<a href="https://kyzylorda-news.kz/ru">Kyzylorda-news.kz.</a> Бүгін облыс әкімі Нұрлыбек Нәлібаевтың төрағалығымен өткен шұғыл жиналыста 25 қаңтар күні Қызылорда қаласындағы «ВІ Кызылорда» аяқ киім дүкенінде болған жағдайға баға беріліп, жауапты тұлғаларға шара көрілді. Жиынға қала, аудан әкімдері, жауапты мекеме басшылары қатысты.Еске салсақ, кеше аталған дүкен «Барлық аяқ киімдер 1000 теңгеден» акциясын ұйымдастырып, оған тұрғындар көп жиналған. Дүкеннің есігі мен ішкі мүліктерін қиратып, наразылық білдірген. Акциядағы жұртшылықтың іс-әрекеті әлеуметтік желілерде кеңінен таралып, резонанс тудырды.<blockquote>«Өте ұят жағдай, бұл аймақтың ақпараттық кеңістіктегі оң имиджіне кері әсерін тигізді. Біз өз тарапымыздан мұндай шаралардың алдын алу үшін жұмыс жүргізіп келеміз. Өздеріңіз білетіндей, өткен жылы Қызылорда қаласында «40 қазан палау» акциясы ұйымдастырылып, ол туралы жарияланған ақпараттар біразға дейін талқыланды. Бұрын да қатаң ескерткенмін, мұндай акцияларды ұйымдастыруға ниет білдірген кәсіпкерлерге қала, аудан әкімдігіне алдын-ала хабарлау қажет. Құзырлы органдарда көмекке мұқтаж отбасылардың тізімі бар, сондықтан жаппай төбелеске жол бергеннен гөрі, адресті түрде көмек көрсеткен дұрыс.Егер өрт немесе басқа төтенше жағдай бола қалса, адамдар бір-бірін таптап, сауда үйінен сыртқа шыға алмай қалуы мүмкін еді. Алдағы уақытта осы жағдай барлығына сабақ болып, алдын алу шараларын үнемі назарда ұстауы тиіс. Бұл жерде қала әкімшілігі тарапынан тиісті бақылау болмаған», – деді аймақ басшысы.</blockquote>Қызылорда қаласының әкімі Серік Қожаниязовтың баяндауынша, дүкен иесі жаңадан кәсіп бастағандықтан, науқан жариялаған, сол жерде жаппай тәртіпсіздік орын алған. Құқық қорғау және прокуратура органдары көпшілік іс-шараларды өткізу тәртібін бұзған кәсіпкерді заңға сәйкес әкімшілік жауапкершілікке тартады.Аймақ басшысы қала әкіміне кәсіпкерлердің жауапкершілігін күшейтуді, жалдамалы ғимаратты пайдалануға берген сауда үйлерінің басшыларымен мәжіліс өткізіп, қатаң ескертуді тапсырды.Жиналыс қорытындысы бойынша, облыс әкімінің бірінші орынбасары мен қала әкіміне жұмысқа жақында тағайындалғандықтан, ауызша қатаң ескерту жасалды. Қала әкімінің салаға жетекшілік жасайтын орынбасарына қатаң сөгіс түрінде жаза қолданылды. Осындай жағдайға жол берген қалалық кәсіпкерлік бөлімі басшысының қызметіне сәйкестігі қаралмақ. Бақылаудың жоқтығынан болған кемшілік үшін облыстық кәсіпкерлік және өнеркәсіп басқармасының басшысы сөгіс алды.<blockquote>«Кәсіпкерліктің кең қанат жаюы үшін мемлекет барлық мүмкіндікті жасауда. Кәсіп иелерінің жұмысына кедергі келтірмеу керек, өйткені бұл жұмыс көзін, салық түсімін қамтамасыз етеді. Дегенмен аудандық, қалалық кәсіпкерлік бөлімдері белгілеген талаптар сақталып, тәртіпке бағынған жөн.Бүгін шұғыл түрде шағын және орта, ірі кәсіпкерлік нысандарының, дүкен, базарлардың иелерімен кездесу ұйымдастырып, мұндай акцияларға жол бермеу қажеттігі жөнінде түсіндірме жұмыстарын жүргізіңіздер. Қандай да бір акция ұйымдастыру туралы хабарлама анықталған жағдайда, дереу полиция басқармасымен (бөлім) бірлесіп, заңға сәйкес шаралар қабылдануы тиіс»,– деді аймақ басшысы.</blockquote>

Нұрлыбек Нәлібаев: Сауда орнындағы жағдай сабақ болуы керек

&nbsp;Фото жеке қорынан<a href="https://kyzylorda-news.kz/ru">Kyzylorda-news.kz.</a> &nbsp;Жас буын келешекте сұраныста болатын жаңашылдықты меңгеруге ынталы. Оған 16 жастағы қызылордалық Асылжан Абдуллаев дәлел. Жуырда идеясы тың жас жасанды интеллектіні қазақша «сөйлетті». Асылжан жобасына «QazaqGPT» деген атау қойған. &nbsp;Оны OAI архитектурасы негізінде жасағанын айтады, яғни команда берсеңіз сурет салады, дыбыстама жасайды және кез келген мәтінді жазып, есеп шығарып, қолыңызға береді.&nbsp; Таңғаларлығы, бұл жоба американдық прототиптерге қарағанда 50 млрд-қа ауқымды. Қазірдің өзінде 2000-нан аса адам пайдаланып көрген.<blockquote> – Әлемдік IT нарығына көшу әлі де білім мен білікті қажет етеді. Ол үшін әуелі ішкі нарықты реттеу қажет. Оны реттеудің жолы – білімді мамандардың санын арттыру. Оған өз үлесімді қосқым келеді. Сондықтан қаладағы технократ жастарды қолдайтын «Kyzylorda Hub»-қа келдім, соның резидентімін.&nbsp;Мұнда &nbsp;ІТ саласынан алыс емес Нұрлан Құлмырзаев, Сәбит Ибадулла, Жанарыс Түбекбаев, «ENACTUS Kazakhstan» қауымдастығының өңірдегі үйлестірушісі, «Business start» жастар кәсіпкерлер орталығының ұйымдастырушысы ретінде танылған Темірлан Әбжанов қол ұшын созды. Қалыптасуыма, саланы терең түйсінуіме осы кісілер көмек берді. Қазір 7 жоба бар.&nbsp;Негізгісі – «QazaqGPT». Жасанды интеллект қазақтілді ортада танымал емес. &nbsp;Осы олқылықтың орнын аталған жоба арқылы толтырғым келеді. Оның зағип жандарға арналған нұсқасы да бар, – дейді ол.&nbsp;</blockquote> Кейіпкеріміз министрлер Саясат Нұрбек, Бағдат Мусинмен кездесіп, жобасын таныстырған. Сонымен қатар халықаралық «Enactus» ұйымының базасына барып, америкалық сарапшылардың алдында да жобасын қорғап шыққан.&nbsp; Қазір Асылжан сервер жоғалып кетпес үшін қосымшаны дайындауға қам қылып жатыр. Айтуынша, наурыз айына дейін толық аяқтайды және жеткен жетістігі тек бұл емес. Бұған дейін ол &nbsp;«Hackathon», «Innofest» байқауына қатысып, өзі армандаған Astana IT университетінің білім грантын ұтып алған. Алдағы уақытта &nbsp;Америкаға баруды жоспарлап отыр. Себебі, креативті жас бұған дейін шетелдік жарыста суырылып шығып, жартылай финалға жолдама алған. Кейіпкерімізге &nbsp;«Елде ІТ-ге қолдау қандай және жасанды интеллект жұмыссыз қалдыруы мүмкін бе?» деген сауал қойған едік.&nbsp;<blockquote> – ІТ саласына бет бұрғысы келетін замандастарға айтарым, нарықта қандай талап қойылып жатыр, не нәрсеге сұраныс бар, соны зерттеген дұрыс. Елімізде ІТ компанияларының саны артып келеді, прогресс бар, сәйкесінше соған байланысты мамандарға да сұраныс жоғарылайды. Даму күшеюде, тек осыны &nbsp;ескеру маңызды.&nbsp;Ал, жасанды интеллектке келер болсақ, ол санадан озды. ЖИ жұмыссыз қалдырмас, бірақ жүйе дамыған сайын мамандар әмбебап бола түсуі тиіс. Әлемге әйгілі ІТ кеңесші Ричард Сааскинд жаңа мамандықтар пайда болатынын бұрындары айтқан.&nbsp;Оның ішінде ІТ генетик, криптовалюта банкирі, медициналық робототехник секілді мамандықтар бар. Сондықтан технологиялық жаңалықтарды жатырқамау керек, – дейді жас дарын.&nbsp; Мөлдір СНАДИН &nbsp;</blockquote>

Қызылордалық оқушының жобасына америкалықтар қызықты

<a href="https://kyzylorda-news.kz/">Kyzylorda-news.kz</a> Алматы қаласында жер сілкінісі тағы да қайталанды.Жер сілкінісі Қытай аумағында Алматыдан 262 шақырым жерде тіркелген. Деректер бойынша сағат 2.01-де Талғарда 2 баллдық жер асты дүмпулері сезілген. Сейсмологтар 2 баллдық жер сілкінісі болғанын растады.Фото: freepik.com

Алматыда тағы да жер сілкінісі болды

<a href="https://kyzylorda-news.kz/">Kyzylorda-news.kz</a> Бірыңғай жинақтаушы зейнетақы қоры салымшыларының зейнетақы жинағы 2023 жылы 3,2 триллион теңгеге ұлғайды.&nbsp;&nbsp;2024 жылғы 1 қаңтарда Бірыңғай жинақтаушы зейнетақы қоры салымшыларының шотында 17,9 триллион теңге зейнетақы жиналды.&nbsp;2023 жылы жинақ сомасы 3,2&nbsp;трлн теңгеге немесе 21,8% ұлғайды.&nbsp;Зейнетақы басым сомасы міндетті зейнетақы жарнасы (МЗЖ) есебінен қалыптасып, 17,3&nbsp;трлн теңгеге жетті (2023 жылғы өсім&nbsp;— 21,6%).&nbsp;Міндетті кәсіптік зейнетақы жарналары (МКЗЖ) бойынша сома&nbsp;— 568,5&nbsp;млрд теңге (2023 жылғы өсім&nbsp;— 27,6%), ерікті зейнетақы жарнасы (ЕЗЖ)&nbsp;— шамамен 5,3&nbsp;млрд теңге (2023 жылғы өсім&nbsp;— 48,3%) болды.&nbsp;2023 жылы салымшылардың шотына шамамен 2,2&nbsp;трлн теңге көлемінде зейнетақы жарнасы түсті.&nbsp;Ол&nbsp;өткен жылғы көрсеткіштен 434,6&nbsp;млрд теңгеге немесе 25,2% артық.&nbsp;Жарнаның жалпы көлемінің 95,5% БЖЗҚ-ға МЗЖ есебінен түсетін түсім құрайды. Оның көлемі&nbsp;— 2,1&nbsp;трлн теңге (бір жылдағы өсім&nbsp;— 25,3%).&nbsp;МКЗЖ есебінен 95,5&nbsp;млрд теңгеден астам қаражат түсті (бір жылдағы өсім&nbsp;— 24%). ЕЗЖ көлемі 2,3&nbsp;млрд теңге.&nbsp;Зейнетақы жинақтарының едәуір өсуіне салымшылардың зейнетақы жарналары есебінен ғана емес, сонымен қатар 2023 жылы шамамен 1,6&nbsp;трлн теңгені құраған таза инвестициялық кірістің арқасында қол жеткізілді. Бұл өткен жылдың көрсеткіштерінен 685,4&nbsp;млрд теңгеге немесе 77,7% артық.&nbsp;БЖЗҚ-дағы жеке зейнетақы шотының саны 12,3&nbsp;млн болды.&nbsp;2023 жылы БЖЗҚ салымшыларына 591,3&nbsp;млрд теңге төледі.&nbsp;Оның ішінде тұрғын үй жағдайларын жақсарту және емделу мақсатындағы біржолғы зейнетақы төлемдері (БЗТ) ­- 284&nbsp;млрд теңге болса, жасына байланысты төлемдер&nbsp;— 150,6&nbsp;млрд теңге, сақтандыру ұйымдарына аударымдар&nbsp;— 54&nbsp;млрд теңге, мұрагерлік бойынша төлемдер&nbsp;— 52,6&nbsp;млрд теңге, Қазақстаннан тыс жерлерге тұрақты тұруға кетуге байланысты төлемдер&nbsp;— 39,8&nbsp;млрд теңге, жерлеуге берілетін төлемдер&nbsp;— 7,5&nbsp;млрд теңге және мүгедектік бойынша төлемдер&nbsp;— 2,8&nbsp;млрд теңге.&nbsp;Атап кету керек, зейнет жасына толуға байланысты БЖЗҚ-дан кесте бойынша орташа айлық төлем сомасы&nbsp;— 32 202 теңге, ал&nbsp;ай&nbsp;сайынғы төлемнің ең жоғарғы сомасы&nbsp;— 742 692 теңге.&nbsp;Естеріңізге сала кетейік, өткен жылдың сәйкес кезеңінде ай&nbsp;сайынғы төлемнің орташа сомасы&nbsp;— 29 973 теңге, ал&nbsp;ай&nbsp;сайынғы төлемнің ең жоғары сомасы&nbsp;— 707 326 теңге еді.&nbsp;&nbsp;&nbsp;Дереккөз: <a href="https://kaz.inform.kz/">kazinform</a>Фото: Нұрболат Нұржаубай

Еліміздегі ең ауқатты зейнеткер 742 мың теңге зейнетақы алады

Фото: kzvesti.kz.&nbsp;<a href="https://kyzylorda-news.kz/ru">Kyzylorda-news.kz.</a> Алматыдағы зілзала қазақстандықтарды әбден алаңдатты. о: IstockОсы орайда&nbsp;<a href="http://inbusiness.kz/">inbusiness.kz</a> тілшісі "Қызылорда облысында да жер сілкінуі мүмкін бе?" деген сауалға жауап іздеп көрді.&nbsp;Қызылордалық құрушы-инженер Бекназар Әбсадықов Қызылорданың жер сілкінісі болмайтын сейсмикалық аймаққа жататынын айтады. Десе де, "Жаман айтпай, жақсы жоқ" екенін ескертіп, қауіп-қатерге дайын болуға шақырады.<blockquote>- Табиғи апаттың айтып келмейтіні анық. Әлемде небір қауіп-қатерлер болып жатыр. Сондықтан облысымыздағы ғимараттарды антисейсмикалық тәсілмен салып, апаттан сақтанған жөн.&nbsp; Негізі, Қызылорда аумағы зілзала болмайтын сейсмикалық аймаққа жатады. Десе де, 1970 жылдары Өзбекстанның Бұхара облысында 8 балдық жер сілкінісі тіркелді. Бұл аумақтағы тұңғыш зілзала болды. Геологиялық зерттеулер бойынша мамандар сейсмикалық аймаққа саналмайтын жердегі зілзаланың себебін жер астынан табиғи газ бен мұнайдың алынуынан көрді, - дейді ол.&nbsp;</blockquote>Сондай-ақ, инженер табиғи апаттан соң ғимаратты қайта тұрғызуға болғанымен, құрбандарды қайта тірілту мүмкін емес екенін еске салады. Сондықтан, "құрылыс сапасына мән беретін күн жетті" деп есептейді.<blockquote>- Жер сілкінісіне шыдамды, сапалы құрылыс нысандарын салсақ, экономикалық тұрғыда зияны болмайды. Осы күні салынып жатқан кейбір ғимараттар зілзалаға төтеп береді деп ойламаймын. Құлаған тұрғын үйлерді қайта тұрғызуға болса да, құрбан болғандарды қайта тірілту қолдан келмейтінін Түркиядағы апат ұғындырды ғой. Сақтық пен саулықты сақтаған дұрыс, - деп жалғастырды сөзін.&nbsp;Бір жыл бұрын Қызылорда облысы аумағында 2 балдық жер сілкінісі тіркелген болатын. Бұл ақпаратты уақытында Қызылорда облысы ТЖД хабарлады.&nbsp;</blockquote><blockquote>- 2023 жылғы 21 наурызда сағат 21-ден 57 минут өткенде Алматы Сейсмология институты операторының хабарлауынша, жер сілкінісі тіркелді, оның эпицентрі Ауғаныстан аумағында Алматы қаласынан оңтүстік-батысқа қарай 848 шақырым жерде орналасқан.Жер сілкінісінің энергетикалық класы – 16.1. MPV магнитудасы – 7.8. Қызылорда қаласында және Жаңақорған ауданында – 2 балл. Зардап шеккендер мен қираулар туралы ақпарат болған жоқ, - деп хабарлаған болатын.</blockquote>Қалай десек те, сақтансаң сақтайды. Сондықтан, табиғи апат кезінде не істеу керектігіне мән берген дұрыс.&nbsp;

Қызылорда сейсмикалық аймаққа саналмайды, бірақ...

Фото: скрин<a href="https://kyzylorda-news.kz/ru">Kyzylorda-news.kz.</a> Жаңа Зеландия мемелекеті тегін оқуға құжаттар қабылдауды бастады. Веллингтондағы Виктория университеті әлемнің түкпір-түкпірінен келген студенттерді 2024-25 жылдарға арналған стипендияға өтініш беруге шақырады. Бағдарлама магистратура мен PhD дәрежесіне қолдау көрсетеді. Бұл жоғары оқу орны QS World University Rankings 2023 рейтингінде 215-ші орынға ие болған. Университет магистрлер үшін 5 000 NZD және докторанттар үшін жылына 27 500 USD доллар көлемінде шәкіртақы, сондай-ақ оқу ақысын төлейді.Бұл Жаңа Зеландиядадағы ең үздік стипендиялық бағдарлама. Табиғаты ерекше елде тегін оқудың тамаша мүмкіндігі.Университет туралы қызықты фактілер: студент жұмыс істейтін болса, оқу кезінде толық емес жұмыс күнімен жұмыс істеуге құқығы бар. Мұндағы оқу жылы классикалық түрде екі академиялық семестрге емес, үш семестрге (ақпанның соңы, шілденің ортасы және қарашаның ортасы) бөлінеді. Оқу орны Англия патшайымы Виктория дүниеге келген күні құрылған.Дедлайн: 2024 жылдың 1 маусымыТолығырақ және өтінішті осы сілтеме арқылы біле аласыз.<a href="https://www.wgtn.ac.nz/scholarships/current/tongarewa-scholarship">https://www.wgtn.ac.nz/scholarships/current/tongarewa-scholarship</a>

Виктория патшайымның жоғары оқу орнында тегін оқығың келе ме?

Фото: ҚР Парламенті сенатының баспасөз қызметі<a href="https://kyzylorda-news.kz/ru">Kyzylorda-news.kz.</a> Бұл ҚР Парламенті сенаторы Сергей Ершов ресейлік тарихшы Михаил Смолиннің провакациялық сөзіне пікірін білдірді.<ul><li style="margin-left:0px;text-align:justify;">Бұл мені алаңдатпайды. Себебі мен Ресейдің және басқа мемлекеттердің шенеуніктерін білемін. …Олар біздің тарихымызды жақсы біледі. Ол жақта қазақтар тұрады. Осы жақта орыстар да қалыпты өмір сүріп жатыр. Сондықтан мен ешқандай қиындық көріп тұрғаным жоқ, — деді сенатор.</li></ul>Естеріңізге сала кетейік, 22 қаңтарда Ресей тарихшысы Михаил Смолин НТВ арнасындағы «Место встречи» ток-шоуында «1917 жылғы Қазан төңкерісіне дейін қазақ пен өзбек деген ұлт болмаған» деп мәлімдеме жасаған еді. Бұл тұста Қазақстан Сыртқы істер министрлігі Ресей тарихшысына ресми жауап беруді жөн санамады.

Сенатор Сергей Ершов тарихшы Михаил Смолиннің сөзіне өз пікірін білдірді

Фото: media.az<a href="https://kyzylorda-news.kz/ru">Kyzylorda-news.kz.</a>&nbsp; Мемлекеттік қызметтерді көрсету – мемлекет пен қоғамның өзара іс-қимылының құрамдас бөліктерінің бірі. Адам дүниеге келгеннен бастап мемлекеттік көрсетілетін қызметтермен тығыз байланыста болады. Туу туралы куәлікті алудан бастап азаматтың қайтыс болуы туралы анықтамасын беру де мемлекеттік көрсетілетін қызметтер болып табылады. Осы және өзге де мемлекеттік көрсетілетін қызметтерге қатысты мәселелерді ҚР Мемлекеттік қызмет істері агенттігінің Қызылорда облысы бойынша департаментінің басшысы Ерлеген Меңдалиев тарқатып айтты.&nbsp;&nbsp;<img src="https://knadmin.beoblood.kz/uploads/IMG_20240125_WA_0003_83cdc05b71.jpg" alt="IMG-20240125-WA0003.jpg">Бүгінгі таңда қызмет алушылардың уақытын үнемдеу, әкімшілік кедергілермен қағазбастылықты жою мақсатында электронды көрсетілетін қызметтердің үлесі артуда.Қызылорда облысында мемлекеттік қызмет көрсетуші мекемелермен 395 мемлекеттік қызмет түрі көрсетіледі. 2023 жылы қызмет беруші мекемелер тарапынан 6 млн-нан астам қызмет көрсетілген. Оның 5 млн 151 мыңға жуығы – жергілікті атқарушы органдармен, 871 мыңнан астамы – аумақтық мемлекеттік органдармен көрсетілген.Электронды түрде қызметтер алу үлесі 2022 жылы 97,8 пайызды құраса, бұл көрсеткіш 2023 жылы 98,2 пайызға жетіп, яғни, 0,4 пайызға артты.Қазақстан Республикасының Мемлекеттік көрсетілетін қызметтер туралы Заңына сәйкес кез-келген тұлға мемлекеттік көрсетілетін қызметті алуғажәне қызметті берушінің шешімдеріне, әрекеттеріне (әрекетсіздігіне) белгіленген тәртіппен шағымдануға құқылы.Мемлекеттік қызметтерді көрсететін органдар үшін өз қызметінің сапасын арттыру, жеке және заңды тұлғалардың құқықтарының сақталуы басты қағида болуы тиіс. Дегенмен, кейбір қызмет көрсетуші мекемелер тарапынан мемлекеттік көрсетілетін қызметтер саласындағы заңнаманың бұзылуына жол беретіндігі жасырын емес.Былтыр Қазақстан Республикасының Мемлекеттік қызмет істері агенттігінің Қызылорда облысы бойынша департаментінің қарауына 57 шағым түскен. Оның 19-ыбойынша департамент тарапынан жоспардан тыс тексеру тағайындалып қаралса, 22-сіқұзыреттілігі бойынша жолданды. Ал, 16 шағым,шағым иесінің өтінішхатымен тоқтатылды. Жоспардан тыс тексерулер нәтижесінде 3 азаматтың уәжі өз дәлелін тауып, бұзылған құқықтары қалпына келтірілді.Шағымдардың басым бөлігі жер учаскелерінің табысталуына және әлеуметтік қамсыздандыру саласына қатысты болып отыр.«Елді мекендер шегінде объекті салу үшін жер учаскелерін беру» мемлекеттік қызметін көрсету бойынша облыс орталығы тұрғыныныңшағымы негізінде Қызылорда қаласы әкімі аппаратына, қалалық сәулет және қала құрылысы, ауылшаруашылығы және жер қатынастары бөлімдеріне жоспардан тыс тексеру жүргізілді.Тексеру барысында қалалық сәулет және қала құрылысы бөлімі тарапынан келісуші органдарға қызмет алушының құжаттарын 111 күнге кешіктіріп жолдап, мемлекеттік қызметті көрсету тәртібінің бұзылғандығы анықталса, қалалық жер қатынастары бөлімі тиісті шешім жобасын қала әкімі аппаратына жолдамағаны белгілі болды. Яғни, қызмет көрсетуші мемлекеттік органдар қызмет көрсету мерзімін сақтамай, қызмет алушының құқықтарын бұзған.Аталған факті бойынша қалалық сәулет және қала құрылысы бөлімінің жауапты маманына тәртіптік жаза қолданылса, қалалық ауыл шаруашылығы және жер қатынастары бөлімінің басшысы әкімшілік жауапкершілікке тартылды. Тексеру нәтижесімен Департамент тарапынан енгізілген ұсыным негізінде қызмет алушының құқықтары қалпына келтірілді.2022 жылдың шілде айынан бастап азаматтарға мемлекеттік қызметтерді көрсету барысында орын алған бұзушылықтарды анықтау функциясы Агенттікке берілді. Осы кезеңнен бастап, Департамент тарапынан мемлекеттік органдардың ақпараттық жүйелеріне қашықтықтан мониторинг жұмыстары жүргізілуде. Яғни қызмет алу процестері кезіндегі заңнама нормаларының бұзылу фактілері мониторинг арқылы бақыланып, қызмет алушының шағымынсыз-ақазматтардың құқықтарын қалпына келтіру мақсатында жүйелі жұмыстар жүргізілуде.Өткен жылы қашықтықтан бақылау тәртібімен Департаментпен 132 бұзушылық анықталды, оның 39-ы мемлекеттік қызмет көрсету мерзімін бұзу фактісі. Осы ретте, мемлекеттік органдардың басшыларына 21 әкімшілік хаттама толтырылып, бюджет кірісіне 724500теңге айыппұл өндірілді.Қашықтықтан мониторинг жүргізу барысында Жалағаш ауданы, Бұқарбай ауылдық округі әкімі аппараты тарапынан «Жер учаскесінің нысаналы мақсатын өзгерту» мемлекеттік қызметін көрсетумерзімі бұзылғандығы анықталды. Департамент тарапынан шұғыл түрде Жалағаш аудан әкімдігіне бұзушылықты жою туралы ескертпе хат жолданып, қызмет алушыға жер учаскесінің нысаналы мақсатын өзгерту туралы қаулысын алуы қамтамасыз етілді. Қызмет көрсету мерзімдерін сақтамай, қаулыны 5 жұмыс күніне кешіктіріп ұсынғаны үшін ауылдық округ әкіміне әкімшілік айыппұл салынды және ауылдық округ әкімі аппаратының бас маманына «ескерту» тәртіптік жазасы берілді.Былтыр қашықтықтан мониторинг жасау жұмыстырының нәтижесімен 6 қызмет алушының бұзылған құқықтары қалпына келтірілді. Мемлекеттік қызметтерді сапалы әрі мерзімінде көрсету және оларды көрсету нәтижесімен қызмет алушылардың құқықтары мен заңды мүдделерінің сақталуы – мемлекеттік аппараттың тиімділігін бағалаудың негізгі көрсеткіштерінің бірі болып қала бермек. Айта кету керек, қазір электронды қызметке сұраныс көбейген. Бұл ретте қызметтерді көрсету барысындағы жеке және заңды тұлғалардың құқықтарының сақталуы &nbsp;назардан түспейді.&nbsp; &nbsp;

Ерлеген Меңдалиев: Электронды қызметке сұраныс артты

Фото: Мұхаммедәли Агзамның жеке қорынан<a href="https://kyzylorda-news.kz/ru">Kyzylorda-news.kz.</a> Қызылорданың көрікті жерлерін, жаңадан ашылған кәсіпорындарды әлемжеліге жариялап жүрген танымал мобилограф, «in.kyzylorda» жобасының негізін қалаушы Мұхамедәли Агзам әжептеуір табыс тауып жүр.&nbsp; Айтуынша, мобилографияға 3 жыл бұрын келген. Оның бұл салаға келуіне энтузиазмға жақындығы мен фантазиясының ұшқырлығы себеп. Пандемияда белгілі отандық мобилограф Қыран Талапбектің курсын сатып алып, ізденген екен. Бүгінде «Қайда? Қызылордада!» («in.kyzylorda») жобасына жетекшілік етеді. Бұдан бөлек, тағы 2 жобада бақ сынап жүр.&nbsp; Түсірген дүниесінің де қаралымы жоғары. Оны кемінде 70-100 мыңнан басталып, 200 мыңнан аса оқырман тамашалайды. Кәсіпкерлер де жұмысын жарнамалау арқылы сатылымын 1 айда 3 есеге арттырған деседі. «Сапалы контентті қалай бастау керек?» деген сауалды Мұхамедәлиге төтесінен қойдық.<blockquote> - Ең бірінші жеке бренд маңызды. Менің дауысым, акцентім хит болып, адамдардың есінде сақталып қалды. Көшеде «Қызылордаданы» жүргізетін жігіт емес пе?» деп таниды. Сол себепті әрбір детальға мән беретін контент жоспар жасалу қажет. Жалпы, кез келген жобада тұрақтылық болғаны дұрыс. Әлемжелі қандай контент салсаңыз да, тұрақтылықты жақсы көреді. Негізі әрбір адам өмірді, жан-жағын, әрбір затты басқаша көреді. Ал, мобилограф осының барлығын тап басып, халыққа жеткізу керек. Осыны жүйелесе, 500 мың теңгені қалтаға басуға болады, - деді маман.</blockquote>Азамат Абимолда

Қызылордалық мобилограф қанша тауып жүр?

<a href="https://kyzylorda-news.kz/ru">Kyzylorda-news.kz.</a>&nbsp; «Қазгидромет» РМК-сы қаңтардың 25-не жасалған күн райы болжамын жариялады.Кәсіпорын таратқан деректерге қарағанда, қаңтардың 25-і күні Қазақстанның басым бөлігі оңтүстік циклон ойпатының және атмосфералық ағындардың ықпалында болады. Осыған байланысты күн құбылмалы болады.Елдің оңтүстігінде жауын жауып, тау және таулы аудандарда нөсерлетеді, қар аралас жаңбыр жауады.Қазақстан бойынша тұман түсіп, жел күшейеді, боран болады, елдің оңтүстік-шығысында, оңтүстігінде көктайғақ болды.Фото: Нұрболат Нұржаубай

Елдің басым бөлігінде қар жауады 

Фото: ашық дереккөз<a href="https://kyzylorda-news.kz/ru">Kyzylorda-news.kz.</a>&nbsp;Қызылорда қаласында жол апатын азайту мақсатында проекциялық жаяу жүргіншілер өткелі салынды, - деп хабарлайды Kyzylorda news ақпарат агенттігі. Облыстық полиция департаментінің мәліметінше, өткен жыл төңірегінде 59 жол-көлік оқиғасы тіркеліп, 2 адам қаза болған. 60 адам жарақаттанған. Жауапсыз шопыр жаудан жаман демекші, жауапсыздардың жайын қалалық әкімдік ескеріпті. Енді алыстағы алты жасар баланы қиындықсыз көруге болады. Себебі өткелде жарықшамдар &nbsp;жағулы тұр. Дегенмен, жаңашылдық қаланың барлық аумағын қамтымайды. Әзірге адам аяғы арылмайтын көшелерге орнатылған.<blockquote> - Мердігер – &nbsp;«Али проект констракшн» ЖШС. Қала бойынша 40 дана деп белгіленді. Бірақ әр көшенің еніне қарай қойып жатырмыз. Әсіресе, мектеп, балабақша, әлеуметтік нысан бар аумаққа назар аударылуда. Сондай-ақ, кешкі уақытта қозғалыс көп аймақтар қамтылады, - деді қалалық түрғын-үй коммуналдық шаруашылығы, жолаушылар көлігі және автомобиль жолдары бөлімі басшысының орынбасары Дархан Бақтияров. &nbsp;</blockquote>Азамат АБИМОЛДА

Қызылордада жаяу жүргіншілер жолағында өзгеріс пайда болды

<a href="https://kyzylorda-news.kz/ru">Kyzylorda-news.</a> Бүгін ҚР Үкіметінің агроөнеркәсіп кешені туралы кеңес отырысында Мемлекет басшысының ауыл шаруашылығының жалпы өнім көлемін екі есе ұлғайту жөніндегі тапсырмасын орындау бойынша қабылданатын және жоспарланған шаралар талқыланып, тиісті тапсырмалар берілді.Кеңес отырысында облыс әкімі Нұрлыбек Нәлібаев ҚР Премьер-министрі Әлихан Смайыловқа осы бағытта өңірде атқарылған жұмыстарды баяндады.<blockquote>«Ауыл шаруашылығы министрлігі ұсынған, Жол картасында қамтылған жаңа тәсілдерді толық қолдаймыз. Өңірде әртараптандыру бағытында биылдың өзінде күріш алқаптарын 5 мың 100 гектарға қысқартып, мал азығындық дақылдар мен көкөніс, бақша егісі көлемін көбейту жоспарлануда. 2028 жылға қарай күріш көлемі 72 мың 200 гектарға дейін оңтайландырылады. Су үнемдеу технологиясымен егілетін мал азығындық және жүгері, көкөніс, бақша дақылдарының көлемі 47 мың 300 гектарға ұлғаяды. Күріштің егіс көлемі азайғанмен, агротехнологияларды қатаң сақтау, минералды тыңайтқыштарды өз деңгейінде пайдалану, тұқым сапасын жақсарту, жаңа сорттарды өндіріске енгізу арқылы өнімділігін 20-25 пайызға дейін арттыруға толық мүмкіндік бар. Осының есебінен жыл сайын 450-460 мың тонна күріш өндіру көзделуде. Бұл еліміздің күрішке қажеттілігін толық қамтамасыз етеді және экспорттық әлеует сақталады. Егісті әртараптандыру, агротехнологияларды жақсарту шаралары жеңілдетілген несиелендіру, субсидиялау секілді мемлекеттік қаржылай қолдауды қажет етеді. Дайын жобаларымыз бар», – деді аймақ басшысы.</blockquote><img src="https://knadmin.beoblood.kz/uploads/417450672_681408464180401_5006879994299633400_n_44c48edcff.jpg" alt="417450672_681408464180401_5006879994299633400_n.jpg">Нұрлыбек Машбекұлы статистикалық мәліметтерді өзектендіру, мал басын арттыру, Жол картасында бекітілген индикативтерге қол жеткізу бағытындағы жұмыстарға тоқталды.Кеңес отырысынан кейін арнайы мәжіліс өткізген аймақ басшысы Қызылорда облысының өсіп-өркендеуіндегі аграрлық саланың орны мен маңызы туралы айтты.<blockquote>«Мемлекет тарапынан жыл сайын аграрлық саланы қолдауға қомақты қаржы бөлініп, ауыл шаруашылығының даму қарқынына оң әсерін тигізуде. Өткен жылғы 18,2 млрд. теңге биыл 6,7 млрд. теңгеге артып 24,9 млрд. теңгені құрады. Мемлекеттік қолдаудың арқасында ауыл шаруашылығында 220,9 млрд. теңгенің өнімі өндіріліп, өсім көрсеткіші 3,7 пайыз артты. Ауыл шаруашылығының негізгі қорына салынған инвестиция 19,7 пайыз, тамақ өнімдерін өндірудегі негізгі капиталға салынған инвестиция 14,3 пайыз өсті. Жалпы өнім бойынша жылдық жоспар 192,7 млрд. теңгені құраса, өткен жылдың қорытындысымен жоспардағыдан 31,3 млрд. теңгеге артық болды, облыс көрсеткіші республикада 2-орыннан көрінді», – деді аймақ басшысы.</blockquote>Мәжілісте жауапты басшыларға ауыл шаруашылығы саласына тартылатын инвестиция көлемін арттыру, суды үнемдейтін озық технологияларды енгізу, егін егуге ынталы отбасыларға жер учаскелерін дайындау міндеті жүктелді.Жиынды қорытындылай келе, аймақ басшысы ауыл шаруашылығы және жер қатынастары басқармасына, Қызылорда қаласы мен аудан әкімдеріне статистика департаментімен бірлесіп, саладағы барлық көрсеткіштерді нақты жағдайға келтіріп, өзектендіруді тапсырды. Жол картасындағы жоспарланған шаралардың мерзімінде орындалуы, инвестициялық жобаларға қайта талдау жүргізу, 2024-2028 жылдары жүзеге асырылатын жобалар пулын қалыптастыру аса маңызды. Сондықтан шағын несие және қаржы ұйымдарымен бірлесіп, инвестжобалардың қаржылық мәселесін шешуге ықпал жасау керек.<figure class="image"><img src="https://knadmin.beoblood.kz/uploads/417491702_681408647513716_542761308823944426_n_922a3207d8.jpg" alt="417491702_681408647513716_542761308823944426_n.jpg"></figure>

Қазақстан және Қызылорда облысының басты жаңалықтары