<a href="https://kyzylorda-news.kz/">Kyzylorda-news.kz</a> &nbsp; Апта ағымында Шиелі ауданында “Ұлттық жекпе-жек” спорт түрінен Ұлы отан соғысының ардагері Бекетай Елеупановтың 100 жасқа толуына орай еске алуға арналған аудандық ашық турнир өтті.Турнирге Сырдария ауданының спортшылары да қатысып, жүлделі орындардан көрінді. Атап айтар болсақ, 8-9 жас аралығында 35 кг салмақ дәрежесінде Шыңғыс Нұрбекұлы ІІ орын, +40 кг салмақ дәрежесінде Ерасыл Ергалиев І орын иеленді. Ал,&nbsp;10-11 жас аралығында 33 кг салмақ дәрежесінде Эльдар Ақайдаров ІІІ орын, 39 кг салмақ дәрежесінде Аслан Саладин ІІІ орын,12-13 жас аралығында 43 кг салмақ дәрежесінде Ғалымжан Мейрамбек ІІІ орынмен марапатталса, 50 кг салмақ дәрежесінде Нұркелді Нұрғазы 1 орын белбеу иегері атанды. Сонымен қатар, 14-15 жас аралығында 63 кг салмақ дәрежесінде Қуаныш Анапия 3 орын, 16-17 жас аралығында 63 кг салмақ дәрежесінде Мадияр Болатов 1 орын және 70 кг салмақ дәрежесінде 1 орынды жеңіп алды. Жас спортшылардың жаттықтырушысы білікті бапкер Данияр Жүсіпбаев.<blockquote>– Жас спортшыларымыз ауданымыздың атынан көптеген жарыстарға қатысып жақсы жетістікке жетіп жүр. Тыңғылықты дайындықтың арқасында біраз шыңдалып, алдағы жарыстардан биіктерден көрінеді деп мол сенім артамын, – дейді жаттықтырушы Д.Жүсіпбаев.</blockquote>&nbsp;

Сырдариялық спортшылар ұлттық жекпе-жектен жеңімпаз атанды

<a href="https://kyzylorda-news.kz/">Kyzylorda-news.kz</a>&nbsp; &nbsp;Таеквондо шығыс күресіне жататын ұрыстық спорттың бір түрі. Бұл спорт түрі 2000 жылдан бастап олимпиядалық спорт түрі болып саналады. Қазіргі таңда Сырдария ауданының таеквондомен айналысып, жеңіспен оралып жүрген жас спортшыларымыз баршылық. Осы орайда, №11 олимпиадалық резервтің мамандандырылған балалар-жасөспірімдер мектебінің спортшыларын атап айтуға болады.Апта ағымында, Алматы қаласында таеквандодан балалар арасында Қазақстан Республикасының чемпионаты өтті. Жарыс нәтижесінде сырдариялық 34 кг салмақ дәрежесінде Диас Бексейтов жүлделі ІІІ &nbsp;орынды иеленді. Жас спортшының жаттықтырушылары білікті бапкерлер Марат Алдабергенов пен Бақытжан Баймырзаев.<blockquote>–&nbsp;Қазіргі таңда&nbsp;N11 олимпиадалық резервтің мамандандырылған балалар-жасөспірімдер мектебінде&nbsp;жаттығып, ауданымыздың атынан ауқымды байқауларда жақсы жетістікке жетіп жүрген спортшылар жетерлік. Диас болашағынан зор үміт күттіретін спортшымыздың бірі. Дайындыққа күнделікті қатысады, өте алғыр бала. Табандылық пен қайсарлығының арқасында ІІІ орынға ие болды.&nbsp;Осы ретте аудан спортшылары болашақта ел намысын қорғап, көк туымызды әлемдік ареналарға шығаратынына сенім мол, – дейді жаттықтырушы Марат Алдабергенов.</blockquote>Фото: kt.kz<img src="https://knadmin.beoblood.kz/uploads/a74a0d3e_6ae0_474c_b0b6_caf13d7d0c1c_bff8335840.jpg" alt="a74a0d3e-6ae0-474c-b0b6-caf13d7d0c1c.jpg">

Тереңөзектік жас таеквандошы жеңіс тұғырынан көрінді

<a href="https://kyzylorda-news.kz/">Kyzylorda-news.kz.</a>&nbsp; Бүгінде әрбір ата-ана баласын заманға сай жан-жақты, өнерлі етіп өсіргісі келеді. Сол себепті, кішкене күнінен түрлі қосымша үйірмеге қатыстырады. Оған қатысу арқылы бала белгілі бір өнерді үйреніп, білімді меңгеріп қана қоймай, қоғаммен араласады. Қатарластары арасында өзіне деген сенімділігі артады. Айта берсек, үйірменің балаға берері көп-ақ. Жас жеткіншектің интеллектуалды дамып, кәсіби бағдарлануына да, мектептен тыс білім беру жүйесінің тигізер үлесі ерекше.Қазір үйірме атаулының сан түрі бар. Әлбетте, сұраныс болғаннан кейін ұсыныс та, көбейіп келеді. Жеткіншектің бос уақытын ұтымды пайдалану, бойда ашылмай жатқан сан қырлы талантты ұштап, өрбітуге мүмкіндік беретін тәрбие жолы десек қателеспейміз. Уақытты тиімді өткізу, әсіресе, бала тәрбиесінде өте маңызды. Баланың уақытын қалай басқарған жөн? Оны қандай үйірмеге берген дұрыс?Қазалы ауданында жас ұрпақтың білімін жетілдіріп, өнердің түр-түрі мен спортқа баулитын үйірмелер жетерлік. Соның қатарында – Ғани Мұратбаев атындағы №17 мектепте қосымша білім беру жүйесі жұмыс істейді. Талапқа сай, 2023-2024 оқу жылында жалпы, 38 үйірме іске қосылған. Оның – 12-сі ұлттық құндылықтар бағытында, қалғаны пәндік үйірмелер. &nbsp;Домбырашылар және театр үйірмелері де бар.<blockquote>– Мектеп бойынша барлық үйірмелерге – 386 оқушы қатысты. Ұлттық құндылықтар бағытындағы үйірмелерде оқушыларды ұлттық ойындардың ереже, тәртібімен таныстыру және үйрету, салт-дәстүрлердің сақталуы және қолданылуы, ұлттық асхана өнімдерінің қолданыстағы түрлерімен таныстыру, жасалу жолдарын үйрету, қазақтың қара байырғы есептерінің шығарылу жолдарын үйрету, емдік өсімдіктердің шипалық қасиеттерін насихаттау, тұрмыстағы химия, қазақ дүниетанымындағы физика, ғибратты әңгімелерден үлгі, мысалдарды үйретеді, – дейді Ғани Мұратбаев атындағы №17 мектептің қосымша білім беру маманы Айнұр Маңғұтова.</blockquote>“Art дизайн”, Бояулар сыры” үйірмелерінің оқушылары: А.Ілиясова, А.Кеңесбай, Н.Кеңесбай, А.Аралбаева қалалық, аудандық, облыстық, республикалық байқаулардың жеңімпаздары. “Қазақ фармакологиясы”, “Химия тұрмыста”, “Қазақ дүниетанымындағы физика” үйірмесі оқушылары: А.Кеңес, А.Бақытжанқызы, А.Шахардың А.Бисенбайдың зерттеу жұмыстары аудандық байқауларда жүлдегерлер атанды.Ата-аналар балалардың логикалық және зияткерлік ойлау қабілеті дамығанын қалайды. Сондай ақ, темірдей тәртіпке үйренсе дейді. Бұл тұрғыда осындай үйірмелер таптырмас құрал. Сондықтан, ұл қыздарының зияткерлік ойын үйірмелеріне жаппай беріп жатыр.<blockquote>– «Тәрбиесіз берген білім, адамзаттың қас жауы дейді», – ұлы ғұлама Әл- Фараби. Ал, рухани мәдениеттілік адамзаттың асыл бастауы. Сондықтан, тәрбие бұл эстетика, жалпы өнерді түсіну үлкен бақыт. Сондай-ақ, балаларға тегін түрде оқытылып жатқаны жақсы мүмкіндік.</blockquote>Әрбір ата-ана баласының жарқын болашағын армандайтыны рас. Жалпыға бірдей білім беру шаңырақтарының өскелең ұрпақ тәрбиелеуде орны мызғымас екені даусыз. Табысқа жетіп, биіктерді бағындырған кез келген тұлғаның негізі балалық шақта жатыр, – дейді Ғани Мұратбаев атындағы №17 мектептің қосымша білім беру маманы Айнұр Маңғұтова.“Ұлттық ойындар” үйірмесінің оқушылары ұмыт болып бара жатқан ойындарды жаңғыртып, садақ атып, шалма тастау, көгендеу ойындарын ойнауды үйренді. Пәндік үйірмелерде оқушылар пәннен бөлек, қосымша мағлұматтар алды.Біріншіден, секциялар мен үйірмелер – бұл тек оқыту ғана емес, қарым-қатынас құралы. Әлеуметтену, ұжымда жұмыс істей білу, басқаларды бағалай білу, жеңу және жоғалту мүмкіндігі. Үйде мұның бәрін алу мүмкін емес.Екіншіден, егер сіз химик болсаңыз, онда баланың химиясын еш қиындықсыз үйрете аласыз ба? Мұғалім өз пәнін жақсы біліп қана қоймайды. Одан да маңыздысы, сол тақырыпты балаға оның жасы мен ерекшеліктерін ескере отырып жеткізе алады.Үшіншіден, бала сізді мұғалім ретінде қабылдай алмайды. Ұстаздық тәртіп, объективті бағалау және ата-ананың рөліне сәйкес келмейтін көптеген аспектілерді қамтиды.Баланы үйірмеге берудің артықшылықтары көп. Әсіресе, қазіргі уақытта тапжылмай отырып, ұялы телефонға телмірген балаларға пайдасы зор.

Үйірменің үйретері көп

<a href="https://kyzylorda-news.kz/">Kyzylorda-news.kz</a> Судья және сот қызметкерінің кәсіби мерекесі қарсаңында, Қызылода облысының судьялары мен сот қызметкерлерінің арасында спартакиада ұйымдастырылды. Дәстүрлі спартакиада футбол мен волейболдан және судьялар мен сот қызметкерлері балаларының арасында шахмат ойынынан өткізілді.Спорттық шараның ашылуына облыстық соттың төрағасы Ә.Шығамбаев, сот әкімшілігінің Қызылорда облысы бойынша Департаментінің басшысы С.Сүлеймен, оставкадағы ардагер судья А.Әнуарбеков, Судьялар Одағының Қызылорда облысы бойынша филиалының төрағасы Б.Елшібеков қатысты.Шараның ашылу барысында облыстық сот төрағасы Ә.Шығамбаев бұқаралық спортты дамыту баршамыздың ортақ міндетіміз екенін, осы мақсатта жыл сайын облыс соттарының арасында дәстүрлі спартакиада өткізіліп келе жатқанын атап өтсе, департамент басшысы С.Сүлеймен сот қызметкерлері түрлі спорттық бәсекелерде жеңімпаз атанып жүргеніне тоқталды. Оставкадағы судья А.Әнуарбеков ұжымды облыстық соттың спорттық сайыста жеткен жетістіктеріне тоқталып, естеліктерімен бөлісті. Судьялар Одағының Қызылорда облысы бойынша филиалының төрағасы Б.Елшібеков сайыс қатысушыларына сәттілік тілеп, судьялар мен сот қызметкерлерін осындай спорттық сайыстарға белсене қатысуға шақырды.Шахмат турнирі 6-10 жас және 11-15 жастағы балалардың арасында өткізілді.Ал, футбол және волейбол ойындарына облыстық соттың «Айбын» командасы, Арал, Қазалы, Байқоңыр, Қармақшы аудандық соттарынан құрылған «Барыс» командасы, Жаңақорған, Шиелі, Жалағаш, Сырдария аудандық соттарынан құрылған «Сұңқар» командасы, Қызылорда қалалық соты және №2 сотынан құрылған «Қанағат» командасы қатысты. Сайыс қатысушылары сайыстың барлық кезеңде шеберліктері мен тыңғылықты дайындықтарын көрсете білді.Шахмат сайысының қорытындысы бойынша 6-10 жас аралығында ІІІ орынды Б.Есенгелдиева, ІІ орынды Ә.Бекмырза, І орынды Ә.Қайрат иеленсе, 11-15 жас аралығында С.Сақтағанов ІІІ орынды, Ш.Абуз ІІ орынды, М.Абуқасымов І орынды жеңіп алды. Сонымен қатар, сайысқа белсене қатысқан жас шахматшылар дипломдармен марапатталды.Тартысты өткен сайыстардың қорытындысы бойынша волейболдан ІІІ орынды «Айбын» командасы, ІІ орынды «Найзағай» командасы, І орынды «Сұңқар» командасы иеленді. Сонымен қатар, «Үздік шабуылшы» номинациясымен облыстық соттың судьясы Н.Қосанов, «Үздік қорғаушы» номинациясымен облыстық соттың судьясы А.Наримов, «Үздік ойыншы» номинациясымен Жаңақорған аудандық сотының маманы А.Алмасов марапатталды.Футболдан ІІІ орынды «Барыс» командасы, ІІ орынды «Қанағат» командасы, І орынды «Айбын» командасы жеңіп алды. Одан бөлек, қалалық соттың маманы Н.Ержанов «Үздік қақпашы» номинациясы, Қармақшы аудандық сотының маманы С.Қожабаев «Үздік қорғаушы» номинациясы, облыстық соттың маманы Д.Ерәлі «Үздік ойыншы» номинациясы табысталды.Спорттық сайыстардың жеңімпаздары мен жүлдегерлері арнайы дипломдармен, кубоктармен, ақшалай сыйлықтармен марапатталды.

 Қызылордада спорттық жарыстан спартакиада өткізілді

<a href="https://kyzylorda-news.kz/">Kyzylorda-news.kz</a> &nbsp;Судья және сот қызметкерінің кәсіби мерекесі қарсаңында, Қызылода облысының судьялары мен сот қызметкерлерінің арасында спартакиада ұйымдастырылды.&nbsp;Дәстүрлі спартакиада футбол мен волейболдан және судьялар мен сот қызметкерлері балаларының арасында шахмат ойынынан өткізілді.&nbsp;Спорттық шараның ашылуына облыстық соттың төрағасы Ә.Шығамбаев, Сот әкімшілігінің Қызылорда облысы бойынша департаментінің басшысы С.Сүлеймен, оставкадағы ардагер судья А.Әнуарбеков, Судьялар Одағының Қызылорда облысы бойынша филиалының төрағасы Б.Елшібеков қатысты.&nbsp;Шараның ашылу барысында облыстық сот төрағасы Ә.Шығамбаев бұқаралық спортты дамыту баршамыздың ортақ міндетіміз екенін, осы мақсатта жыл сайын облыс соттарының арасында дәстүрлі спартакиада өткізіліп келе жатқанын атап өтсе, Департамент басшысы С.Сүлеймен сот қызметкерлері түрлі спорттық бәсекелерде жеңімпаз атанып жүргеніне тоқталды.&nbsp;Оставкадағы судья А.Әнуарбеков ұжымды облыстық соттың спорттық сайыста жеткен жетістіктеріне тоқталып, естеліктерімен бөлісті.&nbsp;Судьялар Одағының Қызылорда облысы бойынша филиалының төрағасы Б.Елшібеков сайыс қатысушыларына сәттілік тілеп, судьялар мен сот қызметкерлерін осындай спорттық сайыстарға белсене қатысуға шақырды.&nbsp;Шахмат турнирі 6-10 жас және 11-15 жастағы балалардың арасында өткізілді.&nbsp;Ал футбол және волейбол ойындарына облыстық соттың «Айбын» командасы, Арал, Қазалы, Байқоңыр, Қармақшы аудандық соттарынан құрылған «Барыс» командасы, Жаңақорған, Шиелі, Жалағаш, Сырдария аудандық соттарынан құрылған «Сұңқар» командасы, Қызылорда қалалық соты және №2 сотынан құрылған «Қанағат» командасы қатысты.&nbsp;Спартакиада қатысушылары сайыстың барлық кезеңде шеберліктері мен тыңғылықты дайындықтарын көрсете білді.Шахмат сайысының қорытындысы бойынша 6-10 жас аралығында ІІІ орынды Б.Есенгелдиева, ІІ орынды Ә.Бекмырза, І орынды Ә.Қайрат иеленсе, 11-15 жас аралығында С.Сақтағанов ІІІ орынды, Ш.Абуз ІІ орынды, М.Абуқасымов І орынды жеңіп алды. Сонымен қатар сайысқа белсене қатысқан жас шахматшылар дипломдармен марапатталды.&nbsp;Тартысты өткен сайыстардың қорытындысы бойынша волейболдан ІІІ орынды «Айбын» командасы, ІІ орынды «Найзағай» командасы, І орынды «Сұңқар» командасы иеленді. Сонымен қатар, «Үздік шабуылшы» номинациясымен облыстық соттың судьясы Н.Қосанов, «Үздік қорғаушы» номинациясымен облыстық соттың судьясы А.Наримов, «Үздік ойыншы» номинациясымен Жаңақорған аудандық сотының маманы А.Алмасов марапатталды.&nbsp;Футболдан ІІІ орынды «Барыс» командасы, ІІ орынды «Қанағат» командасы, І орынды «Айбын» командасы жеңіп алды. Одан бөлек, қалалық соттың маманы Н.Ержанов «Үздік қақпашы» номинациясы, Қармақшы аудандық сотының маманы С.Қожабаев «Үздік қорғаушы» номинациясы, облыстық соттың маманы Д.Ерәлі «Үздік ойыншы» номинациясы табысталды.&nbsp;Спорттық сайыстардың жеңімпаздары мен жүлдегерлері арнайы дипломдармен, кубоктармен, ақшалай сыйлықтармен марапатталды.&nbsp; Қорлан САРЫ Фото:sneg.top

Кәсіби мереке қарсаңында спартакиада өтті

<a href="https://kyzylorda-news.kz/">Kyzylorda-news.kz</a> &nbsp;23 маусым – Мемлекеттік қызметшілер және Полиция қызметкерлері күніне орай Қармақшы ауданы Ақтөбе ауылдық округінде «Аудан әкімінің кубогы» жүлдесі үшін шағын футболдан турнир өтті.Спорттық сайыстың ашылу салтанатында аудан әкімі Жандос Еркінбекұлы сөз сөйлеп, мемлекеттік қызметшілерді кәсіби мерекелерімен құттықтады. Сондай ақ, ауданда бұқаралық спортты дамыту бағытында атқарылып жатқан жұмыстарды тілге тиек етіп, жарысқа қатысушыларға сәттілік тіледі.Одан кейін аудандық мәслихат төрағасы, аудандық футбол федерациясының төрағасы Әділ Қошалақов, аудан ардагерлері Асқар Мереков, Қаршыға Есдаулетовтер құттықтау тілектерін жеткізіп, батасын берді.Мемлекеттік қызметкерлер арасында өткен дүбірлі спорт додасына 29 мемлекеттік мекемеден 10 команда, 100-ден аса спортшы қатысып, ала доп бәсекесінде сайысқа түсті.Тартысты өткен турнирде «Полиция бөлімі» командасы топ жарса, екінші орынға «Жосалы кенті әкімі аппараты», үшінші орынға «Қорқыт елі» (аудандық қоғамдық даму, білім, мәдениет және тілдерді дамыту, дене тәрбиесі, спорт және туризм бөлімдерінен құралған) командасы тұрақтады.&nbsp;Жеңімпаз командаларға арнайы аудан әкімінің кубогы мен дәрежелік дипломдар және демеуші азаматтар тағайындаған қаржылай сыйлықтар табысталды.Футбол саласындағы жаңалықтарды толықтырсақ, қызылордалық «Қайсар» &nbsp;футбол командасы өткен маусымды 6-орынмен аяқтаған болатын. &nbsp;Алдыңғы айда өз алаңында Астананың «Жеңіс» командасын қабылдады. Одан кейін маусым айында Қостанайда «Тобыл» командасымен текетіресіп, 1:0 есебімен қарсыластан оза шыққан болатын. Тәжірибелі қарсыластарының осал тұсын тауып, биылғы біріншіліктегі үшінші жеңіске қол жеткізді. Осы аптаның сенбі күні &nbsp;қайсарлықтар өз алаңында түркістандық «Тұран» командасын қабылдады. Тартысты додада қасқырлар қайсарлық танытып, қонақтар қақпасына гол салды. Дегенмен тұрандықтар да осалдық танытпай, алаң иелерімен тең түсті. Есеп 1:1 болып, командалар тең түсті.&nbsp; Қорлан САРЫ Фото:krasnogvar56.ru

Қармақшы: аудан әкімінің кубогы өтті

<a href="https://kyzylorda-news.kz/">Kyzylorda-news.kz</a> «AMANAT» партиясының «Ардагерлерді ардақтайық» жобасы аясында партия ардагері Тәйтіков Сұлтанмұрат Мүбаракұлының еске алуға арналған 65 жыл толуына орай Streetball-дан (Стритбол) облыстық турнир өткізілді.Аталған іс-шараның негізгі мақсаты – дене шынықтыру және саламатты өмір салтын насихаттап, топтық рухты көтеру, облыс көлемінде стритболды дамыту жағымды имиджді нығайту, жастарды дене шынықтырумен және спортпен белсенді айналысуға тарту, осы жарыс арқылы жастар арасындағы достық қатынастарды күшейту болып табылады.Аталған шарада «AMANAT» партиясы Жалағаш аудандық филиалының төрағасы Елеусінов Өмірзақ, аудан әкімінің орынбасары Ғани Сүлейменов, аудандық ардагерлер кеңесінің төрағасы Садық Әлиев, бірге қызмет жасаған әріптестері атынан Марат Омаров және әулет атынан ағасы Тәйтіков Қожамұраттар сөз сөйлеп, Сұлтанмұрат Мүбаракұлының еңбек жолдарына, Жалағаш ауданының әлеуметтік-экономикалық дамуы жолындағы еңбектері мен атқарған жұмыстарына тоқталып, қатысушыларға сәттілік тіледі.Тәйтіков Сұлтанмұрат Мүбәракұлы - 1959 жылы 12 маусымда Жалағаш ауданы, қазіргі Ақсу ауылында дүниеге келген.Ауылшаруашылығы саласы мен партия қызметінде еңбек еткен Сұлтанмұрат Мүбаракұлы еңбек жолын қазіргі Ақсу ауылында қарапайым жұмысшы болып бастаған. Жамбыл қаласындағы жеңіл өнеркәсіп технологиясы институтын аяқтап, 1986-1998 жылдары институт жолдамасымен Талдықорған облысы, Қаратал ауданының Үштөбе қаласында астық қабылдау комбинатында шебер, аға шебер, цех бастығы, комбинат директорының орынбасары, директор, соңғы жылдары президент қызметін атқарды.1990 жылдары Талдықорған облысында комбинат басшылығында жүріп, ауданының ауыл шаруашылығы саласында жүрген азаматтарға ауыл шаруашылығы техникалары басқа да шаруашылыққа қажетті жабдықтардан көмек көрсетті.Сондай-ақ, партия филиалының әкімшілік ғимаратын 2013 жылы өзі басы-қасында жүріп, демеушілердің күшімен салуға ықпал етті.Қызмет еткен жылдары Талдықорған облысы, Қаратал ауданы, «Үштөбе қаласының Құрметті азаматы». Сонымен қатар, мерекелік медальдармен, түрлі деңгейдегі «Алғыс» хаттармен және партияның жоғары марапаты «Белсенді қызметі үшін» кеуде белгісімен марапатталған.Ұйымдастырылған турнирге Қызылорда қаласы мен аудандардан 8 команда қатысуға ниет білдіріп, өзара 2 топқа бөлініп сайысты. Сайыс қорытындысы бойынша жүлделі III орынды Жалағаш ауданының командасы қанжығаларына майласа, ал Шиелі ауданының командасы II орынды қанағат тұтты, бағы мен бабы қатар шапқан Қызылорда қаласының командасы осы жарыста өз мықтылықтарын дәлелдеп I орын иеленіп, жеңіс тұғырынан көрінді. Жарысқа қатысып өз бақтарын сынаған командаларға «AMANAT» партиясының арнайы кубогі, медальдары, дипломдары мен номинацинациялары табыс етілді. Сонымен қатар, Тәйтік әулетінің ұрпақтары ұйымдастырылған шараға алғыстарын айта отырып, жарысқа қатысушы барлық командаға қаржылай сыйақы табыстады.Марапаттау рәсімінде «AMANAT» партиясы Жалағаш аудандық филиалының Атқарушы хатшысы Қаншагүл Мұстафаева барша қатысушыларға алғысын айта отырып, жастарға қажырлы еңбек етіп елеулі нәтижелерге бірге жетуге, болашақта еліміздің көк туын өзге мемлекетте желбіретуге өз тілегін білдірді.Ұйымдастырылған дүбірлі додаға қатысушы командалар жарыстың тартысты жоғары деңгейде өткенін айтып, ұйымдастырушы аудандық партия филиалына жоғары баға бере отырып, алдағы уақытта осы жарыстың дәстүрге айналуына ұсыныс тілектерін білдірді.Аталған шараға «AMANAT» партиясы Жалағаш аудандық филиалына қарасты бастауыш партия ұйымдарына қайтарылатын нысаналы трансферт қаржысы есебінен сыйлықтар алынды.&nbsp;

 Сұлтанмұрат Мүбаракұлын еске алуға арналған облыстық турнир өтті

<a href="https://kyzylorda-news.kz/">Kyzylorda-news.kz</a>&nbsp; «Әкені ұл қадірлемесе асқар таудың аласарғаны, анасын бала аяламаса мөлдір бұлақтың суалғаны,бабаның батасын қажет етпейтін, тобасыз тозған ұрпақ – құрақтың қурағаны болса керек» дейді қазақ. Әкені асқар тауға балап, одан құрметін аямаған ұл-қыздың қашанда бәсі биік, бағы басым. Әр баланың сүйенер тіреуі болар әкелер күні қарсаңында перзенттерінен пікір сұрап, жүрекжарды ықыласын тыңдаған едік.Дүбірлі додаларға бастаған әке үмітіТалай дүбірлі додаларда Қазақстанның жалауын биікте желбіретіп, абыройын асырып жүрген Қазалы ауданына қарасты Абай ауылының тумасы дзюдошыАбылайхан Жұбаназаровпен телефон арқылы тілдесіп, әкесі туралы сұрағанымызда:<blockquote>– Әкем – асқар тауым Кемалбек Аржиков өте қарапайым жан. Бір адамға болмасын демейтін пейілі кең, жүрегі жомарт. Мінезі салқынқанды, дос болғанға әрдайым құшағы ашық, қас қылғанға қылыштай өткір азамат. Кез келген жағдайда асқан сабырлық танытып, оң шешім табудың жолын ойлайды. Бала тәрбиесіндегі басты ұстанымы –ешқашан адалдықтан айнымай, әділ бол дейді. Балалықпен шалалық жасап, қисық мінез көрсетсек, тура жолға салып, тәртібімізді түзейтін. Ешкімнің қақысына кірме деп құлаққа құйып өсірді, – деп ағынан жарылды Абылайхан Кемалбекұлы.</blockquote>«Бір әкенің тәрбиесін жүз мектеп бере алмайды» деген тәмсілді терең ұққандаймын деген Абылайхан «спортқа келуіме әкем себепкер болған жоқ, десе де спортшы болғаныма ешқандай қарсылық танытпады», – дейді.<blockquote>– Спортқа келуіме достарым себепкер болды. Әкеме: «күреске қатысайын» деп рұқсат сұрағанымда: «әрине, балам, мен сенің кез келген таңдауыңды құптаймын» деп, қанат бітірді. Спорт – қажырлықты, табандылықты талап етеді. Бірден чемпион бола қалу екінің бірінің маңдайына жазылмауы мүмкін. Жарыс болған жерде жеңіліс те, жеңіс те болары сөзсіз. Бастапқы кезде бәсекелерде қарсыласқа есе жіберіп, жеңіліс тапқан сәттерімде әкем: «Балам, мүмкін спорттан қол үзіп, сабағыңа ден қоярсың. Өзіңе лайық мамандық таңдарсың» деген болатын. Мен «жоқ қатысамын» деп спортты жарты жолдан қалдырмауға бел будым. Орын алып, чемпион бола бастағаннан кейін әкем ақ батасын беріп, лайым сөзімен де, ісімен де қолдап-қолпаштап отырады. Әкем: «Киіміңнің арқасында атаң Жұбаназардың есімі жазылып тұр. Соны жерге тигізбе, абыроймен алып жүр» деп сенім артты. Әке сенімі биікке жетеледі. Үмітті ақтауға, елді, туған жерді, ата-ананы, мені баптап, додаға қосқан жаттықтырушыларымды жерге қаратпауға бар күш-жігерімді сарп етудемін.</blockquote>Атам туралы айтар болсам, «тектіден текті туады, тектілік тұқым қуады» демей ме?! Атам Жұбаназар еңбекқор, абыройлы, елге сыйлы азамат болған. Ол кісінің үлгі-өнегесін әкеміз үнемі айтып отыратын. Әке туралы қанша сағаттап айтса да артықтық етпейді ғой. Әр баланың жүрегінде ойып тұрып орын алатын жанның бірі де бірегейі осы – әкелер. Оларлың амандығы балаға бақыт. Барлық әкелер аман болсын, – деп әңгімесін аяқтады Абылайхан Жұбаназаров.Жұртшылыққа сыйлы тіс дәрігеріӘке жолын қуып, ізін, ісін жалғап келе жатқан ұлдардың бірі – Ербол Жомартұлы. Бүгінде жас тіс дәрігерінің есімі жұртшылыққа жақсы таныс. Оның қолы жеңіл, емі шипалы деушілер көп. Әкесі Жомарт Бекжанұлы да халыққа қалтқысыз қызмет көрсеткен білікті тіс дәрігері болатын.<blockquote>– Мен отбасындағы кенже баламын. Әке-шешем, ата-әжем барлығымыз тұрдық. Үйдегі үлкен екі бала ата-әжемізге жақын болып өсті. Ал, мен әкемнің қасында жиі жүрдім. Анамның айтуынша, СОЮЗ кезінде аудандағы жалғыз тіс емханасында әкем мен анам бірге жұмыс істеген. Сол кездері шет ауылдарға айлап, іс-сапарға жібереді екен. Әсіресе, әкем ер адам болғандықтан жолы нашар, көлік қатынасы қиын жерлерге жиі шығыпты. Сол кезде мен 5-6 сынып оқитын баламын. Жазғы демалыс уақытына сәйкес келсе, әкем қасына ертіп алатын. Сол сәттен бастап, менің осы мамандыққа деген қызығушылығым оянды десем болады. Әкем жұмыс істегенде әр ісін қызықтап, құрал-жабдықтарын қарап жүретінмін. Сол кезде әкем марқұм әкем анама: «Осы балам стамотолог болады» деп айтып отырады екен, – деп әкесі туралы ақтарылған Ерболдың сөзін анасы Раушан Бекжанова жалғай кетті.</blockquote>Қазір Ербол білікті маман. Он екі жылдық тәжірибесі бар тіс дәрігері. Әке жолын жалғаған Ерболдың мінезі салмақты, сөзі нық. Бұл қасиетін әкемнен дарыды, дейді ол. «Әкем аз сөйлейтін, бір сөзді уәдесіне тұратын адам болды. Атына заты сай жомартжан. Қолындағысын бере салатын. Бала десе, көңілі бөлек еді», – деп естеліктерімен бөлісті Ербол Жомартұлы.<blockquote>– Біз 2006 жылы заман талабына сай Жомарт екеуміз» Ақкербе» тіс емханасынан бөлініп, жеке кабинет аштық. Сол кезде Ербол 10-сыныпты бітіріп, 11-ге өткен кезі. Жеке болған соң, сабақтан бос уақытында кабинетке жиі келетін. Әкесі сол сәттен бастап, барлық құрал-жабдықтың атын айтып, таныстырып отырады екен. Тіпті, тіс жұлған кезде уколды қалай салатынын бәрін көзбен көріп өсті. Мектепті бітірген соң, Алматыдағы медакадемияға грантқа түсті. Ербол екінші, курста практикалық сабақтар басталған сәтте қолы жатық, құрал-жабдықтардың барлығымен таныс, тіс салатын кезде қалып алуды да, біршама біліп қалған еді. Жартылай маман секілді дайын Ерболға мұғалімдері: «Сен бәрін біледі екенсің ғой» деп сүйсінген екен. Соның барлығы әкесінің еңбегі деп білемін», – дейді анасы.</blockquote>

Әке үмітін ақтаған перзент

<a href="https://kyzylorda-news.kz/">Kyzylorda-news.kz</a> Облыс әкімдігінде Қазақстан халқы ассамблеясының «Бірлік. Жасампаздық. Өрлеу» атты ХХХІІІ сессиясында берілген тапсырмаларды жүзеге асыру жайы талқыланған, алдағы мақсат-міндеттерді белгілеуге арналған облыстық ассамблеяның XXVІ сессиясы өтті. Оған Қызылорда облысының әкімі, облыстық Қазақстан халқы ассамблеясының төрағасы Нұрлыбек Нәлібаев, мәслихат депутаттары, этномәдени бірлестіктердің, ассамблея құрылымдарының жетекшілері, үкіметтік емес ұйымдар қатысып, қала және аудан әкімдері онлайн қосылды.Аймақ басшысы өз баяндамасында Қазақстан халқы ассамблеясы XXХІІІ сессиясының тапсырмаларынан туындайтын міндеттер туралы айтты.<blockquote>​«Мемлекет басшысы Қасым-Жомарт Кемелұлы XXХІІІ сессияда «Мемлекеттік саясаттың басты өзегі және жалпыұлттық бірегейлікті нығайтатын негізгі фактор – бірлік» деп атап өтті. Бүгінде елімізде 100-ден астам, Сыр өңірінде 30-дан астам этнос өкілдері бір шаңырақ астында тату-тәтті өмір сүреді. Олар мемлекетіміздің өсіп-өркендеуіне зор үлес қосуда. Қазіргі кезде ассамблея институты қоғамның барлық салаларында белсенді жұмыс атқарады. Мәселен, отбасын сақтау, мәдениетаралық байланысты нығайту, рухани-адамгершілік құндылықтарға тәрбиелеу, жастар арасында құқықбұзушылықтың алдын алу бағытында ассамблея жанындағы ақсақалдар, аналар кеңестерінің рөлін ерекше атап өтуге болады. Облысымыздағы 11 этномәдени бірлестік пен ассамблея жанындағы қоғамдық құрылымдар жалпыға ортақ құндылықтарды, бірегейлікті, «Адал адам – Адал еңбек – Адал табыс» қағидаттарын кеңінен насихаттауда. Аймақта «Сыр өңірі – бейбітшілік пен келісім мекені» жобасы жүзеге асуда. Оның аясында ассамблея жанындағы ақсақалдар, аналар, медиация кеңестері, ғалымдар, белсенді жастар елді мекендерде кездесулер мен кеңес берулер ұйымдастыруда», – деді Нұрлыбек Машбекұлы.</blockquote>​Облыс әкімі алдағы жылы Ұлы Жеңістің 80, Қазақстан халқы ассамблеясының 30 жылдығы атап өтілетінін айтып, мерекелік іс-шараларды ұйымдастыру бойынша бірқатар тапсырма берді. Мұнан бөлек, биыл Сыр өңірінде алғашқылардың бірі болып құрылған корей этномәдени бірлестігінің 35 жылдығы аталып өтпек. Мерейтой қарсаңында Оңтүстік Корея елінің қолдауымен қайта жаңғыртудан өткен корей халқының ұлттық батыры Хон Бом Доның мемориалдық кешеніндегі музей ресми түрде ашылады.Аймақ басшысы өз сөзінде су тасқынынан зардап шеккен аймақтарға көмек көрсетуге атсалысқан азаматтарға, оның ішінде белсенді әрі үйлесімді жұмыс жасаған ассамблея өкілдеріне алғыс білдірді.Сессияда облыстық Қазақстан халқы ассамблеясының өкілдері атқарылған жұмыстарын баяндап, ұсыныс-пікір білдірді. Бірқатар ассамблея өкіліне Мемлекет басшысы, Қазақстан халқы ассамблеясының төрағасы Қасым-Жомарт Кемелұлы Тоқаевтың қолтаңбасы бар, Қазақстан халқы ассамблеясына мүшелікті растайтын куәлік табысталды. Сондай-ақ, өңірдегі этносаралық саясат пен қоғамдық келісімнің нығаюына үлес қосқан азаматтар облыс әкімінің Алғыс хатымен марапатталды.Іс-шара соңында аймақ басшысы грек-рим күресінен Париж олимпиадасына жолдама алған Айдос Сұлтанғалиді жеңіс жолындағы жетістігімен құттықтады.Еске салсақ, үш дүркін Азия чемпионы, үш дүркін Әлем чемпионатының қола жүлдегері Айдос Сұлтанғали жуырда Бішкек қаласында өткен лицензиялық турнирде ел мерейін үстем етті. Спортшыға облыстық грек-рим, еркін және әйелдер күресі федерациясының төрағасы Бақдәулет Махашовтың қолдауымен облыс әкімі Нұрлыбек Машбекұлы жерлестерінің атынан автокөлік кілтін табыстады.<img src="https://knadmin.beoblood.kz/uploads/448227457_763815175939729_4862438567555266451_n_6a010d8d0d.jpg" alt="448227457_763815175939729_4862438567555266451_n.jpg"><img src="https://knadmin.beoblood.kz/uploads/417399705_763815072606406_5110070255372258043_n_ca686456a6.jpg" alt="417399705_763815072606406_5110070255372258043_n.jpg"><img src="https://knadmin.beoblood.kz/uploads/448234852_763815355939711_2673414341181409065_n_bddea43382.jpg" alt="448234852_763815355939711_2673414341181409065_n.jpg"><img src="https://knadmin.beoblood.kz/uploads/417471381_763815202606393_817315320719272127_n_18a12e0902.jpg" alt="417471381_763815202606393_817315320719272127_n.jpg">

Олимпиадаға жолдама алған қызылордалық спортшыға автокөлік сыйға берілді

<a href="https://kyzylorda-news.kz/">Kyzylorda-news.kz</a>&nbsp; Жүректерді жаулап, көп жанкүйердің өмірлік қызығушылығына айналған спорттың бірі және бірегейі – футбол. Қызылордалық «Қайсар» &nbsp;футбол командасы өткен маусымды 6-орынмен аяқтаған болатын. &nbsp;Алдыңғы айда өз алаңында Астананың «Жеңіс» командасын қабылдады. Одан кейін маусым айында Қостанайда «Тобыл» командасымен текетіресіп, 1:0 есебімен қарсыластан оза шыққан болатын. Тәжірибелі қарсыластарының осал тұсын тауып, биылғы біріншіліктегі үшінші жеңіске қол жеткізді. Осы аптаның жұма күні &nbsp;қайсарлықтар өз алаңында түркістандық «Тұран» командасын қабылдайды.&nbsp;Айта кетейік, Қызылордада заманауи стадионның құрылысы басталды. Спорттық нысан УЕФА халықаралық ұйымының талаптарына сай салынады. Сыр жанкүйерлері көптен күткен футбол аренасының іргетасын қалау рәсіміне ел азаматтарымен бірге Қазақстан ұлттық құрамасының капитаны Асхат Тағыберген қатысып, көпшіліктің қуанышына ортақтасты.Тәуелсіз еліміздің тарихында Астана, Түркістан қалаларынан кейін үшінші заманауи стадион Сыр өңірінде бой көтеріп жатыр. Сондықтан, бұл аймақ үшін айтулы оқиға. Ауқымды жобаның құрылысы екі жылға созылады. Оның сыйымдылығы 10 мың орынға лайықталып, трибуналары ағылшындық ареналардың үлгісіндей жасыл алаңға жақын орналасатын болады.Қайсар командасынан Қазақстанның ұлттық құрамасына бұл жолы ешкім шақырту алмағанымен, осы күнге дейін Қазақстан Республикасының Ұлттық құрама командасына облыстан 552 спортшы енген. Қазіргі ұлттық құраманың капитаны экс-Қайсар ойыншысы, қызылордалық футболшы Асхат Тағыберген. Осы орайда еліміздің ұлттық футболына шағын шолу жүргізе кетсек.<h2 style="text-align:justify;">Тарих тақтасы</h2>Ең алғаш Семейде ССК, «Олимп», «Ласточка», «Орлята» және «Ярыш» атты футбол командалары пайда болды. Зерттеулерде спорттың бұл түрін қазақ жеріне ағылшын саудагерлері әкелді деген деректер бар.«Ярыш» – Семейде құрылған тұңғыш футбол командасы. Сондайақ халықаралық бәсекеде бақ сынағандардың ең біріншісі де осы команда. Ал 1921 жылы Жамбыл қаласында Қазақстандағы алғашқы футбол алаңы қолданысқа берілді. Десек те жеңістің тәтті дәмін сезіну 1940 жылы бір-ақ бұйырды. Бұл Қазақстанның бүкілодақтық деңгейде жеткен ең бірінші жеңісі еді. Алматылық «Динамо» Таганрогта өткен КСРО-ның Денешынықтыру ұжымдары кубогының финалындағы екінші матчта алаң иелері «Торпедо» құрамасын 3:1 есебімен ұтқан еді. Осылайша қазақ футболының іргетасы қаланды.<h2 style="text-align:justify;">Мұхтар Әуезов – футболшы</h2>Есімі әлемге мәшһүр «Абай жолы» роман-эпопеясының авторы Мұхтар Әуезовтің футболмен айналысқанын білесіз бе? Ол «Ярыш» командасының сапында дөп теуіп, әдемі ойын көрсете білген белді ойыншы болған екен. Оның футбол әлеміне еніп, із қалдыруына Николай Купрянов есімді саудагер әсер еткен. Николай Купрянов Семейге келген кезінде онымен жүздескен алғашқы қазақ баласы Мұхтар болған. Жазушының ала доп тебуге деген талпынысын аңғарған Купрянов Мұхтарға футболдың ережесі мен тәртібін үйреткен. Жас Мұхтардың футболға деген ынтаықыласы терең болған. Оның алаңдағы позициясы – жартылай қорғаушы. Команданың жүлделі ойыншысы болған ол кейіннен «Ярыш» газетіне материалдарын жарыққа шығарып, спорт мәселесін, сонымен қатар әзілсықақ, сын-сатираларды жариялап отырған.<h2 style="text-align:justify;">«Әттеген-айы» аз емес</h2>Қазіргі қазақ футболына ойыссақ. Қазақстандағы футбол қарыштап тұр немесе төмен дәрежеде деу қиын. Оған себеп те, дәлел де көп. Мысалға келтіретін де дүние аз емес. ФИФА-ның мәліметтері бойынша, ең үздік деген нәтиже 2016 жылы Қазақстан ұлттық құрамасы 83-ші орынға жайғасқан кезде болған еді. Алайда қазір Қазақстан ұлттық құрамасының рейтингі едәуір төмен түсіп тұр. Елдер арасында 100- ші орынға табан тіреп, сәуір айында 103-ші орынға дейін түсіп кеткені мәлім болды. Десек те Қазақстанның футзалдан ұлттық құрамасы ФИФА мәліметтері бойынша әлемде 8-ші орынға жайғасқан. Еуропадағы үздік құрама деп танылған футзалдың ұлттық құрамасы УЕФА рейтингісі бойынша 4-ші орынға тұрақтап тұр.Магомед Адиевтің тәлімгерлігімен ел намысын қорғаған жігіттердің соңғы матчы 21 наурыз күні өтті. Ұлттар лигасында Люксембург құрамасымен текетірескен ұлттық құрама 1:2 ұпаймен ұтылып, нәтижесінде ЕУРО 2024-ке қатысу мүмкіндігінен айырылып қалды. Бұл матчты тамашалаған көп қазақ жанкүйер наразылық танытып, әлеуметтік желі біраз шулаған еді.Ұлттық құраманың экс бас бапкері Магомед Адиевтің кезінде 21 матч өткізіп, 11-і жеңіспен аяқталды. 9 матчта топ жарған ұлттық құрама тек 1 ойында қарсыласымен тең түсті. 21 матчта қарсыласқа 28 гол салып, 29 голды тасада қалдырған.Мамыр айының соңында бас бапкерлік қызметін босатқан Адиевтің орнына ресейлік Станислав Черчесов келді. Бапкерлік мансабында Ресей чемпионатының күміс жүлдегері, Польша чемпионы, Польша кубогының жеңімпазы, 2018 жылғы әлем чемпоионатының ¼ финалында Ресей құрамасына тәлімгерлік етіп, Мажарстан чемпионы, Мажарстан кубогының иегері атанған. Черчесовтың Қазақстан құрамасындағы бапкерлік дебюті қыркүйек айында өтетін Ұлттар лигасындағы Норвегиямен өтетін матчта болады деп күтілуде. Оған дейін бас бапкердің міндетін Руслан Балтиев атқарады. Осы орайда кеше ғана ұлттық құрама Армения құрамасымен жолдастық кездесуде болғанын айта кетсек. «Жақсы командаға қызықты ойын болады» деп болжам жасалған матчта ұлттық құрама 1:2 есебімен алаң иелеріне есе жіберді. Ал одан кейін Әзірбайжан ұлттық құрамасымен жолдастық матч өткізіп, 3:2 есеппен жеңіліс тапты.<h2 style="text-align:justify;">Құрамның құрылымы қандай?</h2>Ұлттық құрамада қазақстандық клубтардың сұрмергендері мен кіл озық ойын үлгісін көрсете білетін мықтылар жиналған. Құрамда 34 футболшы бар. Атап айтсақ, 3 қақпашы, 12 қорғаушы, 9 жартылай қорғаушы және 3 шабуылшы. Ұлттық құраманың капитаны қызылордалық Асхат Тағыберген.Қазақстанда үміт күтетін футболшы аз емес. Солардың бірі Нұралы Әліп, Бақтияр Зайнутдинов, Абат Айымбетов, Рамазан Оразов, Арман Кеңесов, Максим Самородов және өзге футболшылар. Бұл тек сол тізімнен ерекше көзге көрініп, салмақты ойын көрсете білген аяқдопшылар.Түйін. Футбол – Қазақстанда қарқынды дамып келе жатқан спорт. Біздің футболшыларға әлі де ала доппен тиянақты ойын көрсету үшін көп жаттығып, дұрыс әдіс-тәсілді қолдану қажет. Бұл бапкер мен спортшының кәсіпқойлығына байланысты. Ұлттық құрам әдемі ойын көрсету үшін үздіксіз оқу-жаттығу жұмыстарын жүргізуде. Мұны олардың әлеуметтік желісінен де байқауға болады. Бірақ нақты техникасыз, дұрыс жүйесіз жеңістің ауылынан алшақтай береміз.Футболға әрбір ойыншы кәсіби көзқараспен қарап, ұжымдық және командалық тактиканы шабуылда келістіре ойнау қажет. Қарсыластан екі қадам тез ойланып, оның ойнау машығына ерекше мән беруі тиіс. Сондай-ақ алаңдағы атмосфера мен жанкүйердің оған деген сенімін сезінудің де өзіндік ерекше әсері бар. Қазақ футболында өзгерістер аз орын алып жатқан жоқ, қолдау да жеткілікті. Мәселен, ел Президенті Қасым-Жомарт Тоқаев күні кеше «Атлетико Мадрид» футбол клубының президенті Энрике Сересо Торресті қабылдап, қазақ футболын ілгерілетуге ықпал жасайтын бастаманы қолға алды. Мемлекет басшысы футболды дамытуға жан-жақты қолдау көрсетуге дайын екендігін білдірді. Жоба аясында испаниялық клуб қазақ жерінде академия ашып, футболсүйер жас таланттарды баптайтын болады. Қорлан САРЫФото:krasnogvar56.ru

«Қайсар» футбол құрамасы «Тұранды» қабылдайды

<a href="https://kyzylorda-news.kz/">Kyzylorda-news.kz</a> Бірнеше жылдан бері Қызылордада жаңа стадион салынатыны айтылып келді. Спортсүйер қауым жағымды жаңалықтан үміт үзбей, қашан және қай жерде бой көтеретінін күтумен болған. Енді, міне, Сырдария өзенінің сол жағасынан ауқымды нысанның құрылысы басталып, аймақ спортының жаңа кезеңіне жол ашылмақ. Осы орайда стадионның артықшылығы, саладағы өзгеріс туралы бірер ой қозғайық.Қызылордаға жаңа стадионның керектігі осыған дейін де талай мәрте айтылып жүрген мәселе еді. Салынғанына 60 жылға жуықтаған бұрынғы ғимараттың көнелігі көзге ұрып тұратын. Қазақстан халқының бірлігі күні қаланың сол жағалауынан жаңа стадионның іргетасы қаланды. Атауы да айбынды – «Қызылорда Арена» стадионы.Ұмытпасақ, облыс әкімі Нұрлыбек Нәлібаев жаңа стадион салынатынын «Қайсар» футбол клубының мерей­тойында сүйіншілеген бо­латын. 2022 жылғы аймақ басшысының сөзін еске салсақ:<blockquote>«Мен өткенде «Қайсар-Жетісу» кездесуінен кейін жан­күйерлерге «Қайсар» ко­ман­дасының заманауи ста­дионын салуға уәде берген болатынмын. Ресейдің Крас­нодар қаласында былтыр 12 мил­лион дол­ларға аз уақыттың ішінде 10 мың орындық жабық стадион салынған екен. Келесі жылы біз де демеушілер көмегімен сондай еңселі жаңа ста­дион салуға ниеттіміз. Қазіргі таңда жаңа стадион құрылысқа демеушілік жасауға ынталы компания бар, жобалау жұмыстары атқарылуда. Алдағы жылы жаңа стадион құрылысын бастаймыз, – деген еді облыс әкімі.</blockquote>Көп өтпей қаржы ыңғайы, халық пікірі мен мамандар кеңесін ескере жобаның ауқымы сан өзгерді. Бастысы, басталған жұмыс аяғына жетіп, жанашыр жерлестер мен демеуші азаматтар көмегімен жаңа нысанның құрылысы жүргізілді.Сол жағалаудан салынып, құны 20 млрд теңгені құрайтын стадион халықаралық талаптарға сай. Мәселен, УЕФА ареналар үшін төрт санат белгілеген. Оған сәйкес, 4-санатқа жету үшін, яғни ескі классификация бойынша 4 және 5 жұлдызды стадионға үлкен құрылым қажет. Нысан үлкен және егжей-тегжейлі тізімге сәйкес келуі керек. 2010 жылы УЕФА бекіткен ережеге сәйкес, 4-санат ең жоғары саналады. Мұндай стадиондар ең жоғары деңгейдегі матчтарды қабылдай алады. Спорт нысаны УЕФА классификациясы бойынша 3- санатқа жетеді деген божам бар.Стадионның артықшылығы, ол тек футбол ойындарына негізделмеген. Яғни көпбейінді нысан&nbsp;саналады. Алдын ала жарияланған жоба мәліметіне сүйенсек, нысан 9 спорт залымен – аумағы 553 шаршы метр бокс залы, 342 шаршы метр күрес, 213 шаршы метр жаттығу залы, 134 шаршы метр ауыр атлетика залы, 213 шаршы метр футболшылардың жаттығу залы, 244 213 шаршы метр йога, 1 мың 213 шаршы метрден астам гимнастика-акробатика, 151 213 шаршы метр сауықтыру-денешынықтыру залдарымен қамтылады. Бұдан өзге аренада футболшылардың жаттығу залы толық жабдықталмақ. Аумағы 7,5 гектар жерді алып жатқан стадионның жалпы ауданы 24,3 мың шаршы метр екен.Жалпы, өңірдің спорт саласында жағымды жаңалық­тар мен жарқын жетістіктер жетерлік. Облыстық дене­шы­нықтыру, спорт және туризм басқармасының мәлі­метінше, өңірде спорттық инфракұрылымды дамыту, халықтың денешынықтыру және спортпен айналысуға деген сұранысын қанағаттандыру бағытында ауқымды жұмыс атқарылуда. Былтыр 13 спорт кешенінің құрылысы жүргізіліп, қазіргі таңда оның 9-ы қолданысқа берілген. Биыл да жаңадан 11 нысан салынып, пайдалануға беріледі.Ескі стадион талапқа сай емесУЕФА стандарты деп қалдық. Расында, елдегі көптеген футбол клубының стадиондары халықаралық талапқа сай емес. Бұл қауіпсіздік жағынан, сыйымдылық пен қолайлы мүмкіндік тұрғысынан көп кемшін деген сөз. Басым бөлігі 4-5 жыл сайын қайта күрделі жөндеуден өткізгенімен, оған өзге мемлекеттердің жаңа стадион салатын қаржысына шамалас ақша жұмсалады. Ел арасында ескіні жамауға кеткен қаржыға жаңасын салуды ұсынған пікір көбейді.&nbsp;Бүгінде Қазақстанда әлемдік стандартқа жауап беретін екі стадион бар. Бірі – 30 мың жанкүйер сыятын «Астана Арена», екіншісі – Түркістандағы 7 мың орындық «Түркістан Арена». Ұлттық құрама ойынын өткізуге көбінің мүмкіндігі жоқ. Байқасақ, негізгі ойындар «Астана Арена» мен Алматының орталық стадионында өтеді. Қалған стадиондар ФИФА мен УЕФА талаптарының төменгі деңгейіне де сай келмейді екен.Мұндай деректі стадионның іргетасын қалау сәтінде облыс әкімі де тілге тиек еткен еді.– Қайсар кейінгі 30 жылда елімізде заманауи «Астана арена» мен «Түркістан арена» ғана салынған. Қызылордадағы Ғани Мұратбаев атындағы орталық стадионның салынғанына 60 жылға жуықтады. Стадион УЕФА талаптарына сәйкес келмейді. Сондықтан біздің сүйікті командамыз «Қайсардың» жанкүйерлерінің ұсынысымен жаңа стадион салуға шешім қабылдадық, – деді аймақ басшысы.Сонымен қатар былтыр Сырдария өзенінің сол жағалауынан халықаралық талапқа сай жүзу бассейні бар көпбейінді денешынықтыру-сауықтыру кешенінің, үстел теннисі орталығының іргетасы қаланды. Сондай-ақ Қызылорда қаласы мен аудандардан 9 дене шынықтыру-сауықтыру кешенінің құрылысы пайдалануға берілсе, 2024-2025 жылдары жоба құны 20,9 млрд теңге болатын заманауи стадион, 6,1 млрд теңгеге 50 метрлік жүзу бассейіні бар көпбейінді дене шынықтыру-сауықтыру кешені, 2,7 млрд теңгеге үстел теннисі орталығы салынуда. Оған қоса ауылдық елді мекендерде 4,7 млрд теңге болатын 12 дене шынықтыру-сауықтыру кешенінің құрылысы бітуге таяу.«Қызылорда арена» «Қайсар»-ға &nbsp;&nbsp;шабыт сыйлай ма?Жергілікті билік тарапынан жүйелі қолдауды сезінген қызылордалық «Қайсар» кейінгі ойында қарқынды үдетті. Соңғы алты кездесуге көз жіберсек, үшеуінде жеңіске жетсе, қалғанында тең түсті. Нәтижесінде турнир кестесінде тоғызыншы орынға көтерілді. Алғашқы бестікте келе жатқан командаларға жақындап, еңбекті ақтауда.Жуырда қызылордалық клуб Қазақстан Премьер-лигасының оныншы турында Қостанайда жергілікті «Тобыл» командасымен ойнады. Қарсылас ұжым биыл бас жүлдеге үмітті. Десе де кешегі ойында олардың тым белсенділігі байқала қойған жоқ.Айта кетсек, ел біріншілігінде «Тобылмен» өткен кейінгі үш ойында «Қайсар» бірде-бір ұпай жоғалтқан жоқ. Ендігі үміт алда. 11-тур ойындары 15 және 16 маусым күндері өткізіледі.Жалпы, аймақ жастарының футболға ынтасы алабөтен. Аймақта 55 мыңнан астам адам футболға қызығады екен. Бұл көрсеткіштiң кәсіби жетістікке ғана емес, бұқаралық спортты дамытуға да көмегін тигізуде. Бұған «Қайсардың» да үлесі зор. Жуырда облыстық денешынықтыру, спорт және туризм басқармасының басшысы Жанмұрат Сейілов БАҚ-қа берген сұхбатында аталған тақырыпты тарқатқан болатын.«Өңірде «Қайсар» футбол клубының жанынан орталықта 600-ден астам жастар аталған спорт түрінің қыр-сырын кәсіби тұрғыда меңгеруде. Жасөспірімдерге УЕФА-ның талабына сәйкес А,В,С категориялы 26 бапкер қызмет көрсетеді. 2014 жылдан бастап қызмет атқарып келе жатқан орталық «Қайсардың» құрамына бірнеше футболшыны даярлап шығарды. Алдағы кезең­дерде де футболды дамыту үшін «Қайсар» футбол орталығының жұмысын одан әрі академияға ұластырып, балалар фуболының дамуына оң динамика жасау қажет. Бүгінде «Қайсар» футбол клубы Академия құруға байланысты алғашқы жұмыстарын бастап кетті», – деді басқарма басшысы.&nbsp;Қазіргі таңда облыстағы футбол әлеуеті мол. Балалар футболын дамыту мақсатында биылдан бастап «Қайсар» футбол орталығына әлемдегі ең мықты клубтар саналатын «Барселона», «Милан», «Ливерпуль», «Рома», «Андрелехт» секілді командаларда тәжірибе жи­нақтаған білікті ма­мандар еңбек етуде. Олардың қатарында Игорь Шпанера мен Дмитрий Васильев секілді ше­берлер бар. Шеттен келген мамандар бапкерлер мен футболшылардың деңгейі мен шеберлігін шыңдауда. Фут­бол орталығындағы тәр­бие­ленушілерді жігерлендіру мақсатында үздік ойын көрсеткен футболшыларға шәкір­тақы тағайындалмақ.&nbsp;Өткен жылы облыста жүйелі дене шынықтыру және спортпен шұғыл­дану­­шылар үлесі 39 пайызды құраған.&nbsp;Бұл көрсеткіш соңғы үш жылда 2,7 пайызға арт­қанын ескерсек, әлі де жүйелі жұмыс қа­жет етеді деген сөз. Бұл орайда жаңа стадион жаңа мүмкіндікке жол ашатынына сенейік.Б.ШАҒЫР

Қызылордадағы жаңа стадион  – жаңа мүмкіндік алаңы болмақ

<h4 style="margin-left:0px;text-align:justify;"><a href="https://kyzylorda-news.kz/">Kyzylorda-news.kz</a> Қазақ күресін дамытуға арналған жобаның бірі – «Қазақстан барысы» осыдан 13 жыл бұрын бастау алған болатын. осы уақыт аралығында Сыр өңірінен жоба аясында бірнеше чемпион шыққаны белгілі. Апта ағымында Сырдария ауданында чемпиондардың болашақ ізбасарлары арасында «Сырдария барысы» өткізілді. Дүбірлі доданы аудандық жастар ресурстық орталығы спорт мекемелерімен бірлесе отырып ұйымдастырды.</h4>Байрақты бәсекенің ашылу салтанатында аудандық дене тәрбиесі, спорт және туризм бөлімінің басшысы Бағдат Есенов сөз алып, жарысқа қатысушы палуандарға сәттілік тіледі.<blockquote>– Сыр спортшылары дүбірлі додада, әлемдік аренада қазақтың көк туын желбіретіп, әнұранын шырқата береді деп сенеміз. Аудан көлемінде қазақ күресімен тұрақты түрде шұғылданып келе жатқан спортшылар бозкілемде бақ сынасуға дайын. Барлық спортшыға сәттілік тілеймін, – деді Бағдат Мырзалыұлы.</blockquote>Турнирде 2 салмақ дәрежесі бо¬йынша 30 жас палуан өзара күш сынасты. Салмақ өлшеу рәсімінен сәтті өткен бозкілем шеберлері 55 келіге дейін және 55 келіден жоғарғы салмақта белбеу иесін анықтады. Спорт саласының ардагері Мектепхан Елеусінов палуандарға ақ батасын берді. Әрине, аудандық жастар ресурстық орталығының директоры Айгүл Ахметова бастаған ұжым спорт мекемелерімен бірлесіп, жарысты жоғарғы деңгейде өткізгеніне көзіміз жетті. Бұл ретте, №11 олимпиадалық резервтің мамандандырылған балалар-жасөспірімдер мектебінің директоры Бауыржан Есмағанбетов, аудандық спорт клубының директоры Диас Әлжанов спортшыларға жылы лебізін білдіріп, жігерлендірді.Жарыс қорытындысында 55 келіден төмен салмақта ІІІ орынды Мадияр Дастанов, ІІ орынды Бағдәулет Жанәділ еншілесе, І орынды Ғанибек Әбіләкім жеңіп алды. Ал 55 келіден жоғарғы салмақта ІІІ орынды Ернұр Сағатов, ІІ орынды Айтуған Қибаш, І орынды Ақнұр Абдикаримов қанжығасына байлады.Жеңімпаздарға белбеу мен қаржылай сыйлық табысталды.

Қазақстан және Қызылорда облысының жаңалықтары: Спорт