Фото: қала әкімдігінің баспасөз қызметі<a href="https://kyzylorda-news.kz/">Kyzylorda-news.kz.</a>&nbsp; Ұлы Отан соғысының ардагері, шаһар тұрғыны Төлеген Жүнісов 100 жасқа толды. Сұрапыл соғыста жан аямаған майдангер қартты мерейтойымен құттықтау үшін қала әкімі Асылбек Шаменов, қалалық мәслихат төрағасы Ибадулла Құттықожаев, облыстық ардагерлер кеңесінің төрағасы Серік Дүйсенбаев және қалалық ардагерлер кеңесінің төрағасы Сұлтанбек Тәуіпбаев шаңырағына барды.Шаһар басшысы қазыналы қарияның Тәуелсіздік жолындағы қажырлы күресі мен өңірді дамытудағы елеулі еңбектеріне тоқталып, бүгінгі жас ұрпаққа өмір жолы өнеге екенін айтты.<blockquote>«Көпті көрген ардақты ардагерлердің, қазыналы қариялардың ерен еңбектері ел жадында. Бүгінгі жарқын жетістіктерімізде Өзіңіздің тыным таппай, жан аямай атқарған жұмыстарыңыздың үлесі зор. Осы ретте, Сіздің ел болашағы үшін тер төккен игі істеріңізге алғыс айтып, басымызды иеміз» - деген қала әкімі Асылбек Шаменов мерейтойы иесінің деніне саулық, әулетіне амандық тілеп, аймақ басшысының құттықтауын жеткізіп, сый-құрмет көрсетті.</blockquote>100 жастың биігіне шыққан Төлеген Жүнісов өз кезегінде аймақ, қала басшыларының сый-құрметіне ризашылығын жеткізіп, ел іргесінің бүтіндігін, болашақтың жарқын болуын ақ батасына қосты.&nbsp;<figure class="image"><img src="https://knadmin.beoblood.kz/uploads/412272436_3502741136659286_6944278174583818659_n_47b17baaba.jpg" alt="412272436_3502741136659286_6944278174583818659_n.jpg"></figure>Фото: қала әкімдігінің баспасөз қызметі

Ұлы Отан соғысының ардагері Төлеген Жүнісов 100 жасқа толды

Фото: Zakon.kz<a href="https://kyzylorda-news.kz/">Kyzylorda-news.kz.</a>&nbsp; 2023 жыл да аяқталуға жақын. МӘМС жүйесінде сақтандырылып үлгермеген азаматтар бұл мүмкіндікті қалт жіберіп алмау керек. Олар желтоқсан айының соңына дейін жарна төлесе, жаңа жылмен салыстырғанда 9 000 теңге кем төлейді. Бұл туралы Әлеуметтік медициналық сақтандыру қорының Қызылорда облысы бойынша филиалының директоры Бақыт Исмаханбетов мәлімдеді.2023 жылы ең төменгі жалақы мөлшері 70 000 теңгені құрайды, яғни дербес төлеушілер ай сайын 3 500 теңге жарна төлейді (1 ЕТЖ-ның 5%) - немесе жылына 42 000 теңге. Банктер осы соманы ағымдағы жылдың соңына дейін алдағы 12 айға жарналар ретінде қабылдайды. 1 қаңтардан бастап ең төменгі жалақы 85 000 теңгеге дейін өсетіндіктен, бұл төлем 51 000 теңгеге дейін ұлғаяды.<blockquote>«Сақтандыру мәртебесін алу үшін өткен немесе алдағы 12 айларға төлем болу керек. Екінші жағдайда төлеушілер алдағы жылға мәртебе алады. Яғни, қазір алдағы бір жылға сақтандырылу үшін 2024 жылдың қаңтарынан желтоқсанға дейінгі аралыққа жарналар төлеп шығу керек», - деді Бақыт Исмаханбетов.&nbsp;</blockquote>Осылайша, 2023 жылдың желтоқсан айында сақтандырылған мәртебесін алған дербес төлеушілер 9 000 теңге үнемдей алады. Қазақстандықтар үшін МӘМС жарналары мен аударымдарының мөлшері туралы толығырақ мына жерден біле аласыз.Сақтандыру мәртебесін келесі жолдармен тексеруге болады:• &nbsp; &nbsp; &nbsp; &nbsp; Qoldau 24/7 мобильді қосымшасы • &nbsp; &nbsp; &nbsp; &nbsp; fms.kz ресми сайты • &nbsp; &nbsp; &nbsp; &nbsp; Telegram-дағы @SaqtandyrýBot • &nbsp; &nbsp; &nbsp; &nbsp; 1414 байланыс орталығы • &nbsp; &nbsp; &nbsp; &nbsp; Damumed мобильді қосымшасы • &nbsp; &nbsp; &nbsp; &nbsp; Halyk мобильді қосымшасы • &nbsp; &nbsp; &nbsp; &nbsp; BCC.KZ мобильді қосымшасы • &nbsp; &nbsp; &nbsp; &nbsp; Kaspi.kz мобильді қосымшасы • &nbsp; &nbsp; &nbsp; &nbsp; egov.kz электрондық үкімет сайты – «Медициналық қызметтерді тұтынушы ретінде қатысу туралы және міндетті әлеуметтік медициналық сақтандыру жүйесінде аударымдардың және (немесе) жарналардың аударылған сомалары туралы ақпарат беру» мемлекеттік қызметі арқылы.&nbsp;

Ақша үнемдей отырып 2024 жылға қалай сақтандырылуға болады?

Фото: Мәдениет және ақпарат министрлігі<a href="https://kyzylorda-news.kz/">Kyzylorda-news.kz.</a> &nbsp;Астанада бизнес, ғылым, мәдениет, медиа және ақпараттық технологиялар саласындағы үздік 30 жобаның авторына "Тәуелсіздік ұрпақтары" гранты табысталды.Салтанатты шараға ҚР Мәдениет және ақпарат министрі Аида Балаева, Парламент Мәжілісінің депутаттары, ҚР Президенті жанындағы жастар саясаты кеңесінің өкілдері, көрнекті қайраткерлер қатысты.&nbsp;&nbsp;&nbsp;&nbsp;&nbsp;Айта кетейік, Мемлекет басшысы 2021 жылы "Тәуелсіздік ұрпақтары" грантын жас қазақстандықтардың жаңа және қолданыстағы бастамаларын қолдау мақсатында тағайындаған болатын. Грант аясында 63 адам өз жобасын Қазақстанда ғана емес шетелде де түрлі салаларда табысты жүзеге асыруда.Аида Балаева салтанатты рәсімге қатысушыларды құттықтады.<blockquote>"Президент оқып, жаңа білімді игеруге, Отанымыздың игілігі үшін қажырлы еңбек етуге бел буған жастарды қуана қолдай отырып оларға ерекше құрмет көрсетеді. Елдің болашағы біртұтас халқымыздың дәстүрлі менталитеті мен өмір салтын бұзатын кез келген нәрсеге бой алдырмайтын парасатты жастардың қолында екенін ұдайы атап өтеді.Заманауи өмірдің ағынына емін-еркін бойұсына кететін жастар туралы сөз қозғайтын болсақ, олар кез келген ортаға тез бейімделеді. Құр ашу мен діни фанатизмге бой алдырып, ұшып-қонған әртістердің алдында саналы тәрбие жетегіне еретін прогрессивті деп сипаттауға болады.Біздің үмітіміз - еңбекқор, білімді, тәртіпті, сыпайылық жолымен жүретін жастарда, адамның қадір-қасиетінің мағынасын және ата-баба дәстүрлерін құрметтеуді терең түсінетін жандарда", - деп атап өтті министр.</blockquote>Үздік жобалардың 30 авторына әрқайсысы 3 миллион теңгеге гранттар табысталды.Биыл конкурсқа қатысу үшін 5 бағыт бойынша 3000-нан астам өтінім түсті. Олардың қатарында Қазақстанның мәдени мұрасын насихаттауға, халықтық мәдени дәстүрлер мен өнерді ілгерілетуге, IT саласындағы ғылыми зерттеулерді, стартаптар мен жобаларды, экономиканың негізгі секторларындағы креативті бизнес идеяларды іске асыруға бағытталған жобалар бар.Елімізде 1992 жылдан бастап дәстүрлі түрде ғылыми, шығармашылық, креативті қызметпен айналысатын, сондай-ақ спорт саласында жетістіктері бар жастарға "Дарын" мемлекеттік жастар сыйлығы беріледі. Сонымен қатар қазақстандық жас жазушылар мен ақындар Президенттік арнаулы әдеби сыйлықтың иегері атанса, дарынды ғалымдар Д.А. Қонаев атындағы сыйлықтар мен ғылыми стипендиялар алады.

Астанада "Тәуелсіздік ұрпақтары" гранты табысталды

<a href="https://kyzylorda-news.kz/">Kyzylorda-news.kz.</a> &nbsp;М.Мәметова атындағы педогогикалық жоғары колледжінде әкелер кеңесінің қатысуымен әсерлі кездесу өтті.Студенттермен кездесуге партияның облыстық филиалының Атқарушы хатшысының орынбасары А.Жарылқасынов, облыстық мәслихаттағы "AMANAT" партиясы фракциясының мүшесі, әкелер кеңесінің төрағасы Е.Искендер қатысып, жас ұрпақ тәрбиесіндегі бетбұрыс,, отбасындағы әкенің рөлі, жастар арасында құқық бұзушылықтың алдын алу шараларын ұйымдастырудағы қоғамның белсенділігі жайында әңгімелер айтылды.<blockquote>"Жалғыз сүйеніш, жалғыз үміт – оқуда. Теңдікке жетсек те, жұрттығымызды сақтасақ та, дүниеден сыбағалы орын алсақ та, бір оқудың арқасында аламыз. Жақсылыққа бастайтын жарқын жұлдыз – оқу. Надан жұрттың күні – қараң, келешегі – тұман» деп Міржақып Дулатұлы айтқандай, заманауи, қарқынды дамып келе жатқан әлемде бәсекеге қабілетті ұрпақ тәрбиелесек, үлкен жетістіктерге жетеріміз хақ! Ең басты міндет – егемендік жылдары қол жеткізгеннің барлығын сақтай отырып, қазақ елінің болашағына адал қызмет ететін, ар-намысы биік, парасатты ұрпақ тәрбиелесек, елдің дамуына қосқан нақты үлесіміз болмақ." -деді Атқарушы хатшының орынбасары Алтынбек Жарылқасынов.</blockquote>Сондай-ақ жиын барысында облыстық әкелер кеңесінің төрағасы Ержан Искендер студенттерге тәлім-тәрбиесі мол, рухани байлыққа толы бірнеше кітаптар мен қажетті құрал-жабдықтар алу үшін арнайы сертификаттар сыйға тартты.<img src="https://knadmin.beoblood.kz/uploads/411699101_760838992748406_4526765517749593665_n_5753d22f2e.jpg" alt="411699101_760838992748406_4526765517749593665_n.jpg"><img src="https://knadmin.beoblood.kz/uploads/410279868_760838799415092_8305481399768637582_n_d2b4165c5d.jpg" alt="410279868_760838799415092_8305481399768637582_n.jpg">

Әкелер кеңесі студент жастармен кездесті

Фото: Өңірлік коммуникациялар қызметі<a href="https://kyzylorda-news.kz/">Kyzylorda-news.kz.</a> Мемлекет басшысының кәсіпкерлерге арналған арнайы «Іскер» жүлдесін қызылордалық «Alexey Sultan Akhmet» ЖШС иеленді. Медицина саласында өңірдің дамуына үлес қосып келе жатқан кәсіпкерлік үшін үлкен қуаныш екені сөзсіз. 2017 жылы бері іске қосылып, пандемия жылдарында да үздіксіз қызмет етіп келе жатқан медициналық емхананың атқарушы директоры Жайна Карлиханова Өңірлік коммуникациялар қызметінің баспасөз алаңында жетістігімен бөлісті.<blockquote>Біз республикада мемлекеттік-жекеменшік серіктестік аясындағы денсаулық сақтау саласындағы алғашқы жобалардың бірі. Жоба 2017 жылдан бүгінгі күнге дейін жүзеге асырылып жатыр және осы жоба аясында бұрынғы №2 қалалық емхана заманауи медициналық құрал-жабдықтармен жабдықталған жаңа ғимаратқа көшті. Біздің емхана 40 мыңға жуық қала тұрғынына қызмет көрсетеді. Медициналық және әкімшілік персоналды қосқанда 300-ден астам адамнан тұрады. Біз тегін медициналық көмектің кепілдік берілген көлемі және консультативтік-диагностикалық көмектің көптеген түрлері бойынша міндетті медициналық сақтандыру шеңберінде міндетті қызметтерді көрсетеміз. Біздің емхана соңғы үлгідегі МРТ, рентген, маммография және ультрадыбыстық құрылғылармен жабдықталған. 2024 жылдың 1 тоқсанында күндізгі стационары бар оңалту орталығы ашуды жоспарлап отырмыз, - деді Жайна Төреханқызы.</blockquote>Биыл «Асыл дән» LTD ЖШС-іне мерейлі 10 жыл толып отыр. Күріш саласында елге қызмет ететін кәсіпкерлік нысан жыл соңында Мемлекет басшысының «Іскер» атты арнайы жүлдесін алды.&nbsp;<blockquote>Қанша жыл бойы өндіріс саласында жұмыс істеп келе жатқан кәсіпкерлік нысан үшін бұл жоғары жүлде. Оның үстіне бұл менің ғана емес, барлық ұжымдағы қызметкерлердің еңбегі. Оны елеп ескерген Президентімізге алғысымызды білдіреміз. Ал, біздің кәсіптегі жаңалықтармен бөліссем. Осы жылы заманауи технологиялармен жаңа зауытты іске қостық. Бұл зауыт бүкіл Еуропа құрлығындағы сертификаттарға сәйкес жұмыс істейді. Біздің мақсатымызда әу бастан осылай болған. Барынша инновациялық бетбұрыс жасап, Сыр бойының күрішін жоғары деңгейге жеткізуді жоспарлап отырмыз. Ішкі өнімді толықтай қамтамасыз етіп, экспортқа шығаруды көздеудеміз, - деді «Асыл дән» LTD ЖШС директорының орынбасары Нұрлан Жомартов.</blockquote>Мемлекет басшысының арнайы жүлдесіне ие болған қызылордалық кәсіпкерлердің қатарында «Ассоль» йодталған ас тұзын өндіретін &nbsp;«Алтын Орда» ЖШС «Ұлы дала елі» конкурсының жеңімпазы атанды.&nbsp;<blockquote>Біз 2016 жылдан бастап йодталған ас тұзын өндіреміз. Бүгінгі күні компанияда 150-ге жуық адамды жұмыспен қамтып отырмыз. Жақында Елордаға барып, жеңімпаз атанып, компаниямыздың мерейі өсті. Сайыстың мақсаты – кәсіпкерлерді шыңдау, олардың жетістіктеріне қолдау көрсету. Қазіргі таңда, өнімнің 70 пайызын экспортқа жіберудеміз. Мәселен, Ресей, Беларусь, Латвия, Литва, Грузия, Моңғолстан және Қырғызстан елінде өніміміз танымалдылыққа ие болуда. Жоспарымыз – өнімнің көлемін көбейту, - деді компания директоры Нариман Абжанов айтты..</blockquote>

Қызылордалық бірқатар кәсіпкер Мемлекет басшысының арнайы жүлдесін алды

Фото: egemen.kz<a href="https://kyzylorda-news.kz/">Kyzylorda-news.kz.</a> Қазгидромет ел аумағында 21 желтоқсанда болатын қауіпті метеорологиялық құбылыстарға болжам жасады.Атмосфералық фронталды бөліктердің өтуіне байланысты, еліміздің басым бөлігінде тұрақсыз ауа райы сақталады.<blockquote>«Қар жауады, күндіз жауын-шашын (жаңбыр, қар) түседі, түнде солтүстікте және шығыста қатты қар жауады. Тек еліміздің батысы мен оңтүстігінде жауын-шашынсыз ауа райы болады. ҚР бойынша көктайғақ, екпінді жел, солтүстікте, шығыста — бұрқасын, батыста, оңтүстікте, оңтүстік-шығыста тұман күтіледі», - деп жазды синоптиктер.</blockquote>

21 желтоқсанға арналған ауа райы болжамы 

Фото: pixabay.com<a href="https://kyzylorda-news.kz/">Kyzylorda-news.kz.</a> Шырша - жаңа жылдың басты символы. Әдетте жыл сайын тұрғындар бас шыршаның шамын жағу рәсімін асыға күтеді. Көптің көкейіндегі сауалға Қызылорда қаласы әкімдігінен жауап алдық.&nbsp;Осыған дейін алып шырша орталық алаңда жарқыраса, биыл Қызылорда қаласы әкімдігі ғимаратының алдына орналастырылады. Шыршаны жағу рәсімі 26 желтоқсанға жоспарланған. Сондай-ақ, шырша жағылған кейін қала тұрғындары мен қонақтарына арналған концерттік бағдарлама қойылады. &nbsp;Айта кету керек, шыршаның биіктігі 22 метрді құрайды және жеңіл сәндік ойыншықтармен, өрнектермен, строб шамдарымен, түрлі-түсті гирляндаларымен және т.б. безендірілмек.

Шаһардың бас шыршасы қашан жағылады?

Фото: qazaqstan.tv<a href="https://kyzylorda-news.kz/">Kyzylorda-news.kz.</a>&nbsp; 21-23 желтоқсан аралығында ауа температурасында күрт өзгеріс болмайды, деп хабарлайды Қазгидромет.Республиканың солтүстік және шығыс бөлігінде, сондай-ақ орталығында түнде қар, күндіз жауын-шашын (қар, жаңбыр), түнде солтүстік пен шығыста қатты қар жауады деп болжанып отыр.23 желтоқсанда атлантикалық циклонның әсерінен Қазақстанның батысы мен оңтүстік-батысында жауын-шашын (жаңбыр, қар) болады деп күтілуде.Республика бойынша көктайғақ, бұрқасын, екпіні 25 м/с-қа дейін жететін жел соғып, тұман түсуі ықтимал.Дегенмен, ауа температурасында күрт өзгеріс күтілмейді.

Алдағы күндері ауа райы қандай болады?

<a href="https://kyzylorda-news.kz/">Kyzylorda-news.kz.</a>&nbsp; Қызылорда облыстық білім басқармасы және Қорқыт ата атындағы Қызылорда университеті, облыстық «Qyzylorda» телеарнасы бірлесіп ұйымдастырған «Зияткер» телевизиялық білім бәйгесінің финалдық кезеңі өтті.Білім сайысының қорытынды кезеңіне Қызылорда облысының аудандары мен қаласындағы мектеп оқушылары қатысып, бақ сынады. Қатысушыларға еліміздің және шет елдердің тарихы, мәдениеті, экономикалық жағдайына қатысты түрлі сұрақтар қойылып, логикалық тапсырмалар берілді.Сайыстың нәтижесі бойынша І орынды Қазалы ауданы, Е.Бозғұлов атындағы №249 мектеп-лицейінің оқушысы Батырхан Мадияр жеңіп алса, ІІ орын Қызылорда қаласы, С.Лапина атындағы №261 орта мектебінің оқушысы Әмір Ізбасарға бұйырды. Ал ІІІ орынды Қазалы ауданы, Е.Бозғұлов атындағы №249 мектеп-лицейінің оқушысы Олжабай Мадияр иеленді.Байқаудың финалдық бәсекесіне облыстық «Дарын» оқу орталығының директоры Баян Бақытжанқызы, Қорқыт ата атындағы Қызылорда университетінің ректоры Бейбіткүл Кәрімова мен облыстық «Qyzylorda» телернасының телеарнасы бас редакторының орынбасары Бекзат Есқали қатысып, жеңімпаздарды марапаттады.&nbsp;Сондай-ақ, жеңімпаз болып танылған үш үздік қатысушыға Қорқыт ата атындағы Қызылорда университетінің білім гранты табысталады.

Қызылордада білім сайысының жеңімпаздарына университет гранты табысталды

Фото pixabay.com<a href="https://kyzylorda-news.kz/">Kyzylorda-news.kz.</a>&nbsp; 2024 жылдың 1 қаңтарынан бастап Қазақстанда жалпыға бірдей декларациялаудың үшінші кезеңі басталады, ол бизнесмендерді, олардың жұбайларын, заңды тұлғалардың басшылары мен құрылтайшыларын және жеке кәсіпкерлерді қамтиды. Декларацияда қандай мүлік көрсетілуі керек және талаптарды бұзғандарға қандай шара қолданылатыны туралы <a href="https://sputnik.kz/">Sputnik Қазақстан</a> анықтамасынан біліңіз.<h3 style="margin-left:0px;">Келесі жылы 250 және 270 салық декларациясын қалай тапсырады?</h3>Алдағы жылдың 15 қыркүйегіне дейін барлық кәсіпкер: бизнесмендер мен олардың жұбайлары, заңды тұлғалардың басшылары мен құрылтайшылары, жеке кәсіпкерлер және олардың жұбайлары декларация тапсыруға тиіс. Бұл талап жеке кәсіпкерлігі мен заңды тұлғасы өз қызметін тоқтатқан немесе мүлдем жұмыс істемеген жеке кәсіпкерлер мен бизнесмендерге де қатысты.&nbsp;<blockquote>"Жеке тұлғаның активтері мен міндеттемелері туралы декларация" (250-ші үлгі) кіріс пен пайданы көрсету қажеттілігі туралы емес. 250-нысан жеке тұлғаның иелігіндегі мүліктерді ғана ескереді. Кірістерді есепке алу 2024 жылы қолданысқа енгізілетін 270-ші үлгі бойынша жүргізіледі", - деп түсіндірді Мемлекеттік кірістер комитетіндегілер.</blockquote>&nbsp;Бұл ретте бұрын Қазақстанда мүлік ретінде тіркелген пәтерлерді, қала сыртындағы үйлерді немесе автокөліктерді декларацияға енгізудің қажеті жоқ. Барлық мемлекеттік органмен интеграцияның арқасында Мемлекеттік кірістер комитетінде олар туралы ақпарат бар. Сондықтан қажет болған жағдайда бұл мәліметті алу қиын емес.<h3 style="margin-left:0px;">Қазақстандықтар декларациясында шетелдік активтерді көрсету керек пе?</h3>Егер активтер шетелде болса, декларацияда көрсетілуі қажет активтердің бірнеше түрі бар:жылжымайтын мүлік, оның ішінде жер учаскелері және үлестік құрылысқа қатысу;көлік (ұшақтар, яхталар және тағы басқа, егер олар шетелде тіркелген болса);банктік салымдар, егер олардың жалпы сомасы айлық есептік көрсеткіштен мың есе асатын болса;Қазақстаннан тыс жерде құрылған заңды тұлғаның жарғылық капиталына қатысу үлесі.<h3 style="margin-left:0px;">Декларацияда қандай активтер қай елде тіркелгеніне қарамастан міндетті түрде көрсетілуі керек?</h3>Мемлекеттік кірістер комитеті сондай-ақ бірқатар актив (мүлік) қай елдің аумағында орналасқанына қарамастан декларацияға міндетті түрде енгізілуге тиіс екенін хабарлады.Оларға мыналар жатады:тұрғын үй құрылысына үлестік қатысу туралы шарт;инвестициялық алтын және бағалы қағаздар;зияткерлік меншік және авторлық құқық нысандары (кітаптар, әндер, картиналар, патенттелген өнертабыстар және т.б.);берешекке қатысты нотариуспен куәландырылған құжаттар (келісім, қолхат);қолма-қол ақша, бұл ретте декларациядағы сома 10 000 еселенген айлық есептік көрсеткіштен (АЕК) аспауға тиіс, 2023 жылы шамамен 34 млн 500 мың теңге (қалғанын банк шоттарында сақтау керек);басқа мүлік.Мемлекеттік кірістер комитеті "басқа мүлік" ұғымына кез келген нәрсе кіруі мүмкін екенін түсіндірді: қымбат зергерлік бұйымдар, антиквариат жиһаздар, бағасы қымбат заттардың коллекциясы және т.б.Салық қызметкерлерінің айтуынша, бұл кейіннен құны ресми кірістен асатын қымбат дүние сатып алған жағдайда өмірді айтарлықтай жеңілдетеді: мысалы, азамат құны өз табысынан жоғары мүлікті, мысалы, пәтерді сатып алу үшін бұрын 250-ші үлгіде көрсетілген қандай да бір мүлікті сатқанын құжат түрінде растай алады. Сонда салық қызметкерлері қажетсіз сұрақтар қоймайды.Мұндай активтерді декларациялаудан бұрын оларды 2023 жылғы 31 желтоқсандағы жағдай бойынша бағалау маңызды. Бағалау нәтижесі бойынша мәліметтер салық органдарына 2024 жылдың 15 қыркүйегіне дейін ұсынылуға тиіс декларацияға енгізіледі.<h3 style="margin-left:0px;">250 және 270-ші декларацияларды онлайн және қағаз түрінде тапсыруға болады</h3>Мемлекеттік кірістер комитеті қызметкерлері декларацияны екі жолмен, яғни электронды және қағаз түрінде тапсыруға болатынын айтты. Қағаз нұсқадағы декларация тіркелген жері бойынша салық органында тікелей тапсырылады.Міндетті декларациялау Қазақстанда тұрақты негізде болатын, тұруға ықтиярхаты бар және жеке кәсіпкер ретінде тіркелген шетелдік азаматтарға және олардың жұбайларына да қатысты. Бұл талап Қазақстанға жай жұмыс визасымен келген шетелдіктерге қолданылмайды.250-ші үлгі декларацияның өзін және әрқайсысы активті белгілейтін алты қосымшаны қамтиды. Егер мұндай актив бар болса, оларды толтыру керек. Егер ол жоқ болса, бланк бос тапсырылады.<h3 style="margin-left:0px;">2024 жылы декларация тапсырмағандарға қандай айыппұл салынады?</h3>Мемлекеттік кірістер комитеті салық қызметкерлері 250-ші үлгіде азаматтар көрсеткен деректерге ешқандай тексеру жүргізбейтініне де назар аударды. Бірақ декларация мүлдем тапсырылмаса, әкімшілік жауапкершілік туындайды: бастапқыда ескерту жасалады, ал егер ол бір жыл ішінде ұсынылмаса, 15 АЕК көлемінде айыппұл салынады.

2024 жылы декларация тапсырмағандарға қандай айыппұл салынады?

Фото: egemen.kz.<a href="https://kyzylorda-news.kz/">Kyzylorda-news.kz.</a>&nbsp;Мемлекет басшысының тапсырмасы бойынша Ішкі істер министрлігі ағымдағы жылдың ​ 23-қаңтарынан бастап 30-маусымына дейін, елімізге 2022 жылдың 1-қыркүйегіне дейін әкелінген шетелдік автокөліктерді заңдастыруға өтінімдер қабылдады.Қазіргі таңда Республика бойынша 239 мыңнан астам ал, облыста 18 мыңнан астам шетелдік автокөлік заңдастырылды.Бір реттік заңдастыруды ескере отырып, автокөлік иелеріне 2023 жылдың 1-шілдесіне дейін заңдастыруға берілген өтінімдер ағымдағы жылдың 30-желтоқсанына дейін ғана қаралады. ​<blockquote>“Уақыттың шектеулі екенін яғни, 10 күнен аз уақыт қалғанын ескере отырып, біз автокөлік иелерін заңдастыру процесін аяқтауға және көлік құралдарын тіркеуге шақырамыз”, - делінген полиция департаментінің хабарламасында.</blockquote>

Шетелдік автокөліктерді заңдастыру науқанының аяқталуына 10 күн қалды

<a href="https://kyzylorda-news.kz/">Kyzylorda-news.kz.</a>&nbsp; Бүгін облыс әкімі Нұрлыбек Нәлібаев Қызылорда қаласына қарасты Тасбөгет кентіндегі дене шынықтыру-сауықтыру кешенінің салтанатты ашылу рәсіміне қатысты.Аймақ басшысы тұрғындарды жаңа нысанының ашылуымен құттықтады.<blockquote>«Мемлекет басшысы «Ұлт денсаулығын бекемдеу мәселесі өте өзекті. Барлық жас санаты арасында бұқаралық спорт түрлерін насихаттай беру керек. Балалар үшін спорттық инфрақұрылымның барынша қолжетімді болуын қамтамасыз ету керек» деген еді.&nbsp; Бүгінде елімізде салауатты өмір салтын қалыптастыруға айрықша назар аударылып, бұқаралық спортты дамыту стратегиялық басым бағыттың біріне айналды. Облыста бұқаралық спортпен шұғылданатын тұрғындар үлесі 38 пайызға, яғни, 328 597 адамға жетті. Халықты бұқаралық спортпен шұғылдануға ынталандыру үшін талапқа сай келетін спорт нысандарының қолжетімді болуы маңызды. Облыс орталығында 7 мың орынға арналған Орталық стадион және жабық бассейні бар көпсалалы дене шынықтыру-сауықтыру кешені салынады. Үстел теннисі орталығының құрылысын да бастамақпыз. Аудандарда 2,6 млрд. теңгеге 11 дене шынықтыру кешені салынуда, бүгінде 6-уы тапсырылды, қалғаны жақын күндері пайдалануға беріледі. Соның бірі – бүгінгі денешынықтыру-сауықтыру кешені. Осы кешен болашақ чемпиондардың үлкен спортқа жасаған қадамына алғашқы баспалдақ болсын!», – деді Нұрлыбек Машбекұлы.</blockquote>Рәсімде қазақ күресінен Әлем чемпионы, «Сыр барысы» Нұрым Сәлімгереев жерлестерін құттықтап, Тасбөгет кентінің ардақты ақсақалы, Жалағаш ауданының Құрметті азаматы Төлеш Әлиев бата берді. Сондай-ақ, құрылысты &nbsp;салуға атсалысқан мердігер мекеменің қызметкерлері және кенттің дамуына үлес қосқан азаматтар марапатталды. Айта кетейік, жаңа нысан құрылысына облыстық бюджеттен 514,5 млн. теңге бөлінді, 100 орынға лайықталған &nbsp;кешенді «Интегрострой» ЖШС салды.Биыл облыс спортшылары әлемдік ареналарда жоғары табыстарға қол жеткізіп, Тәуелсіз еліміздің мәртебесін асқақтатты. Жыл басынан бері ел чемпионаттары мен кубоктарында мыңнан аса медаль (1158, 376 алтын, 358 күміс, 424 қола), Әлем және Азия чемпионаттарында 245 медаль (94 алтын, 71 күміс, 80 қола) алды. Қытайдың Хуанчжоу қаласында өткен XIX Жазғы Азия ойындарында 6 спортшы, IV Жазғы Пара Азия ойындарында 3 спортшы сәтті өнер көрсетіп, жүлдемен оралды. Будапештте каратэден өткен Әлем чемпионатында Мөлдір Жаңбырбай Әлем чемпионы, самбодан жасөспірімдер арасында Нұржан Тумырзаев жеңімпаз атанды.<img src="https://knadmin.beoblood.kz/uploads/FB_IMG_1703065590232_5506ccc931.jpg" alt="FB_IMG_1703065590232.jpg"><img src="https://knadmin.beoblood.kz/uploads/FB_IMG_1703065577725_b441d396a0.jpg" alt="FB_IMG_1703065577725.jpg"><img src="https://knadmin.beoblood.kz/uploads/FB_IMG_1703065593755_a35a75924d.jpg" alt="FB_IMG_1703065593755.jpg"><img src="https://knadmin.beoblood.kz/uploads/FB_IMG_1703065582353_116db664bc.jpg" alt="FB_IMG_1703065582353.jpg"><img src="https://knadmin.beoblood.kz/uploads/FB_IMG_1703065587149_39b81ea756.jpg" alt="FB_IMG_1703065587149.jpg"><img src="https://knadmin.beoblood.kz/uploads/FB_IMG_1703065596340_6add12eef0.jpg" alt="FB_IMG_1703065596340.jpg">

Қазақстан және Қызылорда облысының жаңалықтары