<a href="https://kyzylorda-news.kz/">Kyzylorda-news.kz</a> Мәдениет және спорт министрлігі халықаралық спорттық жарыстардың чемпиондары мен жүлдегерлеріне, жаттықтырушыларға және спорт түрлері бойынша құрама командаларының мүшелеріне берілетін ақшалай сыйақы мөлшерін жариялады. Бұл туралы <a href="https://stan.kz/kazakstanda-2024-zhili-olimpiada-zhenimpazdarina-berile-397850/">Stan.kz</a> ақпарат агенттігі хабарлайды.&nbsp;Министрлік мәліметінше, ең көп ақшалай сыйлықты олимпиада, паралимпиада және сурдлимпиада ойындарының чемпиондары мен жүлдегерлері алады. Алтын жүлдегер атанған спортшылар мен олардың жаттықтырушыларына&nbsp;әрқайсысына 250 000 доллардан беріледі, күміс жүлде үшін 150 000 доллардан, қола&nbsp;үшін&nbsp;75 000 доллардан беріледі.&nbsp;Әлемдік рекорд орнатқан кез келген қазақстандық спортшыға&nbsp;мемлекеттен ақшалай сыйақы беріледі. Рекорд орнатқан спортшы&nbsp;мен оның жаттықтырушысы 5000 доллар көлемінде сыйақы алады.Ал Қазақстан бокс федерациясы Париж олимпиадасында жеңіске жеткен боксшыларға төленетін сыйақы мөлшерін атады.&nbsp;“Бұған дейін Париж олимпиадасында жетістікке жеткен боксшыларға Қазақстан бокс федерациясы тарапынан берілетін сыйақы мөлшері жарияланған еді:&nbsp;Бірінші орын үшін –&nbsp;220 мың доллар;Екінші орын үшін –&nbsp;120 мың доллар;Үшінші орын үшін –&nbsp;70 мың доллар;Төтрінші орын үшін –&nbsp;30 мың доллар;Бесінші орын үшін –&nbsp;10 мың доллар”, –&nbsp;делінген федерациясы хабарламасында.&nbsp;Айта кетейік, халықаралық олимпиада комитеті спортшыларға ақшалай сыйлық төлемейді. Қатысушы елдер ғана өз спортшыларын марапаттайды. Ал Қазақстан спортшыларына ең көп сыйақы (алтынға 250 000 доллар) беретін елдер тізімінде.Сыйақы бойынша рейтингтің көшбасшысы – Сингапур, бұл елде чемпионға миллион долларлық чек беріледі. Алайда, бұл ақшаға салық салынады, қаржының бір бөлігі спортты дамытуға және кейінгі жаттығу шығындарын жабуға жұмсалады.Ұлыбританияда, Швецияда, Хорватияда, Норвегияда және әлемнің басқа да бірқатар елдерінде олимпиада жеңімпаздарына ештеңе төленбейді. АҚШ-та олимпиада чемпионы 37,5 мың доллар алса, Ресейде 54,5 мың доллар алады. Ал Нигерия мен Сенегал үкіметтері жүлделі спортшыларына сиыр сыйға тартады.

Қазақстанда 2024 жылы олимпиада жеңімпаздарына берілетін сыйақы мөлшері белгілі болды

<a href="https://kyzylorda-news.kz/">Kyzylorda-news.kz</a>&nbsp; Өткен аптада Қармақшы аудандық дене шынықтыру-сауықтыру кешенінде аудандық дене тәрбиесі, спорт және туризм бөлімінің ұйымдастыруымен Кеңес әскерінің ауған жерінен шығарылғанына 35 жыл толуына орай интернационалист жауынгерлер Ә.Өміров, Н.Айсауытов, Р.Доспанов және А.Жыңғылбаевты еске алуға арналған мектеп оқушылары арасында аудандық дәстүрлі спартакиада өтті.Спорттық шараның негізгі мақсаты – саламатты өмір салтын насихаттау, аудан жастары арасында бұқаралық спортты арттыру, мектеп оқушыларын отансүйгіштікке тәрбиелеу, болашақ ұрпаққа әскери-партиоттық тәрбие беруге бағытталды.Спартакиадада оқушылар спорттың 8 түрінен жарысты. Атап айтсақ, баскетбол, волейбол, қол добы, асық ату мен бес асық, үстел теннисі, қол күрес, «АК-74» қаруын бөлшектеу, жинақтау және қарудың оқжатарын жарақтау бойынша бақ сынасып, сайыс көркін қыздыра түсті. &nbsp; Екі күнге созылған тартысты додада жалпы командалық есеп бойынша І орынды 65 ұпаймен №250 мектеп-лицей командасы жеңіп алса, &nbsp;ІІ орынды 61 ұпаймен №105 мектеп-лицейі иеленді. Ал ІІІ орынды 55 ұпаймен №30 орта мектеп оқушылары дәстүрлі спартакиаданың жүлделі орынына жайғасты.&nbsp;&nbsp;&nbsp;&nbsp;

Қармақшыда аудандық дәстүрлі спартакиада додасы өтті

&nbsp;<a href="https://kyzylorda-news.kz/">Kyzylorda-news.kz</a> &nbsp;Жақында Сырдария ауданына қарасты Бесарық ауылында дзюдодан 2009-2010 жылы туған жасөспірімдер арасында «Абай-Дәулет» жүлдесіне арналған республикалық турнир жалауын көтерген болатын. Республикалық турнирдің ашылу салтанатына облыстық дене шынықтыру, спорт және туризм басқармасы басшысының орынбасары Ж.Айекешов, аудан әкімі Б.Сәрменбаев, облыстық дзюдо федерациясының вице-президенті И.Ысқақұлы және «Абай-Дәулет» ЖШС директоры М.Сәрсенбаев және Сыр өңірінің қонақтары қатысты.Биыл алтыншы мәрте ұйымдастырылған турнирдің ашылу салтанатында аудан әкімі Б.Сәрменбаев сөз сөйлеп, спортшыларға сәттілік тіледі.<blockquote>– Халқымыз ежелден денсаулықтың қадірін жете түсініп, оны басты байлыққа балаған. Сондықтан спорттың бұқаралық сипатын дамыту – мемлекетіміздің стратегиялық басым бағыттарының бірі. &nbsp;Қоғамның басты көрсеткіші – адамның денсаулығы болса, оны нығайтуда спорттың алар орны ерекше. Спорт қай заманда болсын адамзатты бейбітшілік пен бірлікке үндеп келеді. Мемлекет басшысы Қасым-Жомарт Кемелұлы Тоқаев спорт саласын жетілдіруге ерекше басымдық беріп келеді. Соның нәтижесінде, аймағымызда бұқаралық спортты дамыту мен жоғары деңгейдегі спортшыларды даярлауға көп көңіл бөлінуде. Облыста аймақ басшысы Нұрлыбек Машбекұлы Нәлібаевтың қолдауымен жаңадан спорттық нысандар бой көтеруде. Облыс орталығында халықаралық стандарттарға сәйкес Орталық стадион және жабық бассейні бар көпсалалы дене шынықтыру-сауықтыру кешені салынуда. Сонымен қатар, демеушілік есебінен Қызылордада үстел теннисі орталығының іргетасы қаланды. Бұл бағыттағы жұмыстар ауданда да жалғасын табуда. Биыл Бесарық ауылында жаңа спорттық кешен ел игілігіне берілетін болады. Спорттың бұқаралық сипатының дамуына ел азаматтары өз үлесін қосуда. Олардың қатарында «Абай-Дәулет» серіктестігі жыл сайын жасөспірімдер арасында дзюдодан республикалық турнир ұйымдастыруды дәстүрге айналдырған. Бұл – жастарға деген зор қолдау. Сондықтан спорттық іс-шараны ұйымдастырып жатқан Мұрат Абайұлына шынайы алғысымды білдіремін, – деді аудан басшысы.</blockquote>Республикалық турнирге көршілес Өзбекстан мемлекетінен және еліміздің 12 облысы мен 3 қаласынан 650-ге жуық спортшы қатысып, татами төрінде бақ сынады. Спорттық іс-шарада облыстық дене шынықтыру, спорт және туризм басқармасы басшысының орынбасары Ж.Айекешов, облыстық дзюдо федерациясының вице-президенті И.Ысқақұлы және «Абай-Дәулет» ЖШС директоры М.Сәрсенбаев құттықтау сөз сөйледі.Палуандар бәсекесінде әр салмақ бойынша жеңімпаздар мен жүлдегерлер анықталды. Жарыс нәтижесі бойынша:Ұлдар арасында 38 кг салмақ дәрежесінде бойынша: І орын Дарын Әділхан (Астана қаласы), ІІ орын Әділет Керейтбай (Қызылорда спорт интернат), ІІІ орын Ақәділ Батыржанұлы (Жалағаш ауданы), ІІІ орын Орал Тұңғышбай (Жамбыл облысы);42 кг салмақ дәрежесі бойынша: І орын А.Нұрмаханбетов (Алматы облысы), ІІ орын Мейіржан Неғматуллаев (Өзбекстан мемлекетті), ІІІ орын Саят Еркінұлы (Қызылорда спорт интернат), ІІІ орын Абдусайднұрисламхан Сатмахан (Жамбыл облысы);46 кг салмақ дәрежесі бойынша: І орын Нұрперзент Әбдіқадыр (Қызылорда облысы), ІІ орын Нұрқанат Мұжабаев (Ақтөбе облысы), ІІІ орын Бекшиов Бекнұр (Шымкент қаласы), ІІІ орын Саматұлы Ислам (Қызылорда облысы);50 кг салмақ дәрежесі бойынша: І орын Бағдаулет Жаңабай (Астана қаласы), ІІ орын Ислам Ролланұлы (Атырау қаласы), ІІІ орын Нұролла Калимжан (Атырау қаласы), ІІІ орын Жалғас Әбуіғалиев (Жезқазған) иеленді,Ал, қыздар арасында 36 кг салмақ дәрежесі бойынша: І орын Арайлым Фархат (Бесарық ауылы), ІІ орын Гүлсезім Қуаныш (Тасбөгет), ІІІ орын Кәусар Асылханқызы (Мәдениет ауылы), ІІІ орын Ұлбосын Сәрсенбай (Бесарық ауылы);40 кг салмақ дәрежесі бойынша: І орын Айзере Ерболат (Бесарық ауылы), ІІ орын Дильназ Асылбек (Жалағаш ауданы), ІІІ орын Ақбота Жақсылықова (Қармақшы ауданы), ІІІ орын Айзере Ибрагим (Тасбөгет);44 кг салмақ дәрежесі бойынша: І орын Айдана Қаржауова (Өзбекстан мемлекетті), ІІ орын Дильяра Тынышбаева Қызылорда қаласы), ІІІ орын Инжу Сахабадин (Қызылорда қаласы), ІІІ орын Имина Хорченко (Қармақшы ауданы);48 кг салмақ дәрежесі бойынша: І орын Инабат Нұрадинқызы (Сырдария ауданы), ІІ орын Арайлым Ержанқызы (Қызылорда спорт интернат), ІІІ орын Малика Сабыралы (Қызылорда қаласы), ІІІ орын Г.Абдуаллива (Қызылорда қаласы);52 кг салмақ дәрежесі бойынша: І орын Нұршат Жұмағалиқызы (Қызылорда қаласы), ІІ орын Сезім Мұратбек (Тараз қаласы), ІІІ орын Маншүк Омарова (Қызылорда N2), ІІІ орын Ақсезім Сапарқұл (Қызылорда N4);57 кг салмақ дәрежесі бойынша: І орын Жания Пернебек (Жамбыл облысы), ІІ орын Аселхан Ырсымбет (Қызылорда қаласы), ІІІ орын&nbsp;🥉 Измайлова Анина (Қызылорда N6), ІІІ орын Алия Мақсұт (Қызылорда спорт интернат);63 кг салмақ дәрежесі бойынша: І орын Арайлым Айдархан (Қызылорда N6), ІІ орын Ардаққызы Дильназ (Сырдария ауданы), ІІІ орын Айсамал Жағыппар (Қызылорда N2), ІІІ орын Айдана Рахимова (Абай облысы);+63 кг салмақ дәрежесі бойынша: І орын Нұрдина Марлен (Жамбыл облысы), ІІ орын Сарсенбек Балым (Меркі ауданы), ІІІ орын Ақниет Түлеген (Алматы облысы), ІІІ орын Асем Сырым (Жамбыл облысы) жеңіп алды. Жеңіс тұғырынан көрінген әрбір спортшыға арнайы диплом, медаль, кубок табысталды.&nbsp;Қорытынды есепте үздіктер қатарынан көрінген өңірлер де марапатталды.

 Дзюдодан республикалық турнир өз мәресіне жетті

<a href="https://kyzylorda-news.kz/">Kyzylorda-news.kz</a>&nbsp; Аудан орталығы Тереңөзек кентінде таеквондодан қара белбеу 4-ші жан иегері В.Пакты еске алуға арналған облыстық ашық біріншілігі өткізілген болатын.&nbsp; &nbsp; &nbsp; &nbsp; Өз кезегінде ашылу салтанатында &nbsp;№11 олимпиадалық резервтің мамандандырылған балалар жасөспірімдер мектебінің директоры Бауыржан Есмағанбетов &nbsp;ашық біріншілікті ашып, &nbsp;спортшыларға сәттілік тіледі.<blockquote>– Таеквондо спортының дамуына зор үлес қосқан В.Пакты сплортшылар өз деңгейлерін байқатып, жеңімпаз атануға барын салады деп ойлаймын. Әрине, облыстық деңгейдегі жарыстар спортшылардың деңгейін шыңдай түсетіні жасырын емес. Сондықтан жас спортшыларға тек ғана жеңіс тілеймін, – деді Бауыржан Есмағанбетов.</blockquote>&nbsp; &nbsp; &nbsp; &nbsp; Өз кезегінде облыстық таеквондодан аға жаттықтырушысы, таеквондодан спорт шебері Абай Оразбердин жарысқа қатысушылардың жігерін шыңдап, тілектестік білдірді. &nbsp;Жарысқа 10 команда 400-ден аса спортшы қатысқан болатын.Айта кетейік, облыстық ашық біріншілік өз мәресіне жетіп, спорт мектебі таеквондошылары зор жетістікке қол жеткізді. Бұл ретте, жүлделі І орынды 35 келі салмақта Диас Бексейтов, 44 келі салмақта Жанерке Сәтбаева, ІІ орынды 38 келі салмақта &nbsp;Ғани Шахарбек, Дидарай Рахымбердина, ІІІ орынды &nbsp;Мадияр Досболулы, &nbsp;Әли Бахытбеков иеленді.Айта кетейік, жас спортшылардың жаттықтырушылары – Марат Алдаберген мен Бақытжан Баймырзаев.

Сырдарияда облыстық ашық біріншілігі өткізілді 

<a href="https://kyzylorda-news.kz/">Kyzylorda-news.kz</a> Қасиетті Рамазан айы Шиелі ауданын жағымды, ақжолтай хабарымен қуантып отыр. Иә, қасиетті ай теңбіл доптың тілекшілері үшін сүйіншісі бар, ақ түйенің қарыны жарылардайақ жағымды жаңалығымен келді. Өйтпегенде ше? Республика көлемінде 2024 жылы бастау алған футбол чемпионатында ауданның «Қайсар Шиелі» командасы өнер көрсетеді. Дүбірлі додада тұңғыш рет Шиелі ауданының футбол командасы Қазақстан Республикасы чемпионатының екінші лигасында бақ сынамақ.2024 жылдың 9 сәуір күні «Шиелі Қайсар» командасы Шымкент қаласының «Оңтүстік академия» футбол клубын өз алаңында қабылдайды. Олай болса, жерлес командаға жеңіс тілейміз!&nbsp;Өңірдің теңбіл доп тарихында талай жерде топ жарған мықты майталмандарды тәрбиелеп, ойыншылардың нағыз жанкүйері де бапкері бола білген ардагер спортшы Нұрмағанбет Сахиұлы бастаған команда облыс көлеміндегі чемпионаттарда бірнеше дүркін жеңімпаз атанған. Шиелі ауданы – «Алтын күз» облыстық ауыл спортшылары спартакиадасының 18 дүркін, облыстық кубоктың екі дүркін жеңімпазы. Ауданның 1982 жылы туған жасөспірімдер командасы алғаш рет облыс көлемінде 1996 жылы Қазақстан Республикасының чемпионы атанды.&nbsp;Бұған дейін «Қайсар» кәсіби футбол клубында жерлестеріміз Дархан Бекішов, Жалғас Әлтаев, Бектас Ертаев, Жасұлан Молдағараев, Сүйіндік Көшеков, Мағжан және Абай Ізбасаров, Фазылбек Бекбанов ойнаса, қазіргі таңда Бақдәулет Молдағараев, Жахмур Диас «Қайсар Шиелі» футбол клубында өз өнерлерін көрсетеді.&nbsp;Бүгінгі таңда жерлестеріміздің арасында бұқаралық спортпен айналысушылардың саны 33 мыңнан асса, оның 3 мыңнан астамы футбол ойынымен шұғылданады.&nbsp;Биылдан бастап футбол академиясы аудан көлемінде өз жұмысын бастайды. Аталған академияда ойыншылардың басым көпшілігі теңбіл допқа әуес жерлестерімізден жасақталатын болады.&nbsp;Жалпы Шиелінің теңбіл доп тарихында аудан құрама командасы Тимур Сегізбаев бастаған Қазақстан құрама командасын, Ринат Дасаев бастаған КСРО-ның құрама командасын және Оңтүстік Африка мемлекетінің командасын қабылдаған болатын. Бұл – біздің тарих.&nbsp;Санаулы күнде алғаш рет футболдан Қазақстан Республикасының чемпионаты өткізіліп, қайталанбас тарихи сәттің куәсі болғалы тұрмыз.&nbsp;Құрметті оқырман, баршаңызды өңір тарихында ең алғаш өткізілетін тартысты да табысты Қазақстан Республикасы чемпионатының ойынын тамашалауға шақырамыз!

Қазақстан чемпионаты: Шиелі Шымқаланы шақырады

<a href="https://kyzylorda-news.kz/">Kyzylorda-news.kz</a> Бүгінгі таңда қазақ күресінің дәурені жүріп, ұлттық спортымыз төрге озып, әлем елдерінің алдында бой түзеді. Текті қазақ халқының атын төрткүл дүниеге танытып жүрген спортшыларымыз да аз емес. Соның ішінде белбеу күресі кең өріс алып келеді. Байрақты бәсекелерде асыл қасиетті бойына сіңірген балуандарымыз байрағымызды көкке желбіретіп, рухымызды асқақтатып, әнұранымызды шырқатуы – өз алдына үлкен жетістік.Бала күнінен «балуан болсам, әлем елдерінің алдында топ жарып, күллі қазақ жұртын қуантсам» деп армандап, қазір сол мақсаты орындалған жас балуанның бірі, шиелілік – Жандос Әбубәкір. Ол 2001 жылы 10 қаңтарда Шиелі ауданында көпбалалы отбасында дүниеге келген. Мектеп табалдырығында білім ала жүріп, дюздо үйірмесіне қатысады. Баланың қабілетін байқаған жаттықтырушысы Бақытжан Молдабаев оны жарыстарға шығарып, болашақ Әлем чемпионының дарынын шыңдап дамытады. Жас өрен, алғашында, самбо, дзюдомен шұғылданып, кейін қазақша күрес, белбеу күресінен де бағын сынап көреді. Бүгінде еткен еңбек, төккен тердің арқасында облыстық, республикалық додаларда топ жарып, жеңіс тұғырынан көрініп жүр.&nbsp;Қазіргі жаттықтырушы-ұстазы Райымбек Рантаевтың еселі еңбегі мен мол тәжірибесін үйретуінің нәтижесінде, 2019 жылы Астана қаласында және 2022 жылы Өзбекстан мемлекеті Наманган қаласында жастар арасында өткен Әлем чемпионатында 57 келі салмақ дәрежесінде додаға түсіп, қарсылас шақ келтірмей, алтын медальді қанжығалады.&nbsp;Жандос түрлі бәсекелерде жеңіс пен жеңілісті қатар көре жүріп, табандылықты қажет ететін спорттан бір кездері мүлде бас тартқысы келген сәттер болғанын да жасырмады.&nbsp;<blockquote>– Спортта үнемі дайындықты пысықтап, кез келген уақытта жарысқа сақадай сай тұру керек. Мектепті аяқтаған шағымда басқа мамандықты таңдағым да келді. Себебі артылған сенімді ақтап, күресті әрі қарай дамыта аламын ба деген қорқыныш болды. Дегенмен, жаттықтырушым мен отбасымның қолдауымен 2018 жылы Алматы қаласындағы спорт және туризм академиясына оқуға түсіп, 2022 жылы жақсыға аяқтадым. Оқу орнында білім алумен қатар өткізілген байрақты бәсекелерде бақ сынап, жеңіс тұғырынан көріндім. Биыл, 2024 жылы Моңғолияда өтетін Әлем чемпионатына жолдама алдым. Бұйырса, үшінші рет Әлем чемпионы атанып, еңбек сіңірген спортшы ретінде жеңіспен ораламын деген сенімдемін, – дейді спортшы.&nbsp;</blockquote>Спорт академиясын аяқтаған Жандос Шәкенұлы қазіргі таңда Шиелі ауданындағы орталық спорт мектебінде қазақша күрестен жаттықтырушы болып жұмыс істейді. Күніне 2 топта 30-дан аса шәкірт дайындап отыр. Қатысушы оқушылармен өзі де бірге жаттығып, тәжірибесімен бөлісіп, өз тарапынан жіберген қателіктерді шәкірттерінің қайталамауын басты назарда ұстайды.

Шиелі: Белбеу күресінен 2 дүркін әлем чемпионы

&nbsp;<a href="https://kyzylorda-news.kz/">Kyzylorda-news.kz</a> &nbsp;Жуырда ғана ауданды жарықпен қамтамасыз етіп отырған Қазалы электр торабы мекемесінің жемісті еңбегін мақаламызға арқау етіп, жеткен жетістіктерін қозғаған болатынбыз. Тағы да сондай сәт туды. Ұйымшыл ұжымның жақсы жаңалығын жария етіп, сіздермен бөлісуді жөн көріп отырмыз. Облыс орталығында ұйымдастырылған кіші футболдан өткен турнирде өзгелерден оза шапқан Қазалы электр торабы мекемесінің қызметкерлері ауданға олжамен оралды.Сайыста сынға түскен сайыпқырандардың айтуынша, бұл турнир "Қызылорда электр тарату тораптары компаниясы" акционерлік қоғамы құрылғанына алпыс жыл толуына орай ұйымдастырылған. Тартысқа толы додаға аудан орталықтарындағы электр тарату торабы қызметкерлерінен құралған командалар қатысты. Кіл мықтылар бақ сынаған сайыста жерлестеріміз бәсекелестеріне шақ келтірмей, тамаша ойын үлгісін көрсете білді. Қарсыластарына оңайлықпен жеңілмейтіндіктерін аңғартып, сәт сайын шабуылдап, құрама намысын барынша қорғап бақты. Нәтижесінде, барлығынан басым түскен қазалылық оғландар қарсыластарын ойсырата жеңіп, бірінші орынды қанжығаға байлады. Екінші орын Тереңөзек аудандық электр торабының қыметкерлеріне бұйырды. Ал, орталық электр торабының қызметкерлері үшінші орынды місе тұтты.Бұдан бөлек, Өндірістік база командасының ойыншысы Сәбит Сейтқазин «Ең үздік қорғаушы», Өндірістік база командасының ойыншысы Манасбек Аймұратов «Ең үздік сұрмерген», Тасбөгет аудандық электр торабы командасының ойыншысы Қуаныш Жидебаев «Ең үздік қақпашы», Жалағаш аудандық электр торабы командасының ойыншысы Оразәлі Ақылбекұлы «Ең үздік шабуылшы», Жаңақорған аудандық электр торабы командасының ойыншысы Нұрсұлтан Жангелдіұлы «Турнирдың ең үздік ойыншысы» сынды бағамға ие болды. Жарысқа қатысушы құрама командалар арнайы алғыс хаттармен, бағалы сыйлықтармен марапатталды.– Өз ісіне мығым мамандық иелерінің басын бір жерге қосып қоймай, спортқа деген қызығушылығымызды сарапқа салған турнир тартысқа толы болды. Қарсыластарымыз өте жақсы дайындықпен келген. Аудан намысын арқалап барған соң, біз де аянып қалғанымыз жоқ. Нәтижесін өздеріңіз көріп тұрсыздар. Өзімізге артылған үмітті ақтадық деп ойлаймын. Бұл жеңіс біздің команданың, қала берді ұжымның жетістігі. Ауызбіршілігімізді арттырып, жұмысқа ынталандыратын осындай сайыстар алдағы уақытта да жалғасын тапса, жеңіске жетер жолындағы еңбегіміз әрі қарай да жемісті болмақ, – дейді Қазалы электр тарату торабы футбол командасының капитаны Нұрлан Жүсіпәлиев.Бірлікті ту еткен білікті қызметкерлердің қай істе де, ширақ екеніне тағы да, көз жеткізгендейміз. Бағана басына шығып, биікті бағындырып, спортты серік еткен серілердің шығар шыңы аласармасы анық. Өйткені, олар үшін жауапкершіліктің жүгі бәрінен жоғары.&nbsp;&nbsp;

Қазалылық жастар жеңіспен оралды

<a href="https://kyzylorda-news.kz/">Kyzylorda-news.kz</a> Соңғы&nbsp;жылдары&nbsp;Жалағаш&nbsp;ауданында&nbsp;білім&nbsp;саласына&nbsp;ерекше&nbsp;қолдау&nbsp;көрсетілуде.&nbsp;Қуантарлығы, мұндай қарқынды қолдаудың нәтижесі бар. Бұл сөзімізді түрлі байрақты бәсекелерде жалағаштық спортшылардың топ жарып жатқаны қуаттайды.&nbsp;Ауданға қарасты барлық ауылдық елді мекенде кемінде 1 спорттық үйірме жұмыс жасайды екен. Нәтиже де жоқ емес, бүгінде үлкен додаларда топ жарып жүрген балалардың басым бөлігі сол үйірмелерде жаттығып, салаға алғаш қадам басқандар. Бір жағынан ауыл балаларының бос уақытын тиімді пайдалануға да мүмкіндік туып отыр.&nbsp;Жуырда Жалағаш ауданының Еңбек ауылдық округіне жолымыз түсті. Ауылдағы көне нысаннан көптеген оқушының шығып жатқанын байқап, аялдауды жөн көрдік. Бақсақ, бұл балаларды спортқа баулитын бокс үйірмесі екен. Сыртынан қараған жанға көне нысан ауылдан көшіп кеткен біреудің қараусыз үйі сияқты. Бірақ үйірме жетекшісімен тілдескенімізде елді мекендегі шағын залда шымырлардың шыңдалып жатқанын байқадық.&nbsp;Руслан Ысқақ 7 жылдай бокспен айналысып, республикалық, халықаралық додаларда топ жарған. Тіпті кезінде 66-69 келі салмақта аймақта қарсылас шақ келтірмеген. Спорт шеберлігіне үміткер өзі секілді тәжірибелі былғары қолғап шеберлерін шыңдауға саналы ғұмырын сарп етуді көздеп, бүгінде бапкер болып ауыл балаларын боксқа баулып жүр.&nbsp;Бокс спорттың ең күрделі һәм қауіпті саласы десе де болады, рас, дзюдо, қазақ күресі, футбол, футзал, баскетбол, волейболдың да өз қиыншылықтары бар, алайда аяқасты оқыс қимыл жасамасаң, оғын тап болмасың анық. Ал бокс ше, онда дөп тиген бір соққыдан кейде майып болып жатқандарды да көріп жатырмыз. Міне, осы тұрғыда былғары қолғап шеберлерін дайындайтын бапкерлерге үлкен жауапкершілік жүктеледі. Кез келген адамның салаға қадам баспайтыны да сондықтан. Русланмен тілдескенімізде жас та болса білікті бапкер екеніне көзіміз жетті.&nbsp;3 жылдан бері балаларды спортқа баулып жүрген кейіпкеріміз Еңбектегі шағын залда бастапқыда 3 топпен жұмыс жасағанын айтады. Әдепкіде үйірме құрамында 42 бала болыпты. Кейін 1 топ қысқарып, қазір мұнда 39 бала жаттығып жатыр.&nbsp;Білікті бапкер үйірмеге оқушыларды 10-12 жастан бастап қабылдайды. Мұнда 18 жасқа дейінгі балалардың жаттығуына барлық жағдай жасалған. Руслан балаларды келе сала шаршы алаңда шыңдап, оларды алдымен бокстың түрлі айла-тәсілдеріне баулиды. Ауыл тұрғындары да кейіпкеріміздің жұмысын жоғары бағалап отыр. Бір жағынан жергілікті халық мұндай үйірмелер балалардың бос уақытын тиімді пайда­лануда таптырмас мүмкіндік дейді.&nbsp;<blockquote>– Бұрын ауылда үйірме жоқ кезде балаларымыздың бос уақыты телефонмен өтетін. Ал спортпен жастайынан айналысқан баланың денсаулығы да мықты болатынын жақсы білеміз. Алайда балаларды оған баулитын ауылда үйірмелер жоқ еді. Қазір ше, ауылда бокс үйірмесінің жұмыс жасап тұрғанына 3 жылдай болды. Бапкер ініміздің де жұмысын жоғары бағалаймын. Менің&nbsp;балам да осы үйірмеде жаттығып жатыр. Нәтиже де жоқ емес, бүгінге дейін аудандық, облыстық және республикалық жарыстарда жүлделі орындардан бой көрсетіп жүр. Мұның барлығы спортқа мемлекеттің жасаған қолдауының арқасы. Біздің кезімізде мұндай үйірмелер мүлде болған жоқ. Ауыл балалары көше бойында жүгіруді спортпен шұғылдану деп түсінетін едік. Тіпті біз ойнайтын ашық алаңдар да болған жоқ. Қазір мүлде басқа, осындай үйірмелердің арқасында ауылдан шыққан таланттар тасада қалмайды. Себебі ондай олқылыққа жас та болса Руслан секілді білікті бапкерлер жол бермейді, – дейді ауыл тұрғыны Ажаркүл Баймаханова.&nbsp;</blockquote>Осы үйірмеден жаттығып жатқан балалардың алды 3 жылда түрлі додаларда топ жарған. Мәселен, Нұрдәулет Жанатұлы республикалық турнирде үшінші орын алып, спорт шеберіне үміткер атанды. Ал Ерхан Молдағали Қармақшы ауданында өткен республикалық турнирде үшінші орын алса, дәл осы додада Нұрдәулет Жанатұлы күміс медалға қол жеткізді. Қазір білікті бапкердің дүбірлі додаларда топ жарған басқа да шәкірттерін тізе берсек, өз алдына бір еңбекке жүк болары анық. Міне, шалғай ауылдағы шағын залдан шыңдалған балалардың осындай жетістігі бар.&nbsp;<blockquote>– Шәкірті жарыстарда топ жарып жатса, оған қуанбайтын ұстаз жоқ. біз де сол сияқтымыз. Балаларымыз кішкентай жетістікке жетсе, қуанып қаламыз. Бірақ оған тоқмейілсуден аулақпын. Керісінше олардың талабын әлі де шыңдауға басымдық беремін. Нәтижесі де жоқ емес, балаларымның алды республикалық турнирлерде топ жарып жүр. Алда үлкен жарыстар күтіп тұр. Оларға да менің балаларым қатысады. Қазір соған дайындық үстіндеміз. Үйірме мүшелерін келе сала бірден шаршы алаңда жекпе-жекке шығару үлкен қателік деп есептеймін. Біз ең алдымен балаларды аяққа еркін тұруды, секіруді үйретеміз. Сәл қыздырынып, әрі қарай бірнеше күн жаттығуды жалғастырады. Тұлпардың да алдымен қыздырынып алғаннан кейін тынысы ашылады ғой, балалар да сол секілді, ең алдымен түрлі айла-тәсілді меңгеріп алғаннан кейін жекпе-жекте нәтиже көрсетеді. Бұған өзімнің 7 жылдық тәжірибемде көз жеткіздім, – дейді Руслан Ысқақ.</blockquote>Айта кетейік, Еңбек ауылдық округіндегі бокс үйірмесінде үлкен топтағы ба­лалар 6 күн жаттығып, білікті бапкерден тәлім алады. Ал кіші топтар аптасына 3 күн жаттығады. Оларды Руслан Ысқақ күніне 1,5 сағат спортқа баулиды.&nbsp;Иә, шағын ғана залда үйірме жұмысы ширақ, бүгінгі сапарымызда осыған көзіміз жетті. Бокспен айналыспасақ та спорттың бұл түріне қызығушылық басым. Сондықтан ба, жаттығу кезінде балалардың спорттың бұл түрінің түрлі айла-тәсілін еркін меңгергені байқалып тұр.&nbsp;Расында таланттың бәрі ауылда. Бұл сөз бекер айтылған жоқ. Ал сол балалардың бойындағы кішкентай қызығушылықты әрі қарай дамытуда Руслан жүйелі жұмыс жасап жатыр. Бүгін республикалық турнирде шәкірттері топ жарса, олардың алдағы уақытта халықаралық, әлемдік бәсекелерде жеңіс тұғырынан көрініп, көк туымызды биіктен желбіретпесіне кім кепіл. Міне, білікті бапкердің бүгінгі жұмысын осындай жетістікке жасаған алғашқы қадамы деп түйдік.&nbsp;

Шағын залда шымырлар шыңдалады

<a href="https://kyzylorda-news.kz/">Kyzylorda-news.kz</a>&nbsp;Қызылорда қаласында «Сыр болашағы» спорттық, шығармашылық орталығының дзюдодан ашық біріншілігі өткізілген болатын.&nbsp;Аталған жарыста нағилық өрендер бақ сынап, жеңіс тұғырынан көрінді.&nbsp;Білектің күшімен қарсыласты шан қаптырған спортшыларымыз жаттықтырушы қойған әдіс-тәсілді сәтті орындап шықты.&nbsp;Өз кезегінде ашық біріншіліктің І орнына 38 келі салмақта Қуат Болат, 32 келі салмақта Сабыржан Мешітбаев, 29 келі салмақта Рахман Дарханұлы, 23 келі салмақта Рахат Гажданбек ие болды. ІІ орынға 29 келі салмақта Әділет Қалдыбек, 26 келі салмақта Дарын Қуанышұлы 35 келі салмақта Нұрғиса Бекболат, 32 келі салмақта Нұрбол Мұханбет табан тіреді. ІІІ орынға қол созған спортшылар арасында 35 келі салмақта Нұрперзент Ерболов, Қайсар Аққозы, 26 келі салмақта Әділет Әуезхан, 23 келі салмақта Диас Нұрланов, 29 келі салмақта Нұралы Мейрамбекұлы, 20 келі салмақта Жалғасхан Базархан бар. Ал қыздар арасында 36 келі салмақта Жібек Жәнібекқызы жеңімпаз атанса, Асылай Маргаждар үшінші тұғырдан көрінді.– Сырдария ауданына қарасты Нағи Ілиясов ауылының тұрғындары әркез жеңіс тұғырынан көрінуде. Өз кезегінде балғын дзюдошыларымыз&nbsp; қалалық ашық біріншілікте кіл мықтылар арасында табандылық таныта білген спортшыларымызға дән ризамыз. Мемлекеттік бағдарлам шеңберінде спортшылардың жаттығуына барлық жағдай жасалып келеді. Біз қашанда спортшыларымызды мақтан тұтамыз. Өз кезегінде білікті бапкердің нұсқауымен спортшылар талай белесті бағындыра береді, – дейді орталық құрылтайшысы Анар Қалдыбаева.&nbsp; &nbsp;&nbsp;&nbsp;&nbsp;

Сырдариялық спортшылардың жарқын жеңісі

<a href="https://kyzylorda-news.kz/">Kyzylorda-news.kz</a> Адамның ойлау қабілетін, логикасын дамытатын қазақтың ұлттық ойындарының бірі – тоғызқұмалақ. Ұлттық спорттың бұл түрі Абай Құнанбайұлының да сүйікті ойыны болған. Бүгінде тоғызқұмалақпен шұғылданып жүргеніне 14 жылдан асқан кейіпкеріміз есеп-қисаптан тұратын бұл ойын түрін бала күнінен жанына серік етіп, ел намысын әлемдік деңгейде қорғауда.Әріптесім екеуміз «Наркескен» спорт клубының біркүндік жұмыс барысымен танысу мақсатында мекеме ішін аралап келеміз. Шағын ғана бөлмеде қазандығын құмалаққа толтырып, қарсылас шақ келтірмей отырған спортшыны көзіміз шалды. Қарсыласына&nbsp; «мына отаудың құмалағын шашып жіберсеңізші» деп көмектескенім сол еді, әлгі спортшы «осыдан кейін бір мәрте ойнап көрейік» деген ұсыныс тастады. Бала күнімнен аздап қыр-сырын білетіндіктен ойнап көруге бел будым. Десе де қалам мен қағазды ғана жанына серік еткен журналист үшін ойын оңайға соқпады. Себебі қарсылас талай додаларда топ жарып, өз мықтылығымен Азия, Әлем чемпионы атанған Ақерке Кенжебекова болатын.&nbsp;<blockquote>–Тоғызқұмалақ үйірмесіне бастапқыда әпкем Ақнұр Кенжебекова қатысқан болатын. Ол үйге күнде тоғызқұмалақты әкеліп жаттығып жүрді. Бір күні отаудан-отауға тасырлап түсіп жатқан құмалақтарға қарап қызығушылығым оянды. Кейін тоғызқұмалақ үйірмесінің жетекшілері арнайы мектепке келіп, оқушыларды үйірмеге қатысуға шақырды. Сол күннен бастап мен де тоғызқұмалақ үйірмесінің тобына қосылдым. Ол кезде небәрі 2 сыныпта оқитын 8 жасар бала Ақерке едім. Үйірмеден тыс тәтем Ақнұр екеуміз үйде бірге ойнап, ойынның қыр-сырын меңгеріп, сол жылы жасөспірімдер арасында Қазақстан чемпионы атандым. Қазіргі таңда спорт саласында жеткен жетістіктеріме атам Кенжебек Әбдіхановтың қосқан үлесі зор деп білемін. Себебі атам мені кішкентайымнан қолдап, түрлі жарыстарға қатысуыма ықпал жасады. Мектеп оқушыларын қандай да бір үйірмеге бейімдеп, қызығушылығын арттыруда жетекшінің рөлі зор деп ойлаймын. Менің алғашқы ұстазым – Білімжан Елеусінов. Ол әркез шәкірттеріне жақсы қарап, ойынның қыр-сырын жалықпай үйрететін. Қазір ол кісі менің жаттықтырушым болмаса да бала күнімнен осы спорт түріне баулып, қыр-сырын үйреткендіктен өмірлік ұстазым болып қала береді, – дейді Ақерке Кенжебекова.&nbsp;</blockquote>Бүгінде Ақеркенің бапкері – әлемнің үш дүркін чемпионы Хакімжан Елеусінов. Ақерке мектеп бітірген соң білікті бапкердің шәкірті атанып, үлкен додаларда топ жаруда. Ол бүгінде облыстық жоғары спорт шеберлігі мектебінде&nbsp;ұлттық спортты ұлықтап, спортшылар дайындауда.<blockquote>&nbsp;– Ақерке мен жетекшілік ететін үйірмеге алғаш келген күннен өзінің тоғызқұмалаққа деген қарым-қабілетін көрсетіп, үйреткен білімді тез қағып алатын, ойлау қабілеті жылдам шәкірттерімнің бірі болды. Ол тыңғылықты әрі үздіксіз дайындықтың арқасында халықаралық дәрежедегі спорт шебері атанды, – дейді білікті бапкер.&nbsp;</blockquote>Иә, бірнеше мәрте жарысқа қатысып, жүлделі орындардан төбе көрсеткен Ақерке – Азия және Әлем чемпионы. Ол – 2016 жылы Ресей Федерациясының Алтай республикасында тоғызқұмалақтан өткен жастар арасындағы Азия чемпионатының ІІ орын иегері. 2017 жылы Астана қаласында өткен ересектер арасында IV әлем чемпионатының қола жүлдегері. 2018 жылы Моңғолия республикасында өткен ересектер арасында IV Азия чемпионатының алтын жүлде иегері атанған. Сондай-ақ Моңғолия республикасы, Баян-Өлгей қаласында 9 елден 200-ден астам спортшы қатысқан тоғызқұмалақтан өткен VI Азия чемпионатының алтын жүлде иегері атанып, еліміздің мерейін асқақтатқан болатын. Бұдан бөлек Румыния мемлекетінің Констанца қаласында ересектер арасында өткен әлем кубогында тоғызқұмалақ спортының рапид түрінен де үлкен жетістікке жетіп, Әлем чемпионы атанған болатын.&nbsp;<blockquote>– Жарыс аса қиын болған жоқ, керісінше ұнады. Басқа мемлекеттер адамдарымен ойнаған өте қызықты болды. Еліміздің абыройы үшін әлемнің үздіктері бас қосқан додада барынша мұқият ойнауға тырыстым. Қазақ 7 санын қашанда киелі деп санаған ғой. Сондықтан мен де көбіне ойынды 7-ші отаудан бастаймын. Себебі бұл отау маған ойынды жеңіспен аяқтауыма септігін тигізеді, – дейді Ақерке.</blockquote>Кейіпкеріміз – қазіргі таңда аудандық «Наркескен» спорт клубында тоғызқұмалақ үйірмесінің жаттықтырушысы. Дүбірлі додаларда бағы мен бабы сынға түсіп жүрген спортшымыз – 19 шәкірттің білікті бапкері. Талай жарыста топ жарған тоғызқұмалақшы Ақерке қазіргі таңда жетекшісімен бірге алдағы аптада Ақтөбе қаласында өтетін топтық әйелдер чемпионатына&nbsp; дайындық үстінде. Ақыл-ойдың ұшқырлығын талап ететін ұлттық ойын тоғызқұмалақтан бақ сынайтын спортшымызға сәттілік тіледік.<blockquote>– Бұл чемпионат – биылғы соңғы жарыс. Келер жылы қаңтар айынан бастап ересектер арасында блиц, рапид түрінен сайыс өтеді. Одан кейін Колумбияға жарысқа барамын. Ақпан айында ересектер арасында чемпионаттың классика түрінен жарыс болады. Қазіргі сәтте Ақтөбе қаласында өтетін жарыстан бөлек үш сайысқа дайындалудамын. Осы додалардан І, ІІ орын алғандар сәуір айында Түркия мемлекетінің Стамбул қаласында өтетін әлем чемпионатына жолдама алады. Менің де басты мақсатым – осы әлем біріншілігіне қатысу, – дейді ол.&nbsp;</blockquote>

Жалағаштық тоғызқұмалақшы Ақерке – Әлем чемпионы

<a href="https://kyzylorda-news.kz/">Kyzylorda-news.kz</a>&nbsp; Қазақ халқы қашанда қызды қадірлеп, мейірімділікпен қарап, бағалаған.&nbsp;«Руыңды сақтаймын десең, ұлыңды тәрбиеле, ұлтыңды сақтаймын десең, қызыңды тәрбиеле» деген сөздің өзінде үлкен мән бар. Жаугершілік заманда да қолына қару алған қыздарымыз аз емес. Сол секілді спорт саңлақтарының арасында да бұрымдыларымыз ел абыройын асқақтатып жүр.<h2 style="margin-left:0cm;">Каратэден тұңғыш әлем чемпионы</h2>Қыздар арасында жұдырығы қатты былғары қолғап шебері, каратэ мен таэквондо үздігі немесе боз кілем төрінде қарсыласының жауырынын жерге тигізген үздіктер көп.&nbsp;Каратэ спортын жанына серік етіп, талайды мойындатқан Мөлдір Жаңбырбай 1997 жылы Қызылорда қаласында дүниеге келген. №212 орта мектептің түлегі. Ептілік пен мықтылық, төзім сыналатын каратэ спортымен 9 жасынан бастап шұғылданады. Бүгінде ол каратэден Қазақстан Республикасының спорт шебері, ересектер арасында ұлттық құрама команданың мүшесі.Мөлдірдің үздіктер қатарынан көрінетіні әу бастан-ақ белгілі болды. Индонезияда өткен 2010 жылғы Азия чемпионатында қола жүлде иеленді. Осы чемпионаттан кейін 2011, 2014, 2015 жылдары 3 мәрте күміс жүлдегер атанды. Ташкентегі 2012 жылғы Әлем кубогында ел мерейін өсірді, ал Дубайда өткен 2013 жылғы Азия чемпионатында да алтыннан алқа тақты. Грузияның Тбилиси қаласында өткен 2015 жылғы әлем чемпионатында да Мөлдірдің бағы мен бабы келісіп, жеңімпаз атанды.2018 жылы Жапонияның Окинава қаласында өткен Азия чемпионатында да топ жарды. Ал Португалияның Лиссабон қаласында өткен 2021 жылғы Karate1 Premier Leagua халықаралық турнирінде күміс жүлдеге ие болды. 2021 жылы Жапония астанасы Токио қаласында өткен жазғы Олимпиада ойындарында +55 келі салмақта 7 орынға тұрақтады.Ал былтыр Мөлдір Жаңбырбай Қазақстан тарихында тұңғыш рет каратэден әлем чемпионы атанды. Мажарстанның Будапешт қаласында ересектер арасында өткен әлем чемпионатында Мөлдір ең алдымен, Алжир спортшысын, одан кейін жапон және словакиялық каратэшіні айқын басымдықпен жеңді. Ал жартылай финалда Венесуэла каратэшісін 11- 3 есебімен жеңіп, финалға жолдама алды. Сырда туып-өскен сайыпқыран спортшының әлі де биік шыңдарды бағындыратыны анық.<h2 style="margin-left:0cm;">Атқан оғы мүлт кетпейтін Айжан</h2>Олимпиадалық спорт түрі саналатын стенд атудан үздіктердің бірі – Айжан Досмағамбетова. Бағытты айқын бағдарлап, нысананы дәл көздейтін мерген 1997 жылы Қызылорда қаласында дүниеге келген. 2003-2014 жылдары Қызылорда қаласындағы №7 қазақ орта мектебінде, 2017-2020 жылдары&nbsp; Түркістан облысындағы “Дарын” колледжінде «Дене тәрбиесі және спорт» мамандығы бойынша білім алған. Стенд атудан Қазақстан Республикасының Халықаралық дәрежедегі спорт шебері. 2013-2015 жылдары ересектер арасында Қазақстан Республикасы чемпионатының жеңімпазы атанған.Адреналинге толы стенд ату спорт түрі қыздарға ең ыңғайлы ойын десек болады. Ауыр дүниені көтермейді, шақырымды артқа тастап жүгірмейді, тек көздегенінен мүлт кетпесе болғаны.Қырағылық пен қайсарлық бойынан табылатын Айжан 2016 жылы жастар арасында Қазақстан чемпионы, 2021 жылғы Үндістанда өткен Әлем Кубогінің күміс жүлдегері атанған. 2022 жылы Мароккода өткен Әлем Кубогінде күміс жүлде иеленген. Ал Қытайдың Ханчжоу қаласында өткен 2023 жылғы Азия ойындарында қола жүлдегер атанды. Спорт күнделікті өмір дағдысына айналған Айжанды өзіне деген сенімділік пен тұрақты еңбек жеңіске жетелеуде.<h2 style="margin-left:0cm;">Шахмат шебері Әсел</h2>Шахмат – қарым-қабілет пен амал мен айла, ақыл мен сабыр тартысқа түсетін айқас алаңы. Ақыл-ой додасында талай қарсыласын қапы қалдырған спортшының бірі – Әсел Серікбай. Дарынды бойжеткен 2002 жылы Қызылорда қаласында дүниеге келген. №136 орта мектепте білім алған ару үздіктерге бұйыратын “алтын белгіні” иеленген. Мұнан кейін Қорқыт ата атындағы Қызылорда университетінде «Дене шынықтыру және спорт» мамандығында білім алған.Әсел 6 жасынан бастап шахматқа қызықты. Қызылорда облысының №1 мамандандырылған балалар-жасөспірімдердің олимпиадалық резерв мектебінде тәлім алған спортшыға жаттықтырушылары Риза Қошқарова мен Василий Шмельков үлкен үміт артты.Талантты тани білген жаттықтырушылардың еңбегі ақталды. Өзі сұлу да сабырлы, әрбір істі ақылмен атқаратын, шахмат сырын жетік меңгерген Әсел Шахматтан облыс тарихында алғашқы ФИДЕ шебері атанды. Бүгінде ол Қазақстан Республикасының спорт шебері, ересектер арасында еліміздің құрама командасына Сыр елінен енген тұңғыш шахматшы. Жасөспірімдер және жастар арасында 13 дүркін Қазақстан Республикасының чемпионы. Польшаның Краков қаласында өткен оқушылар арасында әлем чемпионы атанған. 2015 жылы оқушылар арасында өткен Азия чемпионатының жеңімпазы. Жасөспірімдер арасында 3 дүркін Азия чемпионы. Иранда өткен жастар арасындағы Азия кубогының қола жүлдегері. Ересектер арасында Қазақстан чемпионатының күміс жүлдегері атанған Әсел осы жарыстан кейін Қазақстан Республикасының спорт шебері нормативін орындады. Грецияда өткен 16 жасқа дейінгі қыздар арасындағы жарыста әлем чемпионы атанып, 20 жасқа дейінгі жастар арасында Шығыс Азия чемпионатының күміс жүлдесін қанжығалады. Ал 2023 жылы Польшадағы әлем чемпионатында командалық есепте күміс жүлдені иеленді. Дарынды жас 18 дүркін Қазақстан Республикасының чемпионы, 3 дүркін әлем чемпионы, 7 дүркін Азия чемпионы атағына ие болған.

Сыр спортындағы сайыпқырандар

<a href="https://kyzylorda-news.kz/">Kyzylorda-news.kz</a> Семсерлесуден Грузияда&nbsp;өтіп жатқан әлем кубогының шешуші кезеңінде Қазақстан ерлер құрамасы Париж Олимпиадасының төрт&nbsp;жолдамасын жеңіп алды&nbsp;деп хабарлайды&nbsp;Kyzylorda news ақпарат агенттігі <a href="https://qrnews.kz/detail-news/G2bh6svIE40pXATP7Ypr">QRnews.kz </a>сайтына сілтеме жасап.Спортты дамыту дирекциясының хабарлауынша, Қазақстан&nbsp;қоржынына Руслан Құрбанов, Вадим Шарлаимов, Ерлік Сертай және Эльмир Әлімжанов Париж Олимпиадасының жолдамасын сыйлады.Командалық жолдаманың арқасында 3 спортшымыз автоматты түрде жеке сайыста да Олимпиада жүлдесіне таласа алады. Бұған Оңтүстік Корея спортшыларының 1/8 финалда Чехиядан жеңілуі себеп болған.&nbsp;Осылайша, Қазақстан құрамасы жалпы рейтингте ТОП-4 мемлекеттің қатарына кірді.Айта кетейік,&nbsp;Грузиядағы әлем кубогы кезеңінде семсерлесуден Қазақстан командасы Азия құрлығындағы жалғыз жолдамаға таласты. Әлемдік ұйым қағидасы бойынша, олимпиадалық рейтингте алғашқы төрт орында тұрған командалар автоматты түрде жазғы ойындарға қатысады. Ал қалған құрамалары құрлыққа бөлінетін бір жолдаманы сарапқа салды.

Қазақстан және Қызылорда облысының жаңалықтары: Спорт