Kyzylorda-news.kz. 6 облыста республикалық маңызы бар автожолдардың 21 учаскесінде көлік қозғалысына шектеу енгізілді, деп хабарлады ҚазАвтоЖол.Ақмола облысында – 3 учаске 1."Қостанай-Әулиекөл-Сұрған" 232-260 км, Қостанай облысы шекарасынан Сұрган ауылына дейін – 28 км. 2."Жезқазған-Петропавл" 537-552 км, Бұзылық ауылынан Сұрған ауылына дейін – 15 км. 3."Жақсы-Есіл-Бұзылық" 70-82 км, Ақсай ауылынан Бұзылық ауылына дейін – 12 км. Шектеу автокөліктің барлық түріне қолданылады (екпінді жел, бұрқасын, шектеулі көрініс) Ақтөбе облысында – 2 учаске 1."Қарабұтақ-Комсомольское-Денисовка-Рудный-Қостанай" 89-234 км, Т.Жүргенов ауылынан Қостанай облысы шекарасына дейін – 145 км. (Қостанай облысында ауа райының қолайсыздығына байланысты, бұрқасын, шектеулі көрініс). 2."Самара-Шымкент" 776-965 км, Ақтөбе қаласынан Қарабұтақ ауылына дейін – 189 км. Шектеу автокөліктің барлық түрі үшін қолданылады. Жамбыл облысында – 1 учаске "Алматы-Ташкент-Термез" 159-238 км, Кенен ауылынан Қайнар ауылына дейін – 79 км. 1.Шектеу автокөліктің барлық түрлері үшін қолданылады (екпінді жел, бұрқасын, шектеулі көрініс. Жетісу облысында – 2 учаске 1."Сарыөзек-Көктал" 45-68 км, (Алтын Емел өткелінде) – 23 км. 2."Үшарал-Достық" 84-184 км, Көктума стансасынан Достық стансасына дейін – 100 км. Шектеу автокөліктің барлық түрлері үшін қолданылады (екпінді жел, шектеулі көрініс). Қостанай облысында – 11 учаске 1."Екатеринбург-Алматы" 418-467 Қарабалық ауылынан Федоровка ауылына дейін – 49 км. 2."Қарабұтақ-Комсомольское-Денисовка-Рудный-Қостанай" 234-386 км, Ақтөбе облысы шекарасынан Денисовка ауылына дейін – 152 км. 3."Екатеринбург-Алматы" 555-589 км,Тобыл қаласынан Щербаково ауылына дейін – 34 км.Шектеу жүк және қоғамдық көлік түрлеріне енгізілді. 4.Екатеринбург-Алматы" км. 589-729 км, Щербаково ауылынан СҚО шекарасына дейін – 140 км. 5."Мамлютка- Қостанай" 180-404 км, СҚО шекарасынан Тобыл қаласына дейін – 224 км. 6."Қостанай-Әулиекөл-Сұрган" 8-108 км, Тобыл қаласынан Әулиекөл ауылына дейін – 100 км. 7."Екатеринбург-Алматы" 467-539 км, Федоровка ауылынан Қостанай қаласына дейін – 72 км. 8."Қарабұтақ-Комсомольское-Денисовка-Рудный-Қостанай" 386-503 км, Денисовка ауылынан Рудный қаласына дейін – 117 км. 9."Денисовка-Жітіқара-Мықтыкөл- РФ шек" 0-137 км, Денисовка ауылынан РФ шекарасына дейін – 137 км. 10."Денисовка-Тавриченка-Аршалы-Комаровка" 0-96 км, Денисовка ауылынан Комаровка ауылына дейін 96 км. 11."Қостанай-Әулиекөл-Сұрған" 108-232 км, Әулиекөл ауылынан Ақмола облысы шекарасына дейін – 124 км. Шектеу жүк және қоғамдық көлік түрлері үшін енгізілді (бұрқасын, шектеулі көрініс). Солтүстік Қазақстан облысында – 2 учаске 1."Екатеринбург-Алматы" 729-768 км, Қостанай облысы шекарасынан Тоқсан би ауылына дейін – 39 км. 2."Мамлютка-Қостанай" 103-180 км, Пресновка ауылынан Қостанай облысы шекарасына дейін – 77 км. Шектеу жүк және қоғамдық көлік түрлері үшін енгізілді. Республикалық маңызы бар автожолдарды күтіп ұстауға 280 техника және 373 жолшы жұмылдырылды.Фото: Нұрболат Нұржаубай

Қазақстанда ауа райының қолайсыздығына байланысты қандай жолдар жабылды?

<a href="https://kyzylorda-news.kz/ru">Kyzylorda-news.kz.</a> &nbsp;Танымал ақын Серікбол Ермахан 17 жылдан бері жаяу қой бағып жүр. Бұл туралы журналист Руслан Өтепбай әлеуметтік желідегі парақшасында жазды, - деп хабарлайды <a href="https://halyq-uni.kz/news/30263-alaiaktarga-aldangan-tanymal-akyn-17-zhyldan-beri-koi-bagyp-zhur/">halyq-uni.kz</a><blockquote>«Жырлары жаныңды дір еткізетін белгілі ақын Серікбол Ермаханға жаяу қой бақтырған кім? Алаяқтарға алданудан басталған тағдыр тәлкегі талантты азаматты 17 жыл адастырғаны рас па? Алдағы күндері «Көремізден» көресіздер!», - деп жазды журналист.</blockquote>Журналистің айтуынша, қой бағып жүрген ақынның қазіргі жағдайы нашар. Мал иелері ақысын бермей қойған.Серікбол Ермахан 1977 жылы Қызылорда облысы Қазалы ауданында дүниеге келген. Астана қаласындағы аграрлық университетте 1996-2000 жылдар аралығында оқыған. Республикалық газет-журналдарда тілші болып жұмыс істеп, авторлық кітабын жарыққа шығарған.Ақынның көрген тауқыметі туралы «Көреміз» бағдарламасының ұжымы бағдарлама әзірлеп жатыр.Фото: Нұрболат Нұржаубай

Алаяқтарға алданып қалған танымал ақын 17 жылдан бері қой бағып жүр

&nbsp;<a href="https://kyzylorda-news.kz/ru">Kyzylorda-news.kz.</a>&nbsp;Аты-жөнін кім және қандай жағдайда өзгерте алады? Бұл сұраққа Өңірлік коммуникациялар қызметінде өткен брифингте Алматы қаласы әділет департаменті басшысының орынбасары Зәуреш Сатхожина жауап берді, - деп хабарлады <a href="https://halyq-uni.kz/news/30290-kazakstandyktardyn-aty-zhonin-kandai-zhagdaida-ozgerte-alatyny-tusindirildi/">halyq-uni.kz.</a>Оның айтуынша, адамның тегі, аты, әкесінің аты мына жағдайда өзгертілуі мүмкін:аты, әкесінің аты, тегі жағымсыз естілген жағдайда; атын, әкесінің атын, тегін айтудың қиындығы; некені мемлекеттік тіркеу кезінде жұбайының тегін алғысы келсе; некені бұзу кезінде тегін өзгертпей, некеге дейінгі тегіне қайта өтуге ниет білдірсе; алдыңғы некеден балалармен ортақ текті алғысы келсе; жұбайы қайтыс болған жағдайда некеге дейінгі фамилияны алғысы келген жағдайда; өтініш беруші некеге дейінгі тегінде болып, жұбайы қайтыс болғаннан кейін балаларымен бірдей фамилия алуға ниет білдіріп, фамилиясын өзгерту жөнінде шешім қабылдаса. Ата-анасының біреуінің (ата-анасының әртүрлі ұлты кезінде) өтініш беруші таңдаған ұлтына сәйкес келетін атын және тегін алып жүруге тілек білдірсе, өмірде құжаттардағы атауынан өзгеше есімді алғысы келсе, некеге тұру кезінде жұбайының тегі қабылданса, некеге дейінгі тегін алуға ниет білдірсе, тегін, аты-жөнін өзгерте алады, - деді Зәуреш Сатхожина.Ел тұрғындары бұдан басқа себептермен де тегін, атын, әкесінің атын өзгерте алады.Мәселен:ұлттық дәстүр бойынша тегін әкесінің немесе атасының есіміне өзгерткісі келсе; өтініш берушіні тәрбиелеген адамның тегіне өтуге не тегін сол адамның атына, әкесінің атына ауыстыруға тілек білдіру; жынысы хирургиялық өзгерген кезде таңдалған жынысқа сәйкес келетін есімді, әкесінің атын, тегін алғысы келген жағдайда. Атын, әкесінің атын, тегін өзгерту не түзету үшін Қазақстан Республикасының аумағындағы кез келген тіркеуші органға (АХАТ) өтінішпен жүгіну қажет. Сондай-ақ «Азаматтарға арналған үкімет» мемлекеттік корпорациясы КЕАҚ-қа өтінішті «электрондық үкімет» порталы арқылы электронды нысанда жіберуге болады.<blockquote>Атын, әкесінің атын, тегін ауыстыруды тіркеуші органдар 16 жасқа толған, аты-жөнін ауыстырғысы келетін адамның жеке өтініші бойынша жүргізеді. Аты, әкесінің аты, тегі өзгергеннен кейін 1 ай ішінде жеке куәлік пен паспортты өзгерту қажет, - деп нақтылады әділет департаментінің өкілі.</blockquote>Айта кетсек, өткен жылы Алматыда аты-жөнін өзгертуге 3,5 мың өтініш түскен.Фото: Нұрболат Нұржаубай

Қазақстандықтардың аты-жөнін қандай жағдайда өзгерте алатыны түсіндірілді

Дереккөз бен фото: aikyn.kz<a href="https://kyzylorda-news.kz/ru">Kyzylorda-news.kz.</a>&nbsp; Менің ойымша, еліміздің түкпір-түкпірінде білім ошақтары, оның ішінде, жайлы мектептердің көбейгені құптарлық іс. &nbsp;Адамзат баласы жаралғаннан бері болашаққа үлкен жоспар құрумен келеді. Егемен еліміздің ертеңі біздің – жастар. Бәсекеге қабілетті саналы ұрпақ тәрбиелегеніміз, еліміздің іргесінің тас қамалы. Тарих сахнасынан сүрінбей «Білімді мыңды жығар» деген тәмсілді ата-бабаларымыздың ақылдыны жоғары санағаны да соның бір дәлелі.Осы уақытқа дейінгі адамзаттың инновациялық жетістіктері ғылыммен тікелей байланысты. Кез келген күрделі жүйенің астында ғылым тұр. Сол себепті тамыры деп айта аламыз.Діңгегін көшпенділіктен алған қазақ даласы, сонымен қатар қай заманда да ғалымдардан да кемде-кем болмаған. Атын атап, түсін түстемесек те белгілі.Заман ағымы қарыштап инновациялық өркендеу дәуіріне келіп тірелгеніміз хақ. Осы орайда әлем дамуынан артта қалмау үшін күш-жігерімізді ғылым мен білім саласына қарқынды салғанымыз абзал. Ол үшін елімізде бірталай жұмыстар мен іс-шаралар ұйымдастырылып жатыр, оған алғысым шексіз.Ғылым мен білімнің қайнар көзі ол балалар мен жастар. Өткен 2023 жыл еліміздің демографиясындағы басты сүйінші жаңалығымыз халық санының жиырма миллионға жетуі.Президентіміздің сұхбатында жаңа мектептер құрылысының басталуы көңілімді елең еткізді. Халқымыздың санының өсуіне, балаларымыздың сапалы білім алуына бастайтын бірден-бір жол деп есептеймін.Ендігі менің үлкен бір ұсынысым сол мектептерге ғылыми-зертханалық аудиторияларды көптеп салса деген игі ой.Ерік Серікұлы, Сәтбаев университетінің жас ғалымдар кеңесінің төрағасы&nbsp;

Мектепте ғылыми-зертханалық аудиторияны көбейту керек

<a href="https://kyzylorda-news.kz/ru">Kyzylorda-news.kz.</a>&nbsp; Сараптама нәтижесінде денесі Талдықорғаннан 40 шақырым жерде табылған Карина Дорохинаны тұншықтырып өлтіргені анықталды. Бір нұсқа бойынша мектеп оқушысы жыныстық зорлық- зомбылыққа ұшыраған, деп хабарлайды &nbsp;<a href="https://halyq-uni.kz/news/30261-shashyn-alyp-tunshyktyrgan-taldykorgandagy-14-zhastagy-kyzdyn-olimine-katysty-tyn-derekter-shykty/">halyq-uni.kz </a>порталы.Қыздың денесін тексергеннен кейін өлер алдында оның басы қырылғаны белгілі болды. Сонымен қатар жасөспіріммен бірнеше рет жақындық болған. Каринаның анасы сияқты кісі өлтірді деген күдікпен ұсталған өгей әкесінің қатысы бар ма, жоқ па, оны сарапшылар анықтайды.Orda.kz журналисінің ақпаратына сәйкес, қайтыс болған қыздың әжесі қалған балаларды отбасынан алып алуды талап етеді. Ол олардың да зорлық-зомбылыққа ұшырағанын жоққа шығармайды. Тиісті өтінішпен әйел полицияға арызданған.14 жастағы Каринаның жоғалып кеткені 2023 жылдың желтоқсан айының соңында белгілі болды. Баланың жақын туысы дабыл қаққан. Әйел қыздың Талдықорғанда анасы мен өгей әкесімен бірге тұратынын, бірақ жарты жылдан бері мектепке бармайтынын және үйде болмайтынын айтты.Кісі өлтірді деген күдікпен Каринаның анасын ұстады. Қыздың өгей әкесі президентке үндеу жазып, қылмыс жасады деп заңсыз айыпталған және түрмеде ұрып-соғылған әйелін жіберуді талап етті.8 қаңтарда Каринаның денесі Талдықорғаннан 40 шақырым жерде Текелі тауынан табылды.Orda.kz порталының дереккөздері бойынша жауап алу кезінде әйел 6 қарашада кешке жанжалдан кейін баласын тұншықтырғанын мойындаған. Қылмыстың іздерін жасыру үшін ерлі-зайыптылар баланың денесін көлікке салып, тау ішіне көміп тастаған.Фото: Нұрболат Нұржаубай

«Шашын алып, тұншықтырған»:  14 жастағы қыздың өліміне қатысты тың деректер шықты

<a href="https://kyzylorda-news.kz/ru">Kyzylorda-news.kz.</a>&nbsp; Сенатор Дархан Қыдырәлі өзінің Телеграм арнасында тарих тармақтарына тоқталып, осы жылы Жошы ұлысының құрылғанына 800 жыл толатын тұста өткенді дұрыс екшеуге шақырды, деп жазады <a href="https://egemen.kz/article/355940-tarikhty-dganhylys-bilu-qasiret-darkhan-qydyrali-mektep-oqulyghyn-qayta-dgazudy-">Egemen.kz.&nbsp;</a>Сенатор мақаласында биылғы мерейтой қарсаңында Жошы Ұлысының тарихы жаңаша зерделенетініне сенім білдірген.«Ұлық ұлыс – бұл жай ғана мемлекеттік құрылым емес, біз Еуразия деп атайтын ұланғайыр кеңістіктегі халықтардың тарихына арқау болған өркениеттік матрица. Оны өркениет-мемлекет деп те атайтындар бар. Құрамындағы жұрттардың тілі мен дініне, дәстүріне қысым жасамаған Ұлық ұлыс олардың мәдениетінің өсіп-өркендеуіне үлкен үлес қосты. Сондықтан ол «мәдениеттер мозаикасын» түзген тиімді мемлекет тетігі арқылы қалыптасқан тұтас жүйе. Еліміздегі толеранттылық тамыры осы дәстүрмен үндес жатыр. Қазір қайта жаңғырған Жібек жолына иелік еткен, шығыс пен батысты жалғаған Ұлық ұлыстың экономикалық аспектілерін зерделеу де маңызды. Бұл ретте, мемлекеттілік тарихын Алтын Ордадан тарататын елдердің ғалымдарымен ортақ мұраны бірлесе зерттеген жөн. Әсіресе «Жошы ұлысын зерттеу» институтына үлкен жауапкершілік жүктелері анық», деп жазды Дархан Қыдырәлі.Ол сондай-ақ, мектеп пәндеріндегі өткен тарихымызға қатысты толайым ақпараттардың тым қысқа берілгенін айтып, «ұлт тарихын білмеу – қасірет! Алайда одан өткен қасірет бар, ол – тарихты жаңылыс білу. Ұлттық санаға тарихи сана негіз болады десек, бұрмаланған түсініктен қате таным қалыптасатынын алға тартты».«Биыл аяқталатын Қазақстан тарихының көп томдығы Жошы ұлысына қатысты тың деректерді ұсынады деп үміттенеміз. Мектеп оқулықтары осы көптомдық негізінде қайта жазылғаны абзал. Онда Жошының қазақ хандарының атасы екені баса айтылуы тиіс. Сонымен қатар оқулықтарға қазақ мемлекеттілігінің бастаулары туралы да соны деректер енгізу керек. Мәселен тарихи Талас құрылтайы өткен, Жетісу мен Сыр арасында құрылған Моғолстан мемлекетіне 6-7 сыныпқа арналған оқулықта 1 параграф, ал 10-сыныпқа арналған оқулықта 4-5 жол ғана арналған. Ал осы Моғолстан жерінде, Шу бойында Қазақ хандығының негізі қаланғаны белгілі. Бір айта кетерлігі, ЖОО-дағы мамандықтарға қазақ тарихы пәнінің енгізілгені құптарлық. Осы пәнді методологиялық бірізділікке келтіріп, мемлекеттілігіміздің бастауларына басымдық берілгені жөн», деп жазды ол.Дархан Қыдырәлі тарихи тұлғалардың мерейтойлары той-тойлау үшін емес, ой ойлап, тарихи санаға оң ықпал ету үшін қажет екенін де тілге тиек етті.Фото: Нұрболат Нұржаубай

Дархан Қыдырәлі мектеп оқулығын қайта жазуды ұсынды

<a href="https://kyzylorda-news.kz/ru">Kyzylorda-news.kz.</a> <a href="https://smartnews.kz/news/8235-arystanbek-muhamediulynyn-ajeli-men-advokaty-da-sottalatyn-boldy">SmartNews </a>басылымының хабарлауынша, &nbsp;Астананың қылмыстық істер жөніндегі мамандандырылған ауданаралық сотында экс-министр Арыстанбек Мұхамедиұлы мен оның әйелі Ғалия Ысқақоваға, қылмыстық іс бойынша министрдің адвокаты болған Мұқтасым Төлеевке қатысты іс бойынша алдын ала сот тыңдауы өтті. Бұл туралы Halyq Uni басылымы жазды.&nbsp;Бұған дейін Арыстанбек Мұхамедиұлы 2023 жылдың 20 маусымында 8 жылға сотталды. Араға екі апта салып, сыбайлас жемқорлыққа қарсы іс-қимыл агенттігі экс-министрдің әйелі пара беруге оқталғанын анықтаған. Ал олардың мүддесін қорғаған адвокат Мұстақым Төлеев алаяқтық пен пара беруге итермелеу әрекетін жасады деген күдікке ілінді. Ол Арыстанбек Мұхамедиұлының жазасын жеңілдету және қамаудан босату үшін экс-министрдің әйелінен сот органдарының лауазымды адамдарына беру үшін пара ретінде 460 мың доллар алған. 2024 жылдың қаңтарында қылмыстық іс сотқа түсті.&nbsp;Арыстанбек Мұхамедиұлы қылмыстық кодекстің 24-бабы 3-бөлігі (қылмысқа оқталу) – 367-бабы 4-бөлігі (пара беру) бойынша күдікке ілінген. Әйелі Ғалия Ысқақова 368-баптың 1-бөлігі (парақорлыққа делдал болу), Мұстақым Төлеев 190-баптың 4-бөлігі 2-тармағы (алаяқтық) бойынша сотқа тартылған. Сот отырысында адвокат қылмыстық-процестік кодекстің талаптары бұзылғанын алға тартып, істі прокуратураға қайтаруды сұрады. Сондай-ақ Ғалия Ысқақоваға қатысты «үйқамақта ұстау» түріндегі бұлтартпау шарасын «елден шықпау түріндегі қолхатқа» ауыстыруды сұрады.&nbsp;Сотталушылардың бірі – Мұстақым Төлеев Ысқақоваға қатысты арызды, кінәсін мойындап келгені туралы арызды дәлелдер арасынан алып тастауды, Ысқақоваға қатысты қылмыстық істі тоқтатуды сұрады. Сондай-ақ өзіне қатысты қылмыстық істі тоқтатуды сұрады. Ал Төлеевтің адвокаты қорғауындағы Мұстақым Төлеевке қатысты қамауда ұстау түріндегі бұлтартпау шарасын «үйқамаққа» немесе «өтемақыға» ауыстыруды сұрады. Істі қарап жатқан судья Тасымбетов сотталушылар мен олардың адвокаттарының өтінішхатын қанағаттандырмады.Фото: Нұрболат Нұржаубай

Арыстанбек Мұхамедиұлының әйелі мен адвокаты да сотталатын болды 

Фото: облыс әкімінің баспасөз қызметі&nbsp;<a href="https://kyzylorda-news.kz/">Kyzylorda-news.kz.</a> &nbsp;Бүгін облыс әкімі Нұрлыбек Нәлібаев ақын, ұлағатты ұстаз Рахат Наурызбаева мен еңбек ардагері Жәдігер Орақбаевты мерейтойымен құттықтады.<blockquote>«Бүгін қос мерейтой иесінің қуанышына жиналдық. Ақын, ұлағатты ұстаз, ғалым, Қазақстан Жазушылар Одағының мүшесі, педагогика ғылымдарының докторы Наурызбаева Рахат Наурызбайқызы мерейлі 80 жасқа, еңбек ардагері, Қызылорда қаласы және Сырдария ауданының құрметті азаматы Орақбаев Жәдігер Орақбайұлы 75 жасқа толды.Кез келген кемелденген өркениетті мемлекет өз әдебиетін, мәдениетін, тарихын қастерлеп, оны жас ұрпақтың санасына сіңіруге күш жұмсайды. Қазақ әдебиетінің маңызды тармағы балалар әдебиетіне өз үлесін қосып, кішкентай оқырмандардың қызығып оқитын авторына айналған Рахат Наурызбайқызы апамыздың шоқтығы биік.Мәнді де мағыналы ғұмыр кешіп, абыройға, сый-құрметке бөленген аға буын арасында Жәдігер Орақбайұлының тұлғалық келбеті, адами болмысы өз алдына бөлек», – деді Нұрлыбек Машбекұлы.</blockquote>Рахат Наурызбайқызы 1944 жылы 25 қаңтарда Қазалы ауданында дүниеге келген. Саналы ғұмырының 56 жылын еліміздің білім саласына жұмсаған. Бәсекеге қабілетті шәкірттер оқытып, оларға тәрбие беруге өлшеусіз еңбек сіңірген ұлағатты ұстаз. 2009 жылы Қазан университетінің педагогика кафедрасында педагогика ғылымдарының докторы атағын қорғады. Рахат Наурызбайқызы 4 монографияның, 5 жыр жинағы мен 10 оқу-әдістемелік құралының, 200 радиохабардың авторы. Балаларға арнап «Бастау», «Ақ қозы», «Сергек Серік» атты жыр жинақтарын, «Үй ішімізбен қазақша үйренейік» оқу құралын және 100-ден аса ән жазған. ҚР Білім министрлігінің «Ыбырай Алтынсарин» төсбелгісі, Ресейдің Халықаралық Бейбітшілік және келісім қорының «Білім берудегі еңбегі үшін» медалі және өзге де марапаттардың иегері.Жәдігер Орақбайұлы 1948 жылы 31 желтоқсанда Арал ауданында дүниеге келген. Еңбек жолын 1970 жылы Тереңөзек жұмысшылар кооперациясынан бастап, осы ұжымның басшылық қызметіне дейін көтерілді. 1978 жылы аудандық, 1982-1985 жылдары облыстық тұтынушылар одағының басқарма бастығы болды. 1985-1996 жылдары өз бастамасымен құрған «Бірлестік» сауда-өндірістік мекемесін басқарды. Тәуелсіздіктің алғашқы жылдарында Жәдігер Орақбайұлы заман ағымын жете түсініп, кәсіпкерлік саласынан тың бағыт іздеді. «Гүлайым» фирмасын ашып, одан кейінгі жылдары «Жәдігер» шаруа қожалығын құрып, қазір шаруашылық ет және сүт бағытындағы жұмыстарды жандандыруға атсалысуда.Актив отырысында Рахат Наурызбайқызына және Жәдігер Орақбайұлына «Құрмет» грамотасы табысталды.Жиында қоғам қайраткерлері Биғали Қаюпов, Алмагүл Божанова, Мәдениет қайраткері Шәкизада Әбдікәрімов, Қазақстан Жазушылар одағы облыстық филиалының төрағасы Қаршыға Есімсейітова, Қазақстанның Еңбек Ері Имамзада Шағыртаев, ауылшаруашылығы саласы ардагерлері кеңесінің төрағасы Нұрлыбай Ұлықпанұлы мерейтой иелерін құттықтады.<img src="https://knadmin.beoblood.kz/uploads/Akim_oblasti_pozdravil_yubilyarov_2_7af792efad.jpg" alt="Аким области поздравил юбиляров 2.jpg">

Әріптестері қос мерейтой иесін құттықтады

<a href="https://kyzylorda-news.kz/">Kyzylorda-news.kz.</a> &nbsp;Оралда буллингке байланысты №38 мектеп-лицейінің директоры Райхан Биғазиева қызметінен босатылды, деп хабарлайды<a href="https://kaz.inform.kz/news/oralda-bullingke-baylanisti-mektep-direktori-kizmetnen-bosatildi-9ff657/"> Kazinform </a>Орал қаласы білім беру бөлімінен түскен мәліметке сілтеме жасап.Хабарламаға қарағанда, 7 желтоқсан күні Орал қаласы білім беру басшысының міндетін атқарушы Индира Әміртаеваның қабылдауында болған ата-ана мектепте баласын ұрғанын және бейнежазбаға түсіріп, әлеуметтік желіге орналастырғанын мәлімдеген.Арыз бойынша мектеп әкімшілігі шақыртылып, мәжіліс өткізілді. Мәжіліс барысында мектеп директоры Р.Биғазиеваға ата-анаға педагогикалық қолдау көрсету, кәмелетке толмаған ұлына психологиялық көмек беру тапсырылды. Сондай-ақ ата-ананың сұрауы бойынша «Жас ұрпақ» орталығы, орталық психологының байланыс нөмірі берілді. Мектепте ата-аналар жиналысы өткізілген.Оқушылар арасында құқық бұзушылыққа жол бергені үшін сол күні сынып жетекшілеріне, пән мұғалімі мен директордың тәрбие ісі жөніндегі орынбасарына және мектеп басшысына сөгіс түріндегі тәртіптік жаза берілді.<blockquote>«12 желтоқсан күні облыс әкімдігі жанындағы кәмелетке толмағандардың құқығын қорғау жөніндегі комиссия отырысы болды. Орал қаласы білім беру бөлімінің 12 желтоқсандағы бұйрығымен мектеп директоры Р.Биғазиева ҚР Еңбек кодексі 49-бабының 5-тармағы негізінде жұмыстан босатылды», - делінген хабарламада.</blockquote>Қазіргі уақытта білім беру ұйымдарында балалардың арасында құқық бұзушылықтың, буллингтің алдын алуға қатысты жұмыстар күшейтілді.<blockquote>«Баланы жәбірлеудің (буллингтің) профилактикасы» жоспары дайындалып, Қазақстан Республикасы Оқу-ағарту министрінің 2022 жылғы 21 желтоқсандағы №506 бұйрығымен бірге білім беру ұйымдарына жыл бойына жұмыстану үшін жолданды. Жоспар негізінде іс-шаралармен ата-аналар, оқушылар және педагогтарды қамту көзделген», - деп хабарлады ведомстводан.</blockquote>Еске сала кетейік, бұдан бұрын мектептегі буллингке байланысты Оралда бірнеше педагог пен ата-аналар жауапқа тартылғанын жазған болатынбыз.Фото: Нұрболат Нұржаубай

Буллингке байланысты мектеп директоры қызметінен босатылды

Фото: azattyq-ruhy.kz<a href="https://kyzylorda-news.kz/ru">Kyzylorda-news.kz.</a> Желіде бұрынғы президент Нұрсұлтан Назарбаевтың 2020 жылы 80 жылдығында ашылған ескерткіші Астанадағы Ұлттық қорғаныс университеті аумағынан алынып тасталды деген ақпарат тарады. Бұл туралы <a href="https://stan.kz/astanada-nyrsyltan-nazarbaevtin-eskertkishi-alinip-tast-393714/">Stan.kz</a> ақпарат агенттігі хабарлайды.&nbsp;Ұлттық қорғаныс университеті ескерткіштің жойылғаны туралы ақпаратты растамады және жоққа да шығармады.Ал Қорғаныс министрлігіне Stan.kz тілшісі сұрау салды. Министрлік міндетті түрде жауап беретінін хабарлады.Айта кетейік, бұған дейін Астанадағы "Нұр-Сұлтан" және "Нұр-Сұлтан Нұрлы жол" вокзалдарының атауы өзгертілетіні туралы жазған едік. Сондай-ақ Назарбаев қоры Алматыдағы ғимаратын президент әкімшілігіне бергенін хабарладық.Назарбаев қорының мәліметінше, 2023 жылдың мамыр айында Алматы қаласы Ганди көшесі, 10 мекенжайында орналасқан әкімшілік ғимараты мемлекет меншігіне өтеусіз өтіп, президент істері басқармасының балансына қосылған.Алматыдағы президент резиденциясы бұзылғаннан кейін президент әкімшілігі өкілдігі мен президент істері басқармасы қызметкерлері жаңа ғимаратқа көшіп үлгергені көрсетілген. Сондай-ақ мемлекет басшысы Қасым-Жомарт Тоқаевтың жұмысына арналған арнайы кеңсе бар.

Нұрсұлтан Назарбаевтың ескерткіші алынып тасталды

<a href="https://kyzylorda-news.kz/ru">Kyzylorda-news.kz.</a> 2024 жылғы 1 қаңтарда "Ұлттық қор – балаларға" жобасы іске қосылды. Қазақстанның барлық кәмелетке толмаған азаматы Ұлттық қордан өз үлесін алады. Ұлттық қордың инвестициялық табысының 50 проценті балалардың арнайы жинақтаушы шотына түседі. Толығырақ <a href="https://sputnik.kz/">Sputnik Қазақстан</a> материалынан оқыңыз.<h3 style="margin-left:0px;">Бағдарламаға кімдер қатысады</h3>"Ұлттық қор – балалар" бағдарламасына 18 жасқа толмаған, яғни 2006 жылы және одан кейін туған балалар қатысады. Бұл ретте кәмелетке толмаған бала міндетті түрде Қазақстан азаматы болуға тиіс.Ақшаны 18 жасқа толған соң ғана алуға рұқсат етіледі.<h3 style="margin-left:0px;">Егер бала 2024 жылы қаңтарда 18 жасқа толса, оған Ұлттық қордан ақша аударыла ма</h3>Иә, аударылады. 2024 жылы қаңтар айында кәмелет жасына толған балаға 2023 жыл үшін төлем жасалады.Егер бала 2023 жылы 18 жасқа толса, онда "Ұлттық қор – балаларға" жобасына қатыса алмайды. Өйткені бағдарлама 2024 жылы 1 қаңтарда іске қосылып отыр.<h3 style="margin-left:0px;">Балаға шотты қалай ашады</h3>Ұлттық қордан төлем алу үшін банкке арнайы барып, балаға шот ашудың қажеті жоқ. Отбасындағы әрбір балаға арнайы жинақтаушы шот автоматты түрде ашылады.Әйтсе де ата-ана баласының деректерін күні бұрын тексеріп алғаны жөн:баланың жеке басын куәландыратын құжатты (соның ішінде ЖСН) алу;деректердің бар-жоғын және дұрыстығын тексеру: кәмелетке толмаған баланың аты-жөні, туған күні, ЖСН, азаматтығы;eGgov-тағы жеке кабинетке кіріп, "балалар туралы мәліметтер" бөлімінде балалар туралы мәліметтердің бар-жоғын тексеру.Егер eGgov-та "сіздің балаңыз туралы деректер жоқ" деген хабарлама шықса, "Қосу" түймесін басу керек. Одан әрі баланың ЖСН-ы енгізіледі (әрқайсысы кезекпен енгізіледі) және бұл деректер ата-ананың жеке кабинетінде сақталады. Осыдан кейін оны қайта тексеру керек.Балалар туралы мәліметті дәл солай eGov Mobile қосымшасы арқылы да тексеруге болады.Ата-аналар баласы "Ұлттық қор – балаларға" жобасына қосылғанын БЖЗҚ ресми сайтынан және egov.kz порталындағы жеке кабинеттен біле алады.<h3 style="margin-left:0px;">Шотқа алғашқы ақша қашан түседі</h3>Бірыңғай жинақтаушы зейнетақы қоры 15 қаңтарда Ұлттық қордан ақша алатын балалардың тізімін жасайды. 1 ақпанға дейін бір балаға есептік 2023 жыл үшін аударылатын соманы есептейді.Ұлттық қордың табысы балалардың арнайы жинақтаушы шотына 2024 жылғы ақпан айынан түсе бастайды. Ата-аналар egov.kz-та жеке кабинетіне кіріп, шоттағы соманы көре алады. enpf.kz ресми сайтынан да білуге мүмкіндік бар.<h3 style="margin-left:0px;">Баланың шотында қанша ақша жиналады</h3>Ұлттық қордың жыл сайынғы инвестициялық табысының 50 пайызы 18 жасқа толмаған барлық балаға теңдей бөлінеді. Қазір елімізде шамамен 7 млн бала бар.Әр жылдың басында шотқа түсетін сома елдегі бала санына және Ұлттық қордың инвестициялық табысына қарай өзгеруі мүмкін.Алдын ала есептеулер бойынша 18 жыл ішінде баланың арнайы шотында 3,5 – 4 мың доллар жиналады. Ал биыл 18 жасқа толған азаматтардың шотына небәрі 160-170 доллар аударылады деген болжам бар.<h3 style="margin-left:0px;">Жинақ қай валютамен беріледі</h3>Балалардың шотындағы ақша доллармен жиналады және 18 жасқа толған соң доллармен беріледі.<h3 style="margin-left:0px;">Ұлттық қордың ақшасын ай сайын шоттан алып тұруға бола ма</h3>Жоқ. Бала арнайы шоттағы қаражатты кәмелет жасына толған соң ғана ала алады.<h3 style="margin-left:0px;">Ақшаны қайда жұмсауға болады</h3>Бала 18 жасқа толған соң, Ұлттық қордан түсіп тұрған қаржыны екі мақсатқа ғана жұмсай алады: баспана немесе білім.Дәлірек айтқанда:тұрғын үй сатып алу (Қазақстан аумағында ғана сатып алуға рұқсат етіледі);ипотеканы толығымен немесе жартылай мерзімінен бұрын өтеу;ипотекалық қарыз алу, соның ішінде жөндеу жұмыстары үшін бастапқы жарна ретінде енгізу;Отбасы банктегі депозитті толықтыру.Бұдан бөлек шоттағы ақшамен оқу ақысын төлеуге рұқсат етіледі. Отандық жоғары оқу орындарымен қатар шетелдік университеттерде де оқуға мүмкіндік бар.Сондай-ақ жиналған қаражатты Мемлекеттік білім беру жинақтау жүйесіне де аударуға болады.<h3 style="margin-left:0px;">18 жасқа толған азаматтың ақшасы шотта қанша уақыт сақталады</h3>Ұлттық қордан түсіп тұрған ақшаны пайдалануға өтінім 18 жасқа толған соң ғана беріледі. Өтінімді жобаға қатысқан азаматтың өзі береді. Қазақстандық 10 жыл ішінде өтінім беруге құқылы. Өйткені шоттағы ақша 10 жыл бойы сақталады.Егер жиналған қаражат 28 жасқа дейін жұмсалмаса, онда ол әлгі азаматтың ерікті зейнетақы шотына аударылады.<h3 style="margin-left:0px;">Салық салына ма</h3>Ұлттық қордан берілетін жинаққа салық салынбайды.<h3 style="margin-left:0px;">Ұлттық қордан төлем қай кезде тоқтатылады</h3>Егер 18 жасқа толмаған бала шетелге көшіп, Қазақстан азаматтығынан шықса, онда оған Ұлттық қордан ақша төленбейді. Ал егер бала шетелде өмір сүрсе, бірақ Қазақстан азаматтығын өзгертпесе, оның шотына кәмелет жасқа толғанға дейін қаражат аударыла береді.Егер бала азаматтығын өзгертіп, шетелде белгілі бір уақыт тұрып келсе және Қазақстанға оралғаннан кейін республика азаматтығын қайта алса, онда арнайы жинақтаушы шот жаңадан ашылады.<h3 style="margin-left:0px;">2024 жылы 18 жасқа толған балалар не істейді</h3>БЖЗҚ 1 ақпаннан бастап биыл 18 жасқа толған және толатын балаларға нысаналы жинақтаушы шот ашады. Кәмелетке толған қазақстандық осы шотқа түскен ақшаны екінші деңгейлі банктер немесе "Қазпошта" арқылы баспана сатып алуға және оқуға жұмсай алады.Өтінімді кәмелет жасына жеткен баланың өзі немесе заңды өкілі береді.<h3 style="margin-left:0px;">Ұлттық қордың табысы қалай есептеледі</h3>Жыл сайынғы аударымдарды есептеу үшін Ұлттық қордың соңғы 18 жылдағы орташа инвестициялық кірісі есепке алынады. Инвестициялық табыстың 50 пайызы кәмелетке толмаған балалар арасында теңдей бөлінеді.Бала 18 жасқа толғанға дейін жинақталған қаражат Ұлттық қорда сақталады және оны Ұлттық банк түрлі қаржы құралдарына инвестициялайды. Одан түскен инвестициялық табыс та балалардың шотына қосымша түсіп тұрады.Фото: Нұрболат Нұржаубай

"Ұлттық қор – балаларға": Шотқа алғашқы ақша қашан түседі?

Фото: gov.kz<a href="https://kyzylorda-news.kz/ru">Kyzylorda-news.kz.</a>&nbsp; Ішкі істер министрлігі жаяу жүргіншілерге арналған жаңа ереженің жай-жапсарын түсіндірді. Қазір ашық талқылаудағы өзгерістер қабылданса, онда көшеден өтуді шектейтін норма қарастырылады.Жақында талқыға түскен жаңа ереженің жайы былай: енді бағдаршамның жасыл түсі жанғанның өзінде екі жақтан да көлік тоқтағанына көз жеткізбейінше, жүруге рұқсат жоқ. Ең болмаса сарыға үлгерем деп зуылдап келе жатқан көліктің іркілмей өтіп кетуіне басымдық беріледі. Яғни жаңа ереже қабылданса, жасыл жанды екен деп жаяу жүргіншілердің бірден адымдап кетуі тыйылады, деп хабарлады <a href="https://www.ktk.kz/kz/news/video/2024/01/11/260689/">КТК.</a>Соңғы жылдары жаяу жүргіншілер зардап шеккен апат жиілепті. Бұл өзгеріс сол статистиканы жақсартуға септігін тигізе ме деген үміт бар.<blockquote>"Бағдаршамның рұқсат беру сигналы жанған уақытта жаяу жүргінші өзінің қауіпсіздін қамтамасыз етуі керек. Себебі көп жағдайда жаяу жүргінші бағдаршамның белгіленген жасыл түсі жанған уақытта жан-жағына қарамай жолға шығып кетеді. Ол уақытта қозғалысты бұрын бастаған көлік құралдары маневрды аяқтауына және көз жеткізбестен жолға шығады. Сол себептен біз осы тармаққа түзетулер енгізіп отырмыз", - деп түсіндірді ІІМ ӘПК аға инспекторы Таңат Асылжанов.</blockquote>Жол қозғалысына түзету енгізу былтыр қараша айында басталған. Өкілетті органдар бұл ереженің егжей-тегжейін әлі пысықтап жатыр. Дегенмен кейбір сарапшы "бұл піспеген, шикі заң жобасы" деген пікірде.<blockquote>"Бұл жаңа заң жобасымен адамдарды шатастырамыз. Не істерін білмей қалады. Ал жүргізушілердің, былайша айтқанда, құзіреті кеңейеді. Ешкімді өткізбесем болады деген оймен көлігін жүргізеді. Ең басты мәселе — осы заң жобасын жүргізушілер мен жаяу жүргіншілерге қалай жеткіземіз? Қиын ереже. Ал оны қалай қадағалаймыз? Полицияның басқа да шаруасы жетіп жатыр ғой", - дейді автосарапшы Алексей Алексеев.</blockquote>Ішкі істер министрлігі түзетулердің әлі қабылданбағанын, қоғамдық талқылауда шешім қабылданатынын жеткізді. Жаңа ереже бағдаршамы бар жерге қатысты. Дей тұрғанмен қадағаланбайтын жүргіншілер жолағынан өткенде де абай болған абзал.

Қазақстан және Қызылорда облысының жаңалықтары