<a href="https://kyzylorda-news.kz/">Kyzylorda-news.kz.</a> 2024 жылдан бастап Халықаралық Аралды құтқару қорына төрағалық ету кезегі Қазақстанға өтті, деп хабарлайды су ресурстары және ирригация министрлігі.Еліміз осы ұйымды алдағы үш жыл бойы басқарады. Мемлекет басшысы Қасым-Жомарт Тоқаев 2026 жылдың соңына дейін қор президенті болып сайланды.<blockquote>"Біз Орталық Азия мемлекеттерімен, сондай-ақ басқа да халықаралық ұйымдармен және қаржы институттарымен ынтымақтастықты арттыруды жоспарлап отырмыз. Биыл біз Дүниежүзілік банкпен бірге жүзеге асырылып жатқан Солтүстік Аралды сақтау жобасының екінші кезеңін бастаймыз. Арал теңізін құтқару – бұл ХАҚҚ-ға қатысушы барлық елдің бірлескен күш-жігерінің арқасында ғана орындалатын міндет. Алдағы үш жылда біз осы бағытта маңызды нәтижелерге қол жеткізуге ниеттіміз", - деді су ресурстары және ирригация министрі Нұржан Нұржігітов.</blockquote>Халықаралық Аралды құтқару қорының құрамына Қазақстан, Тәжікстан, Түрікменстан және Өзбекстан кіреді. Қор Арал теңізін құтқаруға және өңірдің экологиялық жағдайын жақсартуға, сондай-ақ жалпы әлеуметтік-экологиялық проблемаларды шешуге бағытталған бірлескен мемлекетаралық экологиялық және ғылыми-практикалық бағдарламалар мен жобаларды іске асырумен айналысады.Фото: Нұрболат Нұржаубай

Қазақстан Халықаралық Аралды құтқару қорына төрағалық етеді

<a href="https://kyzylorda-news.kz/">Kyzylorda-news.kz.</a>&nbsp; Қазір кейбір кәсіпкерлер банктерде ашылған жеке шоттарына сатылған тауарлар, қызметтер үшін мобильді аударымдар арқылы ақы алады. Алайда, бұл аударымдар бақылау-касса машиналары (БКМ) мен POS-терминалдарды қолданбай, тиісінше чектер берілмей жүргізіледі. Бұл ескерту түріндегі әкімшілік жауапкершілік көзделген заң бұзушылық болып табылады. Қайталама заң бұзушылық кезінде салық төлеушінің субъектілігіне байланысты салынатын айыппұл 15-тен 50 АЕК-ке дейін құрайды.Қазақстан Республикасының Конституциясына сәйкес салық төлеу әркімнің міндеті екенін еске саламыз.<blockquote>«Салық органдары заңсыз кәсіпкерлік қызметті көлеңкеден шығару мақсатында тиісті бақылау жүргізеді. 2024 жылдан бастап банк ұйымдары жеке кәсіпкерлердің мобильді аударымдары бойынша деректерді беретін болады. Күнтізбелік үш ай қатарынан ай сайын 100 түрлі тұлғадан мобильді аударымдар алған азаматтар бақылауға алынады.БКМ қолдануды жеңілдету үшін 2022 жылдан бастап БКМ функцияларын екінші деңгейдегі банктердің POS-терминалдарымен біріктіру бойынша пилоттық жоба жүргізілуде. Бұл БКМ мен POS-терминалдың бір чегін беруге мүмкіндік береді. Пилоттық жобаға «Каспий банк» АҚ, «Халық банк» АҚ және «Банкцентркредит» АҚ қатысуда», - дейді Қызылорда қаласы бойынша мемлекеттік кірістер басқармасы басшы орынбасары А.Жусупов.</blockquote>Сонымен қатар, БКМ чектерін бермеу фактілерін анықтау бойынша «Азаматтық бақылау – Чекті талап ет» акциясы өткізілуде. Анықталған бұзушылықтар туралы «Wipon cashback» тегін мобильді қосымшасы арқылы хабарлауға болады.Банктерден ақпарат кезең кезеңімен беріледі: 1) 2023 жылдан бастап – мемлекеттік қызметшілер, оларға теңестірілген адамдар және олардың жұбайлары бойынша (2022 жылдың қорытындысы бойынша); 2) 2024 жылдан бастап – мемлекеттік мекемелердің, квазимемлекеттік сектор субъектілерінің қызметкерлері және олардың жұбайлары бойынша (2023 жылдың қорытындысы бойынша); 3) 2025 жылдан бастап – жеке кәсіпкерлер, заңды тұлғалардың басшылары және олардың жұбайлары бойынша (2024 жылдың қорытындысы бойынша); 4) 2026 жылдан бастап – халықтың қалған бөлігі бойынша (2025 жылдың қорытындысы бойынша).Жоғарыда аталған өзгерістер адал салық төлеушілерге әсер етпейтініне және тек заңсыз кәсіпкерлік қызметті көлеңкеден шығаруға бағытталғанына назар аударамыз. Яғни, жеке тұлғалар, бұрынғыдай, өздерінің жеке мақсаттары үшін - туыстарына, достарына, ата-аналары мен балаларына және басқа да өмірлік жағдайларға арналған аударымдарды жасай алады және қабылдай алады.<blockquote>«Негізінен, салық органдары бизнесті заңды жүргізу үшін барлық қолайлы жағдайларды жасады, салық мөлшерлемелері төмен режимдерді қарастырды. Бұл жоба жасырын кірістер мен тіркелмеген кәсіпкерлерді анықтауға бағытталған, өйткені көптеген кәсіпкерлер тауарлар, қызметтер үшін төлемді жеке шоттарға (дүкендер, такси жүргізушілері және т.б.) мобильді аударымдар арқылы алады. Сонымен қатар, аударымдар көбінесе чектер берілмей қабылданады. Осыған байланысты кәсіпкерлерге кәсіпкерлік қызметке арналған шоттарға (бизнес-шоттарға) төлем қабылдауды ұсынамыз», - деді А.Жусупов.</blockquote>Фото: Нұрболат Нұржаубай

Мобильді аударымдар: Кәсіпкерлерді қандай жаза күтеді?

Қасым-Жомарт Тоқаев: Біз озық ойлы ұлт ретінде тек қана алға қарауымыз керек

<a href="https://kyzylorda-news.kz/">Kyzylorda-news.kz.</a> Қазгидромет синоптиктері 4-6 қаңтар аралығына арналған үш күндік ауа райы болжамын жариялады.&nbsp;Қазақстан аумағының басым бөлігінде әлі де құбылмалы тұрақсыз ауа райы сақталады.Жауын-шашын, негізінен қар жауады, бұрқасын көтеріліп, көктайғақ, екпінді жел соғады.Тек еліміздің оңтүстік-шығысында негізінен жауын-шашын жаумайды деп болжанып отыр.Республиканың солтүстік-батысы мен солтүстігінде түнде ауа температурасы 0-13 градус аяздан 5-25 градус аязға дейін ауытқиды.Фото: Нұрболат Нұржаубай

Алдағы күндері 26 градусқа дейін аяз болады

<a href="https://kyzylorda-news.kz/">Kyzylorda-news.kz.</a> ҚР Премьер-министрі Әлихан Смайыловтың төрағалығымен өткен Үкімет мәжілісінде көлік қатынасының қолжетімділігі мәселелері қаралды.Ведомство басшылары және өңір әкімдері атқарылған жұмыстар мен алдағы міндеттер жайлы хабарлама жасады.Үкімет жиынынан кейін облыс әкімі Нұрлыбек Нәлібаев арнайы мәжіліс өткізіп, жол қозғалысының қауіпсіздігіне қатысты мәселелерге тоқталды.<blockquote>«Қыс мезгілінде жолдарды күтіп ұстау, әсіресе, жол қозғалысын қауіпсіз және үздіксіз қамтамасыз ету маңызды. Ауа райының қолайсыздығына байланысты еліміздің бірқатар аймағында автомобиль жолдары жабылған болатын. Біз де бұндай жағдайларға дайын болуымыз қажет», – деді аймақ басшысы.</blockquote>Күн тәртібіндегі мәселеге орай жауапты мекеме басшылары атқарылған жұмыстарды баяндады. Облыстық жолаушылар көлігі және автомобиль жолдары басқармасына «Қорқыт ата әуежайы» акционерлік қоғамымен бірлесіп, халықаралық және басқа облыс орталықтарына рейстер ашуды пысықтау тапсырылды. «ҚазАвтоЖол» Ұлттық компаниясы» акционерлік қоғамының облыстық филиалы Қызылорда облысының полиция департаментімен, Қызылорда қаласы мен аудан әкімдерімен бірге қыс мезгілінде жол қозғалысы қауіпсіздігін қамтамасыз етудің тиісті шараларын қабылдауы тиіс. Ал, Қызылорда облысының төтенше жағдайлар, полиция департаменттері облыстық денсаулық сақтау басқармасымен бірлесіп, қолайсыз ауа райында көлік қозғалысына қатысты төтенше жағдай болғанда жедел құтқару шараларын ұйымдастыруы керек.Айта кетейік, облыс аумағында 212 елді мекенді аудан және облыс орталығымен байланыстыратын 205 автобус маршруты бар. Оның ішінде 71-і – ауданаралық (қалааралық), 101-і – аудандық (кентішілік) және 33-і қалаішілік және қала маңы бағыты. Мұнан бөлек, Өзбекстан Республикасы Ташкент қаласына 1 халықаралық және Астана, Алматы, Шымкент, Жезқазған, Түркістан, Сарыағаш, Ақтөбе қалаларына 13 облысаралық автобус маршруты ұйымдастырылған. Облыс аумағынан барлығы 16 жұп жолаушы пойызы өтеді, оның ішінде облыс орталығынан Петропавловск, Павлодар, Көкшетау, Семей және Түркістан қалаларына 5 жұп жолаушы пойызы қатынайды. «Қорқыт ата» әуежайынан аптасына 22 тұрақты рейс орындалуда.<img src="https://knadmin.beoblood.kz/uploads/414479343_669406128713968_447032089901941175_n_cd682a61b4.jpg" alt="414479343_669406128713968_447032089901941175_n.jpg">

Көлік саласын дамыту мәселелері қаралды

Фото: primeminister.kz<a href="https://kyzylorda-news.kz/">Kyzylorda-news.kz.</a> Мемлекет басшысы Қасым-Жомарт Тоқаев биыл іске асатын міндеттер жайында әңгімеледі.&nbsp;<blockquote>— Мен өткен қыркүйектегі Жол­дауым­да жаңа экономикалық үлгіге көшеті­ні­мізді айттым, 2029 жылға қарай жалпы ішкі өнімді қазіргіден екі есеге арттыру мәселесін басты стра­те­гия­лық мақсат ретінде белгіледім. Көп ұзамай Үкіметтің кеңейтілген отыры­сы өтеді. Онда еліміздің был­тыр­ғы әлеуметтік-экономикалық даму қо­ры­тындысы шығарылып, алдағы жұмыстың амал-тәсілдері айқындалады. Ұлттық құрылтайдың отырыстары идеология саласындағы мәселелерді, ұлттың жаңа сапасын қалыптастыру ісін, қоғамның құндылықтар жүйесін жаңғырту жайын талқылайтын тиімді пікірталас орнына айналды. Бұған дейін жаздыгүні шақырылып келе жат­қан Құрылтайдың отырысын биыл сәл ертерек, көктемде өткізетін шығармыз. Осылайша, биыл экономикалық, қоғамдық-саяси және гуманитарлық салаларда атқарылатын жұмыстың негіз­гі бағыт-бағдары бірінші тоқ­санда-ақ айқындалады, — деді Президент Egemen Qazaqstan газетіне берген <a href="https://kaz.inform.kz/news/bz-ozik-oyli-ult-retnde-tek-kana-alga-karauimiz-kerek-kasim-zhomart-tokaev-1e1b19/">сұхбатында</a>.&nbsp;</blockquote>Оның айтуынша, осындай маңызды оқиғалардан бөлек, күнделікті атқарылуға тиіс жұмыстар да&nbsp;аз&nbsp;емес.<blockquote>—&nbsp;Бұл жылдың ел&nbsp;тарихында қандай орын алатыны барша азаматымыздың ерік-жігеріне де&nbsp;байланысты. Мен жаңажылдық құттықтауымда биыл бәріміз тұтас ұлттың өсіп-өркендеуіне куә болатынымызды айттым. Бірақ осы мақсатқа жету үшін біз бір ел&nbsp;болып, білек сыбана жұмыс істеуіміз керек,&nbsp;— дейді ол.</blockquote>

Президент көп ұзамай Үкіметтің кеңейтілген отыры­сы өтетінін жариялады

<a href="https://kyzylorda-news.kz/">Kyzylorda-news.kz.</a>&nbsp;Ұлу жылы мәдени, саяси, спорттық шаралардан кенде емес. 2024 жылы әлемде және Қазақстанда қандай маңызды оқиғалар болатынын хабарлады <a href="https://sputnik.kz/">Sputnik</a>.<h3 style="margin-left:0px;">Жазғы Олимпиада</h3>Ұлу жылы барша әлем назары Париждегі Олимпиада ойындарына ауады. Франция астанасында 26 шілде мен 11 тамыз XXXIII жазғы Олимпиада өтеді.Дүбірлі додада 32 спорт түрінен 329 медаль жиынтығы сарапқа салынбақ. Сайыста 206 ұлттық олимпиада комитетінің командалары мен босқындар құрамасы бақ сынайды деп жоспарланып отыр.2024 жылғы жазғы Олимпиада ойындарының бағдарламасына брейкинг (көше биі) енгізілді. Осылайша алдағы жылы барлығы 32 спортшы тарихтағы алғашқы олимпиада медальдарына таласады.Спорттық жарыстардың көпшілігі Париж аумағында ұйымдастырылады. Шараға 35 спорт нысаны жұмылдырылады, оның 14-і Олимпиада ауылынан ондаған шақырым жерде орналасқан.Жазғы ойындардың тұмары ретінде Француз Республикасының символы саналатын фригия қалпағы таңдалып отыр. Ол француз халқы үшін бостандықты білдіреді. Қалпақ қызыл түске боялған. Париж-2024 логотипі бейнеленген.Сондай-ақ 28 тамыз бен 8 қыркүйек аралығында Парижде Паралимпиада ойындары өтеді.Бұған дейін Халықаралық олимпиада комитеті Қазақстанға Париж ойындарына қатысуға ресми шақырту жолдаған болатын. Сонымен қатар қазақстандық төреші Алуа Бектұрова да жазғы Олимпиадаға шақырту алды. Отандасымыз көркем гимнастикадан өтетін сайыстарда төрелік етеді.Айта кетері, 2024 жылғы Олимпиада ойындарын өткізуге Будапешт (Венгрия), Гамбург (Германия), Лос-Анджелес (АҚШ), Париж (Франция), Рим (Италия) үміткер болды. Алайда таңдау Франция астанасына түсті.Франция осымен үшінші рет жазғы Олимпиаданы қабылдайды. Ойындар алғаш рет Парижде 1900 жылы, ал екінші рет тура жүз жыл бұрын – 1924 жылы өткен еді.<h3 style="margin-left:0px;">Жасөспірімдер Олимпиадасы</h3>Алдағы жылы спорт сүйер қауымды тағы бір дүбірлі дода күтіп тұр.19 қаңтар мен 2 ақпан күндері Оңтүстік Кореяның Канвондо қаласында жасөспірімдер арасында IV қысқы Олимпиада өтеді. Бұл Азия құрлығында ұйымдастырылатын алғашқы қысқы жасөспірімдер ойындары.Қысқы ойындарда жас спортшылар 15 спорт түрінен бақ сынайды. Бағдарламаға хоккей, мәнерлеп сырғанау, шаңғы жарысы, биатлон, конькимен жүгіру спорты, керлинг, фристайл, тау-шаңғы спорты, бобслей, скелетон, шана спорты, сноуборд, шаңғымен трамплиннен секіру, шаңғы қоссайысы және шорт-трек кірген.81 медаль жиынтығы сарапқа салынады. Тартысты бәсекеге әлемнің 70 елінен 1900-ге жуық атлет қатысады деп күтілуде.<h3 style="margin-left:0px;">Евровидение-2024</h3>"Евровидение" музыкалық байқауы швед әншісі Лориннің биылғы жеңісінен кейін Швецияда өтеді. Мәдени іс-шараны осымен үшінші рет Мальме қаласы қабылдайды.Жартылай финалдар 7 және 9 мамырға, ал финал 11 мамырға жоспарланған.Жуырда Еуропа хабар тарату одағы "Евровидение-2024" байқауына 37 ел қатысатынын жариялады. 31 жылға созылған үзілістен кейін Люксембург конкурсқа қайта оралып отыр.Айта кетері, халықаралық байқау Швеция корольдігінде алты рет өтті.<h3 style="margin-left:0px;">ТМД басшыларының кездесуі</h3>2024 жылы 8 қазанда Мәскеуде ТМД басшылары кезекті рет бас қосады.Келесі жылдың қаңтарынан бастап достастыққа төрағалық Қырғызстаннан Ресейге өтеді. Ресей президенті Владимир Путин 2024 жылға жоспарланған бағдарлама мазмұнды және 150-ден астам іс-шараны қамтитынын атап өтті.ТМД жарғысына сәйкес, Мемлекет басшыларының кеңесі – Достастықтың жоғары органы. Жыл ішінде кеңестің бір кезекті және бір бейресми отырысы өтеді. Бейресми отырыс ТМД-ға мүше мемлекеттердің бірінің бастамасымен шақырылады. Кеңестің кезектен тыс отырыстары да дәл осылай шақырылуы мүмкін.<h3 style="margin-left:0px;">G20 саммиті</h3>Келесі жылы "Үлкен жиырмалықтың" 19-шы кездесуі Рио-де-Жанейро қаласында өтеді. Бразилия билігі шараны қыркүйекке жоспарлап отыр.Биыл бірлестікке төрағалық Үндістаннан Бразилияға өткен еді. Осы жылы "Үлкен жиырмалыққа" 1 миллиард адам тұратын Африка одағы қосылды.G20 немесе Үлкен жиырмалық – әлемдегі экономикасы ең мықты дамыған және тез дамып келе жатқан елдердің клубы. Оған Австралия, Аргентина, АҚШ, Бразилия, Германия, Жапония, Оңтүстік Корея, Оңтүстік Африка Республикасы, Индонезия, Италия, Канада, Қытай, Мексика, Ресей, Сауд Арабиясы, Түркия, Франция, Ұлыбритания, Үндістан және Еуропалық одақ кіреді.<h3 style="margin-left:0px;">Түркі мемлекеттері ұйымының саммиті</h3>Түркі мемлекеттері ұйымының XI саммиті 2024 жылы Қырғызстанда өтеді.Биыл күзде Қазақстан Өзбекстаннан ұйымға төрағалықты ресми түрде қабылдады. Президент Қасым-Жомарт Тоқаев еліміз Түркі мемлекеттері ұйымын одан әрі дамытуға мүдделі екенін айтып, Қазақстанның 2024 жылы ұйымға төрағалығы "Түркі дәуірі!", яғни "TURKTIME!" ұранымен өтетінін мәлімдеді.Яғни Қазақстан салт-дәстүр (Traditions), біріздендіру (Unification), реформалар (Reforms), ғылым (Knowledge), сенім (Trust), инвестиция (Investments), медиация (Mediation) және энергия (Energy) атты сегіз мәселеге басымдық береді.Айта кетері, Түркі мемлекеттері ұйымының құрамына Қазақстан, Әзербайжан, Қырғызстан, Түркия және Өзбекстан кіреді. Оның жұмысын бақылаушы ретінде Түрікменстан мен Венгрия қатысады.<h3 style="margin-left:0px;">БРИКС</h3>Ұлу жылы БРИКС мемлекет басшылары қазан айында Казань қаласында кездеседі. 2024 жылы бірлестікке Ресей төрағалық етеді.БРИКС – 2006 жылы маусымда құрылған мемлекетаралық бірлестік, бес мемлекет – Бразилия, Ресей, Үндістан, Қытай және Оңтүстік Африканың одағы.Сондай-ақ Аргентина, Египет, Иран, БАӘ, Сауд Арабиясы және Эфиопия 2024 жылғы 1 қаңтардан бастап бірлестікке қосылуға шақырту алды.<h3 style="margin-left:0px;">Өңіраралық ынтымақтастық форумы</h3>Қазақстан мен Ресейдің жыл сайынғы өңіраралық ынтымақтастық форумы осы жолы Уфа қаласында өтеді.Форум 2003 жылдан бері екі ел қалаларында жыл сайын кезек-кезек ұйымдастырылып келеді.Өңіраралық өзара іс-қимылдың негізі – сауда-экономикалық ынтымақтастық. Екі ел арасындағы экономикалық қатынастар жылдан жылға күшейіп келеді. Шекаралас облыстар арасындағы сауда-саттық та айтарлықтай жанданды.<h3 style="margin-left:0px;">Қазақстан өткізетін саммиттер мен спорттық сайыстар</h3>Дүниежүзілік көшпенділер ойыны2024 жылы Қазақстан астанасында бесінші Дүниежүзілік көшпенділер ойыны жоспарланып отыр. Ұлттық спорт түрлерінен сайыстар 8-14 қыркүйек аралығында өтеді.Болжам бойынша байрақты бәсекеге 100-ден аса елден 4 мыңға жуық адам қатысады. Қазіргі таңда 73 мемлекет қатысуға ниет білдірген.Көшпенділер ойындарында ат спорты, ұлттық күрес, садақ ату, дәстүрлі интеллектуалды ойындар, саятшылық өнер, садақ ату, жамбы ату, арқан тарту сынды ұлттық және халықтық ойындардың 20 түрінен жарыс өтеді. Бұған қоса ресми бағдарламадан тыс, ұлттық өнердің 10 түрін таныстыру мақсатында өтетін арнайы көрсетілім сайыстары белгіленген.Ойындардың ашылу салтанаты "Астана-Арена" стадионында, жабылуы "Қазанат" ипподромында өтпек. Қазір "Қазанат" ипподромында жөндеу жұмыстары жүріп жатыр. Толық іске қосылғанда ипподром 10 мың көрерменді қабылдай алады. "Астана-Арена" мен "Алау" мұз айдыны" сарайында да жөндеу жұмыстары басталды.Көшпенділер ойындарының идеясын толық ашу үшін еліміздің барлық өңірінде "Бірлік керуені" жобасы жүзеге асырылады. "Қазанат" ипподромы аумағында "Көшпенділер әлемі" атауымен этноауыл құрылады. Этноауылда апта бойы Қазақстан мен әлем елдерінің үздік қолөнер шеберлерінің көрме-жәрмеңкесі, шеберлік сабақтары өтеді. Ақындар айтысы мен төл мәдениетімізді паш ететін басқа да іс-шаралар ұйымдастырылады. Этноауылды бір күнде 30 мың көрерменнің аралауына жағдай жасалады.<blockquote>"Қазанат" ипподромы мен "Көшпенділер әлемі" этноауылында ат жарыс, көкпар, саятшылық өнері мен садақ ату жарыстары өтеді. Ал Жақсылық Үшкемпіров атындағы жекпе-жек сарайы мен "Алау" мұз айдынында ұлттық күрес түрлері мен халық ойындары, "Думан" қонақ үй кешенінде инттелектуалдық ойындар сайысын өткізу жоспарда бар.</blockquote>Дүниежүзілік көшпенділер ойындарының ұраны – "Ұлы дала дүбірі".Логотип формасы – сопақшаға жақын шеңбер. Онда күнбасты салт атты бейнеленген. Логотиптің жалпы пішіні көшпенділер қолдан жасаған тұрмыстық бұйымның сәндік элементтеріне ұқсайды. Логотип қою қызыл түспен боялған. Бұл ақық тастың түсі қан мен отты, жүрек пен күнді еске салады әрі адам бойына қуат береді деген сеніммен ұштасады. Ақық таспен ежелде қамшы, белбеу іспетті бұйымдар әрленген. Ойын атауы мыңжылдықтың басында түркі руналарында қолданылған түпнұсқа шрифтпен жазылған.Туризм және спорт министрлігі көшпенділер ойыны кезінде Астанаға 100 мыңнан аса турист келеді деп болжап отыр.Боксшы қыздар бақ сынайдыҰлу жылы спорт жанкүйерлері әйелдер арасындағы бокстан әлем чемпионатын тамашалай алады. Бұрымдылар Астанада сынға түседі.Бұл жолғы біріншіліктің жүлде қоры ұлғайған. Бірінші орын үшін 200 мың доллар беріледі, ал жалпы жүлде қоры 4,8 млн долларды құрайды. Бұл сомаға бас бапкерлерге тиесілі 10% те кіреді.Естеріңізге сала кетейік, әйелдер арасында бокстан әлем чемпионаты елордада 2016 жылы өткен болатын.Самбодан әлем чемпионатыСонымен қатар, 2024 жылы қарашада Астанада самбодан әлем чемпионаты өтеді.Биыл күзде Ереванда самбодан 48-ші әлем чемпионаты мәресіне жетті. Жарысқа 65 ел қатысты. Жалпы есепте Қазақстан құрамасы 1 алтын, 2 күміс және 5 қоламен үшінші орынға табан тіреді.Жалпыкомандалық есепте бірінші орын Ресейге бұйырды. Көрші елдің қоржынына 13 алтын, 2 күміс және 3 қола медаль түскен. Ал екінші орынды Өзбекстан алды: 2 алтын, 1 күміс және 3 қола.ШЫҰ саммиті2024 жылы Шанхай ынтымақтастық ұйымына мүше мемлекеттердің басшылары Астанада кездеседі.Сондай-ақ алдағы жылы елордада ШЫҰ-ның Цифрлық форумын өткізу жоспарланып отыр. Мұндай бастаманы мемлекет басшысы Қасым-Жомарт Тоқаев ұсынды."Қазақстан Цифрлық хаб ретінде ШЫҰ кеңістігінде өз қызметін ұсынады. Сондықтан 2024 жылы ШЫҰ-ның Цифрлық форумын Астанада өткізу маңызды деп санаймын. Осы ретте аталған жиынды технопарктер мен инновациялық кластерлер пулының Басқарушы комиссиясының бірінші отырысымен біріктіруге болады", – деді Қазақстан президенті.ШЫҰ – 2001 жылы негізі қаланған халықаралық ұйым. Оған Қазақстан, Қытай, Қырғызстан, Ресей, Тәжікстан, Үндістан, Пәкістан және Өзбекстан мүше.Сондай-ақ 2021 жылы күзде Беларусь пен Иранды ұйымға қосу процедурасы басталған болатын.ҰҚШҰ саммитіҰжымдық қауіпсіздік шарт ұйымының кезекті саммиті де Астанада өтеді деп күтілуде.2024 жылғы 1 қаңтардан бастап ҰҚШҰ-ға төрағалық ету міндеті Қазақстанға өтеді. Президент ұйым аясында ұжымдық қауіпсіздік жүйесін одан әрі нығайтуға еліміз елеулі үлес қосуға дайын екенін жеткізді.ҰҚШҰ-ға алты мемлекет – Қазақстан, Ресей, Армения, Беларусь, Қырғызстан және Тәжікстан кіреді.Фото: Нұрболат Нұржаубай

2024 жылы қазақстандықтарды қандай маңызды оқиғалар күтіп тұр?

<a href="https://kyzylorda-news.kz/">Kyzylorda-news.kz.</a>&nbsp; Атлантикалық циклон және онымен байланысты атмосфералық ағындар әлі де Қазақстанның ауа-райына әсер етеді, ауа-райы құылып тұрады.Кәсіпорын раратқан деректерге қарағанда, елдің басым бөлгінде жауын-шашын болады (көбінесе қар). Тек елдің оңтүстігінде, оңтүстік-шығысында антициклонның әсерінен күн жауын-шашынсыз болады. ҚР бойынша тұман түсіп, көктайғақ болады, боран, екпінді жел соғады.Фото: Нұрболат Нұржаубай

Қазақстан бойынша тұман түсіп, көктайғақ, боран болады

<a href="https://kyzylorda-news.kz/">Kyzylorda-news.kz.</a> Қазір қоғамда кең тараған мәселенің бірі – бала тілінің кеш шығуы. Заманауи балаларда ойыншық өте көп. Алайда ата-аналар балаға ойыншықты дұрыс таңдап жүр ме? Ойыншықтардың және баламен ойнау арқылы оның сөйлеуіне көмектесе аламыз ба? Бұл сұрақтарға қазақстандық логопед Шәйкенова Назгүл Серікқызы жауап берді.Маман баланың ойыншықпен ойнау арқылы қиялы, есте сақтауы, ойлауы және сөйлеуі дамитынын айтты."Бала ерте жастан бастап қандай да бір затпен іс-әрекетке түсу арқылы дамиды. Бұл әрине ең бірінші ойыншықпен ойнау арқылы жүзеге асады. Ойыншықпен ойнау арқылы баланың қиялы, қабылдауы, есте сақтауы, зейіні, ойлауы және сөйлеуі дамиды. Яғни ойыншықпен ойнау арқылы баланың сөйлеуіне көмектесе аламыз", - дейді Назгүл Серікқызы.Логопед баланың жасына қарай оған қандай ойыншықтар алып беру керегін айтып берді.<blockquote>"Кішкентай 4-5 айлық балаларға сылдырмақтар, массаждық шарлар, жұмсақ текшелер және мұнаралар алып беру керек. Бала оларды қолына ұстау арқылы моторикасын дамытады. 8 айлық балаға әртүрлі ішпек ойыншықтар (вкладыш) керек. Ағаштан жасалған матрешка, түрлі мұнаралар, қораптар, ыдыс ойыншықтар – осылардың барлығы баланың сөйлеуін, моторикасын дамытады. 1 жастағы балаларға табиғи материалдармен ойнау маңызды. Яғни құм, ермексаз (пластилин), қамырмен ойнау және т.б пайдалы. 2-3 жасқа қарай пазлдар мен мозаикалар қажет. Олар - баланың көз бен қолының координациясын, ұсақ мотрикасын, кеңістікте ойлауын, сөйлеуін &nbsp;дамытуға арналған ойыншықтар", - деп кеңес берді ол.</blockquote>Сондай-ақ маман баламен бірге мұндай ойыншықтармен қалай ойнау керегін түсіндіріп берді.<blockquote>"Бұл ойыншықтарды баланың алдына тастап, өзіңіз кетіп қалуға болмайды. Ата-ана бала ойынына міндетті түрде қатысуы және оған көмектесуі керек. Сондай-ақ көп ойыншықты бірден шашып тастамаймыз және бәрін бірден алдына бере салмаймыз. Бір-бір ойыншықтан алып көрсететіз", - дейді логопед Назгүл Серікқызы.</blockquote>Назгүл Серікқызы баламен бірге қалай ойнауға болатын айтып, бір мысал келтіре кетті.<blockquote>"Ойыншықты қорапқа жасырып қойыңыз. Нақты нұсқаулық беріңіз. Көп артық сөздің қажеті жоқ. Балаға сырттағы сөзді ғана емес, дыбыстарды да қабылдау қиын. Сіз көп сөз айтып, өз сұрағыңызға өзіңіз жауап берсеңіз, &nbsp;баланың мотивациясын жоғалтып аласыз. Бірінші, баланың зейінін өзіңізге бұру. Ойй мяу – ооп, қорапта. Екінші – баланың қызығушылығын тудырып, ым-ишара арқылы қарым-қатынасқа түсіріңіз. Оой (қорапты шайқау), тук-тук, соқ! Үшінші – ойын түрінде қысқа сөзбен айтыңыз. Не бар? Оппа, тез қара. Ооо, мысық, тез шақыр! Мяу-мяу! Ал, қайталамаса ше, онда әлі дайын емес. Төменгі деңгейге түсесіз. Сөйлеуге дейінгі кезең – ым-ишара. Нұсқаулықпен көрсетіңіз. Мен сияқты соқ – тук-тук! Кішкене қайталаған кезде "мына жерде біреу жасырылып қалды" деңіз де - КУ-КУ! Деп айтып, көрсетіңіз", - дейді маман.</blockquote>Фото: Нұрболат НұржаубайАқпарат дереккөзі: <a href="https://massaget.kz/layfstayl/97607/">Massaget.kz&nbsp;</a>

Баламен ойнау арқылы оның сөйлеуіне көмектесуге бола ма? 

<a href="https://kyzylorda-news.kz/">Kyzylorda-news.kz.</a>&nbsp;Биыл қазақтың жыл санауы бойынша Ұлу жылы. Ұлу - мүшел есебінің бесінші жылы, қоян жылынан соң, жылан жылынан бұрын келеді. Ал осы жылы дүниеге келген ұлылар туралы не білесіз?&nbsp;Бір мүшел сайын дүниеге келген кемеңгер Жер тұрғындарын ғаламшардың әр түкпірінен ондап, жүздеп табуға болады.Бұл тізімді шығыстың шайқы шайыры Омар Хайям (1048) бастаса, атақты жазушы, детектив жанрының негізін қалаушы Эдгар По (1810), әйгілі қаламгерлер Льюис Кэрролл (1832), Дж.Р.Толкиен (1892), Иосиф Бродский (1940), Максим Горький (1868) де ұлу жылы туған ұлылар қатарынан.Ал әлемнің жаратылысы мен тылсымына көз тіккен философтар арасынан "фашизмнің рухани атасы" Фридрих Ницше (1844), коммунизмнің "көкесі" Фридрих Энгельс (1820), Освальд Шпенглер (1880), Жан-Жак Руссо (1712), әйгілі Иммануил Кант (1724) осы жылы дүниеге келіпті.Саясатқа қатысы барлардың арасында өжет қыз Жанна д’Арк (1412), орыс патшасы Николай II Романов (1868), Америка президенті Авраам Линкольн (1810), Эрнесто Че Гевара (1928), көрші Владимир Путин (1952), Франсуа Миттеран (1916), Эдуард Шеварднадзелерді (1928) атауға болады.Ұлу жылы туған саясаткерлер арасында Нұрсұлтан Назарбаев (1940) та бар.Дереккөз: <a href="https://sputnik.kz/">Sputnik Қазақстан</a>.Фото: Нұрболат Нұржаубай

Ұлу жылы туған ұлы тұлғалар

Фото: shutterstock.com<a href="https://kyzylorda-news.kz/">Kyzylorda-news.kz.</a>&nbsp;Адамның киіміне қарап талғамына баға береді. Қолыңызда ақшаңыз болса, қазіргі күні киімнің түр-түрін сатып ала аласыз. Бірақ сол талғамымыз қандай? Әлемдік болсын, отандық болсын дизайнерлер ең бірінші жарасымды киіне білу керек дейді.Сонымен келесі жылы қандай түстер сәнге айналады, <a href="https://sputnik.kz/">Sputnik Қазақстаннан</a> оқыңыз.<h3 style="margin-left:0px;">2024 жылғы сән үлгісі</h3>ХХ ғасырда сән әлемі қатты дамыды, бірақ бұрынғы сән үлгілері де қайта оралып, трендке айналып жатады. Сондай-ақ бұл кезеңде адамдар сәнді қуып қоймай, үйлесімді және ыңғайлы киімге де бет бұра бастады, соның өзін сәнге айналдыра білді. Танымал дизайнер Аида Қауменованың айтуынша, адам әр жылғы сәнді қуаламау керек.<blockquote>"Әр адамның стилі бар, өзіне не жарасымды екенін біледі. Биыл мынау модада, келесі жылы анау модада деп киінуге болмайды. Өйткені әр жылдың тренді болғанымен, адам өзіне не жарасымды екенін жақсы білу керек. Менің ойымша, сән деген ұғым тренд немесе бренд киімдерді киюде ғана емес, талғаммен киіне білуде. Егер сәнді болып көрінгіңіз келсе, жарасымды киіне біліңіз", - дейді Қауменова.</blockquote>Биыл әлемдік дизайнерлер қатып қалған қағидаға сүйенбей, адамға жайлылық пен үйлесімділікке ден қойыпты.Ежелгі дәуірден келе жатқан былғары киімдер күні қазірге дейін өзінің бағасын төмендеткен емес. 2024 жылы да былғарыдан тігілген киімдер трендте болады. Әлемдік дизайнерлер ұлу жылы жұмсақ былғарыны белсенді түрде қолданатын болады. Сондай-ақ шашақты киім сәнге айналады. Ал ешқашан сәннен түспеген джинсы матасы бар киімдер де биылғы сәннің төрінде болады. Жаңа сән маусымында трикотаж бен тоқыма киімдер іздеп жүріп сатып алатын киімдер қатарына кіреді. Өйткені әлемдік дизайнерлер бұндай киімдердің модаға айналатынын айтады. Дизайнелердің айтуынша, трикотаж бен былғары үйлесімді тұрады. Қысқасы биыл қыста сәнқой болып көрінгіңіз келсе, былғары киімдер: былғары етік, қолғап, бас киімдеріңіз, жүннен тоқылған киімдеріңіз міндетті түрде болсын.Қазақстандық "Ainur Turisbek" брендінің негізін қалаушы әрі дизайнер Айнұр Тұрысбек өз коллекциясын сән әлемі дамыған Франция, Милан, Италия, Монте-Карло және басқа да елдерде көрсетіп келеді.<blockquote>"Қай коллекцияда болсын міндетті түрде адамның еркіндігін негізге аламыз. Ең бастысы матаға назар аударамыз, табиғи маталардан жасалынады. Жыл сайын креативті экономикаға назар аударылып келеді. Болашақта қазақстандық дизайнерлер сән әлемінде үлкен жзетістіктерге қол жеткізетініне сенімдімін", - дейді Айнұр Тұрысбек.</blockquote><h3 style="margin-left:0px;">2024 жылы қандай түстер сәнге кіреді</h3>Жалпы 2024 жылы қыста ақ пен қара, сұр түстер көш бастайды. Отандық танымал дизайнер Леонид Жеребцов та өз туындыларына осы түстерді қолданатынын айтады.<blockquote>"Келесі жылы ақ, қара, сұр түсті маталар сәнге айналады. Қысқа көйлектер жаңа маусымда жаңа сән түріне енеді. Жақында Пантон өте нәзік шабдалы түсті келесі жылы сәнге айналатынын айтты. Мен драп маталарды да 2024 жылы сәндік маталар тізіміне енеді деп айта аламын. Сондай-ақ алтын түстес киімдер. Қолға ұстайтын алтын түстес сумкалар, аксессурлар, киімге жабыстырылған алтын түстес жолақтар да келесі жылы сән әлеміне енеді", - дейді Леонид Жеребцов.</blockquote>Сондай-ақ ұзын белдемшемен костюм немесе шалбарлы кең иықты костюм де 2024 жылдың тренді болады. Айтпақшы жалпақ белбеу де келесі жылы сәнге кіреді.Ал жазда ашық түсті сарафан көйлектер сәнге айналады<h3 style="margin-left:0px;">Дизайнерлер кеңесі</h3>Парижде болған сән апталығында қайта өңделіп тігілген киімдер ұсынылды. Дизайнерлердің айтуынша, мұндай киімдер үлкен сұранысқа ие болады. Үйіңізде көптен бері киілмей тұрған киім болса, тастамаңыз. Құрап, басқа киім тігіп алуыңызға болады. Өйткені, дәл осындай киімдер 2024 жылдың сәніне айналады. Әсіресе джинсыдан құрап тігілген киімдер нағыз тренд болады.Ұлу жылының тағы бір сәнді киімі – жырығы тым үлкен жемпірлер, белдемшелер, кардигандар. Әлемдік дизайнерлер келесі жылы Сафари сән үлгісін кеңінен қолданады. Өйткені бұл сән үлісі аса талғампаздықты білдіреді.Әлемдік дизайнерлер биыл да классикалық киімдерден айналып өтпеген. Өйткені жылдың қай маусымында болсын классика кез келген адамды әдемі етіп көрсетеді. Бірақ әркім өзінің талғамы мен талабын ұмытпау керек, дейді олар. Ең бастысы сапалы матасы бар киімді таңдаңыз.

2024 жылы қандай түс пен киім сәнге кіреді?

<a href="https://kyzylorda-news.kz/">Kyzylorda-news.kz.</a> Жаңа жыл түнінде көруге болатын отбасылық фильмдер мен мультфильмдер туралы жазды, <a href="https://kaz.zakon.kz/">Zakon.kz.</a>"Тағдыр ирониясы", 1975 жылКультке айналған кеңестік комедияның кейіпкері – қарапайым Женя Лукашин достарымен бірге моншаға барады. Мас болып қалған достары оны қателесіп Ленинградқа жібереді. Женя көзін ашқанда бейтаныс сұлу қызды көреді."Үйде жалғыз қалғанда", 1990 жыл"Один дома" - жаңа жылдық көңіл-күйді беретін фильм. Режиссер Крис Коламбус мен сценарист Джон Хьюз тудырған фильм отбасылық құндылықтарды насихаттайтын фильм бүкіл әлем үшін қысқы мерекенің символына айналды."Rise of the Guardians", 2012DreamWorks Animation студиясы жасаған анимациялық фильм балалардың армандары мен үміттерін қорғайтын Санта Клаус, Тіс Феясы, Құм адамы мен Алып туралы. Бәрі бірге команда құрып, балалардың ғажайыпқа сенетін күнәсіз жан-дүниесін сақтайды."Поляр экспресі", 2004Крис Ван Оллсбургтың 1985 жылы шыққан "Поляр экспресі" атты балалар кітабының негізінде жасалған. Режиссер көрерменге ғажайып пен жылулыққа толы тамаша оқиға тарту еткен.Оқиға Рождество түнінде Санта Клаустың бар екеніне күмәнданатын ұл баланың күтпеген жерден алыстан пойыз дауысын естіген сәтінен басталады. Поляр экспресі ретінде танымал пойыз кейіпкерді Солтүстік полюске ғажайып саяхатқа шақырады."Санта Клаустың құпия қызметі", 2011Мультфильм Санта бір түннің ішінде барлық балаға бірдей қалай сыйлық беріп үлгеретіні туралы. Алайда Санта Клаустың адал көмекшілері қателік жіберіп, Гвен есімді қыз сыйлықсыз қалады.Пошта бөлімінің қызметкері Артур әділдік орнатып, қателікті жөндеу үшін іске кіріседі.Сөз орайында айта кетсек, Алматы қаласының тұрғындары Санта Клаустың резиденциясында Сантаға хат жазып, тақта отырып, тастың жанында жылына алады.Резиденция Қазақстан халықтарының ертегілер паркінде орналасқан.Жұмыс кестесі: күн сайын 10.00-ден 20.00-ге дейін, сенбі, жексенбі және мереке күндері 11.00-ден 16.00-ге дейін балаларға арналған бағдарламалар қойылады. Жаңа жылдық бағдарлама 30 желтоқсан күні, 7 қаңтар Рождество күні өтеді. Кіру тегін, мекенжайы: Халиуллин көшесі, 45а."Жаңа жылдарыңызбен, қыздар!" 2022 жылОтандық фильм – жеңіл комедия. Жаңа жыл қарсаңында Жания есімді сұлу қызды жігіті тастап кетеді. Жанияға құрбылары келіп, оны тілектерді орындайтын сиқырлы тасқа ертіп барады. Мерекелік комедия әйелдердің достығы мен жол бойындағы көңілді оқиғалар туралы.Фото: Нұрболат Нұржаубай

Қазақстан және Қызылорда облысының жаңалықтары

Қазақстан Халықаралық Аралды құтқару қорына төрағалық етеді

Мобильді аударымдар: Кәсіпкерлерді қандай жаза күтеді?

Қасым-Жомарт Тоқаев: Біз озық ойлы ұлт ретінде тек қана алға қарауымыз керек

Алдағы күндері 26 градусқа дейін аяз болады

Көлік саласын дамыту мәселелері қаралды

Президент көп ұзамай Үкіметтің кеңейтілген отырысы өтетінін жариялады

2024 жылы қазақстандықтарды қандай маңызды оқиғалар күтіп тұр?

Қазақстан бойынша тұман түсіп, көктайғақ, боран болады

Баламен ойнау арқылы оның сөйлеуіне көмектесуге бола ма?

Ұлу жылы туған ұлы тұлғалар

2024 жылы қандай түс пен киім сәнге кіреді?

Жаңа жылда қандай кинолар көруге болады?

Қазақстан және Қызылорда облысының жаңалықтары

Қазақстан Халықаралық Аралды құтқару қорына төрағалық етеді

Мобильді аударымдар: Кәсіпкерлерді қандай жаза күтеді?

Қасым-Жомарт Тоқаев: Біз озық ойлы ұлт ретінде тек қана алға қарауымыз керек

Алдағы күндері 26 градусқа дейін аяз болады

Көлік саласын дамыту мәселелері қаралды

Президент көп ұзамай Үкіметтің кеңейтілген отыры­сы өтетінін жариялады

2024 жылы қазақстандықтарды қандай маңызды оқиғалар күтіп тұр?

Қазақстан бойынша тұман түсіп, көктайғақ, боран болады

Баламен ойнау арқылы оның сөйлеуіне көмектесуге бола ма?

Ұлу жылы туған ұлы тұлғалар

2024 жылы қандай түс пен киім сәнге кіреді?

Жаңа жылда қандай кинолар көруге болады?

Президент көп ұзамай Үкіметтің кеңейтілген отырысы өтетінін жариялады