<a href="https://kyzylorda-news.kz/">Kyzylorda-news.kz</a> Астананың қылмыстық істер жөніндегі мамандандырылған ауданаралық соты Қуандық Бишімбаевқа тағылған айып бойынша қылмыстық істі қарауды жалғастырып жатыр. Бүгін экс-министрдің адвокаттары Лейла Рамазанова мен Назкен Кусайынова сот отырысына кешігіп келді, - деп хабарлайды Tengrinews.kz.Сот отырысы басталмас бұрын Бишімбаев судьядан қорғаушыларын күтуді сұрады. Алайда судья Айжан Кулбаева өтініштен бас тартып, сот отырысы жалғасты.Судья кеше басталған қылмыстық іс материалдарын зерделеуді жалғастыруды ұсынды. Кейін сотталушының тағы бір қорғаушысы Ерлан Ғазымжанов әріптестерінің сот ғимаратына келіп, есік алдында күтіп тұрғанын айтты.<blockquote>"Олар сот залына кіруге рұқсат сұрап жатыр", - деді адвокат судьяға.</blockquote>Алайда судья Кулбаева екі адвокаттың да үзілістен кейін кіре алатынын айтып, қарсылық білдірді.<blockquote>"Бұған дейін өткен сот отырыстарында тараптарға сот отырысына кешікпеу туралы бірнеше рет нұсқау берілген. Бұл - сот, онлайн-трансляция жүріп жатыр. Осы кезеңде сот отырысы 9:30-да басталатынын біліп, қорғаушылар кешігіп қалды. Осы себепті қазір кіргізілмейді. Өтінемін, сот үзіліс жасағанда, олар сізге қосыла алады", - деді судья.</blockquote>Фото ©️ Tengrinews.kz / Тұрар Қазанғапов

Бишімбаевтың адвокаттары сот залына кіргізілмеді

<a href="https://kyzylorda-news.kz/">Kyzylorda-news.kz</a> Сыр бойында соңғы жылдары соны серпін байқалып келеді. Экономикалық көрсеткіш көңіл көншітіп, әлеуметтің әлеуеті де арта түсуде. Халық та аймақ басшысына сенім артты. Өткен жылы Елорданың төрінде Орталық коммуникациялар қызметінде өткен брифинг барысында облыс әкімі Нұрлыбек Нәлібаев сенімге сай серпінді істерді тарқатып айтқан-ды.Шиелі ауданында әк шығару цехы іске қосыладыАймақтағы ірі кәсіпорындарды сөз еткен аймақ басшысы биыл Шиелі ауданында құны 1 миллард теңге болатын әк және құрғақ құрылыс қоспаларын шығару цехы іске қосылмақ. Сыр елінің ішкі нарқын 70 пайыз қамтып отырған шыны зауыты 2022 жылы жұмысын бастаған болатын. Бүгінде Ресей, Өзбекстан, Қырғызстан, Тәжікстан елдеріне өз өніміміз экспортталуда. Бұл да ауыз толтырып айтарлық нәтижелі жұмыстың бірі. Зауыттың негізгі қуаттылығы 197 мың тонна болса, іске қосылғалы бері 167 мың тонна өнім шығарды. Оған қоса брифинг барысында «Шыны зауытының айналасында шағын және орта кәсіпкерлік белдеуін құруға мүмкіндік мол. Зауыт жанынан құны 130 миллард теңгеден асатын түрлі шыны бұйымдарын шығаратын 8 ілеспе кәсіпорын құрылады» деген болатын аймақ басшысы. Атап айтқанда, жылына 5 миллион шаршы метр энергия үнемдейтін шыны өндірісі іске қосылып, шыны бөтелкелер және алғашқы айна зауытының құрылысы басталмақ. Бұл 3 жобаның жалпы құны 32,3 миллард теңгені қрайды.БІЛІМ – БОЛАШАҚТЫҢ ЖОЛДАМАСЫБүгінде жаһан мемлекеттері бәсекеге қабілетті экономика құру үшін жанталасып жатқаны белгілі. Ол үшін жоғары білімді мамандарды даярлау басты орында тұр. Бұл бағытта Сыр еліндегі серпін көштің соңында емес. Білім саласында өткен жылы 4 жаңа нысан іске қосылды. Бұл турасында облыс әкімі «Облыс бюджетінің 61 пайызы әлеуметтік салаға бағытталған. Соның ішінде білім саласына 278 миллиард теңге бөлінді. Салада ауқымды жобалар сәтті жүзеге асырылуда. Облыста 4 жаңа мектеп пайдалануға берілуде. Президент тапсырмасына сәйкес «Жайлы мектеп» ұлттық жобасы аясында 21 мектеп салынады. Жоба құны – 98 миллиард теңге. Қазір 10 мектептің құрылысы жүргізілуде, қалған 11-і 2024 жылы басталады. 2025 жылы толық тапсырылады», – деді.Айта кетейік, Қызылорда қаласында «Білімді қолдау қоры» есебінен физика-математика бағытындағы 300 орындық жатақханасы бар 400 орындық мектеп-интернат құрылысы қарқын алды. Мұнан бөлек, 4 мектеп жанынан 1850 орынға арналған қосымша ғимараттар салынып, пайдалануға берілді. Сондай-ақ білім сапасын арттыру және инвестиция тарту жұмыстары күн тәртібінен түспейтінін аймақ басшысы үнемі айтып келеді.3 жылда сан алуан жұмыс бітпек«Мемлекет басшысы Қасым-Жомарт Кемелұлы қазан айындағы сапарында өңірдің өзекті мәселелеріне қатысты тарихи шешімдер қабылдады. Көпшілікті толғандырған «Батыс Еуропа-Батыс Қытай» халықаралық дәлізінің Ақтөбе қаласына дейінгі аумағын төрт жолақты жолға айналдыру және Қызылорда қаласына ыстық су қосу мәселесі алдағы үш жыл ішінде шешіледі», – деді облыс әкімі.Арқаның төрінде айтылып, алдағы жылдың еншісінде тұрған біршама нысандардың қатарында 7 ауданда бой көтеретін музей, кітапхана, архив, неке қию залы, ардагерлер және аналар, жастар орталықтары, азаматтық қоғам өкілдері мен тарихи-мәдени, рухани ұйымдарды біріктіретін типтік үлгідегі «Руханият» орталықтары бар.Мемлекет басшысының еліміздегі жылу-электр орталықтарының жұмысын жандандыру тапсырмасына сәйкес Сыр елінде ірі жоба жүзеге асуда. Ол өткен жылы іргетасы қаланған жылу-электр орталығы. Құны – 215 миллиард теңге болатын орталық 2025 жылы ел игілігіне беріледі. Сонымен қатар, облыс орталығында Қорқыт ата әуежайының жаңа терминалы салынуда. Жобаның жалпы құны – 20 миллиард теңге, оның 15,7 млрд теңгесі Болат Өтемұратов қорынан бөлінеді. Жергілікті бюджеттен 4,3 млрд теңге инфрақұрылымды дамытуға және абаттандыруға қарастырылған. Нысан 2024 жылдың мамыр айында жұмысын бастайды. Мұнан бөлек, Қызылорда қаласында құрылысы басталған заманауи үлгідегі Оқушылар сарайы 2024 жылы пайдалануға берілмек. «Саутс Ойл» компаниясы музыкалық колледж ғимаратын салады. Жобаға 4,8 млрд теңге жұмсалмақ. Яғни, қоян жылын табысты қорытындылап, ұлу жылына үлкен сеніммен қадам аттадық.Жетекші саланың жүгі ауырӨңір экономикасы дамуына үлес қосып келе жатқан негізгі салалардың бірі – ауыл шаруашылығы. Аймақтың табиғи-климаттық және топырақ ерекшеліктеріне сәйкес ауыл шаруашылығы толығымен суармалы егіншілікке, оның ішінде күріш егісіне бейімделген. 2023 жылғы егін науқаны кезінде әр гектардан 56,5 центнер өнім алынып, қамбаға 503 мың тонна күріш жиналыпты. Салаға өткен жылы 9,4 млрд теңге инвестиция тартылған.«Су тапшылығына қарамастан күріш өнімділігі өткен жылмен бірдей болды. Облыстың ауыл шаруашылығы саласының экспорттық әлеуеті артып, өткізу нарығы кеңеюде. Соңғы екі жылда құны 84 миллион долларды құрайтын ауыл шаруашылығы өнімдері экспортталды. Экспортталған өнімнің 96 пайызы – өңделген өнім. Суды үнемді пайдалану үшін тамшылатып, жаңбырлатып суару әдістерінің қолдану аясын кеңейтуге басымдық беріліп жатыр», – деді облыс әкімі.Күрішті өңірдің ырысы – жерге еккен егіні екені даусыз. Алайда аяқ судың жетіспеуі жыл санап үлкен мәселеге айналып барады. Осы орайда жетекші салаға жаңа серпін керек. Яғни, агро саланы әртараптандыру жұмыстары қолға алынуда. Мәселен, өнімділігі жоғары, өсу мерзімі қысқа күріштің жаңа сорттарын өндіріске енгізу көзделуде. Ғалымдар бірнеше жаңа сорттарды сынақтан өткізуде. Нәтижесінде пилоттық жобадағы сорттар 10 центнерден жоғары өнім беріп, 10-15 күн ерте пісті. Биыл да оң көрсеткіш сақталса, 2025 жылдан бастап жаңа сорттар қолданысқа енгізілетін болады.Егіс алқабын әртараптандыру алдағы уақытта да жалғасын таппақ. 2025 жылға қарай күріш алқабы 89 мың гектардан 80 мың гектарға дейін қысқартылады. Оның орнына суды аз қажет ететін дақылдардың егіс көлемі 8,7 мың гектарға ұлғайтылады. Атап айтқанда, майлы дақылдар алқабы 13 пайызға, малазықтық дақылдар алқабы 8 пайызға, картоп, көкөніс, бақша дақылдары алқабы 0,5 пайызға, басқа дәнді дақылдар егісі 21 пайызға артады.

Сыр еліндегі серпінді іс

<a href="https://kyzylorda-news.kz/">Kyzylorda-news.kz</a> &nbsp;Өскемен қаласында зейнеткер 7 жасар немересін өлтірді деген күдікпен ұсталды, деп хабарлайды <a href="https://egemen.kz/">Egemen.kz</a>.Бейресми мәліметке сүйенсек, ер адам немересіне бірнеше рет пышақ сұққан. Ауыр жараланған 7 жасар бала сол жерде көз жұмған.Шығыс Қазақстан облыстық Полиция департаменті бұл ақпаратты растап, күдіктінің ұсталғанын жеткізді.«Кәмелетке толмаған баланы өлтіру дерегі бойынша қылмыстық іс қозғалды. Күдікті уақытша ұстау изоляторына қамауға алынған. Айғақты заттар алынып, қажетті сараптамалар тағайындалды. Барлық мән-жай анықталып жатыр», деп жазды&nbsp;<a href="https://kaz.inform.kz/news/oskemende-zeynetker-7-zhasar-nemeresn-oltrd-degen-kudkpen-ustaldi-61bd56/">Кazinform </a>департаменттің баспасөз хатшысы Татьяна Карпованың сөзін.Оның айтуынша, өзге ақпарат ҚР ҚПК-нің 201-бабына сәйкес жария етілуге жатпайды.Фото: Нұрболат Нұржаубай

Өскеменде зейнеткер 7 жасар немересін пышақтап өлтірді деген күдікпен ұсталды

<a href="https://kyzylorda-news.kz/">Kyzylorda-news.kz</a> &nbsp; Алматылықтар 2 балл болатын жер сілкінісін сезді. Бұл туралы <a href="https://kaz.nur.kz/accidents/2082596-almatylyqtar-zer-silkinisin-sezdi/">KAZ.NUR.KZ</a> хабарлайды.«10 сәуірде 19-58-де Алматы қаласында 2 балл жер сілкінісі болды. Жер сілкінісінің эпицентрі мен баллдық нақтылануда», – деп хабарлады ТЖД өкілдері. Кейінірек «Сейсмологиялық байқау және зерттеулер ұлттық ғылыми орталығы» ҚР ТЖМ ЖШС мәлімет берді. Жер сілкінісінің ошағы Алматыдан оңтүстік-шығысқа қарай 484 километрде болған, афтершок. Жер сілкінісінің энергетикалық класы 13.6. MPV магнитудасы 6.0. Эпицентрдің координаттары 41.37° С. Е. 82.23° ш. б. Тереңдігі 10 км. Сезілуі туралы мәліметтер (МЅК-64 шкаласы бойынша): Алматы қаласы 2 балл, Кеген, Райымбек аудандары 3 балл. Еуропалық-Жерорта теңізі сейсмологиялық орталығының мәліметінше, Шыңжаң-Ұйғыр автономиялық ауданында жер сілкінген. Оның магнитудасы 5,7-ге тең болған.Айта кетейік, бүгін, 10 сәуірде сағат 10:57-де Алматыдан оңтүстік-шығысқа қарай, Қытай аумағында жер сілкінісі тіркелген. Сейсмоинституттағылар бұл жағдайды афтершок деген. Алайда Қазақстан аумағында сезілмеген.Сурет: freepik.com

Алматыда жер сілкінді

<a href="https://kyzylorda-news.kz/">Kyzylorda-news.kz</a> &nbsp;ҚР Қаржы министрлігі су тасқыны кезінде зардап шеккендерге өтемақы төлемдері қалай жүргізілгенін айтты, деп хабарлайды <a href="https://kaz.zakon.kz/kogam-tynysy/6040934-su-tasynynan-zardap-shekken-otbasy-100-aek-mlsherndeg-brzholy-temayny-alay-ala-alady.html">Zakon.kz.</a>Қаржы министрлігінің баспасөз хатшысы Арай Дәулетқызы республикалық ақпараттық штаб өткізген брифингі барысында Үкімет жергілікті атқарушы органдардың&nbsp;орталық мемлекеттік органдармен өзара іс-қимыл алгоритмімен су&nbsp;тасқыны салдарын жою жөніндегі іс-шараларды қаржыландыру&nbsp;жоспарын бекіткенін айтты.<blockquote>"Жоспарға сәйкес, әрбір зардап шеккен отбасына 100 АЕК мөлшерінде&nbsp;біржолғы өтемақы берілетін болады. Ал қираған үйлер Үкімет резерві есебінен қайта салынатын&nbsp;болады.&nbsp;Өңірлерге қаражат Өнеркәсіп және құрылыс министрлігі&nbsp;арқылы бағытталатын болады", - деді Арай Дәулетқызы.</blockquote>Оның айтуынша, жөндеуге мұқтаж үйлер әкімдіктердің қаражаты есебінен&nbsp;қалпына келтірілетін болады.&nbsp;Залалды бағалауды әкімдіктер су кеткеннен кейін бірден&nbsp;жүргізеді.<blockquote>"Саяжай үйлері бойынша өтемақы мөлшері 100 АЕК дейін&nbsp;құрайды.&nbsp;Бұл ретте, егер саяжай жалғыз тұрғын үй болып табылса&nbsp;немесе зардап шеккендер халықтың әлеуметтік осал топтары&nbsp;санатына жататын болса, әкімдіктер баламалы тұрғын үй беру&nbsp;мүмкіндігін қарастыратын болады", - дейді Арай Дәулетқызы.</blockquote>Сондай-ақ ауыл шаруашылығы жануарлары бойынша шығындарды&nbsp;өтеу жергілікті атқарушы органдардың қаражаты есебінен&nbsp;жүргізілетін болады.<blockquote>"Жергілікті атқарушы органдардың тізімдеріне сәйкес су&nbsp;тасқынынан зардап шеккендер санатына жатқызылған барлық&nbsp;азаматтарға банктер мен МҚҰ бөлімшелеріне бармай-ақ кредиттер&nbsp;бойынша төлемдерді 3 ай мерзімге (2024 жылғы 1 сәуірден 30&nbsp;маусымға дейін) автоматты түрде кейінге қалдыру беріледі", - дейді ол.</blockquote>Сурет: ҚР ТЖМ

Су тасқынынан зардап шеккен отбасыға 100 АЕК мөлшеріндегі біржолғы өтемақы беріледі

<a href="https://kyzylorda-news.kz/">Kyzylorda-news.kz</a> &nbsp;Міндетті әлеуметтік сақтандыру жүйесін іске асырудағы өзекті мәселелердің бірі – халықты жүйелі түрде сақтандыру болып табылады. Бүгінде Қызылорда облысында аталған жүйеде сақтандырылған азаматтар саны – 695 мыңнан асады. Тиісінше, бұл жалпы халықтың 85 пайызын құрап отыр.Ал, сақтандырылмаған азаматтардың жалпы үлесі 15 пайыз. Дегенмен, нәтижелі атқарылған жұмыстардың арқасында Мәмс жүйесінде сақтандырылмаған азаматтар саны айтарлықтай төмендеп келеді. Бұл жөнінде Өңірлік коммуникациялар қызметінің ақпарат алаңында «Әлеуметтік медициналық сақтандыру қоры» КЕАҚ Қызылорда облысы бойынша филиалының директоры Бақыт Исмаханбетов хабарлады.<blockquote>– Өздеріңіз білетіндей, қазіргі таңда Мәмс жүйесіне азаматтарды сақтандыру шаралары қарқынды жүруде. Жыл сайын медициналық сақтандыру қаражаты есебінен тұрғындарға кардиохирургия, нейрохирургия, урология, травматология, онкология және хирургия бойынша оталар тегін жасалуда. Мәселен, былтыр біздің аймақта 55 кардиохирургиялық, 36 нейрохирургиялық, 18 урологиялық және 6 травмотологиялық оталар жасалды. Бұдан бөлек, Мәмс жүйесіндегі басым бағыттардың бірі – оңалту қызметтері де халыққа тұрғылықты қызмет көрсетуде. Жыл сайын оңалту қызметтерін алу мүмкіндігі жақсарып, медициналық құрылғылардың да, емдеу әдістерінің де саны артып келеді. Оңалту қызметтерін көрсету үшін былтыр 40 медициналық ұйыммен келісім шарттар жасалды. Сонымен қатар, стоматологиялық көмек көрсету қызметтері де сәтті жүзеге асырылуда. Былтырдан бастап әлеуметтік медициналық сақтандыру қоры стоматологиялық қызмет көрсету үшін арнайы клиникалармен тікелей келісімшарттар жасай бастады. Бұрын бұл келісімдер емханалар арқылы жасалған еді. Соның арқасында биыл 61 медициналық ұйым стоматологиялық қызмет көрсетеді. Оның ішінде 10 – мемлекеттік, 51 – жекеменшік медициналық ұйым. Осылайша емделушілер тікелей стоматологиялық клиникаларға жолдамасыз жүгіне алады, тек әлеуметтік медициналық сақтандыру қорымен шарты болуын нақтылау қажет, – деді Бақыт Торғайбайұлы.</blockquote>Фото: Қызылорда облысының Өңірлік коммуникациялар қызметі

Облыс халқының 85 пайызы МӘМС жүйесіне сақтандырылған

Өткен жылы Шиелі ауданы әкімдігінде VІІ шақырылған аудандық мәслихаттың кезекті 33-сессиясы өтті. Сессияны Шиелі аудандық мәслихат хатшысы Тұрмағанбет Жағыпбаров ашып жүргізген болатын. Онда 2023-2025 жылдарға арналған бюджетті тиімді жоспарлау жұмыстары талқыланды.Мемлекет басшысы Қасым-Жомарт Тоқаев бюджет қаражаттарын тиімді пайдалану жөнінде орталық және жергілікті атқарушы органдарға жауапты міндеттер жүктеп келеді. Расында да, бұл бүгінгі өзекті мәселенің бірі. Бюджет қаражаты ысырапшылдықты көтермейді. Оның әр теңгесі қатаң бақылауда болған жағдайда ғана тиімділігі арта түседі. Осы орайда шежірелі өлкенің бюджетін тиімді жоспарлау үшін қоян жылында атқарылар жұмыстардың легін тарқатқан-ды. Алдымен 2023 жылғы кірістер болжамына назар салсақ, 10 миллард 430 миллион&nbsp; 421 мың теңге көлемін құрайды екен. Ал бұл қаржыны қайда жұмсау көзделген, соны тарқатып көрелік...Шиелі ауданының бюджетінен Бәйтерек, Жуантөбе елді мекендеріндегі көшелерді жөндеу жұмыстарына 58 миллион 573 мың теңге қаралған-ды. Сонымен қатар Иіркөлдегі №10, 11, 12, 13, 22, 23, 24 кв, С.Төребаев, Т.Адилов көшелеріне және Тұрандағы А.Құнбаев, Қорғанбаев, Молжігітов, Қодаманов көшелеріне жарық орнату үшін барлығы 33 миллион 232 мың теңге қаржы бөлінген екен.Сессия отырысында мақұлданған тағы бір мәселе Майлытоғай елді мекеніне балалар ойын алаңын орнату ісі. «Балалар жылы» аясында бастау алған игілікті іс келер жылы да жалғасын таппақ. Ол үшін 38 миллион 101 мың теңге қаржы бөлінді. Сондай-ақ жұмыспен қамту, әлеуметтік бағдарламалар және азаматтық хал актілерін тіркеу бөліміне әлеуметтік тұрғыдан халықтың осал тобы қатарынан білім алушы студенттерге әлеуметтік көмек көрсетуге 25 миллион 921 мың теңге, санаторлы-курорттық емделу қызметін алатын мүгедектігі бар адамдарға ілесіп жүрушілердің шығындарын өтеуге әлеуметтік көмекке 3 миллион 588 мың теңге, барлығы 29 миллион 509 мың теңге бөлінетін болады деп жоспарланған.Шиелі ауданына қарасты ауылдардың ішінде алғашқы болып көгілдір отынның игілігін 2018 жылы Ы.Жақаев ауылының тұрғындары көрген болатын. Одан соң бұл жұмыстар Бидайкөл, Байсын, Керделі, Нартай ауылдарында жалғасын тапты. Өткен жылы бұл тізімге Ақмая, Алғабас және Ш.Қодаманов, Еңбекші мен Жиделіарық ауылдары да қосылды. Осылайша, аудан халқы газға қосылып, күл шығарып, от жағудың машақатынан арылды. Қоян жылының соңында көгілдір отынның қызығын көру еңбекшіліктерге бұйырған-ды. Өткен жылы Шиелі ауданының республикалық бюджеттің есебінен, құрылыс, сәулет және қала құрылысы бөліміне газ тарту желілерінің құрылысын жүргізуге Еңбекші елді мекеніне 270 миллион&nbsp; 356 мың теңге, Жиделіарық елді мекеніне 172 миллион 157 мың теңге, барлығы 442 миллион 513 мың теңге бөлінген. Оған қоса облыстық бюджеттің есебінен, тұрғын-үй коммуналдық шаруашылығы, жолаушылар көлігі және автомобиль жолдары бөліміне Сұлутөбе елді мекеніне кіре беріс Мақсұт Тоқмағамбетов көшесін күрделі жөндеудан өткізу үшін 264 миллион 651 мың теңге бөлінгенін де естідік.&nbsp;Шиелі аудандық экономика және бюджеттік жоспарлау бөлімінің басшысы Д.Жакеев өткен жылы Шиелі кентіндегі көшелерді орташа жөндеуге 563 миллион 883 мың теңге қаралғанын да айтты. Ал ол қай көшелер? Кент тұрғындары тоқсан сайын әкіммен кездесуде айтатын Ш.Уәлиханов көшесінің басы, Қарабұзау көесінің аяғы, Қажымұхан көшесі және тұйығы, Желтоқсан тұйығы, И.Панфилов және тұйығы, М.Жұмабаев, Алтынбеков тұйығы, Ковтунов, Бөлтекейұлы, И.Құтпанұлы тұйығы, Абай тұйығы, Ботабаев тұйығы және №2 көше тұйығы, Кәрімбаев тұйығы, Шәкәрім Нұртөре моншасына дейін, Жайлыбаев тұйығы, Ә.Иманбеков, А.Жұбанов, Ж.Молдағалиев, Ағыбай батыр, Самара-Шымкент трассасынан Құрманғазыға дейінгі көшелер бар. Сондай-ақ Ә.Молдағұлова аяғы мен тұйықтары, №1, 2 көшелердің тұйықтары, №1, 2, 3, 4, 5, 6 көшелердің тұйықтары, Ы.Жақаев тұйықтары, Отырар, Жерұйық, М.Қаратаевтан қашыртқы каналға дейін, Ж.Ердешбаевтан, М.Мырзахметов, Омаров, ГРП-23 мөлтек ауданындағы көшелер, Боранов, аудандық аурухана көшесі атаусыз, Ермағанбетовтен А.Исмаиловқа дейін, Өмірбекова, Нұртазаева, Қабанбай батыр, А.Едигеев, Ж.Базарбаев, Базарбаев жанындағы атаусыз көше, аудандық аурухана жанындағы атаусыз көше, Бурабай, Б.Сыздықов, Қалдыбаев, Шопашев, Амангелді көшесінің басы, Самар-Шымкент тас жол бойындағы көше, Жақаевтан Жаназар батырға дейінгі аралықтар бар. «Жолдың жайын жүрген білер» демекші, кент іші көркейіп, жаңарып қалары сөзсіз.Ауыл халқының тұрмыс сапасын арттыру бағытында қолға алынған бағдарламаның бірі – «Ауыл – ел бесігі» жобасы. Аталған бағдарлама аясында Тұран ауылындағы Н.Қорғанбаев, Н.Қылышбаев, Ақмаядағы Ы.Алтынсарин, Игілік, Бәйгеқұмдағы Досбол би, М.Әуезов, А.Құнанбаев, Ш.Уалиханов көшелері күрделі жөндеу көрген. Бұл тізімде Иіркөлдегі Сұлтан Қалымбетов, Сыздық Төребаев, Рахмет Нүрекев, Абай Құнанбаев тұйығы, Ахпанбет Қоспанбетов, Төлеу Адилов, Ибрагим Шохаев, №14, №15, Талаптандағы Алиханов, Баекеев, Оразбаев, Оспанов, Палымбаетов, Сатбаев көшелері, Тартоғайдағы М.Шохай, С.Ершохаев көшелері де бар.Шиелі ауданы әкімі Нұржан Ахатовтың қатысуымен өткен сессия отырысында бөлімдерге бөлінген қаржыны ұтымды игеру, сан мен сапаға маңыз беру мәселесі де сөз болды. Күн тәртібінен түспей тұрған газдандыру, көшелерді жөндеу, жарық шамдарын орнату сынды жұмыстарға бастысы қаржы бөлініп, сессияда мақұлданды. Ендігі кезекте қаржы мақсатты, өз орнымен жұмсалса Шиелінің шырайы арта түсері анық.

Шиелі: Қоян жылындағы қаржы қайда жұмсалды?

&nbsp;<a href="https://kyzylorda-news.kz/">Kyzylorda-news.kz</a> &nbsp;Қазгидромет тағы&nbsp;су тасқыны қаупі бар екенін ескертті. Синоптиктердің болжауынша, Қазақстанға Ресейден үш-бес күн ішінде су келеді.&nbsp;Бұл туралы<a href="https://stan.kz/3-5-kunde-reseyden-kazakstanga-karay-su-agadi-kazgidrom-398292/">&nbsp;Stan.kz&nbsp;</a>ақпарат агентігі хабарлайды.Ендігі басты қауіп – Орынборға жайылған&nbsp;Жайық өзені. Мамандардың айтуынша, көрші елдегі су төмен қарай ағып,&nbsp;Батыс Қазақстанға қарай жылжиды. Ал су қоймасындағы су деңгейінің көтерілуі жергілікті халыққа қауіп төндіреді екен.<blockquote>“Мысалы&nbsp;Ақмола облысындағы Есіл өзенінің суы қазір Солтүстік Қазақстан облысының аумағы арқылы ағып жатыр.&nbsp;Қостанай облысында&nbsp;да солай. Осы судың барлығы төмен қарай жылжиды, енді Қостанай облысының солтүстік бөліктерін су басу қаупі бар. Жайық өзенінде де солай”, –&nbsp;деді "Қазгидромет" РМК гидрологиялық мониторинг басқармасының бастығы Бауыржан Жекіжанов.</blockquote>Сонымен қатар&nbsp;"Қазгидромет" бірқатар өңірлерде тауларды әлі де қар басып жатқанын хабарлады. Кенеттен жылыну да, қатты жауын-шашын да елде қардың еруіне және жаңбыр су тасқынының пайда болуына түрткі болуы мүмкін. Сондай-ақ&nbsp;алдағы күндері Қазақстанда жауын-шашын нормадан артық жауады деген болжам бар. Солтүстік, орталық және шығыс облыстарда жаңбыр жауып, қарға айналады.Бұған дейін ресейлік шенеунік Ресейдің&nbsp;Қорған және Түмен облыстарындағы су тасқынына&nbsp;Қазақстанның су қоймаларынан&nbsp;жіберілген&nbsp;су&nbsp;әсер еткенін айтқан еді.&nbsp;Қазақстанның су ресурстары және ирригация министрлігі бұл мәлімдемеге түсініктеме беріп, ресейліктің сөзін жоққа шығарды.&nbsp;Фото: Stan.kz

3-5 күнде Ресейден Қазақстанға қарай су ағады – Қазгидромет

&nbsp;<a href="https://kyzylorda-news.kz/">Kyzylorda-news.kz</a> &nbsp;Қазіргі қоғамдағы маңызды мәселелердің бірі – пробация есебіндегі азаматтарды әлеуметтік бейімдеу, олардың уақытын тиімді пайдаланып түрлі мәдени-спорттық іс-шараларға қатыстыру, сонымен қатар қоғамға сіңіп кетуі болып табылады. Осы ретте, Сырдария аудандық жастар ресурстық орталығы пробация есебіндегі жастар арасында кіші футболдан турнир өткізді. Турнирде 5 команда бақ сынады.<blockquote>– Спорттық іс-шараның негізгі мақсаты – жастар арасында саламатты өмір салтын қалыптастыру, бос уақыттарын тиімді пайдалану және қылмыс пен құқықбұзушылыққа жол бермеу. Кіші футболдан өткен турнирде пробация есебіндегі жастар тартысты ойын көрсетті. Пробация есебінде тұрған азаматтардың арасында спорттық іс-шаралар жиі ұйымдастырылады, – деді орталықтың директоры Айгүл Ахметова.</blockquote>Турнир қорытындысы бойынша&nbsp;І орынды &nbsp;"Атлас" командасы, ІІ орынды "Қайсар" командасы, ІІІ орынды &nbsp;"Оқжетпес" командасы, IV-V орынды &nbsp;"Шаған" және "Арафат" командалары еншіледі. Жеңімпаздарға "Мирас" жастар ұйымы қоғамдық бірлестігінің арнайы дипломдары мен бағалы сыйлықтары табысталды.Жарыс соңында қатысқан жастар ұйымдастырушыларға алғыстарын білдірді.

Пробация есебіндегі жастар арасында кіші футболдан турнир өтті

&nbsp;<a href="https://kyzylorda-news.kz/">Kyzylorda-news.kz</a> &nbsp; Сырдария ауданы бойынша жер қоры 4 млн 261 мың гектарды құрайды. Ауыл шаруашылық мақсатындағы жер көлемі – 386513 гектар, жер пайдаланушылар саны – 1099. Оның ішінде шаруа қожалықтар – 994, мемлекеттік емес заңды тұлғалар – 73, өндірістік кооператив – 2, мемлекеттік заңды тұлғалар - 30. Елді мекендердің жер көлемі – 5191 гектар, жер пайдаланушылар саны – 48 723.&nbsp;Өнеркәсіп, байланыс, қорғаныс жері және ауыл шаруашылығына арналмаған өзге де жердің көлемі – 151&nbsp;272 гектар, жер пайдаланушылар саны – 134 &nbsp;құрайды. Орман қорының жері – 481711 гектарды, босалқы жерлер – 3 млн 217 мың гектарды құрайды.Қазақстан Республикасының жер заңнамасының принциптері мен міндеттеріне келесі мәселелер белгіленген. Атап айтқанда табиғи ресурсты тиімді пайдалану, жерді халықтың өмірі мен қызметінің негізі ретінде сақтау, жерді қорғау және ұтымды пайдалану, ауылшаруашылығы мақсатындағы жерлердің басымдығы, жеке және заңды тұлғалар мен мемлекеттің жерге құқықтарын қорғау, жер қатынастары саласында заңдылықты нығайту. Ауыл шаруашылығы мақсатындағы жерлердің жәй-күй жайында ауыл шаруашылығы және жер қатынастары бөлімінің басшысы Қанат Нұрсейітов баяндады.<blockquote>– Аудандағы&nbsp;280333 гектарды құрайтын 889 субъектіге табысталған 1099 жер учаскесіне 2022 жылы түгендеу жүргізілді. Нәтижесімен&nbsp;123 484 гектарды құрайтын 725 жер учаскесі бойынша барлығы 47545 (МІҚ – 17015, жылқы – 8874, түйе – 1225, уақ мал – 20431)&nbsp;ИСЖ базасына тіркелген.&nbsp;Қалған көлемі&nbsp;106418&nbsp;гектар болатын&nbsp;342&nbsp;шаруашылық субъектілерінің ауылшаруашылығы мақсатындағы жер учаскелерінің пайдаланбай отырғандығы анықталды. Оның негізгі себептері қаржылық қиындықтар, жер пайдалануға құлықсыздық танытуы және т.б.</blockquote>Қазақстан Республикасы Ауыл шаруашылығы министрлігінің Жер ресурстарын басқару комитетімен облыстар бойынша мемлекетке қайтарылатын жер көлемдері бекітіліп, Қызылорда облысына 2023 жылы&nbsp; 200 мың гектар қайтару көзделген. Соның ішінде,&nbsp;Сырдария ауданы бойынша жалпы көлемі – 38 000 гектар болатын пайдаланылмай жатқан ауылшаруашылығы мақсатындағы жерлерді мемлекет меншігіне қайтару жоспарланып, облыс әкімінің бірінші орынбасары С. Қожаниязовпен аудандар бөлінісінде бекітілген. Бектілген жоспарға сәйкес, 2023 жылы жалпы көлемі – 53261,3 гектар болатын 32 жер учаскесі азаматтардың өз өтінішіне және пайдалану мерзімі аяқталуына орай ауданның босалқы жер қорына қайтарылды, – деді бөлім басшысы.2022-2023 жылдары жер пайдаланушылардың өз өтініші және пайдалану мерзімі аяқталуына орай 57 жер пайдаланушыдан көлемі 69892,4 гектар жер учаскелері мемлекет меншігіне қайтарылды.Сонымен қатар пайдаланылмай отырған ауыл шаруашылығы мақсатындағы жалпы көлемі – 1639 гектарды құрайтын 30 жер учаскесі бойынша Қазақстан Республикасы Ауыл шаруашылығы министрлігінің Жер ресурстарын басқару комитеті Қызылорда облысының жер ресурстарын басқару департаментіне тиісті нұсқама және &nbsp;мемлекет меншігіне қайтару мақсатында жолданып, Департамент тарапынан жер пайдаланушыларға 1 (бір) жыл мерзімге нұсқау жолданған.Бөлім басшысының айтуынша Қазақстан Республикасы Жер Кодексінің 43-1-бабаның талаптарына сәйкес 2022 жылы қайтарылған ауыл шаруашылығы мақсатындағы жер учаскелерінің ішінен&nbsp;жалпы көлемі 6789 гектарды құрайтын 12 жер учаскесін 2023 жылы айналымға алу &nbsp;жоспарланса, қазіргі таңда 3589 гектарды құрайтын 16жер учаскесі конкурс негізінде жеке және заңды тұлғаларға табысталған.Бұған қоса, жыл басынан ауданның босалқы жер қорынан шалғайдағы мал шаруашылығы (маусымдық жайылымдар) үшін жалпы көлемі – 5326,4 гектар болатын 14 жер учаскесі 5 жыл мерзімге уақытша өтеусіз жер пайдалану құқығымен табысталып, ауыл шаруашылығы айналымына алынған.Бұдан бөлек, 2022 жылы&nbsp;Сырдария ауданы бойынша "Қазғарыш" ұлттық компаниясы" акционерлiк қоғамы тарапынан жерді ғарыштан қашықтықтан зондтау нәтижесімен көлемі – 56418 гектар болатын барлығы 202 пайдаланылмай жатқан ауыл шаруашылығы мақсатындағы жерлер анықталды. Тиісті пайдаланылмай жатқандығы анықталған жер учаскелері&nbsp;«JerInSpectr» &nbsp;платформасымен жолданды.Инцидент карточкаларының ішінде нысаналы мақсатына сәйкес пайдаланып, төрт-түлік малын ауыл шаруашылығы жануарларын бірдейлендіру базасына тіркеткен және меншік иелері ауысқан көлемі – 31806 гектар болатын 74 жер пайдаланушылар бойынша мәліметтерді&nbsp;"Қазғарыш" ұлттық компаниясы" акционерлiк қоғамына қайтарды. Ал, мақсатына сәйкес пайдаланылмай жатқан көлемі – 24&nbsp;612 гектар болатын 128 жер учаскелері тиісті шаралар қабылдау үшін «Қазақстан Республикасы Ауыл шаруашылығы министрлігінің Жер ресурстарын басқару комитеті Қызылорда облысының жер ресурстарын басқару департаментіне жолданған.&nbsp;Нәтижесінде, Департамент тарапынан 128 жер пайдаланушыға СМС хабарламалар жіберіліп, заң бұзушылықтарды жоюды ескерту ретінде 1 жылға нұсқау хаттары жолданды.Нұсқау хаттарын алған жер пайдаланушылар мал басы санын ИСЖ базасына тіркетуде. Одан бөлек, жер учаскелерін шаруа қожалық атына ауыстыру жұмыстарын жүргізіп, жер учаскелерін мақсатты игеруге кірісуде.2023 жылы «JerInSpectr» &nbsp;платформасы арқылы жерді ғарыштан қашықтықтан зондтау нәтижесімен 38236,3 гектар болатын 169 ауыл шаруашылығы мақсатындағы жер учаскелерінің игерілмегендігі жолданған.Бөлім мамандарының жүргізген жұмыстары нәтижесінде 11074 гектарды құрайтын 23 жер учаскесінің меншік иелері мен жер пайдаланушылары ИСЖ базасында мал басын тіркесе, 2491 гектар құрайтын 1 жер учаскесі мемлекеттік мекеменің теңгерімінде тұрғандығы анықталған. Қалған жер пайдаланушылармен түсіндірме жұмыстарын жүргізу жалғасуда.Жайылымдық жерлерді пайдаланудың тиімділігін арттыру мақсатында аудандағы әрбір елді мекеннің 2022-2023 жылдарға арналған жайылымдық басқару жобасы бекітілген&nbsp;(аудандық мәслихаттың 2022 жылғы &nbsp;25 шілдедегі №154 шешімімен).Қазіргі таңда «Сырдария ауданының кент және ауылдық округтерінің 2024-2025 жылдарға арналған жайылымдарды басқару және оларды пайдалану жөніндегі жоспарын бекіту туралы» Сырдария аудандық мәслихатының шешім жобасы әзірленуде.Қорыта келгенде, Сырдария ауданы бойынша игерілмеген және мақсаты бойынша пайдаланылмаған ауыл шаруашылығы мақсатындағы жер учаскелерін анықтау және мемлекет меншігіне қайтару жұмыстарын жүргізу алдағы уақытта да атқарылатын болады.фото: inbusiness.kz

Сырдарияда 32 жер учаскесі мемлекет меншігіне  қайтарылды

<a href="https://kyzylorda-news.kz/">Kyzylorda-news.kz</a> &nbsp;Бұлбұл дауысымен көпшілікті таңқалдырып, талай киелі сахнаны бағындырып жүрген Сыр бойының өнер өкілдері аз емес. Солардың арасынан топ жарып, күллі халықтың қолдауы мен қошеметіне ие болып жүрген қоңыр үнді Құралай Мейрамбек қазақ елінің шашбауын әлемдік дәрежеде көтеруде. Құралай «Қазақстан дауысы» жобасының жеңімпазы, ҚР Мәдениет және өнер саласының үздігі атанған.Жас әнші Қызылорда облысының Амангелді ауылында дүниеге келген. Өнер жолын небәрі 5 жасынан бастаған. Бала кезінен әлемдік сахнада өнер көрсетіп, мәдениетке жаңа серпін беруді армандаған. Ең алғаш «Ботақан» балаларға арналған байқауына қатысып, жеңімпаз атанған. Құралайдың талантына ата-анасы әрқашан қолдау танытып, өнер иесінің арманына кісен салмағаны мәлім. Өйткені Құралайдың екі әпкесі де өнерден кенде емес.Кейіпкеріміздің айтуынша, талай талантты тұлғалардың басын біріктірген «Қазақстан дауысы» жобасына қатысу – балалық шағының ең үлкен арманы.Түркі халықтарының ұлы ойшылы, жырау, Сырдың бойын мекен еткен Қорқыт бабаның құрметіне арналған «Қорқыт-қобыз» әнін өзгеше шырқап, республикалық байқаудың алғашқы кезеңінен өтті. Қазылар алқасын таңқалдырды. Сәкен Майғазиевтің тәлімгерлігімен жобаның барлық кезеңінде жеңіске жетіп, бас жүлдені қанжығалады. Әлеуметтік желідегі Құралайдың жанкүйерлері «әлем танитын ғажайып қыз» деп жүрекжарды тілегін жолдап келеді.Сырдың сандуғашы атанған Құралай Сәкен Майғазиевпен бірге Қазақстанның түкпір-түкпірін аралап, концерттік тур өткізген. Талайдың қошеметіне ие болып, жұртшылықтың ілтипатын алды.<blockquote>– Құралай – жаратылысынан барлық мүмкіндікке ие қыз. Орындаушылық шеберлік, дауыс, сезім – Құралайдың бойынан табылатын дарынды қасиеттер. Менің тәлімгерлігімде болған кезде берген тапсырмалардың бәрін мүлт етпей орындай алды, – дейді ҚР еңбек сіңірген қайраткері Сәкен Майғазиев.</blockquote>Жезтаңдай қыз алтын дауысты аға-әпкелерінің әнін жаңғырта шырқап жүр. Қазақ мәдениетінің майталмандары да Құралайдың өнеріне жоғары баға береді. Сондай-ақ, жас талант «Жан әке», «Өмірім-өнерім» және «Неліктен қиын?» туындыларын халық назарына ұсынып, өнерде ізін қалдыруда.Ол 13 жыл қатарынан ұйымдастырылған «Түрік олимпиадасынан» ең алғаш болып жеңіс тұғырынан көрінген. Осы жылдың шілде айында ұйымдастырылған «Славян хиті» байқауында да жүлдесіз қалмады. Сонымен қатар Болгарияны бағындырып, Халықаралық «САРАНДЕВ» ДОБРИЧ – 2023» жарысынан Гран-При иегері атанды. Жақында ғана Ұлыбританияда өткен Халықаралық «Golden Time Talent» байқауында «Қорқыт-қобыз» әнін шырқап, жүлделі I орынды иеленді. Қазақ елінің мерейін күллі әлемге үстем етуді мақсат тұтқан Құралайдың белесі әлі алда.

Құралай Мейрамбек: Қазақты әлемге танытамын!

<a href="https://kyzylorda-news.kz/">Kyzylorda-news.kz</a> &nbsp;Сырдария ауданы бойынша Мемлекеттік кірістер басқармасына қарасты салық төлеушілермен жұмыс бөлімінің бас маманы Ж.Сұлтанбекова "Жалпыға бірдей декларациялау" бойынша бірнеше мекеме қызметкерлеріне арнайы семинар өткізген болатын. Аудандық &nbsp;ветстанция, аудандық архив, аудан әкімі аппаратының, аудандық &nbsp;музей, мәдениет үйі қызметкерлері семинарға қамтылды.Негізінен, аудан көлемінде "Жалпыға бірдей декларациялау" бойынша жұмыс жүйелі жүргізілуде. Сала мамандары аталған бағдарма негізінде жасалуға талап-міндеттерді саралап айтып берді. Сонымен қатар декларацияла кезінде ескерілетін ережелер түсіндірілді.<blockquote>– Қазіргі уақытта ауданға қарасты барлық мекеме қызметкерлері "Жалпыға бірдей декларациялау" барысын жіті түсініп, белсенді тапсыруда. Өз кезегінде салық мамандары бірнеше мекеме мамандарына семинар өткізіп, &nbsp;түсіндірме жұмыстарын белсенді атқаруда. "Активтер мен міндеттемелер туралы Декларация" 250.00-нысанды салық есептілігін тапсыру мерзімі 2024 жылдың 15-ші қыркүйекке дейін екенін ұмытпаған жөн. Себебі, мерзімді уақытта кешігуге болмайды, – деді сала маманы.</blockquote>Аталған түсіндірме жұмыстарын сала мамандары аудан көлемінде кәсіпкерлерге де, түсіндірді.Аудандық қызметкерлеріне &nbsp;"Жалпыға бірдей декларациялау" бойынша семинар&nbsp;өткізіп, жекелеген сұрақтарына жауаптар берілді.&nbsp;

Қазақстан және Қызылорда облысының жаңалықтары