ФОТО: pexels<a href="https://kyzylorda-news.kz/">Kyzylorda-news.kz.</a> Биыл қаңтар-тамыз айларының қорытындысы бойынша Қазақстан экономикасының өсу қарқыны 4,9% болды. Бұл туралы үкімет отырысында Ұлттық экономика вице-миниcтрі Азамат Әмрин айтты, деп хабарлайды.Оның ішінде нақты сектор – 4,4%-ке, ал қызмет көрсету саласы – 4,8%-ке өсті. Негізгі салалардың барлығында оң динамика байқалып жатыр. Әсіресе құрылыс, сауда, сондай-ақ ақпарат және байланыс ең жоғары өсуді көрсетті. Негізгі капиталға салынған инвестициялардың өсу қарқыны 12,2% болды.Инвестициялар ағыны көлік және қоймалауда – 49%-ке, білім беруде – 31,9%-ке, саудада – 30,1%-ке, ауыл шаруашылығында – 20,7%-ке, сондай-ақ өнеркәсіпте – 8,5%-ке, оның ішінде тау-кен өндіру өнеркәсібінде – 5,7%-ке өсті. Өңірлер арасында ең жоғарғы өсім Маңғыстау, Абай, Түркістан және Павлодар облыстарында байқалды. Алдын ала қорытынды бойынша 2023 жылғы қаңтар-шілдеде сыртқы сауда тауар айналымы 5,7%-ке өсіп, 79,5 млрд долларға жетті.<blockquote>«Экспорт 44,8 млрд. долларды құрап, оның ішінде өңделген тауарлар экспорты 14,2 млрд. долларға жетті. Тауарлар импорты 34,7 млрд. долларды құрады. Жалпы оң сауда балансы 10 млрд. долларға тең. Өңдеу өнеркәсібінде оң өсу сақталып отыр. Өндіріс көлемі 3,1%-ке өсті. Көрсеткіштің өсуі 15 өңірде тіркелді. Соның ішінде ең жоғарғы өсуді Алматы қаласы және Батыс Қазақстан, Қостанай, Абай облыстары көрсетті. Өңдеу өнеркәсібі салалары бойынша машина жасау өндірісінің 28,1%-ке, оның ішінде автомобиль жасаудың – 42,2%-ке және электр жабдықтарын жасаудың – 34,3%-ке өсуі қамтамасыз етілді» – делінген вице-министр баяндамасында.</blockquote>Сонымен қатар өсу мына салаларда байқалып отыр: азық-түлік өндірісі – 4%, химия өнеркәсібі – 3,1%, металл бұйымдары – 6,4%, сусындар өндірісі – 5,4%, пластмасса бұйымдары – 7,5%, жеңіл өнеркәсібі – 19,8%. Тау-кен өнеркәсібіндегі өндіріс көлемі 4,3%-ке жоғарлады. Бұл ретте мұнай өндіру – 6,6%-ке, газ өндіру – 3,2%-ке, өзге де пайдалы қазбаларды өндіру – 13,6%-ке, тау-кен өнеркәсібінде қызмет көрсету – 1,8%-ке өсті. Металл кендерін өндіру – 1,2%-ке, көмір өндіру – 5,5%-ке төмендеді. Орындалған құрылыс жұмыстарының көлемі 11,4%-ке ұлғайды.<blockquote>«18 өңірде оң өсу тіркелді, әсіресе құрылыс-монтаждау жұмыстарының ең көп өсуі Жетісу, Батыс Қазақстан, Қызылорда және Абай облыстарында байқалды. Ағымдағы жылғы қаңтар-тамызда 10 млн. шаршы метр тұрғын үй пайдалануға берілді, бұл өткен жылдың сәйкес кезеңімен салыстырғанда 13%-ке жоғары. Тұрғын үйді пайдалануға берудің ең жоғары көрсеткіштері Ұлытау және Абай облыстарында, сондай-ақ Астана және Алматы қалаларында байқалды. Ауыл шаруашылығының жалпы шығарылымы 0,3%-ке ұлғайды. Саладағы өндірістің өсуі 15 өңірде тіркелді. Ең жоғарғы өсуді Маңғыстау, Шығыс Қазақстан, Қостанай және Абай облыстары көрсетті. 7 экономикалық көрсеткіш бойынша өңірлер арасындағы жалпы жағдай мынадай: Барлық көрсеткіштер бойынша оң өсу 6 өңірде – Батыс Қазақстан, Қостанай, Қызылорда, Солтүстік Қазақстан облыстарында, сондай-ақ Алматы және Шымкент қалаларында байқалды», делінген Ұлттық экономика вице-министрі берген мәлімдемесінде.</blockquote>6 көрсеткіш бойынша өсу 8 өңірде тіркелді. Бұл Абай, Ақмола, Алматы, Жетісу, Маңғыстау, Павлодар, Түркістан, Шығыс Қазақстан облыстары. Ақтөбе, Жамбыл және Қарағанды облыстарында 5 көрсеткіш бойынша, Ұлытау облысы мен Астана қаласында 4 көрсеткіш бойынша, ал Атырау облысында тек 3 көрсеткіш бойынша оң өсім байқалды.Экономикалық өсуді қамтамасыз ету мақсатында орталық және жергілікті атқарушы органдарға келесі шараларға назар аудару ұсынылады.Уақытылы егін жинауды қамтамасыз ету және ауыл шаруашылығы өнімдерін қайта өңдеу көлемін ұлғайту;Баламалы бағыттарды белсенді іздеу мен дамыту, сондай-ақ қолданыстағы экспорт арналары есебінен тауарлардың экспортын қамтамасыз ету;Экономика салаларында инвестициялық жобаларды іске асыру;Инфляция деңгейін бақылау және төмендету жөніндегі шаралар кешенінің тиімді іске асырылуын бақылау;Мемлекеттік қолдау шаралары шеңберінде құрылып жатқан жұмыс орындары бойынша бақылау, тұрақты жұмыспен қамту үлесін ұлғайту.<a href="https://kaz.zakon.kz/ekonomika-biznes/6031483-azastan-ekonomikasy-49-st.html">Zakon.kz</a>

Қазақстан экономикасы 4,9% өсті

<a href="https://inbusiness.kz/kz/news/kurylysta-turys-zhok-tiisinshe-kiris-kop">ФОТО</a><a href="https://kyzylorda-news.kz/">Kyzylorda-news.kz.</a> Қаңтар-тамызда 10 млн шаршы метр тұрғын үй пайдалануға берілді. Бұл туралы Үкімет отырысында Ұлттық экономика вице-министрі Азамат Әмрин айтты.Оның атап өтуінше, 8 айда өңдеу өнеркәсібінде оң өсу сақталып отыр. Өндіріс көлемі 3,1 пайызға өсті. Көрсеткіштің өсуі 15 өңірде тіркелді. Оның ішінде ең жоғарғы өсуді Алматы қаласы және Батыс Қазақстан, Қостанай, Абай облыстары көрсетті. Өңдеу өнеркәсібі салалары бойынша машина жасау өндірісінің – 28,1, оның ішінде автомобиль жасаудың – 42 және электр жабдықтарын жасаудың 34,3 пайызға өсуі қамтамасыз етілді.<blockquote>«Сондай-ақ өсу келесі салаларда байқалып отыр: азық-түлік өндірісі – 4, химия өнеркәсібі – 3,1, металл бұйымдары – 6,4, сусындар өндірісі – 5,4, пластмасса бұйымдары – 7,5, жеңіл өнеркәсіп – 19,8. Тау-кен өнеркәсібіндегі өндіріс көлемі 4,3 пайызға жоғарылады. Бұл ретте мұнай өндіру – 6,6, газ өндіру – 3,2, өзге де пайдалы қазбаларды өндіру – 13,6, тау-кен өнеркәсібінде қызмет көрсету 1,8 пайызға өсті. Металл кендерін өндіру – 1,2, көмір өндіру 5,5 пайызға төмендеді», – деді ол.</blockquote>Вице-министрдің айтуынша, орындалған құрылыс жұмыстарының көлемі 11,4 пайызға ұлғайды.<blockquote>«18 өңірде оң өсу тіркелді. Әсіресе құрылыс-монтаждау жұмыстарының ең көп өсуі Жетісу, Батыс Қазақстан, Қызылорда және Абай облыстарында байқалды. Биыл қаңтар-тамызда 10 млн шаршы метр тұрғын үй пайдалануға берілді, бұл өткен жылдың сәйкес кезеңімен салыстырғанда 13 пайызға жоғары. Тұрғын үйді пайдалануға берудің ең жоғары көрсеткіштері Ұлытау және Абай облыстарында, сондай-ақ Астана және Алматы қалаларында байқалды», – деді Азамат Әмрин.</blockquote>Ол ауыл шаруашылығының жалпы шығарылымы 0,3 пайызға ұлғайғанын атап өтті. Бұл ретте саладағы өндірістің өсуі 15 өңірде тіркелді. Ең жоғарғы өсуді Маңғыстау, Шығыс Қазақстан, Қостанай және Абай облыстары көрсетті.&nbsp;<a href="https://www.inform.kz/kz/elimizdin-4-onirinde-turgyn-uy-kurylysynyn-karkyny-zhogary_a4110921">ҚазАқпарат</a>

Қазақстанның 4 өңірінде тұрғын үй құрылысының қарқыны жоғары

<a href="https://kyzylorda-news.kz/">Kyzylorda-news.kz.</a> Ағымдағы жылдың 16-17 қыркүйек күндері Астана қаласының 25 жылдығына орай Қызылорда облысының тауарөндірушілерінің қатысуымен ауыл шаруашылығы тауарөндірушілерінің қатысуымен жәрмеңке ұйымдастырылуда.Бүгін Алтын қамбаның алаңынан Астана қаласына ауыл шаруашылығы өнімдері тиелген керуен жолға шықты.Арқа төріндегі тұрғындарға 85 жылдық тарихы бар Қызылорда облысының брендіне айналған ақ күріші, балығы мен ас тұзы, қауын мен қарбызы, ұлттық сусындары жеткізіледі.Жәрмеңкеде аймақта өндірілетін отандық өнімдерді қолдау мақсатында арнайы ауыл шаруашылығы өнімдерінің көрмесі ұйымдастырылады.Сонымен қатар, елордалықтарға ерекше көңіл-күй сыйлау үшін Сыр Елінің өнерпаздарының қатысуымен концерттік бағдарлама қойылады.Жалпы жәрмеңкеде 60-қа жуық Сыр дихандары мен тауарөндірушілері 40 жүк көліктермен жалпы құны 160 млн. теңгені құрайтын 450 тоннадан астам өнімдер тұрғындарға ұсынылады.Атап айтқанда 130 тоннадан астам күріш, 10 тонна ет және 30 тоннаға жуық балық өнімдері, 30 тоннадай көкөніс пен жеміс-жидектер, 230 тонна бақша өнімдері, 3 тонна ас тұзы, 10 тоннадай сүт өнімдері, 5 тоннаға жуық сөк, талқан және кондитер өнімдері жөнелтіледі.

Сыр елінің тартуы елордаға аттанды

<a href="https://kyzylorda-news.kz/">Kyzylorda-news.kz.</a> Қызылорда облысы кәсіпкерлер палатасының заңгерлері жалпы құны 112 млн теңгенің тапсырысын орындаған қос компаниясы «жосықсыздықтан» құтқарды.«Айзон» ЖШС мен «Әлем Қызмет Group» ЖШС осы жылдың ақпан және наурызында Қызылорда қаласына қарасты Тасбөгет кентіндегі көшелерді жөндеуге арналған мемлекеттік тапсырысты ұтып алады. Бірінің құны 41,7 млн теңге, екінші жоба 70,3 млн теңгені құрайды.Қос компанияға да жұмысты 60 күнтізбелік күнде бітіру жөнінде талап қойылады. Кәсіпкерлер көрсетілген мерзімде тапсырып үлгермей қалады. Дегенмен жасалған жұмыстың сапасына тапсырыс берушіден шағым болмай, қабылдап алады.Десе де тапсырыс беруші Тасбөгет кентінің әкімдігі кәсіпкерлерді «шарт бойынша міндеттемесін тиісті дәрежеде орындамағаны» үшін деп мемлекеттік сатып алудың жосықсыз қатысушы деп тану және тұрақсыздық айыбын өндіру туралы талап қою арызымен сотқа жүгінеді.Кәсіпкерлер Қызылорда облысы кәсіпкерлер палатасына жүгініп, құқығын қорғауға өтініш берді. Палата заңгерлері құжаттармен толық танысып, кәсіпкерлердің жұмысқа жағымсыз залалы тимегенін басшылыққа алды. Сотта да осы аргументті алға тартты.Сотта екі компания жұмысты сапалы орындағандарын, кешіктіргені үшін тұрақсыздық айыбын өз еркімен төлегенін жеткізіп, «жосықсыз қатысушылар» қатарына қоспауын сұрады.&nbsp;Істі қараған Қызылорда облысының мамандандырылған ауданаралық экономикалық сотының төрағасы Бақытбек Елшібеков пен судья Айнұр Әбілқайысқызы істі жан-жақты сараптай келе, кәсіпкерлер шарт бойынша өз міндеттемелерін кеш орындағанын, дегенмен талап қоюшыға жағымсыз салдар орын алғандығы көрсетілмегенін, жұмыстың сапасына сын-ескертпелер болмағанынын анықтап, кәсіпкерлерге қойылған талапты қанағаттандырмады.Нәтижесінде екі компания да жұмысын еркін, кедергісіз жүргізуге мүмкіндік алды.Жақында Кәсіпкерлер палатасына «Айзон» ЖШС директоры Айзада Ибрагимқызынан хат келді. Хатта кәсіпкер құқықтық көмек беріп, қолдау көрсеткен Палата заңгерлеріне алғысын білдірген.

Қызылордада Кәсіпкерлер палатасы қос компанияның құқын қорғады

<a href="https://kyzylorda-news.kz/">Kyzylorda-news.kz.</a> Бүгін мемлекет және қоғам қайраткері Қонысбек Қазантаевтың 100 жылдығына арналған "Абырой биігінде өткен қайраткер тұлға" тақырыбында конференция өтті. Танымдық іс-шараға Сырдария ауданының әкімінің орынбасары Талғат Нұртазаев, құрметті меймандар, зиялы қауым өкілдері, ұрпақтары мен аудан тұрғындары қатысты.Конференцияда аудан әкімінің орынбасары Т.Нұртазаев қайраткер тұлғаның өмірі мен қызметі өскелең ұрпаққа үлгі екеніне тоқталды.<blockquote>«Мемлекет және қоғам қайраткері облысымыздың даму жолында барлық ақыл-парасатын, қайрат-жігерін, тәжірибесін жұмсады. Халық жадында өшпейтін із қалдырған, облыстың 4 ауданында қызмет атқарған Қонысбек Төрешұлының еңбегі мен атқарған жұмысын аудан жұртшылығы аңыз етіп айтып отырады. «Іскер басшы, шебер ұйымдастырушы, адалдықты ту еткен тұлға» деп бағалайды. Сыр елі қоғам қайраткеріне ерекше құрмет көрсетті. Бүгінде Қызылорда қаласындағы бір көше Қонысбек Қазантаевтың есімімен аталады. Сонымен қатар Тереңөзек кентіндегі «Парасат» алаңына ескерткіш-бюсті қойылып, бір көшеге есімі берілген, – деді Талғат Мейрамханұлы.</blockquote>Мұнан соң мемлекет және қоғам қайраткері Алмагүл Божанова, қоғам қайраткері, "Құрмет" орденінің иегері Ибрагим Абибуллаев, Сырдария ауданының Құрметті азаматы Жақай Бодықбаев сөз сөйлеп, қайраткер тұлғаның ел басқару ісіндегі жауапкершілігін, кадр таңдаудағы талапшылдығын айтып, естеліктерімен бөлісті.Конференцияда асыл азаматтың ұрпағы Ғанибек Қазантаев биылғы мерейтой аясында облыс көлемінде танымдық іс-шаралардың ұйымдастырылуына қолдау білдірген облыс әкімі Нұрлыбек Машбекұлы Нәлібаевқа шынайы алғысын жеткізді. Ардақты әкесінің Сырдария ауданының дамуына еңбек еткенін атап өтті.

Мемлекет және қоғам қайраткері Қ.Қазантаевтың 100 жылдығына арналған конференция өтті

<a href="https://kyzylorda-news.kz/">Kyzylorda-news.kz.</a> «AMANAT» партиясы дәстүрлі «Ұлы дала» республикалық шығармашылық байқауының басталғанын хабарлайды. Биыл әдеби конкурс Алаш қозғалысының қайраткері, ақын, қазақ әдебиетінің жарық жұлдызы – Мағжан Жұмабаевтың 130 жылдығына орайластырылып отыр.Партияның «Ұлттық мұра» жобасы аясында Жазушылар одағымен бірлесіп өткізіп келе жатқан «Ұлы Дала» республикалық шығармашылық байқауы осымен бесінші мәрте ұйымдастырылуда. Шығармашылық доданың басты мақсаты – ұлттық және рухани құндылықтарды паш ететін бүгінгі отандық авторлардың шығармаларын қолдау және насихаттау. Сонымен қатар, Мағжан Жұмабаевтың шығармаларындағы ойларды жаңғырту арқылы ағартушының еңбектері мен қайраткерлік ұстанымын өскелең ұрпаққа дәріптеу.Байқауға қатысушылар бес номинация бойынша бақ сынайды: «Проза», «Поэзия», «Драматургия», «Әдеби сын» және «Балаларға арналған шығарма». Бұдан бөлек, байқауда «Мағжан Жұмабаевтың 130 жылдығы» және «Алаш аманаты» арнайы жүлделері де қарастырылған. Шығармалар бүгін, 10 қарашаға дейін қабылданады. Ережеге сай еліміздің барлық өңіріндегі партияның аймақтық филиалдарында ұйымдастыру комитеттері құрылады. Әрбір аймақтық ұйымдастыру комитеттерінде байқауға қатысушылардан шығармаларды қабылдап алатын арнайы электронды мекенжайлар ашылды. Осыған орай, келіп түскен шығармаларды аймақтардағы ұйымдастыру комитеттері ереженің талаптарына сәйкес тексеріп, партияның Орталық аппаратында құрылған Республикалық ұйымдастыру комитетіне жолдайды. Өз кезегінде аймақтардан келіп түскен шығармаларды Республикалық ұйымдастыру комитеті тексерістен өткізіп, арнайы бүркеншік есіммен аikyn.kz сайтынан ашылған «Ұлы дала» байқауы айдарында күнделікті жариялап отырады. Қызығушылық танытқан кез келген оқырман шығармалармен сол жерден таныса алады.Айта кетейік, байқауға 20-45 жас аралығындағы авторлар қатыса алады. Байқауға қатысу үшін жіберілетін жұмыстар қазақ тілінде жазылады. Байқауға ұсынылатын жұмыстардың тақырыбына шектеу қойылмайды. &nbsp;Байқауда авторлардың бұрын жарияланған шығармалары қарастырылмайды. Әр номинация бойынша өлеңдер циклін қабылдауға мүмкіндік беретін «Поэзия» номинациясын қоспағанда бір шығарма қабылданады. &nbsp;Байқауға әдепсіз сөздерді қамтитын, сондай-ақ үшінші тұлғалардың этикалық нормалары мен авторлық құқықтарын бұзатын туындылар жіберілмейді. &nbsp;Автор/авторлар байқауға қатысу үшін жұмысты жібере отырып: - осы жұмысқа авторлық құқықтың бар екендігіне кепілдік береді; - ұйымдастырушының туындыларды (толық және/немесе ішінара) бұқаралық ақпарат құралдарында, жинақтарда, ғаламторда, әлеуметтік желіде жариялауына рұқсат береді; - ұйымдастырушыға қойылатын қаржылық талаптарды қоюдан бас тартады. &nbsp;Байқауға қабылданған жұмыстар рецензияланбайды және қайтарылмайды. &nbsp;Байқауға қатысу үшін «Проза» номинациясына 25 беттен аспайтын, «Поэзия» номинациясына мәтін көлемі 5 беттен аспайтын, «Драматургия» номинациясына 25 беттен аспайтын, «Әдеби сын» номинациясына шектелмеген, «Балаларға арналған шығарма» номинациясына 10 беттен аспайтын шығармалар жіберіледі.Келіп түскен жұмыстарды байқау комиссиясы 13-20 қараша аралығында қарайды. Байқау нәтижесі «Тәуелсіздік күні» қарсаңында қорытындыланып, салтанатты іс-шарада жеңімпаздарға марапаттар тапсырылады. Еске сала кетейік, «Ұлы дала» байқауы былтыр Ұлт ұстазы, Алаш ардақтысы Ахмет Байтұрсынұлының 150 жылдығына және жазушы Мұхтар Әуезовтің 125 жылдығына арналған болатын.<img src="https://knadmin.beoblood.kz/uploads/92987eea_7c62_4bdc_b72b_7c9d9536f56b_386cceb814.jpg" alt="92987eea-7c62-4bdc-b72b-7c9d9536f56b.jpg">

«Amanat» партиясының ұйымдастыруымен дәстүрлі «Ұлы дала» байқауы басталды

<a href="https://kyzylorda-news.kz/">Kyzylorda-news.kz.</a> Жалағаш ауданындағы Пак әулеті қазақы салт-дәстүрге берік жандар. Күні кеше Лилия әжей осымен 11-ші немересінің тұсауын кестірді. Қашанда даладай дарқан мінездерімен төрінен қонағы арылмаған бұл отбасы – тамырын тереңге жайып келеді. Пак әулетінің өзгелерге үлгі болар тұсы көп-ақ. Лилия Пак өзінен кейінгі келіндерге өнеге көрсеткен үлкен өмір мектебі сынды. Ақыл-кеңесін айтып, білгенімен бөлісіп отырады.Жалағаш аудан орталығындағы №31 орта мектептен орта білім алып, 1972 жылы Қызылорда медициналық колледжін үздік оқып бітірген Лилия Пак аудандық өкпе аурулары ауруханасынан еңбек жолын бастады. Ең алдымен емделушілерді дер кезінде қажетті дәрі-дәрмекпен қамтамасыз етуге ден қойды. Алдына келген науқастың талап-тілегіне мұқият қарайтын. Содан болар, дертіне дауа іздеген жабырқау жандар оның кәсіби қызметінен бөлек, жылы сөзінен де жұбаныш табатын. Өз ісін талапқа сай тиянақты атқаратын &nbsp;маман қоғамдық және санитарлық ағарту жұмыстарына да белсене араласты. Арада жылдар өте келе абыройлы қызметімен ауыл-аймақтың алғысына бөленді. Еңбек жолының соңғы жылдары аудандық орталық ауруханада аға мейіркеш қызметін атқарды. Бас-аяғы қырық екі жыл денсаулық сақтау саласында қызмет еткен Пак Лилия Андрейқызы Елбасының Құрмет грамотасын, ҚР Денсаулық сақтау министрлігінің «Денсаулық сақтау ісіндегі үздік қызметі үшін» төсбелгісін, тағы басқа көптеген марапаттарды иеленді.<img src="https://knadmin.beoblood.kz/uploads/7e1d1270_d8e2_4b97_8ce4_723406260107_c3c5ead04e.jpg" alt="7e1d1270-d8e2-4b97-8ce4-723406260107.jpg">Аяулы жары Мирон Пакпен бір шаңырақта 50 жылдан астам бақытты ғұмыр кешіп, үш бала тәрбиелеп өсірді. Мирон Пак аудандық электр тарату жүйесі мекемесінде ұзақ жыл абыройлы еңбек етті. Бүгінде олар ұлын ұяға, қызын қияға қондырып, немере-шөбере сүйіп отыр. Айта кетейік, Пак отбасының екі келіні қазақ, сондай-ақ, немере қызы да қазақ отбасына келін боп түсті. Бүгінгі күні 11 немере, 8 шөбере сүйіп отырған ақ жаулықты әже. Аудан халқымен бірге араласып, біте қайнасып келе жатқан Пак әулеті «Атамекен, құтты қонысымыз – Қазақстан», – дейді. Соның айғағы болар, олардың «Беташар», «Қыз ұзату», «Бесіксалар», «Тұсаукесер» тойлары да қазақы дәстүрге сай аталып өтеді. Құда күтіп, сый табағын тартады. Сондай-ақ, Наурыз, Айт мерекелерінде қазы-қартасын асып, бауырсағын пісіріп, дастарханын дәмге толтырып, қонақ күтеді.Жуырда ғана дүркіретіп қазақы салт-дәстүрмен 11-ші немересі Роман Пактың тұсауын кестірді. Тойға ағайын-туыс, көрші көлемдердің барлығы барып, әулеттің қуанышына ортақтасты. Пак әулеті қазақы салт-дәстүрлерді берік ұстануымен, ағайынды байланыстырып, туыстық қарым-қатынасқа да зор мән беретіндігімен сыйлы. Бұл күнде үлкен әулет тұтастай ағайын-туыс, көрші-қолаңның да балтыры сыздап, басы ауырса, қол ұшын созуға даяр тұрады. Өз кезегінде қашан да темірдей тәртіп пен талапшылдықты серік қылған олар аталған істі соңына жеткізіп, ел алғысына бөленіп келеді. Өйткені, өз ісі мен ұстанымы арқылы өзгелерге үлгі болып отырған отбасылар – қашанда мемлекет байлығы, ел мерейі.Әсел Абзалқызы, “Қоғамдық келісім” КММ баспасөз хатшысы

Қазақы салт-дәстүрге берік – Пак әулеті

<a href="https://kyzylorda-news.kz/">Kyzylorda-news.kz.</a> Биылғы 8 айдың қорытындысымен негізгі макроэкономикалық көрсеткіштер бойынша Қызылорда облысы өңірлер арасында алдыңғы қатарда. Бұл туралы бүгінгі Үкімет отырысында ҚР Премьер-министрі Әлихан Смайылов атап өтті.<blockquote>«8 айдың қорытындысы бойынша Батыс Қазақстан, Қостанай, Қызылорда, Солтүстік Қазақстан облыстарында, Алматы және Шымкент қалаларында барлық негізгі көрсеткіштердің өсімі тіркелді», – деді Үкімет басшысы.</blockquote>Атап айтқанда, Сыр өңірінде қаңтар-тамыз айларында құрылыс саласында 145,4%, жеке инвестициялар көлемі бойынша 142,3%, тұрғын үйді пайдалануға беру бойынша көрсеткіш 119,8% құрады.Қуантарлығы, биыл Сыр өңірінде өңдеу өнеркәсібі бойынша өсім бар. Жылдар бойы мұнай өндірісіне тәуелді болған өнеркәсіптік сектордағы оң динамика басқа өнімдер есебінен қалыптасты.<img src="https://knadmin.beoblood.kz/uploads/378700757_608766474777934_590128637882734694_n_45ccd676b7.jpg" alt="378700757_608766474777934_590128637882734694_n.jpg">Аймақта мұнай қорының сарқылуына байланысты кезек күттірмейтін шаралар қолға алынды. Инвестиция тартуға қолайлы жағдай жасалды. Агроөнеркәсіптік кешенді дамытуға басымдық беріліп, ауыл шаруашылығы өнімділігін, экспорт көлемін арттыру алдыңғы орынға шықты. Өнім өндіруге ынталы азаматтарға мемлекеттік гранттың, жеңілдетілген несиелердің мүмкіндіктері түсіндірілді.Мұнан бөлек, Қызылорда облысы құрылыс жұмыстарының көлемі мен бюджетті игеру бойынша республикада екінші орында.Жиыннан соң облыс әкімі Нұрлыбек Нәлібаев Үкімет басшысының тапсырмаларын орындау жөнінде мәжіліс өткізіп, бірқатар нақты тапсырма берді.<blockquote>«Өздеріңіз байқағандай, Қызылорда облысы 8 ай қорытындысымен барлық негізгі көрсеткіштерге қол жеткізіп, бірқатар көрсеткіш бойынша алдыңғы қатарға орнықты. Әсіресе, өңірімізде көп жылдан бері төмен тенденция көрсетіп келген өңдеуші өнеркәсіп көрсеткіші биыл оң динамикаға шықты. Осы жұмысты әрі қарай жалғастыру керек. Мұнай өндіру азайғанына қарамастан, өзге даму мүмкіндіктерін қарастыру қажет», – деді аймақ басшысы.</blockquote><img src="https://knadmin.beoblood.kz/uploads/378684544_608766401444608_1615770788871373057_n_7cf596622f.jpg" alt="378684544_608766401444608_1615770788871373057_n.jpg">

Кызылорда облысы негізгі көрсеткіштер бойынша алдыңғы қатарда

<a href="https://www.gov.kz/memleket/entities/kyzylorda/press/news/details/113865">ФОТО</a><a href="https://kyzylorda-news.kz/">Kyzylorda-news.kz.</a> Аймақта жаңа бизнес-идеяны жүзеге асыруға 722 адам қайтарымсыз мемлекеттік грант алды.Оның ішінде атаулы көмек алушылар – 51, мүмкіндігі шектеулі азаматтар – 111, көпбалалылар – 453, қандастар – 2, асыраушысынан айырылғандар – 29, мүмкіндігі шектеулі балаларды асыраушылар - 76 адам.

Аймақта 722 адам қайтарымсыз мемлекеттік грант алды

<a href="https://kyzylorda-news.kz/">Kyzylorda-news.kz.</a> Арал ауданының әкімі Серік Сермағамбетов Аққұм және Сазды ауылдық округтеріне барып, ауылдық жерлерде атқарылып жатқан ауқымды істерді бағамдады. Сондай-ақ күн тәртібіндегі қысқы жылыту маусымына дайындық барысын тексерді.Аудан басшысы алдымен Аққұм ауылдық округінде болып, жергілікті тұрғындармен кездесті. Ауыл халқымен өткен кездесуде жыл басынан бері өңірдегі атқарылған жұмыстарды баяндап, жүзеге асырылып жатқан ірі жобалар жөнінде тоқталып өтті.<blockquote>«Өздеріңіздің ауылдарыңызда электр желісін жаңарту үшін бүгінде жоба дайындалып, мемлекеттік сараптаманың оң қорытындысын алдық. Бюджеттік өтінімі тапсырылды.Сондай-ақ, Шижаға елді мекеніне газ желісін тарту жоспарлы жұмыстардың бірі. Сексеуіл кентінен кейінгі ең бірінші кезекте осы ауылды көгілдір отынға қосу үшін құны 1,5 млрд. теңгені құрайтын жоба бүгінгі күні мемлекеттік сараптамадан өткізілді. Келесі жылы республикалық бюджеттен қаржыландырылуы үшін нақты жұмыстар жүргізілуде» деді.</blockquote>Бұдан бөлек, ауыл халқының өткен жылғы аудан әкіміне айтылған өтініші орындалып, демеушілік есебінен жаңа балабақша құрылысы басталғандығына ризашылығын білдірді. Бүгінде 2 қабатты нысанның құрылысы жүргізілуде. Балабақша 150 орынға арналған. Кәсіпкердің жеке қаражатына жүргізілген ғимарат бүлдіршіндер үшін қараша айынының соңында пайдалануға берілмек.Аққұм ауылдық округінде кәсіпкерлік кең қанат жайып келеді. Бұл елді мекеннен «Ауыл Аманаты» бойынша 2 жоба мақұлданған. Соның бірі Асқар Жоламановтың 5 млн. теңгені құрайтын экоблок цехы жобасы. Ол өз қаражатымен қазіргі уақытта экоблок өндіруді қолға алған. Ендігі кезекте кәсіпті кеңейту үшін мемлекеттік бағдарлама игілігін көруді көздеп отыр. Аудан әкімі жас кәсіпкердің жұмысына сәттілік тілеп, әкімдік тарапынан қажетті қолдаулардың көрсетілетіндігін жеткізді.Аудан әкімінің бүгінгі жұмыс сапары Сазды ауылдық округінде жалғасты. Ең алдымен аудан басшысы «Сазды елді мекеніне кірберіс» автожолына асфальт төсеу жұмыстарының барысымен танысты. Жалпы ұзындығы 21 шақырымды құрайтын жоба құны 918,5 млн. теңге болатын, өткен жылы басталған автожол өз жалғасын тауып, бүгінде жолдың 17 шақырымына қиыршық тас, 9,5 шақырымына асфальт жабындысы төселген. Қазіргі уақытта қалған 652 млн. теңгенің 272 млн. теңгесі игерліген. Ауыл тұрғындары ұзақ жылғы тілектерінің орындалып, ауылға жол түскендігіне ризашылықтарын білдірді. Сондай-ақ бұл жұмыстардың өз деңгейінде жүргізіліп жатқанына қуанышты екендіктерін айтып, жылы лебіздерін жеткізді. Айта кетейік, аталған жоба 2024 жылға өтпелі. Дегенмен аудан әкімі мердігері мекеме жергілікті «Арал құрылысы» ЖШС-не автожолды қазан айында аяқтауды, жолдың сапалы әрі барлық талапқа сай жасалуын тапсырды. Жауапты сала басшыларына жол құрылысы жұмыстарының аяқталысымен аудандық полиция бөлімімен бірлесе отырып, жол белгілерін орнату жұмыстарын жүргізуді жүктеді.Аудан әкімінің жұмыс сапары елді-мекендердегі әлеуметтік нысандарда жалғасты. Серік Сағитжанұлы жауапты бөлімдерге тұрғындар үшін қызмет көрсететін ғимараттардың тоқтаусыз жұмыс істеуін, оның ішінде білім беру мен медициналық орталықтардың қысқы маусымға отын қорымен толық қамтамасыз етілуін, қажетті жабдықтармен толықтай жарақталу қажеттігін ұдайы бақылауда ұстауды тапсырды.<img src="https://knadmin.beoblood.kz/uploads/378542462_3633251653669861_5385539994097359747_n_52b54d4967.jpg" alt="378542462_3633251653669861_5385539994097359747_n.jpg">

Аққұм ауылында 2 қабатты нысанның құрылысы жүргізілуде

<a href="https://kyzylorda-news.kz/">Kyzylorda-news.kz.</a> Жалағаш ауданының әкімі Асқарбек Есжанов Жалағаш кентінің абаттандыру жұмыстарымен танысып, кент әкіміне бірқатар тапсырмалар берді.Қазіргі таңда аудан әкімінің тапсырмасына сәйкес орталық алаңда әктеу-сырлау, арнайы төсеніштер орналастыру, жарық шамдарын ауыстыру, қосымша кент бедерін әрлеу жұмыстары жалғасуда.<img src="https://knadmin.beoblood.kz/uploads/378181582_1773121446473259_4465021727951640817_n_71f3e8bb8b.jpg" alt="378181582_1773121446473259_4465021727951640817_n.jpg"><img src="https://knadmin.beoblood.kz/uploads/378182201_1773121456473258_1322847699929057000_n_9c3d2a97c1.jpg" alt="378182201_1773121456473258_1322847699929057000_n.jpg">

Жалағаш кентінің келбеті жаңаруда

<a href="https://kyzylorda-news.kz/">Kyzylorda-news.kz.</a> Қыркүйек айының екінші жексенбісі – Отбасы күні. Соған сәйкес Қазалы аудандық Р.Бағланова атындағы мәдениет орталығында «Мерейлі отбасы – 2023» ұлттық байқауында лауреат атанып, Қазақстан бойынша үздік 20 отбасының қатарынан көрінген ғасыр жасаған майдангер Қабақ Смағұлмен кездесу және Отбасы күніне арналған салтанатты шара ұйымдастырылды.Мерейлі кеште аудан әкімі Мұхтар Оразбаев сахна төріне көтеріліп, көпшілікке жылы лебізін жеткізді.<blockquote>«Шындығында, отбасы – адамзат баласының дүниеге шыр етіп келгенде, есігін айқара ашып енетін үйі, өсіп ержететін, тәрбие алатын аса қажетті, әрі қасиетті алтын бесігі. Қай заманда, қай елде болмасын отбасының адамзат ұрпағына ықпал мен әсерін өмірдегі басқа еш нәрсенің күшімен салыстыруға болмайды. Өздеріңізге белгілі, елімізде жыл сайын «Мерейлі отбасы» ұлттық байқауы тұрақты түрде ұйымдастырылып келеді. Биыл қос ғасырдың куәсі болған, ғасыр жасаған майдангер Қабақ Смағұл ақсақалдың әулеті аудандық, облыстық конкурста жеңімпаз атанып, республикалық байқауда Қазақстандағы үздік 20 отбасының қатарынан көрінді. Мұнан бөлек, облыстық байқауда жүлделі екінші орыннан көрінген «Бөлебаевтар» әулеті көпке үлгі боларлықтай киелі шаңырақ. Бүгінгі қуанышты кеште отау құрғандарына 50, 55, 60 және 65 жыл толған отбасылар біздің арамызда отыр. Бұл сол шаңырақ астындағы шаттықтың, береке-бірліктің айқын көрінісі. Тағы да отбасы күні құтты болсын! Әрбір шаңырақтан қуаныш, шаттық, береке-бірлік үзілмесін», – деді аудан басшысы.</blockquote>Мұнан соң Мұхтар Әуесұлы «Мерейлі отбасы – 2023» ұлттық байқауының жеңімпазы, қос ғасырдың куәсі, Ұлы Отан соғысының ардагері Қабақ Смағұл мен аталған байқаудың облыстық кезеңінде жеңімпаздар қатарынан көрінген еңбек ардагері Бекқожа Бөлебайдың отбасын аудан әкімінің «Құттықтауы» мен бағалы сыйлықтарымен марапаттады.Сонымен қатар, отау құрғандарына 50, 55, 60, 65 жыл болған 10 әулеттің мерейтой иелеріне аудан әкімінің арнайы «Дипломдары» мен сый-сияпаттары табысталды.Мерекелік кеш одан әрі аудан өнерпаздары мен бірнеше отбасы мүшелерінің ән шашуына ұласты.

Қазақстан және Қызылорда облысының жаңалықтары