<a href="https://kyzylorda-news.kz/">Kyzylorda-news.kz</a> Ақтөбе облысында өткен жылы қалпына келтірілген Щербаков бөгеті су тасқынынан бұзылды. Бұл туралы <a href="https://stan.kz/news-397662/">Stan.kz</a> ақпарат агенттігі хабарлайды.Әйтеке би ауданының әкімі Дәулетияр Тугузбаев тұрғындардың эвакуацияланатынын айтты.<blockquote>"Құрметті жерлестер, Жүргенов және Талдысай ауылдарының тұрғындары. Өткен жылы қалпына келтірілген Щербаков бөгеті судың көп мөлшерінің ағып кетуіне байланысты бұзылды. Сондықтан біз қазір шұғыл эвакуация жүргізіп жатырмыз, оны кеше жарияладық. Бірақ “көшемізге бұрын&nbsp;су келмейтін” деп эвакуациялағысы келмейтін адамдар бар", - деді Әйтеке би ауданының әкімі.</blockquote>ТЖМ Ақтөбе облысының Әйтеке би ауданында Щербаков бөгеті шлюзінің үстінде жарықтар пайда болғанын осыған дейін&nbsp;хабарлаған. 29 наурызда бөгет бұзылып, су Жүргенев ауылының шетіндегі Ырғыз өзеніне кете бастады.ТЖД күшімен Талдысай ауылындағы және Жүргенов ауылындағы 45 жеке тұрғын үйден 149 адам алдын ала эвакуацияланды.Қазір тұрғындарды аталған ауылдардан эвакуациялау басталды. 251 адам өзін-өзі эвакуациялады, оның ішінде 87 бала және 320 ірі қара, 340 ұсақ мал, 606 құс бар.6 құс бар.Фото&nbsp;pexels.com

Ақтөбе облысында су тасқынынан Щербаков бөгеті бұзылды

Сот оны 4 жыл мерзімге бас бостандығынан айырды.Астана тұрғыны &nbsp;бір топ адаммен сөз байласып 1 млрд теңгеден астам қаржыға &nbsp;жалған шот-фактуралар жазып берген, деп хабарлайды <a href="http://sn.kz/">Skifnews.kz</a> ақпарат порталы.Қаржылық Мониторинг Агенттігінің &nbsp;Астана қаласы бойынша департаменті «Каз Монтаж Энерджи» ЖШС атынан 1 млрд астам сомаға жұмыстарды, қызметтерді көрсетуді және тауарларды жөнелтуді жүзеге асырмай, жалған шот-фактураларды жазып беру фактісі бойынша сотқа дейінгі тергеуді аяқтады.<blockquote>«Ұйымдастырушы 2021 жылдың желтоқсан айынан бастап 2022 жылдың маусым айына дейінгі аралықта Астана қаласында бір топ тұлғалармен алдын ала сөз байласу арқылы «Каз Монтаж Энерджи» ЖШС атынан «ТазалыкЭксперт» ЖШС және «Bertys Construction» ЖШС-не іс жүзінде қызмет көрсетпестен шот-фактуралар жазып берген», - делінген хабарламада.</blockquote>Сот оны 4 жыл мерзімге бас бостандығынан айырды.Фото: Pixabay

1 млрд теңге: Астанада жалған шот-фактуралар жазған адам сотталды

<a href="https://kyzylorda-news.kz/">Kyzylorda-news.kz</a> Қызылордада «Санитарлық тазарту, көркейту және көгалдандыру» атты екі айлық акция өтуде.&nbsp;Бүгін облыс әкімі Нұрлыбек Нәлібаевтың қатысуымен сол жағалауда жаңадан бой көтерген автовокзал аумағына тал егілді. Оған облыстық мәслихат төрағасы Наурызбай Байқадамов, қала әкімі Серік Қожаниязов, мәслихат депутаттары және басқарма басшылары қатысты.Тал егу акциясы аясында облыстық табиғи ресурстар және табиғат пайдалануды реттеу басқармасына қарасты орман және жануарлар дүниесін қорғау жөніндегі мемлекеттік мекемесі 15 мың көшетті тегін таратты. Қазір елді мекендерге көшеттер отырғызылуда. Қызылорда қаласы мен аудандарда әр апта сайын тазалық сенбілігі өтуде.Айта кетейік, Дүниежүзілік Банктің Кызылорда қаласы аумағында жасыл желек өсіру жобасына сәйкес, өткен жылы көктемде Кызылорда орман және жануарлар дүниесін қорғау жөніндегі мемлекеттік мекемесі Тартоғай орманшылығының "Қалмас" учаскесіне 3000 гектар сексеуіл көшеті егілді. Жобаның мақсаты "Кызылорда - Жезқазған" автожолы бойына жасыл белдеу құру.&nbsp;Бұған қоса, осы жылдың 15 наурызынан бастап орман екпелері 300,000 сексеуіл көшетімен толықтырылды. Бүгінде сексеуіл екпелерін егу жұмыстары 100 пайыз бітті.&nbsp;<img src="https://knadmin.beoblood.kz/uploads/434757952_718381867149727_7441803079002805190_n_4278da605c.jpg" alt="434757952_718381867149727_7441803079002805190_n.jpg"><img src="https://knadmin.beoblood.kz/uploads/434744214_718381687149745_1192687290303405362_n_1689901454.jpg" alt="434744214_718381687149745_1192687290303405362_n.jpg">Фото: Қызылорда облысы әкімінің баспасөз қызметі<img src="https://knadmin.beoblood.kz/uploads/434737053_718381720483075_8586100886955450453_n_439975bc47.jpg" alt="434737053_718381720483075_8586100886955450453_n.jpg"><img src="https://knadmin.beoblood.kz/uploads/434732005_718381917149722_463018112980134153_n_9db070e192.jpg" alt="434732005_718381917149722_463018112980134153_n.jpg"><img src="https://knadmin.beoblood.kz/uploads/434723862_718381897149724_2255886292177327466_n_d611d1462d.jpg" alt="434723862_718381897149724_2255886292177327466_n.jpg"><img src="https://knadmin.beoblood.kz/uploads/434723326_718381713816409_8147247272434436616_n_69e68525e4.jpg" alt="434723326_718381713816409_8147247272434436616_n.jpg"><img src="https://knadmin.beoblood.kz/uploads/434723273_718381797149734_8760990644749630230_n_9901890b66.jpg" alt="434723273_718381797149734_8760990644749630230_n.jpg"><img src="https://knadmin.beoblood.kz/uploads/434721546_718381953816385_6470518879153472029_n_922b5948eb.jpg" alt="434721546_718381953816385_6470518879153472029_n.jpg">

Қызылордада «Санитарлық тазарту, көркейту және көгалдандыру» атты акция өтуде

Мәжілістің Экология мәселелері және табиғат пайдалану комитетінің төрағасы Еділ Жаңбыршиннің жетекшілігімен «Жануарларға жауапкершілікпен қарау туралы» Қазақстан Республикасының Заңына өзгерістер мен толықтырулар енгізу туралы» заң жобасының таныстырылымы өтті.Отырысты ашқан Еділ Жаңбыршин аталған заң жобасы 2023 жылғы 19 сәуірде Мемлекет басшысы Қасым-Жомарт Тоқаевтың еліміздің әлеуметтік-экономикалық даму мәселелері жөніндегі кеңейтілген кеңесінде берілген тапсырмасына сәйкес Мәжіліс депутаттарының бастамасымен әзірленгенін айтты, - деп хабарлайды&nbsp;<a href="https://aikyn.kz/264707/264459/264431/264177/264146/263974/263938/263829/263810/263760/263711/263551/263525/263337/263238/263211/263052/263030/262923/262898/262860/262768/262750/Aikyn.kz.">Aikyn.kz</a>.Жиында заң жобасына бастамашылық жасаған депутаттардың бірі Самат Мұсабаев баяндама жасады. Депутаттың пікірінше, заң жобасын әзірлеуге бұралқы иттер мен қараусыз қалған жануарларды реттеуде қолданыстағы заңның нақты нәтиже бермеуі негіз болған.&nbsp;–&nbsp;Қоғамда көптеген қордаланған резонансты жағдай болып отыр. Атап айтсам, бұралқы иттер және қараусыз қалған жануарлардың адамдарға, оның ішінде балаларға агрессия көрсетіп, денсаулықтарына нұқсан келтірген. Сайлаушылардың депутаттармен кездесулерінде қолданыстағы заңды қайта қарау жөніндегі талаптары да бар. Сонымен қатар БАҚ өкілдерінің және әлеуметтік желілерде қоғамның бұралқы және қараусыз қалған иттердің мәселесін жиі көтеруі себеп болып отыр. Мемлекет басшысы атап өткендей, біз жануарларға қамқорлық жасауымыз керек, бірақ олардың адамдарға, әсіресе, балаларға қатысты агрессиясына жол бермеу керекпіз, – деді С.Мұсабаев.&nbsp;Осыған байланысты, депутаттар тарапынан заң жобасына біршама ұсыныс енгізілген. Біріншіден, жануарларды есепке алудың бірыңғай электронды базасын орталықтандыру. Екіншіден, жануарды уақытша ұстау орнына орналастырғанға дейін жануардың иесіне одан бас тартуға тыйым салуды белгілеу, сондай-ақ жануардың иесіне оны далаға тастамай, уақытша ұстау орнына өткізуді міндеттеу. Үшіншіден, жануарлар агрессия танытып, шабуылдаған жағдайларда жергілікті атқарушы органдардың осындай оқиғаларға шұғыл ден қою шараларын ұйымдастыру міндетін белгілеу. Төртіншіден, ауруға шалдыққан, агрессия көрсететін, зооқорғау ұйымдары мен өзге де тұлғалар тарапынан орнастырылмаған және талап етілмеген жануарлардың санын реттеу үшін, егер олар бұралқы иттер болса 15 күн ішінде, ал егер олар қараусыз қалған жануарлар болса 60 күн ішінде эвтаназия қолдану секілді нормалар қарастырылған.Отырыс барысында Мәжіліс депутаттары&nbsp; мен қоғам өкілдері қызу пікір алмасып, сұрақтарын қойды. Атап айтқанда, Мәжіліс депутаты Мархабат Жайымбетұлы, «Animal Law ПЮК «KazBar» комитетінің басшысы Ольга Ченцова,&nbsp; Ұлытау облыстық мәслихатының тұрақты комиссиясының төрағасы &nbsp;Еркебұлан Бодықов, Павлодар облыстық мәслихатының депутаты Махамбет Амангелдіұлы және тағы басқалар бұралқы иттер мәселесіне қатысты ойларын айтты.&nbsp;Депутаттар мен қоғам өкілдері тарапынан берілген ұсыныстардың барлығы ескеріліп, Экология мәселелері және табиғат пайдалану комитетінің мүшесі Ерболат Сатыбалдин жетекшілік ететін жұмыс тобында талқыланатын&nbsp; болады.&nbsp;Айта кету керек, әлемнің 40-тан астам еліндегі қаңғыбас иттердің санын реттеудің халықаралық заңнамасына талдау жүргізілді. Нәтижесінде, Еуропаның көптеген елдері, соның ішінде Скандинавия елдері, Канада, АҚШ, Жаңа Зеландия және Австралия қайтымсыз аулау жүйесін ұстанатыны анықталды. Осы стратегияға сәйкес, егер шартты мерзім ішінде ит иесі табылмаса, онда ол эвтанизацияланады. Еуропаның кейбір елдерінде, Германияда, Австрияда, Испанияда, Италияда және Чехияда заңға сәйкес қаңғыбас иттерді өмір бойы баспаналарда ұстайды.&nbsp;<img src="https://knadmin.beoblood.kz/uploads/433869453_426310343417559_7852762953111902154_n_312f7fe601.jpg" alt="433869453_426310343417559_7852762953111902154_n.jpg"><img src="https://knadmin.beoblood.kz/uploads/434025774_426310420084218_6559479414548520584_n_bd4a010e23.jpg" alt="434025774_426310420084218_6559479414548520584_n.jpg">

Мәжілісте жануарларға жауапкершілікпен қарау туралы заң жобасының таныстырылымы өтті

29 наурызда Қытайдағы Қазақстан туризмі жылының ресми ашылу салтанаты, мәдени бағдарламасы бар этноауыл, сондай-ақ көрнекті әртістердің қатысуымен өтетін үлкен гала-концерт болады.Бүгін Бейжіңде салтанатты жағдайда Қытайдағы Қазақстан туризмінің жылы басталды, деп хабарлайды Skifnews.kz ақпарат порталы.28-29 наурызда Бейжіңде екі ел өкілдерінің қатысуымен бірқатар іс-шаралар жоспарланған. Іс-шараның бірінші күні Қазақстан-Қытай туристік және инвестициялық форумынан басталды. Туризм және спорт министрі Ермек Маржықпаев құттықтау сөз сөйледі.Қытай Халық Республикасындағы Қазақстанның туризм жылы – екі ел арасындағы достық қарым-қатынасты нығайтуға ықпал ететін ерекше іс-шара. Бүгінгі іс-шарамыз осы мақсатқа жету жолындағы маңызды қадам болып отыр. Біздің диалогымыз жемісті және ұзақ мерзімді ынтымақтастықтың негізін құрай отырып, туризм саласындағы серіктестіктің жаңа көкжиектерін ашады деп сенеміз, – деді министр.Фото: Туризм және спорт министрлігіОл Қазақстандағы әр бағыттың әлеуеті туралы айта келе, форумға қатысушыларды биыл Қытайдағы Қазақстан туризмі жылы аясында өтетін іс-шараларға қатысуға шақырды. Оның айтуынша, биылғы жылға олардың 35-тен астамы жоспарланған.Туризм және инвестициялық форумда «Қытай саяхатшылары үшін Қазақстандағы ұйымдастырылған туризм мүмкіндіктері» мен «Туристік бизнестегі әріптестік: Қазақстан-Қытай арасындағы инвестициялық мүмкіндіктер» деген тақырыпта отырыс болды.Кездесуде қытайлық саяхатшылар үшін ұйымдастырылған туризм мүмкіндіктері мен Қазақстан-Қытайдың инвестициялық мүмкіндіктері талқыланды.Сондай-ақ форумға қатысушылар үшін бірегей көрме ұйымдастырылды, онда қонақтар Қазақстанның барлық 17 аймағының көрікті жерлерімен таныса алды.Форум соңында қазақстандық және қытайлық тараптар арасында бірқатар меморандумдарға қол қойылды.Ертең, 29 наурызда Қытайдағы Қазақстан туризмі жылының ресми ашылу салтанаты, мәдени бағдарламасы бар этноауыл, сондай-ақ көрнекті әртістердің қатысуымен өтетін үлкен гала-концерт болады.Фото: Туризм және спорт министрлігі<img src="https://knadmin.beoblood.kz/uploads/Bez_nazvaniya_044daf85e8.jpg" alt="Без названия.jpg">

Қытайда Қазақстан туризмі жылы басталды

<a href="https://kyzylorda-news.kz/">Kyzylorda-news.kz</a> Үкімет басшысы адам өмірін сақтап қалу және апат зардаптарын азайтудың басты мәселе екенін айтты.ҚР Премьер-министрі Олжас Бектенов ТЖМ-нің Дағдарыстық жағдайларда басқару орталығында төтенше жағдайлар министрі Шыңғыс Әріновтің есебін тыңдады. Аумақтық ТЖД-лар бейнеконференцбайланыс режимінде қосылды, деп хабарлайды&nbsp;<a href="http://inbusiness.kz/">inbusiness.kz&nbsp;</a>сайты Үкіметтің баспасөз қызметіне сілтеме жасап.ТЖМ деректері бойынша әкімдіктермен бірлесіп, 2,3 млн текше метрден астам ағын су шығарылып, 162 мыңнан астам құм толтырылған қапшық және 31 587 тонна инертті материал төселді. Апаттық-құтқару жұмыстарына 6 349 адам, 2 192 техника, 689 сорғы құралы және т.б. жұмылдырылды.<blockquote>"Бұл – соңғы жылдардағы ең үлкен су тасқыны. Қазір бастысы – адам өмірін сақтап қалу және апат зардаптарын азайту. Кейін жекелеген лауазымды тұлғалардың өз қызметтік міндеттеріне салғырт қарауының ықтимал фактілерін анықтау мақсатында егжей-тегжейлі тексеру жүргізілетін болады. &nbsp;Мен бұл мәселені Бас прокурормен талқыладым. Бүгінде барлық күш су тасқынына қарсы жұмыстарға жұмылдырылды. Бірқатар өңірде&nbsp;ТЖ режимі жарияланды. Менің бірінші орынбасарым Роман Васильевич Скляр ең қатты зардап шеккен өңірлерде жүр",&nbsp;— деді Олжас Бектенов.</blockquote>Үкімет басшысы сондай-ақ солтүстік өңірлерде де су басу қаупі бар екенін атап өтті. Бұған дейін Солтүстік Қазақстан облысындағы су тораптарының жағдайы тексерілген болатын.Үкімет басшысы сондай-ақ солтүстік өңірлерде де су басу қаупі бар екенін атап өтті. Бұған дейін Солтүстік Қазақстан облысындағы су тораптарының жағдайы тексерілген болатын.

Олжас Бектенов: Бұл – соңғы жылдардағы ең үлкен су тасқыны

Үкімет неге педофилдерге жаппай химиялық кастрация жасаудан бас тартты

<a href="https://kyzylorda-news.kz/">Kyzylorda-news.kz</a> Көктемгі су тасу кезеңінде Су ресурстары және ирригация министрлігі су қоймаларына тасқын суын жинауды көзделіп отыр, деп хабарлайды El.kz ақпарат агенттігі.&nbsp;Ол үшін алдын ала республикалық меншіктегі барлық су қоймаларында тасқын суын қабылдау үшін бос орын дайындалды. Қазіргі уақытта барлық су қоймалары су жинау тәртібінде жұмыс істеп жатыр. Оның ішінде:&nbsp;- Еліміздің солтүстігінде ірі су қоймалары орта есеппен 68%-ға толды, бұл өткен жылмен салыстырғанда 7%-ға артық;- Оңтүстікте бұл көрсеткіш 80%-ды құрайды;- Батыста, орта есеппен су жинау көрсеткіші 71%, бұл былтырғыға қарағанда 6%-ға көп;- Шығыстағы су қоймалары орта есеппен 60%-ға толы, бұл бір жыл бұрынғыдан 9%-ға артық;- Орталық Қазақстанда бұл көрсеткіш 66%-ды құрайды.

Көктемгі тасқын кезінде су қоймаларын толтыру көзделуде

&nbsp;<a href="https://kyzylorda-news.kz/">Kyzylorda-news.kz</a> &nbsp; Сондай-ақ міндетті зейнетақы жарналары мен міндетті әлеуметтік медициналық сақтандыруға аудармалар жасаған.Павлодарда 63 млн теңге жымқырғаны үшін балабақша директоры мен бас есепшісі сотталды, деп хабарлайды Skifnews.kz ақпарат порталы.Polisia.kz&nbsp;мәліметінше,&nbsp;Павлодар қаласының 62 жастағы тұрғыны балабақша директоры лауазымында жұмыс істеп, есепшісімен бірге өзіне сеніп тапсырылған мүлікті аса ірі мөлшерде жымқыру жолымен ұрлап кеткен.Директор мен есепші жеті жыл ішінде заңсыз бірнеше штаттық бірліктерді белгілеп және белгіленген бірліктерден тыс қосымша төлемдерді өз пайдасына заңсыз есептеп отырған. Сондай-ақ міндетті зейнетақы жарналары мен міндетті әлеуметтік медициналық сақтандыруға аудармалар жасаған.Осылайша, қаскөйлер мемлекетке жалпы сомасы 63 млн теңгеге жуық материалдық шығын келтірді. Сот оларды ҚР ҚК-нің 189 бабында (Сенiп тапсырылған бөтен мүлiктi иемденiп алу немесе талан-таражға салу) көзделген қылмыс жасағаны үшін кінәлі деп тауып, жеті жыл мерзімге бас бостандығынан айыру жазасын тағайындады.Бұрынғы балабақша директоры бүгінде Абай облысы ҚАЖД-ға қарасты № 23 мекеменің карантин бөлімшесінде жазасын өтеуді бастады. Мекеме қызметкерлері онымен тәрбиелік-психологиялық сипатта жұмыстар жүргізіп жатыр. Сотталған азамат өз кінәсін мойындады, мемлекет пайдасына және жәбірленушілерге келтірілген борыштың бір бөлігін төледі. Қалған борышты төлеу үшін жазасын өтеу барысында жұмысқа орналасып төлеуге де дайын.«Ал&nbsp;бұрынғы&nbsp;есепшіге&nbsp;қатысты,&nbsp;сот&nbsp;сотталушының&nbsp;бес&nbsp;жасар&nbsp;қызы&nbsp;бар&nbsp;екенің&nbsp;ескеріп,&nbsp;оған&nbsp;бес&nbsp;жыл&nbsp;мерзімге&nbsp;бас&nbsp;бостандығынан&nbsp;айыру&nbsp;жазасын&nbsp;өтеуді&nbsp;кейінге&nbsp;қалдырды», –&nbsp;дейді&nbsp;мекеме&nbsp;бастығының&nbsp;орынбасары&nbsp;Анар&nbsp;Сабиева.Фото: Нұрболат Нұржаубай

Павлодарда балабақша директоры мен бас есепшісі 63 млн теңге жымқырған

&nbsp;<a href="https://kyzylorda-news.kz/">Kyzylorda-news.kz</a> &nbsp;Жуырда ғана ауданды жарықпен қамтамасыз етіп отырған Қазалы электр торабы мекемесінің жемісті еңбегін мақаламызға арқау етіп, жеткен жетістіктерін қозғаған болатынбыз. Тағы да сондай сәт туды. Ұйымшыл ұжымның жақсы жаңалығын жария етіп, сіздермен бөлісуді жөн көріп отырмыз. Облыс орталығында ұйымдастырылған кіші футболдан өткен турнирде өзгелерден оза шапқан Қазалы электр торабы мекемесінің қызметкерлері ауданға олжамен оралды.Сайыста сынға түскен сайыпқырандардың айтуынша, бұл турнир "Қызылорда электр тарату тораптары компаниясы" акционерлік қоғамы құрылғанына алпыс жыл толуына орай ұйымдастырылған. Тартысқа толы додаға аудан орталықтарындағы электр тарату торабы қызметкерлерінен құралған командалар қатысты. Кіл мықтылар бақ сынаған сайыста жерлестеріміз бәсекелестеріне шақ келтірмей, тамаша ойын үлгісін көрсете білді. Қарсыластарына оңайлықпен жеңілмейтіндіктерін аңғартып, сәт сайын шабуылдап, құрама намысын барынша қорғап бақты. Нәтижесінде, барлығынан басым түскен қазалылық оғландар қарсыластарын ойсырата жеңіп, бірінші орынды қанжығаға байлады. Екінші орын Тереңөзек аудандық электр торабының қыметкерлеріне бұйырды. Ал, орталық электр торабының қызметкерлері үшінші орынды місе тұтты.Бұдан бөлек, Өндірістік база командасының ойыншысы Сәбит Сейтқазин «Ең үздік қорғаушы», Өндірістік база командасының ойыншысы Манасбек Аймұратов «Ең үздік сұрмерген», Тасбөгет аудандық электр торабы командасының ойыншысы Қуаныш Жидебаев «Ең үздік қақпашы», Жалағаш аудандық электр торабы командасының ойыншысы Оразәлі Ақылбекұлы «Ең үздік шабуылшы», Жаңақорған аудандық электр торабы командасының ойыншысы Нұрсұлтан Жангелдіұлы «Турнирдың ең үздік ойыншысы» сынды бағамға ие болды. Жарысқа қатысушы құрама командалар арнайы алғыс хаттармен, бағалы сыйлықтармен марапатталды.– Өз ісіне мығым мамандық иелерінің басын бір жерге қосып қоймай, спортқа деген қызығушылығымызды сарапқа салған турнир тартысқа толы болды. Қарсыластарымыз өте жақсы дайындықпен келген. Аудан намысын арқалап барған соң, біз де аянып қалғанымыз жоқ. Нәтижесін өздеріңіз көріп тұрсыздар. Өзімізге артылған үмітті ақтадық деп ойлаймын. Бұл жеңіс біздің команданың, қала берді ұжымның жетістігі. Ауызбіршілігімізді арттырып, жұмысқа ынталандыратын осындай сайыстар алдағы уақытта да жалғасын тапса, жеңіске жетер жолындағы еңбегіміз әрі қарай да жемісті болмақ, – дейді Қазалы электр тарату торабы футбол командасының капитаны Нұрлан Жүсіпәлиев.Бірлікті ту еткен білікті қызметкерлердің қай істе де, ширақ екеніне тағы да, көз жеткізгендейміз. Бағана басына шығып, биікті бағындырып, спортты серік еткен серілердің шығар шыңы аласармасы анық. Өйткені, олар үшін жауапкершіліктің жүгі бәрінен жоғары.&nbsp;&nbsp;

Қазалылық жастар жеңіспен оралды

&nbsp;<a href="https://kyzylorda-news.kz/">Kyzylorda-news.kz</a> Бала – адамның бауыр еті. «Барым да, байлығым да балаларым» деп өмір сүрген халықпыз. Әрбіріміз үшін де бала болашағы бәрінен қымбат, ұстанымымыз мен мүддеміз ортақ деп білемін. Ата-ананың ең үлкен бақыты – баласының жақсы азамат болып өсуі десек, қоғамның да басты мақсаты – елге ие болатын отаншыл ұрпақ тәрбиелеу. Алайда, соңғы кездері елімізде жас балалардың өміріне қауіп төндірген оқиғалар жиі орын алып, көпшіліктің алаңдаушылығын туғызуда. Адамға ең бірінші, білім емес, тәрбие керек.– «Тәрбиесіз берілген білім – адамзаттың қас жауы» деген бар. Бұл сөздің растығын өмір тәжірибесі талай мәрте дәлелдеп келеді. Елімізде білім саласында түрлі реформалар жүзеге асырылуда. Жаңартылған білім беру жүйесіне көшуге байланысты ұстаздар апталап, айлап оқыту курстарынан өтті. Сәйкесінше, мектептегі тәрбие саласына да осындай түбегейлі өзгерістер қажет. Алдымен – тәрбие, содан кейін білім беру мәселесін қарастырған жөн деп ойлаймын, – дейді Қазалы &nbsp;аудандық әйелдер кеңесінің төрайымы Роза Асанова.Жақсы баланың шығу төркіні – отбасы, ошақ қасындағы өсиет пен өнегеге тікелей байланысты. «Отан – отбасынан басталатынын» ескерсек, бала тәрбиесінің бастауы осы ортадан басталатыны анық. Дүние есігін ашқан күннен бастап, перзенті үшін күйіп-пісетін ата-ананың алғашқы әрі маңызды міндеттерінің бірі – жүзін жерге қаратпайтын ұлағатты ұрпақ өсіру.Бүгінгі отбасы тәрбиесінің барысын екі жақты қырынан байқауға болады. Біріншісі, отбасының мектеппен бірлесе әрекет етуі, екіншісі, отбасының мектеппен ынтымақтастықты орнатуына немқұрайлықпен қарауы. Мәселен, күнкөріс жағдайымен бала тәрбиесіне көңіл бөлмеуі, тіпті, ата-аналар жиналысына келмеуі сынды жағдайлар кездесіп жатады. Алайда, отбасымен бірлесіп ұйымдастырылған шаралардың оқушының жеке тұлғалық дамуына, тәбиесіне тигізер әсері өте үлкен.«Ұяда не көрсең, ұшқанда соны ілерсің» дейді халық даналығы. Тал бесіктен басталған тәрбие мектепте, одан әрі жоғары оқу орнында жалғасын тапқанда ғана нәтижелі болмақ. Өйткені, қоғам өміріне араласқанға дейінгі берілетін тәрбие балаға өмір бойы азық болады.Қазақ зиялыларының бірі Мағжан Жұмабаевтың: «Тәрбиедегі мақсат – баланы тәрбиешінің дәл өзіндей етіп шығару емес, келешек өз заманына лайық қылып шығару» деген сөзі бала тәрбиесінде ата-аналар алдында үлкен жауапкершіліктің тұрғандығын дәлелдейді. Әрине, отбасы өзінің дербес әрекеттері арқылы тәрбиелейді. Бірақ, ол аздық етеді. Сол үшін отбасы мен мектептің өзара бірлігін нығайту өте маңызды.– Қазіргі заман ағымының үздіксіз дамуымен бірге адамдардың мінез-құлқы, психологиясы да күн сайын өзгеріп жатыр. Тиісінше, қазіргі оқушылардың қызығатын дүниелері мен көзқарасы да мүлдем басқа. Бүгінгі жастар өз бетімен, дәлірек айтқанда, интернетпен өмір сүруге дағдыланған. Олардың басты тәрбиелеуші құралы – ұялы телефондары. Сырластары да, мұндастары да сол. Ақпараттық кеңістік дамыған заманда телефонды тек пайдалы жағынан қолданып, ұлттық пен жаңашылдықты қоса білім беру маңызды, – дейді Қазалы &nbsp;аудандық әйелдер кеңесінің төрайымы Роза Асанова.Оның айтуынша, ата-аналар балаларымен еркін әңгімелесіп, жылулық пен мейірім-махаббаттарын сездіріп, материалдық қана емес, рухани тұрғыда да көп көңіл бөліп, қолдау көрсетуі керек.Жылдар жылжып, заман ауысқан сайын бала тәрбиесіндегі әдіс-тәсілдердің де жаңарып, жаңғырып отыруы заңдылық. Алайда, тәрбие беру формасы өзгергенімен, адам қылып өсіру мазмұны тамырын сақтап қалуы қажет.Майлықожа ақынның «Еркелетпе, еркімен өсір балаңды» деген сөзі де ұлт үшін, ұрпақ үшін маңызды. Біз көбінде еркелету мен еркін өсіруді ажырата алмай қалдық. Тәрбиелі, еркін өскен ұрпақтан нағыз өнертапқыш, еркін ойлы, шығармашыл жастар көп шығары анық.Ер баланың есейіп, жетілуінде әкелер институтының да алар орны айрықша. Ер бала алдымен, әкенің өнегесінен нағыз ер адам қандай болу керектігін қабылдайды. Әкенің бар бітім-болмысы, мінез-құлқы, өзгелермен қарым-қатынасы – баланың көз алдында күнделікті үлгі-өнеге алатын, соған қарап, бой түзейтін негізгі нысанасы. «Бір әкенің тәлімін жүз мектеп бере алмайды» деген өмір шындығы осындайда айтылса керек. Сонымен қатар, бала үшін әке қаншалықты қажет болса, мектептердегі ер мұғалімдердің де сондай маңызы бар деп есептеймін.Кішкентайынан тәрбиелеуді өзіне міндет санамаған ата-аналар балаларының әртүрлі жаманшылықтарына мектептерді ғайбаттап, ондағы тәрбиені кінәлап жатады. Ал, анығында, мектепке дейінгі ата-ана тәрбиесінің аздығынан, балаға көңіл бөлмегендіктен болған олқылықтардан опық жеп жүрген ата-аналар аз емес.Баланың бас ұстазы – ата-анасы. Егер отбасында мұғалімдер туралы жақсы пікір айтылса, ата-ананың мектеп, ұстаз туралы жақсы ниеті балаға жақсы әсер етеді. Ондай балалардың оқуға, білімге, мектепке құштарлығы артады. Ұстазды сыйлауы өзгеше болады.Ал, мектеп, ұстаз туралы пікірінде көңіл толмаушылық ойлар болса, ол баланың ұстазға деген көзқарасы да өзгереді. Оқу-үлгерімінің нашарлауына да әсер етеді. Осылайша, ата-ана өз баласының ынтасын үйдегі тәрбие арқылы өзі жойып отырғанын білмейді. Мектеп – тек білім беруші орта ғана. Ал, ата-ана бала тәрбиесінде уақытты қадірлей білгені дұрыс. Өйткені, оның әр сәтін дұрыс пайдалана білген адам ғана ұтады. Адамға нағыз бақытты – тәрбиелі ұрпағы ғана сыйлай алады. Мен &nbsp;аудандық әйелдер кеңесінің төрайымы ретінде&nbsp;қыз-келіншектер, аналар, әжелер және жас отбасылармен түрлі кездесулер ұйымдастырып, қатысамын. Шараларымызда ата-аналарға тәлімі бар әңгіме, мақал-мәтел, қазақ зиялыларының еңбектері мен ақын-жазушыларымыздың өлеңдерін балалармен бірге оқу, талқылау – тәрбиенің төте жолы екенін ескертіп келеміз.Әр жеткіншек – жанұясының «айнасы». Бала әрдайым көргенін істейді. Баланың жүріс-тұрысы, сөйлеу мәнеріне қарап, ата-анасының дәрежесін анық көруге болады. Сондықтан, әр адам ең бірінші, өзін тәрбиелеуі керек.Отанымыз қуатты, отбасымыз шуақты болуы үшін әрбір ата-ана перзент алдындағы жауапкершілігін терең сезінсе дейміз. Өйткені, барлық бала бақытты болуы үшін жаралған.Ата-бабамыздан жеткен өнегелі тәрбие, ұлттық құндылықты бала бойына дарытып, баршаңызды жаңа Қазақстанның саналы да, салиқалы, үлгілі де, тәрбиелі болашағымызды бірге тәрбиелеуге шақырамын.

Қазақстан және Қызылорда облысының жаңалықтары