игілігіне берілді. «Ауылда денсаулық сақтауды жаңғырту» ұлттық жобасы аясында барлық ауданда 28 медицина нысаны салынды. Облыс орталығында емханасы мен онкологиялық бөлімшесі бар 300 орындық көпбейінді аурухананың, 400 және 500 келушіге арналған емханалардың, 200 орындық перинаталдық орталықтың құрылысы жүріп жатыр. Алдағы жылдары тағы бірқатар медицина нысаны қайта жаңғыртылады.

Медицина қызметкерлерін ұлықтаған салтанатты іс-шара өтті 

<a href="https://kyzylorda-news.kz/">Kyzylorda-news.kz</a> Бүгін «Достық үйінде» ҚР Парламенті Сенатының депутаты, Президент сыйлығының лауреаты, Қазақстанның еңбек сіңірген қайраткері, Қызылорда облысының құрметті азаматы Нұртөре Жүсіптің «Жүректегі жапырақ» атты кітабының таныстырылымы өтті.Оған облыс әкімінің орынбасары, Қазақстан Республикасы Президентінің «Байқоңыр» кешеніндегі арнаулы өкілі Қайрат Нұртай, облыстық мәслихат төрағасы Мұрат Тлеумбетов, Сенат депутаттары Бекбол Орынбасаров, Амангелді Есбай, зиялы қауым өкілдері және оқырмандар қатысты.&nbsp;<img src="https://knadmin.beoblood.kz/uploads/Zh_rektegi_zhapyra_kitap_t_saukeseri_3_ff65da8268.jpg" alt="Жүректегі жапырақ кітап тұсаукесері 3.jpg">Іс-шарада депутаттар сөз сөйлеп, Қазақстан Жазушылар одағы Қызылорда облыстық филиалының өкілі Қаршыға Есімсейітова кітаптың көркемдік және тағылымдық мәніне тоқталды.Сондай-ақ Қорқыт Ата атындағы Қызылорда университетінің студенттері жыр шумақтарын оқып, кеш мазмұнын аша түсті. Кездесуде Нұртөре Жүсіп оқырманмен пікір алмасып, жаңа туындының жазылу тарихы, ерекшеліктері мен қамтылған тақырыптары туралы айтты. Қатысушыларға кітапты сыйға тартты.«Жүректегі жапырақта» қоғам, адам тағдыры, ұлттық құндылықтар мен өмір туралы толғаныстар топтастырылған. Автордың өмірден түйген ойлары, замандастары туралы жазбалары мен рухани тақырыптағы эсселері қамтылған.<img src="https://knadmin.beoblood.kz/uploads/Zh_rektegi_zhapyra_kitap_t_saukeseri_d2b5b286b9.jpg" alt="Жүректегі жапырақ кітап тұсаукесері.jpg">

«Жүректегі жапырақ» кітабының таныстырылымы өтті

<a href="https://kyzylorda-news.kz/">Kyzylorda-news.kz</a> Бүгін Жалағаш ауданының әкімі Ардақ Ибраимов Қазақстан Республикасының VIII Халық ойындары аясында өткен облыстық іріктеу жарыстары мен республикалық додада жоғары нәтиже көрсеткен Жалағаш ауданының спортшыларын қабылдап, құрмет көрсетті.Кездесуге жарыс жеңімпаздары мен жүлдегерлері, жаттықтырушылар және спорт саласының ардагерлері қатысты. Аудан әкімі жарыстарда жоғары нәтиже көрсеткен спортшылар мен олардың жаттықтырушыларына алғыс білдіріп, алдағы ойындарға толағай табыс тіледі.<blockquote>«Мемлекет басшысының, Үкіметтің және аймақ басшының қолдауымен өңір тұрғындарының спортпен шұғылдануына қолайлы жағдайлар жасалуда. Өткен жылы аудан орталығында дене шынықтыру-сауықтыру кешені мен «Қазақстан халқына» қоры арқылы салынған Аққыр ауылдық округіндегі спорт кешені ел игілігіне табысталды. Сонымен қатар, орталық стадион қайта жаңғыртудан өткізіліп, Қазақстан футбол федерациясының «Алаң» жобасы аясында жасанды алаң жаңартылды. Спорт саласына қолдау алдағы уақытта да тұрақты жалғасатын болады. Аудан спортшылары әлемдік және Азия чемпионаттары мен облыстық жарыстарда жоғары жетістіктерге қол жеткізуде. Халық ойындарына арналған облыстық іріктеу жарыс қорытындысы бойынша аудан спортшылары жоғары нәтижеге қол жеткізді. Бірқатар спортшыларымыз Түркістан қаласында өткен Республикалық Халық ойындарына қатысып, аудан абыройын асқақтатты. Осы орайда, табандылық пен жоғары шеберліктің үлгісін көрсеткен барлық спортшыларға шынайы алғысымды, зор ризашылығымды білдіремін. Еліміздің Туын асқақтатар, Әнұранымызды халықаралық аренада шырқатар азаматтарымыз көп болсын!», – деді аудан әкімі А.Ибраимов.</blockquote>Айта кетейік, 17-21 мамыр күндері Қазақстан Республикасының VIII Халық ойындарына арналған облыстық іріктеу жарыстары өтті. Дүбірлі додада бес асық, асық ату, шахмат, гір спорты, баскетбол, қазақ күресі, шағын футбол, тоғызқұмалақ, үстел теннисі және қол күресі сынды спорттың 11 түрінен сынға түскен аудан спортшылары жоғары нәтиже көрсетіп, жалпыкомандалық есепте ІІІ орынды иеленді.Сондай-ақ, бірқатар спортшылар Түркістан қаласында өткен республикалық Халық ойындарына қатысып, аудан намысын абыроймен қорғады. Атап айтқанда, жерлесіміз Берікұлы Әділбек қазақ күресінен жекелей есепте І орын иеленіп, жеңіс тұғырына көтерілді.Салтанатты жиында аудан әкімі жарыс жүлдегерлері мен жаттықтырушыларды марапаттады. Жиында спорт саласының ардагерлері Мұрат Жаңабергенов пен Жанат Сейтенов сөз сөйлеп, аудан спортының жетістіктеріне тоқталып, жас спортшыларға ақжарма тілектерін жеткізді.Бүгінде Жалағаш ауданында 14 мыңға жуық тұрғын бұқаралық спортпен тұрақты түрде айналысады. Бұл аудан халқының 39 пайызын құрайды. Сонымен қатар, спорттың әр түрімен шұғылдануға арналған 145 спорт нысаны жұмыс істеп тұр. Аталған бағытта 180-ге жуық спорт маманы еңбек етуде.

Республикалық додада жоғары нәтиже көрсеткен спортшыларды қабылдады

<a href="https://kyzylorda-news.kz/">Kyzylorda-news.kz</a> Аймақ басшысы Мұрат Нәлқожаұлының су ресурстарын тиімді пайдалану және суды аз қажет ететін дақылдардың егіс көлемін ұлғайту жөніндегі тапсырмасына сәйкес, Сырдария ауданының әкімі Берік Сәрменбаев Шаған ауылындағы «Шаған Жер» жауапкершілігі шектеулі серіктестігінің егіс алқаптарын аралап, шаруашылықтың атқарып жатқан жұмыстарымен танысты.Жұмыс сапары барысында аудан басшысы шаруашылықтың өндірістік әлеуетін, егіс алқаптарындағы жағдайды және агротехникалық шаралардың орындалу барысын көріп шықты. Сонымен қатар, серіктестік басшылығымен және сала мамандарымен кездесіп, биылғы егін науқанының барысы мен алдағы жоспарлар жөнінде пікір алмасты.«Шаған Жер» жауапкершілігі шектеулі серіктестігі ауданның ірі ауыл шаруашылығы құрылымдарының бірі болып саналады. Шаруашылықтың негізгі қызмет бағыты – егін және мал шаруашылығы өнімдерін өндіру. Бүгінде серіктестікте 230 адам тұрақты жұмыспен қамтылып отыр. Сонымен қатар, шаруашылық құрамындағы үлескерлер саны 1675 адамды құрайды. Бұл ауыл тұрғындарын жұмыспен қамтуға және олардың әлеуметтік жағдайын жақсартуға елеулі үлес қосып келеді.Шаруашылықтың жалпы ауыл шаруашылығы мақсатындағы жер көлемі 10 246 гектарды құрайды. Оның ішінде 4 500 гектары егістік жер болса, 4 064 гектары жайылымдық алқаптар және 1 682 гектары өзге санаттағы жерлер болып табылады. Бұл жерлер ауыл шаруашылығы өндірісін дамытуға және өнім көлемін арттыруға тиімді пайдаланылуда.2026 жылғы егіс науқаны аясында шаруашылық тарапынан 2 250 гектар жерге күріш, 505 гектарға жүгері, 115 гектарға бидай және 213 гектарға жаңа жоңышқа егілген. Сонымен қатар, 790 гектар ескі жоңышқа алқабында күтіп-баптау жұмыстары жүргізілуде. Биыл су тапшылығының алдын алу және су ресурстарын үнемді пайдалану мақсатында суды аз қажет ететін дақылдардың көлемі ұлғайтылып, әртараптандыру жұмыстары қолға алынған.Жүгері егісін орналастыру үшін қажетті 13,9 тонна жоғары сапалы тұқым сатып алынып, толық көлемде 505 гектар жерге себілген. Егіс жұмыстары белгіленген мерзімде жүргізіліп, оған тұқым сепкіштер, культиваторлар және өзге де ауыл шаруашылығы техникалары жұмылдырылған. Қазіргі таңда дақылдарды күтіп-баптау, минералдық тыңайтқыш енгізу және суару жұмыстары агротехникалық талаптарға сәйкес атқарылуда.Сырдария ауданының әкімі егіс алқаптарын аралау барысында ауыл шаруашылығы саласының аудан экономикасындағы стратегиялық маңызына тоқталып, шаруашылықтардың өнімділікті арттыру бағытындағы жұмыстарын қолдайтынын жеткізді. Сонымен қатар, агротехникалық шараларды уақытылы әрі сапалы орындаудың, заманауи технологияларды енгізудің және су ресурстарын тиімді пайдаланудың маңыздылығын атап өтті.Кездесу соңында аудан басшысы шаруашылық ұжымына алдағы жұмыстарға сәттілік тілеп, егіннің бітік шығуы мен өндірістік көрсеткіштердің артуына бағытталған жұмыстарды жүйелі түрде жалғастыру қажеттігін айтты. Сондай-ақ, ауыл шаруашылығы саласын дамыту, еңбек өнімділігін арттыру және халықтың әл-ауқатын жақсарту бағытындағы міндеттер әрдайым назарда болатынын жеткізді.<img src="https://knadmin.beoblood.kz/uploads/Syrdariya_audanyny_kimi_egis_al_aptaryn_aralady_2_434e2080ef.jpg" alt="Сырдария ауданының әкімі егіс алқаптарын аралады 2.jpg">

 Егін алқаптарын аралап, шаруашылықтың атқарып жатқан жұмыстарымен танысты

<a href="https://kyzylorda-news.kz/">Kyzylorda-news.kz</a> Қазалы ауданы аумағында Конго-Қырым геморрагиялық қызбасы (КҚГҚ) ауруының алдын алу, инфекцияның таралу қаупін төмендету және тұрғындардың санитарлық қауіпсіздігін қамтамасыз ету мақсатында кешенді залалсыздандыру жұмыстары жүйелі түрде жүргізілуде.Санитарлық-профилактикалық іс-шараларға аудандық ауыл шаруашылығы және жер қатынастары бөлімінің басшысы Еркін Сейтов, Алға ауылдық округінің әкімі Алмас Бегалиев, аудандық ветеринариялық станцияның мамандары, «Ұлттық сараптама орталығы» Қазалы аудандық бөлімшесінің «Бактериологиялық және паразитологиялық зерттеу» зертханасының қызметкерлері, сондай-ақ аудандық полиция бөлімінің қызметкерлері қатысып, жұмыстардың сапалы әрі қауіпсіз жүзеге асырылуын қамтамасыз етуде.Іс-шара барысында мамандар ауыл тұрғындарымен кездесіп, Конго-Қырым геморрагиялық қызбасының адам денсаулығына тигізетін қауіп-қатері, аурудың таралу жолдары және одан сақтану шаралары туралы кең көлемде түсіндіру жұмыстарын жүргізуде. Тұрғындарға кене шаққан жағдайда қандай әрекет жасау қажеттігі, жеке бас гигиенасын сақтау және мал шаруашылығымен айналысу кезінде қауіпсіздік талаптарын орындау жөнінде жан-жақты ақпарат берілуде.Сонымен қатар, елді мекендердегі қоражайлар, мал ұстайтын орындар мен аула аумақтарында кенелерге қарсы залалсыздандыру жұмыстары жүргізілуде. Бұл шаралар ауру қоздырғыштарын тасымалдаушы жәндіктердің санын азайтып, індеттің таралу қаупін төмендетуге бағытталған.Қазіргі таңда Ү. Түктібаев ауылындағы қоражайларды залалсыздандыру жұмыстарын «Ala Comfort» жауапкершілігі шектеулі серіктестігі атқаруда. Жұмысқа арнайы жабдықталған 2 техника мен 8 білікті маман жұмылдырылған. Мамандар бекітілген кестеге сәйкес тұрғындардың өтініштері мен қажеттіліктерін ескере отырып, залалсыздандыру жұмыстарын кезең-кезеңімен жүзеге асыруда.Жауапты сала өкілдерінің айтуынша, Конго-Қырым геморрагиялық қызбасының алдын алу бағытындағы санитарлық-профилактикалық шаралар аудан көлемінде алдағы уақытта да тұрақты түрде жалғасатын болады. Негізгі мақсат – тұрғындардың денсаулығын қорғау, эпидемиологиялық ахуалдың тұрақтылығын сақтау және аурудың таралуына жол бермеу.Осыған байланысты аудан тұрғындарын жеке қауіпсіздік шараларын қатаң сақтауға, аула-қоралардың тазалығына тұрақты түрде көңіл бөлуге, малдарды уақытылы дәрілетуге және кене байқалған жағдайда тиісті мамандарға хабарласуға шақырамыз. Аурудың алдын алу – әрбір азаматтың жауапкершілігі мен сақтығына тікелей байланысты.<img src="https://knadmin.beoblood.kz/uploads/Zalalsyzdandyru_zh_mystary_azaly_c8638f64f8.jpg" alt="Залалсыздандыру жұмыстары Қазалы.jpg">

Қазалыда кешенді залалсыздандыру жұмыстары жүйелі түрде жүргізілуде

<a href="https://kyzylorda-news.kz/">Kyzylorda-news.kz</a> Мемлекеттік қызметшілер күніне орай Шиелі ауданында мемлекеттік қызметшілер арасында спорттық сайыстар ұйымдастырылды.Іс-шараның ашылуына аудан әкімі аппаратының басшысы Ғалымжан Каримов қатысып, мамандарды кәсіби мерекемен құттықтап, қатысушыларға сәттілік тіледі.<blockquote>– Баршаңызды Мемлекеттік қызметшілер күніне орай ұйымдастырылып отырған спорттық сайыстың ашылуымен және кәсіби мерекелеріңізбен шын жүректен құттықтаймын! Мемлекеттік қызметшінің кәсіби біліктілігімен қатар, оның салауатты өмір салтын ұстануы да маңызды. Өйткені спорт – денсаулық кепілі ғана емес, ұйымшылдықты, тәртіпті, табандылық пен жеңіске деген жігерді қалыптастыратын маңызды құндылық. Бүгінгі спорттық сайыстар мемлекеттік қызметшілер арасындағы ауызбіршілік пен ынтымақтастықты нығайтып, салауатты өмір салтын насихаттауға бағытталған игі бастама. Осындай жарыстар әріптестік байланысты бекемдеп, қызмет барысында да жоғары нәтижелерге жетуге серпін беретіні сөзсіз, - деді Ғалымжан Каримов.</blockquote>Спорттық сайыстар гір тасын көтеру, арқан тарту және садақ ату түрлері бойынша өткізіліп, қатысушылар өзара бақ сынады. Жарыс қорытындысы бойынша үздік нәтиже көрсеткен жеңімпаз командалар мен жүлдегерлер арнайы марапаттарға ие болды.Іс-шара барысында «Шиелі ауданы әкімінің аппараты» коммуналдық мемлекеттік мекемесінің персоналды басқару бөлімінің басшысы Құттықыз Артыққызы мемлекеттік қызметтің мәртебесін арттыру, қызметшілер арасында салауатты өмір салтын қалыптастыру және ұжымдық бірлікті нығайту бағытында мұндай шаралардың маңызы зор екенін атап өтті.Айта кетейік, аталған сайыс мемлекеттік қызметшілер арасында салауатты өмір салтын насихаттау, бұқаралық спортты дамыту және әріптестер арасындағы ынтымақтастықты нығайту мақсатында ұйымдастырылды.

Мемлекеттік қызметшілер арасында спорттық сайыстар өтті

<a href="https://kyzylorda-news.kz/">Kyzylorda-news.kz</a> Екі елдің ресми делегация мүшелерінің қатысуымен жалғасқан келіссөздер барысында саяси, сауда-экономикалық және мәдени-гуманитарлық ынтымақтастық перспективасы талқыланды.Мемлекет басшысы Черногорияны Қазақстанның Балқан түбегіндегі сенімді серіктестерінің бірі ретінде атады. Сонымен қатар ел басшылығының Еуропа Одағына мүше болуды көздеген сындарлы әрі дәйекті саясатына жоғары баға берді.<blockquote>– Президент мырза, Сіз реформаларды ілгерілетіп, Еуропа Одағы мүшелігіне үміткер саналатын Черногорияның позициясын нығайтуда маңызды рөл атқарып келесіз. Осы ұлттық стратегиялық мақсатқа жету жолында табыс тілейміз, – деді Қасым-Жомарт Тоқаев.</blockquote>Президент Қазақстанның Черногориямен серіктестік қарым-қатынасты жандандыруға ниетті екенін жеткізіп, соңғы жылдары тұрақты сипат алған жоғары деңгейдегі саяси байланыстардың арқасында ынтымақтастық қарқынды дамып келе жатқанына тоқталды.Қасым-Жомарт Тоқаевтың айтуынша, Подгорицада Қазақстан Бас консулдығының ашылуы Астананың екіжақты байланыстарды барынша кеңейтуге бейіл екенін көрсетеді. Осы орайда Президент елордамызда Черногорияның дипломатиялық миссиясын ашу, сондай-ақ парламентаралық байланыстарды күшейту жөніндегі қарымта қадамдардың маңызын атап өтті.Мемлекет басшысы бизнес өкілдерінің бүгінгі кездесуі мен сауда палаталары арасында қол қойылатын Өзара түсіністік туралы меморандум іскерлік қатынастарды дамытуға септігін тигізетініне сенім білдірді.<blockquote>– Қазақстан нарығына кіргісі келетін черногориялық компанияларды қуана қарсы аламыз. Кәсіпкерлеріңізге қолайлы жағдай жасауға дайынбыз, – деді Президент.</blockquote>Яков Милатович Қазақстанға сапары екіжақты дипломатиялық байланыс орнағанына 20 жыл толуымен тұспа-тұс келіп отырғанына мән берді.<blockquote>– Бұл сапар саяси тұрғыдан екі ел арасындағы сенім деңгейі жоғары екенін байқатады. Оның іскерлік бөлігіне жауапты Экономикалық палата да сапардың мазмұнды өтуіне мүдделі. Сауда палаталары арасында қол қойылатын Өзара түсіністік туралы меморандум тығыз экономикалық ықпалдастыққа тың серпін береді деп санаймын, – деді Черногория Президенті.</blockquote>Оның айтуынша, Қазақстан визасыз режим қолданылатын елдердің қатарына кіреді.<blockquote>– Біз қазір Еуропа Одағына мүше болу үдерісінің соңғы кезеңіндеміз. 2028 жылы Одақтың толық мүшесі боламыз деп үміттенеміз. Бұл Черногория мен Қазақстан арасындағы серіктестікті нығайтатын тағы бір алаң болмақ, – деді Яков Милатович.</blockquote>Тараптар өзара сауда көлемін ұлғайту, көлік-логистика, ауыл шаруашылығы және цифрландыру сияқты экономиканың басты секторларындағы ынтымақтастықты арттыру мүмкіндіктерін қарастырды.Сонымен қатар мемлекеттер басшылары екі елдің туризм, жоғары білім және ғылым салаларындағы серіктестігін, мәдени-гуманитарлық байланыстарын ілгерілетуге уағдаласты. Бұл бастамалар халықтарымыздың достығы мен өзара түсіністігін нығайта түседі.Осы орайда Қасым-Жомарт Тоқаев Черногория Ұлттық кітапханасы жанынан Абай орталығын ашуға ықпал еткені үшін Яков Милатовичке ризашылығын білдірді.Бұдан бөлек, президенттер жаһандық және өңірлік күн тәртібіндегі өзекті мәселелер жөнінде пікір алмасты.Келіссөздер қорытындысы бойынша Қасым-Жомарт Тоқаев пен Яков Милатович Бірлескен мәлімдеме қабылдады.

Қасым-Жомарт Тоқаев пен Яков Милатович кеңейтілген құрамда келіссөз жүргізді

<a href="https://kyzylorda-news.kz/">Kyzylorda-news.kz</a> Шиелі ауданының әкімі Айтбай Жандарбеков аудан ардагерлері мен жауапты сала басшыларын ертіп, Шиелі кентіндегі Абай көшесінде орналасқан спорт кешенінде жүргізіліп жатқан күрделі жөндеу жұмыстарының барысымен танысты. Жұмыс сапасын бақылау және нысанның уақытылы пайдалануға берілуін қамтамасыз ету мақсатында ұйымдастырылған аралау барысында құрылыс алаңындағы атқарылып жатқан жұмыстар жан-жақты зерделенді.Қазіргі таңда спорт кешенін жаңғырту жұмыстарын «СК ЛИРА» жауапкершілігі шектеулі серіктестігі жүргізуде. Жалпы құны 249 миллион теңгені құрайтын жоба аясында ғимаратты толық жаңарту көзделген. Бүгінде нысанда ішкі әрлеу жұмыстары жүргізіліп, инженерлік желілер жаңартылуда. Сонымен қатар, ғимараттың шатыр жабындысы толықтай ауыстырылып, заманауи талаптарға сай қайта жабдықталуда.Нысанды аралау барысында аудан басшысы құрылыс жұмыстарының сапасына ерекше мән беріп, мердігер мекеме өкілдеріне барлық жұмыстарды белгіленген талаптарға сәйкес әрі бекітілген кесте бойынша аяқтауды тапсырды. Сондай-ақ, құрылыс барысында қауіпсіздік техникасының сақталуы, жұмысшыларға қолайлы жағдай жасалуы және қолданылатын құрылыс материалдарының сапасына тұрақты бақылау жүргізудің маңыздылығын атап өтті.Кездесу барысында жауапты мамандар жөндеу жұмыстарының қазіргі ахуалы мен алдағы жоспарлары жөнінде баяндап, жобаның кезең-кезеңімен жүзеге асырылып жатқанын жеткізді. Өз кезегінде аудан әкімі құрылыс жұмыстарының сапалы орындалуы тұрғындардың игілігі үшін аса маңызды екенін айтып, әрбір атқарылатын жұмысқа жауапкершілікпен қарау қажеттігін ескертті.Жаңғырту жұмыстары толық аяқталғаннан кейін спорт кешені заман талабына сай жабдықталып, аудан тұрғындарына сапалы қызмет көрсететін маңызды әлеуметтік нысанға айналмақ. Әсіресе жастар мен жасөспірімдердің спортпен тұрақты айналысуына қолайлы жағдай жасалып, түрлі спорттық іс-шаралар мен жарыстарды өткізуге мүмкіндік кеңейеді.Аталған жоба өңірде бұқаралық спортты дамытуға, тұрғындардың дене белсенділігін арттыруға және салауатты өмір салтын насихаттауға оң ықпал етеді. Сонымен қатар, заманауи спорт инфрақұрылымының қалыптасуы аудан тұрғындарының бос уақытын тиімді өткізуіне және жас буынның спортқа деген қызығушылығын арттыруға тың серпін бермек.

Спорт кешеніндегі күрделі жөндеу жұмыстарының барысын бақылады

<a href="https://kyzylorda-news.kz/">Kyzylorda-news.kz</a> Жалағаш ауданы Ақсу ауылдық округінде тұрғындардың өмір сүру сапасын жақсартуға бағытталған инфрақұрылымдық жобалар кезең-кезеңімен жүзеге асырылуда. Соның бірі – ауылішілік көшелерді жөндеу және асфальттау жұмыстары.Осыған байланысты Жалағаш ауданының әкімі Ардақ Ибраимов Ақсу ауылдық округіне арнайы барып, жол құрылысының барысымен танысты. Сапар барысында аудан басшысы мердігер мекеменің жұмысын бақылап, құрылыс жұмыстарының сапасы мен белгіленген мерзімде аяқталуына ерекше назар аударды.Айта кету керек, бұған дейін аудан әкімінің ауыл тұрғындарымен өткізген кездесуінде жол мәселесі көтерілген болатын. Кездесу барысында тұрғындар ауыл көшелерінің жағдайын жақсарту қажеттігін айтып, ұсыныстарын жеткізген еді. Халықтың өтініші мен ұсынысы ескеріліп, облыс әкімінің қолдауымен Ақсу ауылындағы М.Әуезов, Т.Қожағұлов және Ақбөгет көшелеріне асфальт төсеу жобасы қолға алынды.Қазіргі таңда аталған көшелерде құрылыс-монтаж жұмыстары қарқынды жүргізілуде. Жобаның жалпы ұзындығы 3,1 шақырымды құрайды. Жол құрылысы жұмыстарын «Р и А Сервис ЛТД» жауапкершілігі шектеулі серіктестігі жүзеге асыруда. Жоба аясында көшелерге жаңа асфальт жабыны төселіп, жолдардың сапасы мен қауіпсіздігі жақсармақ.Құрылыс алаңында болған Жалағаш ауданының әкімі Ардақ Ибраимов жауапты мамандарға нақты тапсырмалар беріп, әрбір жұмыстың сапалы орындалуы тұрғындар үшін маңызды екенін атап өтті.<blockquote>– Халықтың өмір сүру сапасын арттыруға бағытталған әрбір жобаның нәтижесі тұрғындарға нақты пайдасын тигізуі тиіс. Сондықтан жол құрылысы белгіленген талаптарға сай, сапалы әрі уақытылы аяқталуы қажет. Жауапты мекемелер құрылыс барысын тұрақты бақылауда ұстауы керек, – деді аудан әкімі.</blockquote>Соңғы жылдары Ақсу ауылында инфрақұрылымды дамыту бағытында ауқымды жұмыстар атқарылып келеді. Атап айтқанда, өткен жылы Беркінбай кәлпе – Жалағаш бағытындағы автомобиль жолына күрделі жаңғырту жұмыстары жүргізіліп, жол толықтай асфальтталды. Бұл өз кезегінде тұрғындардың қатынасын жеңілдетіп, елді мекендер арасындағы көлік қозғалысының қауіпсіздігін арттырды.Сонымен қатар бүгінде Ақсу ауылының тұрғындары көгілдір отынның игілігін көруде. Ауылды газдандыру жобасының жүзеге асуы халықтың тұрмыс сапасын жақсартуға оң әсерін тигізді. Бұдан бөлек, елді мекендегі электр желілерін жаңарту жұмыстары да жүргізіліп, инженерлік инфрақұрылымның сенімділігі арттырылды.Жергілікті билік өкілдерінің айтуынша, Ақсу ауылын дамыту бағытындағы жұмыстар мұнымен шектелмейді. Алдағы уақытта да ауылдың әлеуметтік және инженерлік инфрақұрылымын жақсартуға бағытталған жобалар кезең-кезеңімен жүзеге асырылып, тұрғындардың әл-ауқатын арттыруға басымдық беріле бермек.

Жалағаш: Инфрақұрылымдық жобалар кезең-кезеңімен жүзеге асуда

<a href="https://kyzylorda-news.kz/">Kyzylorda-news.kz</a> Бүгін облыс әкімі Мұрат Ергешбаевтың қатысуымен «Әке тәрбиесі – ұлттың рухани діңгегі» атты облыстық әкелер форумы өтті. Оған &nbsp;«Әкелер одағы» республикалық қоғамдық бірлестігі төрағасының орынбасары Бекдайыр Күзембай, мәслихат депутаттары, зиялы қауым өкілдері, аудандардан келген, түрлі салада табысқа жетіп, кәсібі мен еңбегі арқылы елге үлгі болып жүрген азаматтар қатысты.Биыл әкелер форумы төртінші мәрте ұйымдастырылуда. Бұл – ұлттық құндылықтарды дәріптеп, ер азаматтың отбасы мен қоғамдағы мәртебесін арттыруға бағытталған маңызды алаң.<img src="https://knadmin.beoblood.kz/uploads/Oblysty_keler_forumy_79cf19c659.jpg" alt="Облыстық әкелер форумы.jpg"><blockquote>«Президентіміз Қасым-Жомарт Кемелұлы: «Әке жауапкершілігі – отбасының беріктігі мен ұрпақ тәрбиесінің негізі. Біздің қоғамда әкенің рөлін арттыру, оның отбасындағы беделін нығайту – өте маңызды міндет» деген болатын. Ұлттың сапасы, болашақ ұрпақтың азаматтық болмысы әкенің берген тәрбиесіне тікелей байланысты. Жаңа Конституциямызда «Неке мен отбасы, ана мен әке және бала мемлекеттің қорғауында болады» деп нақты көрсетілген. Бұл отбасы құндылықтары мемлекеттік саясаттың негізгі өзегіне айналғанын айқын дәлелдейді. Әке – тек отбасын асыраушы емес, баланы жауапкершілікке, еңбекқорлыққа және Отанға деген сүйіспеншілікке баулитын алғашқы мектеп. Баланың болашағына әсер ететін ең қуатты күш – отбасындағы тәрбие, әкенің өнегесі. Сондықтан, «Адал адам», «Заң мен тәртіп», «Таза Қазақстан» секілді мемлекеттік бастамаларды қоғамда орнықтыру ең алдымен отбасынан басталуы тиіс. Баршаңызды ел мүддесіне адал қызмет етуге және ұрпақ тәрбиесіне зор жауапкершілікпен қарауға шақырамын», – деді Мұрат Нәлқожаұлы.</blockquote>Іс-шарада отбасы құндылықтарын насихаттап, өскелең ұрпақ тәрбиесіне елеулі үлес қосып жүрген әкелер облыс әкімінің Алғыс хатымен және бағалы сыйлықтармен марапатталды. «Әкелер одағы» республикалық қоғамдық бірлестігі төрағасының орынбасары Бекдайыр Нығметұлы, ішкі істер органдарының ардагері Әмірбек Бердібекұлы, жас ақын, республикалық Ғани Мұратбаев атындағы жастар сыйлығының иегері Ақжол Ғабитұлы, өнегелі әке Дәулет Амангелдіұлы, «Бақытты әйел» жобасының спикері Нұрсәуле Дүйсембайқызы тақырып аясында мазмұнды баяндама жасады. «Қазақстан дауысы – 2023» жобасының финалисі Нұрислам Тілеухан әсем ән орындап, оған қоғамдық бірлестік атынан смарт-теледидар сыйға берілді.Форумда «Қызылорда» супермаркетінің жұмысшысы Камалов Жандос Құдайбергенұлына үш бөлмелі пәтердің кілті табысталды. Жандос Құдайбергенұлы – &nbsp;мүмкіндігі шектеулі жұбайына &nbsp;және екі баласына қамқор болып отырған ардақты әке.<img src="https://knadmin.beoblood.kz/uploads/Oblysty_keler_forumy_3_40e33eb948.jpg" alt="Облыстық әкелер форумы 3.jpg">

Қызылордада облыстық әкелер форумы өтті

<a href="https://kyzylorda-news.kz/">Kyzylorda-news.kz</a> Қармақшы ауданы әкімінің тапсырмасымен Шамшат Төлепова атындағы аудандық мәдениет үйінде ақ халатты абзал жандардың еңбегін ұлықтауға және Медицина қызметкерлері күніне арналған «Адам жанының шипагерлері» атты салтанатты іс-шара өтті.Адам өмірі мен денсаулығын сақтауды басты мақсат еткен сала мамандарының кәсіби мерекесіне арналған шара бейнероликпен басталып, медицина қызметкерлерінің қоғамдағы орны дәріптелді.<blockquote>– Бүгінде Президентіміздің, Үкіметтің және аймақ басшысының ерекше қолдауымен ауданымыздың денсаулық сақтау саласында ауқымды өзгерістер жүріп жатыр. 2024-2025 жылдары тұрғындардың қолайлы ем алуына материалдық-техникалық базасы жаңартылған Дауылкөл, Ақжар, Дүр Оңғар ауылдық округтерінде 3 дәрігерлік амбулаториялар ел игілігіне пайдалануға берілсе, Қуаңдария мен Қармақшы ауылдарында фельдшерлік акушерлік бекеттер салынды. Сонымен қатар 2025 жылы аудандық ауруханаға 219 млн теңгеге және Байқоңыр қалалық көп бейінді ауруханасы 31 млн теңге қаржыға жаңа медициналық құрал – жабдықтармен қамтылса, соңғы үш жылда 15 жаңа жедел жәрдем көлігі табысталды. Сіздердің уақытпен санаспай еселі еңбек етулеріңіздің нәтижесінде ауданымыздың медициналық қызмет сапасын арттыру, ана мен бала денсаулығын қорғау шаралары бойынша жоғары көрсеткішке қол жеткізіп, атқарылған жұмыс сапасы жаңа деңгейге көтерілді, – деді аудан әкімінің орынбасары Шынғыс Сыдықов.</blockquote>Мерекелік жиын барысында денсаулық сақтау саласының дамуына сүбелі үлес қосып жүрген бірқатар қызметкерлер облыс және аудан әкімінің «Алғыс хатымен» марапатталды.Іс-шарада Қармақшы аудандық ауруханасының бас дәрігері Бақытжан Нысанбаев үздік қызметкерлерге арнайы марапаттар табыстап, әріптестеріне алдағы жұмыстарына табыс тіледі.Мерекелік кеште аудан өнерпаздары мен мереке иелері әсем ән мен биден шашу шашып, ақ халатты абзал жандарға көтеріңкі көңіл-күй сыйлады.Айта кетсек бүгінде киелі Қармақшы ауданында 700-ден астам медицина қызметкері халық денсаулығын сақтау жолында абыройлы еңбек етуде.

Қазақстан және Қызылорда облысының жаңалықтары