<a href="https://kyzylorda-news.kz/">Kyzylorda-news.kz</a> &nbsp;Мемлекет басшысы Қасым-Жомарт Тоқаев еліміздегі төтенше жағдай су тасқынына байланысты үндеу жариялады.Мемлекет басшысы тосыннан келген су тасқынына байланысты жағдайдың мемлекет назарында екендігін, бір жағадан бас, бір жеңнен қол шығарып еліміздің әрбір аймағынан келген волонтерлердің көмектесіп жатқандығын, мемлекет бірде-бір адамды ескерусіз қалдырмайтындығын және су тасқынынан зардап шеккен тұрғындарға қаржылық және басқа да көмек көрсетілетінін айтып өтті. Төтенше жағдайды шұғыл шешу үшін Үкіметке және жергілікті атқарушы органдарға тиісті тапсырмаларды берді.&nbsp;Бақытты болашақтың кілті бірлікте. «Отаны бірдің жүрегі бір, жүрегі бірдің тілегі бір» демекші біз де бұл қиын жағдайға бейжай қарамай ұйымның атынан су тасқынынан зардап шеккен аймақтарға белгілі бір көмек қолын созуды жоспарлап отырмыз. Президент сөз соңында тасқынмен күресте аянбай қызмет етіп жүрген құтқарушылар мен&nbsp; аянбай көмек қолын созып жатқан волонтерлердің еңбегін атап өтіп, алғыс білдірді.Қазір уақытта тасқыннан зардап шеккен&nbsp; өңірлерге гуманитарлық көмек көрсету үшін облыстағы «Жастар орталықтары» жанынан, сауда үйлері мен базарлардан пункттер ашылған. Бұл бастаманы Сыр өңірінің жанашыр азаматтары мен еріктілер, студенттер қолдап, өз үлестерін қосуда.&nbsp;Расул БАЗАРХАНҰЛЫ,«Қазақстан студенттерінің Альянсы» республикалық студенттер қозғалысы»Қызылорда облыстық филиалының төрағасы

Расул Базарханұлы: Біздің күшіміз – бірлікте

Ұлы Жем өзені арнасын бұру үшін жасанды бөгеттерді жару жұмыстары қолға алынды. Бұл туралы Атырау облысы әкімдігінің баспасөз қызметі хабарлады.Қазіргі уақытта Ұлы Жем өзені елді мекенге қауіп төндірмес үшін, қарғын судың деңгейін түсіру өте өзекті мәселе болып отыр. Осы ретте Жемнің бойында орналасқан жасанды бөгеттерді жару арқылы судың арнасын бұру жұмыстары басталды, — делінген хабарлады.Атырау облысы әкімінің орынбасары Қайрат Нұртаев жауапты мамандармен бірге жүріп жатқан жұмыстарға аэровизуалды тексеру жүргізді.<blockquote> — Жылыойға төнген қауіпті сейілту мақсатында Жем өзенінің сағаларын ашып жатырмыз. Бұл маңда кезінде көптеген жеке шаруа қожалықтар суды жинап алу мақсатында ағыс көзін бітеп, жасанды бөгеттер тұрғызған. Бұл қалаға келген судың ағыспен ағып кетуіне үлкен кедергі болып отыр. Соған байланысты бітелген арналардың көзін бөгеттерді жару арқылы ашып жатырмыз. Оны тротилмен жарып, өзен кедергісіз ағып жатыр, — деді Қ.Нұртаев.</blockquote>

Атырау облысында жасанды бөгеттерді жара бастады

<a href="https://kyzylorda-news.kz/">Kyzylorda-news.kz</a>&nbsp; Салық қызметі – мемлекеттік құрылымдардың бірі. Кез келген өркениетті елдің өмір сүруі салыққа байланысты десек, қоғамның қажеттілігін өтеу үшін қаражат керек екені айдан анық. Қаржылық қиыншылықтар кезеңінде ауданда салық саласының қызметкерлері өз міндеттерін абыроймен атқарып, өздерін білікті маман ретінде көрсетіп жүр. Осы ретте Шиелі ауданы бойынша мемлекеттік кірістер басқармасының басшысы Еркеғали ­Абдрахмановпен жыл басынан бері атқарылып жатқан жұмыстары жөнінде сұхбат жүргізген едік.– Еркеғали Амангелдіұлы, салық түспей бюджет бүтінделмейтіні белгілі. Осы орайда ­аудан бойынша мемлекеттік кірістер басқармасы өткен жылды қалай аяқтады, биыл салықтың орындалу қарқыны жайлы не айтасыз?– Салық – еліміздің әлеуметтік-экономикалық өсіп-өркендеуінің тұрақты кепілі саналатынын ескерсек, бұл бағытта атқарылатын жұмыстың ауқымды, жауапкершілігі зор екені рас. Шиелі ауданы бойынша мемлекеттік кірістер басқармасы өткен жылды табысты аяқтады деуге негіз бар. Алдын ала жасалған жоба-жоспарда белгіленген салық пен өзге де түсімдерді шашауын шығармай жинап, бюджет кірісін толтыруға тырыстық. Ал жыл басынан бері 841 заңды тұлға, 6846 дара кәсіпкер тіркелді. Биыл өткен жылдың 9 айымен салыстырғанда мемлекеттік бюджетке 3386,2 млн теңге артық түсім түсіп 125,5 % ды құрады. Атап айтқанда, республикалық бюджетке 2869,5 млн теңге артық түсіп 137,3 % межені көрсетсе, жергілікті бюджетке 512,6 млн теңге артық түсім түсті. Яғни болжам 109,3 пайызға орындалды.– «Жаңа Қазақстан» жаңашылдыққа үйретіп келеді. Осы ретте халық цифрлық жүйе арқылы қызмет түрлерін ала алады ма? Мемлекеттік кірістер органдарында көрсетілетін жалпы қандай қызмет түрлері бар?– «Қазақстан Республикасының мемлекеттік кірістер органдары көрсететін мемлекеттік қызметтер регламенттерін бекіту туралы» Қазақстан Республикасы Қаржы министрінің 2015 жылғы 4 маусымдағы №348 бұйрығына сәйкес 44 мемлекеттік қызмет түрі көрсетіледі. Оның ішінде 28-і салық, 16-сы кедендік қызмет. Осы 44-тің 33-і автоматтандырылған, 11-і қағаз жүзінде көрсетіледі.Бүгінде Шиелі ауданы бойынша мемлекеттік кірістер басқармасы тарапынан мемлекеттік қызмет көрсетудің сапасын арттыруға барынша ден қойылған. Салық төлеушілердің ақпараттарын қабылдау мен өңдеу және салықтық тіркеу орталығы салық төлеушілерге 9:00-18:00 уақыт аралығында қызмет көрсетеді. Сонымен қатар қызмет көрсету орталығында салық төлеушілерге салық есептіліктерін электронды түрде тапсыру үшін өзіне-өзі қызмет көрсету терминалы бар. Салық мәдениетін көтеру және кәсіпкерлердің сауаттылығын жетілдіру мақсатында Шиелі ауданы бойынша мемлекеттік кірістер басқармасы үнемі түсіндіру жұмыстарын жүргізіп келеді.– Жеке тұлғаларға мүлік, жер, көлік салығын төлеуде жеңілдіктер қарастырылған ба? Қалай, қайда төлейді?– Жалпы Шиелі ауданы бойынша жер салығын төлейтін – 14 968 жеке тұлға болса, оның – 1221-і жеңілдік алған. Ал мүлік салығы бойынша – 14 584 жеке тұлғаның 1097-сіне жеңілдік қарастырылған. Сол секілді көлік салығы бойынша – 13 243 жеке тұлға болса, оның 612-сі әртүрлі санаттағы адам. Яғни жеңілдік Ұлы Отан соғысының ардагері, Социалистiк Еңбек ерлерi, «Халық қаhарманы», «Қазақстанның Еңбек ері» атақтарына ие болған, үш дәрежелі Даңқ орденiмен және «Отан» орденiмен наградталған адамдар, «Батыр ана» атағына ие болған немесе «Алтын алқа» не «Күмiс алқа» алқаларымен наградталған көпбалалы аналар мен мүмкіндігі шектеулі жандарға көрсетіледі.Енді атқарылған жұмыстарды нақтылап айтар болсақ, 2023 жылы 10 айдағы көрсеткіш ­бойынша мүлік салығынан 10 545,4 мың теңге түсім түсіп, межені 105,9 пайызға артығымен орындадық. Ал көлік салығы бойынша 169 086,6 мың теңге қаржы түсті. Меже 2022 жылдың есепті кезеңімен салыстырғанда 20 782,1 мың теңгеге артық орындалып, 114,0 пайызды көрсетіп тұр.Сонымен қатар берешегі бар жеке тұлғаларға қатысты аудандық прокуратураның жеке сот орындаушылармен, жергілікті полиция қызметкерлерімен бірлесе отырып арнайы рейдтер ұдайы ұйымдастырылып тұрады. Көлік салығынан 86 салық төлеушіден 7 192,0 мың теңге, мүлік салығынан 442 салық төлеушіден 279,0 мың теңге бюджет есебіне өндірілді.– Ақша жүрген жерде жемқорлық қылаң беріп жатады. Осы ретте басқармада жемқорлықпен күрес жұмыстары қалай жүргізілуде?– Дұрыс айтасыз. Сыбайлас жемқорлық жең ұшынан жалғасатын қылмыс десек те болады. Мемлекет басшысы Қ.Тоқаев «Әділетті Қазақстанды құру үшін жемқорлықпен күрес жұмыстарын күшейтуіміз қажет. Бұл жұмыс тек уәкілетті органдардың ғана міндеті емес. Қоғамның барлық мүшесі сыбайлас жемқорлыққа қарсы тұруы тиіс» деген болатын. Біздің ұжымда жемқорлыққа қарсы иммунитет жақсы қалыптасқан. Барлық іс ашық, жария түрде жүргізіледі. Сонымен қатар, өздеріңіз білесіздер қызметкерлеріміз үнемі аудандық «Өскен өңір» газетіне жемқорлыққа қарсы күреске шақырып, өз мақалаларын жариялап отырады.– Аудан бойынша тіркелмеген заңсыз кәсіпкерлікпен айналысу немесе салықты уақтылы төлемеу-төлеуі жөнінде қандай фактілер анықталды?– Шиелі ауданы бойынша Мемлекеттік кірістер басқармасы тарапынан, жеке кәсіпкер ретінде тіркелмей, кәсіпкерлік қызметпен айналысып жүрген салық төлеушілерге қоғамдық көліктерге хабарландырулар ілініп, адамдар көп жиналатын жерлерде радио байланыс арқылы хабарлау жұмыстары жүгізіліп тұрады. Шиелі ауданының 23 кент және ауылдық округтеріне хаттар жолданып, түрлі әлеуметтік желілерде салықтық міндеттемелерді орындау жөнінде кеңінен түсіндіру, насихаттау жұмыстары жүгізіліп, брошюралар таратылды. Нәтижесінде 2023 жылдың 10 айында 500-ден аса жеке кәсіпкер тіркелді. 2023 жылы 3 жеке тұлғаға жеке кәсіпкер болып тіркелмей заңсыз жеке кәсіпкерлікпен айналысқаны үшін ӘҚБтК-нің 463-баптың 1-бабына сәйкес хаттамалар толтырылып, Шиелі аудандық сотына материалдары жолданды. Шиелі аудандық сотының қаулысына сәйкес әр қайсысына 36 225 теңгеден әкімшілік айыппұл салынып, жеке кәсіпкерлікке тіркелді. Сондай-ақ 10 айлық қорытынды бойынша уақытылы төлемеген 76 салық төлеуші анықталып, 1483,5 мың теңге әкімшілік айыппұл салынды. Бұл бағыт бойынша жұмыстар үнемі бақылауда.– Алкоголь өнімін сақтау, көтерме және бөлшектеп сату бойынша лицензияларды пайдаланғаны үшін төлемақыға қанша салық төлеуші тіркелген? – Бүгінгі таңда алкоголь өнімдерін сату үшін аудандық кірістер басқармасына 88 салық төлеуші тіркелген. 2023 жылдың 1-ші қаңтарынан қазан айының 1-не дейін 5197,0 мың теңге бюджетке түсім түсті. Бұл бағыттағы жұмыстар да жіті назарда.– Алдағы уақытта атқарылатын жұмыстар мен міндеттерді айта кетсеңіз? – Дұрыс, жоспарсыз істің нәтижесі болмайды. Сол себепті әрбір жұмысты жүйелі, жоспармен жасауға тырысамыз. Болашақта тиісті жұмыстарға тиімді жүргізілген салықтық әкімшілендіру жұмыстарының нәтижесімен бюджетке қосымша кіріс көздерін қамтамасыз етсек дейміз. Сондай-ақ бюджет алдындағы бересі және артық төлем сомаларын азайтуға қол жеткізіп, көрсетілетін мемлекеттік қызметтер сапасы бойынша жоғары нәтиже көрсетеміз деген ойдамыз. Ең бастысы, халықпен кері байланыс орната отырып, салық мәдениетін қалыптыстыруға тырысамыз.– Сүбелі сұхбатыңызға рақмет!Фото: Нұрболат Нұржаубай

Шиелі: Салық саласында серпіліс бар ма?

<a href="https://kyzylorda-news.kz/">Kyzylorda-news.kz</a> &nbsp;Ел Президенті Қасым-Жомарт Тоқаев су тасқыны салдарынан қалыптасқан ауыр жағдайға байланысты үндеу жасады.Мемлекет басшысы өз Үндеуінде жағдай жіті бақылауда екендігін айтты. Бүгінде құтқару қызметі үздіксіз жүріп, елге гуманитарлы және басқа да көмек көрсетілуде. Мемлекет келтірілген залалдардың барлық шығыны өтелетінін, осы апатқа байланысты тиісті шара қабылдайтынын баяндап өтті.Президенттің Үндеуіне сәйкес ақпарат айдынында беделі бар азаматтар осы бір сәттерде халыққа барынша қолдау беріп, билік пен қоғамды бір арнаға тоғыстыруға атсалысу керек деп білемін.&nbsp;Елімізде су тасқынымен күресу мақсатында көптеген жұмыстар атқарылуда. Атап айтсақ, Қазір Қостанай, Ақтөбе облыстарында Қызылорда облысынан барған 66 құтқарушы және 9 арнайы техника, 4 қайық, 20 мотопомпа жұмыс жасауда. Еріктілер барлық аудандар мен Қызылорда қаласынан 112 тонна гуманитарлық көмек (азық-түлік, көрпе-төсек, гигиеналық құралдар, дәрі-дәрмек, құрылыс заттары) жинап, Ақтөбе қаласы мен Қобда ауданына 25 жүк көлігімен жөнелтті. Тасқыннан зардап шеккен басқа өңірлерге де гуманитарлық көмек көрсету үшін «Жастар орталықтары» жанынан, сауда үйлері мен базарлардан пункттер ашылған.&nbsp;Еліміздің көгіне төнген қара бұлт тез сейіліп, жұртымыз аманшылықта болсын деп тілеймін!&nbsp;Медет ЖОРАБЕК, Жастар ресурстық орталығының басшысы&nbsp;Фото:gov.kz

Медет Жорабек: Билік пен қоғамның бірлігі керек

<a href="https://kyzylorda-news.kz/">Kyzylorda-news.kz</a> &nbsp;Бүгін Мемлекет басшысы Қасым-Жомарт Тоқаев су тасқыны салдарынан қалыптасқан ауыр жағдайға байланысты үндеу жасады.Еліміздің он аймағында жарияланған төтенше жағдай, тосыннан туындаған табиғи апат, көптеген ауылды су шайып, мыңдаған адамның баспанасыз қалуы елді алаңдатқаны рас. Су тасқынымен күресу мақсатында қазіргі уақытта ауқымды жұмыстар атқарылуда. Оған еліміздің әр өңірінен ерікті жастар да қолынан келгенше көмек көрсетуде.Ел Президенті жағдай өте күрделі болса да, қиындықты міндетті түрде еңсеріп, барлығы қалпына келетінін атап өтті.&nbsp;<blockquote>-Тасқын судан зардап шеккен азаматтарға айтарым, мемлекет бірде-бір адамды ескерусіз қалдырмайды. Баршаңызға қаржылық және басқа да көмек беріледі. Материалдық шығындар толық өтеледі, – деді Мемлекет басшысы.</blockquote>Біз ел болашағының жарқын боларына сенеміз. Ел бірлігі – ең үлкен құндылық. Қазақ елі жұдырықтай жұмылып, бірлік пен ынтымақтың арқасында бұл қиындықты да жеңіп шығады.&nbsp;Бүгінде волонтерлар қолдан келгенше гуманитарлық көмек көрсетіп, ел жанашырларымен бірлесіп &nbsp;жұмыс істеуде. Бірлік түбі – береке. Мұндайда әрбір жас "менің қолымнан не келеді, мен қалай көмектсе аламын?" деп маңызды іске жанашырлықпен қарауы керек деп ойлаймын.&nbsp;Нұрайым САҒНАДИНҚЫЗЫ,Қорқыт ата атындағы Қызылорда университетінің Жастар ісі жөніндегі комитет төрағасы&nbsp;Фото: Рахим Қойлыбаев

Нұрайым Сағнадинқызы: Ел бірлігі – ең үлкен құндылық

Арал экономикасының беріктігі байқалып тұр

<a href="https://kyzylorda-news.kz/">Kyzylorda-news.kz</a> &nbsp; Қызылорда қалалық «Qosyl»&nbsp;жастар ресурстық орталығының ұйымдастыруымен 9 мамыр - Жеңіс күніне орай «Тағзым алаңы» мен «Бауырластар бейіті» алаңдарында «Ерлікке тағзым» жастар экологиялық акциясы өтті.&nbsp;Акцияға Қызылорда студенттері Альянсының белсенділері, жалпы алғанда 100-ден астам жас, 13 ЖОО және ТжКБ мекемелері, 3 жастар ұйымдары мен облыстық, қалалық жастар ресурстық орталықтарының мамандары арнайы қатысты.&nbsp;Акция барысында белсенділер жоғарыда аталған алаңдарда арықтарды қоқыстардан тазарту, талдарды әктеп-сырлау жұмыстарын жүргізді. «Туған өлкемізді таза ұстауға бір жағадан бас, бір жеңнен қол шығарып атсалысуымыз керек» ұрынымен Сырбойының тазалығына мән беретін жастардың саны көбеюде . Тазалық өмір айнасы!Айта кетейік, Қызылордадағы «Qosyl» қалалық жастар ресурстық орталығы жастармен тығыз байланыста. Орталықтың ғимаратында WI-FI, коворкинг орталығы, спорттық секциялар, креатив фото-бейне студиясы, би залы және жастар ұйымдары кабинеті тегін қызмет көрсетеді.Өткен жылдары 143 іс-шара ұйымдастырып, оған 10 мыңнан астам жас қатысыпты. Жастардың сұранысына орай жабдықталған орталық қызметін 11 мыңнан астам адам пайдаланған.Жазда қаладағы Арбат бойында әр аптаның бейсен­бісінде «Ping-Pong», жұма күні «Караоке Battle», сенбі­де «Кино TIME» жоба­лары өткізіледі. Жастар орталы­ғы­ның «Qosyl kenes» жобасы арқылы жастарға үздіксіз ке­ңес беріліп, «Qosyl acoustic» жобасы шеңберінде ай сайын ән кеші өткізіліп келеді.

Жастар «Ерлікке тағзым» экологиялық акциясын қолдауда

<a href="https://kyzylorda-news.kz/">Kyzylorda-news.kz</a>&nbsp; Құрылысы кең қанат жайып, өнеркәсібі өркендеген Шиелі өңірінде болашаққа бағдарланған игі істердің іргесі қалануда. Оған дәлел өткен жылы лентасы қиылған Жаңатұрмыстағы жаңа мектеп. Сондай-ақ аудан тұрғындарының басты мәселесі – баспаналы болу. Бұл тұрғыдан да толымды тірліктерді тілге тиек етуге болады.Өткен жылы аймаққа жаңалықтарды көзбен көру үшін арнайы іс-сапармен келген Қазақстан Республикасының Өнеркәсіп және құрылыс вице-министрі Тимур Қарағойшин мен облыс әкімі Нұрлыбек Нәлібаев және республикадағы барлық облыстардан әкім орынбасарлары мен құрылыс саласына жауапты басқарма мен инспекция басшылары Шиелі ­ауданы, Жаңатұрмыс ауылына келіп кеткені есте. Ондағы мақсат – сапалы аумақтық жоспарлауды, коммуналдық шаруашылық және тұрғын үй инфрақұрылымын тиімді дамытуды қамтамасыз ету, тәжірибе алмасу. Іс-сапармен келген вице-министрге жаңа мектептің жай-күйін Шиелі ауданының әкімі Нұржан Ахатов таныстырып өтті.<blockquote>– Нысан құрылысын «Авангард ПГС» мекемесі жүргізіп, халық игілігіне ұсынды. Құрылысқа республикалық бюджеттен 800 миллионның үстінде қаржы жұмсалды. Екі қабатты ғимаратта оқушыларға қажеттінің бәрі бар. ­Ауласы қоршалып, абаттандыру жұмыстары да жасалған, – деді аудан басшысы.</blockquote>Одан әрі облыстық құрылыс, сәулет және қала құрылысы басқармасының басшысы Ерлан Төрәлиев сөз алды. «Алаштың көрнекті қайраткері Міржақып Дулатов: «Ұрпағы білімді халықтың болашағы бұлыңғыр болмайды» деген. Мемлекет білім саласына үлкен қамқорлық көрсетуде.Біздің өңірімізде де ауқымды жобалар қолға алынып, жүйелі жұмыстар атқарылуда. 2023 жылы облыста 5 жаңа мектеп пайдалануға берілсе, 4 мектепке 1 850 орындық қосымша ғимарат салынды. Соның бірі Байсын ауылындағы осы 250 орындық мектеп. Баршаңызды жаңа білім ордасының пайдалануға берілуімен шын жүректен құттықтаймын», – деді сала басшысы.Балаша қуанған байсындықтар жаңа білім ордасының сәулетін ерекше сүйіспеншілікпен сөз етуде. Онда қазіргі таңда 240 оқушы 2 аусымда білім алуда. Қазіргі заман талабына сай жабдықталған пәндік кабинеттер, технологиялық дәріс беру бөлмелері, спорт, акт залдары, лингафон, кең де жайлы асхана бәрі де арнайы іс-сапармен келген вице-министр мен басшылардың көңілінен шықты.Келесі бағыт – Шұғыла мөлтек ауданыШиелі ауданы – облысымызда ауыл шаруашылығы мен өнеркәсібі қатар өркендеп келе жатқан өңір. Өзіндік ерекшеліктерге ие. Аудан орталығы Шиелі кентінен теміржол және автомобиль жолының жақын өтетіндігі, қарт Қаратау мен Сыр өзенінің жақындығы да өңірдің табиғи ресурстарын молайта түсетіндігі түсінікті. Сондай-ақ аудан орталығына ауылдық округтер мен елді мекендердің таяу орналасуы, сауда-саттыққа, басқа да орта және шағын кәсіпкерліктерді өрістетуге жол ашып келеді. Осында мекен ететін тұрғындар базарлы қатынасқа ерте бейімделіп, өз кәсібін өрістете түсуімен тұрмыстық жағдайын да жақсартып отыр.Міне, осындай жағымды себептерден аудан халқының саны арта түсуде. Сырттан көшіп келіп, мұнда орнығушылар қатары да жылдан жылға молайып келеді. Халық санының өсуіне байланысты соңғы жылдарда бірнеше шағын аудандар бой көтере бастады. Яғни тұрғын үйге де сұраныс көбейе түсуде. Қазіргі таңда аудан әкімдігінде тұрғын үйге мұқтаж адамдардың 5 санаты бойынша 1 885 адам кезекте тұр. Халықтың тілегін қанағаттандыру мақсатында көпқабатты тұрғын үйлер салынып, ел игілігіне берілуде. Осы атқарылып жатқан жұмыстардың жай-жапсарын бақылап, сан мен сапаның үйлесім табуын тікелей көзбен көрмекке вице-министр Тимур Қарағойшин бастаған делегация кенттегі Шұғыла мөлтек ауданына барды. Айта кетейік, халықтың әлеуметтік жағынан әлсіз топтарына арналған 50 тұрғын үйді сатып алуға республикалық бюджеттен 480,0 миллон теңге қаржы бөлінген. Берілген жер телімі 4 га болса, мердігер компания – «AmanatTradeGroup» ЖШС. Ал әр тұрғын үйдің бағасы 9,6 миллион теңге. Сондай-ақ аудан басшысы тұрғын үйлердің инженерлік инфрақұрлым құрылысына 2 миллард 135 миллион теңгенің бюджеттік өтінімі тиісті облыстық басқармаларға берілгенін тілге тиек етті. Вице-министр салынған нысандардың сапасына зер салып, құрылыс қарқынына оң бағасын беріп кеткен-ді.Расында, Шиеліде тұрғын үй құрылысы тоқтаған емес. Бұған дейін үйге мұқтаж кезекте тұрған азаматтарға 90 тұрғын үй, 88 пәтер табысталған болатын. Мәселен, «Нұрлы жер» мемлекеттік бағдарламасы аясында кенттегі Көкшоқы мөлтек ауданында 18 пәтерлі 4 тұрғын үйдің құрылыс жұмыстары толық аяқталып, 72 отбасы бас­паналы болды. Оған бюджет қоржынынан 833,2 миллион теңге қаржы бөлінді. Сондай-ақ Береке мөлтек ауданында 1 пәтерлі 3 бөлмелі 25 тұрғын үйдің құрылыс-монтаждау жұмыстарына 524 миллион теңге қаржы жұмсалып, бүгінгі таңда ел игілігіне берілді. Оған қоса Шиелі кентінен 64,9 шаршы метр болатын 3 бөлмелі 20 пәтерге республикалық бюджеттен 168,0 миллион теңге қаржы қаралғанын айтуға болады.Шиелі ауданы әкімі Нұржан Ахатов «жылдан жылға демографиялық өсім ұлғайып, тұрғын үйге деген қажеттіліктің көбеюіне байланысты 2024 жылға халықтың әлеуметтік жағынан әлсіз топтарына тұрғын үй сатып алуды жоспарлап отырмыз» деп алдағы жоспарымен де бөліскен-ді.

Үкіметтің Шиелідегі бір күні

<a href="https://kyzylorda-news.kz/">Kyzylorda-news.kz</a> &nbsp; Мемлекет басшысы Қасым-Жомарт Тоқаев су тасқыны салдарынан орын алған күрделі жағдайға орай үндеу жолдады. Үндеуді республикалық телеарна арқылы толық тыңдап шықтық.&nbsp;«Баршаңызға белгілі, қазір елімізде күрделі жағдай қалыптасып отыр. Қардың күрт еруіне байланысты аймақтарда су тасқыны болып жатыр. Бұл – табиғи апат. Мұндай ахуал ұзақ жылдан бері болмаған. Бұл көлемі жағынан соңғы 80 жылдан бергі ең ірі табиғи апат деуге болады. Жағдай өте күрделі болса да, біз қиындықты міндетті түрде еңсереміз, барлығын қалпына келтіреміз. Ең бастысы – азаматтардың амандығы. Тасқын судан зардап шеккен азаматтарға айтарым, мемлекет бірде-бір адамды ескерусіз қалдырмайды. Баршаңызға қаржылық және басқа да көмек беріледі. &nbsp;Су басқан аумақтарда құқықтық тәртіпті қамтамасыз ету қажет» деді Мемлекет басшысы.Осындай қиын жағдайда уақытпен санаспай көмек басында жүрген барлық құтқарушыларға, тәртіп сақшыларына, волонтерлерге және апатпен күресуге атсалысып жатқан барша жұртқа алғыс айтқым келеді. Біздер де, әрқайсымыз осы елдің азаматы ретінде қолымыздан келгенше көмек көрсетейік. «Бірлесе көтерген жүк жеңіл» демекші, бірлесіп бұл қиындықты да жеңеміз!Дильфура Байрақтарова, Қармақшы аудандық мәслихат депутаты

Бұл қиындыққа да төтеп береміз

Аралдықтар жастар саясатының жемісін көруде

Бас прокуратура су тасқынына байланысты төрт тергеуді бастағанын мәлімдеді. Бұл туралы Stan.kz ақпарат агенттігі хабарлайды.Мемлекет басшысының тапсырмасы бойынша жергілікті ауқымдағы төтенше жағдай режимі жарияланған 10 облыста уәкілетті мемлекеттік органдар салдарларды жою және азайту, жаңа аумақтарды су басуға жол бермеу жөнінде шаралар қабылданып жатыр.Авариялық-құтқару жұмыстарына ТЖМ, ІІМ, әкімдіктер мен басқа да қызметтердің 10 мыңнан астам қызметкері жұмылдырылды. Ең күрделі жағдай – Ақтөбе, Батыс Қазақстан, Қостанай және Атырау облыстарында.<blockquote>“Прокуратура нақты елді мекендерді су басу, жолдардың, көпірлердің, гидротехникалық және басқа да объектілердің қирау себептерін белгілейді. Бюджет қаражатының мақсатты жұмсалуы, су тасқынының алдын алу жөніндегі жоспарлардың уақтылығы мен толықтығы зерттеліп жатыр. Қорытындысы бойынша әрбір уәкілетті органның қызметіне тиісті құқықтық баға беріледі”, – делінген ведомоствосында.</blockquote>Прокурорлар Ақтөбе, Алматы және Атырау облыстарында сотқа дейінгі 4 тергеп-тексеруді бастады. &nbsp;Жергілікті жерлердегі прокурорлар құқық қорғау органдарының заңдылық пен құқықтық тәртіп режимін қамтамасыз ету жөніндегі қызметін үйлестіреді. Проблемалық учаскелерді қоршау және патрульдеу, азаматтардың мүлкін қорғау қамтамасыз етілген.

Бас прокуратура су тасқынына байланысты төрт тергеуді бастады

Төтенше жағдайлар министрлігі Төтенше жағдайларды жою департаментінің бастығы Қаһарман Оразалин ел аумағындағы су тасқынының жағдайы туралы соңғы мәліметтермен бөлісті, деп хабарлайды Казинформ.<blockquote>«Су тасқыны басталғалы бері азаматтық қорғаныстың көмегімен 62 мыңға жуық адам, оның ішінде 15 мыңнан астам бала және 45 мүмкіндігі шектеулі азамат қауіпсіз жерге жеткізілді. Уақытша орналасу пунктеріне 13 мыңнан астам адам, оның ішінде 6 800-ге жуық бала эвакуацияланды. Төтенше жағдайлар Қорғаныс министрлігі және Ұлттық ұланның әуе кемелерімен 2 607 адам, оның ішінде 760 бала қауіпсіз жерге орналастырылды. Төтенше жағдайлар министрлігі және жергілікті атқарушы органдардың көмегімен 7 млн текше метрден астам су сорылды, сонымен қатар 911 мыңнан астам қап, 907 тонна инерция материал төселді. Бүгінде құтқару жұмыстарына 900 мыңнан астам адам, 2 мың бірлік техника және 500-ге жуық жүзу, су айдау құралдары жұмылдырылды», - деді Қаһарман Оразалин Орталық коммуникациялар қызметі алаңында өткен баспасөз мәслихатында.</blockquote>Одан бөлек, құтқару жұмыстарына Қорғаныс министрлігі және Ұлттық ұланның 10 әуе кемесі тартылған.<blockquote>«Қазіргі уақытта Атырау, Ақтөбе, Ақмола, Қостанай, Солтүстік Қазақстан облысы және Павлодар облысында 3365 жеке тұрғын үй, 200 аула аумағы және 1059 саяжай су астында қалды. Сондай-ақ, республикалық, облыстық және жергілікті маңызы бар су шайған 85 автожол және су жүрген 135 жол республикалық штабтың бақылауында», - дейді ол.</blockquote>

Қазақстан және Қызылорда облысының жаңалықтары