<a href="https://kyzylorda-news.kz/">Kyzylorda-news.kz</a> &nbsp;Өткен жұмада Қазалы ауданының Төтенше жағдайлар бөлімі мен Қазалы ауданы бойынша білім бөлімінің ұйымдастыруымен «Жас құтқарушы-2024» әскери қолданбалы спорт түрлерінен мектеп оқушылары арасында сайыс өтті.Сайыс 7 кезеңнен тұрды. Бұлар – кедергілер арасынан өтіп қайтарда тіке қайту, газ тұмылдырық пен өрт сөндірушілер мен құтқарушылардың киімін уақытқа кию, алғашқы медициналық көмек пен туннельден өтіп нысанаға оқ ату мен жауынгерлік қанат жаю және өрт қауіпсіздігі тақырыбында сурет салу, оны қорғау бойынша өзара бақтарын сынады.Жарыс қорытындысына сәйкес, кедергілер арасынан өтіп қайтарда тіке қайту сайысы бойынша жүлделі бірінші орынды №16 мектеп-лицейден келгендер, екінші &nbsp;орынды №17 мектеп және үшінші орынды №70 мектеп командасы жеңіп алды. Газ тұмылдырық кию сайысы бойынша жүлделі бірінші орынды №16 мектеп-лицей шәкірттері, екінші орынды №17 мектеп командасы және үшінші орынды №276 мектеп командасы иемденді.Өрт сөндірушілер мен құтқарушылардың киімін уақытқа кию сайысы бойынша жүлделі бірінші орын №276 мектептің қатысушылары, екінші орын №70 мектеп командасы және үшінші орын №17 мектеп оқушылары қанжығасына байлады.Алғашқы медициналық көмек сайысы бойынша жеңіс тұғырынан №16 мектеп-лицей командасы көрінсе, екінші орын №17 мектеп және үшінші орын №95 мектеп командасына бұйырды.Туннельден өтіп нысанаға оқ ату сайысы бойынша жүлделі бірінші орын №16 мектеп-лицей командасы, екінші орын №234 мектеп командасы және үшінші орын №17 мектеп командасы алды.Жауынгерлік қанат жаю сайысы бойынша жүлделі бірінші орын №16 мектеп-лицей командасы, екінші орын №276 мектеп командасы және үшінші орынды №17 мектеп командасы иемденді.Өрт қауіпсіздігі тақырыбында сурет салу, оны қорғау сайысы бойынша жүлделі бірінші орын №70 мектептің оқушылары, екінші орын №95 мектеп командасы және үшінші орын №16 мектеп-лицей командасы иеленді.Сонымен қатар, өткізілген «Жас құтқарушы – 2024» аудандық сайысында жалпы командалық есепте 34 ұпаймен №16 мектеп-лицей командасы жеңімпаз атанды, 28 ұпаймен №17 мектеп командасы екінші орын және 24 ұпай жинап, №276 мектеп командасы жүлделі үшінші орын иеленді. Жеңімпаздар Қазалы ауданының Төтенше жағдайлар бөлімі және Қазалы ауданы бойынша білім бөлімі мен білім және ғылым қызметкерлері кәсіподағының дипломымен, арнайы кубоктармен марапаттады.

Қазалыда жас құтқарушылар жарысты

<a href="https://kyzylorda-news.kz/">Kyzylorda-news.kz</a> &nbsp;Шаған ауылында ауыл шаруашылығының білікті ұйымдастырушысы, 1994-2000 жылдары&nbsp;«Шаған» агрофирмасының &nbsp;директоры, «Құрмет» орденінің иегері Қожабек Дәдікбаевты еске алуға арналған волейболдан ашық біріншілік өткізілді. Жарысқа 11 команда қатысып, бақ сынады.Ашық біріншілікті ашқан Шаған ауылы округінің әкімі міндетін атқарушы Мейірім Ерекенова сөз сөйлеп, жарысқа қатысушыларға сәттілік тіледі.<blockquote>– Шаған ауылында еңселі еңбегімен ел алғысына бөленген Қожабек Дәдікбаевтың есімі ерекше аталады. Өз уақытысында ауылдың гүлденуіне сүбелі үлес қосқан ардақты азаматтың жарқын істері ел жадында екені даусыз. Жылдар бойы ауыл шаруашылығы саласын өркендетіп, елді мекеннің әлеуетін арттыра білді. Кәсіби маманның арқасында Сыр саласын өсіруде, дәнді-дақылдарды өндіруде ел ағасы қажыр-қайратын арнады. Бүгін жарысқа қатысушыларға сәттілік тілеймін, – деді Мейірім Ерекенова.</blockquote>Тоспа доп бәсекесінде Шаған ауылынан 2, &nbsp;Іңкәрдария, Ақжарма, &nbsp;Шіркейлі, Амакелді, &nbsp;Қоғалыкөл,&nbsp;Айдарлы, Басарық, &nbsp;Жалағаш ауданынан келген командалар өзара шеберлік байқасты. Өз кезегінде спорт саласының ардагері Зұлхарнай Тасбергенов, ардақты азаматтың сыныптасы Тұрған Әбілқайыров, қарындасы Жанат Дәдікбаева&nbsp;ауылдың арда азаматының игілікті істерін көпшілікке паш етті. Жарысты ұйымдастырушы Бахытбай Мекебаев жарыс ережесін көпшілікке таныстырды. &nbsp; &nbsp;<blockquote>– Ауыл шаруашылығы саласында келелі істерімен даралана білген ел азаматын еске алу турниріне биыл командалар жоғары дайындықпен келген. Әрине, толысқан спортшыларға үздіктер қатарынан көрінуге тырысады. Қашанда тәжірибелі командалардың мүшелері бар жігерін жаңып, жеңіске жету үшін барын салады. Өз кезегінде ел ісіне келгенде ешкімге дес бермейтін ел ағасының көрегенділігі, істі ұйымдастыра білуі – талай адамға үлгі-өнеге болғаны жасырын емес. Бұл ретте, командаларға сәттілік тілейміз – деді жарыс ұйымдастырушысы.</blockquote>Жарыс қорытындысында &nbsp;жүлделі ІІІ орынды Ақжарма ауылы, ІІ орынды Шаған ауылы, І орынды Айдарлы ауылы иеленді. Барлық жүлдегерлерге &nbsp;кубок пен диплом табысталды. Сонымен қатар жарыс демеушісі, Қожабек Дәдікбаевтың ұлы Баубек Дәдікбаевтың демеушілігімен үздік ойыншыларға сыйлық үйлестірілді. &nbsp;<blockquote>– Әкеміздің табанды еңбегін, асқақ абыройын қашанда дәріптеуден шаршамаймыз. Қай кезде де, оның жарқын істерін ұрпақтары жаңғыртып отырады. Бүгінгі жарыс көрігін спортшылар қыздыра білді. Әрқашан спортшыларға табыс тілеймін, – деді жарыс демеушісі.&nbsp;</blockquote>Фото: freepik.com<img src="https://knadmin.beoblood.kz/uploads/b8c3f75d_ec07_4b5b_a39a_9ab3a7f18dba_88ac2b72f7.jpg" alt="b8c3f75d-ec07-4b5b-a39a-9ab3a7f18dba.jpg">

Тоспа доп бәсекесінде жеңімпаздар анықталды 

<a href="https://kyzylorda-news.kz/">Kyzylorda-news.kz</a> Биыл тұңғыш рет футболдан Шиелі ауданының «Қайсар Шиелі» командасы Қазақстан чемпионатының екінші лигасында бақ сынап, турнир кестесі бойынша Шымкенттің «Оңтүстік академия» клубын 9 сәуір күні өз алаңында қабылдайды. Санаулы күннен соң шежірелі өлкеге табан тірейтін шымқаланың ала доп шеберлері жайлы не білеміз?Оңтүстік Академия футбол клубы – 2018 жылы футболды жанына серік еткен жастар арасынан кіл мықтылар іріктеліп, Шымкент қаласында құрылған. 2018 жылы өткен Қазақстан чемпионатының 2 лигасында 40 кездесудің 27-сінде жеңіске жетіп, Астана жастар клубынан соң екінші орынды қанжығалаған. Дәл осы чемпионатта үздік өнер көрсетіп, тұғыр биігінен көрінген Шымкенттік ойыншыларға, 1 лигаға жолдама алу мүмкіндігі берілді. Бұндай таптырмас мүмкіндік құр жіберетін шымкенттіктер бар ма? Тынымсыз жаттығу мен озық стратегиясының арқасында, оза шауып, ел сенімін ақтады.Сонымен, 2019 жылы Қазақстан чемпионатының 1 лига маусымы команда үшін сәтті басталды. Алғашқы ойыннан-ақ жерлестері «Қыран» футбол командасын 3:1 есебімен ойсырата жеңіп, екінші кезеңде «Екібастұзды» 1:0 көрсеткішімен тізе бүктіріп, екінші орынға шықты.Қазақстан кубогі бойынша 2019 жылы бірінші кезеңде «СДЮСШОР 8», «Арыс» клубтарымен бір топқа түсіп, І орын алды. Жарыстың 1/8 финалында, Сыр елінің «Қайсар» командасынан 1:2 есебімен ұтылып, жарыспен қош айтысты.Ал, шиелілік «Қайсар Шиелі» командасы ойыншылары үшін бұл өте маңызды кездесу. Тарихи сәт. Себебі, құрылғанына аз уақыт болса да, Қазақстан чемпионатының 2-ші лигасында ойын өрнегін көрсетудің өзі үлкен жетістік. Бүгінде облыстық, республикалық турнирлерде жеңіс тұғырынан көрініп, өз жолдарын қалыптастырып үлгерді. Команданы белгілі жаттықтырушы Қанат Шерімбетов және оның көмекшісі, тәжірибелі бапкер Бекежан Жаңатаев дайындауда. Қос жаттықтырушы да Қазақстан футбол федерациясының ережесіне сәйкес УЕФА категориялық білікті мамандары.<blockquote>– Бұл кездесу аудандар тарихындағы алғашқы жоба болғалы тұр. Жалпы «Қайсар Шиелі» командасында 25 ойыншы бар. Құрамадағы екі ойыншы Шиелі ауданының талантты азаматтары. Алдағы қарсылас «Оңтүстік академия» командасы да осал емес, тәжірибесі мол. Сондықтан, команда сапындағы ойыншылар жаттығуды күшейтіп, аянбай тер төгуде. Шиелі ауданы тұрғындарын тартысты бесекені көзбе-көз көріп, келіп тамашалауға шақырамын, – дейді "Қайсар" футбол клубының баспасөз хатшысы Ерасыл Шәрібек.</blockquote>Иә, Шиелі ауданына келетін «Оңтүстік академия» футбол клубы да осал емес. Бар күш жігерді жаттығуға салып, тартысты ойын өрнегін көрсету үшін оларда аянып қалмайтыны анық. Дегенмен, жергілікті ойыншыларға деген сенім мол, үміт басым.

Тарихи ойын: Шиелі Шымкентті ұта ала ма?

<a href="https://kyzylorda-news.kz/">Kyzylorda-news.kz</a> &nbsp; Жосалы кентіндегі Дене шынықтыру-сауықтыру кешенінде Қазақстан Республикасының «Құрметті спорт қайраткері», Қазақстан педагогикалық ғылымдар академиясының мүшесі, ардагер-ұстаз Еркін Атабаевтың жүлдесіне арналған облыстық ашық турнир ұйымдастырылды. Спорттық сайыс волейболдан 2010-2011 жылы туған жасөспірім қыздар арасында волейболдан өткізілді.Оның негізгі мақсаты – аудан тұрғындары арасында саламатты өмір салтын насихаттауға бағытталған шараларды ұйымдастыру, ауданда волейбол ойынын кең көлемде дамыту, аудан жастарын дене шынықтыру және спортпен айналысуға тартып, волейбол ойыны негізінде олардың денсаулығын нығайту.Облыстық ашық біріншілікке Қызылорда, Байқоңыр қалалары, Төретам кенті, Жаңақорған, Сырдария, Жалағаш, Қазалы, Арал және өз ауданымыздан 10 команда, 120-ға жуық жасөспірім қатысты.&nbsp;Қыздар арасындағы аталмыш турнир тартысты өтті. Бірінен-бірі озған командалар жеңісті оңай бермеді. Бір-біріне лайықты қарсылас бола алған турнирде командалар жанкүйерлердің көзайымына айналды. Шын мықтылар ғана олжалы қайтқан турнир көптің көңілінен шықты. Нәтижесінде өз қайсарлықтарымен көзге түскен аудан командасы ІІІ орынға табан тіресе, жаңақорғандық команда ІІ орынды иеленді. Ал Арал командасының асығы алшысынан түсіп, І орынмен марапатталды. Аудан командасынан үздік ойынымен көзге түскен Т.Көмекбаев атындағы №250 мектеп-лицейдің 8-сынып оқушысы Дениз Баймахан (жаттықтырушысы Талғат Ерболатұлы) турнирдің «Үздік шабуылшысы» номинациясына ие болды.

Қармақшыда волейболдан облыстық ашық турнир өтті

<a href="https://kyzylorda-news.kz/">Kyzylorda-news.kz</a> Жақында қазақ күресінің халықаралық дәрежедегі спорт шебері, «Әлем Барысының» күміс жүлдегері, «Қазақстан Барысының» чемпионы қармақшылық Мақсат Исағабылов жерлестерімен жолығып, кенттегі №183, №105, №26 мектептің жастарымен кездесті. Сыр елінің толағайын аудан жастары зор қошеметпен қарсы алды.Әр білім ошағындағы кездесуді аудан әкімінің орынбасары Самат Смағұлов, аудандық мәслихаттың төрағасы Әділ Қошалақов, аудандық қоғамдық даму бөлімінің басшысы Ғарышбек Нысанбаев жүргізіп, жастар – қоғамның болашағы мен қозғаушы күші, мемлекеттің &nbsp;тұрақты дамуының негізі екенін жеткізді. Себебі, бүгінгі күні елімізде жастардың рухани, мәдени және кәсіби дамуына айрықша назар аударылып, оларды жан-жақты қолдау шаралары жүйелі түрде атқарылып келеді.Кездесуде қазақтың барысы Мақсат Аманбайұлы жастарға спорт мансабындағы қажырлы еңбегі мен жетістігін айтып берді. Қай салада болсын бикті бағындыру үшін ең бастысы төзімділік керегін айтты.<blockquote>– Әр адам ойға алған арманына жету үшін ең алдымен алдына мақсат қоя білу керек. Міне, сол жолда ғана еңбек етіп, биік белесті бағындыра алады. Сіздердің алдарыңызға Қазақстан барысы атанып келуімнің бір себебі – осы үздіксіз, тынымсыз еңбектің арқасы. Мен де сіздердің жастарыңызда білім мен спортты қатар алып жүрдім. Ұстаздарымның берген білімі оқуға түсуіме сеп болса, ата-анамның тәлім тәрбиесі дұрыс адам болып қалыптасуыма бірден-бір көмек болды. Қазір жастарға мүмкіндік көп. Елге қызмет етемін дегенге мемлекет тарапынан бағдарламалар, қолдау көптеп берілуде. Тек соны жақсы жағына пайдалана білу керек. Жасыратыны жоқ кей жастарымыз көшенің бұзығы атанудан әлі де тыйыла алмай жүр. Топтық төбелеске ілесіп әлден өмірлерін құрдымға кетіруде. Мұндай жасөспірімдерге нағыз жастық шағын ерте бұзбауға кеңес беремін. Оның орнына спортпен айналысып, елдің атын шығарып, менен де жоғары Әлем чемпионы болыңыздар дегім келеді, – деді Сыр елінің барысы өз тілегін жеткізіп.&nbsp;</blockquote>Спортшының жетістігіне қызыққан оқушылар көкейдегі сауалдарын жолдап, еркін форматта пікір алмасты. Спортта жетістігі бар жастар Қазақстан барысынан қолтаңба алып, естелік суретке түсті.Ауданға келген Сыр барысын аудан әкімі Жандос Еркінбекұлы жеке қабылдады. Ел намысын асқақтатып, аудан мерейін үстеп етіп жүрген жерлесімізге аудан басшысы ризашылығын білдіріп, сый-сияпатын табыстады. Сонымен қатар спорттағы мансабында әрқашан биіктен көрінуіне тілегін білдірді. &nbsp;

Қармақшылықтар Қазақстан Барысымен жүздесті

<a href="https://kyzylorda-news.kz/">Kyzylorda-news.kz</a> Қармақшы ауданы әкімінің орынбасары Самат Қыдырбекұлының төрағалығымен Көшеней Рүстембекұлы атындағы аудандық жыраулар үйінде спорт саласы бойынша алқа отырысы өтті.Алқа отырысына аудандық мәслихат төрағасы Әділ Қошалақов, аудандық қоғамдық кеңес төрағасы Әбдірахман Құлдүйсенов, аудандық ардагерлер кеңесінің төрағасы Асқар Мереков, кент, ауылдық округ әкімдері және спорт саласының ардагерлері мен қызметкерлері, жас спортшылар мен бұқаралық ақпарат құралдарының өкілдері қатысты.Жиында аудандық дене шынықтыру мен спорт саласына жауапты сала басшыларының өткен жылы атқарған жұмыстары мен биылғы жылғы атқарылатын міндеттер туралы хабарламалары тыңдалды.Одан соң, спорт саласындағы өзекті мәселелер талқыланып, сала мамандарының ұсыныс-пікірлері тыңдалды. Аудандық мәслихат төрағасы Әділ Үсенұлы мәжілісте қаралған мәселелер бойынша пайымды пікірін ортаға салды. Сондай-ақ, сала ардагерлері өз тәжірибелерімен бөлісіп, ақыл-кеңестерін жеткізді.Аудан әкімінің орынбасары жиынды қорытындылай келе ауданда бұқаралық спортты дамыту, спорт инфрақұрылымын жетілдіру, спорт ғимараттарын күтіп ұстау және материалдық-техникалық базасын жақсарту, әрбір спортшы үшін жайлы және қауіпсіз орта қалыптастыру бағытындағы жұмыстарды жүйелі атқару жөнінде нақты міндеттер жүктеді.Алқа отырысы соңында ауданымызда спорт саласының дамуына айрықша үлес қосқан сала ардагерлері мен спорт саңлақтарын арнайы алғыс хаттармен марапатталды. &nbsp;

Қармақшыда спорт саласына қатысты алқа отырысы өтті

<a href="https://kyzylorda-news.kz/">Kyzylorda-news.kz</a> Қазақстан Республикасы Мемлекеттік жастар саясатының негізгі бағыттарының бірі – жастардың денсаулығын сақтауды қамтамасыз ету, олардың салауатты өмiр салтын қалыптастыру. Еліміздің жарқын &nbsp;болашағы – жастар дейтін болсақ, олардың арасында салауатты өмір салтына деген дұрыс түсінік қалыптастырып, санасына, салауатты өмір салтын ұстанудың денсаулыққа аса маңызды және ұстанған адамның болашағы жарқын екендігін түсіндіру ортақ міндет.Мемлекет басшысы халыққа арнаған Жолдауларында жастар саясаты мен олардың қоғамдағы рөлі төңірегінде нақты тапсырмалар беріп, жастар болашақтың негізі екенін атап өткен болатын. Сол бойынша елімізде жастарға арналған көптеген &nbsp;қоғамдық бірлестіктер мен орталықтар құрылып, қазіргі кезде сол еңбектердің жастар болашағына әсер етер маңызы зор екені дәлелденуде. Жаңа дәуірде елімізді сақтайтын, денсаулығы зор, интеллектісі жоғары ұрпақ тәрбиелеу мемлекет саясатының басты бағыты екенін ескерсек, осының бәрі жастарымызды салауатты өмір салтына тәрбиелеуден басталады. Жас ұрпақ өкілінің денсаулығына тұрмыстық жағдайлармен бірге бір-бірімен қарым-қатынасы да, мәдени деңгейі де, қоғамдық жұмыс пен оқудың әртүрлі салаларындағы белсенділігі де, яғни өмір салты неден тұрса, соның бәрі әсер етпек.Салауатты өмір салты түсінігіне не кіреді деген сұраққа келер болсақ, айқын жасалған күн тәртібінің болуы, жеке бастың тазалығы, дұрыс тамақтану, тынығу, дене еңбегімен шұғылдану, таза ауада, күн көзінде серуендеу, табиғат аясында болу, зиянды әдеттерден сақтану. Сондай-ақ үнемі дұрыс қозғалыста болу, ұлттық &nbsp;ерекшеліктерді ескеру, салт-дәстүрмен танысып, оны ұстана білу, қоршаған ортаға, қоғамға, табиғатқа жауапкершілік алу, әрбір жастың өз денсаулығына жауаптылықпен қарауы жатады. Одан бөлек, ел , жер көру және саяхат жасау, тағы сондай жақсы әдеттер мен әдептерді жатқызуға болады. Қорыта айтқанда, салауатты өмір салты нормаларын ұстана отырып, кез келген адам жеке және қоғамдық құндылықты көрсететін өзінің денсаулығын сақтауға жауапты.7 сәуір – Дүниежүзілік сенсаулық сақтау күні. Осы орайда Жосалы кентіндегі Ү.Көлдейұлы атындағы №183-орта мектептің 8-10 сынып оқушылары арасында «Біз спортпен біргеміз!» атты эстафеталық сайыс өткізілді. Мектеп директоры Г.Әшірова, педогог-психолог Г.Бүркітбаева, дене шынықтыру пәнінің мұғалімдері Құндақбаев Ербол, Садақбаев Қуаныш қатысып, ойынның шарттарын түсіндіріп, ұйымдастырса, ЖДО және СӨСҚ мамандары Әмина Кетебаева, Дариха Құлмырзаевалар сайысқа қазылық жасап, жеңімпаздарды Қармақшы Жастар денсаулығы орталығының арнайы дипломдарымен марапаттады.Сайыс барысында 8 сыныптан «Қыран» тобы, 9 сыныптан «Болашақ», «Аманат» топтары мен 10 сынып оқушыларынан құралған «Жас ұлан» командалары қатысып, қызу да тартысты ойын көрсетті. Барлық қатысушылар өте жоғары деңгейде белсенділік танытып, көпке үлгі болды. Жарыс қорытындысында І орын «Жас ұлан» тобы иеленсе, ІІ орынды «Аманат» пен «Қыран» тобы өзара бөліссе, жүлделі ІІІ орынға «Болашақ» тобы жайғасты. &nbsp;&nbsp;

Жастардың саулығы баста назарда

<a href="https://kyzylorda-news.kz/">Kyzylorda-news.kz</a> Қазақ күресі – өр рух пен жүректілікті талап ететін ұлттық спорт түрі. Осы спорттан ел мерейін асқақтатып жүрген белді балуан, 2022 жылғы «Қазақстан барысы», «Сыр барысы», «Алтын белбеу» иегері Мақсат Исағабылов – ұлттық құндылықтарымыздың шын жанашыры. Осы орайда спортшының өміріндегі жаңалықтармен танысып, емен-жарқын сұхбат құрған болатынбыз.– Алдымен бала Мақсат туралы айтып берсеңіз. Қазақша күрес емес, әуелде самбо, дзюдомен айналысқан екенсіз…<blockquote>– Кішкентайымнан спортқа бейім болдым. Бала күнімде үлкен ареналарда өнер көрсететін Азия, Әлем, Олимпиада чемпиондарына, әлемнің мықты спортшыларына қызығатынмын. Сол спортқа құмарлығымды байқаған әкем Аманбай Нұржанов, жаттықтырушым Болатбек Кенеевке апарып, болашағыма үлкен сенім білдіріп, күрес үйірмесіне табыстады.</blockquote>– «Қазақстан Барысы» атанған Мақсат қазір немен айналысып жүр?<blockquote>– Қазір бұрынғыша спорт саласындамын. Қазақ еліне әліде көптеген жеңіс сыйласам деймін. Сыр еліне тағы бір мәрте «Қазақстан барысы», «Әлем барысы» белдіктерін тарту етсем деген ниет бар, Алла қаласа. Осы арман, тілектерімді орындағаннан кейін басқа саладағы жоспарларыма ауысуға болады.</blockquote>– Қандай салада кәсіби біліміңіз бар? Болашақта сізді басқа саладан көре аламыз ба?<blockquote>– Қорқыт ата атындағы Қызылорда университетінде алғашқы әскери дайындық пәні мұғалімі біліктілігін иелендім. Одан кейін осы оқу орнында заңгер мамандығында білім алдым. Әзірге қай салаға баратыным белгісіз, барлығы уақыт еншісінде. Үлкен спортты аяқтағаннан кейін Сыр спортының дамуына өзіндік үлесімді қоссам деймін.</blockquote>– Спортта қазіргі басты қарсыласыңыз кім?<blockquote>– Қазіргі спортымыздың төңірегінде жүрген барлық спортшыларды қарымды қарсылас деп айта аламын. Себебі әрқайсысының орны бір төбе, барлығы «сен тұр, мен атайын» дейтін балуандар. Соның ішінде мықты деп бөліп қарастыруға болатын балуандардың басым бөлігі Сыр елінен шыққан. Олар – достарым әрі қарсыластарым. Атап айтсам Еламан Ерғалиев, Нұрым Сәлімгереев, Айбек Серікбаев. Осы жігіттер байрақты бәсекелерде кемінде үштіктен көрінеді деп сенемін.</blockquote>– «Мектеп бағдарламасына қазақша күресті қосу үшін әдістемесі әзірленуде» дейді мамандар. Жалпы облыстағы қазақ күресінің даму деңгейі көңіліңізден шыға ма?<blockquote>– Қазақ күресі Астана қаласында бірнеше мектептің оқу бағдарламасына енгізілді. Бүгінде қазақ күресі ассосациясы мектеп бағдарламасына ұлттық ойындарды енгізу бойынша көптеген жұмыс атқарып жатыр. Алдағы уақытта барлық мектепте қазақ күресін арнайы пән ретінде бағдарламаға енгізу жоспарда бар. Қызылорда облысында да қазақ күресі жақсы дамып келеді. Жаттықтырушылар көптеп тартылып, жасөспірім балуандарды баулу үстінде.</blockquote>– Балуандарға көрсетілетін қолдау туралы не айтасыз?<blockquote>– Спорт басқармасы ұлттық спортымызды дамыту жолында жұмыс жүргізуде. Оқу-жаттығу жиындарына, жарыстарға ерекше көңіл бөлінеді. Бірақ кей сәттерде облыста қазақ күресі балуандары көлеңкеде қалып кетіп жататын жайттар аз емес. Сол олқылықты жою үшін арнайы «қазақ күресі» клубтары ашылса деген тілек бар. Қазақ күресі – ұлттық құндылығымыз. Сол құндылығымызға көрсетілер қолдаудың артықшылығы жоқ.</blockquote>– Сұхбатыңыз үшін рақмет!&nbsp;Фото: © Instagram/qazaqstan_barysy

Мақсат Исағабылов: Сыр еліне тағы бір мәрте «Қазақстан барысы», «Әлем барысы» белдігін тарту етсем деген ниет бар

<a href="https://kyzylorda-news.kz/">Kyzylorda-news.kz</a> Қызылордалық көрермендердің жанарын жаулаған Қайсарда биыл қандай жаңалық бар? Сыр еліндегі 60 жылға жуық тарихы бар футбол командасына жаңа маусымда кімдер қосылды?Облыс әкімдігі жанындағы сыбайлас жемқорлыққа қарсы іс-қимыл жөніндегі комиссия отырысында аймақтағы спорт саласына жүргізілген сыртқы талдау нәтижелері талқыланып, проблемалық мәселелер мен «Қайсар» футбол клубының қаржылық жағдайы пысықталды. Бұл туралы облыс әкімдігінің баспасөз қызметі хабарлады.Талдау нәтижесімен мамандардың жұмысқа орналасуына, спортшылардың іс-сапар шығындарының мақсатты жұмсалуына, спорт клубтарының жұмысын ұйымдастыруға қатысты бірқатар кемшіліктер анықталды.Биылғы маусымда Сыр спортының жанкүйерлері Қайсардан жақсы жаңалықтар күтеді. Жергілікті футболды дамытуға жан-жақты қолдау көрсетілуде.Былтырдан бері команда жұмысын ұйымдастыруда бірінші кезекте бюджет қаражатын үнемдеу әрі сапаны арттыру міндеті қойылды.Өткен жылы футбол клубына 1,2 млрд теңге қаралып, қайсарлықтар Премьер-лиганың турнирлік кестесінде 6-орынды иеленді. Бұл алдыңғы жылдарда бөлінген қаражатпен салыстырғанда біршама төмен, әйтсе де көрсетілген нәтижені мамандар да, жанкүйерлер де жақсы деп бағалады.Бұған дейін 2018 жылы футбол клубына 3 млрд теңге, 2019 жылы 4,15 млрд теңге бөлінген.Облыс әкімі «Қайсар» футбол командасының құрамында ойнайтын легионер ойыншылардың жалақысы жоғары екенін ескеріп, келесі жылдан бастап команда сапына жергілікті ойыншыларды тартуға және жас футболшылар клубын дамытуға күш жұмсалуы қажет екенін айтты.Келесі жылы «Қайсарға» мүмкіндігінше жергілікті ойыншыларды тарту жолдарын қарастыру, жақсы нәтижелерге жету талабы қойылмақ.Биыл құрама сапына жаңа ойыншылар алынды. Оның ішінде басым көпшілігі жерлестеріміз. Нақтырақ айтсақ, «Ордабасы» командасында ойнаған Думан Нәрзілдаев пен Айбар Жақсылықов «Қайсар» құрамында жасыл алаңға шығады. Сыр жанкүйерлеріне жақсы таныс Тоқтар Жанқылышбай, бірінші лиганың үздік шабуылшысы Марлен Айманов пен екінші лигада 44 гол соққан бомбардирі Ерсұлтан Төреқұл да жаңа маусымдағы ойыншылар тізімінде.Айта кету керек, комиссия отырысында облыстағы спорт саласының дамуы туралы да айтылды. 2023 жылы 23 желтоқсанда облыстық дене шынықтыру, спорт және туризм басқармасы құрылды.Өткен жылы атқарылған жұмыстардың арқасында өңір халқының 39%-ы бұқаралық спортпен айналысуға мүмкіндік алып, олардың саны 328597 (ауылдық жерде 192535) адамға жетті. Бұл көрсеткіш алдыңғы жылмен салыстырғанда 12497 адамға артқан.Өңірде спорттық инфрақұрылыммен қамтамасыз ету 44%-ға өсті. Инфрақұрылымды одан әрі дамыту, халықтың дене шынықтыру және спортпен айналысуын ынталандыру үшін аймақта заманауи спорт нысандарының саны артып келеді.Өткен жылы республикалық және облыстық бюджеттен 5458,1 млн теңгеге 13 спорт кешенінің құрылысы жүргізіліп, 9 кешен қолданысқа берілді. Сол жағалаудан халықаралық талапқа сай келетін, жүзу бассейні бар дене шынықтыру-сауықтыру кешенінің, осы жылы үстел теннисі орталығының құрылысы басталды.Сондай-ақ еуропалық стандарттарға сәйкес келетін, 10000 адамға арналған заманауи Орталық стадионның құрылысы жүргізілуде. Спортшыларымыздың нәтижесі көңіл қуантарлық. Қазақстан Республикасының Ұлттық құрама командасына облыстан 552 спортшы енген.&nbsp;Фото: «Қайсар» ФК

«Қайсар» командасында жағымды жаңалық бар

&nbsp;<a href="https://kyzylorda-news.kz/">Kyzylorda-news.kz</a> &nbsp;Танымал шахматшы Жансая Әбдімәлік мансабын қашан аяқтайтыны&nbsp;және әріптесі Бибісара Асаубаевамен қарым-қатынасы туралы&nbsp;пікір білдірді. Бұл туралы Stan.kz ақпарат агенттігі хабарлайды.Бұған дейін 20 жастағы блиц бойынша әлем чемпионы Асаубаеваға KazChess Awards марапаттау рәсімінде қомақты сыйақы табысталған еді. Ал оның әріптесі мансабын аяқтауы мүмкін екенін айтты.“Биыл турнирге қатысу жоспарымда жоқ. Маусымды өткізетін шығармын. Бірақ әзірге мансабымды аяқтау туралы нақты шешімге келген жоқпын”, – деді Әбдімәлік Sportplustv-ға берген сұхбатында.Жансая қатысқан кейінгі жарыс 2023 жылғы күзде болды. Сол кезде Әбдімәлік&nbsp;Асаубаевамен бірге Ханчжоудағы (Қытай) Азия ойындарына қатысты. Асаубаева бесінші орын алса, Әбдімәлік&nbsp;сегізінші қатарға тұрақтаған еді.Фото: chess-boom.online

Жансая Әбдімәлік спорттық мансабын аяқтауға қатысты ойын айтты

<a href="https://kyzylorda-news.kz/">Kyzylorda-news.kz</a>&nbsp; 21-23 наурыз аралығында өткен жеңіл атлетикадан ел біріншілігінде жалағаштық саңлақтар аймақ қоржынына 2 алтын, 1 күміс салды. Оларды салада 20 жылдан астам тәжірибесі бар білікті бапкер Жандос Қарақұлов дайындаған.&nbsp;Аудандағы №13 олимпиадалық резервтің мамандандырылған бала­лар мен жасөспірімдер мектебінің оқушы­лары бұған дейін де талай тартысты бә­секелерде жүлделі орындардан көрінген болатын. Ондағы мамандардың аудан спортының алға басуына қажырлы еңбек етіп жатқанын осыдан-ақ аңғару қиын емес. Қазақстан чемпио­натында аймақтың абыройын асқақ­татқан іні-қарындастарымыз да осын­­­дағы білікті бапкерден тәжірибе шың­­даған.&nbsp;Сезім Шығамбайдың жеңіл атлети­камен айналысқанына көп болмаған. Десе де оның спорттың бұл түрінде жеңісті күндері көп. Ол осыған дейін облыста доп лақтырудан алдына жан салмапты. Ал Алматыдағы жарыста ол найза лақтырудан сынға түскен. Бір қызығы, 13 жастағы қарындасымыздың бұл бәсекедегі қарсыластары өзінен 2 жас үлкен. Бірақ білікті бапкерден жиған тәжірибе мен өзінің спортқа деген ептілігі мұның бәрін елемеді. Дүбірлі додада жалағаштық Сезім Шығамбай 30,84 метрге найза лақтырып, аймақ қоржынына алтын салды. Мұнан ке­йінгі орындарға Шымкент қаласы мен Түркістан облысынан келген спорт­шылар жайғасқан.&nbsp;Мына қызықты қараңыз, №201 мек­теп-лицейінің оқушысы Нұрзат Ғалым­ұлының жеңіл атлетикамен айналыс­қанына 1 жыл да болмаған. Осы ретте Жәкеңнің де еңбегін ерекше атап өткеннің айыбы болмас. Себебі аз ғана уақытта қарапайым мектеп оқушысынан ел біріншілігінде топ жаратын спортшы қалыптастыру – кәнігі бапкердің ғана қолынан келетін іс. Нұрзат бұл додада 49,21 метрге найза лақтырып, аймақ қоржынындағы алтындар қатарын есе­леді. Мұнан кейінгі орынға жайғасқан түркістандық саңлақ жерлесімізден 10 метр қалып қойған. Былтыр ол да ел біріншілігінде өзінен үлкендермен сынға түскен. Онда күміс алған жерлесіміз биыл қатарластарымен қайта сынға түсіп, күмісті алтынға алмастырды.&nbsp;Аймақ қоржынындағы медалдарды еселеген саңлақтар қатарында Зей­нолла Жарқынбаев атындағы №202 орта мектеп оқушысы Балнура Қалнияз да бар. Ол найза лақтыруда екінші орынға жайғасып, күміс медалға ие болды. Дәл осы жарыста көш бастаған спортшы қарындасымыздан небәрі 1 метр айырмашылықпен алға шығып отыр. Осы ретте жалағаштық жеңімпаз алдағы тартысты бәсекелерде алтын алады деп сенім білдірдік.&nbsp;Мектеп түлегі биыл спорт са­ла­сы бойынша жоғары оқу орын­да­рының бірінде білімін жетілдіріп, әлі де тәжі­рибе шыңдайтынын айтады. Оны бап­кері Жандос Қарақұлов та қос қолдап қолдап отыр. Себебі шәкіртінен өзі сияқ­ты білікті бапкер шығатынына сенеді.&nbsp;Айта кетейік, негізінен жеңіл атле­тикаға ел біріншілігіне Жәкең 5 шәкіртін қосқан. Оның үшеуі жеңіс тұғырынан көрініп отыр. Бұл додада одан бөлек Қармақшы ауданынан 12, Қызылорда қаласынан да бірнеше спортшы қа­тыс­қан болатын. Аймақ намысын қор­ғаған 30-дан астам спортшының ішінде жалағаштық саңлақтар ғана облыс қор­жынына алтын салған. Мұнан бө­лек қармақшылық 1 спортшы қола алса, қызылордалық 2 спортшы күміс ме­далға ие болған.&nbsp;Жеңіл атлетика десе, жалағаш­тық­тар­дың есіне бірінші Мақсат Қарақұлов ағамыздың есімі түседі. Иә, оның ау­данда спорттың бұл түріне еңбегі сіңгенін ешкім жоққа шығара алмайды. Жәкең – сол Мақсат ағамыздың баласы. Көзі тірісінде атпал азамат ауыл-ауылды аралап, балаларды спортқа баулығаны бар-ды. Жәкең де дәл сондай, қазіргі таңда оның үйірмесінде Аққұм, Таң, Ақсу ауылдарынан келіп жаттығатын балалар бар. Бар мақсаты – солардан байрақты бәсекелерде еліміздің абы­ройын асқақтатар спортшылар қалып­тастыру.Бүгінде аудандағы №13 олимпиа­далық резервтің мамандандырылған балалар мен жасөспірімдер мектебінің «Жеңіл атлетика» үйірмесінде 30-дан астам бала жаттығады. Қазір олардың әрқайсысының жетістігін сараласақ, өз алдына бір еңбекке жүк болары анық. Солардың ішінде Серік Расул қысқа қашықтыққа жүгіруден облыста соңғы 3 жылда алдына жан салмаған. Ел біріншіліктерінде де бірнеше рет ақтық мәреде өнер көрсеткен.Білікті бапкер жеңіс тұғырынан көрінетін шәкірт тәрбиелеуде тек тә­жірибе аздық ететінін айтады. Олар бірінші кезекте ата-ананың рұқсатын алады. Келіспеген жағдайда оның үлкен кедергі екенін де жоққа шығармады.&nbsp;<blockquote>– Мықты балалар болады, бірақ олардың кейбірінің ата-анасы оның үйірмеге баруына рұқсат бере бермейді. Осының өзі біздің мықты спортшы қа­лыптастыруымызға үлкен кедергі бо­лады. Сондықтан бірінші кезекте бізге ата-ананың келісімі маңызды. Жетіс­тігі көп басқа да шәкірттерім бар. Алдағы уақытта олардың тәжірибесін әлі де шыңдауға жұмыс жасаймыз. Себебі бүгін жеңіс бар екен деп тоқ­мейілсуге тағы болмайды. Менің түсінігімде спортшы кез келген уақытта тыңғылықты дайындықта болуы керек. Себебі ешқандай жеңіс оңайлықпен келмейді, – дейді Жандос Қарақұлов.</blockquote>Алматыдағы атой салған жала­ғаш­тық іні-қарындастарымызды алда үлкен жарыстар күтіп тұр. Қазір олар жазғы ел біріншілігіне қызу дайындық үстінде. Одан бөлек басқа да жарыстарға кімдер қатысады? Күнделікті дайындық барысында кәнігі бапкер осы сауалдың түйінін тарқатуда.&nbsp;

Жалағаштықтар топ жарған жарыс

<a href="https://kyzylorda-news.kz/">Kyzylorda-news.kz</a> Мәдениет және спорт министрлігі халықаралық спорттық жарыстардың чемпиондары мен жүлдегерлеріне, жаттықтырушыларға және спорт түрлері бойынша құрама командаларының мүшелеріне берілетін ақшалай сыйақы мөлшерін жариялады. Бұл туралы <a href="https://stan.kz/kazakstanda-2024-zhili-olimpiada-zhenimpazdarina-berile-397850/">Stan.kz</a> ақпарат агенттігі хабарлайды.&nbsp;Министрлік мәліметінше, ең көп ақшалай сыйлықты олимпиада, паралимпиада және сурдлимпиада ойындарының чемпиондары мен жүлдегерлері алады. Алтын жүлдегер атанған спортшылар мен олардың жаттықтырушыларына&nbsp;әрқайсысына 250 000 доллардан беріледі, күміс жүлде үшін 150 000 доллардан, қола&nbsp;үшін&nbsp;75 000 доллардан беріледі.&nbsp;Әлемдік рекорд орнатқан кез келген қазақстандық спортшыға&nbsp;мемлекеттен ақшалай сыйақы беріледі. Рекорд орнатқан спортшы&nbsp;мен оның жаттықтырушысы 5000 доллар көлемінде сыйақы алады.Ал Қазақстан бокс федерациясы Париж олимпиадасында жеңіске жеткен боксшыларға төленетін сыйақы мөлшерін атады.&nbsp;“Бұған дейін Париж олимпиадасында жетістікке жеткен боксшыларға Қазақстан бокс федерациясы тарапынан берілетін сыйақы мөлшері жарияланған еді:&nbsp;Бірінші орын үшін –&nbsp;220 мың доллар;Екінші орын үшін –&nbsp;120 мың доллар;Үшінші орын үшін –&nbsp;70 мың доллар;Төтрінші орын үшін –&nbsp;30 мың доллар;Бесінші орын үшін –&nbsp;10 мың доллар”, –&nbsp;делінген федерациясы хабарламасында.&nbsp;Айта кетейік, халықаралық олимпиада комитеті спортшыларға ақшалай сыйлық төлемейді. Қатысушы елдер ғана өз спортшыларын марапаттайды. Ал Қазақстан спортшыларына ең көп сыйақы (алтынға 250 000 доллар) беретін елдер тізімінде.Сыйақы бойынша рейтингтің көшбасшысы – Сингапур, бұл елде чемпионға миллион долларлық чек беріледі. Алайда, бұл ақшаға салық салынады, қаржының бір бөлігі спортты дамытуға және кейінгі жаттығу шығындарын жабуға жұмсалады.Ұлыбританияда, Швецияда, Хорватияда, Норвегияда және әлемнің басқа да бірқатар елдерінде олимпиада жеңімпаздарына ештеңе төленбейді. АҚШ-та олимпиада чемпионы 37,5 мың доллар алса, Ресейде 54,5 мың доллар алады. Ал Нигерия мен Сенегал үкіметтері жүлделі спортшыларына сиыр сыйға тартады.

Қазақстан және Қызылорда облысының жаңалықтары: Спорт