<a href="https://kyzylorda-news.kz/">Kyzylorda-news.kz</a> Ертісбаев Салтанат Нүкенованың ағасы Айтбек Амангелдінің үстінен қылмыстық іс қозғалғанын мәлімдеді. Ішкі істер министрі Ержан Сәденов жалған ақпарат бойынша қылмыстық істің қозғалғанын растады.&nbsp;Бұл туралы&nbsp;<a href="https://stan.kz/">Stan.kz</a>&nbsp;ақпарат агенттігі хабарлайды.Айтбек Амангелді қылмыстық іс қозғалғанын білмейтінін айтты.&nbsp;Ержан Сәденов қылмыстық іс қозғалғанын мәлімдеді және фигуранттардың ішінде Айтбек Амангелді бар деді.«Іс бар, бірақ нақты бір адамға қарсы қозғалған жоқ. Біз мәлімдемелерді тексереміз”, –&nbsp;деді Сәденов.Фото: <a href="https://stan.kz/">Stan.kz</a>

Салтанат Нүкенованың ағасының үстінен іс қозғалды

Қазақстан Республикасы Президентінің жанындағы Мемлекеттік басқару академиясының Қызылорда облысы бойынша филиалында «Мемлекеттік қызмет – елдің мүддесіне адал еңбек» тақырыбында дөңгелек үстел өтті.&nbsp; Аталған шарада Қазақстан Республикасы Мемлекеттік қызмет істері агенттігінің Қызылорда облысы бойынша департамент басшысы Е.Мендалиев сөз алып, Қазақстан Республикасы Президенті жанындағы басқару академиясының отыз жылдық мерейтойымен құттықтады.&nbsp;Дөңгелек үстел барысында «Мемлекеттік қызметші тұлғасының адамгершілік негізін және оның инновациялық әлеуетінің тарихи және мәдени бастауы туралы» департаменттің басқарма басшысы Ж.Шынтасов баяндама жасаса, «Сыбайлас жемқорлыққа қарсы іс-қимылдың жаңа тетіктері туралы» ҚР Сыбайлас жемқорлыққа қарсы іс-қимыл агенттігінің Қызылорда облысы бойынша департаментінің бас маманы Жанар Қозбағарова өз ақпаратымен бөлісті.&nbsp;Сонымен бірге, «Мемлекеттік қызметшілердің кәсіби құзыреттерін қалыптастыруда жоғары мектептің ролі» тақырыбында Қорқыт ата университетінің профессоры Алмагүл Абдимомынова өз ғылыми зерттеулері және тәжірибесімен бөлісті.&nbsp; Дөңгелек үстел соңы пікір алмасулармен жалғасып, қорытынды ақпаратты жинақтау туралы өзара келісімге тоқталды.

Мемлекеттік қызмет-елдің мүддесіне адал еңбек

<a href="https://kyzylorda-news.kz/">Kyzylorda-news.kz</a> Қызылордадағы аквапарктердің бірінде ағаш пен қоқыс өртенген.&nbsp;&nbsp;Бұл туралы&nbsp;<a href="https://stan.kz/">Stan.kz&nbsp;</a>ақпарат агенттігі хабарлайды.Қызылордадағы аквапаркте ағаш қалдықтары өртенді.“Құтқарушылар 80 шаршы метр аумақтағы өртті 38 минут ішінде сөндірді», –&nbsp;деп хабарлады төтенше жағдайлар министрлігі.Ведомство&nbsp;зардап шеккендер жоқ деп түсіндірді. Өрттің шығу себебі анықталып жатыр.Фото: <a href="https://stan.kz/">Stan.kz</a>

Қызылордадағы аквапаркте өрт шықты

«Жас келіннің алдында бір тиындық қадірім жоқ». <a href="https://www.ernur.kz/oqiga/aielim-zhyndanyp-ketti-kyzylordalyk-azamat-otken-isi-ushin-okinip-otyr?fbclid=IwZXh0bgNhZW0CMTEAAR2dIzHXj5JnNgbK4bndo-ivmS_UdqM0rqff0YDbARplCESsMbZJd9wnQKk_aem_AWgCNna1uwGcCoEq7eJ3nVckE0fLOS-vG3fEubuSHreJtv9avB20aU2vJ_U0e4xbKLNn4J22YA665Nq84Aut3p3j">ERNUR.KZ</a> редакциясына келген бұл хат көп оқырмағна ой салары анық.&nbsp; <a href="https://www.ernur.kz/oqiga/aielim-zhyndanyp-ketti-kyzylordalyk-azamat-otken-isi-ushin-okinip-otyr?fbclid=IwZXh0bgNhZW0CMTEAAR2dIzHXj5JnNgbK4bndo-ivmS_UdqM0rqff0YDbARplCESsMbZJd9wnQKk_aem_AWgCNna1uwGcCoEq7eJ3nVckE0fLOS-vG3fEubuSHreJtv9avB20aU2vJ_U0e4xbKLNn4J22YA665Nq84Aut3p3j">«ERNUR.KZ </a>ұжымы, мен сіздерге өз басымнан өткен оқиғаны айтып бергім келеді. Жас кезімде көп қателік жібердім. Басқалар сияқты «Еркек деген түздің адамы» деп отбасыма, бала-шағама көп көңіл бөлмедім. Әйелім бірдеңе дей қалса, «жөніңді біл» деп аузын жабуға тырыстым. Бірақ соның зардабын тартып отырмын», - деп бастапты әңгімесін редакцияға хат жазған Ербек есімді азамат.&nbsp;Бес баланың әкесі өз өмірінен сыр шерте отырып өзге ер-азаматтарға кеңес беруді жөн көрген екен. Оның жазғандарын қаз-қалпында назарларыңызға ұсынып отырмыз. «Биыл 49-ға толамын. Еркек үшін 50 жас деген нағыз кемеліне келіп, ұл-қыздарын жетілдіріп, енді әйелімен солардың қызығын көретін шақ қой. Бірақ мен олай ете алмай отырмын. Басыма қонған бақты дер кезінде бағалай алмай, енді пұшайман боп отырған жайым бар. Әйеліме сүйіп үйлендім. Өз ауылымның қызы, менен үш жас кішілігі бар. Қарындасымның сыныптас құрбысы боп үйімізге келіп-кетіп жүрген қыз еді. Биязы, мінезі жайлы, түрі де сондай тартымды, бірте-бірте мені өзіне ғашық етті. Сөйтіп бір күні оны алып қашып, үйге әкелдім. Ол еш қарсыласпастан басына орамал салдырды. «Өз еркіммен келдім» деп әке-шешесіне хат жазып берді.&nbsp;Гүлнұрды менің ата-анам да, бауырларым да жақсы қабылдады. Себебі тірлікке тап-тұйнақтай еді, бәрінің көңілінен шығуға тырысатын. Менің мамам да оңай адам емес, анда-санда сөзімен түйреп, жиі ренжітіп қоятын. Ондайда «сенің шешең» деп бетіме қарсы келген емес. Обалы не керек, алтын асықтай үш ұл туып берді. Мектепте мұғалім боп та істеді. Қазір қарап отырсам, әйелімнің қажыр-қайратына таңғалам. Соншама тірлікті қыңқ демей қалай үлгерген десеңізші...&nbsp;Менің жұмысым қалаға ауысты да, күн сайын қатынап істеуге тура келді. Еркек үйден қырық қадам аттаса бойдақ болады дегені рас екен. Шетке шыға бере басқаларға көз сүздік. Үйге ішіп келетін, кештетіп келетін кездер де бастан өтті. «Неге кеш келдің» деп әйелім сөйлей бастаса қол жұмсап, қоқиланғаным да бар. Жасырып қайтем, талай мәрте таяқ жеді.&nbsp;Бір жолы ауылдан қалаға бара жатып, көрші ауылдан бір әйелді көлігіме отырғызып алдым. «Төркініме келіп едім» деп әңгімесін бастап, қалаға жеткенше біраз тақырыптың басын шалдық. «Күйеуім қайтыс болған, екі баламмен жесір қалдым. Жалғыздықтың күні құрысын, еркектің орны бөлек екен» деп көзіне жас алды. Сол әйелмен екі жыл әмпей-жәмпей болдық. Әйелім бәрін сезсе де балалардың берекесін қашырмайын деп ішіне сақтап жүрген екен. Бір күні бомба болып жарылды.&nbsp;«Екі жылдан бері есін жинайтын шығар деп күтіп едім, қояр емессің. Ендігі ақылға келіп, екі жолдың бірін таңда. Бұдан артық шыдай алмаймын. Не мына үш балаңды, мені таңдайсың, болмаса мен бәрін төркініме айтып, мына үйден кетем» деп аузымды аңқитты. Оны білмейді деп сауық құрып жүрген екем, айтарға сөз таппай қалдым. Сөйтіп жолсерік көңілдеспен біржола қоштастым.&nbsp;Отбасымды таңдап, дер кезінде есімді жинап алдым. Айтпақшы, әлгі көрші ауылдың қызы боп танысып, кейін екі жыл кездескен келіншек нағыз алаяқтың өзі боп шықты. Біздің ауылдағы ең бай, мыңғырған малы бар Бейсен деген жігітті қақпанына түсіріп, ақшасын сүлікше сорып, соңында аузын аңқитып кетіпті. Әйелім соны білгендей мені арашалап алған екен. Абырой болғанда аман-есен құтылыппын. Үш жылдан соң әйелім төртіншісін босанды, артынша кенже қызымызды дүниеге әкелді. Бесіншісін босанғалы бері өзінің денсаулығы құри бастады. Миы ашып қалған адамдай, қолындағы затын қайда қойғанын білмей, шарқ ұрып іздейді. Тамақ істесе тұз салуды, май құюды ұмыта бастады. Балаларды шатастырғаны бір бөлек, келе-келе мені танымай қалатын болды. Апармаған дәрігерім жоқ. «Әйеліңіздің миына сарысу жиналған, оны алып тастау өте қауіпті. Отаны көтере алмайды» деп дәрі-дәрмек жазып қайтарды. Емін алғанда әжептеуір жақсарып қалады. Уақыт өте баяғы әдетіне қайта басады. Бір таңғалатыным, шаршау дегенді білмейді, күн ұзаққа тырбаң-тырбаң етіп үйдің тірлігін істеп жүре береді. Құдды бір жас келін сияқты, «нан жабамын» деп шара-шара қамыр илейді, артынша онысын ұмытып кетеді.Жағдайымыз қиындап кетті, әйеліме қараймын да ішім ашып жылап аламын. Әлі елуге толған жоқ, қатарластары секілді мектепте мұғалім боп, бейнетінің зейнетін көретін адам еді, қазір үйде қамап ұстап отырмыз. Былтыр үлкен ұлды үйлендіргенбіз. Жас келін енесіне қарап отыр. Артынан қадағалап жүреді, газды қосып кетпеді ме, суды жапты ма, бәрін тексеріп отырмаса болмай қалған. Жақында ұлым мен келінім бірдеңеге ренжісіп қалды. Бөлмелерінің есігі ашық тұрған екен, екеуінің әңгімесі маған анық естілді. «Неге менің аузымды жаба бересің? Шешең сияқты менің де айтарымды айта алмай, ауру болғанымды қалайсың ба? Сен де әкеңнің сортынан екенсің, мамамыздың ауырғаны соның кесірінен» деді. Жүрегім аузыма тығылып, өзімді әрең ұстадым. Келін де соқыр емес қой, бәрін біліп, сезіп айтып отыр. Оныкі дұрыс. Әйелімнің қадірін білмей, жас өмірін қор еткен өзім ғой. Ол бәрін ішіне сақтап, ақырында осындай жағдайға жетті. «Сауап болған, Ербек, естиін дегенің осы ма еді?» деп іштей өзіме әбден ұрыстым.&nbsp;Менің айтпағым, жас күніңде білінбейді, бірақ қартайғанда әйеліңнен артық жан болмай қалады. Сондықтан жастай қосылған жарыңның қадірін біл, қас-қабағына қара, көңіліне қаяу түсірме! Жастық желік, сауық-сайран, көңілді кездесулерді тоқтату керек, отбасыңның қадіріне қазірден жетпесең, ертең өкініштен бармағыңды шайнап қалма!».Фото: ERNUR.KZ&nbsp;

«Әйелім жынданып кетті»: Қызылордалық азамат өткен ісі үшін өкініп отыр  

<h4 style="margin-left:0px;text-align:justify;"><a href="https://kyzylorda-news.kz/">Kyzylorda-news.kz</a> ҚР Президенті Әкімшілігінің басшысы Айбек Дәдебайдың төрағалығымен өткен мәжілістің күн тәртібінде өртке қауіпті кезеңге дайындық, «Таза Қазақстан» республикалық акциясын және «Жайлы мектеп» ұлттық жобасын іске асыру барысы талқыланды.</h4>Одан кейінгі арнайы мәжілісте облыс әкімі Нұрлыбек Нәлібаев аталған мәселелер бойынша жауапты басшыларға бірқатар тапсырма берді.&nbsp;<blockquote>«Қызылорда облысының мемлекеттік орман қоры жерлерінде өртке қауіпті кезең 20 наурыздан басталды. Қала және аудан әкімдері облыстық төтенше жағдайлар департаментінің аумақтық бөлімдерімен бірлесіп, өрт қауіпсіздігін сақтау туралы түсіндірме жұмыстарын тұрақты жүргізіңіздер. Өрттің алдын алу шараларын қатаң бақылауда ұстаңыздар. Облыстық төтенше жағдайлар департаменті қоғамдық даму басқармасымен бірлесіп, бұқаралық ақпарат құралдарындағы және әлеуметтік желілердегі ақпараттандыру жұмыстарына жете мән беріңіздер», – деп тапсырды аймақ басшысы.</blockquote>Айта кетейік, облыс аумағында өрт оқиғаларының алдын алу бағытында кешенді профилактикалық жұмыс жүргізілуде. Осы жылдың 29 ақпанында «Қызылорда облысы аумағында орман және дала өрттерінің алдын алу, жою жөніндегі іс-шаралар жоспары» бекітілді. Орман шаруашылығы мекемелерінде 13 өрт сөндіру автокөлігі мен 65 өрт сөндіруші тұрақты қызмет атқарады.Материалдық-техникалық базаны нығайтуға 2022 жылдан бері 1 млрд. 544 млн теңге бөлінді. Өртке қауіпті маусымға 18,2 тонна жанар-жағармай қоры дайындалып, 15 қадағалау мұнарасында тұрақты кезекшілік ұйымдастырылған. Орман қоры жерлерінде 527 шақырым өрт жолақтары жаңартылып, 5 918 шақырым ескі жолақтар қалпына келтірілуде. Сонымен қатар, 61 аншлаг пен панно орналастырылды.Облыста мемлекеттік орман қоры жерінің жалпы көлемі 7 млн. гектар, оның 3,8 млн. гектары – орманды алқаптар.Облыс әкімі күн тәртібіндегі екінші мәселеге тоқталып, «Таза Қазақстан» республикалық экологиялық акциясы жыл соңына дейін жалғасатынын айтты.&nbsp;<blockquote>«Мемлекет басшысының тапсырмасына сәйкес елімізде сәуір айынан «Таза Қазақстан» республикалық экологиялық акциясы бастау алды. Бұл іс-шараның негізгі мақсаты – жай ғана маусымдық акция өткізу емес, халық санасында экологиялық мәдениетті, тазалыққа, ең бастысы, тәртіпке деген жауапкершілікті арттыру.&nbsp;</blockquote>Экологиялық акция жыл соңына дейін жалғасады. Облыстық іс-шаралар жоспары бекітілуде. Ел Президенті айтқандай «Таза Қазақстан» «бүгін шығып, ертең ұмытып кететін бірреттік науқан емес, туған жерімізді үнемі таза ұстауымыз керек». Қызылорда қаласы және аудан әкімдері, өз аумақтарыңыздағы көше-жол желісінде, аулаларда, жасыл желек аймақтарында, ғимараттар қасбетінде тазалық шараларының сапалы жүргізілуін қадағалаңыздар. Облыстық басқарма басшылары, салаларыңызға қатысты нысандарда тазалық, абаттандыру, көркейту жұмыстарының тұрақты жүргізілуіне жеке жауаптысыздар», – деді аймақ басшысы.Облыстық кәсіпкерлік және өнеркәсіп басқармасына Қызылорда қаласы, аудан әкімдерімен бірлесіп, шағын және орта бизнес субъектілерінің, халық көп шоғырланатын сауда базарларының тазалығын тұрақты бақылау тапсырылды.Нұрлыбек Машбекұлы барлық жұмыс бекітілген іс-шараға сәйкес, дер кезінде, сапалы жүргізілуі керектігін атап өтіп, экологиялық акцияны жергілікті және республикалық бұқаралық ақпарат құралдарында, әлеуметтік желілерде кеңінен ақпараттандыруды міндеттеді.Мұнан бөлек, жиында «Жайлы мектеп» ұлттық жобасын іске асыру барысы талқыланды. Аймақ басшысы қала, аудан әкімдеріне жоспарланған жұмыстың мерзімінде, сапалы орындалуын қадағалауды тапсырды. Айта кетейік, ұлттық жоба аясында облыста 12 300 орынға арналған 21 мектеп салынады. Өткен жылы 6900 орындық 10 мектептің құрылысы басталса, биыл 5400 орындық 11 мектеп құрылысы жүргізілмек.<img src="https://knadmin.beoblood.kz/uploads/447402734_758722746448972_6019803441026509949_n_0fb0d8c5c6.jpg" alt="447402734_758722746448972_6019803441026509949_n.jpg"><img src="https://knadmin.beoblood.kz/uploads/447748982_758722783115635_3738747936908582589_n_ac594d2e9c.jpg" alt="447748982_758722783115635_3738747936908582589_n.jpg">Фото: Қызылорда облысы әкімінің баспасөз қызметі

Жоспарланған жұмыстар мерзімінде әрі сапалы орындалуы тиіс

<a href="https://kyzylorda-news.kz/">Kyzylorda-news.kz</a> Облыс әкімі Нұрлыбек Нәлібаевтың төрағалығымен өткен мәжілісте ауыл шаруашылығы жерлерін пайдалану, кәсіпорындардағы еңбек жағдайы, халықтың әлеуметтік жағынан осал топтарын және өңір жастарын қолдау мәселелері талқыланды.Күн тәртібіндегі бірінші мәселе бойынша облыстық ауыл шаруашылығы және жер қатынастары басқармасының басшысы Талғат Дүйсебаев баяндады. Аймақ басшысы жауапты тұлғаларға саладағы өзекті мәселелерді бақылауда ұстау, шаруа қожалықтарымен тиімді кері байланыс орнату қажеттігін атап өтті.Еңбек қатынастары саласындағы жағдай бойынша облыстық бақылау жөніндегі басқармасының басшысы Ғанижан Қалиев баяндама жасады. Нұрлыбек Машбекұлы кәсіпорындар қызметкерлеріне жалақының мерзімінде төленуі тиіс екендігін атап өтіп, Қызылорда қаласы мен аудан әкімдеріне өз аумақтарындағы ахуалды үнемі бақылауда ұстауды тапсырды.Мұнан бөлек, жиында халықтың әлеуметтік жағынан осал топтарының жағдайы қаралды. Атқарылған жұмыстар мен алдағы қабылданатын шаралар туралы облыстық жұмыспен қамтуды үйлестіру және әлеуметтік бағдарламалар басқармасының басшысы Ғабит Жаңабаев баяндады. Сондай-ақ, облыстық қоғамдық даму басқармасының басшысы Алмасбек Есмаханов жастар арасындағы ахуалға және NEET санатындағы жастарға бағытталған жұмыстарға тоқталды.Жиын қорытындысы бойынша аймақ басшысы әрбір мәселе бойынша жан-жақты талдау жүргізіліп, тиімді әдістерді пайдалану, қажет болған жағдайда өзге өңірлердің оң тәжірибелерін енгізу мүмкіндіктерін қарастыру керек екендігін атап өтіп, жауапты мекеме басшыларына тиісті тапсырмалар берді.<img src="https://knadmin.beoblood.kz/uploads/447492133_759018056419441_6786800932977231280_n_4132728340.jpg" alt="447492133_759018056419441_6786800932977231280_n.jpg"><img src="https://knadmin.beoblood.kz/uploads/447732344_759017973086116_1360962216707207453_n_e6c32d5131.jpg" alt="447732344_759017973086116_1360962216707207453_n.jpg">Фото: Қызылорда облысы әкімінің баспасөз қызметі

Әрбір мәселе жан-жақты талдануы тиіс 

<h4 style="margin-left:0px;text-align:justify;"><a href="https://kyzylorda-news.kz/">Kyzylorda-news.kz</a> Жеке тұлғаларға меншік құқығымен тиесілі Қазақстан Республикасының аумағындағы тұрғын үй-жайлар, саяжай құрылыстары, гараждар және өзге де құрылыстар, ғимараттар, үй-жайлар және аяқталмаған құрылыс объектiлерi қоныстану, пайдалану кезiнен бастап, осындай салық салу объектiсi бар жеке тұлғалар жеке тұлғалардың мүлiк салығын төлеушiлер болып табылады. Десе де елімізде кейбір тұлғалар мен ұйымдар мүлік салығын төлемейді. Бұл жағдайлар заңда келтірілген. &nbsp;</h4><h4 style="margin-left:0px;text-align:justify;">Олар: 1000 &nbsp;айлық есептік көрсеткiштің еселенген мөлшері шегiнде –Кеңес Одағының батырлары, Социалистiк Еңбек ерлерi, "Халық қаhарманы", "Қазақстанның Еңбек Ері" атақтарына ие болған, үш дәрежелi Даңқ орденiмен және "Отан" орденiмен наградталған адамдар;</h4><h4 style="margin-left:0px;text-align:justify;">Ұлы Отан соғысының ардагерлері, жеңілдіктер бойынша Ұлы Отан соғысының ардагерлеріне теңестірілген ардагерлер және басқа мемлекеттердің аумағындағы ұрыс қимылдарының ардагерлері, Ұлы Отан соғысы жылдарында тылдағы қажырлы еңбегі мен мінсіз әскери қызметі үшін бұрынғы КСР Одағының ордендерімен және медальдарымен наградталған адамдар, сондай-ақ 1941 жылғы 22 маусым – 1945 жылғы 9 мамыр аралығында кемінде алты ай жұмыс істеген (қызмет өткерген) және Ұлы Отан соғысы жылдарында тылдағы қажырлы еңбегі мен мінсіз әскери қызметі үшін бұрынғы КСР Одағының ордендерімен және медальдарымен наградталмаған адамдар, мүгедектігі бар адамдар.</h4><h4 style="margin-left:0px;text-align:justify;">Ал тұрғын үй қоры, соның ішінде оның жанындағы құрылыстар мен құрылысжайлар алып жатқан жер учаскелері, үй жанындағы жер учаскелері, құрылыс алып жатқан жерлерді қоса алғанда, жеке үй (қосалқы) шаруашылығын жүргізу, бағбандық және саяжай құрылысы үшін берілген жер учаскелері, гараждар алып жатқан жер учаскелері бойынша айлық есептік көрсеткіштің 1500 еселенген мөлшері шегінде − жетім балалар және 18 жасқа толғанға дейінгі кезеңге ата-анасының қамқорлығынсыз қалған балалар, бала кезінен мүгедектігі бар адамның, мүгедектігі бар баланың ата-анасының бірі, «Алтын алқа» алқасымен наградталған көпбалалы аналар, бөлек тұратын зейнеткерлер төлемейді.&nbsp;</h4><h4 style="margin-left:0px;text-align:justify;">Сондай-ақ айлық есептік көрсеткiштің 1000 еселенген мөлшері шегiнде − бөлек тұратын зейнеткерлер деп заңды мекенжайы (олардың тұрғылықты мекенжайы) бойынша тек қана зейнеткерлер тіркелген зейнеткерлер салықтан босатылады.</h4>

Жеке мүлік салығынан кімдер босатылады?

Сұлтанбек Оразымбетов: Шиелі – Сыр бойының Швейцариясы

<a href="https://kyzylorda-news.kz/">Kyzylorda-news.kz</a>&nbsp;Қазгидромет мамандары маусым айында құрғақшылық болжанған Қазақстан аймақтарының тізімін ұсынды. Бұл туралы Stan.kz ақпарат агенттігі хабарлайды. &nbsp;Мамандардың болжамынша маусым айының алдын ала құрғақшылық болжамын нақтылағаннан кейін құрғақшылық күтілетін аймақтардың ауданы әлі де ұлғаюы мүмкін.Атмосфералық құрғақшылық мына аймақтарда болады:Қостанай облысының Амангелді және Жангелді аудандарында; Маңғыстау облысының Маңғыстау және Қарақия аудандарында; Батыс Қазақстан облысының Казталов, Жәнібек, Тасқала және Ақжайық аудандарында; Ақтөбе облысының Қарғалы және Мұғалжар аудандарында; Қарағанды облысының Шет ауданында; Ұлытау облысының Ұлытау ауданында; Абай облысының Аягөз және Үржар аудандарында, Жамбыл облысының Мойынқұм ауданында; Қызылорда облысының Қармақшы және Қазалы аудандарында.Ал осы айда бірқалыпты ылғалды жағдай Шығыс Қазақстан облысының Қатонқарағай және Күршім аудандарында, Абай облысының Бесқарағай ауданында, Алматы облысының Талғар ауданында, Қарағанды облысының Бұқар-Жырау, Осакаров аудандарында және Қарағанды қаласында, сондай-ақ Павлодар мен Ақмола облыстарының басым бөлігінде болмақ. &nbsp;Елдің қалған бөлігінде ылғалдандыру жағдайы нормаға жуық болады деп болжануда.

Маусым айында Қызылорда облысының қай аудандарында құрғақшылық болады?

<a href="https://kyzylorda-news.kz/">Kyzylorda-news.kz</a> Халықтың рухани мұратына қызмет еткен ұлы тұлғалар аз емес. Данышпан қазақ халқы ақын мен жазушыға кенде болған жоқ. Проза және поэзия әлеміне көз салсақ, қазақ халқының арман-мұраты, шаттығы мен қайғысы ең алдымен, ақын-жазушылардың жүрегіне жиналған, өлеңдеріне арқау болған.Қазалы қалалық кітапханасында еліміздің рухани дамуына мол үлес қосып келе жатқан &nbsp;«Қазақстан Республикасы &nbsp;Білім беру ісінің Үздігі» , «Шапағат» медалінің иегері, Қазақстан Жазушылар Одағының мүшесі, ақын Рүстем Жанаевтың жары, ұстаз Күләш Досжанова және Қазақстан Жазушылар Одағының Халықаралық Қазақ ПЕН-клубының мүшесі прозашы, бірнеше кітаптың авторы Тәжікен Үміт апайдың қатысуымен «Ұлт руханиятының шырақшылары» атты кездесу кеші өтті.Шара кітапхананың жас оқырманы Ахметжан Самалдың орындауындағы С.Ботабаевтың сөзіне жазылған Ж.Төлебаевтың «Жақсы адамдарым» атты әнімен ашылды.Кездесуде Қазалы агротехникалық колледжінің директорының оқу жұмыстары жөніндегі орынбасары Шәрбану Баекеева құрметті қонақтарға қошеметін &nbsp;білдіріп, сыйлық табыстады. Қазақ тілі және әдебиет пәнінің оқытушысы Жәния Ысмағұл, №16 М.Горький атындағы мектеп-лицейдің қазақ тілі мен әдебиет пәнінің мұғалімі Гүлбарам Жауғашарова ыстық лебіздерін жеткізіп, шәкірттері ақын Р.Жанайдың «Өмір парақтарымен» жырларын, прозашы Ү.Тәжікеннің эсселерін жатқа оқыды.Мәдени және рухани кешке ардагер ұстаздар: Қазыбай Саниязов, Қалмырза Нұртазаев, Күләш Бисенова, зейнеткер ана Жәмилә Қаракеева, Ғ.Мұратбаев мемориалдық музейінің директоры Роза Асанова, Қазалы агротехникалық колледжінің &nbsp;тарих пәнінің оқытушысы Нұргүл Әлменова кітапханашысы Алтынкүл Сансызбаева, дене тәрбиесінің оқытушысы Ерғазы Бақтияр, &nbsp;қалалық жастар ресурстық &nbsp;орталығының инспекторы Жамет Даниел және өзгеде кітапхана оқырмандары қатысты. Қаламгерлер шығармашылығы жөнінде өз ойларын ортаға салып, пікірлерін білдірді.Кешті аудандық орталықтандырылған кітапханалар жүйесінің әдістеме- библиографиялық бөлімінің меңгерушісі Зоя Мұстафаева қорытындылап, шара қонақтары Р.Жанайдың жұбайы Күләш Досжанова мен прозашы, аудармашы Үміт Тәжікенге және өзге де қатысушыларға ризашылығын білдіріп, сый-сияпаттар тапсырды. Кеш соңында бүгінгі кештен естелік суретке түсіп, кітапхана оқырманы &nbsp;Меруерт Таңсықбайдың орындауындағы халық әні «Беу Айдай» әнімен аяқталды.

Ұлт руханиятының шырақшылары

Қаблеш Бекішов: Жаңа Қазақстанның жарқын болашағын ертең емес, бүгін көруге мүдделіміз

<h4 style="margin-left:0px;text-align:justify;"><a href="https://kyzylorda-news.kz/">Kyzylorda-news.kz</a> Бүгін партияның облыстық филиалы жанындағы Партиялық бақылау комиссиясының отырысы өтіп, онда Сайлауалды бағдарлама аясында өткен жылы кешіктірілген, сонымен қатар ағымдағы жылы орындалмау қауіпі бар іс-шаралардың алдын - алу мәселелері талқыланды.</h4>Партияның орталық аппаратымен бірлескен жиынға ZOOM платформасы арқылы партияның Партиялық бақылау Комитетінің және Орталық бақылау-тексеру комиссиясының мүшесі Ануар Ильясова және Партиялық бақылау комитетінің мүшесі Арман Евниев сонымен қатар партияның облыстық филиалының Атқарушы хатшысы, облыстық мәслихаттағы фракция жетекшісі, комиссия мүшелері, жауапты басқарма басшылары мен Қармақшы ауданы әкімінің орынбасары қатысты.Жалпы өткен жылы Сайлауалды бағдарлама аясында жоспарланған іс-шараның 97,4% - ы орындалды. Соның ішінде білім саласы бойынша 3250 орындық 8 білім беру ұйымдарының ғимараттары пайдалануға берілді. «Жайлы мектеп» ұлттық жобасы аясында 9 мектептің құрылыс жұмыстары басталды. Мектепке дейінгі білім беру сапасын арттыру үшін 1,6 мың орындық 14 жеке меншік балабақша ашылды.Денсаулық сақтау саласы бойынша ауылдық елді мекендерде 16 медициналық нысан пайдалануға беріліп, тұрғындарға медициналық қызмет көрсетуде. 30 резидентке 162,5 млн. теңге грант бөлініп, облыстың 348,3 мың тұрғыны скринингтік тексеруден өтті. 1 МРТ аппараты және 6 рентген аппараты алынды. 11 мәдени нысанға жөндеу жұмыстары жүргізілді. Жергілікті маңызы бар жолдардың 188 шақырымы орташа және ағымдағы жөндеуден өтті. 5 көпір құрылысы аяқталып пайдалануға берілді және 4 көпірге жөндеу жұмыстары жүргізілді. 13 елді табиғи газға қосылды. Экологиялық жағдайды жақсарту мақсатында 250 мың гектар алқапқа сексеуіл егіліп, қатты тұрмыстық қалдықтарды жинау үшін 700-ден астам контейнер орнатылды. Алайда мемлекеттік сатып алу конкурсы, қажылық мәселелер, микрокредит беру қағидаларына сәйкес кешіктірілген жобалар болды. Бұл бағытта облыстық экономика және қаржы басқармасының басшысы Қамбарбек Мүбәраков кеңінен атап өтті.Отырыста партияның облыстық филиалының Атқарушы хатшысы Ләйлә Төрешова сөз алып, партиялық бақылау комиссиясы, фракция мүшелері мен бағдарлама әкімшілерінің бірлескен жұмыстары нәтижесінде Сайлауалды уәделердің сапалы орындалып отырғандығын тілге тиек етті. Сондай-ақ ағымдағы жылы да Жол картада жоспарланған жұмыстар сапалы және мерзімінде орындалатындығын атап өтті.Жиын қорытындысымен күн тәртібіндегі мәселелерге қатысты көтерілген ұсыныстар назарға алынып, жұмыс барысында ескерілетін болды.<img src="https://knadmin.beoblood.kz/uploads/447291920_866334212198883_7116018972219324067_n_a56d36da60.jpg" alt="447291920_866334212198883_7116018972219324067_n.jpg">

Қазақстан және Қызылорда облысының жаңалықтары