<a href="https://kyzylorda-news.kz/">Kyzylorda-news.kz</a> Елге белгілі боксшы, халықаралық спорт шебері, Сидней Олимпиадасының жеңімпазы Ермахан Ыбрайымов пен Қызылорда облысының дене шынықтыру, спорт және туризм басқармасының басшысы Бахтияр Артаев бүгін сырбойылық жас спортшылармен арнайы кездесті.Ең алдымен Ермахан Сағиұлы Қызылорда қаласындағы №5 облыстық олимпиадалық резервтің мамандандырылған балалар-жасөспірімдер спорт мектебіне барып, ондағы жас спортшылардың дайындығына куә болды. Сондай-ақ, Сыр саңлақтарының алдағы жарыстарына сәттілік тілеп, өзінің ақ батасын берді. Бұдан бөлек, кездесу барысында Ермахан Сағиұлы 2023 жылы пайдалануға берілген аталмыш спорт мектебін толық аралап, мекеме қызметкерлерімен танысты.Одан кейін Ермахан Сағиұлы мен Бахтияр Ғарифоллаұлы қаладағы «Жалаңтөс Баһадүр Сейтқұлұлы атындағы олимпиадалық резервтің облыстық мамандандырылған мектеп-интернат-колледжінде» өтіп жатқан бокстан облыс біріншілігінің финалдық кездесуін тамашалады.Әр түрлі салмақ дәрежесінде шаршы алаңда қолғап түйістіріп, жеңімпаз атанған жас боксшыларды Ермахан Сағиұлы мен Бахтияр Ғарифоллаұлы арнайы дипломдармен марапаттап, медаль тақты.Финалдық кездесу соңында боксшылар естелік суретке түсіп, құрметті қонақтардан қолтаңба алды.Фото: Облыстық дене шынықтыру, спорт және туризм басқармасы

Танымал боксшы сырбойылық спортшылармен кездесті

<a href="https://kyzylorda-news.kz/">Kyzylorda-news.kz</a> Қазақ күресі бойынша алдағы жарыстарға дайындық кезеңі басталды. Атап айтқанда, Қызылорда қаласында 6-8 қаңтар аралығында 2008-2009 және 2010-2011 жылы туылған жасөспірімдер арасында қазақ күресінен ҚР чемпионатына іріктеу өтті.Іріктеу барысында 2008-2009 жылғы жасөспірімдер 9 салмақ дәрежесі бойынша 180 спортшы қатысса, 2010-2011 жылғы жасөсіпірімдер 10 салмақ дәрежесінде 300 спортшы бақ сынады.Фото: Қызылорда облысының дене шынықтыру, спорт және туризм басқармасы

Қазақ күресінен ҚР чемпионатына іріктеу өтті

<a href="https://kyzylorda-news.kz/">Kyzylorda-news.kz</a> Мәнерлеп сырғанаудан 8 спортшы Азиада ойындарында бақ сынайды, деп <a href="https://kaz.inform.kz/news/aziada-2025-manerlep-sirganaudan-zhariska-katisatin-sportshilar-aniktaldi-1ee534/">хабарлайды</a> Қазақстандық конькимен мәнерлеп сырғанау одағының баспасөз қызметі.&nbsp;Мәнерлеп сырғанаудан Қазақстан құрамасының бапкерлер штабы 2025 жылы Қытайдың Харбин қаласында өтетін Азия ойындарына қатысатын спортшылардың құрамын анықтады.Алдағы Азия ойындарында медаль үшін келесі спортшылар бақ сынайды:Ерлер арасындағы жекелей сырғанау: Михаил Шайдоров, Диас Жиренбаев, қосалқы құрамда – Рахат Бралин.Әйелдер арасындағы жекелей сырғанау: Софья Самоделкина, Софья Фарафонова, қосалқы құрамда – Анна Левковец.Мұз үстіндегі би: Гаухар Наурызова / Байсанғұр Датиев.Еске салсақ, бұдан бұрын Қытайда өткен мәнерлеп сырғанаудан Михаил Шайдоров екінші орын алғанын хабарладық.Фото: Olympic.kz

Азиада-2025: Мәнерлеп сырғанаудан жарысқа қатысатын спортшылар анықталды   

<a href="https://kyzylorda-news.kz/">Kyzylorda-news.kz</a> Терең ойды талап ететін ұлттық ойындардың бірі – тоғызқұмалақ интеллектуалды қабілетті дамытуға арналған ойын түрі. Бүгінде өңірде дәл осы ойын түріне қызығушылар саны артып келеді. Осыған орай, бүгін тоғызқұмалақтан ересектер және жастар арасында облыстық жекелей және командалық чемпионаттың ашылу салтанаты өтті.Аталмыш шараға Қызылорда облысының дене шынықтыру, спорт және туризм басқармасы басшысының орынбасары Жігер Айекешов, Қызылорда облысының тоғызқұмалақ зияткерлік қауымдастығының президенті, «Тоғызқұмалақ қайраткері» Әбдіқадыр Ергешбаев және жаттықтырушылар мен спортшылар қатысты.Жиын барасында басқарма басшысының орынбасары Жігер Оңдасынұлы құттықтау сөз сөйлеп, өңірдегі тоғызқұмалақ ойынының көрсеткіштеріне тоқталып өтті. Сондай-ақ, Жігер Оңдасынұлы былтыр өткен чемпионаттарда Қазақстан Республикасының спорт шебері нормативін орындаған спортшыларға арнайы куәлік тапсырды.Куәлік алған ойыншылар қатарында: Нұрай Ғаниқызы, Әсем Дәуренбекқызы, Ерасыл Пернебаев, Кенжебек Ырыскелді, Ақылбек Нұржан бар.Тоғызқұмалақтан ересек мен жастар арасындағы Қызылорда облысының чемпионатына қала және барлық ауданнан 120-дан астам ойыншы қатысуда. Жарыс классика, рапид және блиц түрі бойынша өтеді.Фото: Қызылорда облысының дене шынықтыру, спорт және туризм басқармасы

Тоғызқұмалақтан облыстық чемпионаттың ашылу рәсімі өтті

<a href="https://kyzylorda-news.kz/">Kyzylorda-news.kz</a> Кеше «Мұз айдыны» спорт кешенінде жасөспірім қыздар арасында волейболдан Қазақстан Республикасы чемпионатының ашылу салтанаты өтті.Салтанатты рәсімге Қызылорда облысының дене шынықтыру, спорт және туризм басқармасының басшысы Бахтияр Ғарифоллаұлы арнайы қатысып, жарыс қатысушыларына сәттілік тіледі.&nbsp;– Барша жарыс қатысушыларын &nbsp;жарыстың ашылуымен құттықтаймын! Еліміздің әр облысынан жиналған мықты спортшыларымыз тартысты ойын өрнегін көрсетіп, төрешілер әділ бағасын қояды деп сенемін. Волейболшы қыздарымызға сәттілік тілей отырып, шын мықтылар жеңіс тұғырынан көрінсін, - деді басқарма басшысы.&nbsp;Айта кетейік, дүбірлі додаға Шығыс Қазақстан облысы, Солтүстік Қазақстан облысы, Қостанай, Қызылорда, Павлодар, Ақтөбе, Атырау, Жетісу, Маңғыстау, Жамбыл облыстары мен Астана және Шымкент қаласынан келген 16 команда бес күн бойы өзара бақ сынаспақ.<img src="https://knadmin.beoblood.kz/uploads/Volejboldan_zhas_spirim_yzdar_arasynda_R_chempionaty_bastaldy_1_1e2f58ccb1.jpg" alt="Волейболдан жасөспірім қыздар арасында ҚР чемпионаты басталды 1.jpg">Фото: Қызылорда облысының дене шынықтыру, спорт және туризм басқармасы

 Волейболдан жасөспірім қыздар арасында ҚР чемпионаты басталды

<a href="https://kyzylorda-news.kz/">Kyzylorda-news.kz</a> Теннисші Елена Рыбакина Аустралияда өтіп жатқан United Cup-2025 турнирінде Германия өкілі Лаура Зигемундты жеңді. Бұл туралы<a href="https://stan.kz/"> Stan.kz </a>ақпарат агенттігі хабарлайды.Әлемдік рейтингте 6-орында тұрған Елена Рыбакина Германия құрамасының 80-орын иеленген теннисшісі Лаура Зигемундпен кездесіп, екі сетте жеңіске жетті. Есеп 6:3, 6:1. Бұл матч Қазақстан мен Германия арасындағы командалық кездесудің бір бөлігі болды.Айта кетейік, Елена Рыбакинаның бұл жаңа маусымдағы қатарынан үшінші жеңісі. Бұған дейін Рыбакина Испания өкілі Джессика Бусас Манейродан (54-орын) 6:2, 6:3 есебімен басым түссе, Грекияның өкілі Мария Саккариді (32-орын) 6:4, 6:3 есебімен жеңген еді.Еске салайық,&nbsp;бұған дейін Елена Рыбакина&nbsp;British Open турнирінен кейін&nbsp;<a href="https://stan.kz/kazakstandik-zhankuyerlerdin-aldinda-keshirim-syraymin-404092/">қазақстандық қыз Олимпиадаға қатысуы керек еді</a>. Алайда ол денсаулығына байланысты турнирден бас тартты. Теннисші Олимпиада ойындарынан бас тартқаннан кейін желіде қызу талқыға түсті. Қазақстандық боксшы Балауса Мұздыман&nbsp;Елена Рыбакинаны тек ақша қызықтыратынын айтып, ашуланды.Фото: gotennis.ru

Теннисші Елена Рыбакина 2025 жылды жеңіспен бастады

<a href="https://kyzylorda-news.kz/">Kyzylorda-news.kz</a>&nbsp; Қызылордалық 17 жастағы Аянат Жұмағали Катарда ауыр атлетикадан өткен Азия чемпионатында жасөспірімдер және жастар арасында жарысқа қатысып, қоржынымызға қос алтын салды.Аянат биыл жазда жасөспірімдер арасындағы Әлем чемпионатында да топ жарған болатын. Бұған қоса, ересектер арасындағы Қазақстан чемпионына қатысып, жеңімпаз атанды.Сыр мақтынышын жеңісімен құттықтаймыз! &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp;Қызылорда облысының дене шынықтыру, спорт және туризм басқармасы

Азияны бағындырған Аянат 

<a href="https://kyzylorda-news.kz/">Kyzylorda-news.kz</a> Қызылордалық жас шахматшы Ақылжан Мейірханұлы Алматыда шахматтан өткен жасөспірімдер арасындағы Қазақстан Республикасының Кубогына ие болды. Ақыл ой мен интеллекті дамытуға арналған шахмат ойынының шебері ҚР Кубогында екінші мәрте чемпион атанып отыр. Жас өреннің еңбекқорлығы мен спортқа деген адалдығы үлкен жеңістерге жетелейтіні анық.Ақылжанға жаңа белестер мен жарқын жетістіктер тілейміз!Қызылорда облысының дене шынықтыру, спорт және туризм басқармасыФото: Спорт басқармасы

Ақылжан Мейірханұлы екінші мәрте чемпион атанды

<a href="https://kyzylorda-news.kz/">Kyzylorda-news.kz</a> Биылғы жыл Қызылорда облысы үшін табысты әрі жемісті жыл болды. Спорт, мәдениет, білім сияқты маңызды салаларда өңіріміз үлкен жетістіктерге қол жеткізіп, тек ел көлемінде ғана емес, Азия деңгейінде де өзін мойындатты. Жылды жемісті қорытындылау үшін бүгін сол салаларда үздік нәтижеге қол жеткізіп, аймақтың дамуына үлес қосып жүрген азаматтар облыстың бас ақпарат алаңына келіп, БАҚ өкілдерімен кездесті.<blockquote>– Бұл жыл мен үшін өте жақсы нәтижемен аяқталып жатыр. Өздеріңіз білесіздер, Таиландтың Чиангмай қаласында өткен бокстан Азия чемпионатында жеңімпаз атанып, алтын медаль иелендім. 1 апталық үзілістен кейін оқу-жаттығу жиындарымызды қайта бастап, наурыз айында болатын бокстан әлем чемпионатына тыңғылықты дайындалатын боламын. Келер жылы сол әлем чемпионатына қатысып, алтын медальды қанжығама байлағым келеді. Одан бөлек, 2028 жылы Америкада өтетін Олимпиада ойындарында да еліміздің көк туын көкке көтергім келеді. Сол үшін қазірден дайындықты бастап кеттім,- деді бокстан Азия чемпионы Гүлсая Ержан.</blockquote><blockquote>– 2024 жыл өзімнің жеке басым үшін де, облысымыздың рухани-мәдени өмірі үшін де толағай табыстарға, тың жаңалықтарға толы болды. Жылды жақсы қорытындылап жатырмыз. Бір жылдың ішінде Анаға тағзым, неке сарайы және симфониялық оркестріміздің ашылуы, ізін ала өнер орталығының қолданысқа берілуі біздің қуанышымызды одан әрі еселеді. Бұл жыл Сыр өнерпаздары үшін де жемісті, табысты болды. Мәселен, өзім жыл басынан бері 4 республикалық конкурсқа қатысып, жүлделі орындарға ие болдым. Биылғы жылға ешқандай өкпеміз жоқ. "Жаңа жыл жарылқа, ескі жыл есірке дегендей", әр жылдың өзінің ерекшелігі болады. Жалпы, бұл жылы Сыр бойы рухани серпіліске, жақсы жаңалықтарға толы болды деп айта аламыз. Тағы бір қуанып айтатын жайт, облысымыз өзінің өнер күндерін бір емес екі қалада жоғары деңгейде өткізіп, халықтың зор қошеметіне ие болды. Жалпылық тұрғыдан да, жалқылық тұрғыдан да биылғы жыл Сыр мәдениеті және өнерпаздары үшін жемісті болды деуге толық негіз бар,- деді Қорқыт ата атындағы ҚУ &nbsp;«Дәстүрлі музыка өнері және хореография» ББ аға оқытушысы Марат Сүгірбай.</blockquote><blockquote>– Биылғы жыл аймағымыздың білім саласы үшін де жетістікке толы болды. Оқушыларымыз да, ұстаздарымыз да республикалық, халықаралық деңгейде жарыстарға, олимпиадаларға қатысып, қанжығаларын толтырып қайтты. Мен 20 жылдан бері білім саласына өз үлесімді қосып келемін. Осы уақыт аралығындағы менің ең үлкен жетістігімнің бірі – "2024 жылдың Үздік Педагогы" конкурсының жеңімпазы болдым. Бұл конкурсқа 1 700 мұғалім қатысты. Сайыстың қалалық, облыстың кезеңінен сәтті өтіп, республикалық кезеңінде өзімнің білімім мен біліктілігімнің арқасында үздіктер қатарынан көрініп, төсбелгімен марапатталып және бір реттік 1 000 АЕК ақшалай сыйақымен марапатталдым. Бұл мен үшін де, мектебіміз бен облысымыз үшін де үлкен жетістік деп есептеймін,- деді С.Толыбеков атындағы №3 мектеп-лицейі химия пәнінің мұғалімі, ҚР «2024 жылдың Үздік Педагогы» конкурсының жеңімпазы Гүлжаухар Сарыбаева.</blockquote>

Жыл үздіктері жетістіктерімен бөлісті

<a href="https://kyzylorda-news.kz/">Kyzylorda-news.kz</a> Қызылорда облысы әкімінің орынбасары Шахмардан Баймановтың төрағалығымен Қызылорда облысының дене шынықтыру, спорт және туризм басқармасының 2024 жылы атқарылған жұмыстардың қорытындысы бойынша кеңейтілген Алқа отырысы өтті.&nbsp;Жиынға салалық жетекшілік жасайтын аудан әкімдерінің орынбасарлары, қала және аудандық дене тәрбиесі, спорт және туризм бөлімдерінің басшылары, спорт мектептерінің директорлары, спортшылар мен жаттықтырушылар және БАҚ өкілдері қатысты.&nbsp;Алқа отырысында спорт саласын дамыту, спорт мектептері мен федерациялардың жұмысын жүйелеу, ұзақ мерзімде қызмет атқарған мектеп директорларын ротациялау сынды бірқатар өзекті мәселелер талқыланды.Жиын барысында облыстық дене шынықтыру, спорт және туризм басқармасының басшысы Бахтияр Ғарифоллаұлы 2024 жылы Сыр спортының жетістіктерін атап өтіп, түйіні тарқалмаған мәселелерді тілге тиек етті.&nbsp;Сонымен қатар, басқарма басшысының орынбасары Жігер Оңдасынұлы спорт ұйымдары мен жаттықтырушылардың негізгі көрсеткіштеріне тоқталып өтті.Алқа отырысындағы негізгі мәселелерге байланысты жиын қатысушыларының ұсыныс-пікірлері тыңдалып, нақты міндеттер айқындалды.Жиын соңында осы жылы үздік нәтиже көрсеткен аудандық спорт бөлімдері мен спорт мектептері, жаттықтырушылар және спортшылар марапатталды.<figure class="image"><img src="https://knadmin.beoblood.kz/uploads/alka2_631f2256b4.jpg" alt="алка2.jpg"></figure><figure class="image"><img src="https://knadmin.beoblood.kz/uploads/alka3_104e8eb9a1.jpg" alt="алка3.jpg"></figure><figure class="image"><img src="https://knadmin.beoblood.kz/uploads/alka4_7d42736cd1.jpg" alt="алка4.jpg"></figure>

Қызылордада кеңейтілген Алқа отырысы өтті

<a href="https://kyzylorda-news.kz/">Kyzylorda-news.kz</a> Қазақстандық ауыр атлет Алексей Чуркин жастар арасындағы Азия чемпионатында жеңімпаз атанды. Бұл туралы Olympic.kz сайтына сілтеме жасай отырып <a href="https://el.kz/qazaqstandyq-ziltemirshi-aziya-chempionatynda-top-zhardy_400007299/">El.kz</a> ақпарат агенттігі хабарлайды.Чуркин жарыста 89 келіге дейінгі салмақ дәрежесінде жеңіске жетті. Қоссайыстың нәтижесі бойынша ол 360 (163+197) келі көтерді.Екінші орынды ирандық Илия Салехипур еншіледі – 356 (161+195) келі, ал қола медальді тағы бір ирандық Аббаспур Алиреза жеңіп алды – 355 (159+196) келі.Айта кетейік, жақында Манама қаласында өткен ересектер арасындағы әлем чемпионатында Алексей Чуркин күміс жүлдеге ие болған еді.<span style="background-color:rgb(255,255,255);color:rgb(102,102,102);font-family:-apple-system, BlinkMacSystemFont, &quot;Segoe UI&quot;, Roboto, &quot;Helvetica Neue&quot;, Arial, &quot;Noto Sans&quot;, sans-serif, &quot;Apple Color Emoji&quot;, &quot;Segoe UI Emoji&quot;, &quot;Segoe UI Symbol&quot;, &quot;Noto Color Emoji&quot;;">Фото: ҚР ҰОК

Қазақстандық зілтемірші Азия чемпионатында топ жарды

<a href="https://kyzylorda-news.kz/">Kyzylorda-news.kz</a> Қарағандыда өткен ересек ұлдар және қыздар арасындағы Қазақстан Республикасының чемпионатында Сыр өңірінің атынан барған былғары қолғап шеберлері жүлделі орындарға ие болды.Атап айтқанда, 80 кг салмақ дәрежесінде Бектас Азамат І орын алып, алтын жүлдені қанжығаға байлады.Ал, 48 кг салмақ дәрежесінде Ақбота Болат ІІ орынға ие болып, күміс медаль алды.54 кг салмақта Ақтілек Орынбасар Ақтілек жүлделі ІІІ орын алып, қола медальға ие болды.Жаттықтырушылар: Ғалымжан Байгундиев, Жүсіп Жәміл , Құлыбаев Бақытбек, Төкенов Сейтжан.<img src="https://knadmin.beoblood.kz/uploads/Boks_yzylordaly_sportshylar_3_medal_zhe_ip_aldy_1_4b9d460758.jpg" alt="Бокс Қызылордалық спортшылар 3 медаль жеңіп алды 1.jpg"><img src="https://knadmin.beoblood.kz/uploads/Boks_yzylordaly_sportshylar_3_medal_zhe_ip_aldy_2_740c9af5b3.jpg" alt="Бокс Қызылордалық спортшылар 3 медаль жеңіп алды 2.jpg">

Қазақстан және Қызылорда облысының жаңалықтары: Спорт