<a href="https://kyzylorda-news.kz/">Kyzylorda-news.kz</a> Саяси жаңғырудың басты мақсаты – азаматтардың мемлекетті басқару ісіне қатысуын арттыру болса, бұл сайлау үдерісі арқылы жүзеге асады. Бүгінде Мемлекет басшысы Қасым-Жомарт Тоқаевтың бастамасымен еліміздің сайлау жүйесінде көптеген оң өзгерістер орын алуда.Әсіресе, Президент «Жаңа Қазақстан: жаңару мен жаңғыру жолы» Жолдауында еліміздің сайлау жүйесін жаңа өзгерістер күтіп тұрғанын баса айтты және сол айтылған сөздер бүгінде шындыққа айналды.&nbsp;<blockquote>– 2023 жылы ҚР Парламенті Мәжілісі және мәслихаттары депутаттары сайлауын, алғашқы рет пилоттық режимде аудан әкімі сайлауын, 2021 жылдан бастап бірнеше ауылдық округ әкімдері сайлауын абыроймен өткіздік. Шиеліліктер ел болып бірігіп, ұлт болып ұйысып нағыз бірліктің жоғарғы үлгісін көрсетті. Аудан әкімі сайлауында Шиелі ауданы ел бойынша сайлау өткізілген 42 аудан мен 3 қаланың ішінде дауыс беру көрсеткіші бойынша алдыңғы қатардан көрініп, аймақтың абыройын арттырды, – дейді Шиелі аудандық сайлау комиссиясының төрағасы Молдабай Дулатов.&nbsp;</blockquote>Міне, осылайша, Мемлекет басшысының принципті ұстанымы мен күш салуының арқасында партияларды нығайтып, азаматтық қоғамды дамытуға қажетті демократиялық талаптар мен адам құқықтары және бостандықтарына қатысты кепілдіктер толығымен беріліп отыр. Тіптен сайлаушылар бұған дейін болып көрмеген «бәріне қарсымын» дауыс беру құқығына қол жеткізді. Демек, осының барлығы, Қазақ елі дамудың жаңа дәуіріне қадам басқандығын және елдің бүкіл саяси жүйесінің түбегейлі өзгере бастағандығын көрсетсе керек-ті. Сонымен қатар ақпан айының бірінші бейсенбісі – Дүниежүзілік сайлау күні деп белгілініп, жыл сайын атап өту дәстүрге айналған. Бұл Европалық сайлауды ұйымдастырушылар қауымдастығының бастамасымен басталған. Сайлау тәуелсіз Қазақстан тарихының қалыптасу жүйесі және даму кезеңдерімен тығыз байланысты.Сайлау жүйесі ежелгі Грекияда халық жиналыстарында дауыс беру арқылы елдің негізгі мәселелерін шешетін болған. Европада ХІІІ ғасырдың екінші жартысынан бастап дауыс беру қолға алынған. Қазақтарда Тәуке ханның тұсында «Жеті жарғы» қағидасын халық талқылауына салып барып қабылдаған екен. 2023 жылы Қазақстанда сайлау жүйесінің құрылғанына 30 жыл толуына орай «Конституциялық реформа және сайлау жүйесі» атты халықаралық ғылыми-практикалық конференция жоғарғы деңгейде ұйымдастырылып, конференцияда сала ардагерлерімен үздіктер марапатталды.&nbsp;Шиелі ауданының аумақтық сайлау комиссиясы Дүниежүзілік сайлау күніне орай ашық есік күні, Шиелі аграрлық колледж студенттері және кент орталығындағы мектептердің жоғарғы сынып оқушылары арасында дөңгелек столдар, кездесулер, ашық сабақтар, сала ардагерлері мен үздіктерін марапаттау шараларын ұйымдастыруда. Биыл елімізде маңызды науқандарды өткізу жоспары бар.&nbsp;

Жаңғырған сайлау жүйесі жаңашылдыққа жетелейді

<a href="https://kyzylorda-news.kz/">Kyzylorda-news.kz</a>&nbsp; Мемлекет басшысы Қасым-Жомарт Кемелұлы еліміздегі cу тасқынына ұшырамаған облыстар мен қалалардың әкімдеріне көшелерді тазарту, көгалдандыру және елді мекендердің аумақтарын абаттандыру науқанын бастауды тапсырған болатын.Осы орайда, Президенттің бастамасымен елімізде «Таза Қазақстан» экологиялық акциясы басталды. Аталмыш акция аясында Сыр өңірінде де, «Таза Қазақстан – таза аймақ» атты экологиялық науқаны бастау алды.Бұл игілікті іске қазалылықтар да бірауыздан үн қосуда. Қазалы ауданы әкімі Мейрамбек Шермағанбеттің төрағалығымен аудандағы санитарлық тазалыққа қатысты кеңейтілген мәжіліс өтті. Жиынға аудандағы барлық мекеме, кәсіпорын ұжымдары, көше комитеттері мен аудан тұрғындары қатысты. Басқосуда аудан басшысы аудан көлемінде жүргізіліп жатқан тазалық жұмыстары мен алдағы жоспарлар жайында айтып өтіп, туған жерді көркейту-көгалдандыру бағытындағы жұмыстарға бірлесе атсалысу керектігін жеткізді.Жиында Қазалы ауданы әкімінің орынбасары Дәурен Тлеумбетов Әйтеке би кентіндегі 7 аймақ бойынша атқарылып жатқан тазалық жұмыстары бойынша хабарлама жасады. Ал, аудандық полиция бөлімі бастығының міндетін атқарушы Ғанибек Құрманалиев тазалық мәселесіне қатысты тұрғындар тарапынан орын алған құқық бұзушылықтарға қатысты қабылданған іс-шаралар туралы баяндады.– Қашанда жұмыла жұмыс істеп, жауапкершілікті тең бөліскенде ғана, ісіміз де, алға басады. Өйткені, аудан орталығын, оның айналасын үнемі таза ұстап отыру осы отырған баршамызға ортақ дүние. Мемлекет тарапынан қомақты қаржы бөлініп, көшені қанша сәндегенмен, жөндегенмен, көше бойындағы қоқыс пен үйдің маңайы тазаланбаса, қоршауы жөнделіп, сырланбаса, дұрыс болмайтыны анық. Қарап отырсаң, жергілікті тұрғындардың пікірінше, көшеге тасталған күл-қоқысты Әйтеке би кенті әкімшілігі, болмаса коммуналдық мекеме, немесе қоғамдық жұмысқа келген жұмысшылар тазалауы керек деген ұғым қалыптасқан. Соның салдарынан, бүгін тазалап кеткен жерге ертесіне қайта күл-қоқыс тастау тыйылмай келеді. Сондай-ақ, түнгі мезгілде көше бұрыштарына қапшықпен қоқыс шығарып қойғандар да, көбейіп барады. Олардың санасында өзімнің шарбағымнан қоқыс шықса болды, көшеге әкімшілік қызметкерлері жауап береді деген сана қалыптасқан.<blockquote>Айтылған кемшіліктерге әкімдік, немесе полиция қызкеткерлерінің бақылауға күші жетпейді. Бұл көп болып атқаратын жұмыс. Егер, бәріміз көп қаржыны қажет етпейтін ауламызды тазалауды, көшеге қоқыс тастамауды біркісідей қолға алсақ, бақыласақ, аудан орталығы ажарлана түсетіні сөзсіз. Біріксек, бұл қолдан келетін іс, – деді Дәурен Оңғарбайұлы.</blockquote>Оның айтуынша, Қазалы ауданы орталығы аудан басшысы Мейрамбек Зинабдинұлының тапсырмасына сәйкес аймаққа бөлінген. Оларға жауапты болып, Қазалы аудандық мәслихат төрағасы Ғазиз Әлмәмбетұлы бастап, аудан әкімінің орынбасарлары, аппарат басшысы, аудан әкімінің кеңесшісі, «Аманат» партиясының атқарушы хатшысы бекітілген. Жалпы, 7 аймаққа 15-20 мекеме аралығындағы 100-ден астам аудандағы барлық мекеме-кәсіпорындарды белгілеп отыр. Сонымен қатар, әр аумаққа мәслихат депутаттары, қоғамдық кеңес, көше комитетінің төрағаларынан жұмысшы тобы құрылған. Мұндағы мақсат – халықтың санасын ояту, түсіндірме жұмыстарын жүргізу. Осы арқылы ортақ жұмысқа барша Әйтеке би кенті тұрғындарын біркісідей атсалысуға шақыру.Қазалы ауданы полиция бөлімінің бастығының міндетін атқарушы полиция подполковнигі Ғанибек Құрманалиевтің көше тазалығы бойынша берген мәліметінде:<blockquote>– Әйтеке би кентіндегі қоқыс тасталуы мүмкін аймақтарға, яғни, Әйтеке би кентінің шығыс беткейіндегі Мектепбай каналы, №5 квартал аймағындағы «Қазақ және орыс қорымдары», Әйтеке би кентінің шығыс беткейіндегі жол асты темір жол өткелі аумағына және Водокачка елді мекеніне барар жолға қызметкерлер бөлініп, аудан тұрғындары тарапынан қоқыс тастаудың алдын-алу, немесе, қоқыс тастаушы құқық бұзушыларды анықтау бағытында тәулік бойы жұмыстар атқаруда.</blockquote>Сонымен қатар, күнделікті учаскелік полиция инспекторлары өздеріне бекітілген әкімшілік аймақтарын аралап, қоқыс тастау және абаттандыру қағидаларын бұзу деректерін анықтап, оларға заң жүзінде шаралар қолдануда. Осыған қоса, бөлім басшылығы мен учаскелік полиция инспекторларын және кент әкімін қосып «Тазалық» атты чат ашылып, онда атқарылған жұмыстар бойынша сұраныстар жасалынуда. Бөлім басшылығы тарапынан қосымша мобильді топтар құрылып, Әйтеке би кенті көшелеріндегі абаттандыру қағидасын бұзу деректерін анықтап, осы чат арқылы учаскелік полиция инспекторларына жолдап, учаскелік полиция инспекторларымен шаралар қабылданып, тұрғындарға түсіндірме жұмыстары жүргізілуде.Кеңейтілген мәжілісте аудандық ардагерлер кеңесінің төрағасы Оразғали Бекпанов та сөз алып, елдің бірлігін, абыройын көрсететін үлкен істе ауызбірішілікпен танытуға шақырды. Сонымен қатар, көше комитеттерінің төрағаларымен аудан тұрғындары да, тазалық мәселесіне қатысты өз ұсыныс-пікірлерін жеткізді.Жиын соңында Қазалы ауданы әкімі қоршаған ортаның, туған жердің тазалығы әрбір ауладан, әрбір көшеден басталатындығын жеткізіп, ауданды көркейту бағытындағы жұмыстарға жауапкершілікпен қарауға шақырды. Сондай-ақ, тазалық жұмыстарына тек мекеме, кәсіпорын ұжымдары ғана емес, барлық аудан тұрғындары, көше комитеттері, кәсіпкерлер өз аулаларынан бастап, атсалысу қажет екендігін айтты.Сондай-ақ, аудан көлемінде атқарылып жатқан шаралар, анықталған құқық бұзушылықтарды әрбір учаскелік полиция инспекторлары өздеріне бекітілген әкімшілік аймақ тұрғындарына әлеуметтік желідегі «Ватсап» чаттары арқылы жолдап, оларға осы тектес заң бұзушылықтарға жол бермеу бойынша да қосымша кеңінен насихатталуда.Жыл басынан бері абаттандыру қағидасын бұзудың, яғни, Әкімшілік кодекстің 505 бабымен 802 деректер анықталып, шаралар көрілсе, ортақ пайдалану орынын ластаудың, яғни, Әкімшілік кодекстің 434-2 бабымен барлығы 87 деректер анықталып, олардың әрқайсысына – 18 460 теңгеден барлығы 1 миллион 621 мың 680 теңге айыппұлдар салынды.Соңғы 5 тәулікте абаттандыру қағидасын бұзудың, яғни, әкімшілік кодекстің 505 бабымен 63 деректер анықталып әкімшілік хаттамалар рәсімделсе, ортақ пайдалану орынын ластаудың, яғни, әкімшілік кодекстің 434-2 бабымен барлығы 21 деректер анықталып, олардың әрқайсысына – 18 460 теңгеден барлығы 387 660 теңге айыппұл салынды.

Әрбір тұрғынның парызы – туған жердің тазалығы 

<a href="https://kyzylorda-news.kz/">Kyzylorda-news.kz</a>&nbsp; &nbsp;Қызылорда қалалық орталықтандырылған кітапханалар жүйесінде қарасты А.С.Пушкин атындағы орталық кітапхананың ұйымдастыруымен Қазақстан Республикасының және Ресей Федерациясының ұшқыш-ғарышкері, Қазақстан Республикасының Халық қаһарманы және Ресей Федерациясының Батыры, авиация генерал-лейтенанты, техника ғылымының докторы, «Экология» Қазақстан халық академиясының академигі Талғат Амангелдіұлы Мұсабаевтың - 75 жылдық мерейтойына орай, «Ғарышты бағындырған қыран» атты танымдық сағат кітапхана оқырмандарының қатысуымен өтті.&nbsp;Қазақтың маңдайына біткен батыр ғарышкер Талғат Мұсабаев – қазақтың 2-ші, ал әлемнің 309-шы ғарышқа үш рет ұшқан ғарышкері. 1994 жылғы маусымның 1-інен қарашаның 4-іне дейін «Союз-ТМ» ғарыш кемесінің борт-инженері ретінде ғарышта болып, 2 рет ашық ғарыш кеңістігіне шықты. Осы айтулы мерейтойға арнайы кітап көрмесі ұйымдастырылып, кітапханашы Кенжебаева Мақпал ұшқыш-ғарышкердің өмірі мен қызметінің негізгі кезеңдері туралы және де Талғат Амангелдіұлының жасаған ерліктері туралы материалдарға ерекше тоқталып өтті.Шара барысында «Сейхун» колледжінің бастауыш білім беру педагогикасының әдістеме бөлімінің пән мұғалімі Шырманбаева Ақбота жастарымызға қазақтан шыққан ұшқыштар Т.Әубәкіров, Т.Мұсабаев, А.Айымбетов жайлы ақпараттар айтып, ғарыш әлемі туралы қызықты мәліметтерімен бөлісті. Шараның мақсаты – ғарыш әлемі жайлы және 12 сәуір – ғарышкерлер күні туралы түсінік беру. Жастарымызға Байқоңыр ғарыш аймағы мен ғарыш саласы туралы, егеменді еліміздің тұңғыш ғарышкерлерінің қайталанбас ер тұлғасы мен қаһармандық ерлігін құрметтеуге тәрбиелеу.

Қызылордада кітапханашылар «Ғарышты бағындырған қыран» атты танымдық сағат өтті  

&nbsp;<a href="https://kyzylorda-news.kz/">Kyzylorda-news.kz</a> &nbsp;Бүгін «Қараөзек ауылдық клубы» МКҚК-ның және №39 Қызылөзек орта мектебінің ұйымдастыруымен қазақ әдебитетіне өзгеше өрнек, ғажайып сыр-сипат алып келген көрнекті жазушы Бердібек Соқпақбаевтың 100 жылдығына арналған «Балалар әдебиетінің классигі» атты әдеби-танымдық шарасы өткізілді.Шарада Бердібек Соқпақбаевтың шығармашылығына арналған арнайы кітап көрмесі ұйымдастырылып, оқушыларға тақырыптық дәріс оқылды.Балалар әдебиетін алып бәйтерек десек, оған нәр беріп, құнарландырып тұратын жазушылардыі бірегейі Бердікбек Соқпақбаев деуге негіз бар. «Балалық шаққа саяхат», «Менің атым Қожа», «Өлгендер қайтып келмейді» шығармалары – жазушының шоқтығы биік туындылары саналады. Бұл шығармаларда жазушы өзі өмір сүрген заманның шынайы келбетін суреттейді. «Балалық шаққа саяхат» повесінде жазушы анасының ұзақ ауырып қайтыс болғанын, сәби інісі Тұрдыбектің тоқтаусыз жылап қалғанын жазған. Жұпыны үй ішінде бір үзім нанға зәру күн кешкен қиын тағдыры бейнелеген.Оқушыларға мұндай шара өткізудің берері мол. Олардың кітап оқуға деген қызығушылығын арттыру, танымының толысуына үлкен рухани азық болмақ.

Қызылөзекте «Балалар әдебиетінің классигі» атты әдеби-танымдық шарасы өтті

<a href="https://kyzylorda-news.kz/">Kyzylorda-news.kz</a> &nbsp;«Қызылорда қаласының Ақсуат ауылдық округі әкімінің аппараты» коммуналдық мемлекеттік мекемесінің қызмет көрсетудегі басты мақсаттарының бірі – Ақсуат ауылдық округінің халқына, аз қамтылған отбасыларға, жұмыссыз азаматтарға, ардагерлерге, мүгедектерге және өзге де жекелеген санаттағы мұқтаж азаматтарға әлеуметтік қолдау көрсетуді ұйымдастыру.Бүгінгі күні мемлекеттік қызмет көрсетудің басты мақсаттарының бірі- халыққа сапалы қызмет көрсету. Мемлекеттік қызметтерді көрсету кезінде халықтың құқықтарын, бостандықтары мен заңды мүдделерін сақтауды қамтамасыз ету белгілерінің бірі халыққа мемлекеттік қызметтерді көрсету тиімділігін арттыру және мемлекеттік қызметтерді сапалы көрсету болып табылады.«Қызылорда қаласының Ақсуат ауылдық округі әкімінің аппараты» коммуналдық мемлекеттік мекемесі тарапынан заңды және жеке тұлғаларға6 мемлекеттік қызмет түрлері көрсетіледі: «Жер учаскесінің нысаналы мақсатын өзгертуге шешім беру», «Сауда-саттықты (конкурстарды, аукциондарды) өткізуді талап етпейтін мемлекет меншігіндегі жер учаскелеріне құқықтарды алу», «Жер учаскесін алу үшін кезекке қою», «Мемлекеттік атаулы әлеуметтік көмек тағайындау», «Жер учаскесін жеке меншікке ақысын бірден төлеп не бөліп төлеу арқылы сату», «Кент, ауыл жерлерінен жер учаскесін беру».Тұтынушыларға ақпараттық қолжетімділікті қамтамасыз ету мақсатында стандарттарға сәйкес ақпараттық тақтайшалар орнатылған. Сондай-ақ Әкімшілік ғимаратта халықтың уақытын тиімді пайдалану мақсатында «Өзіне өзі қызмет көрсету бұрышы» орналастырылған. Өзіне – өзі қызмет көрсету бұрышы талапқа сай қажетті техникалық құралдарымен қамтамасыз етілген. Көрсетілетін мемлекеттік қызмет түрлерінің сапасын арттыру және атқарушылық тәртіптің деңгейін көтеру күнделікті бақылауда.2024 жылдың І тоқсаны бойынша «Қызылорда қаласының Ақсуат ауылдық округі әкімінің аппараты» коммуналдық мемлекеттік мекемесінің тарапынын жеке және заңды тұлғаларға 18 мемлекеттік қызмет көрсетілді.Оның ішінде сауда-саттықты (конкурстарды, аукциондарды) өткізуді талап етпейтін мемлекет меншігіндегі жер учаскелеріне құқықтарды алу қызметі бойынша - 6, жер учаскесінің нысаналы мақсатын өзгертуге шешім беру қызметі бойынша – 12 қызмет көрсетілді.

Ақсуат ауылында әлеуметтік қолдау шарасы тиімді жүргізілуде

<a href="https://kyzylorda-news.kz/">Kyzylorda-news.kz</a> &nbsp; Кеше «AMANAT» партиясы облыстық филиалының Партиялық бақылау комиссиясы жанындағы мониторингтік топ денсаулық сақтау өкілдерімен бірге қаладағы мемлекеттік жекеменшік әріптестік шартымен жұмыс жасап жатқан емханалардың жағдайына, ондағы халыққа көрсетілетін медициналық қызметтердің қол жетімділігі мен сапасына мониторинг жүргізді.Зерделеу тобы алдымен 16 мыңнан астам қала тұрғыны қамтылған «Қызылорда темір жол ауруханасы» ЖШС болды. Бұл серіктестік құрамында емхана мен аурухана бар. Мұндағы емхана мен ауруханаға 2022 жылдан бері кезең кезеңімен жұмысты тоқтатпастан күрделі жөндеу жұмыстары жүргілізіп жатыр. Емхана талапқа сай көптеген жаңа құрал-жабдықтармен қамтамасыз етілген.Ауруханаға барлық бөлімге жаңа керуеттер, тумбалар алынған. Халықтың кедергісіз кіріп шығуы үшін емхана алды тегістеліп брусчатка төселген. Мүмкіндігі шектеулі жандарға қалыпты орта қалыптастырылған.Мұнан соң зерделеу тобы «ALEXEY SULTAN-AKHMET» ЖШС-нің &nbsp;емханасында болды. Емхана мемлекеттік-жекеменшік әріптестік негізде жұмыс жасағандықтан заманауи медициналық жабдықтары бар жаңа ғимаратқа көшірілген. Бүгінгі таңда бұл жоба заманауи медицинаның барлық критерийлеріне сәйкес келетін жабдықты пайдалана отырып, жоғары білікті медицина мамандарымен 40 000-ға жуық қала тұрғындарының игілігі үшін медициналық қызмет көрсетуде. Жеке серіктестің өз қаражаты есебінен сатып алынған техникалар қатары жыл сайын жаңартылып отыр.Жалпы жоба іске қосылғаннан бастап 7 жыл ішінде емханаға бекітілген тұрғындардың саны ,азаматтардың өз еркімен тіркелуі негізінде 7000 адамға өскен. «Бұл жобаның сөзсіз сәттілігін көрсетіп отыр», - дейді емхана басшылығы.Партиялық мониторингтік топ сонымен қатар 1972 жылы С. Макаренко атындағы балалар үйіне арналып салынған Баласағұн №5А мекен -жайындағы №6 емхананың №3 ЖТД бөлімінде болды. Типтік емес ғимарат емханаға пайдалануға 2017 жылы берілген.Ғимаратқа осыдан 8 жыл бұрын ағымдағы жөндеу жұмыстары жүргізілген екен. Ғимараттың жалпы ауданы 2168,8 м/кв болғанымен, мониторингтік топ оның 3/1 бөлігі пайдаланылмай отырғандығын анықтады. Сондай-ақ аумақтағы 14 мыңнан астам халыққа медициналық қызмет көрсетіп отырған ғимаратқа күрделі жөндеу қажет екенін айтты. Дегенмен қазіргі таңда «Проект Сервис ЖШС» мекемесімен жобалау сметасы дайындалған екен.Үш емхананың жағдайын бағамдаған мониторингтік топ, әрбір ұжым тарапынан айтылған ұсыныстарды тиісті басқармаларға жеткізетінін және партиялық бақылауға алатындарын айтып тарқасты.

Медициналық қызметтің қолжетімділігіне партиялық бақылау жасалды

&nbsp;<a href="https://kyzylorda-news.kz/">Kyzylorda-news.kz</a>&nbsp; Қызылорда қаласы бойынша білім бөлімінің ұйымдастыруымен Ә.Мүсілімов атындағы №101 мектеп-лицей базасында «Қазақ тілі мен әдебиеті пәнінің үздік мұғалімі – 2024» байқауының қалалық кезеңі өтті.&nbsp; Қала көлемінде отыздан астам қазақ тілі мен әдебиеті пәні мұғалімдері бақ сынаған байқауға қалалық білім бөлімінің әдіскері Нұржан Әсілханұлы қатысты. Байқаудың мақсаты – оқыту мен оқу үдерісінде жоғары жетістіктерге қол жеткізген, өзінің инновациялық идеяларын ұсына алатын талантты, шығармашыл үздік қазақ тілі мен әдебиеті пәні мұғалімдерін анықтап, кәсіби шеберлігін шыңдау. Байқауда пән мұғалімдері екі кезең бойынша сынға түсті. Бірінші кезеңде «Бір сабақ - бір әлем» тақырыбында қатысушылар ашық сабақ өткізсе, екінші кезеңде «Сөз шебері» ұсынылған тақырыптардың бірін таңдап сөз сөйлеу, шешеңдік өнерін ортаға салу болып табылады.&nbsp; Екі күнге созылған байқаудың қорытындысымен А.Байтұрсынов атындағы №211 орта мектептің қазақ тілі мен әдебиеті пәнінің мұғалімі Тұрсынбай Ақгүл жүлделі бірінші орынға лайық деп танылды. Байқаудың қалалық кезеңінен өткен жеңімпаз ұстаз облыстық кезеңге жолдама алды.

«Қазақ тілі мен әдебиеті пәнінің үздік мұғалімі – 2024» қалалық байқауы өтті

<a href="https://kyzylorda-news.kz/">Kyzylorda-news.kz</a> Өңірлік баспа басылымдарының «Мерзімді басылымдар - халық сауаттылығының қайнар көзі» тақырыбында форум басталды.&nbsp;Алматы қаласында 11-12 сәуірде &nbsp;өңірлік мерзімді басылымдарының жұмыс деңгейін арттыру мақсатында форум ұйымдастырылып жатыр. &nbsp;Форумның бірінші отырысында сараптамалық материал жазудың стилі, қате қолданыстағы сөздер мен тіркестер, журналистік зерттеу тәсілдері, мерзімді басылымдардың беттелуі мен дизайны, суретке түсіру өнері талқыланды. &nbsp;Одан әрі БАҚ саласының өкілдері баспа басылымдарын танымал ету және тарату, басылымдардың балалар контентін қалыптастырудың идеологиялық шарттары мен тетіктері бағытында ой бөлісіп, тәжірибе алмасады.&nbsp;Өңірлік мерзімді басылымдардың форумына Қазақстан Республикасының Мәдениет және ақпарат министрі Аида Балаева, ҚР Парламенті &nbsp;Сенатының депутаты Нұртөре Жүсіп, ҚР Парламенті &nbsp;Мәжілісінің депутаты Қазыбек Иса, ҚР Парламенті &nbsp;Мәжілісінің депутаты Ермұрат Бапи қатысады деп жоспарлануда.&nbsp;Форумның қатысушылары баспа БАҚ саласында тәжірибе және кәсіби идеялармен алмасу мүмкіндігіне ие болады. Сондай-ақ журналистік зерттеулер жазу, әлеуметтік желілер мен сайттарды сауатты жүргізу, редакцияның жұмыс деңгейін арттыру дағдыларын жетілдіреді.&nbsp;

Өңірлік мерзімді басылымдар форумы басталды 

<a href="https://kyzylorda-news.kz/">Kyzylorda-news.kz</a> &nbsp;Көктем басталысымен кенеден келер қауіпте артады. Жылдағы дәстүрмен биыл 10 сәуірден бастап бекітілген кестеге сәйкес Конго-Қырым геморрагиялық қызбасы ауруының алдын-алу мақсатында елдімекендерде кенеге қарсы залалсыздандыру жұмыстары бастау алды. Осы орайда, қала әкімінің орынбасары Дархан Тұрсынбаев жауапты мамандарға және кент, ауылдық округ әкімдеріне эпидмаусымдық дәрілеу-залалсыздандыру жұмыстарын жүргізу барысында залалсыздандыру жұмыстарына өте мұқият болып, жауапкершілікпен қарауды тапсырды.Айта кету керек, биыл қала бойынша конго-қырым геморрагиялық қызбасы ауруының қолайсыз аймақтары ретінде 12 ошақ есепке алынған. Олар Қызылорда қаласының «КБИ» аймағы, ПМК-29, Бәйтерек, Әл-Фараби мөлтек аудандары мен Тасбөгет кенті, Белкөл кенті («Көкжиде» аймағы, Бірқазан ауылы), Абай, Баймұрат батыр, Досан, Ж.Махамбетов, Иіркөл, Қарауылтөбе, Қызылжарма, 11 бекет (Талсуат) елді мекендері және Қараөзек станциясы бар.Қолайсыз аймақтар ретінде есепке алынған ошақтарда 10-23 сәуір аралығында кенеге қарсы өңдеу жұмыстары жүргізіледі.

Қызылорда қаласында конго-қырым геморрагиялық қызбасы ауруының алдын алу шаралары басталды

<a href="https://kyzylorda-news.kz/">Kyzylorda-news.kz</a> Бұл сұраққа Су ресурстары және ирригация министрлігінің баспасөз қызметі жауап берді, деп хабарлайды&nbsp;<a href="https://egemen.kz/article/362033-eldegi-su-qoymalary-qansha-payyzgha-toldy">Egemen.kz</a>.Қостанай облысындағы екі ірі су қоймасы 92%-ға толы. Мұнда 489 миллион текше метр су жиналды.Солтүстік Қазақстан облысының екі ірі су қоймасы 100% су жинады.Батыс Қазақстан облысындағы 4 ірі су қоймасы орта есеппен 68%-ға толды.Шығыс Қазақстан облысында үш ірі су қоймасының орташа су жинау көрсеткіші - 84,6%.Ақмола облысының екі ірі су қоймасының орташа су жинау көрсеткіші - 99%, екі нысан да транзиттік режимде жұмыс істеп жатыр.Ақтөбе облысында екі ірі су қоймасы 98%-ға толы. Су тасқыны кезінде су қоймаларына 218 миллион текше метрден астам су жиналды.Қарағанды облысының 4 ірі су қоймасы 100%-ға толды. Су тасқыны кезінде су қоймаларына 192 миллион текше метрден астам су жиналды.<img src="https://knadmin.beoblood.kz/uploads/2024_04_11_qaz_e437311f6f.jpg" alt="2024_04_11_qaz.jpg">Фото: Kursiv.media

Елдегі су қоймалары қанша пайызға толды?

<a href="https://kyzylorda-news.kz/">Kyzylorda-news.kz</a> &nbsp;Бүгін Сыр елінің бас қаласында халық балуаны Қажымұқан Мұңайтпасұлын еске алуға арналған қазақ күресінен 2004-2006 жылы туылған жастар арасында өтетін дәстүрлі республикалық турнир 12 мәрте байрағын көтерді.Жарыстың ашылу салатанатында қала әкімі Серік Қожаниязов сөз сөйлеп, спортшыларға сәттілік тіледі.<blockquote>- Бұл турнир 12 жыл бұрын Сырдың бас шаһары – Қызылорда қаласында байрағын көтеріп, бүгінде еліміздегі бірегей жарыстардың қатарына қосылды. Осы жылдар ішінде бабы келісіп, қанат қаққан темірқанат түлектер Азия мен Әлемді мойындатты. Турнир жеңімпаздары Руслан Теміржан жастар арасында әлем чемпионы атанса, Шәріп Серікболсын, Бекзат Шакизаевтар ел чемпионы болды. Демек, дүбірлі доданың келешегі кемел екендігі даусыз.</blockquote>Қазақ күресінің Сыр өңірінде шеберлік мектебі қалыптасқан. Осы үлкен мектептен талай барыстар шықты. Олар - "Қазақстан барысы" турнирінің алғашқы жеңімпазы Ұлан Рысқұлов. Одан кейін жеңісті жолды жалғаған Мақсат Исағабылов. Қос батырдың ізінен ерген Еламан Ерғалиев пен Нұрым Сәлімгереев бүгінгі барыстар бәсекесінің беделділері.Абыройлы ағаларына қарап бой түзеген «Бала барыстарымыз» да жетерлік. Олай дейтініміз, жасөспірімдер арасындағы «Бала барысы» турнирі еліміз бойынша алғаш болып Қызылорда қаласында өтті. Жас балуандар осындай жарыстар арқылы шыңдалып, жасын ойнатады.Бүгінгі жарысқа қатысушыларға шынайы бәсекелестік, спорт алаңында жеңіс пен сәттілік тілеймін, - деді шаһар басшысы.Турнирге еліміздің әр өңірінен келген 14 команда, 250-ге жуық спортшы қатыуда. Жеңімпаздарға ҚР-ның спорт шеберіне кандидат атағы беріледі. Сондай ақ, қала әкімінің арнайы дипломдары мен медальдары және қаржылай сыйақылары табысталады.

Дәстүрлі дода дүбірі

<a href="https://kyzylorda-news.kz/">Kyzylorda-news.kz</a> Тоқаевтың «Әділетті Қазақстанның экономикалық бағдары» атты Жолдауына ерекше қолдау көрсетіп отыр. Өйткені Президент агроөнеркәсіп кешенінде нақты серпіліс жасау қажеттігін айтты. Алдағы екі жыл ішінде агроөнеркәсіптегі өңделген өнім үлесін 70 пайызға жеткізуді міндеттеді. Жұртты өнім өңдеуге ынталандыру жолын да атап көрсетті.Осы орайда Шиелі ауданында егістікті әртараптандырудың нәтижесінде 50 мың тонна көкөніс, бақша, картоп өнімдері жиналғанын айта кетелік. Нақтырақ тарқатсақ, өткен жылы 406 гектарға егілген картоптан 310 центнерден өнім жиналса, 527 гектарға егілген көкеністен 325 центнерден өнім алынды. Ал 586 гектарға егілген бақшалық дақылдардан 20 мың 500 тонна өнім қамбаға түскен. Естеріңізге сала кетсек, аймақ басшысының арнайы тапсырмасымен жергілікті тұрғындардың өзін-өзі әлеуметтік маңызы бар картоп, көкөніс, бақша өнімдерімен қамтамасыз етуін ұйымдастыру мақсатында көктем айларында 1520 гектар жер толықтай дайын күйінде үлестіріліп берілген болатын. Ерте көктемнен бастап қамданған қараша халық күзде ырысын жерден жиып алды. Бұл, біріншіден, базар бағасын тұрақтандырудың бірден-бір жолы десек, екіншіден аяқсуды үнемдеуге септігін тигізбек.Иә, арнасына сыймай жататын Сырдың суы тартылғалы диқан қауымының алаңы көбейді. Себебі, аяқ судың тапшылығы шаруаның еңбегін еш етеді. Соңғы 30 жылда осы трансшекаралық су мәселелерін реттеуде ортақ нақты келісімнің болмауы тек агроөндіріс сипатында ғана емес, экологиялық мәселеге алып келе жатыр. Сондай-ақ егін алқаптарының аумақтары ұлғаюда. Мұның барлығы түптеп келгенде суды үнемдеудің өзектілігіне алып келіп отыр.Өткен жылы Шиелі ауданына сағадан 699,70 миллион текше метр су бөлінген. Оның ішінде: егістікке – 579,70 миллион текше метр, экологиялық қажеттілікке 120 миллион текше метр су жұмсалған. Су жеткізіп беру үшін жыл басында 136 шаруашылықпен келісім-шарт жасалған. Аталған шаруашылықтардың еккен егіс көлемі – 17 046 гектар. Оның ішінде негізгі күріш дақылы – 13 000 гектарды құраса, бидай – 615 гектар, мал азығындағы дақылдар – 3120 гектар, бақша дақылдары – 636 гектар, басқа дақылдар – 31 гектарға орналастырылған. Осы аталған дақылдарды суғаруға жоспар бойынша 579,7 миллион текше метр су қажет болды.Ерте қамданғанның пайдасы болар қоян жылында шиелілік диқандар өткен жылдардай шығынға ұшыраған жоқ. «Шиелі сушар» мекемесі ерте көктемде өз күшімен «02» каналының 3,8 шақырымы, «R-7» каналының 20 шақырымын тазартқан болатын. Ал республикалық бюджет есебінен «Жаңа Сұлутөбе» каналының 27 шақырымы, «L-6» каналының 12, «01» каналының 10, «R-8» каналының 14,6, «R-10» каналының 8, «Жаңа Бестам» каналының 10 шақырымы қазылған. Сонымен бірге ауданда су тапшылығының алдын алу мақсатында 22 каналды механикалық тазалау, 41 ұңғыманы жөндеу және бұрғылауға сорғы қондырғыларын сатып алу жұмыстарын жүргізілген. Қабылданған шаралардың арқасында жалпы вегетациялық кезең шығынсыз аяқталды. Оған қоса Шиелі ауданы көлеміндегі егіс алқаптарына 53 насос қондырғыларын орнатылып, диқан қауымның жайын басты назарда болды.Шиелі ауданы бірегей мүмкіндікті тиімді пайдалануға дағдыланған. Алтын күрек соғып, қар көбесі сөгілгеннен қара күз түскенше шаруагерде дамыл жоқ. Егінін өсіріп, астықты орып, қамбаға құйып алған соң қыстың қамын ойлап, бақша дақылдарын молынан сатып алып сақтауға кіріседі.

Қазақстан және Қызылорда облысының жаңалықтары