Фото: Ақорда<a href="https://kyzylorda-news.kz/">Kyzylorda-news.kz.</a> Азаматтарға әлеуметтік қолдау көрсету жүйесін қайта қараған жөн. Бюджет қаржысы шын мәнінде көмекке мұқтаж адамға берілуі керек. Бұл туралы Президент Қасым-Жомарт Тоқаевтың төрағалығымен Үкіметтің кеңейтілген отырысында айтты.&nbsp;<blockquote>«Реформа жүргізгенде әлеуметтік көмектің кімге және қалай берілетінін түгел қайта қарау қажет. Яғни, бөлінген қаржыны барынша тиімді жұмсап, оны шын мәнінде көмекке мұқтаж адамға беру керек. Қазіргі таңда 4,5 миллионға жуық адам мемлекеттен әлеуметтік көмек алады. Бұл – шамамен еліміздің әрбір бесінші тұрғыны деген сөз. Басым көпшілігі – еңбекке жарамды азаматтар. Халыққа әлеуметтік көмек береміз деп, біз, шыны керек, қоғамда масылдық психологияға жол бердік. Өркениетті ел боламыз десек, мұндай жағымсыз үдеріске тосқауыл қоюымыз керек», - деді Президент.</blockquote>Оның айтуынша, тұратын үйі, тіпті, астында қымбат көлігі бар азаматтарға емес, көмекке зәру адамдарға көмек берілуі қажет.<blockquote>«Жалпы, азаматтарға әлеуметтік қолдау көрсету жүйесін қайта қараған жөн. Себебі, мемлекеттен көмек алу үшін табысын әдейі азайтып көрсететін адамдар бар. Әлеуметтік көмекті кімге беру қажеттігі адамның кірісіне емес, шығысына қарап анықталуға тиіс. Бұл мәселеде бір нақты шешім қабылдау қажет», - деді Мемлекет басшысы.</blockquote>Дереккөз: Казинформ

Әрбір бесінші қазақстандық әлеуметтік көмек алады, масылдыққа жол бердік – Президент

<h4 style="margin-left:0px;"><a href="https://kyzylorda-news.kz/">Kyzylorda-news.kz.</a> Биыл да құрғақшылық болуы мүмкін, су министрлігі ойдағыдай нәтиже бермеді. Президент Қасым-Жомарт Тоқаев Үкіметтің кеңейтілген отырысында осылай деді.&nbsp;</h4><blockquote><h4 style="margin-left:0px;">«Әсіресе, Түркістан және Қызылорда облыстарындағы жағдай мүшкіл, құрғақшылық қаупі аса жоғары. Соған қарамастан, осы аймақтарда тиісті жұмыс жүргізіліп жатқан жоқ. Сондықтан, суды көп қажет ететін дақылдарды азайтып, құрғақшылыққа төзімді дақылдарды көбейту керек, су үнемдейтін технологияны енгізу қажет. Ахуалды жақсарту үшін батыл әрекет жасау керек.</h4><h4 style="margin-left:0px;">Ең алдымен, су үнемдеу технологиясын кең ауқымда енгізген жөн. Шыны керек, біз суды тым орынсыз жұмсаймыз. «Судың да сұрауы бар». Бүкіл ел болып &nbsp;суды үнемдеп пайдалану мәдениетін қалыптастыруымыз керек. Көрші мемлекеттердің тәжірибесін зерттеп, тиімді тұстарын алу қажет.</h4><h4 style="margin-left:0px;">Елді сумен қамтамасыз ету – аса маңызды міндет, ұлттық қауіпсіздік мәселесі деуге болады. Өнеркәсіпте, агросекторда, коммуналдық шаруашылықта, жалпы, барлық салада суды тиімді пайдалану мәселесіне ерекше мән беру қажет», - деді Президент.</h4></blockquote>

Президент:  Қызылордада құрғақшылық қаупі жоғары, жағдай мүшкіл

<h4 style="margin-left:0px;text-align:justify;"><a href="https://kyzylorda-news.kz/">Kyzylorda-news.kz.</a> Алматы облысында химия пәні мұғалімі мен оқушы арасында дау туды. Оқиғаның видеосын 8-сынып оқушысының анасы жолдады, деп хабарлайды <a href="http://inbusiness.kz/">inbusiness.kz</a>&nbsp;сайты.</h4>Әйелдің айтуынша, Алматы облысы Іле ауданындағы ауылдық мектептердің бірінде химия сабағында мұғалім оқушыны үйде дәптерін ұмытып кеткені үшін айғайлап, ол көтерген. Дәлел ретінде әйел мұғалімнің оқушыға дауыс көтеріп сөйлеп жатқанын, оның қолынан ұстап, итеріп жіберген видеосын жіберген. Ол бұл дерек бойынша күйеуінің полицияға хабарласқанын айтты.<blockquote>"Бір апта бұрын химия пәнінің мұғалімі баламды сабаққа екі минут кешігіп келгені үшін сабақтан қуып жіберді.&nbsp;Бүкіл мектеп мұғалімді қорғайды. Баламның жүйкесі жұқарғаны сонша, денесі бөртіп кетті.&nbsp;Мұғалімдердің қол көтеруге құқығы жоқ деп есептеймін", - дейді оқушының анасы.</blockquote>Алматы облысының әкімдігі химия пәнінің мұғаліміне қатаң сөгіс жарияланғанын және Алматы облысы білім басқармасының комиссиясы жүргізген тексеруден кейін әңгіме жүргізілгенін хабарлады.Облыстық полиция 25 қаңтарда ауыл тұрғынының арызы қабылданғанын айтты.<blockquote>"Бұл дерек аудандық ішкі істер бөлімінде тіркелді. Мұғалімге қатысты әкімшілік хаттама толтырылды. Сонымен қатар, кәмелетке толмаған баланың ата-анасының уәждері негізінде соңғы процестік шешім қабылдау үшін сараптама тағайындалды", - деп хабарлады полиция өкілдері.</blockquote>Фото: Нұрболат Нұржаубай

Мұғалім дәптерін ұмытып кеткен оқушыға қол көтерген

<h4 style="margin-left:0px;text-align:justify;"><a href="https://kyzylorda-news.kz/">Kyzylorda-news.kz.</a> Қайғылы оқиға 6 ақпанда Шымкент қаласындағы "Низамхан" жекеменшік мектебінде болған, деп хабарлайды <a href="http://inbusiness.kz/">inbusiness.kz</a>.</h4>Оқушы қыз 8-сыныпта оқыған. Ол бірінші сабақта ол өзін нашар сезінген.Директордың айтуынша, мектепке жедел жәрдем қызметі келген. Алдын ала болжам бойынша, 6 ақпанға қараған түні оқушы көп дәрі ішкен. Жансақтау бөліміне жеткізгенмен, құтқарып қалу мүмкін болмады. Түске қарай қайтыс болғаны белгілі болды.<blockquote>"Баланың жағдайы нашарлады. Жедел жәрдем шақырдық. Не болғанын білмедік. Ол түнде 40 шақты жүрек дәрісін ішіп, мектепке келген деді. Қазір тергеу жүргізіліп жатыр. Қыз бала тұйық болмаған, сыныптастарымен араласты. Олар бүкіл сынып болып 79-мектептен ауысып келді. Қудалау болған емес", – дейді "Низамхан" жекеменшік мектебінің директоры Юлия Сергеевна.</blockquote>Фото: Нұрболат Нұржаубай

Оқушы қыз 40-қа жуық дәрі ішіп, жансақтау бөлімінде көз жұмды

<h4 style="margin-left:0px;"><a href="https://kyzylorda-news.kz/">Kyzylorda-news.kz.</a> Ақтөбе облысында боран салдарынан жолда қалғандарға нан қымбат сатылған деп хабарлайды Kyzylorda news ақпарат агенттігі El.kz сайтына сілтеме жасап. Самара - Шымкент тас жолының Хромтау қаласы мен Қобда ауылына дейінгі аумағында жүзге жуық көлік кептелісте қалды. Олар жолдың жабылуына байланысты бір жерде тұр. Осы кезді пайдаланған алыпсатарлар бір бөлке нанды 1300 теңгеден саудалаған. Бірақ аудан басшылары жолда қалғандарға қымбат баға ұсынған кімдер екенін сол күйі анықтай алмады.</h4>Жол бойындағы дәмханалар мен демалыс орындары нан бағасын себепсіз көтермеген.Ал Ақтөбеден шығар тұста Өзбекстан азаматтары мінген алты автобус боранда қарға батып қалған. Жолаушылар арасында он бала бар. Оларға қажетті ас-су мен дәрі дәрмек жеткізіліп, шетелдіктер сапарын жалғастырыпты.Фото: <span style="background-color:rgb(255,255,255);color:rgb(102,102,102);font-family:-apple-system, BlinkMacSystemFont, &quot;Segoe UI&quot;, Roboto, &quot;Helvetica Neue&quot;, Arial, &quot;Noto Sans&quot;, sans-serif, &quot;Apple Color Emoji&quot;, &quot;Segoe UI Emoji&quot;, &quot;Segoe UI Symbol&quot;, &quot;Noto Color Emoji&quot;;">pixabay.com

Боранның әсерінен жолда қалғандарға нан 1300 теңгеден сатылған

<h4 style="margin-left:0px;"><a href="https://kyzylorda-news.kz/">Kyzylorda-news.kz.</a> Елімізге ауқымды инвесторларды тарту қажет. Бұл туралы Үкіметтің кеңейтілген отырысында мемлекет басшысы мәлімдеді.</h4><blockquote>«Елімізге ауқымды инвестиция тартудың тағы бір маңызды шарты – Ұлттық инфрақұрылым жоспары. Бұл құжат сапалы әзірленуге тиіс. Ойға келгеннің бәрін бір құжатқа жинақтап, сосын бюджеттен қаржы бөлінбеді деп сылтау айту – қолыңнан түк келмейтінін мойындау деген сөз.</blockquote><blockquote>Үкіметке Инфрақұрылым жоспарын қайта қарауды тапсырамын. Негізгі басымдықтарды айқындап, стратегиялық маңызы бар жобаларға жеке инвестиция тарту мәселесін мұқият ойластыру керек. Тек аса қажет болған жағдайда ғана қаржылай қолдау шараларын қарастырған жөн.</blockquote><blockquote>Елден заңсыз шығарылған активтерді қайтару инвестицияның тағы бір қайнар көзі болуға тиіс. Мен бұл шаруаның бағыт-бағдары туралы бірнеше рет айтқан болатынмын. Бизнес өкілдерімен кездесулерде де осы мәселеге тоқталдым. Уәкілетті құрылымдар жұмысты жандандыруы керек.</blockquote><blockquote>Түскен қаражатты еліміз үшін маңызы зор жобаларды жүзеге асыруға пайдалану қажет. Алайда, өзге де құқық қорғау органдары жүгенсіздікке жол бермеуге тиіс. Тағы да ескертемін, «шаш ал десе, бас алып», асыра сілтемеу керек. Мен мұндай жөнсіз әрекеттің қай-қайсысын да қатаң айыптаймын.</blockquote><blockquote>Біздің басты міндетіміз – кәсіпкерлердің еркіндігін шектеу емес, керісінше, елімізде бизнеске және инвестицияға жайлы орта қалыптастыру. Бұл жұмыстың әлеуметтік әділдікті қамтамасыз ету тұрғысынан айрықша мәні бар. Маңызды экономикалық міндетті орындауды көздейтін осы бастаманы ешкімнің жоққа шығаруына жол берілмейді»</blockquote>

Қ.Тоқаев: Бюджеттен қаржы бөлінбеді деп сылтау айту – қолыңнан түк келмейтінін мойындау деген сөз

<h4 style="margin-left:0px;"><a href="https://kyzylorda-news.kz/">Kyzylorda-news.kz.</a> Бюджет және салық саясатының тиімділігін барынша арттыру қажет. Бұл туралы Мемлекет басшысы Қасым-Жомарт Тоқаев Үкіметтің кеңейтілген отырысында айтты.&nbsp;</h4><blockquote>«Енді бюджеттің кіріс бөлігіне келейік. Қазір жаңа Салық кодексі әзірленіп жатыр. Бұл құжат инвесторларға қолайлы жағдай жасау мен бюджетке қажетті көлемде қаржы түсірудің арасында көкейге қонымды теңгерім болуын қамтамасыз етуі керек. Алайда, бизнес қауымдастығында бұл құжат, ең алдымен, салық мөлшерлемесін өсіруді көздейді деген пікір қалыптасып отыр. Қазақстанда түпкі мәні өзгеріп кеткен қосылған құн салығының өзін реформалау қажет. Оны 12 пайыздан 16 пайызға дейін көтеру мәселені шешпейді. Сарапшылар қосылған құн салығын көтеру көлеңкелі экономиканың үлесін арттырып, инфляцияның өсуіне әкеп соқтыруы ықтимал деп орынды пікір білдіріп жатыр. Бұл қадам еліміздің инвестициялық тартымдылығына да кері әсер етуі мүмкін. Бұрынғы Үкімет Ұлттық қордан бөлінетін трансферттің орнына салықты көтеріп, қазынаға қосымша қаржы түсіреміз деген уәжді алға тартатын. Жаңа Салық кодексін әзірлеу барысына Мемлекет басшысы ретінде менің көңілім толмайды», - деді&nbsp; Қасым-Жомарт Тоқаев. &nbsp;</blockquote>

Бюджет және салық саясатының тиімділігін барынша арттыру қажет - Президент

<h4 style="margin-left:0px;"><a href="https://kyzylorda-news.kz/">Kyzylorda-news.kz.</a> Қазақстан жер сілкінісі саны бойынша 6-орынға көтерілді. Бұл туралы Ranking.kz мәлімдеді.</h4>Биыл республикада 123 жер сілкінісі тіркелген. Ең жоғары магнитуда — 7 балл. Бұл осы жылдың қаңтар айының соңында Алматыда болған жер сілкінісі, — делінген агенттік мәліметінде.Өткен жылы Қазақстанда 55 жер сілкінісі тіркеліп, ең жоғары магнитуда 5,3 болған.Фото: freepik.com

Қазақстан жер сілкінісі саны бойынша 6-орынға көтерілді

<h4 style="margin-left:0px;"><a href="https://kyzylorda-news.kz/">Kyzylorda-news.kz.</a> Кеше Премьер-Министр лауазымына кіріскен Олжас Бектеновтің орнына Айбек Дәдебаев Президент Әкімшілігінің басшысы болып тағайындалды. Кешке қарай О. Бектенов басқаратын министрлер кабинетінің құрамы да белгілі болды, деп хабарлайды <a href="https://kaz.inform.kz/news/4-zhana-esm-bektenovtn-kabinet-kalay-zhasaktaldi-91069e/">Kazinform.</a></h4>«Бәйтеректен» Ұлттық экономикаға48 жастағы <a href="https://kaz.inform.kz/news/nurlan-baybazarov-premer-ministrdn-orinbasari-ar-ulttik-ekonomika-ministr-boldi-469ab2/">Нұрлан Байбазаров</a> Ұлттық экономика министрі болған Әлібек Қуантыровтың орнына жайғасты. Бүгінге дейін «Бәйтерек» ұлттық басқарушы холдингін басқарған ол қызметтегі 23 жылының көбін квазимемлекеттік секторда өткерген. «Қазақстанның Даму Банкі», «Қазақстан темір жолы», «ҚазМұнайГаз», «Өнеркәсіпті дамыту қоры» компанияларында жұмыс істеген Нұрлан Байбазаров экс-министр Ә.Қуантыровтың қосылған құн салығын төлейтін тұлғалардың қатарын кеңейту арқылы бюджет тапшылығын жою туралы бастамасын не істейтіні қызық.<img class="image_resized" style="width:560px;" src="https://img.inform.kz/kazinform-photobank/media/2024-02-06/5c857e05-8e92-4551-b9ce-4413b14393ec.jpeg" alt="нұрлан байбазаров" loading="eager">Фото: primeminister.kzМәжіліс комитетінен Қаржы министрлігінеНұрлан Байбазаров министрлік лауазымымен қатар Премьер-министрдің орынбасары қызметін қатар алып жүреді. Бұл міндет оған Қаржы министрі болған Ерұлан Жамаубаевтан қалды деп топшылауға болады. Олай дейтініміз, оның орнына келген <a href="https://kaz.inform.kz/news/erulan-zhamaubaevtin-ornina-madi-takiev-keld-0601d8/">Мәди Тәкиев</a> тек министрлік лауазымын атқарады.Еңбек жолын есепшіліктен бастаған Мәди Төкешұлы 1 сәуірде 46-ға толады. Салық органдарында түрлі лауазымдар атқарған ол 2019-2020 жылдары ҚР Ұлттық экономика вице-министрі болса, 2020-2023 жылдары Президент Әкімшілігінің Әлеуметтік-экономикалық мониторинг бөлімінің меңгерушісі ретінде жұмыс істеді. 2023 жылғы наурыздан бастап Мәжілістің Қаржы және бюджет комитетінің төрағасы болып жұмыс істеп келді.<img class="image_resized" style="width:560px;" src="https://img.inform.kz/kazinform-photobank/media/2023-12-18/c2dfa5e5-d1a9-41ea-b11f-5b13cf16d4f6.jpeg" alt="Мади Такиев" loading="eager">Фото: Парламент Мәжілісінің баспасөз қызметіПрезидент күзетінен ТЖМ-геСырым Шәріпхановтың <a href="https://kaz.inform.kz/news/eks-ministr-sirim-sharphanov-nesmen-este-kaldi-211f26/">орнына келген</a> Төтенше жағдайлар министрі <a href="https://kaz.inform.kz/news/totenshe-zhagdaylar-ministr-shingis-arnov-8b1d5a/">Шыңғыс Әрінов</a> 2006 жылдан 2022 жылға дейін Мемлекеттік күзет қызметінде түрлі сатыдан өтіп, шыңдалған. 40 жастағы жаңа министр 2022 жылдың қаңтарынан бүгінге дейін Қазақстан Республикасы Президентінің Өкімімен Қазақстан Республикасы Мемлекеттік күзет қызметі бастығының орынбасары — Президент күзет қызметінің бастығы болып келді.<img class="image_resized" style="width:560px;" src="https://img.inform.kz/kazinform-photobank/media/2024-02-06/f9e9b5cc-110e-44f8-99c3-8e0c43f8cdb5.jpeg" alt="Шыңғыс Әрінов" loading="eager">Фото: Парламент МәжілісіДепутаттықтан ДенсаумингеӘ. Смалиов кабинетіндегі үш әйел министрдің бірі болған Ажар Ғиният қызметімен қоштасқанымен, орнын тағы бұрымды басты. Ол – Сенат депутаты <a href="https://kaz.inform.kz/news/azhar-giniyattin-ornina-akmaral-alnazarova-keld-640c32/">Ақмарал Әлназарова</a>.52 жастағы А. Әлназарова – медицина ғылымдарының докторы. Педиатр маман Қызылорда облысының денсаулық сақтау саласында басшылық қызметтер атқарып, жергілікті мәслихат депутаты болды. Сенаттағы депутаттық мандатында да денсаулық саласының өзекті проблемаларын көтерумен есте қалды.&nbsp;<img class="image_resized" style="width:560px;" src="https://img.inform.kz/kazinform-photobank/media/2024-02-06/3cc59f79-85bd-4f0e-82e8-d421f29a7c60.jpeg" alt="ақмарал әлназарова" loading="eager">Фото: primeminister.kzТағы бір мүмкіндік берілгендерМемлекет басшысының Жарлықтарымен келесі лауазым иелері бұрынғы орындарында қалды:<ul><li style="text-align:justify;">37 жастағы Көлік министрі&nbsp;<a href="https://kaz.inform.kz/news/marat-karabaev-kolk-ministr-kizmetn-ar-karay-atkara-bered-71e239/">Марат Қарабаев</a>,</li><li style="text-align:justify;">54 жастағы Туризм және спорт министрі&nbsp;<a href="https://kaz.inform.kz/news/ermek-marzhikpaev-turizm-zhane-sport-ministr-boldi-e4b3b6/">Ермек Маржықпаев</a>,&nbsp;</li><li style="text-align:justify;">49 жастағы Мәдениет және ақпарат министрі&nbsp;<a href="https://kaz.inform.kz/news/aida-balaeva-orninda-kaldi-7acd94/">Аида Балаева</a>,&nbsp;</li><li style="text-align:justify;">56 жастағы Су ресурстары және ирригация министрі&nbsp;<a href="https://kaz.inform.kz/news/nurzhan-nurzhgtov-su-resurstari-ministr-lauaziminda-kaldi-1a9065/">Нұржан Нұржігітов</a>,&nbsp;</li><li style="text-align:justify;">42 жастағы Ғылым және жоғары білім министрі <a href="https://kaz.inform.kz/news/sayasat-nurbek-gilim-zhane-zhogari-blm-salasindagi-kizmetn-zhalgastira-bered-d4b6e6/">Саясат Нұрбек</a>,</li><li style="text-align:justify;">62 жастағы Экология және табиғи ресурстар министрі<a href="https://kaz.inform.kz/news/erlan-nisanbaev-ekologiya-zhane-tabigi-resurstar-ministr-bolip-kayta-tagayindaldi-eb35d3/"> Ерлан Нысанбаев,</a>&nbsp;</li><li style="text-align:justify;">54 жастағы Оқу-ағарту министрі <a href="https://kaz.inform.kz/news/gani-beysembaev-buringi-kizmetne-kayta-tagayindaldi-01f253/">Ғани Бейсембаев,</a></li><li style="text-align:justify;">40 жастағы Цифрлық даму, инновациялар және аэроғарыш өнеркәсібі министрі <a href="https://kaz.inform.kz/news/bagdat-musin-oz-orninda-kaldi-787c03/">Бағдат Мусин</a>,</li><li style="text-align:justify;">57 жастағы Ауыл шаруашылығы министрі<a href="https://kaz.inform.kz/news/aydarbek-saparov-auil-sharuashiligi-ministr-lauazimin-atkara-bered-0dcc12/"> Айдарбек Сапаров</a>,&nbsp;</li><li style="text-align:justify;">53 жастағы Энергетика министрі&nbsp;<a href="https://kaz.inform.kz/news/almasadam-satkaliev-energetika-ministr-bolip-kayta-tagayindaldi-27c920/">Алмасадам Сәтқалиев,</a>&nbsp;</li><li style="text-align:justify;">46 жастағы Сауда және интеграция министрі <a href="https://kaz.inform.kz/news/arman-shakkaliev-sauda-zhane-integratsiya-ministr-8b3618/">Арман Шаққалиев,</a>&nbsp;</li><li style="text-align:justify;">42 жастағы Өнеркәсіп және құрылыс министрі <a href="https://kaz.inform.kz/news/kanat-sharlapaev-buringi-orninda-kaldi-b5df03/">Қанат Шарлапаев</a>,</li><li style="text-align:justify;">55 жастағы Еңбек және халықты әлеуметтік қорғау министрі,<a href="https://kaz.inform.kz/news/svetlana-zhakipova-enbek-zhane-halikti-aleumettk-korgau-ministr-kizmetn-atkara-bered-d3368d/">Светлана Жақыпова,</a></li><li style="text-align:justify;">44 жастағы Әділет министрі <a href="https://kaz.inform.kz/news/azamat-eskaraev-buringi-kizmetnde-kaldi-90a52d/">Азамат Есқараев.</a></li></ul>21 министрдің үшеуі - әйелСондай-ақ Конституция бойынша Президент өз бетімен тағайындайтын үш министр де орындарын сақтап қалды. Атап айтсақ:<ul><li style="text-align:justify;"><a href="https://kaz.inform.kz/news/murat-nurtleu-oz-kizmetnde-kaldi-765a33/">Мұрат Нұртілеу</a> Қазақстан Республикасы Премьер-Министрінің орынбасары – Сыртқы істер министрі лауазымына,&nbsp;</li><li style="text-align:justify;"><a href="https://kaz.inform.kz/news/erzhan-sadenov-shk-ster-ministr-lauazimina-kayta-tagayindaldi-61d380/">Ержан Сәденов</a> Қазақстан Республикасының Ішкі істер министрі лауазымына,</li><li style="text-align:justify;"><a href="https://kaz.inform.kz/news/korganis-ministr-kayta-tagayindaldi-08f103/">Руслан Жақсылықов</a> Қорғаныс министрі лауазымына қайта тағайындалды.&nbsp;</li></ul>Бұрынғы Қаржы министрі Ерұлан Жамаубаевтан басқа вице-премьерлер де қызметінде қалды.Жаңа кабинеттің жасына келсек, ең жас министр Көлік министрі Марат Қарабаев болып тұр. Ал ең егде жастағы Экология және табиғи ресурстар министрі Ерлан Нысанбаевтың зейнет жасына жетуіне бір жылдай ғана уақыт қалған.Жалпы министрлер кабиентіндегі 21 министрдің үшеуі - әйел.

Үкіметтің жаңа құрамы қалай жасақталды?

<h4 style="margin-left:0px;text-align:justify;"><a href="https://kyzylorda-news.kz/">Kyzylorda-news.kz.</a> Скандинавия аймақтарынан келетін орасан зор циклон Қазақстан аумағына әсер етеді. Осыған байланысты 7 ақпанда елімізде ауа райы құбылмалы болады.</h4>Қазгидромет синоптиктерінің болжамы бойынша, еліміздің басым бөлігінде жаңбыр, қар жауады.Республика бойынша тұман түсіп, көктайғақ болады, жел күшейеді. Солтүстік-батыста, солтүстікте, оңтүстікте, оңтүстік-шығыста бұрқасын болады, қатты жел тұрады.Ақтөбе облысының солтүстігінде, Қостанай облысының оңтүстігі мен шығысында, Ақмола облысының батысы мен солтүстігі, шығысында, Солтүстік Қазақстан облысының оңтүстігі, батысы, Жамбыл облысында таулы аймақтарда, Түркістан облысында дауыл соғады.Фото: Нұрболат Нұржаубай

7 ақпанда ауа райы қандай болады?

<h4 style="margin-left:0px;"><a href="https://kyzylorda-news.kz/">Kyzylorda-news.kz.</a> Көпшілік танымал отандық әнші Тоқтар Серіковтің жылқы өсірумен айналысатындығын да біледі. Өнер иесі «ХабарLike» бағдарламасында қонақ болып келіп, қанша бас жылқысы барын айтты, деп хабарлайды El.kz&nbsp;ақпарат агенттігі.</h4><blockquote>Дәулет Тұрлыханов ағамызбен үлкен тойда бас қостық. Жанында әңгімесін тыңдап отырмын. Бейбіттен «Тоқтардың қанша жылқысы барын білесің бе?» деп сұрап еді, Бейбіт хабары жоғын жеткізді. Ағамыз «Неге білмейсің? Тоқтардың жылқысы өте көп қой» деді. Себебі екеуміздің жайлауымыз да, қыстағымыз да бір жерде. Негізі қазақ баласы мен малының санын айтпаған ғой. Бар! Құдайға шүкір, жетеді, - деді Тоқтар Серіков.</blockquote>

Тоқтар Серіковтың қанша жылқысы бар?

<h4 style="margin-left:0px;text-align:justify;"><a href="https://kyzylorda-news.kz/">Kyzylorda-news.kz.</a> Бұл оқиға корей оқушыларының арасында кеңінен таралған. Әсіресе орта мен жоғары мектеп оқушыларының қыздары жиі бір-біріне айтып жүреді. Мектеп қабырғасында оқитын жасөспірім бала шешек ауруына шалдығады. Біраз күйзеліске ұшырап, бірақ аурумен күресіп, берілмей дертінен айығады.&nbsp;</h4><h4 style="margin-left:0px;text-align:justify;">Дегенмен, аурудан толық жазылса да, бетінде жара болып, дерттің ізі қалады. Құдды бір қиын күндерін қайта-қайта есіне түсіріп тұрғандай. Бала әлі жас қой. Онсызда ауырған кезінде бәрі жиіркеніп қарайтын. Енді жазылған кезде қоғамның күнделікті әңгімесіне, назарына қалғысы келмейтіні түсінікті. Сол себепті бетіндегі жарадан құтылу үшін оқушы бала бәріне дайын болады. Қаншама крем, жақпамай ешқайсысы балаға көмек бермеген-ді.</h4>Солай күн мен түн өтіп, сұрамаған адамы, қақпаған есігі қалмайды. Әбден қиналып кеткен баланы көрген бір адам «бақсыға барып көрсейші» деп кеңес береді. Шарасыз оқушы бақсыға барады. Барлық басынан өткен оқиғаны ашық түсіндіреді. Тіпті шерін шығарып, жеңілдеп қалады. Бақсы «қолымнан келмейтін бұл өмірде ешнәрсе жоқ» деп балаға бірден көмектесуге шешім қабылдайды. Бала қуаныштан секіріп, жүзі бал-бұл жайнайды. «Ұйықтар алдында тарақанды тауып, жас­тығыңның &nbsp;астына &nbsp;салып &nbsp;қой. Тарақанмен бірге ұйық­тасаң, азанда &nbsp;жараның ізі де қалмайды» деп айтады. Бала бақсының &nbsp;сөзіне &nbsp;иланып, &nbsp;айтқанын &nbsp;қаз-қалпында &nbsp;орындайды.Келесі күні ұйқыдан тұрған бала жүгіріп барып айнаға қарайды. Әдетте айнаға мүлде жоламайтын ол бұл жолы біраз тұрып қалады. Расымен, бақсының кеңесі көмектесті ме, бала бетіндегі жараларын алғашқыда байқамайды. Алайда жақындап қараса, жаралары кетпеген. Тек жараның тыртықтары тарақанның жұмыртқаларына толып кеткен екен.Корей тілінен аударған Азамат АбимолдаФото: Нұрболат Нұржаубай

Қазақстан және Қызылорда облысының басты жаңалықтары