Фото: Дамир ЕрубаевKyzylorda-news.kz. Мәжілістің Халықаралық істер, қорғаныс және қауіпсіздік комитетінің төрайымы Айгүл Құспан Jibek Joly телеарнасына берген сұхбатында әскери қызметтегі ер адамдардың бала күтіміне байланысты демалысқа шығуын ұятсыздыққа балады, &nbsp;деп хабарлады Қазақпарат.&nbsp;<blockquote>«Ер офицерлердің декретке шығуына рұқсат беретін заң 2014 жылы қабылданған болатын. Бірінші жылдары олар ұялды. Үшеу-төртеуі ғана декретке шығатын. Ал қазір 600 ер офицер рахаттанып декретте жүр. Өйткені олардың қызметі жүріп жатады, шені өсе береді. Балаға бәрібір әйелдері қарайды. Одан қалса әжесі, бала күтушілер бар. Ал офицер басқа бір жұмыста істеп жүр. Мысалы, такси айдаса да декрет ақшасымен қосқанда көп ақша табады. Бұл енді кішкене ұятсыздау нәрсе деп ойлаймын. Сондай-ақ, ол қауіпті», — деді Айгүл Құспан.</blockquote>Оның айтуынша, Қорғаныс министрлігі ер офицерлерді бала күтімі бойынша демалысқа жіберуге рұқсат беретін шешімдердің күшін жоюға ынталы.<blockquote>«Қорғаныс министрлігі қазір шырылдап жүр. Мүмкін бұл норманы қайта қарайтын шығар. Бірақ бұл шешім — біздікі емес, халықаралық норма. Халықаралық еңбек ұйымы деген ұйым бар, Женевада отырады. Солар „Ер адам мен әйелдің құқығы бірдей. Баламен отыруға екеуінің де құқығы бар. Әскери адам болсын, жай азамат болсын“ дейді. Қазақ қоғамында бұл кішкене ерсі нәрсе», — деді депутат.</blockquote>

Офицерлер рахаттанып декретте жүр, ал баласына бәрібір әйелі қарап отыр - депутат

Kyzylorda-news.kz. Облыс әкімінің бастамасымен жуырда Қызылорда облысының 7 ауданында музей, кітапхана, архив, неке қию залы, ардагерлер және аналар, жастар орталықтары сынды бірқатар тарихи-мәдени, рухани ұйымдарды біріктіретін типтік үлгідегі «Руханият» орталықтары салынбақ. Ғимараттың құны шамамен *1,5*-1,8 млрд. теңгені құрайды.Барлық ұйымдарды бір ғимаратқа біріктіру арқылы бюджет қаржысы үнемделеді. Тағы бір пайдалы тұсы – ақсақалдар мен жастар бір-бірімен араласып, бірлескен жобаларды жүзеге асырады, жас буын үлкендердің ақылын тыңдап, тәжірибе алмасады. Мұндай орталықтардың бой көтергені бірнеше нысан салғанға қарағанда әлдеқайда тиімді. Әрқайсысын бөлек салғанда әрбіріне 1 млрд теңгеге жуық қаражат жұмсалады, әрі қарай оны күтіп-ұстауға да шығын кетеді. Бір ғимарат ішінде мәдени-көпшілік шаралар, концерттер, мерекелік кештер өткізу оны тұрғындар жиі келетін мәдениет ошағына айналдырады. Осылайша, Сыр өңірінде қай жағынан да ұтымды, бірегей жоба қолға алынбақ.Еске салсақ, өткен жылы өңірде &nbsp;150 орындық төрт клуб жаңадан салынып пайдалануға берілді. &nbsp;Қызылорда қаласында отбасылық құндылықтар мен салт-дәстүрді дәріптейтін «Анаға тағзым», «Отбасы» орталықтары қызметін бастады. Биыл облыс бойынша *17,0 млрд теңгеге 7000 орындық стадион, 2,7 млрд теңгеге үстел теннисы Орталығы, 6,8 млрд теңгеге Республикалық көпфункционалды спорт орталығы*, 4,8 млрд теңгеге 6 спорт кешені мен 4 ауылдық клуб құрылысы қолға алынады. Құны 3 млрд 700 млн теңгені құрайтын 1000 орындық Өнер орталығы жақын наурыз айында ашылады. Балалар мен жасөспірімдердің шығармашылығын шыңдау мақсатында Қызылорда қаласында «Шығармашылық академиясы» салынады.<img src="https://knadmin.beoblood.kz/uploads/FB_IMG_1705687090834_3b146293b3.jpg" alt="FB_IMG_1705687090834.jpg">

Сыр өңіріндегі 7 ауданда «Руханият» орталықтары салынады

Фото: dauletten.kz<a href="https://kyzylorda-news.kz/ru">Kyzylorda-news.kz.</a> Қызылорда облысының Қоғамдық даму басқармасы «Сыр жастары» бағдарламасы аясында өткізілген конкурс қорытындысы бойынша «Отбасы» банкінде төлем қабілеттілігін тексеруден өтуге жолдама алған 100 үміткердің тізімін ұсынды. Ол өңірдегі жастарды жеңілдетілген ипотекалық несиемен қамтамасыз етуге бағытталған.Банктен жолдама алған өтініш берушінің төлем қабілетсіздігі анықталған жағдайда, жолдама автоматты түрде тізімдегі оның жанындағы осы өтініш берушінің санатындағы үміткерге беріледі.Сондай-ақ байқаудың нәтижелерін <a href="https://kezekte.kz./">kezekte.kz </a>порталының «Jastar» ақпараттық сервисінен көруге болады. Тізім осында.

"Сыр жастары": Жеңілдікпен берілетін баспанаға үміткерлердің тізімі жарияланды

<a href="https://kyzylorda-news.kz/ru">Kyzylorda-news.kz.</a> Ғарышқа алғаш рет төрт турист аттанды, деп хабарлайды <a href="https://el.kz/garyshqa-algash-ret-tort-turist-attandy_104333/">El.kz</a>&nbsp;ақпарат агенттігі.SpaceX-тің мәлімдеуінше, Axiom Mission 3 (Ax-3) миссиясы аясында Crew Dragon кемесімен халықаралық ғарыш станциясына (ХҒС) ғарыш туристері ұшырылды.Аталған операция 18 қаңтарда шығыс уақытымен 16:49-да (Астана уақытымен 19 қаңтардағы 03:49) болды.&nbsp; NASA-ның Кеннеди атындағы ғарыш орталығындағы ұшыру кешенінен Falcon 9 зымыран тасығышы арқылы Crew Dragon әуеге көтерілді.<blockquote>Орбита зертханасында экипаж адам физиологиясы мен өнеркәсіптегі технологиялық жетістіктерге арналған 30-дан астам ғылыми эксперимент жүргізеді, - делінген SpaceX сайтында.</blockquote>Ax-3 экипажының құрамында 4 адам бар:<ul><li>NASA-ның бұрынғы ғарышкері Майкл Лопес-Алегрия (кеме командирі);</li><li>Италия әскери әуе күштерінің полковнигі Вальтер Вилладей;</li><li>Швеция азаматы Маркус Вандт;</li><li>Түркия әскери әуе күштерінің ұшқышы Альпер Гезеравджы.</li></ul>

Ғарышқа алғаш рет төрт турист аттанды

Фото: pixabay<a href="https://kyzylorda-news.kz/ru">Kyzylorda-news.kz.</a> Қазақстандықтар 3,8 триллион теңгеге жуық қаржыны баспана сатып алуға және емделуге жұмсаған, деп <a href="https://kyzylorda-news.kz/ru">Kyzylorda-news.kz.</a> ақпарат агенттігі Zakon.kz сілтеме жасап хабарлайды.Қазақстандықтар тұрғын үй сатып алуға және (немесе) емделуге 1,9 млн өтінішке сәйкес шамамен 3,8 трлн теңге көлеміндегі зейнетақы жинақтарын пайдаланды.Естеріңізге сала кетейік, зейнетақы жинақтарын азаматтар БЖЗҚ-дағы зейнетақы жинақтарының тұрғын үйге, емделуге немесе басқарушы компанияларға аударуға қолжетімді сомасы шегінде бірнеше рет пайдалана алады.2021 жылғы қаңтардан бастап 2024 жылғы 1 қаңтардағы жағдай бойынша "БЖЗҚ" АҚ салымшылардың (алушылардың) тұрғын үй жағдайларын жақсарту үшін зейнетақы жинақтарын пайдалануға берген 1 453 904 өтінішін орындады. БЖЗҚ қазақстандықтардың уәкілетті оператор-банктерде ашылған арнайы шоттарына 3,3 трлн теңгеден аса қаржы аударды.Біржолғы зейнетақы төлемдерінің орташа сомасы шамамен 2,3 млн теңге.БЖЗҚ емделу үшін жалпы сомасы 419,3 млрд теңге болатын 477 866 өтінішті орындады. Алынған соманың орташа мөлшері 0,88 млн теңге.Өтініштердің 96,5% стоматологиялық қызмет алу үшін, 2,5% офтальмологиялық қызметтерді алу бойынша орындалды. Қалған медициналық бағыттарға зейнетақы жинақтарының шамамен 1% пайдаланылды.

Зейнетақы қорынан баспана алу және емделу үшін 3,8 триллион теңге алынды

<a href="https://kyzylorda-news.kz/ru">Kyzylorda-news.kz.</a> 19 қаңтарда елдің басым бөлігінде кең ауқымды антициклонның әсерінен жауын-шашынсыз күн райы күтіледі.&nbsp;Елдің тек батыс, солтүстік-батыс және солтүстік аудандарында атмосфералық фронттардың өтуімен құбылмалы ауа райы болжанады – қар жауып, жаяу бұрқасын болады.Қазақстанның барлық аумағында – тұман, оңтүстікте, оңтүстік-шығыста көктайғақ, желдің күшеюі күтіледі.Фото: Нұрболат Нұржаубай

Жұмаға арналған ауа райы болжамы 

Фото автордыкіВидео сілтемесі: <a href="https://www.instagram.com/reel/C2PdfASNSWy/?igsh=MWlpZDRncG5odnJ5cA%3D%3D">https://www.instagram.com/reel/C2PdfASNSWy/?igsh=MWlpZDRncG5odnJ5cA%3D%3D</a><a href="https://kyzylorda-news.kz/ru">Kyzylorda-news.kz.</a> &nbsp;Ұлы Отан соғысының ардагері Төлеген Жүнісовке Қызылорда қаласының экс әкімі көлік сыйлаймын деп «уәде еткен», – деп хабарлайды «Kyzylorda news» ақпарат агенттігі.Отан үшін от кешкен ардагер қазір 100 жаста. Майдангер 19 жасында соғысқа аттанып, Берлин шайқасына дейін барып, Жеңіс туын желбіреткен. Ол &nbsp;жаяу әскер сапында пулеметші болған.Ақсақалдың айтуынша, қала әкімі мен ардагерлер кеңесінің мүшелері Жеңіс күнімен құттықтауға келгенде экс әкім «100 жасқа толсаңыз, темір көліктің кілтін ұстатамын» деп уәде берген.<blockquote>«Уәде – Құдайдың сөзі» дейміз ғой.. Оны өзім тізгіндемесем де, балаларым қызығын көрсе деймін. Көлік берсе, баратын жеріме мен де емін-еркін жетер едім», – деп отыр майдангер.</blockquote>Ғасырлық белесті бағындырған Төлеген Жүнісов адалдықты алға қояды және &nbsp;мерейлі күнде марапат-құрметсіз қалмағанын жасырмайды.Дегенмен уәденің орындалуын қатты күткен екен. Жаңа әкімнің қабылдауына кірсем деген де үміті бар.Бұл ретте біз қала әкімдігіндегі мамандармен байланысқа шықтық. Мәліметке қарағанда әкімдік тарапынан майдангерге мұндай уәде берілмеген және ардагерлерді ардақтауда ала-құлалыққа жол беріліп жатқан жоқ.Дерек бойынша Қызылорда облысында көзі тірі үш соғыс ардагері бар.Азамат Абимолда&nbsp;

Қызылорда қаласының әкімі майдангерге көлік сыйлаймын деп «уәде еткен»

<a href="https://kyzylorda-news.kz/ru">Kyzylorda-news.kz</a>. 2024 жылғы 1 қаңтардағы жағдай бойынша, жиынтық зейнетақының орташа мөлшері 120 744 теңге болды, оның ішінде ынтымақты зейнетақы – 82 868 теңге, базалық зейнетақы – 37 876 теңге.Ведомство мәліметінше, 2023 жылы республикалық бюджеттен 2,3 миллион адамға 3,3 триллион теңгеден аса сомаға зейнетақы төленген.«2024 - 2026 жылдарға арналған республикалық бюджет туралы» заңға сәйкес ынтымақты зейнетақы мөлшері 2024 жылғы 1 қаңтардан бастап 9%-ға өсті.Фото: Нұрболат Нұржаубай

Еліміздегі зейнетақының орташа мөлшері белгілі болды

&nbsp;Фото: Стан.кз<a href="https://kyzylorda-news.kz/ru">Kyzylorda-news.kz.</a>&nbsp; Қызылордалық көпбалалы ана “Сәтті Жұлдыз” ұсынған лотереядан 156 миллион теңге ұтып алды. Рекордтық ұтыс сомасына қол жеткізген әйел алғашқы әсерін бөлісті. Ол өзінің таңғажайып оқиғасы өзгелердің жүрегіне сәттілік шырағын жағады деген сенімде. Ойда жоқта пайдаға кенелген әйел ұтқан ақшаны қайда жұмсайтынын айтып берді, - деп хабарлайды <a href="https://stan.kz/algashinda-shoship-kete-zhazdadik-lotereyadan-156-milli-393898/">Стан.кз.</a>&nbsp;Жанардың сөзінше, отбасында әкесі ұзақ уақыттан бері лотереялар сатып алып, сәттілік сәтін күтіп жүрген. Алайда билетті тек қағаз түрінде сатып алатын әкесі соңғы уақытта денсаулығына байланысты үйден көп шыға бермейді.<blockquote>“Егде жастағы кісі онлайн дегенді түсіне бермейді” деп түсіндіреді мұны Жанар.</blockquote>Ерекше атап өтерлігі, ұтыс шыққан билетті алған да әкесі екен. Өзінің ұтқанына бірден сене қоймағанын жасырмаған әйел ұтыс жайлы алғаш естіген кездегі сезімімен де бөлісті.<blockquote>“Онлайн сатып алған соң ұтыс шыққаны туралы хабарлама келді. Алғашында аздаған сома шығар деп ойладық. Ал соманың мөлшерін көрген кезде шошып кеттік. Сенер-сенбесімізді білмедік, ал туыстарымыз әлі сенбей жүр. Қазір енді барлық құжаттарға қол қойғаннан кейін сенім пайда болды”, – дейді ұтысқа қол жеткізген әйел.</blockquote>Лотерея билеттерін қалай таңдайтынын түсіндірген ол көбінесе ішкі түйсікке сенім артатынын айтады. 156 миллион теңге ұтқан әйел бұл ақшаны қайда жұмсағысы келетінін айтып, алдағы жоспарларымен бөлісуді ұмытпады.<blockquote>“Ең бірінші пәтер ғой, сол себепті Алматы қаласынан пәтер алсақ деген ойымыз бар. Ары қарайғы жоспарымызды әкемізбен ақылдасып отырып шешеміз”, – дейді қуаныштан қобылжығанын жасыра алмаған әйел.</blockquote>Өзінің және отбасының алдағы өмірін өзгертуге мүмкіндік беретін қаражат ұтқан Жанар өзгелерді де лотереяға сенуге және сәттілік серік болатын кезді күтуге шақырады.Көпбалалы ананың күтпеген табысы туралы бұл оқиға өзгелерге шабыт сыйлап, сәттілік әрбір адамды айналып өтпейтініне сендіретіндей. Себебі өмірдің кейбір қиын тұстарында тек сәттілік ғана жарқын және қауіпсіз болашаққа жол бастайды.&nbsp;

Қызылордалық көпбалалы ана лотереядан 156 миллион теңге ұтып алды

Фото: Polisia.kz<a href="https://kyzylorda-news.kz/ru">Kyzylorda-news.kz.</a> Жалпы, ел бойынша 326 лото клуб қызметі тоқтатылды. Бұл туралы <a href="https://kyzylorda-news.kz/ru">Kyzylorda-news.kz.</a> сайты <a href="https://polisia.kz/iim-men-uqk-iri-onlajn-kazino-zhelisining-zholyn-kesti/">polisia.kz</a> ақпараттық медиа-порталына сілтеме жасап хабарлайды.Соңғы жылдары Қазақстанда лудомания ауруы белең алып жатыр. Бұл – құмар ойындарға патологиялық тәуелділік. Азартқа берілудің соңы әлеуметтік-материалдық құндылықтардың төмендеуіне, тіпті кейде қылмыс жасауға түрткі болуы ықтимал. Ресми мәліметтерге сәйкес, Қазақстанда шамамен құмар ойындарына салынған 350 мың адам бар. Олардың әрбірінің орташа қарызы шамамен 10 миллион теңгені құрайды. Ақшаны жымқырып, тоқтай алмаудың салдары елдегі отбасылардың ажырасуына, тіпті құмар ойынға құныққандардың өзіне-өзі қол жұмсауына әкеп соқтырып жатыр. Осыған байланысты, қазіргі таңда бұл мәселе өзекті және мемлекет назарында. 13 қаңтар күні Ішкі істер министрлігі Ұлттық қауіпсіздік комитетімен бірлесіп, Бас прокуратураның үйлестіруімен лотерея клубтарының атымен жұмыс істейтін заңсыз онлайн-казинолардың ірі желісін жойды. Ең ауқымды бірлескен арнайы операциялардың біріне Ішкі істер министрлігі мен Ұлттық қауіпсіздік комитетінің 3000-нан астам қызметкері жұмылдырылды.<blockquote><ul><li>Жедел әзірлеме орбитасында криминалитет өкілдері де болды, олар ойын мекемелеріне қылмыстық ықпал және қамқорлық еткен, сондай-ақ лото клуб қызметкерлері мен клиенттеріне қатысты қылмыстар жасаған. Заңсыз ойын қызметінен басқа, VIP-клиенттерге интимдік қызметтерді ұйымдастыру, жеңгетайлық және есірткі заттарын пайдалану фактілері тіркелді. Арнайы операция барысында полицияға 400-ден астам адам жеткізілді. Негізгі қылмыстық схеманы ұйымдастырған сегіз адам, оның ішінде алыс және жақын шетел азаматтары ұсталды, – деп түсіндірді ҚР ІІМ Ұйымдасқан қылмысқа қарсы күрес департаментінің басқарма бастығы Қуандық Алпыс.</li></ul></blockquote>

326 лото клуб жабылды

Фото: Ақорда<a href="https://kyzylorda-news.kz/ru">Kyzylorda-news.kz.</a> Қазақстан Президентін Рим әуежайынан Италияның Қорғаныс министрі Гвидо Крозетто, Рим Папасының өкілі Франческо Каналини қарсы алды. Мемлекет басшысын күтіп алу кезінде Құрмет қарауылы сап түзеп тұрды.Қасым-Жомарт Тоқаев ертең Италия Президенті Серджо Маттарелламен, Премьер-министр Джорджа Мелонимен келіссөздер жүргізеді.Сонымен қатар, Президент «Қазақстан-Италия» инвестициялық дөңгелек үстеліне қатысып, бірқатар ірі компания басшысымен кездесулер өткізеді деп жоспарланып отыр.Қазақстан Президенті 19 қаңтар күні Ватиканда Рим Папасы Францискпен кездеседі.

Мемлекет басшысы Қасым-Жомарт Тоқаев Италияға ресми сапармен келді

<a href="https://kyzylorda-news.kz/ru">Kyzylorda-news.kz.</a> Қызылорда қаласы әкімінің орынбасары қызметіне Айдос Кентугаев тағайындады. Бұл туралы қала әкімі Серік Қожаниязов мәлімдеді.&nbsp;<blockquote>«Өздеріңіз жақсы білесіздер, соңғы екі жыл бедерінде қала қарқынды құрылыс алаңына айналды. Сол себептен облыс орталығының сәулеттік дамуына серпін керек. Осы бағытқа екпін беру мақсатында сәулет және қала құрылысы саласында тәжірибесі мол, креативті көзқарасы бар архитектор Кентугаев Айдос Зейнуллаұлын қала әкімінің орынбасары лауазымына тағайындауды жөн санадым», - делінген шаһар басшысының әлеуметтік желіде жариялаған хабарламасында.&nbsp;</blockquote>Айдос Зейнуллаұлы бірнеше жыл бойы Алматы генплан ғылыми-зерттеу институты директорының орынбасары қызметін атқарған. 3 жыл Түркістан қаласының бас архитекторы болды.Айдос Зейнуллаұлы 1986 жылы Қызылорда облысында дүниеге келген. Жоғары білімді.2005-2008 жылдары аралығында Қазақ Бас сәулет және құрылыс Академиясында «Сәулетші», 2011-2013 ж.ж Орталық Азия университетінде «Заңгер», 2014-2015 жылдары осы оқу орнының «Өнеркәсіптік және Азаматтық құрылыс» мамандықтары бойынша бітірген.2015-2016 жылдары Қазақ Бас сәулет және құрылыс Академиясында «Сәулетші» мамандығы бойынша магистратураны тәмамдаған.2017-2019 жылдары Қазақ Ұлттық аграрлық университетінде «Жерге орналастыру» мамандығы бойынша оқыған.Еңбек жолын 2006 жылы "Проектный Центр" ЖШС 1-ші дәрежелі сәулетші болып бастаған;2009-2012 ж.ж «Алматы қала құрылыс кадастры» мекемесінің жетекші сәулетшісі;2012-2018 ж. ж. құрылыс және сәулет саласымен айналысатын жеке мекемелерде басшылық қызметтер атқарған;2018-2019 ж.ж «АлматыБасЖоспар» ғылыми-зерттеу институты» директорының орынбасары;2020-2023 ж.ж Түркістан қаласының архитекторы, қалалық сәулет және қала құрылысы бөлімінің басшысы қызметін абыроймен атқарды.Айдос Зейнуллаұлы құрылыс, сәулет және қала құрылысы, ауылшаруашылығы және жер қатынастары салаларына жетекшілік ететін болады.<figure class="image image_resized" style="width:75%;"><img src="https://knadmin.beoblood.kz/uploads/322252861_681788450352107_1613288603517286009_n_a43bac9a6c.jpg" alt="322252861_681788450352107_1613288603517286009_n.jpg"><figcaption>Айдос Кентугаев</figcaption></figure>Фото: Нұрболат Нұржаубай

Қазақстан және Қызылорда облысының басты жаңалықтары