<a href="https://kyzylorda-news.kz/">Kyzylorda-news.kz</a> &nbsp; Қазақстан халқы Ассамблеясының мүшелері еліміздегі су басқан аймақтарда қол ұшын созып, қайырымдылық көмек көрсетуде белсенділік танытып жатыр.«Жүректен-жүрекке» қайырымдылық акциясы аясында Алматы қаласы Қазақстан халқы Ассамблеясы Ақсақалдар кеңесі төрағасының бастамасымен барлық аймақтардағы кеңестің төрағалары жиналып, су тасқынынан зардап шеккен жандарға қаржылай қолдау білдірді. Қызылорда облыстық ҚХА Ақсақалдар кеңесінің төрағасы Нұрмұрат Ерманов та қаржылай көмек көрсетіп, отандастарды бірлікке, барынша көмек қолын созуға шақырды.<blockquote>− Еліміздің он аймағында төтенше жағдай жарияланғаны белгілі. Бұл сол он өңірге ғана емес, барша қазақ халқының басына келген қайғы деп білемін. Мұндай сын сағатта керегі еліміздің бірлігі. Өйткені, өзара көмек, жәрдем, ынтымақтастық бізді біртұтас халық етеді. Жұдырық болып жұмылғанның арқасында бұл қиындықты да артта қалдырамыз. Осы ретте бұл апатқа бейжай қарамай, үлесімізді қосу − азаматтық парызымыз. Сондай-ақ, үйлерін су басқан барша ағайынға сабыр тілеймін. Еліміз осы бірлігінен айырылмаса кез келген қауіпті жеңіп шығарымыз сөзсіз. Елімізде табиғат апаты болмасын,− деді. &nbsp;</blockquote>

Ақсақалдар кеңесінің төрағалары қаржылай көмек көрсетті

<a href="https://kyzylorda-news.kz/">Kyzylorda-news.kz</a> &nbsp; Үкімет табиғи сипаттағы төтенше жағдайлар салдарынан зардап шеккендерге келтірілген зиянды өтеу қағидаларын түсіндірді, деп хабарлады <a href="https://halyq-uni.kz/">Halyq Uni</a> тілшісі.Қағида Үкіметтің 2014 жылғы 19 желтоқсандағы №1358 қаулысымен бекітілген.Залалды өтеу мына алгоритм бойынша іске асырылады:<ul><li style="text-align:justify;">Материалдық залал келтірілген зардап шегушілер ТЖ туындаған күннен бастап күнтізбелік 30 күн ішінде жергілікті атқарушы органға (әкімдік) материалдық залалды өтеу туралы өтініш береді. Жәбірленушінің өзінің өтініш жазуға мүмкіндігі болмаған жағдайда, оның туыстары немесе сенімхат негізінде өзге де адамдар, сондай-ақ егер жәбірленуші кәмелеттік жасқа толмаған болса, заңды өкілдері келтірілген зиянды (залалды) өтеу туралы өтінішпен жүгіне алады. Келтірілген залалды өтеу туралы өтінішке: зардап шегуші адамның жеке басын куәландыратын құжаттың көшірмесі; табиғи сипаттағы ТЖ туындаған сәттен бастап немесе ТЖ жою кезеңінде зардап шеккен адамның жоғалған және/немесе бүлінген мүлкінің тізбесі қоса беріледі.</li><li style="text-align:justify;">Өтініштер мен құжаттарды тіркеуді әкімдік зардап шегушіге құжаттардың қабылданғанын растайтын қолхат бере отырып, материалдық залалды өтеу туралы өтініштерді тіркеу журналында жүргізеді.</li><li style="text-align:justify;">Материалдық залалды өтеу туралы өтініш әкімдікке құжаттар келіп түскен күннен бастап 15 жұмыс күні ішінде қаралады.</li><li style="text-align:justify;">Әкімдік өтініш тіркелген күннен бастап 10 жұмыс күні ішінде бағалаушыны тарта отырып, келтірілген залалдың мөлшерін бағалауды (өтініш берушінің мүлкіне қолжетімділік болуға тиіс) ұйымдастырады. Жәбірленуші бағалау жүргізілетін уақыт пен орынды анықтайды, кейін жәбірленуші бағалау туралы есеппен танысуға тиіс.</li><li style="text-align:justify;">Әкімдік бағалаушы қорытынды шығарғаннан кейін 3 жұмыс күні ішінде облыстың, республикалық маңызы бар қаланың, астананың, ауданның және облыстық маңызы бар қаланың бюджетін атқару жөніндегі уәкілетті органмен келісілген қаражат бөлу туралы шешім қабылдайды.</li><li style="text-align:justify;">Зардап шеккендерге төлем тиісті шешім қабылданғаннан кейін күнтізбелік 30 күн ішінде іске асырылады.</li></ul>&nbsp;Мүлікті толыққанды әрі сапалы бағалау үшін сарапшылардың жұмысы су тасқыны жағдайы тұрақталып, үйлер мен аула аумақтарынан су толығымен тартылғаннан кейін басталады.Жергілікті атқарушы органдарға қажет болған жағдайда өтініштерді қабылдау мерзімін ұзарту тапсырылды.Фото: Нұрболат Нұржаубай

Үкімет ТЖ салдарынан зардап шеккендерге келтірілген зиянды өтеу қағидаларын түсіндірді

&nbsp; <a href="https://kyzylorda-news.kz/">Kyzylorda-news.kz</a> Сыбайлас жемқорлыққа қарсы іс-қимыл агенттігінің ресми өкілі Данияр Бегайдаров 15 айда 14 млрд теңгеден астам шығын келтірген білім саласындағы жүйелі сыбайлас жемқорлық тәуекелдері туралы мәлімдеді, деп хабарлайды <a href="https://kaz.zakon.kz/kogam-tynysy/6040910-antikor-blm-beru-salasynda-14-mlrd-tegege-rlyty-anytady.html">Zakon.kz.</a>Оның айтуынша, білім беру саласында 2023 жылдан бастап ағымдағы жылдың бірінші тоқсанына дейін еңбекақы төлеу қорынан қаражат ұрлаумен байланысты тұрақты қылмыстық схемалар ашылған."Бухгалтерлер ұлттық білім беру базасы, мектептің бухгалтерлік есеп жүйелері және клиенттердің қазынашылық жүйесі арасындағы интеграцияның жоқтығын пайдаланды. Олар төлем құжаттарына қолмен түзетулер енгізіп, бюджет ақшасын ұрлады. Жымқырушылық жыл сайынғы бюджеттік өтінімдерді қалыптастыру кезінде де іске асқан", - деді спикер.Данияр Бигайдаровтың айтуынша, мұндай жымқыру схемасымен олар белгіленген нормадан жоғары жалақы алып жүрген. Бөгде тұлғалардың деректемелері бойынша өздерінің шоттарына бөгде адамдардың жалақыларын есептеген. Сонымен қатар, "қайтыс болған" адамдарға жалақы есептеген.Сурет: akorda.kz

Білім беру саласында 14 млрд теңгеге ұрлық анықталды

<a href="https://kyzylorda-news.kz/">Kyzylorda-news.kz</a> &nbsp;Жүйеге енгізілген ақпаратқа сүйеніп, тапсырманы жылдам әрі оңай орындайтын жасанды интеллектінің зияны туралы айтпаған, жазбаған адам жоқ. Кері әсерімен қатар пайдасын көріп жатқанымызды негізге алсақ, айтарымыз көп. Мәселен, сырбойылық 16 жастағы жас өнертапқыш QazaqGPT жобасы арқылы жасанды интеллектіні қазақша сөйлетті. Бұйрық берсең, сурет салады, дыбыстама жасайды. Бағдарламаға 300 мыңнан астам сөз бен 220 миллиардқа жуық ақпар енгізген. Бүгінде қолданушылар саны артуда. Бұл да бір белес. Алайда Асылжан Абдуллаев бұнымен тоқтамады. Ол «KazHydroTech» жобасын қолға алуда. Бұл жоба аймақтағы су ресурстарын басқару мен ауыл шаруашылығының қауіпсіздігін қамтамасыз етуге бағытталған.<blockquote>– Жыл сайын су жетіспеушілігі Орта Азияда геосаяси және геоэкологиялық мәселелерді туындатады. Барлығы судың тапшылығына әкелетін үлкен нонсенс. Проблеманы шешу мақсатында Қорқыт ата атындағы Қызылорда университетінің базасында жаңа AI жасауға кірістік. ЖИ орнатылған датчиктер судың мөлшері мен құрамына қарай мониторинг жүргізу арқылы 92% суды үнемдейді, – деді Асылжан Абдуллаев.</blockquote>Жобада Израиль тәжірибесінен алынған тамшылатып суару әдісі қолданылады. Бұл тәсіл өсімдіктерді қажетті ылғалмен қамтамасыз ету арқылы суды пайдалануды оңтайландырады. Жасанды интеллект қосылған сенсорлар топырақ пен атмосфера жағдайын бақылайды, арнайы орнатылған параметрлерге сүйеніп жиналған деректер арқылы тиімді суару уақыты мен көлемі туралы шешім қабылдайды. Сонымен қатар технология тұрғысынан «KazHydroTech» жобасы ауыл шаруашылығының тұрақты дамуы мен қоршаған ортаны қорғауда маңызды қадам.

Ауыл шаруашылығында жаңа жоба

Ұлттық құрылтайда нақты тапсырмалар жүктелді

<a href="https://kyzylorda-news.kz/">Kyzylorda-news.kz</a> &nbsp;Қылқаламның көмегімен ішкі сезімді бейнелеу, формула арқылы есеп жазудан да күрделі. Мәдени орта қалыптастыруда маңызда рөл атқаратын бейнелеу саласы өз ішінде түрлі жанрға бөлінеді. Өнер айдынындағы ерекше стильдердің бірі – абстракция.Абстракция ̶ 1940 жылдың аяғында АҚШ елінде пайда болып, Нью-Йорк қаласына қоныс аударған еуропалық суретшілер арқылы дамыған. Бұл жанрдың өркендеуінде голландиялық суретші Пит Мондрианның да еңбегі зор. Ол геометриялық пішіндерді негізгі ала отырып, үйлесімділікке назар аударған. Модрианның өнері мен шеберлігі көптеген суретшілердің көзқарасына әсер еткен.&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;Бұл жанрда бейнелеу өнерінің бір неше стилі бірігеді. Абстракция – көңіл күй мен көзқарастың көрінісі. Бастысы, суретшінің ойы мен мақсатының айқын болуы. Осы бағыт арқылы қылқалам шеберлері табиғатта кездеспейтін дүниелерді мазмұндайды. Абстракцияда кескіндер ашық түстермен бейнеленеді. Айқын геметриялық сызбалар, жұмсақ контур, суық, қараңғы және жылы тондар қолданылады. Абстрактілі өнерде қылқалам ғана емес қосымша түрлі заттар пайдаланылады. Бейненің ереше әрі шынайы болуы үшін саусақ пен губка да көмекке келеді. Кесіндеме кеңістігінде скульптура, живопись, пейзаж, портрет пен графика жанрында сурет салатын шеберлер көп. Қазақстан Суретшілер одағының мүшесі, қызылордалық суретші &nbsp;Дәулет Тойшыбаев мырзамен әңгімелесу барысында тақырыпқа негіз болған абстракция жанры туралы сұрадық.<blockquote>– Қандай жанр болса да, кез келген салаға байланысты сурет салар кезде реалистік бағытта саламын. Ал реалистік бағыттағы сурет пен абстракция сәйкес келмейтін дүние. Шығармашылық жолымда бұл жанрмен де айналыстым, эксперименттер жасадым. Алайда маған ұнаған жоқ, – деді шебер Дәулет Тойшыбаев.</blockquote>Жанр туралы зерттеу барысында 16 жастағы сырбойылық &nbsp;суретшімен тілдестік. Өнер әлеміне 5 жыл бұрын ат басын бұрған Дархан сурет салу арқылы ойы, ішкі әлемі мен эмоциясын білдіре алатынын жеткізді.<blockquote>– Абстракция өнері мен үшін өзін-өзі көрсету, сонымен қатар пішін, түс пен текстура арқылы объективті жаңа көзқараспен қарау тәсіліне айналды. Нысан мен сюжет нақты кескінделетін дәстүрлі жанрларға қарағанда абстракция қиындық тудырады. Басты ерекшелігі – сөз, ой, қиял бостандығы, белгілі бейнелерді қолданбай эмоция мен идеяны жеткізе алу және композиция арқылы терең түсінік қалыптастыру, – деді Дархан Аширап.</blockquote>Шығармашылық саладағы тәжірибесімен бөліскенде оқушы алғашқы композициясы туралы айтты.<blockquote>– Алғашқы туындымды салуда өзге автордың суретін қайталап, қолымды шынықтырдым, бірақ туындыда жеке ойым бейнеленбеді. Уақыт өте келе икемделіп, жеке көзқарасымды бейнелей бастадым. Кейінгі суреттерде бес жыл уақыт арасындағы менің жолым көрсетіледі,– деді Дархан.</blockquote>Туындыларына қарап, ерекше сезімді бастан кешірдік. Жұмыстарында жапон комикстерінің бейнесі бар. Жас талант иесі Такаши Муракамидің жанкүйері екен. Қылқалам жұмыстарында оның әдістерін қолданатынын айтты. Бала кезден сурет салу ісі хоббиіне айналған жас шебер болашағын IT cаласымен байланыстыруда. Ал өнерді тек сүйікті ісі ретінде қалдырғысы келетінін де жасырмады.&nbsp;Журналист, жазушы Медет Қайырғали сурет өнері туралы «Қылқалам туындылары – бір қалыптан, бір өлшеммен шығып жатқан зат не бұйым емес. Суретшінің қиял кеңістігі шексіз тұңғиық әлем» деген еді. Шынымен де суретшінің қиялы басқа әлемге жетелейді. Бұл тура абстракция жанрына айтылғандай.

Қызылордалық жас суретші: дәстүрлі жанрларға қарағанда абстракция қиындық тудырады

&nbsp;<a href="https://kyzylorda-news.kz/">Kyzylorda-news.kz</a> &nbsp;Су тасқынынан зардап шеккен аймақтарға сыр өңірінен 50 млн теңгенің гуманитарлық көмегі жіберілді.Еліміздегі күрделі жағдайға байланысты Мемлекет басшысы Үндеу жолдап, «Осындай қиын-қыстау кезде бір жағадан бас, бір жеңнен қол шығару айрықша маңызды. Бір ел, бір халық болып жұмылып, бұл апатты еңсереміз. Бұл біздің қолымыздан келеді» деген болатын.Осыған орай аймақ басшысы Нұрлыбек Нәлібаев су тасқынынан зардап шеккен өңірлерге көмек көрсетуді ұйымдастыруды тапсырды.Қызылордалықтар су тасқыны болған аймақтарға жәрдемдесуге жаппай жұмылуда. Қала және аудан әкімдіктері ұйымдастырған «Күшіміз – бірлікте» акциясына облыстың жанашыр азаматтары мен волонтерлер өз үлесін қосты.Бүгін аймақтағы ірі мұнай компанияларының бірі – «Торғай Петролеум» акционерлік қоғамы Атырау, Ақтөбе, Қостанай, Батыс және Солтүстік Қазақстан облыстарына 50 млн. теңгенің 120 тонна қайырымдылық көмегін жіберді. Жиырма тонналық 10 жүк көлігі азық-түлік, газ плиталары, қайықтар мен құрал-саймандар, төсек жабдықтары, ыдыс аяқ, гигиеналық заттар мен дәрі-дәрмек тиеп жолға шықты.Облыстық мәслихат төрағасы, "AMANAT" партиясы облыстық филиалының төрағасы Наурызбай Байқадамов, «Торғай Петролеум» АҚ бас директоры Дәурен Әбілқайыров ізгілік керуеніне сәт сапар, су басқан аймақтардағы ағайындарға Сыр жұртшылығы атынан ізгі тілегін білдірді.Тасқын судан зардап шеккендерге көмек көрсетуден жергілікті компаниялар да қалыс қалған жоқ.Бүгінгі қайырымдылық керуенін және еріктілерді айтыскер ақын, Н.Бекежанов атындағы қазақ музыкалық академиялық драма театрының директоры Мұхтар Ниязов бастап барады. Оның бастамасымен өнер адамдары, мәслихат депутаттары 3 млн. теңге қаржы жинап, көмек беруде.Айта кетейік, қазір Қостанай, Ақтөбе облыстарында 66 қызылордалық құтқарушы, 9 арнайы техника, 4 қайық, 20 мотопомпа жұмыс істейді. Бұған дейін Ақтөбе қаласы мен аталған облыстың Қобда ауданына 25 жүк көлігімен 83 млн. теңгенің 112 тонна азық-түлік, көрпе-төсек, гигиеналық құралдар, дәрі-дәрмек, құрылыс заттары, 50 млн. теңгенің 20 тонна жем-шөбі жеткізілді, 2,5 млн.теңге қаржы Ақтөбе облысында ашылған есепшоттарға аударылды.Тасқыннан зардап шеккен басқа өңірлерге де гуманитарлық көмек көрсету үшін «Жастар орталықтары», сауда үйлері мен базарларда ашылған пункттерде әлі де гуманитарлық көмек жинақталуда. Оған Сыр өңірінің жанашыр азаматтары мен еріктілері атсалысып, өз үлестерін қосуда.Фото: Қызылорда облысы әкімінің баспасөз қызметі<img src="https://knadmin.beoblood.kz/uploads/434639057_830315209134117_6434360479920224945_n_3aa2b4999d.jpg" alt="434639057_830315209134117_6434360479920224945_n.jpg">

Қызылорда: Су тасқынынан зардап шеккен 5 өңірге гуманитарлық көмек жөнелтілді

Жалағаш ауданы: 1 жылда 13 926 адам жұмыспен қамтылды

<a href="https://kyzylorda-news.kz/">Kyzylorda-news.kz</a> &nbsp;«Таза Қазақстан» республикалық акциясы аясында Сыр өңірінде "Таза Қазақстан – таза аймақ" экологиялық науқаны сәйкес «Таза өлке» апталығында Сырдария ауданы тұрғындары белсенділік танытуда.Аудан бойынша барлық елді мекендерде санитарлық тазалық жұмыстары жүргізіліп, ауыл ішілік арықтар тазаланып, ағаштарды көктемгі қырқу, әктеу, сыртқы қоршауларды бояу, қоқыстарды шығару жұмыстары жүргізілді.Бүгінгі акция аясында аудан бойынша 8 техника, 300-ге жуық адамдар қамтылды.Мәдениеттілігімізді көрсететін тазалықтың адамзат баласы үшін орны ерекше. Туған жерімізді, оның ішінде қоғамдық жерлерде тазалық сақтау арқылы көпшіліктің ризашылығын алатынымызды естен шығармаған жөн. Ол үшін әрбіріміз осы тазалықтың төңірегінде жауапты екенімізді сезіну ғана жеткілікті. Сананың тазалығы арқылы айналаның тазалығына үлес қоса алатынымыз анық.Өз ортамыз, өз еліміз, өз денсаулығымыз үшін барлығымыз жауапты екенімізді біле аламыз. Негізінен, экологиялық науқан барысында тазалық жұмыстары жан-жақты жүргізілуде. Өз кезегінде науқан кезінде жергілікті тұрғындар белсенділік танытуда. Ел бойынша жүзеге асырылып жатқан іс-шараларға Сырдартя ауданы қарқынды қатыса бермек. &nbsp;

«Таза өлке» апталығына сырдариялықтар қарқынды қатысуда

&nbsp;<a href="https://kyzylorda-news.kz/">Kyzylorda-news.kz</a> &nbsp;Бүгін Қызылорда қаласындағы мектептердің бірінде, яғни Ж.Нұрманов атындағы №198 мектепте ғимаратқа жарылғыш құрылғы салынғаны туралы полицияға хабарлама келіп түскен. Оқиға орнына шұғыл түрде жедел қызметтер келді. Ғимараттан адамдар эвакуацияланып, тексерілуде.Қызылорда облысының Полиция департаменті қылмыстық құқық бұзушылық болып табылатын терроризм актісі туралы жалған хабар бергені үшін жауапкершілік туралы ескертеді, ол үшін Қазақстан Республикасы Қылмыстық кодексінің 273-бабында (Терроризм актiсi туралы көрiнеу жалған хабарлау) жаза көзделген. Осы бап бойынша 5 жылға дейін бас бостандығынан айыру жазасы қарастырылған.Фото: Нұрболат Нұржаубай

 Қызылорда: Полиция мектепте жарылғыш құрылғы салынғаны туралы хабарлама бойынша тексеру жүргізуде

<a href="https://kyzylorda-news.kz/">Kyzylorda-news.kz</a> 9 сәуір күні Жалағаш ауданының әкімі Ардақ Ибраимов көп балалы аналарға Қазақстан Республикасы Президентінің №379 Жарлығымен «Күміс» алқа наградасын табыстады.&nbsp;<blockquote><ul><li style="text-align:justify;">Өздеріңізге белгілі, ел Президенті Қасым-Жомарт Кемелұлы Тоқаев жыл сайынғы Қазақстан халқына арнаған өз Жолдауларында ана мен бала жағдайына, еліміздегі демографиялық ахуалына ерекше көңіл бөледі.</li></ul></blockquote>Президент жолдаулары аясында 2023 жылғы 1 қаңтардан бастап бала күтімі үшін төлемақы төлеу мерзімі сәби бір жарым жасқа толғанға дейін ұзартылса, 2024 жылдың 1 қаңтарынан бастап айлық есептік көрсеткіш өсіп, жәрдемақылар көлемі де арттырылды. Сондай-ақ, мемлекет басшысының бастамасымен «Ұлттық қор – балаларға» атты жаңа бағдарламаға сәйкес, Ұлттық қордың жыл сайынғы инвестициялық табысының 50 пайызы балалардың арнаулы жинақтаушы есепшотына аударыла бастады. Қаржы әр бала 18 жасқа толғанға дейін аударылып тұрады. Жинақталған қаржы балалар кәмелет жасына толғаннан кейін олардың баспана немесе білім алуына жұмсалады. Бұл қаражат өскелең ұрпақтың үлкен өмірге қадам басуына мүмкіндік беріп, барлық аналарға көрсетілген көмек деп есептеймін»,-деді Ардақ ИбраимовСондай-ақ, бейбіт тірлік пен берекелі бірліктің, жарқын болашаққа деген сенімнің ұйытқысы болып отырған барша қыз-келіншектерге, апа-қарындастарға, аяулы аналарға шынайы ризашылығын жеткізді.Қуанышты сәтке куәгер қонақтар отбасының түтінін түзу ұшырып қана қоймай, ел болашағы – жас ұрпақты тәрбиелеуде шексіз еңбегі бар нәзік жандылар қауымын наградаларымен құттықтады.Бүгінде Жалағаш ауданында 1382 көп балалы отбасылар есепте тұрады. Көп балалы ана, наградталғандар саны – 1026. Оның ішінде 44 ана І және ІІ дәрежелі «Ана Даңқы» орденімен марапатталса, 40-ы Кеңестер Одағының «Батыр ана» атағына ие болған аналар, 304-і - «Алтын алқа», 638-і «Күміс алқа» иегерлері.

Жалағаш ауданында көп балалы аналарға «Күміс алқа» наградасы табысталды 

<a href="https://kyzylorda-news.kz/">Kyzylorda-news.kz</a>&nbsp;Мемлекет басшысы Қасым-Жомарт Тоқаев су тасқынына жағдайларына байланысты халыққа жариялаған Үндеуінде саладағы кемшін тұстарды да баяндап атап өтті. Биылғы су тасқыны барлық аймақта осы бағытта жұмысты жүйелеуге жол ашып беріп отыр. Бұл жерде тыңнан жаңалық ашудың қажеті жоқ. Бұрыннан шаруашылықта келе жатқан тәжірибені тірілтіп, табиғат-анаға қамқорлықты арттырып, оның әрбір тыныс-тіршілігіне тереңірек үңілуге тура келеді.Шындығына келгенде, кейінгі кездері елді мекендер айналасындағы су жүретін жүйені көзден таса қылмай бақылап-бағдарлап отырудан кері кетіп қалған сияқтымыз. Соның салдарынан су жүретін жолдардың үстінен құрылыстар салынып кеткендіктен оның кей тұстарының көзі бітеліп, жүрер жолының бөгелген жағдайы да мәселе туындатып отыр.Өзіміз тұратын аймақта Қаратаудан келген судың ауылды айналып өтіп дарияға құюына жағдай жасау өте маңызды. Осыдан төрт-бес жыл бұрын таудың құлаған қарғын су жолай Шалқияның трассасына тіреліп, ауылды су алып кете жаздаған жағдай болған, сол кездері суды Жайылманың жанындағы жүйемен бұрып отырып дарияға құюына жұмыс жасалды.Міне, табиғаттың талабына да сергек күтім, жауапты көзқарас керек. Дарияның бөгетін де бекемдеп, күтіміне көңіл бөлу маңызды.Ауылдың маңайындағы тоғандарды суға толтырып алып, жазғы егінге пайдаланудың ұтымдылығы қандай. Мемлекет басшысының осындай сындарлы сәтте кәсібимамандарға талапты күшейтуі халықтың да көңілінен шығып отыр. Табиғатқа қамқорлықты әсте кемітуге болмайды. Ерғали Оразбеков, Ауылшаруашылығы саласының ардагері. &nbsp;

Қазақстан және Қызылорда облысының жаңалықтары