<a href="https://kyzylorda-news.kz/ru/obshestvo/">Kyzylorda-news.kz</a>. Бүгін Жалағаш ауданы Жалағаш кентінде 2 қараша күні бастау алған Мөрәлі Шаменовты еске алуға арналған дзюдодан 2005-2006 жылы туылған жасөспірімдер арасында республикалық турнирді қорытындылау және жеңімпаздарды марапаттау рәсімі болып өтті.
Салтанантты шарада облыс әкімінің орынбасары Б. Мөрәліқызы, аудан әкімі А. Өмірбекұлы, Қызылорда облысының дзюдо федерациясының президенті, ҚР еңбегі сіңген жаттықтырушысы, «Құрмет» орденінің иегері, Жалағаш ауданының құрметті азаматы С. Шоңмұрынұлы мен Қызылорда облысының дзюдодан жасөспірімдер арасында аға жаттықтырушы Р. Шакизадаұлы және Мөрәлі атамыздың ұрпағы Б. Шаменова барша спортшыларды жеңістерімен құттықтап, марапаттау рәсімін бастады.
300-ден аса спортшыны қамтыған жарыс нәтижесінде 36 спортшы жүлделі орындар иеленіп,қаржылай сыйлықтармен марапатталды. Сонымен қатар, жас спортшыларға төрелік еткен төрешілер алқасына де сый-құрмет көрсетілді. 2 күнге жалғасқан турнир тартысты өтті, өңіріміздің спорты жандана түсті.
<img src="https://kyzylorda-news.kz/wp-content/uploads/2021/11/252258865_1327224371062971_7511250592025065237_n.jpg" alt="" />
<img src="https://kyzylorda-news.kz/wp-content/uploads/2021/11/252432922_1327224441062964_7980652972008918307_n.jpg" alt="" />

М. Шәменовты еске алуға арналған республикалық турнир өз мәресіне жетті

<a href="https://kyzylorda-news.kz/ru/obshestvo/">Kyzylorda-news.kz</a>. Бокстан әлем чемпионатының кешкі сессиясында шаршы алаңғы шыққан Санатәлі Төлтаев пен Асланбек Шымбергенов қарсыластарына есе жіберіп, жарысты жүлдесіз аяқтады.
63,5 килоға дейінгі салмақта Санатәлі Төлтаев шотланд боксшысы Рис Линчке жол берді. Қазақ боксшысы үш раунд бойы белсенді жұдырықтасқанмен, төрешілер шешімі екі жарылды. Нәтижесінде қарсыласы 3:2 есебімен басым болып кетті.
71 килоға дейінгі салмақта Асланбек Шымбергенов Украинадан барған Юрий Захареевке жеңілді. Айқасқа толы өткен жекпе-жекте де төрешілердің шешімі қарсылас пайдасына ауды. 3:2 есебімен ұтқан Юрий жартылай финалға шықты.
Қазіргі таңда жартылай финалға 5 боксшымыз жолдама алды. Олар – Теміртас Жүсіпов, Махмұд Сабырхан, Абылайхан Жүсіпов, Сәкен Бибосынов және Серік Теміржанов.

ӘЧ-2021. Жартылай финалға 5 боксшы жолдама алды

<a href="https://kyzylorda-news.kz/ru/obshestvo/">Kyzylorda-news.kz</a>. Бүгін Қызылорда облысы Жалағаш ауданының Мәдениет және өнерді дамыту орталығында ауыл шаруашылығының көрнекті ұйымдастырушысы Мөрәлі Шәменовті еске алуға арналған дзюдодан 2005-2006 жылы туылған жасөспірімдер арасындағы республикалық турнирдің ашылу салтанаты болып өтті.
Мөрәлі Шәменов – әлеуметтік саланың дамуына, мәдениет пен өнердің, спорттың биік белеске көтерілуіне аянбай тер төккен азамат.
Бұл турнир туған жерінің көркеюіне, ауылшаруашылығының өркендеуіне, ақ күрішті ақ алқапқа айналуына саналы ғұмырын сарп еткен, болмысы ерен тұлға Мөрәлі Шәменовке арналуы ұрпақтар сабақтастығының бір көрінісі.
Турнирді ашу үшін алғашқы сөз аудан әкімі Асылбек Шәменовке берілді. А.Шәменов өз сөзінде барша Жалағаштықтар үшін орны бөлек, бір туар азамат Мөрәлі Шәменовтің артынан қалдырып кеткен өшпес мұрасы жайында айтты. Сонымен бірге Қызылорда облыстық дене шынықтыру және спорт басқармасы басшысының міндетін атқарушы Ж.Тажмаханов, Жалағаш ауданының қоғамдық кеңес төрағасы К.Сүлейменов және Қызылорда облысы дзюдо федерациясының президенті, ҚР еңбек сіңірген жаттықтырушысы С.Мұстафаев сөз сөйлеп, барша қатысушыларға Мөрәлі ағамыздың әруағы қолдасын деген игі тілектерін білдірді. Турнир барысында Мөрәлі Шәменовтің ұрпақтары да қатысты. Әрі қарай спорттық шара облысымыздың түкпір-түкпірінен келген жас дзюдошылардың жекпе-жегімен жалғасты.
<img src="https://kyzylorda-news.kz/wp-content/uploads/2021/11/251761965_117591940708033_4522455855911580102_n.jpg" alt="" />
<img src="https://kyzylorda-news.kz/wp-content/uploads/2021/11/252404352_117592000708027_6485067658479020299_n.jpg" alt="" />

Жалағашта дзюдодан  республикалық турнир басталды

<a href="https://kyzylorda-news.kz/">Kyzylorda-news.kz.</a>&nbsp; Қызылорда қаласында Ғ. Мұратбаев атындағы орталық стадионның қосалқы алаңында футболдан “Арал теңізі Кубогы” ІІ халықаралық турнирі басталды.
“Жастар “ОРМБЖМ” (Қарағанды), “СТС” (Алматы), “Қайсар — 2007” (Қызылорда), “Арал” (Арал), “БКМОФМ” (Түркістан), “Жетісу-Жаркент” (Талдықорған), “№6 ОРМБЖМ” (Қызылорда) және “Сырдария” (Тереңөзек кенті) сияқты 8 жасөспірімдер командасынан 2007 жылы туған жүзден астам спортшы жарыстың жүлделері үшін сынға түсті.
Жарыс “Aral soda” ЖШС, Қазақстан Республикасындағы БҰҰ Даму Бағдарламасы және “Қазақстанның биоалуантүрлілігін сақтау Қоры”ҚҚ демеушілігімен өтеді. Атап айтқанда, олар Арал ауданынан келген команданың қатысуына толық демеушілік жасады.
Турнирдің ашылу салтанатында Қазақстан Республикасындағы Халықаралық Аралды құтқару қорының (ХАҚҚ АД) Атқарушы Дирекциясының директоры Болат Бекнияз, облыстық дене шынықтыру және спорт басқармасы басшысының міндетін атқарушы Жағыпар Тәжмаханов, белгілі футбол ардагері Нұрлан Әбуов сөз сөйледі. Олар балаларға сәтті ойын және табысты нәтижелер тіледі.
Атап айтқанда, Б.Бекнияз өз сөзінде “Арал теңізі Кубогы” Қазақстанның, шет елдердің спорт қоғамдастығы мен жұртшылығының назарын Арал теңізінің проблемаларына аудару, сондай-ақ елдердің футбол және спорт ұйымдары арасындағы халықаралық достық қатынастарды нығайту, салауатты өмір салтын насихаттау және балалар мен жасөспірімдер арасында футболды танымал ету үшін өткізілетінін атап өтті.
<blockquote>
 2018 жылғы 24 тамызда Түрікменбашы қаласында Орталық Азия мемлекет басшылары – ХАҚҚ құрылтайшылар кеңесі жариялаған бірлескен коммюникеде өскелең ұрпақты қазіргі заманғы сын-тегеуріндер мен қауіптерді шешуге тарту және қатысу үшін су ресурстары мен қоршаған ортаны қорғау жөніндегі өңірлік жастар қозғалысының маңыздылығы туралы атап өтілді. Екінші турнирді Арал өңірінде өткізіп жатырмыз. Өткен жылы пандемияға байланысты жарыс өтпеді, ал ағымдағы жылы Ресей, Қырғызстан, Тәжікстан, Түркіменстан және Өзбекстаннан командалар келе алмады. Егер әлемдегі “КоВид-19” жағдайы тұрақтанса, келесі турнирлер Орталық Азияның басқа елдерінде келісілген кезектілік тәртібімен өтеді. Бұл балалар спорт ұйымдарының дамуына және Орталық Азия елдерінің халықаралық ынтымақтастығының одан әрі нығаюына ықпал етеді. Сондай-ақ, жеңімпаз команда Германиядағы жасөспірімдер турниріне қатысу құқығына ие болады деп жоспарлап отырмыз, — деді Б.Бекнияз.
</blockquote>
Естеріңізге сала кетейік, алғашқы турнир 2019 жылы Алматыда Тимур Сегізбаев спорт клубының стадионында өтті. Сол кезде өтіп бара жатқан “Арал теңізі Кубогын” алматылық жас қайратшылар жеңіп алды.
Клуб жетекшісі Жұмабек Сәрсенбаевтың айтуынша, “СТС” СК (Сегізбаев Тимур Санжарұлы атындағы спорт клубы) 2007-2008 жылы туылған балалардан құралған және 2018 жылдың мамыр айында құрылған.
Жаттығулар, спорт залдарын және футбол алаңдарын жалға алу, киім — кешектер мен турнирлерге шығу “AlMoBi” логистикалық компаниясының және ойыншылардың ата – аналарының демеушілігімен өтеді, – дейді Ж.Сәрсенбаев. — Үш жыл ішінде біздің тәрбиеленушілеріміз көптеген түрлі турнирлер мен ресми отандық жарыстарды, атап айтқанда, “СТС” СК — Алматы қаласының чемпионы, Қазақстан чемпионатының күміс жүлдегері, ХФЛ аясында өткізілетін “Жастар” жарыстарының жеңімпазы, халықаралық “Бағанашыл Кубогының”, балалар жаттықтырушысы А.А. Утканов Кубогының (Астана), “Алтын күз” Кубогының және т. б. иегері болды.
Қызылордадағы Турнир 7 қарашада аяқталады.
<img src="https://kyzylorda-news.kz/wp-content/uploads/2021/11/a0ae51dcbda1b3a165c59134ef7d4f22_1280x720.jpeg" alt="" />

«Арал теңізі Кубогы» ІІ халықаралық турнирі басталды

<a href="https://kyzylorda-news.kz/">Kyzylorda-news.kz.</a> Сербия астанасында өтіп жатқан бокстан әлем чемпионатында Қазақстанның он бірдей боксшысы ширек финалға өтті, деп хабарлайды&nbsp;<a href="https://sputnik.kz/">Sputnik Қазақстан.</a>
Соңғы жекпе-жектер кезінде алты қазақстандық боксшы рингке шықты. Барлығы жеңіске жетіп, ¼ финалына өтті. Серік Теміржанов (57 келі) үндістандық Рохита Мораны 4:1 есебімен жеңсе, Абылайхан Жүсіпов (67 келі) поляк Дамиан Дуркачты айқын басымдықпен жеңді.
Нұрқанат Райыс (75 келі) “Әділ мүмкіндік командасының” өкілі Сүлейман Асламиді жеңді. Бұл командаға Ауғанстандағы қарулы қақтығыс кезінде көшіп кеткен спортшылар кіреді.
Сәкен Бибосынов (51 келі) үндістандық Дипакты 5:0 есебімен ұтты.
Санатәлі Төлтаев (63,5 келі) пен Нұрбек Оралбай (80 келі) да өз қарсыластарын жеңді.
Бұған дейін Теміртас Жүсіпов (48 келі), Махмұд Сабырхан (54 келі), Саматәлі Төлтаев (60 келі) пен Асланбек Шымбергенов (71 келі) ширек финалға шыққан болатын. Бүгін барлығы жартылай финалға шығу үшін жұдырықтасады.
Айта кетері, 92 келі салмақ дәрежесінде өнер көрсететін Айбек Оралбай Өзбекстан өкілі Мадияр Саидрахимовтан ұтылып қалған. Нұрлан Сапарбай (+92 келі) бірінші айналымнан аса алмаса, Бек Нұрмағамбет (86 келі) бразилиялық Кено Мачадодан жеңілген.
Сербия астанасына 13 боксшымыз аттанды. Олар:
<ul>
<li>Теміртас Жүсіпов (48 келі);</li>
<li>Сәкен Бибосынов (51 келі);</li>
<li>Махмұд Сабырхан (54 келі);</li>
<li>Серік Теміржанов (57 келі);</li>
<li>Саматәлі Төлтаев (60 келі);</li>
<li>Санатәлі Төлтаев (63,5 келі);</li>
<li>Абылайхан Жүсіпов (67 келі);</li>
<li>Асланбек Шымбергенов (71 келі);</li>
<li>Нұрқанат Райыс (75 келі);</li>
<li>Нұрбек Оралбай (80 келі);</li>
<li>Бек Нұрмағанбет (86 келі);</li>
<li>Айбек Оралбай (92 келі);</li>
<li>Нұрлан Сапарбай (+92 келі).</li>
</ul>
Әлем чемпионатының сыйақы қоры 2,6 миллион АҚШ долларын құрап отыр.
Алтыннан алқа таққандар 100 000 долларға ие болады. Күміс медаль үшін 50 000, ал қолаға 25 000 доллар беріледі. Чемпионат 24 қазан мен 6 қараша аралығында өтеді.

Әлем чемпионатында он бірдей боксшымыз ширек финалға өтті – видео

<a href="https://kyzylorda-news.kz/">Kyzylorda-news.kz.</a>&nbsp; Белградта өтіп жатқап Әлем чемпионатының ширек финалына төрт қазақстандық жолдама алды. Спортшылар бұл жекпе-жекте жеңіске жетсе, медаль ала алады, деп хабарлайды&nbsp;<a href="https://vesti.kz/">vesti.kz</a>.&nbsp;
71 келіге дейінгі салмақта кездесу өткізген Асланбек Шымбергенов Германиялық Магомед Шахидовты айқын басымдықпен жеңді. Ол үшінші раундта қарысласын нокаутқа жіберген.&nbsp;
Саматәлі Төлтаев Колумбиялық Дуван Зулетадан басым түсіп, ¼ финалға жолдама алды. 21 жастағы спортшы төрешілер шешімімен жеңіске жетті.&nbsp;
20 жастағы Махмуд Сабырхан шотландиялық қарсыласы Мюттью Макхэйлді жеңді. 54 келіге дейінгі салмақ дәрежесінде өнер көрсететін спортшы келесі айналымда бразилиялық Майкл Тринидадпен жұдырықтасады.&nbsp;
48 келіге дейінгі салмақ дәрежесінде жекпе-жек өткізген Теміртас Жүсіпов Омер Ахметовичті төрешілер шешімімен жеңді. Жартылай финалға жолдама алуы үшін ол өзбекстандық Нодиржон Мирзахмедовтен басым түсуі қажет.

Бокстан әлем чемпионаты: Ширек финалға кімдер өтті?

<a href="https://kyzylorda-news.kz/ru/obshestvo/">Kyzylorda-news.kz</a>. Әйтеке би кентіндегі Желтоқсан көшесі бойындағы көпқабатты тұрғын үйлердің арасынан спорт алаңы салынуда.
Бұл жерде балалар үш бірдей спорт түрімен айналысып, бос уақыттарын тиімді пайдалана алады. Атап айтар болсақ, олар баскетбол, волейбол және кіші футбол ойындарын ойнай алады.
Қазіргі таңда “Намыс құрылыс” ЖШС-ның құрылысшылары спорт алаңының жұмысын аяқтауға жақын қалды. Жұмысшылар жасанды жасыл төсеніштерін төсеп жатыр.
Бүгін аудан әкімі Мұхтар Оразбаев спорт алаңына арнайы барып, оның құрылысымен танысты. Мердігер мекеменің жауапты қызметкерлері мен Әйтеке би кентінің әкімі Қайрақбай Орынбасаровқа бірінші кезекте сапаға мән беру қажеттігін айтты.

Қазалы ауданында спорт алаңы салынуда

<a href="https://kyzylorda-news.kz/ru/obshestvo/">Kyzylorda-news.kz</a>. Халықаралық олимпиада комитеті (ХОК), Халықаралық паралимпиада комитеті мен «Бейжің-2022» ұйымдастыру комитеті 2022 жылы Бейжіңдегі Қысқы Олимпиада ойындарында COVID-19 бойынша ұсыныстарды қамтитын «плейбуктердің» алғашқы нұсқаларын жариялады. Бұл туралы «Бейжің-2022» ұйымдастыру комитетінің сайтында жария етілді, деп хабарлайды ҚазАқпарат.
Бір нұсқаулық спортшылар мен командалардың ресми тұлғаларына, екіншісі БАҚ өкілдерін қоса алғанда, барлық мүдделі тарапқа арналған. Коронавирусқа қарсы вакцинацияның толық курсынан өткен барлық Бейжіңдегі 2022 жылғы Олимпиада спортшылары мен қатысушылары Қытайға келгеннен кейін жабық цикл жүйесінде болады.
Вакцинациядан өтпеген спортшылар ҚХР астанасына келгеннен кейін 21 күндік карантиннен өтуі керек. Бейжіңге келген спортшылар мен делегациялардың кейбір ресми тұлғаларынан басқа, Олимпиадалық ауылдарда спортшыларды ертіп жүрген Олимпиада ойындарының барлық қатысушысы коронавирусқа қарсы талаптарға сай келетін ұйымдастырушылар бөлген қонақ үйлерде тұрады.
Ойындарға қатысушылар мен қызметкерлер күн сайын коронавирусқа қарсы тестілеуден өтеді. «Бейжің -2022» ұйымдастыру комитеті пандемияның алдын алу және оған қарсы күрес басқармасы директорының орынбасары Хуан Чунь Ойын қатысушылары жарысты өткізу орындары мен орналастыру нысандары арасында, сондай-ақ жарыстың үш аймағы – Бейжің, Яньцин және Чжанцзякоу арасында еркін жүре алатынын айтты. Бейжіңдегі 2022 жылғы Олимпиадаға қатысушылар денсаулық жағдайын бақылау үшін «My 2022» арнайы мобильді қосымшасын пайдалануы қажет және Қытайға келерден 14 күн бұрын өзінің жағдайы туралы есеп бере бастауы керек.
Еске сала кетейік, Бейжіңдегі Қысқы Олимпиада ойындары 2022 жылдың 4-20 ақпан аралығында өтеді.

Бейжің қысқы Олимпиадасы: Вакцина алмаған спортшылар 21 күндік карантинге жатады

<a href="https://kyzylorda-news.kz/ru/obshestvo/">Kyzylorda-news.kz</a>.&nbsp; Қарағанды қаласында жасөспірімдер мен ересектер арасында ережесіз жекпе-жектен Әлем чемпионаты өтті.
Жарысқа әлемнің 30-дан астам елінен 1000 – нан аса спортшы қатысты. Қазақстан Республикасының құрама командасы 9 түрлі салмақ дәрежесінде бақ сынады. Айта кетерлігі, құрама командадағы спортшылардың көпшілігі еліміздің күштік құрылымдарынан жасақталған. Оның ішінде Қызылорда облысы Полиция департаментінің Жылдам қимылдайтын арнайы жасағының инспекторлары полиция лейтенанттары Асқар Қоңқабаев пен Алтынбек Турмаханов 86 кг салмақ дәрежесінде сынға түсті. Тартысты додада полиция лейтенанты А.Қоңқабаев алтыннан алқа тағып, әлем чемпионы атанды. Ал полиция лейтенанты А.Турмаханов аталған салмақ дәрежесінің күміс жүлдегері атанды.
Әлемдік доданың нәтижесі бойынша Қазақстан құрамасы командалық есепте 1-ші орынды иеленді.

Қызылордалық полицейлер ережесіз жекпе-жектен Әлем чемпионатында жүлделі орындар алды

<a href="https://kyzylorda-news.kz/ru/obshestvo/">Kyzylorda-news.kz</a>. Қазалыда осыдан 2 күн бұрын басталған мемлекет және қоғам қайраткері Елеу Көшербаевты еске алуға арналған грек-рим күресінен 2002-2004 жылы туылған жастар арасындағы ХV халықаралық турнир аяқталды.
Жарыстың соңғы күні балуандар жұбаныш белдесулерін өткізіп, 5 салмақ бойынша ақтық сында белдесті.
Боз кілемде бапкерлерінің айтқанын екі етпей орындаған епті балуандар қарсыластарынан басым түсіп, жеңістің биік тұғырынан көрінді.
Жеңімпаздар мен жүлдегерлерді облыстық мәслихат хатшысы Наурызбай Байқадамов, аудан әкімі Мұхтар Оразбаев, Қазалы және Арал аудандарының құрметті азаматы Айтбай Көшербай, облыстық мәслихат депутаттары Ібайдулла Тілеп, Нұрболат Ибраев, турнирдің бас төрешісі Ғабиден Райымбек, ардагер спортшылар Дәстен Айбосынов, Нұрлыбек Есбосынов марапаттап, медальдарын табыстады.
Сонымен қатар, турнирде көрермен көзайымына айналған балуандарға да арнайы жүлделер табыс етілді.
Турнирдің жабылу салтанатында облыстық мәслихат хатшысы Наурызбай Байқадамов құттықтау сөз сөйлеп, жылы лебізін білдірді.
Аудан әкімі Мұхтар Оразбаев турнирдің жоғары дәрежеде өтуіне атсалысқан барша азаматтар мен боз кілемде белдескен балуандарға алғысын айтып, ризашылығын жеткізді. Сондай-ақ мемлекет және қоғам қайраткері Елеу Көшербаевтың Қазалы ауданында көптеген спорт нысандарын салуға мұрындық болғанын атап өтті.
Айта кетейік, жастар арасындағы байрақты бәсекеге еліміздің 14 өңірінен 200-ге тарта балуан келіп, бақ сынады.
<img src="https://kyzylorda-news.kz/wp-content/uploads/2021/10/246976937_3187878588099733_6359607281873078481_n.jpg" alt="" />
<img src="https://kyzylorda-news.kz/wp-content/uploads/2021/10/247538272_3187877574766501_5225047597633864848_n.jpg" alt="" />

Қазалыда халықаралық турнир өз мәресіне жетті

<a href="https://kyzylorda-news.kz/ru/obshestvo/">Kyzylorda-news.kz</a>. Ақтауда 15-17 қазан күндері каратэден ересектер арасындағы ел чемпионаты өтті. Жарысқа 13 облыстан 25 спортшы қатысып, командалық ката бойынша Қызылорда облысы көш бастады.
Дүбірлі додада өңіріміздің намысын қорғап, жеңіс тұғырынан көрінгендер сапында Қорқыт ата атындағы Қызылорда университетінің студенттері бар. Атап айтсақ, +18 жас салмақ дәрежесінде ката бағдарламасында Ғабиден Ұрынбаев ІІІ орын иеленсе, жалпы командалық катада жүлделі І орын алды.
<blockquote>
 «Елімізде каратэ спорты қарқынды дамып келеді. Оның дәлелі жоғары деңгейдегі жарыстардың ұйымдастырылуы. Каратэмен 7 жасымнан бастап айналысамын. Өзіме қатты ұнайды. Спортқа келу арқылы шыдамдылыққа, кез келген жағдайда ұстамды болуға үйрендім. Қазіргі таңда дене шынықтыру пәні мұғалімі мамандығының 1 курс студентімін. Университет тарапынан қолдау көрсетіліп, оқу ақысына 50 пайыздық жеңілдік берілді. Осы ретте, оқу орнының басшыларына алғысымды білдіремін»,-деді Ғабиден Ұрынбаев.
</blockquote>

Ел чемпионатында Ғабиден Ұрынбаев жеңіске жетті

<a href="https://kyzylorda-news.kz/ru/obshestvo/">Kyzylorda-news.kz</a>. Қазалыда 22-24 қазан күндері Тәуелсіздіктің 30 жылдығына орай Мемлекет және қоғам қайраткері Елеу Көшербаевты еске алуға арналған грек-рим күресінен жастар арасындағы ХV дәстүрлі халықаралық турнир өтеді.
2006 жылдан бері өткізіліп келе жатқан байрақты бәсекеге грек-рим күресінен жасөспірімдер арасында Қазақстан Республикасының чемпиондары, Азия және Әлем чемпионаттарының жүлдегерлері қатысады. 
Турнирдің бас төрешісі Халықаралық дәрежедегі төреші – Райымбек Ғабиден.
Турнирде жеңімпаз және жүлдегер болған спортшылар грек-рим күресінен спорт шеберіне үміткер нормативін орындайды.
Одан бөлек, арнайы дипломдармен және медальдарьмен, жарыс демеушілерінің қомақты қаржылай сыйлықтарымен марапатталады.
22 қазан, сағат 16.00-де – турнирдің ашылу салтанаты 
22-23 қазан күндері – спортшылардың белдесуі 
24 қазан – Турнирдің жабылу салтанаты, марапаттау рәсімі
Өтетін орны: Әйтеке би кентіндегі №17 Қазалы ауданының олимпиадалық резервтің мамандандырылған балалар-жасөспірімдер мектебі

Қазақстан және Қызылорда облысының жаңалықтары: Спорт