<a href="https://kyzylorda-news.kz/">Kyzylorda-news.kz</a> Франция астанасы Париж қаласында өтіп жатқан Олимпиада ойындарында грек-рим күресінен 77 келі салмақта Демеу Жадыраев жартылай финалда қарсыласын ұтып, <a href="https://kaz.inform.kz/news/grek-rim-kures-demeu-zhadiraev-olimpiadanin-finalina-shikti-72f193/">финалға шықты</a>.Ол жартылай финалда әзербайжан жігіті Санан Сулеймановпен кездесті. Нәтжесінде қазақ балуаны қарсыласын 6:1 есебімен айқын ұтты. Осылайша Демеу Жадыраев париж олимпиадасының финалына шықты.27 жастағы Сулейманов 2022, 2023 жылдардағы әлем чемпионатының күміс жүлдегері, 2020 жылғы Еуропа чемпионатының жеңімпазы.Ал Демеу биыл 34 жаста. 2017 жылғы әлем чемпионатының күміс жүлдегері. Азия чемпионатында бірнеше мәрте жүлдегер атанған спортшы. Былтырғы әлем чемпионатында Санан Демеуден 5:1 есебімен басым түскен еді. Міне, енді оған Париж төрінде есе қайтарды.Естеріңізге сала кетейік, Демеу Жадыраев ширек финалда екі дүркін әлем чемпионы, Токио ойындарының күміс жүлдегері қырғызстандық Ақжол Махмудовпен белдесіп, 3:1 есебімен&nbsp;<a href="https://kaz.inform.kz/news/demeu-zhadiraev-parizh-olimpiadasinin-zhartilay-finalina-shikti-e99aba/">басым түсті</a>. Осылайша Демеу Жадыраев Олимпиада ойындарының жартылай финалына шықты.Финалдық кездесулер 7 тамызға жоспарланған.Айта кетсек, грек-рим күресінен ел құрамасында Демеуден басқа Айдос Сұлтанғали (60 келі), Әлімжан Сыздықов (130 келі), Нұрсұлтан Тұрсынов (87 келі) бар.5 тамызда Айдос Сұлтанғали алғашқы белдесуінде Қырғызстан мықтысы Жоламан Шаршанбековке есе жіберді.Ал Әлімжан Сыздықов алдымен румыниялық Алин Алексус-Циурариуден басым түсіп, одан кейін әзербайжандық Сабах Шариатиден ұтылды.Сондай-ақ, Париж Олимпиадасында еркін күрестен Азамат Дәулетбеков (86 келі), Әлішер Ерғали (97 келі) және Юсуп Батырмырзаев (125 келі) ел намысын қорғайды.Күрес түрлерінен жарыстар 5-11 тамыз аралығында өтеді.Фото: Olympic.kz

Грек-рим күресі: Демеу Жадыраев Олимпиаданың финалына шықты

<a href="https://kyzylorda-news.kz/">Kyzylorda-news.kz</a> Бокстан Қазақстан командасының мүшесі Назым Қызайбай ел қоржынына қола медаль салды, деп хабарлайды <a href="https://kaz.zakon.kz/okiga/6047088-nazym-yzaybay-parizh-olimpiadasyny-ola-zhldeger-atandy.html">Zakon.kz.</a>50 келі салмақта сынға түскен Қызайбай жартылай финалда бокстан әлем және Азия ойындарының чемпионы, қытайлық Ву Юге есе жіберді.&nbsp;Осылайша, Назым Қызайбай өз мансабында тұңғыш рет, өзі қатысқан алғашқы Олимпиада ойындарында қола жүлдегер атанып отыр.Сурет: olympic.kz

Назым Қызайбай Париж Олимпиадасының қола жүлдегері атанды

<a href="https://kyzylorda-news.kz/">Kyzylorda-news.kz</a>&nbsp; Оның уақыт көрсеткіші – 4.89.&nbsp;Бүгін, 6 тамыз күні, Париж Олимпиадасында спорттық құзға өрмелеу бәсекесі басталды, деп хабарлайды <a href="http://sn.kz/">Skifnews.kz </a>ақпарат порталы.&nbsp;Спорттың бұл түрінен Қазақстан намысын Әмір Маймұратов қорғауда. Атлеттер «жылдамдық» дисциплинасы бойынша бақ сынауда.&nbsp;Олимпиада ойындары аясында іріктеу айналымы өтуде. Осыдан соң, әрі қарайғы турнир кестесі құрылады.&nbsp;Маймұратов&nbsp; бірінші мүмкіндігінде олимпиада рекордын орнатты. Оның уақыт көрсеткіші – 4.89.&nbsp;Айта кетелік, оған дейін де екі атлет Олимпиада ойындарының рекордын&nbsp; орнатқан болатын.&nbsp;Фото: Сали Сабиров

Қазақ жігіті Париж Олимпиадасында рекорд орнатты 

<a href="https://kyzylorda-news.kz/">Kyzylorda-news.kz</a> &nbsp;5 тамыз күні Париж Олимпиадасының чемпионы Елдос Сметов Қазақстанға оралып, Таразға ат басын тіреді. Елге оралуына байланысты жергілікті әкімшілік атақты спортшы тұратын көшені абаттандыру шараларын қолға алған. Бұл туралы <a href="https://stan.kz/taraz-akimdigi-parizh-olimpiadasinin-chempioni-eldos-sm-404295/">Stan.kz</a> ақпарат агенттігі хабарлайды.Желіде жергілікті журналист Исламбек Дастан түсірген видео жарияланды. Кадрлардан Елдос тұратын көшеге жаңа асфальт төселгенін көруге болады. Видеода Олимпиада чемпионының елге оралуына байланысты, жолдың арнайы&nbsp;жасалғаны айтылған.Айта кетейік, 27 шілдеде дзюдошы Елдос Сметов Парижде өткен Олимпиада ойындарында ел қоржынына алтын&nbsp;әкелген. 60 келі салмақ дәрежесінде финалда Сметов&nbsp;француздық&nbsp;Лука Мхеидземен белдесіп, жеңіске жеткен еді.Ал&nbsp;5 тамызда&nbsp;Париж Олимпиадасында&nbsp;алтын иеленген дзюдошы Елдос Сметов пен&nbsp;қола жүлдегер&nbsp;Ғұсман Қырғызбаевты Алматы әуежайында туыстары, достары мен спортшылардың жанкүйерлері қарсы алған.&nbsp;Фото: Видеодан скрин

Тараз әкімдігі Елдос Сметовтің Олимпиададағы жеңісінен кейін үйінің алдына асфальт төсеп берген

<a href="https://kyzylorda-news.kz/">Kyzylorda-news.kz</a> Париж олимпиадасында ел намысын қорғап, Қазақстан қоржынына алтын мен күміс түсірген Елдос Сметов пен Ғұсман Қырғызбаев елге оралды. Оларды қазақстандықтар Алматы әуежайында қарсы алды. Онда дзюдошы Ғұсман Қырғызбаевқа көлік сыйланды, - деп хабарлайды<a href="https://massaget.kz/basty-zhaalytar-438/113284/"> Massaget.kz</a> тілшісі.<blockquote>"Өте тамаша атмосфера. Әрине, Олимпиада ойындарының алдын аламын деп барғанмын, бірақ қолдан келгенді салдым. Бұйырғаны қола болды. Бәрі жақсы болды. Барша қазақ еліне алғысымды білдіргім келеді", - деді спортшы.</blockquote>Автокөлікті Алматы қаласы дзюдо федерациясы Али Хамхоев пен Ержан Зайдинов сыйлаған. Оның маркасы -&nbsp;Toyota.Бұл көліктің нарықтағы бағасы 40 миллион теңгеге дейін барады.&nbsp;<img src="https://knadmin.beoblood.kz/uploads/5_e54609b338.jpg" alt="5.jpg">Фото: massaget.kz

Олимпиада жүлдегері Ғұсман Қырғызбаевқа 40 миллион теңгенің көлігі сыйлыққа берілді

Фото: Туризм және спорт министрлігіНариман Құрбанов Париж Олимпиадасында спорттық гимнастиканың ат снарядындағы жаттығуда күміс жүлдеге қол <a href="https://kaz.inform.kz/news/nariman-kurbanov-parizh-olimpiadasinin-kums-zhuldeger-2b9ced/">жеткізді</a>.Отандасымыз ақтық сында 15.443 ұпай алды. Осылайша, Нариман елімізге спорттық гимнастикадан Олимпиаданың алғашқы медалін сыйлады.«Спорттық гимнастикадан ұлттық құрама көшбасшысын Қазақстан қоржынына күміс жүлде салғанымен шын жүректен құттықтаймын! Лайықты түрде жеңіске жетті. Қазақстан құрамасы үшін өте қуаныштымын және осы жүлдеге сүбелі үлес қосқан барлық маманға, жаттықтырушыларға алғыс айтамын. Осы орайда Нариманның жоғары кәсібилігін ерекше атап өткім келеді. Спортшымызға жанкүйерлер үлкен сенім артты, одан медаль күтті. Ал Нариман Құрбанов жанкүйерлердің үмітін ақтап, Қазақстан қоржынына күміс жүлдені салды. Бұл медаль – осы күнге дейін төгілген тер мен еселі еңбектің өтеуі деп білемін. Қазақстандық спортшылар әлемдік аренада кәсіби шеберлігін көрсетіп жатыр деп мақтанышпен айта аламыз. Бұл – Олимпиададағы соңғы жүлдеміз емес екеніне, әлі де Көк туымыз көкте желбірейтініне сенімдімін. Барлығына алғыс айта отырып, Нариманды күміс жүлдесімен тағы бір мәрте құттықтаймын!», – деді Туризм және спорт министрі.Айта кетейік, Қазақстандық Нариман Курбанов жаттығуды ең бірінші болып орындап, 15.433 ұпай алды. Ол базалық қиындығы 6.7-ге тең жаттығуды сәтті орындап шықты.Бұл сында алтын медальді ирландиялық Риз Макленаген иеленді. Оның ұпай көрсеткіші – 15.533.&nbsp;Ал қола медаль америкалық Штефан Недорочектің еншісінде (15.300).

Нариман Құрбанов – Париж Олимпиадасының күміс жүлдегері

Фото: Владислав Семенов/ҰОКФранция астанасы Париж қаласында өтіп жатқан Олимпиада ойындарында бокстан әйелдер арасында Назым Қызайбай ширек финалда қарсыласын жеңіп, жартылай финалға шықты.&nbsp;50 келі салмақта ел намысын қорғаған отандасымыз ширек финалда Колумбия боксшысы Каролайн Барбозамен қолғап түйістірді. Бұл кездесуде Назым Қызайбай айқын басымдылықпен жеңіске жетті.&nbsp;Естеріңізге сала кетейік, Назым Қызайбай&nbsp;бірінші жекпе-жегінде&nbsp;Италия боксшысы Джордана Соррентиноны жарыс жолынан тайдырса, екінші айқасында бразилиялық қарсыласы Каролин Барбоза де Алмейданы 5:0 есебімен ұтып,&nbsp;ширек финалға шыққан&nbsp;болатын.&nbsp;Бұл – Назым Қызайбайдың алғашқы Олимпиадасы. Ол осыған дейін әлем чемпионатында 2 рет топ жарып, 1 рет үздік үштікті түйіндеген. Сондай-ақ Азия чемпионы атанған.

Назым Қызайбай Париж Олимпиадасының жартылай финалына шықты

<a href="https://kyzylorda-news.kz/">Kyzylorda-news.kz</a> Халықаралық шахмат федерациясы (FIDE) шахматшылардың рейтингін жаңартты. Қазақстандық Бибісара Асаубаева қыздар арасында рапид және блиц категориялары бойынша рейтинг көшін <a href="https://massaget.kz/basty-zhaalytar-438/113166/">бастады.&nbsp;</a>Қыздар арасындағы "блиц" категориясындағы үздік ондыққа Қазақстаннан 4 бірдей шахматшы енген.&nbsp;Фото: instagram.com/bibisarachess/

Бибісара Асаубаева екі бірдей категория бойынша рейтинг көшін бастады

&nbsp;<a href="https://kyzylorda-news.kz/">Kyzylorda-news.kz</a> Кезінде аты дүркіреп тұрған отандық зілтеміршілердің бірі Алмас Өтешов бүгінде Алматыда күзетші қызметін атқарып жүр, деп жазады <a href="https://qandastar.kz/tanymal-ziltemirshi-almas-oteshov-kuzetshi-bolyp-zhur/?fbclid=IwY2xjawEZT_RleHRuA2FlbQIxMQABHUpZfgEenRe5jJWwtomRucwlUWKeozIisgqYSXRclptwqZl8SEkNBJuoGw_aem__v48F_XUXblwF_wHhGBOZg&amp;sfnsn=wa">Qandastar.kz. </a>Бұл туралы спортшының өзі «Уақыт көрсетеді» YouTube арнасына берген сұхбатында айтты.Әлем чемпионатының күміс жүлдегері ешкімге керек болмай қалғаны өкінішті деп отыр. Өмірін де, денсаулығын да сүйікті спортына арнаған ол талай қиындықты басынан өткізген.«Қазақта «Ер жігіттің басына нелер келіп кетпейді» дейді ғой. Қазір сондай қиындықты бастан кешіріп жатырмын.<blockquote>Менің түсінбейтінім, белгілі бір дәрежеге жетіп көтерілсең, бәрі қолпаштайды. Қателікке бой алдырып, сүрінсең, бәрі сені жек көріп кетеді. Осыны түсіне алмай-ақ қойдым. Қолымнан келгеннің бәрін істедім. 230 келі салмақты (бір бұқа) басыңнан асырып көтере салу деген оңай емес. Соны көтердік. Қазір омыртқамның төрт жерінен грыжам бар. Не айтамын, қазағымды жақсы көремін, қазақ болып туғаныма мақтанамын. Бірақ сүрінсең, ешкімге керек болмай қалады екенсің. Сол қорлыққа шыдамай Владимир Седов өз-өзіне қол жұмсады. Альберт Линдер де арамыздан ерте кетті. Кезінде үкімет бізді пайдаланды. Туды көтердік. Одан кейін ешкім болмай қалдық. Омыртқадан омыртқа, тізеден тізе қалмады», – деді спортшы.</blockquote>Әрине, ауыр атлеттердің соңғы кездері осындай халге түсуіне допинг дауы әсер еткені жасырын емес. Ол спортшылардың допинг ішетіні рас екенін, оған спорт саласындағы басшылардың өздері мүдделі екенін айтты.«Пропионат, тестостерон, станозолол сияқты гармоналды препараттардың бәрін іштік. Оны ішпесең көтере алмайсың. Таза ағзам 200 келіден артық көтеруге шамасы жетпейді. Допингтің көмегімен 230 келіге дейін болады», – дейді Алмас Өтешов.Ол сонымен қатар досы Илья Ильин де өзі де халықты алдаған жоқпыз деп отыр.<blockquote>«Дәрі-дәрмектің бәрін өзіміз жайдан-жай ішпейміз. Бізде медициналық штаб, бас бапкер, аға бапкер бар, солар береді», – дейді спортшы.</blockquote>Ауыр атлет ешқандай өтемақы алмайтынын да алға тартты.<blockquote>«Ешқандай өтемақы жоқ. Қазір Алматыда күзетші болып жұмыс істеймін», – деді Өтешов.</blockquote>Зілтемірші спорт мектептеріне жұмысқа шақырса, білек сыбана кірісуге де дайын екенін айтты. Бірақ әзірге ондай ұсыныс жоқ екен.Фото: Ашық дереккөз

Танымал зілтемірші Алмас Өтешов күзетші болып жүр

<a href="https://kyzylorda-news.kz/">Kyzylorda-news.kz</a> &nbsp;Олимпиада чемпионы Елдос Сметов 2024 жылғы Париж ойындары - карьерасындағы соңғы Олимпиада екенін мәлімдеді, - деп хабарлайды <a href="https://www.paryz.kz/kazakhstan-news/40828-eldos-smetov-cporttan-ketetinin-malimdedi?fbclid=IwY2xjawEYVWpleHRuA2FlbQIxMQABHWZrv156QLFphWd_CC_xTuyk47_5MZf9J7d7rdVVh25YGlobWk5AuW__vA_aem_6_qqH3Zf88YYB-kiupDySw">Paryz.kz </a>ақпарат порталы <a href="https://kaz.vesti.kz/olimpiada/eldos-smetov-olimpiada-altyinyinan-keyn-karerasyina-28928/">Vesti.kz</a> сілтеме жасап.60 келіде өнер көрсететін 31 жастағы балуан 2016 жылы Риода күміс, 2020 жылы Токиода қола және Парижде алтын алып, жүлделер топтамасын толық жинады.<blockquote>"Егер жауапкершілікті ойлай берсең, ештеңе өзгермейді, адам қажып кетеді, сондықтан мен тек жарысты ойладым. Бұл менің соңғы Олимпиадам екенін білдім. Менің карьерам аяқталуға жақын екенін де ойладым. Сондықтан барымды салдым. Ата-анама, отбасым мен балаларыма уәде берген едім, жеңіспен ораламын деп. Олардың сенімі мен қоладауы мені ынталандырды. Бес балам бар, менің қымбат бөлшегім, ата-анам, аға-іні мен әпке-қарындастарым. Бұл жеңісті мен бүкіл қазақ елі мен жақындарыма арнаймын", - дейді Елдос Сметов.</blockquote>Фото: kaztag.kz

Елдос Сметов cпорттан кететінін мәлімдеді

<a href="https://kyzylorda-news.kz/">Kyzylorda-news.kz</a> Қазақстандық дзюдошы Нұрлыхан Шархан Париж Олимпиадасының ширек финалына шыға алмады. Ол 1/8 финалда өзбек балуаны Музаффарбек Туробовқа жол <a href="https://massaget.kz/basty-zhaalytar-438/113055/?fbclid=IwY2xjawEYQpdleHRuA2FlbQIxMQABHYT20WUVrIXZ3Sv9GpADCfk3fi7k5fcEssePznMeYm-996IwucsU6D7LhQ_aem_CgtKcOidwhHrYw0fYSGOLQ&amp;sfnsn=wa">берді.</a>Белдесу кезінде екі қарсылас бір-бірден вазари әдісін жасаған еді. Кейін өзбек балуаны тағы бір вазари жасап, иппонмен жеңіске жетті.Музаффарбек Туробов – 2022 жылғы әлем чемпионы.Айта кетейік, Нұрлыхан бірінші белдесуінде екі дүркін Еуропа чемпионы Тома Никифоровты жарыс жолынан шығарған еді.&nbsp;Фото: massaget.kz

Нұрлыхан Шархан өзбектен шыққан әлем чемпионын жеңе алмады

Айтыскер ақын Айнұр Тұрсынбаева атақты адамдар өз өлімін сөз арқылы сұрап алғанын айтты, – деп хабарлайды<a href="https://massaget.kz/basty-zhaalytar-438/113023/">&nbsp;Massaget.kz.</a>«Сөздің киесі бар. Қыршынынан қиылған Денис Теннен «спортта қай жасқа дейін жүресің?» деп сұрағанда, «25 жасқа дейін» деп жауап берген. Оның 25-ке жетпей қаза тапқаны естеріңізде шығар?», – деді Айнұр Тұрсынбаева әлеуметтік желідегі парақшасында.&nbsp;«Оразалы Досбосынов деген алапат ақын досым көбінесе сөзді: «Атым Ораз болғанмен, Отыздан жасым аспаған, Иегін сақал жаппаған. Сүйінбаймын, Жамбылмын, Таңжырықпын, Шарғынмын» деп бастайтын…Шынында жасы отыздан аспады, небәрі 29 жасында жарық дүниемен қош айтысып кете берді», – деп тағы бір танымал тұлғаның тағдырын мысалға келтірген ол бірнеше адамның оқиғасын тізіп, баяндап берді.&nbsp;Кейін Оралдан Асылбек деген ақын бала шықты. Сол бала өзінің ең соңғы айтысында: «Бір күнде бес ақынмен, Айтысып бәрін жеңетін, Оразалының жолын бер» деп жырлаған екен. Арада көп уақыт өтпей жап-жас Асылбек тура Оразалы ағасы құсап жол апатынан қаза тапты», – деп тағы бір дерек келтірді ақын.&nbsp;Айнұр Тұрсынбаеваның айтуынша, атақты Жәнібек Кәрменовтың бір термесінде «Жалғыз шықпа сапарға, өкініште қаларсың» деген жолдар бар екен. Жәнібек Кәрменов жолға жалғыз шығып кетіп жүрегі тоқтап қалып, жол апатына ұшырап қайтыс болғанын біреу біліп, біреу білмес.«Атақты Мұқағалидың да: «Ұйықтап кетсем болғаны төсегімде, Қырықтың бесеуінде» деген өлеңі бар.. Ақиық ақын шынында 45 жасында дүниеден өткен еді”,- tдп жазды Айнұр ақын.&nbsp;Ол осылайша, сөздің киесі бар екенін, сондықтан ауызға абай болу керегін ескертті оқырмандарына.&nbsp;<blockquote>«Біз көбінесе сөзге мән бермей жатамыз. Әсіресе, ашулансақ, балаларға ұрыссақ артық кетіп қаламыз. «Өстіп жүріп бір бәлеге ұрынасың, суық тиіп өлесің, оқудан шығарып жібереді, адам болмайсың, енеңнен таяқ жейсің, басыңды асырай алмайсың» деген сияқты артық сөздерді айтып жібереміз. Исламда «жақсы сөз сөйле, болмаса үндеме» деген xадис бар. Ендеше жақсы ойлап, тек қана жақсы сөз сөйлеп үйренейік. Сонда бәрі де жақсы болады», – деп қорытындылады Айнұр айтқысы келген ойын.&nbsp;</blockquote>Фото: Yohei Osada / AFLO SPORT / Global Look Press

Қазақстан және Қызылорда облысының жаңалықтары: Спорт