<a href="https://kyzylorda-news.kz/">Kyzylorda-news.kz.</a> Қазақстанның он облысында, сондай-ақ еліміздің екі мегаполисінде сенбі, 16 қыркүйекте дауылды ескерту жарияланды, деп хабарлайды<a href="https://www.inform.kz/kz/kazakstannyn-10-oblysynda-dauyldy-eskertu-zhariyalandy_a4112100/www.inform.kz/kz"> </a>«Қазгидромет» РМК.Астанада түнде және таңертең тұман түседі.Ақмола облысының оңтүстігі мен шығысында түнде және таңертең тұман түседі. Түнде облыстың солтүстік-шығысында топырақ бетінде 1 градус аяз болады.Қостанай облысының батысында таңертең және күндіз найзағай ойнайды. Облыстың солтүстігінде тұман түседі.Павлодар облысының оңтүстігі мен шығысында найзағай ойнайды. Түнде облыстың солтүстігінде тұман түседі. Солтүстіктен жел соғады.Батыс Қазақстан облысының солтүстігі мен шығысында найзағай ойнайды. Солтүстікте және облыс орталығында түнде және таңертең тұман түседі.Маңғыстау облысының солтүстік-батысында және солтүстігінде найзағай ойнайды.Атырау облысының солтүстігінде, оңтүстігінде және шығысында найзағай күтіледі. Түнде және таңертең облыстың батысында, оңтүстігінде және солтүстігінде тұман түседі.Күндіз Ақтөбе облысының батысында және солтүстігінде найзағай ойнайды. Жел оңтүстік-батыстан оңтүстік-шығысқа бұрылып, соғады, екпіні - 15-20 м/с.Қарағанды ​​облысының солтүстігінде күндіз найзағай ойнап, бұршақ жаууы мүмкін. Солтүстікте, облыс орталығында тұман түседі. Түнде облыстың солтүстігінде топырақ бетінде 1 градус аяз күтіледі. Облыстың оңтүстігінде жоғары өрт қаупі сақталады.Ұлытау облысының солтүстігінде түнде және таңертең тұман күтіледі, облыстың оңтүстігінде өте жоғары өрт қаупі бар.Түркістан облысының тау асуларында күндіз солтүстік-шығыстан 15-20 м/с жел соғады. Облыстың басым бөлігінде жоғары өрт қаупі сақталады.

16 қыркүйекке арналған ауа райы болжамы

<a href="https://kyzylorda-news.kz/">Kyzylorda-news.kz.</a> Ерекше қажеттілігі бар балаларға қосымша оңалту қызметтерін көрсету мақсатында өңірімізде 2017 жылдан бастап мемлекеттік әлеуметтік тапсырыс шеңберінде иппотерапиямен оңалту қызметі жүзеге асырылады.2023 жылға бұл мақсатқа бюджеттен тиісті қаржы бөлініп, мемлекеттік сатып алу қорытындысымен жобаны «Альтаир-бөбек» қоғамдық қорымен 150 балаға иппотерапиямен оңалту қызметі көрсетілуде.Биылғы жылы қыркүйек айында қызмет алушылар арасынан Шығыс-Қазақстан облысында өткен «2023 жылға паралимпиадалық ат спорты» республикалық жарысына «Альтаир-Бөбек» қоғамдық қорымен иппотерапевттері Тасқара Мунира Амантайқызы, Сәрсенбай Диляра Торыбайқызы және қызмет алушы Маратов Ерасыл Азаматұлы «Балалардағы церебералды паралич» диагнозбен сүйемелдеуші әкесі Султанмуратов Азамат Маратұлы қатысып, бірінші орынды иеленді.

«Альтаир-бөбек» қоғамдық қорымен 150 балаға иппотерапиямен оңалту қызметі көрсетілуде

<a href="https://kyzylorda-news.kz/">Kyzylorda-news.kz.</a> Бүгін облыс әкімі Нұрлыбек Нәлібаев «Қазақстан халқына» қоғамдық қоры төрағасының орынбасары Ләззат Шыңғысбаевамен кездесіп, Сыр өңірінде қор жүзеге асыратын әлеуметтік жобаларды талқылады.<blockquote>«Облыста 2022 жылдан бері «Қазақстан халқына» қоғамдық қорымен тығыз жұмыс жасалуда. Денсаулық сақтау және білім салаларында көптеген жоба қаржыландырылды. Бағасы қолжетімсіз дәрі-дәрмек алу, қажетті ем қабылдау, мектептерді жабдықтау қор демеушілігімен жүзеге асты. Алдағы 2024 жылға Қызылорда облысынан құны 12,1 млрд.теңгені құрайтын 94 жоба қоғамдық қор қарауына ұсынылды. Оның ішінде денсаулық сақтау саласынан құны 7,6 млрд.теңгені құрайтын 13, білім беру саласынан құны 2 млрд.теңгені құрайтын 19, әлеуметтік саладан құны 1,1 млрд.теңгені құрайтын 44, мәдениет және спорт саласынан құны 1,4 млрд.теңгені құрайтын 18 жоба бар. Ұсынылған жобаларымыз қолдау табады деп сенеміз», – деді аймақ басшысы.</blockquote>Өз кезегінде Ләззат Шыңғысбаева тиімді әріптестік орнатуға, өңірге қажетті жобаларды қолдауға ниет білдірді.Биыл облыста 2 млрд.теңгеден асатын 8 жоба қор арқылы қаржыландырылуда. Атап айтқанда, «Жаздық жолдама» жобасы аясында әлеуметтік осал топтағы 600 балаға тынығу лагеріне жолдама берілді. «Ауылдық жерлерде тірек мектептердің әлеуетін дамыту» жобасының екінші кезеңі, «Арнайы мектептерді жарақтандыру» жобасы қолға алынды.Қор аутизмі және басқа да ақыл-ой кемістігі бар балаларға арналған орталықтарды жабдықтауға, сенсорлық бөлме орнатуға, орфандық аурулары бар пациенттерді дәрілік заттармен қамтамасыз етуге қолдау көрсетті. «QН Денсаулық жолы» қайырымдылық жобасы де жемісті болды. Қызылорда облыстық онкологиялық орталығына жылжымалы медициналық кешен сатып алынып және жеткізіліп, шалғай аудандарда халық онкологиялық скринингпен, профилактикалық тексерумен қамтылды. Медициналық генетиктер мен ультрадыбыстық диагностика мамандарын шетелде оқыту, шала туған нәрестелерге офтальмологиялық скрининг жасайтын және емдейтін жабдықтармен қамтамасыз ету жобалары жүзеге асырылуда.

Облыс әкімі «қазақстан халқына» қоры төрағасының орынбасарымен кездесті

<a href="https://kyzylorda-news.kz/">Kyzylorda-news.kz.</a> Өңірімізге белгілі мемлекет және қоғам қайраткері Қонысбек Төрешұлы Қазантаевтың 100 жылдығына арналған кешенді шаралары өтті.Облыстық тарихи-өлкетану музейінде «Қыран тағдырлы тау мүсін» атты көрмесімен басталды. Өзінің өнегелі өмір соқпағында адамгершіліктің асыл қазынасын арқалап, өмірінен ұмытылмас тарих жасап кеткен Қонысбек Қазантаевтың мұралары, қалдырған еңбектері көрмеде қонақтарға таныстырылды.Одан соң, сағат 11.00-де облыс әкімдігінің ғимаратында «Елге адал қызмет етудің үлгісін көрсеткен қайраткер» атты ғылыми-танымдық конференциямен жалғасты.Конференцияны облыстық мәслихат төрағасы Байқадамов Наурызбай Сейтқалиұлы жүргізіп, облыс әкіміНәлібаев Нұрлыбек Машбекұлының конференция қатысушыларына арнайы құттықтауын оқып берді.Конференция барысында аймағымызға белгілі ғалымдар, қоғам қайраткерлері мен үзеңгілес інілері баяндама оқып, естеліктерімен бөлісті.Ұлт қайраткерін ұлықтауға арналған конференцияжұмысынамемлекет және қоғам қайраткерлері, зиялы қауым өкілдері, Қорқыт ата атындағы Қызылорда университетінің профессор-ғалымдары, аудандық делегациялар,мәслихат депутаттары, қоғамдық ұйымдар мен БАҚ өкілдері, туған-туыстары қатысты.&nbsp;Сондай-ақ, сағат 13.00-де «Жан-арай» мейрамханасында қайраткердің рухына арналған ас берілді. Сыр елінің ардақты қайраткер ұлының жақсы да жасампаз істері, өмір жолы, азаматтық бейнесі, іскерлік қабілеті артында қалған өнеге – мұрасы бүгінгі ұрпақтың рухын көтеріп, Әділетті Қазақстанды қалыптастыру жолындағы өрелі істерімізді молайтуға қызмет етеді. Қонысбек Төрешұлының артында ұрпағы мен елі үшін мәңгі өшпес өнегелі ізі қалды.&nbsp;

Қазантаевтың 100 жылдығына арналған кешенді шаралар өтті

<a href="https://kyzylorda-news.kz/">Kyzylorda-news.kz.</a> Мемлекет басшысының жас кәсіпкерлерге жылдық 2,5 пайыздық жеңілдікпен кредит беру туралы тапсырмасын жүзеге асыру мақсатында тиісті салалық министрлікпен кредиттік шарт жасалды.Соның арқасында Сыр өңіріне 1 млрд. 285 млн. теңге қаржы тартылып, 256 жас кәсіпкер өз кәсібін бастауға мүмкіндік алды.Аймақта несиеге сұраныс жоғары болуына байланысты биылға республикадан қосымша 1 млрд. теңге қаржы тартылды.Нәтижесінде жұмыспен қамтылған халық саны 331,6 мыңнан 333,4 мыңға дейін артып, жұмыспен қамтуға бөлінген қаржы 3,7 есеге (4,1 млрд. теңгеден 15,2 млрд. теңгеге) өсті.Облыс бойынша жұмыссыздық деңгейі 4,9 пайыз деңгейінде тұрақтап, жастар арасындағы жұмыссыздық деңгейі 4 пайыздан 3,5 пайызға дейін төмендеді.Айта кетейік, республика бойынша бұл көрсеткіш 4,1 % құрайды.

Қызылордада 256 жас кәсіпкер мемлекеттік қолдаумен өз ісін бастады

<a href="https://kyzylorda-news.kz/">Kyzylorda-news.kz.</a> Бүгін М.Көкенов атындағы аудандық мәдениет үйінде Отбасы күніне орай өткен “Өнегелі отбасы - қоғам байлығы" атты мерекелік шарада Машбек ауылының тумасы еңбек адамы Әлімхан Құрбанбекұлы мен ардагер ұстаз Шәркүл Көлжанқызына құрмет көрсетілді.Әлімхан Құрбанбекұлы 1948 жылы М.Нәлібаев ауылында дүниеге келген. Еңбек жолын 1966 жылы Задарья совхозы механизатор болып бастап күріш бригадирі, күріш бригадаларының бөлімше меңгерушісі жумыстарын атқарған. «Қаратау» шаруа қожалығын құрып күріш егумен айналысқан, бүгінгі таңда ортаншы ұлы айналысып отыр. Жұбайы Көлжанова Шәркул 1950 жылы Төменарық ауылында дүниеге келген. 25 жыл ұстаздың қызмет атқарған Шәркүл анамыз 1995 жылы зейнетке шыққан. 53 жыл отасқан құтты шаңырақтан 5 бала тәрбиеленіп шыққан, 19 немере, 2 шөберені өсіріп келеді. Ата-ананың сеніміне селкеу түсірмей, үмітін ақтаған перзенттерінің қай-қайсы да – өз алдына өнегелі отбасы.

Жаңақорғандық еңбек адамы марапатталды

<a href="https://kyzylorda-news.kz/">Kyzylorda-news.kz.</a> Тәжікстанда Аралды құтқару қорының құрылтайшы мемлекеттері басшылары кеңесінің отырысы өтті, деп хабарлайды Ақорданың <a href="https://t.me/aqorda_resmi">баспасөз</a> қызметі.Саммит қорытындысы бойынша мынадай құжаттарға қол қойылды:1. Халықаралық Аралды құтқару қорының құрылтайшы мемлекеттері басшыларының Душанбе мәлімдемесі;2. Тәжікстан Республикасының Халықаралық Аралды құтқару қорына төрағалығының қорытындылары туралы Халықаралық Аралды құтқару қорының құрылтайшы мемлекеттері басшыларының шешімі;3. Халықаралық Аралды құтқару қорының ұйымдық құрылымын және шарттық-құқықтық базасын жетілдіру жөніндегі қызмет туралы Халықаралық Аралды құтқару қорының құрылтайшы мемлекеттері басшыларының шешімі;4. Халықаралық Аралды құтқару қорының Президентін сайлау туралы Халықаралық Аралды құтқару қорының құрылтайшы мемлекеттері басшыларының шешімі.Айта кетейік, Қасым-Жомарт Тоқаев Тәжікстан Республикасында жұмыс сапарымен жүр.

Аралды құтқару қорының құрылтайшы мемлекеттері басшылары 4 құжатқа қол қойды

<a href="https://kyzylorda-news.kz/">Kyzylorda-news.kz.</a> Бүгін Қазалы ауданының әкімі Мұхтар Оразбаев «Қызылордажылуэлектрорталығы» МКК-ның «Қазалы-Теміржолжылу» филиалына арнайы барып, жылу беру маусымына дайындық жұмыстарын көрді.Аудан орталығы - Әйтеке би кентіндегі бірқатар әлеуметтік нысандар мен жеке секторларды орталықтандырылған жылу энергиясымен «Қазалы-Теміржолжылу» филиалы қамтамасыз етеді.Бүгінде мұнда жылу маусымына дайындық жұмыстарынан бөлек, мұржа қалпына келтіріліп жатыр. «Қазалы-Теміржолжылу» филиалы директоры Еркін Алпысбаевтың айтуынша, жылу маусымы басталғанға дейін мұржаны аяқтауға толық мүмкіндік бар және оған қажетті жабдықтардың барлығы дайын.Аудан әкімі Мұхтар Оразбаев мекеме басшысына әрбір жұмысқа жауапкершілікпен қарап, жылу маусымына дейін барлығын қалыпқа келтіруді тапсырды.Мұнан соң аудан басшысы Әйтеке би кентіндегі Р.Сабырбаев көшесіне аялдады.Қазір аталған көшеге түнгі жарықшамдар орнату жұмыстары жүріп жатыр. Т.Бокин көшесінің қиылысынан бастап, “Тесік көпірге” дейінгі аралықты қамтитын көше бойына барлығы - 35 түнгі жарықшам қойылатын болады.Жұмысқа жауапты мердігер мекеме - “ОрдаМегаСтрой” ЖШС қызметкерлерінің айтуынша, қазір бағаналардың барлығы орнатылуда. Ендігі астына бетон құйылатын болады.Аудан әкімі Мұхтар Оразбаев мердігерге жұмысты тез арада аяқтауды жүктеді. Мұнан бөлек, Әйтеке би кентінің әкімі Қайрақбай Орынбасаровқа барлығын бақылауда ұстап отыру қажеттігін айтты.

Қазалы ауданында жылу беру маусымына дайындық жоғары

<a href="https://kyzylorda-news.kz/">Kyzylorda-news.kz.</a> Бүгін Сырдария ауданы әкімі Берік Сәрменбаев кезектілік тәртібімен жазылған аудан тұрғындарын қабылдап, олардың толғандырған мәселелерін, ұсыныс-пікірлерін тыңдады. Бүгінгі жеке қабылдауға 6 адам келді.Тұрғындардың басым бөлігі тұрғын үй алу, жұмыс және инфрақұрылым тарту мәселелерін көтерді.Аудан басшысы қабылдауға келген азаматтардың мәселелерін тиісті мамандар жіті зерттейтінін, шешімі заң талаптарына сәйкес қарастырылатынын жеткізді. Кейбір сұрақтар бойынша жауапты тұлғалар сол жерде заң аясында түсіндірме беріп, шешу жолдарын ұсынды.Айта кетейік, тұрғындар аудан әкімінің қабылдауына egov.порталы, е-otinish бірыңғай базасы немесе әкімдікке келіп жазбаша өтініш тастау арқылы жазыла алады.

Сырдария ауданының әкімі тұрғындардың жеке мәселелерін тыңдады

<a href="https://kyzylorda-news.kz/">Kyzylorda-news.kz.</a> Үстіміздегі жылдың 16-17 қыркүйек күндері Астана қаласының 25 жылдығына орай Қызылорда облысының тауарөндірушілерінің қатысуымен ауыл шаруашылығы тауарөндірушілерінің қатысуымен жәрмеңке ұйымдастырылуда.Бүгін Алтын қамбаның алаңынан Астана қаласына ауыл шаруашылығы өнімдері тиелген керуен жолға шықты.Арқа төріндегі тұрғындарға 85 жылдық тарихы бар Қызылорда облысының брендіне айналған ақ күріші, балығы мен ас тұзы, қауын мен қарбызы, ұлттық сусындары жеткізіледі.Жәрмеңкеде аймақта өндірілетін отандық өнімдерді қолдау мақсатында арнайы ауыл шаруашылығы өнімдерінің көрмесі ұйымдастырылады.Сонымен қатар, елордалықтарға ерекше көңіл-күй сыйлау үшін Сыр Елінің өнерпаздарының қатысуымен концерттік бағдарлама қойылады.Жалпы жәрмеңкеде 60-қа жуық Сыр дихандары мен тауарөндірушілері 40 жүк көліктермен жалпы құны 160 млн. теңгені құрайтын 450 тоннадан астам өнімдер тұрғындарға ұсынылады.Атап айтқанда 130 тоннадан астам күріш, 10 тонна ет және 30 тоннаға жуық балық өнімдері, 30 тоннадай көкөніс пен жеміс-жидектер, 230 тонна бақша өнімдері, 3 тонна ас тұзы, 10 тоннадай сүт өнімдері, 5 тоннаға жуық сөк, талқан және кондитер өнімдері жөнелтіледі.

Астана қаласына ауыл шаруашылығы өнімдері тиелген керуен жолға шықты

<a href="https://kyzylorda-news.kz/">Kyzylorda-news.kz.</a> Қалалық мәслихаттың кезекті сессиясының отырысында «Қызылорда қаласының төтенше жағдайлар басқармасының төтенше жағдайлардың алдын алу бағытындағы атқарған жұмыстары» қаралды.&nbsp;Аталған мәселеге орай, Қызылорда қалалық төтенше жағдайлар басқармасының бастығы Жасұлан Түйменов хабарлама жасады. Сонымен бірге депутаттардың сауалдарына жауап берді. Қала тұрғындарының қауіпсіздігін қамтамасыз ету жөнінде ұсынысын жеткізді. &nbsp;

Қалалық мәслихаттың кезекті сессиясында төтенше жағдайлардың алдын алу мәселелері қаралды

<a href="https://kyzylorda-news.kz/">Kyzylorda-news.kz.</a> «Ұлы дала жорығы» марафон-бәйгесініңтоғызыншы кезеңі аяқталды. Шабандоздар белгіленген маршруттың 850 шақырымын басып өтті.&nbsp;Тоғызыншы кезең қорытындысы бойынша, Алматы облысының командасыжеңімпаз атанды. Бұл жолы қостанайлық шабандоздар мәре сызығына екінші болып келсе, Жетісуоблысының командасы үшінші болып жетті. Өкінішке қарай, бұл кезеңде Жамбыл облысы командасымен қоштасуға тура келді. Марафонның бас төрешісі Надежда Купцованың айтуынша, жамбылдық жылқының тұяғы абайсызда шұңқырға кіріп кетіп, ақсап қалған.&nbsp;<blockquote>«Команданың қалғанекі шабандозы командадан тыс Түркістанға дейін жету мақсатын орындайды. Олар осы уақытқа дейін үздіктер қатарында болды. Жарыстан шығып қалуы бәріміз үшін оңай тимеді. Дегенмен дода болған соң, жеңіліс те болады. Қалған 11 командаға мұқият болыңыздар дегім келеді» деп атап өтті бас төреші.&nbsp;</blockquote>Жамбыл командасының шабандозы Олжас Байшонов командасының жорықтан шығып қалғанына өкінетінін жоққа шығармай, келесі жылы тыңғылықты дайындықпен келуге уәде берді.&nbsp;<blockquote>«Өкініш жоқ. Келесі жылдан үміт бар. «Жеңілген күреске тоймайды» демекші, мұнымен қоштаспаймыз. Расында дайындығымыз аз болды. Келесі жылы ең мықты аттарды алып келеміз. Төрешілер 650 шақырымды еңсергеніміз үшін медаль тақты. Атымыз аяқасты аяғын ауыртып алып, жарысты тоқтатуға мәжбүр болдық. Дегенмен біздің екі шабандозымыз Түркістанға дейін бармақ» деді О.Байшонов.&nbsp;</blockquote>Бұдан бөлек Астана қаласы, Маңғыстау, Жетісу, Қостанай облыстарының шабандоздары да 650 шақырымды жүріп өткен тұлпарларымен Түркістанға дейінгі 1300 шақырымды еңсеруді мақсат еткен. Бұл командаға төрешілер «Рекорд» деген атау беріп, арнайы 13-інші команда ретінде тіркеп, нәтижелерін күнделікті белгілеп отыр. «Рекорд» командасының жігіттері діттеген мақсатына жетсе, келесі жылғы жорыққа Гиннес рекордтар кітабының өкілдерін шақырту жоспарда бар.&nbsp; Айта кетейік, алда 5 кезең, яғни 450 шақырым қалды.Тоғызкүннің қорытындысы бойынша командалардың жалпы уақыты: Маңғыстау облысы, 56 сағат 54 минут 19 секунд Қостанай облысы, 58сағат 23 минут 31 секунд Ақтөбе облысы, 58 сағат 56 минут 32 секунд Жетісу облысы, 60 сағат 25 минут 02 секунд Астана қаласы, 62 сағат 25 минут 03 секунд Алматы қаласы, 64 сағат 09 минут 51 секунд Абай облысы, 66 сағат 43 минут 02секунд Алматы облысы, 67сағат 37 минут 55 секунд Түркістан облысы, 68сағат &nbsp;15минут 15секунд Қарағанды облысы, 73 сағат 39 минут 24 секунд Ұлытау облысы, 88 сағат 33 минут 09 секунд11 команда 15 қыркүйекте таңғы сағат 7:00-ден бастап алғашқы 50 шақырымды еңсеруге аттанды. Түскі астан соң 9-кезеңнің кезекті 50 шақырымын бағындыруы тиіс. Сонымен командалар алдында 950-іншішақырымды еңсеру міндеті тұр. Айта кетейік,«Ұлы дала жорығы» республикалық марафон-бәйгесінің бас серіктесі – «Sport Qory» туризм индустриясы мен спортты қолдау қоры. <img src="https://knadmin.beoblood.kz/uploads/63ae6341_8e12_4d15_a000_6988f63b434c_d6d0ecdcbf.jpg" alt="63ae6341-8e12-4d15-a000-6988f63b434c.jpg">

Қазақстан және Қызылорда облысының жаңалықтары