<a href="https://kyzylorda-news.kz/">Kyzylorda-news.kz.</a> Қанат Ислам кезекті жеңіске жетті.
38 жастағы қазақстандық боксшының қарсыласы оның құрдасы аргентиналық Хавьер Франсиско Масьель (34-18, 23 КО) болды. Жекпе-жек Плант-Ситиде (Флорида, АҚШ) өтіп, сегіз раундтан тұрды.
Ислам төрешілердің шешімімен жеңіске жетті. Ол үшін бұл кәсіпқойлар арасында 29-жеңіс, ал Марсель мансабында 18-ші рет жеңілді.
Еске салайық, бұл жеңіс Ислам үшін биылғы ақпанда өзінің мансабындағы дебюттік жеңілісінен кейінгі бірінші жеңіс болды.
<a href="https://massaget.kz/basty-zhaalytar-438/72958/">Massaget.kz</a>

Қанат Ислам 23 нокауты бар боксшыны жеңді

<a href="https://kyzylorda-news.kz/">Kyzylorda-news.kz.</a> Қызылордада қала күні аясында тұңғыш рет «Бала барысы» байрақты бәсекесі ұйымдастырылды. Облыс аумағынан 30 жасөспірім қатысқан жас балуандар додасына бірқатар компаниялар демеушілік жасады.
Бір айға созылған қала күні мерекесі салтанатты мәресіне жақындап келеді. Мереке ажарын келтірген «Жастар карнавалы», «Сырдың қырық қазаны» жобасы, «Кітап FEST» кітап фестивалі, «Неге маған жырламасқа, Сырда туған елімді» поэзия кеші, «Жастық шағымның куәсі - Қызылорда» ретро әндер фестивалі секілді түрлі-мәдени көпшілік шаралар легі бүгін «Балалар жылы» аясында кіші жасөспірімдер арасында ұлттық спортымызды насихаттау, балаларды салауатты өмір салтына баулу мақсатында шаһарда тұңғыш рет ұйымдастырылған «Бала барысы» байрақты бәсекесімен жалғасты. Облыс аумағынан 30 жасөспірім қатысқан жас балуандар додасына «Абай-Дәулет», «Ер-Ару», «Шаған құрылыс заттар» компаниялары демеушілік жасады.
Сонымен, бүгін «Евразия» спорт кешенінде ине шаншыр орын болмады. Бұл дегеніміз ауқымы, көкжиегі кең қазақ күресінің соңғы уақытта аса танымалдылыққа ие болуы деп ойлаймыз. Осы ретте, «Қазақстан барысы», «Әлем барысы» секілді дүбірлі додалар көптеген апайтөс алыптарды шыңдап, ұлттық спортымыз әлем жұртшылығының назарын аударғанын айта кеткен жөн.
Әрине, осындай ғажап күресі бар қазақтан әлем мойындаған күш атасы Қажымұқандай талай даңқты балуандардың шығуы заңдылық. 2011 жылы ұйымдастырылған алғашқы «Қазақстан барысы» турнирінде қызылордалық Ұлан Рысқұловтың топ жаруы Сыр елі жыр елі ғана емес, қасқыр жүректі балуандар туғызған қастерлі топырақ екенінің айқын дәлелі. Ұланның жеңісті жолын жалғаған Еламан Ерғалиев, Нұрым Сәлімгереев, Мақсат Исағабыловтар бүгінде үлкен ареналарда ел намысын абыроймен қорғап жүр.
Жоғарыда айтылған сайыпқыран ерлердің лайықты ізбасарлары қатысқан «Бала барысы» турнирін Қызылорда қаласының әкімі Асылбек Шәменов ашып беріп, балуандарға сәттілік тіледі.&nbsp;
<blockquote>«Сіздерге қарап тұрып қазақ күресінің келешегі кемел, болашағы жарқын боларына сенемін. Алдағы уақытта «Бала барысы» турнирінің дәстүрлі сипат алуына жүйелі жұмыстар жасалып, бұл байрақты бәсекеде айрықша күш-жігерімен танылған темір қанат жас түлектер көптеген дүбірлі додаларда Алашқа олжа салады деп ойлаймын», – деді қала әкімі.</blockquote>
Иығына қасқыр терісін ілген жас балуандар боз кілемге спорт кешенінің ішіне бір-біріне қарама-қарсы тігілген қос киіз үйден шығып, өз қарсыластарын «соқыр» жеребе арқылы анықтады.
Қалалық ашық біріншіліктің баса назар аударатын бір ерекшелігі, балуандардың әрбір қимылы жоғары технологиялы VAR жүйесі арқылы бақыланып, ютуб арнасында тікелей эфир жүргізілді.
Тартысты бәсекені ҚР Жазушылар Одағының мүшесі, талантты ақын Ақжол Түменбай жүргізіп, рухты сөздерімен балуандарға дем беріп отырды. Әр белдесуі жан алып, жан беріскен айқаспен өткен турнирдің ақтық сыны тіпті айта жүрерліктей болғанын жанкүйерлердің қызу қолдауынан сезілді. Жаңақорғандық Дінмұхамед пен қармақшылық Әлиханның белдесуінде спорт кешенінің іші «Әлем барысы» турнирінің финалы өтіп жатқандай әсерде қалдырды.
Осылайша, Сыр спортының болашақ дүлдүлдері бүгінгі сында аянып қалмады. Жарыстың нәтижесінде «Жанқылыш» лақап атымен қатысқан қармақшылық Бақытжан Архар «Көрермен көзайымы» атанса, ІІІ орын 50 мың теңге және «Қола белбеу» «Ақұдай» лақап атын иеленген Қызылорда қаласынан Исламбек Баймулдаевқа бұйырды. Жартылай жеңіс ұпайымен алда тұрып, соңғы секундтарда қарсыласына есе жіберген «Жаңақорған барысы» Дінмұхамед Ержанов ІІ орын 100 мың теңге мен «Күміс белбеуді» қанағат тұтса, І орын 150 мың теңге және «Алтын белбеуді» қармақшылық «Семетей» Әлихан Әлиасқаров жеңіп алып, арнайы жасалған ауыспалы «Тайтұяқты» қанжығасына байлады.
Қала әкімдігінің ұйымдастыруымен Ұлттық спортымызды насихаттап, жас балуандарға жігер беріп, теледидардан ғана көретін ғажап аураны сезіндірген байрақты бәсеке жыл сайын өткізілетін дәстүрлі додаға айналмақ.
<img src="https://knadmin.beoblood.kz/uploads/sport1_db0792ac0a.jpg" alt="спорт1.jpg"><img src="https://knadmin.beoblood.kz/uploads/kures1_65cc4ae9ee.jpg" alt="курес1.jpg"><img src="https://knadmin.beoblood.kz/uploads/sport_c68945df76.jpg" alt="спорт.jpg">

Қызылордада «Бала барысы» байқауы өтті

<a href="https://kyzylorda-news.kz/">Kyzylorda-news.kz.</a> Бүгін Қазалы ауданында өтіп жатқан ауыл спортшыларының «Алтын күз – 2022» спартакиадасында қазалылық тоғызқұмалақшылар чемпион атанды.
Команда құрамында Сәбит Шүленбаев, Шыңғыс Ұзақ, Данияр Тұрлыбек, Ұлдана Маханбетамин, Айжан Әбілтаева сәтті өнер көрсетті. Команда жетекшісі Серік Еркебаев.
Бес тас пен асық атудан қос қола медаль иеленді
Ауыл спортшыларының спартакиада бағдарламасына енген ұлттық спорт түрлері – бес тас пен асық атудан қазалылықтар қос қола медальға қол жеткізді.
Асық атудан аудан құрамасының сапында Майлыбас ауылдық округі әкімі аппаратының жетекші маманы Дәуренбек Құрманбаев, С.Сейфуллин атындағы №165 мектептің мұғалімі Мұратбек Үсентай, М.Горький атындағы №16 мектеп-лицейдің мұғалімі Асылхан Байсүгіров және Әйтеке би кентіндегі №17 Қазалы олимпиадалық резервтың мамандандырылған балалар-жасөспірімдер мектебінің жаттықтырушысы Наурызбай Дәулеталиевтер өнер көрсетті. Ал, бес асықтан аудан намысын Ж.Жабаев атындағы №234 мектептің мұғалімдері Ардақ Досанова пен Гүлнұр Өмірбекқызы, аудандық мәдениет және тілдерді дамыту бөлімінің жетекші маманы Раиса Тасыбаевалар қорғады.
Сонымен қатар шахматтан аудан құрамасы екінші орынға ие болып, күміс жүлдені жеңіп алды. Команда құрамында Әбдірейім Шүренов, Мұрат Әбдіқалықов, Аида Үйрекбай және Әлия Таубай өнер көрсетті.
<img src="https://knadmin.beoblood.kz/uploads/311252753_3476573105896945_9176503326424495894_n_a4f67d94ff.jpg" alt="311252753_3476573105896945_9176503326424495894_n.jpg"><img src="https://knadmin.beoblood.kz/uploads/311065474_3476590355895220_7109680730932815936_n_666a40e770.jpg" alt="311065474_3476590355895220_7109680730932815936_n.jpg"><img src="https://knadmin.beoblood.kz/uploads/311052905_3476615352559387_718667671792727989_n_4ba3a85679.jpg" alt="311052905_3476615352559387_718667671792727989_n.jpg">

Қазалылық тоғызқұмалақшылар спартакиада чемпионы атанды

<a href="https://kyzylorda-news.kz/">Kyzylorda-news.kz.</a> Бүгін Қазалы ауданында өтіп жатқан ауыл спортшыларының «Алтын күз – 2022» спартакиадасының екінші күні. Тартысты ойындардың нағыз қызған шағы. Жеті ауданның спортшылары өз топтарынан үздік шығу үшін барын салуда. Бүгінде кейбір спорт түрлерінен жарыс аяқталып, жеңімпаздар белгілі болуда.Қазалы ауданының үстел теннисшілері мен тоғызқұмалақшылары қарсыластарынан айласын асырып, жеңімпаз атанды. Ал, ұлттық спорт түрі – бес тас пен асық атудан ерлер мен әйелдер құрамасы да үшінші орынға ие болды. Ыбырай Алтынсарин атындағы №204 мектебінде қыздар арасындағы қол добынан жарыс қызып жатыр. Түске дейін Қазалы ауданының құрамасы Қармақшы ауданынан келген қарсыластарымен алаңға шығып, өзара мықтыны анықтады. Тартысты өткен ойында жерлестеріміз айқын басымдылықпен жеңіске жетті.Аудан әкімі Мұхтар Оразбаев спартакиада жарыстары өтіп жатқан білім ордасына арнайы барып, қос команда арасындағы ойынды тамашалады.Айта кетейік, ауыл спортшыларының спартакиадасы 1986 жылы Сырдария ауданында бастау алған. Дәстүрлі жарыс биыл 35 мәрте ұйымдастырылып отыр.&nbsp;Еске сала кетейік, бұған дейін Қазалы ауданы, Әйтеке би кентінде ауыл спортшыларының «Алтын күз - 2022» ХХXV облыстық спартакиадасы бастау алғанын хабарлаған <a href="https://kyzylorda-news.kz/sport/khazalyda-altyn-kuez-2022-spartakiadasy-bastaldy">болатынбыз</a>.&nbsp;<img src="https://knadmin.beoblood.kz/uploads/sport1_31f351f030.jpg" alt="спорт1.jpg">

Мұхтар Оразбаев спартакиада ойындарын тамашалады

<a href="https://kyzylorda-news.kz/">Kyzylorda-news.kz.</a> Қазалы ауданы, Әйтеке би кентінде Ауыл спортшыларының «Алтын күз - 2022» ХХXV облыстық спартакиадасы бастау алды.&nbsp;
Салтанатты шараны Қазалы ауданы әкімі Мұхтар Оразбаев ашып, ауыл спортын дамыту мемлекеттің жіті назарында екендігін, бүгінгі жас спортшы ертең ел намысын қорғайтын нағыз патриот болуы жолында осы сынды спартакиадалар өткізудің маңыздылығын атап өтті.&nbsp;
<blockquote>«Спорт – елдің мерейін асырып, абыройын тасытатын сала. Тәуелсіздік жылдары Сыр спортшылары халықаралық ірі жарыстарда топ жарып, көк байрағымыз асқақтай түсуде. Әлемдік аренада көк туымызды желбіреткен даңқты спортшылардың арасында қазалылықтар да бар. Атап айтар болсақ, Марина Вольнова 2012 жылы өткен Олимпиада ойындарында бокстан қола медальді жеңіп алды. Бүгінгі таңда Қазалының қайсар қызы тек біздің ғана емес, бүкіл Қазақ елінің мақтанышы десек артық айтқандық емес. Бүгінде қасиетті өлкеде Маринаның лайықты ізбасарлары өсіп келе жатыр. Олар жыл сайын өткізілетін ауыл спортшыларының спартакиадасында лайықты өнер көрсетеді деп ойлаймын. Спартакиадада жеңіске жеткендер еліміздің даңқын асқақтатар, әлемдік аренада көк туымызды желбіретер спортшы болуына тілектеспін», – деді Мұхтар Оразбаев.</blockquote>
Сонымен бірге, мәдениет және спорт басқармасы бұқаралық спорт бөлімінің басшысы Ғалым Сихымов Сырдария ауданында 1986 жылы бастау алған осы дәстүрлі жарыс биыл 35-рет өткізіліп отырғанын айтып, спартакиада тарихына қысқаша тоқталып өтті.&nbsp;
Мұнан соң спартакиаданың алау салтанатты түрде жағылды.
Ел намысын қорғап, абыройын асқақтатып жүрген әйгілі спортшыларымыздың көбі ауылдан шыққаны белгілі. Қораның аяқ жағында доп теуіп немесе пішен үстінде күресіп жүрген қара домалақ балалар әлемнің дамыған елдер қатарындағы мемлекеттерде өтетін Олимпиада төрінен топ етіп, бір-ақ шықпасы анық. Ендеше, бүгінгідей спартакиадалар кеудесінде төзімділік пен қайсарлық, жеңіске деген ұмтылысы бар, чемпион болуды армандап жүрген талай жеткіншектің «трамплині» десек болады.&nbsp;
Ең алдымен, әр спорт метептері және ұйымдары арасында іріктеліп алған спортшылар аудан ішінде бәсекелестікке түсіп, мықты деп танылғандары ғана «Алтын күз - 2022» спартакиадасына жолдама алады. Ал, спартакиада жеңімпаздарының өз кезегінде әрі қарай облыстық, республикалық және одан жоғары ареналарда мықтылығын дәлелдеуге мүмкіндігі мол.&nbsp;
Айта кетейік, спартакиадаға өңірдегі барлық ауданнан спортшылар қатысуда. Мұнда 15 спорт түрі қамтылған. Атап айтқанда, футбол, баскетбол, волейбол, қол күрес, шахмат, асық ату/бес асық, гір спорты, қазақ күресі, тоғызқұмалақ, үстел теннисі, президенттік көпсайыс, көкпар, теңге ілу, аударыспақ және гандбол.&nbsp;
Жарыс 9 қазанға дейін алдын-ала бекітілген кесте бойынша өтеді.&nbsp;
<img src="https://knadmin.beoblood.kz/uploads/sport2_b7e11086b4.jpg" alt="спорт2.jpg"><img src="https://knadmin.beoblood.kz/uploads/sport1_12e1c49070.jpg" alt="спорт1.jpg">

Қазалыда «Алтын күз - 2022» спартакиадасы басталды

<a rel="noreferrer noopener" href="https://kyzylorda-news.kz/" target="_blank">Kyzylorda-news.kz.</a>&nbsp; Қорқыт ата атындағы Қызылорда университетінің 85 жылдық мерейтойына орай спорттық алаңның ашылу салтанаты өтті. Спорттық алаң оқу орнындағы №5 студенттер үйінің алдында «Қазақстан Халық Банкі» АҚ демеушілігімен салынды.
Салтанатты шарадаҚорқыт ата атындағы Қызылорда университетінің Басқарма Төрағасы – Ректоры Бейбіткүл Кәрімова спорттық алаңның ашылуы жастардың дені сау болуына, бос уақыттарын пайдалы өткізуіне ықпал ететінін атап өтті.
<blockquote class="wp-block-quote">&nbsp;Қорқыт ата атындағы Қызылорда университеті 20 жылдан бері «Қазақстан Халық Банкі» АҚ-пен әріптестік байланыста жұмыс атқарып келеді.Атап айтар болсақ, банк көмегімен университет қызметкерлеріне қызмет көрсету, еңбекақы төлеу, банк карталарын ашу және пайдалану, заңды және жеке тұлғаның депозит ашуы сияқты қызметтер жүзеге асады.Биыл оқу орнына қабылданған студенттердің саны артты. Сондықтан мұндай спорттық алаңның ашылуы жастардың шыңдала түсуіне мол мүмкіндік бермек. Білім алушылардың дамуына қолдау білдірген «Қазақстан Халық Банкі» АҚ-на алғыс білдіреміз, – деді Бейбіткүл Сәрсемханқызы.</blockquote>
Жиында «Қазақстан Халық Банкі» АҚ облыстық филиалы директорының орынбасары Ерлан Нұртазаев жаңа алаңның ашылуымен құттықтап, алдағы уақытта да университетпен әріптестік байланыс нығаятынын атап өтті.
Шара барысында жастар ісі жөніндегі комитет төрағасы Нәбиден Марат спорттық алаң жастардың денсаулығын нығайтуға үлкен мүмкіндік екенін жеткізді.
Қазіргі уақытта университетте 22 жастар ұйымы, 13 спорт секциясы жұмыс жасайды. Оқу орнында Әлем және Азия чемпионаттарының 30-дан астам, Қазақстан чемпионатының 100-ден астам жеңімпазы мен жүлдегері бар.
<div class="wp-block-image"><figure class="aligncenter size-full"><img loading="lazy" width="2560" height="1442" src="https://kyzylorda-news.kz/wp-content/uploads/2022/10/p2018572-scaled.jpg" alt="" class="wp-image-168727" srcset="https://kyzylorda-news.kz/wp-content/uploads/2022/10/p2018572-scaled.jpg 2560w, https://kyzylorda-news.kz/wp-content/uploads/2022/10/p2018572-768x432.jpg 768w, https://kyzylorda-news.kz/wp-content/uploads/2022/10/p2018572-1536x865.jpg 1536w, https://kyzylorda-news.kz/wp-content/uploads/2022/10/p2018572-2048x1153.jpg 2048w" sizes="(max-width: 2560px) 100vw, 2560px" /></figure></div>

«Қазақстан Халық Банк» АҚ демеушілігімен спорттық алаң ашылды

<a rel="noreferrer noopener" href="https://kyzylorda-news.kz/" target="_blank">Kyzylorda-news.kz.</a> IV Дүниежүзілік көшпенділер ойындарында қазақ спортшылары 9 медаль жеңіп алды, оның ішінде 3 алтын, 4 күміс және 2 қола. Бұл туралы ҚР Мәдениет және спорт министрлігінен мәлім етті.
Жарыс алғаш рет Түркияда өтті, оған әлемнің 102 мемлекетінен 3 мыңнан астам спортшы 13 спорт түрінен қатысты. Қазақ спортшылары спорттың 5 түрінен (қазақ күресі, көкпар, көкбөрі, жамбы ату, садақ ату) өнер көрсетті.
Сонымен,&nbsp;қазақ күресінен&nbsp;ҚР құрамасы қоржынында 6 медаль бар: Марат Нығматуллаев 60 келіге дейінгі салмақта жеңімпаз атанды. Сондай-ақ 65 келіге дейінгі санаттағы «алтынды» Зарина Сарипова жеңіп алды. Еламан Қойшыбаев (80кг) пен Рауза Нұрмұхамметова (55 кг) – күміс, ал «Қазақстан барысы» Мақсат Исағабылов (+80 кг) пен Мөлдір Азамат (+65 кг) қола жүлдегер атанды.
Қасымхан Қанат&nbsp;дәстүрлі садақ атудан&nbsp;финалда өнер көрсетті, онда 32 елден 95 спортшы бақ сынады. Ол өзінің қарсыласы Оғыз Окшадан 2 ұпай айырмашылығымен жеңіліп, күміс жүлдеге ие болды.
Көкбөріге&nbsp;Қазақстан, Қырғызстан, Түркия командалары қатысты. Түркия командасы өз қалауы бойынша үшінші орынға келісім беріп, ақтық сынға қазақ-қырғыз құрамалары өтті. Ақтық сында Қазақстан – Қырғызстан командаларының ойыны 0-5 есебімен аяқталып, спортшыларымыз күміс жүлдеге қол жеткізді.
Қазақстан құрамасы&nbsp;көкпардан&nbsp;чемпион атанып, Қырғызстан командасын 4:3 есебімен жеңді. Финалға жету жолында қазақстандықтар Өзбекстан мен Моңғолия спортшыларын 8:1 және 12:2 есебімен ойсырата жеңген болатын. Министр Дәурен Абаев Facebook-тегі парақшасында көкпар тұңғыш рет көшпенділер ойындарының бағдарламасына енгенін және бұл жеңіс бірегей тарихи оқиға екенін атап өтті.
<div class="wp-block-image"><figure class="aligncenter size-full"><img loading="lazy" width="1280" height="854" src="https://kyzylorda-news.kz/wp-content/uploads/2022/10/310315907_465513968936387_5883218040559195951_n.jpg" alt="" class="wp-image-168700" srcset="https://kyzylorda-news.kz/wp-content/uploads/2022/10/310315907_465513968936387_5883218040559195951_n.jpg 1280w, https://kyzylorda-news.kz/wp-content/uploads/2022/10/310315907_465513968936387_5883218040559195951_n-768x512.jpg 768w" sizes="(max-width: 1280px) 100vw, 1280px" /></figure></div>
<div class="wp-block-image"><figure class="aligncenter size-full"><img loading="lazy" width="1024" height="768" src="https://kyzylorda-news.kz/wp-content/uploads/2022/10/309606372_465662192254898_6693233899443464171_n.jpg" alt="" class="wp-image-168697" srcset="https://kyzylorda-news.kz/wp-content/uploads/2022/10/309606372_465662192254898_6693233899443464171_n.jpg 1024w, https://kyzylorda-news.kz/wp-content/uploads/2022/10/309606372_465662192254898_6693233899443464171_n-768x576.jpg 768w" sizes="(max-width: 1024px) 100vw, 1024px" /></figure></div>

Дүниежүзілік көшпенділер ойыны: Қазақстан 3 «алтын» жеңіп алды

<a rel="noreferrer noopener" href="https://kyzylorda-news.kz/" target="_blank">Kyzylorda-news.kz</a><a rel="noreferrer noopener" href="https://kyzylorda-news.kz/" target="_blank">.</a> Облыстық білім басқармасының ұйымдастыруымен М.Ықсанов атындағы Қызылорда политехникалық колледжінде техникалық және кәсіптік білім беру ұйымдарының педагогтері арасында тоғызқұмалақ, шахмат және үстел теннисінен облыстық турнир өткізілді.
«Ұстаздар күні» мерекесіне арналған колледж оқытушылары арасындағы турнирдің ашылу салтанаты Абылай хан атындағы жоғары колледжінде өткізіліп, оған облыстық білім басқармасының кәсіптік білім бөлімінің басшысы Бекжан Есенбаев және Қызылорда облыстық білім және ғылым қызметкерлері кәсіподақ ұйымы төрағасының орынбасары Нұргүл Утегенова қатысып, қатысушыларға сәттілік тіледі.
Спорттық шараға аймағымыздағы барлық колледждерден 14 команда, құрамында жалпы саны 150-ге жуық оқытушы қатысып, бақ сынасты.
Спорт додасының нәтижесімен тоғызқұмалақтан І орынды Сырдария аграрлы-техникалық колледжінің командасы иеленсе, ІІ орын Жаңақорған аграрлы-техникалық колледжінің командасына бұйырды. Ал, жүлделі ІІІ орынды И.Әбдікәрімов атындағы Қызылорда аграрлық-техникалық жоғары колледжінің командасы иеленді. Шахмат жарысы бойынша І орын Академик С.А.Жиенқұлов атындағы Байқоңыр жоғары колледжінің командасына бұйырса, ІІ орын Қызылорда қызмет көрсету және сервис колледжінің командасы иеленіп, жүлделі ІІІ орынды И.Әбдікәрімов атындағы Қызылорда аграрлық-техникалық жоғары колледжінің командасы иеленді. Үстел теннисі бойынша І орынды И.Әбдікәрімов атындағы Қызылорда аграрлық-техникалық жоғары колледжінің командасы иеленсе, ІІ орын Жаңақорған аграрлы-техникалық колледжінің командасына бұйырды. Ал, жүлделі ІІІ орынды Қызылорда медициналық жоғары колледжінің командасы иеленді.
Сонымен қатар турнирдің «Үздік ойыншы» номинациясын тоғызқұмалақтан Маржан Смағұл мен Кенбай Қарашаев иеленсе, шахмат ойынынан бұл номинация Сәкен Есеналиев мен Алтын Досманбетоваға бұйырды. Ал, Кулазия Жолымбетова мен Дастан Көпболсынов үстел теннисі бойынша үздіктер атанды.
Турнир жеңімпаздарына облыстық білім басқармасы мен Білім және ғылым қызметкерлері кәсіподағы облыстық комитетінің арнайы алғыс хаттары табысталып, медальдармен марапатталды. Сондай-ақ, жеңімпаздар 2023 жылы өткізілетін «Техникалық және кәсіптік, орта білімнен кейінгі білім беру ұйымдарының педагогтері арасында республикалық спартакиадасына жолдама алды.
<div class="wp-block-image"><figure class="aligncenter size-full"><img loading="lazy" width="1280" height="960" src="https://kyzylorda-news.kz/wp-content/uploads/2022/09/309454100_1450179855485215_9016640021710790392_n.jpg" alt="" class="wp-image-168047" srcset="https://kyzylorda-news.kz/wp-content/uploads/2022/09/309454100_1450179855485215_9016640021710790392_n.jpg 1280w, https://kyzylorda-news.kz/wp-content/uploads/2022/09/309454100_1450179855485215_9016640021710790392_n-768x576.jpg 768w" sizes="(max-width: 1280px) 100vw, 1280px" /></figure></div>
<div class="wp-block-image"><figure class="aligncenter size-full"><img loading="lazy" width="1280" height="960" src="https://kyzylorda-news.kz/wp-content/uploads/2022/09/309475359_1450179862151881_3352157114935738884_n.jpg" alt="" class="wp-image-168048" srcset="https://kyzylorda-news.kz/wp-content/uploads/2022/09/309475359_1450179862151881_3352157114935738884_n.jpg 1280w, https://kyzylorda-news.kz/wp-content/uploads/2022/09/309475359_1450179862151881_3352157114935738884_n-768x576.jpg 768w" sizes="(max-width: 1280px) 100vw, 1280px" /></figure></div>
<div class="wp-block-image"><figure class="aligncenter size-full"><img loading="lazy" width="1200" height="1600" src="https://kyzylorda-news.kz/wp-content/uploads/2022/09/310038391_1450179942151873_1191077624701334967_n.jpg" alt="" class="wp-image-168049" srcset="https://kyzylorda-news.kz/wp-content/uploads/2022/09/310038391_1450179942151873_1191077624701334967_n.jpg 1200w, https://kyzylorda-news.kz/wp-content/uploads/2022/09/310038391_1450179942151873_1191077624701334967_n-768x1024.jpg 768w, https://kyzylorda-news.kz/wp-content/uploads/2022/09/310038391_1450179942151873_1191077624701334967_n-1152x1536.jpg 1152w" sizes="(max-width: 1200px) 100vw, 1200px" /></figure></div>

Ұстаздар күні: Колледж оқытушылары арасында спорттық жарыс өтті

<a href="https://kyzylorda-news.kz/">Kyzylorda-news.kz.</a> Қорқыт ата атындағы Қызылорда университетінің «Денешынықтыру және бастапқы әскери дайындық» кафедрасының 1-2 курс студенттері танымал спортшылармен кездесті.Басқосуда Әлеуметтік және тәрбие жұмыстары жөніндегі проректор Жандос Базартай оқу орнында спортты дамыту және жастардың салауатты өмір салтын қалыптастыру ерекше назарда екенін айтты.<blockquote>«Бүгінде университетте спортшыларға әрдайым қолдау көрсетіліп, қажетті жағдай жасалуда. Біздің студенттер еліміздің спорттық намысын олимпиада ойындарында, әлем чемпионаттарында, әлемдік универсиадада, Азия және Еуропа чемпионаттарында лайықты түрде қорғап келеді. Біз өз спортшыларымызды мақтан етеміз», - деді Жандос Нұртайұлы.</blockquote>Еркін форматта ұйымдастырылған жиында грек-рим күресінен ересектер арасында Әлем чемпионатының 2 дүркін қола жүлдегері Айдос Сұлтанғалиға, шахматтан Әлем чемпионы Әсел Серікбай мен белбеу күресінен Әлем чемпионатының 2 дүркін күміс жүлдегері Райымбек Рантаевқа Басқарма Төрағасы-Ректор Бейбіткүл Кәрімованың «Құрмет грамотасы» табысталды.Студенттермен кездесу барысында спортшылар өздерінің жетістіктері, спорт жолындағы сынақтары, тартысты додаларға дайындықтары мен қызықты естеліктері туралы бөлісті.<figure class="image"><img src="https://knadmin.beoblood.kz/uploads/sport_38f16d829b.jpg" alt="спорт.jpg"></figure><img src="https://kyzylorda-news.kz/wp-content/uploads/2022/09/38f05548-0b0a-4f9b-a549-a6d2872905f5-2.jpg" alt="" srcset="https://kyzylorda-news.kz/wp-content/uploads/2022/09/38f05548-0b0a-4f9b-a549-a6d2872905f5-2.jpg 1280w, https://kyzylorda-news.kz/wp-content/uploads/2022/09/38f05548-0b0a-4f9b-a549-a6d2872905f5-2-768x432.jpg 768w" sizes="(max-width: 1280px) 100vw, 1280px" width="1280" loading="lazy">

Студенттер танымал спортшылармен кездесті

<a rel="noreferrer noopener" href="https://kyzylorda-news.kz/" target="_blank">Kyzylorda-news.kz.</a> Бүгін Сырдария ауданы, Тереңөзек кентінде мемлекет және қоғам қайраткері Елеу Көшербаевты еске алуға арналған волейболдан XXІІІ халықаралық турнирдің ашылу салтанаты өтті.
Шарада ең алдымен ҚР мемлекет және қоғам қайраткері Қырымбек Көшербаевтың құттықтау хаты оқылды. 
<blockquote class="wp-block-quote">«Әкем бастап кеткен сара жолмен жүру біздер үшін үлкен бақыт және бүгінгідей жарыстар өскелең ұрпақтың бойында достық, сыйластық, ауызбіршілік сияқты қасиеттерді біріктіреді», &#8212; делінген құттықтау хатта.</blockquote>
Салтанатты шараны Сырдария ауданы әкімі Мұрат Ергешбаев ашып, дәстүрлі түрде өткізіліп келе жатқан турнирдің бүгінгі күнгі жетістіктері мен жастар арасындағы осы сынды додалардың маңыздылығына тоқталып өтті.
Сонымен бірге Шешенстан Республикасының өкілі, халықаралық жекпе-жек конфидерациясының президенті Усман Дигаев өз құттықтау сөзінде екі ел арасындағы ынтымақтастық пен бауырлас қарым-қатынас туралы айтып, барша қатысушыларға сәттілік тіледі.
Айтбай Көшербаев турнирдың жоғары деңгейде өтуіне атсалысқан барша жанға алғысын білдіріп, алдағы уақытта бұдан да жоғары деңгейде өтетіндігіне сенім білдірді.
Турнирге Шешенстан республикасы мен еліміздің әр өңірінен 22 команда қатысып жатыр.
Дәстүрлі жарысқа айналған дүбірлі дода дарындыларға жол ашып, бұқараның спортқа деген ықылас-ынтасын арттырары сөзсіз. Айта кетейік турнир, 24 қыркүйек күні мәресіне жетпек. 
<div class="wp-block-image"><figure class="aligncenter size-full"><img loading="lazy" width="960" height="639" src="https://kyzylorda-news.kz/wp-content/uploads/2022/09/308342086_195325022934724_3060487883627558250_n.jpg" alt="" class="wp-image-167084" srcset="https://kyzylorda-news.kz/wp-content/uploads/2022/09/308342086_195325022934724_3060487883627558250_n.jpg 960w, https://kyzylorda-news.kz/wp-content/uploads/2022/09/308342086_195325022934724_3060487883627558250_n-768x511.jpg 768w" sizes="(max-width: 960px) 100vw, 960px" /></figure></div>
<div class="wp-block-image"><figure class="aligncenter size-full"><img loading="lazy" width="1280" height="853" src="https://kyzylorda-news.kz/wp-content/uploads/2022/09/307098525_195325419601351_409505114483868850_n.jpg" alt="" class="wp-image-167085" srcset="https://kyzylorda-news.kz/wp-content/uploads/2022/09/307098525_195325419601351_409505114483868850_n.jpg 1280w, https://kyzylorda-news.kz/wp-content/uploads/2022/09/307098525_195325419601351_409505114483868850_n-768x512.jpg 768w" sizes="(max-width: 1280px) 100vw, 1280px" /></figure></div>

Сыр елінде Елеу Көшербаевты еске алуға арналған волейболдан халықаралық турнир басталды

<a rel="noreferrer noopener" href="https://kyzylorda-news.kz/" target="_blank">Kyzylorda-news.kz.</a> Сыр өңіріне жұмыс сапарымен келген ҚР Мәдениет және спорт министрі Дәурен Абаев облыс әкімі Нұрлыбек Нәлібаевпен бірге бірқатар мәдени нысандарды аралап, спорт кешендерінің жұмысын көрді.
Алдымен ведомство басшысы «Мұз айдыны» кешеніне барып, балалармен кездесті. Спорттық-сауықтыру кешенінде сырғанау мұз айдыны, волейбол, баскетбол &#8212; командалық ойындар залы, жекпе-жек үшін оқу-жаттығу залы, спорттық билерге арналған хореографиялық сынып қарастырылған. Қазіргі таңда нысанда 615 адам 7 спорт түрінен жаттығуда.
Кейін облыс әкімі мен министр «Тарлан» спорт кешенінде аялдады. 2016 жылы ашылған нысан бір мезетте 120 жаттығушыны қабылдай алады. Спорт кешенінде бокс, күрес, тхэквондо, ауыр атлетика және жаттығу залдары, демалыс бөлмелері, медициналық кабинет, асхана мен жатақхана бар. Мұнда 100 жаттықтырушы жұмыс істейді және 350-ден аса адам жаттығып жүр. Бүгінге дейін спорт кешені қабырғасында 20 ҚР спорт шебері, 78 ҚР спорт шеберіне үміткер дайындалды. Спорт кешені алаңында Нұрлыбек Нәлібаев пен Дәурен Абаев жас спортшылармен кездесіп, олардың спортқа деген ынта-жігерін арттыру бағытындағы шаралар туралы пікірлесті. Облыс әкімі балалар жылы аясында өңірде демеушілер көмегімен 80 ойын алаңын салу басталғанын жеткізді. Сондай-ақ, Оқушылар үйі де бой көтеретінін тілге тиек етті.
Министр Ұлттық спортты, оның ішінде ат спорты мен ат туризмін заманға сай жаңғырту мақсатында «Ұлы дала жорығы» атты жаңа жоба жарыққа шыққанын тілге тиек етіп, марафонға белсенділік танытып, жанкүйер болуға шақырды.
1200 шақырымдық марафон-бәйге елордамыздан бастап Ақмола, Қарағанды, Ұлытау, Қызылорда және Түркістан облыстарын қамтиды. Марафон жеңімпаздарына І орын 30 млн теңге, ІІ орын 20 млн теңге, ІІІ орын 15 млн теңге ақшалай сыйлықтармен марапатталады.
Әрі қарай министр облыстық музейге барып, Сыр еліндегі құнды жәдігерлермен танысты. Ғимаратта 11 көрме залы бар, мұнда аймақ тарихы көне дәуірден бастап қазіргі заманға дейін көрсетілген. Музейде 62 мыңнан аса жәдігер сақтаулы.
Дәурен Абаев Ә.Тәжібаев атындағы облыстық әмбебап ғылыми кітапханасында облыс тұрғындарымен кездесуге барып, азаматтармен жеке қабылдау өткізді. Өзекті сауалдарға жауап берді.
Еске салайық, Қызылорда облысында өткен жылдан бастап 11 спорт нысандарының құрылысы жүргізілуде. Сонымен бірге, биыл 4 жаңа объекті эксплуатацияға енгізіледі деп күтілуде, олар Қазалы ауданының Үрмәш Түктібаев ауылы, Жаңақорған ауданының Ақжол ауылы, Шиелі ауданындағы Шиелі кентінде және Сырдария ауданының Бесарық ауылындағы спорт кешендері.
<div class="wp-block-image"><figure class="aligncenter size-full"><img loading="lazy" width="2048" height="1402" src="https://kyzylorda-news.kz/wp-content/uploads/2022/09/308023445_388793183441932_623613933827424761_n.jpg" alt="" class="wp-image-166864" srcset="https://kyzylorda-news.kz/wp-content/uploads/2022/09/308023445_388793183441932_623613933827424761_n.jpg 2048w, https://kyzylorda-news.kz/wp-content/uploads/2022/09/308023445_388793183441932_623613933827424761_n-768x526.jpg 768w, https://kyzylorda-news.kz/wp-content/uploads/2022/09/308023445_388793183441932_623613933827424761_n-1536x1052.jpg 1536w" sizes="(max-width: 2048px) 100vw, 2048px" /></figure></div>
<div class="wp-block-image"><figure class="aligncenter size-full"><img loading="lazy" width="2048" height="1364" src="https://kyzylorda-news.kz/wp-content/uploads/2022/09/307971649_388793200108597_1529117521385582553_n.jpg" alt="" class="wp-image-166866" srcset="https://kyzylorda-news.kz/wp-content/uploads/2022/09/307971649_388793200108597_1529117521385582553_n.jpg 2048w, https://kyzylorda-news.kz/wp-content/uploads/2022/09/307971649_388793200108597_1529117521385582553_n-768x512.jpg 768w, https://kyzylorda-news.kz/wp-content/uploads/2022/09/307971649_388793200108597_1529117521385582553_n-1536x1023.jpg 1536w" sizes="(max-width: 2048px) 100vw, 2048px" /></figure></div>
<div class="wp-block-image"><figure class="aligncenter size-full"><img loading="lazy" width="2048" height="1250" src="https://kyzylorda-news.kz/wp-content/uploads/2022/09/308383246_388793050108612_6351192688776420794_n.jpg" alt="" class="wp-image-166868" srcset="https://kyzylorda-news.kz/wp-content/uploads/2022/09/308383246_388793050108612_6351192688776420794_n.jpg 2048w, https://kyzylorda-news.kz/wp-content/uploads/2022/09/308383246_388793050108612_6351192688776420794_n-768x469.jpg 768w, https://kyzylorda-news.kz/wp-content/uploads/2022/09/308383246_388793050108612_6351192688776420794_n-1536x938.jpg 1536w" sizes="(max-width: 2048px) 100vw, 2048px" /></figure></div>
<div class="wp-block-image"><figure class="aligncenter size-full"><img loading="lazy" width="1280" height="853" src="https://kyzylorda-news.kz/wp-content/uploads/2022/09/308339917_388793143441936_1827075752447874676_n.jpg" alt="" class="wp-image-166861" srcset="https://kyzylorda-news.kz/wp-content/uploads/2022/09/308339917_388793143441936_1827075752447874676_n.jpg 1280w, https://kyzylorda-news.kz/wp-content/uploads/2022/09/308339917_388793143441936_1827075752447874676_n-768x512.jpg 768w" sizes="(max-width: 1280px) 100vw, 1280px" /></figure></div>
<div class="wp-block-image"><figure class="aligncenter size-full"><img loading="lazy" width="2048" height="1792" src="https://kyzylorda-news.kz/wp-content/uploads/2022/09/307954332_388793126775271_7882267552874197410_n.jpg" alt="" class="wp-image-166860" srcset="https://kyzylorda-news.kz/wp-content/uploads/2022/09/307954332_388793126775271_7882267552874197410_n.jpg 2048w, https://kyzylorda-news.kz/wp-content/uploads/2022/09/307954332_388793126775271_7882267552874197410_n-768x672.jpg 768w, https://kyzylorda-news.kz/wp-content/uploads/2022/09/307954332_388793126775271_7882267552874197410_n-1536x1344.jpg 1536w" sizes="(max-width: 2048px) 100vw, 2048px" /></figure></div>
<div class="wp-block-image"><figure class="aligncenter size-full"><img loading="lazy" width="2048" height="1802" src="https://kyzylorda-news.kz/wp-content/uploads/2022/09/307091029_388793170108600_336034047147776919_n.jpg" alt="" class="wp-image-166865" srcset="https://kyzylorda-news.kz/wp-content/uploads/2022/09/307091029_388793170108600_336034047147776919_n.jpg 2048w, https://kyzylorda-news.kz/wp-content/uploads/2022/09/307091029_388793170108600_336034047147776919_n-768x676.jpg 768w, https://kyzylorda-news.kz/wp-content/uploads/2022/09/307091029_388793170108600_336034047147776919_n-1536x1352.jpg 1536w" sizes="(max-width: 2048px) 100vw, 2048px" /></figure></div>
<div class="wp-block-image"><figure class="aligncenter size-full"><img loading="lazy" width="1280" height="853" src="https://kyzylorda-news.kz/wp-content/uploads/2022/09/308450661_388793073441943_8742606210135746162_n.jpg" alt="" class="wp-image-166863" srcset="https://kyzylorda-news.kz/wp-content/uploads/2022/09/308450661_388793073441943_8742606210135746162_n.jpg 1280w, https://kyzylorda-news.kz/wp-content/uploads/2022/09/308450661_388793073441943_8742606210135746162_n-768x512.jpg 768w" sizes="(max-width: 1280px) 100vw, 1280px" /></figure></div>

Дәурен Абаев Сыр еліндегі бірқатар мәдениет және спорт нысандарының жұмысын көрді

<a rel="noreferrer noopener" href="https://kyzylorda-news.kz/" target="_blank">Kyzylorda-news.kz.</a>&nbsp; Румынияның Констанца қаласында қазақ күресінен өткен Әлем кубогында ұлттық құрама өкілдері жалпыкомандалық бірінші орынға ие болды, деп хабарлайды&nbsp;<a rel="noreferrer noopener" href="https://www.instagram.com/p/CiqPrnFtz1s/" target="_blank">&#171;Qazaq kuresi&#187; </a>ассоциациясы.
<blockquote class="wp-block-quote">&#171;Қара теңіздің жағалауындағы бұл жарысқа әлемнің 20 елінен келген балуандар сынға түсті.Тартысты өткен белдесулердің қорытындысы бойынша ұлттық құрама өкілдері жалпыкомандалық бірінші орынға ие болды&#187;, &#8212; делінген ақпаратта.</blockquote>
Әлем кубогында үздіктер қатарынан көріне білген балуандар медальдармен және ақшалай сыйақылармен марапатталды.
Жарыстың ұйымдастырушылары – &#171;Qazaq kuresi&#187; ассоциациясы, ҚР мәдениет және спорт министрлігі, Румыния &#171;Qazaq kuresi&#187; ассоциациясы және Румыниядағы Қазақстанның елшілігі.
<div class="wp-block-image"><figure class="aligncenter size-full"><img loading="lazy" width="960" height="1280" src="https://kyzylorda-news.kz/wp-content/uploads/2022/09/307634519_2110097705830969_1255677058960562348_n.jpg" alt="" class="wp-image-166460" srcset="https://kyzylorda-news.kz/wp-content/uploads/2022/09/307634519_2110097705830969_1255677058960562348_n.jpg 960w, https://kyzylorda-news.kz/wp-content/uploads/2022/09/307634519_2110097705830969_1255677058960562348_n-768x1024.jpg 768w" sizes="(max-width: 960px) 100vw, 960px" /></figure></div>

Қазақстан және Қызылорда облысының жаңалықтары: Спорт