<a href="https://kyzylorda-news.kz/">Kyzylorda-news.kz</a> Әр адамның өзінің бойына ерекше біткен таланты болады. Соның бірі – өнер. Осы өнер арқылы өмірдің кең тынысы, тіршілік құбылыстары, адамның әр түрлі сезімі бейнеленеді.&nbsp;Ал ол оқушы шәкірт болса, оның&nbsp;қабілетін ашып, дамытуға жан-жақты жағдай жасағанда ғана белгілі бір нәтижелерге қол жеткізуге болады.&nbsp;Соның мысалы, жақында жолым түсіп, жас суретшілердің көрмесіне барған болатынмын. Сонда Мерей Тлеубайқызының салған пейзаждары көзіме оттай басылды. Салған суреттерінен-ақ мінезі сабырлы, байсалды екенін байқауға болатын өнерлі жаспен танысуға асықтым.Мерей №2 облыстық мамандандырылған мектеп-лицей-интернатының 9-сынып оқушысы екен. Мерейдің өнеріне қолдау білдіріп, алға бастаушы анасы Күлмашова Гүлбану аудандық орталық кітапхананың оқырмандарға қызмет көрсету бөлімінің меңгерушісі болса, әкесі Қосбаулин Тлеубай аудандық өрт сөндіру бөлімінде еңбек етіп, зейнетке шыққан. Отбасында үш бала тәрбиелеп отыр. Мерей – екінші бала. Суретті 5 сыныптан бастап өз қызығушылығымен сала бастапты. Ол өз таланты туралы:<blockquote>– Мен сурет салуды үйрену үшін арнайы курстарға немесе үйірмеге қатысқан емеспін. Өзім кішкентай кезімнен қолыма қағаз түссе шимайлап гүлді, табиғатты, жүрек пішінін сала беретінмін. Бірде ютубтан сурет салудың құпияларын үйрететін каналды көріп, қызығушылығым ашылды. Кейін бояулардың үйлесімін, сурет салған кезде заттардың өлшемі туралы үйрене бастадым. Қазір өзімді «суретшімін» деп есептемеймін, дегенмен алда осы жолға түскім келеді, – дейді Мерей.&nbsp;</blockquote>Иә, Мерей Тлеубайқызы бүгінде өз таңдауын жасап қойған. Болашақта «Дизайн және сән» мамандығы бойынша білім алып, өз ісінің шебері атанғысы келеді. Бойындағы таланты мен болашақ нан табар ісін осылайша ұштастырғысы келетін Мерей осы бастан дайындығын бастаған.<blockquote>– Мерей – өте талантты оқушы. Сурет салуға қабілетін байқағанда-ақ мектеп тарапынан бірнеше жарыстарға жібергенбіз. Бағымызға орай, барлығынан жүлделі орын алып келеді. Оның ішінде, суды үнемдеу және оны тиімді пайдалану мәдениетін насихаттау мақсатында Қазақстан Республикасының Су ресурстары және ирригация министрлігі ұйымдастырған республикалық балалардың сурет және шығармалар байқауына белсенді қатысқаны үшін жетекшісі Нұрбек Байдаулетовпен бірге Қазақстан Республикасының Су ресурстары және ирригация министрі Н.Нұржігітовтың Алғыс хатына ие болған еді. Ол интернатымыз үшін үлкен мақтаныш. Сынып жетекшісі «Жарық Жұлдыз» журналына да ұсынған болатын. Оқушы жетістігі – мектеп қуанышы. Бәріміз Мерейден үлкен үміт күтеміз, – дейді бейнелеу өнері пәнінің мұғалімі Алмагүл Бабашева.</blockquote>Мерейдің өнер жолында бағыт алуына Алмагүл апай мен ата-анасының үлесі зор. Соның арқасында бүгінде сурет салу өнерімен талай марапат алғаны да өтірік емес. Атап айтсақ, 2023 жылдың сәуір айында №2 облыстық мамандандырылған мектеп-лицей-интернатының оқушылары арасындағы «Б.Момышұлы шығармаларынан иллюстрациялық суреттер салу»&nbsp; байқауынан «Бас жүлде» иеленсе, Қызылорда облысының білім басқармасының «Бояулар құпиясы» жас суретшілердің республикалық байқауының облыстық кезеңінде жетекшісі Бабашева Алмагүл апаймен дайындалып, «Менің елім-менің жерім» номинациясының «Классикалық кескіндеме» бағыты бойынша&nbsp; ІІІ орын алғаны үшін арнайы дипломмен марапатталды. Және Қызылорда қаласында өткен «Атадан мұра» қоғамдық қоры ұйымдастырған Халықаралық «Дарабоз» байқауынан І орын жеңіп алды. Екінші жылы тағы да бақ сынаған Мерей Түркістан қаласында өткен Халықаралық «Дарабоз» байқауының ақтық мәресіне&nbsp; қатысып&nbsp; ІV Супер финалында «Бейнелеу өнері» номинациясы бойынша І орын иеленіп, аудан атының мерейін өсірді. Осы жетістіктері үшін Мерей ата-анасы мен ұстаздарына, жетекшілеріне алғысы зор екенін айтады.«Өнерлінің өрісі кең» дегендей, ертеңгі ел тұтқасын ұстайтын жастардың ақылмен қатар өнерлі болуына да жол ашсақ, болашақтың жарқын болатынына сенім мол. Бұл жолда Мерейдің бағындырар асулары мен жетер жеңістері әлі де алда.

Арал ауданының мерейін өсірген шәкірт

<a href="https://kyzylorda-news.kz/">Kyzylorda-news.kz</a>&nbsp;Шиелі аудандық тарихи-өлкетану музейінің қоры Ұлы Отан соғысы және Еңбек ардагері Балтабай Әбдімомыновтың құжат, медаль және ордендерімен толықты.Шиелі аудандық тарихи-өлкетану музейі арқылы ауданға, оның даму әлеуетіне баға беріледі. Ол өткен тарихымызды байыптататын, рухани мұрамызды зерделейтін, бүгінгі ауданның дамуын бағамдайтын мәдени орталық болмақ. Бүгінгі таңда музей қызметкерлері ауданның рухани-мәдени және материалдық ескерткіштерін, тарихи жәдігерлерін жинақтап қана қоймай, оларды сақтау, зерттеу, насихаттау қызметтерін жүзеге асыруда. Сонымен қатар музей қорын құнды экспонаттармен толықтыру жұмыстарын қарқынды жүргізуде. Музейдің құнын көтеретін, бәсін жоғары ететін экспонат, яғни құнды жәдігерлер екендігі белгілі.Ұлы Отан соғысында ел мен жер үшін күрескен Балтабай Әбдімомынов Ортақшыл ауылында қарапайым отбасында дүниеге келген. Жаңатұрмыс ауылына әкесімен бірге қоныс аударып, ата-анасына қолғабыс жасап, еңбекке ерте араласады. Осы ауылдағы бастауыш мектептен оқып, хат таниды. 1939 жылы әскер қатарына алынып елге оралар тұста Ұлы Отан соғысы басталады. Жалындаған жас жігіт Отанын жаудан қорғау үшін майданға аттанады. Ауылда қарт әкесі мен қарындасы қалады. Майдан шебінде жүрген жауынгер 1943 жылы күз айында ауылға келіп Інәш Сәрсенбайқызына үйленіп, қайтадан майданға аттанады. Араға 2 жыл салып жеңіспен елге оралады. Ұлы Отан соғысында ерлік жасағаны үшін «Ерен ерлігі», «Кёнигсбергті алғаны, Германияны жеңгені үшін», «За отвагу», «Ұлы жеңістің 40 жылдығы», «Қарулы күштердің 60 жылдығы» орден, медальдармен марапатталған. Отан үшін от кешкен майдангердің ең құнды дүниесі де осы Тәуелсіз күндерде кеудесіне таққан медальдары екені даусыз.Ұрыс даласынан келіп, егіс алқабына енген ардагер шаруашылықты қалпына келтіріп, ел игілігі үшін күрішші, есепші, бригадир қызметтерін атқарады. Социалистік Еңбек Ері Ыбырай Жақаевтың күріш өсіру ісіндегі сенімді серігі болып, бірнеше рет рекорд жасауына өз септігін тегізеді. Еткен еңбегі мен төккен тері бағаланып «Еңбек қызыл Ту» орденімен, «Ерен еңбегі үшін», «Еңбек ардегері» медальдарын иеленеді. Ауылдық кеңеске бірнеше рет депутат болып сайланып, ел ішіндегі өзекті мәселелерді шешуге де өз үлесін қоса білді. Сонымен қатар шаруашылықтағы тексеру комиссиясының құрамында болып, жас­тарды тәртіпке, еңбекке шақыру ісін де аброймен атқарған еді. Мағыналы өмір сүре білген Балтабай Әбдімомынов 1989 жылы дүниеден озды.Ер есімін елі ұмытпай Жаңатұрмыс ауылындағы көшеге соғыс ардагерінің есім-сойы берілді. Енді міне, ұл-қыздары Ұлы Отан соғысының ардагерін өскелең ұрпақ біле жүрсін деп аудандық тарихи-өлкетану музейіне ұсынды.

Шиелідегі музей қоры тағы да толықты

<a href="https://kyzylorda-news.kz/">Kyzylorda-news.kz</a> Президент Қасым-Жомарт Тоқаев «Әділетті мемлекет. Біртұтас ұлт. Берекелі қоғам» атты Жолдауында кәсіби маманның қадірін білу керек екенін,&nbsp;еңбекқор адам&nbsp;мемлекетті дамытатынын баса айтты.&nbsp;"–Елімізде еңбекқор адам, кәсіби маман ең сыйлы адам болуға тиіс.&nbsp;&nbsp;Осындай азаматтар мемлекетімізді дамытады. Мен&nbsp;Ұлттық құрылтайда және «Жастар рухының»&nbsp;съезінде бұған арнайы тоқталдым. Біз қарапайым еңбек адамына құрмет көрсетуіміз керек. Қандай кәсіппен айналыссаң да, оны сапалы атқару маңызды. Жастар нақты бір мамандықтың қыр-сырын жетік білуге ұмтылғаны жөн. Өз саласының шеберіне әрдайым сұраныс болады. Өскелең ұрпақ Қазақстанда ғана емес, өзге елдерде бәсекеге қабілетті болуы керек.&nbsp;Көрші мемлекеттің азаматтары шетелге барып, жұмыс талғамай еңбек етіп жатыр. Олар біздің елде де өте жақсы табыс тауып жүр. Дәл осындай жандардан үлгі алу керек. Шын мәнінде, ең бастысы – адал еңбек. Біз мұны жете түсінетін ұрпақ тәрбиелеуге тиіспіз. Идеология жұмысында осыған баса мән берген жөн, "– деді Қасым-Жомарт Тоқаев.&nbsp;Иә, ұстаздық – қоғамдағы ең құрметті және абыройлы мамандық. Мемлекет те соңғы жылдары осы мамандыққа баса мән беріп, мәртебесін арттыруда. Бүгінде сүйікті мамандығына адал жандар аз емес. Оларға заманның аумалы-төкпелі болуы, болмаса қызмет барысындағы қиындықтардың өзі кедергі емес. Бұл өзі қалаған мамандыққа деген сүйіспеншіліктің арқасы. Ұстаздық қызметін өмірінің мәні деп білетіндердің бірі – Лиза Ермекбайқызы Досмамбетова.&nbsp;40 жылдан астам уақыт ұстаздық жолда келе жатқан ол «Менің басты мақсатым – еліміздің&nbsp; жарқын болашағына баланатын білімді жастарды тәрбиелеу» деп біледі.Н.К.Крупская атындағы №14 орыс орта мектебінде білім алған Л.Досмамбетова: «Мен білімді де білікті, шәкірттеріне барлық жағынан үлгі бола білген Т.К.Ли, Е.С.Курбатова, Л.В.Сапожникова, Р.Ж.Айтжанова, В.Ф.Зуева, М.Е.Зыбин, С.А.Бочарова сынды ұстаздардан білім алдым. Олардың өз істеріне деген құрметі мен жауапкершілігі, талапшылдығы мен еңбекқорлығы&nbsp; менің еңбек жолыма үлгі болды» деп еске алады.Қызылорда қаласындағы Н.В.Гоголь атындағы педагогикалық институтын (қазіргі Қорқыт ата атындағы Қызылорда мемлекеттік университеті) орыс тілі мен әдебиеті пәнінің мұғалімі мамандығы бойынша тәмамдаған ол еңбек жолын бір кездері асау толқынмен алысып, су маржанын сүзген балықшыларымен атағы шыққан Қаратерең елді мекеніндегі өзіндік дәстүрі қалыптасқан Т.Шевченко атындағы №82 Қаратерең орта мектебінде бастаған. Тәжірибелі ұстаз Кеңес Батаманов басшылық еткен ұжымда жас маман мол тәжірибе жинақтады. Қаратереңдегі орта мектеп ұзақ жылдар бойы Т.Г.Шевченконың атымен аталды. Сырдарияның теңізге құяр жеріне жақын орналасқан Қосаралды мекен еткен Тарас ақын өзінің өлеңдері мен суреттері арқылы Аралдың бүкіл болмысын көрсете алған. Сондықтан бұл ауылдың тұрғындары Кобзарьдың өмірбаяны мен шығармашылығы жөнінде жақсы хабардар. Оның үстіне ауыл шетінде «Тарас Шевченко 1848-1849 жылдарда Қосаралда болған кезінде отырғызған ағаш» деген жазуы бар тақтайша ілінген жиде ағашының өсіп тұруы елдің ақынға деген айрықша құрметінің белгісіндей еді. Лиза Ермекбайқызы осы жиде ағашына оқушыларды ертіп апарып, талай рет арнайы шаралар өткізгенін әрдайым сағынышпен еске алады.&nbsp;<blockquote>–Ұстаздық жолымның сәтті басталуына жол ашып, тәжірибелерін үйретуден жалықпаған, бауырларына тартып, қолдау-көмектерін аямаған Қаратерең мектебінің мұғалімдеріне алғысым шексіз. Бұл мектептен өмірлік сабақ алдым,– деді алғашқы еңбек жолынан сыр шерткен ұстаз.</blockquote>Осындай ортада тәжірибе жинақтаған жас маман аудан орталығына келгеннен кейін №99 мектепте бір жыл еңбек етіп, аудандық білім бөлімінің ұсынысымен сол кезде жаңа ашылған №62 орта мектепке ауысты. Сондай-ақ аудан бойынша ең алғаш рет&nbsp; орыс тілін тереңдетіп оқыту Лиза Ермекбайқызына тапсырылды. Ізденімпаз мұғалім ол жұмысты абыроймен атқара білді.Жаңашылдық пен ізденіске құштар өз пәнінің білгір маманы қай кезде де уақыт талабына сай&nbsp;&nbsp; Арал ауданындағы «Қамбаш» балаларды сауықтыру және қосымша білім және Жаңақорған ауданындағы «Талдысу» қосымша білім беру орталықтарында оқушыларды орыс тілі пәнінен Ұлттық бірыңғай тестілеуге дайындауда жауапкершілікпен еңбек етіп, аудан түлектерінің жоғары нәтижеге жетуіне өзіндік үлес қосты. Ал өз шәкірттері жыл сайын орыс тілі пәнінен аудандық, облыстық олимпиадаларда, «Русский медвежонок» және өзге де түрлі сайыстар мен байқауларда жүлделі орындарды иеленуде. Ауданның орыс тілі пәнінің мұғалімдері Лиза Ермекбайқызын өздеріне ұстаз санайды. Жас мамандарға мол тәжірибесін үйретуден жалықпайтын ұстаздың талабы да зор.Бүгінде «Ұстаздардың ұстазы» атанған, бірнеше буын шәкіртке тәрбие мен білім беріп, сынып жетекшісі ретінде нәтижелі еңбек еткен педагог-зерттеушісі, тренер Л.Досмамбетова:<blockquote>– Мен жетекшілік еткен сыныптан шыққан алғашқы «Алтын белгі» иегері Ж.Бимағанбетова қазір білікті дәрігер. Лариса Орынбасарова есімді шәкіртім Аманөткөл елді мекеніндегі&nbsp; орта мектепте орыс тілі және әдебиеті пәнінің мұғалімі. Ал сыныбымда қоғамдық жұмыстарды белсене атқара білген шәкірттерім Ж.Аймағамбетова мен А.Жүсіпова – бүгінде өзім еңбек ететін Ж.Әбдірашев атындағы №62 мектеп-лицей директорының тәрбие және бейіндік істері жөніндегі орынбасарлары, – деп, шәкірттерімен мақтанады.&nbsp;</blockquote>Ол мыңдаған шәкіртті тәрбиелеп, "Ұжымның үздік мұғалімі" бағамын иеленді, аудан әкімінің дипломымен марапатталды. Білім мен тәрбие берудегі елеулі еңбегі үшін өзі білім алған Қорқыт ата атындағы Қызылорда мемлекеттік университетінің "Үздік түлек" белгісіне ие болды. Бұл білім беру саласында өз мамандығына адал ұстазға көрсетілген құрмет мұғалімнің қоғамдағы орнын тағы бір айқындап бергендей. Себебі, қоғамда Лиза Ермекбайқызы сынды мұғалімнің орны да бөлек, еңбегі де ерен.

Еңбек адамы – қоғамның басты байлығы

<a href="https://kyzylorda-news.kz/">Kyzylorda-news.kz</a>&nbsp;Қазақстанның барлық аймағын қызылша дерті дендеп барады. Елдегі санитарлық-эпидемиологиялық ахуалға алаңдаған Үкімет басшысының орынбасары Тамара Дүйсенова мәселе шешілмеген жағдайда кейбір денсаулық сақтау нысандарының қызметін уақытша тоқтата тұру шарасын қарастыру керек екенін айтты. Сондай-ақ демігіп тұрған дертті басу үшін республика көлемінде қызылшаға қарсы жаппай иммундау басталғанын сөз етті.Денсаулық сақтау министрлігінің мәліметіне сүйенсек, өткен жылы жыл басынан бері республика бойынша қызылшаның 13 103 жағдайы тіркелген. Оның 1 854 жағдайы ересектер арасында анықталып отыр. Сондай-ақ сол жылы Шымкент, Алматы қаласы мен Жамбыл, Алматы облысындағы ахуал көпті алаңдатқан болатын. Мәселен, Шымкент қаласында 2 283 жағдай, Алматы қаласында 2 217 тіркелсе, Жамбыл облысында 1 605, Алматы облысында 1215 науқас анықталған. Нақты көрсеткішке сәйкес, олардың 70 пайызы немесе 8 866 жағдай екпе алмаған балалардың еншісінде көрінеді. Яғни, министрлік қызылша инфекциясы халық арасындағы вакцинадан бас тартушылардың есебінен артып отырғанын алға тартуда.Жаман аурудың атын айтпайтын шиеліліктер «Қызыл көйлек» дертінің көбейгенін жоққа шығармайды. Шиелі аудандық санитариялық-эпидемиологиялық бақылау басқармасының басшысы Гүлзада Әйтекеева аудандағы ахуалды сараптап отырғанын айтты.<blockquote>– Бүгінгі таңда Шиелі ауданында қызылшамен сырқаттанушылық бойынша эпидемиологиялық жағдай тұрақты емес. Өткен жылы қараша айына дейін қызылшаның 132 жағдайы тіркелді, оның 85-інің диагноз лабораториялық зерттеу қортындысымен нақтыланған. Жалпы ауруға шалдыққандардың 86 пайызы 14 жасқа дейінгі балалар. Оның ішінде 1 жасқа дейінгі және 1-5 жасқа дейінгі балалардың үлесі басым. Тек балалар емес, бұл ауру ересектер арасынан да анықталуда. Нақтырақ айтсақ, 11 жұмыссыз азамат, 1 қызметкер мен 1 мұғалім қызылша ауруына шалдыққан. Сондай-ақ 95 ұйымдаспаған топ баласы, 9 балабақша баласы, 11 оқушы, 1 студент қызылша жұқпасымен ауырды, – дейді.</blockquote>Бұл жеңіл-желпі қарайтын дерт емес. Қызылша вирустық инфекция болғандықтан, иммундық жүйесі әлсіз адамдарға және балаларға тез жұғады. Ауа тамшылары арқылы жылдам тарайды. Өкінішке қарай, кейде асқынған дерттің соңы қайғылы аяқталатын жағдайлар да кездеседі. Ауру белгілері байқалса дәрігерге жүгінген абзал. Өйткені қызылша ауруы асқынса ми, өкпе қабынуы орын алады екен.Шиелі аудандық санитариялық-эпидемиологиялық бақылау басқармасының басшысы Гүлзада Әйтекеева қызылша ауруының алғашқы жағдайы өткен жылы наурыз айында тіркелгенін айтады. «Аурушаңдықтың аудан бойынша күрделенуі тамыз айынан бастап орын алуда, алдындағы маусым айымен салыстырғанда аурушаңдық 5 есеге ұлғайып, тек тамыз айында нақтыланған қызылша ауруының 40 жағдайы тіркелді. 2023 жылы қыркүйек айында аурудың саны 21 жағдай болса, ал қазан айында 46 жағдай есепке алынып, жалпы тіркелген аурудың 50 пайызын құрады. Қызылша ауруының эпидемиологиялық жағдайының күрделенуінің негізгі себебі ол – қызылша ауруына қарсы міндетті жоспарлы профилактикалық екпелерді уақытылы алмауы болып отыр. Қызылша ауруына шалдыққан науқастардың&nbsp; 50 пайызы әр түрлі себептерге байланысты қызылшаға қарсы егілмегендер, оның ішінде 22 пайызы ҚР Ұлттық алдын ала егу кестесіне сәйкес егу жасына жетпеуіне байланысты, яғни бала 1 жасқа толмауына байланысты екпе алмаған.Фото: pexels.com

Гүлзада Әйтекеева: Қызылша екпінін екпе қайтарады

<a href="https://kyzylorda-news.kz/">Kyzylorda-news.kz</a> Қазір &nbsp;қоғамымызда түрлі маман иелері бар. Олардың әрқайсысының өзіне тән ерекшеліктері мен маңызы болады. Өз алдына нақты мақсат қоя білген адам үшін кәсіппен айналысу да оңайға соғары анық. Жалпы, кәсіпкерлік – қандай да бір істі істей білу болып табылады. Ал іс істеу – адамның белсенділігі және іскерлігі. Мемлекет кәсіпкерлер арқасында, ал кәсіпкерлер өз мемлекетінің қолдауы арқасында дамып, әрі қарай гүлденеді.&nbsp; Осы орайда, кәсіп бастағысы келетін тұрғындар үшін мемлекеттен қалың бұқараға көптеген мүмкіндіктер жасалған. Мәселен, халықты қолдау аясында “Атамекен” Ұлттық кәсіпкерлер палатасы құрылды. Еліміздің әр өңірінен өз орындарын ашып, халыққа үздіксіз көмек көрсетіп келеді.Кәсіпкерлік қабілет – адамдардың ерекше таланттылығы. Бүгінгі күні өзіне тән талантының арқасында Жаңатай Зада Бақтымұратқызы мемлекет қолдауымен өз кәсібін дамытып отыр. «Атамекен» Қазақстан Республикасының Ұлттық кәсіпкерлер палатасы ұйымдастырған «Бастау Бизнес» кәсіпкерлік негіздерін оқып, өз кәсібін жоғары деңгейде жалғастырып келеді. Жалпы, Зада бұл кәсіпке келмес бұрын биология пәні мұғалімі бойынша жоғары оқу орнын бітіріп, 6 айлық практикамен жұмыс істеген. Кейін өзі түрлі тәттілерді дайындап жүріп, сүйікті ісін әрі қарай дамытуға бел байлаған. Бұл жөнінде Зада:<blockquote>– Кондитер мамандығы қазіргі уақытта маңызы бар қажетті мамандықтардың бірі. Біздің жұмысымыз арқылы, тұтынушылар вафли, печенье, торт, кекстер, шоколад, сондай-ақ десерт және кондитерлiк басқа да түрлерін ала алады. Қазіргі уақытта адамзат баласы үшін ең маңыздысы – табыс табу. Адал еңбекпен тапқан табыс берекелі болары анық. Мен де өз хоббиімді кәсіпке айналдырып, өз маңдай теріммен табыс тауып келемін. Әрине, өз табысымның да берекетін көріп жүрмін.&nbsp; Қазір 3 адамды жұмыспен қамтып отырмын. Оның екеуі торт пісіріп, қасымда көмектесіп жүрген қыздар болса, енді біреуі “Жақсат” базарында менің тәттілерімді сатумен айналысады.</blockquote><blockquote>–Иә, бүгінгі күні базардағы шағын дүкенім арқылы табыс тауып жатырмын және инстаграм желісіне де тапсырыс берушілер саны күн сайын артып келеді. Ендігі алға қойған мақсатым – нан өнімін ашытқысыз әзірлеу. Яғни, бұл нан адам денсаулығына да пайдалы құнарлы ас болады. Сондай-ақ біз секілді жас кәсіпкерлерді қолдап, мақсатымызға айқын жол бастап беріп жатқан Кәсіпкерлер палатасына алғысымды айтқым келеді. Келешек жастарымызға да үлгі болып, арман-мақсаттарының орындалуына көмек көрсете &nbsp;беріңіздер,–дейді.</blockquote>Расымен де, қазіргі технология шарықтап дамыған заманда кәсіп бастаймын деген әр адамға Үкімет қашанда қолдау береді. Бастысы – ниет. &nbsp;«Еңбектің наны тәтті» демекші, адам өмірі еңбекпен тығыз байланысты. Әр адам адал жолмен еңбек етіп, бар маңдай терін төксе ғана өз жұмысының жемісін көре алады.

Кәсіп ашам дегенге мүмкіндік көп

<a href="https://kyzylorda-news.kz/">Kyzylorda-news.kz</a>&nbsp; &nbsp;Аудан әкімі Берік Сәрменбаев Тереңөзек кентіндегі сауда нысандарын аралап, әлеуметтік маңызы бар азық-түлік бағаларына бақылау жүргізді.Сауда орталығында аудан басшысы халық күнделікті тұтынатын нан, сүт, ұн, көкөніс, қант, картоп, сәбіз секілді өнімдердің қоры мен бағасын бақылап шықты. Сонымен қатар тауардың сапалы, мерзімінің өтпеуіне де, аудан басшысы назар аударды. Сала мамандары осы бағытта&nbsp;атқарылып жатқан жұмыстарға тоқталды.<blockquote>– Баға тұрақтылығы сақталуы қажет. Азық-түлік бағасын негізсіз өсіруге болмайды. Бағаны тұрақтылығын сақтау үшін апта сайын тиісті бөліммен талдау жұмыстары жүргізіліп отырады. Сондықтан халық тұтынатын тауарлар сапалы және қолжетімді болуы тиіс. Шын мәнінде, азық-түлік бағасының жергілікті халық үшін қолайлы болғаны дұрыс – деді Берік Әбдіғаппарұлы.</blockquote>Бүгінде дүкендер тауар бағасын өз бетінше белгілейді. Алайда, әлеуметтік маңызы бар азық-түлік тауарларының өткізу құны өндірушінің немесе көтерме саудадағы бағадан 15 пайыздан аспауы тиіс. Негізінен, аудан көлемінде нарық бағасынан төменгі деңгейде тұрақты өткізіліп тұрады.Ауданда азық-түлік қоры жеткілікті, тапшылық жоқ екенін айта кетейік.Фото: Нұрболат Нұржаубай

Сырдария ауданының әкімі баға тұрақтылығына бақылау жүргізді

<a href="https://kyzylorda-news.kz/">Kyzylorda-news.kz</a> &nbsp;Аудан әкімі Берік Сәрменбаевтың төрағалығымен әкімдік отырысы өтіп, күн тәртібінде 2 мәселе қаралды.Бірінші мәселе – тұрғын үй-коммуналдық шаруашылық, жолаушылар көлігі және автомобиль жолдары саласы бойынша атқарылған жұмыстар туралы бөлім басшысы Айбол Ержанов, екінші мәселе – аудан бойынша жүргізіліп жатқан құрылыс жұмыстарының барысы туралы аудандық құрылыс, сәулет және қала құрылысы бөлімінің басшысы Нұржан Бисембаев хабарлама жасады.Аудан басшысы ауданда жүргізіліп жатқан құрылыс жұмыстарының сапалы және мерзімінде салынуына назар салды.<blockquote>– Мемлекет басшысы Қасым-Жомарт Кемелұлы Тоқаев ең алдымен тұрғындарға қажетті инфрақұрылымдық жұмыстарды жүргізуді тапсырды. Ел Президентінің зор қолдауымен «Батыс Еуропа – Батыс Қытай» халықаралық дәлізінің Қызылорда қаласынан Ақтөбе қаласына дейінгі аумағын төрт жолақтыға айналдыруға қатысты шешім қабылданды. Сонымен қатар «Қызылорда-Жезқазған» автомобиль жолын қайта жаңғырту жұмыстары жүргізілуде. Аймақ басшысы Нұрлыбек Машбекұлы Нәлібаевтың қолдауымен Сыр өңірі қарқынды құрылыс алаңына айналды. Биыл аймақтағы «Руханият» жылы аясында аудан орталығында құны 1,5 млдр. теңгені құрайтын тәулік бойына жұмыс істейтін кітапханасы бар «Руханият» орталығы салынып жатыр. Одан бөлек, елді мекендерді газдандыру, жолдарды күрделі жөндеу, электрмен қайта жабдықтау, су құбырларын жаңарту жұмыстары жүйелі жүргізілуде. Міне, осы жұмыстардың сапалы және уақытылы атқарылуын қатаң тапсырамын, – деді Берік Әбдіғаппарұлы.</blockquote>Биыл аудандағы А.Тоқмағамбетов, С.Сейфуллин ауылдарында газдандыру жұмыстары жүргізілуде. Қоғалыкөл ауылында 6 көше, С.Сейфуллин ауылында 6 көше, Қалжан ахун ауылында Қайқы батыр көшесі күрделі жөндеуден өткізілуде. Жоба құны 1,1 млрд. теңгені құрайтын Шаған ауылында электр бағаналары, желілері және трансформаторларды жаңарту жұмыстары атқарылуда.Сонымен қатар, Тереңөзек кентіндегі жаңа шағын аудандардың инфрақұрылымына (35 га, 100 га) қиыршық тас жолының, Қалжан ахун елді мекенін электрмен жабдықтау, Тереңөзек кенті, Аманкелді, Шаған елді мекендерінің бірқатар көшелерінің су құбырлары мен көру құдықтары, Бесарық елді мекенінде спорт кешені құрылыстары және Аманкелді ауылдық ауруханасына күрделі жөндеу жұмыстары жүргізіліп жатыр.Отырыста аудан басшысы нақты тапсырмаларды жүктеп, құрылыс жұмыстарының сапасы күнделікті бақылауда болуын ескертті.

Құрылыс жұмыстары сапалы және уақытылы атқарылуы тиіс

Қазақта «Руыңды тәрбиелегің келсе, ұлыңды, ұлтыңды тәрбиелегің келсе, қызыңды тәрбиеле» деген тәмсіл бар. Осы орайда ұмыт бола бастаған аналар мектебін, салт-дәстүр қағидаттарын жаңғырту мақсатында Айнұр Жүгінісова «Қазақ аналары – дәстүрге жол» атты республикалық қоғамдық бірлестік құрған болатын. Аталған бірлестіктің бір отауы Шиелі ауданында да құрылып, салтанатты түрде лентасы қиылды. Ерекше әсерге толы шара Шиеліге қарасты Көкшоқы мөлтек ауданында орналасқан "Арман" мәдениет үйінде өтті.Шара №244 Ы.Жақаев атындағы орта мектептің көркем еңбек пәнінің мұғалімдері Роза Есенбекова мен Гүлзина Базарбаева, Мираш Мырзағалиева және Нұржамал Алтынбаеваның әзірлеген тамаша көрмесімен басталды. Көрмеде оқушылармен бірігіп жасалған қолөнер бұйымдары да тарту етілді.Одан әрі аталған бірлестіктің Қызылорда облысы бойынша төрайымы, «Дара жол» төсбелгісінің иегері Алтынай Мырқықызына құттықтау сөз ұсынылды. Ол өз кезегінде:<blockquote>– «Қазақ аналары – дәстүрге жол» республикалық қоғамдық бірлестігінің құрылғанына бір жарым жыл болса да, ұлттық болмысымыздың жаңғыруына үлкен ықпалын тигізіп үлгерді деп сеніммен айта аламыз. Бүгінде бұл жоба еліміздің аймақтарында ерекше қолдауға ие болып, барлық өңірлерде филиалдары ашылуда. Расымен ұлт болып ұйысып, ұрпақты көбейту, керегені кеңейту, тұнық тәрбие беруде аналардың еңбегі ұшан теңіз емес пе? Бұрынғының сара жолын жалғай білген асыл аналарымыз көп. Айтпағым, бұл бірлестік нағыз керек шағында аналарымызды қанаттандыратын, басын біріктіретін ұйым десек болады. Қазақтың бай дәстүрін дәріптеу, қыздарымызды салтымызға сай тәрбиелеу біздің жауапкершілігіміздегі үлкен міндет екенін түсінеміз, – дей келе аудандағы «Қазақ аналары – дәстүрге жол» бірлестік филиалының ашылуымен құттықтап, лентасын қиды. Сондай-ақ филиал төрайымы болып Арман мәдениет үйінің қызметкері, Қазақстан Шеберлер Одағының мүшесі Зухра Баймурзаева сайланды.</blockquote>Қасиетті қазақы құндылықтарға бағытталған кешке аудандық әйелдер кеңесінің төрайымы Нәйлә Палымбет пен Ы.Жақаев атындағы күріш өсіру тарихи музейінің директоры Құттықыз Ыханова да қатысып, өз ризашылықтарын білдірді. Шиелі ауданына келген бірлестік мүшелеріне ұйымдастырушылар арнаулы сый-сияпаттар табыстады. Олар да өздерінің марапатымен келіп, жылы лебізін айтты.Кез келген ұлт тілімен, дәстүрімен ерекшелетіні сөзсіз. Бұлар жоқ болса, Тәуелсіздігімізге де нұқсан келері анық. Ғасырлар бойы қалыптасқан ұлттық құндылықтарды сақтап, оларды барынша дәріптеп отыру керек. Қазіргі заманда жастар мәселесі әрбір адамды толғандырмай қоймайтынын түсінеміз. Ендеше, жаһандану заманының зардабына жұтылып кетпеуге алаңдаған аналарымыздың сөзбен емес іспен кіріскен игі бастамаларына сәттілік тілейміз.

"Қазақ аналары - дәстүрге жол": Шиеліде салтанат құрды

<a href="https://kyzylorda-news.kz/">Kyzylorda-news.kz</a> Бүгін аудандық мәслихаттың мәжіліс залында Жалағаш кентінің бас жоспарына түзету енгізу жөнінде қоғамдық тыңдау өтті. Жиынға аудан әкімінің орынбасары Арнұр Нұрмағанбетов пен аудандық мәслихат төрағасы Өмірзақ Елеусінов және мекеме және бөлім басшылары, сонымен қатар жауапты сала мамандары және мердігер мекеме өкілдері қатысты.Бас жоспар халық саны мен жұмыспен қамтылуының өсу болжамын анықтау, жобаланатын аумақтағы инвестициялық үдерістерді перспективалық жоспарлау, елді мекеннің аумақтық дамуының ұзақ мерзімді перспективаларын, аумақтық дамуының бағыттарын, жоспарлау құрылымын қалыптастыру, аумақты, коммуналдық объектілерді аймақтарға бөлу, көлік қызметін ұйымдастыру, инженерлік жабдықтар жүйесін дамыту, аумақты инженерлік дайындау және абаттандыру, аумақты қауіпті табиғи және техногендік әсерлерден қорғау процестер, табиғи ортаны және тарихи-мәдени мұраны қорғауды анықтау мақсатында әзірленеді.&nbsp;Қазіргі таңда, Жалағаш кентінің халықтың өсу тенденциясына орай тұрғын үй құрылысын салу үшін жер телімдерін сұрау өтініштері күннен күнге өсуде. Сонымен қатар, кент бойынша тұрғын үй құрылысын салу үшін жер телімін сұраған кезектілікте тұрған азаматтар саны-2359-ға жуықтап отыр.&nbsp;Жалағаш ауданы бойынша жеке тұрғын үй құрылысын салушылардың әлеуметтік ахуалын жақсарту мақсатында және кіші, орта кәсіпкерлікті дамыту үшін бас жоспарға түзету қажетілігі туындау негізінде облыстық бюджеттен тиісті қаржы бөлінді.&nbsp;Мемлекеттік сатып алу конкурсының жеңімпазы болып «КАЗАХСТАНПРОЕКТ» мекемесі анықталып және қосалқы мердігер «Казгипроград» 1 Жобалау институты» ЖШС өз жұмыстарын бастады. Осыған сәйкес жиын барысында мекеме, бөлім басшылары өз ұсыныстарын жолдап, бас жоспардағы өзгерістерді жан жақты талқылады.&nbsp;Жиынды қорытындылаған аудан әкімінің орынбасары А.Нұрмағанбетов тиісті сала басшыларына мердігер мекемемен бірлесе жұмыс жасауды тапсырды.

Жалағаш кентінің бас жоспарына қатысты қоғамдық тыңдау өтті

<a href="https://kyzylorda-news.kz/">Kyzylorda-news.kz</a>&nbsp;Мемлекет Басшысының «Суды үнемдейтін озық технологияны қолдану арқылы егістік алқаптарын жыл сайын 150 мың гектарға дейін кеңейту» бойынша тапсырмасына сәйкес «Akplas» түркиялық компаниясымен келіссөздер жүргізілуде.Аталған компания 35 жылдан бері тамшылатып және жаңбырлатып суару қондырғыларын шығарумен айналысады.Осыған орай 3-4 мамырда Облыс әкімінің орынбасары Ардақ Зебешев Түркиядан келген инвестор - «Akplas» компаниясының өкілдерімен кездесті.Келіссөздер барысында тараптар Қызылордада тамшылатып және жаңбырлатып суару жабдықтарын шығару зауытын салу жобасы және суды үнемдеу технологияларын енгізу бойынша бірқатар мәселелерді талқылады. Жергілікті әкімдік тарапынан жан-жақты қолдаулар болатынын айтып, Түркия елінен келген кәсіпкерлерге негізгі талаптарды түсіндірді.<blockquote>- Бүгінде аймақта суды үнемдеу технологияларын енгізу жұмыстарына барынша ден қойылып келеді. Тиісінше жергілікті шаруаларда жаңа технологияны қолдануға мүдделі. Осы бағытта барлық мүмкіндікті қарастырып, мемлекет тарапынан жан-жақты қолдаудың болатындығын сеніммен айтқым келеді, – деді Ардақ Темірханұлы.</blockquote>Келіссөздер барысында облыс әкімінің орынбасары А.Зебешев өңіріміздің дихандары суды үнемдеу үшін лазерлік тегістеу технологиясын қолдану арқылы күріш алқаптарындағы судың шығынын 20 пайызға дейін төмендетіп, алынатын өнімнің үлесін 30 пайызға дейін артқандығын атап өтті.Осыған орай, тамшылатып және жаңбырлатып суару технологиясын пайдалана отырып, суды аз қажет ететін дәнді-дақылдарды егу қолға алынды. Нақтырақ айтқанда, тамшылатып суару жүйесі арқылы Шиелі ауданында жүгері, жаңбырлатып суару арқылы Қазалы ауданында мал азығына арналған жүгері, ал Арал ауданында жоңышқа егілуде.«Akplas» компаниясының бас директоры Хусеин Акин мырзамен кездескен Ардақ Темірханұлы салалық басқарма басшыларына әлеуетті инвесторларды қолдау, аймақтағы суару жүйелерінің жағдайын жақсартуға бағытталған тиісті шешімдер қабылдау қажеттігін тапсырды.Атап өту қажет, «Kazakh Invest» ҰК» АҚ қолдауымен а.ж. 5 сәуірде облыс әкімінің орынбасары А. Зебешев «Akplas» компаниясымен ынтымақтастық туралы меморандумға қол қойды. Жоба жүзеге асқан жағдайда облыс экономикасына 2,4 млрд.теңге инвестиция тартылып, тұрақты 30 жұмыс орны ашылады деп күтілуде.<img src="https://knadmin.beoblood.kz/uploads/440566421_1622041365223721_4998786662823868862_n_c8c4d19124.jpg" alt="440566421_1622041365223721_4998786662823868862_n.jpg">

Сыр елінде Түрік инвесторлары су үнемдеу технологиясын ендіруге атсалыспақ

<a href="https://kyzylorda-news.kz/">Kyzylorda-news.kz</a>&nbsp; Уақыт өткен сайын &nbsp;сұрапыл соғыстың дүрбелең оқиғалары алыстап барады. &nbsp;Бүгінде сол ардагерлеріміздің де қатары азайып бара жатқандығы жанға батады. Десек те, Отан үшін от кешіп, кеудесін оққа тосқан ардагерлеріміздің ерен ерліктері және сол соғыс жылдарында аман-есен елге оралып, олардың Отанға сіңірген еңбектері ұрпақ жадынан ешқашан ұмытылмайды. Мақаланы сол соғыстың ардагері, ерлігімен есте қалған қармақшылық Қаратай Қуаңбаевқа арнамақпыз.&nbsp;Қаратай Қуаңбаев 1922 жылы ауданға қарасты №12 Қосарық ауылдық кеңесінде дүниеге келген. Еңбек жолын Микоян атындағы ұжымшарда колхозшы болудан бастаған. 1941-1947 жылдары Кеңес әскері қатарында Ұлы Отан соғысына қатысып, Калинин майданында болған. 1947-1950 жылдары Ворошилов атындағы орта мектепте есепші, интернат меңгерушісі, Микоян атындағы елді мекенінде бухгалтер қызметтерін атқарған. 1950-1951 жылдары еңбекшілер депутаттары Қосарық ауылдық кеңесі атқару комитетінің хатшысы, кейін төрағасы қызметіне көтерілді. Мұнан соң аудандық партия комитетінің ңұсқаушысы, сектор меңгерушісі болды. Оның одан арғы еңбек жолы Ақжар МТС, Ленин атындағы кеңшарда партия комитетінің хатшысы, аудандық коммуналдық шаруашылық бөлімінің меңгерушісі, Еңбекшілер депутаттары аудандық кеңесі атқару комитетінің жауапты хатшысы қызметтерімен байланысады.&nbsp;1961 жылдан бастап 1964 жылға дейін әуелі Ленин кеңшары кәсіподағы жұмысшылар комитетінің төрағасы, кейін Карл Маркс атындағы бөлімше басқарушысы қызметтерін абыроймен атқарады. 1964 жылдың қаңтар айында шаруа жағдайын жетік білетін іскер басшы ретінде үлкен сенім артылып жаңадан құрылған «Жаңақала» қаракөл қой кеңшарының директоры болып тағайындалды.&nbsp;Қаратай Қуаңбаев ауылды басқарған жылдары көптеген жетістікке жетті.Бұл жылу жүйесіне клуб, ауылдық кеңес, кеңшар кеңсесі, 2 дүкен, қонақ үй, жатақхана, интернат, мектеп үйлері қосылды. Ауруханаға қосымша амбулатория, 10 орындық қонақ үй (қазір тұрғын үй) салынды. 30 орындық жатақхана салынды.(Ол қазір бұзылып кеткен.)1980 жылы 9 шақырымдық «Қаракөл – Төлеген» каналы қазылды. Осы жылы 12 тамызда директор денсаулығына байланысты өз арызымен қызметтен босатылып, орнына бас зоотехник Рүстем Ахметов тағайындалды.&nbsp;«Мен совхоз директорлығынан босату туралы арыз бергеннен кейін аудандық партия комитетінің бірінші және екінші секретары Көшербаев, Сүлейменов жолдастар менімен сөйлесіп, совхоз директорлығына кімді қоюды сұрады.&nbsp;Мен бас зоотехник Рүстем Ахметов, бас мал дәрігері Құснадин Смағұловтың екеуі де қой совхоздарына директор бола алады. Қайсысын қойсаңызда жарайды дедім. Екеуінің ішінде Құснадин дұрыс болар дедім. Көшербаев екеуінің қай қатаңдауын, табандылауын кейінге қалдырайық, ол бізге керек болар деді. Сөйтіп, сол жерде директорлыққа Рүстемге тоқтадық. Ал Құснадин келесі 1981 жылы көктемде Қуаңдария совхозына директор болды. Көшербаев кейін байқасам, осы жағдайды ойлаған екен. Шынында да Қуаңдарияға Құснадин дұрыс болды деп ойлаймын» &nbsp;деп жазады Қаратай ағамыз өз естелігінде.&nbsp;Қаратай Қуаңбаев қызметтің қай саласында болмасын білгір де іскерлігімен көзге түсті. Сөзін сыйлата білетін ұйымдастырушылық қабілеті, талапшылдығы, жұмыстың көзін таба білетін ерекше қасиеті оны биік белестерге көтерді. Жаңақала кеңшары құрылған алғашқы жылдардан-ақ қиындықтарға қарамастан еңбеккерлерді біркісідей жұмылдыра отырып, үнемі еңбек өнімділігін арттырып аудан, облыс көлемінде алдыңғы қатардан көріне білді. Шалғайда орналасқан жаңа шаруашылықты ұйымдастыруда, оның өркендеп кең қанат жоюына зор үлесін қосқан беделді басшыға айналды. Оның еңбегі бағаланып, үш рет облыстың партия комитетінің пленум мүшелігіне сайланды. «Еңбек Қызыл Ту», «Құрмет белгісі» орденімен және ондаған медальмен марапатталды. Ұлы Отан соғысында көрсеткен ерлігі үшін «Қызыл Жұлдыз» орденінің иегері атанды. Ол 1980-1984 жылдары, яғни құрметті зейнеткерлік демалысқа шыққанға дейін халық депутаттары Ленин ауылдық кеңесі атқару комитетінің төрағасы болды.1984 жылғы қазан айында республикалық дәрежедегі зейнеткерлікке шықты. Еліне қадірлі тұлға, ауылының ардақты азаматы Қаратай Қуаңбаев өзі іргесін қалап, шаңырағын көтерген ауылында 1988 жылы дүниеден өтті.&nbsp;Міне, туған топырағының өркендеуі үшін аянбай тер төккен, өзі басқарған жылдар ішінде ауылдың дамуына, алдыңғы қатардан көрінуіне бар күш-жігерін салған тарлан тұлғаның игі жолы келер ұрпаққа үлгі боларлықтай.&nbsp;

Қаратай Қуаңбаевтың майдандағы ерлік ісі ұмытылмайды

<a href="https://kyzylorda-news.kz/">Kyzylorda-news.kz</a>&nbsp; Қарулы күштер отанымыздың тірегі. Елдің дамуына, тыныштығына тек әскерилер ғана емес, ата заңда атап көрсетілгендей, тәуелсіз елдің әрбір азаматы да жауапты. Кеудесінде ар-намысы, бойында жігері, жүрегінде оты бар кез келген азамат үшін ең басты парыз – Отан алдындағы борышын өтеу. «Ерлік – табиғат сыйы емес, саналы әскери тәрбиенің жемісі. Отан алдындағы қасиетті парызыңды орындау үшін адамзаттың ең асыл сезімімен жігерленіп, өзіңді саналы түрде қауіп-қатерге бас тігуге мәжбүр етудің нәтижесі», – деп қазақтың біртуар батыр ұлы Бауыржан Момышұлы айтқан екен.&nbsp;Отанды қорғау, ең алдымен, ер азаматтардың міндеті. «Қазақстан Республикасын қорғау – оның әрбір азаматының қасиетті парызы мен міндеті» – деп еліміздің Констиутциясында да көрсетілген. Патриотизм – өз еңбегін, күш жігерін туған жерін көркейтуге, Отанын қорғауға жұмсау деген ұғымды білдіреді. Осы ретте, Жосалы кентінің әкімшілігі Қармақшы ауданның қорғаныс істері жөніндегі бөлім қызметкерлерімен бірлесе отырып, әскерге шақырылушылар арасында Отанды қорғау, патриоттық сезімді нығайту жолында бірқатар шараларды атқаруда.&nbsp;Нәтижесінде көктемгі әскерге шақыру басталғалы Жосалы кенті бойынша 10 азамат әскерге жіберілсе, бүгін тағы 6 азамат Отан алдындағы әскери борышын өтеуге аттанды.&nbsp;

Қазақстан және Қызылорда облысының жаңалықтары